308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
***
Тонг бошга кўтармай туриб офтобни
Сузар япроқларнинг салқин овози.
Дунё мовий, яшил рангли китобдир
Кунларим вароқлаб борар қоғозин.
Гуллардан булбулнинг кетмаган иси
Дарахтлар ичида ухлар кўланка.
Тобора ёруғлик беркитиб изин
Юлдузлар жой излар қўнарга.
"Мана"-
кўзларимдан кўрсатаман жой,
Ёришаман туннинг қорачиғида.
Бир ифор куйлайди шунчалар хушбўй
Кеча ва саҳарнинг оралиғида.
***
Гарчи шаҳарликман, буни унутинг,
Чигал ҳисларимга тегмаган тароқ.
Чўкиб бораётган менмас, сукутим
Ўсиб бораётган бинолар аро.
Гарчи улар орим қадар ўсмоқда,
Гарчи ёмғирларга эш қилиқларим.
Ўпкам ачиштириб, олисда, тоғда
Мени кутиб ётар ҳайқириқларим!
Ва яна кутарки, кенгликлар узра
юрагимда чопиб чиққан қулунлар.
Заминга қўнолмай совқотиб, музлаб
Кўзим осмонини ўпади тунлар.
Бу шаҳар шовқини тобора гунгдек
Фаразларинг пишиб ётса афтода.
Ғиззилаб келувчи ҳаёлларингдек
Тобора урчибми борар автолар.
Олифта кўрсатган кўзгулар яйрар
Дераза ортида бирхилликлар жам.
Манзилим сўрайман қайта ва қайта
Ер остига кириб кетган метродан.
Қишлоқи қалбимга урилган бонгми ?
Кимнингдир кўклардан айлагани рашк,
Қайдадир хўрозлар уйғотган тонгни,
Ва...
Ҳали кўрмаган уйингни соғина бошлаш...
***
Қачондир меники бўлган йўлларда
Қадамларим учун бож сўрди гадой.
Раҳмимни ирғитдим,
қайтарди зарда.
Ногаҳон ҳовузга тушиб кетди ой
қоқилиб итларнинг овозларига,
Юзида ажинлар
оқди пойма-пой.
Овози милён йил ичда қавариб,
оқибат барибир сўнгги чой чақа-
тангаларин тўлаб
жон берди балиқ .
Ҳалиям ичимда ҳайрат қалашган,
Ғўрман, ҳақиқатни излаб, ҳалиям
Кўникиб кетмадим
кўниб яшашга.
🎹 ✍: N.Habibullayeva
#musiqiy_lahza
Xayrli, eshitimli tong!
Nimalarni tasavvuringizga soldi, aytingchi? 🤗
УЧРАШУВ
Тиззаларим қалтираётир,
учар гилам, муҳташам гилам.
Пардоз қилдим кўзингга боқиб
севгим билан, ҳаяжон билан.
Сен ҳақингда сўйлар олти ёқ,
қуллуқ қилдим кўксим қармоқда.
Юрак эса сенли борлиқнинг
эшигини тақиллатмоқда.
Ва йўл очдинг, ташаккур айтдим,
Ич - ичкарим, ҳужайрам чаман.
Қачон келдим? Ўлдим?
Билмадим
Аммо аниқ тирилмоқдаман!
Оҳ, бунчалар улкан ишқ бердинг!
Изинг излаб бошимни эгиб
изҳор айтсам пичирлаб,
ернинг
қулоқлари кетади эриб...
Бу учрашув шавқим бугуннинг
беш лаҳзалик буюк ташбеҳми? !
Қўлларимга тақиб қўйдинг энг
қимматбаҳо маржон - тасбеҳни! ...
_______
@Nozima_Habibullayeva
ШАҲРИНОЗга
Овозингни созлайвер, қизим,
Бор кучингни жамла томоққа.
Ҳеч кимсага бермагил изн
Овозингни парчаламоққа.
Овозингни созлайвер, қизим,
Курашасан сукутга қарши.
Ич-ичидан чириган тизим,
Моғорлаган муҳитга қарши.
Ҳали йўлда ошкора сирни
Ярим-юлуқ уққанлар чиқар.
Нуҳ тўфони босганда ерни
Сувдан қуруқ чиққанлар чиқар.
Ҳалимлигинг, бежиримлигинг
Ўтолмайди "норозимиз"дан...
Кучли бўлсин сенинг жимлигинг,
Бизнинг ожиз "овоз"имиздан.
Қақнус қизим, осмонни йиртсин
Ханжар каби ўткир парвозинг.
Қултойлардан озода этсин,
Шу Ватанни озод овозинг!
Шаҳриёр Шавкат
#retro
* * *
Жазирама... бўлиб норози
Нафаслари қайтади куннинг.
Кўзларимга беркиниб мозий
Рангларини тинглайди дуннинг.
Ишкомларга илиниб қолган
Шивирлайди қушларнинг туши.
Ҳовуздаги оппоқ қайиқча
Тушиб қолган ойнинг ковуши.
Этикдўзнинг деразасидан
Айғоқчилик қилади дарахт
Ернинг боши айланар бу дам
Қурбақалар сайрайди «вақт- вақт!»
#retro
* * *
Қуёш соясининг синиқлари – куз
Пойимга сочилган водийга қадар.
Қўқон шамоллари яшилдир ҳануз?
Ва гуллаб юргандир фасл дарбадар.
Майиз-у туршакка бағрини бериб
Бувимнинг меҳрли тугуни омон.
Соғинч елкасига юкланавериб
Ўзидан ошолмай ётади довон.
Унда тонглар узун, тунлар қисқароқ,
Унда ер кўрмаган уфқнинг кураги.
Тирик ҳовлиларнинг вужуди аро
Райхон исларида урар юраги.
Узоқдан зарафшон болалик имлар,
Бағрига босганча қўғирчоғин жим.
Борди атлас каби рангин тақвимлар
«Марғилон борай дедим, боролмадим»...
Ахир менга ёзмоқ муҳим баридан
Айниқса, қумсамоқ ҳақида камёб.
Томоғимдан олар онам юборган,
Соғинчга қорилган бир тандир дунё.
Тун бўйи шаҳарга ёмғир юбориб
Осмонни қитиқлаб чиқар мўрилар.
Эртакларим тинглаб ётар ноябрь
Юлдузлар тўкилган нурли сўрида...
ДЕНГИЗГА (туркум)
Салқинлик оҳангин истайди руҳим,
Тўлқинларнинг соясида сузиб юрса,
сув ўтлари елпиб турса,
балиқлардек
елкасидан қанотлари қалқиб турса...
Сўнг
Наҳангларни даст кўтариб
кўк тоқига осиб қўйса думларидан
Озод бўлган балиқларнинг ёмғирида чўмиларди
У биларди,
кенглилларга ундан ўзга асир нобоп.
Баъзан кетса,
ой ўзига сиғмай тўлар,
Тунда сени қучиб йиғлаб чиққан бўлар.
Бағрингга ол, йўргаклагин,
То занжирга айланмасин
Ой кўз ёши- маржонларинг...
* * *
Байталдек пишқирар сулув тўлқинлар,
Тонгнафас, манзили ғулув тўлқинлар.
Тингла,
қуёш жаранглайди
ҳамда ранглайди-
мавжлар ёлқини тутар оламни.
Узоқда ҳориган кема чайқалар
Аллалар
ичидаги сўнгги одамни.
Мен эса...
Овозимни ютар чағалай.
Дунёйигда фақат бўзладим.
Шундан бери фурсат унут,
битмас масофа
Соҳилингда тентираб чопар
олапарим- кўзларим...
* * *
Чиғаноқни қулоғимга қўйиб
кўзларимни юмганча тингла-аб ётсам...
Денгиз шивирлайди,
куйлар эҳтимол.
Қуйила бошлайди кўзимга тўлқин.
Ҳалиям ўзини билмас дарбадар
тўлқинларинг каби тентиб юрибман.
Турибман,
умрнинг чораги бўм-бўш.
Денгиз!
Юрагингни жойла кўксимга.
Бу товуш, бу ритм
дирижёр таёқчасидай
Руҳим соҳилига исмимни ёзсин
Ва чалсин умримнинг симфониясини...
_____
2023
@Nozima_Habibullayeva
#retro
***
Баҳорнинг сўнгги йўқ, осмон-у ерда,
Оёғи асирда
учиб юрар у.
Дунёси – эрмакка айтилган эртак,
Эртакдан эртакка кўчиб юрар у.
Бу баҳор дунёнинг юзидан ўтди,
Гуллашга муштоқлар кўзидан ўтди.
Ўрик гулларига қўнган қормиди? *
Не бўлса,
не бўлса ўзидан ўтди.
Узоқ алаҳсиди саноқсиз тунлар,
Кўзёши селларга фуқаро бўлиб.
Шамоллар тепалаб кетган очунда
Шотутдай тўкилди Бухоро бўлиб...
Мана,
Настаринлар гуллади чаман,
Эртакнинг сўнггига тикиб жонларин.
Улар –
Сармаст-у, май ҳақда ёза олмаган
Шоирнинг гуллаган сиёҳдонлари.
So‘zsiz she'r....
Shahrinoz tug‘ilmasidan avval chizdirgandi kuzda 😉
@Nozima_Habibullayeva
#retro
ХОРАЗМ ДАФТАРИДАН
I
Сузиб кетган йўллар қайтади
Соҳилига етгач ортига.
Келажагим кутган-у тугаб
қолган мунис ўтмиш қайдадир…
Бир ўлка бор, ҳавоси ажам,
Сўқмоқлари қаварган бийдай.
Деворларин томиригача
Ва осмоннинг охиригача
мозий рангида…
II
Кечикдим.
тобора ичикдим сенга,
Тизланиб бордилар изларим тупроқ.
Шундоғам куймоққа куйинг тўйинган
Куйган ким кўпроқ?
Сенми Нуҳ кемаси чўккан қароргоҳ?
Нақшида кўзларим учраган девор.
Бунча қўлларимни титратасан, оҳ…
Мангуберди руҳи сачраган девор.
Ҳар зарра, ҳар томчи ичинда синиб
Оқшомда самога қулф урган дарё.
Тўлғона-а-тўлғона жигарбандини
Ори ё ёшига чўктирган дарё.
Зиналар тахланиб боради бунча,
Мозийга элтади ҳаёллар токай .
Чап кўксимда
минг йил ўйноқлагунча,
Темур Малик қани ай, тулпорим, айт!
Полвон ўлкам менинг,
фурсати саман,
Биламан, сиғмайсан очун – ғаладон .
Истасанг , оғриғинг яшаб бераман
Ичим қалъада.
III
Баланд миноранинг
устига тушдим,
Қаердан, билмам.
Муаззин қулоғим очди, увушдим…
Кимман?
Ипак нафасларда яшамоқ йўли
Буюкми ёки
Кўтарсам қанотга
айланар қўлим
Соки-и-ин…
Одамлар негадир нигоҳин илар
малоллаб.
Рўмолим учига қолар тугилиб
Саволлар.
Мен сени танийман,
мана булар ким?
Ё ҳаммаси мен?
Чинданам мозийдан келдикми, Шоҳим?
Ёнимдаги Сен!
Замин кўзларингга – кўзимга чўкиб
Чизмиш харита.
Ё бизга айланди ўтмиш ва ёки
Қолдик тарихда.
IV
Лазгидадир япроқлар авжи баҳор устина,
Титроғи етгай Шом-у ва Қандаҳор устина.
Йироқлаб қийналдилар, қайроқда қайралдилар
Узун ўйим тахланмиш Калта минор устина .
Аллалаб қўймасидан майнинг майин еллари,
Бизни ёр элтмоқдадир соғинчи нор устина.
Эй муғанний, бу кеча сувворалар тинмасин,
Томиримни тортиб чал узилган тор устина
Лазгидадир япроқлар авжи баҳор устина…
V
Киприкларим тўкиб келдим йўлларига
Сояласин,
жонин оташ тутмасин деб
Найларимни экиб келдим чўлларига
Мендан кейин навосизлар ўтмасин деб.
Мен қизғанчиқ қизингманми
ёки ярминг?
Парихона тарафлардан келган туйқус.
Мен қўрқаман, ўша соқчи қамишларнинг
Кўзларига бир кун тўлиб қолар уйқу…
#retro
КАЛЕЙДОСКОП
Мени ёлғизликка кўмди одамлар,
Кўнмадим,
улардан чиқдим ташқари.
Кўзимга жамики денгизни ғамлаб,
Сочимга минг тунни тарам-тарамлаб
Йўл олдим хуржунга,
гавжумлик сари
ойна тутар дунёга ёмғир саваган
Ижара деворлар йиқилган кўча.
Ке-ечгача чироқлар ҳамроҳдир менга,
Кечгача.
Чироқлар йироқлар...
Оқ кўпми ё қора? Кўзим ўнгида,
Ғиззиллайверади автолар сони,
Оқ кўпми ё қора?..
ва ёниб ётади чўнтагимда жим
Қўнғироқ каломлар ва овозларнинг
қабулин истамай худди ўзимдек
овозсиз дастурдаги телефоним.
«Хоним,
ўтиб кетай...» туртинар кимдир
Қарасам чорраҳа. Кутаман
яшилнинг юзидан ўта олмайман
Ҳамроҳим куз ҳурмати
сариқда ўтаман.
Пуфак узатади ночор болакай
Фалон пул ҳавонинг тутқундагиси.
Ер ости йўлида ўлтиради шай,
Тарозибон хола бойиб дам-бадам
Унга кулгуларим вазнин сотаман -
Қирқ беш килограмм...
Баҳоси беш юз сўм унинг,
Гўёки
ясама гулларнинг ифоридек танг
Сунъий хазонларни
кўрганмисиз ҳеч?
Табиийлик ёнишга
маҳкумми дейман...
Айни дам,
Ҳечне ёқмаётир,
борлиқда йўқлик,
Шунчаки ке-е-таман...
Ҳатто истамайман, тушуняпсизми,
Нима исташимни
билмоқликни ҳам.
Совқотиб боряпман қуёш тиғида
Шунчаки, недир бор аралаш оғриқ
ёронғу туйғулар қоришиғида.
Кутгим йўқ,
Эшитгим йўқ,
Йўқдир гапиргим ...
ўйлашни истамам, аммо ҳозир жим
баридан қутқарсин қулоғимдаги
Янграмаётган қулоқчин...
https://yoshlarovozi.uz/oz/news/kelguningcha-borligini-bilmasdi-yol
Читать полностью…
#retro
***
Келгунингча борлигини билмасди йўл,
Саллоланиб хиром этди ― келди рашким.
Зоҳир нима,
ботин нима ― унутдиму...
Кўзларингда аксим билан жой талашдим.
Ё ярашди бизга ишқи шуаронинг,
Сўз яралди умримиздан ишққа довур.
Ким биларди, ахир, сен-ла куйламоқлик
Ҳам куйланиб ўтмоқ бахтин,
ажабтовур!
Келгунингча учрашгандик Алмисоқда,
Мен манзилман қадим-қадим,
эсингдами?
Навқирон бу ўнгим билан сармаст чоғда
Тушларимни эслолмадим,
эсингдами?
Бир ифор бор ― субҳи содиқ аро тилсим,
Сажда қилсанг,
таъзим этсам ― висол жамдир.
Ҳисоб куни тарозида сўзлаб турсин:
Сенинг меҳринг,
Менинг ҳамдим!...
Келгунингча... борлигини билмасди йўл...
#hamdardlik
Inson bir-biriga g‘animat ekani ko‘p ta'kidlansa-da, og‘rig‘ini yo‘qotgandagina his qiladi.
Bugun adabiyotimiz og‘ridi, bir parchasi boqiy dunyoga rihlat qildi. Allohning rahmatida bo‘lib, Kavsarlarda cho‘milib yursinlar ilohim. 🤲
Luqmon Bo‘rixondan bir dunyo betakror asarlari qoldi, endi ularning umri uzun bo‘lsin.
Yozuvchimizning haqqiga duo qilib qo‘ying, azizlar...
__
@Nozima_Habibullayeva
#musiqiy_lahza
Va'daga binoan: 👇
Astor Piazzolla "Oblivion"
Wurttembergisches Kammerorchester Heilbronn
https://youtu.be/AT1IivIQYSw
#yangi
Hikoya emas, og‘riq yozdim. Bir o‘qingchi, kimnidir eslatmadimi?...
https://nodirabegim.uz/archives/5629
***
Сен мени алдама кўзимга боқиб,
Тарихни тариқдай чўқиган нигоҳ.
Учинчи оламнинг баҳрида оқиб
Бетизгин чайқатар руҳимни сегоҳ.
Мақомин ҳис қилмоқ учунми ёки
Тоғлардан ўзини ташлади ҳарсанг. .
Мардумга ғарқ бўлиб кетасан токи
Аксимни аксидай ифодаласанг.
Мен сўзга ичикдим,
самовий сўзга
Иситмалаб ётдим совуқ дилимда.
Энг буюк кўзгу йўқ Ўзингдан ўзга
Чечаклар ундирган хўрсиниғимдан.
Учинчи умримни яратувчи бер,
Аксимда зирхланиб ётмасин баёт.
Менга айланмаган,
мени билмаган
Ҳаёт бор,
кўзгунинг ортида ҳаёт !
#retro
* * *
Бир уммон чорлайди соҳибин,
Куйлайди осмонга босиб лаб.
Ҳар кеча тушларим соҳилин
Ювгани келади шовуллаб!
Ҳуштагин пуфлайди чағалай,
Энг нафис нафаслар ичинда.
Кемалар қанотин елкалаб
Соғинчлар сузади ичимда.
Ўмариб кетилган дур бунда,
Туғилдим - руҳимдан ҳатладим.
Эҳтимол қайсидир тўлқинда
Тентираб юргандир хатларим.
Фироқ бу абадий ёзиқмас,
Қайтсайдим,
Келсайди ё насиб.
Уммондан уёғи қизиқмас
Уёғи икки дун ўртаси!...
@Nozima_Habibullayeva
#retro
САККИЗЛИКЛАР
Бу тўрт девор – мисоли қути,
Эшигини қидиради бахт.
Тўрт бурчакка қисилган қутб
Ва гулдонга сопқўйилган вақт.
То томгача зулмат қуйилган
То тонггача тушлари ғижим.
Қанотлари михлаб қўйилган
Деразага айландим...
***
Қаҳратонда сирғалар ўйлар
Уфқ қонини чизар ҳомаки.
Елкалари эзилган уйлар
Чекиб чиқар тунда тамаки.
Тирноқ сотар бўри. Осмон юк,
Келолмайди қисматга тикка.
Балиқ сотиб ўтирган мушук
Чўкиб борар тирикчиликка...
***
Деразадан термулгум шарққа
Олис-олис туюлар кун ҳам.
Ва кирланган кўнглимни чайқаб
Куй бўлар «Дурруди Муаззам».
Мафтун этар буткул ташқари
Бир ичкарим бор олисларда.
Учиб кетган нигоҳларимга
Қўлин чўзиб қолади парда...
***
Қамар тўлғонади «Тугалланмаган
симфония»ни кулиб тинглар қай сурбет.
Якунлаб қўй деган даъвати билан
Илҳақ. Тушларимга киради Шуберт.
Қадамим – оҳирги товушлардир, сўнг
Нуқтага айланар нота шу издан.
Кўзимдан тўкилар энг сўнгги оҳанг
Чакка ўтмадими юрагингиздан?
#retro
***
Ҳиргойи тўкилган йўллар сокин-у
Киради, асирлар остона тутқун.
Қараса, столга қўйиб бошини
ухлаб қолган У.
Ўйлайди, «эҳтимол толиққан ва ё
Ўзимми кечикиб келмоққа банди?
Ахир тозартсин деб ундаги хулё
Энг нафис тушларни олиб келгандим».
Сўнгра юлдузларни отганча шифтга
Изҳорлар тахлайди жавонга ҳазин.
Сочларига шўнғиб йўқолади ва
Шамолга айланиб кетар нафаси.
Ҳамон ухлаётир, киприги нарвон –
Юзига қўнган у биллур қушча ҳам.
Қошига қамарни келтирган замон
Шулъаси нур чалар бармоқларида
Ногоҳ туртинаркан кўзин ахтариб,
«Тонг!» деб аталган шеър!?
Во-оҳ, бўлиб қуюн!
Чирсиллатиб оқ қон томирларини
Кастюмини илиб чиқиб кетар Тун.
#retro
***
Соябонлар - ернинг қандили,
Уни тутган чироқлар жонли.
Юрагингга кирар санчилиб
Аммо...
Лекин ...
Бироқ...лар жонли
Бўйларидан оласан таниб
Мойчечаклар кийдиради тож.
Оқиб борар тунга айланиб
Кун қўлини теккизмаган соч...
#retro
***
Мен сени шеър каби узооқ соғиндим,
Мезон меҳмон бўлди боғларни сотиб.
Уйқуга илиндим - тўкилиб кетдинг
Деразам ортида шивирлаётиб...
Биллур оҳангларнинг ифори келди,
Тушимга ўрнатиб томчилардан туғ.
Шарқираб яна сўз рангида кулдим
Руҳим чанқоғини босганинг қуллуқ.
Мен сени шеър каби узооқ соғиндим...
#retro
* * *
Тасаввур этмайсиз мусиқаларнинг
Ҳумори бепоён гирдоблигини.
Тушимга киради эски уйимиз,
шимол ёғдусидай таралган оҳанг
ва бунда
қадрдон пианинамнинг
куз мисол сарғариб клавишлари
қитиқлаб чиқдилар бармоқларимни...
Қуруқшаб кетганда қароқлар,
токи,
шеър ёзиб тўкилсам
шаррос, руҳма-руҳ,
тарона тўлқинлар йиғиб борарди
ритмма-ритм,
руҳма-руҳ.
Хотира альбомдек нота дафтарим
титраниб вароқлар нафасларимни.
Деворда чаламан –
Садо йўқ!
Ҳавода чаламан –
Садо йўқ!
Қуёш нурларини чаламан –
Наво йўқ.
Йўқ!
Ҳавотир чалинар...
Қўлим унутса-я товушларини?
Ҳозирми навога мендек гадо йўқ...
Мени қутқарманглар,
Демак куй яқин,
Яна озроқ агар чидай олмасам
Оҳангга айланиб кетаман ўзим!..
#retro
***
Тўлғонади саратон, алаҳсираб чиқади,
Пойгак истаб тупроқлар дарахтсираб чиқади,
Қанисан, намоён бўл, мен бахтсираб чиқаман,
Фараҳсираб чиқаман....
Кутиб қошим қорайди
Кунлар ниҳоясида.
Гулгун қўшиқлар айтдим
Aтиргул соясида,
Aтиргул соясида.
Тебранаман пойма-пой, қўйиб "Чўли Ироқ"ни,
Дунёнинг исми ёлғон, аслияти фироқми?
Нени излашга бердинг, қароқ–икки чироқни?
Бўғзимгача титроқни...
Шўнғимоғин сўрайман
Руҳимнинг доясидан.
Куртакланётган найман
Aтиргул соясида,
Aтиргул соясида.
Назарингдан бир қатим тушларимга тушганди,
О, ҳушим увишганди, жон қушим увишганди,
Тўққиз бора ой тўлиб хуршидига учганди –
Мен заминга кўчгандим...
Шундан бери гул ёнар
Япроқлар орасида.
Ҳар тонг руҳим уйғонар
Aтиргул соясида,
Aтиргул соясида...
🎓 Jurnalistika sohasida o’qiyotgan talabalar uchun 75 mln so’mlik ta’lim granti
XushnudbekUz kanali jurnalistika sohasida ta’lim olayotgan, yuqori o’zlashtirish ko’rsatkichiga ega, ijtimoiy himoyaga muhtoj, yetim va chin yetim, nogironligi bor talabalarning ta'lim olishi uchun moddiy yordam ko’rsatish maqsadida navbatdagi ta’lim grantini e’lon qiladi.
Taʼlim granti haqida maʼlumot:
🏢 Qaysi OTMlar uchun: barcha davlat va nodavlat taʼlim muassasalari uchun
📝 Qaysi yo’nalishlar uchun: jurnalistika sohasidagi barcha yo’nalishlar uchun
📊 Qaysi bosqich uchun: bakalavriatning barcha bosqichi
📚 Qaysi taʼlim shakli uchun: kunduzgi, sirtqi, kechki va masofaviy
👥 Necha kishiga beriladi: 25 nafar
💰Taʼlim granti miqdori: har bir kishiga 3 mln so‘mdan (jami 75 mln so‘m)
⏳Hujjatlar 25-may soat 23:59 gacha qabul qilinadi. Shundan so’ng jamoatchilik vakillaridan tuzilgan maxsus komissiya orqali g’oliblar aniqlanadi.
📲 Onlayn ariza yuborish:
https://imkon.uz/metsenat/122
Grant bo’yicha biror muammo yoki tushunmovchilik yuzaga kelsa, mana bu yerda izohlarda yozib qoldirishingiz mumkin.
👉 @xushnudbek 👈
#retro
***
Заррабин дераза ичра коинот,
Хонам гардишига ташлар ўзини.
Чўлпон кўзларимга тўқнашар ҳаёт,
Парда тин олади хўрсиниб...
Мўралаб туради тоғларнинг ярми,
Булутлар артганда ойнинг курагин.
Туртиб юборади сайёраларни
мудроқ чигиртканинг ҳурраги.
Тобора яқинроқ кўринади кўк,
Тобора сочилиб боради сирлар.
Ва ё фаслларнинг аҳамияти йўқ
Кайвоннинг белбоғин тортар асрлар.
Кўрдим,
термуларди Ҳазрат кўзидан
Мажнуни бедор сўз, Лайли висоли.
Улуғбек бобомнинг “Зиж”лари билан
чой ичиб ўлтирар ҳисобим...
Шамол тентирайди қисматидан маст,
Эътиборим тортар баридан рўй-рост,
Шаффоф оламини ёриб чиқолмас
Томчи ичидаги овоз...
Заррабин дераза ичра коинот!...
#retro
* * *
Ярим тун.
Зил замбил зимистон.
Дераза- шулалар дояси.
Энг заиф нурларни деворда
Aллалар япроқлар сояси...
...мен – зимман.
Зўрларнинг хивчини- узун тил,
Занжири тилида қулларнинг.
Нима деб овутай гулдонда
Оёғин туш кўрган гулларни?...
Мен жимман.
Сукунат энг қадим хумчадир,
Садоси минг йиллар нарида.
Чанг босган энг тоза тилаклар,
Чироғим дунёнинг қарида.
Мен – жинман.
Қанотим остида эди кўк,
Мардларга ёр эдим қачондир.
Изларим йўқолган заминда
Қачондир бор эдим, қачондир...
Мен – чинман!
Сочилиб боряпман очунга,
Чўкмоқда минг битта бўлагим.
Бор бўлса қаерда, кўрсатинг,
Қандай яшаяпти юрагим?
Мен кимман?
#retro
* * *
Умримизга дастурхонин тўшар Тошкан,
Эй юзи шамс,
елкалари ҳиёл адир.
Юзларимдан ҳарор олиб сизга шошган
Қўлларимда пиёлалар уёлади.
Жилмаясиз, нафасимда вақт синади,
Кўзингиздан раволаниб боққан сарим.
Рўмолимнинг учларига беркинади
Кулгуларим,
Чимматимга улгуларим.
Тушларимиз хушларимга эмиш эгиз,
Айланадир – ҳаёлимдай ишқи роҳлар.
Айланадир – кўнглимизга ташрифимиз
Ва осмонга элтиб қўяр арғимчоқлар.
Овозингиз қаламимда қилар хониш,
Ҳилпираган киприкларим куйи сизга.
Синдирилган нон мисоли ташрифи хуш –
Тонг нафасли ҳилол ботди елкангизга...
Умримизга дастурхонин тўшар Тошкан,
Эй юзи шамс,
елкалари ҳиёл адир.
Юзларимдан ҳарор олиб сизга шошган
Қўлларимда пиёлалар уёлади.