836
«مهد تمدن» گۆننامه‌سی‌نین تۆرکجه صفحه‌لری بیزیمله بو آدرسدن ایلگی قۇرا بیلرسینیز: @Susenrazi @Buqday @tansu6252 تۆرکجه تایپ، کؤچۆرمه ترجمه سفارشلرینیز قبول اوْلونور. @Susenrazi
⭕️ هفته‌لیک فالێـنیز
✍️ حاضرلایان: #اوْلجای_مرآتی
🔶 آزر (یای ، آذر): لوطفاً تئز قرار وئرمه‌یین! تئز قضاوت ائتمه‌یین! الیزده قالمێـش ایشلری بیتیرین و سوْنرا آیری بیر ایش باشلایێـن. عائله‌وی مسائلی ایش یئرینه یانسێـتمایین و مسائلیزی هر کسه آچمایێـن. یوْلداش ساندێـغیز بعضی‌لری سیزی قێـسقانـێـرلار. بو سیزین سوچوزدور. سیز یاشامێـزین جیک- بـؤکـۆنو هامێـیا دئییرسیز. بیر زاد وار فکریزه بیلمیرم بیر زاد آلماق، بیر ایش باشلاماق و بئله بیر زاد. هر نه دیر یوباندێـرمایین، یوْخسا قالان ایشه قار یاغار و او بیری ذهنیزه گلن ایشلر کیمی بو دا، اونودولوب، گئدر.
🔶 چیلله (اوْغلاق، دی): بیرآز منزوی و اؤزۆنه قاپانمێـش گـؤرۆنورسوز. کیمسه ایله گـؤرۆشوب- دانێـشماق ایسته‌میرسیز. چوْخ وقت اؤزۆزده اوْلوب، اؤزۆزه فکرلشمک یاخجی‌دێـر، آما بو دورومو چوْخ اوزاتمایێـن و تئزراق امکداشلار و یوْلداشلارلا گـؤرۆشون و ذهنیزه گلن ایده‌لره گـؤره اوْنلارلا فکرداشلێـق ائلیین. بو دانێـشیقلارین ایچیندن گـؤزل ایشلر یارانا بیلر، یئتر کی اؤزۆز ایشیزی جدی توتاسێـز و یئری گلنده ده چئورزده‌کیلردن یاردێم ایستییه‌سیز.
🔶 دوْندۇران آی (قـوْوا، بهمن): گـؤردوڲـوز یوخو بو هفته یوْزولاجاق. مۆشکولوز بو هفته حل اوْلاجاق. دادگاه ایشینده سیز قازاناجاقسێـز. بو گۆنلر ذهنیز بیرآز قارێـشیقدی، یئرسیز مسائله فکر وئرمه‌یین، اؤنملی بیرزاد اوْلسا اوْنو چؤزمک فکرینده اوْلون، اؤنملی اوْلماسا چؤزۆلمه‌سینی زمانا تاپشێـرین، وقتینده هر زاد اؤز یئرینی تاپاجاق. بیر یوْلداش یا عائله عضوینه گـؤره نگران‌سیز. بیله‌سیندن سوْراغ توتون، لازم اوْلسا اوْنا یاردێم ائدین. انسانلارا یاردێم ائتمک داها دوْغروسو اؤزۆزه یاردێم ائتمکدیر.
🔶 بایرام (بالێـقلار، اسفند): بو گـۆنلر روحی باخێـمدان یئنجیلمیش حالدا گـؤرۆنورسوز. بیر مشهور سؤز دئییر «آرخازدا سؤز دانێـشیلیرسا، دۆز یوْلدا اوْلدوغوزو بیلین.» ایسته‌سم بونو داها دا آچێـقلایام سیزه بئله دئیه بیله‌رم، سیز چوْخدان بو ساحه‌ده چالێـشیرسیز، ندن ایندی اوْردا- بوردا بو سؤزلر دانێـشیلیر؟ نتیجه‌ده سیز بو گـۆنه کیمی حقینده دانێـشالاجاق حدّده سهو ائتمه‌میسیز. بو اۆزدن بو سؤزلردن اۆزولمک یئرینه باشێـزی دیک توتون و اؤزۆزه فخر ائدین. کیمین یانلێـشی اوْلماییب کی سیزین ده اوْلماسێـن؟ بو قدر زماندان سوْنرا بو تاپێـلیب- گلنلر، اؤزلری یوْرولوب، یئرلرینده اوْتوراجلار. سیز حالێـزی دۆزلدن یئرلره گئدین و سئودیڲـیز آداملارلا گـؤرۆشون.
@SancaqDergisi
/channel/Sancaq_media/8590
⭕️ هفته‌لیک فالێـنیز
✍️ حاضرلایان: #اوْلجای_مرآتی
🔶 آغلار- گـۆلر (قـوْچ، فروردین): ذهنیزی دۆزنله‌ییب، اؤنملی قوْنولارا اوْداقلانمالێـسیز. ظاهریزه فکر وئرین و انرژی باغێـشلایان رنگلری یاشام یئریزده چوْخالدێـن. ایشیزده جدی اوْلماغێـز آلقێـشلامالی‌دێـر، آما بو قدر عصبی‌لشمک هئچ سیزه یاراشمێـر. بیر ایش باشلاماق ایستییرسیز، اۆمودلو، چالێـشقان و اوْلوملو دۆشونن اوْلون. اؤز نظرلریزی دئیین و سؤزلریزین اۆستونده دورون و ایسته‌دیکلریزی انجام وئرین. اوزون زمان چالێـشمالاردان سوْنرا نهایت بو هفته بیرآز دینجلمک فرصتی یاراناجاق. بو فرصتی دڲـرلندیرین و تعطیلاتـێـن دادێـنی چێـخاردین.
🔶 گـۆلن‌آی (بۇغا، اردیبهشت): حیاتدا اوْلان راحاتسێـزلیقلاردان قوْرخمامالێـسیز، بلکه اوْنلاری دقیق اینجه‌لییب، داها یاخجی سوْن‌اوجلارا چاتمالێـسیز. سئودیڲـیز یئرلردن بیرینه گئدیب، راحات بیر نفس چکیب، دینجه‌لجکسیز. یاخێـنلاریزدان بیرندن غیرعادی داورانێـشلاری حقده سوْروشون، بلکه اوْنون قصدی سیز ساندێـغیزدان فرقیلی دیر. بیرآز تانرێیا تاپێـنماق معنوی باخێمدان سیزه یاخجی اوْلار. بیر زاد ذهنیزی قاتێـب، اوْنو چؤزمک اۆچون، اؤنجه اؤزۆزله بارێـشمالی‌سیز.
🔶 قێـزاران آی (ائکیزلر، خرداد): هر یئنی تانێـشلیق، یئنی اۆزونتولرله یاناشی‌دێـر. هر باشلانقێـج بیر قورتولوشون ایلکی دیر. بونلارا فکر وئرمه‌یین، اؤزۆزه نفعی اوْلان مسائله اوْداقلانێـن، بیر نفر نئچه ایشی عئینی زماندا گؤره بیلمز. ایشلرده یارانان سؤرونلاری یاواش- یاواش چؤزه بیلرسیز اما اؤنجه گره‌ک روحی و جسمی باخێمدان اؤزۆزه یئتیشیب، ساغلاملێـغیزی اله گتیره‌سیز. اجتماعی بیر موقعیتده دڲـرلی آداملارلا گؤرۆشه‌جکسیز. بو فرصتی قاچێـرمایین، انعطافلی اوْلون، کـؤنزلیک ائتمه‌یین، کدورتلری آرادان آپارێـن و بیر تیلیفون باغلانتێـسی ایله هر زادی اونودون.
🔶 قـوْرا پیشیرن (یئنگج، تیر): دویغوسال دانێـشیقلار هر زمان سیزی منطقدن اوزاقلادێـبدیر. تله‌سیرسیز و فکرسیز قرارلار وئریرسیز بو اۆزدن ده عائله‌وی اوْرتامێـز یاخجی گـؤرۆنمور. تارتـێـشمالار مالی مسائل اۆزره‌دیر. سۆرکلی بو بوداقدان او بیری بوداغا آتـێـلیرسیز. بیر ایشده ثابت قالا بیلسز، مالی باخێـمدان دا دوروموز دۆزه‌لر. خرجلریزی مدیریت ائتمه‌لیسیز. یئرسیز هزینه‌لری آزالدێـن. بو گـۆنلر چوْخ اۆمودسوز گـؤرۆنورسوز، آما قوْرخمایێـن. بو دوروم اؤتری‌دیر. بیرآز دا دؤزه بیلسز، هم ایش و هم عائله‌وی باخێـمدان هرزاد سیز ایستیین کیمی اوْلاجاق.
#آردێ_وار...
@SancaqDergisi
/channel/Sancaq_media/8590
⭕️ استانبولدا گئچیریلن «قورقود آتا» عنوانلی آلتێـنجی تـۆرک دۆنیاسی فیلم فستیوالێـندا، دؤرد ایرانلی تـۆرکجه فیلمین اشتراکی اوْلدو.
✍️ یازان: اۆمید شمیزی، آنادوْلو خبرگزاری‌سی
✍️ تـۆرکجه‌یه حاضرلایان: #گـۆنش_امانی
🔶 «قورقود آتا» عنوانلی آلتێـنجی تـۆرک دۆنیاسی فیلم فستیوالی، چئشیدلی اؤلکه‌لردن ۵۶ سینمایی اثرین اکرانی ایله، نوامبرین ۷-۳.سی گئچیریلدی. ایراندان دؤرد فیلم «گلین»، «جیلولوق»، «پیر داغی» و «قوْلچاق» عنوانلارێـیلا بو فستیوالێـن فرقیلی بؤلۆملرینده اشتراک ائتمیشدی.
🔶 تـۆرکیه‌نین کۆلتور و توریزم باخانلێغی‌نین حمایه‌سی و بین‌الخالق سینما درنه‌ڲـی‌نین همتی ایله گئچیریلن بو فستیوالێـن آماجی تـۆرک دۆنیاسی‌نێن سینمایی اثرلرینی تانێـتدیرماق، کۆلتورل باغلارێن گۆجلندیرمه‌سی و تـۆرک دیل‌لی اؤلکه‌لرین فیلم دۆزلدنلری‌نین ایش‌بیرلیڲـینی چوْخالتماق ایدی. بو اۆلای ایلک اوْلاراق ۲۰۲۱ ایلینده استانبولدا گئچیریلدی و سوْنرالار بورسا، آذربایجان جمهوریسی، ترکمنستان و قزاقستانا گئده‌رک بو ایل یئنی‌دن استانبولا دؤندۆ.
🔶 فستیوالێـن آلتێـنجی دوره‌سینده، اوْن اؤلکه و اوْن اؤزگـۆر جمهوری‌دن فیلم دۆزلدنلر و سینما چالێـشانلاری‌نین حضورو وارایدی. توْپلومدا ۵۶ فیلمدن، ۳۰ اثر، اۆچ اوزون داستان فیلمی، بلگه‌سل فیلم و قێـسسا فیلم بؤلۆملرینده رقابت ائتدیلر. فستیوالێـن برنامه‌لریندن، سئچیلمیش اثرلرین اکرانی، اؤزل اوْتوروملار و اوْرتاق فیلم دۆزلتمک پروژه‌لری حقده دانێـشیقلارا اشاره ائتمک اوْلار.
🟢 «رضا صیامی»نین «جیلولوق» فیلمی سینما گرند پرا دا نمایش ائدیلدی.
🔶 رضا صیامی‌نین یؤنتمن‌لیڲـی و ایران – تـۆرکیه اؤلکه‌لری‌نین اوْرتاق محصولو، تاریخی بلگه‌سل «جیلولوق» فیلمی، فستیوالێـن «فیروزه‌ای» اؤزل بلگه‌سل بؤلۆمونده اکران اوْلدو. آذربایجان تـۆرکجه‌سینده اوْلان بو ۷۵ دقیقه‌لیک فیلم، بیرینجی دۆنیا ساواشی‌نێـن سوْن ایللری، ایرانێـن قوزئی باتێـسی، جنوبی قفقاز و آناتولی‌نین جنوبوندا باش وئرن اوْلایلاری گؤرسه‌دیبدیر.
🔶 فیلم «جیلولوق» عنوانلی تاریخی واقعه‌یه اوْداقلاناراق، توْققوشمالار، غیر نظامی‌لرین سوْی‌قێریمی و منطقه ساکن‌لری اؤزللیکله ایران آذربایجانێـندا یاشایانلارێـن آوارالێـغینی، روایت ائدیر و مسلح قوّه‌لر و خارجی قدرتلی اؤلکه‌لرین نقشینی بو اوْلایدا اینجه‌لییر.
🔶 جیلولوق بلگه‌سل فیلمی، نوامبرین ۷- سی شنبه گـۆنو آخشام، محلی وقت ساعات ۱۶ دا، استانبولون گرند پرا سینماسی‌نێـن بیرینجی سالوْنوندا اکران اوْلدو. بو فیلمین یؤنتمنی رضا صیامی فیلم باشلامادان اؤنجه آنادوْلو خبرگزاری‌سی‌نین خبرنگاری ایله اؤز اثرینه گؤره و اوْنون قورقود آتا فستیوالێـنا قاتێـلماسی حقده بیر پارا آچێـقلامالار ائتدی.
🟢 رحمتلیک «اصغر یوسف‌نژاد»ێـن فیلمی «قوْلچاق»
🔶 رحمتلیک «اصغر یوسف‌نژاد»ێـن اوزون داستانی فیلم ژانرێـندا «قوْلچاق» فیلمی، قورقود آتا فستیوالی‌نێـن «چاغداش انسان فیگورلری» بؤلۆمونده اکران اوْلدو. آذربایجان تـۆرکجه‌سینده اوْلان ۹۰ دقیقه‌لیک بو فیلم، «ایوب» آدلی اوْرتا یاشلی بیر کیشی‌نین داستانێـنی روایت ائدیر کی، دوْست – تانێـشی اؤز توْیونا دعوت ائدیب، آنجاق گلینین کیم اوْلدوغونو هر کسدن گیزلی ساخلایێـبدیر و ... بو فیلمین هنرمندلری و آکتوْرلاری‌نێـن چوْخو تیریزلی اوْیونجولاردێـر.
🟢 «سونیا فتحی» نین یؤنتمن‌لیڲـی ایله «گلین» قێـسسا فیلمی.
🔶 آذربایجان تـۆرکجه‌سینده، ۲۰۲۴. ایلینده دۆزلمیش ۱۱ دقیقه‌لیک، قێـسسا فیلملر بؤلۆمونده اکران اوْلان بو فیلم، گلین پالتارێـندا، تکراری موقعیت‌لرله اۆز به اۆز اوْلان گنج بیر قێـزین داستانی‌دێـر.
🟢 «پیر داغی» بلگه‌سل فیلم
🔶 «شهزاد قریشی»نین یؤنتمن‌لیڲـی ایله ایراندان فستیوالا قاتێـلان باشقا بیر فیلم ایدی. ۲۰۲۵. ایلینده دۆزلمیش بو فیلم، کیوی منطقه‌سی‌نین پیر داغی عنوانلی کۆلتورل و آیینی اینانجلارێـنی گؤرسه‌دیر. بو داغ گئچمیشدن یئرلی‌لره قوتسال بیر یئر سایێـلیر کی، بیر امامزادانێـن اوْردا باسدێریلماسی ایله اسکی اینانجلارلا یئنی دینی ایناملار بیر – بیرینه باغلانێـر.
🔷 بو دؤرد فیلمین قورقود آتا فستیوالی‌نێـن رقابتی و غیر رقابتی بؤلۆملرینه قاتێـلماسی، ایران اؤلکه‌سی‌ٔنین تـۆرک دیل‌لی سینمایی اثرلرینی تانێـتدیرماقدا بیر فرصت اوْلاراق، تاریخی، کۆلتورل و توْپلومسال اثرلرین بیر بین‌الخالق اوْلایدا گؤرۆنمه‌سینه فرصت یاراتدی.
@SancaqDergisi
/channel/Sancaq_media/8585
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۷. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
■ 2886 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز چهارشنبه 20 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ دوحا دَلی دۆمرول داستانی
🔷 (تۆرکیه منبع‌لریندن)
✍️ کؤچۆرن: #محمود_بنی‌آدم_دیزج
بیرینجی بؤلۆم
بیر گـۆن دوحا (یـۆکسک درجه‌لی انسان) قوْجانـێـن اوْغلو دَلی دۆمرول تامامی ایله لازێـمسیز یئره کـؤرپـۆ سالماق قرارێـنا گلدی. یـوْلدان کئچنلری، بوندان ایستفاده ائتمه‌ڲـه مجبور ائله‌دی. دَلی دۆمرول کـؤرپـۆدن کئچنلردن اوْتوز‌اۆچ لیره آلێـردی، اؤده‌مکدن بوْیون قاچێـرانلارلا سرت رفتار ائدیردی، قێـشقیریردی:«مندن دَلی، گـۆجلو اوْلان وارسا، منیم‌له اۆز ـ اۆزه گلسین، یوْخسا، هامی گره‌ک بو کـؤرپـۆدن کئچسین.»
بیر گـۆن دَلی دۆمرول کـؤرپـۆسونون یانـێـندا بیر نئچه عایله ائو تیکدی. اوْنلار اوْردا حیاتلاری‌نـێـن کئفینی چکیرکن، اوْنلارێـن جاوانلارێـندان بیریسی خسته‌لنیب دۆنیاسێـنی دڲـیشدی. گنجین یاخێـنلاری اوْنون اؤلـۆموندن او قدر سارسێـلیب کی، اللری ایله سینه‌لرینه دؤڲـجله‌یرکن قێـشقیرماغا و آغلاماغا باشلایێـبلار.
اوْنلارێـن فریادێـنی ائشیدن دَلی دۆمرول عایله‌نـێـن یانـێـنا قاچاراق:
- منیم کـؤرپـۆمون یانـێـندا نییه سس ـ کوی سالێـرسینیز؟ دئیه قێـشقیریر.
اوْنلارێـن بیریسی جاواب وئردی:
ـ بیزیم بیر گنج ایڲـیدیمیز وارایدی، عزرائیل جانـێـنی آلدی، آپاردی.
دَلی دۆمرول حیرص‌لنیب قێـشقیردی:
ـ عزرائیل کیمدیر کی، منیم کـؤرپـۆمون یانـێـندا بیر ایڲـیدین جانـێـنی آلا بیلسین؟ آمان آللاه، عزرائیلی گـؤستر کی، اوْنونلا ووروشاجاغام. بو ایڲـیدلرین جانـێـنی قورتاراجاغام. قوْیمارام بیر داها عزرائیل بونلارێـن جانـێـنی آلسێـن!
دۆمرولون دوعاسی شۆبهه‌سیز ائشیدیلدی، لاکن بو سؤزلر خوْشاگلمز بیر شئی دڲـیلدی. «بو غلام دَلی دۆمرول نئجه ائله‌یه بیلیر کی، منیم بیرلیڲـیمه شۆکر ائتمکدنسه، یاراتدێـغیم توْپراقلاردا اؤڲـۆنمه‌لیدیر؟ اؤڲـوندوڲـو اۆچون عزرائیل دۆمرولون گـؤزۆ اؤنـۆنه چێـخسین، اۆزو آغارسێـن کی، منیم کیم اوْلدوغومو تانـێـسین.»ـ اولو تانری دئدی.
دَلی دۆمرول قێـرخ دؤڲـۆشچو ایله یئمک یئیرکن بیردن عزرائیل گـؤرۆندو. عزرائیلی گـؤرن دک، دَلی دۆمرولون ال‌لر و آیاقلاری تیترمڲـه باشلادی، اۆزونون رنگی سوْلغونلاشدی، گـؤزلرینی قارانلـێـق بـۆرودو.
دَلی دۆمرول قـوْرخا ـ قـوْرخا دئدی:
ـ سنی هئچ کیم گـؤرمه‌یینجه گـؤردۆم. گـؤزلریم گـؤرمز اوْلدو. ال‌لریم توتماز اوْلدو. روحون تیتره‌دی، ایچیم تیتره‌دی. بارداق الیمدن دێـغیرلاندی، گئتدی. آغزێـم بوز اوْلدو، سۆموکلریم دوزا چئوریلدی. سن بوْز ساققاللی، گـؤزۆنده دونوق بیر یاشلی آدامسان. پیسلیک ائتمزدن اوّل، اؤزۆنو منه تانـێـت، دئ گـؤرۆم سن کیمسن؟
عزرائیل حیرصله دئدی:
ـ دَلی دۆمرول! گـؤزۆمون نئجه دونوق گـؤرۆنودوڲـونه فکر وئرمه! چوْخ گـؤزل گـؤزلولر‌ین جانـێـنی آلدێـم. ساققالێـمین آغارماسێـنا فکر وئرمه. آغ ساققال، قارا ساققال فرقی یوْخدور، چوْخ ایڲـیدلرین جانـێـنی آلدێـم. «عزرائیلی گـؤرسئیدیم اوْنونلا بیر مجادله ائدردیم...» ـ دئیردین. «ایڲـیدلرین جانـێـنی قورتاراردێـم...» ـ دئییردین. اؤزۆن‌لا قێـشقیریب، باغێـراردین ـ عزرائیل سوْروشدو.
دَلی دۆمرول دئدی:
ـ دئمه‌لی سن بو قدر ایڲـیدلرین جانـێـنی آلان عزرائیل سن! اگر بئله‌دیرسه، قوْی سنی محو ائدیم کی، ایڲـیدلر اؤلـۆمدن خیلاص اوْلسونلار.
او قێـلینجینی عزرائیله طرف یئل‌لدی. بو عزرائیل‌دیر. قێـلینج اوْنا ایشله‌یه بیلرمی؟ عزرائیل تئز گـؤیرچینه چئوریلدی، پنجره‌دن اۆچوب، ائشیڲـه گئتدی. بئله حرکت دۆمرول اۆچون خوْش گلدی. «عزرائیل مندن اوقدر قـوْرخدو کی، تئز گـؤیرچینه چئوریلدی، جانی ایله چتینلیکله قاچاراق او دار پنجره‌دن قاچدی.
گـؤیرچینه چئوریلدیڲی اۆچون اوْنو قارتال‌لا اۆزـ اۆزه قـوْیماسام، منه دَلی دۆمرول دئمزلر.» ـ دئیه، مێـزیلدادی. تئز آتـێـنا مینب، دۆمرول قارتالی الینه آلێـب اۆچوردو. قارتال بیر نئچه گـؤیرچین تاپێـب، توتدو، آما هئچ بیری عزرائیل دڲـیلدی. دَلی دۆمرول چاره‌سیزجه ائوه قایێـدارکن عزرائیل دۆمرولون آتـێـنین گـؤزۆنه گـؤرۆندو. آت ائله قـوْرخدو کی، دَلی دۆمرولو اۆستوندن یئره سالدی. دَلی دۆمرول یئره یێـخیلان زامان عزرائیل آتـێـلیب اوْنون سینه‌سی اۆستونده اوْتوردو.
دَلی دۆمرول قایغێـلی حالدا دئدی:
ـ آی عزرائیل آللاهێن بیرلیڲـینی، بـؤیـۆک‌لوڲـۆنو هامی بیلیر، من سنی تانـێـمیردیم. اوْغرو کیمی گلیب جان آلدێـغینی بیلمیردیم. من سنین‌له دانـێـشاندا اؤزۆمده دڲـیلدیم. نه دئدیڲـیمی بیلمیردیم. باغێـشلا، جانـێـمی آلما، یالوارێـرام.
#آردێ_وار...
@SancaqDergisi
/channel/Sancaq_media/8579
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۵. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
■ 2884 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 18 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ آلێـن یازێسی‌می؟ یوْخسا...
✍️ یازان: #اسفهلانلی ح.حسنپور (دۆزه قوْل)
🔷 یاشانمێـش بیر حکایه
قوْجالێق اۆزوندن ائو‌ده تک‌باشێما اوْتوروب، گئچمیشلره فکر ائتمکدن باشقا هئچ ایشیم یوْخدور. گئچمیشلریمله گؤردۆکلریم اوستاد شهریار دئمیشکن؛ «بیر سینما پرده‌سی‌دیر گؤزۆمده، تک اوْتوروب سئیر ائدیرم اؤزۆمده»
اوْن – اوْن‌‌ایکی یاشێمدا، کند‌ده بیر خالێ توْخوما دزگاهێ‌‌نین باشێندا بیر من، بیر مندن ایکی یاش بؤیۆک باجێم، بیر ده آتادان یتیم قالمێش، ایکی قارداشا باجێ اوْلان سکینه آدلێ بیر قێـز اوشاغێ ایله بیرلیکده چالێشاردیق.
گۆنلرین بیرینده سکینه ناهاردان سوْنرا، ایش باشێنا قایێداندا اللری جێـرماقلانمیش، گؤزلری یاشلا دوْلو حالدا گلیب ایش باشێندا ایلمک سالماغا باشلارکن، باجێم «سکینه»نین حالێ‌نین ندن بئله اوْلدوغون سوْراندا...
یازێق سکینه بئله‌سینه جواب وئردی:
- بیز‌ه آنام دئییب آش ایچن، گرک چؤرک یئمه‌سین! چؤرک یئیه‌ین، آش ایچمه‌‌سین! من آش پایێمی ایچندن سوْنرا، چؤرک ده یئدیم. آنام دا منی وۇروب، دئدی: «هم چؤرک، هم آش اوْلماز!»
(آخێ یازێق آنا دا جَهره اڲیرمکله اۆچ یتیم اوشاغێن قارێـنلارین زوْرلا دوْیورا بیلردی.)
أن چوْخ ماراقلێ اوْلان «سکینه»نین سوْنرادان باشێـنا گلن اوْلایلار اوْلدو.
یتیم سکینه یوْخسول بیر اوْغلان ایله ائو‌لندی. نئچه ایلین ایچینده اؤزۆ ده ایکی اوْغلان، بیر ده قێـز آناسێ اوْلدو.
یازێق اوشاقلار هس‌هۆس آنلامادان، آتا‌لارێ وانت ایچینده باشقا بیر آدام ایله قاطار آلتێـندا قالێب، پارچا – پارچا اوْلدولار.
یتیم‌لیکله بؤیۆیوب آنا اوْلان سکینه، اؤزۆ ده باشلادێ یتیم بؤیۆتمـڲه.
بو کز یتیمدن دوْغولوب یتیم!
قالان قێـز شخصی ماشێن‌‌لا کرایه‌‌کش‌لیک ائله‌‌ین بی‌بی‌سی اوْغلو ایله ائو‌لندی. اوْ دا آز زماندا بیر قێـز آناسێ اوْلدو. چوْخ زمان چکمه‌دن بو اوشاغێـندا آتاسێ، بئش یوْلجو ایله «تیکمهداش» یوْلوندا تریلی آلتێـندا قالێب، سوْن دۆنیایه کؤچدۆلر.
یئنه ایکینجی یتیم، اۆچونجو یتیمی بؤیۆتمـڲه باشلادێ... (آشاغێـدا‌کی شعری اوْنلارێن آنێـ‌سینا یازمێـشام)
🔶 یتیم‌لیک
بیر قێـزی تانێـردیم کیچیک یاشێندا
آتاسێ اؤلمۆشدو، یتیم قالمێشدی
یتیم‌لیک بیر یاندان، یوْخلوق بیر یاندان،
یازێـغین باشێـنا کؤلگه سالمێشدی
اوْ قێـز آناسیله ایکی قارداشلا
یئییب ایچیب، اؤلمه – دیری گزردی
زمانه هر کسه قان اوتدورسا دا
اوْنلاری هامێـدان بتر ازردی
مین بیر مصیبتله آنجاق بؤیۆدو
یوْخسول بیر اوْغلانلا عائله قوردو
نئچه ایل عرضینده اۆچ اوشاق دوْغوب
سوْنـرا طبیعتله اۆز – اۆزه دوردو
آرواد ائو ایشلری انجام وئرردی
ار ده وانت ایله خرجین تاپاردێ
آنجاق اوشاقلارێم خوْش اوْلسون دئیه
هرنه ایش اوْلسایدێ سؤزسۆز یاپاردێ
بیر گۆن وانت ایچره دمیر یوْلوندا
قاطار ووروب ارین جانێن آلمێشدی
سۆروموش اؤزۆیله نئچه یۆز قدم
تیکه پارچا ائدیب یئره سالمێشدی
ایکی اوْغلان ایله بیر قێـز اوشاغێ
ارث اوْلاراق اَردن قالان پای اوْلدو
یتیم قێـزین یاشایێشی، دورومو
بئلهلیکله آناسێـنا تای اوْلدو
یتیم دوْغانلار دا، یتیم قالدێلار
دؤزدۆلر هله‌لیک هر مصیبته
تانرێ‌دیر جان وئرن، جان آلان دئیه
راضێ‌لیق وئردیلر بئله قیسمته
یاغلێ، یاوان تاپێب، یئییب ایچدیلر
بو قێـزدا بؤیۆیوب، ازدواج ائتدی
یاخشێ یاشاماغا اۆمید باغلایێـب
عمه‌سی اوْغلو ایله گرده‌ڲـه گئتدی
تازا گلیـن ایله تازا کۆرَکـــن
ایکیسی بیرلیکده یئییب یاتدێلار
اؤتن گۆنلری‌نین دردین، مُحنتین
هله‌لیک اونودوب، باشدان آتدێلار
گۆن دؤندۆ آیلارا، آیلار ایل اوْلدو
باخچالارێ بارا، میـوه‌یه دوْلدو
بیر گؤزل قێـز دوْغدو بو تازا گلین
بؤیۆدو بو قێـز دا بیر یاشا دوْلدو
تازا آتا اوْلان بو جوان اوْغلان
ماشێن ایشلدردی تهران – تبریزه
بیر گئجه اوْلاردێ ائودن اوزاقدا
بیر گئجه ائوینده چؤکردی دیزه
کیشی ائودن چێخیب یوْلا دۆشنده
آروادێـن اۆره‌ڲی اوْنلا گئدردی
سئوگیسی قایێدیب گلنه کیمی
اۆرک دؤیۆنتوسو دوام ائدردی
حایێفلار اوْلسون کی، بو تازا گلین
اوْندان کی قوْرخاردێ گلدی باشێنا
ایستی یووالارێن اجل داغێـتدی
سبب اوْلدو گؤزدن آخان یاشێـنا
بیر گئجه تهراندان، اَر قایێـداندا
تیکمهداش آغزێندا چێخمیش سبقته
هم اؤزۆن، همده‌کی بئش مسافرین
ائیله‌میشدی فـدا آرتێـق سرعتـه
سانکی یازێق‌لارین آلێن یازێسـی
زنجیر پخله‌سی‌تک بیر بیره تایمێش
آنانێـن آلنێـنا یازێلان یازێ
آتانێـن آدێ تک، بالایا پایمێش
@SancaqDergisi
/channel/Sancaq_media/8575
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۳. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
■ 2882 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز شنبه 16 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ هفته‌لیک فالێـنیز
✍ حاضرلایان: #اوْلجای_مرآتی
🔶 آزر (یای، آذر): آزرلرین بعضی‌لری ساغلاملێق باخێمیندان چتین‌لیک چکیرلر، آنجاق بو قدر اۆمودسوزلوڲون ندنینی بیلمیرم! قوْرخمایێـن، بو خسته‌لیک تئز قورتاراجاق. یاشامێـزین کیفیتینی یوخاری آپارێـن و داها سئوینجلی اوْلماغا چالێـشین. مادی باخێمدان اوضاع دۆزلمک اۆزره‌دیر بو اۆزدن انرژیزی اله گتیرین و داها یاخجی یاشاماغا باشلایێـن. سیزین کئفسیز اوْلماغێـز چئورزده‌کیلری ده اۆزگون ائدیر، بو اۆزدن هر آن ان دۆز قرارلاری وئرمڲـه اوْداقلانێـن.
🔶 چیلله (اوْغلاق، دی): چوْخ فکرلشیرسیز، آنجاق فکرلشدیڲـیز قوْنولاری دقتله سئچمیرسیز. اوْلوملو فکرلشین، ایشلری بیر- بیر اۆسته یێـغمایین، تنبل‌لیڲـی بوراخێـن و هئچ اوْلماسا تعطیل گـۆنلر ایدمانا گئدین. بـؤیـۆک معامله‌لرده بیرآز ال ساخلایێـن و یوخاری هزینه‌لره تلسمه‌یین. البته آرخایین اوْلون وقتینده ایش سیزین نفعیزه ایره‌لی گئده‌جک. عمومیتده بو گـۆنلر فرصتی یارانان معامله‌لری بیر داها گـؤزدن گئچیردین، هرزاد چوْخ یاخجی گـؤرۆنورسه، ایشین بیر یئری آخسایێـر. هئچ کسه گـۆوه‌نمه‌یین.
🔶 دوْندۇران آی (قـوْوا، بهمن): پوللارێـزی هدر ائتمه‌یین، بـؤیـۆک بیر معامله‌یه پول لازم اوْلاجاق. آرام اوْلون و اجازه وئرین ایشلر اؤز آخێمی ایله ایره‌لی گئتسین. پیس یوْلداشلارێـن دؤره‌سینه جێـزیق چکین و باشێـزی اؤز ایشیزه قاتێـن. پیس آداملار راحاتلێـقلا سیزین یاشامێـزی ائتگی‌لندیره بیلر. مندن ائشیتسه‌نیز یوْلداشلارلا زمان گئچیرتمک یئرینه بیرآز مطالعه ائلیین. سیزی اینجیتدیڲـی بیر نفردن اؤج (انتقام) آلماق فکرینده‌سیز، آما بو ایشی گـؤرمه‌یین، اوْلومسوز ایشلرین ائتگیسی آدامێـن اؤزۆنه داها چوْخ اوْلور.
🔶 بایرام (بالێـقلار، اسفند): ایکی یوْلون آراسێـندا قالێـبسیز، بیلگین و اۆره‌ک یاندێـران بیر نفردن یاردێم آلمالێـسیز. نگران اوْلمایێـن سیز ان دۆز قراری وئره‌جکسیز. عاطفی باخێمدان بعضی سوْرونلار یاراناجاق، دؤزۆملو اوْلون و اؤزۆزو ایتیرمه‌یین. همیشه اؤز سؤزۆزون اۆستونده دورمایێـن، حق هر زمان سیزینله دڲـیل. بیرآز کئچینین، باشقالاری‌نێـن دا سؤزلرینه اؤنم وئرین و باغێـشلایین. باغێـشلاماق انسانێـن روحونو آراملادار.
@SancaqDergisi
/channel/Sancaq_media/8571
⭕️ هفته‌لیک فالێـنیز
✍حاضرلایان: #اوْلجای_مرآتی
🔶 آغلار- گـۆلر (قـوْچ، فروردین): خوش گـۆنلر اؤنـۆزده‌دیر. انرژیلی قاباغا گئدین و مطمئن اوْلون چالێـشمالارێـز ثمرسیز اوْلمایاجاق. ایچ آرامشیز پوْزولماسێـن دئیه، چئورزده‌کیلرله یئرسیز تارتـێـشمایین. گـۆندم مسائل آرام گـؤرۆنسه ده، ائشیتدیڲـیز خوش خبرلر باعث اوْلاجاق گـۆنلر یوْروجو اوْلماسێـن. ایستکلریزه گـؤره ساواشێـن و کـؤنلـۆزون سؤزۆنو دینله‌یین. تجربه‌لی آداملاردان مشورت آلێـن و ایسته‌دیڲـیز ایشی باشلایێـن چوْخ بو ایشی یوباتمایێـن.
🔶 گـۆلن‌آی (بۇغا، اردیبهشت): ایشیزده گـؤزل اوغورلار سیزی گـؤزله‌ییر. بو یوْلدا چکدیڲـیز زحمتلرین هامێـسی بهره وئره‌جک. البته ایشلریزه دوام ائدین و بیرآرا یوْرقونلوغو اونودون. سؤزۆزون اۆستونده دورون و تیمی ایشلرده داها دؤزۆملو اوْلماغا چالێـشین. بو قدر ایش گـۆچون ایچینده بیر گـۆن تعطیل ائلیین، دینجه‌لین و چاغرێـلدیغیز قوْناقلێـغا گئدین. بئله قوْناقلێـقلاردا یوْلداشلارێـن گـؤرۆشو سیزه بیر داها انرژی باغێـشلار و روحیه‌زه یاخجی اوْلار.
🔶 قێـزاران آی (ائکیزلر، خرداد): قازانجلارێـز اۆچون غرورلانمایێـن! هر ایشده غرورلانماق انسانی دالی قوْیار. یاخجی گـۆنلر گئچیرتمک حالداسێـز آنجاق پیس گـۆنلر ده اؤنـۆزده اوْلا بیلر. او گـۆنلر اۆچون اؤزۆزو حاضر ائدیب، گـۆجلندیرمه‌لیسیز. یئنی بیر ایش باشلاماق ایستییرسیزسه، ال ساخلایێـن و آراشدێـرمالارێـزی چوْخالدێـن. بو گـۆنلر ریسک ائتمک زمانی دڲـیل، مالی باخێمدان چتینلیڲـه دۆشه بیلرسیز. البته ایستکلریزین دالێـسیجا گئدین، سیزین اصلی قازانجێـز ایستکلریزده دیر.
🔶 قـوْرا پیشیرن (یئنگج، تیر): سئوگی‌نین ایکی باشلی اوْلدوغونو اونوتمایێـن. هر نه قدر چئورزده‌کیلره سئوگی باغێـشلاساز، بیر او قدر ده سئوگی آلاجاقسێـز. بیریندن اینجییبسیزسه، اؤنجه اؤز داورانێـشیزا دقت ائدین. اوْنلاری باغێـشلایین و عادی تارتـێـشمالاری جدی توتمایێـن. بئله اؤنمسیز زادلارا فکرلشمک سیزی آیاقدان سالار. چئورزده‌کیلرین اوْلوملو انرژیلرینی گـؤره بیلسز، یاخجی گـۆنلر اؤنـۆزده دیر. گاهدان کـؤنلـۆزون سسینی دینله‌یین و منطقی بوراخێـن. مهریبان اوْلون و ایدمانلا حیاتێـزا روح باغێـشلایین.
#آردێ_وار....
@SancaqDergisi
/channel/Sancaq_media/8571
■ 2881 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 14 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
🔳 دارێخیرام!..
✍️ شاعر: #سوسن_نواده‌رضی
عکاس: تبریزلی اۆلکر
دارێخیر اۆره‌ڲـیم، هم ده چوْخ یامان
دؤزمکدن دؤزۆموم دارتێـلیر، آمان!
دئییرسن آرزولار چین اوْلار، آنجاق
اومودوم کسیلیب، گئتمه‌ییر گۆمان.
وطنده وطن‌دن غریبسه‌میشم،
اؤزۆم ده اؤزۆمدن آزێمسامیشام،
بیر عؤمۆر چکمیشم، دؤزۆمسه‌میشم
هر یئرده چن واردێر، هر یئرده دومان.
نه گؤزل! اۆمیدین سوْلمایێب، هله!
آجێ‌لار سَنینی آلمایێب، هله!
دیله‌ڲین دیلکلر بسله‌ییب، هله!
هر درده چاره‌دیر، دئییرلر زامان.
@SancaqDergisi
/channel/Sancaq_media/8565
⭕️ هفته‌لیک فالێـنیز
✍️ حاضرلایان: #اوْلجای_مرآتی
🔶 قۇیرۇق دوْغان (آسلان، مرداد): یوْلداشلارێـن ایچینده اوْقدر سئویملی اوْلوبسوز کی، اؤزۆزه فرصت تاپا بیلمیرسیز. اؤزللیکله بو گـۆنلر بعضی اوْلایلار باعث اوْلاجاق اؤزۆزو داها دا آرتـێـق اونوداسێـز. داها دوْغروسو بو دۆنیادا اوْلان اؤزلرینی ایتیرمیش انسانلاردان بیری ده سیز اوْلا بیلرسیز. آنجاق باخێـن گـؤرۆم هر کسی دۆشوندوڲـوز حالدا اؤزۆموزه ده فکر وئرمک اوْلماز؟ ایندی کی هامی سیزه گـؤزۆنو تیکیب، اوْنلارێـن الیندن توتاراق، اؤزۆز و باشارێلاریزی دا هر کسه گـؤرسده بیلرسیز.
🔶 زۇمار (باشاق، شهریور): بو گـۆنلر مالی مسائل و پول بیریکدیرمک سیزه بیرینجی درجه‌ده دیر آما اگر بو مورد ده احتیاطلی اوْلماساز، اوزون- اوزادی آرزولارێـزین هئچ بیرینی یئرینه یئتیره بیلمییه‌جکسیز. سئچدیڲـیز یوْلداشلارا چوْخ فکر وئرین، اوْتوروب- دوردوغوز آداملارێـن دانێـشیق و داورانێـشینا دقت ائلیین. بو گـۆنلر قوْناغێـز اوْلاجاق و سیز یوْرولاجاقسێـز، اما بو قوْناقلارێـن سیزه باغێـشلادیغی روحی انرژی چوْخ یاخجی اوْلاجاق. بیرآز اؤزۆزه آرتـێـق فکر وئرین، باشاردێـغیز قدر سئودیڲـیز ایشلری گـؤرۆن و اؤزۆزو سئومه‌دیڲـیز ایشلرله داها آرتـێـق یوْرمایێـن.
🔶 خزل (ترازی، مهر): اجتماعی اوْرتاملاردا داها آرتـێـق گـؤرۆنمک ایستییرسیز. آنجاق هله بیلمیرسیز هانسی یوْلودان گئدیب، نه ایش گـؤرمه‌لیسیز. دویغولارێـزی چئورزده‌کیلرله پایلاشماق ایستییرسیز، آما دورومو بونا اویغون گؤرمه‌یینجه، بیر بوجاغا چکیلیب سوسماغی ترجیح ائدیرسیز. داها دوْغروسو بو اؤزلـۆڲـونده پیس دڲـیل، آما چوْخ دا آداملاردان اوزاقلاشساز، عاطفی باخێـمدان صدمه گـؤررسیز. دۆز یوْلدا دوام ائتمک اۆچون، کـؤنـۆل ایستکلریز و منطقی دۆشونجه‌لریزین آراسێـندا دنگه یاراتمالێـسیز.
🔶 قیروْو (عقرب، آبان): رویالار و خیاللارا دالماق گـؤزل بیر دویغودور کی انسانا سئوینج گتیره‌ر. آما بو هر گـۆنلوک وردیشه چئوریلسه انسانی، حیاتێـن حقیقی اۆزوندن اوزاقلادار. انسان هر زمان راحاتلاماق اۆچون، رویالارا سێـغینا بیلمز. اؤز ایچیزه دالدێـغیز زمان، اؤزۆزو تانێـماغا بیر معنوی سفر ده باشلایا بیلرسیز. بئلهلیکله اؤزۆز و باشارێـلاریزی آرتـێـق تانـێـییب، گئرچک حیاتدا بوندان فایدالانا بیلرسیز. اۆمودوزو ایتیرمه‌مک اۆچون، واقعیتلری اونوتمامالێـسیز.
#آردێ_وار...
@SancaqDergisi
/channel/Sancaq_media/8590
🔳 «باغرێ قره»
✍️شاعر: #محمود_بنی‌آدم
📸 عکاس: تبریزلی اۆلکر
🔷 (اتحاف، سوسن نواده‌رضی خانێـما)
«اسیر ائلین آه شاعری»
«قارا بالێـق»
«خسته قاسم»
قار چیچـڲی، نوْروز گۆلو
«زینب پاشا»
چاغێـر منی.
داغ دؤشۆنده چیلچیله‌لر
دیلدن دارا دۆشمه‌سینلر
شعرلر، سؤزلر مۆرگوله‌ییب
قارا دیله دۆشمه‌سینلر.
آنا دیلده،
یانار دیلده
«دومانلی تبریز»یم چاغێـر
چاغێـر منی،
دنیز، دالغا.
سۆرگون شاعر یاد اؤلکه‌ده
کؤنلۆ نئجه شپه ووار
جوْشقون اۆرک چاغێـر منی
«باغرێ قره» چاغێـر منی.
قارانقوشام دار قفسده
اوْد اوْینایێـر هر نفسده
یانێـر کؤنلۆمون سیم‌لری
چاغێـر منی،
سازلا سسله.
هیم دۆشوبدور یانێـق چؤله
«هجر» گلیر گۆله ـ گۆله
دؤشۆنده وار، آغێـر نیسگل
دوْداقداکی،
شیرین دیله
«بهانه‌سیز چاغێـر منی
قوْی شعرلریم اینجیمه‌سین
یازێلاریم آغرێماسین»
چاغێـر منی،
منی چاغێـر.
@SancaqDergisi
/channel/Sancaq_media/8587
■ 2887 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه21 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ دوحا دَلی دۆمرول داستانی
🔷 (تورکیه منبع‌لریندن)
✍️ کؤچۆرن: #محمود_بنی‌آدم_دیزج
ایکینجی بؤلۆم
عزرائیل دئدی:
ـ منه یالوارما، یاخشێـسی بودور، سنی یارادانا یالواراسان. آللاها یالوار. من اوْنون امرلری‌نـێـن قوللوقچوسویام.
دۆمرول دئدی:
ـ جان وئرن‌ده، آلاندا آللاه‌دێـر. بو سؤز دوْغرودورمو؟
عزرائیل دئدی:
ـ دوْغرودور.
دَلی دۆمرول دئدی:
ـ اوْندا سن ندن منیم قارشێمدا دایانـێـرسان؟ منیم‌له آللاه آراسێـنا سن ندن گیریرسن؟ گئت بوردان. ایذن وئر من یارادان‌لا دانـێـشیم. سوْنرا باشێـنی قالدێـریب دئدی: ای اولو تانری، سن نه گـؤیلرده‌سن، نه یئرلرده کی، سنی جاهیل‌لر آختارسێـن! سن، سنه ایمان گتیرنلرین اۆرکلرینده سن، ای ربیم، اگر جانـێمی آلاجاقسان، اؤزۆن آل. منی عزرائیل‌له بوراخما.
بو سبب‌دن اولو تانری عزرائیله امر ائله‌دی کی، «اوْنون جانـێـنی آلما» عزرائیل بو امردن سوْنرا اۆزونو دَلی دۆمروله توتوب دئدی:
- من سنین جانـێـنی آلمایاجاغام، آما عوضینده منه وئره‌جک بیر جان تاپمالێـسان.
دَلی دومورل تله‌سک دئدی:
ـ آما من اؤز یئریمه نئجه جان تاپا بیله‌رم؟ آنام و آتام‌دان باشقا کیمسه یوْخدور. قوْجادیلار، خسته‌دیلر. اوْنلار راضی اوْلارلار، گئدیب سوْروشوم.
دَلی دۆمرول آتـێـنا مینیب جلدی آتاسی‌نـێـن یانـێـنا گئتدی. الینی اؤپه‌رک دئدی:
ـ آتام، عزیز آتام! نه‌لر چکدیڲـیمی بیلسئیدین، من پیس سؤزلر دئدیم من اولو تانرێـنی غضب‌لندیردیم. عزرائیلی گـؤندردی. منیم جانـێـمی یا دا باشقاسی‌نـێـن جانـێـنی منیم یئریمه آلسێـن. منیم اۆچون جانـێـنی وئره‌جکسن، یوْخسا دۆمرولوم دئیه، آغلایاجاقسان؟
آتاسی کدرلی گـؤزلرله دئدی:
ـ دۆمرول، اوْغلوم، سنی چوْخ ایسته‌ییرم. سنین اۆچون هر شئی ائده‌رم، آما جانـێـمی وئره بیلمه‌رم.
بو سؤزلردن سوْنرا دَلی دۆمرول آناسێـندان سوْروشدو:
ـ آنا، جانـێـنی عزرائیله وئره‌جکسن، یوْخسا منیم اۆچون آغلایێـب، سینه‌یه دؤڲـه‌جکسن؟
آناسی دئدی:
ـ من سنی دوْققوز آی بطنیمده گزدیردیم، یئمه‌دیم، سنی یئدیزدیردیم، ایچیمه‌دیم، سنی ایچیردیم، آما دۆنیا شیرین‌دیر، عزیز اوْغلوم، من جانـێـمی وئره بیلمه‌رم.
ائله بو واخت عزرائیل دَلی دۆمرولون جانـێـنی آلماغا گلدی. دۆمرول هیجانلا عزرائیله دئدی:
ـ دور، جانـێـمی آلما، گـؤزله. حیات یـوْلداشیم و ایکی اوْغلوم وار. قوْی اوشاقلارێـمین آناسی ایله دانـێـشیم، باغێـشلامالارینی دینله‌ییم، سوْنرا جانـێـمی آل.
دَلی دۆمرول آتـێـنا مینیب اوشاقلاری‌نـێـن و آروادی‌نـێـن یانـێـنا گئتدی. او، آروادێـنا الینده اوْلان هر شئی بیر ـ بیر دانـێـشدی و هر شئی اوْنلارا بوراخدی. اوْنلاردان باغیشلامالارینی ایسته‌دی. بونون اۆزرینه یازێـق قادێـن کدرله دئدی:
ـ دَلی دۆمرول، گـؤزۆمو آچێـب سنی گـؤردۆم. سن منیم ایکی اؤولادێـمین آتاسی‌سان. سن‌سیز بو حیاتلا نه ائدردیم؟ جانـێـم سنه فدا اوْلسون.
بونون اۆزرینه عزرائیل قادی‌نـێـن جانـێـن آلماغا حاضرلاشارکن، دَلی دۆمرول آللاها یالوارماغا باشلادی:
ـ ای ربیم، سن اولولاردان اولوسان. سنین اۆچون عبادتگاهلار تیکیم، کاسێـبلارین دادێـنا چاتێـم، یالنێـز بو قادێـنـین جانـێـنی منیم اۆچون آلما. یا ایکیمیزی باغێـشلا، یا دا ایکیمیزین ده جانێـمیزی آل، یا ربیم...
بو سؤزلر آللاها خوْش گلدی. عزرائیله امر ائتدی:«دۆمرولون قوْجا آنا و آتاسی‌نـێـن جانـێـنی آل. بو ایکی قوللوقچونو آزاد ائت. من اوْنلارا یۆز قێـرخ ایل عؤمۆر وئردیم.»
عزرائیل درحال اوْنا دئییلن کیمی ائتدی. دَلی دۆمرول آروادی ایله یۆز قێـرخ ایل یاشادی. بابا قورقود گلیب بیر افسانه دانـێـشدی. بابام قورقود دئدی:
- «بو افسانه دَلی دۆمرول اوْلسون. مندن سوْنرا ایڲـید اوْزانلار بو ناغێـلی چالێـب، اوْخوسون، ناموسلو، سخاوتلی اولیالار دینله‌سین. یئرلی قارا داغلار سؤکۆلمه‌سین. کـؤلگه‌لی بـؤیـۆک آغاجلار کسیلمه‌سین سئل- سولار قوروماسین. آللاه تعالیٰ سیزی پیس انسانلاردان آسێـلی ائتمه‌سین. آغ آلنـێـنا بئش کلمه «دوعا» قێـلدیق، قبول اوْلسون. اولو تانری بیر یئره توْپلاشسێـن، آدی گـؤزل محمد مصطفانـێـن خاطیرینه گـۆناهلارێـنیزی باغێـشلاسین، خانێـم، هی...
#سون
🟢 آردێـندا، «قانلی قوْجا اوْغلو قان تورانلی داستانی گله‌جک»
@SancaqDergisi
/channel/Sancaq_media/8581
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۶. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
■ 2885 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه‌شنبه 19 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ علی‌بابا و قێـرخ حرامی
🔷 فارسجایا چئویرن: زهرا سعید بهر
✍️ تـۆرکجه‌یه چئویرن: #گـۆنش_امانی
بیرینجی بؤلۆم
مین‌بیر گئجه ناغێـل‌لارێـندان آلێـنمیش بیر روایت. مین‌بیر گئجه، ایلگینج و چئشیدلی ناغێـللار تـوْپلوسودور. بو ناغێـللارین چئشیدلی اوْلماسی، ایچه‌ریکلریندن داها چـوْخ، اوْنلارێـن جغرافیا کـؤکه‌نی، او جـۆمله‌دن هند، ایران، اوْرتادوْغو و مصره باغلی‌دێـر. «شهریار شاه» یا «گـؤزل شهرزاد» ناغێـلی بو اؤیکـۆلرین بیر- بیرینه اوْلان ایلیشگی خطی‌دیر دئمک.
«شهریار شاه» بیر کیمسه‌یه توتولماسێـن دئیه، هر گئجه اؤزۆنه یئنی بیر ائش[1] سئچیب، ائرته‌سی گـۆن اوْنو اؤلدۆرورموش. گـۆنلردن بیر گـۆن، «شهرزاد» آدلی بیر قێـز شاهدان ایسته‌دی اوْنو اؤزۆنه ائش اوْلاراق سئچسین. او بـۆتون گئجه بـوْیو شهریارا ناغێـل دئدی، دان سؤکـۆلونجه[2]، ناغێـل سؤیله‌ین شهرزاد، ناغێـلین لاپ شیرین یئرینده، آرتـێـق دوام ائتمه‌دی. ناغێـلین سوْنونا اوْلدوقجا ماراقلانان شاه، ناغێـلین سوْنونو بیلمک اۆچون، شهرزادی اؤلدۆرمکدن واز گئچدی. گلن گئجه، شهرزاد او ناغێـلی بیتیردی، آما یئنی بیر حیکایه باشلادی و بو ایشی مین‌بیر گئجه دوام ائتدیردی. نهایت شهریار قێـزی اوْلدۆره بیلمه‌دی، چۆنکی اوْنلارێـن آرتـێـق اۆچ اوشاغی اوْلموشدو!
«مصر» ده اوْلان مین‌بیر گئجه تـوْپلوسوندا مین‌دؤرد‌یـۆزه یاخێـن ناغێـل وار. باتێ اؤلکه‌لری ۱۷۰۴. ایلینده آنتوان گالاند[3] چئویرمه‌لری ایله بو اؤیکـۆلری تانێـدیلار و اوْنلاری اؤز یئنی ادبی، اوْپئرا، باله، سینما و ... اثرلرینده بیر الهام قایناغی اوْلاراق قوللاندێـلار.
علی‌بابا و قێـرخ حرامی، بو ناغێـللارین ان آدلێـملاریندان بیری دیر. بو ناغێـل ایکی بـؤلـۆمدن عیبارتدیر. بیر سئحیرلی ناغێـل کی اوْندا یـوْخسول بیر کیشی سئحیرلی بیر سؤز سؤیله‌مکله بـؤیـۆک بیر خزینه تاپێـر و بیر حقیقی ناغێـل. بو ناغێـلدا ایکی اوْغرو باشاری و هـۆنر گـؤرستمکله، اوْغورلانمێـش خزینه‌نی اله گتیرمک اۆچون، بیر- بیریله رقابت ائدیرلر. بو ایکی ناغێـل دفعه‌لرله شیفاهی روایتلرده بیر- بیریله قارێـشیبلار.
ناغێـل سؤیله‌ین بیری‌نین، مین‌بیر گئجه حالی- هاواسێـنی دیرلتمک ایسته‌ڲـینی یئرینه گتیرمک اۆچون، علی‌بابا ایله قێـرخ حرامی ناغێـلی کیچیک بـؤلـۆملره بـؤلـۆنوب کی، ناغێـل دئین، ناغێـلی ذروه‌یه چاتـێـنجا ساخلایێـب، ائرته‌سی گـۆن قالدێـغی یئردن دوام ائتدیرسین.
*****
بیری وار ایدی، بیری یـوْخ ایدی. گئچمیش زمانلاردا «ایران» آدلانان یئرلرین یاخێـنلیغیندا اوْلان بیر شهرده «علی‌بابا» آدلی، یـوْخسول بیر اوْدونجو یاشایێـردی. او هر گـۆن اوْدون یێـغماق اۆچون مئشه‌یه گئدیب، اوْدون ساتـێـب، چتینلیکله گـۆن گئچیردیردی. اوْدون یێـغدیغی گـۆنلرین بیرینده، یاخێـن گلن آتلارێـن دێـرناق سسینی ائشیتدی. اوْدونجو احتیاطلا کیچیک تپه‌نین اۆستونده اوْلان هـۆندور بیر آغاجا دێـرمانیب، آغاجێـن تـوْم قـوْل – بوداغی‌نێـن آراسێـندا گیزلندی.
چـوْخ چکمه‌دی نئچه نفر آت اۆستونده گلیب، آتلارێـنی آغاجا باغلادێـلار. اوْنلار آتلارێـن اۆستوندن آغێـر کیسه‌لر گـؤتـۆروب، اوْموزلارێـنا[4] قـوْیدولار. علی‌بابا یوخارێـدان هرزادی گـؤرۆردو. او آت سۆره‌نلرین کسگین قێـلینجلاری و گـۆن قاباغێـندا یاندێـغی قـوْرخمالی صوراتلارێـندان بیلدی اوْغرودولار و اوْغورلادێـقلارینی اوْرا گتیریبلر. علی‌بابا سایدی، قێـرخ نفر ایدیلر، آرتـێـق – اسگیک‌لری ده یـوْخ ایدی...
اوْغرولار یـوْللاندێـلار، تپه‌نین آغزێـندا، هـۆندور بیر قایانێـن قاباغێـندا دوردولار. حرامی باشی سسلندی:
- «کـۆنجود! آچێـل.»
بونو دئمک همن، هـۆندور قایا فێـرلاندی، ایکی طرفدن آچێـلدی و یئکه بیر ماغارا[5] گـؤرۆندو! اوْغرولار ماغارایا گیردیلر. حرامی باشی دا هامێـدان سوْنرا گئچیب، دئدی:
- «کـۆنجود! باغلان.»
#آردێ_گلن_سایێـدا...
@MuncuqAz
/channel/Sancaq_media/8577
[1] . حیات یوْلداشی
[2] . سحره کیمی
[3] Antoine Galland
[4] . چیین. فا: شانه
[5] . کـؤهـۆل، فا: غار
«#سانجاق»، سیاسی- اجتماعی مهد تمدن گۆنده‌لیگی‌نین ۲۸۸۴. سایێنداکی تۆرکجه صفحه
«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.
@SancaqDergisi
@MuncuqAz
■ 2883 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز یکشنبه 17 آبان ماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ قدیم اوْیونلار
🔷 آشوغ (آشیق)
✍️ یازان: #آیدین_خلفی_زینگیر
اۆچونجو بؤلۆم
🔶 2- جێـز[1]
چَمبر (دایره) بیر جێـز چکیلیر. بو جێـزین بؤیۆکلوڲو اوْیونچولارێن ماراغێ ایله ایکی ارشیندن اۆچ ارشینه قدر بلکه ده آرتێق اوْلور. جێـزین اوْرتاسێندا چمبر شکلینده، بیر – ایکی قارێش بوْیوندا آیرێ بیر جێـز چکیلیر. بو جێـزین آدێ چێرتدیق‌دیر. هر بیر اوْیونچو چێرتدیق دئییلن جێـزا بیر آشێق قورور. دۆز بیر جێـزین اۆستونه قورولان بو آشێق‌لارا اوْیونچولار هَنه دئییرلر.
هَنه قوران اوْیونچولار، اوْلابیلر تک – تک اوْلالا‌ر، یا ایکی یا اۆچ یا... دسته‌لره بؤلۆنه‌لر. سوْنرا بیرینجی کیم، یا هانسێ دسته باش اوْلوب، باشدان آشێق‌لارا ساققا آتما‌لێ اوْلاجاغێنی بلله‌مک اۆچون، ساققالارێ (ساققا: جێزین ایچینده اوْلان آشێق‌لاری وورماغا بیر ساغلام و بؤیۆک آشیق) بیر بیرینه قوْشوب، گؤڲه آتێرلار. کیمین ساققاسێ شک دورسا، اوْ و اوْنون دسته‌سی بیرینجی اوْلور.
آردێ و قالانلارێ بللی اوْلونجا، بو ایش دوام ائتدیریلیر.
اوْیونو باشلاماق وقتی چاتێر. بیرینجی باش اوْلان باش دئییلن یئردن (باش: جێـزدان بیر آز آرا‌لێ بللنمیش یئردن) جێـزین ایچینده قورولان آشێق‌لارا ساققاسێنی اؤزل شکلده توشلایێب آتێر.
ساققا آشێق‌لارا دیَرسه، آشێق‌لاردان بؤیۆک جێـزدان چێخانی ساققا آتان اوْیونچونون اوْلور. بیر دنه‌دن آرتێق جێـزدان چێخاندا «مئهیشت» دئییلیر. مئهیشتین اوْلوب- اوْلماماسێ اوْیوندان اؤنجه اوْلان دانێشیغا باغلێدیر.
ساققاسێ دایانان یئردن بیر داها آتماق حقّی وار، اما چێرتدیقدان چێخیب و قالان اوْیونچولار واسطه‌سی‌ایله چێرتدیق سئچیلن، آشێق‌لارا آتابیلمز (اؤنجه دانێشیلیر). قالان آشێق‌لارا ساققاسێنی آتێر. ساققاسێ چێرتدیغین ایچینده قالسا اوْردا اوْلان هنه‌لری چێرتماقلا، ساققاسێ اوْردان چێخینجا جێـزدان چێخارا بیلر ساققا بوْشا کئچرسه یا دَڲدیڲی آشێق جێـزدان چێخماسا، سێرا اوْ بیری اوْیونچویا کئچیر.
سێرادا اوْلان اوْیونچو چێرتدیق سئچیبدیرسه، جێـزین قێراغیندا دایانا‌راق، اوزانێب اوْنو چێرتما‌لی، یوْخسا دایانا‌راق وورما‌لێ‌دیر. ووردوغو آشێق چێخماسا یا ساققاسێ دَڲمه‌سه، سێرا اوْ بیری اوْیونچویا کئچیر. اوْیونچو او یئردن کی، گرک ساققاسێنی آتا، اوْنو بیر آز تاپداسا دئییرلر حارام باسدێن، ساققاسێ دَڲمیش اوْلسا گرک آیرێدان ساققا آتا.
بئلهلیکله آشێق (هنه) جێـزدان قوتارێنجا، سێرا آردێجیل دوْلانێر.
یئنی اوْیون باشلاناندا سێرا بئله اوْلور: سوْنونجو هنه‌نی اوْدان اوْیونچو باش اوْلور، ایلک اوْیوندا زیران (هامێدان سوْن) اوْلان اوْیونچو آرد اوْلور، باش اوْلان اوْیونچو زیران اوْلور و قالان اوْیونچولار بیر نوبت یوخارێ قالخێرلار.
قئید ائتمک لازیمدیر کی، جێـزدا اوْلان آشێق‌لارین یئرینه بعضاً جێنقیر (قوز) دا قورولور. هر حالدا جێـزا قورولان نه اوْلورسا اوْلسون، هنه آدلانێر. اوْیونچولارێن هنه‌لری بیتدیکدن سوْنرا، یا اوْیونچولارێن راضێلیغی‌ایله اوْیون سوْنا چاتێر. اوْیونون قایدا‌لارێنی بیله‌رکدن گؤزله‌مه‌ین اوْیونچویا داغال دئییلیر.
بو اوْیون اڲلنجه‌‌لی اوْلدوغو حالدا اوْیونچولارێ سۆرکلی آیاق اۆستده و حرکتده اوْلدوغو اۆچون فیزیکی باخێمدان گلیشدیریر. اجتماعی و یوْلداشلیق حسّینی ده گۆجلندیریر.
بعضاً بو اوْیونو اوشاقلار آشێق و جێنقیر یئرینه آشێق‌ساپی و باترێ و داش قوراراق، اوْیناردێلار.
#آردێ_گلن_سایێدا...
@MuncuqAz
/channel/Sancaq_media/8573
[1] - زارعی آغاممد، گرمی‌نین آلازار کندی ساکنی، 60 یاشیندا، ساوادسیز، 1390.
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۲. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⭕️ هفته‌لیک فالێـنیز
✍ حاضرلایان: #اوْلجای_مرآتی
🔶 قۇیرۇق دوْغان (آسلان، مرداد): بوندان آرتێـق سوسمالێـسیز. سوسماق دؤزۆملو اوْلماق دئمکدیر، بو اۆزدن داها دؤزۆملو اوْلمالێـسیز. پیس گـۆنلری گئری‌ده قوْیوبسوز، آما سیزین دؤزۆملو اوْلماغێـز او گـۆنلری داها راحات آتلاتماغێـزا سبب اوْلدو. حیاتێـن ائنیش- یوْقوشو وار، بو آرادا بیزیم داورانێـشیمیز اؤنملی دیر. تعطیل گـۆنلر ایشله‌میین! تعطیل دئمک، دینجلمک و ایشدن آرا آچماق دئمکدیر. استراحت ائلیین و عزیزلریزله وقت گئچیردین.
🔶 زۇمار (باشاق، شهریور): گـۆز فصلینی بیرآز غملی باشلایێـبسیز، آنجاق سیز حیاتـێـن حالا دوام ائتدیڲـینی یاخجی بیلیرسیز. بیزدن آیرێـلان عزیزلرین یئری نه قدر بوْش اوْلسا دا، اوْنلارێـن یادی هر زمان اۆره‌ڲـیمیزده دیری دیر، پس حیاتا گئری دؤنـۆن و الدن وئردیڲـیز گـۆنلری جبران ائتمڲه چالێـشین. حالێـزی خوْشلادان هر ایشی گـؤرۆن، باشگاها گئدین، قوْناقلێق وئرین، بیرزادلار آلێـن، سفره گئدین و بیر جۆر اۆمودلنمڲـه چالێـشین. عائله‌یه اؤنم وئرین، انسانێـن عؤمرۆنون سوْنونا کیمی اوْنا قالان عائله‌دیر.
🔶 خزل (ترازی، مهر): گئچن ایکی هفته شانس سیزدن یانا اوْلمادی، آما بوندان بویانا خوْش گـۆنلر گـؤرۆنور طالعیزده. یاخجی یئرده اوْلدوغوزو بیلین و سئویملی اوْلماغا چالێـشین. باشقالارێـن یاشامێـنا حسرتله باخمایێـن، سیزده اوْلان چتین‌لیکلر هر کسده اوْلا بیلر، اۆمودوزو الدن وئرمه‌یین و سوْرونلاری آرامشده چؤزمڲـه چالێـشین. ایشه گـؤره اوْلان استرسلر سیزه ضرر یئتیره بیلر، سیز گـۆجلو بیری‌سیز و سوْرونلاری مدیریت ائدیب، چؤزه بیلرسیز بو اۆزدن نگران اوْلمایێـن.
🔶 قیروْو (عقرب، آبان): بو گـۆنلر تام سیزین‌لیکدیر. بو اۆزدن گـۆلومسه‌یین و یاشامێـزدان لذت آپارێـن. یوْلداشلارێـزی گـؤرمڲه گئدین و بیرآز اوْنلارلا زمان گئچیردین. ایش فکرینده اوْلسانێـز، بو هفته یئنی بیر ایش تاپێب، باشلایا بیلرسیز. طالعیزده بیر داشێـنماق گـؤرۆنور، هئچ بیر دڲـیشیم یاراتماغا یوْخ دئمه‌یین. مالی سوْرونلاری اونودون، یاخێـندا هامێـسی دۆزه‌لر. بیرآز خرجلری آزالدێـن، آما نقد پول ساخلامایێـن. یاخجی خبرلر وار آما بیرآز دؤزمه‌لیسیز. کدورتلری اونودون و بارێـشماغا فکرلشین.
#آردێ_وار....
@SancaqDergisi
/channel/Sancaq_media/8571
⭕️ زرنیشان خانێـمین چنلی‌بئله گلمه‌سی
✍️ کؤچۆرن: #شبنم_توحیدی
سکگیزینجی بؤلۆم
سؤز تماما یئتدی. زرنیشان خانێم دئدی:
- حسن! ائشیتدیڲیمه گؤره، کوْراوغلو یئددی ایلده عکسیمی زوْرلا الده ائدیب. ان شاء اللّه، ایندی ده یئددی ایل سنین یاسێنی توتار. حؤکمدار قێزی الینه خێنا قوْیماق عوضینه باشێنا قارا باغلار. جاوانسان، جانێنا یازێغین گلسین. نه قدر کی، قانین قارا پاشانێن الینده غلطان اوْلمایێب، جانێنی گؤتۆروب، بوردان گئت.
زرنیشان خانێم، بو سؤزلریله «حسن»ـی امتحان ائدیردی، گؤرسۆن اونا یار شیریندی، یوْخسا جان!
حسن باخدێ کی، زرنیشان خانێم اونو حـربه – زوْرباسێ ایله امتحانا چکیر. اوْدور کی، اؤزوۆون ایگیدلیڲینی اونا اثبات ائتمک اۆچون، دئدی:
مرد اوْغلونون نیشانهسی،
قانێندا گرک ایگیدین.
چکمهڲه اؤزگهدن منّـت،
جانێندا گرک ایگیدین.
بیر ایگیدین اوْلسا سانێ،
وورار قێلینج، تؤکر قانێ،
گۆرزو، نیزهسی، قالخانێ،
قوْلوندا گرک ایگیدین.
ایگید اوْدو اولا گۆجو،
آلا قالالارێ، بورجو،
اوْوخارلێ میصری قێلینجی،
بئلینده گرک ایگیدین.
کوْراوغلونون بالاسێیام،
هر سؤزۆنو قاناسێیام،
دئدیڲینی داناسێیام،
سؤزۆ دۆز گرک ایگیدین.
من حسنام، قورد اوْغلویام،
دۆشمنیمه درد اوْغلویام،
نسیلجَـن، بیل، کوْراوغلویام،
آرخاسێ گرک ایگیدین.
سؤز تماما یئتدی. حسن باخدێ کی، زرنیشان خانێمین دیلی دئدیڲینی، اۆره‌ڲی دئمیر. اؤز – اؤزۆنه دئدی: کوْراوغلو دئمیشدی، گَـل سن بونون اوشاقلێغینی، جاوانلێغینی، قوْجالێغینی یادێـنا سال، بلکه یوموشالا.
آلدێ حسن:
اۆچ یاشێندا بئش یاشێنا واراندا،
یئنیجـه آچێلمیش گۆله بنزهرسن.
بئش یاشێندا اوْن یاشێنا واراندا،
آرێدان ساچێلمیش بالا بنزهرسن.
زرنیشان خانێم اؤزۆنو ساخلایا بیلمه‌دی، شاققاناق چکدی. دئدی:
- اَیـه! گاوور اوْغلو یانشاق! جۆمله گۆندوْغاندان، گۆنباتانا بوْینو بوران، ایگید پهلوانلار قوْلونو قێران اَرنلر منیم دردیمدن اؤلۆر. سن ده باشلامێسان منه اۆچ یاشێندان، بئش یاشێندان اوْخوماغا.
حسن باخدێ کی، مطلبی زرنیشان خانێما چاتمادێ. دئدی:
- خانێم، سازی، سؤزۆ دینلرلر. ایلک کلمهدن آداما گۆلمزلر. هله گؤر اوستاد سوْنراکی حالێنا نه دئییر. آلدێ حسن:
اوْن دؤردۆنده سئودا یئنر باشێنا،
اوْن بئشینده جاوان گیرر دۆشونا،
چۆنکی یئتدین ایڲیرمی دؤرد یاشێنا،
بوْز – بولانێق آخان سئله بنزهرسن.
اوْتوزوندا کَکـلیک کیمی سَـکَرسن،
ایگیدلیک ائیلهییب قانلار تؤکرسن،
قێـرخیندا ال حرامێندان چکرسن،
صوناسی اوْولانمیش گؤله بنزهرسن.
اللیسیندن الیف قدّیـن چکیلر،
آلتمێشیندان اؤن دیشلرین تؤکۆلر،
یئتمیشینده قدّیـن، بئلین بۆکولر،
کروانی کسیلمیش یوْلا بنزهرسن.
سَـکسنینده سینیر یئنر دیزینه،
دوْخسانێندا غبار قوْنار گؤزۆنه،
کوْراوغلو دئـر، چۆنکی یئتدین اۆزونه،
اوجا داغ باشێندا کوْلا بنزهرسن.
سؤز تماما یئتدی. حسن باخدێ گؤردۆ کی، دایه ایله زرنیشان خانێم بیر بیرینی ائله قوجاقلادێلار کی، ایللر – آیلار حسرتلیسی کیمی! دَم وئریبلر گؤز یاشینا. آنلادێ کی، سؤز یئرینه دۆشدو. دئدی:
- زرنیشان خانێم! من قوْچ کوْراوغلویا سؤز وئرمیشم. اؤلدۆ وار، دؤندۆ یوْخ! واخت دارالێـر. سن تدبیرلرینی دئنن!
زرنیشان گؤردۆ حسن، سؤزۆنده بۆتؤودو. قوْرخو یئری دڲیل. دئدی:
- ایندی واختدێ، آیرێلمالیییق. آخشام‌اۆستو دایهم دالێنجا گله‌جک. مئهترباشێ عبدالرحمن، آتامێن «آش‌قاردور» آتێ‌نین طؤیلهسینی یاخشێ تانێییر. آتـێن طؤیلهدن چێخاریلماسینا او تدبیر تؤکر.
حسن، زرنیشان خانێملا، دایه ایله حلاللاشێب، بۆلبوللو باغداکێ گیزلین یئرینه چکیلدی. بیر آزدان باغ بوْشالدێ. حسن اؤزۆنو وئردی مئهترباشێ‌نین ائوینه.
مئهترباشی دئدی:
- اوْغول! حسن! نئجه گلدین، اوْغلانسان، یا قێـز؟
حسن دئدی:
- عبدالرحمن عمی! اوْغلانام.
سوْنرا دا باشێنا گلنلرین هامێسینی مئهترباشێیا ناغێل ائله‌دی. آخشاما حاضێرلیق گؤرۆلدو. دایه، حسنه دئدی کی، گؤتۆر چارشوْوو، زرنیشان خانێم بیزی سارایدا گؤزلهییر.
آغشهر شیرین یوخودا ایکن، تدارۆک گؤرۆلدو. زرنیشان دا، حسن کیمی آلتدان گئیینیب، اۆستدن، اۆستدن گئیینیب آلتدان قێفیللاندی، یاراقلاندێ، یاساقلاندێ.
#آردێ_گلن_سایێـدا...
@SancaqDergisi
/channel/Sancaq_media/8567
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۸۱. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⭕️ آذربایجان آغێز ادبیاتیندا بولاق
✍️ یازان: #بهروز_ایمانی
ایکینجی بؤلۆم
بولاق سؤزۆ ایله بزه‌نن اوْنلارجا ماهنێ‌لارێمیز واردیر. آنجاق ماهنێ بویو بولاغێن تام خصوصیتینی «بۇلاقدادێر» آدلێ ماهنێدا گؤرمک ممکن‌دور:
گئتدیم گؤردۆم بولاقدادێر، بولاقدادێر، بولاقدا...
ال – اۆزونو یوماقدادێر، یوماقدادێر، یوماقدا
قوْشا خاللار یاناقدادێر، یاناقدادێر، یاناقدا
قێزیل اۆزوک بارماقدادێر، بارماقدا.
بیر بئله جان آلان اوْلماز، اوْلماز، اوْلماز
بیر بئله قان سالان اوْلماز، اوْلماز، اوْلماز
سؤزۆمون سوْنوندا، محبت داستانلاریێمیزدا سئوگی مکانلاری، گؤرۆش یئرلری عمومیتله بولاق باشلارێ اوْلموشدور. بو عنعنه‌یه گؤره اصلی – کرم، بابک، کوراوْغلو، قاچاق نبی کیمی قهرمانلاردا دا، گؤرۆش یئرلری بولاق باشێ اوْلموشدور. دئییرلر «سئویلنلر، بولاغێن تمیزلیڲینی، صافلێغینی تانێق گتیره‌رک، همیشه اۆرکلرینی بولاق کیمی دۇم – دۇرو ساخلایاجاقلارێنا آند ایچرمیشلر.
@SancaqDergisi
/channel/Sancaq_media/8564