308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
Шоиру ёзувчиларнинг бари касал 👇👇👇👇
😅 манави ери оғрийди
@Nozima_Habibullayeva
СИЗ БИЛГAН ҚЎШИҚЛAР
I
Эговланган осмон қиялаб
Aсабини топширар тунга.
Унинг ҳатто томчи- томчилаб
Ёмғирлари кулгани кулган.
Минбарларда шамолми сайрар?
Қарсак чалар- эшик. Уй- тажанг.
Ўлтиришар қунишиб, яйраб,
Сандал атрофида - келажак.
II
Дунё куйга бурканган,
Бодроқ ўйга бурканган.
Минглаб уйсиз одам-у
Бўм-бўш уйга бурканган.
Саҳродами, соҳилда
Юлдузлар жимирлашур.
Киприк қоқишларимни
Капалаклар тинглашур.
Тонг хиром айлаб чиқар,
Aёзин қайраб чиқар.
Ёз қуёши қонимда
Қиш бўйи қайнаб чиқар.
Минглаб алп оғам қани?
Мунг билан бирга кетган.
Усмонни қутқаргани,
Осмонни қутқаргани,
Олис Сибирга кетган.
Кўнглимиз конларида
Занглаб ётган сўзлар бор.
Қадамлар ичра тўп- тўп
Қаварган овозлар бор.
Саҳродами, соҳилда
Юлдузлар жимирлашур.
Киприк қоқишларимни
Капалаклар тинглашур.
III
Дарё тошқин, сувлар тўлқин
Ўтолмайман ёр-ёр,
Нигоҳларим - чироғимдир
Сотолмайман ёр-ёр.
Чироғимни ёруғ қилган
Ҳаёйимдир-эй,
Дардларимдан фориғ қилган
Навойимдир-эй...
Дарёларнинг бўйларида
Уйларингиз-эй,
Бунча ёлғон тараладир
Куйларингиз-эй...
Дарё тошқин, сувлар тўлқин
Ўтолмайман ёр-ёр,
Нигоҳларим - чироғимдир
Сотолмайман ёр-ёр.
Н.Х
@Nozima_Habibullayeva
СУРАТ
Мусаввир, чиз орзуларимни -
Архидея бўйи ва денгиз...
Кўйлагимни ўпсин тўлқинлар
Қанотларим ҳавога менгиз.
Мусаввир чиз туйғуларимни-
Бўёқлари Ҳаққа ишорат.
Бўлсин ҳечким кўрмаган рангда
Ёки фақат оқдан иборат.
Мусаввир чиз уйқуларимни-
Сочларимни паришон айла.
Тушларимдан йиқилсин қўрқув
Киприкларим посибон айла.
Мусаввир чиз қайғуларимни-
Оғриқларим ёпинчиқ тунга
Муҳтожлигим ранги қандайдир
Илтижойим унгадир, Унга.
Мусаввир чиз кулгуларимни-
Кулгичимни чуқурроқ чизгин
Лаҳза ранги юзимда бўлсин
Бармоғимда Темур узуги.
2018
Нозима ҲАБИБУЛЛАЕВА
@Nozima_Habibullayeva
***
Янги йил йиғади поёндозини,
Мушаклар қичқирар,
қулоқлар батанг.
Осмоннинг оғриқли эътирозини
ҳамма эшитмаганга олади атай.
Авто йўлларида шувиллар минглаб
оналарнинг юрак ҳавотири ҳам.
Фақат кабутар бор кўзимни тинглар,
чўчир ҳайқириқнинг ушоқларидан.
Телефон чийиллар,
Тақиллар эшик.
Лақиллайди тағин қизилсоч кампир:
"Битта деразамнинг тишлари кемшик,
шамол ҳуштак чалар...
ҳа,
ўзингдан гапир?..."
"Ўзим?...
Ўзим хаёл билан чойлашиб эдим,
мени ичиб қўйди товушлар- олғир.
Барибир ўзбекча тушунмайсизку,
Куйламоқчи эди бечора ёмғир..."
Аралашиб кетди овозлар жангги,
Истагим уларга солмас муроса:
Қанийди халқоблар таратган оҳанг
дунёнинг шовқинин ютиб юборса!...
@Nozima_Habibullayeva
Энг севимли асарларимдан:
"Изҳор" ❤
Композитор: Муҳаммад Отажонов
Ижрода: Нурилло Ҳабибуллаев
P/S: "Қақнус" кўрсатувининг атмофераси 😇
31 декабрь, эртага 17:30 да "Маданият ва маърифат" каналида томоша қилинг!
@Nozima_Habibullayeva
2021 йилнинг энг сўнгги ва энг янги лойиҳаси: "ҚАҚНУС" шеърият ва мусиқа клуби
Жонли мусиқа ва замонавий ўзбек шеъриятининг, насрининг нафасини ҳис қиламан, салмоғини баҳолайман десангиз "Қақнус"ни кузатиб боринг. Ижодкор дўстларимизни клубимизга таклиф қиламиз.
📺 "Қақнус"
⏰ 31 декабр, 17:30 да!
👉 @mm_telekanal
''Muallif'' ko‘rsatuvida
Nozima Habibullayeva
mtrk.uz | Youtube | Facebook | Telegram | uztv.tv
Birinchi qor muborak! 🤗
@Nozima_Habibullayeva
Мен сени шеър каби узооқ соғиндим,
Мезон меҳмон бўлди боғларни сотиб.
Уйқуга илиндим - тўкилиб кетдинг
Деразам ортида шивирлаётиб...
Биллур оҳангларнинг ифори келди,
Тушимга ўрнатиб томчилардан туғ.
Шарқираб яна сўз рангида кулдим
Руҳим чанқоғини босганинг қуллуқ.
Мен сени шеър каби узооқ соғиндим...
@Nozima_Habibullayeva
Yosh ijodkorlar orasida yilning uzoq kutilgan voqeasi “Duel” ijodiy tanlovi respublika bosqichi o'z nihoyasiga yetdi
16-sentabr kuni “Adiblar xiyoboni”da loyihaning so‘nggi finali bo‘lib o‘tdi. Respublika bosqichida ishtirok etgan 67 nafar ishtirokchidan saralangan 10 nafar ijodkorlar 4 ta – nazm, nasr, badiiy tarjima, tasviriy san’at yo‘nalishi finalchilari bellashdilar.
🏆 G‘oliblar bilan tanishing:
Nazm
1- o‘rin: Shahriyor Shavkat
2- o‘rin: Suhrob Ziyo
Nasr
1- o‘rin: Shavkat Do‘stmuhammad
2- o‘rin: Firdavs Shokirov
Badiiy tarjima
1- o‘rin: Alisher Sabriy
2- o‘rin: Shohruh Usmonov
Tasviriy san'at
1- o‘rin: Ulug‘bek Yusupov
2- o‘rin: O‘ktam Isergapov
G‘olib bo‘lgan ijodkorlarning har biri 25 million so‘m, ikkinchi o‘rin egalari 15 million so‘m hamda Respublika bosqichining barcha ishtirokchilari 5 million so‘mdan pul mukofoti va esdalik sovg‘alari bilan taqdirlandi.
Telegram sahifamiz👉@yoshlaragentligi
Дарднинг умумий тили бор, қаерда бўлмасин бир хил эшитилади, ҳис қилинади, азоб беради... Афғонистон умумий дардимиз. Мана шу қўшиқ унинг ярасидан бир парчасини юлиб оляпти-ю, ҳар эшитганимда ўша ҳолатнинг титроғи бўлиб кўчяпти вужуддан...
_______
Ишқдан, умиддан, эртадан қўрқмассан,
Толибон орасида ўпсам-да қўрқмассан,
Масжид гўшасида ўпсам-да титрамассан.
Вахший занжирларининг атри аро титрамассан...
Ўпарман сени, мотамда, қайғуларда,
Ўпарсан мени, интиҳоларда,
Ўпарсан мени, интиҳоларда.
Мўминсан, бўсаларинг ибодатдир,
Фарқлисан, бўсаларинг эътироздир.
Захм, қон, қавариқлар орасида лабимдан ўп.
Пулемётлар оташи ичра лабимдан ўп.
Ўпарман сени, мотамда, қайғуларда,
Ўпарсан мени, интиҳоларда,
Ўпарсан мени, интиҳоларда.
🎙G‘avg‘o Tobon
#DuelToshkentFinal
“DUEL”tanlovining Toshkent shahar ikkinchi bosqichi davom etmoqda.
Nozima Habibullayeva tomonidan yozilgan she'r!
@ijodkorlarkengashi
Дарднинг умумий тили бор, қаерда бўлмасин бир хил эшитилади, ҳис қилинади, азоб беради... Афғонистон умумий дардимиз. Мана шу қўшиқ унинг ярасидан бир парчасини юлиб оляпти-ю, ҳар эшитганимда ўша ҳолатнинг титроғи бўлиб кўчяпти вужуддан...
_______
Ишқдан, умиддан, эртадан қўрқмассан,
Толибон орасида ўпсам-да қўрқмассан,
Масжид гўшасида ўпсам-да титрамассан.
Вахший занжирларининг атри аро титрамассан...
Ўпарман сени, мотамда, қайғуларда,
Ўпарсан мени, интиҳоларда,
Ўпарсан мени, интиҳоларда.
Мўминсан, бўсаларинг ибодатдир,
Фарқлисан, бўсаларинг эътироздир.
Захм, қон, қавариқлар орасида лабимдан ўп.
Пулемётлар оташи ичра лабимдан ўп.
Ўпарман сени, мотамда, қайғуларда,
Ўпарсан мени, интиҳоларда,
Ўпарсан мени, интиҳоларда.
🎙G‘avg‘o Tobon
Ёш шоира Нозима Ҳабибуллаева шеърларидан баҳраманд бўлинг.
📺 "Шеър сеҳри"
👉 @mm_telekanal
Йўлма-йўл
ўзини излайди фурсат,
Кўрсат,
кўзгуларда қотганин кўрсат.
Сувларда жилмайиб ётганин кўрсат.
Йўлма-йўл
ўзини излайди фурсат.
Йўлма-йўл
аёлнинг қадри тўшалган...
Яшалган
бировнинг умрида - сукут.
Босиб ўт, сени аёл туққанин унут.
Йўлма-йўл...
Йўлма-йўл...
Заминнинг либоси ямоқ.
Тупроқми?
Не қипти бир кафти, Дўстим?
Яланғоч қолгунча Ватаннинг усти
бериб юборамиз, йўлма - йўл.
Йўлма-йўл,
Изларга ташлайсан назар,
Aлҳазар,
бу йўлдан ўтмаган Одам?
Бақирмоқчи бўласан...
... Овозингни ютиб юборар қадам.
Йўлма-йўл...
___
Май 2021
@Nozima_Habibullayeva
(Сурат муаллифи Исомиддин Эшонқулов)
☆ ☆ ☆
Келгунингча борлигини билмасди йўл,
Саллоланиб хиром этди ― келди рашким.
Зоҳир нима,
ботин нима ― унутдиму...
Кўзларингда аксим билан жой талашдим.
Ё ярашди бизга ишқи шуаронинг,
Сўз яралди умримиздан ишққа довур.
Ким биларди, ахир, сен-ла куйламоқлик
Ҳам куйланиб ўтмоқ бахтин,
ажабтовур!
Келгунингча учрашгандик Алмисоқда,
Мен манзилман қадим-қадим,
эсингдами?
Навқирон бу ўнгим билан сармаст чоғда
Тушларимни эслолмадим,
эсингдами?
Бир ифор бор ― субҳи содиқ аро тилсим,
Сажда қилсанг,
таъзим этсам ― висол жамдир.
Ҳисоб куни тарозида сўзлаб турсин:
Сенинг меҳринг,
Менинг ҳамдим!...
Келгунингча... борлигини билмасди йўл...
17.06.20
✍ Нозима Ҳабибуллаева
@sheriylahzalar
***
Димоғингга кириб ишқ
Бутун умр маст бўлсанг
Ва ё тирилтириб ишқ
Руҳи забардаст бўлсанг.
Кўк ордай ўсаверса,
Тувводай ўсаверсанг,
Фақатгина Раббинг ва
Расулингдан паст бўлсанг.
Сужуднинг хар беш вакти
Пешонанг этиб тақдим
ЁР-ла учрашув вақти
Йўлга поёндоз бўлсанг.
Пардада турса жонинг,
Ва ҳарир урса жонинг
Икки дунё ҳаёнинг
Юзида пардоз бўлсанг.
Ҳақиқатда ўлмаган
Ва дунёга келмаган
Ҳали ҳеч ким билмаган
Қадимий овоз бўлсанг.
Энг бахтиёр йиғи, Эй!
Умримдан ортиғи Эй
Тангримнинг тортиғи , Эй!
Ҳадясига хос бўлсанг.
Ҳоли хулвойим ичра,
Руҳи анвойим ичра,
Ёлғон дунёйим ичра,
Рост бўлсанг-о, рост бўлсанг!
Нозима ҲАБИБУЛЛАЕВА
@Nozima_Habibullayeva
So‘z sehri va ohang tarovatining uyg‘unligi, yangi ijodiy muhit atmosferasi- "Qaqnus" she'riyat va musiqa klubida. 🔥🔥🔥
Bu mualliflik dasturim❤
Navbatdagi 2- sonini o‘tkazib yubormang. Fikr va takliflaringiz men uchun muhim! 😍
14-yanvar 21:00 da, "Madaniyat va ma'rifat" telekanalida
P/S: fikrlar va klubga a'zolik uchun telegramdagi guruhimiz - @qaqnus_klubi
Yangi yilning yangi kayfiyati uchun 💜
@Nozima_Habibullayeva
* * *
Дарахтлар шамолни отиб ўйнайди,
Олов вужудини елпиб ётар боғ.
Соғинмачоқ ўйнар
хотирга қайтиб,
юрагим – юрагинг ортида вароқ...
Сатрлар югурди уфқнинг лабига,
Дераза – бўшлиқнинг тутқун кемшиги.
Мен чиқиб кетаман, овозим йиғиб,
Чайқалиб қолади сукут эшиги...
Излаганим эди бепоён оҳанг,
Куйлаганим эди осмоннинг ранги.
Фақат ёмғир бўлдим шеърга ҳамоҳанг,
Сенга юқмасин деб дунёнинг чанги.
Сўқмоқлар қалқиди қадамларимда,
Ернинг белбоғида арғимчоқ учдим.
Учдим,
учавердим,
кипригим – қанот,
Ниҳоят, кўзингга – осмонга тушдим...
______
Ноябрь, 2021
@Nozima_Habibullayeva
YouTubeda "Muallif | Nozima Habibullayeva" videosini ko‘ring
https://youtu.be/dQfKUYBs4q4
***
"Меҳр кўп кўргуздум, аммо меҳрибоне топмадим..."
"Ерни қаттиқ босмагин, болам,
Aждодларинг оладир ором.
Жангда толган руҳи шундоғам,
чўчишмасин... " - дер эди момом.
Қадамларим оҳиста шундан,
Шивирларни опичган йўлим.
Улар униб чиққандир гўзал
Майса бўлиб,
дарахтлар бўлиб.
Тиллолари унган Ватан бу,
Тиллоларин кўмган Ватан бу.
Лек дурларин узоқ-узоққа
кўммоқликка кўнган Ватан бу.
Дунё- икки қаватли уйда,
Орамизда биргина чизиқ.
Бир кун
Aмударё соҳилларидан
Қароғимга дард келди сизиб.
Бобур бобом,
Навоий бобом...
Жоним қақшар...
Орим ғижимдир!
Вайрон қилар, талотўп қилар
Қабрларин устини кимдир.
Биз унутдик ғурурда ҳудуд,
Юртда чизиқ бўлмаслигини.
Пойдевори бузилган будун
Қуламасдан қолмаслигини.
... "Жон басе қилдим фидо, ороми жоне топмадим..."
Август, 2021
@Nozima_Habibullayeva
Ярим тун.
Зил замбил зимистон.
Дераза- шулаълар дояси.
Энг заиф нурларни деворда
Aллалар япроқлар сояси...
... мен- зимман.
Зўрларнинг хивчини- узун тил,
Занжири тилида қулларнинг.
Нима деб овутай гулдонда
Оёғин туш кўрган гулларни?...
Мен жимман.
Сукунат энг қадим хумчадир,
Садоси минг йиллар нарида.
Чанг босган энг тоза тилаклар,
Чироғим дунёнинг қарида.
Мен жинман.
Қанотим остида эди кўк,
Мардларга ёр эдим қачондир.
Изларим йўқолган заминда
Қачондир бор эдим, қачондир...
Мен чинман!
Сочилиб боряпман очунга,
Чўкмоқда минг битта бўлагим.
Бор бўлса қаерда, кўрсатинг,
Қандай яшаяпти юрагим?
Мен - кимман?
@Nozima_Habibullayeva
Тарихдай эскидир кўзёшларимиз,
Тариқдай дардларни кўзмунчоқ қилма.
Хотира, унутма унутганларни,
Унутилма!
Қанча қадамларни орқага отдик,
Илдизлар қучоқлаб йиғлади ерни.
Дунё бир шеър билан оёққа тургай
Шоирим,
Ёз ўша шеърни!
Сувлар эриётир тупроққа сингиб,
Дарахтлар бирлашиб борар оловда,
Халқим, ....
Халқ?
Миллионлаб айро елкалар,
Қуёши думалаб борарди тоғдан.
Лолалар тоғлардан сўзларга кўчмиш,
Менинг борлигимга кўзгу қай битик? -
Бобомнинг соясин пана қилганлар
Боламнинг кўзига қарай олса тик.
Мудроқларга тушмас самонинг кўзи,
Тушларимнинг ниши курагимдадир.
Момомнинг камони қўлимда, аммо,
Нишон кўп.
Маркази юрагимдадир...
@Nozima_Habibullayeva
Qadrli yurtdoshlar, ayyom sizga va oila a'zolaringizga, barchamizga muborak bo‘lsin! O‘zi hamisha yaxshilar va yaxshiliklari bilan siylasin!
@Nozima_Habibullayeva
"Yaxshiyam siz bor..." 💕
✍ Nozima Habibullayeva
🎤 Parizoda Ro‘ziboyeva
@Nozima_Habibullayeva
Бир осмон тонгларни кўнглимга чайиб
Хаёлдан сирпани-иб тушсам дамо-дам,
Не тонгки,
қаршимдан чиқди жилмайиб
Кутилмаган пайтда - кутилган одам.
Тебрана бошлади ҳаволарда ишқ,
Юракларда бахтнинг пичир-пичири.
Бармоқлари ногоҳ қилганда юриш
жаранглаб кетарди сочлар шивири.
Жилмайдим,
билмайди ушбу табассум
Тушмайди қаламнинг сарафрозидан.
Туйғулар рангини топа бошлагач
Шеърларим чархланиб борди кўзида.
Нигоҳим- қувғинди, дунёнинг сири,
Aйланиб ўтарди неча замонлар.
Қуёшни синдириб,
Ойни синдириб
Юзига фотиҳа тортди довонлар...
Бу тақдир-
ташрифи бахтларга тортиқ,
Остонасин тилло айласин қадам.
Энди ташрифимиз кутадир интиқ
Кутилмаган пайтда-кутилган одам!...
28.05.21
@Nozima_Habibullayeva
Шаббодалар елар жўшқин суворий,
Суҳбатлар пиёда кезар барқарор.
Aста қулоғига шивирлаб ёрнинг
чопонин елкамга ташлайди баҳор.
Очилар гулларнинг шаклида сирлар,
Маржондай тўкилар ёмғир дилрабо.
Осмоннинг бошида бошланган шеърлар
Соябон остида этарди давом...
... Шеър тинар.
Оқшомга инади бироқ,
Чироқлар заррама-зарра дарбадар,
Ҳар гал учрашувга мендан аввалроқ
Ўзини кўзгуга солади шаҳар.
Лолалар ифори суза бошлагай
юзимда - ҳаяжон тўлқинларида...
Aйланай, елкамга чопон ташлаган
Баҳорнинг меҳрибон салқинларидан!...
Aпрел. 2021
@Nozima_Habibullayeva