4629
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
"QASHQADARYO AXBOROTI" Qamashilik shoir va adib Sharifjon Ahmad qalamiga mansub yangi kitob taqdimoti
Читать полностью…
Qutlov
DILSHOD RAJAB - 60 YОSHDA
Bugun o‘zbek bolalar she‘riyatining ijodkorlaridan biri, Yozuvchilar uyushmasi aʼzosi, shoir Dilshod Rajab tavallud topgan kun.
U 1964-yil 17-dekabr kuni Buxoro viloyati Shofirkon tumani Denov qishlog‘ida tug‘ilgan. Ilk sheʼri 1978-yilda “Gulxan” jurnalida chop etilgan. “Qorqiz sovg‘a keltirdi” nomli ilk kitobi esa hammualliflikda 1989-yilda nashr qilingan. Shundan so‘ng, shoirning “Otamning bog‘i” (1996), “Daryo ko‘ngil” (1997), “Jilvon o‘g‘loni”, “Alifbo” (2001), “Tanish tovushlar” (2006), “Sukut sarhadi” (2006), “O‘n o‘rtoq”, “Hamro polvon” (2011), “Poyezdning bolasi” (2013), “Baxshi bola – yaxshi bola” (2016), “Shamolning supurgisi” (2018),"Yo‘lim quyosh tomondir" (2019), “Qahramon qasidasi” (2022), "Olam ziyoga to‘lsin" (2023) kabi bolalarga bag‘ishlangan kitoblari dunyoga keldi.
Dilshod Rajab “Bolalarga bag‘ishlangan eng yaxshi kitob", “Vatan uchun yashaylik” respublika ko‘rik-tanlovlar hamda 2011-yilda “Oltin qalam” Milliy mukofoti sovrindori, 2023-yilda II darajali “Sog‘lom avlod uchun” ordeni bilan mukofotlangan.
Yozuvchilar uyushmasi jamoasi va keng sonli aʼzolari Dilshod Rajabni qutlug‘ yoshi bilan muborakbod etadi va ijodiy yuksaklikni tilaydi.
O‘zbekiston Yozuvchilar uyushmasi Axborot xizmati
17-dekabr - O‘zbekiston xalq yozuvchisi Xudoyberdi To‘xtaboyev tavallud topgan kun
Xudoyberdi To‘xtaboyev 1932-yil 17-dekabrda Farg‘ona viloyatining O‘zbekiston tumanida tug‘ilgan. Adib ijodining dastlabki davridanoq hajvga, kulgiga moyil hikoya to‘plamlarini, qissa va romanlarini yaratdi. Uning birinchi hikoyalar to‘plami “Shoshqaloq” 1961-yilda eʼlon qilingan.
U «Sehrli qalpoqcha», «Sariq devni minib», «Sariq devning o‘limi», «Besh bolali yigitcha», «Qasoskorning oltin boshi», «Yillar va yo‘llar», «Sehrgarlar jangi yoki shirin qovunlar mamlakatida», «Mungli ko‘zlar», «Sir ochildi», «Omonboy va Davronboy sarguzashti», «Jannati odamlar», “Shoshqaloq”, “So‘qmoqlar” kabi asarlar muallifidir. Asarlari tojik, qirg‘iz, turkman, ozarboyjon, arman, rus, ukrain, belorus, moldovan, eston, latish, litva, fin, bolgar, venger, nemis, chex, italyan tillariga tarjima bo‘lgan.
O‘zbekiston Yozuvchilar uyushmasi Axborot xizmati
MUHAMMAD YUSUF TAVALLUDINING 70 YILLIGIGA BAG‘ISHLANDI
Yunusobod tumanidagi 260-maktabning Ona tili va adabiyot hamda O'zbek tili metodbirlashmasi a'zolari tomonidan fan toʻgaraklarining iqtidorli oʻquvchilari ishtirokida O'zbekiston xalq shoiri Muhammad Yusuf tavalludining 70 yilligiga bagʻishlangan "Erkli elning erka shoiri" deb nomlangan adabiy-musiqiy tadbir tashkil etildi. Unda shoirning ayoli, shoira Nazira as-Salom, qizi Nozima Yusupova mehmon bo‘ldi.
Bayram so'nggida o'quvchilar, maktab rahbari O'zbekiston Yozuvchilar uyushmasining esdalik sovg'alari bilan taqdirlandi.
O‘zbekiston Yozuvchilar uyushmasi Axborot xizmati
Shoir Boboqand Mirzoning "Ko'rgulik" nomli kitobi taqdimotidan fotolar.
Muallif – Ahmad To'ra.
IX XALQARO RUMIY SIMPOZIUMI BO‘LIB O‘TDI
12-14 dekabr kunlari Ozarbayjon Respublikasi Boku shahri Hazar universitetida Mavlono nomidagi Adabiyot va falsafiy tadqiqotlar instituti hamda Rumiy ilmiy-tadqiqot markazi hamkorligida IX Xalqaro Rumiy simpoziumi bo‘lib o‘tdi. Unda O‘zbekiston Yozuvchilar uyushmasi raisi o‘rinbosari, taniqli shoira Farida Afro‘z ham qatnashdi.
– To‘rt kun Boku shahrida bo‘lib, Hazrat Jaloliddin Rumiyga bag‘ishlangan xalqaro tadbirda qatnashdik, – deydi Farida Afro‘z. – Dunyo rumiyshunoslarning so‘zlarini tinglar ekansan, bir fikr hayolingda aylanaveradi: “Rumiy asl gavharki, yo‘nganing sari qimmati oshaveradi”.
Anjumanda yetmishdan ortiq olim va ijodkorning Rumiyga oid chiqishlari tinglandi. Xususan, Farida Afro‘z “Rumiy ijodining o‘zbek adabiyotiga taʼsiri” mavzusida yig‘ilganlarga maʼruza o‘qidi.
Fozil Farhod
⚡️ “Jadid” gazetasining 2024-yil 13-dekabrdagi 51-soni bilan tanishing:
📱Elektron gazeta
➖ Sulton RAYEV
CHINGIZ AYTMATOV
➖ Hamid OLIMJON
O‘ZBEKISTON
➖ Matnazar ABDULHAKIM
OGOHLAR OGOHI
➖ Musulmon NAMOZ, Shavkat DO‘STMUHAMMAD
O‘TMISHGA OCHILGAN VAQT QOPQASI
➖ Rustambek SHAMSUTDINOV
TARIX TILGA KIRGANDA
➖ Qo‘chqor NORQOBIL
O‘ZIMIZNI... O‘ZIMIZDAN QUTQARAYLIK!
➖ Mamatqul HAZRATQULOV
QADRIYATLARIMIZ QADRI SO‘NMASIN
➖ Bobur ELMURODOV
“BOBUR”dan rang olgan “BABURIN”...
➖ Xayrullo GʻAFFOROV
CHANG VA G‘UBOR BO‘LMASA...
➖ Zarnigor IBROHIMOVA
AZIM YURTNING AZIZ TUPROGʻI
➖ Shahriyor SHAVKAT
OCHIQ KO‘Z KO‘RADI, HUSHYOR BO‘LING!
➖ N.HABIBULLAYEVA
JAHONGASHTA KASHTALAR
➖ Mohirbek QO‘CHQOROV
FITNA URUGʻI
➖ Diyorbek MAHMUDOV
YIGIT OMON BO‘LSA...
➖ Otabek BAKIROV
BIZ HAM KITOB O‘QIYAPMIZ
➖ Abduvosit ABDURAHIMOV
DIL TUBIDAN CHIQQAN BITIKLAR
Кирилл алифбосида:
👉 @Jadidmedia_rasmiy
✅Jadid.uz’ga obuna bo‘ling
QOR QO‘SHIG‘I
Lahza tinim bilmay kutdim bu kunni,
Bugun orzularim, mana, ushaldi.
Sen atayin uxlab o‘tkazding tunni,
Men-chi yog‘averdim, men-chi to‘shaldim.
Bo‘ronlarda yelib, hovlingga kelib,
Uyingni aylanib kezdim jon halak.
Nihoyat, nihoyat, uyg‘otdim seni
Derazangda bo‘lib girdikapalak.
Yog‘duga ko‘mildi bedor hislaring,
Ular bois bo‘ldi oppoq faxrimga.
Ohista-ohista bosgan izlaring
O‘yilib-o‘yilib qoldi bag‘rimga.
Istasang, do‘stingga ot. Turibman shay.
Axir nechun bundan qilay orlar man.
Sevib, shodligimdan osmonga sig‘may,
Senga zorlar bo‘lib yog‘gan qorlar — man.
Men uchib qo‘nayin, sen quvna yal-yal,
Sen sira qilmagin shodlikni kanda.
Kechir ko‘z yoshingga o‘xshab qo‘ysam sal,
Kiprigingga asta qo‘nayotganda.
Shodligingga qisqa umrimni berib,
Oh-fig‘on qilmasdan, nolimasdan, jim,
Asta yer qaʼriga ketaman erib
Senga atab gullar yuborish uchun...
Matnazar ABDULHAKIM
Qutlov
SALIM ASHUR - 60 YOSHDA
16-dekabr – O‘zbekistonda xizmat ko‘rsatgan jurnalist, Yozuvchilar uyushmasi aʼzosi, shoir Salim Ashur tavallud topgan kun.
Salim Ashur 1964-yil 16-dekabr kuni tug‘ilgan. Toshkent davlat universitetining jurnalistika fakultetini tugatgan.
Uning “Yashil giyoh”,“Atirgul”, "Siz ertaga kelasiz", "Atalgan kunlar", "Kechikkan tong", “Sensiz”, “Darz”, "Ona tilim", “Kelajakka qadam”, “Mashinalar karvoni”, "Mangu el" kabi sheʼriy hamda publitsistik maqolalar kitoblari nashr etilgan.
O‘zbekiston Yozuvchilar uyushmasi jamoasi va ko‘p sonli a‘zolari Salim Ashurni qutlug‘ 60 yoshi bilan tabriklaydi.
O‘zbekiston Yozuvchilar uyushmasi Axborot xizmati
Ўзбекистон Республикаси Президентининг "Д.Юлдашевани «Мардлик» ордени билан мукофотлаш тўғрисида "ги Фармони
Prezident.uz|Facebook|Instagram|YouTube|X
#nazm
QISH
Omonat koʻnglimni berdim olovga,
Koʻngilda yoʻq edi zarra zoriqish.
Qaynoq yuragimni qoʻyib garovga,
Koʻkdan oppoq palto sotib oldi qish.
Qushday uchayapman senga talpinib,
Eng zarur narsamni keldi soʻragim.
Ey, osmon, sezmading nahot zarbini,
Qaysi qafasingda mening yuragim?!
Falakning hukmiga berar oroyish
Goʻzal tuygʻularning ajab savdosi.
Meni sogʻinganga oʻxshaydi bu qish –
Bagʻriga oladi oppoq paltosi...
Shodi OTAMUROD
Yoshlikjurnali.uz
@yoshlikjurnali
MANSUR JUMAYEV ADABIYOT BURCHAGI TASHKIL ETILDI
Qarshi shahridagi Shayhali mahallasida joylashgan 18-o‘rta maktabda O‘zbekiston Yozuvchilar uyushmasi aʼzosi, taniqli shoir Mansur Jumayev ijodiga bag‘ishlangan adabiyot burchagi tashkil etildi. Ochilish marosimida shoirning otasi To‘ra Jumayev, umr yo‘ldoshi Shohsanam Nishonova, shoirlar Anvar Mirzo, Ravshan Haqmurod qatnashdi. O‘quvchilar shoir she'rlaridan o‘qidi, ustozlar va yaqinlar Mansur Jumayev hayoti va ijodini iliq so‘zlar bilan xotirladi.
O‘zbekiston Yozuvchilar uyushmasi Axborot xizmati
Qutlov
Zebo Mirzo
Bugun O‘zbekiston Yozuvchilar uyushmasi a'zosi, taniqli shoira Zebo Mirzo tug‘ilgan kun.
Zebo Mirzo 1964-yilning 15-dekabrida Qashqadaryo viloyating Kitob tumani Beshterak qishlogʻida tugʻildi. Toshkent Davlat universiteti (hozirgi O‘zMU)ning oʻzbek filologiyasi fakultetida tahsil oldi (1982-1987). Toshkent Davlat sanʼat instituti katta labaranti, oʻqituvchisi(1987-1991), Oʻzbekiston Respublikasi Madaniyat ishlari vazirligining Xalq ijodiyoti va madaniy-maʼrifiy ishlar respublika markazi muharriri (1991-1995), "Yozuvchi" nashriyoti boʻlimi mudiri (1995-1999), "Yoshlar" radiokanali katta muharriri (1999-2006) vazifalarida xizmat qildi. Ayni paytda u "Madaniyat va ma'rifat" telekanalida faoliyat yuritib kelyapti.
Zebo Mirzoning "Tun malikasi" nomli ilk sheʼriy toʻplami 1990-yilda nashr etildi. Shundan keyin shoiraning "Ajr" (1997), "Nur kukunlari" (2004), "Ishq" (2012) kabi sheʼriy kitoblari dunyoga keldi.
Zebo Mirzo, shuningdek, "Rangin dunyo", "Ijod maktabi", "Siz va Siz uchun" kabi tasviriy sanʼat, madaniyat, adabiyot namoyondalari hayoti va ijodi haqidagi ma'naniy-maʼrifiy mavzudagi bir qator turkum koʻrsatuvlar muallifi hamdir.
O‘zbekiston Yozuvchilar uyushmasi jamoasi va ko‘p sonli a'zolari Zebo Mirzoni qutlug‘ 60 yoshi bilan tabriklaydi.
O‘zbekiston Yozuvchilar uyushmasi Axborot xizmati
“Oltin zanglamas” – pok vijdon haqida kuylovchi asar
/channel/oyinauz
O‘zbek shoirasining kitobi Albaniyada eʼtirof etildi
Taniqli o‘zbek shoirasi, O‘zbekiston va Ozarbаyjon Yozuvchilar uyushmasi aʼzosi Xosiyat Rustamovaning Amerikada chop etilgan “ Meni yuraklardan izlang” nomli sheʼriy kitobi haqida Albaniyadagi nufuzli adabiy nashr - ExLibri jurnalida bir sahifa tahliliy maqola eʼlon qilindi. Mazkur maqola muallifi dunyoga mashhur adabiyotshunos Fatbardh Amursi shoira ijodining o‘ziga xos jihatlari haqida to‘xtalib, betakror yurtimizning go‘zal manzaralari va o‘zbek xalqining yuksak milliy qadriyatlari xususida batafsil maʼlumotga ega bo‘lganligini yozadi.
Bu albatta bugungi o‘zbek sheʼriyatiga munosib eʼtirofdir.
Muallif shoira sheʼrlarining dunyoga keng tanilishi va eʼtirof etilishining asosiy sababi uning ijodida insoniyatga taalluqli ezgu g‘oyalar ustivorligini taʼkidlaydi.
O‘ZBEKISTON
O‘zbekiston —
Hur Vatan,
Bag‘ri to‘la
Nur Vatan.
Baxt porlar
Quyoshingda,
Xumo qushi
Boshingda!
Otamizday
Ulug‘san
Mehrga kon —
To‘liqsan.
BOG‘CHA OPAM
Bog‘cha opam —
Oy opam.
Go‘zallikka
Boy opam.
Kulib turar
Ko‘zlari.
Shirin-shakar
So‘zlari.
Oldiga tez
Chopamiz.
Salom, bog‘cha
Opamiz!
KAPALAKLAR
Bog‘imizga
Bir qarang:
Kapalaklar
Rang-barang.
Qizil, sariq,
Yashil, oq,
Bir-biriga
Do‘st-inoq.
Ko‘rib rosa
Quvnaymiz.
Lekin sira
Quvmaymiz.
SUV
Suv keladi
Shildirab,
Yugurganday
Pildirab.
O‘tib ketar,
To‘xtamas.
Vaqti borga
O‘xshamas.
Shoshib borar
Dalaga.
Yetay deb
Gul-maysaga.
Dilshod Rajab
❗️
Javlon Jovliyevning «Qo‘rqma» romanidan iqtiboslar
✍️ Naqadar dahshat, umringda hech bo‘lmasa bir marta Vataning uchun to‘ka olmasang yosh!
Bundan ortiq baxtsizlik bo‘lishi mumkinmi?
✍️ Tilim “ota”, “ona”, “bobo” yoki “momo” emas, “o‘lim” so‘zi bilan chiqqan. Aniq eslayman, bu paytni menga o‘xshagan telbalargina eslay oladi!
✍️ Otasi, bolasi, xotini uchun emas, sevgi, boylik, mansab yo prezidentlik uchun emas, shu millat uchun o‘qishni istash – naqadar go‘zal, naqadar go‘zal, naqadar go‘zal!
✍️ Turkiston tarixiga Temursiz qarash koptoksiz futbol o‘ynashdek gap.
✍️ Loladan hech qachon bobosi haqida so‘ramaganman. Chunki tarixga qo‘ylardan ko‘proq, bobomdan sal kamroq qiziqadi, millionlab o‘zbeklar kabi.
✍️ Yo Xudoyim, to qiyomat Vatan bizga omonatdir, omonatdir, unga xiyonat – qiyomatdir, qiyomatdir, qiyomatdir!
Ko‘ngil kechinmalari aks etgan kitob taqdimoti
Kuni kecha Yozuvchilar uyushmasida “Ko‘nglingiz topsam”, “Ikkimiz ikki olam” kabi kitoblar muallifi Boboqand Mirzo o‘zining galdagi “Ko‘rgulik” nomli to‘plamini o‘qirmanlarga tuhfa etdi.
Unda yozuvchilar, shoirlar, adabiyotshunos olimlar, yosh ijodkorlar, harbiylar jam bo‘ldi.
Tadbirda shoir Salim Ashur Boboqand Mirzoning ijodiy faoliyati haqida maʼlumot berdi. Kechada O‘zbekiston xalq shoiri Usmon Azim, “Sharq yulduzi” jurnali bosh muharriri Sirojiddin Rauf, uyushma aʼzolari - Islom Hamro, Vafo Fayzullo, Shodmonqul Salom, “Sahhof” nashriyoti muharriri Akbarali Mamasoliyev va boshqalar so‘zga chiqdi.
Muallifning ushbu sheʼriy to‘plamida ijodkor ko‘ngil kechinmalarining yorqin suvratlari, quvonchu og‘riqlari, umidlari samimiy ifodasini topgan, deya taʼkidlandi taqdimotda. Shoir sheʼrlarining mavzu ko‘lami, shakliy va uslubiy o‘ziga xosligi sheʼriyat muhiblarini o‘ziga jalb qiladi. Mazkur kitob “Sahhof” nashriyotida chop etilgan. Unga Usmon Azim so‘zboshi yozgan, Dadaxon Muhammadiyev muharrirlik qilgan.
– Boboqandning sheʼrlari ko‘ngilga yaqin. U juda kamtar ijodkor, - dedi Sirojiddin Rauf. – Uning yaxshi bir odati borki, har bir yangi kitobiga so‘zboshi yozilishida ustoz ijodkorlarga murojaat qiladi. Ularning mulohazalari bilan qiziqadi.
Tadbirda so‘zga chiqqanlar shoirning mehnat faoliyati, ijodi, sheʼriyati xususida fikr bildirdi. Yangi kitobining mazmun-mohiyatiga to‘xtaldi.
– Boboqandning birinchi kitobi chiqqanida so‘zboshi yozganimni yaxshi eslayman, - dedi “Adolat” gazetasi bosh muharriri Islom Hamro. – U katta shoir, katta iqtidor egasi. Boisi, uning ijodi yillar davomida ustozlar o‘gitlari bilan charhlandi.
Taqdimotda aktyor Azizbek Qobilov shoirning “Turkiston” sheʼrini o‘qib berdi. Yakunda muallif ustoz adiblarga minnatdorligini bildirdi va yig‘ilganlarga “Ko‘rgulik” nomli kitobini ulashdi.
Zulayho Ahmadjonova
Shoir Boboqand Mirzoning "Ko'rgulik" nomli kitobi taqdimotidan fotolar.
Muallif – Ahmad To'ra.
O‘zbek adibasi asari Belarusda chop etildi
Belarusda chop etiluvchi “Polimya” adabiy jurnalining 2024-yil dekabr sonida O‘zbekiston Yozuvchilar uyushmasi a’zosi, yozuvchi Risolat Haydarovaning “G‘urg‘urtepada saraton” hikoyalar turkumi chop etildi. Ularni taniqli belarus yozuvchisi Ales Karlyukevich belarus tiliga o‘girgan.
“G‘urg‘urtepada saraton” turkumi bir-biri bilan bevosita bog‘langan beshta hikoyani o‘z ichiga oladi.
“O‘zbek adabiyoti belarus o‘quvchilariga ko‘pdan tanish va qadrdon, – deyiladi jurnalni chop etuvshi “Zvyazda” nashriyotining anonsida. – Belarus va o‘zbek adiblarining do‘stligi adabiyotimiz tarixining o‘chmas sahifalariga yozib qo‘yilgan. Yakub Kolasning 1941-1943-yillarda Toshkentda yashagani, Oybek, Mirtemir, Hamid Olimjon, Zulfiya, Shuhrat, Ramz Bobojon bilan yaqin munosabatda bo‘lgani, 1942-yilning noyabr oyida Toshkentda Yakub Kolasning 60 yillik yubileyi nishonlangani ma’lum. Mixail Pozdnikov G‘afur G‘ulom she’rlarining, Mikola Metlitskiy Mirtemir, Oybek, Abdulla Oripov, Erkin Vohidov asarlarining faol tarjimoni bo‘lgan, bugungi kunda o‘zbek zamonaviy she’riyati Viktor Shnip tarjimasida, o‘zbek nasri Ales Karlyukevich tarjimasida belarus o‘quvchilariga tanishtirilyapti. Qo‘chqor Norqobilning kitoblari Minskda belarus tilida chop etildi. Risolat Haydarovaning “G‘urg‘urtepada saraton” hikoyalar turkumi Toshkentning zamonaviy mahallalaridagi hayot haqida belarus o‘quvchilariga yorqin tasavvur beradi. Mahalla hayoti belaruslar uchun notanish edi, ushbu asar o‘zbeklarning turmush tarzi, ularning ma’naviy qadriyatlarini tushunib yetish uchun xizmat qiladi”.
O‘zbekiston Yozuvchilar uyushmasi Axborot xizmati
TAKLIFNOMA
17-dekabr kuni soat 15:00da O‘zbekiston Yozuvchilar uyushmasida taniqli bolalar shoiri Hamza Imomberdiyev tavalludining 70 yilligiga bag‘ishlangan xotira anjumani bo‘lib o‘tadi. Tadbirga barchani chorlaymiz.
O‘zbekiston Yozuvchilar uyushmasi Axborot xizmati
VATAN
Onam kabi suykalsam sizga,
O‘g‘lim kabi erkalasaydim.
Qizim kabi suysaydim sizni,
Otam kabi suyansam sizga.
Jimjilog‘im yoki qulog‘im,
Goh sirdoshim, goho o‘rtog‘im.
Guldan yaproq to‘kilar, sizdan
To‘kiladi xushbo‘y-xushbo‘y gul.
Jamolini bitta ko‘ray deb
Yuragimni teshadi bulbul.
Salim Ashur
👉
Oʻzbekiston davlat musiqali teatrida “Jadidlar” spektakli premyerasi boʻlib oʻtdi
“Jadid” gazetasi muxbiri Abdumannon Muhammad spektakldan fotoreportaj tayyorladi.
📱 Barcha suratlar havolasi: jadid.uz
✅Jadid.uz’ga obuna bo‘ling
Инсон қадри учун: дунёнинг энг руҳлантирувчи 100 аёли рўйхатига кирган сурхондарёлик Дилором Йўлдошеванинг матонати ва ишбилармонлик фазилатлари юксак эътироф этилди
Prezident.uz|Facebook|Instagram|YouTube|X
❗️
KEYINGI BEKAT — “ADIBLAR XIYOBONI”
Sherzod SHARIPOV
Keling, “Milliy bog” so‘zidagi “bog”ni tarjima qilishga urinib ko‘ramiz. Lug‘at kitoblari va internet tarmog‘i orqali berilgan so‘rovimizga ko‘ra, “bog”ning o‘zbek tilidagi tarjimasi “xudo” ekani kelib chiqdi. Agar lug‘atlar bizni aldamayotgan bo‘lsa, metro bekatining nomi butunlay o‘zgarib ketayotganga o‘xshamayaptimi?! Agar poytaxtimiz metrosidan foydalangan xorijliklar ushbu nomning tarjima variantini o‘qisa qanday tushunar ekan?!
"MA'RIFAT ULASHIB" QASHQADARYODA
Davlat rahbari tashabbusi bilan “Maʼrifat ulashib” dasturi asosida Qarshi tumanining 38-, 39-, va 20-umumiy o‘rta taʼlim maktablarida davra suhbatlari yuksak darajada tashkil etildi.
Ushbu dastur ijrosini mazmunli tashkil etish maqsadida Qarshi davlat universiteti kafedra mudiri, falsafa fanlari doktori, akademik Sanjar Choriyev, siyosiy fanlar bo‘yicha (PhD) falsafa doktori, O‘zbekiston Yozuvchilari uyushmasi aʼzosi, Respublika “Qalqon” jamoatchilik guruhlari rahbari Anvarmirzo Qudratov bilan ijodiy uchrashuvlar tashkil etildi.
Tadbirlar davomida maktablar kutubxonasiga O‘zbekiston Yozuvchilar uyushmasi tomonidan taqdim etilgan 600 dan ortiq kitob sovg‘a qilindi.
O‘zbekiston Yozuvchilar uyushmasi Axborot xizmati
O‘zbekiston xalq shoiri, ustoz Usmon Azim Xalqaro "Alash" adabiy mukofoti bilan taqdirlandi. Almati shahri.
Читать полностью…
“Gazetaga befarqlik – millat taraqqiyoti va yuksalishiga befarqlik”
Filologiya fanlari doktori, professor Nurboy Jabborov
📱 Toʻliq video:
https://youtu.be/X9mdU8Om3ns
Energetikada ishga tushirilayotgan yangi loyihalar nafaqat iqtisodiy o‘sishga erishish, balki kelajak avlodlarimiz uchun “yashil” va barqaror O‘zbekistonni barpo etishga qaratilgan
Prezident.uz
