234
للقصائد الحسينيه
طلعت زينب هاليوم من الخيمه
تلم ألأيتام وحدها بالهيمه
//////////////////////////////////////
طلعت وتحمل وداع بعينها
تركض وتعثر لصوب حسينها
والعساكر زينب محوطينها
وخايفه لايسمعون اونينها
/////////////////////////////////////
اجت تشكي يم اخوها حولها
اخلافه تدري شنهو اليجرالها
زينب المحد يشوف اخيالها
الشمر ياوسفه يضل يبرالها
/////////////////////////////////////
زينب الوحدها ماعدها معين
تلتفت وتصيح خويه ياحسين
تدري بعدك نمشي راح ميسرين
وراح يكتلنه الك خويه الحنين
//////////////////////////////////////
بالخرابه الليله يبيتوها
وسفه اخت عباس ويشتموها
بت علي الكرار ويضربوها
ياحسافه اليوم يجتفوها
/////////////////////////////////////
بلايه اهلها اليله تمشي للسبي
يحدي بيها اليوم واحد اجنبي
والله لو عباس لا ماتنولي
ولا عويل ايتام يمها يعتلي
/////////////////////////////////////
حجار وصياح وشتم يولونها
وسفه اطب سوك ويعذبونها
براس اخوها حسين يلوعونها
من التعب زينب تغير لونها
الخادم / موسى الزيدي
//////////////////////////////////////
ليلة الوحشه وزينب))
حايره اشلون المك حايره
مكطع ومابيك وصله عامره
///////////////////////////////////
امكطع ومتبدي ماي اعيوني
خويه من شفتك تغير لوني
كوم ليه وشوف حالي شلوني
من التعب امشي وكض الخاصره
////////////////////////////////////
جيتك بذاك المسه وبتالي ليل
وتدري اذاني السبي ياخويه حيل
مادريت مهشمه صدرك الخيل
وجيت ازور اجسادكم الطاهره
/////////////////////////////////////
جيت اركض ليك وتعبانه
وسفه كوم احسين اتلكانه
زينب انه الشوفتك لهفانه
الخيل خويه عليك اشكد عابره
/////////////////////////////////////
كلي شتحمل انه من هل مصاب
عيشتني كربله ضيم وعذاب
شفتك مكطع وصل فوك التراب
وعليتامه انه ليلي ساهره
//////////////////////////////////////
ماشفت بخيمنه من شبت النار
شلون ركضت خايفه كلها الزغار
والنهار اظلم صبح خويه النهار
وطفل يركض والك شابح ناظره
////////////////////////////////////////
وشدو احبال بأديه من مشيت
خويه اكعد كوم ليه ليك اجيت
بلايه ادريهم الك خويه اعتنيت
بيا مره يحسين كلي صايره
/////////////////////////////////////
شو سبونه وكالو امشن للسبي
خويه واليحدي بضعنه اجنبي
وانه تعبانه وعلى الناكه الحدي
والخيول علينه تفتر غايره
الخادم / موسى نعيم الزيدي
///////////////////////////////////
((الليلة ابو فاضل عليه السلام))
نزل للساحه الكمر
الجيش گدمه نكسر
ابو فاضل ابو فاضل
////////////////////////////////////
برزعباس البطل وقت القتال
نزل عل عسكر غضب يوم النزال
وضرب للخوه بوفاه اعظم مثال
ابد ما واحد عبر
الجيش كدامه نكسر
ابو فاضل ابو فاضل
////////////////////////////////////
اتلاطف الجيش امن اجه ليه الكفيل
وكام سيفه بالركب عالشط يهيل
الجيش وي ميلت الرايه ضل يميل
وصل لخيامه الخبر
الجيش كدامه نكسر
ابو فاضل ابو فاضل
////////////////////////////////////
هذا ابن ام البنين الاربعه
يطشر العسكر بديه ويجمعه
صاريم النهر يوم الفاجعه
ماشرب ماي النهر
الجيش كدامه نكسر
ابو فاضل ابو فاضل
///////////////////////////////////
الصار كدامه كطع عنده الأمل
جن علي الكرار بالحومه نزل
وسيفه يصدح بالركب خير العمل
جن علي بالطف ضهر
الجيش كدامه نكسر
ابو فاضل ابو فاضل
////////////////////////////////////
هذا العباس طب الكربله
علم العدوان معنه المرجله
الماي شنهي الماي ومايوصله
رگب بالحومه بتر
الجيش گدامه نكسره
ابو فاضل ابو فاضل
/////////////////////////////////
ياشخص عباس بعيونه يصد
اليوم سيفه يمرد العسكر مرد
والعساكر ليوره كامت ترد
بالحرب ينطي عبر
الجيش كدامه انكسر
ابو فاضل أبو فاضل
//////////////////////////////////
ماكو واحد ابد يكتب بالوفه
مثل ابو فاضل لخو بالعاطفه
وباع الدنيه وعلى الدنيه العفه
العسكر كباله انعصر
الجيش كدامه انكسر
ابو فاضل ابو فاضل
//////////////////////////////////
هذا العباس سبع الكنطره
رجع العسكر لوحده ليوره
يلملم الجيش بأديه ويعصره
الشرد من عنده نجبر
الجيش كدامه نكسر
ابو فاضل ابو فاضل
الخادم/ موسى نعيم
نسئلكم الفاتحه الى روح المرحوم والدي
////////////////////////////////////
تنزيل قصائد محرم الهذه السنه اللهم نسئلك التوفيق لخدمة اهل البيت عليهم السلام
Читать полностью…
هاي زينب هاي زينب راده
ردت المكسوره وسفه وفاكده
/////////////////////////////////////
رجعت االوحده خيمه على الضعن
والسبايه يلوذن بسدها صفن
خيمه صارت الهن الحره وطن
للعدو نقطة ضعف ما بينن
ناكه هزله الليله زينب صاعده
ردت المكسوره وسفه وفاكده
//////////////////////////////////////
ردت وتعبانه يدفعها الهوه
عذباها حسين طاح بنينوه
تدري بزينب سبيه ياضوه
الفرگتك يحسين ماظل اي دوه
وتدري من النوح ماكو فايده
ردت المكسوره وسفه وفاكده
//////////////////////////////////////
الراس اخوها زينب الحره تصد
بكلبها على الرمح يمرد مرد
تريد تمشي الراس اخوها وترد
والدهر لوعات يم زينب يعد
وماكو بس الراس هسه تناشده
ردت المكسوره وسفه وفاكده
///////////////////////////////////////
ماكو والي الليله يحرسهن غريب
بخرابه وتسمع اصوات النحيب
زينب انطت للصبر موقف عجيب
ونار فرگه اخوتها تلهبها لهيب
وبخرابه اشلون زينب كاعده
ردت المكسوره وسفه وفاكده
///////////////////////////////////////
تنظرب بحجار من فوك السطوح
وماكو بس ايتام وياها تنوح
وين تنطي الوجه والمن تروح
تعذبت وشافت انواع الجروح
على اليتامه تشوف وادم هاده
ردت المكسوره وسفه وفاكده
///////////////////////////////////////
بمجلس ال زياد هسه تنشتم
تعاين عليها العساكر والزلم
وضربو الأيتام هم عدكم علم
اطفال عدها وحايره بيهم تلم
من الرعب اطفال عدها شارد
ردت المكسوره وسفه وفاكده
الخادم/ موسى نعيم الزيدي
///////////////////////////////////////////////
تنام على الدللول متعود يمدلول
رحت عطشان للماي
ارجعت مذبوح يهواي
يغالي يغالي
///////////////////////////////////////////////////
شنهو انته والذبح
وينبت بنحرك رمح
من عسه لاجه الصبح
وبيك كلبي ينجرح
ترد يوليدي مكتول ذبيح وانته محمول
بفكدك تايه الراي
ارجعت مذبوح يهواي
يغالي يغالي
///////////////////////////////////////////////////
مثل طير وفرفحت
يمه مو شوغه شغت
كلي يايمه اشفت
من الرمح اتوجعت
كلبي وفكري مسلول تفرفح كلي شتكول
تعال هنانه وياي
ارجعت مذبوح يهواي
يغالي يغالي
//////////////////////////////////////////////////
اه يايمه الولد
وي نفس روحي صعد
گليبي عليه نمرد
فرفح وفك المهد
ييمه امك وحاجيك باب الخيمه اتانيك
السكته موش الك هاي
ارجعت مذبوح يهواي
يغالي يغالي
////////////////////////////////////////////////////////
مناطره باب الخيم
وشفت بنحرك سهم
وفرفحت من الالم
ومنحرك شفته نجسم
يعبدالله انه اتانيك الرمح اعرف بأذيك
صحت بلكي الي جاي
أرجعت مذبوح يهواي
يغالي يغالي
//////////////////////////////////////////////////////////
اهز كاروكك وحن
مخيم عليه الحزن
ماسمعت امك تون
خلافك الدنيه سجن
بعد مابيه اي حيل يعذب كلبي الليل
صحتلك وانته سلواي
ارجعت مذبوح يهواي
يغالي يغالي
/////////////////////////////////////////////////////////////
الرمح حار الصوبك
يبني صوب كل هلك
وين جانت هاي الك
الموت يبنيي خذك
أريد اتعاتب وياك تره عذبني فركاك
ابد مامنها بلواي
ارجعت مذبوح يهواي
يغالي يغالي
الخادم / موسى نعيم الزيدي
/////////////////////////////////////////////////////////////
((قصيدة السيده رقيه سلام الله عليها ))
هلي يادمعه عليها
صوط طابع فوك اديها
ويلي ويلي يارقيه
ويلي ويلي يلسبيه
/////////////////////////////////////////////////////
ويلي ياحال السبايه
رقيه نرويها روايه
الطفلله نشرح حاله هايه
من البدايه للنهايه
طفله مفتقده وليها
صوط طابع فوك اديها
ويلي ويلي. يارقيه
ويلي ويلي. يلسبيه
/////////////////////////////////////////////////////
عمه صاحت من ولوها
علجمر من ركضوها
وسفه ماموجود ابوها
والعساكر يضربوها
بلكت يمر لحظه ليها
صوط طابع فوك اديها
ويلي ويلي يارقيه
ويلي ويلي يلسبيه
/////////////////////////////////////////////////////
تركض وتعثر هظيمه
بالزمن اكبر جريمه
عاشت بحاله أليمه
فاجعتها شكد عظيمه
الحاله المن تشتكيها
صوط طابع فوك اديها
ويلي ويلي. يارقيه
ويلي ويلي. يارقيه
/////////////////////////////////////////////////////
من ولوها بلايه والي
وباتت بهميه ليالي
وللحوافر صوات عالي
وخايفه وماباقي غالي
تحشم وماظن يجيها
صوط طابع فوك اديها
ويلي ويلي. ياريقه
ويلي ويلي يلسبيه
////////////////////////////////////////////////////
بخرابه نيموها
ال أميه من سبوها
يضربوها ويشموها
براس ابوها يعذبوها
ياهو الها ويعتنيها
صوط طابع فوك اديها
ويلي ويلي. يارقيه
ويلي ويلي. يلسبيه
/////////////////////////////////////////////////////
طبت الديره رقيه
الوادم تكله سبيه
وكلها تسئل ياهي هيه
شخلت الها الغافريه
الحاله صعبه الهيه بيها
صوط طابع فوك اديها
ويلي ويلي يارقيه
ويلي ويلي. يلسبيه
الخادم : موسى الزيدي
/////////////////////////////////////////////////////
محرم 1446ه /2024م
خويه انتو جبتونه عدمن تعوفونه
وشلون لو طر الفجر
عدمن تعوفونه
///////////////////////////////////////////////////////
باجر يتامه ومحد من خوتنه
وسفه وهظيمه بكربله ونتيسر
الله يساعد زينب على المنظر
شافت اطفال وبالجثث تتعثر
شافت الخيل ادوس فوك اخوتها
ظلوع الحسين من السحك تتكسر
عباس طايح عالنهر ومگطع
وبلايه جف ولازند وموذر
والكوم يولونه بالكت تحامونه
واليوم ريته لايمر
عدمن تعوفونه
///////////////////////////////////////////////////////
كل ما اديرن عيني راسك عالي
فوك الرمح يحسين ظل يبرالي
جن راسك يحاجيني بكل ساعه
ويگلي زينب بالج على عيالي
بوليت زلم انتي مشيتي خويه
واليحدي بضعنج صفه جتالي
كل ما اكول حسين يمشي ويانه
اتذكر الميمون من رد خالي
يحسين يسبونه خويه ويظربونه
وشلنه بعد بيه العمر
عدمن تعوفونه
///////////////////////////////////////////////////////
حتركت خيمنه ومحد يطفيها
والنار تلهب وانه عيني عليها
الاطفال طشت خايفه والخدر
ورقيه ركضت والجمر يجويها
امدللتكم تنظرب ترضوها
والله هظيمه الشمر يوليها
اسياطهم صارت عليها مشابج
نسوان احنه وياهو اليحميها
كامو يشتمونه تدري ويسبونه
ماضل بعد عدنه صبر
عدمن تعوفونه
///////////////////////////////////////////////////////
تدري بخرابه اليله مبيتينه
عباس وينك خويه افزع لينه
تسمع ونين وما ترد علينه
بحماك احنه الكربله من جينه
موطبعه علينه ابد يتأخر
سهم المثلث نابت بنص عينه
مطبور راسه وبالدمه مخضب
ويم الشريعه امگطعه جفينه
والدم على عيونه ومنخطف لونه
ماعودتنه على الهجر
عدمن تعوفونه
///////////////////////////////////////////////////////
الياكتر ننطي الوجه دلونه
بكربله الوحدنه شو عفتونه
وحل الظلام وانولينه بهيمه
يم گوم ظلام وفلا رحمونه
من شافو الخدر بلايه والي
بيت الرساله كامو يشتمونه
الكفال ريته حاظر بهل ساعه
ويشوف حال الي نسبن بعيونه
هسه يعذبونه بهيمه يبيتونه
يولينه ياوسفه الشمر
عدمن تعوفونه
///////////////////////////////////////////////////////
ليل وظلام وهلدرب ياذينه
بسوك غربه خلافكم طبينه
لعيون ارماح وتصد تدريه
وتعاين الوادم صفت علينه
شبعو ضرب بحجارخويه ايتامك
وكلها تشامر والشمر ياذينه
طبينه بمجلس يزيد الليلة
بمجلسه يحسين ويسب بينه
خويه يلوعونه ومايرحمونه
وتنعصر روحي عصر
عدمن تعوفونه
الى خادم اهل البيت (ع)/ موسى نعيم الزيدي
/////////////////////////////////////////////////////
سوف بتم نشر القصائد الحسينيه لمحرم الحرام لسنة 1446ه / 2024 م / من اليوم المصادف 6/17/
Читать полностью…
اللهم صل على محمد وال محمد
Читать полностью…
الكافل كافل ايا كافل زينب
الكافل كافل ايا كافل زينب
//////////////////////////////////////////
يوم طب للمشرعه الحامي الكفيل
والعساكر كامت اكباله تميل
ويملك بكلبه الشجاعه والديل
على الشريعه سوه الماله مثيل
الكافل كافل ايا كافل زينب
الكافل كافل ايا كافل زينب
////////////////////////////////////////
بوجوده عايشه الحره بدلال
ابد ماشافلهه اي واحد خيال
بخوته الكافل ضرب اعظم مثال
بيده شال الماي ماضاكه يقال
الكافل كافل ايا كافل زينب
الكافل كافل ايا كافل زينب
/////////////////////////////////
لمن شافه الجيش يشبه حيدره
كامت ترد العساكر ليوره
وكامو يسمونه سبع الكنطره
وبيده سيفه ع الركب لازم سره
الكافل كافل ايا كافل زينب
الكافل كافل ايا كافل زينب
/////////////////////////////////////
العزب بعينه ويمنه ويسرته
من سمع عطشانه طفله وعيلته
يرجف العسكر صفه من صيحته
والجيوش العنهر ماهمته
الكافل كافل ايا كافل زينب
الكافل كافل ايا كافل زينب
////////////////////////////////////
سوه الي ماجره لمن نزل
بن علي الكرار عباس الفحل
رتل بسيفه على خير العمل
وكطع عن كل العساكر الأمل
الكافل كافل ايا كافل زينب
الكافل كافل ايا كافل زينب
الى خادم اهل البيت عليهم السلام:موسى نعيم الزيدي
/////////////////////////////////////
يا زينب الغريبه
يل قصتج عجيبه
//////*////////////////////////
بسوك وناس غربه ونولينه
بحبل مجتوفه ومشدوده ادينه
احشم بخوتي ومحد يجينه
العيون اسهام وتصوب علينه
يازينب السليبه
يل قصتج عجيبه
/////////////////////////////
تعرفه الوادم تدور شماته
شگلك طايح وضربو بناته
سبايه بلا اهل كالو خواته
وهذني الي انولن مدللاته
ما أصعب المصيبه
يل قصتج عجيبه
/////////////////////////////
ضرب بحجار جابوها النساوين
تلوذ بيا كتر وتشاگف منين
تحشم الكافل وتصيح يحسين
نروح اليا درب ننطي الوجه وين
يازينب الوحيده
يل قصتج عجيبه
///////////////////////////////////////
چم طفل انضرب گدامي وطاح
أحضرني كفيلي من الوجع صاح
واخوي بكربله امترس ارماح
حيلي من البواجي أنهد وراح
يازينب البعيده
يل قصتج عجيبه
/////////////////////////////////////
دخلنه بمجلسه وبلا حمايه
ومرعوبات جابونه سبايه
وشدينه عبايه العد عبايه
نخاف اتيه طفله بالنهايه
يازينب الحبيبه
يل قصتج عجيبه
/////////////////////////////////////
شتم وصياح جابونه الهظيمه
وزينب بس تون ايا ظليمه
على مر الزمن اكبر جريمه
نساوين وسبي وتركض بهيمه
يازينب المهيبه
يل قصتج عجيبه
الى خادم اهل البيت عليهم السلام: موسى نعيم الزيدي
/////////////////////////////////////
محرم//1445
2023/7/30/ الجمعه
اليله زينب وحشه ويسلبوها
بت علي الكرار ويشتموها
///////////////////////////////////
ساعد الله زينب بهذا المصاب
ودعت كل الاهل شيب وشباب
تحملت في كربله ضيم وعذاب
وشافت اخوتها جثث فوك التراب
وسفه زينب عل هزل يسبوها
بت علي الكرار ويشتموها
///////////////////////////////////
شلون ليل وزينب بغربه تون
ألأهلها ودارهم ضلت تحن
مخيم على عيلها ذاك الحزن
وتنظرب والسوط يحفر بالمتن
وبخرابه اليله يبيتوها
بت علي الكرار ويشتموها
//////////////////////////////////////
يا وسافه بزينب يدور الزمان
زينب المحشومه ماعدها مكان
وتحدي بيها ناس ما الها امان
شلون زينب تنشتم لاما تهان
تريد اخوها اليوم بس دلوها
بت علي الكرار ويشتموها
/////////////////////////////////////
المالمح الها بشر اصلا خيال
هسه مسبيه صفت هيجي يقال
الرابيه بعز والمهابه والدلال
اليوم متحيره بقت بأمر العيال
وگامو المسبيه ينادوها
بت علي الكرار ويشتموها
//////////////////////////////////////
بيا وكت بحجار زينب تنظرب
موقف يهز الگلب كلش صعب
بمجلس ال زياد مجبوره تطب
بين گوم بلا رحم كلها غرب
براس اخوها رادو يلوعوها
بت علي الكرار ويشتموها
//////////////////////////////////////
ليش زينب راجعه من دون اهل
شنهو غاد الي سده عليها وحصل
كالو من خوتها مكطوع الامل
على الشريعه كالو مودعه البطل
خايفه من العده يسمعوها
بت علي الكرار ويشتموها
الى خادم اهل البيت: موسى نعيم الزيدي
//////////////////////////////////////////////
((ابوذيا ))
محرم//1445ه
2023/7/24
يزينب وين وكتج غصب وداج
ع صدر حسين شفتي خيول وداج
تردين وهلج وياج وداج
ولا بحبال مچتوفه وسبيه
/////////////////////////////////////////////////////
احلفك بالذي طايح بلادين
الخواته بالسبي دارن بلادين
المشن بوليه وي حادي بلادين
تجي يحسين وتسكت رقيه
////////////////////////////////////////////////////
عراس الرمح راسه ون ولينه
من شاف انسبينه ون ولينه
نسمعه شما مشينه ون ولينه
عله گد ما سحكته خيول ال اميه
الى خادم اهل البيت عليهم السلام: موسى نعيم الزيدي
////////////////////////////////////////////////////
((قصيدة الخدمة الحسينيه ))
يا مولاي يامولاي بسجلك خدم سجلنه
////////////////////////////////////////////////////
كون على الگبر مولاي. خدامك يسجلونه
اسم خادم الك يحسين يامحلاته مظمونه
اشكم عابس تجنن بيك يصرخ انه مجنونه
ساده والخدمكم يوم بالمعشر تنجونه
يامظلوم يامظلوم فدوه لاترجعنه
يامولاي يامولاي. بسجلك خدم سجلنه
////////////////////////////////////////////////////
اليخدم ابنج الزهره مايوفيله بعيونه
ذاك العزب بصدره. وخلاهم يرضونه
شما ننطي اله مقصرين ونقدم ارواحنه دونه
خالد اسم ابو الاحرار. والشيعه يقدسونه
يامذبوح. يامذبوح عنك لا تبعدنه
يا مولاي يامولاي بسجلك خدم سجلنه
////////////////////////////////////////////////////
سفينتكم وسيعه حيل تنجي من تعناها
والخدمة لهالي البيت بالدنيه شتريناها
وحنه من الزغر يحسين قضيتكم قريناها
ومن يوم القرينه الصار مصيبتكم عرفناها
يامسلوب يامسلوب اجينه ليك لتردنه
يامولاي يامولاي بسجلك خدم سجلنه
////////////////////////////////////////////////////
العمر مايسوه حفنه تراب اذا ماينفني لجله
كل الي خدم غيره عايش عمره بالذله
ويمك ياابو الاحرار مقامات الخدم تعله
نعيش الخدمتك يحسين خليل ومنتظر خله
يا مأواي. يامأواي. منك حاشه تحرمنه
يامولاي يامولاي. بسجلك خدم سجلنه
////////////////////////////////////////////////////
باجر من يصير أحساب. ولو رادو يسئلونه
نصيح احنه خدم لحسين وخادمكم تجيرونه
ندري اليخلص بحبكم بدفتركم تسجلونه
يامحلا الممات وياك وبدربك يشيعونه
يا سلواي ياسلواي يمك بالخدم عدنه
يامولاي يامولاي بسجلك خدم سجلنه
////////////////////////////////////////////////////
خل يسجل التاريخ خل تسمعنه الظلام
بحب حسين مجنونين. وبحبه فلا نلام
لوميت يزيد يعود وينصب مشنقه وأعدام
مختارين احنه لموت. بثايت سدرتك خدام
يامهيوب يامهيوب. اعرفك ماتحيرنه
يامولاي يامولاي. بسجلك خدم سجلنه
الى خادم اهل البيت عليهم السلام: موسى نعيم الزيدي
////////////////////////////////////////////////////
بلكي نروح ونرد بالسلامه
السبي بالروحه هاي اصبح علامه
ياويل السبي يولينه اجنبي
////////////////////////////////
كومن للمشي نتحضر الباجر
اليله كل ضعنه الكربله مسافر
راح نرد سبايه ونكسر الخاطر
وماكو واحد من اخوانه حاضر
بناتك ياعلي يولينه اجنبي
////////////////////////////////////
يلا اتحضرن باجر سبايه
لو شفتن شمر يركض ورايه
جلبن عمه بطراف العبايه
خاطر كلنه نلتم بالنهايه
محد يبقه الي يولينه اجنبي
//////////////////////////////////
لوشفتن حرك بخيامجن صار
لحد تركض وتسحك على النار
ماتحمل حرك رجلين الزغار
يحركون الخيم وبلايه انذار
وماعدنه ولي يولينه اجنبي
/////////////////////////////////
لوصار الضرب منهم علمتون
اركضو بهيده عمه الاتعثرون
وأرماد الخيم يدخل بالعيون
ازغار من الفزع حكم تخافون
رجعنه ياهلي يولينه اجنبي
/////////////////////////////////
من فوك الرمح والراس يندار
ودم من منحره ينزل علكتار
وشمر يمكن نشوف عليه بحجار
الشمر كلشي يأذي النه اختار
المن نعتني يولينه اجنبي
/////////////////////////////////
باجر لو دخلتن مجلس وناس
ويجيبون يمجن راس عباس
ويسئلون عنه ذوله الارجاس
وخافن توصلنه عليه حراس
وبلايه اخوتي يولينه اجنبي
الخادم/ موسى نعيم الزيدي
///////////////////////////////////////
زينب فزعت وبليل
ما واحد فزع ليها
////////////////////////
يوم الي اجتها الخيل
وما موجوده اهاليها
اجتها وبهذاك اليل
كلها تركض اعليها
///////////////////////
ظلت حايره اليا صوب
تمشي وياهو يحميها
تعاين للخيم بس نار
محتركه شيطفيها
/////////////////////////
تحشم صاحب الغيره
تريده بس يحاجيها
ويضربها شمر بالسوط
واليضربها ياذيها
////////////////////////
تركض وبهذاك اليل
والعدوان توليها
وتشبح عن يتامه حسين
اسياط التنظرب بيها
///////////////////////
لويدري الكفيل اليوم
بالعدوان سابيها
جا يسطر بقه بالجيش
ورجعت وي اهاليها
/////////////////////////
جابوها شمر بحجار
وكلها تعاين اعليها
ودخلت عالهزل والنوك
وموعباس حاديها
/////////////////////////
صاحت ياكفيلي كوم
للايتام ارويها
من بعدك يخو زينب
الغرب اليوم توليها
//////////////////////
تصيحك يالكفيل اليوم
اكعد شوفها اشبيها
منشد الحبل بالأيد
وتشتمها اعاديها
الخادم /, موسى نعيم الزيدي
////////////////////////
عمت عيني على زينب
مسبيه مشت زينب مسبيه مشت زينب
//////////////////////////////////////////////
زينب صعدة الناكه وما وحد يحاميها
شمر بالسوط يضربها وكلها تعاين عليها
ماصرت ابد ياكو زينب تنضرب اليوم وكلها تشمتت بيها
وين الياكتر تمشي والعدوان تسبيها
مامش لا اخو اليفزع ولاوحد اجه اليها
مامربجفنها النوم ساعه تطيح ساعه تكوم حتارت هيه بالعيله
عمت عيني على زينب
/////////////////////////////////////////////
زينب ماتريد الماي للعباس عطشانه
وتمشي بالسبي وتندار بالكي تشوفه ويانه
تعاين لليجون هناك بالكت لو ترد وياك اكعد ليها حاجيها
روح الحره الك اليوم جنها حيل لهفانه
اخلافك صفت ياعباس زينب حيل تعبانه
صار اخلافك الماصار محتركه خيمها بنار وساعه العده يشتموها
عمت عيني على زينب
/////////////////////////////////////////////
خويه نرعبت الاطفال وركضت كلها بالهيمه
من شافت اجتها الكوم وشعلت نار بالخيمه
عجيبه هذا الي صار تركض كلها فوك الناروزينب حايره بيها
اجتك زينب بهل يوم تريدك بس تحاجيها
دمعها يخط على الوجنات شوف شصايرشبيها
زينب من مشت لهناك تمنت موتها وياك ولا الشمريسبيها
عمت عيني على زينب
//////////////////////////////////////////////
تمشي بدرب ماممشي وديها مگيده بحبال
مال الهودج اخلافك وياهو يعدله الي لومال
عازت الأخو عازه لخيته يصير عكازه اشلون الليله عفتوها
بمجلسهم دخلنه شلون كلهم بينه يشتمون
تهمل بس دمع العيون وعلينه العده يحجون
دخلنه بمجلس ال زياد ونظرهم للسبايه حاد وكلهم خويه شتمونه
عمت عيني على زينب
///////////////////////////////////////////////
تعبانات خويه اليوم مامر بجفنه النوم
بيتونه بخرابه هناك وعيشونه رعب وهموم
ماكو بينه ضل اي حيل للممشه بهذاك اليل چوه الجمر رجلينه
دخلنه بنص مجالسهم واهلنه زياد يشتمهم
والوسفه اليتامه هناك بسوط الشمر يضربهم
ماصرات ابد والله ومحد عايش العشناه ولا واحد فزع لينه
عمت عيني على زينب
/////////////////////////////////////////////////
رفعو روسكم بالسوك وحنه صاعدين النوك
وراس الكافل وياهن عمود بهامته مطكوك
شيتحمل كلب زينب من ضيم الجره تتعب والعدوان يحدوها
وجابوهم شمر بحجار من فوك القصر والدار
احنه سامعينه هناك العرب يضويفون المار
وسمعونه حجي اشكال ابد ياخويه ماينكال واحنه سكته ضلينه
عمت عيني على زينب
الخادم : موسى نعيم
نسئلكم قراءة الفاتحه لروح المرحوم والدي
////////////////////////////////////////////
اللهم صل على محمد وال محمد
Читать полностью…
واويلي عليها ام عون
واويلي عليها ام عون
///////////////////////////////////////////////مسبيه العقيله اليوم واويلي عليها ام عون
ولوها وعذبوها الكوم. واويلي عليها ام عون
وما مر بجفنها النوم. واويلي عليها ام عون
بس الخيل يمها تحوم. واويلي عليها ام عون
////////////////////////////////////////////////////////////
تنكل بالجدم كوه. واويلي عليها ام عون
والله بلوتج بلوه. واويلي عليها ام عون
وماظلت الج اخوه واويلي عليج ام عون
طايح صاحب النخوه. واويلي عليها ام عون
///////////////////////////////////////////////////////////
تتعثر صفت بليل واويلي عليها ام عون
مابيها بعد اي حيل واويلي عليها ام عون
شافت بعد اهلها الويل واويلي عليها ام عون
احتارت من اجتها الخيل واويلي عليها ام عون
/////////////////////////////////////////////////////////////
الليله مابقه والي واويلي عليها ام عون
ردت وبضعن خالي واويلي عليها ام عون
وراس على الرمح عالي واويلي عليها ام عون
وسفه تنسبي تالي واويلي عليها ام عون
////////////////////////////////////////////////////
الصار وياها ابد ماصار واويلي عليها ام عون
بسوك وتنشمر بحجارة. واويلي عليها ام عون
وحترگت خيمها بنار واويلي عليها ام عون
دار الوكت بيها دار واويلي عليها ام عون
/////////////////////////////////////////////////////////////
شدو ايدها بحبال. واويلي عليها ام عون
ودخلت مجلس الجتال واويلي عليها ام عون
شتموها وهي بياحال واويلي عليها ام عون
كلبها نكسر والدلال واويلي عليها ام عون
الخادم/ موسى نعيم الزيدي
///////////////////////////////////////////////////////////
واعد العباس وانطه حجايه
اليوم يجيب الفرات ومايه
///////////////////////////////
طب ابو فاضل غضب علمشرعه
يطشر الجيش علكيفه ويجمعه
خله بس الروس يمه مگطعه
هذا ابن ام البنين الاربعه
واعد العباس وانطه حجايه
اليوم يجيب الفرات ومايه
////////////////////////////////////
طبهم العباس السوح القتال
ياهو يبرزله ويجي وكت النزال
رگاب فوك اركاب كامتلك تهال
صفه درب المشرعه وسواه زلال
واعد العباس وانطه حجايه
اليوم يجيب الفرات ومايه
////////////////////////////////////////
نزل جن بركان بالساحه الكفيل
المجمع بميله الرايه ضل يميل
الكافل انطه للرجوله اعظم دليل
الصار يم المشرعه لامو قليل
واعد العباس وانطه حجايه
اليوم يجيب الفرات ومايه
////////////////////////////////////////
وصل يم الگنطره جنه ضوه
وكطع عن العسكر بسيفه الهوه
حارت اكباله الجيوش بنينوه
السيف من اعداه بلدم ارتوه
واعد العباس وانطه حجايه
اليوم يجيب الفرات ومايه
/////////////////////////////////////////
صاح اخو حسين شيال العلم
الجيش من الصيحه اكباله نهدم
والي يمه گربو محد سلم
العسكر من الخوف نصين انثلم
واعد العباس وانطه حجايه
اليوم يجيب الفرات ومايه
////////////////////////////////////////
هذا ابو فاضل تره راضع وفه
من بعد عباس ع الدنيه العفه
الليه العباس ناوي على الجفه
قدم النه بلوفه اعظم معرفه
واعد العباس وانطه حجايه
اليوم يجيب الفرات ومايه
الخادم /. موسى نعيم الزيدي
/////////////////////////////////////////
قصيدة حوار بين أبا الفضل العباس واخيه الحسين سلام الله عليهم
خويه عباس ارد اسئلك وينك
صدك طافيها المثلث عينك
حسين يحاجي عباس ويرد عليه بحساس
/////////////////////////////////////////////////////
ياهو غيرك يابوفاضل لو طحت يسندلي ضهري
انته اخيي شكد حنين وانه بهل حاله ادري
الكسره الاوله بحياتي والخذت من عندي عمري
طيحتك يم الشريعه تيهتني ونفذ صبري
ماترد عباس انه حسينك
باك من عندي القدر سنينك
شوصفك وانته الماس ويرد عليه بحساس
/////////////////////////////////////////////////////
حسين خويه الله شاهد ما اقصر انه عنك
خويه بس كلي التريده وبيه ابد ميخب ضنك
شنهي عيني وشنهي زندي ذني فدوه خويه لجلك
روحي خويه لو ردتها حسبها روحي انه يمك
كلبي عندك وانه اريد احجيلك
بحسره ولوعه تخلص ليلك
وسفه بخيل تنداس ويرد عليه بحساس
/////////////////////////////////////////////////////
يابو فاضل عذبتني من طحت يم الشريعه
وفوك هذا اللوعاني خويه اجفوفك كطيعه
وين اروحن وانطي وجهي شرد اگولن للوديعه
عايش بدلالي انته وهايه الحاله فضيعه
جيت أبهمي اريد اشكيلك
شو لكيت الألم ماخذ حيلك
الخوه بيش تنقاس ويرد عليه بحساس
////////////////////////////////////////////////////
حسين تدري انه هسه من صحت موجد انته
باجر اشلون العساكر من تجيك وانته سكته
ومامش من أعيالك احد والنهار يطول وكته
كلبي تدري ياعزيزي وياك يبره اليوم عفته
حسين خويه شلون راح اوفيلك
خاف روحي تطلع وما جيلك
وجثه تظل بلا راس ويرد عليه بحساس
////////////////////////////////////////////////////
يا دليلي الخوه شحت وانتها كلشي بغيابك
كلبي مايحمل فركتك والله يذبحني عتابك
انه شرد انطيك خويه وانته منطيني شبابك
التمت عليه النوايب وعذبت روحي بعذابك
وفوك هذا العذباني ونينك
وماكو عندك حيل حته يعنيك
الولوك اليوم ارجاس ويرد عليه عباس
/////////////////////////////////////////////////////
بعد ماضل حيل عندي حته اسولف وشكي همي
الليله الليله الأخير خويه اشبع شوف مني
موادع موادع شودع ينجرح كلبي ويردني
سلب مني دهري كلشي وتالي من عدكم بعدني
باجر اكوام العده والينك
وخنصرك مكطوع من ايمينك
وتدوسك خيل وناس ويرد عليه بحساس
الى خادم اهل البيت: موسى الزيدي
/////////////////////////////////////////////////////
((قصيدة السهام الاربعه))محرم1446ه
اربع اسهام حاوطن زينب بحيره
اربع اسهام. عذبن كلب الاميره
الله لاينطي الشمر فرهد خيمنه العصر
اربع ارماح اربع ارماح
//////////////////////////////////////////////////
اول سهم علىمشرعه صاب الكفيل بعينه
وتحيرت ضليت اون. من صوبو والينه
وطايح فلا عنده زند ولايسرته ويمنه
ومن جلجل الليل وصل بطيحته حسينه
السهم بالعين نابت وحاير بوضعه
السهم بالعين وماكو اديه خاطر يطلعه
اه ياحيره العمر الله لاينطي الشمر
/////////////////////////////////////////////////
وثاني سهم بعبدالله اجه وحز منحره كدامي
شنهوه عبدالله وذبح ويموت اشوفه ضامي
من صابه بنحره الرمح ذبححالي احس احلامي
رد بيد ابوه صوب الخيم ذابل وردنه ودامي
انه ول اه ترست عيوني الدمعه
انه ول اه انطفت من عمري شمعه
بعد ماضل اي صبر الله لاينطي الشمر
اربع اسهام. اربع اسهام
/////////////////////////////////////////////////////
وثالث سهم بحسين اخي من صوبه صاباني
ابصدره اشوفنه نبت وزيد جميع احزاني
والخيل اجت تركض اله وطايح اخيي يعاني
لا لاتحركين الرمح ياخيل هونج تاني
سحكته الخيل والرمح نابت بصدره
سحكته الخيل ونطبك صدره على ضهره
تعذبينه بهل عمر الله لاينطي الشمر
/////////////////////////////////////////////////////
ورابع سهم بخيمتي. بناره حرك دلالي
اتباوع الصوب الخيم هجت جميع اعيالي
شچم طفله تتعثر شفت. تگوم وتطيح كبالي
مامش عزيز الي سلم. من الضرب رد خالي
ريتك تشوف خويه وحدنه ولونه
ريتك تشوف علجمر من ركضونه
وليلنه ذاك اليمر اله لاينطي الشمر
/////////////////////////////////////////////////////
الله يساعدها الحرم علصاير ومر بيها
بعبر العقيله الطاهره الدمعه من تبجيها
ياهو اليكابلها ويون هليله ويواسيها
شافت رماح الاربعه. ودرب السبي ياذيها
ادير بالعين. وماكو واحد من اهلها
ادير بالعين. وماكو واحد يفزعلها
ومشت گوه لليسر الله لاينطي الشمر
////////////////////////////////////////////////////
اسئل عليها العرب هم صايرالعدهم صار
نسوان هاشم تنسبي. وطفال تركض علنار
الدار علبيت ال نبي. مامر علينه ولادار
عاشو مصيبة كربله وصارو اهلهم طشار
والله حيره مامش اليرحمهن اصلاً
والله حيره شلون رده اليوم ردن
راكضات على الجمر الله لاينطي الشمر
الى خادم اهل البيت/ موسى نعيم الزيدي
//////////////////////////////////////////////////
اللهم صل على محمد وال محمد
Читать полностью…
اللهم صل على محمد وال محمد
Читать полностью…
((تقرء نعي وكذالك شور ))
احاه ياليل السبي ليلك ابد ماينحمل
ويلاه من شفت الجسد متربع عليه الشمر
////////*//////////////////////////////////////
احاه الليله أنه حرمه وحيده بكربله
وخيام ماظلت إلي وعيالي تاهت بالفله
وعبدالله بنحره رمح وتذبحه نبلة حرمله
كل ما اصد صوب الاهل ماباقي واحد من هله
احاه ياليل السبي ليلك ابد ماينحمل
ويلاه من شفت الجسد متربع عليه الشمر
////////////////////////////////////////////////////
احاه ياليل خوتي بالحومه شو خلصو كتل
وذبلان اخيي من العطش ومذبوح ودموعي تهل
ياليل بس هون علي ليلك ابد لا موسهل
ماباقي واحد للحرم لحكونه حته على الطفل
احاه ياليل السبي ليلك ابد ماينحمل
ويلاه من شفت الجسد متربع عليه الشمر
//////////////////////////////////////////////////////
طايح كفيلي على النهر خليته وبعينه سهم
وجفوف ماعنده وزند ويلوج اخوي من الالم
ومن كثر ماشفت الجره حيلي على خواني نهدم
ولا وحد من العايله من الظرب متنه سلم
احاه ياليل السبي ليلك ابد ماينحمل
ويلاه من شفت الجسد متربع عليه الشمر
////////////////////////////////////////////////////
ياخويه من شفتك تون وضلوع البصدرك تطك
ويلاه من شفت الخيم وايتامي ماخذها الحرك
ومتونهم زركه صفت والسوط فوكاها يدك
ياخويه مانرجع سوه ونلتم ونكعد من صدك
احاه ياليل السبي ليلك ابد ماينحمل
ويلاه من شفت الجسد متربع عليه الشمر
//////////////////////////////////////////////////
واليله من كثر الرعب نركض صفينه عل جمر
واطفال رظع خايفه وتصيح من كثر الذعر
والخيل تركض عالجمع وبنصه ياخويه تمر
ورقيه فوك الي جره ياخذ تراجيها الشمر
احاه ياليل السبي ليلك ابد ماينحمل
ويلاه من شفت الجسد متربع عليه الشمر
الى خادم اهل البيت عليهم السلام: موسى نعيم الزيدي
/////////////////////////////////////////////////
لاتخلوني لاتخلوني وحدي وغريبه بكربله لاتخلوني
//////////////////////////////////////////////////////////////////
انه زينبكم هسه بين اجناب
وحالتي صعبه. والدمع سجاب
ارد احلفكم بالعصرها الباب
وكعت المحسن وصاحب المحراب
خويه حاجوني خويه حاجوني خلونه بس نلتم سوه خويه حاجوني
///////////////////////////////////////////////////////////////////
خلصت ياليل. حايره الوحدي
أمشي ويه جناب ودمعتي بخدي
والجره والصار بغيري مايسدي
مدللت عباس ويالغرب تحدي
يعمن عيوني يعمن عيوني لمن اعاين للدرب يعمن عيوني
//////////////////////////////////////////////////////////////////
انشتم ياحيف. وانضرب بحجار
والخيم ياخوي. تستعر بس نار
انه والخدر. بالفله طشار
اشتكي العباس بالجره والصار
لوتسمعوني لوتسمعوني رجعولي من عدكم خبر لو تسمعوني
//////////////////////////////////////////////////////////////////////
كبراني الضيم عمري بالخمسين
والتعب ول ٱه خذت مني سنين
حته راح الشوف ونعمت العين
وانه محتاره أنطي وجهي وين
خابت ضنوني خابت ضنوي رديت ودموعي تصب خابت ضنوني
//////////////////////////////////////////////////////////////////////
بس جمع والناس تعاين علينه
نمشي وسط السوك وشمر حادينه
والعيون ارمحاح تصوب علينه
وين اخوي الحيد وين ابو سكينه
لوتشوفوني لو تشوفوني محتاره الوذ بيا كتر لو تشوفوني
///////////////////////////////////////////////////////////////////////
موقف وحاله هايه حالتنه
چم يتيم السوط. يحفر بمتنه
وبدينه احبال ومحد يفكنه
تسئل العربان ذني ياهنه
مايرحموني مايرحموني وبعيالكم زرعو رعب مايرحموني
الى خادم اهل البيت عليهم السلام: موسى نعيم الزيدي
////////////////////////////////////////////////////////////////////////
محرم /1445ه
2023/6/25/
واويلاه يازينب واويلاه يازينب
عاينت لحسين اخوها من الخيم ماشافته
بس كسر أعظام صدره من بعيد وسمعته
////////////////////////////////////////////////////
شحال زينب واليتامه من مشت فوك الهزل
وبيدها زينب هظيمه الليله مشدود الحبل
ماكو والي باقي الها وعالخد الدمعه تهل
وسفه ما يحضر اخوها الحره لمن نادته
عاينت لحسين اخوها من الخيم ماشافته
بس كسر أعظام صدره من بعيد وسمعته
////////////////////////////////////////////////////
التمن اعليها النوايب والمصايب والمحن
عذبنها وتعبنها ومانصف بيها الزمن
زينب المهيوبه هايه الليله ماعدها وطن
حايره لحسين تمشي لو تسّكتْ نٍسوته
عاينت لحسين اخوها من الخيم ماشافته
بس كسر أعظام صدره من بعيد وسمعته
//////////////////////////////////////////
تشوف خيل ونار تلهب واليتامه مطشره
انوب فوك الصار بيها حسين حزو منحره
وجسم اخوها مسلبينه ودامي طايح عالثره
الليله اتصبر نفسها لو تصبر عيلته
عاينت لحسين اخوها من الخيم ماشافته
بس كسر أعظام صدره من بعيد وسمعته
/////////////////////////////////////////////
شافت انوع المصايب بالجره عليها وسده
مدللت هاشم وسافه اليوم توليها العده
الليله اتنام بخرابه وللبجي تسمع صده
وبس صريخ اطفال يمها ياهو منها تسكته
عاينت لحسين اخوها من الخيم ماشافته
بس كسر أعظام صدره من بعيد وسمعته
///////////////////////////////////////////////
من مدينه لعد مدينه اليوم زينب تنسبي
وگوه من كثر النوايب بالمشي تدبي دبي
والشمس والحر عليها غير الوان العبي
الغير بزينب شكلها راس اخوها وطيحته
عاينت لحسين اخوها من الخيم ماشافته
بس كسر أعظام صدره من بعيد وسمعته
//////////////////////////////////////////////
كربلا شعندج مصايب چم كلب بيج انجوه
حيريتيها العقيله بهايه عملة نينوه
حسين والعباس طايح ياهو اليشيل الوه
بس جسد تمشي وكلبها يم اخوها عافته
عاينت لحسين اخوها من الخيم ماشافته
بس كسر أعظام صدره من بعيد وسمعته
///////////////////////////////////////////////
رجعت الحره العقيله وبعمر خمسين عام
راسها ابيض والمصيبه ضاگت انواع الظلام
اجت مهظومه العقيله شلون تشتمها اللئام
وهيه اخت حسين تعرف شنهو اخوها ونخوته
عاينت لحسين اخوها من الخيم ماشافته
بس كسر أعظام صدره من بعيد وسمعته
////////////////////////////////////////////////////
والله مامحسبوه زينب تنسبي هيج وترد
وعليتامه وحال اخوتج ينمرد گلبج مرد
تنسبي بين القبايل والقبايل بس تصد
ورغم كل الصار بيها يزيد زينب ذلته
عاينت لحسين اخوها من الخيم ماشافته
بس كسر أعظام صدره من بعيد وسمعته
الى خادم اهل البيت عليهم السلام : موسى نعيم الزيدي
////////////////////////////////////////////////////
اللهم صل على محمد وال محمد وارزقنا خدمة اهل البيت وشفاعتهم
Читать полностью…