7793
💠⚜عشاق الحسین(لطمیات)⚜💠 👇👇👇👇👇 @ashaghalhossein 💠⚜عشاق الحسین (الأبوذیة)⚜💠 👇👇👇👇👇 @ashaghalhossein3 💠⚜عشاق الحسین (للنعي)⚜💠 👇👇👇👇👇 @ashaghalhossein4 💠⚜عشاق الحسین قصاید نسائیة⚜💠 👇👇👇 @ghsahdhossinyat
🎤📕📚القصيده 📜جرحه بلنحر
دللول الولد غطاه التراب
جرحه بلنحر ياناس ماطاب
〰️〰️〰️〰️〰️🎤📕📚〰️〰️〰️〰️
دللول الولد عبدالله مانام
عطشان امن امس شطلبه الاسهام
جرحه بلنحر هيهات يلتام
{يضمدونه بتراب الكاع }
〰️〰️〰️〰️〰️🎤📕📚〰️〰️〰️〰️
عبدالله عزيزي شلون ياذونه
طفل عطشان ليه تسولف عيونه
قطرة ماي اريدن موش نمونه
{اسكَي وليدي بشوية ماي}
〰️〰️〰️〰️〰️🎤📕📚〰️〰️〰️〰️
صابوهه بسهم واطشرت ادمومه
مات بحضن ابوهه وروحي مهظومه
حركولي المهد سلبولي اهدومه
{ماخلولي ذكره امن ابني }
〰️〰️〰️〰️〰️🎤📕📚〰️〰️〰️〰️
حركو كلبي يوم المهده حركوه
ماكفاهم ابني ازغير ذبحوهه
كلبي امفرفح ولا هاد خلوه
{وي اترابه كلبي يسولف }
〰️〰️〰️〰️〰️🎤📕📚〰️〰️〰️〰️
اسولف ويه كبره وحيل مابيه
عبدالله وبدونه الدنيه مطفيه
يمه احلام عمري هواي مجفيه
{ذبحوهه احلامي بذبحك }
〰️〰️〰️〰️〰️🎤📕📚〰️〰️〰️〰️
كلمات العلويه خادمة اهل البيت ع
#الشاعره_فاطمه_هاشم_الحسيني
تنزيل برنامج محرم الحرام لعام 1448 هـ
للشاعر المبدع زين العابدين الشمري
ويتضمن قصائد الحزن العاشوري
للاطلاع والتنزيل عبر الرابط التالي:
/channel/zainabdeen
نسأل الله القبول والتوفيق لخدمة أهل البيت (عليهم السلام).
فزاعيه للعباس عليه السلام
========
خايب ياشمر ميّل عن الحومه
دخل عباس ونته تعرف علومه
========
خايب ياشمر لتصير جدّامه
تروط الگاع ويزلزلها بجدامه
ضرباته ترس كلهن على الهامه
يطويكم بسيفه طوي العمامه
ومشهوده // ضربات الكافل
📊📊📊
دخل عباس راسه من الغضب دخن
وعيونه شرار ولو خزر جدحن
ماهاب الكفر طبلهم مسرفن
ابن وقاص من شاف الگمر صخن
من اعيونه // شردو للبر
📊📊📊
صوله مجربه وشلون هداته
تطير ارگاب ماتنگحم ضرباته
لو يضرب بسيفه الراس مافاته
ماخذ من علي بلحرب شمراته
بشمراته //چنه الكرار
📊📊📊
بلهدات موت احمر يسمونه
بسوح الموت فنه الي وگف دونه
مايخطي بضربته الكل يعرفرنه
ابن ام البنين الشهم ياعونه
يسمونه // ابن البدويه
📊📊📊
واليگرب بعد مكتوب اله موته
كون يشيل فوگ اچتافه تابوته
يفز ويطيح لو بس ينسمع صوته
ومن صوته // مرعوبه الگوم
========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
🚫
#اللهم_عجل_لوليك_الفرج
#یوسف الزهراء 💔
موشح لعبد الله الرضيع عليه السلام ( راسك المگطوع )
يومك گضاني وماگضيته
كلش صعب من هجم بيته
دورت بس ثوبك لگينه
نحرك الدامي ولانسيته
( النزلة )
راسك المگطوع يتراوالي
مانسيته ولاطلع من بالي
لاتضن يطيب يسعر بالگلب
وينك اوين المنيه والحرب
حنضل امصابك وابد ماينشرب
ياشريچ ارويحتي ودلالي
راسك المگطوع يتراولي
ياشريچ الروح وعيوني التسيل
لاتضن انساك عايش بالدليل
عالتراب شلون اعوفنك واشيل
كون ميته اوياك والله اشوالي
راسك المگطوع يتراوالي
كون ميته وماريدنه العمر
واندفن وياك وبنفس الگبر
فوگ ضيم اصوابكم ضيم اليسر
واليسر والضيم شلن حالي
راسك المگطوع يتراوالي
اليسر والضيم واسياط العده
خلن متوني نحيله وبايده
للصبح ضليت انوحن گاعده
بالخرايب لاسگف لاوالي
راسك المگطوع يتراوالي
بالخرايب لاتچيه ولاعمد
وين ادورك وين اشوفك يالولد
بالسهم فطماك ظالم بن سعد
وانته عد ربك مقامك عالي
راسك المگطوع يتراوالي
انته عد ربك عظيم المنزله
بيش يطلبني ويطلبك حرمله
صوباك وعيني ضلت هامله
ماحويتك ضيعيتك تالي
راسك المگطوع يتراوالي
ماحويتك واشتكي الرب السميع
ذبحو المظلوم والبعده رضيع
ورده چنك ذابله بنص الربيع
والمهد وحشه ومچانك خالي
راسك المگطوع يتراوالي
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
🚫
#اللهم_عجل_لوليك_الفرج
#یوسف الزهراء 💔
*قصيده لمسلم (ما ينام حسين)*
*من ديوان مسير الفواطم الجزء الاول*
❥━──➸➽❥❂❥━──➸➽❥❂
ماينام حسين وعيونه تهل
ياحسافه ايگول مسلم ينچتل
❥━──➸➽❥❂❥━──➸➽❥❂
ياحسافه ايطيح مابين الغرب
مسلم الصنديد جيدوم الحرب
راد شربت ماي لاكن ماشرب
لااخوان اوياه لايمه اهل
❥━──➸➽❥❂❥━──➸➽❥❂
لا اخوان اليمه لا اجته هله
ولا اله حظرت جميع العايله
وبته دمعتهه على الخد هامله
تحس واليهه گرب منه الاجل
❥━──➸➽❥❂❥━──➸➽❥❂
گرب من عنده الاجل بالكوفه
اليوم مشتاگه حميده اتشوفه
وسفه طاح السيف من اچفوفه
وضل عله التربان شيال الحمل
❥━──➸➽❥❂❥━──➸➽❥❂
ضل عله التربان مگطوع النحر
ياحسافه من قصر عالي انشمر
غدرته العدوان مسلم وانغدر
وانگطع حبل المحنه والوصل
❥━──➸➽❥❂❥━──➸➽❥❂
انغدر مسلم وصابوه العده
وبگت جثته عالتراب امدده
والغريب ابعيد مايدري اشسده
نعش ابو طاهر توذر وانسحل
❥━──➸➽❥❂❥━──➸➽❥❂
*بقلم ✍🏻 شاعرة اهل البيت ع*
*العلوية مريم النور نسألكم الدعاء الفاتحة الى روح اختي ولأمواتكم:🍃*
🚫
#اللهم_عجل_لوليك_الفرج
#یوسف الزهراء 💔
مديت ايدي وما مد ايده حاچيته وكلمني اوريده
نعمه وبي انفاس
دم بعينه وسهم بعينه عباس وما شاف حسينه
ذابحني العباس
:::::
حيلي يم النهر طايح راح اخوي وكلشي رايح
راجعلچ بلا حيلي
طاحت الخيمه الي تلمنه عالنهر ظل اكبر زلمنه
يا زينب وتچيلي
لزمت ايـــــده ولگیته بلایه چفین
یاهــــو گال یمي وگتله انه حسین
اليوجعني انت ما توجعني الاسهام
هـــــــا عباس گتله الیوجعك وين
احچي وياه وما يسمعني هاي جروحه شگد توجعني
اصرخ يا وفاي
شحچيلچ یا زینب عنه من الكافل گطعني الضنه
انه مدنگ الراس
:::::
عباس زینب راجعلها عنك إذا تسأل شگلها
مخضب كفیلچ دمه
انظر اخوك مدنگ الراس شعندي بعد من راح عباس
سمع حسينك كلمه
اه يا طيحتك شيب بلحيتــــي
شايل بيتي بس طيحت بيتي
يا عباس انظر شوف الحسين
قبلك كـــــــون ابو فاضل منيتي
شماتي تباوع يله انهض انه مرضرض وانت مرضرض
نفس البيه وبيك
من الخيمه وجيت اتعثر ما بيه حيل حسين ويگدر
وتباوعلي الناس
:::::
لون وجهي تعرفه اختي طيحتك هاي اكبر كسرتي
زينب تعرفك بيه
اتوچه بيه وشدلي حيلك ها يا ابو فاضل دخيلك
باوع لاخوك شويه
زينب تنتظــــــرني اباب الخيام
منك راح ارد امـــــــــــدنگ الهام
ركضتي من الخيم للمصرع شلون
حسين وكبر يم مصرعك چم عام
ما ريد الماي ورد لينه بس احچيها تموت سكينه
ما تتحمل هاي
ما نعطش احنه من انشوفك بس رد لينه وبيك اچفوفك
چا بیمن تنقاس
:::::
ها يزينب طيحي الخيام حسين راجع يلطم الهام
رايح كفيلچ زينب
رد الحسين بلا عمامه صار العويل بنص خيامه
اطفال رضع تنحب
راجع للخيم ويدي اعله ظهري
يزينب ابد مــا ينجبر كسري
كلشي يهون بس المهم عباس
بعد الگمر یگصر حتی عمري
مدري شلون وگمت انه امشي ابيض راسي وشيب برمشي
اصفر وجه حسين
اسمع ظل يصيح العسكر راح يطيح حسين تعثر
بالخيل وينداس
:::::
راح ارد عباس وحدي منكسر ودموعي اعله خدي
تقبل ارد من دونك
ينطيني گلبي شلون اعوفك ما اگدر بهالحاله اشوفك
انظر سهم بعيونك
اريدن انــــــه اسمعك خاطر ارتاح
بعــــــدك راح يخلص عمري بنياح
يكبش الجيش ظل حسين مكسور
اليفگــــــدله گمـــــر یا یوم یرتاح
اخر كلمه خليني اسمع انهض وياي وخل نرجع
اسمع صوت حسين
موجوع حسين من صفاحه زينب بعدك ما مرتاحه
مجروح الاحساس
:::::
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
موشح في عبد الله الرضيع عليه السلام
شلـون بيه وللذبح وديتك
ابقيت يمّي بالمهد ياريتك
ـــــــــــــــــ
انته آخر نفس بأنفاسي چنت
شلون من ايدي يعبد الله رحت
انگطع نحرك بالسهم وتصوّبت
بهذا حالك للخيم ردّيتك
ـــــــــــــــــ
كون اجاني السهم يبني ولا اجاك
من الحراره السهم حسّيته چواك
فرفرت روحك الم لمّن رماك
وفوگ ذبحك عطش ذابح رِيتك
ـــــــــــــــــ
يالولد چنت بحیاتي اشتريك
يامن بنسمة هواي انته شريك
بالحرب گطعو نزاع القوم بيك
وبعباتي شلتك وغطّيتك
ـــــــــــــــــ
من تضيج الدنيا بيه واختنگ
اسمع امناغاك ياوردة عشگ
ساعه ما اگدر اعوفك وافترگ
وفاجئتني بمذبحك تاليتك
ـــــــــــــــــ
صورتك عن عيني ماغابت ابد
اجي وانظر للمهد خالي المهد
صدگ یاعبد الله ماترجع بعد
وآنه يبني تكبر اتمنّيتك
ـــــــــــــــــ
يبني جبتك للخيم مالي گوه
بریتي اشعر منگطع حتى الهوه
ريت چان السهم یذبحنه سوه
ولا لأمّك تجري دم انطيتك
ـــــــــــــــــ
امّك من اخذتك من ايدي ذبيح
عالوجه رادت يعبد الله تطيح
تگالبت وي زينب وگامت تصیح
رد عليه يالولد ناخيتك
ـــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في ابي الفضل العباس عليه السلام
ليش راجع وحّدك حاچیني
وين عباس الگمر دلّيني
ــــــــــــــ
كلشي بيك امشيّب ومحني الظهر
ومنهو مثلك هالشكل ظهره انكسر
هاي اول مرّه تمشي ابلا گمر
وحسرتك من عن بُعد تچویني
ــــــــــــــ
ياعسى ابعيد البله شجايب حچي
وليش من تمشي تميل وتنتچي
وذابله عيونك يخويه من البچي
گلي بالله اشصاير وبچیني
ــــــــــــــ
ليش من اخيامي طيّحت العمد
چنك اتگلي بقينه بلا سند
وين ابو النوماس حلّال الشدد
بدون شوفة وجهه شلي بعيني
ــــــــــــــ
لزم ظهره حسين ودموعه تسيل
ايگلها یازينب بعد راح الچفیل
وحملي گدام الشماته ظل يميل
والعده احچایاتهه اترامیني
ــــــــــــــ
عالنهر عباس يازينب هوه
وطاحن الچفین والرایه سوه
والسهم من عينه ماي ودم روه
ایگلي لخيامي اخذ چفیني
ــــــــــــــ
يعتذر منچ اخوي الهاشمي
ومن الاطفال العطاشه وکل ضَمي
حيث جود الماي طاح مرتمي
يگول منچ آسف وعذريني
ــــــــــــــ
مثل عباس الشهم من وين اجيب
چنت بوجوده ولا اشعر غريب
بس ساعه ايطيح جثماني سليب
وچان بس عباس الیحامیني
ــــــــــــــ
فراس المحمداوي
٩ ذي الحجة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
وصل شهر الحزن صفيها نيتك
دخــان الخيم دخله اعله ريتك
گلبك كون ما يبرد اريده دموعك خلها تنزل بالقصيده
:::::
ما ريدن گلبك يبرد ومحترگه الخيمه بنار
اعصر گلبك بچفوفك چوي بالجمر الحار
مره اعشگ لا تعشگ مرتين
نظف گلبك بس لسم حسين
ما حب غيرك گله
من تحب حب حسين جنون
من تنسه تذكر قصة جون
هذا الحب يندله
وصل شهر الحزن حظر دموعك
كون من اللطم تكسر ضلوعك
حسين انگطع يا عالم وریده
:::::
خليك بنفس الحرگه ومو دمع انت ابچي اعيون
خليك بثوب الأســــود مــــا يرهملك اي لــــــون
مــــا املك غيرك يا مولاي
ما ناسيك انه بشربة ماي
ياساكن بنفاسي
علگ رایه بدارك لحسين
اعميها لما تبچیله العین
اسمك تاج براسي
كون بخدمتك صاحب رساله
خلي غيرك يشوف انتقاله
نعمه حسين اذا يقبل عبيده دموعك خلها تنزل بالقصيده
:::::
موسم حزنك يتجدد منطيك احنه وعود
احنه نموت بلا خدمه مثل السبحه وشاهود
اخدم عالفطره وانت تصير
تتحسب باچر عـــــالتقصیر
لا تتكبر افهم
لا تتغير لو صرت احوال
بلا خدمة ماكو راحة بال
من الخدمة اتعلم
خلي دموع عينك بس لامامك
هاي الخدمه التعلي مقامك
طلع بالعزاء فكرة جديده دموعك خلها تنزل بالقصيده
:::::
تستاهل زينب دمعك لا تبخل عنها دموع
بالطمه انت اكسر ضلعك لجل المكسور ضلوع
تدري بزينب تدخل بشام
وبدمعك طفي اعليها خيام
زينب نص الهيمه
من تشوف ادموعك ترتاح
خلصت ايام الحره انياح
من الطف وضيمه
زينب ركضت من العام للعام
تحرگ خیم لو اطفي الخيام
زينب بالغرب ظلت وحيده دموعك خلها تنزل بالقصيده
:::::
صفي النيه ولا تبقه وحدك مشغول البال
انت اعيالك يم عينك وحسين بدون عيال
انت عيالك يمـــــــك باقين
بالهيمه تنام عيال حسين
فوگاها اطب السوگ
افدي حسين شما عندك جاه
گله مصابك لا مـــــــا انساه
والخدمه اعليك تلوگ
حرز هالخدمه وتنفعك بعمرك
بس حسين يوگفــــلك بگبرك
يا مولاي غيرك ما اريده دموعك خلها تنزل بالقصيده
:::::
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
موشح في السيدة ام البنين عليها السلام
ابچي عالظلّت خليه ادياره
سافر ومالي علم بخباره
ـــــــــــــــــــــ
مظلمه ظلت ادياره وموحشه
يوم راح حسين بعياله ومشه
آنه يوميه اعله بابه امغبّشه
اگعد واشتم عطر آثاره
ـــــــــــــــــــــ
من اصلي الفجر ادعي بالسجود
كون مهجة فاطمه سالم يعود
ويظل گلبي بحزنه يرجف مايهود
وجفني مايگطع نمير اعباره
ـــــــــــــــــــــ
بالي بس بحسين مشغول وقلق
انتظر جيته واتاني يستحق
ريت وي زينب بركبه التحق
هناك ابره العيلته واخداره
ـــــــــــــــــــــ
من تضيج الدنيا بيه واختنگ
افرش امصلایتي بحب وعشگ
افتح القرٱن ینطيني الصدگ
گلت اتفائل واشوف ابشاره
ـــــــــــــــــــــ
اقريت بلچي الرجعت احبابي ضمان
طلعت آية كل من عليها فان
يعني عافوني الغوالي ودهري خان
آه والدنيه شكثر غداره
ـــــــــــــــــــــ
وصدگ لن اسمع بشر جاي ويصيح
يا اهل يثرب ابو الاكبر ذبيح
وابو فاضل عالنهر دامي وطريح
الگوم گطعت يمنته وايساره
ـــــــــــــــــــــ
وللبقيع اتعنه كل يوم واروح
اصنع اگبور وعليهن ابقه انوح
فگد ابو اليمه جرح فوگ الجروح
وتدوي مابين الجوانح ناره
ـــــــــــــــــــــ
فراس المحمداوي
٢٩ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
ادخلــــــوهـــــا بســــــلام آمنيــــن
ان شاء الله الخدام مـــــن الفايزين
:::::
(١)
ادخل المجلس وخل عينك جريه
حاضره بالمجلس الزهره الزجيه
خلي عينك تبچي عالراحت سبيه
گلها یا ام الحسن عینچ علیه
بدفتر ام حسين احنه مسجلين
:::::
(٢)
قسم ما عوف المجالس بيها حاضر
اعليچ زینب اسمي سجلي بالدفاتر
ساعتي بالگبر صعبه شلــــــون باچر
ساعه الطم ساعه اخدم ساعه ناشر
احنه نصرخ كلنه عشاق الحسين
:::::
(٣)
ساعه اوزع ماي ساعه احضر عزاء
ابد مــــــا ينقطــــع يحسين النداء
والله نص اگلوبنه اسمچ کــــــربلاء
انكتب مــــولاي اسمك بالسماء
انت یا مولاي امان الخائفين
:::::
(٤)
منــــي اتقبل دخيلك بالقليل
وگفتك رايدها لــــو باچر تميل
انه امقصـــر وتنطيني الجميل
ادري ما تنساني حاشه ومستحيل
بدرب الحسين احنه نمشي وسائرين
:::::
(٥)
يا إلهي الكـــــون حقق طلبتي
كون اريد العمر كلــــه بخدمتي
انت قاضيها الحوائــِج حاجتي
بالحسين اتوسلك وبدمعتــي
يا إلهي بجاه امير المؤمنين
:::::
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
موشح
اشجابنه الوادي الطفوف اشجابنه
بيوم واحد مشت كل احبابنه
ــــــــــــــــــــ
اشجابنه الوادي الطفوف وكربله
گاع غربه وارض مزروعه بله
وبيهه ابو السجاد يدري بمقتله
ولليسر هم حاسبين احسابنه
ــــــــــــــــــــ
اشجابنه وما شفنه بس چتل وذبح
وچم عزيز انشال راسه عالرمح
صور من بال الحرم ما تنمسح
لَمَن نذكرها يهيج اصوابنه
ــــــــــــــــــــ
اشجابنه وظلّت بواچینه تطول
وعلي الاكبر وذّرت جسمه الخيول
لَمَن جابه حسين چن جاب الرسول
ويلي ومن ادماه صار اخضابنه
ــــــــــــــــــــ
اشجابنه وچن طاح بالحومه الحسن
من وگع جسام وشموعه انطفن
ثوبه الابيض صار ياويلي چفن
وعالدهر لازم يطول اعتابنه
ــــــــــــــــــــ
اشجابنه وعباس ظل عالمشرعه
یجري دم راسه وچفوفه امگطعه
كسر ظهر حسين عظم الفاجعه
وفگد ابو فاضل عكس دولابنه
ــــــــــــــــــــ
شجابنه وعبد الله مفطوم بنبل
يبس ريجه وانسگه بدم وچتل
شنهي ذنبه ايموت مذبوح الطفل
هالسؤال احتار بيه اجوابنه
ــــــــــــــــــــ
اشجابنه ورد المهر خالي يصيح
الظليمه حسين عالغبره ذبيح
بيه مابيه گمت اعثر واطيح
اتحضر السلب الخيم سلّابنه
ــــــــــــــــــــ
اشجابنه ويم الخيم عج الغبار
غارت اعلينه الزلم والجيش غار
وجرو بخيامنه المستوره نار
بس نسه وفرينه من اطنابنه
ــــــــــــــــــــ
اشجابنه وماظل ولي بليل اهدعش
والجسوم ابلا غسل وابلا نعش
باچر الحداي بينه لو غبش
الاطفال اتظل ذمم برگابنه
ــــــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
عرضو الانصار يم حسينهم
چان بس الموت بینه وبینهم
^^^^^
حبيب اتكــــلم اول واحــــد ابشر
عالمكشوف نحچي وموش بالسر
نموت نعيش احنه وياك يحسين
حبيب بخدمتك ويخدمك الحر
مـــا خلـــــي الشــــــر يوصلك
بالگلب يحسين وبنص عینهم
چان بس الموت بینه وبینهم
^^^^
عابس گال هاي الحرب سهله
ويـــــاك القــــتال حسين يحله
مثل الفرض انت واجب يصير
عدنه حسين ثابت مثل قبله
خلينـــــا الجيش تحيــــر
حسين انت المهم انت ودينهم
چان بس الموت بینه وبینهم
^^^^
هوس جــــــون يــــم حسين رباط
يحسين احنه ذوله انصارك انشاط
مــــا نرجع لـــون نــــدگطع اوصال
منخلــــي الخيـــــــم بشرار تنحاط
طبيناه الطــــف لاگنـــــه
وينهم كلمن يجونك وينهم
چان بس الموت بینه وبینهم
^^^^
ما نرجع ابد حـــــد گطع الانفاس
تاج انت واكيد التاج عــــــالراس
وين الحار احنه انصارك وشوف
بينه حـــــروره من الگمر عباس
هـــــد بينه نبيض وجهــــك
موت الأحمر زلمك مسمينهم
چان بس الموت بینه وبینهم
^^^^
صحبتهم وفـــــــه وبلا مصالح
وين الفزعه بي والكــــــله مالح
الما مجروح الك لا ترضه ابد بي
كون الكل الك يحسين طايح
مـــــا بينه اليرجـــــع سالم
اشر ويحسين الك نمحيهم
چان بس الموت بینه وبینهم
^^^^
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
حديث ونعي لنزول في كربلاء
عندما نزل ضعن الحسين بكربلاء قال عليه السلام ما اسم هذه الارض قالو العقر
قال عليه السلام اعوذ بالله من العقر
قال عليه السلام هل لها اسم اخر
قالو اسمها كربلاء ويقال لها نينوى
فبكا الحسين ع انها كرب وبلاء
اخبرتني ام سلمه قالت كان جبرئيل عنده رسول الله صلى الله عليه واله وانته معي قال النبي دع ابني فتركتك فاخذك ووضعك في حجره فقال جبرئيل اتحبه.
قال نعم قال ان امتك ستقتله وان شئت ان اريك تربه من الارض التي يقتل فيها
قال. نعم قال قال جبرئل اسمها كربلاء
فبكه النبي صلى الله عليه واله بكاء شديدا
ماحال زينب وهيه ترى ارض كربلاء
وتعلم مايجري عليها
تنضر الى الحسين والى قلة اصحابه
ساعد الله قلبك مولاتي زينب
صاحت
نعي
بهاي الارض ينزال فيي
وهنانه اشوف نحر اخيي
خوال الولد يرحون مني
تعمه العيون وماشفتها
الخوة خلصانه اعرفتها
خاف تعوف زينب يالجبتها
من شافته ايعدل بالخيام
صاحت يبعد اختك يضرغام
خاف تعوفني وفوك الثره تنام
ذني يخوتي ايام الوداع
وباجر اهلنه تنام عالكاع
وتعوفوني بضيمي يالاسباع
شفت كربله وانخطف لوني
واصيح يهلي اتلاحكوني
يردون اخوتي ايودوعوني
عليمن يخوتي الجمع ملموم
قلة يخوتي وكثرت الكوم
يردون حز راسك يمظلوم
عفيه عليه وحيل بيه
طبيت لرض الغاضريه
وخال الولد جبته بديه
خويه يبعد اصبي العيون
نيتكم تعوفوني وتنامون
يعباس كلي بزينب شلون
لوغمضت عينك يكافل
ياهو الكفيل ابها المحامل
صدالها ودمع العين هامل
جواب العباس ع
الموت مايصعب عليه
بس عيني عله زينب جريه
خاف تروح من بعدي سبيه
يحسين باصرني عله اختنه
لو عالثره يحسين نمنه
عدمن تضل مدللتنه
خافت عليها الشامت ايعيل
ياخذ ضعنها ويسرج بليل
اليركبها منو لورادت اتشيل
يحسين لوكرب وعدنه
بوليت ايزيد اتضل اختنه
لوجتفوها واعاتبتنه
جواب الحسين ع
بحجيك مرد كلبي يعباس
اختنه تروح بوليت ارجاس
ويه الشمر واترافك الراس
هاي المصيبه البيها اهمن
بناتي تضل عباس عدمن
ويه الغريب اشلون يمشن
سولف والحجي مرد دليله
زينب تضل هيه الكفيله
والحمل بت امي تشيله
حسين ون وهلت العين
يعباس نصبر والصبر زين
بيد الله انودع النساوين
✍ام زينب كربلاء غير مبري الذمه من يأخذ الكلام وينسبه كلام او يحذف الاسم
مجلس نعي للنزول في كربلاء
❥ــــــــ☆ــــــــ●ــــــــ☆ــــــــ❥
هذا ركب الحسين (عليه السلام)
قد اتى الى كربلاء، لما وصلوا إلى كربلاء
إلى أرض الشهادة والخلود إلى طف الماسي كان الحسين قد سمع باسمها من
جدّه وأبيه وأخيه (عليهم السلام) وحين
دخوله الها قال ما اسم هذا الارض فقيل
اله كربلاء : قال هذه هي أرض كرب وبلا
ثم دمعت عيناه..
❥ــــــــ☆ــــــــ●ــــــــ☆ــــــــ❥
«نعي شعبي»
نازل احـــــــسين وحط الخيام
وسوده وحـــــزينه جايه الايام
بيها اعلــــه الثــره امدمه اينام
نصب خيــامه وحط الصواوين
وكـــــــــعد هله وكل النساوين
وحسيــــــن منــــه هلت العين
بیــــها غریب احســین هالیوم
نصــــــب خیــامه وکلبه مالوم
ينذبح بیها ایمـــــــوت مضلوم
حــــــــط الامام وکلبه حزنان
یدری ال.امیه اتعوفه عطشان
یمصیـــبته مامرت عله انسان
❥ــــــــ☆ــــــــ●ــــــــ☆ــــــــ❥
«نعي طور الفراق»
حط ضعونه// احــســـــــين ابرض البله
حط ضعونه// وبيــــــــها نــــزل مـحمله
حط ضعونه// اه منــــــــــها كـــــــــربلـه
ينضرها الحسين // هــالارض ارض المنيه
ينضرها الحسين // بيها يبگه اعله الوطيه
ينضرها الحسين // اه العــده يولونه وليه
اختنگ صدره // مــــــن دخل مولانه بيها
اختنگ صدره // وبالم ينضـــــــــــر عليها
اختنگ صدره // التـــعب روحه لافي ليها
اعليه وحشه // كـــــــــــربله ام المصايب
اعليه وحشه // ضيم مــتروسه وعجايب
اعليه وحشه // وسط گلبه جــــــمر لاهب
❥ــــــــ☆ــــــــ●ــــــــ☆ــــــــ❥
«نعي فائزي»
عـــن هالارض المتربه ينشـد الحسين
كـــلوله اسمها كربله والوضــع مو زين
كللهم افدي روحي بيها لجـــــل الدين
كاصـــدها انــــه هالارض وعندي غايه
وادري بـــيها انه انذبح واهلي ضحايه
وكل النساء وي العده يروحـــن سبايه
غايــــة احسين ابكربله وحطت ضعونه
هــــوه وهله هل ديــــن هذا يــنصرونه
ينـــــزلون باطــــل البشر وحق یرفعونه
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
مجلس اول يوم محرم والهلال
صلى الله عليك يامولاي ياابا عبد الله صلى الله عليك يبن رسول الله وابن امير المؤمنين وابن فاطمه الزهراء سيدتي نساء العالمين غريب يامظلوم كربلاء ياحسين
قريض
يامؤمنا متشيعا بولاءه
يرجوا النجاه والفوز يوم المحشر
ابك الحسين بلوعه وتفجع
ان تجدها لم فؤادك اكثر
وامزج. دموعك بالدماء
وقلما
في حقه حق إذا لم تنصر
والبس ثياب الحزن يوم مصابه
مابين اسود حالك أو
أصفر
ابوذيه
علي ضيم الدهر كل وكت ينهال
ولجيوش النوايب صرت منهال
شهر الكدر عاالاسلام منهال
علي هجمت اهموم الغاضريه
نعي مجردات
والله فجعني شهر عاشور
وخله امن اخوتي خاليه الدور
وعليهم اون والكلب مكسور
من هالشهر تجري اعيوني
وابجي واون عالدللوني
وبنار فركاهم جوني
اويلاه . ياشهر النوايب
كلبي على الخوان ذايب
واشكثر اتحمل مصايب
كسرني زماني ابفكد اخوتي
كبلهم يريته صار موتي
عليهم صحت وانسمع صوتي
ذكرت اخوتي وعليت وني
انه اشجم عزيز الراح مني
مصايب الدنيا دوههنني
انا لله وأنا إليه راجعون
قال الله سبحانه وتعالى في كتابه الكريم
بسم الله الرحمن الرحيم
هنالك ابتلي المؤمنون وزلزلوا زلزالاً شديدا
صدق الله العلي العظيم
هذه إلايه الكريمه من اي الذكر الحكيم تتحدث عن البلاء
ماهو البلاء
البلاء في اللغه هو الاختبار أو الامتحان
الله سبحانه وتعالى يعامل عباده معامله المختبر والممتحن لهم
وحينما يمتحن الله عباده لا لكي يعرف حالهم فهو الاعلم بهم اعلم بهم حتى من أنفسهم فهو يعلم كل شي عنهم ولايخفى عليه شي وانما يختبرهم من أجل أن يهذبهم ويربيهم
وبعتبار أن الإنسان خليفه الله في الأرض يريد الله أن يطهره وينقيه من الداخل فيختبره بالخير والشر
والغنى والفقر بالشده والرخاء وكلما زاد اختبار الإنسان كلما صفت نفسه
وطهرت
وكلما زاد الاختبار زاد الاجر
يقول الامام الصادق
ان الله اذا احب عبدا غته بالبلاء غتا
وحتى يخرج الإنسان من البلاء معافا سليما في دينه ودنياه عليه بالصبر وكما يقال الصبر مفتاح الفرج
لابد أن يتحلى الإنسان اامؤمن بالصبر على البلاء حتى يعطيه الله مايعطي الصابرون من الأجر الجزيل
قال تعالى
انما يوفى الصابرون اجرهم بغير حساب
يقول ابن مسعود دخلت على رسول الله إنا وخمسه من أصحابنا وقد اصابتنا مجاعه شديده ولم يكن اكلنا الا الماء واللبن فقلنا يارسول الله الى متى نبقى على هذا الحال
فقال رسول الله لاتزالون فيها ماعشتم فاحدثوا لله شكرا فاني قرأت. كتاب الله الذي أنزل علي والكتب التي أنزلت على الأنبياء قبلي فما وجدت من يدخلون الجنه الا الصابرون
وافضل الصابرون واهل الصبر هم النبي واله الطاهرين وخصوصا مولانا ابا عبدالله الحسين عليه السلام
الذي انصبت عليه المصائب كلها في يوم واحد في يوم عاشوراء
من العطش والجوع ذبح الاولاد والاخوه وغيرها من المصائب إلا أنه كان كالجبل في صبره وهذا الصبر صار سبب في خلوده وخلود اسمه وخلود مجالسه
يقول رسول الله إن لقتل ولدي الحسين حراره في قلوب المؤمنين لاتنطفي إلى يوم القيامه
كان الامام الصادق اذا دخل عليه شهر محرم لم يرى ظاحكا ابدا وكان يبكي حتى يغشى عليه
قيل له يبن رسول الله
ان الميت يجلسون أهله بالبكاء عليه بعد موته ونراكم وشيعتكم تجلسون من اول يوم من المحرم بالعزاء عليه
فقال عليه السلام
اعلم ياهذا أنه إذا أقبل علينا شهر محرم نشرت الملائكة قميص جدي الحسين وهو مخرق بالسيوف وملطخا بالدماء فنراه بعين البصيره فتنفجر دموعنا ثم قال أحيوا امرنا رحم الله امرأ احيا امرنا أن تلك المجالس احبها هاي المجالس محبوبه من قبل اهل البيت وخصوصا من قبل الزهراء التي تحضر هذه المجالس
وهيه تحمل قميص ولدها الحسين الملطخ بالدماء والمخرق بالسيوف وهيه تنادي واولداه واحسيناه بني حسين قتلوك ومن شرب الماء منعوك
وماعرفوا من امك وابوك
اه اه
نعي مجاريد
انه الوالده المكسور ضلعي
وابماتمك اصرخ وانعي
وعلى مصيبتك هليت دمعي
انه الوالده الكسروا اظلوعي
وابماتمك يجرن ادموعي
ياهو اليسكن الم روعي
انه الوالده وتهمل اعيوني
على ابني يشيعه ساعدوني
وياكم كاعده ماتشوفوني
نعي عاشوري
وياكم أنه بكل عزيه اه اه
ابجي لذبيح الغاضريه اه اه
العطشان ماظاك الميه
انه الوالده بكل مجلس احظر اه اه
ونار الكلب تلهب وتسعر
اه اه
وابجي واصيح الله واكبر
تخلص
افاطم لو خلتي الحسين مجدلا
وقد مات عطشانا بشط فرات
بقلم خادمه اهل البيت
ام حسين الهلالي
# عاشوريات
حديث ونعي للهلال
صلى الله عليك يا ابا عبد الله يا رحمة الله الواسعه ويا باب نجاة الامة ... ياغريب يامضلوم كربلاء ... يامسلوب العمامة والرداء
تبكيك عيني لا لأجل مثوبة
لكنَ عيني لأجلك باكيه
تبتل منكم كربلاء بدم ولا
تبتل مني بالدموع الجاريه
ــــــــــــــ❀•▣
عالعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
🖤قناة للقصائد الحسينيه🖤
🌹 @tyyuuiiopp
السديم الروحي
❤️ @hhali2008
يا صاحب الزمان أدركني ❤️
❤️ @dfghhj8899
{ رفـع •اللّـہ رايه العبــاس ؏ } ³¹³ 🫀
❤️ @Zzzzzzaaaaaiiiiiinnnaaaabbbbb
القصاید المکتوبه للرادودين حسن الصالحي و محمد الجنامي
❤️ @alradodeinpoems
الممهدون لدولة الامام المهدي( عج)
❤️ @almaweudo
قــنـاة صاحبـــة العـــزاء🪶
❤️ @QSA_ED
⚡️قناة أهل البيت (ع) للمواليد
❤️ @ahlulbayta
إرشاد القلوب
❤️ @shjgbbgdsju
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (ع)عبادة
❤️ @qwpaslzmx
ادعية ايام الاسبوع
❤️ @dsjjdgsb
قناة فقه ومعارف ال البيت ع
❤️ @Feqh_Maaref_alulbayt
عشاق ملاباسم الكربلائي
❤️ @rrrhz34
اجمل صور
❤️ @Afubxev
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
نعـي
عليلة الحسين روحي فداهما
اهز كاروك عبدالله ولولي
دللو يالولد يمتة تجولي
الشجر والطير عالونة بچولي
محنيت ظهر مو ذاك طولي
نشدت اطروش عنكم ما حچولي
رائد الأسدي
اللهم_عجل_لوليك_الفرج
نعي للعباس ع عن لسان زينب ع
يحن الوكت وايامك يردها
اليوم الكلب شوفتكم يردها
يكون الميت من انده يرد ها
جا ماضل بعد كل ضيم بيه
..........
كون الوكت بالراح يرجع
والميت من الكبر يطلع
انعاتبه وللعتب يسمع
..............
اشوفه ويزيح الضيم كله
واشكيله عله العالو واكله
انه بوجودكم ماشفت ذله
..............
كون من اصيحن صوت يكعد
يفز من نومته وبالحال ينشد
ترد هدته والعايل ايرد
..............
عليك الون يبوفاضل حلالي
بجالك حجيت براس عالي
والله تلوك الك جلمة الخالي
.............
الموت الاخذ شخصك عتبته
وياه ريتك تاخذ اخته
حنين وضلت بكلبي جلمته
..............
انه اخوج من كال وحجاها
سبعه من ضلوعي حناها
ريت الموت روح اختك خذاها
..............
حسبالي لوجاني علمهم
ماتضل تطلع روح اختهم
عتابي وياك ياموت الخذتهم
..............
اخوي وتعلك بشرايين
وياه الكضن حلوات الاسنين
حنين وبعد مثله وين تلكين
..............
عاشرت الحزن من فاركيته
وحنين مثلك مالكيته
كل ما ثكل همي نخيته
.............
ماهاد كلبي ودوم ملجوم
وينعه عله الخوان كل يوم
بسك يكلبي شفادك اللوم
..............
جلمة الخويه بكلبي ضلت
محلا تها لو علي مرت
كل ما تمرني الروح ونت
............
جاوين الاكيهم واكلهم
شبعت مرار وضيم اختهم
تسولف بضيم الكلب عدهم
.........
✍ام زينب كربلاء غير مبري الذمه من يأخذ الكلام وينسبه كلام او يحذف الاسم من كتاب المأسي الفاطميه الجزء الخامس عشر
🚫
#اللهم_عجل_لوليك_الفرج
#یوسف الزهراء 💔
لطميه مربعه للسيده زينب عليها السلام
=============
مكسور الكلب ومرافك الونه
ثكل ضيم الكلب عدمن افلنه
===
بعد ضيم الدليل اشلون احمله
تهيم الروح وكليبي تسله
اسولف وين همي ومن يشيله
يبن امي عليك النوح اجيمنه
===
صدك نار الفكد تسلب الراحه
على أحبابي اريد انصب مناحه
كضيت بلوعتي ما مستراحه
عليكم كل وكت دمعي اهلنه
===
بعد راحت يخال ابني اليالي
عفتوني بحزن مارحم حالي
صح نار البزر بس أنت والي
ابني وروحي فدوه الطاري المجنه
===
شكثر حلوه الاخو لمن يمرني
ينشدني على حالي وسئل عني
خلاني بجفاه مابطل وني
يبن امي عليك الحيل اهدنه
===
لون بيدي أضمنك بكلبي
يبعد الروح خويه وبعد بزري
خلافك يلحنين شيسوه عمري
من طبتك ليه اكطع الضنه
===
كون عيونكم يبقن عليه
يفين الي وستر حد المنيه
على المكتوب يبن امي شبديه
ثكيل صواب كلبي وبيش اشدنه
===
تمت بحمدالله تعالى بقلمي شاعرة وخادمة أهل البيت عليهم السلام ملا زينب الطويرجاوي ٣١ ٥ ٢٦ ٠ ٢
🚫
#اللهم_عجل_لوليك_الفرج
#یوسف الزهراء 💔
نعي ليلة الوحشة محرم الحرام 1448
-----------------------------------------
صار المسى والوادم اجناب
لامن خيم لا والي علباب
چف الكفيل الجابني وياه
مگطوع گالو فوگ التراب
چلچل علينه الليل يحسين
وردناك بس ما نعرف منين
يخوان زينب يلمطاعين
عدلين لا ما چنهه عدلين
تعبانه واركض للنعاوي
والحيل من النوح خاوي
مو بلوى يبن امي بلاوي
داوي الگلب چانون داوي
حاچيني اجيتك سوي معروف
ليل اهدعش والعين متشوف
لاچدم يمشي وميته الچفوف
شفتك يخويه امشتل سيوف
مديت طولي بطولك وآآآه
صحتك يبعد ام عون ويلاااه
مامش مچان اشتمك حسين
من عمت عيني اعليك خوياااه
نفسي انگطع من صدمتي اعليك
چا وين صدرك خويه احاچيك
بس گلي خويه اشسوت الخيل
ما ظل مچان الينحظن بيك
رادت رقيه تشمك شلون ؟
فوگ الذبح طعنات مطعون
سهام العليك امضيعه الارسوم
والنوب حافر فوگ المتون
شحمل حملت هواي وهواي
ليل اهدعش ما ينصف وياي
عطشان ميت خويه يحسين
فدوه ونذر يغديلك الماي
هذا الرمل يحسين ياذيك
خل چفي حدرك خل اباريك
اسمع ونينك وانته مذبوح
بس گلي خويه شبيك ما بيك
آنه الهلي فوگ الوطيه
المحد ذكرني ومر عليه
خلوني وحدي بكربله هناه
راح الحنين وراح فيه
حلوين الارسوم ماتو ترى حلوين الارسوم
وگليبي مالوم ظهري انحنى وگليبي مالوم
ما شايفه النوم خويه وعلي ما شايفه النوم
ما تگدر تگوم اختك تون ما تگدر تگوم
يحسين وياك فوگ الترب يحسين وياك
واتمدد احذاك بليل اهدعش واتمدد احذاك
يا خويه تفداك اختك ترى يا خويه تفداك
ما اگدر انعاك حيلي انهدم ما اگدر انعاك
ردني اعله بيتي عوف الترب ردني اعله بيتي
چا گول اخيتي يمك واون چا گول اخيتي
ما طوليتي يا روحن چن ما طوليتي
المن بقيتي ماتو هلچ المن بقيتي
كلمات الخادم / رعد الفريجي
نعي محرم الحرام _ 1448
ثوابها الى روح والدتي
🚫
#اللهم_عجل_لوليك_الفرج
#یوسف الزهراء 💔
#حرمله#
الاسهام.. عـد حرمله مختـلفات
النبلات.. والشفرات مسمومات
للطفوف .. للحسين مضمومات
يافاطمه..
ـــــــــــ ❁ ❁ ❁ ــــــــــــ
ليلة دمه كلمن حظر للساحه
برماحه.. الحرب الحسين
.
حرمله نازل يفتخر بسلاحه
وصياحه .. وسط الميادين
.
عندي سهم محد يطيق اجراحه
ذباحه.. شفراته ماتلين
.
لـوصـوبت بيـه البـشر يتـطبر
لون الوجه من سـمّه يصبح اصفر
مجرى الدمه وسط الجسم يتخثر
تصــير العظام بلا لمـس تتكسر
.
.
لاميگوم.. للمعركه الـي ينصاب
مايحــتاج..نرجـع اله بالحـــراب
يصبح عدم.. وبلا أثر بالتراب
يافاطمه
ـــــــــــ ❁ ❁ ❁ ــــــــــــ
.
يم النهر ساگي العطاشى اترجل
وتمندل.. لجيوش أميه
.
غربلهم وخله الجثث صارت تل
من رتل.. بسم الأبيه
.
طب حرمله للمشرعه يتختل
ومتعجل.. يوم المنيه.
.
بيـن النـخـلّ وبنــبلته يتخـفى
حدما نظر عباس گطعو چفه
الفرصه صارت سانحه يقذفه
ماعنده ايد تصد سهم وتحرفه
.
طاح الجود..وي الگمر لمن طاح
والزنـود ..صـارن ربح للذباح
لاميعود ..بعد الذي منچ راح
يافاطمه
ـــــــــــ ❁ ❁ ❁ ــــــــــــ
جمر الخيم والطفل كلش عطشان
اولهفان.. الشربة الماي
.
شاله الحسين وطلعه للميدان
يالعربان.. من يرتضي بهاي
.
حارو لچن ابن سعد مو حيران
بالرضعان .. من غير الراي
.
ياحـرمله طفـــل النبي نريده
عبدالله لازم ينگــطع وريــده
سبـــط النبي لمـن نظر وليده
بضلوعه لمّه وحتضن شهيده
.
هالمصاب..ضجت اله السماوات
الدم راح ..للرب شكى الضلامات
للخيام.. رد مرتوي بجراحات
يافاطمه
ـــــــــــ ❁ ❁ ❁ ــــــــــــ
كلشي انتهى تحظر بعد للمأتم
وتيمم.. ابن عگد الوله
.
صابو جبينه بالحجر وتألم
وترنم .. بمصيبه نازله
.
من وجه راد بثوبه يمسح الدم
وزاد الهم .. بالنبله القاتله
من صوباه حسـين حيل اتوجع
حاول يسحبـه والسهم مايطلع
كلما يحركه جرحه ظل يتوسع
وي طلعته ثلثين گلبه اتگطع
.
بالميدان جسمه انترس بالطعنات
واحد صاح.. دمه انتهى ولا مات
ملهوفات .. ركضن اله اليتيمات
يافاطمه
ـــــــــــ ❁ ❁ ❁ ــــــــــــ
لم الرمل حدر الوجه وساده
اونادى.. ابن حامي الحمه
.
وين الذي يبرز على التمادى
بعناده.. وفتح نهر الدمه
طلع صبي يركض اله بجهاده
بأراده.. رغم جور الظمى
.
.
ابن الحسن عبدالله تعرف اسمي
بعيوني ما أكــدر اشوفك مرمي
ثم التفـت للي بســــهامه يرمي
يبن الخبـيثه تريد تضرب عمي
.
بالهـموم... بالدمـوع بلاحزان
المجروح.. ايوسّده بلاحضان
المنحره..عدهم سهم .هم عطشان
يافاطمه
ــــــــــ ❁ ❁ ❁ ــــــــــــ
هذا الزمن كلماتمر بيه اهوال
هم تنزال.. الباري يبدله
.
الساجد علي لمن سئل يامنهال
شنهي احوال.. بن كاهل بالفلا
.
گله تركته سيدي بأحسن حال
وي انذال.. بالكوفه منزله
.
شال ايده وبخده المدامع مدرار
يامنتــقم يامـقتـدر ياقـــــــــهار
اذق يـربـــي حـــرمله حــر النار
وحر الحـديده الباشـطه ياجـبار
.
هذا الصار.. وهذا الدار بالطفوف
الاحرار .. والابرار. بيها اطوف
بيها اخبار نصر الدمه .عالسيوف
يافاطمه
.
تمت بفضل ربي وعطاء اهل البيت
.
حسن الموالي الفاطمي
🚫
#اللهم_عجل_لوليك_الفرج
#یوسف الزهراء 💔
موشح في القاسم عليه السلام
يانسيم اللي يمر بأنفاسي
جيت اذكرك بالربه لو ناسي
ـــــــــــــــــــــ
انته ماتنسه الربه وكلك وفه
لكن احچایات ام وعاطفه
چنت یاجسّام لجروحي شفه
وچنت معصب بیك اشدّن راسي
ـــــــــــــــــــــ
جیت اذكرك يلي ماتنسه الحليب
شيبتني يالولد گبل المشیب
چنت اظن تكبر بعيني وماتغيب
شلون دنيا المشت عكس احساسي
ـــــــــــــــــــــ
شگد صعب يبني عله الاُم الربه
وشكثر داريتك بدور الصبه
تنذبح ماچنت بیك امحسّبه
وسيف الازدي بذبحك اشگد قاسي
ـــــــــــــــــــــ
چنت اظن عريس اشوفك يالولد
وافرح برفتك يانجم السعد
وبكبرتي اتصير الي عون وسند
وبيك اتنومس يسر نوماسي
ـــــــــــــــــــــ
ياحلم مرني مثل مر السحاب
شلون اعوفك نايم بحضن التراب
واگضي عمري بغيبتك حلم وسراب
وبالدمه ايخضبون وردي وياسي
ـــــــــــــــــــــ
راح اضم اثياب عرسك ذكريات
يدفنوها وياي لو حان الممات
عله عطرك يالچنت لیلیه ابات
وین اروح اتهدمت من ساسي
ـــــــــــــــــــــ
فراس المحمداوي
١٤ ذي الحجة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في انصار الحسين عليه السلام
نادت انصار العقيده بكربله
ياهله بيوم الشهاده ياهله
ــــــــــــــــــ
بالامس چانو سهاره مو نیام
بین راکع بین ساجد بالخيام
عاشو آخر ليله بالحُب والهيام
وفجر عاشوراء اجمل بسمله
ــــــــــــــــــ
اتسابقو للموت والمقتل سباق
للشهاده شلون عدهم اشتياق
الجنة الفردوس حان الالتحاق
صفوة ابطال وتعلّو عالعُله
ــــــــــــــــــ
الله هوه اختارهم يوم الطفوف
ان يخلون النقاط اعله الحروف
وينتصر دم المناحر عالسيوف
وكلمن من ادماه يرسم مقتله
ــــــــــــــــــ
شلون يوم شلون ساعه امباركه
ينصرون احسينهم بالمعركه
وادِم بدرب الحقيقه سالكه
العرف حق حسين بالدنيا شله
ــــــــــــــــــ
بالملاحم خاضو الفن العجيب
مسلم ابن عوسجه بظهره حبيب
اصبغو بالدم شيبهم دون الغريب
ومن عطرهم موضع الطف امتله
ــــــــــــــــــ
وصولة الحُرّ وجهاد ابنه بُكير
ومن وراهم طلع سلمان وزهير
ونافع اوّاضح وأسلم وي برير
وعمرو بن قرضه الغيور وحنظله
ــــــــــــــــــ
عابس وجون وانس والحضرمي
وشوذب وقيس البطل والخثعمي
دروع كلهه اگبال میدان الرمي
بكل نحر مگطوع آيه امرتّله
ــــــــــــــــــ
ياسلام الله عليهم عُظماء
خطو بدمهم مناهج للفداء
تفتخر بأجسادهم طف كربلاء
وهذا حسن العاقبه وما اجمله
ــــــــــــــــــ
فراس المحمداوي
١ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح بين الكوفة والغدير
انغدر مسلم وينهم اهل الضمير
وموقف الكوفه مثل يوم الغدير
ــــــــــــــــــــــ
البيعة الكرار في حجة الوداع
كلهه تشهد والخبر واضح يُذاع
الگالو الحیدر بخن بالاجتماع
ابد ما وفّو عهدهم بالأخير
ــــــــــــــــــــــ
بإرتحال المصطفى كلشي انكشف
والبعض عن سچة الحق انحرف
علي وحده انعاف ياحيف وأسف
والسقيفه صادرت حق الامير
ــــــــــــــــــــــ
تمت البيعه بإجماع النصوص
لچن بعض الناس ماعدهم خلوص
اليوم بالكوفه نفس ذيچ الشخوص
الغدرت الكرار غدرت بالسفير
ــــــــــــــــــــــ
هذا مسلم من اجه ابيعة وفه
ليش بالكوفه يجازونه الجفه
والله لو بحسين عدهم معرفه
چان ماصار الذي بمسلم يصير
ــــــــــــــــــــــ
شافو المعروف منكر شي اكيد
والحچي وياهم فلا يغني ويفيد
كلمن برايه وحسب شوره يريد
وفضلو ابن زياد عالماله نظير
ــــــــــــــــــــــ
نفس ماگالو بخن گالو تعال
اثمنطعش الف ويغدرونك مُحال
تالي مسلم وحده یوگف بالقتال
لحد ما بيد الخصم خلوه اسير
ــــــــــــــــــــــ
الخانت بحيدر علي بمسلم تخون
بشر ما عدهم قلوب ولا عيون
شي طبيعي للدراهم يركعون
والطمع بالمجتمع كلش خطير
ــــــــــــــــــــــ
علي بمحراب الشهاده منطبُر
ومسلم القو جسمه من فوگ القصر
باچر الاشراف شتقدم عذر
من يشوفون النبي الهادي البشير
ــــــــــــــــــــــ
التخاذل ديدن اصحاب النفاق
وبجُبنهم صار دم مسلم يُراق
وصل لحسين الخبر والكون ضاق
والحميده صارت عيونه تدير
ــــــــــــــــــــــ
من مسح راس اليتيمه شگد بچه
وگعدت بحجره وعلى صبره اتچه
وي حميده بصیغة الوالد حچه
انه ابوچ وجرحي بمسلم چبیر
ــــــــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في السيدة فاطمة العليلة عليها السلام
فاطمه ودت الك مكتوبها
وبالدمع يحسين ناگع ثوبها
ـــــــــــــــ
ابنيتك الظلّت حزينه امعذّبه
لمّن انطتني الرساله امحدّبه
تگول ماچنت لغیابه امحسّبه
شحال التفارگ وجه محبوبها
ـــــــــــــــ
فاطمه شيّب گلبهه واحتوه
جمر علّتهه وجمر فگدك سوه
یاهواهه اختنگت ابلایه هوه
وبالأخص لمن يچل اغروبها
ـــــــــــــــ
الگیتهه اعله الباب مكسورة گلب
تنشد اعليك وتعاين للدرب
وين ابوي اتصيح والمدمع يصب
حايره المن تبث معتوبها
ـــــــــــــــ
يذبل ابلا ماي يحسين الورد
والعليله هناك ذبّلهه البُعد
عله درب ظعونك اترابي وتصد
محد ايحقق حلم مطلوبها
ـــــــــــــــ
بيك متعلق گلبهه يالولي
وبس تردد ياحسين وياهلي
تگول واعدني يجي الاكبر علي
یحن گلبي عالحنينه اگلوبها
ـــــــــــــــ
عدهه صار الموت اشوه من الهجر
عيونهه ابيضت وساندهه الصبر
فراگکم يحسين مايوصل عشر
من مصيبة يوسف اليعگوبها
ـــــــــــــــ
فراس المحمداوي
٢١ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في خدمة الحسين عليه السلام
ابخدمتك لمّن صدر تعييني
گلت کون انطيك فوگ سنیني
ــــــــــــــــــ
بيدك البرزخ الباري ودّعه
والخلايق كلهه يمك راجعه
گلت باچر بس خدمتك نافعه
وهیه تضمن لي سلامة ديني
ــــــــــــــــــ
ياعمد ديني وفروعه والاصول
شكبر حظي واستلم ورقة قبول
وبيهه توقيع امك الزهره البتول
وهيّه عندك صانع اتخليني
ــــــــــــــــــ
يم حبيب ايصير فايل خدمتي
وكل وقوعاتي وحضوري ودمعتي
من المهد حد ما انام بحفرتي
ردت نظرة عينك اتباريني
ــــــــــــــــــ
الناس تحسدني عله هذا المكان
بي كرامه وبي معالي وبي ضمان
ابلا تقاعد خدمتك طول الزمان
وخيرك امغرگني وامرضيني
ــــــــــــــــــ
والله غيرك ابد ماعندي سبيل
من اعوفك اگضي كل عمري ذليل
آنه يابن فاطمه عندك دخيل
خاف اتيهن بالدرب دلّيني
ــــــــــــــــــ
يالخدمتك نور يحسين اوضوح
كون اظل بمجلسك احضر ونوح
المابچه اعله امصیبتك ماعنده روح
شگد اموت ودمعتي تحييني
ــــــــــــــــــ
الله خالقني لجل هذا الشرط
گلبي يحسين بمحبتك مرتبط
بالدمه وبالروح حبك مختلط
وعجن بدموع المجالس طيني
ــــــــــــــــــ
اكبر وتسندني يحسين العصه
وعله افراش الموت دمعي ارخصه
اشعر ابدونك حياتي منقصه
هذا منهج فطرتي وتكويني
ــــــــــــــــــ
فراس المحمداوي
٦ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في العزاء البرزخي
لو نموت ونندفن بگبورنه
هناك هم نحيي ذكر عاشورنه
ــــــــــــــــ
حسين يامن سحگتك عشرة خيول
كلشي زائل بس عزائك مايزول
بعالم البرزخ نعي الناعي يطول
للقيامه ويوم نفخة صورنه
ــــــــــــــــ
ان چان فوگ الگاع لو تحت الثره
خدمتك يحسين دنيا وآخره
منهو مثلك الله خلّد منبره
وظل حزن يومك جمر بصدورنه
ــــــــــــــــ
يالبچه اعلیك المُلك والملكوت
الدنيا تخلص واحنه تاليها نموت
هناك هم عدنه عزائات وبيوت
ومجلسك بالبرزخ ايعم دورنه
ــــــــــــــــ
هناك چم دمعه المصابك ترتخي
ويوگف المولى حبيب وينتخي
وين خدّام العزاء البرزخي
يالله خل يبدي لطمنه وشُورنه
ــــــــــــــــ
منبرك يحسين لمّن ينّصب
يجي سيد جاسم هناك ويطب
ينعه وبصوته يگطّع چم گلب
وياه يجي حمزه ويجي منظورنه
ــــــــــــــــ
صوت حمزه ايردد بنبرة قهر
(ياشهر عاشور مامثلك شهر)
هناك راح انشوف للمقتل صور
وراح نندم چي سليمه انحورنه
ــــــــــــــــ
هناك امك فاطمه اتدير العزاء
تصيح واويلاه يعملة كربلاء
هذا ابني حسين مسلوب الرداء
ومن عگب عینه سلیبه خدورنه
ــــــــــــــــ
احنه غيرك ابد ماعدنه سبيل
شما نهل ادموع لمصابك قليل
نقسم اعليك بگطع چف الکفیل
انريد بالبرزخ تجي وتزورنه
ــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
جينه ننشد كــــــــربله وأم البنين
شسوه بيها فگد الحسين الحنين
واه حسيناه واه حسيناه
$$$
جينه ننشد غابو اعليها الاهـــــل
الجفن مــــــن الدمــــــع كلش ذبل
وصـــــلت الاخبار الحسين انچتل
ليش من ولدي ولا واحــــد سأل
اليوم حزني بعد الحسين اكتمل
ساعدوها بدمع واحچو المستهل
عايشه عالدمع بعدك والونين
$$$
هــي كــــل تفكيرها يــــرد بسلام
گامت وفرشت ورد درب الخیام
هي غير حسين ما تملك كـــــــلام
بالها مــــــو بالــــــولد يــــم الامام
الينتظر مـــــا تغفه عينه ولا تنام
حزني انه اعليك ابد ما بي ختام
تدري بيه الدمع ما خلالي عين
$$$
جينه ننشد والسفر كلش خطــــر
انه بعدك بالخيم مـــــا استقـــــر
تدري بيه حسين يذبحني الهجــــر
انه اخاف عليك مــــن حـــــر الظهر
وخاف خيل وتسحگ ضلوع الصدر
وخــــــــاف راسك ينرفع بيد الشمر
يا سنين التبقه بعدك يا سنين
$$$
جينه ننشد كــــــــربله عن الكفيل
مثل سعفه الحره عالناگـــــــه وتميل
والسلاسل گیـــــــدت چــــــف العلیل
بالخرابه اطفــــال الحسين وعويل
الدمـــــع بعيوني بعـــــدك ظل يعيل
انـــــه غير الدمع مـــــــا املك بديل
انه بعدك عمري يخلص بالونين
$$$
جينه ننشد وصل ناعــــي الفاجعه
گـــــــــــال ياهــــــي گتله ام الاربعه
يحچي وياي ونزل كـــــــــل مدمعه
گــــــــــال ابو فاضل چفوفه مگطعه
حسين ابنـــــــچ کلــــها یمه مجمعه
حسين مـــــا يتسولف ابدن مصرعه
خاف احچیلچ وما تتحملین
$$$
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
#العليلة
. آنـــه وآهـاتـي وحـسـرتـي صـرنـه عين اعـلـه الــدرب
بـويـه مــــاتـبـرد جـمـرتـي لـ داري حـيـره شلون اطب
*---------------*---------------*
يالـتركـت بـگـلـبـي حـسـره بـيـه تــســعــر چـن جــمــر
بـسـاعـة الـــودع ظـعـنـكـم صعـبـه كـل لـحـظـه الـتـمـر
بــويـه يالـبُـعـدك فـجـعـنـي بــعــد مــــابــيــه انــتــظــر
يــــوم يـومـيـن انـتـظـرتـك ولَــــــو كـل لـحـظـه بـعـمـر
بويه بـويـه اسمعها ونـتـي الــــــذوبـت مـنـي الـگـلـب
*---------------*---------------*
بويـه مـن حـمـل ظـعـنـكـم اعلـيـك ظل يـربـي الـنـظـر
خذت كلـشـي ومـاخـذتـنـي مــن تــعــنــيــت بــســفــر
اه مـن يـــــــــوم الــمــوادع بــويـه طـگ مـنـي الـظـهـر
اشـوه لــــو فـارگـهـا روحـي فــــــراگـك إمـن الـمـر أمـر
بـغيبـتـك زادت حـسـبـتـي احـسـب ومـــــاتـنـحـسـب
*---------------*---------------*
انه چنت محسـبـه كـلـشـي وفـرگـتـك مـــــا حـسـبـت
حـاسـبـه ويـاك انـه اروحن يـالـعـفـتـنـي انـتــه ورحت
وحــدي ودمـوعـي اتـجـاره بــعــمــر ورده وشــيــبــت
يـمـتـه گـلـي إتـــــرد عـلـيـه يـاحــبــيــبــي اتــأخــــرت
اعله الدرب طالت صفنتي مـگـابـلـه الـــريـح الـتـهـب
*---------------*---------------*
عيني ظلت تـربـي جـيـتـك مـرهـا حـتـه لــــــــو حـلـم
ظـلـت تـنــاطـر تــجــيــهــا وذبـل مـن عـدهـا الـرســم
ذبّـــلاهــا الـــدمــع بــعــدك ومــنــهــا ظل بـس الإسـم
مــولـحـت مـن الــبــواچــي بـيـك مــو بـيـهـا آنـه ٱهـم
بـعـد شـلـي انه بـنـظـرتـي الــنــظــر خـلـي يـنـسـلـب
*---------------*---------------*
ياهو الـي يخـبـرنـي عـنـك ويــمــي بـس ام الـبـنــيــن
وهيـه هـم تـنـطـر تـجـيـهـا وحــيـل ذوبــهــا الـونــيـن
حسين اصيحن بويه وينك وهـيـه تـصـرخ يـاحـسـيـن
ابــچـي وتـنـشـف دمـعـتـي الـصـارت بـفـرگـتـك عـيـن
صــبّــرت يـامـا عــبــرتــي وآنــــــه لـجـلـك انـتـحـب
*---------------*---------------*
✍️خادم آل محمد ص
الشاعر ضياء الكناني
#قصائد_محرم_1440
عَِظٌـمِ أٍلٍَلــَه لْڪْمْ آلْآجــْرْ
#مؤسسة_منبريات_للخطابه_والالحان
↝-﹏-﹏-﹏-﹏🏴﹏-﹏-﹏-﹏-↜
قصيده للنزول. زنجيل
حاچيني يبو السجاد. يخويه الماي چا وينه
اخافن تعطش الرضعان امن اول يوم طبينه
/////////////////
يخويه الحر وكف عالماي. علينه الماي هالمنعو
وچم فارس بعد يحسين فوگ المشرعه خلو
اسمع. صوت يالوالي. حسين من العطش موتو
لو ضاگ العذب يفني
الجيش وكل جموع البي
بهاذي المعركه نخلي
چثه عالثره مرمي وانحرگها صواوينه
///////////
ردلها الجواب حسين يازينب بعد عيني
لتخافين ياخويه فديچ ابروحي اوبنيني
انه وكافلچ وياچ هسه افنيها ترديني
ابويه حيدر الكرار
بس اشر شمسها دار
وشبله الكافل المغوار
وحده للحرب يكفي. ابو فاضل تعرفينه
////////
انه العباس يازينب. اخوچ اوتشهد افعالي
اگصد للنهر عطشان واجيب الماي مابالي
اوگف عالنهر اوبزود. شحده اليوگف اكبالي
من خزه العده تشرد
اگلبها ورگاب احصد
واخليها فلا تنعد
وحگ ضلع امي الزهره اجيب النهر لسكينه
////////////
نعمين وكفو منك ياابن فاطمه الزهره
امي رادتك لليوم عدوها بسيفك اتقهره
متقصر يخو زينب النهر من شاربه اتجره
شنهي النهر يعصي عليك
وحيدر قبلاها ايديك
ودرها الطاهر امغذيك
بكل قطرة وفه تحسيت من امك توافينه
///////////////
الشاعره ام انور الذبحاوي
↝-﹏-﹏-﹏-﹏