الناشر احمد الفاطمي

19 October 2026 08:05

يمه يمه يا يمه

&&&&

وكت الليل من اتسامر وياچ

مــــن نگعد ســــوه بالمغربیه

اقبل ايـــدچ وارتاح وارتاح

حیل ارتـــــاح مـــــن تلـــزم ادیه

يمه وشوفتچ صحه من الامراض

عــــلاج ومــــــا لگیته بصیدلیه
يوجه العافيه  يكلمه الدافيه  اعله ايدچ غافیه

العوافي
يشمعة دارنا    يسر خطارنه  شغلتي افكارنه

ييمه

&&&&

اذا موجوده امـــك خلها بالعين

امـــك كنز ظل حافــــظ عليها

من تدخل البيت اخذ النصيحات

طالع طــــاب ظــــل قبل اديها

الما تلگاه یم الناس موجــــود

عنده الوالـــده وموجود بيها
اذا تدعيلك  يرد كل حيلك  صباح وليلك

وجودچ

اموت بدونچ حياتي عيونچ  ييمه شلونچ

ییمه

&&&&

مـــا مــــر بينه خطار بغيابچ

ميته الهلا من يوم المشيتي

مــــــا يدخل نفس للريه هيهات

فقط بس امي تدخل هي ريتي

راسي انترس شيب وانه مرتاح

مو من ضيم شفتچ شیبیتي
حنان چفوفچ   امان انشوفچ  کبر معروفچ

امانه
هوه بأنفاسي  يتاج براسي  تريدچ ناسي

ييمه

&&&&

احچي ويه الصور ما تحچي وياي

خالي البيت وانتي بنص الگبـور

مــــا اللام لمــــن انحب اعليچ

اون انه اعله امي وابچي معذور

قبل دمعات امي بس للحسين

تبقه بثوب الأسود وكت عاشور

تسوي قرايه  تكض الرايه  وعزاء ملايه

مجالس
دمعها لزينب  تون وتنحب  مجالس تنصب

ييمه

&&&&

عساچ بخیر یـــــم الخیر تبقین

ومن عمري اعله عمرچ يالحنينه

اون اعلــــــچ حتى انهار والليل

ابنــــــچ ياهــــــو يسكت ونينه 

اذا مــــــا بيچ جیه یمه للدار

بلكت بالحلـــــــم يمه تجينه
علاج الروحي  وطبيب جروحي الچ کل نوحي

ونحيبي
من اشوف الصوره  النفس مكسوره  تون مجبوره

ييمه

&&&&

علي جبار الكعبي

الفاتحه لوالدي

الناشر احمد الفاطمي

18 October 2026 20:17

فاطمه انه علي

&&&&

گعــــد یـــم الگبر حماي الحميه

مختنگ بالعبره ودمــــوعه جريه

انه ابو الحسنين يالزهره الزجيه

شلون شلتچ للگبر فاطــــم بدیه
يا بعد روحي وهلي

&&&

انه يــــم الگبــــر خلیني اسمعچ

فاطمه شخبارچ وشخبار ضلعچ

احچيلي يم الحسن هسه شلون وضعچ

شلون ما احمل واشوفن انه دمعچ
ياهو بالدنيا الي

&&&&

اقره يم اللحد ما اسمع جوابي

اني داحي الباب بس احترگ بابي

شلون صارت فاطمه تحمل غيابي

خاف اعتاب خاف ويجرحچ عتابي
دمعتي هسه تهلي

&&&&
علي لا مو الاولي تعبان حيله

انه يم الگبــــــر گاعد واشتکیله

انه غير الدمع مــــا املك وسيله

اني بس ادمــــوع ابچيلچ قلیله
همي لا ما ينجلي

&&&&

انه ما امشي اعله طولي محني ظهري

مختنگ بالعبره فاطم حيل صدري

ردت يم گبرچ بعد یا يا ريت گبري

انه اول شخص دافن حتى عطري
بعد بالدنيا شلي

&&&&

احچي وي البير والحسره بدليلي

انه خـــــل ودافـــــن بأيدي خليلي

الليل ياخذني ويردني بدمعي ليلي

فاطمة وتغيــــرت تعبان حيلــــــي
فاطمه انه الولي

&&&&

علي جبار الكعبي

الفاتحه لوالدي

الناشر احمد الفاطمي

18 October 2026 09:51

يابعد اسمي.. الشوگ بدمي
كل جمعه التمر بيه
ومامش بيها الك جيه
للسهله اعكد النيه
واتاني.. واتاني
////////////////////
شوگي تعده.. كل المده
وبقيت احسب واتاني الجيتك هواي
لا سهله ولا.. كل سامرا
وبلكي الله واشوفك بيها مولاي

جاي.. گالو ومناطر
جاي.. واعلينه تناظر
جاي.. بس من ياحافر
تعبناك

باقي اتلفت.. روحي اختلفت
منظف گلبي ومتاني
باسمك يلهج الساني
صرت هسه بشر ثاني
واتاني.. واتاني
/////////////////////////
وديت هواي.. وردك ماجاي
وبقيت مناطر المرسال منك
طگ گلبي وطگ.. مولاي الحگ
ماريدن حياتي اتصدني عنك

وين.. واحدنه تفزعه
وين.. مولاي بدمعه
وين.. نلگاك الجمعه
ماشفناك

جا وين الكاك.. خذ بيدي وياك
ضلت عيني بلكوفه
بيتك بيها معروفه
نورك ليمت نشوفه
واتاني..... واتاني
///////////////////////
اتلفت ضال.. مثل الجتال
بين الوادم انا دوريتك
انشد عنك.. ومااشوفنك
من ذنوبي شارد ليك اجيتك

هواي.. تلجمنه القصه
هواي.. لجمات وغصه
هواي.. ضيعنه الفرصه
وبعدناك

بعيون تهل.. أسف عجل
أخجل واندم هوايه
اخذ عقلي أعله گد رايه
بحبك رافض الغايه
واتاني.. واتاني
////////////////
گلبي متانيك.. وانا مأذيك
ياخذني جدمي الكل رذيله
مااعرفك زين.. يلتسوه العين
الخادم اليجفي أمامه مايجيله

هاي.. دنيانه التغري
هاي.. أخطائي وادري
هاي.. روحي وكل عمري
خذني وياك

تزلف عيني.. وتصحيني
رغم ذنوبي التعبك
بفعالي الجم كلبك
بس والله احبنك
واتاني.. واتاني
/////////////////
هايم بثنين.. حبك وحسين
من اشتم دفو الحضره اشمك
مايهده البال.. وتراده الحال
كحل عيني فدوه بأثر جدمك

راح.. ابقى انا انتظرك
راح.. ماازل عن دربك
راح.. بجروحي احبك
وماانساك

كل ايامي.. وكل احلامي
منك نضره رايدلي
عابر جيل البحلي
الشيب الرمشي واصلي
واتاني.. واتاني
/////////////////




امجد عداي الزيدي

الناشر احمد الفاطمي

16 October 2026 22:36

بندرية

طالع گمر    يا هيبته
وينثر ضوه   من وجنته
جاسم هلا  بحرز الخيم
تغار الشمس  من كشخته

جاسم   تسبيح الزهره اعيونه
جاسم   امه اتخاف ايحزدونه
جاسم   احلى من العالم لونه

حروفه اخيام  ..... يا جسام
،،،،،،،،،،،،،،،،،،،،،،،،،،،،،،،،،،،،
اجمل اسم   واجمل بشر
نور السمه    بوجها استقر
لو شافته     العشگت نبي
تگطع اله     ايد ونحر

جاسم   صاغه الله الخيمة زينب
جاسم   شاب وبالحومه امرتب
جاسم  ايتعب الدنيا وما يتعب

رفعت هام ..... يا جسام
،،،،،،،،،،،،،،،،،،،،،،،،،،،،،،،،،،،
من كل كتر   بالطف لمع
لون النبي    بلونه انجمع
تنست اضن  امه بشمس
وهيجي حلو   كلش طلع

جاسم    محلي الكون اشمحلاته
جاسم    طلسم اسمه الخيماته
جاسم    وارث حيدر صولاته

أمحير اقلام ..... يا جسام
،،،،،،،،،،،،،،،،،،،،،،،،،،،،،،،،،،،،،
جنه علي  وكت الغضب
يعرگ غزل   كل ماتعب
هاذ الشبل   من هل اسد
مثل الثلج   بس بيه لهب

جاسم   يرعب صاعد عالمهره
جاسم   معلگ حرزه من الزهره
جاسم   طبهم يازلمه ايگدره

شد حزام ..... يا جسام
ابوفايز الرافضي

الناشر احمد الفاطمي

16 October 2026 12:03

اخذيني وياج ياشمعت البيت اخذيني وياج
ما اگدر انساج لا يم الحسين ما اگدر انساج
......................
يالشايله ومامش رجه ليه ترجعين
فراگج والهموم التجي تلگاهن منين
الكسروني هسه بفرگتج ياضي العيون
باجر ييمه ابكربله يكسروني بحسين

يذبحني فرگاج ياراحت البال يذبحني فرگاج
،،،،،،،،،،،،،،،،،،،،،،،،،،،،،،،،،،،،،،،،،
موحش ييمه ومضلم وماينطب الدار
مثل الدواوين الولا يلفوها خطار
يالعفتي زينب للهضم وجروح الايام
بالفرگه ضليت احترگ جن گطنه بالنار

يايمه وداج هاذ الزمن وين يايمه وداج
،،،،،،،،،،،،،،،،،،،،،،،،،،،،،،،،،،،،،،،،،
ياحيل باقي وفرگتج شمسويه بالحيل
خليتي حيدر يم حسن من يمشي يميل
ايده اعله ضهره وعالوجه مطبوع النگاب
يافاطمة انته اول شمس شيعها باليل

متوسد حذاج خليتي حيدر مترسد حذاج
،،،،،،،،،،،،،،،،،،،،،،،،،،،،،،،،،،،،،،،،
باجر وحيده ابكربله وتهضمني الجروح
وحسين اشوفه اعله الثرى من المگفه مذبوح
بجفوفي المه ويرجع يطشرنه الخيول
ومن يا كتر تطلع تره تتحير الروح

عالتله ونخاج حضريني يمه عالتله ونخاج
،،،،،،،،،،،،،،،،،،،،،،،،،،،،،،،،،،،،،،،،،
هاي انه زينب والدمع عالوجنه مخنوگ
بگبرج وريد احجيلج اعله الخيمه والنوگ
عگبج اضل ابلا ولي ويسبوني للشام
من تالي يمه مجتفه يدخلوني للسوگ

يافاطمة رباج يسبونه للشام يافاطمة رباج
ابوفايز الرافضي

الناشر احمد الفاطمي

15 October 2026 12:35

اصبر يا علي الكرار اصبر واكتم الحسرة
صبرك بي مصير الدين من تستشهد الزهرة
ــــــــــــــــــ
أوصيك بوصية موت اكتم يا علي بصدرك
احفظ دينك بهاليوم فوض لله كل امرك
صعبة يا ابو الحسنين الله يعظم بأجرك
من تستشهد البضعة
تجري عيونك الدمعة
لمن تنطفي الشمعة
دارك يحترك والباب يصبح بالحرگ جمرة
ــــــــــــــــــ
سيفك يا علي المذخور باجر يومه من يبدي
ثار الزهرة يالكرار لآخر مابقى بولدي
من نسلك يبو الحسنين باجر يظهر المهدي
يظهر وارث الكلمة
من عدنة يجي علمة
هوه يصفي هالأمة
يقطع دابر الكفار من يظهر غداً بأمرة
ــــــــــــــــــ
ياحيدر يحامي الجار عمرك تفزع لجارك
بس ما تفزع الجيران ياحيدر عله لديارك
يا نار الاشد اعليك نار المحنة لو نارك
بصدرك يشتعل قلبك
الله يعينك لتعبك
مقتل فاطمة يعذبك
صبرك بي مصير الدين من تستشهد الزهرة
ــــــــــــــــــ
شيعها بظلام الليل يا حيدر علي بسكتة
وخفي الزهره عن العين واصبر واكظم الشفته
گبر البضعة يا ضرغام ما يندله بس انته
بيها حكمة يا حيدر
تخفي فاطمة الكوثر
گبر البضعة وسط البر
عن لا ينحفر بعدين اتباع الجهل كثرة
ــــــــــــــــــ 
مِنِ تغَسِل الزهراء جفنها بعبايتها
واصبر يا علي بكل حال مو سهله مصيبتها
خلي المحسن المقتول يمها وتهده ونتها
لو شفت الضلع بيها
من تبجي تبجيها
محنة وانته راعيها
الله يصبرك بلحضات ايدك توصل الكسرة
ــــــــــــــــــ
تقتل في سبيل الله يجري من الصدر دمها
صبرك يا علي الكرار صبرك وانته مو يمها
لمن تنعصر بالباب فضة من تحشمها
مقتل فاطمة يهدني
يا حيدر يألمني
اول وحدة تلحگني
ومن بعد الزجية تموت انته يا علي بطبرة
ــــــــــــــــــ 
دارك ظلمة من تصير ظلمة تخلص ايامك
حيره حيرتك بأمرين بين الزهرة و أيتامك
هاي اوصية الك يا حيد حدما  ينطبر هامك
لمن تسمع وصيتي
أمر الله بأهل بيتي
هذا لديني تضحيتي
كل محنة لجل هالدين لمن تبتلي العترة
ــــــــــــــــــ 
الشاعر زين العابدين الشمري 

الناشر احمد الفاطمي

14 October 2026 22:46

يأم الحسين - كومي لحسين
لا تروحين - ياضوه العين
حسين عكبج حاله يكسر خاطر
وكام يتراوالي يوم العاشر
———
يمه كولي شلونج
فدوه فكي عيونج
وين اروح بدونج
مالي واهس بالعمر

حالي يكسر خاطر
جنه يوم العاشر
بصدري دايس حافر
واعتنه اعليه الشمر

يمه العيشه عكبج لذه مابيهه
من هسه البجي لعيوني عاميهه
عيشه بلايه ام ماريد اظل بيهه
حلات العيشه وي امك تكضيهه

دمعي سجاب - عيني ع باب
كاسر اضلوع - اعظم امصاب
—————-
بلكت الله ومو صدگ
ما تصير ونفترگ
يابعد كلبي اليدگ
فركتج تكسر ظهر

جلمه فدوه احجيلي
زينه بس گليلي
خلي يرجع حيلي
يمه دلالي انفطر

غير انه العزيز العندج امدلل
يمه الفرگتج سويلي صورة حل
الخضار بروحي ظل يصوفر ويذبل
فاركني الهوه وبرجعته اتوسل

خنكه بالروح — هاجت اجروح
الفارك اعزاز - سلوته النوح
————
نطيتي حل وروحي
وين أطيب اجروحي
منو يسكن نوحي
خلاف عينج يام حسن

جنت عندج غالي
شوفي عكبج خالي
كلشي عكبج خالي
جنتي لعيالج وطن

يا راحة دليلي من التعب والهم
جفني اعله السهر والمدمع اتحزم
طشت كعدت العصريه ما تلتم
خنگه الدنيا صارت عگبك شنشتم

ذيج الايام - صارت احلام
الكعدتي وياج - كلبي محتام
—————
اخ يا كعداتنه
اخ يا ضحكاتنه
الموت طب بيناتنه
والشمل طش الشمل

حلم صارت راحتي
كون توصل ساعتي
الصخر يبجي الحالتي
من دمه دمعي ايهمل

افتحي عيونج وبعيوني خليهه
احفظي ارسوم وجهي ولا تضيعيهه
رسومي الحلوه التخبل معانيهه
من دوس الحوافر ما تعرفيهه

فوكي الخيول - تلعب اتجول
صدري ينداس - راسي مشيول
——-
الخادم موسى البطلي

الناشر احمد الفاطمي

14 October 2026 22:46

لسان حال امير المؤمنين ع مخاطب الزهراء ع
———

نفسي على زفراتها محبوسةً
ياليتها خرجت مع الزفراتِ

لا خير بعدكِ بالحياة وإنما
ابكي مخافةً ان تطول حياتي

لا ادعو ربي صحةً لا راحةً
يدنو الممات دعوته بصلاتي

كمت ادعي الله بدمعتي -
لو رحتي ياخذ عمري
محتار الامحير الزلم -
وين امشي عكبج مدري
شيب اليهم يهدم عمر
مو مثل شيب اليكبر
كل الخلگ تشتم هوه
بس انه خنگه بصدري

عكبج
يصعب حالي - يأم اعيالي
راحة بالي - راحت مني

حيلي
وشل حيلي - فدوه ادعيلي
يخلص ليلي - بحزني اوني

فاطمتي حبيبتي فاطمتي حبيبتي

——————
ما اقسه قلبي قد دفنتو حبيبتي
ودفنتو ايامي و أُنسي وراحتي

ناديت من في القبر هل من عودةً
فاجابني وجه التراب لندبتي

انسيتِ من كان الرفيق لحيدرٍ
من غيرُكِ ياتي ويملأ وحشتي

لا بيت ينطب واستجن —
بعدج تشتت حيدر
من غمضت عينج بدي —
كلشي بحياتي اتغير
كوميلي مابيه بعد —
من ألهوه اعثر كمت
ماجني قتال العرب —-
ع الگومه صاير مگدر

وينج
ياضي عيني - شو عفتيني
خليتيني — وحدي امحير

كومي
ترسي عيوني — كولي شلوني
ذابل لوني — حالي اتغير

فاطمتي حبيبتي فاطمتي حبيبتي
—————

ابكي على من تأتي وقت مصيبتي
وتكون لي انسآ وتجبرو كسرتي

اشكي لها ضيمي وابكي عندها
وتقول لا تبكي وتمسح دمعتي

والله لو يرضه الاله لقلتها
الموت ظلمآ يعتني لأحبتي

الموت ما يرهم على
ابنادم تحس بي راحتك
العدله كون ويا سوه
ساعة مماته وساعتك
مو حلوه من تفكد بشر
كبلك ولا يشتم هوه
هنا تحس روحك عشت
وي ناس بس مو مالتك

راحن
احله ايامي - وكل احلامي
بس الامي — و كلبي وهمه

حيدر
يكسر خاطر - يبجي وحاير
وحده ايكابر — محد يمه

حبيبتي فاطمتي حبيبتي فاطمتي
——————

مالي وقفت على القبور مسلمآ
قبر الحبيب فلن يرد جوابِ

احبيبُ مالك لا ترد جوابنا
انسيت بعدي خلت الاحبابً

قال الحبيبُ وكيف لي بجوابكم
وانه رهين جنادل وترابِ

معقوله عشرتنه انتهت
ضلن همومي وحزني
تدرين واصله مرحله
من الهوه ريتي تبزني
كوميلي مليت وعلي
مولحت حتى عيوني
صحبان نسهر للصبح
انه ودموعي وحزني

كومي
الخاطر حيدر - يمشي ويعثر
قالع خيبر - ينهض كوه

بيتج
خنكه بدونج - عكب عيونج
ويريدونج - ولدي وهوه

فاطمتي حبيبتي فاطمتي حبيبتي
———————
الخادم موسى البطلي

الناشر احمد الفاطمي

14 October 2026 22:46

يا بير الأسرار …. تدري بحالي شصار
راحت منّي شمعة بيتي … راحت زهرة كل احلامي
يمك ما جاي انا اتروّه … انا لشوفة فاطم ضامي


1@
راحت فاطمه الزهره … راحت بسمة اعيوني
يمك راح افك حزني … لحد ما تنشف اجفوني
زينب و الحسن و حسين… اخافن لا يشوفوني
لازم انـــَه اصبّرهم … مو همّه اليصبروني


زينب تبچي اعيون … بهاي الحاله اشلون
موت الزهره هدّم حيلي … و هدّم خاطرها و مكسوره
و لو حل موعد طبرت راسي … لشام اتروح و مأسوره

2@
بس انته الشفت دمعي … و خنگة عبرتي و نوحي
متهمني بدر و حنين … فاطِــم اَعَـظم اجروحي
و لونّ تِسألني عن حالي … بيدي شيّعت روحي
بعد فاطم الحسن مسموم … وأسم احسين مذبوحي

و ادور الأيام … اا يا هضم الشام
زينب يا وادم مسبيه … تدخل لشام بكسرتها
و حتى الناگه تنوح و تبّچي … من تنظر خنگة عبرتها

3@
يحيدر ريت تعذرني … و منك اسمع المعذور
لا أكدر اصبّر بيك … و اداوي قلبك المكسور
وما طفَيت ذيچ النار … و باب الزهره جمره يفور
بير و انَه من احجار … ما بيّه طبع ناعور

لو اكدر مولاي … چا حزمّت الماي
و نطفّي الباب الّي احترگت … ونخفف لوعات امصابك
موت الزهره هدم حيلك … مثل النار الهدّت بابك

4@
زاَد الماي بدموعك … و هذا اعظم شرف عشته
بير و اسمي مابي صيت … يحيدر أنّته كبرته
كل گطرة دمع منك … تنزل روحي شابگته
الوجع متمدد بروحك … معقوله علي أنّته

ما يبرد هل نوح … الزهراء ابلا روح
اندفنت يا ناس بكسرتها … و بالخد ضلّت ذيچ السطره
الجانت لو مر معتاز الها … تعزبله و تنطيهه الكَمره


5@
يبير ألّي يعَذَبِ الروح … كسَرِ الضلع حسيتّه
شفته محدب و مكسور … و لضلوعي تمنيّته
و بل بسمّار قلبي انهار … و ابنص قلبي يا ريَــته
حالي حال الذّي ينظر … و گدامه وگــع بيتـه

قلبي و بيتي انهار … مو انَــه الكرار
ما تقبل تنشف دمعاتي …. و الريّه اختنگت بالعبره
تضل للمحشر هاي احزاني … مو شي هيّن موت الزهره


الشاعر مصطفى ثامر الحلفي

الناشر احمد الفاطمي

14 October 2026 09:30

‏مقطع صوتي من اللهم صل على محمد وال محم

الناشر احمد الفاطمي

14 October 2026 08:27

فاطمه انه علي
&&&&
گعــــد یـــم الگبر حماي الحميه
مختنگ بالعبره ودمــــوعه جريه
انه ابو الحسنين يالزهره الزجيه
شلون شلتچ للگبر فاطــــم بدیه

يا بعد روحي وهلي
&&&
انه يــــم الگبــــر خلیني اسمعچ
فاطمه شخبارچ وشخبار ضلعچ
احچيلي يم الحسن هسه شلون وضعچ
شلون ما احمل واشوفن انه دمعچ

ياهو بالدنيا الي
&&&&
اقره يم اللحد ما اسمع جوابي
اني داحي الباب بس احترگ بابي
شلون صارت فاطمه تحمل غيابي
خاف اعتاب خاف ويجرحچ عتابي

دمعتي هسه تهلي
&&&&

علي لا مو الاولي تعبان حيله
انه يم الگبــــــر گاعد واشتکیله
انه غير الدمع مــــا املك وسيله
اني بس ادمــــوع ابچيلچ قلیله

همي لا ما ينجلي
&&&&
انه ما امشي اعله طولي محني ظهري
مختنگ بالعبره فاطم حيل صدري
ردت يم گبرچ بعد یا يا ريت گبري
انه اول شخص دافن حتى عطري

بعد بالدنيا شلي
&&&&
احچي وي البير والحسره بدليلي
انه خـــــل ودافـــــن بأيدي خليلي
الليل ياخذني ويردني بدمعي ليلي
فاطمة وتغيــــرت تعبان حيلــــــي

فاطمه انه الولي
&&&&
علي جبار الكعبي
الفاتحه لوالدي

الناشر احمد الفاطمي

14 October 2026 06:09

شور وگفه لمولاتي الزهراء
يا گلبي شتريد


يا گلبي شتريد.
انت بنعمة ما منها.
تعنى الزهره محسنها
تون جي ما رضو ونها ومكسور لكسرها
يا گلبي شتريد
عوف الدنيا وي همها
انت الزهره خادمها
مــقبــول بــمـاتـمـها ويصدلك نظرها

وين تـريد تـمـشـي وناوي لاوين
جبيره النعمه بجفوف ام الحسين
مــا تـلــگه مـثـلـها گـلــبـي بالكون
تروح وتمشي عنها بغي السنين


يا گلبي حٓــاذر تنـخدع تنسى الزجيه
تنسى المأسي والضلع وحامي الحميه
يدفن زهرته بالدمع. وبگلبه حسره
محسن يذكرى وينفجع. فوگ الوطيه

بالك ترى تنساها
يا گلبي ضل وياها
.................
يا گلبي شتريد
ليا ديره توديني
تلون دنيتي بعيني
يم الزهره خليني ارحم منها ماكو
يا گلبي شتريد
بهاي الدنيا نتغرب
من كأس الوهم نشرب
وعلينا أم الحسن تغضب يقبل بينا ياهو


احنا بلا عطفها بلايه عنوان
نضيع ومأوي ما نلگه ولا مجان
باب الرحمه فاطم دومه مفتوح
مالك شان گلبي منها كل شان

انت رخيص وفاطمة. رفعت مقامك
جان الثمن منها دمه قلل كلامك
هو انت شهني مقدمه. يا گلبي الها
بالك ضميري توهمه. اوفي بهيامك

عادي الذي عاداها
يا گلبي ضل وياها
.........................
يا گلبي شتريد
انت بخيمة الزهره
ومن اعداها تتبره
وعايش لوعة العصره ومن جتفو وليها
يا گلبي شتريد
منها ما يصح أمن
مأوى صارت ومسكن
وانطت بابها ومحسن ودلتنا عليها

شمقدمين الها غير الدموع
وهي امقدمه ابنها وانطت ضلوع
حتى نبقى يمها شاگفت نار
افهم يا گلب ضل ونها مسموع

كسرو ضلعها بالحقد. عيش المصيبه
من عدها راح اخر ولد. فاطم غريبه
وگلب العقيله ينمرد تنظر دماها.
تشاهد يدفعون الورد. هاي العجيبه

وتبجي على مبجاها
يا گلبي ضل وياها
..................
يا گلبي شتريد
ضل عايش مأسيها
سراب الدنيا والبيها.
ترى بس الدمع ليها صدگ والباقي جذبه
يا گلبي شتريد
جرب من بشر اطلب
وارحل شرق وغرب
تفهم لمن تجرب ضياع الدنيا دربه


جرب غيرها يا گلبي وتشوف
ترجع نادم الها تبجي ملهوف
گدرك راح تعرف لمن تروح
أمان تشوفها وكل البشر خوف

ماتت شهيدة بجف بغي. ام الهواشم
ولجلك حبل يلزم علي وتنظره فاطم
وانت تروح بلا وعي. لعالم ضياعك
يا گلبي ضج ام النبي. يسطرها ظالم

خلف الجذع خلاها
يا گلبي ضل وياها
...............

حسن يونس التميمي

الناشر احمد الفاطمي

14 October 2026 06:09

((ذمةّ لله))


فــــــــــي ذمةّ لله ذمتچ
معگــــوده بجروح القدر
يــــــــابت محمد دمعتچ
مـــو للضــــلع بس للنهر
لمن بچيتي اعله الحرگ
للخيمه دمعــــــات القهر

للخيمه چان مصابچ
حـزنچ فلا يم بابـــچ
بس محسنچ بعتابچ .. يازهراء

هذا الأثــــوم إينادي
حرگوها روح الهادي
وياصيحتچ يــــولادي .. يازهراء

وبراس ابوكم مو حزن ومطشر الشيب
بيت الخجل وألي اجو ماعـرفو العيـب

يازهراء ...

"""""""""""""""""""""""""""""""""""''''''

مـــات بسكوته بدمعته
وعيــونه بمصابه تصب
عالبـــاب وتصد نضرته
وعالبلب آثـــــار الغرب
مهضومه حيل ارويحته
المثله ساكت مو صعب

وماتت زهرته بهيده
وغلسها حـيدر بيده
وصار الدمع ترديده .. يازهراء

شَيـــع حــــياته وروحه
دنيا وصـــفت مذبوحه
وملچومه ويلي جروحه .. يازهراء

شايل نعشها بيا متن مـــابي بعد حيل
يتوچه بمتون الحسن وياحسرته الويل

يازهراء ...

"""""""""""""""""""""""""""""""""""''''''

غابت مثل شمس الضحى
ومــن الگبـــر رد منكـــسر
مطحون چن طحن الرحى
محـــــد عـــلى بيتـــك يمر
يــــاهــــوّ القـــرالك فاتحه
يــــاحـــــيدر وراح العـــــمر

راح العمر بعيــــونك
وضيم وتعب بمتونك
محـــد يگول شلونك .. يازهراء

محــــــد بحس ابحالك
ومكسورةّ تبچي اعيالك
وچلمه صفت نص بالك .. يازهراء

وتسلـــم ومحــد يرد صــــعبه شكثر هاي
حالك غده بجرف النهر بس ماشرب ماي

يازهراء ...

"""""""""""""""""""""""""""""""""""''''''

متغربه روحـك ياعـلي
وعيونك تسولف حـزن
يـــــاجمره شايل يـاولي
ياصفنتك گامــت تــون
تسمع صدى ينادي هلي
يمكن غـــريبه ألي تحن

ترسم خِيَم بفكارك
ترسم ونــارك نارك
بيرك طفح بسرارك .. يازهراء

ترسم هزل بنفاسك
وعالمشرعه عباسك
شاب ويشيب راسك .. يازهراء

وتشطب على اسياط العده بمتون الزغار
بس انته تـــــــدري بالقصر ياحيدر شصار

يازهراء ...

عبد زينب
محمد الابراهيمي

الناشر احمد الفاطمي

14 October 2026 06:09

البجفوفه قالع خيبر .... ما يصعب اعليه عسكر
لومه الوصيه كَيدت جفينه
جا ماكو واحد يوصل ام حسينه
.......
؛١
مشهور حيدر بالمعارك أسمه
اليدناله يرجع على طوله امدمه
المن سيفه فر ربعه تحسبه زلمه
جا غير حيدر هوه ياهو ايلزمه

ما تنجرع سطراته .... الاول علي بصولاته
ما واحد ايردهه سَطرت ايمينه
لومه الوصيه كَيدت جفينه

......
؛؛٢
تتراجف اكَباله الزلم بالحومه
والشاهد ابن العاص ذب اهدومه
كل صوله يدخلهه علي محسومه
اليدخل نزال اوياه آخر يومه

حيدر جبيره اصروحه .... اليدناله بايع روحه
كبل المنيه ايشوف موته بعينه
لومه الوصيه كَيدت جفينه
......
؛؛؛٣
فارس عظيم اتهابه كل عدوانه
يا ويلهم لو سرفناهه اردانه
ماغيره بالكلفات يصرخ انه
وبركَاب خصمه ما خطه نيشانه

ضرباته ميثنيهه .... كلهه تسولف بيهه
متعجبه بيهه الدنيه كَبل اسنينه
لومه الوصيه كَيدت جفينه
.......
؛؛؛؛٤
حيدر مثل بركان تلهب ناره
مايسكت اعله العيله ياخذ ثاره
لومه الوصيه محد ايطب داره 
خيبر يعيده ابيمنته وبتاره

لو صاح حيدر اني ... لا أول ولا ثاني
يتجره يكسر ظلع ام حسينه
لومه الوصيه كَيدت جفينه
.......
؛؛؛؛؛٥
ينعد بلف فارس علي بصولاته
أتلثميه موش بعينه وي سطراته
لو ما نطه احجايته الصاحب ذاته
جا كَلب كون الله علي بحملاته

لو ما نطاهه اوعوده ... محد يصل لحدوده
زلمه كلف حيدر علي والينه
لومه الوصيه كَيدت جفينه
......
✍️ كلمات موسى الخادم

الناشر احمد الفاطمي

14 October 2026 06:09

لِكُل فعل ردت فعل
هذا السؤال الينسئل
حيدر علي يم فاطمه
اشلون وابنهه ينقتل
/////////////////////////////////
[١
هالسؤال ابكل ليالي فاطميه ينذكر
علي حاضر جان يمهه اشلون فاطم تنعصر
ليش ما دافع عليهه وقِبل خدهه ينسطر
علي الرد الشمس بيده ليش ما رد الكفر

أشلون ما رد الصفع
الفاطمه الزهره ودفع
والعلى الحايط تنعصر
معقوله شاف وما فزع

//////////////////////////////////////////
[[٢
لليدور عالإجابه واضحه اوضوح الشمس
علي متكَـيد ابوصيت النبي الوصاهه همس
علي الرد اجيوش جفه وقلع خيبر بالأمس   
لوما متوصي ابوصيه ما كَـرب داره الرجس

يدرون حيدر بالصدكَـ
الدنيه يحركَـهه حركَـ
معقوله فاطم تنضرب 
وعركَـ الغضب بي ما يطكَـ

//////////////////////////////////////////////
[[[٣
قصة الباب وحركَـته بكل ليالي نستمع
من اليوالي السقيفه وراضي بفعال الربع
اشلون حيدر علي ساكت بقى من كسرو ظلع
واليسولفهه يشكك بالكسر ما مقتنع

ايحاول يبرر ما جره
وينفي الضلع والكاسره
فاطمه بعمر اثمنطعش
سكنت اشلون المكَـبره

//////////////////////////////////////////////
[[[[٤
مو علي الينوكل حقه وساكت يضل مو علي
يكَـلب الدنيا ابكبرهه الخاطر الزهره وعلي
يخطف الأرواح سيفه وثاره ميعوف الولي  
بس امر محتوم يصبر والأمر من العلي

لوما الوصيه ابركَـبته
جا دفن جيش ابعتبته
يا أخو خيته اليقترب
من علي وسيفه بيمنته

///////////////////////////////////////////////
[[[[[٥
كلنه نعرف علي حيدر غيره وايمان وعزم 
بالمعارك اسمه اول يجي مو آخر أسم 
سيد الحملات كلهه ترهبه أشباه الزلم
اليصدكَـ القصه هايه كلشي اضن ما يفتهم

فارس عظيم ابا الحسن
بعزمه المعارك سولفن
وابلا عقل من يعتقد
طخ راسه لاصحاب الفتن

++++++++++++++++++++++++++++
✍️🏻 كلمات #موسى_الخادم

الناشر احمد الفاطمي

18 October 2026 20:18

المكسور ضلعه شلون ليله ينامه

يلتهي بروحه لو يسكت ايتامه

الزهره من كل كتر موجوعه

::::::

الايد نعرف تنجبر    لمن يمر بيها الكسر 

لكن الضلعه منعصر  فسروها بيش انجبره
النوم ما مر بيها ابد   من العصره مات الها ولد

الضلع ما يرهمله شد   شگد صعب حال الزهره
مكسورة الخاطر ومكسوره اضلاع

شيصر بيك تشوف امك بالگاع

يا ريت بيه ولا بأمي الأوجاع

يا يمه
يا يمه بس العافيه انتي تسمعين

انه الحسن يمچ ویاي حسين

ونة اولادچ حيل مسموعه

::::::

مرات اصبعك ينجرح  سهران تبقى للصبح

كسر الضلع ما ينصلح   سهران يخلص ليلك
المكسور ضلعه من الدفع   يگضیها بس اه ودمع

ما ينقبل هذا الوضع   شويه ويخلص حيلك
تبقى تصل اضلوعك وما ترتاح

وبلكت يهيد الوجع لو صار انياح

لوجع من الليل حد المصباح

يا ييمه
شما عنده قوه ويدفع بحيله الباب

خلصت حياتچ والضلع لا ما طاب

ماتت الزهره وظلت اللوعه

:::::

بسمار والحایط سوه  یم الحسن مالچ دوه

چفچ بنیران انچوه  وانوب سطره بعينچ
محترگ بابچ اي سبب  حقچ وچا لیش انسلب

چا لیش یم دارچ لهب  یمچ یون حسینچ
نفس الوجع بالگعده لو ردت ادگوم

البي الوجع مچلوم ویظل ملچوم

المهموم عمره عمره يخلص مهموم
الزهره من الوجع توگف گوه

قنفذ بسوطه بالمتن يتلوه

يم دارچ التمت المجموعه

::::::

شلون مدفوع الورد   ورده ويضموها بلحد

الگلب خلي يستعد  رايح تزيد همومه
معناها يا زينب سبي  تمشين وين الاجنبي

نعمه وتظل هاي العبي   ما بيچ حیل الگومه

الحرگ هذا الباب یحرگ خیمات

يا زينب وتمشين نص الشمات

من هسه ماكو راحه زينب هيهات

يا ييمه
باچر تركبين الهزل نص السوگ

من هسه حتى الحلم زينب مبيوگ

من الشام للكوفه انتي مرجوعه

:::::

شلون حالچ وحدچ   یبنیتي ما يمچ هلچ

باچر تره محد الچ   بس الشمر يبرالچ
الشمر يحدي القافله   ايتام كل العايله

باچر تغيرچ کربله    انتي كفيل اعيالچ
يا زينب ادخلين باچر ديوان

فلان ينظر لو يسب بيچ فلان

حسين يم الماي يوگع عطشان

يا ييمه
راس الحسين وياچ يفتر برماح

واليحدي بيچ بنيتي نفسه الذباح

السبي شلون وانسه موضوعه

:::::

علي جبار الكعبي

الفاتحه لوالدي

الناشر احمد الفاطمي

18 October 2026 18:18

جيران دارك يا علي مو جيران

فزعو حطب من شاهدوها النيران

محترگ بابك وانت داحي البيبان

يا ابو حسين

:::::

بيتك علي من احترك  معقوله محد حس بي

فزعولك بچفهم حطب  محد اجاك يطفي
الجـــار قبل الـــدار ادري يگولون

چا لیش جیرانك عليك يهجمون

فزعو ركض مو الك بس يحرگون

يا علي مو جيران ما ينحسبون
تدرون وصه المصطفى بسابع جار

محد فزع من شبت بفاطم نار

يدرون ياهو واگف ابابك چان

يا ابو حسين

:::::

عالجار وصانه النبي   واضح نعم هالموضوع

گال احترم جارك نعم  ما گال اکسروله ضلوع
كف الاذى عالجار چــــان المكتوب

ما گالکـــــم بالنار احرگــــوها البوب

چا لیش حق فاطمه الزهراء مغصوب

اليوم حيدر علي كلش متعوب
كاتب حديثه النبي وجاب القرطاس

وسواس همه وهمه حتى الخناس

لا مو صحابه وهم ربع الشيطان

:::::

سولف حديثه المصطفى   چان بحضور الاصحاب

سولف عله الجار شکثر   چا لیش حرگو الباب
الجـــار مثل اعيالك تحسبه بهاي

لــــو شفت نار بداره تركضه بماي

ابتعد عــــن البيت لــــو مالك راي

فاطم وحيده وچانو اعداها هواي

صعبه اليگلك عون يطلع فرعون

احترگ بيتك علي وناس يشوفون

مذكوره حتى الايه نص القران

:::::

جيرانك تشاهد احس   والنار عندك تلهب

محد سمع وتشتمت  المثل فاطم ينسب
حگ النسه اعله النسه وماکو جارات

چا لیش ذبن حطب فوگ الجمرات

ماتت الزهره وبينهن ياهو المات

چا لیش یم الدار بس الشمات
ما بيها نخوه الناس ماكو فزاع

ام الحسن صعبه وتطيح اعله الگاع

چا لیش ما فزعت علیچ النسوان

:::::

جيران ما بيهم نفع   بنارك علي فرحانه

جيران كون تظل سوه  مو تنظر وشمتانه
محد فزع بحچايه من هاي الناس

بالموقف احنه الجار نعرف ينقاس

چا صعبه یا ابو حسین دارك ينداس

اگلوب هاي الوادم وبس وسواس
الجار مثل الاهل كون يخليك

لو شاف بيك النار كون يطفيك

چا لیش یفرح من یشوف الدخان

:::::

علي جبار الكعبي

الفاتحه لوالدي

الناشر احمد الفاطمي

18 October 2026 01:57

هايه اعضم مصيبه والله يكتل وجعها
مصيبت ام وطفلها نعصرت وطگ ضلعها

الباب الباب عصرها وصار الصوت
شهگت شهگه يمكن شهگت موت
ايد اعله الحجاب وعالباب ايد
البيت الرحمه ضالم وسفه يفوت

يافضه صاحت وتگوم وتطيح
بس بالگلب لا ياحيدر تصيح
ثمنطعش عام معصوره بلباب
صرختها ايات والدمعه تسبيح
ويلاه يافاطمة
،،،،،،،،،،،،،،،،،،،،،،،،،،،،،،،،،،،،،،
والله صعبه وجبيره حيدر اتصب دمعته
وسفه حامي الحميه گباله دفعو حرمته

شلون شلون يحيدر حگ تحتار
اشلون اطفي وانته ابگلبك نار
ياشيخ ومضيفك صار ارماد
جارك ما كو واسمك حامي الجار

الله يعينك ياحيدر بهاي
وحدك هضيمه وجروحك هواي
بهاي الوصيه متجتف اجتاف
الأيد اعله ضهرك ومضيع الراي
ويلاه يافاطمة
،،،،،،،،،،،،،،،،،،،،،،،،،،،،،،،،،،،،،
ابلا أذن يا هضيمه الزهره دخلو عليها
رادت اتلم ضناها وهيه محترگه اديها

الناس الناس اجوها وهيه اتنوح
صطرو خدها وسفه الكله اجروح
فوگ الجمره طايح محسن ليش
تحضنه بجفها لاجن مابي روح

بهل حاله ياحيف هاي ام الحسين
ضل دمها جامد فوگ الحياطين
لمت ولدها بحضان الدموع
وتضم كسرها ماتعرف امنين
ويلاه يافاطمة
،،،،،،،،،،،،،،،،،،،،،،،،،،،،،،،،،،،،،
صح تون من ضلعها ونهضت بكل وسيله
لبوة وتشوف اسدها مجتف ابلايه حيله

اتصيح اتصيح يوادم حيلي نصاب
كلشي ولا افارگ داحي الباب
عوفو حيدر النه وكلشي اخذوا
انتم مو صاحبه انتو ارهاب

ماترحم الگوم ومدافع الناس
والزهره تحتار ومشيب الراس
طاحت يويلي مكسوره وتلوج
مو بس گلبها مخنوگ الحساس
ويلاه يافاطمة
،،،،،،،،،،،،،،،،،،،،،،،،،،،،،،،،،،،،،،،،،،،،،
والله هاي الجنايه يبقه للطف ألمها
هيه من هسه زينب تحرگت كل خيمها

هواي هواي يزينب راح يصير
باجر خيرت الله موش ابخير
هينه الكسره هايه باجر ضيم
حسين ابغربه عينه اوحده يحير

باجر يحرگون خيمات الايتام
والنسوه عالنوگ يسبوها للشام
يطلعن بلا راي ماخذهن الخوف
وعيون الجناب امضه من السهام

ابوفايز الرافضي

الناشر احمد الفاطمي

16 October 2026 17:43

ويلي عالزهره المظلومه
عاشت ومات مهضومه
******
ظلت  بالجرح  والونه  مخفيه
ودمعة فاطمه بالحسره يوميه
ويا  كسر الظلع  مايشفه ليليه

يوم الي جره بيها الوصي اتألم
*******
عاشت بالحزن  والدمعه سچابه
ويم ظلع الزچيه شاهد اصوابه
كلها من السقيفه زادت امصابه

وصت سر دفنهه  ابليل  الاظلم
*******
يمهه  لو  تعنه  يجذب  الحسره
ودمعاته اشكثر يافاطمه الزهره
رجع  للدار حيدر منكسر  ظهره

على امصاب الظلع لوعاته تتأزم
*******
تخفي عالوصي والدمعه  تجريهه
وادري الآه  چانت كلمه  تحچيهه
تمسح  بالدمع  كلما  يجي اعليهه

وحيدر ياظلع من فاطمة اتشهم
*******
يا  باب  الزچيه  سولف   الاسباب
وبجرم السقيفه اشسوت الاصحاب
نار  اتوجرت منهه الجنين  انصاب

ولاذت للستر  بيها الوفه  اتشيم
*******
يا باب الحزن  لو نسأل اجروحه
وحيدر عالزچيه ما هدئ نوحه
ما يهوه الحياة  الي دفن روحه

وحيله عالزچيه  اشگد تره اتهدم
*******
ليلك   لو  يمرك  ما ظل  الحيل
گاعد بالحزن بس دموع اتسيل
تذكر يامصيبه ويا نواعي الليل

لا مره الوسن لا مره يتبسم
*******
تمت بعون الله تعالى
الشاعر_يوسف_الفتلاوي

الناشر احمد الفاطمي

15 October 2026 14:09

حـب شـيع حب عمره وروحه
حيـدر شـايــــل بيده اجروحه
الدافن بيده اسنينه...... كلشي يموت ابعينه
حب شيع حب____حب شيع حب

꧁꧁꧁꧁꧂꧂꧂꧂
الــــــيوم حيدر شيـع أغـله انسانه عنـده
ورجـــع يمشي اوعينه مـچفيه عله خده
انكسر ضهره وفوگ ضهره انمـرد چـــبده
راحـــــــت ام حــــسين الـچـــانت تسنده

الــــعزيزه اليــوم بــــچفوفه دفـنها
ام حسن عافت حـزن يذبح حسنها
او عـــلي گـــلبه تره سواه چــــفنها

دمـــعه ابـدمـعه رد الــولـده
الفاطـم بالـون صارت گعده

وحيدر الله يعينه.......كلشي يموت أبعينه
حب شيع حب____حب شيع حب

꧁꧁꧁꧁꧂꧂꧂꧂
اشـلون حـيدر گــدر يحـمل هــل رزيه
وتنـــــدفن گـدامه حب روحه الزچــيه
يــوم فاطم چنه يـوم الــــغــاضــريه
بـــيه بـــده جرح اليالـي ألــــزينبيه

مـن هل ساعه زينب شدي حيلـچ
بـعد كـل راحه مــاتـلفي الدليلــچ
اوجذب تغـفينه وتــنامينه ليلــــچ

اليوم الزهـره أتنزل دمــــعچ
او باچر حيدر هم ايفجـــعچ

ودموعه اعله أحسينه.......كلشي يموت أبعينه
حب شيع حب____حب شيع حب

꧁꧁꧁꧁꧂꧂꧂꧂
الله يصـبره عله الجره گــلب الصميده
انتـرس شوگ الــــفاطمه وهـيه بعيده
ابـــــــكل مسه يـم الگبر يقـره قصيده
اوتجري دم من الـفرك حـرحارت ايده

القلـع بـأب اليهـود اليوم مجـروح
وعله زهرت حياته غصنه مذبوح
ثــمنــطعـشرسنه من عمره اتروح

راحت روحـه ورايــــح حــــــيله
الله ايـصبره بـــــــهاي الـــــــيله

تـــابـوته أمشيعينه......كلشي يموت أبعينه
حب شيع حب____حب شيع حب

꧁꧁꧁꧁ا꧁꧁꧂꧂
لـــوردت تـكـتل بشــــر مـنــه أخذ أمه
أتصـير هـاي الـدنيه كـــلها ابعينه ضـلمه
مـوش بس منها تــــرأ مـن الهوه أتحرمه
وذكــريـاته ويــاهـا كــــل لحضه تهضمه

الهضم عـل فاگد أمه ايحومر العين
وتضــــل حسـراته تـحرگ بالشراين
عـمت عيني وراها اشصار بـحسين

زغير او جرحه اكبــر من عـمره
احسين امعذبته أمـه الزهــــره

اليسهر وي اونــينه......كلشي يموت أبعينه
حب شيع حب____حب شيع حب

꧁꧁꧁꧁ا꧁꧁꧂꧂
عــضم الله اجـرك محـمد بــل فــجيعه
اليلــــــه بــتـك بالـــگبر نــــــزلت وديعه
بسمــك انعـــــزي وبسم حامي الشريعه
گــــــلوبــــنه متوجره أحــــــنه كئ شيعه

للـــمحشر يضـل الكــــــــــم حـزنه
ويضل حــــد الچـــفن اسود لبسنه
شــــــــيعه ونفتخر هيج انخـــلقنه

ألآٱخ اعــليكم ٱطيــــــب الـخاطر
وللمـــــعشر راح أحنه انــــاطر

أهناك البايع دينه.......كلشي يموت أبعينه
حب شيع حب____حب شيع حب

꧁꧁꧁꧁ا꧁꧁꧂꧂
تمــت بفضل صاحب الزمان( ع)
✏️ #علي_الحموداوي

الناشر احمد الفاطمي

15 October 2026 10:59

وحيده وما الي مجان .. غريبه ابلايه خوان
،،،،،،،،،،،،،،،،،،،،،،،،،،،،،،،
هلي ما احمل الغربه تعالو شوفو شبيه
هلي عفتوني من تالي اروح ابناگه مسبيه
غريبه اتسمه من وادم يعرفون اصلي علويه

انه حگي من اعاتب ... والعتب هاذه وكته
عندي هاگد سوالف ... راح اسولفها سكته

هلي مو هيجي گلناها
وابد مو هايه تاليها
هلي بغربه تضل بتكم
ولا سيد يمر بيها

الدمع بعيوني نيشان .. غريبه ابلايه خوان
،،،،،،،،،،،،،،،،،،،،،،،،،،،،،،،،،،،،
مصيبه بعيني مرسومه ومشهد لسه گدامي
من رحت الأخوي اركض وجلب ابني بجدامي
حرت بين ابني اوخاله وگلبي المنجوي وضامي

گتله يوليدي هدني ... هسه ماهمني حالك
والله والهمني يبني ... شلون الم بيدي خالك

اجر ابروحي وتجرني
اطيح ومامش اسم الله
واشوف ابعيني الغربه
يطشرون بحلال الله

اشوف ابن امي عريان .. غريبه ابلايه خوان
،،،،،،،،،،،،،،،،،،،،،،،،،،،،،،،،،،،،
هلي من الغربه كبرانه مثل سعفه الضهر حدب
المصايب غيرت لوني جبيره ومو قبل زينب
سبيه واسمي اتغير يسموني اخت المسلب

ياهو يقبلها هايه ... وانه معروفه اميره
بليله طايح گمرها ... اسمي صار الأسيره

طحت مثل الگطن عالنار
ولا سالم كتر مني
اصيح ولا اخو اليسمع
يحن الصرختي اوني

نحيله وحيلي خلصان .. غريبه ابلايه خوان
،،،،،،،،،،،،،،،،،،،،،،،،،،،،،،،،،،،،،،،
اسولف من وجع گلبي يخوتي بهايه مجبوره
مثل كسرة علي بأمي يروحي الليله مكسوره
الأخت من تعتب بحرگه حنينه وهايه معذوره

عيوني ضايع ضواها ... وضلمه هاي الخرابه
جرحي مايهده ساعه ... غافي اعله الترابه

يهل زينب بقت زينب
وحيده ومحد وياها
رقيه اعله الطشت ماتت
وابوها ابرمشه غطاها

حمامه بلايه جنحان .. غريبه ابلايه خوان
ابوفايز الرافضي

الناشر احمد الفاطمي

14 October 2026 22:46

لسان حال مولاتي فاطمة سلام الله عليها بعد استشهاد ابيها صلوات الله عليه


ياحزن كلبي المالهه جاره
توه ابتده من اول خساره
شيطفي گلبي اعليك ناره
صبت علي ضيم الليالي

لو تدري بنتك من عفتهه
شيسوي بخلافك وكتهه
تكسر الخاطر لو شفتهه
يابويه حال الضيم حالي

يا واهس العمر
شو ضمك الگبر يا كلشي جنت الي

شخلاني ما متت
ردت ادعي بس كلت محد بقه العلي

ردت ادعي من كلبي بصلاتي
تكرب علي ساعة وفاتي
بس حيدر ايغيرهه نيتي
يتأذه من يسمع مماتي

كومك يبويه ما رعوني كومك يبويه مارعوني
——————

ظلت تسولف عن حزنهه
من فكد أبوهه الفكد ابنهه
آخر ددلول بحضنهه
مجتول طاح تشوفه العيون

تروي المصيبه بعصرة الباب
من طاح محسن فوك التراب
بويه الجنت حاسبهم اصحاب
هدو عليه وما يهابون

يابويه من رحت
بعينك لون شفت من هجمو العده

الجانو الك ربع
كسرولي الضلع وحزني الكلب بده

هدو فرد هده اعله بيتي
بابي اندفع داسو ثنيتي
عود اطلعت احجي واكلهم
عصروني ماسمعو وصيتي

كومك يبويه مارعوني كومك يبويه مارعوني
—————
كمت اختنك كل مغربيه
ضلوعي كلهه اتصل عليه
ما خلي حيدر يدري بيه
يحمل الم دلالي مجبور

اتغطه جدامه بعباتي
بجف واحد من ادعي بصلاتي
اتغطه مو من مستحاتي
ماريده يدري بضلعي مكسور

بيه الحصل سهل
ضلعي وصكط طفل اتحمل الالم

كل حزني كربله
ياهو الي يحمله ضيم وحرگ خيم

لمن طحت حيدر اجاني
غسلني بيده وشيعاني
من كربله مامش مصيبه
نستني حزني وكل زماني

كومك يبويه مارعوني
—————-
لمن هوه المحسن عله الكاع
صيحت فضه وحضرت بساع
بليلة الوحشه اشجم طفل ضاع
وطلعت ام عون أدوره باليل

ضلمة ورعب وحتركت اخيام
وشلون عين الفاكد اتنام
ايتام كامت تشبگ ايتام
كل ساعه ملحوگين بالخيل

من حگي لو گلت
من ضيمي ماشفت طف كربله صعب

حرمة بعمر كلف
ماعدهه اي عرف ليل وزلم غرب

كل المصايب من اعدهه
ما يوصل الزينب عددهه
امدلله وتصبح اسيره
محد بقه من اخوتهه عدهه

كومك يبويه مارعوني
———————
الخادم موسى البطلي

الناشر احمد الفاطمي

14 October 2026 22:46

الدرب الرضا حن الكلب
مشتاگ اشوف ذاك الدرب
كالو صعب دربه وگلت
عند اليحب مامش صعب

مليت كد ما احسب انجومي -
ليليه احضر كمت بهدومي -
بلكي الله ويسهلي الازياره -
اوصل ضريحه وانفض همومي -

اوصل ضريحك - وابجي اعله بابك - وندبك
مولاي اشكرك - وفقته جدمي - اعله دربك
احجيلي جلمه - وداعت غربتك - احبك

مولاي يا انيس النفوس
—————-

ضامن غزال اضمن محب
شارد وجاك من الذنب
ماريد اثر وضعي ابتعد
ايموته العشك كلب اليحب

شتاكيت اشمن ربحة الحضره —
محضر جوازي ويومك انتظره —
لو ربعي راحت وانه خلوني —
موقف صعب مولاي ما كدره —

هذبلي روحي - نضفهه عيني - التشوفك
خليني اجيلك - وابجي بضريحك - واطوفك
راحت دليلي - ليليه اسكنه - بحروفك

مولاي يا انيس النفوس
—————

طبع اليحب يملك صبر
انه اختلف ما انتظر
اشتاكيت ازورك يالرضا
ما اقبل اسمع اي عذر

انه اختلف عن البشر كلهه —
عيوني التعشكك دوم ادللهه —
هذا العشك ماشايفه ابواحد —
اشتاك الحضرتك لازم اوصلهه —

عينك عليه - وانت التريده - تجيبه
عشك اليفارك - امنيته يوصل - حبيبه
كلب اليحبك - ليليه يغفه - بنحيبه

مولاي يا انيس النفوس
——————
شوف العمر يركض ركض
ياساعه يوكف هل نبض
خل موتي يوصلني بشرط
زرتك بعد ما اعترض

بس الله يدري بكلبي و بنيتي -
وصيت ربعي وكل اهل بيتي —
يدعولي من اوصل واجي البابك —
بصحنك اموتن يالرضا امنيتي —

كون التحبه - هو اليسبب - وفاتك
مولاي احبك - وأمنيتي اموت - بغلاتك
ادعيلي اوصل - يبن الزجيه - بصلاتك

مولاي يا انيس النفوس
————————
الخادم موسى البطلي

الناشر احمد الفاطمي

14 October 2026 22:46

مصيبة ال الرسول ص••||
شور


على الزجيه واويلااه
على الزجيه واويلااه
ـــــــــــــــــــــــــــــــــــــــــــــــــــ

من حرگت الباب•مدامع هامله
يازهرة الروح ••تـنوح العـايـله
بالبيت عـطـاب••دمـچ ماوگف
والگلب مكسور••يشاهد كربله

زغيره بعـدني والحرگ خانگ هـوه الريه
حيرانه ودموعـي جـرن مـارحمـو بعلويه
يايمه كسرولچ ظلـع والـنار ابـد ماطافيه
وبالي طابع مصرعچ طاري الخيم طاريه

على الزجيه واويلااه

ـــــــــــــــــــــــــــــــــــــــــــــــــــ

دمچ ع الـگاع ••ويـلااه ينـزف
مصابچ مصيبه•لـچمات يردف
وبطيحتچ هاي•تبدي المصيبه
هـاي البدايات •والـصار مكلف

يايمه صعبه حـالتچ والباب فوگاچ نطبگ
ابجي ونوحن غربتچ ولمحسن بدمه غرگ
ماواحد ليرحم مره معصومه وربات النبي
لدخان صاعد بالسمه والكارثه بهذا الحرگ

على الزجيه واويلااه

ـــــــــــــــــــــــــــــــــــــــــــــــــــ

شفته الجرالچ•والصار صعبه
غرگانه بالدم••والـدنيه غـربه
محد فـزعلچ•• هاي الهضيمه
الينعه مصابچ ••مكسور گلبه

ياوسـفه حرگو زهرتي وشلون باچر بالخيم
عـطب دليلي بـونتچ مضروب متنچ ماسلم
مسطوره عينچ يالبخت والحيل بعدچ رايح
چـا باچـر شلون الگلب لـو طاح شيال العلم

على الزجيه واويلااه

ـــــــــــــــــــــــــــــــــــــــــــــــــــ

بالبيت والنار••وصلتنه يمه
كلهم شماته••والدنيه ضلمه
عگبچ يتامه••وشـلـون بـيه
بسمارچ ليوم••خلالي لچمه

محروگ بيتچ يـالعـمر فـوگ الجر وصار
يالموتـتچ كـسـرة گلب مـايـطفه بـي نار
مرتين كسرو خـاطري الكسرولچ اظلوع
محروگ بابـچ والخيم مـارحـمو ازغـار

على الزجيه واويلااه

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد
نسالكم الدعاء

الناشر احمد الفاطمي

14 October 2026 09:30

ما يرجعون. ليش بالفرگه انذبح
ما يرجعون. وعالجرح رشو ملح
ما ادري امشي وعايش اشلون
والشيب خضر وسط العيون
**
انه ادري البعينه دمع. من يبجي يرتاح
جا ليش كلبي ما وكف. وتلولح وطاح
يا فاطمه انه علي. بروحي الحزن صاح
من رحتي بعيوني انكتب. ما يرجع الراح

لا تروحين. بغيبتج ياهو الالي
لا تروحين. عكبج اتغير علي
شو شيب اسمعهم يكولون
والشيب خضر وسط العيون
*
فوگ الجنازه اتخوصرت. ودموعي بالعين
ويا فاطمه بحرگه صحت. وين السفر وين
بضلوعي كل ساعه تشب. نار البعيدين
عد راسج اينوح الحسن. وينوح الحسين

وزينب اتصيح. كلبي يايمه انكسر
وزينب اتصيح. مني شيريد الدهر
ليش الاحبهم ما يردون
والشيب خضر وسط العيون
***
ما ترحم الدنيا ابد. من تغدر إنسان
رديت من المكبره. بس كلي ذبلان
عطشان مو للماي ابد. للملكه عطشان
كل ما عثرت بخطوتي. يلزمني سلمان

انه حيدر. روحي دافنها بگبر
انه حيدر. الج مشتاگ اشكثر
وسط اللحد وياج اضل كون
والشيب خضر وسط العيون
**
ضلت عيوني اعله الدرب. وصوابي بالروح
ليش الاريد بدنيتي. يتركني ويروح
مذبوح ما كلهم جنت. بس انه مذبوح
لجروحي ما يرهم دوه. شيخيط الجروح

والله حيره. امن الجي يحرگني الدمع
والله حيره. زهرة الحب تنگطع
وسهران طول الليل يدرون
والشيب خضر وسط العيون
**
جنت انسه كل ذاك التعب. من احجي وياج
كل يوم اروح الحجرتج. وابجي اعله فركاج
من عيني ابد ما ينمسح. يالزهره ذكراج
هوه العمر يا فاطمه. اشيسوه بلياج

انتي كلشي. وانتي شريان الكلب
انتي كلشي. وفاطمه افراگج صعب
وايتام الج ضلو ينشدون
والشيب خضر وسط العيون
***
تمت
تحسين الخفاجي

الناشر احمد الفاطمي

14 October 2026 06:09

موش تدرون النبي گالاها
فاطمة ياذيني من اذاها
==================
فاطمة نزلت هدية من الجليل
للنبي الكوثر وعيناً سلسبيل
ولمن الهادي نوة عنها الرحيل
جارت اصحاب الغدر وياها
================
للنبي بضعة واعز من الهوة
ليش صبتوها َولا ينفع دوة
كون وية الهادي لو ميتة سوة
ولا ورة الباب النذل صاباها
=================
ما رعوا حكَ النبي ابنتة البتول
هجموا اعله الدار والطاغي يگول
( وان) كانت فاطمة بت الرسول
نحركَ الدار ونطيح اضناها
==================
دفعوا الباب وكسر منها الضلع
ونابت البسمار ما اظن ينشلع
تسيل منها دموم ويسيل الدمع
ابكل نفس آخ الوكت خلاها
==================
المحسن اعله الگاع سابح بالدمة
عمت عيني عليك صاحت فاطمة
تنطبكَ كون الارض وي السمة
من المصاب الصار من عداها
=================
حيل اذوها و دوت نار الحقد
والنبي چم يوم من نام بلحد
الزچية انقتلت بعمر الورد
ولحگت الهادي تسيل دماها
=================
أسالكم الدعاء رائد الاسدي

الناشر احمد الفاطمي

14 October 2026 06:09

يأم الحسين - كومي لحسين
لا تروحين - ياضوه العين
حسين عكبج حاله يكسر خاطر
وكام يتراوالي يوم العاشر
———
يمه كولي شلونج
فدوه فكي عيونج
وين اروح بدونج
مالي واهس بالعمر

حالي يكسر خاطر
جنه يوم العاشر
بصدري دايس حافر
واعتنه اعليه الشمر

يمه العيشه عكبج لذه مابيهه
من هسه البجي لعيوني عاميهه
عيشه بلايه ام ماريد اظل بيهه
حلات العيشه وي امك تكضيهه

دمعي سجاب - عيني ع باب
كاسر اضلوع - اعظم امصاب
—————-
بلكت الله ومو صدگ
ما تصير ونفترگ
يابعد كلبي اليدگ
فركتج تكسر ظهر

جلمه فدوه احجيلي
زينه بس گليلي
خلي يرجع حيلي
يمه دلالي انفطر

غير انه العزيز العندج امدلل
يمه الفرگتج سويلي صورة حل
الخضار بروحي ظل يصوفر ويذبل
فاركني الهوه وبرجعته اتوسل

خنكه بالروح — هاجت اجروح
الفارك اعزاز - سلوته النوح
————
نطيتي حل وروحي
وين أطيب اجروحي
منو يسكن نوحي
خلاف عينج يام حسن

جنت عندج غالي
شوفي عكبج خالي
كلشي عكبج خالي
جنتي لعيالج وطن

يا راحة دليلي من التعب والهم
جفني اعله السهر والمدمع اتحزم
طشت كعدت العصريه ما تلتم
خنگه الدنيا صارت عگبك شنشتم

ذيج الايام - صارت احلام
الكعدتي وياج - كلبي محتام
—————
اخ يا كعداتنه
اخ يا ضحكاتنه
الموت طب بيناتنه
والشمل طش الشمل

حلم صارت راحتي
كون توصل ساعتي
الصخر يبجي الحالتي
من دمه دمعي ايهمل

افتحي عيونج وبعيوني خليهه
احفظي ارسوم وجهي ولا تضيعيهه
رسومي الحلوه التخبل معانيهه
من دوس الحوافر ما تعرفيهه

فوكي الخيول - تلعب اتجول
صدري ينداس - راسي مشيول
——-
الخادم موسى البطلي

الناشر احمد الفاطمي

14 October 2026 06:09

🔴 گــعديه :





ليش المرتضى ما سل فُقاره
يوم الهجمو الگوم اعله داره
نسأل شنهي الاسباب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

أول الاسباب چانت من رسول الله وصيه
ياعلي فحواها تصبر ، من يدفعون الزچيه
والفحل وافق لَچَنَّه ٱشترط ما تتنخه بيَّه

عن هلحچي شاهد إلي
ساعة هجوم الجاهلي
ما حشّمت فاطم علي حشّمت يافضه هيّه

صاحت ها يَفضه سنِّديني
ضلعي اتكسّر وميت جنيني
وچي گلبه ابقهر ذاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

ثاني هلـ أسباب چانت علي ما دوّر مطامع
وكت چان اعله الخلافه الثاني بالأول يدافع
علي راد انصار يثأر وما لگه ابگد الأصابع

معذور حلال الشدد
لا عُدّه چان ولا عدد
لَوَّل علي الباري شهد والسقيفه اتگول رابع

علـ أعقاب كلها انگلبت ابـ شر
الظل مقداد ، سلمان وابو ذر
من قلة الأصحاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

ثالث الاسباب تبعد عن علي حچي الملامه
داحي خيبر چان خايف ينگطع نسل الأمامه
علي ضم احسين للطف ينذبح لجل الڪرامه

حيدر جرع مُر الصبر
حتى الأمامه تستمر
حد ما تصل راعي الأمر الياخذ الثار ابحسامه


حيدر ما شهر علگوم سيفه
يدري المُنتظر ياخذله حيفه
شبله ابثاره طلّاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

رابع الاسباب حيدر مصلحة لسلام قدّم
حقن دم أُمة محمد ما رضا اتصب قطره من دم
( ولا رأي للـ ماله طاعه ) حيدره المصداق الأعظم

لو للحرب دار الرحه
چا كل الاسلام انمحه
شاف اعتزاله المصلحه المهم الدين يسلم

علي صاحب فضل تشهد العدوان
لولاه چا هلك فلتان وفلان
ومن شاف العدل غاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

خامساً ما سكت حيدر علتجاسر واعتناله
كض تلابيبه الروايه تگول ومن الأرض شاله
ومدده فوگ الوطيه وقرر ايذبحه ابخياله

لكنّه غيّر موقفه
وعرضت وصية المصطفى
وبالحزن شب گلبه وطفه للجره ابنت الرساله

حيدر من مشت زهرة سنينه
لآخر عمره ما بطّل ونينه
من يوم اندفع باب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

وعلـ وصي اعظم مصيبه فاطمه من غسلاهه
متن اسود ، أثر سطره ، جفن ازرگ شاهداهه
والاشد كسرت ضلعها ابچفه حين اتلمساها

معذور اذا عاف الغُسِل
وادموعه فوگ الخد تهل
فگد ام حسن لا مو سهل ولكسرها ابگلبه كسره

ــــــــــــــــــــــــــــــــــــــ

سيد علي عبدالزهره الناجي

الناشر احمد الفاطمي

14 October 2026 06:09

شمعت البيت ... طفت طفت طفت
وانه العيون ... عمت عمت عمت
الفاكد امه كل حياته ...  قهر
موحشه سنينه المماته .. قهر ... هذا حالي
......
الماتت امه ميت بمعنى الشعور
ظلمه تصبح دنيته ومابيهه نور
عمره يخلص نوح ما بين الكبور
بين ماي وشمعه ودموع وبخور

فكد الاعزاز ... صعب صعب صعب
يترك العين ... تصب تصب تصب
دمعه عالخد يبقى جاري ... عمر
المثلي فاكد بيه داري ... عمر

......
ابلاية ام الدار مهجورة تصير
لا تشوف الفرح لا يدخلها خير
الكعده وي امي اشلاحهه اعله الحصير
تسوه هذا الكون وافلاكه التدير

امي ياناس ... شمس شمس شمس
ضاوية الكون ... احس احس احس
كلشي ليل اصبح بعدهه ... سهر
وانه واحد من ولدهه ... سهر
......
لا تلومه الماتت امه يعيش نوح
جرح فكد الام اشد كل الجروح
الراحت امه كلشي وياهه يروح
بس جسد عايش يضل ابلايه روح

بس نفس بي ... يضل يضل يضل
منتظر يوم ...  أجل . أجل . أجل
عايش الموت بعذابه ... جمر
الدافن امه بالترابه ... جمر

.......
البيده دافن امه يعرف شنهو اكول
يحس بية  من اسولف عالبتول
حسين انه ابن علي وجدي الرسول
موتت امي اذتني اشد من الخيول

موتت امي  .... اشد اشد اشد
من سحكتي ... بعد بعد بعد
اضلوعي كلهن يم ضلعهه ... كسر
ودمعي نازل وي دمعهه ... كسر
......
الامه عدله خل يضل يرعاها دوم
أيحبهه من يكعد ايحبها من يكوم
هالنصيحه مني اخذهه يالخدوم
بس حنان امك ينسيك الهموم

منهه هيهات ... يصح يصح يصح
يمها الانهار ... تشح تشح تشح
يا حلات الكعده يمها ... تسر
البين اديه امه يضمها ... تسر

.......
رضا الباري من رضاء الوالدين
الامه ما ترضى عليه ما عنده دين
عيش لمك موت لمك يالحنين
الجنه تحت اقدامهه كال الامين

رحمت الله .. الك الك الك
هي امك ... هلك هلك هلك
عبد صير الهه بحياتك ... ذكر
بيها مقبوله صلاتك ... ذكر
.......
الكلمات
موسى الخادم

الناشر احمد الفاطمي

14 October 2026 06:09

باقي لليوم أثر نار اعله بابـي
بيت الأحزان يظل شاهد عذابي
أنه الما بُطل ونها
أنه الـمذبوح ابنها
بيت الأحزان يظل شاهد عذابي

ــــــــــــــــــــــــــــــ


مثلي يــا حُره ، يا خلـﮓ أسئل
والدي علكون ، السيد الأول
آسيه ومريم ، منهن آنـه افضل
والنّكر فضلي ، أعمه ما يندل

لغيري ما ﮔــال رسول الأُمه طه
هايه يا ناس رضا الباري رضاهـه
أيمه اهدعش منها
أنه الــمذبوح ابنها
بيت الأحزان يضل شاهد عذابي


ـــــــــــــــــــــــــــــــ


طه من سافر ، جارت اسنينـي
وزمرة الشيطان ، بدت تــوليني
من ظـُــلمهم طــاح ، ميت اجنيني
والظلع مكـسور ، صطرتي ابعيني

شايل النار والمْـوجّرلي بابي
هذا ملعون وأن سمّوه صحابي
مآسي الــــعذبنها
أنه المذبوح ابنها
بيت الأحزان يضل شاهد عذابي


ــــــــــــــــــــــــــــــــــــ


ما عشت يا ريت ، طه لمن راح
عمري من دونه ، بس حزن ونياح
يا جرح يشفه ، للكسير اصفاح
الگلبه بي بسمار ، هذا هم يرتاح

گوّه الچفوف اشيلنها ابصلاتي
أدعي كل يوم يرب عجّل وفـــاتي
تره الدنيا سجنها
أنه المذبوح ابنها
بيت الأحزان يضل شاهد عذابي


ـــــــــــــــــــــــــــــــــــــــــــ


والله ﮔـبل الموت ، ما رضيت آنـي
لا على الأول ، لا على الـثاني
ساخط اعليهم ، ﮔـلبي ولــــساني
شاهد اعله الصار ، دار أحزاني

الخله الدموع نهر بخدودي سافح
ابيا وجه جاي يريد انسه وأسامح
أبد ما أرضه عنها
أنه المذبوح ابنها
بيت الأحزان يضل شاهد عذابي


ـــــــــــــــــــــــــــــــــــــــــــــــــــــ

امعصّبه ابحزني ، ناحله امن الهم
لشدة الصطره ، جفني يهمل دم
يلچم اضلوعي ، الهوه امن اشتم
موتي احس گرّب ، والأجل خيّم

لو دنا الموت نعش سويلي اريدك
وفوگ الثياب يحيدر غُسلي بيدك
علي البسِّر دفنها
أنه الــــمذبوح ابنها
بيت الأحزان يضل شاهد عذابي

ــــــــــــــــــــــــــــــــــــــــــــــــــــ


جسمي الـناحل ، من تدفنونه
يا علي اوصيتي ، ﮔـبري تخفونه
ﮔـصدي عُذالي ، لا يــزورونه
أدري لو تبنيه ، هَم يهدمونه

حسبي الله عله الظلموني حسبي
يوم الحساب يجازي الطاغي ربي
وتهيد اجروحي أضنها
أنه الــــمذبوح ابنها
بيت الأحزان يضل شاهد عذابي


ــــــــــــــــــــــــــــــــــــــــــــــــــــــ


من بعد موتي ، بـ اللحد و أسمع
بالحسن مسموم ، ﭼـبده ومـﮕـطع
بالطفوف احسين ، دامي ومبضع
تنسبي زينب هاي ، أشد وافـــــجع

ابني عباس لَـون توگع چفوفه
ينحني احسين على اعضيده اشوفه
محن بالطف ولنها
أنه الـــمذبوح ابنها
بيت الأحزان يضل شاهد عذابي

ــــــــــــــــــــــــــــــــــــــــــــــــــــ

سيد علي عبدالزهره الناجي