الناشر احمد الفاطمي

28 February 2026 17:36

هوسات للحسن كريم اهل البيت عليهم السلام
__________________________

جبريل عله مهدك يالحسن ناده
فرحانه الملايك كلها والساده
مولود الحسن يا محلى ميلاده

وبأسمك فرحانه الشيعه
*******************************
شبحت بالبقيع الفرحه والانظار
نبنيلك صحن رغما عالاشرار
مضيفك ماطبگته تحيي بالخطار

ومعزب للكاصد بيته
*******************************
لگيتك يالحسن باب الكرم مفتوح
اسمك من لفظه يداوي كل مجروح
الغيرك بالكرم لا والله ما مسموح

ومعزب جبريل ابابه
*******************************
يوسف الفتلاوي

الناشر احمد الفاطمي

28 February 2026 05:15

مديت الأدين - والـباقي عليك
حيدر مايعود - فشلان اليجيك
مادبرها مـــن تضل عليه
ألك يابا الحسن مديت أديه -- والباقي عليك
*********
1= ألك يابا الحسن كــــاتب رساله أقراها أعله هونك
سمعت الناس كلها تكول مولاي متـــــرد الـــيجونك
أول شطر بــــيها تروح العيون فدوات العـــــيونك
والثاني أسيرك وأطلـــــب العون يابا الحسن عـونك
* أسمك يالأمير -- تسهيل الأمور
ياسيد القــلوب -- ياسيد الشعــور
غــــيرك ياعلي محد أليه
ألك يابا الحسن مديت أديه -- والباقي عليك








2= أبختــــك جلبت مـــــن وانه أزحف وبختك ما يذبني
بضريحك من أزور أستمع هالصوت أقــرب ليه يبني
أعرفتها شكد أحبـــنك يبو حسين ياحـــــيدر تحبني
مـــــن أدم من أدور لحد هالساع غـيرك ما عجبني
* أنته الفيلسوف -- بعلوم الغرام
حبيتك أصــيح -- أنته والسلام
أخذها الجنتك روحي رضيه
ألك يابا الحسن مديــت أديه -- الباقي عليك
*************
3= بس بالصوره شفتك ياعلي شلون أحبك من أشوفك
أريد أكعد كبالك مــو سنه سنين أباوع ما أعوفك
حدر جدمك أفرشها رموش العـيون ياكعــــبه وأطوفك
وأرتلها بهداوه ياهـــــــــــوه الروح ياحـــيدر حروفك
*** أكعد عالدروب -- لمن ماتـــــفوت
وياك الغـــرام -- يحله بلايه صوت
الجمالك من تمر أخذ تحيه
ألك يابا الحسن مديت أديه -- والباقي عليك



4 = علي الله ورسوله الفقط عرفوك ياهو أنه وأعرفك
ما قــــــدري مقابل قدرك يصير كلي شلون أوصفك
يداحي الباب أنه أنسان مســكين بس أترجه عطفك
وعلي ياعلي ما يــــــبقالي تذكار لو تـــــيهني جفك
**** أكصر من أعوف -- دربك ما أطول
ويضيع الـــكلام -- ما أدري شـكول
يرفع ضدي أحساسي قضيه
ألك يابا الحسن مديـــت أديه -- الباقي عليك
***********
5= أذا موسى بعصاته شك البحور جرحك شك كلبنه
يبو زينب وحـــق زينب بلياك مانــــــندل دربنه
مثل ما نحبت الأيتام مـــــولاي عليك أحنه نحبنه
صرخنه بطيحتك من راسك نصاب يابــــــويه أنهبنه
* ياحيدر عزاك -- قائم للضهور
ياحق ونــدور -- وين أنته تدور
أتقـــبل من عبيدك هالعزيه
ألك يابا الحسن مديت أديه -- الباقي عليك
************
عبد الجليل المالكي

الناشر احمد الفاطمي

28 February 2026 05:15

وداعـت حنيتك -- ياشـــمعة بيتك
أفـتحلي عيونك -- والله حتاجيتك
------------------------------------
1= شنهي اليوجعج لتكول أنه الــفركه توجعني
منامك عله فــراش الموت جن الكبري شيعني
لم حيلك وأحجي وياي سكوتك علي يضيعني
أودع عمري أرضه بهاي وأنـته لا تودعني
-----------------------
ياخيمة عـيني -- غيابك يعميني
أفــتح ذرعانك -- بيهن غـــطيني
************
2= مـــن صوابك لحد الأن دكـــة كلــــــبي تــلجمني
عالطبره سألت حسين بس مارضه يـــــجاوبني
عندي أحساس راح تروح هالأحساس رافكني
صوابك مثـــل سيف الحاد كل شــــويه يذبحني
----------
الله يـــخلــيهم -- خواني شبــــيهم
ماسمعو زينب -- من تـحاجــــــيهم



3= يـفي العافــــيه الــــهجـــران أخذها العافيه بدربه
غــيابك صعبه ومن تغـــيب ماتــنحل تره الصعبه
التربه تـــشافي ضل وياي أخلي عالجرح تربه
يبويه الغربه ماتــــــنراد وأنته مجرب الغربه
---------
وداعة دمعاتي -- أرحــــــم أهاتي
بهيمة توديعك -- تكـــــثر طيحاتي
************
4= بمــجانك ياعلي مـــن تروح بس كلنه شنخلي
ماينطب مضيف الشــــــيخ مــن يـموت اليهلي
أذا خيروني بين فــراك وموت الموت أحسلي
مو بس بالضهر تنشاف الكسره تــبين بضلي
-----------
ينشافـــــــن بيه -- شـــــيبات أبنيه
بغــــيابك أمشي -- مشـــــية مسبيه





5= بطولك شــفــت طول حسين طايح محد يـلمه
ودم الــــــفـــوك خــدك سال ياحيدر شفت دمه
ومن تتوجع أنته الخيل تسحك جرحه وتـلجمه
أولادك يمك من تموت حسينك مـن يضل يمه
-------------
باجر بالــــعاشر -- ماغـــــير الحافر
يــسحك بضلوعه -- يامصعـــــب باجر
***********
6= من أول ما تسد العــين كـول أحتركت خيامي
وكول الحادي مو عباس أمشي ويمـشي كدامي
ومن تنزل بكبرك كــول ضاعت ياعلي أيتامي
وزينب عله التــل تصيح ونار مجلــــبه بجدامي
------------
الـــــنــوك أتانيني -- السوك تــــوديني
وفركة كــــــــفالي -- دم تـــــــــــبجيني
*************
عبد الجليل المالكي

الناشر احمد الفاطمي

27 February 2026 17:35

بصوت. مسلم المطيري

زينب ويلاه. حيدرنه ايروح


كلمات الشاعر
مرتضى مگطوف الموالي

الناشر احمد الفاطمي

27 February 2026 11:13

مولاي مولاي الحسن
:::::
حيدر الليله ابتشر  الحسن نوره انتشر  هذا ابن خير البشر  وكله احساس
الگمر  ما ينظر اله  وجهه مثل البسمله بالحسن ميت هلا صاحت الناس
عرش الله ونجومه  الوانك مرسومه وطيوفك معلومه هذا عنوانك
متحير بوصافك  يجن كلمن شافك والحبك ما عافك عالي هم شانك
مجنونك اهواي
ميلادك الجاي
مولاي مولاي الحسن
$$$$
حاتم الليله انذهل  شاف ديوانه وخجل هذا ابن خير العمل
الليله مولود
انولد شيخ الكرم  كلشي بچفوفه انختم  بمولدك كلشي ابتسم ويمك شهود
تشهدله عزوبيته  متروسه صينيته  والكل يعرف صيته واضح بوصافه
ما يفرغ فنجانه  وضيوف بديوانه  وتوزع ذرعانه  ينطيك اضعافه
حيرت العقول
ما ندري شنگول
$$$$
بالحرب ما تنوصف  وحدك تعادل الف  مثل حيدر هم كلف والحرب تشهد
حتى لو سأل اجاك  اخذ انت دگله هاك  الكرم نفسه اعتناك
الك چف ينمد
اليوصلك يتوذر  تهجم چنك حيدر  ما يگدرلك عسكر  فارس صفينك
غير انت ابن القاده  حيدر هاي اولاده  وحدك شيخ الساده  هيچ مسمينك
ديوانه مفتوح
من عنده ميروح
$$$$
بالحرب عزب زلم  ابو محمد ونعم  زياده ينطي ويبتسم ما يرد سائل
يفتر اعله الفقره أكيد  ما يحب كلمة عبيد  ذهب ينطي ومو حديد  الحسن عادل
بعدك تنطي امرادك  تشبه انت أجدادك عزبت بأولادك  ونطيت القاسم
شما تملك انطيته  ما واحد رديته  كلمن يوصل بيته ينطي لو خادم
حتى الكرم صاح
يمك تره ارتاح
&&&
علي جبار الكعبي
الفاتحه لوالدي

الناشر احمد الفاطمي

26 February 2026 20:58

اليله شيخ الهواشم علي طرو هامته
ويبجي المحراب لجله وتنحب امصلايته
......................
مظلمه الدنيا اعله فگده علي ياليث الحرب
غاب عنهه الليث الانزع وعاشت الدنيا ابغرب
يابشر يحمل غيابك علي رايد جم گلب
اليوم ميزان الهدايه اعليك نزل رايته
..............
كاسر اضهور التحبك مايكف سيل الدمع
اليله ياحيرته زينب تبجي ليك وللضلع
وصل سابع سمه ونهه يومك ايريد الفزع
وسيف جتالك يحيدر كلفه هاي اسوايته
...................
بلغدر طرو الهامه وطايح ابفرض الصلاء
وانته من تسجد يحيدر الك تسجد انبياء
وسفه ماتمت صلاتك ياعلي وبعده الدعاء
والنذل تدري ابفعلته ايضد محمد غايته
..................
ابن ملجم يابفعلته البجت الكاع وسمه
ونست لجمات الضلوع والك ناحت فاطمه
شنهي حال الدين بعدك شلت ياحامي الحمه
ياعلي ودين الله سيفك هوه سوره وصايته
..................
شلت يهديب الكلافه والصبر بعدك يشيل
ياهو بعدك لليتامه لو نويت اعله الرحيل
انته يابرهان واضح للعوالم والدليل
والشرع بعدك يحيدر ماغفت نعايته
.....................
ياعلي واشلون زينب كون من عدهه شلت
واليتم يولي العزيزه ياعلي لو غمضت
وصي العباس گله انته بيهه اتكفلت
وابو فاضل مثل شخصك ماينزل هامته
خدمة اهل البيت
علي الزرگاني
ازهر الاعضيمي

الناشر احمد الفاطمي

25 February 2026 22:36

 محتار بوصافك آه يالحسن
 تتغازل  بعيونك  جنة  عدن

هذا الحسن........جنة عدن
*******************************
ابسورة  جلاله  يرتل   لساني
بيك اني اشوفن سبع المثاني
يابو   الكرامه   ابعث   تهاني
داخت حروفي تكتب معاني

يالشاغل افكاري اعليك اعتمد
مرسوم بوجداني غصن الورد

اسمك وطن .......جنة عدن
*******************************
بحسنه وجماله  هاجس  مشاعر
شعري  وظنوني  يكتب  خواطر
بعيوني   ساكن   شوف  النواظر
جنح   الحمامه  يمك       تسافر

يالساكن بظنوني عقلي ارتوه
موجود ابنفاسي نسمة الهوه

بيك الوسن.....جنة عدن
*******************************
يمك يسافر  شوگي  وهيامي
بحساسي ساكن قبلة غرامي
ويه  المشاعر    يشتد   مرامي
اعليك اسلم تسمع سلامي

اقراك وبعيوني مصحف غزل
ياقرآن   الباري   بسمك   نزل

شوك العلن.....جنة عدن
*******************************
حاير    سؤالي   ومنين اوصفك
حلمي وشعوري  يمليني عطفك
 اجيت عله بابك ينطيني چفك
دنيانه تضحك   صارت  تحفك

يالمالك انفاسي  تاج اصبحت
وبعالم  احساسي عبدك صرت

يالمؤتمن ......جنة عدن
******************************
مرات ارسمك شمسي وهلالي
سارح  خيالي  بطيفك نوالي
بنبضي   لگيتك   والله  يغالي
بعرش الله نورك  بالقمه عالي

گلبي يصرخ عابس بيك انفتن
وتكلم ابجنوني صاح الحسن

يالمرتهن....جنة عدن
*******************************
خادمكم
يوسف الفتلاوي

الناشر احمد الفاطمي

25 February 2026 16:40

حُسين ... ابجمال عيونك گلبي منشغل
حُسين ... اليموت بحبك عشگه يضل عدل
حُسين ... يفضل الدنيا ويا اخو ابوالفضل

عشگتك من زغر سني
واشوفن خيمتك دين

يشاغل فكري من زغري
وعشتهن احلا السنين

جنت لو ضعت من امي
ادورنك يالحسين

اباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،،،،،
حُسين ... احبك ومعاشر خيمة هلك
حُسين ... حرام يصير الحب المو الك
حُسين ... عبد تقبلي بذنبي اتوسلك

ينجمة مغرب الشافك
عشگ يتبده بهداي

غرامك داخل ابراسي
وبعد شيطلعه مولاي

يأول ضامي بالدنيا
شرب من فضلك المي

اباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،
حُسين ... اخذني بدربك مجتوف بحبل
حُسين ... بدمعتي سبيني وصعدني الهزل
حُسين ... اريد امشيلك دمعه بخد طفل

شسوي بعمري ماريده
اريد ابجيك آلام

اضيع ابصحرت افكاري
واعيش ابهاي الوهام

افز واصحه واندلك
العشگ بوصلة الخيام

اباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،،،،،
حُسين ... اليفكر بغيرك مايعرف يحب
حُسين ... العزاء جروحك گلبي منجذب
حُسين ... الصدگ بخيامك مانلگه الجذب

عزائك مؤنس احساسي
بلطمتي اطيب الجروح

شكثر عالخدمه لاموني
حزن ماكافي بس نوح

اگلهم والله مو بيدي
احب من زغري مذبوح

اباعبدالله ياباعبدالله
العبد ابوفايز الرافضي

الناشر احمد الفاطمي

24 February 2026 18:15

دارك اليـوم أضلـمت بويه بويه
        بعدك اعيوني انعمـت بويه بويه
لاتخليني وتروح ،،، تاكل بگلبي الجروح
                      بويه بويه
                          -------------------------
     يـتيمه اصبح بدونك لاتـفارگني
    فـگد جــدي مـحمد ناره  تحرگني
    من زغـري الـحزن بـطواكه يخنگني
   يـبو الحسـنين دمع اعيـوني غرگني
              وين مسافـر يالـكـرار
           بعد اعيونك وحشه الدار
            تدري الكون اليوم أحتار
ناري البگلبي اسعرت .. روحي حيل اتگدرت
                     بويه بويه
                  -----------------------------
    بـعد فكد الرسـول وفاطمه الزهـرة
     لـحد الـيوم يسـعـر بالگلب جـمـره
     خلصت الـسـنين ابـلوعه وبـحسرة
      چـمـلني الـزمــان الـيوم بالطـبرة
           بيني اوبينك صار اوداع
           گـامـت بيه اتميل الگـاع
          بويه ابدونك كلشي ضاع
حيلي بجفاك انهدم ،،، گلبي مصيوب ابسهم
                      بويه بويه
                     ----------------------------
      سـمعت الكون صاحت ياعلي الكرار
      مــرعـوبـة وعـاين مـا دريـت الـصار
      يـجـرحـنـي زمـانـي والـجروح أكبار
      صارت خالـيه إخلافك يـبـويـه الدار
             بعد اعيونك عيني اتسيل
               گامت تهمل طول الليل
             يوم امـصابـك هـد حيل
من رحت يابو الحسن .. بويه مرمرني الزمن
                           بويه بويه
               -----------------------------
     حاچــيـتك يـبويه ومــا تحاچــيني
        يـتــيـمه اخلاف عـينك لاتخليـني
       اشوف اغيوم صارت بـينك وبـيني
       من كثر الدمـع مولح جفـن عـيـنـي
                 جرح أغيابك مايلتام
                  لاتتوقـع عيني اتنام
              بعد اعيونك صرنه ايتام
بويه ياخير العمل …  ضيعت كل الأمل
                         بويه بويه
              ---------------------------
        والايـتام صاحت وين ابونه الـيوم
       سـهرانه علبـابك ما يـمـرهه الـنـوم
       اجاها الـعيد يـاهو اليفكد المحروم
       ياحيدر حسافه وما تكمل الـصـوم
              وين انروح  أبيوم العيد
               وأنته اتصير اعلينه ابعيد
                   نعلم ماترجع  ياحيد
يمن شرفت النجف … دمعي بغيابك نشف
                        بويه بويه
                   ------------------------
           فـاخر علي الشبيبي

الناشر احمد الفاطمي

24 February 2026 15:52

انت العظيم انت الولي
انت الاخيـر الأولي
كلشي عله جفك ينجلي يا علي

ياخالق الحب والعطف
يمنور أركان النجف
يا شرف ما منه شرف يا علي

غالي انت غالي عالي انت عالي والي انت والي حيدر
غيره هذا دربك رحمة الله حبك الراحه كلها گربك حيدر

علي علي ماكو مثلك واحد
علي علي قائد وهم والد
علي علي بريتي نازل صاعد

علي علي وياك مامش غايه
علي علي نزل حبك ايه
علي علي امن السمه امزكايه

السلامُ عليكَ يا علي

......
يا أخر الحب وأوله
يا سر نقاط البسملة
ياهو مقامك يوصله يا علي

ناطق عكس كل الصحف
يل ما وصف گدرك وصف
قران بأسمك كل حرف يا علي

ديني انت ديني منك أصله طيني حيدر يا يقيني حيدر
يمك النعمه يمك داخل انه بأسمك بكلهن حاضي علمك حيدر

علي علي لا فتىٰ الا انته
علي علي رحمه دينك شفته
علي علي بكل فخر سولفته

علي علي يا عظيمَ الشاني
علي علي يا عشگ رباني
علي علي يا بشر قراني

السلامُ عليكَ يا علي
.....................
يا سر خلودك بي سور
ما فسر اعجازه الدهر
يا دُر وابو اليمه الدُرر يا علي

عاجز يفهمك كل فهم
زلمه وجبت كومة زلم
منهم گمر راعي العلم يا علي

كافل للفواطم هيبه للهواشم مثلك هوَ عالم حيدر
زينب عنده أولى مثلك بي رجوله راهب محلى طوله حيدر


علي علي ابنك وتربيتك
علي علي ترعرع بنص بيتك
علي علي الگمر جن ماهيتك

علي علي يبو ذيجَ الساده
علي علي كلها ولدك قاده
علي علي بالحرب صياده

السلامُ عليكَ يا علي
...............

حسن يونس التميمي

الناشر احمد الفاطمي

24 February 2026 11:59

ويلي يالحنينه ييمه ييمه
رحتي من ادينه ييمه ييمه
يا جرحي ودواي
من گبرچ تعاي
...
يا خديجه الماكو بالدنيه بصفاتچ
ما تنام اعيوني يايمه وغلاتچ
گومي يحبيبه بده موعد صلاتچ
محضره السجاده ومحضره عباتج

عفتيني غريبه يمه يمه
وينج يالحبيبه ييمه ييمه
يلجنتي هواي
من گبرچ تعاي
...
فاطمه مو فاطمه بعدچ تراها
يمه واتحفر وجهه من بچاها
زغيره بس هجرچ يضي عيني حناها
والحزن من هسه ظل يركض وراها

يا شمعة حياتي يمه ييمه
ماتت امنياتي ييمه ييمه
ماعندج سواي
من گبرج تعاي
...
اشلون يا يمه سكنتي الگبر وحدچ
من حضر يالوالده هليله عندچ
آه يالرحتي منديه من يردچ
واخت ما عندي تواسيني اعله فگدچ

من هسه وحيده ييمه ييمه
احزاني شديده ييمه ييمه
ظلمه يا ضواي
من گبرچ تعاي
...
والدي هذا رسول الله وحبيبه
رحتي عنه ودمعته خضبت شيبه
يا خديجه فرگتج والله مصيبه
ويمه لمصابج علي نسمع نحيبه

ظل يبچي محمد ييمه ييمه
يم گبرچ تمدد ييمه ييمه
يحبيبه بغلاي
من گبرچ تعاي
...
ليش يايمه الوكت ماعنده رحمه
ايدوّر المجروح وبجرحه يلچمه
يعني من هسه بعد ما گول يمه
گلبي المن يشكي والمن يحچي همه

يا كهفي واماني ييمه ييمه
ضيعني زماني ييمه ييمه
آهاتي وراي
من گبرچ تعاي
...
انتي ياكوكب صفه خالي مكانه
وين رحتي يا نبض گلبي وحنانه
يمه يا يمه قريباً ملتقانه
الگبر يجمعنه ييمه انتي وانه

ضلعي لو تكسر ييمه ييمه
بضيمي يمج احضر ييمه ييمه
آخر كلمه هاي
من گبرج تعاي
..
خادمهم
كرار حسين الكربلائي

الناشر احمد الفاطمي

23 February 2026 20:35

قصيدة شهادة امير النحل••♕
ثگيل


ياعلي يابوالحسن
ياعلي يابوالحسن
ـــــــــــــــــــــــــــــــــــــــــــــــــــ

زينب تبچي وتنادي تسمعني يبو الحسنين
ياهو لخضب لحيتك وراسك منفدع نصين
عـليك بـداعـت الزهراء تخبرني ينور العين
مغدور بصلاتك ليش ودمـك ذبـل الجفنين

يابوحسين... هم شوغات...والونات... تكتل

ياعلي يابوالحسن
ياعلي يابوالحسن

ـــــــــــــــــــــــــــــــــــــــــــــــــــ

عـادات اليصوم اشـهور لازم يفـطره بعيده
لاچن گلبي فـطرتـه وجـرحك ونـته تـريده
خيمه انته عليه سنين عگبك ظلتي وحيده
باچـر عـالوعـد بـويـه أظـل بـصحرة البيده

جرحك صار..باجر خيل.. والدمعات.. تهمل

ياعلي يابوالحسن
ياعلي يابوالحسن

ـــــــــــــــــــــــــــــــــــــــــــــــــــ

طبيبك ايس وگـلك مــاتـرجـعـلي يـالــغـالي
اشوفك من تردلي بخير بـويـه دمعتي تلالي
جفتني الفرحه من زغري وراسك غير حوالي
شسولفلك يـماي العين وشوفك طايب گبالي

هم مطبور..گلبي وياك...ماضل لون.... ياخل

ياعلي يابوالحسن
ياعلي يابوالحسن

ـــــــــــــــــــــــــــــــــــــــــــــــــــ

تنوح گبالك اولادك وي روحي لعفتهه اليوم
شهرك تـممت صومه وكلشي بغيبتك ملچوم
حـزنانه اليتامه اعليك تندب يـاعلي المظلوم
بدمعتها تندبك ويـن تـريدك ليها بس تـگـوم

هواي الاام.... ماتنضام... والاايتام.... تبچي

ياعلي يابوالحسن
ياعلي يابوالحسن
ـــــــــــــــــــــــــــــــــــــــــــــــــــ

بـعـيد الله صبح جرحي لا فرحه ولا والد
كلهه تـعايـد وتـفرح وانــه بحـالـة الفاگـد
رحت عني يفي الروح ذابل عـودك وراگد
عفتني رايح لگبرك ودهري بعيدي متواعد


يابوحسين.. الله وياك... وموتك نار... بيه

ياعلي يابوالحسن
ياعلي يابوالحسن

ـــــــــــــــــــــــــــــــــــــــــــــــــــ
الشاعر... مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

23 February 2026 20:35

قصيدة غربة گبر زينب•♕
ثگيل


صعبه خويه ••ضلتي بشام الغرب
صعبه خويه ••نفس لا ضل لاگلب

صعبه خويه ••صعبه خويه
ـــــــــــــــــــــــــــــــــــــــــــــــــــ

يوم اعله يوم بگبري
عاد الزمن كل دهري
ونار الهجر هم تسري
مـابـين الـظـلـوع

ذاك لسده عليه وصار
لمـن شـعل بيـنه النار
خيل وزلم وانه احتار
يـافـشله الـدمـوع

صعبة تدري•• اركض وخيل شكثر
صعبة تدري••كـلشي رد بـهل گـبر

صعبه خويه ••صعبه خويه

ـــــــــــــــــــــــــــــــــــــــــــــــــــ

ضلمة گبر تكتل حيل
وانه لضگت تعب اليل
دم والـدمع گام يسيل
بجـفوني يـالروح

وزنيب مصايبها هواي
حت بـالگبر هم ويـاي
عطشانه الك مو للماي
يـضـماد الـجـروح

صعبة اطلع•• ومشي مابين الزلم
صعبة اطلع•• وبـيه نيرانه الخيم
صعبه خويه ••صعبه خويه

ـــــــــــــــــــــــــــــــــــــــــــــــــــ

بالشام وحدي وشمات
فوگ لجرح هم لجمات
وجرح المضه بيه يبات
يــاخــويـه وســفه

لاخــوه ضـلت لا شـوگ
عگب لسده ودرب لسوگ
فوگ المتن هاي اشگوگ
مــاهـــوه چــفــه

صعبة هايه••بـلايـه زوار الگبر
صعبة هايه••وانه مليته الصبر

صعبه خويه ••صعبه خويه
ـــــــــــــــــــــــــــــــــــــــــــــــــــ

عمري گضه ضيم وشام
بيه الحزن خويه اعوام
خويه النضر تدري سهام
بـشام الـمصايب

يوم اربـعيني ومـاجيت
من الغربه صدگ مليت
وتجفون گلبي شسويت
حت گبري شايب

صعبة ضيمي ••مني ينزاح وعلي
صعبة ضيمي••عگب فيكم ياهلي

صعبه خويه ••صعبه خويه

ـــــــــــــــــــــــــــــــــــــــــــــــــــ

جروح الخيم بيه ارداف
سوط الشمر شال چتاف
فرجه الضعن بين خفاف
ومـچـتوفه اديـه

لا زايــــر ولا مـــشــتــاگ
صحني نترس هم وفراگ
وصوت العلي مـني انباگ
مـن هـل الااذيـه

والله صعبة ••دفـنتي بـهذا الشام
والله صعبة••تكرهني نسوان زلام

صعبه خويه ••صعبه خويه
ـــــــــــــــــــــــــــــــــــــــــــــــــــ


الشاعر مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

23 February 2026 17:11

الله استنسخك حيدر نسختين
نعم بثنينهن هو انت ابو حسين
حيدر يا علي كلك عجائب    
&&&
ابد مالك شبه ويشبهك انسان
اليصبح بوجهــك قارئ قــران
واذا يشتاگ الله لصوتك يريد
اكيـــد الباري منك يسمع اذان
ابد مالك شبه بيك اربعينك
يگلك يا علي عاشت يمينك
حاضر بالشدد غيرك الغائب
&&&
چانت فاطمه بحیـــدر فخوره
عجز یمها الصبر کلش صبوره
لانها تحب علي وتريده الأملاك
الله بالعــرش ســواله صـــوره
هو اليكتب الحيدر قصيده
كـــون البيت يقرأه ويعيده
يمك تنحني كل الكتائب
&&&
علي كلك ذهب بس غيرك تراب
والما حب علي معروفه الأسباب
مــــا شايف ابد لا سامع بهاي
محراب ويصلي بوسط محراب
يا اول رئیس بلا حمايه
ابد ما تنتهي كلك بدايه
شاعر افتخر واعليك كاتب
&&&&
ما ينشر علي ما حب الاعلام
علي يعرف قبل لتصير الاحلام
هسه الينطي لازم كــون تصوير
خلص عمـــره حيدر لابس الثام
حيدر چان ینطي وهو راكع
اول علـــي ياهو الگال رابع
علي ما دور وياهم مكاسب
&&&&
علي معزب بكلشي تعرفه ناسه
اكبر علي حتــى مـــن السياسه
شاف السيف ضيف وجاي محتاج
گبل حیدر علـــي قدمله راسه
ماكــــو مثلك معــزب يمولاي
ما تنطي قليل وتنطي الاهواي
الله يساعدك كثرة مصائب
&&&&
يا ابو حسين ابد ماكو مثيلك
دخيلك يا علي نصرخ دخيلك
ما شايف جبل ويشيله تابوت
مــا اقنع علي يگـــدر يشيلك
كلشي اليوم يا ابو حسين مذهول
الشال الدين هو اليوم مشيول
نريدك عون حيدر بالنوائب
&&&&
علي جبار الكعبي
الفاتحه لوالدي

الناشر احمد الفاطمي

22 February 2026 23:48

زوجة محمد ياشفيعتنه
باسمچ رفعنه الليله رايتنه
اولادچ احنه وانتي جدتنه
ياشفيعتنه
...
رغم كل النسوچ ومايذكرونچ
المصيبه وزوجة الهادي يعرفونچ
چي ام فاطمه رادو يزغرونچ
ولان مولاچ حيدر مايحبونچ

يالموتوچ ابشعب ابوطالب
وياچ أبد ماسوو الواجب
واحنه ابوفاتچ تجري دمعتنه
ياشفيعتنه
...
أول مرأه صحتي أشهدو أنّه
ولي الله علي وتشتاقله الجنه
خديجه أمن النبي اتعلمتي هالمعنه
علي هَوه الهوه الماينشبع منه

ولمن شهدتي بحق ابوالعتره
الله هدالچ فاطمه الزهره
ومنچ اخذناهه عقيدتنه
ياشفيعتنه
...
مايدري اليوصفچ حسب رغباته
الذهب كلما عتك يطلع شمحلاته
اكو بيهم هبل متعشعش بذاته
اذا گلنه علي ايسدهن اذاناته

وانتي ابعلي الله رفع شانچ
شيعيه صرتي وعلي عنوانچ
واحنه الطيور وانتي شجرتنه
ياشفيعتنه
...
ابردائه المصطفه امن اجل الستر غطاچ
وكفن جبريل جابه وكفنچ مولاچ
يارابع نساء العفه الله اوياچ
ودعناج هاي الليله ودعناچ

ذكرة وفاتچ ماتمر سكته
ضهر اثنعش معصوم كاسرته
اهواي الحزن واشويه لطمتنه
ياشفيعتنه
...
اجنچ آسيا ومريم يهننچ
ابكوخ امن الذهب راحن يگعدنچ
حواري الجنه هالليله يخدمنچ
يالربيتي اعظم مصحف بحظنچ

ضلت وراچ الزهراء مكسوره
ليليه كبرچ رايحه اتزوره
والهالسبب هاجت محنتنه
ياشفيعتنه
...
#اللهم_عجل_لوليك_الفرج
#محمد_الجماسي

الناشر احمد الفاطمي

28 February 2026 05:15

علي يامــؤنس كلبي -- علي يارحــــمة ربي
علي علي
---------------------------------------------
1= طير أنه طحت بشبجتك خايف جنت وأمنت
لو شملت ما تهمني هالدنـيه لو شركت
أنته اليجرب غـرامك من يمشي ما يلتفت
كل المعاجـب أمامك لا ذت علي بالصمت
**** هوه وعذيبي أشتمك -- هـــوه أي شي ميهمك
علي علي
---------------------------------------------------------
2= ألف أنعم لله عليها والدتي صاحت علي
أنت السبب بالولاده وبيك أنه صـرت الهلي
بلا خلفه جا هسه أبويه وصـدره قهر ممتلي
مشكوره أمي العزيزه رضعتــني حب الولي
**** ألك أنه من صياري -- عشت مابين أفكاري
علي علي





3= من أفتح مضيف وأعوفك ماتنشرب كهوتي
شيخ أنه صرت بخدمتك ومـنك أجت شيختي
كاشخ عليهم يحـــــــيدر أوبـــولا يتك كشختي
شجره وغرامك زرعني ماتـــــنكطع شجرتي
**** سبب عشكك يالغالي -- عشت عالوادم عالي
علي علي
**********
4= عاقل وأذا لحضه أعوفـك يابو الحميه أجن
ميت أعـــيش أبــدونـك بس ميت بلا دفن
من صدري كلــــــبي أشلعه لو ما عليكم يحن
أصل البحر ماله قــيمه لوما تزوره السفن
**** هلي نذروني الحبك -- بعد ما أترك دربك
علي علي
**********
5= تحسدها حيدر عيوني عيون الأمس شافتك
من تمشي هنياله والله الشايف علي مشيتك
أتمنه من تخطب أســــمع يابا الحسن خطبتك
من تصعد أعله المـنابر وتصدها أللي نضرتك
**** أصد ونضرها العينك -- أتحجي أسمع شفتينك
علي علي

6= مختنكه فــــــاتت صلاتك وأدور أعله النفس
حقها يحيدر تراهي مـــــن أترد عليك الشمس
أنته الضوه الما يـــــشوفك يكضي حياته حبس
أعضم درس بيش أوصفك غير أنته أعضم درس
**** صعب حيدر شيوصفك -- شمس وتبوس بجفك
علي علي
***********
عبد الجليل المالكي

الناشر احمد الفاطمي

28 February 2026 05:15

مني تسمعــون -- أخــــــر كـلمه
نــتــفارك راح -- أبـروني الذمه
راح تــضلون بدوني -- بس بالجمعه تزوروني
------------------------------------------------
1= ياعــيـــــني أنه علي - وعلـيه تــــبجي هلي
عـــــالمبتـلي مبتلي - أوليدي ضهره نحنه
هـوه النضر والـــــده - صواب الأجـــل مدده
ومايحجي من ينشده - ولحضه تعـــبر سنه
يوكف يريد ومن وكفته يطيح عالكاع
عودته عالملكه شيعـوده حسين الوداع
وأنه أدري ساعات الوداع يمرن بساع
------
تاكــل بالروح - نضرة عــينه
شوغة مذبوح - صاح ونـــينه
عنكم رايح عذروني -- بس بالجمعه تزوروني







2= لا صارت ولا جرت - زينب حنينه وعمت
من البجي ماصفت - من تحجي ما تنسمع
والبيها لو بالصخر - ما يبقه عــــنده صبر
ذبها بــتوالي العمر - فكدي وعــذاب الضلع
جن والده وفكدت ضنها بساعة غروب
لا كاعده ولا واكفه تــــباوعلي وتلوب
هذا الغـــياب تصيح بويه اليكسر كلوب
--------
ترجف وتصيح - ضل ويانه
بفكدك تــــندار - كل دنـــيانه
والطبره تغير لوني -- بس بالجمعه تزوروني










3= اليـــــستاهـــل أدلله - مــــــن موتك يعلعله
تصد دمعــــته سايله - كلــبك عليه ينمرد
كدامي أشوف الحسن - لازم بجــــفي ويحن
ياكـــل بكلبه الحزن- يــــبجي يروح ويرد
من عيونه أشمر عـيني ما أتحمل عتاب
شبيدي وشسوي أعلينه جن مكتوب الغياب
والحسن شاف الطـــــبره بيه وشايف الباب
-------
وين التاذيه - وتوجع كلبه
عاشـن وياه - وين الصعبه
ماصح بيدي تعذروني -- بس بالجمعه تزوروني










4= من كبالي موتي كعد - أنه شأســولف بعــد
أصبح قــريب الوعد - ياروحي طلعي صحت
وهناه كطعت الحجي - وصار الحــجي للبجي
عالدمعه كمت أنتجي - ومن ودعـــوني طحت
أعلــيهم أدور ويـــــــن وأعليه يدورون
لا روحي كدرت عالهجر لا هـــم يكدرون
ساعه وأصير جنازه وولا دي يـشيعون
--------
من يشيعـون - باجر نعــشي
راح يحسون - ضايع كلــشي
دمعات أيتام أبجوني -- بس بالجمعه تزوروني










5= صبرا يـــولد النبي -- باجر وراكم سبي
حرك الخيم والعبي -- يتانـــــــيكم بكربله
هالدنيه ماتــــنصلح -- ماعدها غير الذبح
تاخذ حسـين برمح -- وللغــربه تاخذ هله
يبنيتي زينب حضري أدينج بس للحبال
باجر وراكم سفـــــــره بس مابيها كفال
وراس العزيز حسـين فوك ارماح ينشال
--------
باجر ترحين - فوك الناكه
ماعندج عون - يالمــــشتاكه
كون وياكم تردوني -- بس بالجمعه تزوروني
--------------------------------------------------------
عبد الجليل المالكي

الناشر احمد الفاطمي

28 February 2026 05:14

قصيده إلى سيدتي ومولاتي
خديجه الكبرىٰ ((عليها السلام))


يا مــحمد والدي ماتـت خديـجه 
راحت الجانت تره بكلهن رفيجه 

دمعك يصب    صـاح الگلب      ماتت خديجه
___
ياوالدي بهذه المسه دافــن حبــيبك
باجر تــره مـن تذكره يــكثر نحـيبك
من تنجرح ياوالدي تصـبح طبـــيبك
البيت المشت عنه تره تحسـةغـريبك

يا مصيبه الي جرت شنهو المصيبه 
والحبيب بهل مسه يـفارك حبــيـبه

كلش صعب   صاح الگلب     ماتت خديجه 2
___
راحت تره الجانت الك بـكلهن ســـند 
وكلبي على فراك الگلب بويـه نمـــرد. 
راحت خديجه بهل مسـه الله والــحد 
انحب عليها بكل وكت والدمـع يـشهد 

ماتت امي والگلب ينعي الهــجرها 
فدوه عمري لو تظل فدوه العمرهـا

بعيـد الدرب   صـاح الگـلب      ماتت خديجه 2
___
يابويه وشـلون العـمر بـعـد الـنحـبهـم.
ياوالدي يطول البعد بسفــرت دربهـــم.
وين وبــعد ياوالدي نسمـــع خبــرهــم 
وسط القلب وسط الذهن تبقه صورهم 

والمشو ياوالدي سفرتهــم اتطول
راحو وهذه الذهن يابويه مشغول 

حدر الترب    صاح الگلب    ماتت خديجه 
_
راحت خديجه يانبي وغطاها التـراب  
ضلت وحيده فاطمه يا ذاك المـصاب
دمعك جريته ع النعش ودمعي سجاب
من المـسه الحد الفجـر ومكابله الباب

أكد الحد الفجر وايـدي ع خـدري 
راحت امي يالقلب وشباكي عندي 

بحالت غرب    صاح الگلب    ماتت خديجه 
___
بويه يابـويه المشـت ماتنـسـي بيـوم  
دمعك جريته بهل مسه ويعاشرك دوم 
كلبك يطاها ع الهجر حسيته ملجـوم.
كلبـي الهجر أمي تره يابـويه مهـضوم 

  
 والهجر خله الكلب يغفه ع ناري 
راحت وماضن بعد ترجع الاداري 

يمته تطب   صاح الگلب     ماتت خديجه
___
كلمات الشاعر 
مرتضى مكطوف الموالي

الناشر احمد الفاطمي

27 February 2026 17:34

حيدرنه أيروح)

زيـنـب ويـلاه حيدرنه أيروح
بـحيره الايـتام. تصـرخ وتنــوح

زينـب مطـبور الوالي
واليـلة يـروح الغـالي

حيدرنه ايروح. حيدرنه ايروح.
ـــــــــــــــــــــــــــــــــــــــــــــــــــــ
يزينب هل مسيه وهـل خـبر جـارح
علي بفيض الدمه ياويلي شوسابح
غـداً يـم الــخدر طبـعن عـلي رايـح
تطـيح الخـيمه لوبيـها السند طايح

ياحيره شلون والخيمه أطيح.
نـصرخ ويلاه. والفـكده نصيح


يادمعت دعيني تلاالي
واليـلة يـروح الغـالي

حيدرنه ايروح. حيدرنه ايروح.
ـــــــــــــــــــــــــــــــــــــــــــــــــــــ
يـزينب جـرح أبـونه للـعـظم وأصـل
اخـبرنـج يـبعـد أهلــي بدمــع هـامل
بـعـد حيـدر كــمر هاشـم الج كــافل
ودمع عـينج يزيــنب كا المـطر نـازل

حكـج تبـجــين. وأنتــي بحــيره
طـاح بهل يوم. شــيـخ الـــديـره

يازيـنب طـاح العـالي
واليـلة يـروح الغـالي

حيدرنه ايروح. حيدرنه ايروح.
ـــــــــــــــــــــــــــــــــــــــــــــــــــــ
عله الونه وعله الدمعـه بــده عـمرج
يتيمه انـتي وحيـده ومانفـذ صـبرج
كبرتي ويه المصايب وأنبت بجـذرج
جرح حيدر يخيـتي هل شعل جمرج

كلبـج حـركوه بضلع المنصاب
واليلة يـروح. داحيها الباب

حيره وكلبج ينعالي
واليـلة يروح الغـالي

حيدرنه ايروح. حيدرنه ايروح.
ـــــــــــــــــــــــــــــــــــــــــــــــــــــ
أجـت يــم بابـــج وتــدعي يـتامانه
يزيــنب هل مسه كلشي بجـه ويانه
وجـرح حـيـدر يـخيتي والله أذانـه
كلــبنه بـهل مسًــيه من بـده أحـزانه

وحـزانه أدوم. كلبي المجروح
زينب هل يوم. تطـلع هل روح

ماجانت خويه أبـالي
واليـلة يروح الـغـالي

حيدرنه ايروح حيدرنه ايروح.
ـــــــــــــــــــــــــــــــــــــــــــــــــــــ
علي بفـكــده يدنيا والله شـو حــيره
مصيبت حيـدر جبـيره وترة جـبــيره
تظل بـعـده حـزينـه وفاهــيه الديــره
وتـظـل بعــده العقــيلة زينب بحــيره

حـــيدر ويــلاه. بدمـعي المنهال
بفكـدك ياحــيد. شنهـو الاحــول

مااشرح إليكم حالي
واليـلة يـروح الغـالي

حيدرنه ايروح. حيدرنه ايروح
ـــــــــــــــــــــــــــــــــــــــــــــــــــــ
تــعالي وكابلي أخـوانـج علــه الونه
اكيد بهل مسًــه فاطـم تـجي أمنـه
تواسينه بجـرح حــيدر وتصـد ألــنه
أديهــا عله الـضلع تنـحب تجي يمنه

بضلع المكسور. تواسي الكرار
من يتــلاكون. طبره وبسمار

والغالي يواسي الغالي
زينــب مطــبور الوالي

حيدرنه أيروح حيدرنه ايروح.
ـــــــــــــــــــــــــــــــــــــــــــــــــــــ
كلمات الشاعر
مرتضى مكطوف الموالي

الناشر احمد الفاطمي

27 February 2026 11:09

محبوبي...محبوبي....محبوبي
يالمجتبى..يالمجتبى محبوبي
*******************************
فرحة اعيون المحب  هالليله
موعد  اشواگ وغرام احچيله
جنه وجهك  يالحسن  نادينه
والمناره   ابكل  الگلب  بانيله

سيدي  حبيتك....بالعشگ ناديتك
انت ساكن روحي....يافرح هادينه

يافؤادي الهادي.....فدوه الك اولادي
يالحسن واليتك.....بالوفه تدرينه

معشوگي.....معشوگي...معشوگي
يالمجتبى...يالمجتبى...معشوگي
*******************************
اسمه ابعيوني اشحلاته احروفه
حلم   ساحرني  ابقيع   اطيوفه
سفرتك   معروفه تحچي افعاله
بالكرم   حي   الله  كل اضيوفه

يا حلات اطيابك....فرحتهه احبابك
حلوه شبر اجانه......يافرح دنيانه

نورتهه اسنيني......حبك امكفيني
بس اريدك انت....ياعظيم احسانه

بنفاسي.......بنفاسي.......بنفاسي
يالمجتبى....يالمجتبى...بنفاسي
*******************************
چان معروف الحسن  بحسانه
ينطي بچفوفه الرخي جيرانه
ما يسد الباب  معروف الكريم
هذا  ابو محمد  عظيم ابشانه

ما ترد  خطارك.....من بعيد آثارك
انت نور الزهره.....ياالحسن حبينه

شامخ بعنوانك......والعدل ميزانك
يا حلات اعيونك...نورت والينه

مضموني....مضموني....مضموني
يالمجتبى...يالمجتبى...مضموني
*******************************
يالحسن گلب المحب مفتونك
ابد ما يفرغ صحن ما عونك
اية القربى الثبت تعنيينهه
حگه والله شيعي بس مجنونك

امشرعه بيبانك....واضح ابرهانك
انت شمس الباري......شيعتك فرحانه

والهيام البيه......بالعشك يوميه
رتلت بحروفك.....روحي الك ولهانه

بعيوني.......بعيوني......بعيوني
يالمجتبى...يالمجتبى..بعيوني
*******************************
كون اصيرن قنبر ومحبوبك
واكتب ابروحي العهد ودروبك
عاجز ابمدحك ورسمك جنه
ساعي بنفاسي الهوه مكتوبك

كاتب ابحساسي...انت تاج ابراسي
انت باب الرحمه......مولدك هنينه

بالحفل نتشارك....والولاده امبارك
شبر أجمل بسمه....بخدمتك تلگينه

ياشوگي......ياشوگي....ياشوگي
يالمجتبى....يالمجتبى..ياشوگي
*******************************
تمت بعون الله تعالى الشاعر___يوسف_الفتلاوي

الناشر احمد الفاطمي

26 February 2026 07:37

#عباس_والماي


كمر نزل على النهر
يرتل أجمل الصور
عباس والماي
@@@@@@@@@@@@@@@@@@
كمر علغبره نايم.. واحس من وجه صايم... عجيبه شلون
نهر من يمه عابر..وبقه اعل صيامه صابر.. اسمعي ام عون
يكض الماي ويذبه ويجوي الماي
بقيت ابلا ضوه انا احذاه جني فياي
ضوه وعليه أجمل ضوه
ولو ردتي يتحول هوه
عباس والماي
@@@@@@@@@@@@@@@@@@
سهم بعيونه نابت.. وبقه اعل الخوه ثابت.. عمود حسين
شيگله يگله حاظر. الصعب يعتبره صاير. اعل لمحة عين
يرسم لوحة الخوه اعل نهر الخوف
اثاريه الگمر من العطش مخسوف
اخو وصدگ نعم الاخو
للخوه وفيت وكفوو
عباس والماي
@@@@@@@@@@@@@@@@@@
وكع يمك كمرنه.. ولامايك وصلنه.. يجرف الماي
جنت بالخيمه اناطر.. بقيت بنوره حاير.. كمرنه هواي
شفت ضلوعه تسحكهن حوافركم
لو مو بلغدر شنهو الي يخلصكم
محد يلاگي أجمل بشر
من نوره بلموته انحشر
عباس والماي
@@@@@@@@@@@@@@@@@@
النهر ماعنده غيره.. اخذ نور العشيره.. الكمر عباس
بقت عطشانه سكنه.. وتفزع وينه عمنه.. اجتنه الناس
عمت عين الفرات الما وصل سكنه
بوكت عباس خادم شو جنت عدنه
باجر نوزع جم نهر
خاطر يردنه الكمر
عباس والماي
@@@@@@@@@@@@@@@@@@
تمنيت بمكانه.. واطب للحومه انه.. بلايه جفوف
اريد الماي اذله..السهم بعيوني خله.. يطفي الشوف
الكمر جانت رغبته ادوسه خياله
الكمر لو ماابو فاضل محد بحاله
علخيمه عينك شابحه
والليله نقره الفاتحه
عباس والماي
@@@@@@@@@@@@@@@@@@

امجد الزيدي

الناشر احمد الفاطمي

25 February 2026 22:06

وفاة ابوطالب

ياكسرت الساده ابوطنها
الليله ابوطالب شال عنها
مكه بقت تنعه ابحزنها
مصيبه
من مكه صرخه للمدينه
والد علي راح من ادينه
حيدر طَبع جفه اعله عينه
مصبه

ضهره مال ... والكسر ماينجبر
ضهره مال ... حيدر ايدور صبر
راح ابوه ... الليله ينزل للگبر
السلام على عم الدين
،،،،،،،،،،،،،،،،،،،،،،،،،،،،،،،،،،،
حيدر علي مكسور كسره
يمشي بقه وايده اعله ضهره
فراگ الأبو لا مايگدره
اوداعه
يافاطمه صاح شبديه
عمج خذت روحه المنيه
تمنيت موتتنه سويه
اوداعه

راح ابوي ... وفرهد ابعيني الحلم
راح ابوي ... شاب وشعر باليتم
كلشي راح ... وراح اضلن منصدم
السلام على عم الدين
،،،،،،،،،،،،،،،،،،،،،،،،،،،،،،،،،،،
لا يابوطالب مو وكتها
روح النبي بعازه عفتها
والصحره عگبك يتمتها
غريبه
حضرو دمعكم يالمعازيب
عنكم ابوطالب نوه يغيب
برمل الحجاز يخضر الشيب
غريبه

ياعذاب ... مكه ماتحمل بعد
ياعذاب ... وراح من عدها السند
والتراب ... يدفن الحگ والمدد
السلام على عم الدين
،،،،،،،،،،،،،،،،،،،،،،،،،،،،،،،،،،،
ياشيعه انصبوها العزيه
وخنواسي حماي الحميه
ماتنحمل والله الرزيه
جبيره
حيدر هضيمه الليله ذابل
شال الجنازه وضهره مايل
الشال الحمل تابوته شايل
جبيره

ماله صوت ... الصوته بالحق ينعلن
ماله صوت ... غمض وسد الجفن
عمره راح ... ونعلن عام الحزن
السلام على عم الدين

العبد ابوفايز الرافضي

الناشر احمد الفاطمي

24 February 2026 18:19

( ابوذيات ليلة جرح الامام علي ع)


يزود  أبيوم تاسع عشر  ،، هاماي
ها من دم يسيل الدمع  .. هاماي
قبل هامك يريت انطبر .. هاماي
ردت وياك تاخذني المنيه

أسهر ليل تاسع عشر .. ونطار
مدري الوسن من العين  .. ونطار
قبل راسك دليلي انصاب .. ونطر
يضل ينزف اليوم الغاضريه

صيامك يا امير النحل .. ماتام
ماضنيت الك ينصب ..  ماتام
چفوفي من عظم بلواي ماتام
تنشل من ثگل ضيم العليه

     ✍️ فاخر علي الشبيبي

الناشر احمد الفاطمي

24 February 2026 15:52

كاني بساداتي الحسن والحسين عليهم السلام

السفر لاوين.. يبو الحسنين
تطب تابوت. أذن ميتين


.................
رايح يبعد الروح رايح. وبروحتك جم روح ذابح
بالهم سبحنه بيوم شفنه بالدم يبو الحسنين سابح

والفقره يم بابك تناطر. ما درت هيج الوضع صاير
مكسور راسك كسر الجذوع يل ما كسرت بيوم خاطر

مو وكتك تغيب. يا أبونه الحبيب
لو فعلاً مشيت أولادك تشيب

الحسن وحسين أذن ميتين
.............
لو صدگ بويه تلوح التراب بالبيت يبقى ويانه المصاب.
جا وين ناوي تعوف الديار جرح امنا بينه لهسه ما طاب

هونك علينه وابقى يل حيد جا وين عايف دارك وحيد.
لو تبقى لو تاخذنه وياك تدري انت وجهك عدنا تعويد

أذا تنطي گفاك. نتعذب وراك
هل ريه تريد بس شمة هواك

تغمض عين أذن ميتين
..................
ريض رحيلك زينب تصيح ومدرار منها المدمع يطيح
ياخذها حزنك بويه ويجيب صارت مثل خيط المراجيح

محنيه زينب ظهر وضلوع تگضي النهار بحسره ودموع
والليل من يجن يبو تراب تكضي مثل ما تكضي الشموع

اهات وعويل صارت جن عليل
تمر باصعب ظروف لو مر بينه ليل

يكتلها الحنين أذن ميتين
....................
والدار صار علينه مو دار يحرگ يحيدر بينه جن نار
يابو اليتامه تعرف اليوم صرنا يتامه بجرحك الصار

ما ضل عدنه عين تتحمل ونين
بلا اب صرنا اه يا جور السنين

يأصل الدين أذن ميتين

حسن يونس التميمي

الناشر احمد الفاطمي

24 February 2026 12:01

اليومَ امست فاطمٌ يتيمه
خديجةٌ يا أُمَنا العظيمه

...
يا هبة رب المواهـــب للحبيب المصطفه
هو سلطان النبوه و انتي سلطانــــة وفه
من يشوفج ينسه همه وجنتي لجــروحه شفه
ياسراج اليضوي بيته وهالضوه بلحظه انطفه
بقلبـــــــهِ خبيرةٌ عليمه
خديجةٌ يا أُمَنا العظيمه
...
هالة النور العظيمه باللحد ضيهــا انحجب
موقفج اعظم علامه بصفحة الديــن انكتب
انتي ام المؤمنين التستحق هــذا اللقب
اسمج بغُرة سِمانه انصاغت حروفه بذهب
كفيكِ بحرٌ بالعطا كريمه
خديجةٌ يا أُمَنا العظيمه

...
لعفتّج كل عفّه تسجـــد و الستر يمج سِجَد
خصّج الباري بمديحه بآيته المصحف شِهد
جانـــت انفــاسج تسبّح قل هو الله احـــد
يا خديجه و انتي خيمه للشرف و المعتقد
كُنتي لروحِ المصطفى نديمه
خديجةٌ يـــا أُمَنا العظيــمه
...
تشهد الدنيه لحيائج يا بحر من الخـــجل
الهادي من تشتد حياته بعينج ايشوف الامل
انتي يا جوهر نساءه الينضرب بيج المثل
ما جرحتيهِ بكلامج و لاطلعتي اعله الجمل
فَبعضَهُنَّ جِئْنَ بالجريمه
خديجةٌ يا أُمَنــا العظيمه
...
فاطمه بلحظة وداعج ظلت اتهــــــل الدمع
رحتي يا أمها الحنينه وصارت بأصعب وضع
رادتج بالباب لمّن ينكسر منــــــــها الضلع
من يضربوها بمتنها بسوط والخد ينصفع
نبكي على اضلاعِها الهشيمه
خديجةٌ يــــا أُمَنا العظيــــمه
..
صلّت الوحشه بغيابج و اليواسيهـــــا النـــبي
ماتت حيدر و دفنها و ما نظر ليـــها اْجنبي
يا حزن كلبي اعله زينب فوك تل الزينبي
تنادي وين اهلي وعمامي راح اْروحن للسبي
صاحت بصوتِ الحُزنِ والظليمه
خديجـــــــةٌ يـــا أُمَنا العظيـــمه
...

خادم الحسين(عليه السلام)
كرار حسين الكربلائي

الناشر احمد الفاطمي

23 February 2026 20:35

قصيدة جرح ابالحسن ع•♕
نزال.. حزن


حـيدر بـمحرابه ونطر راسـه
طـايـح وگـوه يـجر بـنـفاسه
ـــــــــــــــــــــــــــــــــــــــــــــــــــ

راح للـمحـراب ويصلي الفجر
ولـگلب مـتروس بس لله ذكر
أذن بـأرض وسمه صار الاامر
حيدر المعصوم طاهر ساسه

ـــــــــــــــــــــــــــــــــــــــــــــــــــ

التمـت الـناس وتـساوة الصلاه
صلـه بيهـم حيدره بـحب الااله
تعنه ابن ملجم علي صاير وراه
سيفه مسموم ويشد اضراسه

ـــــــــــــــــــــــــــــــــــــــــــــــــــ

عـلي قـرأن السمه كـل ما نطـق
علي صله وراسه من شاله نفلق
تبچي ولـده وضلت الناس بقلق
علي بس بالموت صار حساسه

ـــــــــــــــــــــــــــــــــــــــــــــــــــ

طاح دمه الطاهر بمحرابه طاح
بـالمـدينه وعـتلـه صـوت النياح
ولـده كـلها اثاغبت وكت لصباح
يلـچـم حـيدر اذا چـف جـاسـه

ـــــــــــــــــــــــــــــــــــــــــــــــــــ

راح يتوچه على حسين وحسن
راسه مـطبور وبـقـه حيدر يـون
يلـوج بـلاامـه العضيم الممتحن
والايــتـام تـنـوح كـلهـا ونـاسه

ـــــــــــــــــــــــــــــــــــــــــــــــــــ

ولـده كـلها تـعـنته وزيـنب لفت
شافته ينزف دمه ودمعه نچفت
بـياذنب مـغدور بـويـه بـيابخت
حـت طبـيبـك ايـس بمـقياسه
ـــــــــــــــــــــــــــــــــــــــــــــــــــ
الشاعر... مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

23 February 2026 20:35

قصيدة اربعين ام المصائب♕
نزال.. حزن


المغرب يسدون باب الحضرتي
بــربعيني وذكــرت مــر دنـيتي
ـــــــــــــــــــــــــــــــــــــــــــــــــــ

بـربــعيـنـي ونــتـظركـم يـاهـلـي
تـالـي ظـلت بـالغـرب زينب علي
لا بـزر يـمـي الااجـه ولا كـافـلـي

عگب عينك والچفيل••انحب وگلبي عليل

بالي مـايصفه بـمصايب يخـوتي

ـــــــــــــــــــــــــــــــــــــــــــــــــــ

مثلي ماشافت مره سوگ وظلم
والعمر گـضيته بـس اه وهـضـم
والـحــزن ويـاي يـاكـل بـالـعضم

بالگبر حسره ونياح••ياوكت گلي استراح

خـويه فـرگاكم يچـمل مصيبتي

ـــــــــــــــــــــــــــــــــــــــــــــــــــ

ظـلمه تـكتل والـگمر فوگ النهر
خويه يحسين لغرب ماچن بشر
بحضرتي ماكو ضوه لحد الفجر

بربعيني ماحضر ••منكم وگلبي بتشر

انعه روحك ونت تبچي الحالتي

ـــــــــــــــــــــــــــــــــــــــــــــــــــ

چـنت عدله وماسلمت من لعده
ومـالـفـت زاور لانـاعــي ابـتـده
ينعه جـرحي الصار بيه وماهده

الشام مره يخوتي•• ميته وانه بغربتي

عگب ذيچ خيامنه وكـل هيبتي

ـــــــــــــــــــــــــــــــــــــــــــــــــــ

كلشي حن ولا گلب عدهم يحن
روحي متلوعه بجرح طول لزمن
وسفه مـو بترابنه طـولي اندفن

بشام الاكشر ماتهيد••جروحي بالشامت تزيد

ليش يـم، اعـداي صـارت موتتي

ـــــــــــــــــــــــــــــــــــــــــــــــــــ

كـل حياتي المرت بـنوح وعذاب
الشام صلفه ولگلب عدهم خـراب
منيتي چانت يمي ملتمه لشباب

عالتراب مطشرين•• وانه بالغربه ونين

ولـدي وخـواني وهـلي يـاغربتي

ـــــــــــــــــــــــــــــــــــــــــــــــــــ
الشاعر ••مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

23 February 2026 20:35

قصيدة اربعين ام عون••♕
نزال حزن


خويـه لهضم صار سهام
گبـر الــطـاهــره بـالـشام
ـــــــــــــــــــــــــــــــــــــــــــــــــــ

تدري الگبر ضـل وحده
وگـلبي الشامـت يمرده
ليـش ام عـون مـايمـها
چــف الـطـايـح وزنـده
حسرة شـوگ مـاتنضام

ـــــــــــــــــــــــــــــــــــــــــــــــــــ

لا زاور لا دمـــــعـــــه
فــوگ الـگبر هم تـنعه
بـنـت الطـاهره الحـره
وحـقد لشام شيجرعه
ام كــفــال وم ايــتـام

ـــــــــــــــــــــــــــــــــــــــــــــــــــ

صـار ايـام مــدفــونـه
وگبري مـاتـجـهـبـونـه
كـملـن اربـعـين اليـوم
ولا يـوم الـتحسوبونه
عـيـن بـلا اخـو متنام

ـــــــــــــــــــــــــــــــــــــــــــــــــــ

انـه ام عـون يـالكافل
گـلبي من الظلم هادل
بيه الشام ظل جرحـه
ودمـعي بـالغرب نـازل
غربه وشوگ ياضرغام

ـــــــــــــــــــــــــــــــــــــــــــــــــــ

روحـي جـفاك مـاردهه
شامت حضرتي يسدهه
وظـلمـه صـير كـل ليله
ويـن اچفوفك وحـدهه
روحـي وبـالــگبـر تـلام

ـــــــــــــــــــــــــــــــــــــــــــــــــــ

بهـذا الـشام مـو گـمره
وبيكم نـور هل حضره
ولازوار تــلــفــيــنــي
شـوفـك يروي موگطره
فارغ گبري صار عوام

ـــــــــــــــــــــــــــــــــــــــــــــــــــ
الشاعر ••مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

23 February 2026 07:17

التاريخ سجلها             وكفتچ بكملها
لو ردنه نحسب نسوان   اسمچ بأولها
    &&&
انتي  سر تبقين محد فسراچ
زيادة تنطينه اذا واحد نخاچ
مستجابه الدعوه اذا مؤمن دعاچ
روحه طلعت طه لمن ودعاچ
چانت الخديجه انفاس   راحت وشاب الراس
النبي طالع دفان   ودموعه ايهلها
&&&&
فضلچ اعله الدين ابد ما ينكر
والله لو ما انتي چا ما يستمر
صرتي وي المصطفى عسر ويسر
فخـــر بتاريــخ اسمـچ ينذكـر
ضحيتي بموالچ   الخاطر اعيالچ
وگفتچ چانت برهان   لا محد ايحلها
&&&&
قبل وادم فكرت بس بالربح
وچان تفکيرچ  عباده للصبح
غزريتي بدينــه مثل الملــح
كلشي شح وثروتچ لا ما تشح
من عافته صحابه   محد يدگ بابه
وكفتچ وکفة شجعان  من عافته كلها
&&&
انتــي ام الزهــره ام المــؤمنين
ينسي التاريــخ بس مــا تنسين
يا خديجه وانتي حبل الله المتين
العزاء يبقه على طول السنين
الجابت الزهره      وتكونت عتره
ذاكرها حتى القرآن      وشلون يجهلها
&&&
اليوم نرفع تعزيه بسم الرسول
وتعزيه للزهره والفحل الفحول
هذا مجلس بسمچ وردنه القبول
حرف من اسمچ وحيرها العقول
نرفع تعازينه     للمهدي والينه
عالصدر ظل النيشان    بدموع نسألها
&&&&
علي جبار الكعبي
الفاتحه لوالدي

الناشر احمد الفاطمي

22 February 2026 23:48

ياصاحب علي الحلوه عشرته
كميل ابن زياد الطيب انته
عاشق حيدره.. دنيه واخره
....
عطشان ورواك أمن البلاغه كلمه كلمه
تتبع بالمشي خطوة أمامك بيهه حكمه
حط ايده أعله صدره بالمكابر وانته يمه
كلك هاهنا علمن كثيرا  صرت اضمه
بس ماكو قلوب التحمل السر
جا وين الكه مثلك حته ادور
أنته المفخره.. دنيه واخره
....
اسمع ياكميل وافهم الحالات ذني
الناسُ ثلاثه عالمٌ كل علمه مني
ومتعلم يحاول أن يفوز ابدينه يعني
والثالث همج عايش حياته بالتمني
وأهل المال موته وعدهم اعيون
وأصحاب العلم لا مايموتون
علمهم كنطره.. دنيه واخره
...
حيدر ياكميل ابنص ضميرك بصمه تارك
سجادة صلاتك غيمه وادموعك نيازك
جسمك آدمي بس علمك ايفوق الملائك
بالكوفه ضريحك وانته جالس عالارائك
تقره ابليلة الجمعه الموالين
دعائك ياكميل ابصحن الاحسين
دعائك ينقره.. دنيه واخره
...
اللهم اني اسألك بالرحمه تبدي
الرحمه احسين يعني والدمع ينزل بخدي
لو عايش الهسه وبالعمر لليوم تحدي
وزير أهل الثقافه يمكن ايعينك المهدي

أبوذر مالك وسلمان هيبه
وانته ابلحية الكرار شيبه
شيبه طاهره.. دنيه واخره
....
ياهيبة زمانك يالصفاتك حيدريه
بيك اتفاخرت كل العشيره النخعيه
عابس وي علي انسميك احنه الرافضيه
وابيتك جنت تعقد مجالس عالزجيه
واكف وحدك يم باب الاحباب
تشم ابعتبة الزهراء والباب
جن لازم سره.. دنيه واخره
....
متفارك علي وياه جنت تشبه خياله
سامع بالمباشر من كلامه أجم مقاله
إذا صابه المرض تتمنه تنصاب ابداله
كلبك دائما ما ينقطع بيه اتصاله
لوهيج اليصاحب صحبته اتدوم
هي الصحبه موش اسبوع لويوم
الصحبه الفاخره.. دنيه واخره

#اللهم_عجل_لوليك_الفرج
#محمد_الجماسي