4586
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
Adabiy kecha ijodkorlarni birlashtirdi
Ixtisoslashtirilgan taʼlim muassasalari agentligi tizimidagi Hamid Olimjon va Zulfiya nomidagi ijod maktabida shoira Enaxon Siddiqova xotirasiga bag‘ishlangan adabiy kecha o‘tkazildi.
Unda O‘zbekiston Yozuvchilar uyushmasi viloyat bo‘limi rahbari Mehribon Abdurahmonova Enaxon Siddiqova adabiy merosi haqida ma‘ruza qildi. Shundan so‘ng, Ogahiy, Erkin Vohidov va Hamid Olimjon va Zulfiya nomidagi ijod maktablari o‘quvchilari Enaxon Siddiqova she‘rlari va o‘z ijodlaridan namunalar o‘qishdi. Yoshlar o‘rtasida o‘tkazilgan bahr-u bayt bellashuvi esa qizg‘in tus oldi.
Mazkur ijodiy tadbir yakunida faol ishtirok etganlar diplom va esdalik sovg‘alari bilan taqdirlandi.
/channel/erkinvohidovmaktabi
KUZ ASHʼORI
Qovrilsa ham quyosh o‘tida,
Yoz o‘zini baxsh etdi butun.
Shamol namchil tog‘lar ortida
Bulutlarni boqdi to‘qson kun.
Sabri jamil yozga ming rahmat,
Chilla ko‘rgan mevalar shirin.
Shamoldan ham rozimiz minbaʼd,
Niyatlari garchi yashirin.
Ezgulikdir uning bor o‘yi:
Suvga qonsin dov-daraxt, o‘tlar…
Yetovida yurar yil bo‘yi
Yelinlari tarang bulutlar.
Sirojiddin Rauf
Axborot 24 | Ijod maktabi o`quvchilarining ilk kitoblari taqdimoti
#23nov #uzbekiston24
«Har bir xonadon, har bir korxona tabiatni asrashga hissa qo‘shishi kerak» — Shavkat Mirziyoyev
https://www.yuz.uz
Mujda
“Hurriyat” gazetasining 2024-yil 20- noyabr kungi 46-sonida “Ma’naviy ekspertiza” guruhi a’zolari Olim Toshboyev va Sherzod Ochilov hammuallifligidagi “Atti-batti, o‘tta-bo‘tta...” yoki yengil-yelpi, mazmunan o‘ta sayoz, bachkana kuy-qo‘shiqlarning salbiy ta’siri xususida” sarlavhali maqola chop etildi.
O‘zbekiston Yozuvchilar uyushmasi
Axborot xizmati
Bugun Prezident Shavkat Mirziyoyev Toshkent shahri atrofida “yashil” belbog‘ barpo etish loyihasi doirasida daraxt ekish tadbirida ishtirok etadi.
Yangihayot tumaniga tashrif buyurib, sanoat korxonalari faoliyati va mahalladagi bunyodkorlik ishlari bilan tanishadi.
https://www.yuz.uz
BOLALAR SHOIRI XOTIRASI YURAGIMIZDA YASHAYDI
O‘zbekiston bolalar adabiyoti, maʼnaviyati va xalq taʼlimi og‘ir judolikka uchradi.
Taniqli bolalar shoiri, O‘zbekiston Yozuvchilar uyushmasi aʼzosi O‘ta Berdiyor 95 yoshda vafot etdi.
O‘ta Berdiyor 1930-yil 12-avgust kuni Qashqadaryo viloyati Chiroqchi tumanining G‘allachi qishlog‘ida tug‘ilgan.
1949-yili Buxoro davlat pedagogika institutining tarix fakultetini tamomlagan.
Shoir bobo o‘zining uzoq yillik umri va mehnat faoliyatini maktabga, bolalar tarbiyasiga baxshida etgan. 1949-yildan 1994-yilgacha Chiroqchi tumanidagi 27-maktabda tarix fanidan dars bergan.
Uning taʼlim-tarbiya sohasidagi mehnatlari “O‘zbekiston xalq taʼlimi aʼlochisi” ko‘krak nishoni bilan mukofotlangan.
Shoirning “Qachon odam bo‘laman?”, “Ikki mehr birlashsa”, “Bahor sanʼati”, “Cho‘pon bola orzusi”, “Jilg‘aning yo‘li”, “Ertaklar”, “Ko‘ngil va muhabbat qarimaydi”, “Qirq oyoqqa qirq paypoq”, “Ota nasihati” nomli bolalarga bag‘ishlangan sheʼrlar va ertaklar to‘plamlari nashr etilgan.
O‘ta Berdiyor bolalarga bag‘ishlab yozilgan “Tasalli” va “Oriyat” nomli kitoblari uchun 2024-yil O‘zbekiston Yozuvchilar uyushmasining “Vatan uchun yashaylik” tanlovi g‘olibi bo‘lgan.
Yaqindagina O‘ta Berdiyor tavalludining 95 yilligi munosabati bilan Qashqadaryo viloyatida adabiy tadbir o‘tkazish rejalashtirilgandi. O‘ta Berdiyorning o‘zbek bolalar adabiyotiga qo‘shgan yuksak xizmatlari uchun O‘zbekiston Yozuvchilar uyushmasining “Faxriy yorlig‘”i, Respublika Maʼnaviyat va maʼrifat markazining “Maʼnaviyat fidoyisi” ko‘krak nishoni bilan mukofotlangan edi. O‘zbekiston Yozuvchilar uyushmasining “Adabiyot” nashriyoti tomonidan O‘ta Berdiyorning bolalarga bag‘ishlangan “Shahardan xat” nomli sheʼrlar va dostonlar kitobi nashr etilgan edi. O‘shbu mukofotlar va kitob shoirning oila aʼzolariga topshirildi.
Taniqli bolalar shoiri, maʼnaviyatimizning faol fidoyisi, zahmatkash ijodkor, qadrli ustoz O‘ta Berdiyorning porloq xotirasi yuragimizda saqlanadi.
O‘ta Berdiyorning oila aʼzolari va yaqinlariga chuqur taʼziya bildiramiz.
O‘zbekiston Yozuvchilar uyushmasi
https://youtube.com/watch?v=Uf0NFYt4t28&feature=shared
Читать полностью…
“O‘zbekiston” radiokanalining "Yaxshi kayfiyat" dasturida O‘zbekiston xalq yozuvchisi O‘lmas Umarbekov tavalludining 90 yilligiga bag‘ishlangan xotira kechasi efirga uzatildi.
Muharrir: Bahriddin Maxmadaliyev
“O‘zbekiston” radiokanalining “Bedorlik” dasturida atoqli shoir Chustiy tavalludining 120 yilligiga bag‘ishlangan tadbir efirga uzatildi.
Muharrirlar: Bahriddin Maxmadaliyev, Zulayho Ahmadjonova
https://uza.uz/oz/posts/yosh-ijodkorlarning-ilk-kitoblari-nashr-etildi_659833
Читать полностью…
Mening birinchi kitobim
Kuni kecha Yozuvchilar uyushmasida "Mening birinchi kitobim" loyiha doirasida respublikamizdagi ijod maktablarida tahsil olayotgan yosh qalamkashlarning 9 nafarini ilk kitob taqdimoti bo‘lib o‘tdi.
Tadbirni uyushma raisi Sirojiddin Sayyid olib berdi. Unda Ijod maktablari o‘quvchilarining ijodiy ishlarini doimiy chop etish tizimini yo‘lga qo‘yishga va yosh ijodkorlarni kashf etishga eʼtibor qaratildi. O‘quvchilarning ijodiy ishlari Yozuvchilar uyushmasi tomonidan "Mening birinchi kitobim" loyihasida “Adabiyot” nashriyotida 500 nusxadan nashr qilindi. Mazkur jarayonga Yozuvchilar uyushmasi raisi Sirojiddin Sayyid badiiy rahbar, Botirjon Ergashev masʼul muharrirlik qilgan.
- Xabaringiz bor, Yozuvchilar uyushmasi tomonidan anʼanaviy tarzda o‘tkazib kelinayotgan Respublika yosh ijodkorlariningg Zomin seminarida 2024-yildan boshlab mamlakatimizning turli hududlarida faoliyat yuritayotgan ijod maktablari o‘quvchilari ham ishtirok etishmoqda. Atoqli adiblar nomi bilan atalib, badiiy ijodga ahamiyat berayotgan mazkur o‘quv dargohlarida ko‘plab iqtidorli yoshlar yetishib chiqmoqda, deya taʼkidladi yozuvchi Maʼmura Zohidova.
Ijod maktablarining eng isteʼdodli o‘quvchilari ijodi kitob holida chop qilindi va taqdimotda o‘qirmanlarga havola etildi. Xususan, Nigina Rustamboyevaning "Baxt gullari", Gulsevar Umrzoqovaning “Yomg‘ir”, Zulhayo Mingboyevaning “Istak”, Nurdana Biysenbayevaning "Qo‘shiq ham gurrinler", Rohila Ro‘zimannopovaning "Barglar nidosi", Mohira Diniqulovaning "Yurakka maktub", Marjona Eshqulovaning “Iftixor”, Odina Rustamjonovaning “Orzularim”, Muxlisaxon Haydarovaning "Moviy orzular" kabi kitoblardir.
Ushbu kitoblar asosan nazm janrida bo‘lib, nashrga Erkinjon Hojimurodov, Xulkar Sherzodova, Maʼmura Zohidova, Zulfiya Satbayeva, Iroda Rahmonaliyeva tayyorlagan.
Tadbirda mualliflarga birinchi kitoblari va qalam haqqi topshirildi. Xonandalar va ijod maktabi o‘quvchilarining badiiy chiqishlari namoyish qilindi.
Zulayho Ahmadjonova
"Mening birinchi kitobim" loyihasi doirasida ijod maktablarida tahsil olayotgan 9 nafar yosh ijodkorlarning birinchi kitobi taqdimotidan fotolar.
Muallif – Ahmad To'ra.
#olis_yaqin_ovozlar
★ ★ ★
Agar nurman, agar oftob,
Va yo yog‘du va yo mohtob,
Na bo‘lsam ham manim yakto
Madorim bo‘l…
Agar gulgun, agar durkun,
Va yo so‘lg‘in va yo surgun,
Na bo‘lsam ham, sen ey ko‘rkim,
Harorim bo‘l…
Agar qushman, agar xushman,
Va yo o‘ngman va yo tushman,
Na bo‘lsam ham dilim xushlar
Qarorim bo‘l…
Agar tergar, agar sergap,
Va yo ko‘ksing tilar mergan…
Na bo‘lsam ham faqat senga
Bororim bo‘l…
Iroda Rahmonaliyeva
@yoshlikjurnali
Yoshlikjurnali.uz
“Kitob dunyosi” gazetasining 2024-yil 26-sentabrdagi 9-10-sonida shoir Yo‘ldosh Eshbek bilan suhbat e’lon qilindi. Suhbatda adabiyotning inson kamolotidagi o‘rni, adib va jamiyat, tasavvuf va nafs tarbiyasi, ijodkorning ijodiy laboratoriyasi, so‘z salmog‘i, davrimiz adiblari ijodidagi fikriy kashfiyot kabi masalalar o‘ziga xos uslubda aks etgan.
Ushbu suhbatni e’tiboringizga havola qilamiz.
Davr | Abdulla Qodiriy nomidagi ijod maktabida o'tkazilgan "Jadidlar izidan" respublika ko'rik tanlovining Toshkent shahar bosqichi
Читать полностью…
Prezident Yangihayot tumani Xushnud mahallasidagi bunyodkorlik ishlarini ko‘zdan kechirdi
Prezident.uz
#Xotira
“Nozim Hikmatning turk nazmida inqilob azmini tutgan umid va armonga yo‘g‘iriq sarbast navolari asrimiz havolarini tenglik va erkinlik kuylariga to‘ldirib turibdi”
Tilak Jo‘ra
* * *
Qor kesdi yo‘lni.
Sen yo‘q eding.
Tiz cho‘kdim qarshingda,
sayr etdim yuzingni ko‘zlarimni yumib.
Kemalar kechmaydi, o‘choqlar o‘chmaydi,
sen yo‘q eding.
Qarshingda devorga suyangandim,
gapirdim,
gapirdim,
gapirdim og‘zimni ochmasdan.
Sen yo‘q eding.
Qo‘llarim-la to‘qindim senga,
qo‘llarim yuzimda edi.
Nozim Hikmat
Tarjimon Rauf Parfi
Yoshlikjurnali
@yoshlikjurnali
Prezident tashrifi: yashil makonlarni ko‘paytirish, industrial taraqqiyotni jadallashtirish va odamlar farovonligini oshirish yo‘lida
https://www.yuz.uz
#fikr
Kitob – bir xazina, mutolaa – yorqin tabassumli hayotga boshlovchi mash’aldir.
***
Kitob va mutolaa Sizni qudratli ijod bulog‘iga boshlaydi. Kitob va mutolaa Sizni ko‘pdan ko‘p yangi bosqichlarga ko‘taradi.
Muso Toshmuhammad o‘g‘li OYBEK
@yoshlikjurnali
yoshlikjurnali.uz
Taʼziya
O‘zbekiston Yozuvchilar uyushmasi jamoasi va keng sonli aʼzolari taniqli bolalar shoiri, uyushma aʼzosi O‘ta Berdiyor vafoti munosabati bilan adibning oila aʼzolari va yaqinlariga chuqur hamdardlik bildiradi.
O‘zbekiston Yozuvchilar uyushmasi Axborot xizmati
#tavsiya
Hamma narsani o‘qiyverish yaramaydi, dilda tug‘ilgan savollarga javob bera oladigan kitoblarnigina o‘qish kerak.
Lev Tolstoy
@yoshlikjurnali
yoshlikjurnali.uz
https://uza.uz/oz/posts/xalqchil-shoirning-motabar-yodi_660048
Читать полностью…
Taklifnoma
22-noyabr kuni soat 15:00da Alisher Navoiy nomidagi O‘zbekiston Milliy kutubxonasining katta majlislar zalida Yozuvchilar uyushmasi bilan hamkorlikda O‘zbekistonda xizmat ko‘rsatgan madaniyat xodimi, uyushma aʼzosi Normurod Norqobilovning “Yuzma-yuz”deb nomlangan adabiy-badiiy kecha hamda "Qoyalar ham yig‘laydi”, “Tog‘dagi yolg‘iz odam”, “Ajal chorlagan kun”, “Dasht-u dalalarda” nomli qissa va romanlari taqdimoti bo‘lib o‘tadi.
Ushbu tadbirga barcha qiziquvchilarni taklif etamiz.
O‘zbekiston Yozuvchilar uyushmasi Axborot xizmati
Taklifnoma
22-noyabr kuni soat 17:00 da O‘zbekiston Yozuvchilar uyushmasi tarixi muzeyida "Xiyobon oqshomlari" sheʼriyat kechasi bo‘lib o‘tadi. Unda "Yangi sheʼr sahnasi" dasturi ham o‘tkaziladi. Kecha mehmonlari shoirlar - Gulrux Xudoyorova va Jaloliddin Said. Mushoira davomida uch nafar eng yaxshi sheʼr muallifiga sovg‘alar topshiriladi.
Barchangizni sheʼriyat soatida kutamiz.
O‘zbekiston Yozuvchilar uyushmasi Axborot xizmati
"Mening birinchi kitobim" loyihasi doirasida ijod maktablarida tahsil olayotgan 9 nafar yosh ijodkorlarning birinchi kitobi taqdimotidan fotolar.
Muallif – Ahmad To'ra.
"Mening birinchi kitobim" loyihasi doirasida ijod maktablarida tahsil olayotgan 9 nafar yosh ijodkorlarning birinchi kitobi taqdimotidan fotolar.
Muallif – Ahmad To'ra.
VATAN SURATI
Baʼzan kitoblar ham aldaydi, do‘stim,
Fikrlar tumtaroq, so‘zlar yaltiroq…
Sen Vatan suratin ko‘rmoqchi bo‘lsang,
Bobolarning o‘ychan ko‘zlariga boq.
Bu ko‘zlarda millat tarixi bordir,
Bu ko‘zlarda yashar xalqning qismati.
Yuz ellik yil sendan yashirilgan sir –
Oqsoch Turkistonning muqaddas xati.
Er bo‘lib ot mingan jasur To‘maris,
Qurbonjon dodholar yashar bu ko‘zda.
Hazrat Sohibqiron, Navoiy, Feruz,
Boburday podsholar yashar bu ko‘zda.
Bu ko‘zlarda chaqnar Cho‘lpon yulduzi,
Qodiriy bitgan cho‘ng tarix aksi bor.
Ibrohim Mo‘minning bo‘g‘ilgan sasi,
Shu ko‘z qarog‘idan hayqirar takror.
Momolarning o‘ychan ko‘zlariga boq,
Sen unda minglarning dardin ko‘rasan.
Urushlar, qirg‘inlar, qatag‘onlarning
Azobli kunlarning gardin ko‘rasan.
Bu teran nigohda qorishib ketgan
Xalqning dardu g‘ami, quvonchu baxti.
Ildizlari zamin qaʼriga yetgan,
Bu ko‘zlarda o‘sar Iymon daraxti.
Vatan – tarix asli, tarix – Vatandir
Agar egilmasin desang shu bayroq.
Shukrona aytgin-da bugungi kunga,
Keksalarning mag‘rur ko‘zlariga boq.
Ruhingga iliq bir nur to‘lar shunda,
Qadding ham bayroqday tik bo‘lar shunda!
Abdunabi Hamro
Imom Buxoriy nomidagi Toshkent islom instituti talabalari O‘zbekiston Yozuvchilar uyushmasi tarixi muzeyi bilan tanishdi.
Читать полностью…