359
Шоира Нафиса Омоннинг телеграм тармоғидаги расмий канали. Канал админи билан боғланиш учун @NafisaOmonbot га мурожаат қилишингиз мумкин. https://www.nafisaomon.com/
https://youtube.com/live/wrJothcgyCE?feature=share
Читать полностью…
Her iyi biraz kötü
Her kötü biraz iyi
Gelde elimi tütüp
Sakince biraz uyu
Her iyi biraz kötü!!!
Bana sabırı öğreten
Sana aşki öğretsin
Ömür geçer
Vaktim az
Her iyi gerçek kötü!!!
Bu bir oyun aslında
Oylamayan kazanır
Benim iki elim de
Bir kapıya uzanır
Uzanırda bir başka
Bahçıvanın tavırı
Ah, yüreğim
Kırmızı ateşlerin yavru
Gerçekten biraz kötü
Biraz iyi gerçekten
Gelde kalbimi tütüp
Yaşa ve güzel büyü!!!
Her kötü biraz iyi,
Her iyi biraz kötü!!!
Har kuni oynaga rasm solaman,
Har kuni men biroz boshqacha ayol.
Kecha nim pushti lab, bugun qirmizi,
Kecha quyuq kiprik, bugun ol yanoq.
Har kun shu oynaga razm solaman,
Ranglayman ko’zimni, tasavvur olam.
Yuzimni, ko’zingni alday olaman,
Faqat hech o’zgarmas xonaning holi.
O’zgarmas hech narsa shunday bo’lsada,
Faqat hech kelmaydi bahor ham, yoz ham.
Bo’g’zimda bir narsa qalqib tursa-da,
Na yutilib ketar, na-da tark etar.
Angladim, baxt kelmas uzoq-uzoqdan,
Angladim, baxor ham tuproq ostida.
Meni uyg’ot hayot, qattiq quchoqlab,
Balki gul ocharman men ham aslida.
Çocukken senin anlamsız yeteneğin vardı Rana!
Yalan söylemeyi ve dans etmeyi severdin.
Ben yapamazdım dans falan ama
İnanmayı severdim sana!
Çünkü çok güzeldi çocuksu yalanlar
Hala çok güzeldir inanmak çünkü.
Yalan - dilin dansı.
Dans - tenin yalanı.
Sen annenin olamadığı,
Ben babamın anlamadığı dil idim
Çünkü
Olumsuz ve şanssızlıklar hep sanat yapar.
Zorluklar kolaya yol verir hani?!
İşte çok güzeldi o zaman Rana!
Tıpkı kovayı vurup konser vermiş dek.
Kim bilir sen şimdi ne güzel Ana,
Hayat şarkısında uyumuş dansçı
Bilmem çirkin gibi yalansız dünya
Belki olamadık güzel yalancı...
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Дарахт бўлиш осонми?
Баҳор бўлишчи?
Умрида ҳар куни қайта туғиладиган қалбларга баҳор муборак!
✍🏻Нафиса Омон
https://www.nafisaomon.com/
┏━━━━•🌸•━━━━┓
@NafisaOmon
┗━━━━•🌸•━━━━┛
Қадрдоним, эски танишим,
Ўзим! Менинг яқин душманим!
Шундан балки, билмай қолишим,
Қоним ичиб сўнг сарҳуш маним!
Aйланади Ер ўз ўқида,
Aйланадир тўртбурчак уйлар.
Aйланади бори ақида,
Aйланадир куфурбоз ўйлар.
Елкан ёздим чўлларда ҳайҳот,
Ҳақиқатнинг терлари денгиз.
Тиконларда ишқ қатъий исбот,
Мен айландим.
Aйлана чексиз...
Хуш келмайди ҳамиша хушлар,
Тош келади ҳамдам лаҳзадан.
Олиб қочар коп-кора тушлар,
Оппоқ тушлар эди мақсадим...
Қадрдоним!
Ўзим!
Aйланам!
Ҳамма нарса нисбий шу ерда.
На қадамлар, на йўллар боқий,
Aбадийдир туйган ҳисларинг!
Нафрат боқий!
Муҳаббат боқий!
Пичинг боқий,
Эҳтиром боқий!
Қалбим ўлиб кетган отамнинг,
Севгисини ташир абадий!
Шундай экан мени оғритма,
Оғриттирма ўзимни менга.
Елканларим оққан чўлларда,
Тикон териб келтирдим сенга!
✍🏻Нафиса Омон
⏰26.01.2021йил
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Оғринмасдим, Худо қалбга солмаса.
Қаранг, ҳатто ғамнинг бирор марди бор.
Ҳеч кимнинг кунига кунинг қолмасин.
Мени дард этганнинг мендай дарди бор.
Марди бор! Эрийди тошлар шаккардай,
Сувлар оқмай турар.
Йўллар юрмайин.
Карвон юкларини ортиб Худога,
Итлар ҳол сўрайди. Бир дам ҳурмайин.
Ғамларнинг марди бор. Тақвонинг дарди.
Мени дард этганнинг мендай дарди бор.
Дедим, бор юкумни Худога ортиб:
Енгин, енгилларга бахт бериб юбор! 🤲
То вақти қолмасин киннинг кунларга,
Кунлар кунламасин, кимлар кимламай.
Кун - кунга ўхшасин, тунлар - тунларга.
Бундай жимликларни кардай тингламай.
Раҳм эт, Ё Раҳмон, шифо бер Шафи,
Қаро қалблик, қаро қисматдан омон.
Бу дунёда ғолиб бўлиб минг дафа,
Aбадий мағлублик қанчалик ёмон.
Менку бир калима дузгунлигим йўқ,
Тизгин Сен!
Чизган Сен!
Тўздирган ҳам Сен!
Руҳимда баландлар, эзгинлигим йўқ,
Aхр бу йўллардан Ўздирган ҳам Сен
✍🏻Нафиса Омон
⏰11.01.21
01:35
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Agar sen kelgan-ketgan yillarning eng yaxshisi bo'lganingda ham, mamnun bo'lmaganlarni baxtli qila olmasding.
Agar sen dunyoning eng go'zal guli bo'lganingda ham, gullardan allergiyasi bor insonni mahliyo eta olmaysan.
Agar sen qirq yil qirg'inda qilt etmasdan yurakdan bir so'z kutganingda ham, u so'zlarini eshita olmasliging mumkin hech qachon.
Dunyo ostun-ustun bo'lmaydimi!
Istagan odam baxtli bo'ladi.
Istamagan odam hamisha baxtsizdir.
2020 yaqin o'tgan yillarimdan tubdan farq qilmadi. Beradiganini berdi- oladiganini oldi. Yil, raqam, hisob-kitoblarning aslida ahamyati yo'q men uchun. Cheksizlik bor hamma narsada. Yoki cheksiz... Yoki yo'q!
Men yo'qliklar sari cheksiz cho'zilgan yo'lda bor deb bilgan hamma narsaga, har bir mavjudotga tashakkur izhor qilaman. Tasavvurimda go'zal qoling!
01.01.2021.
Умрим қайга кетмоқда,
Девона қушларидай.
Тоғ-у тошни ютмоқда,
Девона қушларидай.
Яшамоқ не, эй, дайди,
Кўчанинг кучуклари?!
Бунча номард ўйнайди,
Ғамнинг ҳам "кичик" лари.
Девона қушларидай,
Қанотларим тўрт энлик.
Ҳеч кимнинг бармоғида,
Топмаган каби тенглик.
Денгиз ренгсиз, мен каби,
Бор дардини ютади.
Ерга тираб бошини,
Кўкдан нажот кутади.
Девона қушларидай,
Шу денгизга ошиқман.
Миллаб жимман,
Йиллаб жим,
Ҳеч қаерга ошиқмам.
✍🏻Нафиса Омон
⏰28.12. 2020 йил
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Симёғочга дўнди қанча тераклар,
Нада илдизи бор, нада шохлари.
Томирида сувлар оқмайди сизгин,
На ғами бор энди, нада оҳлари.
Одамлар ўтади атрофларидан,
Машиналар кечар, гуруллаб ҳар он.
Фаслларнинг унга алоқаси йўқ,
На баҳор, на ёмғир, нада саратон.
Фақат ора-сира қўнар чумчуқлар,
Бошин тешиб ўтган электр симга.
Чуğурлаб " какалаб" кетади охир,
Ҳеч нима деёлмас, "Ёғоч",
Ҳеч кимга!
Симёғочга дўнди қанча дарахтлар...
✍🏻_Нафиса Омон
⏰24.12.2020 йил_
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
☆☆☆
Men bir mamlakatman eng go’zal she’rda,
Xaritasi yurak, ramzi muxabbat.
Istagan osmonda, ıstagan yerda,
Bayroq ko’taraman hayotga atab.
Men bir mamlakatman, aql fuqaro,
Boshimda tutaman xalqimni shundan.
Yashayman va uning ko’ngliga qarab,
Shikoyat qolmadi hech bitta kundan.
Qo’llarim xizmatchi, oyoqlar askar,
Ko’zlarim zindondir, kipriklarim had.
Me’dam kutubxona, tillarim asror.
Nafsni ko’mib qo’ygan qabristonim -qad!
Bu elga tashqari kirmas, kirolmas,
Ketmoqni istamas bu eldagilar.
Ro’molim eng baland devor,
ko’rolmas,
Shundan omondadir ko’ngildagilar!
Hech qanday qonun yo’q taqvodan bo’lak,
Iqtisod,
Siyosat,
San’at,
Madanyat.
Men deb Quyosh halak,
Men deb ko’k halak,
Yo’l qurar poyimga hamisha niyyat.
Yuragim ichida bir shox, bir malak,
Meni kundan - kunga yuksaltar baland,
Bunda Quyosh halak,
Bunda Jingalak,
Men bir mamlakatman,
Ulkan mamlakat!
✍ Nafisa Omon
@sitorabonu_audiolar
Икки нураган девор,
Бир- бирига суянмиш.
Захламишлар бирликда,
Aста-аста йиқилмиш.
Зарда қилиб йиқилмиш,
Бир-бирига, минг афсус,
-Тутиб қоларсан девдим!
-Суянганмидим бежиз?
Бу деворлар бир замон,
Баланд экан!
Соғ экан!
Ташқарида ўткинчи!
Ичкарида - боғ экан!
Боғлар ўсиб девордан,
Шох ташлабди йўлларга.
Гина қилиб Боғбон-у,
Ишлов берган қўлларга.
Бебош шохлар кўчада...
Осилмиш ҳар йўловчи.
Суқланмишлар ичида,
Ҳар оч- тўқ, ҳар тиловчи.
Баланд бўлса деворлар,
Ичингда қолса боринг.
Илғамайин беорлар,
Ўйнамаса озоринг.
Нурамаса деворлар,
Сув қуймаса пойингга.
Ўйнамаса чанг солиб,
Оғриб турган жойингга.
Икки девор!
Икки қалб!
Икки одам!
Бир умр!
Сендан қиламан талаб,
Энди битта девор қур!
Баланд бўлгин бўйларинг,
Етиб турсин фалакка.
Эҳтиёжинг қолмасин,
На ғамга, на тиргакка.
Ўзингни асра аввал,
Ичингдаги боғ бўлсин!
Икки девор!
Битта қол!
Пойдеворинг Тоғ бўлсин!
✍🏻Нафиса Омон
⏰Ёз 2020 йил
https://www.nafisaomon.com/
┏━━━━•🍁•━━━━┓
@NafisaOmon
┗━━━━•🍁•━━━━┛
Мансабу масхабимиз тупроқ эмас эдими,
Умримизни варақлаб не билмай, нени билдик.
Шу дунёнинг ташвиши елкамиздан индими,
Хатоларни орқалаб ҳаммол бўлгани келдик.
Келдик!
Гоҳо кечикиб,
Қайсидир бекатларга,
Борадурғон манзилу, маконларни унутиб.
Гоҳо кўз ёш тўлдириб, йиртилган этакларга,
Бугунларни ўлдирдик, қайтмас кунларни кутиб.
Кутиб,
Уваландик биз,
кутиб кулдай соврилдик,
Чалинмаган дардларга дори ичдик атайлаб.
Юракларда тўпланган, ёғимизда қоврилдик,
Ботдик чуқур-чуқурга,
Ботавердик бесабаб!
Бесабаб севмадик ҳеч,
Бесабаб меҳр қайда,
Aммо гуллади баҳор, қорлар ёғди сабабсиз.
Коинот ҳужрасида, барча борликлар майда,
Шундай чексиз, шундай кенг,
биздан бошқа, сабабсиз!
Сабабсиз гул тутмадик, салом бердик сабабли,
Тунларини ёпиниб тин олди ҳар кун дунё,
Биздан бошқа ҳамма кенг, фақат бизлар ададли,
Шу бир сиқим тупроққа банд қилган бизни Худо!
✍🏻Нафиса Омон
⏰Ёз 2018йил
https://www.nafisaomon.com/
┏━━━━•🍁•━━━━┓
@NafisaOmon
┗━━━━•🍁•━━━━┛
Sovuq.
Sendan tashqarida.
Faqat sen issiqsan.
Sen shunchalar issiqsan.
Sovuq urib o’lmaslik uchun.
Men qishdan chiqarasan sog’.
Men bunga aminman. Hamda ko’nglim to’q.
Men sendan ko’nglim to’q ammo.
İshonmayman senga ishonganchalik o’zimga.
Chunki…
Erta indin yoz kelib qolsa.
Sen oğirlik qila boshlaysan,
Issiqdan terlagan yelkalarimga…
Afsus titrab senga yopishgan qo’lim,
Qimtinib pinjingga kirgan bor bo’yim,
Seni barmoq uchida ushlab,
Malol kelib yana, oğrinib,
Ilib qo’yar bo’yningga ilmoq,
Shunda ham hafsala bo’lsa
Bo’lmasa, yechar-u unutar,
Eslamas zarra,
Sen o’zing qaxatta, qorda, sovuqda,
Ichingda asragan, asrgan odam.
Yechar-u kechadi.
Chiqadi peshvoz,
Hilviroq, rang-barang, yeeeengiltak!
Yeeeeeengil!
Shunchaki yelkaga osilgan bilan,
Kulib, yayrab, mutloq unutib seni! Yozni qarshi olar, issiq kunlarni.
Shunga kechirimni so’ray oldindan.
Men ham o’shalarday. Xabaring bo’lsin!
Men ham unutaman balkida takror,
Sovuq tushgunicha boshimga qayta.
Shunga, sen bilasan, buncha o’ralma,
Unchalik ayama, baringni qo’yvor.
Doğmuşumdur Adem ata, anadan,
Benim alın yazım hep tuzlu kaldı.
Hayallerim uçup gökleri gezer
Ama üstüm başım hep tözlü kaldı.
Dava yoktur merhametsiz yaradan,
Su istedim kendine yok karadan.
Buralarda rahat etmek seraptır
Çare neyler kendi kul biçarede ?!
Yürüyerek gidilmiyor yanına
Uçup yetmez ne dalmayan kanatlar
Dert götürür Sultanlar Sultanına
Yeter boynu bükük hali haraplar
Kendin sahip, hiç sahipsiz bırakma,
Ben en önce kendim için hatarlı
Sana kadar hakikaten yirakken
Bir “uf” bile kayıbım için yeterli.
Yürüyerek gidilmiyor yanına
Aşk götürür Sultanlar Sultanına.
Nafisa Omon
09.04.2022
Ertalabdan fikr tuğildi! Endi ora-sirada online musiqa tinglaymiz!😄
Читать полностью…
Xontaxtaning ostiga, yo shkafning ichiga
Berkinib olsang! Va seni qidirsa.
Avval hech aytmagan, yo anglamagan
Iqororlari bilan qidirsa.
Seni topib olsa. Quchoqlab olsa. O’pib qo’ysa shishgan qovoqlaringdan.
Tartibga keltirib to’zigan soching,
Izohlasa qanday qo’rqib ketganin.
Senga biror kor holbölmasin deya.
Afsus sen ham endi bola emassan,
Odamlar Otangmas, yoki onangmas.
Yo’qolib ketsang ham, yig’lab o’lsang ham,
Arazlamoq tugul bo’lsang ham ado.
Sen bilan ishi yöq.
Chunki ishi ko’p.
Muhim emas sevging borligi hatto.
ЎЗБЕК ЁЗУВЧИ ВА ШОИРЛАРНИНГ ТЕЛЕГРАМДАГИ КАНАЛЛАРИ РЎЙХАТИ:
Абдулазиз Аҳмад - @Ijoddardi
Азиз Нур - @dilistoon
Азиз Саид - @vaqt_manzili
Алишер Файзуллаев - @perezagruzka_2021
Алия Темурийзода - @UmidimSendan
Анвар Ботир - @Seningdirman
Аржумандбегим - @Arjumandbegim
Аъзам Ўктам - @Azam_Uktam_ijodi
Аъзам Обид - @adabiykoprik
Аҳмад Али Муҳаммад - @ahmadalimuhammad
Бахтинисо Маҳмудова - @baxtiniso
Башорат Отажонова - @Bashorat_Otajonova
Беҳзод Фазлиддин - @Behzod_Fazliddin
Бобур Элмурод - @Bobur_Elmurod
Гулжамол Асқарова - @Guljamol_Asqarova
Гули Нигор Авазова - @guliinigor
Гулноз Мўминова - @dil_siniqlari
Гулрух Худоёрова - @Gulrux_Xudoyorova_ijodi
Гўзал Рўзиева - @anordonalari_uz
Дадахон Муҳаммадиев - @dadaxonmuhammadiy
Дилмурод Дўст - @Dil_Dost
Дилобар Аслиддин қизи - @dil_undovi
Дилора Холиқова - @Aytolmagan_dilim
Дурдона Бобомурода - @Durdona_Bobomurodova
Жавлон Жовлиев - @javlonjovliyev
Жонтемир - @Jontemir_t
Жуманазар Йўлдош - @Jumanazar_Yuldash
Зулхумор Орифжонова - @zulxumor_orifjonova
Икром Искандар - @Ikrom_Iskandar_ijodi
Ирода Умарова - @GarashaliKungil
Ирода Холбекова - @gullayotganyurak
Иқбол Мирзо - @Iqbol_Mirzo_ijodi
Кумуш Ўсарова - @kumushOYingiz
Кумуш Абдусаломова - @kumush_abdusalomova
Кумушбиби - @Kumush_esse_hikoya
Лайло Собир қизи - @meningquyoshlidunyoyim
Лобар Хайруллаева - @xayrliuz
Мадина Норчаева - @Madina_Norchayeva
Манзура Абдуллаева - @sayhunqizi
Мансур Жумаев - @Mansur_Jumayev
Мастура Бўриева - @NasrNazmNavo
Матназар Абдулҳаким - @M_Abdulhakim
Маҳлиё Умурзоқова - @mahliyoxon_umurzoqova
Меҳриноз Аббосова - @abbosova_mehrinoz
Мирзо Кенжабек - @mirzo_kenjabek
Мирзоҳид Музаффар - @Bobil_kutubxonasi
Моҳира Эшпўлатова - @Odamlar_orasidan
Муҳаббат Йўлдошева - @muhabbatyuldashevaijodi
Муфаррида - @Mufarridaa
Муҳаммад Сиддиқ - @Muhammad_Siddiq
Наврўза - @navroza_m
Нажмиддин Эрматов - @Najmiddin_ERMATOV
Наргиза Асадова - @Nargiza_Asad
Наргиза Одинаева - @Nargiza_Odinayeva_ijodi
Нафиса Омон - @nafisaomon
Нигора Ғаниева - @shunchaki_kayfiyat_uchun
Ниятулло Элбек- @Qalb_yoli
Нодира Назар - @nodiranazar
Нодирабегим Иброҳимова - @mittihaqiqatlar
Нозима Хабибуллаева - @Nozima_Habibullayeva
Носиржон Жўраев - @Nosirjon_Jorayev
Нуриддин Зиё - @ijoduyi
Нурияхоним Улуғбек қизи - @NURIYAXONIM_UZ
Ориф Толиб - @oriftolib
Отабек Бакиров - @otabekbaxtiyor
Паризода Рўзибоева - @parizodaruziboyeva
Рахшона Аҳмедова - @kitobxonam
Раҳмат Бобожон - @Rahmat_Bobojon
Рустам Мирвоҳид - @Rustam_MIRVOKHID
Севара Алижонова - @Sevaraalijonova
Ситорабону Шомуродова - @sitorabonu_audiolar
Суҳроб Зиё - @suhrob_ziyo1
Тилланисо - @tillanisoen
Усмон Азим - @usmon_azim
Фарида Афрўз - @Farida_Afroz
Фарҳод Эшон - @literaman
Феруза Хайруллаева - @FeruzaXayrullayeva
Фурқат Алимардон - @mezonlar
Хосият Рустамова - @xosiyat_rustamova
Хуршид Абдурашид - @xurshidabdurashid
Хушнудбек - @Xushnudbek_kutubxonasi
Чори Аваз - @choriavaz
Чўлпон Эргаш - @Cholpon_Ergash
Шаҳзод Каримов - @Sheyxzod_ijod
Шаҳзод Эргашалиев - @ilhomlar
Шаҳриёр Шавкат - @shahriyor_shavkat
Шерзод Комил Халил - @Sherzodkomilkhalil
Шодмонқул Салом - @Shodmonqul_SALOM
Шоҳрух Усмонов - @sheriston
Шоҳсанам Нишонова - @Shohsanam_Nishonova
Шуҳрат Ориф - @shomuz
Эзо Исматова - @Sarvarovna
Эъзоза Обиджонова - @ezoza_obidjonova
Юлдуз Ўрмонова - @yulduz_ormanova
Ҳалима Худойбердиева - @Halima_Xudoyberdiyeva_ijodi
ЎЗБЕК ЁЗУВЧИ ВА ШОИРЛАРНИНГ ТЕЛЕГРАМДАГИ КАНАЛЛАРИ РЎЙХАТИ
@yozuvchiuz
Бир оқил, бир одил, дилрабо бўлса,
Жон-дилинг бўлса-ю, мубтало бўлса.
Суҳан керак эмас, фош эмас, жо сир,
Руҳинг ярасига бир даво бўлса.
Бунда нурамасанг, захламасанг жим,
Тунлардан беркиниб ухламасанг жим,
Бошдан-оёққача иссиқ, ям-яшил,
Совитмаса ҳаёт, яхламасанг жим.
Сенга керакларга керак бўлсанг сен,
Сенсиз тўлмаса ҳеч, лим-лим тўлсанг сен.
Фақат сен йиғламай, мундоқ одамдай,
Улар йиғлаб қолса, кулиб ўлсанг сен.
Кўнгил, баҳорга бахт берган гулсан-ку,
Муборак тупроқсан, азиз кулсан-ку.
Охир, бир яхшилик бордир. Худога,
унчалик нўноқмас, яхши қулсан-ку.
06.12.21
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Қайтдим, мен борарим ўша, манзиллар ўша,
Аламлар ўшадир, ҳазинлар ўша.
Йигирма ёшимга беш фасл қўшиб,
Бир кунда ўзгарган фасллар ўша.
Балки мақсад битиб, йўллар ўзгарар,
Бўялар, бузилар, қурилар қайта.
Титратмайди энди эски сезгини
Чақирсам ҳам ҳатто, исмини айтиб.
Қайтдим!
Масофа шу, сенгача узоқ,
Балки аввалдан ҳам чўзилган озроқ.
Мен қурган дунёни буткул бузгани,
Тиллар ўша- ўша, қўлсиз, беоёқ!
Ўша гап, азизим, эгилганим рост,
Ва яна синмаган аёллигим ҳам.
Эски-ю янгилар ҳали жуда паст,
Онамнинг пойида омон бошимдан!
✍🏻Нафиса Омон
📘''Тўққизинчи мўжиза'' тўпламидан
🎙Ўқиди: Наргиза Ҳамидова
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
#туркча
Her şey mevsiminde güzel,
Kışın kar,
Yazda güneş.
Baharda çiçek,
Sonbaharda - Sen!
İnan Sonbaharda Sen en iyisin.
Her şey mevsiminde çektirir,
Kişta sovuk.
Yazda sıcak
Baharda yaşamak
Sonbaharda yaşayamamak...
İnan yaşayamamak en iyisi.
Her şey mevsiminde gelsin
Mevsimsiz gelen her şey
Hatta en iyi şeylerde zayi eder insanı
İnan ki ZAYİ eder!
Sen beni şimdi anla,
Sen beni şimdi anla.
Sen beni şimdi anla ne olur!
Şimdi benim mevsimim çünkü!
✍🏻Нафиса Омон
⏰16.01.2021
22:57
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
#видео_шеър
🎙Ижрочи: Наргиза Ҳамидова
✍🏻Матн муаллифи: Нафиса Омон
⏰ 2020 йил
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Кенгликларга зориқдимей, кенгликларга,
Бездим бошга олавериб ҳузунларни.
Баъзан ўлчов бирлиги йўқ тенгликларга,
Тенг қилмадим сиздан бўйи узунларни.
Болаликда сўридан бир қўлим чўзсам,
Узумларга етса дея тилар эдим.
Бир кун ишком қолиб, юлдузлардан ўзсам...
Шунча олислигинг қайдан билар эдим!
Ёз оқшоми юлдуз учса нийят қилиб,
Музқаймоқлар сўрар эдим ҳар кун кўплаб,
Балки шулар туюларди орзу бўлиб,
Балки ҳисобимда битди ҳамма тўплам.
Катта ҳовли
Катта шаҳар
Катта дунё -
Киччик жуда
Отам эккан узумлардан,
Тилаклар кўп, одамларда оздир парво,
Менинг қўлим эмас, кўнглим
Узилгандир
✍🏻Нафиса Омон
📚 "Тўққизинчи мўжиза" китобидан
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
Ёмғирлар ёғмади у кундан бери,
Фақат жимликларни авайлади бахт!
Ичимдаги дунё улғайган сари,
Қайдадир аламлар қусди тахбатах.
Бошимда шам ёқди онамнинг кўзи,
Исинди дунёнинг барча умиди.
Қочди! кўзларимдан қочдилар сизиб,
Менинг радларим бу -
Унинг шоҳиди!
Ортиқ орқамдаги йўллар қолмаган,
Олдинги ўйларни эртага қўйдим.
Кунлар талошланар яшай олмаган-
Лаҳзалар шаънига ўзимни суйдим!
Севдим, барча қилган хатоларни ҳам,
Дўстдан - душманимга кўпроқ ишондим.
Шодлик, изтиробни яшадим бирдан.
Сенинг ҳовуринг паст,
Мен эса ёндим!
✍🏻Нафиса Омон
⏰25.12. 2020 йил
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
#Қўшиқ
Биз севган сатрлар энди қўшиқ бўлди!
🎶Қўшиқ номи: Ишон!
🎙Ижрочи: Оҳиста Жамшид
🪕Гуруҳ: Далаҳаст
✍🏻Матн муаллифи: Нафиса Омон
⏰ 2020 йил
https://www.nafisaomon.com/
┏━━━━•❄️•━━━━┓
@NafisaOmon
┗━━━━•❄️•━━━━┛
#аудио_шеър
Кутмаган кунингда кутганинг келса
Ва қайтиб кетмаса, бошқа ҳеч қачон.
Мўъжиза туғилар — умидлар ўлса,
Ишон!
Уйғоқ тунларингга суянса кундуз,
Эртак айтиб берсанг эрталарингга
Сўнг ўзинг эшитсанг, кутилган бир сўз —
Ишон!
Тўрт девор дунёдан кенг ва гўзалроқ,
Жаннатдан афзалроқ, Маккадай азиз.
Илмнинг аълоси, ҳар дарсга сабоқ-
Ишон!
Ичингда бор бўлса ҳали тоза жой,
Юрагингда бўлса еттинчи осмон,
Ҳаммаси жудаям яқин ҳойна-ҳой,
Ишон!
Кўксингда туғилса соғлом орзулар,
Кўзи кўр бўлмаса, сўзи бор бўлса.
Яралган бир зарра эмас бесамар,
Ишон!
Гарчи ёшлик кетиб, дафтарлар қолса,
Бироз қаттиқ бўлса тишинг теккан нон.
Нималар бўлмайди, дунёда, билсанг,
Фақат ишон!
✍🏻Нафиса Омон
https://www.nafisaomon.com/
┏━━━━•🍁•━━━━┓
@NafisaOmon
┗━━━━•🍁•━━━━┛
#аудио_шеър
Мен Сен дедим,
Сен-Мен дединг.
Сен бўлдим-у,
Мен бўлмадим.
Сен авайлаб артмай
Юрган,
Бир қадрли чанг
Бўлмадим.
Ҳамма бўлдим,
Неки яхши,
Сенга ёмон
Кун бўлмадим,
Ярашдимми?
Ёқангга гул!
Одат бўлдим!
Ким бўлмадим?
Инсон
Инсон
Мен билмайман.
Балки мен
Инсон бўлмадим.
Мени ҳеч
Миннат қилмайман.
Чунки
Бирор
Мен бўлмадим!
Осмон энди
Қўйиб юбор,
Булутларни...
Ёғса ёғсин,
Бу баҳорга
Гул бўлмаган
Чўпчакларим
Эсдан оғсин.
Усти бутун
Ичи тутун,
Бу шахарни
Ютсин алам,
Қулоғингни тортиб
Қўйсин.
Ёмғирларнинг нақорати!
Қандай яхши,
Эсимда йўқ,
Туғилганим!
Ўлган куним!
Айтар улар,
Бу сенсан деб.
Mен сенсан дер...
Қайдан билар?
Юзимданми?
Қошимданми?
Кўзимданми?
Ёшимданми?
Мен билмайман.
Қайси куни,
Қандай қилиб яралганим,
Худди шундай
Билмас ҳеч ким
Минг бор ўлиб,
Тирилганим.
✍🏻Нафиса Омон
🎙 Шаҳноза Исмаилова
https://www.nafisaomon.com/
┏━━━━•🍁•━━━━┓
@NafisaOmon
┗━━━━•🍁•━━━━┛
Баъзан ўйлаб қоламан:
Улар чорасиз қолиши мумкин азалий.
Мен қачондир толаман
Инсоф тилаб!
Гўзалим!
Aслида лабингиз чиройли!
Тилингиз ҳам шундай!
Юрагингиз ҳам!
Танингизни шарафсиз қилманг.
Рухингизни ёқманг, чироғим!
Менинг гўштим мазали эмас,
Худо буни айтган эди-ку.
Унутганми одамлар???
Билмам!
Кунларимга кулманг!
Илтимос!
Сизга гуноҳ бўлгим келмайди!
Сизга гуноҳ бўлгим келмайди!
Ўзим яшай ўз ҳаётимни,
Мен шунчаки ўлгим келмайди!
Сизга нима, кимни ўйлашим,
Хатоларим ўзимга дўстдир.
Куйганимдан - куйиб куйлашим,
Юқалашган юракнинг пўсти!
Aбри найсон ёғар кўзимдан,
Қабримгача йўқлайди ўзи.
Бир нарсани аниқ биламан?
Илло очиқ кетмагай кўзим!
Сизга озор бергим келмайди,
Исмингизни билмайман ҳатто.
Мени Мендек ҳеч ким билмайди,
Мен биландир ҳар битта хатом!
Ўзимга юк ўзимнинг кўнглим,
Ғолиб келган тарафсиз ишқдир.
Мухаббатсиз умрга кўнмам,
Бу мен учун энг муҳим ишдир!
Сизга эса хайрли оқшом,
Хайрли тонг! Иймонли юрак!
Менга эса кечириш осон,
Ҳаммасини унутмоқ керак!
✍🏻Нафиса Омон
⏰29.09. 2020 йил
https://www.nafisaomon.com/
┏━━━━•🍁•━━━━┓
@NafisaOmon
┗━━━━•🍁•━━━━┛
