الناشر احمد الفاطمي

27 April 2026 22:53

قصيدة نزلة



‏لايفرح الينكر علي .. الجنه بس للشيعة
‏
‏______
‏
‏سين من الناس كايل .. مانجيد احنه البكاء
‏واحنه عدنه اليبجي زلمه .. يوفقه سيد الشهداء
‏كال مانبجي اعل ميته ..مانحب هذا الهراء
‏يله ياخدام ردوا .. علوا بي هذا النداء
‏
‏رساله من الخدم .. للي مافهم
‏نضل ننصب خيم .. ونضل ننطي زلم
‏الحركه اعله الحسين .. مثل نار الحمم
‏
‏_________
‏
‏قبل لا ندخل قضيه ... كلمن اصله يدري وين
‏اني مولود بمجالس  .. وضايع اصلك من سنين
‏اني جدي الشال خيبر .. وانته من النازعين
‏وعلي من يضهر المهدي .. الا طرك وصلتين
‏
‏يجي ويختم ختم .. وموتك تستلم
‏وياه راعي العلم .. يكض كلمن شتم
‏يعيد الكنطره .. ويسويكم غنم
‏________
‏
‏اهواي كلتوا الشيعه تبجي ... احنه نبجي اعل الحبيب
‏بكل وسائلكم اجيتوا .. وبس فشل هذا العجيب
‏المهدي حاضر بيده يختم .. يوفق الكلبه قريب
‏واليضد الشيعه يخسر .. لون صاحوا يامجيب
‏
‏يكلبوها الامم .. شهم جدهم شهم
‏الشيعه بالقمم .. اليضدهم ماسلم
‏الحلم بيهم حلم .. يرعبوه بالحلم
‏
‏________
‏
‏وانتضارك يابو صالح .. جنه جف وبي جمر
‏واختبارك جان اصعب .. والصبر مل الصبر
‏هذا خسران بحياته .. المايتاني المنتظر
‏باجر الزهره تكله .. وين كضيته العمر
‏
‏رامي بالسهم .. لو حارك خيم
‏ساكت عالضلم .. لو ضد الخدم
‏لو شايل رمح ..ضد ذيج الحرم
‏
‏_______
‏
‏اني من يسألني شامت .. وين دارس يامكان
‏والله يم حسين اكله .. لان بس هوه امان
‏والمدرس ابو فاضل .. الوفه بديونه ضمان
‏وفاطمة المدرسه هيه .. هيه تضمنها الجنان
‏
‏وتشد النه الهمم ..وتكلنه والنعم
‏تجي بهيئة عزم .. وتزودنه بعلم
‏تكول ابجوا بجزع .. للباره الذمم
‏_______


‏الخادم قاسم جعفر المحمداوي

الناشر احمد الفاطمي

27 April 2026 06:22

للكوفه رايح بالسلامه
         امودع علي يابو الشهامه
            بس كول عندي ابنيه
             يا  بويه  فكر  بيه
..................................
آنه حميده المارحم يابويه وكتك بيهه
بايگ ضواهه ابلا سبب وبلايه ابو مخليهه
دنيانه يابويه عطش وابشوفتك نرويهه
يابويه الابنيه الابو خيمه اويفي اعليهه
     وابفرگته اتصير القيامه
       للكوفه رايح بالسلامة
           تذبل شويه شويه
            يابويه فكر بيه
..........................................
من ساعة الكالو مشه عنج اوشد ارحاله
اوصه الحسين ابعيلته وبيج انتي وصه عياله
گلبي سكن بيه الحزن والحسره ترست باله
معقوله مسلم مايرد ينسه هله واطفاله
          وبينت يامسلم علامه
           للكوفه رايح بالسلامه
           طفله الظهر محنيه
              يابويه فكر بيه
.............................................
من تمشي عيني اعله الدرب واحسب اتعود لينه
يابويه احنه ابعازتك لا تمشي واتخلينه
ياعيني وابنادم يكف لو عنه شالت عينه
باجر اخلافك دنيتي من الهضم تروينه
           والزمن ماترحم سهامه
           للكوفه رايح بالسلامة
          اشحاله الفگد غاليه
             يابويه فكر بيه
.............................................
خليتني ابعازة ابو وأكضي العمر ملهوفه
والعنه يرحل والده يكسر زمانه اچفوفه
اعليك العتب يا والدي آيا غريب الكوفه
جيش النوايب بالگلب بعدك تهد اصفوفه
            بعدك يسمونه يتامه
             للكوفه رايح بالسلامة
                حالي اليتم تاليه
                 يابويه فكر بيه
..............................................
لا جيش عندك لا اهل واشلون حالك باجر
والبايعك خان الوعد واعليك عسكر داير
لالك عشيره ولا اهل والمن تدير الناظر
شحيت اليه ابشوفتك عندك يشح الناصر
             عنك بعيدين النشامه
              للكوفه رايح بالسلامه
              جثه ابحقد مرميه
               يابويه فكر بيه

خادم اهل البيت علي الزرگاني

الناشر احمد الفاطمي

27 April 2026 01:17

عظم الله لكِ الاجر يافاطمة الزهراء

هـــذا حـــسين ابـنـــچ مـرمــي علغـبره
يا اعـــظـم مـصــابـچ فـاطــمـه الزهـره
****
يا ام الــولــد هــذا الـولـــد مـنـحـــــور
دمــه اعله التراب حــسين ضــل يفور
آه امــــن الزمـــان شلــون مــــن يدور

ريـحــانــة رسول الله نسـحـگ صـدره
****
ريحـانــة رســــول الله يضـل عــريـان
حـــرگـوها الخـيام وفــزعت النسـوان
ماضل سـالـــم بـجسمـه يزهره امچان

سـهــم اعلــه الـسـهم والطبره علطبره
****
يا فاطــــم حـسـينــچ علـثـنـيـه يـنـام
ضــــل ابلا دفــن بالحــومه ثلث ايـام
كل كتر انلجم وانترس جسمه اسهام

من دمه السمه بيومه اصبحت حمره
****
خلــصـتـي الدهــر بالحــزن واللوعات
مـــو بحـظـينـچ ابـنـــچ علتراب يبات
سابـــح بالـدمــه ومــتـرّب الوجـنـات

وبـحـــر الـضـهــاري ايـنـام بالصـحره
****
ابن بـضـعـة نـبـيكـم انــه گــــل للگوم
وين يــــروح حــايــر والــدرب ملزوم
فت چبده العطش من العذب محروم

ضامي اشفافه مـثل الحـجــر متفطره
****
تره عمر الحچي مايجي مـثـل الــشوف
وانتي بشوف عينچ شفتي خيل تطوف
ملـعـب للـرمــاح ابـنــچ تگـطعه اسيوف

يــم احـــسين گـلــبـچ وشـعـظـم صبره
****
يم احـــسين ارد انــشد وشـنهو الصار
اخـبــار تـــواردت لــــينه تـگـول أخبار
انسـحـگـت بالخيول هناك حتى ازغار

چـــم واحــد لگـيـتـي وياكـــبر عّـمـره
****

✍️عباس مالك العفريت

نسألكم الدعاء

الناشر احمد الفاطمي

27 April 2026 00:41

جروح العليله

شور گعده
===========================

سفركم هيج احزاني وگلّب كل وجع بيه
يالماشين مـاناسين الكـم ظـلـت ابنيه

بويه مــن طولك اشوفه مغرّب ورايح بعيد
بويه مــو گلبي كسرته بويه بس اشرلي بيد
گلبـي فرفــح من سفركم هذا گلبي مايهيد

عفتوني وحدي بداري ابقه
حـن گلبي يلغايب شيصبره
بلوه ابتليت شلــون بلــوه

شـيـطـيـب اجـروح العـلـيـلـه

===========================

اخذوني تره ابممشاي اگــدر امشي وياكم
كدام الركـب أمـشـي وخل تشوف عيناكم

چا خــذيت وياك بنتك يلمسافر لـو رحـت
بدارها وتنطـر خبركـم طفـلـه وحدها عفت
غابت الضحكه يغالي بداري مـن انت غبت

ماضحكت اشفافي بعدكـم
وتسـيـر ابالــي صـوركــم
وكل يوم احضرهن فرشكم

شـيـطـيـب اجـروح العـلـيـلـه

===========================

چــا يمته الــي تردون طالت عـنـي غيبتكم
هم يــوم ويدگ الباب لو ماكـو الأمل منكم

بلهفه ارگض لو سعت الباب يابويه يدگ
تدري اليتاني حبيبه بنار صــبــره يحترگ
حلم عنك بعداني وهلحلم اصبح صدگ

دمعي ترك بخدودي اثار
يا نار گلبـي چــوّت النار
اتنطر اتردولي الاخــبار

شـيـطـيـب اجـروح العـلـيـلـه

===========================

لا وصلـت مـراسـيـلك و لا وصلتني اخبارك
يمتى تعود انا اشتاگيت واشتاگت الك دارك

ليش ماگلت انه عايف طفله وحدها بقت
لا خـبر مـنك وصلها ولا رسـاله الها اجت
ماگلت ياهــو اليسكت بــتـي لو ليه بچت

چا ليش مارحت انه ويـاك
جا ليش ابقه بداري ونعاك
انساك بويه شلـون انساك

شـيـطـيـب اجـروح العـلـيـلـه

===========================

✍️عباس مالك آل عفريت

نسألكم الدعاء

الناشر احمد الفاطمي

25 April 2026 22:38

شيخ السلف من السلف شد أَرحال
وادع ديـــاره و البخـــــت وَيَّا شال
عن داره دار العترة
نازح عَزيــز الزهرة
عن الأوطان.   عن الأوطان
ـــــــــــــــــــــــــــــــــــــــــ ـــــــ
بأول محـــطات النـــــوح
عاف المدينة ابــــلا روح
و تصرخ وراه لا لتــروح      كـل گاعه

و من حَرِّكت ذيــچ النوگ
ثوب الوطن ظل مشگوگ
چا غير گلــــــبه محــروگ.  لأِوداعـــه

كعبة و ابنـــــــزوحه مـــر عله الكعبة
يويـــــلي و لاگه وآدم بيــــــها متحبه
ماي و حتى زمــــــزم يشتهي ايشُربه
ابعصي و احجار باچر عسكر اتضربه

بضعن المَوَدة وياه أخذ لابنايات
قُربه لــــوجه ربّه سبي العلويات
يدري الهزل متحظرة
نازح عَزيـــز الـــزهرة
عن الأوطان.  عن الأوطان
ـــــــــــــــــــــــــــــــــــــــــ
يمشي و تمـاشي لاجروح
كلشي بكيــــانه  مـــذبوح
شما عايــن لضــعنه تفوح      دمـــــــعاته

چم ليــلة و تلــوحه الخيل
و تشد عله اضلوعه الحيل  
مـــا تنشـــف لثــــــالث ليل   طبــــــراته

يكــابر عالهضيمة و دمعته اتفضحه
ذابحته الحـــراير  مـــن قــبل ذبحه
يا هي المنهن اكثر باچـــــر اتجرحه
و يا هي التنعمي لو شاهدت رمحه

شايل جروح ابگــد شوارعها الشام
و عالتلة زينب تستمع طگ أعظام
شتخلي منـــه العَشرة
نازح عَزيـــــــز الزهرة
عن الأوطان.   عن الأوطان
ـــــــــــــــــــــــــــــــــــــــــ
عايف عليـــلة ابيا حال
ماخـــذ رقيــــة لاحبال
عيناها متـروسة ارمال     تــاذيـــــها

أزغر سبــية لام عـــون
فوگاها ليش ايرفسون
زينب تخلـــصّها شلون     تالــــــــيها

تروكض وين زينب ماكــــو كل چارة
تطُّب ابغــــارة تطــــــلع تدخل ابغارة
ابدمعتها المُخيـــــــم تخــــــمد ابنارة
و كل جندي اليمرها ايطگها ابحجارة

مات الكفلها و الخـــــدر ويَّاه مات
محتارة يا ليل اهدعش وين تبات
زرگة المتون و حمرة
نازح عَزيــــز الزهــرة
عن الأوطان.   عن الأوطان
ـــــــــــــــــــــــــــــــــــــــــ
طول الدرب حاني الراس
يحچي ابصــفــنته لعباس
باچـــــــر خيمنه تنـــداس     بايتـــامي

خـويه عليـــــــك المعبود 
خل عندك هنــــــاك ازنود
يصبح خـدرهن فــــرهود    گـــــدامي

حجاب الله و عفـــافه طـالع ويانه
و اذا طاحن چفوفك طاح صيوانه
وحدتـــهن تِمَني كـــــــون حلــمانه
من تفحط ركــض مـــا بين دخانة 

من الخيم تطلع خيـــــــم متحفيات
رجليهن ابشوگ الحَسَگ متجرحات
كســرتهن أعظم كسرة
نـازح عَزيـــــز الزهــرة
عن الأوطان.   عن الأوطان
ـــــــــــــــــــــــــــــــــــــــــ
عِطشن ســـــــنادين الموت
عبدلله مـــــــا طَــلَّع صوت
مزگي الـــــــورد بالتــابوت    مـــــــن دمه
 
بعده طفـــــل ثوبه اگماط
و جرح النحر ماله اخياط
وسط الخِيَم طگ و شاط     گلــــــب أُمه

يلمع چــان ليش ابــــدم بِهَت لونه
مصيوب او يناغي احسين بعيونه
طيــر الجنـــــــة عبـــدلله يسمونه
مدفون او نبلته ابنحــــره مدفونه

مهده مثـــل خيمات أبوه صـار ارماد
و بعد الذبح راسه شُبَگ رمحه الحاد
حضن امه ظل ينتظره
نـــــازح عزيــــز الزهرة
عن الأوطان.  عن الأوطان
ـــــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

مصيبة علي الاكبر جبيره للخيمه جابوه بحصيره
تگطع وصل وجروحه تاذيه وحاير ابوه يمه ويلم بيه
*******
شافه طاح من المهر وناس اجت يمه شكثر وصار بالكيف
هذا يطعن بالرمح وذاك يلجم بالجرح وهذا بالسيف
حاوطوه ومنين ما دارو يطبروه
وآخ بويه ايصيح صدري شما يطعنوه
للخيم يرجع يريد وما يخلوه
راد ماي وكلها صاحت لا ترووه

نام عله وجهه بحضن الاتراب ومن عنده سلبو حتى الثياب
محد يجيه وميه ينطيه وحاير ابوه يمه ويلم بيه
********
جروح جسمه منترس ونايم بذيج الشمس ويدور افياي
علي عالگاع انفرش ويبس گلبه من العطش وتعذب اهواي
منين ما دار الوجه طعنوه بالرماح
وجسمه من كثر السيوف اتگطع وراح
الطعنه فوك الطعنه وشگد ياعلي صاح
عمت عيني عليه ماخلوه يرتاح

ياناس حيره امصاب الاكبر شيلمه جسمه الي تطشر
ومن الشمس ياهو اليغطيه وحاير ابوه يمه ويلم بيه
****
دمه عالكاع انثر مثل زخات المطر من دارو عليه
حالته اتگطع الگلب شلون نايم عالترب ومتوسد ايديه
گطعوه وگامو بجسمه يطشرون
وحركو گلب حسين بالاكبر يصيحون
كون من جسم ابنه كلشي ماتخلون
حتى ابوه يحتار يجمع مهجته شلون

گطعوه وسحكوه بالحوافر وحسين خلوه بأبنه حاير
صاير وصل عالغبره يلگيه وحاير ابوه يمه ويلم بيه
******
المصرعه حسين اعتناه عالوجه مرمي لگاه ومهشم الراس
رمه بروحه من المهر تمدد بطوله ويجر بالگوه الانفاس
ظل يشم بيه وگعد يم جسمه حاير
يلم بوصاله ويطشرون العساكر
علي يبني بيك شمسويه الخناجر
اهواي من جسمك خذت ذيج الحوافر

من جسمك اشكد ياعلي ضاع وطشوك مثل الماي عالگاع
ياجرح من عندك اداويه وحاير ابوه يمه ويلم بيه
*****
حيلي يابويه انهدم شلون ارجعك للخيم وانته عله هالحال
اشلون اشيلنك حرت وانته يبني توذرت ومن عندك شظال
منين ماشيلك كتر من عندك ايطيح
وآخ بويه منين ما لزمنك اتصيح
بيدي لميتك وخاف تنثرك الريح
ومثل دمك راح دمي عله الثره ايسيح

جبت الحصيره وكمت الم بيك وماعندي شربت ماي ارويك
ابيا گلب لخيامي اوديه وحاير ابوه يمه ويلم بيه
******
تمت
ميثم العمري

الناشر احمد الفاطمي

25 April 2026 22:37

انه و عبـــــــاسك دم واحـــد
و الموقف واحد   يابو علي
عطشان ادريك شلون اشرب
للـــــــماي البارد   يابو علي
دم اشفاي// سأل ابهاي
فوگ الماي// يابـو علي
ــــــــــــــــــــــــــــــــــــــــــــــــــــــــ
جابولي الماي و ردت اشرب
                   و دمي الينزِف عارض هاي
ساعتها اتخيــــلتك بالطف
                   و انته بعازة شُــــربة ماي

عطشانين اعيالك // نسوانك و اطفالك
و عبدلله المتفرفح //  بديك
تتحـــــسر لخيـَــــامك // و العسكر گدامك
فرحــــانة و متونسة //  عليك

جنســــــيات شـگد مختلفة
ضــــدك ملتمة.    يابو علي
من كل صوب أتراك و ديلم
لجلچ متحزمة    يابو علي
دم اشفاي// سال ابهاي
فوگ الماي  // يابو علي
ــــــــــــــــــــــــــــــــــــــــــــــ
يابو سكينة وداعت عينك
              ما دمعت عيني امن الخوف
بس لجـــــلك فارن عبراتي
              يال بالطف شـــــراح اتشوف 

لحظه ما دفعوني // غمضت آنه عيوني
وحدك شفــــتك حاير  // غريب
و تعاين بعيونك // بحجار ايضربونك
يالثوبك من جسمك // سليب 

ياهو اليــــــفزعلك و تحشمه
ما عنـــــــدك وآدم    يابوعلي
و يا ريت انه ابطفهم حاضر
و اصبحلك خادم   يابوعلي
دم اشفاي.  سأل ابهاي
فوگ الماي.   يابو علي
ــــــــــــــــــــــــــــــــــــــــــــــــــــــــ
بين جروحك راجع محني
                      و عدوانك ما عدها احساس
ما تگدر تمـــــشي و تتعثر
                      شمسوي بحـــــــالك عبـــاس 

صعبة اتشيل اجدامك // و ايدك فوگ احزامك
كلشي بروحك حدّب // لاخوك
حسراتك بأنفاسك // طعناتك باحساسك
و امتـانيـــــــهم يمته // يجوك

حافرهم لو داس ابصدرك
شيصيـــر بزينب  // يابو علي
و مستوراتك ويــن ايباتن
و اخيامك تلهب // يابو علي
دم اشفاي // سأل ابهاي
فوگ الماي // يابو علي
ـــــــــــــــــــــــــــــــــــــــــ
بشدة و ما فكَّرت ابروحي
                  و كل تفكيــري يَمّك چان
و الماي الجـــــابوا رديته
                  زحمة و ما موتن عطشان

ما همّــــيت ابحالي // وحدك شاغل بالي  
يال ما بلّوا ريجك// حسين
عاينــــــتك بالامي// و شفت المَبسَم دامي
و عيـــــونك مليانة // حنين

چف الذبّاح الحز نحرك
حز نحــــر القبلة    يابو علي
و زينب طلعت من الخيمة
و صعدت عالتله     يابو علي
دم اشفاي // سأل ابهاي
فوگ الماي // يابو علي
ــــــــــــــــــــــــــــــــــــــــــــــــــــــــ
للعاشـــــگ ينـــــراد الموقف
            و آنه العاشگ احلى انسان
يا ماي اشرب و انته اعيالك
            عطشان ايصبّر  عطــــشان

شلت الماي ابيدي // يا نار الحُب زيدي
رايد مثـــل الكافل // اكون
انه الميت لأجلك // ما اشرب لو اهلك
و شفافي لشفافك // تهون

انه العـــــاشگ و انه المُغرم
و بحُبـــــــك هايم.   يابو علي
ما تنـــــــبل ارياگي ابگطرة
و عن غيرك صايم    يابو علي
دم اشفاي // سأل ابهاي
فوگ الماي // يابو علي
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

كأني بالسيدة العليلة ع قالت

صعدنّ عالنوگ // و صحت ابدمعاتي
فرحــانة اهواي  // إلچـــــن يخـواتي
رحتنّ وَيَّاه // للحيل اهواه
صحت ابدمعاتي
ــــــــــــــــــــــــــــــــــــــــــــــــــــــــ
رغم ما گلبي يــــوگف راد
                  و رغم ما حيــل مكسورة
فرحانة لان خذچــــــن
                 و احس ابروحي مسرورة

بچيت اجروح // لان مـــاروح
و گلت لا عيب // خـــــــواتي گبـالي
و گلـــت للعين // بنات احسين
يفــــرحن كــون // دمـــــــع لتــــلالي

حاجيت الروح // لاحّــــــد يسمـعنه
خل يروحـــون // و نبچي ابراحتنه
و نصرخ بالآه // للحيل اهواه
صحت ابدمعاتي
ــــــــــــــــــــــــــــــــــــــــــــــــــــــــ
حبست ابصـــدري عبراتي
                  و بالبسمة اكسرت ونّي
و لو رت ابچي بالبسكوت
                  خـــــــواتي لا يسمعنّي

اصـــــــد بالعين// لأبوية احسين
و تريـــد اتسيل // و اكـــــــض دمعاتي
أكــــــابر موت // و خنگت الصوت
يحسّن خـــاف // جـــــــرح لچمـــــاتي

من يســـــــألون // خومــا حزنانة
أسكت و تفيض // عيني الذبلانة
يكتل فرگاه // للحيل اهواه
صحت ابدمعاتي
ـــــــــــــــــــــــــــــــــــــــــ
وحدة غيري لو متروح
                 و عالنــــاگة اروح اني
إلا أنـــــــزل و اصعّدها
                 و حگ عباس بمچاني

شحيـــــبة لون // اخيتي شلون
وحيدة اتلوب // و لا ارضـــــــاهـــا
بگلب محروگ // لاوگف النوگ
و أرد لـــــــدار // و اظـــــــل وياها


ابصفنات الليل // متـــــظل وحـدها
و اعله الياويل // جرحي ايساعدها
لو سال ادماه // للحيل اهواه
صحت ابدمعاتي
ـــــــــــــــــــــــــــــــــــــــــ
عليلة و حيلي متهزهز
                 و صبري اتلاشه بنيانه
يعني شراح بلّة يصير
                 لو گــــال امشي وَيَّانه

المرض شيطيب // ابغــرف تعذيب
هلــي چــــا وين  // دوه ابنيـــــــتكم
دريتـــــــوا ابهاي // خذيتوا ادواي
و خــذاني النوب // مرض وحشتكم

بس الجــدران // ظلــــت وَيَّايه
و محـد بالدار // ينطيني ادوايه
و شلون انساه // للحيل اهواه
صحت ابدمعاتي
ـــــــــــــــــــــــــــــــــــــــــ
عگب سكنة و رقية البيت
                    خرابة شام ما يسوه
و مـــن كاروك عبـــــــدلله
                    كل اشـــــوية اتچوّه

عله الحيـــطان // شفت دخان
و ركضت بهاي // ركــــض مرعوبه
أسيــرة احلام // دخلت الشام
بديّه احبـــــال// و خـــــدر منهوبة

فرگتكم نار// و اخيـــام ابريتي
و ايد السلاب // باگت ترچيتي
مسبية هناه // للحيل اهواه
صحت ابدمعاتي
ـــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

لَم عيــــاله ابكــــربلاء
لمّة أصحـــاب الكساء
و ناده من بعد الدعاء
الــــوداع
ـــــــــــــــــــــــــــــــــــــــــ
بالخيـمة الچبـــيرة جَمّـــــع الخِـــــدَّر
وعلى روس الزغار اچفوف ادي تفتَر
لبناته من وصـــل كــل الحـچي اتغيَّر
وصاح ابسـرعة اخذهــن منّي يالاكبَر

ظهره فــــوگاهن حناه
و گاده عبـاس و خذاه
وظَلَّــن ايصرخن وراه
الـــــــوداع
ـــــــــــــــــــــــــــــــــــــــــ
طلع منهن يغـــص ابشهگة انفاسه
و كل شوية يمســح وجهه عباسه
رُقية لحگــته و اتهــــدّم احساسه
و لزم مَعصَم اديها و دنّگ و باسه

مسـح لبنيته الحجاب
و العــباية امن التراب
و گلـها ارجعي للرباب
الـــــــوداع
ـــــــــــــــــــــــــــــــــــــــــ
رُقية رجعـــت و سكـــنه اجـت يَمّه
ابنحره اتريـــــــد اخــر مــرة تشتمه
سمعت خيل باچـر تسحك ابجسمه
و عطشان او حــوافر تشرب ابدمه

باچر ابصــدره تجول
اعوجيـــــات الخيول
و فوگه تندگ الطبول
الـــــــوداع
ــــــــــــــــــــــــــــــــــــــــــــــــــــــــ
وادع كـــل بناته و هـل اجه الاصعَب
شيصير ابحاله حين موادعه الزينَب
لاگـــــــاها الحنين وحــــدَّب وشيَّب
و ضمّـــاها ابعــــــباته الـراح تتسلَّب

شگد بچوا جـوّه العــباة
و احتضن باقي الخوات
و شــــابگ اردود البنات
الـــــــوداع
ـــــــــــــــــــــــــــــــــــــــــ
صاح شلــــون حين اليـوگع ألوانه
وبده ينــوح ويوصي فلانه بفلانه
يگلــــــهن بويه لو وصــلوا ثنايانه
خلها اتلوذ عطشانة اعله عطشانة  

من تركـضن حافيات
ننجرح يمـــــــدللات
انه و الظل عالفرات
الـــــــوداع
ـــــــــــــــــــــــــــــــــــــــــ
واحد تلــــوه الاخـــــر شــابگ ابنينه
و من اصـــــفاحه ابد ما شال چفينه
حضن خيه الكفيل و باسه من عينه
و بلل بالدمـــــــوع آيسـاره و ايمينه

چفوفه أخيه من تضيع
يعني يسبــون  الجميع
و يحترگ مهد الرضيع
الوداع
ـــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

وين العليلة و رَكضَة الحومة
گــــال و گلتله كلمن و يومه
ليــل ليــل نــار نـار أحـــمل
ـــــــــــــــــــــــــــــــــــــــــــــــ
گـعــد يَمّي و گلي احبچ // و ظل يدگ گلبي الخجول
باس راسي و بست ايده // و بعد منــتــظرة شيـگول

بحضنه ضمني و ابتــسملي
بس دِمَع من ابتسم
و انه حســيت بــالم // بس يا ٱلم

گــتله علــيمن دَمّعــت گــف الـدمع
احچي التريده امروتك خل استمع
تدريني احبك و انفجع مـن تنفجع

گال ال بناتي تحظرت الهزلة
گتــله وحقّك هـالامــر سـهلة
ليل ليل نار نار أحـمل
ــــــــــــــــــــــــــــــــــــــــــــــ
ظــل يلَمّـح و افتهمته // لـوحدي أظـل دون الـزغار
و ما تروحي من حچاها // دموعي نـزلن چـن شرار

شال چف أيده و دعالي
و بدعائه شگـد بـچه
تالي بس كلمة حچه // أتحمّلي

گـتــله احـتمل كـونـك اذا مـا تنـقهر
و لبنتك ادموعك هذن عصرن عصر
الله كـريــم إنَّ مَــعَ العُــسـري يســر

هنا گلّي من طف گربله أحسن
گتــله الـسياط و داعتك أهون
ليل ليل نار نار أحــمل
ــــــــــــــــــــــــــــــــــــــــــــــ
مو عليلة تدري بيّه // و تدري مـا احمل هموم
لو عفـتني لا محالة // ميتة اصيرن ثاني يوم

يـوم واحــد عـمـري بعــدك
و يمكن اگصر هم بعد
بـوية لــو عنــي ابتعد // ضعن الاهل

من يا اخو فــراگ احتمـل مـن يا اخت
بس يحدي حدّاي الضعن احسب متت
و اقــرالي عود الفـاتحة مــن تـلتــفـت

گــال ال يـروح تــوّرم امتـونه
گتله شيظلّه ال يرحن اعيونه
ليل ليل نار نار أحمــل
ـــــــــــــــــــــــــــــــــــــــــــــــ
گتله خذني و لا يهمك// شبيها يعني كربلاء
أنه بنتك و اگدر اصبر // شما يكون الابتلاء

گلّــي من يــاهــي تصبري
عالــذبح لو عــالسبي
لو على أطراف العبي // من تحترگ

ما يعجبچ طف كربلة شو كـله دم
و صدگيني مو گدّچ ابـد ذاك الالم
يا شوك تحمل يا جمر هاي الجِدَم

يچوي الرمل من گلّي بالهيمة
گتله اليـفارگ ينچوي بضيمه
ليل ليل نار نار أحـمل
ـــــــــــــــــــــــــــــــــــــــــــــــ
گتــله بوية عــمتي زينب // هيه تحميني امـن روح
الشــام گلــي احجار اهلها // ناگلينه اعله السطـوح

و بوية چفها اهناكة زينب
يبـقه ما يشگف عدل
امن الشماته و الحبل // و امن الهضم

امن الشام بـوية لعمّتچ ميظل صبر
بالسوگ يفــتر الضــعن وگت الظهر
و مـرة بخــرابة تـنذبح مــرة بقصر

من الحــبل چـم شامت ايجرها
گال و صحت يا حيدر أحضرها
ليل ليل نار نار أحـــمل
ـــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 19:16

اسوم الروح لجلك وانت شاريهه
الك صارت خدمتي وفتخر بيهه
***
تره الخدمه عظيمه وعاليات الشان
ما تنعد سعر   بيها  الوصف حيران
أمير   ايصير  بيها  وشايل العنوان

الخدامه هيه ذخري وانه احچيهه
الك صارت خدمتي وفتخر بيهه
***
يدنيا اشگد تغرني وثابت ايماني
يا معنى العشگ ظل ذكره ابلساني
كتبت اسم الرضا بأعماق وجداني

وضميري ايصير انت قبلتي ارويهه
الك صارت خدمتي وفتخر بيهه
***
الخدامه عندي صارت هيه مضموني
ولا شك  من اسولف شيعي بجنوني
ابو محمد احبه وساكن اعيوني

طواف الحج لگيته وعمره ناويهه
الك صارت خدمتي وفتخر بيهه
***
تريد اشگد اسولف وروي بالمجمل
بخصالك انه اعدد والبعدها أجمل
عشگت اسم الرؤؤف وماخذ الأول

هاي الشيعه يمك كلها اساميهه
الك صارت خدمتي وفتخر بيهه
***
الگلب وياك صافي  ابخالص النيه
يا محلى المدح ينطيني من ضيه
تظل مشهد عظيمه وكلها قدسيه

بداية هل مجالس انت راعيهه
الك صارت خدمتي وفتخر بيهه
***
جوازي هناك صارت دمعتي بالعين
اذا  سألوني من يا نايحه وامنين
اجواب وبجبيني خادم انه احسين

فزت  بيها وگلت يامحلى تاليهه
الك صارت خدمتي وفتخر بيهه
***
تمت بعون الله تعالى الشاعر___يوسف_الفتلاوي

الناشر احمد الفاطمي

24 April 2026 21:28

بعنوان/ قصت حياتي العليله💔
/////////
...........................


مشتاگه واشتاگ الهذيج المه
ايا هواكم عافيه من اشتمه
كلبي يحجي وياي
اشتاكلهم انه هواي
•••••••••••••••••••••••••••••••••••••••••

يالماخذ الروح ورحت مو تدري بيه اشتاگ
سافرتو ومرني الحلم جدامي حلمي نباگ
غمضت عيني وفتحت بس الدمع سباگ

ماضل ترى بعيني دمع عميه عليكم عيني
وسنين عمري بروحتك شيبت كلها سنيني
احجي ويه كلبي شمايدگ شو محد يحاجيني

احجي واغطن بالدمع ليليه
وموهينه تنزل دمعت العلويه
دورت لوالكه بعطركم نسمه
اياهواكم عافيه من اشتمه

••••••••••••••••••••••••••••••••••••••••••

رحتو وتركتوني جمر شي خلصه اليه اليل
من رحتو عني تحيرت فاركني حته الحيل
ومن ابجي تبجيلي السمه واليمي كام يشيل

طفله وعليله وحدي وحته الهوه يخنكني
والدمع جن نار وتشب من ينزل يحركني
يشوفوني اجبيرت عمر محد رضه يصدكني

شافو الشيب وكالو انتي جبيره
واحلف واكلهم عمي والله زغيره
عمري والشيب البيه ياهو يفهمه
اياهواكم عافيـه مـن اشتمه
•••••••••••••••••••••••••••••••••••••••••••

كد ماصحت بويه وعلي بي بحه صار الصوت
وفـــراكم مــــاينجرع عليه اكـلف من المـوت
والــبيت صــارلـي كبــر وهـدومـي الـتابوت

ياوحشته الفاكد هـله ومبيوكه مـنه احلامه
وياكسـرته بدمعه يضل بس الصور جـدامه
أيـسلـي روحـه بونته واليـل ابــد ميـنامـه

قصت حياتي سولفتها الخرسان
هاي العليله نكتبت عله البيبان
طيفك يبويه اليل كله أتحلمه
اياهواكم عافيه من اشتمه
••••••••••••••••••••••••••••••••••••••••••
المرايه تعكسلي شفت وجهي وجه متعوب
ومشتاكه الك بويه وعلي خل يعتزل يعكوب
كلبـي مـثل فـص الثلـج بالهـجر گـام يـذوب

مربيه لومــــرت حـلم وشوف شكثـر متعوبه
من الزغر بـويه انه بسـهم الهــجر مـصيـوبـه
الميشوف اهل كلبه يضل ضايع يدور دروبه

شالو وخلوني أنسبي بوناتي
وشالت الكعده وفاركت خياتي
يسالوني وانه ارجع واكلهم نعمه
اياهواكم عافيه من اشتمه
••••••••••••••••••••••••••••••••••••••••••••
الردتكم انذر جــــم نذر وجـم علك شـديت
وكل ساعه كلبي ينشلع چني بسجن موبيت
كفـت عيـــوني من الدمـع وبشـوكـم ونـيت

اتمنه اموت ولااتضل روحي تعد بالحسبه
واحـاه يـانار الگلب من يمشـي عنـه الـحبه
يزيد ألألـم فوگ ألالـم والحيل كـله يسلبه

تعبانه انه والحزن زيد وني
ترفت عمر والوكت مايرحمني
ياوكت الكشر دوم مابيه رحمه
اياهولكم عافيه من اشتمه
###################
تمئت🖋 بفضل صاحب الزمان ع
#علي_الحموداوي

الناشر احمد الفاطمي

23 April 2026 22:26

كربت ايامـك مــحرم ونـشـرت قـميـصك فاطـمه
متحظره من هسه المواكب وأهل الصدور الاطمه
الحــمـدُ لله رد عليـنا صــرخــتنا وصـلـت للســمه
خلي يحــل فــجـر الـعــزيه دنيانا صــارت مُـظلـمه

من هسه منصوب العزاء
ونتــرقـب اوقــات البُـكـاء
نحسـبله عاشـورك يـعـود
وتــرد مـصـايــب كــربلاء

ونرد نون مثل الأمس
عن جثه بعيون الشمس
تـرد الــمــدامـع والـطم
والدنيا عاشر تنترس

نرد نبجي الجسد مشمور والبر ما يصح فيه
الحمد لله وصل عاشور ومتد العمر بيه
......................
رغم ما لحظه نسينه جرحك وذاك البلاء
بس محرم طعمه ثاني وبي طعم ثاني البكاء
من يمر عاشورك احلى الطمه يبن الأولياء
والجزع يحلى بمحرم ويختلف حتى العزاء



عاهدنه امك يا حسين
ما نگطع عليك الونين
خالقنه الله الهل عزاء
شما تمضي خل تضي السنين

وشما كبر بينه العمر
يكبر لطم هذا الصدر
تكبر مشاعر للخيام
والحسره تكبر للخدر

گلب ضل للخيم مكسور وهضمه مرافچه الريه
الحمد لله وصل عاشور ومتد العمر بيه
.........................
هي بس كم ليله ضلت و تعلى أصوات النياح
وينعى ناعي الغاضـريه شالـو الـحـق بـل رمـاح
تفز جروح الشيعه لمن يـرد محـرم بل جـراح
ونسمع الناعي ينادي الوالي من المهره طاح


ناعــي الـمـصـايب مـن يكـول
سحكت على حسين الخيول
يتـعــالـي بــل مجـلـس بكـاء
وموجوده تبجي امه البتول


بالمجلس تكوم وتطيح
يا ويلي يوليدي تصيح
ولمن نشوف الزهره عيب
واحدنا يهده ويستريح

والما يبجي ما معذور أجه مو صافي النيه
الحمد لله وصل عاشور ومتد العمر بيه
.....................
من تشوف العبره زادت يعني شهر الحب قريب
من تمر جمـره بدليلك يعـني ظـعـن الله غريـب
يعبر بظهر الهزيايل مٓــن جـسد بالـبـر تـــريــب
واخته نزلوني تنادي ومــا حصـل مـنهم مجيب

وبسرعه مـر منه الـدلال
وصار الوداع اعله الجمال
هنه بظــهـر ذيج الـنيـاگ
وهو على ظــهر الـرمــال


موادع جسد ويه الحجاب
مامش اشد من هل عذاب
اخته ورفض حادي الظعون
تنزل تشيله امن التراب


خدر الله مشه مجبور وعافو جثته مرميه
الحمد لله وصل عاشور ومتد العمر بيه

الناشر احمد الفاطمي

23 April 2026 05:07

شكد هضيمه .. من يموت حسين عطشان
شكد هضيمه ..بغربه زينب مالها اخوان
هاي ياعالم مصيبه .. ياهو يفزع للغريبه
**
ليلة العاشر يعالم ليلة موادع كضوها
هاي التودع ابنها وهاي اليضمها اخوها
وذيج التشم بطفلها وهاي التعاين لابوها
وزينب بحسرة گلبها اخوتها كلهم حاوطوها

يامصيبه .. وخلصنها شلون ليله
يا مصيبه .. باجر تشوف العقيله
باجر تصير العجيبه .. ياهو يفزع للغريبه
**
طر فجر ليلة العاشر وكلمن تحضر دمعها
ياظهر لَتمر عليهن العدها ابن لزمت ضلعها
حال التفارك ضناها محد يحس بوجعها
العدها غالي تنوح سكته وزينب الكافل سمعها

حل ظهرهن .. وابتدت كل المصايب
حل ظهرهن .. وشافن انواع العجايب
كلمن يودع حبيبه .. ياهو يفزع للغريبه
**
للحرب شبان طلعوا ويلي دمهم تارس البر
القاسم بدمه تحنه وبالخيم مذبوح الأكبر
وزينب تودع ولدها والمصيبه عليها تكبر
والرباب تصد لابنها والسهم كاطع المنحر

كلشي مذبوح .. والمصيبه تكطع النياط
كلشي مذبوح .. حتى وصلت للبالگماط
عملة العاشر عصيبه .. ياهو يفزع للغريبه
**
راية العباس جانت ظلها خيمه اعلى المخيم
والامان البيها بالطف بظلها كل العيله تلتم
طيحة العباس صعبه حسين كل حيله تهدم
جفوفه طاحت عالشريعه ولون وجها غيره الدم

راح الحسين .. منحني و ايده اعلى ظهره
راح الحسين .. وضم ابو الغيره اعلى صدره
وينسمع ونه ونحيبه .. ياهو يفزع للغريبه
**
ضل ينوح حسين وحده وعالحرم تنزل دموعه
فزعت سهام اعلى صدره وعالعقيله بصدره لوعه
واجت يمه خيول عشره وكامت ترض بضلوعه
والشمر يكطع بنحره وياجزع يرحم جزوعه

بين الخيام .. زينب احتارت بامرها
بين الخيام ..و شبت النار بكترها
هجمت الخيل الرهيبه .. ياهو يفزع للغريبه
**
فرت من الخيمه تركض وسم الصوط بمتنها
يامره التحمل صبرها ومنكطع بالحسره ونها
تنادي ياعباس خويه وين راح الكمر عنها
وبالحبل شدوا اديها وتنجر بدمعة حزنها

تمشي للشام .. والحزن كاسر كفاها
تمشي للشام .. والحرم يمشن وراها
والكلب يسعر لهيبه .. ياهو يفزع للغريبه
**
تمت
احمد الخفاجي

الناشر احمد الفاطمي

23 April 2026 03:40

يحسين كل عمري اشوفك جرح
يالراسك محلي لگيت الرمح
حسين حسين
******
راسك يرتل سورة اهل الكهف
كل آيه تقراها تبين ألم
عالرمح نحرك حزن زينب نزف
ومن صاب صدرك كبر صيت السهم
ماتنعد اسهامك واهواي آلامك
وبآخر انفاسك عينك عله خيامك

كل شهگه تشهگها جرح منفتح
يالراسك محلي لگيت الرمح
حسين حسين
******
يأذيك راد الماي وكت العطش
وانته الحييت الماي ماله ذكر
يحسين صدرك للخيول انفرش
وستقبلت كلشي برحابة صدر
يالمنگطع راسك بنحرك نبي باسك
جم طبره بالمنحر وجم حافر الداسك

الماي والناصر عليكم يشح
يالراسك محلي لگيت الرمح
حسين حسين
******
مادرو بيك حسين جفك نبي
بس ترفع ايدك للسمه اتصب مطر
نحرك رساله وجان رمحك وحي
والرمل حار وجان دمك احر
يالتعبت رمحك حتى الهوه ايجرحك
ليش الشمر ضامي ومن الگفه ايذبحك

الماي شح عليك وكت الذبح
يالراسك محلي لگيت الرمح
حسين حسين
******
فارش ضلوعك والحوافر سحگ
وبيهن تعزب گمت لآخر ضلع
الهوه الما طب ريتك مختنگ
بكربله كلشي كضه اله الدمع
كل حافر ايلوحك ايظل يلجم بروحك
الف وتسعميه ياسيدي اجروحك

انته الكريم او وجهك شگد سمح
يالراسك محلي لگيت الرمح
حسين حسين
******
صعدت التل وصار تل زينبي
وقربان بالطف قدمت جم نحر
شبه لهم بت علي بدرب السبي
همه انسبو والجيش كله انكسر
هيبة علي زينب وبالمجلس الاصعب
گالتله كد كيدك مو حيدر الينسب

يحسين صاحت هدمت كل صرح
يالراسك محلي لگيت الرمح
حسين حسين
******
تمت
ميثم العمري

الناشر احمد الفاطمي

27 April 2026 11:05

ياگلبي لا تنطر ابد
الراح مايرجع بعد
ياحيل كل حيلي رگد ... حيلي ركد

عشره صفيت ويالألم
ويه الدموع التجري دم
گلبي حترگ قبل الخيم ... قبل الخيم

اهلي وكتي خذاهم
وانه اصرخ وراهم
لانسوني ابسفرهم
ودمعي لا مانساهم

رحله هاگد طويله
وعافو الهم عليله
اگعد انطر رساله
وانه طفله ونحيله

كلشي راح
حيلي طاح
راح اموت
من الصياح
،،،،،،،،،،،،،،،،،،،،،،،،،،،،،،،،،،،،،،،
من سافرت ضحكت هلي
البيت ضل ضلمه وعلي
خلوني جا ياهو الي ... ياهو الي

اتنطر ودمعي يهل
وبعتبت الباب انشتل
ضهري بعد ماينعدل ... ماينعدل

ياهو اليردلي حيلي
يخلص بدمعه ليلي
اصعد انه ورقيه
منيتي جانت يويلي

اهلي من وادعوني
وروحو وما خذوني
هنانه خلصت حياتي
من شفتهم جفوني

دمعي سال
وضهري مال
وصرت انام
اعله الرمال
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مشتاگه عيني وتنتضر
هلبت خبر ليهم يمر
شلون ابرد ودمعي جمر ... دمعي جمر

وحشة واخاف من الهوه
متعلعله وگلبي انجوه
ماينفع اوياي الدوه ... وياي الدوه

منيتي يلفيني موتي
ضجه حته بسكوتي
لا ابو الباقي يمي
وسافرت كل اخوتي

عشره راحت ضيمه
ورده تهجره غيمه
تعطش وماكو گطره
هاذا حال اليتيمه

شلون اشوف
بگلبي خوف
ادري ابوي
ابنص سيوف
،،،،،،،،،،،،،،،،،،،،،،،،،،،،،،،،،،،،،،،،،،،،
ادري اليصير ابكربله
كلشي تطشر بالفله
عالهزله اعضم عائله ... اعضم عائله

ادري ابخواتي مطشره
كافلهن ابحر الثره
وبلا خدر طلعت مره ... طلعت مره

اتمنه وياهن اني
الهزله ترهم مجاني
مالي ابهل مدينه
وسفه محد خذاني

منيتي اصبح سبيه
ويه سكنه ورقيه
المن ابقه بغربتي
ريته حبلي ابأديه

وهل كلام
ابلا ختام
بموتي انوح
اعله الخيام

ابوفايز الرافضي

الناشر احمد الفاطمي

27 April 2026 06:22

يلي ملكت روحي من جروحك جروحي
شما بيه الم
دلني بتفاصيلك ارسمهه وبجيلك
نار وخيم
حسين حسين حسين حسين
…………………………… ………………………… .…
انه مفطوم اعلى حبك وبالحزن معجون طيني
افدي لاجلك ياحبيبي روحي وموالي وبنيني
انته بس انته الاريده انته ياواهس سنيني
انه شستاهل ولاكن توبه من حرك تجيني

ياغايتي وحبي ياروحي ياگلبي
منك عشت
ياعشگي من زغري ياشوگ البكبري
لبيه رتلت
حسين حسين حسين حسين
………………………………………………………… هالگلب من غير حبك مو گلب يحسين احسبه
ياعشگ بس انته صدگي عشگ هالوادم اجذبه
فدوه لاسمك هل أسامي استلذ بأسمك وكتبه
كل شي منك انه احبه وحتى حزنك حيل احبه

تحجيلك ادموعي بس انته موضوعي
شوگ وحزن
نار الحزن بيه تجويني يوميه
لمن اون
حسين حسين حسين حسين
……………………………………………… …
بغربه اشعر بيت اهلي وصحنك الراحه الجبيره
الدنيا اديرن وجهي عنهه بس الك وجهي اديره
من اباوع جسمي صاحي حيره تاخذني عله حيره
ليش ماموتن وأمامي جسمه لموه بالحصيره

يالوعة العاشر ويادوسة الحافر
اه جم جرح
ضامي ويذبحونك وگامو يدوسونك
رغم الذبح
حسين حسين حسين حسين
………………………………… .…………………… ..
اليوم اذا مابيه دمعه احسب بهل يوم خله
ما اغمظ عيني وغفه الا نعي اقرالك اله
على خدودي ادموعي احسهه والدمع يحسين اگله
مني لاتگطع يدمعي المثلي غيرك والله شله

اجري اعلى مذبوحي ماافتر بنوحي
طول العمر
لضحى الي بعمره شگد رفست بصدره
رجل الشمر
حسين حسين حسين حسين
………………………………………………………
لاهله يحسين اصيحن لو شفت عاشور اجانه
لاهله بجروح گلبك لريت صابني بمجانه
واهلا بدمعي وحدادي انه الك يحسين انه
موعلي خطار حزنك حته بمحرم لفانه

كل وكتي عاشورك خادم يمن نورك
عله الخدم
تحسبني هالوادم ملك انه مو خادم
يابوالقيم
حسين حسين حسين حسين
……………… .…………………………… .…
خادمكم قاسم المالكي

الناشر احمد الفاطمي

27 April 2026 00:47

العليله

عتبي اعله المشو بالدار وحدي وهاجروا عنـي
لابيه أگـــــطـع البيده و لا منـهـم گــطـع ظـنّـي
____
عليله وعلتي بالروح موجسمي المرض ياذيه
ياكل روحه من يروح غالي و وحــده يخليـه
لايمي واگــلـه ارجـاك ولا يمسع عتابي اعليه

اشكي بحالي للجـــدران الـهـن سمـعـت ونّي
____
بيه انه امشي وياهم ولـــدرب السفر أگــدر
بويه اگبال عــينك شـوف وبممشاي ماأعثر
گــدام الركب ممشاي كــون اتگــول أتأخــر

خـــواتي وعـمـتـي وياي مـن اتعب يعينني
____
بطاريكم احاچي الدار وحشه اخلاف راعيها
جفني الماغمض للنوم وبوي حـــسين مابيها
اسال بالقــوافل دوم واتـنـشـــد طـــواريـهــا

طارش انطر ومكتوب ويطفّي جـمـر حـزني
____
كل ساعه واشوف الباب تركض مو مشي جدامي
واحســب باليالي احــساب اشهــور يمـرّن ايامي
ادور ابالي الحسبات اخــاف الـــراح ينـســانــــي

ابوي وعـتبــي انــه اعلــيه بويــه ايامــي هدّني
____
والعبدالله انه اشـتـاق ارتّب بالـمــهــد واشـتـم
صوته بأذني ما أنساه من اذكر ضــحكته اتولم
هزني الشوگ أخيي اعليه كل يوم بسهم أحلم

بيكـــم بالمنام احـلــم حـلــم الـسـهــم فــززنـي
____
هم بيكم رجه اترجعون انطركـــم دهـر وسنين
هم بيكم أمــل للضال وحــده ومابقاله امـعــين
طفله وهمي حمل اجبال شيبت الگلب يحسين

همّــي ايزيد كل ماطال هـجــرك يلرحت مـنـي
==========================

✍️عباس مالك آل عفريت

نسألكم الدعاء

الناشر احمد الفاطمي

26 April 2026 15:25

((تعبني الفراگ))
______

من شالـــــو أحبابي انه لليوم
أعيــوني أبـد مامـارهااا النـوم
ياروحي موتي....ياروحي موتي
...........................
كافي يگلبي المن تون ياهو اليسمعك
او لـيامك أوياهـم بعد محد يرجعك
بيت الحزن يكتل ترا ومنه أشيطلعك
راحو احبابك ياگلب موزين وضعك

يهلي الگلـب صاير وصـلتين
هيج انه حالي أبفگد الحسين --- طير أوفگد جنحانه الـثنين
ويلأاه يالحباب....ويلأاه يالحباب

.............................
بنيه وزغيره عله الهجر مومالت انعاف
من الحزن روحي بقت بس ثوب تنشاف
يتماشه وي دمي التعب واصل للچتاف
وبالمـــغربيه للگلب چم شوغه تنضاف

بفراگـهم دم تـبـچـي الـعيون
وحيـلي مـشه كله ويالضعون---عافوني طير أبقفص مسجون

تعبني الفراگ......تعبني الفراگ
.............................
يـوميـه بالـباب انتـظر ويـدي عله خدي
ؤأصـبر وگــولـن يـاگلــب شـده أوتـعدي
أمن هلي ولا واحد بقه بس ربي عنـدي
يانـــاس والله من الهظم ممرود چبدي

علــيهم دلــيلي شلـع مشـلوع
ومن القـهر محروگه الضلـوع---ؤنـــي السابع جار مسموع

عاافوني وحدي......عاافوني وحدي
.............................
اتمنه اروح او يالـهوه ويـاخذني ليـهم
صبـح ومسيه روحي انه اتـحن عليهم
مـرضي أو جع گلبــي ترا كله امنديهم
اعزازي بس من حسرتي الربي اشتكيهم

شـــالو بـــعد اهــل المـحنه
وكلها گضت گـــعدات اهلنه---ضليت أون ونه عله ونه

كلش هظيمه....كلش هظيمه
________
'''''''''''''''''''''''''''''''
تمئت 🖋بفظل صاحب الزمان ع
#علي_الحموداوي
"""""""""""""""

الناشر احمد الفاطمي

25 April 2026 22:38

#قصيدة_للامام_العباس
كأني بالامام الحسين ع بعد ما رجع من مصرع ابي الفضل ع تحدث مع مولاتي زينب وقال

گتله ابحضني امــــــن الگاع. نام عباس
و شم عطــــــرچ بيّه و صاح. شام عباس
دگ راسه اعله حجري و سأل دمعات
و آخر چلـــــــمة (زينب) گالها و مات
سلملي عليها. سلملي عليها
ــــــــــــــــــــــــــــــــــــــــــــــــ
هزني و لچمني // من ما عرفني
و لَمّن فــــــوگاه همــلت عيني
حس بيّه و صاح انته احسيني
و حار شلـــون يگوم

چا وين أدينك // و شبيها عينك
حاچيته و ضـم عنّي ازنوده
و راد ايضم عينه الممروده
و انه ابچيله ادموم

گلتله بطــيحتك معنـــــاها اطيــح اني
و قبل سكنة لــــــرجعتك خَيّك امتاني
دگوم اويــاي خــــويه ظهـــــري اذاني

ابزينب مـــن گتــــله شـــلون. ناح عباس
و راسه امن ايدي اعله الگاع. طاح عباس
خَلّصناه حچيـــــــنه يختي وَنّات
و آخر چلمة (زينب) گالها و مات
سلملي عليها سلملي عليها
ــــــــــــــــــــــــــــــــــــــــــــــــ
أگزل رحتله // وينك صحتله
گدامي او ما شوفه ابعيني
چا غير صـــــوابه العاميني
و اتهمّـــــس ظليت

ليش اعله بختك // يا كافل اختك
يتشمّت عســــــكــــرهم بيّه
من شافـــــــو ماتـــن رجليه
و محــــــدّب رديت

خَذَتَني لمـــــصرعه و دَلّتني حنـــــــيته
و ابلـــطم الثكـــــــالة يخـــــــتي لاگيته
افرشت طولي اعله طوله و كله شميته

بيني و ما بيـــــــنه النوح. طال عباس
و من عيني و عينه الماي. سأل عباس
مليناها الشريعة ادمــوع و آهآت
و آخر چلمة (زينب) گالها و مات
سلملي عليها سلملي عليها
ــــــــــــــــــــــــــــــــــــــــــــــــ
شما بيّه شَمّچ // يخنگني باسمچ
و يظل يسأل عـــــــن تاليها
شراح يصــــير ابزينب بيها
و ينوح ابلا صوت

گتله الحنينة // ترد للمـــــدينة
و ما گتـله اتركضيــن ابهيمة
مدخنة و حالچ حــالة خيمة
خِفت ابساع ايموت

گلتله ربّنا خـــــــويه بعينه يرعاها
و تباريها الزچية و حيــدر اوياها
و ابد ما گتله سـوط ايورّم اگفاها

ما باصـــــــرته اتمـــــــوتين. شوگ عباس
و راسي و راسه اعله ارماح. فوگ عباس
درب المشــــرعة خَلّصته طيحات
و آخر چلمة (زينب) گالـها و مات
سلملي عليها سلملي عليها
ــــــــــــــــــــــــــــــــــــــــــــــــ
من طاح اخونه // زينب ولونه
ساعة و يبدي شوط اوجاعي
و اتسمعيهن خـــويه اضلاعي
تنـــطگ جَوّه الخيل

ها يالأميرة // تمشين أسيرة
و اعتبري الناگة المخسوفة
راح اتصـــعدين و مچتوفة
و يَمّچ نحري يسيل

بعد ما بالحوافر ينســــــحگ جســـــمي
رماد اعله العبي تتحـــــــول اخيــــــمي
و تصيرين أُم جدم حافي و متن مدمي

يصبحـــــــلچ كل مصباح. ليل عباس
و چفچ لاويته احبـــــــال. حيل عباس
من هاي الخيــم توصلني جمرات
و آخر چلمة (زينب) گالها و مات
سلملي عليها. سلملي عليها
ــــــــــــــــــــــــــــــــــــــــــــــــ
يااكبر خواتي // و خيمة بناتي
خل بالچ من كل مسبية
لا توگع مـــــــنهن علوية
لو عَثروها النوگ

موكب أرامل // يسمع هلاهل
بالشام يطولن ســـــــاعاته
و الشامت تكتل ضحكاته
آ يا ضيم السوگ

ناس السوگ ما الـــــهم عرف بينه
اليبيع السلعة و الشاري يفك عينه
و النسوان خـــــــويه تشتم اعلينه

بينچ ما بيــــن الشــــام نار عباس
و راح يرشـــــوچ ابماي حار عباس
باچر بالخــــــرايب زينـــب اتبات
و آخر چلمة (زينب) گالها و مات
سلملي عليها. سلملي عليها
ــــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

ابا الفضل   حوزة معــــــــرفة
ابا الفضل   مرجـــع للــــــوفه
آيـــــة ربّنه العُظـمة
باست چفّه العصمة
عباس  عباس
ـــــــــــــــــــــــــــــــــــــــــ
من والــــــده زَق العلم // و الحكـمة
و مــــــن أمه    زَق حُب الامـامة
مـن زغـره عالم مُجــتهد // باحســـــاسه
و ابــــــراسه.    لف حيدر عمامة
نافــــذ بصيرة او بالاسم // إلاعظـــــــم
هم يعـــــلم     و أسرار القيـامة

يطوي الأرض يگدَر // چا غير ابن حَيدَر
و شيخ الفصاحة لو صعد عباس عالمنبَر

مَلْجأ شكــــو حاير // لأبعـــد نجـــــــم ساير
عرفاني ينظر عالسمة و يعرف شكو شصاير

ابسبّابته.    چن حيدر امس
ابسبّابته.     لاويها الشمــس
عكست  نوره النجمة
باســت چفّه العصمة
عباس  عباس
ـــــــــــــــــــــــــــــــــــــــــ
متشابها اوجـوه البشر // بس هــــوه
ما ســـــــوّه    ربّك مثــله أحد
دُرَّة ابجبينه و مَبْسَمه // ياقـــــــوتــة 
و بصــــوته    طير الجنّة غَرّد
شايل محبّة فاطــــمة // ابنص گـلبه
و تحــــــبّه     أكثر بت محمد

وحي النبي يطــــوفه //  و العلّة معــروفة
اربـــــــع أيمّة قبّلـــــــوا عبّاسنه اچفــــوفة

عطره شحلو عطره // مــــن ريحة الزهرة
و منّزلته متعدية السمة عـد ربّنه و العترة

يم العرش    روحه تستــــــقر
يم العرش    بانيـــــــله قصــر
قـــــــدَّم للّه دَمّــــــه
باست چـفّه العصمة
عباس  عباس
ـــــــــــــــــــــــــــــــــــــــــ
من الحســـــــن وارث كــرم // ديــــــوانه
و إحسانه    و ما خذهن دِلَاله
للفقـــرة ينــــــطي صَـــايْته // و خاچيته
و چفّـيته     لـوجه الله تَعــاله
راعي الفضل يعـــني الفضل // تُفـصــاله
و بسلاله.    حاوي كل خِصاله

معَــزَّب لجــل ديـنه // عالمشرعة ابعينه
و ابسُفرة الله فـــارش العبـــــاس چفينه

يا حاتـــم ايلحگه // صاحب هلا و ملگه
و الطائي يم جود الگمر سالفته محترگة

يرشح كرم.   وجهه و النّعِم
يرشح كرم.   ديـــوان الزلِم
صاحب خير و نعمة
باست چفّه العصمة
عباس  عباس
ـــــــــــــــــــــــــــــــــــــــــ
بأخلاقه شايل چم نبي // مــــن آدم
للخــــاتم      مزروع ابضمـيره
كامـــــــل مُكمَّل لَقِّبــوا // يستــــاهل
بالكـــافل    خدر اخته الاميرة
حتى الأئمة بالشـــــدد // تلجـــــــأله
و تِندَهله    يا بـدر العشــــيرة

إلعـابد الخـــــــاشع // و الــــــزاهـد القــانع
من يمشي عينه بالأرض گد ماهو متواضع

كل عُمـــــــره و سنينه // ناذرها لحسينه
و عيونه كل ذاك الوگت ما حطهن ابعينه

اسمه انكتب.    بحروف الذهَب
اسمه انكتب.    موســوعة آدَب
رايــــة و أية ابسمه
باست چفّه العصمة
عباس  عباس
ــــــــــــــــــــــــــــــــــــــــ
صورة علي و شمرة علي // و هندامه
و لــثامه     و لزينــب فخـرها
فارس حجـــــازي عالمُهر // لو زَمجَــر
تتكــــــرر     خَيـبر وي بــدرها
صان الأمــــانة و البخـت // بانجــــازه
و امْجازه     البدوية و سهرها

بالطـــــــف نطق آية // لــــن تسقـط الراية
و العلگمي خرّ و سجد و اسْبَل جرف مايه

فقّـــــــاره خـــزراته // و ابراسه ريشــاته
تنقل بشـــــــارات النصــــر لعيون خيماته

نال الشرف    مِنْ أَبٍ و جَد
نال الشرف.   مَنْ جَـدَّ وَجَد
غِيـــرة تفور ابجسمه
باست چـــفّه العصمة
عباس  عباس
ـــــــــــــــــــــــــــــــــــــــــ
باب الحوائج و العشگ // بس ندّبه
و عالعتبة    تانيَ ايمدلك ايده
حَلفه ابخدر زينب قبل // لا تســأل
و ادّلـــــل    ينطيــــك التريده
و انه ردت منّه ابعطف // يسمــعها
و يقبـــلها    منّي هالقصيــــدة

ناديـــته باحساسي // و اتعطــــــرت انفاسي
الــــــف أنعمللة سيــــدي بيك انرفــــع راسي

صــــــوتي رضه يسمعه // و رازقني بالدمعة
و چن گَلي أجرك منحسب عالطاهرة البضعة

واحة عشگ    أَلگاه ابحضرته
واحة عشگ    أَقــــره ازيارته
و بالشُــبّاچ  اشتـمّه
باست چفّه العصمة
عباس   عباس
ــــــــــــــــــــــــــــــــــــــــــــــ
الحمدلله
#علي_حسين_الكناني






ّ

الناشر احمد الفاطمي

25 April 2026 22:37

لبيكَ يا حسين // لبيك يا حسين
ــــــــــــــــــــــــــــــــــــــــــــــــــــــــ
(لبيكَ) هالصرخة ابــــلا حَــــد
                    من الأرض لابعـــد كوكب
اجنّنـــــــا سبـــــــطُ محــــــمد
                   و قدوتنــه عبّاس و زَينَب
وراثة عـــن أب و عـــــــن جَد
                   اورثنه كنِــــز حُبّه الأعذَب 
لاخـر نفـــس نلبـــــــس أسود
                  و يتعب هدمنه و ما نتعب

ما ردنه مـــــــن الذر // إلّا ابــــو الاكبــــــر
و ندري يحبــنه أكثر // حُب حيــــدر لقنبر

لبيك يا حسين // لبيك يا حسين
ــــــــــــــــــــــــــــــــــــــــــــــــ
عن الجـــرح گالــــــوا حكمة
              ما تــنــــوجع إلّا أصحــابه
و جرحــنه لا فـــدوة الأسمه
             ناخـــذ دوانه امــنْ اتــرابه
شمس و گمـــر وگت الظلمة
             ينثر ضــــــوه لعين احبابه
حسيــن اسمه و الكوثر أمّه
            و تسوه العُمر سجـدة ابابه

بخيـــــــامه نتــوّضه // و انـأذّن لـــــفرضه
و ال بالذَهَبْ يحضه // ما يـــرضه بالفضة

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
بهذا العشگ حگ نتـــــفاخر
                ربّــــانه عالعـــــز ربّــــــانه
من عابــس لإبـــنَ مُظــــاهر
                عشنه ابفخر چن صُحبانه
ناصب خيـــــم گلبه الطاهر
                و بيهن جمعـــنه و خلّانه
مُستقبل و ماضي و حاضر
               ساكن گلبــنه و شريــــانه

قائــــــد قضيتنه // و صاحب عقيدتنه
رايــــــاته رايتنه // و يم گبـــره جنّتنه

لبيك يا حسين // لبيك يا حسين
ــــــــــــــــــــــــــــــــــــــــــــــــ
ضدنه انجمع جيش المُنكر
                  و هيـهات ابــــــد بالذل نقبَل
واحــــــدنه تلمــــيذ الأكبر
                  و ينتــــــمي لجامـعة المَقتَل
والينه طـــــگ رَزّت خَيبَر
                  انشـــــــد علينه و زين أسئَل
من عدنه ابو ذر و الأشتر
                  و عصر الظهور أوشك يكمَل

وگت الصـدگ يبدي // من يظــهر المهدي
و لأجله العُمر نفدي  // جندي بعد جندي

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
بدمــعة مُحَـــــرَّم نتكـــاتف
              و عاشــوره دوم ايجَمّعنه
و حتــى إذا لـــو نتخــــالف
              مجلــس عــزائه ايوَحّدنه
درب العشــــگ بي نتحالف
              و انبـــزها عينه اليكرهنه
ميهمنه ابــــو عقل الناشف
             و شما حچه ابدن ميهمنه

مــن أول و تــــالي // نجمـــــــتنه بالعالي
و صَدّگونه مَنغالي // شيعة و نظل غالي

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

كأنّي بسيد الشهداء الحسين ع يُناجي ربّه كما ناجى جدهُ أبراهيم ربّه ﴿ رَّبَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ...) و يقول

رّبّي إنّـــي // أسْكَنْـــتُ مِنْ آلي
في البَراريْ // سَّتْري و أطفالي
عَلَيْهِم تُحْرَقُ الخَيْمَة // بِوَادٍ غَيْرِ ذِي رَحمة   
أسْكَنْـــتُ مِنْ آلي
ـــــــــــــــــــــــــــــــــــــــــ
ربّ اناجيـــــــك ابغــربتي
                  ابدعوة ابراهيــــم جدي
تــدري بيّه ابـــــلا عشيرة
                  و العشـــــاير كلها ضدي
بضعني چم هَاجر جبتها
                 و كلهم اسمــاعيل وِلْدي
أسكنِتــهُم يَــم فُــــراتك
                 و قطرة منّه ماكو عندي

ذا رَضيعي // يا سَامعَ الشَكْوَى
لا يُنــــاغي // ظمْـــآنُ لا يَقْـوَى
فأبكتْ أمُّهُ العِصْمّة // بِوَادٍ غَيْرِ ذِي رَحْمة
أسْكَنْـــتُ مِنْ آلي
ـــــــــــــــــــــــــــــــــــــــــ
طاعةً لأمـــــرك يالاهي
                ابداري ما خليــــت شمعة
وحدة ظلت چي عليلة
                و ابهـــذن هالجيتك اسعه
وين التحبــني و أحبها
                و التلالي چنـــــــها دمـعة
قربةً لأجـــــلك جبتهن
                و يَستحيل الجبته ارجعه

ذي سُكَينْة // تَهْفُ لِشُربِ الْمَاءْ
َنْبْضُ قَلبْي  // تُسبى بعاشوراءْ
بلا إِلّاٍ وَ لَا ذِمَّة // بِوَادٍ غَيْرِ ذِي رَحْمة
أسْكَنْـــتُ مِنْ آلي
ـــــــــــــــــــــــــــــــــــــــــ
انه عبـــدك لاصطفيـــــــته
                 و ردته للحـــق يبني دولة
بالخيــم نِزْلتْ إمائــــــــــك
                 و انتــه بيــــهن مني أوله
يسلمن امن الجولة الاولة
                 و الهن الله ابثــاني جولة
و تشگف السوط و اشوفه
                 محترگ چف بنتي خولة

رُمْحي يَهْتَز // لصَوتِِها المَبْحْوح
نَحْرْي يَنْزِف // لمَتْنِها المَجروح
تُنْادْي الغَوْثَ يا عَمّة // بِوَادٍ غَيْرِ ذِي رَحْمة
أسْكَنْـــتُ مِنْ آلي
ـــــــــــــــــــــــــــــــــــــــــ
بدمّي راح ازگي الرسالة
                    و اكشف الخـــــــالف نبيه
السارق البـــــاگ الخلافة 
                   بذمتـــــــه تَرچيـــــة رقية
دينك الحـق عاري شفته
                   و گتله اخذ ثوبي ال عليه                 
و للشَريعة اعله الشْريعة
                   خضّــــــرت أعظـــم هدية 

زَاكِيـــْـــاتٌ// يُقْطَعْنَ لِلْعَـــــــدْلِ
رَبِّي فَأقْبَلْ //  كَفَّـي أَبي الفَضْلِ                  
فَهُنَّ السَفْحُ و القِمّة // بِوَادٍ غَيْرِ ذِي رَحمة   
أسْكَنْـــتُ مِنْ آلي
ـــــــــــــــــــــــــــــــــــــــــــ
بحُب علي اخيامي انصبتها
                      و اعله حُب الزهـرة أُمّنه
و حُب علي و الزهرة باقي
                     حتى لو طاحـــــن خيمنه
قد تَرَكـــــــتُ الخَلْــقَ طُراً
                     في هواك و ســــال دمّنه
و ابسبيلك و لـــــــرضاتك
                   خنصر ايدي و چف عَلَمنه

أنْتَ تَدري// يا مَنْ بِنا أَسْــرَى
ما خَرَجتُ // أَشِراً وَ لَا بَطِرا
إليكَ الحُكمُ و الحِكمْة // بِوَادٍ غَيْرِ ذِي رَحمة   
أسْكَنْـــتُ مِنْ آلي
ــــــــــــــــــــــــــــــــــــــــــــــــــــــــ
يا نصيـــــــر المـاله ناصر
              و الأمـــــــل للمــــاله حِيلة
بصدري من تعبث حوافر
               عينك اعله اختي العقيلة
ربّي أشْگُف عــــن متنها
              و گصّر الايـــــــد الطويلة
و ابرحمتـــك لِمْ ضعنها
              و حنّن اعليــــــها الهزيلة

بِنتُ زَمْزَمْ // و الرُكنِ و الإِحــرامْ
أينَ زينبْ // و أينَ قَصْــــرُ الشْامْ
فَلَنْ يَرْعَوا لَها حُرْمّة // بِوَادٍ غَيْرِ ذِي رَحمْة
أسْكَنْـــتُ مِنْ آلي
ـــــــــــــــــــــــــــــــــــــــــ
الحمدلله
#علي_حسين_الكناني
               

الناشر احمد الفاطمي

25 April 2026 22:37

لسان حال العليلة عليها السلام

مــا صــدگ لا معقــولة
ودّعتـــــه و رديــــت // مــن يم باب البــيت
بكابوس اتوقّع روحي
و هسه اكعد و ارتـاح // منتـظـرة المـصـباح
حسين لو بيـده يفــززني مــن نــومي
حسين إلا ابقه شــابگـته بكـــل يومي
ـــــــــــــــــــــــــــــــــــــــــــــــ
ســاعة رحيله // مــن گلي بيها
سهــرانة ليـلي و مكــسـورة خـلّاني
زادي گطعته // و عفته لدوايه
و ابچي و اناشغ و اتشــكّه لاخـواني
ترضــوها يخــواني أظــل مسبيـة للآه
يــالاكبـر ادخيلك بعــد أحچــيلي وَيّاه
حنيّن أعرفه الوالدي مو قاسي حاشاه

حالي من حال الزهرة
صدري بعصرة انعاب// و كاسر ضلعي الباب
عطشـــانة لـچلمة بوية
چلــمة تــرد الــحيل // لـو خَــوّانـي اللــيــل
حسين وادعني و ظل عطره بهدومي
حسين إلا ابقــه شـابگتـه بـكل يومي
ـــــــــــــــــــــــــــــــــــــــــــــــ
شَدّ المــحامل // و أنه أراقب
صعدن خواتي و ما چَـنّي موجودة
هاي أنه گتله // عاينلي بوية
و مردن دليلي چم دمعة بخدوده
يناشــغ عــليّ دار الــوجه و مــدنّگ الــراس
و ناده بهضم ياهل الضعن صيحولي عـباس
حســباله ميــتة و هــل عليّ ألتــمّت النـاس

يمكن لو ميتة احسلي
شصــبر مــن يا نــار // هــوّه شـظل بـالـدار
شو كلـهم هل عافوني
و من راحو ظلــيت // بــالبيت ابــلا بــيـت
حسين كون يرد و يعــاين لهمومي
حسين إلا ابقه شابگته بكل يومي
ـــــــــــــــــــــــــــــــــــــــــــــــ
ظليت اعاين // و اعله الهوادچ
ويــن الاحبـها ماخــذها بــضعـونه
سكنة و رقية // و خولة و صفية
و صَعّد حميدة و يبچيلي بعيونه
سوّيت روحي امسيّطرة بلحظات الاوداع
لاكـن عـرف ميتة قهر مـن طحـت عالگاع
و من ( الله وياكم ) سمع ما طلعت بساع

ماتت من سار اجدامي
ورگة و جتني الريح // و كلما اوگف اطيح
لو بيّه اركض ما عفته
شلون يــروح الـروح // و أنه وياه ما روح
حسين لو يرجع من يـسمـع بعـلومي
حسين إلا ابقه شـابگـته بكـل يومي
ـــــــــــــــــــــــــــــــــــــــــــــــ
ألــطم بديه // و امتربة وجهي
لــعمي رحتله و باصرته باحوالي
بجرحي گلتله // سهلّي امري
و أيده بستــها و حَلّفته بــالغالي
دون اخــوتي ظـل محملي يا عـمي مطروح
و حسيــن ميــردلك طلب شــو گله ختروح
تدريني ماخذني المرض وين احمل اجروح

يالكافل بيك اتواسّل
كون اتحاچي احسين // و امشي ويــالماشين
و خاف يگلك معلولة
سهــلة و گله اتــهون // و ادّاريــهــا ام عـــون
حسين يا ريته ايخلّصني امن غمومي
حسين إلا ابقى شــابگته بكــل يـومي
ـــــــــــــــــــــــــــــــــــــــــــــــ
من شفتــه عازم // يرحــل بدوني
جرحي خفيته و خيّطته بهـمومي
و حـگ الإخــوة // أخــذت رقيـة
حجاب و عباية من صرّة اهدومي
گلتـلها اخــذيلچ بــعـد چــم قطــعة تـذكــار
و چم ثوب هم أخذي بعد لاخواني الازغـار
بــالطف صعب يتحصّلن مــن تـوصــل النار

يختي هنـــاك ايفيـدنكم
خاف تلـــوحچ نار // زينــب مـا تحـــتـار
و ثوب اكبار أخذي وياكم
مــن تهـده النيـران // بــي غطّي العـريان
حسين يــا حــزني الــبثيته لــنجـومي
حسين إلا ابـقه شـابگته بــكـل يــومي
ـــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

25 April 2026 22:37

طَبّــها رفعـة الرأس // و من هـد گالت الناس
مســلم دزّ الاحسين // لــــــو دزّ خَـيّه عباس
ـــــــــــــــــــــــــــــــــــــــــــــــ
من هجم والـد حميدة
چنه يـــقراله بقصيدة
و آ يالحنه // // ماكـو منه
المستــهل كــلما يعيده
أطيح الارگاب العنيدة
حمزه چنه // ماكـو منه

بـــالفعل چــن حمــزة صيّــاد الاسود
و هُمّه غير الشردة ما عدهم ترة
من وراه نزحت الكوفة اعله الحدود
و قائد العسـكر لبـس شيلة مَرة

بيـــهم ســوّه زلـزال // و عنّه تحچي الافعال
و الكوفة الچبيرة // شحّــت بـيها الانفاس
ـــــــــــــــــــــــــــــــــــــــــــــــ
جبــهته تنضــح كـرامة
خوذة لابس مو عِمامة
و چنه مـن كر // عمّه حيدر
يعني شيـسولف حسامه
و بيت ابو طالب عَمَامه
عمّه جــعــفر // عمّه حيدر

جعفـــر الطيّــار مســلم ثــاني صــار
طَيّر الروس و سحگ فوگ الجثث
مسوّي برنامج معَ أصحاب الشـمال
و لجهنّم بث مبــاشـر سيـفه بث

بــناره تــارس النار // و كلـهم دخلـوا انذار
و الي ما شرد ظال // يعـني شاربه انداس
ــــــــــــــــــــــــــــــــــــــــــــــ
قائــد و كل أهـله قاده
و الهـم تلــوگ السيادة
و المُعَـــــــرَّف // لا يُعَـــــــرَّف
هــذا تربـات الصميدة
صــولته تشبه رعيدة
رايــة لـو رَف // لا يُعَـــــــرَّف

مــو چبــير العُمر مســـلم بعــده شاب
و منّه ضــاگوا كل عذاب الاخرة
هاشمي و مثــل أهله حار و دمه حار
و رأسه دخّن صار چنّه المَبخَرة

طشّـر ذيچ الاصفوف // و منّه تبدي الاطفوف
بصوته بين الاجيوش // يزئر چنه عفراس
ـــــــــــــــــــــــــــــــــــــــــــــــ
غِيرة ظـل يـرشح جبينه
و خسفت الكـوفة يمينه
نـاده مــن هد // يــا محــمد
هـزهـــز أركــان الإمـارة
و من يرد ضـربة يساره
بـصــوته ردد // يــا محــمد

زلــمــة حـــوگ و ابـــد متـهــزّه الشـــداد
و من حِمَل عالجيش شافوه معجزة
القـــادة مـــنّه شـــردت اگبـــال الجــنود
و حتـــى ميّتــهم شــرط هــم فزّزه

دگهم بيده عالگاع // هذا اربات الاسباع
مسلم واحد يكون // و بغــيره مينقاس
ـــــــــــــــــــــــــــــــــــــــــــــــ
بالعـــده ســوّه اليريده
بـخزرته ذيـچ الشديدة
بنظرة ليهم // شسوّه بيهم
بچـفه دگ كــل الايادي
و ناده من الله سدادي
شن عليهم // شـسوّه بيهم

الـــگابله معنــاها مــلك الــموت اجاه
و يعني روحه صارت ابوادي سقر
اغلــبيت الجــيش هــل طلبـوا لجوء
و من حــدوده فنّه واحـد لـو عبر

بيهم ردها صفين // و كله لــخاطر احسين
سوّهم چـلــمتين // و حطهم بين الاقواس
ـــــــــــــــــــــــــــــــــــــــــــــــ
الحمدلله
#علي_حسين_الكناني

الناشر احمد الفاطمي

24 April 2026 21:29

مصيبة علي الاكبر جبيره للخيمه جابوه بحصيره
تگطع وصل وجروحه تاذيه وحاير ابوه يمه ويلم بيه
*******
شافه طاح من المهر وناس اجت يمه شكثر وصار بالكيف
هذا يطعن بالرمح وذاك يلجم بالجرح وهذا بالسيف
حاوطوه ومنين ما دارو يطبروه
وآخ بويه ايصيح صدري شما يطعنوه
للخيم يرجع يريد وما يخلوه
راد ماي وكلها صاحت لا ترووه

نام عله وجهه بحضن الاتراب ومن عنده سلبو حتى الثياب
محد يجيه وميه ينطيه وحاير ابوه يمه ويلم بيه
********
جروح جسمه منترس ونايم بذيج الشمس ويدور افياي
علي عالگاع انفرش ويبس گلبه من العطش وتعذب اهواي
منين ما دار الوجه طعنوه بالرماح
وجسمه من كثر السيوف اتگطع وراح
الطعنه فوك الطعنه وشگد ياعلي صاح
عمت عيني عليه ماخلوه يرتاح

ياناس حيره امصاب الاكبر شيلمه جسمه الي تطشر
ومن الشمس ياهو اليغطيه وحاير ابوه يمه ويلم بيه
****
دمه عالكاع انثر مثل زخات المطر من دارو عليه
حالته اتگطع الگلب شلون نايم عالترب ومتوسد ايديه
گطعوه وگامو بجسمه يطشرون
وحركو گلب حسين بالاكبر يصيحون
كون من جسم ابنه كلشي ماتخلون
حتى ابوه يحتار يجمع مهجته شلون

گطعوه وسحكوه بالحوافر وحسين خلوه بأبنه حاير
صاير وصل عالغبره يلگيه وحاير ابوه يمه ويلم بيه
******
المصرعه حسين اعتناه عالوجه مرمي لگاه ومهشم الراس
رمه بروحه من المهر تمدد بطوله ويجر بالگوه الانفاس
ظل يشم بيه وگعد يم جسمه حاير
يلم بوصاله ويطشرون العساكر
علي يبني بيك شمسويه الخناجر
اهواي من جسمك خذت ذيج الحوافر

من جسمك اشكد ياعلي ضاع وطشوك مثل الماي عالگاع
ياجرح من عندك اداويه وحاير ابوه يمه ويلم بيه
*****
حيلي يابويه انهدم شلون ارجعك للخيم وانته عله هالحال
اشلون اشيلنك حرت وانته يبني توذرت ومن عندك شظال
منين ماشيلك كتر من عندك ايطيح
وآخ بويه منين ما لزمنك اتصيح
بيدي لميتك وخاف تنثرك الريح
ومثل دمك راح دمي عله الثره ايسيح

جبت الحصيره وكمت الم بيك وماعندي شربت ماي ارويك
ابيا گلب لخيامي اوديه وحاير ابوه يمه ويلم بيه
******
تمت
ميثم العمري

الناشر احمد الفاطمي

24 April 2026 17:25

حُسين يمعلمني الحب الصدگي
حُسين من ما اعشگ غيرك حگي
حُسين انه امدلل صرت ابجالك
،،،،،،،،،،،،،،،،،،،،،،،،،،،،،،،،،
ياحبيبي الدنيا من بعدك ضلام
انته روحي ولو احب غيرك حرام
اتلگه عمري بخدمتك ملگه السهام
انه جيتك جيِت الحر للخيام

حُسين نادم عالضايع من عمري
حُسين خليت الفاتني ابضهري
حُسين ماتنعد مولاي افضالك
،،،،،،،،،،،،،،،،،،،،،،،،،،،،،،،،،،،،،
انه صح الطم ونوح اعله المصاب
طامع بنضرت عطف مو عالثواب
فشله اكشخ وانته طايح عالتراب
وحمره صارت لحيتك من الخضاب

حُسين ماريد ابعد عن مصابك
حُسين فدوه ايامي العطر ترابك
حُسين يالشايلني ومحد شالك
،،،،،،،،،،،،،،،،،،،،،،،،،،،،،،،،،،،،،
ارد اعوفن كلشي والگلبك اشيل
صرت احس بروحي عالوادم ثگيل
الاعمه يعثر جدمه لو ماكو دليل
نطيني جفك مال اعوفك مستحيل

حُسين عشرت هاي الوادم جذبه
حُسين ميوافي التوفي وتحبه
حُسين يمضحي بخيمه وبعيالك
،،،،،،،،،،،،،،،،،،،،،،،،،،،،،،،،،،،،،،،،
معزب وياهو اليجيك اتگله هاك
نطيته عبدالله السهم لمن اجاك
جيت تهدي الوادم وخانو هواك
تالي طبگو صدرك الغالي بگفاك

حُسين ماتستاهل هايه اللجمه
حُسين بانعمه وسحگوها النعمه
حُسين بالطف محد راحم حالك
،،،،،،،،،،،،،،،،،،،،،،،،،،،،،،،،،،،،،،،،،
يالنمت فوگ الترب عاري وسليب
وزينب اختك رافگت عين الغريب
الخادم يسموني هاي حسبها عيب
وانته اسمك صار ابو الخد التريب

حُسين انه اكشخ ونته بدم نحرك
حُسين والحافر ضل يسحگ صدرك
حُسين بالطف محد لم اوصالك
ابوفايز الرافضي

الناشر احمد الفاطمي

23 April 2026 22:26

شور ختام

جائت مولاتي فاطمة الزهراء بعد الأذن من مولاي رسول الله صلى الله عليه وآله وسلم إلى مصرع الحسين في يوم العاشر فقالت


جيتك ييمه بطف المصاب
نايم لگيتك فوگ التراب
نورك سألتك يا يمه وين
واسمع تگلي بهل هيمه غاب

هد حيلي يمه العاشر تگلي
انه صريع ومذبوحه أهلي
للخيمه يمه من أشرتلي. شفتك بجيت

حسبالي تبجي يمه عله حالك
ثاريها تبجي خوف العيالك
خايف يهج بالهيمه دلالك. وما يبقى بيت

يمه حسين لمن اجيتك شفت العجايب
يمه حسين نايم لگيتك فوگ الترايب
يمه حسين وطرفك تديره صوب الحرايم
يمه حسين متجمعه فوكك كل النوايب
يمه حسين

يا يمه حسين
..........................
جيت بعباتي انصبلك فياي
غير انه امك وانت ضناي
ضامي عرفتك ملهوفه جيت
جيتك ييمه و بجفوفي ماي

عطرك ييمه دلاني دربك
جيتك وكول بجفيني اشربك
بس شفته ينزف يا يمه گلبك من السهام

صعبه يضوگ الماي ويشربه
كلمن مثلث فاطرله گلبه
ويلي غربتك ما منها غربه. ضامي تنام

يمه حسين الطم اجيت بجفيني خدي
يمه حسين جا چم حسين بهالدنيا عندي
يمه حسين ما همني ضلعي والطم اجيتك
يمه حسين جا حگي الطم ضلعي عله ولدي
يمه حسين

يا يمه حسين
..................................
شيبك لكيته مخضب دماء
و توميلي شفتك صوب النساء
يا يـمه زينـب گــتلي وبـجـيت
خاف امن اموت تهج بالعراء

تكوم وترد توكع يمه شفتك
تصرخ خيامي يمه سمعتك
خايف تعوف مخيمكم اختك. يوليدي اه

اسمع تـون بس خافـت ونينك
طايح لجن يم الخيمه عينك.
هدك مــحــرم الله يعيــنـك بركض النساء



يمه حسين عاشر محرم غير حلاتك
يمه حسين وما كفه هذا ضيع بناتك
يمه حسين وانت صريع بنص الحوافر
يمه حسين وعالهزله منك مرن خواتك

يا يمه حسين
...............................
مو واقع ادعي هذا منام
واختك بعدها بضل الخيام
ولا هي فوگ الهزل تروح
ولا انت فوگ الرمله تنام

ادعي بحلم موش بواقع انه
ومامش عطاشى وكلشي بمجانه
وحضنك سليم ويرجع حنانه يضم الرضيع

ويرجع ظعنكم للديره كله
مامش سبايه ومامش خوله
ومامش حوافر فوگ ابني تعله وهو صريع


يمه حسين من نومي افز بحضني اشوفك
يمه حسين وكل هذآ طيف ومامش طفوفك
يمه حسين نحرك اشمه وبحضني اوسدك
يمه حسين وعشرة أصابع الگه بجفوفك



#حسن_يونس_التميمي

الناشر احمد الفاطمي

23 April 2026 03:40

سلام الله على الطفله العليله فاطمه
*******
سلام الله على العافوها اهلها
وعلى الظلت عليله ومحد الها
بعد شيردهم اتشتت شملها
وعزاز الگلب ماضن يردون
******
شكثر بالباب تانت وكت الغروب
يجون وما اجوها وهيمه الدروب
زغيره بس گلبها اهواي متعوب
وتطش عله الدرب يوميه العيون
*******
سلام الله عليها تعذبت حيل
وتشوف الموت گامت من يجي الليل
شافت بالمخيم تحرگ الخيل
ويتامه حسين بالهيمه يركضون
*******
بعدهي زغيره ومبينه شكبرها
افراگ حسين شيبها وكسرها
تلعب وي ابوها الي بعمرها
ابوها حسين مات ويرجع شلون
*****
سلام الله على الدمعتها بالعين
وعلى الصاحت يبويه سافرت وين
ماتدري بعد ما يرجع حسين
وماتدري العده براسه يهوسون
*******
سلام الله على المذبوح ابوها
وعلى ذيج العمامه السلبوها
اضلوعه بالحافر هشموها
عله صدره بخيلهم ظلو يسحگون
********
سلام الله عليها بكل الايام
وسلام الله عله زينب والخيام
وعلى الماتت غريبه بخربة الشام
ماتدري برقيه ماتت شلون
********
تمت
ميثم العمري

الناشر احمد الفاطمي

23 April 2026 03:40

يانار الخيام برداً وسلام
بعيون الزغار دخانچ ظلام
******
صحت يانار المخيم آنه زين العابدين
آنه ابوي حسين بالطف ضامي مگطوع الوتين
وذاك عمي عالشريعه لا يسار ولا يمين
بكربله ظليت وحدي وكل اخوتي مذبحين

ماظل بيه حيل مر عليه ويل
يانار وشصير لو اجت ليه خيل
******
ويانه يانار عله هونچ لا تحرگين الخيام
عله الخدر واليتامه كوني بردا وسلام
شلون بيها الليله زينب حيره لو صار الظلام
تظل راح بلايه خيمه وصعبه بالهيمه تنام

صعبه عله التراب تنام ام الحجاب
زينب بالطفوف شافت جم مصاب
*******
آنه كل خوفي رقيه بلهب نارج تحترگ
وهيه توه صدر ابوها راح من كثر السحگ
خاف يانار بدخانج عمتي زينب تختنگ
ومن تطيح انطيح كلنه والوكت ظالم صدگ

بت حيدر تصيح يابويه وتطيح
من هول المصاب راحت للذبيح
*****
بالطف گلوب العطاشه من الضمه ظلت تفور
وبالخيم يانار ماظل غير ربات الخدور
مدللات وبعد ساعه بيهن الدنيه تدور
عزاز فگدن يوم عاشر وداميه كل النحور

كلهن فاگدات ظلن حايرات
مو مالت عذاب هنه مدللات
********
حيلي هدنه الفواطم من وضعهن صعب صار
شلون بيهن وين يرحن من تشب الخيمه نار
محد ايطفيها ألهن وتحترگ خاف الزغار
حيره يبقن لو يفرن والرمل تدرينه حار

زينب والعيال تچويها الرمال
لحظات واشوف بيديها الحبال
*****
لا تحرگين المخيم تروح زينب بعد وين
خافن تحشم گمرها والگمر ما عنده ادين
ومن تگله شوف حالي عالنهر تسمع ونين
عين دم جامد عليها والسهم طفاله عين

بت حامي الدخيل بلا خيمه وكفيل
مسبيه تروح دمعتها تسيل
********
تمت
ميثم العمري