1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ليلة علي الاكبر عليه السلام
نعي لسان حال امهُ ليلی
فايزي
🏴🏴
للعازه ردتك يلولد ماظنّتي تروح
مو جرح صارن بلگلب يالغالي اجروح
يانور عيني ياعلي ياسلوة الروح
من بعد عينك سلوتي حسراتي والنوح
النوح ماافله ولا يهده ونيني
ياتعبي كله وحاصلي وثمرت اسنيني
برباك يامه اتعذبت ياماي عيني
اتروح ماظنيت يمه وماتجيني
يامنيت الروح التربّه ابين ال اضلوع
مصدوع يايمه الگلب بجفاك مصدوع
حته المدامع وشّلن ماظلن دموع
وروحي نحيله وكل عظم بعضاي موجوع
فگدك گضاني والوجع نازل للعظام
كل يوم من فرگاك يبني ينحسب عام
راسي خوه امن النوح صارن سود الايام
حاربت عيني النوم يخلص ليلي مانام
مجاريد
كون البواچي اتردك ردود
نهران اسوي بروس الخدود
ردتك ضخر لايامي السود
واتباها عندي وليد كادود
ريت الليالي الراحت اتعود
وافرح واذب هدومي السود
لاكن شيرد الضمّته لحود
عيني اعله دربك ليل ونهار
لوبيدي اهج ماريدن الدار
بين الضلوع موجره النار
بس الصور اگبالي تذكار
يمه
نارك حدر ضلعي مسعره
الولد يبني
ام محمد الحجاج
/channel/ommohamadalaebaadey
ليلة علي الاكبر عليه السلام
جديد محرم ١٤٤٧ هجري
لسان حال ام الاكبر
🏴🏴
وليدي ياچبيري وگرّت عيوني
ياتعبي ورباي المنّه حرموني
يضي عيني يالاكبر
گلبي ابفگدك انطر
ياتعبي ورباي المنه حرموني
🏴🏴
ياجمّار گلبي الولد يايمه
وبفگدك هدمني البين ياهدمه
مافارگ خيالك يبني متعلمه
يرد روحي الي عطرك امن اشتمّه
حسبت حساب تكبر
گلبي بفگدك انطر
ياتعبي ورباي المنّه حرموني
🏴🏴
حسبت حساب تكبر واگعد بجالك
هوی الدنيه يل اكبر يبني يحلالك
من تجبل عليّه وانظر اخيالك
منين الطف اجاني وغييب اهلالك
گضاك العطش والحر
گلبي بفگدك انطر
ياتعبي ورباي المنه حرموني
🏴🏴
يايمه الوَلد يرّاد للعازه
لمّه يصير تالي العمر عكازه
تروح وعايف امك والي محتازه
ردتك من اموت اتشيل الجنازه
وبدفني اتّوزر
گلبي بفگدك انطر
ياتعبي ورباي المنه حرموني
🏴🏴
بنيت آمال يتحققن حسبالي
ياوسفه يالاكبر خابن آمالي
يبني وكربله ماچانت ابالي
رحت مني وبگيت بحسرة الوالي
يا شرياني ال ابهر
گلبي بفگدك انطر
ياتعبي ورباي المنه حرموني
🏴🏴
بلب احشاي بيك الدهر صوبني
عليك انياط گلبي اتگطّعن يبني
دولاب الزمان شلون دولبني
فرهدني وهدم سگف العلي مبني
آه يبني المحسّر
گلبي بفگدك انطر
ياتعبي ورباي المنّه حرموني
🏴🏴
تمت بحمد الله تعالی
٥ // ذي الحجة
ام محمد الحجاج
/channel/ommohamadalaebaadey
َ للقاسم ابن الحسن المجتبی عليهم السلام
لسان حال مولاتي رملة
ابو ذيه ونعي
🏴🏴
اناطر ردّتك للخيم ورباي
يريت الورّبك يلولد ورباي
كل ذاك التعب والسهر ورباي
بساعه يروح يايمه امن اديّه
🏴🏴
حسبالي ازفنّك وحنّي
بعد شيفيدني ونّي وحنّي
اريد الطم يجسامي وحنّي
متوني والضلوع لهل رزيّه
🏴🏴
نعي مجاريد
تمنيت يبني اعجن الحنه
وافرح واشوفنك امحنه
ونشعل صواني الشمع كلنه
يبني واگللك امهنه
🏴🏴
يازفتك مامن مثلهه
ماصايره بالخلگ كلهه
ياموتّك ماهي بمحلهه
بت عمك الظلّت شگلهه
🏴🏴
عريس ازفك للمگابر
يبني غلبني البين شاطر
المن اظل بالدنيه اكابر
ومدوهنه والفكر حاير
الولد يبني
للموت ماينساك گلبي
🏴🏴
تمنيت ياجسام تكبر
وابالي ازفنّك اتصوّر
ابعرسك امحزّمه وافتر
خابت امالي يالمحسر
محسّر يبعد هروش گلبي
يايمه
🏴🏴
عظم الله اجوركم
ام محمد الحجاج
/channel/ommohamadalaebaadey
کانى بمولاتي ام القاسم عليهم السلام
تقول... 🏴🏴
ابو ذيات
هلبت بلگلب ونگطع هلبت
رحم حالي زماني بيك هلبت
گلت تصير مرت الولد هلبت
وازفنهه إلك هاي المسيه
🏴🏴
وليه الدهر ياجاسم وله امك
لنته اتحنت چفوفك وله امك
تالي الربه موذرينك ولمك
ياجاسم بدي امن الوطيّه
🏴🏴
عظم الله اجوركم
ام محمد الحجاج
/channel/ommohamadalaebaadey
ليلة القاسم عليه السلام
جديد محرم ١٤٤٧ هجرية
نعي
لسان حال امهُ رملة عليها السلام
تگول
يمه يايمه
الولد يمه
يهروش گلبي الولد يمه
عن المنيه وين اضمه
ياسين واسم الله عله اسمه
يلحلو طوله وحلو رسمه
يل ما اله بالعرس قسمه
جابوه الي غارج بدمه
والسيف ياجاسم امخذمه
موزع عزيز الروح جسمه
مطشر بكبره شلون المه
منين ابوسه منين اشمه
يانعمه وتبدت النعمه
عگبك يوالي العين تعمه
الولد يبني
وحگ شاربك يعمن عيوني
الولد يبني
ياحاصلي وياراس مالي
ويسراجي يمضوي الليالي
ياهيبتي وعزي ودلالي
الولد يبني
منك ييمه البيت خالي
تصاوير بس ظلن گبالي
لازاد لا شرب الهنالي
لانوم من بعدك حلالي
بس الحزن والهم صفالي
ومدوهنه ومشدوه بالي
الولد يمه
صوابك بضلعي وحيل يوجع
يمه الولد يمه
عيني لطريجك ما تچابس
يمه
لا حول ولاقوة الا بالله العلي العظيم
يا الله
ام محمد الحجاج
ليلة القاسم عليه السلام
جديد محرم ١٤٤٧ هجري
لسان حال الام
مثل الحلم مرّت ليالينه
ياما سهرنه ويامه لولينه
🏴🏴
ياحاصلي امن الدنيه وسنيني
جسام يبني ويانظر عيني
تكبر گلت يمه وتجازيني
تالي لفراگ امگدّر علينه
🏴🏴
يمه الولد يرّاد للعازه
من تكبر امه هواي تحتازه
تريده سند وتريده عكازه
بليّه الوَلَد بالذله ظلينه
🏴🏴
بين الضلوع اشهور ضمّيتك
من حيلي من عافيتي غذيتك
محنيّه گرب المهد هزّيتك
ماضاع كون الربه امحصلينه
🏴🏴
امن ارباي يبني الدهر فلّسني
فگدك گضاني والهضم مسني
ظلّت تصاويرك اتونّسني
ولبلمگابر مايرد لينه
🏴🏴
ثاري الولد مثل الهوی احتاجه
فرگاه جرح مايرهم اعلاجه
گطعو دليلي بگَطعت اوداجه
ضاع التعب وافلسنه تالينه
🏴🏴
شلهه بعمرها امك بعد شلهه
خلهه تموت امن القهر خلهه
يلحمّلت كونك امحملهه
وياك يامن بعد اهالينه
🏴🏴
ياكل هلي ويابعد طايفتي
يل بلسلف كشختي وسالفتي
طاريك ابد ماراح من شفتي
واصور عله الحيطان خلّينه
🏴🏴
تمت بحمد الله تعالی
١٠ // شوال
الموافق
٩ // ٤ // ٢٠٢٥
ام محمد الحجاج
/channel/ommohamadalaebaadey
ليلة العباس عليه السلام
جديد محرم ١٤٤٧ // هجرية
🏴🏴
فحّط الخياله
اخو زينب بطل فحّط الخياله
يوم الهد عليهم والعَلم شاله
🏴🏴
طب ليهم وشايل غيض بعيونه
يطشّر روسهم كلهم يعرفونه
عباس وزعل فنهم يلاگونه
ابن ام البنين الزعل يحلاله
🏴🏴
فحّطهم وحط بگلوبهم خوفه
كفو ونعمين من عباس وچفوفه
بلميدان خله الجثث مصفوفه
ياخذ راس كل خيّال يدناله
🏴🏴
روس الگوم ترس الوادي خلاها
مايخطي ابد صيدته اندلّاها
جاب الماي والمشرعه اتعلّاها
عله امتونه حلات الجود من شاله
🏴🏴
شيخ المرجله رد مسرع بجوده
هيبه ورايته تخفگ عله زنوده
لخته الماي جابه وراجع بزوده
والاطفال بالصيوان تبراله
🏴🏴
اطفال ابو اليمه يجي متانينه
لچن گطو يساره وگطعو ايمينه
وفضخو هامته وطفّه السهم عينه
وما وصّل لخوه الماي وعياله
🏴🏴
تعناه ابو اليمه وشافه عالغبره
لگاه لاعين لايمنه ولا يسره
ذب روحه ابو الاكبر من ظهر مهره
گعد عد راسه يمسح دمّه ورماله
🏴🏴
واعباساه
واضيعتنا بعدك
تمت بحمد الله تعالی
٣ // ذي الحجة
ام محمد الحجاج
🏴🏴
/channel/ommohamadalaebaadey
ليلة العباس عليه السلام
محرم ١٤٤٧ // هجرية
طاح شيال العلم
فوگ المسنّايه ٢
🏴🏴
طاح والرايه هوت وابو اليمه يشاهده
هوه من فوگ المهر حاطت اعليه العده
هامته طرها العمد وگع سيفه وساعده
ويّه گطعت يمنته الجود بدّوا مايه
🏴🏴
لا اشمال اولا يمين وسفه صگار الزلم
بيمن يشيل اللوه وبيمن يشد العزم
ظل اخيّه ابلا عضيد بعد بيمن يحتزم
ظهر ابو انكسر راح راعي الرايه
🏴🏴
حيف يم العلگمي وگع شيخ المرجله
عييد امعسكر يزيد راح راعي الاوّله
ابو الاكبر ظل وحيد من يحامي العايله
الجيش غار اعله الخيم راحو الوفّايه
🏴🏴
راح ال اتهابه العده والمنومس بالحرب
بخزرته ايموت الزلم للوغی لمن يطب
عينه تغفه شطاوعه اليگلب الحومه گلب
مايرد لم الخدر صعبه كلش هايه
🏴🏴
اخته تترجاه يرد مادرت بي مايرد
واجفه اباب الخيم عينهه لدربه تصد
محني بو اليمه رجع عزمه كله منفگد
گلها راح الكافلچ يختي نوحي هوايه
🏴🏴
ابو اليمه بلوعته اتگابل اويه ام الحزن
ونْته اتفسر الصخر من سمع زينب تون
ادگوم بالخيمه وتطيح شاطت وظلت تحن
واجن نسوان الانصار وجابن الملايه
🏴🏴
وا عباساه
تمت بحمد الله تعالی
٣ // ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
جديد محرم ١٤٤٧ هجرية
نعي نصاري
🏴🏴
نعمين وكفو امن اهل الحميه
وگفو سور دون ابن الزچيه
بثبات وعزم ونفوسن ابيه
زلم يتسابگون اعله المنيه
ضحوا لجل ابو الاكبر بالارواح
صدوا بالمهج طعنات الارماح
واحدهم جبل هيهات ينزاح
غيره تسيل مو دم امن الجراح
ابو اليمه گضو ربعه حسافه
ندههم حيف يرجال الكلافه
صاحبكم تره انهدمن اچتافه
صحبتنه انتهت يهل الترافه
بين الجثث واگف والدمع سال
يصحباني كفو منكم يلبطال
هويتو اعله الرمل شلكم بلرمال
شطيّحكم اشلون اطيح الجبال
صفيت اوحيد هسه بغير صحبان
بيش يصول بعد الما اله اخوان
اليفگد ربعه ظل مكسور جنحان
تترامه عليه اسهام الاحزان
🏴🏴
لاحول ولاقوة الابالله العلي العظيم
إنّا لله وإنّا اليه راجعون
تمت بحمد الله تعالی
٣ۧ // ذي الحجة
ام محمد الحجاج
/channel/ommohamadalaebaadey
َمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُم
✅🤲
ليلة اولاد مسلم عليهم السلام
جديد محرم ١٤٤٧
خذوني لشط المسيّب انشدنّه
برجاهم اظل لو اگطع الظنه
🏴🏴
عله طاهر ومطهر اسال الجاري
يگولون اعله جرفه انذبحو زغاري
انه امضيعه ضناي وتايهه افكاري
يذاك ارباي ياحيف افلست منّه
🏴🏴
ودوني للمسيّب ادورهم
تاهو مدري ابن زياد اسرهم
محبوسين لو گطعو مناحرهم
خيعونه الحضرهم اخر الونّه
🏴🏴
هنيال السمع ونّة زغيروني
بعد طاهر واخيه زغار يردوني
ياهو الگبل اخوي الگال ذبحوني
ياهو بدم وريده لوّل اتحنّه
🏴🏴
طاهر لو المطهر انگطع راسه
بلول يم اخيّه وخمدت انفاسه
ترف والسيف حار شلون من جاسه
مثل غصن الورد ناعم ويثّنّه
🏴🏴
عله جروف الشواطي ضاعن سنيني
واحد ريع گلبي وثاني ضي عيني
وين البي رحم ليهم ايوديني
الشط طول وعِرض عنهم ادورنّه
🏴🏴
عله جروف الشواطي ضاعن سنيني
واحد ريع گلبي وثاني ضي عيني
خذاهم وين روج الماي حلويني
الشط طول وعِرض عنهم ادورنّه
🏴🏴
روج الماي بالله ليا جرف ذبهم
ترفه وتنلچم خوفي عله ارگبهم
حلويني اظن الطين خرّبهم
وين الگه عطر منهم اشمنّه
🏴🏴
عظم الله اجورنا واجوركم
تمت بحمد الله تعالی
٢ // ذي القعدة
ام محمد الحجاج
/channel/ommohamadalaebaadey
ليلة مسلم عليه السلام
بلسان حال طوعة سلام الله عليها
الشاعر يصف الحال ....
محرم ١٤٤٧
من فوگ القصر ذبوه عدوانه
عمت عيني يمسلم وين خُوانه
🏴🏴
مچتوف بحبل ويدير بعونه
حسوة ماي ماترضون تطّونه
اسير شلون بلكوفه تذبحونه
عساچ بهجم يلكوفه يخوانه
🏴🏴
عساچ بهجم كون ورايتچ سوده
الجثه مرضرضه وبلدرب ممدوده
انشد الحبل من رجليه ولزنوده
اتحزمت ارد اشيله وماكو عوانه
🏴🏴
سحلو جثته بشوارع الكوفه
نسوان وزلم للفرجه مصفوفه
اهل الزود هاشم خل تجي تشوفه
تجرد سيوفها وتشيل جثمانه
🏴🏴
خل تحضر حميده وتمسح دمومه
ياحلو الجهامه اتغيرت ارسومه
مندومه يمسلم حيل مندومه
يبعد اهلي انوح عليك بس انه
🏴🏴
صگار الزلم محد يجي يشيله
ابلا تغسيل من ادمومه تغسيله
انه ادري بهله ماتحمل العيله
وابو طاهر هضيمه بغير دفانه
🏴🏴
ونعمين ابو طاهر كفو امن افعاله
يبعد آنه وهلي فحّط الخياله
سمع هلهولت اخته والعزم شاله
هز قصر الاماره اعله ابن مرجانه
🏴🏴
تمت بحمد الله تعالی
٨ // شوال
ام محمد الحجاج
/channel/ommohamadalaebaadey
ليلة مولاي عبدالله الرضيع عليه السلام 💔
👇👇👇
ليلة علي الاكبر عليه السلام
لسان حال امه ليلی سلام الله عليها
كل ام من يطلع وليدهه ويتيسّر بنيه ترش وراه ماي لتسهيل طريقه وسلامته
هذا اعتقادنه احنه الامهات
عمت عيني علی ام الاكبر من طلع ابنها للحرب رادت شوية ماي ترشها وراه ماحصلت . ظلت ترش الباب بدموعها . وكاني بها تقول بلسان حال الشاعر .
🏴🏴
لو بيدي ارش الماي
من طبيت للحومه ٢
🏴🏴
ارش دموعي وادعيلك .. من طبيت للحومه
واتوسل وابچيلك ..
عطشان وضعف حيلك ..
روحي عليك مالومه
🏴🏴
شربة ماي ماتحصل .. من طبيت للحومه
ودمعي ياعلي وشّل ..
ادعيلك واتوسل ..
شايط گلبي بهمومه
🏴🏴
اشربك من دمع عيناي ،، من طبيت للحومه
ادگول العطش فت احشاي ..
ريت انگطع جاري الماي ..
چبدك منّه محرومه
🏴🏴
ۡ
اكون اندارلك فدوه .. من طبيت للحومه
وحيلك ياعلي يگوه ..
يامن للگلب ياسلوه ..
عليك الروح مهدومه
🏴🏴
اسمع وِيِد بالميدان .. من طبيت للحومه
انته اوحيد والعدوان ..
محوطتّك يغصن البان ..
من كل صوب ملمومه
🏴🏴
صاحو طاح . صاحو طاح .. من طبيت للحومه
بين سيوف بين ارماح ..
گلبي انخمش صار اصياح ..
ياساعة الميشومه
🏴🏴
صاحو وگع من مهره .. من طبيت للحومه
جسمه موذر بكبره .
وليدي موسد الغبره ..
ويتفايضن ادمومه
🏴🏴
آجركم الله
تمت بحمد الله تعالی
٥// ذي الحجة
ام محمد الحجاج
/channel/ommohamadalaebaadey
َابو ذيه للقاسم ابن الحسن المجتبی عليهم السلام
لسان حال مولاتي رملة
٥٨٦
🏴🏴
اناطر ردّتك للخيم ورباي
يريت الورّبك يلولد ورباي
كل ذاك التعب والسهر ورباي
بساعه يروح يايمه امن اديّه
🏴🏴
٥٨٧
حسبالي ازفنّك وحنّي
بعد شيفيدني ونّي وحنّي
اريد الطم يجسامي وحنّي
متوني والضلوع لهل رزيّه
🏴🏴
نعي مجاريد
تمنيت يبني اعجن الحنه
وافرح واشوفنك امحنه
ونشعل صواني الشمع كلنه
يبني واگللك امهنه
🏴🏴
يازفتك مامن مثلهه
ماصايره بالخلگ كلهه
ياموتّك ماهي بمحلهه
بت عمك الظلّت شگلهه
🏴🏴
عريس ازفك للمگابر
يبني غلبني البين شاطر
المن اظل بالدنيه اكابر
ومدوهنه والفكر حاير
الولد يبني
للموت ماينساك گلبي
🏴🏴
تمنيت ياجسام تكبر
وابالي ازفنّك اتصوّر
ابعرسك امحزّمه وافتر
خابت امالي يالمحسر
محسّر يبعد هروش گلبي
يايمه
🏴🏴
عظم الله اجوركم
ام محمد الحجاج
/channel/ommohamadalaebaadey
هوسات ليلة القاسم عليه السلام
🏴
ازفك ليلة الجمعة چانت اُمنيه عندي
ياثمرة اسنين ارباي يبني ويا بدر سعدي
دهري خييب آمآلي الولد يمه وحرگ چبدي
يمحسّر // نارك لهّابه
🏴
لهّابه الك نيران يبني موجره بحشاي
لنوح اعليك يامحروم يمحسّر يتعب ارباي
بنيت امال ماظنيت تخيّبها الي دنياي
للعازه // ياجاسم ردتك
🏴
حلات الام ابنهه تگعد بجاله
لو مال الحمل يتحزم وشاله
گلب امك يجاسم خابت اماله
ربّتك // وارباها تريده
🏴🏴
ام محمد الحجاج
ـ/channel/ommohamadalaebaadey
ليلة القاسم عليه السلام
جديد محرم ١٤٤٧ هجرية
عريس سباح الگلب يافرحتي الليله
ابيتي هلاهل تنسمع والشمع يضويله
🏴🏴
يتباركولي والورد حضرته والحنه
ياربي تمم فرحتي ووليدي يتهنه
تتحقق امنيتي وتجي لبيت الحسن چنه
الاكبر نسيبي اشهل بخت وام چنّتي ليله
عريس سباح الگلب يافرحتي الليله
🏴🏴
گبعها ابو اليمه بعباته وگالّي اخذيهه
والمهر مني لبن اخوي ابنيتي هاديهه
بيدي ازفه بصايت الله گومي حنيهه
خل گلبچ يعوف الحزن وابتشري وادعيله
عريس سباح الگلب يافرحتي الليله
🏴🏴
بخرت خيمة عرس جاسم وادعي ياربي
تمم فرحتي يلكريم وعوّضه لتعبي
اسنين العمر راحن وماشاف الفرح گلبي
وتتناثر دموع الفرح وامسحها بالشيله
عريس سباح الگلب يافرحتي الليله
🏴🏴
امالي خابت والولد للحومه زفيته
وشمع الصواني بالدمع من راح طفيته
فرض الشهاده بكربله يوليدي وفيته
تتباها حقها امك يوالي وراسها تشيله
عريس سباح الگلب يافرحتي الليله
🏴🏴
طفيت شمعات الصواني بدمعة عيوني
ماتت الهلهوله اعله شفتي وخابن ظنوني
ياريع گلبي وثمر تعبي المنّه حرموني
انت رحت وامك تظل دهري شسويله
عريس سباح الگلب يافرحتي الليله
🏴🏴
وا قاسماه
إنّا لله وإنا اليه راجعون
عظم الله اجورنا واجوركم
تمت بحمد الله تعالی
٥ // شوال
الموافق
٤ //٤ // ٢٠٢٥
ام محمد الحجاج
/channel/ommohamadalaebaadey
جديد محرم ١٤٤٧ هجرية
ليلة العباس عليه السلام
نعي مجاريد
رجع الامام الحسين عليه السلام من مصرع اخيه العباس عليه السلام وقد بان الانكسار عليه
استقبلته اخته العقيلة وسالته عن اخيها وكفيلها .
توجه ابا عبدالله عليه السلام الی عمود الخيمة فأزاحة . عَلِمت مولاتنا العقيلة أن اخاها العباس قُتِل
نادت وا اخاه واعباساه
واضيعتنا بعدك
وقال الحسين عليه السلام
واضيعتنا بعدك ابا الفضل
حوار بين الامام الحسين واخته العقيلة عليهما السلام
بلسان حال الشاعر
كاني بمولاتي العقيلة زينب عليها السلام قالت ...
يحسين خويه لوحّدك جيت
محني الظهر للخيم رديت
ونّت امضيع اعضيد ونّيت
ووحيد بين اعداك ظلييت
جاوبها الامام عليه السلام
يم النهر طايح اخونه
وچفوفه مگطوعه ابن ابونه
السهم والدم عله عيونه
العامود خرّب ذاك لونه
خليته مرمي اعله الشريعه
وچفوفه يازينب گطِيعه
طفّه السهم عينه الوسيعه
ماجوره يختي بهلفجيعه
جاوبته مولاتي العقيلة عليها السلام
عباس ياحماي الخدور
ياحيف يابا الفضل مغدور
والبيرغ اعله النهر مكسور
وچف التكفل ظعن مبتور
طيحتك خويه مو وكتهه
خيام الفواطم تيّهتهه
يل بلكفاله اختك جبتهه
للوطن عگبك من يزتهه
ياسورنه وظِل العلينه
ياخير وتبدّه امن ادينه
امن اطلعنه خويه تواعدينه
نرجع سويه بلظعينه
ماتنخلف چا بيش اخلفك
وفّاي للخوّه اعرفك
يميلن حمولي اخلاف چفك
يازين بالله شلون اوصفك
عباس ماچانت عله البال
اختك يوالي بغير چفال
بديرة غرب وحمولها ثگال
امحضرين لختك هزل وحبال
وا اخاه واعباساه
تمت بحمد الله تعالی
٤// ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
الحشد الشعبي والانصار
🏴🏴
برجال الحشد وانصار الحسين
تظل مرفوعه وترف راية الدين
حي الله الزلم حي الله الزلم
🏴🏴
انصار ابو اليمه وگفو ارماح
واحد طاح ثاني يعوض الطاح
وابطال الحشد ضحو بالارواح
شهيد يطيح ويعوضونه عشرين
ابطال ونِعِم حي الله الزلم
حي الله الزلم
🏴🏴
انشد كربله وتشهد للانصار
شيّاب وشباب وحته لزغار
واسباع الحشد تتفاوت اعمار
العريّس بيهم وابو السبعين
شدوها الحِزم حي الله الزلم
حي الله الزلم
🏴🏴
من صارت الفتوه وصار الزماط
ولدنه القاط ردّوه بالف قاط
مثل عابس بيوم امن الزعل شاط
وِلِدنه المااستشهد بي نياشين
اهل غيره وعزم حي الله الزلم
حي الله الزلم
🏴🏴
مثل غيرة الحر غيرة هالاسباع
بدماهم شرفنه انصان والگاع
السستاني سفينه وهمّه لشراع
دمهم بعده فوگ اجبال حمرين
شهم ينخه بشم حي الله الزلم
حي الله الزلم
🏴🏴
الموصل يوم طاحت صارو سيوف
صلبه گلوبهم ماعرفو الخوف
مثل السيل للحد زحفو زحوف
موش آلاف فزعتهم ملايين
سد ماينثلم حي الله الزلم
حي الله الزلم
🏴🏴
اللهم احفظ حشدنا
وارحم شهدائنا
٣// ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
🏴🏴
دخل ليهه حبيب
ارتجت الحومه
دخل ليهه حبيب
ارتجت الحومه
جدّام الانصار وناشر الرايه
چن قران وجهه وشيبته آيه
حياهم ينادي وسوو سوايه
ناشر رايته
ومسرفن هدومه
🏴🏴
هد جدّام ربعه الغيض بعيونه
سابگهم الحيد ومايسبگونه
امفرع الراس يازلم اليگحمونه
هله بصاحب علي
هذا الوكت يومه
🏴🏴
صاحب حيدر الكرار شيردّه
سبع ومخيف يامن گابله شحدّه
انصاره واهو هدّو فرد هدّه
جيمات التلاگيه
ترد مثلومه
🏴🏴
شايب رافع الحاجب بعصابه
بالنص يگطع الخيّال لو صابه
واليشرد ايلحگه اوياه اله اطلابه
مامنهه مفر
الموته محتومه
🏴🏴
بنصار ابو اليمه امغزّه الصحبه
يعشگون الحُسين وذابو بحبه
لجله الموت مثل الماي وتشربه
كل واحد الغيره
تفور بدمومه
🏴🏴
السلام علی انصار الحسين
الذين بذلوا مهجهم دون الحسين
عليه السلام
تمت بحمد الله تعالی
٢ // ذي الحجة
ام محمد الحجاج
/channel/ommohamadalaebaadey
نعي ليلة اولاد مسلم عليهم السلام
١٤٤٧ هجرية
لسان حال امهم
مجاريد
مثل الملح بعيوني مانام
ونسناس يايمه بلعظام
لفراگكم كل يوم عن عام
الليله بسنه احسب الفرگه
وادعي الكريم يحين ملگه
بلبيت بس الصور الگه
الفارگ ضناه ايموت حگه
ايدي اعله خدي وعيني للباب
اعليكم دليلي صار عطّاب
گلبي يحن لوجوه الاحباب
للدرب عيني اشوده وشجاب
عيني لدربكم ماتجوني
ياثمر گلبي وضوه عيوني
ماهي اعله بالي تفارگوني
وبهل مصار ادّوهنوني
🏴🏴
بحر طويل
تجري الدمع دم العين
حگها اعله الولد حگها
ماچانت ابد عالبال
سلواها يفارگها
ظلت عايشه اعلل آه
تفت الحشا وتحرگها
سهم البين مايخطيش
صووب مهجتي وشگها
الدهر ماخله مر بلكون
سگاه لمكم وضووگها
🏴🏴
تمت بحمد الله تعالى
الثالث من ذي القعدة
ام محمد الحجاج
/channel/ommohamadalaebaadey
ليلة اولاد مسلم
جديد محرم ١٤٤٧
شوداكم للمسيب يترفين
الدرب ابعيد وتخوف البساتين
🏴🏴
بساتين وبعيده والوكت حار
شوصلكم يروحي وانتم زغار
عليكم لو طلع يايمه لنهار
بيكم جايزه تريد الملاعين
🏴🏴
ياطاهر خذتكم مني لدروب
وامكم حايره بدنياها وتلوب
اسالمن عليكم رحتو ياصوب
ياعگلي ويروحي وياضوه العين
🏴🏴
گالو بالحبس ع
تالي بالحبس عگب التعب ذاك
والسجان ظالم گالو هناك
ياطاهر يمطهر يبست الهاك
عطاشه الله واكبر بالزنازين
🏴🏴
خذوكم للذبح يم جاري الماي
ترفه ارگابكم يا لبّة احشاي
يمه السيف باشط يوجع هواي
اطفال شلون ذبحوكم يحلوين
🏴🏴
شلون وداعكم گبل الذبح چان
زغار ولازمين اردان بردان
شظل بگلوبكم يلموتكم حان
كل واحد لخيّه يدير بالعين
🏴🏴
اذبحني گبل اخيي آنه لچبير
ارحم حال اخوي اضعيف وزغير
بدمكم رفرفيتو اترفرف الطير
بجرف الماي ذبحوكم يلثنين
🏴🏴
إنّا لله وإنّا اليه راجعون
آجركم الله يامعزين
تمت بحمد الله تعالی
٢٩ // شوال
ام محمد الحجاج
/channel/ommohamadalaebaadey
ليلة مسلم عليه االسلام
نعي مجاريد
لسان حال طوعة سلام الله عليها
🏴🏴
ياطارشي جد للهواشم
گلهم يسلّون الصوارم
مسلم عليه دارت الوادم
فزعو بعجل يهل المچارم
فزعو بعجل بلليل بلليل
لكدو الشِگِر من غير تعطيل
الليله اريدن توصل الخيل
خلُو الكوفه اتحشم ادخيل
حيهم ي اهل مسلم انادي
هاشم ي اهل بِيِض الهنادي
الثار اريده امن الاعادي
من روسهم ترسو البوادي
ياطارش اتوكل عله الله
عباس خل يفزع لي گلّه
يهوسون مسلم ماجو اهله
خِلّه يراعي الجود خِلّه
الفزعه لوله خمسميه
ووحيد مسلم بين اميّه
لاابن عمه لا اخيّه
اتلاحگوه يهل الحميه
كثرن جروحه وضعف حيله
والسيف مايگدر يشيله
مسلم صواباته ثجيله
والعطش چواله دليله
خبّر هله ميسور جابوه
حفرو حفيره وغدر غدروه
وبحمايل امهنّده چتفوه
ياحيف ابو طاهر توالوه
اطّوه امان المالهم دِين
صوب ابن عمه دار بالعين
امن اعله القصر سلم عله حسين
اسير ذبحوه الملاعين
وامسلماه
رحم الله المنادي ومسلماه واغريباه
آجركم الله
تمت بحمد الله تعالی
٢٧ // شوال
الموافق
ام محمد الحجاج
/channel/ommohamadalaebaadey
جديد محرم ١٤٤٧
ليلة مسلم عليه السلام
موشح
المچارم لبس مسلم تاجها
الكوفه بس سيفه يعرف اعلاجها
🏴🏴
انتهض ليهم واخذ بيهم وطر
او لا اتخلي احّد يبو طاهر يفر
جيم بلكوفه مثل يوم الحشر
گوم واتفنن بگطع اوداجها
🏴🏴
گوم واتفنن وسجل ملحمه
اليوم يومك يبن اخو حامي الحمه
بالحقد باتت الكوفه امغيّمه
الكوفه معروفه الغدر منهاجها
🏴🏴
طحن گوم اطحنهم وخل تنگلب
بيهم الدنيه وراويهم رعب
وين ذيچ اعهودهم وين الكتب
آنه اهلهل وانت بيد افواجها
🏴🏴
آنه اهلهل وانت غِير اعلجمع
خلي دابرهم يملسم ينگطع
خلي صمصامك الا طگ ينسمع
خل تطير الروس ويّه اعجاجها
🏴🏴
خل عجاجتهه اتحجب نور الشمس
السبع بيهم خل يطگ ضرس بضرس
لقّن الكوفه يبعد اختك درس
الصبح سوي ليل طفي اسراجها
🏴🏴
تمت بحمد الله تعالی
٥ // شوال
ام محمد الحجاج
/channel/ommohamadalaebaadey