نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
#أبوذيات
مولاي زين العابدين روحي فداه
مو بهداي جاب الضعن .. بل سوگ
الحادي . او ضربه خل آثار ... بل سوگ
انا روحي اطلعت يا ناس .... بل سوگ
من نظرت لعمتي اعيون أميه ..
دمه اجروحي ابردن ثوبي ... مشيته
او درب السبي وي عمتي .... مشيته
آخ الحادي بعنادي ...... مشيته
السوگ السوگ يمشي عناد بيه ....
ابو فاطمة الطائي
#اللهم_عجل_لوليك_الفرج
نعي
لمولاي علي السجاد ع
مشه السم بدليله وعينه غـارت
وضلمه الدنيا كلها والله صارت
فارت روحــــه من الالم فـارت
الدنيا اعليه ابو البــاقر اندارت
يتلفت يمين يســـار وبخنگـــه
والباقر شباگ اموادع يشبــگه
عزيز الدار انوه اليــوم عالفرگه
والفرگه طويله ما بعـــد ملگــه
هو شضال بجســـمه ويســمونه
ومن البچي ذبــلانه تره عـــيونه
شحاله الوالده گــــباله يـذبحونه
ومچتوف ليزيد بســــبي يودونه
هو شضــال بجســــمه ابو الـباقر
الشاف العاشــر واحاه من العاشر
بصدر حسين حافر يسبگ الحافر
وما بين اليتامه وعمــته حـــــاير
هو شضال بجسمه الصعد هــزله
ويبرون الضعينه الذبحــــو اهله
بعمره شباجي المنه خــذو خلــه
وزينب عمته صعدت على التـله
وشمكثر ونينه
يچل الليل وشمكثر ونينه
واتهمـــل عينه
يحن للابو واتهــمل عينــه
ماهي زينــه
وادم غــــرايب ماهي زينه
ما يگدر يگوم
محني علي وما يگدر يگوم
الحال مهضوم
متعوب العليل الحال مهضوم
مسلوب الاهدوم
ويون ليله على مسلوب الاهدوم
مو خوش رفگه
رفجة شمـر مو خــــــوش رفـگه
بسوطه يطگـه
كـــــــــلما راد وبســـوطه يطگــه
يطالب بـحگه
ويــــــــن الذي يــــطالب بحگــه
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(( #ثورة_صفر ))
……………………………………………………………
ثورة صفر . نحو النحر . مشايه
اترف ابعزم . علو النجم . كل رايه
ثورة صفر .. ثورة صفر
……………………………………………………………
اذن بلال ابگلبنه . قامت صلاة الاراده
قيموها لازم جماعه . لا ماتصلى فراده
المهدي بيكم يصلي . والحزن تارس فؤاده
مشاي متعني جده . ولعمه راعي القياده
الوضوء دمعه . المشي ركعه .و دعاء يا ربي عجّل
امانينه . اسامينه . ابكتاب الزهره تنزل
ابحر الشمس . لا ما نحس . عِشاگه
نذكر سبي . حمره العبي . اعل الناگه
ثورة صفر .. ثورة صفر
……………………………………………………………
حجاج طلعت تلبي . واحرمت من بيت اهلها
احرام اسود تلبسه . امفصل امن الجنه إلها
كل خطوه ترمي الحجاره . تسحگ ابليس ابرجلها
عالروس شدت چفافي . وچف ابو فاضل يفلها
على الدامي . على الضامي . طواف الحب تطوفه
واذا تتعب . عذب تشرب . الكمر زمزم چفوفه
سفرة نِعم . بيد الخدم . فرشوها
الموكب حِله . وجلمة هله . ايعيدوها
ثورة صفر .. ثورة صفر
……………………………………………………………
الوادم و مخبوصه كلش . عدهم السبعه العجائب
للخلف كلهن يردن . واصير اولى المواكب
لم البنين القياده . وعالخدم شيخه و تراقب
(استاذي الحسن) هالعباره . كل خادم ابگصتك كاتب
يزايرنه . تعال إلنه . حبيب ايضم حبيبه
يهل النسمه . واذا ظلمه . الگمر يمك نجيبه
ابعرش العشك . ايحس چن ملك . كل زاير
لا نومته . و لا بكلته . ايظل حاير
ثورة صفر .. ثورة صفر
………………………………….…………………………
كل بشر والراحه همه . وتنثني حدره الوساده
بس الخدم وبشغلها . التعب قمة سعاده
الـ بالماي يرويله زاير . تعتبر اعظم عباده
بيوت الحسين المواكب . و الخدم حاسبها ساده
المشي چنه . ابوسط جنه . التعب محد يعرفه
ابنفس حلوه . الجميع اخوه . اشكثر بيناها ألفه
الكل انتصر . هامه ابفخر . مرفوعه
ماكو الأنا . فقر وغنى . مجموعه
ثورة صفر .. ثورة صفر
……………………………………………………………
راية الزاير عظيمه . من ابو فاضل ورثها
ويصير ضل لو رفعها . شمس الضهيره تسدها
السوده تعني العزيه . والخضره كافل حملها
والحمره ثار الهواشم . للي سبوها ابحبلها
ابدمع سايح . يبو صالح . هتف كل زاير انا
تحت امرك . سوه ابثارك . الشتم نطگع لسانه
هذا العدد . كون انوجد . بطفوفه
جا و الخدر . انركض الشمر . للكوفه
ثورة صفر .. ثورة صفر
……………………………………………………………
كل خادم ابلهفه ينطر . واكف امحضر هديه
وبعلبه ترچيه حطها . البت الحسين السبيه
اقبل ضعن عالمواكب .شاب وعبي حمره هيه
والخدم سألت يزينب . جاوين ظلت رقيه
تعزيهم . تخبرهم . بقت حدر الترابه
بچه من دم . بقة اظلم . گبر وسط الخرابه
بنت النبي . ابضيم السبي . شهيده
ابخط الذهب . اسمج وجب . ترديده
ثورة صفر .. ثورة صفر
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#تراث
جابر يجابر مادريت بكربله شصار
من شبوا النار
والحرم شاطت للمعاره تريد اهاليها
ــــــــــــــــــــــــــــــــــــــ
ماتساعدني يجابر على مصاب اللي دهاني
وتنظر لسهم الشماته شلون صك عيني وعماني
وانظر الگوس المگدر چم سهم ماضي رماني
وآنه على فراش الولم
كل ساعه وانصاب بسهم
الله من صواب الحرم
مثل سبيتها سباني
جابر يجابر والدهر ماانصف وجار
من شبوا النار
ونار اليوجرها الدهر گلي شيطفيها
ــــــــــــــــــــــــــــــــــــــ
كربله ثگلت عويل الحرم وتثگل عويلك
وشفرت الگطعت دليلي بيها يتگطع دليلي
والمصاب الهدم حيلي ينهدم من صبره حيلي
طيحة علمنه على النهر
كسرت من حسين الظهر
لو ردت توضيح الخبر
إنشد الشاطي يحچيلك
جابر يجابر من علمنه على النهر طاح
ذاك الخدر راح
والحرم حست باليسر وبـفگد واليها
ــــــــــــــــــــــــــــــــــــــ
حين طاح العلم من اللي گطعوا يساره ويمينه
اهجس بعيني تفرس سهم التفرس بعينه
ناس تنهب ناس تحرگ غدت وشلون
والله يجابر ما ثبت
هيچي مصيبه ولا جرت
ما تدري بالگوم شگضت
حرگوا خيمنه علينه
جابر شسولف لك تراني تمرد حشاي
حن وإنحب وياي
ولا تنسى غربة زينب وحنها وبچيها
ــــــــــــــــــــــــــــــــــــــ
والحرگ چبدي ومردني وخله بيه النار تسعر
من عَلي ردت عمامي من المعاره بجسم الاكبر
سابح بدم الشهاده وبمعانيها تعفر
ومن لفت ليلى تودعه
وشافت ولدها ومصرعه
سباح گلبي تگطعه
من تصيح الله وأكبر
جابر يجابر ما تساعدني على النوح
وتضمد جروح
ليلى الغريبه الفاجده الأكبر نواسيها
ــــــــــــــــــــــــــــــــــــــ
والطوه ضلوعي وحناها فگد عريس الهواشم
وعلگت روحي بوريدي آه يحسرة عرس جاسم
زفته طيور الشهاده وحنته دموم المچارم
ورمله لولدها شافته
متخضب بدم رگبته
مبارك يجاسم نادته
وافجعت گلب الفواطم
خل عينك وعيني يجابر تهمل دموم
خلينه هاليوم
إيدي وإيدك من دمى جاسم نحنيها
ــــــــــــــــــــــــــــــــــــــ
شاهدت للطفل حاله وظل عليها الجفن دامي
يرفس برجليه وإيده مطوگ بسهم المرامي
افغرت من العطش روحه ومات بيد حسين ضامي
صوّب دليلي حرمله
للطفل عطشان إچتله
وعيوني ظلت هامله
وأثر بچبدي ضرامي
مالوم چبدي وكربله علة المالوم
حرمتني النوم
احا يانبلة حرمله گلبي إنگطع بيها
ــــــــــــــــــــــــــــــــــــــ
على فراش الولم مرمي والنوايب يجلبني
لاچن بشوفة حسين تهيد روحي ويخف وني
ساعه لن سهم المثلث صاب ابويه وگطع ضني
الله وصواب الحجر
چتفني بحبال الدهر
للجامعه بچيدي أثر
والسلاسل مرمرني
من گال زينب تنسبي وتوگف بديوان
من الدهر خان
للكوفه والشامات عگب الخدر سابيها
الشاعر المرحوم كاظم منظور الكربلائي
#اللهم_عجل_لوليك_الفرج
شهادة مولانا زين العابدين صلوات الله وسلامهُ عليه
ضليت بويه انشد بالوجوه
الشام كل ناسه وعلي چتاله ..
زلمه عليل وحيل مابيه عفتوه
يباري الحرم ويريد من يبراله ..
بويه وعلي ماتشفه وطيب
عملاتهم بگلوبنه أتصيب
الشام مابيه كل معازيب//ذبحونه بحچيهم
طبينه صاح الحادي لناس
ويأشر علم عون والراس
هاي العقيله وهذا عباس//مامش نخوه بيهم
هداده ترگض بويه كلهه
وبالسوگ لچه صارت ألهه
كلمن يعوف البيده ويگول
چاا وينهم زينب أهلهه
__*_
محني الضهر ومشيبه الرموش
ويدي علضهري ويد أشاكف بيهه ..
مو خوش ناس الشام مو خوش
الشام زينب عمتي مبچيهه ..
طبيتك أتصيح المصيبه
وباچر تسميني الغريبه
عباس الي ياهو اليجيبه//ويمسحلي البواچي
ملعون يضحك ويه ملعون
علچيادنه گامو يجيبون
أبيبانهم ماي ويرشون//وشكال المحاچي
خاوي الگلب والحيل خاوي
بلوه التفض وتمر بلاوي
مو ماي شبعوهن خواتي
شبعن شتم بويه العلاوي
_*___
زحمه الفواطم توگف بسوگ
وكل اليجي يعاين بنات الساده ..
أحنه النرد للوادم أحگوگ
تنجر حرمنه بالحبل مو عاده ..
بالسوگ طب ضعن السلاطين
وومنين صاحو هالنسواين
والحادي گلهم ذني لحسين// وگام يسمي بينه
الهاضمني ومبجيني هواي
لهدومك يدورون شراي
وناحن خواتي بويه وياي//ضعني متعبينه
يدعن قميصك يرجعلهن
والحادي كل مامر يگلهن
خاف بحلم وتشمن حسين
نحرم بناته من حلمهن
_*___
كلهه تريدك ونته بس راس
وين الله واحد يشتريه ويرجعه ..
الراسك گبل بيه تحلف الناس
والله وكت ويصير راسك سلعه ..
سلاب ينشد بويه سلاب
عن راسك ينشدون ماطاب
دم ينزف ومتروسه بتراب//عيونك ياولينه
سمو خواتي الزينبيااات
موش العلاوي الخارجيات
وماتن هظم ذني العفيفات//ضعني متعبينه
يم راس عمي وصاحو أم عون
وهاي العقيله يالتسمعون
نزلت دمعته منلسهم دم
والعمتي ماضل للبچي عيون
رسول رياض
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ضلن لجماته ابكلبي.. جرح العاشر
من شفت حسين بحيره .. ويكسر خاطر
انه السلبو عماته .. وبيهن حاير
___
من جرح الجرح
ماذيني الذبح
راس اعله الرمح
جدامي شفت
ذبحو عليني
اسرو عمتي
ياهي حيرتي
هواي اتحيرت
حيرني الابو وحده بقه ولا من ينصره
اتوجه أطلعت من الخيم عثره اعله عثره
طايح بالعره شفته ومشت خيل اعله صدره
متربع شمر فوكه وگطع جدامي نحره
يتلوه اكبالي شفته .. من اجروحه
بالحافر وسفه حسيني .. طلعت روحه
الذبحو جدام عزازه ..شينفع نوحه
___
والاصعب بعد
جيش علينه هد
والحال نضهد
دارو عالخيم
بالخدر حرت
مراكضهن شفت
لياصوب التفت
تلاكين الحرم
جهبني وكلت فرن بعد ما تبقه خيمه
ركضن عالوجه كلهن عمت عيني هضيمه
الوحده بلا زلم من الزلم شردن حريمه
ماعنده بعد غير الدمع واعيونه غيمه
طشرتهن نار الخيمه .. الجانت تلهب
غير العوجيه البيدي .. كلشي اتسلب
والوادم كلها اتصيح .. طلعو زينب
____
ركضن عالحرك
اليوگف تنسحك
ماعدهم خلك
يحجون بغضب
عيشونه ابرعب
يسمونه الغرب
اخذونه ضرب
موتنه التعب
جرح البيه ضل موجر بقت عيني جريه
من شفت حبل بيده وشفت خوفت رقيه
اصعب موقف انه الكمت اجتفهن بديه
يكلولي العده لمهن سبيه ابصف سبيه
اجفوف الناعمه ابذاك .. الحبل شلهن
الما جانن كبل يطلع .. اثر ضلهن
اخذوهن سبي وعثرن .. شفت كلهن
____
من طف كربله
بذيج العايله
طلعت قافله
راحت لليسر
روس ويه الضعن
جدامي مشن
كل خطوه بزمن
ويه ام الخدر
مرو عالجثث اسمع كمت صوت الثكاله
شي عافت ولد شي ما لكت شي من جماله
وزينب ودعت فوك الهزل راعي الكفاله
المدلل ضعن كله بوكعته اسرو دلاله
ضل فوك النهر عطره .. وعلم واكع
من دون الكمر كلشي .. بعد ضايع
اول مره من دونه.. الضعن طالع
____
فرن جم قصر
ربيبات الخدر
بكل ديره النمر
يوكفونه العده
من بلد البلد
مابينه بعد
واحدنه انمرد
من ضيم السده
اخذونه البلد مابي بشر ترحم غربها
نوك القافله من الفزع تيهت دربها
بعيوني شفت عمتي شمر عمدن ضربها
جدام الشماته والغرب لوعو كلبها
وكفونه شكثر حته .. الخلك تطلع
الحادي وسوطه بمتوني .. اثر يطبع
الكيد ابركبتي خضر .. منو يقنع
_
علينه اتجسرو
وبالطك اوجرو
البينه مادرو
انموت اوننعدل
فتر بينه الدهر
تعبنه القهر
الماعنده خبر
مات اشجم طفل
ياجرح الطشت يبقه الاخذ منه رقيه
طفله امعلمه بذاك الحضن تكضي المسيه
زغيره اعله السبي ماينحمل ضيم السبيه
تالي اعله الطشت ويه الابو راحت سويه
ماتكدر بعد تحمل .. قهر بعده
مكابلها الرمح يمشي .. وصل حده
اتلاكو وانتها كلشي .. ومشت عنده
سيد بسام قابل الياسري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
موشّح للامام السجاد عليه السلام
وين ماشاف العذب يذكر هله
مـذبـحـين اعله التراب ابكربله
بنينوى شح العذب ما حصّله
يسگي الحسين ويبرد اغليله
عاش عمره بلوعة وبحسـرة والـم
وحزنه من اجبال بيه امن انكتم
شاف حرگ الخيمة وافرار الـحـرم
بالصحاري الوجّرت ب ادليله
شاف ابوه احسين ضل لوحّده
وآه گلبه ودمعته الّي اتسانده
شاف زينب من تعدّت عالعدِى
شابچة العشرة لاخو توميله
شاف ماشاف امن ال امصاب الكَدر
وانكسر من وكته وامتد للگبر
على صدر حسين يتعلّى الشمر
ينهض وحيله خذل بي حيله
الشاف مو مثل السمع بالّي جرى
شاف چف الشرف شامي الاسّـرى
زلمة معلول وتدافعله مرة
مجرّح وزينب اله اتحاميله
زينب اتچـفّـلـت تالـيت الضعن
واهيَ مسؤولة بحرايرها المشن
حفظت السجّاد من جور الزمن
وعدلت بذاك الضعن كل ميله
لــٰجن اليدمي الگلب والبي يحز
انسبت واهي الضعـنها كـل عـز
انوكزت ويا ويلي شنهي من وكز
جعدت بشام الخرايب ليله
يساعدك الله يوالي بهالخطر
تدخل بعماتك لاقسى البـشر
والگمر ميّت وبس راس الگمر
وياكم ودمع الحرم يشكيله
انسبيتوا وانتهى الشام وخلص
اطلعتوا من عنده بمصايب وبغصص
العمر نقّص ودمعك ما نقص
لچتلتك شام السبيي تبچيله
العبرة تدمي بكلبك وحزنك يطش
لــنّ ابـيّــك مـرتـمي ابلاية فرش
ينكسر كلبك اذا شفت الكبش
گبل موته الچاتله يسگيله
هل سَقيته؟ تسئل الّي جاتله
ويخطر ابـالـك ابوك بكربلة
لا شرب ماي ولَ احد غسله
صار من دم الجسد تغسيله
لابد الكم يوم ويحين الفرج
وترتفع حجّة الهي اعله الحجج
ويبتشر كلبك اذا مهره سرج
وزينب بديرة غرب تدعيله
تدعي تكظي الغربة ويلم الشمل
وترجع ام الخدر ما ترچب هزل
كل بني هاشم املها بـهالنـفل
يظهر وكل الظلام ايزيله
يزيل كل ظلمة وضوة نوره يشع
ويجـبر ب أم الضلع ذاك الضلع
ياخذ بثار العليه كل الفزع
هجموا وبالخيمة اخت تبجيله
كرار رحمن
السلام عليكم احبتي اليوم راح اقدم الكم فقره عن عالم الذر وانا اعتقد ان الجميع يريد ذلك
Читать полностью…يا عذابي. جنها ساعة موتي هاي
يا عذابي. اشلون اشربنك يماي
وانته عطشت الحسين
*
دنت مني المنيه وحانت الفرگه
وبعيوني دمع وخيام محترگه
جسمي امن الحزن بي روح ما تلگه
شفت حسين ابوي الحافر يسحگه
والهضيمه. ايلوج من شدت ظماه
والهضيمه. كطره محد شرباه
تجري كل هاي السنين
وانته عطشت الحسين
***
ما اكدر ابطل النوح والونه
وبالطف شفت ابوي الخيل داسنه
شبيها الخيل عمدآ فوكه تتعنه
الم بعظامه ويرجعن يطشرنه
بلا عمامه. ومجفي وجها اعله التراب
بلا عمامه. اشحال مسلوب الثياب
وانه زين العابدين
وانته عطشت الحسين
****
اكطعت درب اليسر وياي شماتي
الحبل من ركبتي لجفوف عماتي
بدرب الشام ما خلصت معاناتي
اعاين للخرابه وتجري دمعاتي
والله حيره. الگبل حيل مخدرات
والله حيره. اليوم اشوف ميسرات
وكل اخوتي مذبحين
وانته عطشت الحسين
***
صحت يا ماي كلي اشلون اضوكنك
وابوي حسين بالطف انحرم منك
وكت الموت اجه. ودرت الوجه عنك
واعذارك بعد لا ما يفيدنك
ما اعذرك. بعد عذرك ما يفيد
ما اعذرك. انته من عدنه شتريد
وعمنه مكطوع الادين
وانته عطشت الحسين
**
ما بين المصايب خلصت عمري
واثار الصياط انطبعت بضهري
دنت مني المنيه والدمع يجري
وريد حسين ابوي ايشيلني الكبري
وفوگ نعشي. يكثر الون والنحيب
وفوگ نعشي. يوكف ايصلي الغريب
وينزل بلحدي الحنين
وانته عطشت الحسين
**
تمت
تحسين الخفاجي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
سوف يتم نشر القصائد التي تخص شهادة مولاي السجاد عليه السلام
Читать полностью…((ليش تركض))
أديـنه أمچـتفه ومانگدر انكض
على هونك يحادي ليش تركض
عليمن كاض رايه
هوه أحنه سبايه ... ليش تركض
""""""""""""""""""""""""""""""""""""""""""""""""'''""""
مــن فـجر الله گمنه
وصـــلـــينه بحـــزنه
وعـــالــهزله صـعدنه
وضل يحچي دمعنه
وظل حتى أسمي يبچي من كثر مآ
صاحو ياسبيه
أَرَكـــب هاي تــــوگع هـــــــاي ويلاه
وشلون برقيه
هـــــزلّ وبــــــــلا هـــــوادج آه يا آه
حبل صار بأديه
ســــارو بـيـنـه بـــالويــلات والطگ
صرنه أحنه الخوارج همه أهل حگ
مشينه أبلا درايه
هوه أحـنه سبايه ... ليش تركض
""""""""""""""""""""""""""""""""""""""""""""""""'''""""
العــثره أتــعيــش بيـنه
الــحبــل شــابـگ أدينه
الدمع بالهمسه يحسين
بــس گـــولوا أشجنينه
زاد الـطــگ علــينه والشتـم زاد
وأتغطه بسكوتي
مــو يـمي النشامه وذيچ الاولاد
تمنيت آنه موتي
وكل ساعه يسبني ودمعي ينعاد
ومخلصه سلوتي
أخوتي أمذبحه ونحور حمره
وأنه مسبيه نص الروح جمره
هاي شلونه هايه
هوه أحنه سبايه ... ليش تركض
""""""""""""""""""""""""""""""""""""""""""""""""'''""""
غــربه وليــل هندس
وأنه بدموعي أهمس
بــس يسـمعني جلاد
يضل بطـفالي يرفس
أتــوسد حـبل وأغفه آنه بهداي
وأفز فزتّ حـمامه
خــاف اتروح طـفله أسهر هواي
عيني أعله اليتامه
بعيني أتبع اليحرس رايح وجاي
مــابــيـهـم شهامه
هاي أتصـيح عمه وتدمع العين
ذيچ اتصيح عمه وين الحسين
وراسي انشدهّ رايه
هــوه أحــنه سبايه ... ليش تركض
""""""""""""""""""""""""""""""""""""""""""""""""'''""""
بــعــيد الــشــام عني
دربــــه الــــزاد ونــي
هضيمه السوط وياي
النبي مو جـدي چني
زيـنـب آنــه هـيچ إيـصير چاليش
أنه بـت الـــرساله
سبيه أمشي بحبل وبوليةّ الجيش
الزمن هذا شجاله
الخاطر أسمي هـاي الوادم اتعيش
كدري ايموت حاله
وبــاب الـــقصر تانينه ساعات
واهل الشام كلهم ناس شمات
ألف وسفه النهايه
هوه أحــنه سبايه ... ليش تركض
عبد زينب
محمد الابراهيمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
خويه..
مشتاگه هواي مشتاگه
يمتى آنه اوياك نتلاگه
بهيمة انت واني بناگه ..خويه
خويه..
هل روح اعليك مخنوگه
ورگه بنارك محروگه
وگلبي المذبوح ابشوگه ..خويه
دليني اشوفنك بعد وين
ترى فراگك عمالي عيوني الثنين
مو همي الجرى لا همي الحبال
كلشي يطيحلك غير انت الحسين
ياذيني العتب ياذيني
ونار فراگك اتجويني
شما اذكر هذيج ايامك
تهضمني يالمباريني
___
خويه..
عفتك ياخوي مجبوره
امشي وارجف مقهوره
حرمه جبيرة ومكسوره ..خويه
خوية..
رحت بلا راي ورايه
وامشي بكيف الحدايه
بحلگ الشمات حجايه ..خويه
محتاره وادور ما حصل راي
الدرب كلساع يبعد عنك هواي
ولو تدري شيسموني يالحسين
هاي اخت الذبيح الماشرب ماي
حاطوني العده حاطوني
وبسمي گامو ايصيحوني
ياحيف انعرف من تالي
اذوني وهضم بجوني
_
خويه..
بأول خطوه وحنينه
وممشه الناگه امئذينه
انهض خوية ورد بينه ..خويه
خويه..
گلبي وگلبك فد نبضه
امجانك ياهوه يعوضه
وامشي بلياك ماترضه ..خويه
بدرب حداية الصحره يتيهون
جا وين الهواشم خل يعرضون
بلكت جفك اليعرض ورد ليك
ياتالي هلي وبعد اختك ام عون
ذابحني الهضم ذابنحي
تمنيتك لون تسمعني
مشتاگه اعله في الخوه
وبجفك يخويه تردني
_
خويه..
ساعه اوياك اتمناها
ترد لأختك تتلگها
المال امن الضيم مگفاها ..خويه
خويه..
تندهني اعليك الخوه
بعدك ماضلت تچوه
فراگك لو تدري شسوه ..خويه
حرام اعليه بعدك لو غفت عين
ترى حال اختك بهليوم مو زين
من مطلع نهاري ابچيك لليل
شضل بيدي وهضم افرك بالايدين
ماانساك شريچ بروحي
ياعظم واعز اجروحي
ماتبرد دمعتي وشيبك
وعليك آستلذ بنوحي
____
حسين سعد البهادلي
لا تلومون ما اكف وني ونحيبي
بعينه شفته عله الثره مگطع حبيبي
الحبيب ابعيني شفته.. مسلب ومرميه جثته
……………………………………
لاتلوموني من انوح عالبچي عندي دليل
كل نبي المذبح ابوي دموعه بالطف دم تسيل
وگبلي أدم دم بچاه وناح اله جدنه الخليل
شلون ما أبچي الحسين واني ياناس العليل
شلون ابطل عالذبيح الغالي نوحي
واني ادعي الله ياخذ مني روحي
لان بالطف مانصرته.. مسلب ومرميه جثته
……………………………………
انطوني ياناس العذر لونظر عيني انعمه
ياهو يتحمل يشوف والده مخضب دمه
اني شفت اجروح ابوي لطخت وجه السمه
وصدره شفته عالتراب خيل عشره تهشمه
ياهو يگدر گلبه يحمل هالمصيبه
خيل عشره تمرد ابجثت حبيبه
كل ضلع من طگ سمعته.. مسلب ومرميه جثته
……………………………………
اني شفت حسين ابوي من وگع ذاك الظُهر
الشمر يركض اجاه وبيده سل سيف الغُدر
وگام يرفس بالغريب وعتله برجله الصُدر
وآه يويلي من ولاه وگام يطبر بي طبُر
گبل ذبحه انطبر أثنعش طبره
ومن بعدها من گفه حزاله نحره
من الگفه صارت ذبحته.. مسلب ومرميه جثته
……………………………………
حگي لومرني الجزع وحگي لو ابچي الدهر
وكل اخوتي والعمام گبالي اشاهدهم وذر
وشفت ابوالغيره الكفيل طايح بصف النهر
لايسار ولا يمين بلايه جود بلا نظر
شفته واگع يم نهر خجلان مايه
بلايه جوده ولا اكو بچفينه رايه
مات مقهور عله أخته.. مسلب ومرميه جثته
……………………………………
بعيني شفت ام الحزن زينب بنار الخيم
من العبا شاعل طرف وهي بالخدر تلم
طلعن بساعه تصيح يله اجت لينه الزلم
تركض ابين الخيام عمتي ابحافي جدم
ياهضمها تصيح يالماعدها والي
طلعوني وبالنظر ذبحوا خيالي
تحشم اخوها اجوابه سكته.. مسلب ومرميه جثته
……………………………………
وگيدوني اني العليل وگوه سحلوني سحل
سألوا متني من السياط جلده بالطگ انوكل
ناحل ومابيه حيل وركبوني عله الهزل
ساعه يدفعني لئيم ساعه يشتمني نذل
بخدي نزلت دمعه چي شبعت مذله
ياهو مثلي تنسبي جدامه اهله
واللي اتوقع فزعته.. مسلب ومرميه جثته
الشاعر عقيل الحسناوي
چَمْ سِبِيَّه عْلَه التَّرَايِبْ گَاعْدَه
تِنْتِحِبْ وِتْوِنْ وِنِينِ الْفَاجْدَه
----------------------------------
تِكْسِرِ الْخَاطِرْ تَرَه دْمُوعِ الْبَنَاتْ
شْلُونِ اذَا چَانَنْ أَوِيلِي مْدَلَّلاتْ
كَلْفَه رَبَّاتِ الْخِدِرْ بِالْهَمْ تِبَاتْ
بِالْيِسُرْ وَيَّه الْهَضُمْ مِتْوَاعْدَه
----------------------------------
سِكْنَه لُو نَاحَتْ يِشِدُّونِ الْحَبِلْ
حَتَّى مِنْ تُوگَعْ يِجِي يَمْهَه النَّذِلْ
تِنْجِلِدْ جَلْدِ الْعِدَه مَا يِنْحِمِلْ
وِالنِّيَاشِينِ بْمَتِنْهَه شَاهْدَه
----------------------------------
وِلْرُقَيَّه شْمَا نِگُولِ مْقَصِّرِينْ
وِينَ اكُو طِفْلَه بْعُمُرْ أَرْبَعْ سِنِينْ
تِنْسِبِي وِاثْنِينِ ادِيهَه مْگَيِّدِينْ
وِهْيَه بَسْ شُوفَةْ أُبُوهَه رَايْدَه
----------------------------------
وَالله يَا نَاسِ الْأَلَمْ مَا يِنْجِرِعْ
گُوَّه مِنْ عِدْهَه التَّرَاچِي تِنْشِلِعْ
تْخَيَّلِ بْنَيْتَكْ إِذِنْهَه تِنْگِطِعْ
وْمَاكُو يَمْهَه لَا أُبُو لَا وَالْدَه
----------------------------------
وِالْحَرَمْ يَا وَسْفَه وِشْحَالِ الْحَرَمْ
عْلِيهِنِ بْطَفْ كَرْبَلَه حِرْگَوْ خِيَمْ
گِطْعَنِ دْرُوبِ الطِّوِيلَه بْلَا عَلَمْ
شَافَنِ عْيُونِ الشِّمَاتَه الْحَاقْدَه
----------------------------------
سَاعَدَ الله زِينَبِ وْرَمْلَه وْرَبَابْ
وِالنِّسَاوِينِ الْتِغَطَّنْ بِالتَّرَابْ
بْچَمْ خَرَابَه گِعْدَنِ وْمَا بِيهَه بَابْ
الرَّايِحَه عْلِيهُمْ تِصِدْ وِالرَّادَّه
----------------------------------
#مصائب_العائلة
#محرم_١٤٤٧هج
حسن خنافر العاملي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بدينه الماي والبر
الكواكب النه تفتر
هلي القربان الاكبر
ستسأل من أنا ؟؟
-------------------------------------
ابوي الطوع الجان
ابوي امحلي الاذان
قبل كل البشر چان
كبير المنزله
تعرفه الفقره عالباب
اذا صاحو يبو تراب
تصير الدنيا محراب
كلامه البسمله
سلام الله عليه سبحانه من آوجد
ابد ما ينوصف بالفضل ما ينعد
محمد من يحشمه بساعة التشتد
لا مرحب يظل لا عمر لا احد
نهاية حرب چفه
تدنگ ناس صلفه
على الشدات اكلفه
ستسأل من انا ؟؟
----------------------------------------
أمي الكون اديهه
الهوى ايسلم عليهه
تسمى أم ابيها
وابوهه الخاتمه
لجلهه الدنيا صارت
الكواكب ليها دارت
العوالم بيها حارت
العظيمه العالمه
يسموهه الزكيه الطاهره البضعه
الجنان اتحن عليهه السبعه والسبعه
بكسر ذاك الضلع حتى الشجر ينعه
الغريب الگال اسمهه بشده مترجعه
باب الحاجه أمي
بوكت الضيج تحمي
بسمها اقترن اسمي
ستسأل من انا ؟؟
-----------------------------------------
اخوي الماله ثاني
اخو السبع المثاني
كريم الآل واني
احبن هيبته
شجاع وبيه محنه
اخذ كل طيب اهلنه
الاسم اسمه وطنه
المهيب بطلعته
يعرفونه الكريم الما طفت ناره
اليحط بالزاد لير ويسر خطاره
اخت حلال كل المالهن چاره
اخوي اهل السمى تتناقل اخباره
اله تلوگ الامامه
وجه خير وسلامه
ولكن كالقيامه
ستسأل من انا ؟؟
----------------------------------------
اخوي الثاني موصوف
اخوي امأمن الخوف
جسد بس كعبة سيوف
سلام المنحره
عطش حد ما صبح ماي
ذبيح وينطي الهواي
انسحگ بس يرجع فياي
تمام ابمنظره
توزع ناس جسمه وبالعكس يكبر
يدوسون اعله صدره وينگلب منبر
يحرگون الخيم وتصير لون اخضر
السبايا مو سبايا اتسير كالعسكر
فتح نصر وشهاده
زرع بينه القياده
فقط النه السياده
ستسأل من انا ؟؟
----------------------------------------
اخوي الكافل البار
اخوي الجنه والنار
چفوفه اتروي الانهار
وجربته الساقيه
النهر والگنطره وياه
الرعب تتسمى يمناه
تندبه بساع تلگاه
وفزعته الباقيه
دخل لارض القتال وسولف الراوي
برز عباس والله اليعلم شناوي ؟
صار الموت عدهم رجفه سكتاوي
الشديد الگابلاه امدد وخاوي
تضيع اجفوفه منه
عدل بس مات ضنه
اخوي اسمه علمنه
ستسأل من انا ؟
---------------------------------------
انه الجيش الفدائي
فكد كيدك ندائي
وجوبي اومو كفائي
الجهاد الحيدري
اطب قصر الاسارى
واهد عرش الاماره
السلام اعله الغياري
البيان العسكري
تدنگ روسهم من تنذكر زينب
علي بالشام يخطب يستمع مرحب
آنه الگالو وحيده وخضرت مذهب
حسين الباقي اسمه وقاتله اليشطب
اذا تسمع عقيله
الشجاعه المستحيله
بعد الطف كفيله
ستسأل من انا !!!
رعد الفريجي - 1447
ثوابها الى روح والدتي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ليل ودربي ماشوفه منالدموع
وانا مضيعتلي ميت راسه مگطوع
انا ادريبك تگلي هنا تعالي
منصيحن ياحسين بصوت عالي
بس يبن امي صوت الليل مسموع
ــــــــــــــــــــــــــــــــــــــ
اجيت اعثر واگومن واعثر اردود
ودمع العين يحفر وسط الخدود
حيهم ردت اصيح وگلت ماصيح
اليستاهل الحيهم فاگد زنود
محتارة الحرم تنطي الوجه وين
وكلها اتصيح احركوا خيام الحسين
طلعنه اركاض هلبت نلگه فزاع
لگيناهم لحرگ الخيم جايين
كلها تريدنه نموت
نشوف الدنيا تابوت
غريبة والحجر يبجي اعلى حالي
منصيحن ياحسين بصوت عالي
بس يبن صوت الليل مسموع
ــــــــــــــــــــــــــــــــــــــ
اجيتك من خدرنه الجان محروس
الفشل والخوف خله الصوت محبوس
واگول شلون اعرف حسين بالليل
وهمه البحرب كلهم بلا روس
وينك خويه اصيح بصوت مخنوگ
بهذا الليل ادور جابني الشوگ
بس اتذكريتك بيك نيشان
بس انت الوحيد بخيل مسحوگ
الماله ضلوع معروف
بس العتب ع الشوف
رجيجه عيوني ماشوفك يوالي
منصيحن ياحسين بصوت عالي
ــــــــــــــــــــــــــــــــــــــ
گلي بيا حچاية توصف الحال
التدورلها اعلى ميت صاير اوصال
لا تندل ولا تگدر تخليه
رچيچ الشوف بس الشوگ چتال
اجت والجدم يعثر بالجدم گام
عميه عيونها بدخان الخيام
تشد الحيل بيش الفاگده الحيل
الگطعو نحر اخوها منيلها حزام
ابد ماحاسبه حساب
هيج يطول الغياب
هيج فراگ ماجان اعلى بالي
منصيحن ياحسين بصوت عالي
ــــــــــــــــــــــــــــــــــــــ
اجيت احجي ويروحي شلون وشلون
التطشره الخيل وين تشوفه العيون
اول مرة اشوفن ميت يصير
درب للمشتهين اعليه يسحگون
بعد نيشان بيك استاهد انوب
من دون الجثث ع الوجه مگلوب
كلها هدومها عليها المجاتيل
بس حسين گالو ثوبه مسلوب
محد يشبه حسين
بس دوري الجثث زين
ضايع وين يـاعزي ودلالي
منصيحن ياحسين بصوت عالي
ــــــــــــــــــــــــــــــــــــــ
اذا بين الجثث عينج تضيعه
تلگين الاصابع عنده تسعه
واحد سلب هديماته من طاح
وواحد ماخذ المحبس واصبعه
اذا كل ذني بيه وضايع اعليج
ولو صحتي علكيفج ما يحاجيج
واذا من ذني كلهن ما لگيتيه
يزينب ريحة امج بي تدليج
ماكو بغيره مذبوح
ريحة فاطمة تفوح
يتيهه شلون المضيعله غالي
منصيحن ياحسين بصوت عالي
ــــــــــــــــــــــــــــــــــــــ
جبت نار الخيم بذيال الهدوم
واجيتك عود احشمك هلبت تگوم
الدرب هذا الگصير منالخيم ليك
وحكگ صار خويه اببعد النجوم
امشي وخايفة منللخيل والناس
گبل من امشي يمشي وياي عباس
جنت مدللـه وماحاسبه حساب
يجي يوم الدلال بخيل ينداس
ماصارت گبل هاي
اطلــع محد ويــاي
هضيمة عيونهم شافت خيـالي
منصيحن ياحسين بصوت عالي
ــــــــــــــــــــــــــــــــــــــ
لگيتك رغم ذاك الليل والخوف
يشوف بگلبه كل شي الجاي ملهوف
اثاري السالفة مويم العيون
عيونك تعمه اذا مو گلبك يشوف
لگيتك والعتب يمك حله وطال
وشبگت الظال منك ولو ماظال
اثاري مفرهدينك جسد وهدوم
حصيرة يريد جسمك يله ينشال
بعدلك خنصر وراس
خـذتهن منك النـاس
بعد ياهو اليردهن ليك تالي
منصيحن ياحسين بصوت عالي
بس يبن امي صوت الليل مسموع
رائد الناشي
#نعي
يحسين زينب انه يحسين
نسوانكم طبن دواويين
يحسين وجهي المن اديره
فزعت عشيره الكل اسيره
وظلن الماعدهن عشيره
ابراي الذبحكم خويه ماشين
مسبيه گام عليه ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين
من الذبح والدرب المصايب
ومن الخرايب للخرايب
ومن النواعي الگلب ذايب
وابكل خرابه تنشف العين
ليل الخرايب هظم وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين
ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين
من الحبل يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين
علي الحميداوي
#اللهم_عجل_لوليك_الفرج
أستشهاد الامام زين العابدين عليه السلام
بدت رحلة عذابي من گلت فروا من الخيام
وتمنيت انا ميت ولا اطب بديرة الشام
طلع ضعن السباية...اية بظهر اية....بديرة الشام
..........
بعصر عاشور انا وحيد بخيمة وحرگو الخيمة
وگلت لعمّتي والنسوان فرن عمة بالهيمة
وطلعن ركضة جدامي وبده حزني وبده ضيمه
وأگل لسكينة هاي الناس شافو عمتي أهظيمة
تمنيت انا ميت وي الاكبر وويه عباس
ولا اشوف الحراير ركضة طلعن وتنظر الناس
صعبة أعليه هايه...اية بظهر اية...بديرة الشام
........
وأجه صبح اهدعش عاشور وجابوهن هزيلة النوگ
وياچف يركب الناگة وچم چف بالضعن محروگ
وطلع ضعن الشرف مگيود ووضعه للعدو ميلوگ
وجسمة حسين ظل عالكاع وراسه برمح صاعد فوگ
ضعنا الأجه هيبة هسه فوگ النوگ مكسور
باجر لو خرابه لو تطب نسوانه أقصور
ومن هسه الرزاية....اية بظهر اية....بديرة الشام
.........
عليل وفوگ علتي ضيم لا صاير ولا مشيوف
انا وعمّتي زينب بحبل واحد سوه مچتوف
وطلع اشرف خدر بالكون بسوگ الشام ظل يطوف
مرة بماي مرة بنار ومرة بالحجر مگطوف
وسوگ الشام لمه الزين ماكو كله مو زين
ازغار اكبار طلعو وكلها تنظر لضعن الحسين
ماظلت حچاية...اية بظهر اية....بديرة الشام
..........
بقصر الشام بين الناس يزيد اتهجم اعليه
اسير أمگيدتني احبال وعليل وحيل وما بيه
الدافع عني بالديوان عماتي أفزعن ليه
وينه ووينه بالديوان ويطلع صوت علوية
انهظمت وريت عمري گبل هاي الليلة خلصان
زلمة وبيه حزت من تدافع عني نسوان
ردت هاي النهاية...اية بظهر اية...بديرة الشام
مرتضى الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
نار التسعر شيطفيها
مسموم ويذكر ضاميها
* *
السجاد من ضاگ السم ولوعاته
هذا الالم جدد عليه حسراته
حزن الطفوف البالگلب جمراته
ماتبرد للينعه عليها
* *
للسم لسن نار التچوي وريده
مثل الذي صاب الرضيع بجيده
وحس الحسين حرورة الدم بيده
ورد لامه بدمعه يعازيها
* *
ولمن يشوف الماي يذكر عمه
عن الضمه روى الفرات بدمه
وارسى العلم وچفوفه ضلن يمه
حته الخايف يمن بيها
* *
نار العطش وسط الگلب لهابه
وسم المثلث مثل سم الصابه
مسموم يذكر والده واصحابه
ودمعاته عليهم يجريها
* *
يذكر چبد صابه السهم وتفطر
من فوگ مهره عله التراب تگنطر
ذبه السهم لو من عطش لو من حر
ولوحده بروحه يعاليها
* *
وتذكر الميمون لمن جاله
ينعه الضليمه والنسا تنعاله
طاح الحسين وداسته الخياله
وتريده الحره يدليها
* *
يذكر الحره شلون وكفت عالتل
وشلون شافت راسه بالدم مبتل
زينب لمن ماتت وتقره المقتل
محزونه بمصرع واليها
* *
وضل زين العباد بمصابه وهمه
يذكر المذبوح بمواجع سمه
ومات عله هذا الحال يلهج باسمه
وغمضت عينه بدمع البيها
خادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
مولاي زين العابدين روحي فداه
منو مثلي فكد خوانه واهله بيوم
ومنو مثلي نسبت كدامه نسوانه
منو مثلي عليل وشهر ممشه يروح
مجتوفات اديه وتكوده عدوانه
هم شايف شهم تنطك خواته بسوك
ومن دم راس ابوه مايابس اردانه
شصيرن للخيم لو للتدوسه الخيل
وتجي تبجي رقيه تكلي عطشانه
اليدفنله عزيز يرد نفس ودموع
يريد ملاكه ناس وياه حزنانه
انه الرديت دافن كل حياتي بكاع
بس لاكتني وادم حيل فرحانه
يبو حمزه شفت مشهد
شفت مصلى ابوي حسين فوكاه الشمر يكعد
شفت عماتي من اطيح ماعدهن جتف يسند
شفت الدمع من ينزل يخضر شيب فوك الخد
الشاعر مصطفى الحسني
#اللهم_عجل_لوليك_الفرج
شهادة مولانا زين العابدين صلوات الله وسلامهُ عليه
الجرحه ماينفع دوه .. الذبحو أهله بنينوه
_*___
يادوه شتنفع لعلتي بعد مالك كل نفع
يادوه؟ ينفعه الأخوته منصرع يم منصرع
أوالده يلمه بحصيره وتسأل عيونه بدمع
هذا چف عم هذا خنصر هذا ألمن ياضلع؟
المثلي ذبحوله أهل .. تكثر بروحه العلل
أشما تتداوه من المرض .. الضله والموته سوه
_*___
شينفع الحرگو خيامه وطلعلوه مخدره؟
يادوه يضل ماله چاره العمته تمشي ميسره
مگطع اچفوف الكفلهه عمي سبع الگنطره
يادوه گلي شينفعه المثلي تنطگله مره؟
مگيده عمته بحبل .. وصاعده فوگ الهزل
ودعتهم ع رمح .. ونه دلالي أنچوه
_*___
ماله طب گلب اليشاهد عوده طاح من المهر
ومن كثر ماصدره شال أسهام ماضله صدر
البالحوافر شاف عوده صدره مسحوگ أشكثر
يادوه يطيب كسرته وألمن يضل ينتظر؟
گلبه واگف مايدگ .. الشاف أبو من ينسحگ
شله بعيونه بعد .. المات بعيونه الضوه
_*___
ياگمر يضوي عتمته المثلي فاگدله گمر؟
غرب بصهوة جواده ومارجع من النهر
عمتي بدت دمعها وشوبحت كتره النضر
وعمه عمه هذا ياهو؟ تنشد الضهره نكسر
عمه زين العابدين .. عمه اخذني للحسين
گودني يم مصرعه .. بلكي موتتنه سوه
رسول رياض
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#تراث
جابر مادريت شصار بالطف ونواحيه
وماتدري بخدر زينب راح ومشت مسبيه
ــــــــــــــــــــــــــــــــــــــ
يجابر من دهتنه الخيل ريتك حاضر بهدار
تعين مودعت حيدر مابين النهب والنار
من خيمه لعد خيمه تلم بيتامها وتندار
ونوب اللي ترد ردود
عَليه ولعد حالي تعود
وانا ابحجر الأجل ممدود
اعالج ونزع ابروحي البشدات مبليه
ــــــــــــــــــــــــــــــــــــــ
يجابر كربله هاذي بصوت الحزن ناديها
وانشدها وتسولفلك علينه وشنذبح بيها
وخوفي اعليك لاتنصاب من تسمع محاجيها
لاجن كوون تتورع
لاتفزع ولا تجزع
كلبك خاف يتگطع
مثل الدهر من گطعت علي الاكبر مواضيه
ــــــــــــــــــــــــــــــــــــــ
يجابر لاتنشادها تصيبك كربلا بسهام
وتطفي شمعة وجودك مثل شمعة عرس جسام
وخوفي يندهش حالك وتصرخ صرخت الايتام
من جارة عليها الگوم
مثل زينب تظل تحوم
نوبـه اتعثر نوبه تگوم
وتتحير بهالوادي وتنصاب بمراميه
ــــــــــــــــــــــــــــــــــــــ
يجابر حن على حالي وناشد كربلا وياي
شلها ويه الطفل عتبه وماتسجيه شربة ماي
جمرة عطش عبدالله تشب وتنطفي بحشاي
خوفي بالنحر تنصاب
مثل نحر الرضيع صواب
گبل حرمله وهالنِشـاب
يجابر شفت نشابه بدم الطفل مطليه
ــــــــــــــــــــــــــــــــــــــ
يجابر ورد اسـولف لك وخايف يندهش نوعك
وسهم العلگمي يرميك ودم تتغير ادموعك
والخيط اضلوع حـسين خوفي يخيط ضلوعك
بس بنوح ساعدني
يجابر لاتناشدني
اعلى بويه حسين تضهدني
اجانـه المهر ومخضب ابدم جروح راعيه
ــــــــــــــــــــــــــــــــــــــ
يجابر والدرب كله عالناگه جنت طروح
ثگل الگيد ضاهدني وماردني ثجيل النوح
تغيب الروح من جسمي والجسمي ترد الروح
يجابر سلمت امري
لله ومدرع بصبري
ومن نوحي انكسر ظهري
يجابر لو ردت آثار شوف اضلوعي محنيه
ــــــــــــــــــــــــــــــــــــــ
يجابر بعد جور الشام وسهامه تفكس العين
خايف تنرمي بيها وتصبر ما الك تمكين
تشاهد زينب بديوان واحنه امگيدين
ولامسلم اليدخل له
ولاواحد من المله
يصد ليزيد ويكله
اشـفاف الجان يلثمهـا محمد ليش مدميه
الشاعر المرحوم
كاظم منضور الكربلائي
#اللهم_عجل_لوليك_الفرج
واويلي على السجاد واويلي على السجاد
============================
عالگاضي العمر بدموع واويلي على السجاد
گلبه من السبي مشلوع واويلي على السجاد
وبخير الأنس مفجوع واويلي على السجاد
هذا الكل بشر ما راد واويلي على السجاد
============================
وين اهل العزه الليله واويلي على السجاد
من دم كون تبـچيله واويلي على السجاد
وبكل آه تحچيله واويلي على السجاد
مانترك عزه الاجواد واويلي على السجاد
============================
عالمسوم خل انوح واويلي على السجاد
والظل بالفله مطروح واويلي على السجاد
ضامي وكلبه كله جروح واويلي على السجاد
لحسين السبط والهاد واويلي على السجاد
============================
للمهدي أرفعوا الصوت واويلي على السجاد
ببن حسين مر الموت واويلي على السجاد
جيبوا للولي التابوت واويلي على السجاد
بالمعموره اعلنوا احداد واويلي على السجاد
============================
عالگاضي العمر بالويل واويلي على السجاد
من كربله ماضل حيل واويلي على السجاد
شاف اعله الصدور الخيل واويلي على السجاد
والسم عالچبد مطراد واويلي على السجاد
============================
عزي فاطمه الزهره واويلي على السجاد
واسچب ليهم العبره واويلي على السجاد
جمره هالفگد جمره واويلي على السجاد
وياهم هالزمان الشاد واويلي على السجاد
============================
نادي بصوت يازينب واويلي على السجاد
ودموع الحزن تلهب واويلي على السجاد
نار الگلب فگدك شب واويلي على السجاد
عزيهه بولي العبّاد واويلي على السجاد
============================
الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
جرحك بيك يسافر وين
وتنزل حمره دموع العين
فكرك يم الخيمه يروح
لو يم المذبوح حسين
ويلي شافت عينك كل جروح العاشر
وشفت صدر حسينك عثر بي چم حافر
بغربه عشت أسنينك وأنته باقي تكابر
صعبه أتهيد... يالسجاد... حسراتك وأهاتك
شفت شلون.. نار الگوم.. تتلاهب بخيماتك
والنسوان.... بين الخيل... خواتك وعماتك
ماهمتك علة البدن،،، أصعب جرح جرح الظعن
وأربات الخدور أنسبن
وا ويلاه
ظهر العاشر موقف چان
تشيب من عنده الرضعان
خدر الله وطلعن ياحيف
غربه تصد ركضة نسوان
دوت نار الخيمه وركض طلعن كلهن
أطشرن بالهيمه ،، حامي ماظل ألهن
العاشر ويا ظيمه جروحه من يحملهن
أگبال أجناب.. تهظم حيل.. من تركض العلويه
بيكم عال ... چم خيال.... بالسوط طگ أبنيه
مسبي تروح.. تمشي وياك ..عمتك هم مسبيه
مسبي الظعن والله زمن،،،، الما طلعن اليوم أطلعن
وأربات الخدور أنسبن
وا ويلاه
بحبال أمچتف وأصفاد
بـيـن الـيـدفـع والجلاد
حيره تخلي أچفوفك وين
فوگ العله وحيلك باد
السبي بيك شخله وأنته وشل حيلك
تزيد بيك العله ،، لـو طفل يوميلك
جمر طافي برجله وماگدر يشكيلك
أطفال هواي.. لكل حفاي.. وشچم جدم محترگه
متون ازغار ... شيحملن... والطگه فوگ الطگه
بلا حماي ...والمرعوب ... يركض وعمته أتشبگه
وعيونهم لا ما غفن،،، ياويلي عطشان الظعن
وأربات الخدور أنسبن
وا ويلاه
ذاكرتك متروسه أآلام
وحلامك ماهنه أحلام
الكلمه الجرحت گلبك حيل
أشفت وگايل( أخ الشام)
الشام طلع روحك،، وگلت آخ بيومه
تموت وأنته جروحك تنزف ومالومه
تموت وانته بنوحك بالغرب وهمومه
شسوه الشام ..خاطر هيچ.. صاير سبب وناتك
تخفي أسرار ..كلها جروح.. آ ياعظم شوغاتك
بغربه تموت.. تالي وياك ..هم تندفن لچماتك
وبـ ليت أمي شگد محن،،، كلفات صعبه ينحچن
واربات الخدور أنسبن
وا ويلاه
✍️حسين حمدان الدلفي
#اللهم_عجل_لوليك_الفرج
#زين_العباد_عليه_السلام
ياسائلي عن دمعت السجاد والعبره
افنى حياته بالحزن حد ماخلص عمره
خلصت سنينه يندب حسيناه
جمرة حنينه بكل مأتم وياه
السجاد والعبره
*
لو تحسب ايامه *من جدمه للهامه
خلص نوايح هالعمر ولوونه ويلاه
كل دمعه يجريهه *تلگه صور بيهه
ضلت مصايب كربله اشگد عايشه وياه
كل دمعه تشرح فاجعه يتفايض اهموم*
وبگلبه لليوم
امصايب اهله الحدرن يبچيهن ادموم*
وبگلبه لليوم
كلهن على گلبه سدن شافاهن ابعينه
بين السبي ولي انذبح بس الله اليعينه
وبكل انينه يندب حسيناه
جمرة حنينه بكل مأتم وياه
السجاد والعبره
****
خل نحسب اجروحه*چم نضره مذبوحه
شنهو السهل حتى نگول الاصعب اشلون
حسين جدامه*امهشمه اعضامه
بذيج الحوافر ولگلب ينضرله محزون
اگبال عينه ينضره تتقاسمه الناس*
چا وينه عباس
هيچي ندائه ابكربله ومخنوگ الانفاس*
چاوينه عباس
اصعب احاسيس البشر الينضر احبابه
لابيده يفزعله ويصد ويشاركه امصابه
مدميه عينه يندب حسيناه
جمرة حنينه بكل مأتم وياه
السجاد والعبره
*
وشنحچي عن عمره*حسره بثر حسره
شاف النساء ابنص خيم متحاوطه ابنار
يحز گلبه منضرهن*فرن يگللهن
اوهجن بنات المرتضى ياويلي وشصار
بذيج الصحاري امن اركضن مذعوره نسوان*
وبصدره الاحزان
وزينب وسافه ابهل فله ودور امچان*
وبصدره الاحزان
چم موته مات ابكربله من شاهد الحاله
ذيچ العزيزه ام الخدر تچهبهه خياله
بنبره حزينه يندب حسيناه
جمرة حنينه بكل مأتم وياه
السجاد والعبره
****
مثل الجبل صبره*من ينضر الحره
يشوف المنيه من يصد مچتوفه بحبال
بس هوه ولعيله*اولو صارت العيله
منهو اليحامي اعله النسه من يحمي الاطفال
مگيود بصفاد الالم ولگلبه مجمور *
شيبرد الاصدور
وروس الشيم فوگ الرمح وبكربله انحور*
شيبرد الاصدور
خدر الله ينضر بالسبي ولغربه تحديهن
اولو عال حداي الضعن منهو اليحاميهن
منهو اليعينه يندب حسيناه
جمرة حنينه بكل مأتم وياه
السجاد والعبره
**
اصعب امر شافه *ماتنحچي اوصافه
سولف لحداي الرمح وبنبره محزون
گله النضر هدنه*اشويه ابتعد عنه
ويانه نسوان وصعب نضرات العيون
نسوان كلهه امخدره وطر افه السوگ*
ومكشفه النوگ
ابلايه هوادج ودخلت چم گلب محروگ
ومكشفه النوگ
كل حره دمعته نهر فوگ الهزل صعبه
زين العباد ابمحنته صدره انترس غربه
بعينه الضعينه تندب حسيناه
جمرة حنينه بكل مأتم وياه
السجاد والعبره
*
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لمولانا الامام السجاد عليه السلام
گعديه ( على لحن هاي دار النوايب)
من حديد الجامعه تنزف رگبته
شما نظر حال الحرم تنزل دمعته
علهزل يمشن خواته
وبالخرايب ليله باته
بالسبي مانشفت الدمعه ويه عمته
--------
شلون حاله اليگضي وكته بالسبي ليله ونهاره
ويدخل ابكل يوم بلده وي اهل بيته الاساره
حگه ما تنشف دمعته ومن دمه دمعه يتجاره
والتحدي بضعونه الغرب
ماتنشف ادموعه التصب
والسوگ كله من يطب علضعن شابح انظاره
يطب سوگ اوچان مكشوفه الهزيله
وكت بالسوگ ويمر طول العقيله
المسبي يتمنه مماته
---------
الينسبي وي اهل بيته اتصير خطواته ثگيله
ومحنت اليوگع اگباله شلون ينزله ويشيله
بالحديد امچتفينه وبالمرض ماخوذ حيله
ممرود گلبه من الألم
وروس اهله مابين الحرم
شافو تگطر منهه دم اعيونه واعيون العقيله
شاف بعيونه هظم ذيچ المصايب
وسمع كل ونه وبچي بنص الخرايب
وبالبچي خلص حياته
---------
يسمع اونين الخرايب كل مسه ويحترگ غيره
وحده ندبتها على ابنها اوحيدها الما عدها غيره
وحده اخوهه وحده ابوهه تبچي اله بدموع حيره
وبيهن بواچي ام الخدر
تبچي بگلب يلهب جمر
تبچي اعله مسحوگ الصدر الچانت بفيه اميره
والاميره الچان اسمة الهاشميه
صار اسمة ابكل بلد هاي السبيه
صوت ينگال اشعلاته
----------
من بلد والبلد مسبي ضعن سادات العوالم
والشماته بكل مدينه تنتظر ظعن الهواشم
امچتف والله يعينه يشوف مچتوفه الفواطم
مچتوفه چم حرمه وطفل
كله تصدله من الهزل
يعاينهم ودمعه يهل وشنهي حاله الله العالم
والشماته للضعن چانت تتاني
وفرجه صاير هسه للقاصي والداني
انذبح رداد الشماته
---------
طبو الشام ولگوهه الناس فرحانه ابذبحهم
ابطبل وبزينه وشماته لاگو المذبوحه اهلهم
ضعن بنواع الاماكن چان حاديهم يفرهم
غير الشتم غير النظر
من كل كتر رمي الحجر
ماتن فواطم بالقهر من البواچي ومن ظربهم
الشام نسوانه رمن ظعن الاساره
ابماي حار وبيهن اليرمن حجاره
وبحقدهن رامياته
---------
هوه الگايل ليته امي لم تلدني وانخزينه
للقصر وبحبل واحد وي خواته امچتفينه
راس ابوه بالطشت ينطگ العليل تشوف عينه
بديوان متجمهر غرب
ومن دم دمع زينب يصب
وزينب حچت من ينظرب شيل ايدك عن ولينه
كون حاضر بينه راعي الكلافه
يگطع اچفوفك گبل ضربه اشفافه
راح المدلل خواته
عاي الحميداوي الكربلائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
وين أبچيك *** وين أبچيك
يَّم عذالي بية من أبچي تتشمت
يَّم عيالي من أنهار تتــشتت
وين أبچيك
ــــــــــــــــــــــــــــــــــــــ
دليني بمچان ابچيك ـــــ روحي بدمعي مختنگة
ويا خيط المنية وياي ــــ بيني وبينة الشهگة
هوة المحترگ بفراگ ــــ بيش يطفي الحرگة
وأنا البية مو بس نار ــــ نار بنار منطبگة
نار خيام *** نار الشام
نار أطفالي ما بين الخيم شبت
يَّم عذالي بية من أبچي تتشمت
ــــــــــــــــــــــــــــــــــــــ
اركض وين ماكو تراب ــــ عَــجّة و نار مشتدة
حتى شما عِلى الدخان ـــ أبچي براحتي بسدة
ولو سئلوني أگلهم صار ـــ دمع عيوني من عندة
وبهاي الحجج يحسين ــــ دمعي إعليك يتبدة
لو بتراب *** ذاري و هاب
صاير حالي، هيچي دموعي لو صبت
ــــــــــــــــــــــــــــــــــــــ
مو مالت دمع يحسين ــــ سكتة وصوت ما يطلع
دمع البينة مال عيون ـــــ مو بس تبچي، تتشلع
يل متگطع من السيف ــــ كون إعليك نتگطع
ما فزعتلك النسوان ــــ عاد دموعهن تفزع
جسمك ظال ***خوية أوصال
هاا يلغالي، منك وصلة ما سلمت
ــــــــــــــــــــــــــــــــــــــ
من دم الصخر يبچيك ــــ أختك شنهو تبچيلك
كون تصير كلها دموع ــــ مو دم، روح، تنطيلك
ومن الروح شنهي يصير ــــ اغلى وحتى تفديلك
بس، هم، ما أظن توفييك ـــــ يا غالي اليوفيلك
بيش أفديك *** روحي انطيك
يتراوالي، روحي بروحك ألتمت
ــــــــــــــــــــــــــــــــــــــ
ما افرح عيون عداك ــــــ يمهم دمعي ما انزلة
انا اعرفهم يريدون ـــــ لأختك بعدك الذلة
بس وداعتك هيهات ــــ گطرة لدمعي ما هِـلَّـة
لو اعرف أموت هناك ـــــ جفني بدمعي ما أهدلة
ميشوفوون *** دمع عيون
خوية گبالي، كل عيونهم ذلت
ــــــــــــــــــــــــــــــــــــــ
يمفطر سماها دموم ـــــ گلبي شلون ما أفطرة
چا هوه الگلب شيصير ــــ خوية وشنهي اليصبرة
وگلبي الـ ماعليك ينوح ــــ شِـلِّه بضلعة وبصدرة
يل ضلعك طحن مطحون ـــــ ضلعي شلون ما اكسرة
لو مطحون *** گبلك كون
هيچي أمالي، كون ضلوعي انطحنت
نسألكم الدعاء
ابو سجاد البزوني
1447 هـ
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
يا من بگيتوا فوگ الرمال
نزلن اعلينا امصايب اثكال
ونريد نخبركم بمرسال
سمعوا الحچي والحچي چتال
نسوانكم ما بين الرجال
سمعوهن وشافوهن أنذال
ويردن غيارى إتهد الجبال
ضلن ترى بعازت الكفّال
عگب الگمر اظهورنا اهلال
فزعوا بصوارمكم يـَ أبطال
يهل الحمية عدكم عيال
دخلوهن السوگ اعلى الجمال
ودرب السبي عذّب الدلال
كشّر اوجوه وموّت أطفال
يا آل هاشم نكسر الحال
نتمايل ومشونا أميال
مو احنه ليگيدونه بحبال
احنه بنات الزهراء والآل
علي العابدي النجفي
#اللهم_عجل_لوليك_الفرج