308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
СИҒИНДИ
Ўша кун... ортиқчалик қилдим
жаннатга —
Лаш-лушсиз учдим-у,
Машриққа тушдим.
Қирқ йиллик фироқда жоним увишди —
Либосим япроқ эди.
Худо беҳудага бермас қирқта жон,
Кўнглимни кундага қўйиб чопдилар,
Чопқилар гуллади, чопқилар!
Сотдилар...
Қадримга дунё топдилар —
Дунёси қуроқ эди.
Бир кун остонадан ҳайдалди онам,
Вазифасин янглиш уққани —
Ўғил эмас мени туққани
учун.
Ваҳоланки уларга меҳрим
Ўғилдан кўпроқ эди.
Бошқа ҳаётимда очиқ қабрга
Қўғирчоғим билан кўмдилар,
Ўйладим: "Ҳалиям мен билан бирга
Беркинмачоқ ўйнаяпти улар...
Нега ҳалигача топишолмади?"
Қўрқардим, дилдираб совуқда таним.
Охирги нафасда чақирдим зўрға...
Сўнгра
ҳўнграб-ҳўнграб қоришдим гўрга...
Асосим тупроқ эди.
Яширин, — дедилар, — югур, қопга кир,
Беркитгил, — дедилар, — кўзларинг гўзал.
Қуёш олгани чун юзимдан бўса
Тошбўрон остида чайқалиб боқдим,
(гўё)
Илма-тешик мешдан май каби оқдим...
Кайф-у сафосига қон томиб турган
Кўйлагим — байроқ эди.
Ўз уйи бўлмаган ҳеч вақт аёлнинг —
Отаси,
боласи,
эрининг уйи...
Аъвомнинг умрида энг олий ўйи —
Аёлдан қутилишдай
жирканч озодлик!
Бу эрк — чин қамоқ эди.
Одамзот ғажир ўз қовурғасини,
Ишлашга қўймайди,
Тишлашга қўймас,
Миннатга йўяр-у,
Суннатга йўймас,
Мен туққан оломон ҳуркди ўзимдан,
Нақадар қўрқоқ эди.
Томоғимдан ўтган ҳар томчи сувда,
Рақамлар акс этар ҳисобин жамлаб,
Сўнг қоришиб кетар оби дийдам-ла
Шунчаки,
Малолим келмасин ҳеч кимга дедим,
Уволим келмасин ҳеч кимга дедим,
Истагим топ-тоза авлод ўстириш,
Умидим буроқ эди.
Бироқ энди...
Жаннат оёғимнинг остидалиги
Бошидан сўроқ эди.
___
@Nozima_Habibullayeva
P.s: Kecha ma'ruzaga shu she'rni olganimda, ohangidan "voh" dedim. Mast bo"ldim. Taqdimot payti o'qib yana bir bor sel bo'ldim. O'qigan she'rlarim ichida ohangida sel bo'lib oqadigani shu edi. Kechga kelib, yana shu ohang xumor qildi-da. Qayta topib o'qidim. To'ymadim. Keyin Nozimaning boshqa she'rlarini qiroat etdim.
Nozimaning ilk kitobi chiqqanida xonadoshim bilan birga ovoz chiqarib o'qigandik - yillar narisida. O'shanda xonadoshim "Nozima kompozitor-da, darrov bilinadi. Uning she'ri tayyor musiqa" degandi. Ha, agar she'r bu avvalo ohang deydigan bo'lsak, hozirgi yosh shoirlar ichida Nozima uloqni ilib ketadi. Ohangning bunaqa garmonik ritmini undan boshqa shoirda topmadim. She'r degani, dard deganiyam shunaqa shirin musiqaviy bo'ladimi?! Xuddi Chaykovskiy asarlaridek...
Aytgancha, Nozimaning yangi kitobi "Izlam" ning ikkinchi faslida chiqdi. "Nafas" nomida. O'qing, yomg'ir nafasidek sipqorasiz bu she'rlarni.
Санжар Назар: "Излам" - бу шунчаки адабий тўплам эмас! (+видео)
Хабарингиз бор, ўзбек адабий жараёнида ўзига хос ўрин эгаллашга улгурган, китобхонликни янги даражага олиб чиққан “Izlam” тўпламининг иккинчи фасли чоп этилди. Мазкур тўпламда 16 нафар наср, назм, адабий танқид ва публицистика йўналишларидаги истеъдод эгаларининг ижодий намуналари сараланиб танлаб олинган.
🎥 https://youtu.be/atCKU5tBL9Q
Батафсил: https://uza.uz/posts/662067
Тelegram | Facebook | Instagram | YouTubе
#review #izlam
🦋"Nafas"
😀Nozima Habibullayeva
Mudroqlarga tushmas samoning ko‘zi,
Tushlarimning nishi kuragimdadir.
Momomning kamoni qo‘limda, ammo
Nishon ko‘p.
Markazi yuragimdadir...
Shoiralar ko‘pincha o‘z dardlarini, ya'ni ayol shaxsiyatidagi muammolar haqida ko‘p yozishadi. Shoirlar ham shu o‘rinda ayollarga atab ijodining katta qismini ajratadi. Shunday bo‘lishiga qaramasdan ko‘pchilik malaklarimiz feministik mafkura atrofida chunon o‘ralashib qolganliklarini guvohi bo‘lamiz. Nozima Habibullayeva ijodi esa o‘z she'rlarini feministik g‘oyadan gumanistik g‘oyaga ko‘tara olganligi bilan tengqurlaridan farq qiladi.
Ya'ni gumanizm o‘z domiga feministik g‘oyalarni qabul qilishi mumkin, ammo feminizm gumanistik g‘oyalarni hazm qilolmaydi. Aynan shu anglamni tushungan Nozima Habibullayeva she'rlaridagi dard, muhabbat, og‘rinch-u sevinchlar barcha jins vakillari, bashariyat uchun birdek taalluqli va ta'sir etish kuchiga ega, deya olish mumkin. Uning:
Qo‘llarida tasbeh,
nafslari g‘avvos,
Bismillo deb shomda sharob ichganlar.
Anglashga unnayman,
shimaraman yeng,
Ammo savollarning pirovardi yo‘q.
Nahot, Ko‘hna Turon avlodlarining
Endi qo‘shxotindan bo‘lak dardi yo‘q.
Шоира Нозима Ҳабибуллаеванинг шеърини Эркин Бозоров ижросида эшитиб, этим жимирлади. Шеър оиласини боқиш ташвишида мусофирликда юрган оталар ҳақида ёзилган. Инстаграмда Эркин Бозоров саҳифасида бир киши шундай коммент қолдирибди: “Ватан ҳам майли, фарзандлари унутмасин оталарини”…
***
…“Мусаффо” кунларнинг бирида
Отам мусофирга кетган маҳали,
Укам билан “сариқ” бўлгандик ёмон.
Дўхтирга, дорига пул йўқ шекилли
Жўҳори попугин қайнатиб бергач
Кўйимизга боқиб,
Сизнингда рангингиз бўлганди сомон.
Сариқ рангни шундай англайман ҳамон.
Отам ватанини севарди жуда.
Унутмаслик учун уни сафарда
Баҳор ифорини кўтариб бошга
Дўпписин остида кетди авайлаб.
Тўрт фасл ортидан қайтди саҳарда
Оппоқ дўппи бўлиб сочлари...
Бошидан,
кўнглидан не ўтса ўтди.
Чизмай қўйди,
чалмай қўйди,
айтмай қўйди...
Сўнг алам устида айтдим, онажон:
Отамни ватани унутди!
Соғинч шеърлар ёздим қучиб рубобни,
Укам қўшиқ айтди отамнинг овозида.
Отам дала чопди,
Сиз орзу ёпдингиз.
Қамаша бошлади дунёнинг ранги.
Ишончим – рубобнинг торлари эди.
Шунда ҳам чаляпман дилда борини.
Аммо,
Келажак кўзига тик боқай деса
Ватан унутмасин Оталарини!
VATAN UNUTMASIN OTALARINI
(Ushbu she’rni ro‘zg‘or tebratish uchun umri musofirlikda o‘tayotgan, farzandi diydoridan benasib barcha otalarga bag’ishlayman)
NOZIMA HABIBULLAYEVA she’ri
Rejissor: Erkin Bozorov
Tasvirchi: Hojiakbar Nurmuhammedov
Ovoz rejissori: Elbek Hamdamov
Colorist: Bahriddin Shavqiyev
Hamkorlik uchun @crystalresortuz ga, ijodkor avlodga baxsh etayotgan ruh va qanot uchun @akademnashr ga tashakkur bildiramiz!
❗️
“IZLAM” DAVRASIDA
“Akademnashr” nashriyoti tomonidan chop etilgan “Izlam” turkumi doirasidagi kitoblar keyingi paytlarda ko‘p bor tilga olindi, o‘quvchilarda ushbu mualliflarning ijodiga nisbatan qiziqish bir qadar ortdi. Biz ushbu turkumning bu yilgi mualliflari ijodidan namunalarni bir havolada jamladik.
✍️ Mansur Jumayev
✍️ Najmiddin Ermatov
✍️ Suhrob Ziyo
✍️ Shahriyor Shavkat
✍️ Nozima Habibullayeva
✍️ Jaloliddin Sayyid
✍️ Rahmat Bobojon
✍️ Gulhayo Anorova
✍️ Furqat Alimardon
✍️ Jumanazar Yoʻldosh
✍️ Bayram Ali
✍️ Mohira Eshpo’latova
✍️ Sevara Alijonova
✍️ Muhammadxon Yusupov
✍️ Gulrang Ubayeva
https://youtu.be/6Tk6XHQ3zIw?feature=shared
Читать полностью…
#retro
* * *
Наҳиде* бўғзимдан ўтар сирғалиб,
Ақрабнинг ўзини чақа бошлар тун.
Тонг ели қўшиқдан баттар судралур,
Нега айнан бугун?
Тўлқинлар селидан сўрайди ёрдам,
Ўзига қуйила бошлаган сасим,
Гўё сидирилиб тушар торлардан
Титроқ хўрсиниқлар унган нафасим.
Дераза ечинар,
борлиқ шеър ташир,
Дарахт улоқтирар ёнган вароғни.
Нигоҳим таратган гунглик нотаси
Аллала-аб кузатар сўнгги япроқни....
Манов оғир бошда икки тирқишдан
Наҳиде пичирлар
ва айнан бугун.
Барини кўз юмиб тинглайверишдан
Жуда чарчаганман, тушун...
II.
Ноябрь барига шўнғир кўз юмиб,
Азизим, кўз очиб англаганимдек,
куй ҳам тингласайди мени бир умр
Сен мени,
мен сени тинглаганимдек.
О, сенга шунчалар ярашган вафо!
Кипригим гуллари – тўкилмаган шеър.
Ёнимда сен борсан,
тепамда Худо,
Нега йиғлаяпман, сабаб топиб бер...
*Наҳиде – хонанда
@Nozima_Habibullayeva
⭐️ "Шарқ Юлдузи" журнали
(2-сон/2023)
Биз кутган фасл
Неча бор қалбингда тикладим қаср,
Айрилиқ бўрони бузди муттасил.
Нечун яна қаттиқ қиш келаётир,
Баҳор эмасмиди биз кутган фасл?!
Саҳройи севгимиз кўкарган даштим,
Соғинч ўрдасида мунча саваштим?..
Наҳот, адаштирдим, наҳот, адашдим,
Баҳор эмасмиди биз кутган фасл?!
Севилдик – севиндик, аммо ақлли
Зотлардек бўлмадик сипо шаклли,
Эртароқ нишонлаб қўйдик шекилли,
Баҳор эмасмиди биз кутган фасл?!
Азизим, асалга эврилсин заҳр:
Севгида сахий бўл, нафратда – бахил,
Баҳорга айлантир қишни ҳам, ахир,
Баҳор эмасмиди биз кутган фасл?!
Баҳор эмасмиди биз кутган фасл?!
Мансур ЖУМАЕВ
#Izlam
So‘z — to‘lqin, so‘z — po‘rtana. U hech bir joyda muqim yashagan emas. Hatto "Sir" larda ham. Suhrob Ziyoning "Daryo" si ham shunday yoyila boshladi. Bu kitobni yo‘lidan chiqsangiz ehtiyot bo‘ling, ruhingizni sel qilib oqizib ketishi mumkin. Daryodil shoirning kitobga qo‘ygan nomi qizining ismi bilan adash. Har ikki Daryoning umri uzoq bo‘lsin, dengizlarga, ummonlarga aylansin!
***
Jumanazar Yo‘ldoshning "Izlam" turkumida chiqqan "Sir" i nima haqida ekani esa sir.
"Syurpriz" deydi-ku, o‘sha. Izlamning syurprizlari hali oldinda, hammasi hammamiz uchun, adabiyot uchun.
@Nozima_Habibullayeva
#Izlam
Jaloliddin Sayid desa og‘ir vazmin, "introvert" shoir ko‘z oldimga keladi. She'rlari Hisor tog‘ini yelkalab turganday viqorli. Bir qadar Abdulla Oripov falsafasiga yo‘g‘rilgan, ammo o‘zining ovozi va rangiga ega.
"Huqqaboz" goh o‘zining, goh sizning ko‘zlaringizni shamg‘alat qilib so‘z sehrining girdobida aylantiradi. Bu o‘yinning yakunida bog‘langan ko‘zlar ochiladi. Ko‘zingizni ochmoq uchun "Huqqaboz" ni mutolaa qiling.
***
"Izlam" turkumining yana bir nasr karvonidagi og‘amiz Furqat Alimardonning asarlari "og‘ir karvon" emas, anchayin ildam chiqdi. Menimcha shu sermahsullikka ko‘z tegmasin uchun "Qorakuya" deb nomlangan. Yoki bundan avvalgi kitobning "tandir" idan qolgan qora kuya sharafiga 😊
Yana ikki asar kitobxonlarga muborak bo‘lsin!
@Nozima_Habibullayeva
#Излам
Қалблар тириклигининг мезони—адабиёт. Аммо унинг ҳам жон-жонидан қандай кунлар ўтмади дейсиз. Ўткан кунларни қўятурайлик, бугунги даврнинг нафасида умид эпкинлари борми?
Назаримда "Биз кутган фасл" келди! Ёшларнинг овозида гуркираб келди. Бу фаслнинг бошқа ранги, бошқа сози, бошқа Сўзи бор.
Мансур Жумаевнинг қаламида унган куртаклар истаган пайтингиз "Сиз истаган фасл" га айлана олади. Сиз ўқисангиз бас. Тасаввуфона оҳанглар долғаси руҳингизни ҳооов анави томонларга оқизиб кетади. Уёғи қизиқ бўлса шўнғинг, "Биз кутган фасл" га айланинг.
___
Ижодкорлик машаққати Сўз юкини руҳида кўтарганларга яхши аён.
Аёл ижодкор бўлиш икки ҳисса мушкулот.
Чунки уни яратган Сўз ўзининг тақдирига айлана оладими йўқми шудир масала.
Хўўўш... Назмда-ку саноқлимиз, насрда бармоқларимиз ортиб қолади санасак. Mohi Ra замонавий ўзбек насрининг "Қирқ биринчи кун" ини яшаётган авлод. Саноқдаги, сара ижодкор. Шу сафда собит бўлиши, аёллар насрининг "Қирқ биринчи кун"идан ўтиб олиши бир жиҳатдан сизларнинг, ҳаммамизнинг қўллаб-қувватловимизга боғлиқ. Ўқинг, самимиятдан, инжа туйғулар тараннумидан сармаст бўлинг...
@Nozima_Habibullayeva
#Izlam
"...Ham...Nafas"
Bu ikki kitob bir-birini ruhan, qalban to‘ldiradigan, biri ikkinchisini davom etadigan kitoblardir.
Bu ikki kitob adabiyot dengizidagi yangi bir mavj, yangi bir to‘lqindir.
Bu ikki kitob mushtarak dillarning orzu, umidlari, tug‘yonlaridir.
Bu ikki kitob adabiyotsevarlarga chanqoq qalbi uchun obi ziloldir.
Sh.Shavkat do‘stimiz Ulug‘ so‘zning yukini his qilgan, ulug‘larga ergashib o‘zi ham ulug‘lashayotgan shoirdir.
Nozima ayollarga xos nafis tuyg‘ular tarannumini musiqiy ohanglar bilan ifoda etayotgan shoiradir.
Men ishonamanki, yana yuzlab yil o‘tgandan so‘ng ham bu kitoblar o‘z o‘quvchisini topadi. Chunki inson yashamoqda ekan, qalbini tozartishga, dunyoning azaliy qonuniyatlarini nafis tarzda anglashga zarurat sezadi deb o‘ylayman...
Xullas, bu ikki kitob asl, o‘qilishi zarur kitoblardir!
@Jumanazar_Yuldash
Nozimaning "NAFAS"i
Nozima Habibullayeva ijodi musiqa bilan bevosita aloqador. Butun borliqni
musiqa ostida she’rga soladi u. Bu she'r badiiyatiga ta'sir qilibgina qolmay, shoiraning
o‘zigagina xos bo‘lgan uslubni shakllantirishida qo‘l keladi:
Ming ko‘znayza nishonida — men,
Nafaslarim borar qisilib.
Va chalishni boshlayman Betxovenning
14-sonatasini.
Ilk akkord va klavish domi
Nozik barmoqlarim cho‘za boshlaydi.
Yurak ritmi : sol- do- mi, sol - do- mi...
O‘n barmoq — o‘n g‘avvos oq-qora
Dengiz aro suza boshlaydi...
To‘kilib-to‘kilib borar dard,Suhrob ZIYO
O‘kinib-o‘kinib tomar she’r.
Chanqadi so‘zlarim tomiri,
Nido ber,
ey Tomchi,
nido ber.
Kiprigim hilolni suyabon
Toliqmish.
Nafasing guloro.
Qanotin bi-ir yoysin soyabon
Dilorom yomg‘irim, dilorom!...
Одамнинг ўзигагина масъулият олиши, тор маънода ўзинигина ўйлаши, агар у истеъдод соҳиби, ижодкор бўлса табиий ва енгилдек туюлади. Аммо турмуш ва туғруқдан кейин ўзинг учунгина яшай олмаслигинг, ўзингда неки бор барини бўлишишинг зарурлиги кўп ҳолларда аёл ижодкорларни сувга тушган тошдек йўқ бўлиб кетишига сабаб бўлади. Шу маънода оиланинг оғир ва муқаддас юкини елкага олгач ҳам ижодда мавжудлик аёл ва эркак ижодкор учун бирдек ҚАҲРАМОНЛИКдир. Энди иккиси ҳам сўзга мубтало, лойи шеър аталмиш дардга қорилган, истеъдоди етилиб пишган ижодкорнинг оиладаю ижодда ҲАМНАФАС бўлмоқлигини тасаввур этиб кўринг!
Бирининг чекига пул, бирининг чекига шахсий хонадан мосуволик битилган. Ижодкор қизларга Нозима Ҳабибуллаеванинг “гача ва дан кейин” ижодини ўқиб ўрганиш, таҳлил этиш нафақат маҳорат дарси маъносида, балки ҳаётий тажрибасидан улги олиш, ижодда бардавомлик сирини кашф этмоқлик маъносида ҳам зарур. Шаҳриёр Шавкатнинг эса шеъриятга ва бир қизнинг истеъдодига хиёнат қилмаслиги таҳсинга сазовор. Иккисининг шахс ва ижодкор сифатидаги бутунлиги сири ҲАМНАФАСликдадир балки.
Ўқинг.
Ҳис этинг.
Англанг.
Шеър қандай бўлишини, шеърда яшамоқлик қандай бўлишини.
Икки Шоирни бу катта ва қутлуғ қадам – ИЗЛАМ билан табриклайман! Бардавом бўлсин!
“ҲАМ” – 31 000 сўм
“НАФАС” – 27 000 сўм
Харид: @akademsavdo
Деразамнинг томирларида
ёмғир оқар,
ювиб дунёни.
Ичкарида чаламан арфа,
Долғалари шамол зурёди.
Финжонда чой хўрсинар кўриб
Япроқларнинг видо рақсини.
Йўллар чўзар,
тунга қайғуриб,
Чироқларнинг йироқ баҳсини.
Сендан хабар келар, меҳрибон,
"Иссиқми? "- деб сўроқлайсан бот.
Шамоллаган иссиққина жон,
Ҳароратга чулғанган сабот.
Жунжикмасми борлиқ вужуди?
Тополарми йилдирим танин?
Сўздек юпун оламда худди
Уяламан совқотмагани.
Фурсатинг-у рухсатинг борми?
Қанот боғлаб мавҳуми ўйга-
Меҳрибони йўқ дарахтларни
Иситгани чақирсам уйга.
Ва улардан тизиб арғанун,
Ижро этсам оҳангги қадим.
Юрагимнинг томирида хун —
Хазонларнинг қони оқадир...
____
@Nozima_Habibullayeva
"O‘z ruhing dunyosini anglash va egallash bir zamonlar Iskandar Zulqarnayn yer yuzini egallaganga nisbatan mushkulroq. Lekin hammadan mushkuli keyin kelur, hamma narsani anglarsen-u, ammo dunyo telbaliklariga boqib, uni bir zarra bo‘lsa-da o‘zgartirish ilkingdan kelmagay! Mushkuldan ham mushkul savdo bu! "
Jaloliddin Rumiy
_
@Nozima_Habibullayeva
BEGUNOH
—————
SHAHRIYOR SHAVKAT she’ri
Rejissor: Erkin Bozorov
Tasvirchi: Hojiakbar Nurmuhammedov
Ovoz rejissori: Elbek Hamdamov
Colorist: Bahriddin Shavqiyev
—————
Hamkorlik uchun @crystalresort2023 ga, ijodkor avlodga baxsh etayotgan ruh va qanot uchun @Akademnashr ga tashakkur bildiramiz!
——————
Telegram kanallarimiz:
shahriyor_shavkat
@erkinbozorovv
—————————
Facebook / Instagram / erkinbozorov?si=OTlYk3j4Fpk4PWb4">Youtube
***
Она, об-ҳавога дўнди йилларим
Хотирамни уради яшин.
Бўғзимда чақади момақалдироқ
Кўзимга бир олов, бирда сув ташир.
Уйимизнинг тили бўлса, бўларди китоб.
Ўзи ўйнаб,
ўзи йиғлаб,
ўзи юпатгувчи китоб.
Соғинчларим айлайди хитоб,
Деворда оёғидан осилган рубоб,
томирлари
отамнинг етимлик йилларида ва
рўзғорнинг авжида узилган рубоб...
Отам хониш қилса шашқатор бўларди шашмақом,
Тебрани-иб тебраниб йиғлар эди шам.
Суратлар чизардик мафтункор бирам,
Дунёнинг рангидан кўп эди қувончларимиз.
Энг муҳими тўқ мусаффо эди кўзларимиз.
Сиз айтган эртаклар каби мусаффо...
“Мусаффо” кунларнинг бирида
Отам мусофирга кетган маҳали,
Укам билан “сариқ” бўлгандик ёмон.
Дўхтирга, дорига пул йўқ шекилли
Жўҳори попугин қайнатиб бергач
Кўйимизга боқиб,
Сизнингда рангингиз бўлганди сомон.
Сариқ рангни шундай англайман ҳамон.
Отам ватанини севарди жуда.
Унутмаслик учун уни сафарда
Баҳор ифорини кўтариб бошга
Дўпписин остида кетди авайлаб.
Тўрт фасл ортидан қайтди саҳарда
Оппоқ дўппи бўлиб сочлари...
Бошидан,
кўнглидан не ўтса ўтди.
Чизмай қўйди,
чалмай қўйди,
айтмай қўйди...
Сўнг алам устида айтдим, онажон:
Отамни ватани унутди!
Соғинч шеърлар ёздим қучиб рубобни,
Укам қўшиқ айтди отамнинг овозида.
Отам дала чопди,
Сиз орзу ёпдингиз.
Қамаша бошлади дунёнинг ранги.
Ишончим – рубобнинг торлари эди.
Шунда ҳам чаляпман дилда борини.
Аммо,
Келажак кўзига тик боқай деса
Ватан унутмасин Оталарини!
____
@Nozima_Habibullayeva
O‘zbekiston xalq shoiri
Iqbol Mirzo tavsiya etadi
❗️
⚡️ Oʻzbekistonda xizmat koʻrsatgan san’at arbobi, taniqli kompozitor Mustafo Bafoyev bilan suhbat
📱 To‘liq video:
https://youtu.be/6Tk6XHQ3zIw
✅Jadidmedia’ga obuna bo‘ling
"Titradim samovot tuzgan tadbirdan"...
(Qachondir shunday post yozaman deb o‘ylamagandim...)
Borgan manzilingiz she'rlaringiz-u qalbingizday nurli bo‘lsin Mansur aka. 😭😭😭
Haqqingizga duodamiz...
#tavallud
4-noyabr — yosh isteʼdodli shoira Nozima Habibullayeva tavallud topgan kun!
YUK
Bu tugun —
Shahlo ko‘zlari ko‘kargan,
Bir qo‘lida bola ko‘targan
Loy ko‘chadan takror o‘tarkan,
Joni palaxmonidan uchqur
Ayolniki.
Bu to‘rva —
Burchida bir burda qotgan non,
Qotganidan uch kun o‘tgan non,
Qor kuraydi, yuragi vayron,
Vatanida mo‘ltirab to‘rt jon.
Qozonida qaynatgan sho‘rva,
Halolniki.
Bu chamadon —
Qotgan nondek tarasha, taqir,
Qullariga qul bo‘lgan, asir,
Cho‘ntagi hasharga muntazir,
Umri bo‘yinbog‘idan arzon,
Zavolniki.
Bu savat
Yeb-ichardan bo‘lak dardi yo‘q,
To‘ylarining pirovardi yo‘q,
Davrasida biror sarti yo‘q,
Hashamatdan ortiq xarji yo‘q,
Isroflari qavatma-qavat
Hammolniki.
Bu she'r—
Tutqichi yo‘q og‘riqlar haqda,
Og‘rig‘iga bog‘liqlar haqda,
"Qodir esang uyg‘ot"-u,shartta,
Qay birini ko‘tarayin der,
Xayolniki...
Nozima Habibullayeva
Yoshlikjurnali.uz
@yoshlikjurnali
#Izlam
Men ochgan uzun yo‘lakning oxiridagi eshik meniki emas edi,- deydi Kafka bir asarida.
Bir paytlar yarim jahonni qanoti ostida tutgan buyuk Turon sarhadlari hozir qalbimizday pora-pora, sochilib yotibdi.
Mundooq xaritaga qarab, oyoq-qo‘li chopilgan, boshi tepaga bog‘liq, faqat yuragi qolgan Vatanga joni achimagan, vujudida "Turon sog‘inchi" o‘rmalamagan qaysi shoirni tirik deya ataysiz?
Nainki shoir, butun millat farzandlarining og‘rig‘i bu.
Najmiddin Ermatovning buyuk dardga ana shunday katta da'vosi bor. G‘ururimizga dastak, yaralarga malham "Turon sog‘inchi" barchaga muborak bo‘lsin!
@Nozima_Habibullayeva
#izlam
#HamNafas
"Bu she'r—
Tutqichi yo‘q og‘riqlar haqda,
Og‘rig‘iga bog‘liqlar haqda,
"Qodir esang uyg‘ot"-u,shartta"
...
Men Nozimani huuu ancha avvallardan beri bilaman.
Uning dardchil, ayni paytda yengil va nafis she'rlarini sevaman. She'r òqishi-ku, boshqa dunyo. Uning ilk kitobi va Izlam turkumida nashr etilgan she'riy tòplami òrtasida farq bor. Bu she'rlar "shoir"i bilan "Hamnafas"likda yozilgan.
Bu kitoblarning o'ziga xosligi ularni alohida sotib olish mumkin emas, ular birga bir butun.
Men vatanparvar shoir Shahriyor Shavkat va go'zal shoiram Nozima Habibullayevani "HamNafas" kitoblari bilan chin dildan tabriklayman!
Hamnafas yozilgan kitoblari ko'p bo'lsin.
#IZLAM
“Ham“ va “Nafas“ga chizgilar...
1️⃣ “Ikkisining shaxs va ijodkor sifatidagi butunligi siri HAMNAFASlikdadir“.
2️⃣ “Bu ikki kitobni birga o‘qish she'rxon uchun eng yuksak, eng inja, eng o‘tkir, eng nafis tuyg‘ularni birgalikda his qilish imkonini beradi.“
3️⃣ “Shahriyorning she’riyatida jaydarilik, xalqona ohang qabarib ko‘rinsa, Nozimaning ijodida ruhni allalovchi romantik, mayin ohanglar yetakchi”.
4️⃣ “Shahriyorning she’rlarida turkiylarning jarangdorlik, yovqurlik ohanggi bo‘lsa, Nozimaning she’rlarini o‘qiganingizda pianino tovushini eshitganday bo‘lasiz”
5️⃣ “Shahriyor Shavkat va Nozima Habibullayevaning nomiyu mazmun-mundarijasi bir-biriga uyg‘un she’riy to‘plamlari haqida xulosa chiqarish biz shoirlar emas, siz – "boshi va yuragi omon bo‘lgur" o‘quvchilarga havola“.
6️⃣ “Nafas olish bilan nafas olishning farqi bor. Navoiy HAM NAFAS olgan!“
7️⃣ “Ikki tanaga birday joylashgan bir butun ishq yoki bitta dardni kuylovchi ikki xil ovoz“.
#yangi_nashr
📘 Nozima Habibullayeva, “Nafas”
she’rlar
📖 Fragment va mundarija
Janr: she’rlar
Muqova: yumshoq
Hajmi: 128 bet
Narxi: 27 000 so‘m
Xarid: t.me/akademsavdo
#IZLAM to‘plamini
chegirmali narxda
xarid qiling.
HAM va NAFAS
Avval HAM keladi.
Uning qamrovi, qulochi shu qadar keng: osmon-u zamin HAM, oqil-u nodon HAM, xoin-u siddiq HAM uning tasarrufiga sig‘adi. Olam qalb o‘rtasidagi bu bog‘lovchi elektr o‘tkazgichdek o‘zidagi elektron va ionlarning tartibli yo‘nalgan harakati tufayli moddiy olamga o‘z qaldiroqlarini uzatadi...
Bu qaldiroqlar yumshab boradi, bora-bora NAFAS kabi mayinlikka erishadi.
Albatta, ilk bor NAFAS bo‘lgan.
Nafas nayga puflangan, naydan kuy ingan, kuy jonga yetgan, jon tanga kirgan. Bu HAM va NAFASning indallosi edi.
Shu bilan HAM va NAFAS bir bo‘ldi.
Shahriyor va Nozimaning she'ri bir-birini shunday to‘ldiradi. Nozimadagi musiqiylik va ingichka sezimlar HAM, Shahriyordagi dali-g‘uli asovlik va ichki hayqiriq HAM bu HAMNAFASlikka chippa mos tushadi.
Bu ikki kitobni birga o‘qish she'rxon uchun eng yuksak, eng inja, eng o‘tkir, eng nafis tuyg‘ularni birgalikda his qilish imkonini beradi. O‘sha imkonni "Izlam" loyihasi taqdim etmoqda. Bu taqdim xayrli bo‘lsin!
@suhrob_ziyo1
