452
Ушбу каналда шоир Мансур ЖУМАЕВ ижодини кузатиб бориш имконига эга бўласиз. Канал шоирнинг дўстлари, мухлислари томонидан очилди.
ШЕЪРИМ
Аё шеърим, аё шеърим,
ай, ёширин ҳаё шеърим,
бирам ширин, бирам ширин,
ширин жонимдаё шеърим.
Аё шеърим, ало шеърим,
ўзим вайрон, аъло шеърим,
ўзим куйган қувончим ҳам
ўзим суйган бало – шеърим.
Момо алёр, бобо шеърим,
пир тўзитган қабо шеърим,
ҳазрат Амир Алишербек
бобом кийган або шеърим.
Кўксимдаги сато шеърим,
рукни, ритми хато шеърим;
онам Ҳавво томон борган
отам Одам Ато – шеърим.
Кин, ғараздан жудо шеърим,
чин ва нурул-ҳудо шеърим,
«кун – ярал»дан яралган сўз –
аё қавли Худо, шеърим!
Малаклардан имо шеърим,
булбулоҳанг ҳумо шеърим,
кафтларимдан кабутардай
кўкка учган дуо – шеърим.
Ай муҳаббатсаро шеърим,
маним оқу қаро шеърим,
кетар бўлсам не ғам, сен бор –
икки олам аро, шеърим!
Мансур Жумаев
* * *
Кўз ёши ҳам кутмагин
севинмаган одамдан;
севги сўрма,
севгилим,
севилмаган одамдан.
Ишқ тиласанг ҳар маҳал,
ошиқ бўлиб сўрагин;
бармоқларингга маҳтал
эшик менинг юрагим.
Йўлинг тушган замони,
ёймай овозасини,
бир йўл чертиб ўт, жоним,
қалбим дарвозасини.
Фақат бир шарт:
чорласам,
кирсанг,
ҳасрат чекиш йўқ,
бу эшикдан, азизам,
кириш бордир,
чиқиш йўқ!
© Мансур Жумаев
* * *
Koʻz yoshi ham kutmagin
sevinmagan odamdan;
sevgi soʻrma,
sevgilim,
sevilmagan odamdan.
Ishq tilasang har mahal,
oshiq boʻlib soʻragin;
barmoqlaringga mahtal
eshik mening yuragim.
Yoʻling tushgan zamoni,
yoymay ovozasini,
bir yoʻl chertib oʻt, jonim,
qalbim darvozasini.
Faqat bir shart:
chorlasam,
kirsang,
hasrat chekish yoʻq,
bu eshikdan, azizam,
kirish bordir,
chiqish yoʻq!
© Mansur Jumayev
P/s: Erkinjon, rahmat, ukajon!
КЕТДИ
(Мансур Жумаев хотирасига)
Бир эди – Бирга кетди,
Сир эди – сирга кетди,
Ҳақ дийдорин тилабми
Мусодай Турга кетди.
Нур эди – нурга кетди,
Жаннатга – ҳурга кетди,
Халлож бобом қайда деб
Мансур Мансурга кетди...
Абдунаби Ҳамро
“ESINGDAMI AKA, YOZ OQSHOMLARI?”
She’r muallifi:
Mansur JUMAYEV
Tasvirchi:
Hojiakbar Nurmuhammedov
Ushbu she’r matnini va boshqa go’zal she’rlarni shoirning quyidagi telegram kanalidan topishingiz mumkin:
/channel/Mansur_Jumayev
BILDIRISH
2024-yil 8-noyabr kuni soat 8:00dan Mansur Jumayev yashagan xonadon, Toshkent shahar Kamolon darvoza mahallasi Qozirobod ko‘chasi 6-uy hovlisida fotiha qabul qilinadi.
O‘zbekiston Yozuvchilar uyushmasi Axborot xizmati
САФАР
Шамол умрим билан ўйнайди пойга,
Замин чинор бўлиб чанг солди ойга.
Қандай бориш мумкин, юрагим, айтгил,
Кўнгил деган жойга?!
Онам баҳорларин сочқилаб сойга,
Отам қадди борар айланиб ёйга...
Етиб келмадимми, етиб келдимми
Инсон деган жойга?!
Қанча "урҳо"ларим эврилди "вой"га,
Дунё тушиб олди дил деган ройга,
Қумдай гуноҳларим харсангдай ботди
Виждон деган жойга.
Гарчи қорганим йўқ руҳимни лойга,
Турмуш ташвишлари кўланка ёйган
Тангу тор сўқмоқдан борарман йиғлаб
Шоир деган жойга.
Юрак эврилдию мажнунсаройга,
Соҳиб бўлиб чиқди озод ҳумойга,
Қоним лола бўлиб кўрк берар кўклам
Ватан деган жойга.
Ўзимни топширсам буткул Худойга,
Руҳим учар миниб қўшқанот тойга...
Бу заҳмат, бу лаззат олиб бормасми
Аллоҳ деган жойга?!
Ҳақ деган жойга?!
Мансур Жумаев
Фотода Мансур Жумаев ва унинг қизи Орзу. Жойлашув: Ҳожикўл (Аччиқкўл). Муаллиф — камина.
👇
/channel/fozilfarhod
🌺АЗИЗАМ
КЕЛ🌺
✍️Мансур Жумаев.
🎙Феруза.
💻Назар Сабиров.
Нозима Ҳабибуллаева:
Қалблар тириклигининг мезони—адабиёт. Аммо унинг ҳам жон-жонидан қандай кунлар ўтмади дейсиз. Ўткан кунларни қўятурайлик, бугунги даврнинг нафасида умид эпкинлари борми?
Назаримда "Биз кутган фасл" келди! Ёшларнинг овозида гуркираб келди. Бу фаслнинг бошқа ранги, бошқа сози, бошқа Сўзи бор.
Мансур Жумаевнинг қаламида унган куртаклар истаган пайтингиз "Сиз истаган фасл" га айлана олади. Сиз ўқисангиз бас. Тасаввуфона оҳанглар долғаси руҳингизни ҳооов анави томонларга оқизиб кетади. Уёғи қизиқ бўлса шўнғинг, "Биз кутган фасл" га айланинг.
___
Ижодкорлик машаққати Сўз юкини руҳида кўтарганларга яхши аён.
Аёл ижодкор бўлиш икки ҳисса мушкулот.
Чунки уни яратган Сўз ўзининг тақдирига айлана оладими йўқми шудир масала.
Хўўўш... Назмда-ку саноқлимиз, насрда бармоқларимиз ортиб қолади санасак. Mohi Ra замонавий ўзбек насрининг "Қирқ биринчи кун" ини яшаётган авлод. Саноқдаги, сара ижодкор. Шу сафда собит бўлиши, аёллар насрининг "Қирқ биринчи кун"идан ўтиб олиши бир жиҳатдан сизларнинг, ҳаммамизнинг қўллаб-қувватловимизга боғлиқ. Ўқинг, самимиятдан, инжа туйғулар тараннумидан сармаст бўлинг...
Шаҳриёр Шавкат:
Мумтоз руҳнинг шаклга бўйсунмас шавқлари қўним топган макон борми?
Ишқдан бунёд бўлган шоҳ мисралар, осмон кенглигидан-да кенгроқ маъво излаган туйғулар, саҳройи севгига талпинган кўнгилнинг тоғдек орзулари қаерда жам?
"Биз кутган фасл"да!
Аслида биз қандай фаслни кутгандик?
Сиз ҳам, излашдасиз, муаллиф ҳам:
Неча бор қалбингда тикладим қаср,
Айрилиқ бўрони бузди муттасил.
Нечун яна қаттиқ қиш келаётир,
Баҳор эмасмиди биз кутган фасл?!
-----
Аёлнинг қирқда жони бор деган гап юради.
Аммо баъзиларида қирқ битта бўлади.
Ўша қирқ биринчиси энг чайир, бардошли, шу билан бирга ғоят латиф бўлади.
Ҳар кимга ҳам 40+1 берилмайди.
Ўша жоннинг инжиқликлари, нозу истиғнолари, баъзан жонга малол келадиган бешафқат муҳаббатига чидайман деганларга берилади.
Хўш, кимларга экан?
Қўлида қалам тутган қиз-аёлларга!
Шунинг учун улар бу беш кунлик дунёда "Қирқ бир кун" яшайди.
Қаердан куч олади?
"Қирқ биринчи кун" каби китоблардан.
Муборак бўлсин, азиз китобхон!
Мансур тенгқурлари орасида сўфиёна оҳангда шеър ёзишни бошлаб берган биринчи шоир ҳисобланади. Билмадим... Ҳарқалай, менинг таассуротим шунақа. Буни аниқлаштириш учун, эҳтимол, “Академнашр” нашриётига “Мансур Жумаев, “Биз кутган фасл” дея буюртма бериш керакдир?..
Моҳира ҳақида эса гаплар икки-уч абзастга сиғмайди, деб қўрқаман. Умид қиламанки, унинг жасурлиги, ҳассослиги бесамар кетмаган – асарлари саҳифаларига тўкилиб қолган. Номда ҳам “бир нафасда ўқиб, қирқ бир кун таъсиридан чиқолмай юрасиз деган ўктам ишонч беркиниб ётган бўлса не ажаб?!
Шу саволларга жавоб топиш учун Мансур Жумаевнинг “Биз кутган фасл” ва Моҳира Эшпўлатованинг “Қирқ биринчи кун” асарларини сотиб олдим. Уларни шахс сифатида, ижодкор сифатида олдиндан танисам ҳам, умидим, янгиликлар кашф этиш.
Сизга ҳам тавсия қиламан.
👉 @BeshinchiTomon
Ғала-ғавур дунёдан қочиб, сокинлик, ёруғлик истасангиз, Мансур Жумаевни ўқинг. Ортиқча жимжима, қичқириқ, айюҳаннос йўқ. Юрагингизга билдирмайгина киргач, чиқариб юборолмайсиз. Шеърни иддаою дағдағасиз ҳам юракка етказиб ёзиш мумкин экан:
Эсингдами, ака,
ёз оқшомлари,
зангор шуълаларга чўмган сўримиз,
бақалар сайраган тун илҳомланиб,
кўклам кенгликлардан аразлаган кез,
осмон ҳавзасида порлаган қизлар,
нозбўй ҳидларини улашган палла,
шакароб тупроқдан сочилган ислар,
кимсасиз маҳалла?!
"Akademnashr"ga borib, men Ham Nafas oldim. Endi buni hammaga aytsam boʻladi. Siz Ham Nafas olmoqchi boʻlsangiz, yo "Akademnashr"ga boring, yo "Akademnashr" Sizga kelsin!
Оnlayn buyurtma: t.me/akademsavdo
Tel: 99 433-16-77
Manzil: t.me/Akademnashr/1461
Ish vaqti: 9:00 — 18:00 (dushanba - juma)
Мансур Жумаев. "Биз кутган фасл"
Оnlayn buyurtma: t.me/akademsavdo
Tel: 99 433-16-77
Manzil: t.me/Akademnashr/1461
Ish vaqti: 9:00 — 18:00 (dushanba - juma)
❗️
Uch zamondosh shoir ijodi tahlili: Mansur Jumayev, Madina Norchayeva, Feruza Xayrullayeva
📱 Batafsil: jadid-media.uz
✅Jadidmedia’ga obuna bo‘ling
ҚАШҚАДАРЁ
Оқ салласи осмонда, этаклари чўлдадир,
Бир боласи адирда, бир боласи йўлдадир,
Уловининг жилови ҳамишалик қўлдадир,
Сафар кўрмаган алпни шер демас Қашқадарё.
Нону ош берса берган, нону ош сўрмаган эл,
Миннатин тўқмоқ қилиб бошига урмаган эл,
Миннатлининг ошига мўлтираб турмаган эл,
Ол дейди Қашқадарё, бер демас Қашқадарё.
Ғурурин Ҳисортоғдай минор қилган улус бу,
Тантиликни ўзига шиор қилган улус бу,
Дунёнинг тенг ярмини диёр қилган улус бу,
Зафар деру забар дер, зер демас Қашқадарё.
Қарши – шуур қалъаси, Китоб – ғурурнинг ери,
Қайга борса тик борар, ўшал – сурурнинг ери,
Мағрибдан Машриққача ўғли Темурнинг ери,
Тери томмаган ерни ер демас Қашқадарё.
Бироз содда, бироз қўрс, бироз тўпори, далли,
Мардга мард келган мудом, дангалига дангали,
Хиёнат кўрса аммо тиғ бўлади чангали,
Ҳиммати йўқ эранни эр демас Қашқадарё.
Аҳли аёлга хожа, ор номус учун тўра,
Дўстдан жонни аяш йўқ, ёвга аёв йўқ, жўра,
Бўрилик қилган дуруст, итлик қилгандан кўра,
Қиммати йўқ эранни эр демас Қашқадарё.
Насафийлар руҳидан ёришган баланд-пасти,
Бедилу Хисрав бўлиб олқишлар икки дасти,
Авлиёлар юртига мен-ку шеър битдим асти,
Балки ёздиқларимни шеър демас Қашқадарё.
© Мансур Жумаев
2019
Қашқадарёликларга улашинг!
#IZLAM_mutolaasi
To‘plamni chegirmali narxda xarid qiling.
ШОИР
Мен Алишер бўлиб келган замонда,
Ҳусайний бор эди ҳарнав жаҳонда.
Олтмиш йил ҳикматин айладим иншо,
Ўзгардими-йўқми, билмадим, дунё.
Айролиқларга ҳам собир эдим мен,
Кетдим мен, агарчи Бобур эдим мен.
Келдим бу оламга бўлиб шоҳ Машраб,
Дунё ўзгармади, боз кетдим ташлаб.
Фурқат бўлиб келдим, фурқатда кетдим,
Чўлпон бўлиб келдим, ҳасратда кетдим.
Эрким қайда эди, эрким, билмадим,
Эркин бўлиб келдим, эркин бўлмадим.
Ҳасратли қўшиқлар ҳам яллалар — мен,
Келиб кетган қанча Абдуллалар — мен.
Мен тағин борман шу дунёйингизда,
Лекин шеър тиловчи дил борми сизда?!
Саволим юракка қадалган ўқми:
Ё ҳануз Бойқаро туғилган йўқми?!
Бу очиқ дафтарни буткул ёпай деб,
Мансур бўлиб келдим нусрат топай деб.
Тағин ўзгармаса дунё, нетгайман?
Энди ўзгартирмай ташлаб кетмайман!
Мансур Жумаев
SHEʼR AVJIDA SINDI QALAM
Isteʼdodli shoir Mansur Jumayev xotirasiga
Boshi g‘amdan egilib qoldi
Qora bulut ortida quyosh.
Erta so‘lgan bir gulni yo‘qlab,
Osmon tinmay to‘kmoqda ko‘z yosh.
- Mansur...
- Mansur...
Soat yig‘lar:
- Tong otdi, axir,
Uyqudan tur, uydan chiq-chiq-chiq.
Yomg‘ir, yomg‘ir - izillar tomchi,
Derazangni qoqar tiq-tiq-tiq.
- Mansur...
- Mansur...
Kuy avjida uzildi bir tor,
Sheʼr avjida sindi bir qalam.
Fojiali tugadi doston,
G‘aribiga kuydi Shohsanam.
- Mansur...
- Mansur...
Beozor qush oshyonin anglab,
Ovga chiqdi o‘rmalab ilon.
Juftidan ayrildi ona qush,
Uyasida ikki polapon.
- Mansur...
- Mansur...
Ketding...
Duk-duk uradi yurak,
Yurak dunyo eshigin qoqar.
Oltinchi uy bo‘ynini cho‘zib,
Qashqadaryo yo‘liga boqar.
- Mansur...
- Mansur...
Rustam Musurmon,
O‘zbekistonda xizmat ko‘rsatgan madaniyat xodimi,
Qoraqalpog‘iston xalq shoiri
https://www.facebook.com/share/p/17CxfAk49t/
Rahmat, Ozarbayjon!
Assalomu alaykum, aziz o'zanimiz a'zolari, Ta'ziya uchun hammangizga tashakkur, ammo hammangizga birma-bir javob yozadigan holatda emasman, holatimni to‘g‘ri tushunasiz degan umiddaman. Uyingizda faqat to'ylar bo'lishni tilayman. Shoirimizning qadari qisqa ekan, ammo men tirik ekanman "Aka" ham barhayot. Shu kanalda borligingiz uchun, rahmat. Agar Mansur Jumayev bilan bog'liq xotirlaringiz, bag'ishlovlaringiz bo‘lsa, yuboring! Xotiralaringizning farzandlarimiz tarbiyasida o'rni muhim, har birini alohida saqlaymiz.
Tez orada shoirning e'lon qilishga ulgurmagan she'rlarini joylayman va ijtimoiy tarmoqlarini ham davom ettiraman.
Zo'r shoirdan zo'r kitob. "Biz kutgan fasl" muborak bo'lsin.
* * *
Necha bor qalbingda tikladim qasr,
Ayriliq bo‘roni buzdi muttasil.
Nechun yana qattiq qish kelayotir,
Bahor emasmidi biz kutgan fasl?!
/channel/Mansur_Jumayev
Xarid: http://t.me/akademsavdo
📘 Mansur Jumayev, “Biz kutgan fasl”
📖 Fragment va mundarija
Janr: she’rlar
Muqova: yumshoq
Hajmi: 96 bet
Narxi: 27 000 so‘m
Xarid: t.me/akademsavdo
📚 @akademnashr
#Izlam
Mansur og‘a ijodi go‘zal ifodalarga, kishiga huzur beradigan, hayrat uyg‘otadigan fikrlarga boy. O‘zim uchun qadrli bo‘lgan, o‘qib zavqlangan satrlarini keltiraman:
"She'r ekansan angladim,
ey Xudoning olami..."
"Bo‘g‘zimgacha keldi bu loyqa daryo
Sen qachon kelasan
Nuhning kemasi?!. "
"Mingni olib yuz bergan,
Men – o‘zidan yuz burgan,
Ilhom bergan, so‘z bergan,
Ko‘ksimda urib turgan,
Xudoga nima deyman?!."
"Ichingda Iso bordir,
Dard chekmasang tug‘ilmas..."
"Dardimizni yo‘q qila qolgin,
Bizni yo‘qdan bor aylagan Zot..."
Bunday satrlar Shoir ijodida anchagina. Muhimi, ularni har birini his bilan, ruh bilan, tafakkur bilan o‘qish, Shoir ruhiyat olamiga sayohat orqali o‘zi uchun muhim haqiqatlarni kashf etishi lozim.
Mansur og‘aga va o‘zbek she'riyatiga Yangi kitob muborak bo‘lsin!
Xarid: http://t.me/akademsavdo
@Jumanazar_Yuldash
#Diqqat_muallifga
“Hayot maktabida men bitta tolib…”
Hayotning o‘zi katta maktab. Ko‘p narsani hayotdan o‘rgandim. Mana, o‘n besh yildir-ki “Yoshlik” jurnalida “zahmat” chekib ishlab kelyapman. Nima uchun zahmat deysizmi? Chunki oxirgi yetti-sakkiz yil ichida internet rivojlanib, matbuotning kuchi ostonaga bormayapti. Essiz matbuot, essiz kitoblar... Jurnalimizda ko‘p mualliflarning she’ri, hikoyasi yo maqolasini nashr qilamiz. Ko‘pchiligi tahririyatni hurmat qilib, jurnal olib xursand bo‘lib ketadi. Shu kunlarda mualliflar oyog‘i ancha tortilgan. Mabodo, internet bo‘lmaganda ijodkor xalqi jurnalimiz eshigi oldida turnaqator tizib qolarmidi. Afsuski, unday emas. Lekin jurnalimizga sodiq mualliflar ham yo‘q emas. Ulardan biri tahririyatga sodiq ijodkor Mansur Jumayevdir. Men uning she’rlarini yaxshi ko‘rib o‘qiyman. “Akademiknashr”dan Shoirning “Biz kutgan fasl” nomli she’riy to‘plami chiqibdi. Yangi nashr bilan uni qutlayman! Kaminaning shiori bor: “Yaxshi ijodkorning kitobini sotib olib o‘qish kerak”. O‘qish majburiyati o‘zingda qoladi. Tekinga olingan kitobni rohat bilan o‘qib bo‘lmaydi. Sotib olib o‘qilgani rohat beradi. So‘zlarni his qilib o‘qiysiz. Buni tajribadan o‘tkazib ko‘ring. Men buni hayotdagi ustozlardan o‘rgandim. Shoir shunday yozadi:
Hayot maktabida men bitta tolib,
Tog‘lar kitobidan o‘qidim xatlar:
Ko‘rdim – alp og‘ochlar quyida qolib,
Yuksakda o‘sarkan tuban daraxtlar.
G'iyosiddin O‘nar
#Biz_kutgan_fasl
Shoir ogʻam, Mansur Jumayevning “Biz kutgan fasl” nomli she'riy to‘plami nashrdan chiqdi. Kitobni varaqlar ekansiz, ijodkorning koʻngil olamiga shoʻngʻib ketasiz. Qulogʻingiz tagida pichirlayotgan misralar sizni olis-olis ummonlar sari yetaklab ketadi. Onangizga, sevganingizga, singlingiz, doʻst - yorlaringizga ham kitobning istagan sahifasini ochib oʻqib beravering, uyalib qolmaysiz. Ortiqcha hayqiriqlardan holi, ogʻiz yirtar gaplar bilan oʻquvchini aldamaydi. Eng toza, eng latif tuygʻular majmuasi boʻlgan bu kitobni quyidagi manzillardan xarid qilishingiz mumkin.
✍ Mansur Jumayev
📚 “Biz kutgan fasl”
Janr: she’rlar
Muqova: yumshoq
Hajmi: 96 bet
Narxi: 27 000 so‘m
Xarid: t.me/akademsavdo
"BIZ KUTGAN FASL"
Mansur Jumayev, shaxsan men uchun, "Izlam"ning yangi mavsumidagi eng katta nom.
Ko‘p yozganman akaning she'rlari haqida. Qaysi birini aytay...
✏️"Nuh kemasini kutayotgan odam" — Mansur Jumayev kitobiga taqriz.
✏️"Gulxanlarda yonmagan turkiy" — Mansur Jumayev ijodida turkiylik.
✏️"Oldinda bir yo‘l bor..." — Mansur Jumayev va jahon adabiyoti (manba: "Yoshlik" jurnali).
✏️Mansur Jumayev portetiga chizgi. — Shoirga jindek maqtov.
Akademnashr “Izlam”ning navbatdagi yangi to’plamini taqdim etdi. 16 ijodkorning aksariyatini taniyman, ijodi bilan yaxshi tanishman. Ayniqsa, Mansur Jumayevning she’rlaridagi falsafa, oddiylikdan mukammallikka yetgan kutilmagan yechimlarning o’ziga xosligi tahsinga sazovor.
Har bir ijodkorni alohida tabriklayman, bardavomlik, barkamollik tilayman!
GuliNigor Avazova
Zulfiya nomidagi davlat mukofoti sohibasi.
🌺АЗИЗАМ
КЕЛ🌺
✍️Мансур Жумаев.
🎙Феруза.
💻Назар Сабиров.
#olis_yaqin_ovozlar
ONA TILIM
Odam soʻramasa, hayot tutmas bol,
Ot chopmasa, shamol oʻpmas yolini.
Bir bor koʻrganmisiz tildan qolgan chol
Va tili chiqmagan goʻdak holini?
Til bilan tirikdir yer uzra har kim,
Uningsiz vujudga baxt ham sigʻmaydi.
Tildan qolgan bobo ingraydi sim-sim
Va tili chiqmagan goʻdak yigʻlaydi.
Oynaga toʻsh urgan notavon qushday,
Bezabon el chiqmas ozod hovliga.
Yo tildan qolgan chol holiga tushgay,
Yo tili chiqmagan goʻdak holiga.
Mening ona tilim, sen sabab izhor
Qiloldim sevgimni — uygʻoq nafasman:
Demak, tildan qolgan cholmasman zinhor,
Yo tili chiqmagan goʻdak emasman!
Mansur Jumayev
Yoshlikjurnali.uz
@yoshlikjurnali