977
“Yoshlik” jurnalining telegram sahifasidagi rasmiy kanali Сайтимиз: yoshlikjurnali.uz
#Diqqat!
Yaxshi asarlarni o‘qishdan charchamang!
Jurnalimizni targ‘ib qilib, tekin mutolaa qilish imkoniyatiga ega bo‘ling!
Kanalimizga:
– 30 ta odam qo֪‘shganga – 2024-yil 3 oylik obuna;
– 40 ta odam qo‘shganga jurnalimiz eski sonlaridan 5 tadan tanlab olasiz;
– 50 ta odam qo֪‘shganga – 2024-yil 6 oylik obuna;
– 100 ta odam qo֪‘shganga – 2024-yil bir yillik obuna;
Siz kanalning taklif havolasini tarqatasiz, va qo‘shilgan odam sizning nomingizdan sekretshot qilib quyidagi havolaga jo‘natadi: @Narzullayevich04
@yoshlikjurnali
yoshlikjurnali.uz
#xulosa_sizdan
yoshlikjurnali.uz
@yoshlikjurnali
#Mustaqillikning_33_yilligi
"Vatan chegarasi"
Shodi Otamurod,
O‘zbekiston Yozuvchilar uyushmasi aʼzosi
#Fikr
Yozuvchi hamisha xalq tarafida turishi lozim. Xalqqa suyanishi lozim. Xalq dilidan kelib chiqmog‘i lozim. Boisi, xalq mangu yashaydi! Xalq o‘zgarmaydi. Siyosat esa o‘zgarib turadi. Almashib turadi, zamonga qarab, vaqtga qarab...
Tog‘ay MUROD
Yoshlikjurnali.uz
@yoshlikjurnali
Toshkanim
✍Gʻayrat Majid
🎙Mahmud Namozov
@yoshlikjurnali
yoshlikjurnali.uz
Bir quchoq so‘z keltirdim sizga,
Shudringlar solingan so‘z keltirdim.
Iching.
Hovuringiz bosilsin!
Qoshlari qaldirg‘och qanotli qizga,
Oshiq yuragidan sevgi keltirdim.
Tong keltirdim!
Uyg‘oning,
Bolangizni o‘ping peshonasidan.
Quyosh botishini kuzating.
Ma'shuq yelkasiga suyanib,
Ona tizzasiga bosh qo‘yib kuzating ufqni!
Maysani keltirdim!
Tizza bo‘yi maysa,
haydang ko‘nglingizni shu maysazorga.
Bir juft qizg‘aldoqni quchoqlab yoting,
Yetim qo‘zichoqqa non bering qo‘lda,
Ko‘zlari yoshlangan oyni yupating.
Men sizga tonglarni,
kunlarni keltiray,
Keltiray jannatning xush iforlarin.
Hovuchingiz tuting,
sevgi to‘ldiray,
Oppoq bo‘salar-la siylang yorlarni.
Faqat yashang!
kutmang olmaning iltifotini.
Xudoning marhamati shu!
Ketmang onangizni tashlab safarga.
Men barini sizga keltiraman,
Siz esa yashang,
Yashang,
iltimos!
Muhammad Ali G‘afforov
@yoshlikjurnali
Yoshlikjurnali.uz
Adabiyotdan boshqa hech narsa umrni bag‘ishlashga arzimaydi!
Usmon Azim
@yoshlikjurnali
Yoshlikjurnali.uz
📃Tog‘ o'tirar vodiyda tanho...
✍ Shavkat Rahmon
🎤 Nilufar Ergasheva
@yoshlikjurnali
yoshlikjurnali.uz
#olis_yaqin_ovozlar
Sog‘inch
Kech kirmayin botibdi,
Quyosh ranjibdi chog‘i.
Yig‘lagandir. Ortibdi
Oyning yuzida dog‘i.
Mo‘ltirar umid sinib,
Nigohi to‘la savol.
Og‘ir-og‘ir xo‘rsinib,
Og‘ir o‘y surar xayol.
Oqshom she’r o‘qir tinmay,
Ko‘k tebranar bir mayin.
Men yana uyqu inmay,
Bedor bo‘lishim tayin...
O‘rtada hijron hakam,
Huvillagan baxt bog‘i.
Kel, axir, sog‘inchning ham
Adog‘i bor, adog‘i.
Nigora MUHAMMAD
@yoshlikjurnali
yoshlikjurnali.uz
#bu_qiziq
@yoshlikjurnali
yoshlikjurnali.uz
#izoh_sizdan
@yoshlikjurnali
yoshlikjurnali.uz
#olis_yaqin_ovozlar
Hayot
Matonatga qalbim esh bo‘lib,
Orzularim bog‘lasin qanot.
Tashvishlarga sabrim pesh qilib,
Yashamoqqa haddim bor, hayot!
Bir iz qolsin inson ortida,
Ikki umrin qilguvchi obod.
Jonbaxsh etgan zotlar oldida,
Ado bo‘lmas farzim bor, hayot!
Unga chopib, bunga yugurib,
Umrim yelib o‘tyapti, nahot.
Behud o‘tgan fursatlar uchun,
To‘lab bo‘lmas narzim bor, hayot!
O‘zing buyuk ustozsan, beshak,
Har o‘giting bo‘lgaydir imdod.
Umr bo‘yi men o‘rganajak
Hali ancha darsim bor, hayot.
Yaqinlarim ko‘nglin qilib to‘q,
Mehrim izhor qilaman bot-bot.
Kimga yoqar, kimga esa yo‘q,
Shunday yashash tarzim bor, hayot.
Ne sinovlar qarshisida tik,
Borki g‘aming simirdim, hayhot.
Lek yuragim bir burchi kemtik,
Senga shundan arzim bor, hayot
Menga baxtdan qarzing bor, hayot...
Sadoqat Hamrayeva
@yoshlikjurnali
#arxiv
Kimlarni taniyapsiz?
@yoshlikjurnali
yoshlikjurnali.uz
#eslaganim
O‘sha qiz kim bo‘ldi?
“Yoshlik” jurnalining tashkil bo‘layotgani haqidagi xushxabar biz – talabalar orasida ovoza bo‘lib ketgandi. Ayniqsa, nimadir qoralab yurgan men kabi o‘spirinlar hayotida muhim bir voqea yuz beradiganday mujda edi bu. Shuning uchun o‘zim ham birinchi sonni intizorlik bilan kutganman. 1982-yili, fevral oyi oxirlarida bo‘lsa kerak, kimdandir bugun jurnalning nishona soni taqdimoti bo‘lishini eshitib, talabalar shaharchasidan Toshkentning ma’muriy markazida joylashgan “Dom znaniye” (hozir bu binoda O‘zbekiston rus drama teatri faoliyat ko‘rsatadi) binosiga hovliqib, elburundan yetib borganim esimda.
👉davomi...
@yoshlikjurnali
#saboq
Dunyoning oxiriga yetdim, deganning zavoli tayin
* * *
Insoniyat tarixida o‘tgan jamiki bosqinlar natijasi – istilo qilingan elni yashashni unutib, tirikchilik qilibgina kun o‘tkazishga ko‘ndirish, bu ikki tushunchaning o‘rnini almashtirib yuborish bo‘ldi. Hozir ham shunday. Bu muddaoni bir bosqinchi qo‘polroq, ibtidoiyroq usullarda amalga oshirgan bo‘lsa, boshqasi juda ustalik bilan, nafsiy-madaniy yo‘l bilan hayotga tatbiq etdi.
👉davomi...
@yoshlikjurnali
#Shoir_qalbi
Bugundan Muhammadali Gʻafforov shoirlar safida.
@yoshlikjurnali
#nigoh
Kim tanidi?
@yoshlikjurnali
#Iftixor
Kecha “Yoshlik”, bugun dunyo qahramoni!
“Yoshlik” jurnali tahririyati Asila Mirzayorova va butun Oʻzbekistonimizni “Oltin” medal bilan tabriklaydi! Gʻalaba bardavom boʻlsin!
Izoh: Suratdagi sahifalar jurnalimizning 2023-yil 9-10- sonidan olindi.
Yoshlikjurnali.uz
@yoshlikjurnali
#Olis_yaqin_ovozlar
***
Lahzalar sudralar, ketish-ku oson,
Millarning millarga ko‘chishiday gap.
Ko‘ksimga bir armon qo‘nar, Xudojon,
Kunlarning kaftiga bosolmadim lab.
U hayot istadi, men-chi tobora
Hislarni sonlarda chaqdim mukammal.
Dildan voz kechaman aqlimga qarab,
Tiriklik sulhiga qilaman amal.
Bu qanday tariqat?!
Bezdim o‘zimdan,
Ko‘nglim kapalakning qanotiday mo‘rt.
Eltaman boshoqni sudrab inimga,
Goho shu boshoqqa sig‘inaman, ko‘r!..
Shundan yurakka ham urayapman do‘q,
Qo‘lingga ol deyman tosh-u tarozi.
Mayli, qo‘yavergin, hayot tabarruk:
Mehrning sinig‘i, qadrning ozi.
Nuriddin RASULOV
Yoshlikjurnali.uz
@yoshlikjurnali
Қизиқ билгилар
ТАХАЛЛУСИ ИСМИДАН МАШҲУР ШОИР-АДИБЛАР
Фурқат — Зокиржон Холмуҳаммад ўғли
Муқимий — Муҳаммад Аминхўжа Мирзахўжа ўғли
Чокар — Муҳаммад Юсуф Муҳаммад Ёқуб ўғли
Ҳазиний — Зиёвуддинхон Каттахожа ўғли Ҳўқандий
Чархий — Асқарали Ҳамроали ўғли
Элбек — Машриқ Юнус
Уйғун — Раҳматилла Отақўзиев
Миртемир — Миртемир Турсунов
Шуҳрат — Ғулом Алимов
Рауф Парфи — Турсунали Парпиев
Садриддин Айний — Садриддин Саидмуродзода
Махсум Горкий — Алексей Пешков
Жек Лондон — Жон Гриффит Чэйний
О Ҳэнри — Вилям Сидней Портер
Марк Твен — Сэмуэл Ленгҳорн Клеменс
#izoh_sizdan
@yoshlikjurnali
yoshlikjurnali.uz
***
Kuz yaqin,
Olisda otamsiz dashtlar,
Huvillab qolgandir uyimiz kabi.
Qaytib borolmayman,
Kelolmam tashlab...
Uvada tushlarim istaydi ta’bir.
Har kun quyosh silar yelkalarini
Devorda ilingan qadrdon chopon.
Izillab boraman, bir taskin tilab
O, unda hamma jim, hamma bezabon.
Kuz yaqin,
Eskirar saraton dardi,
Hademay o‘t yoqar fasli parishon.
Bilmam, qay tuyg‘ular topsa ham yakun,
Bir sog‘inch yashaydi mahshargacha to
Kuz yaqin...
Madina Norchayeva
@yoshlikjurnali
yoshlikjurnali.uz
#moziy
Kimlarni tanidingiz?
@yoshlikjurnali
yoshlikjurnali.uz
#davra_suhbati
Shakl “zulmi” va izlanish erki
Murod MUHAMMAD DO‘ST:
– Eng yaxshi milliy an’analar adabiyotimizning hayotiy kuchini kamaytirmaydi. Ular yozuvchi badiiy bo‘yoqlarini boyitadi, uning izlanishlarini ijodiy istiqbolli yo‘lga solib yuboradi. Yozuvchi o‘tmish yozma yodgorliklaridan juda ko‘p va xo‘p narsalar topadi. Ularda qanchadan qancha shakl imkoniyatlari bor! Turgan gap, faqat ijodiy yondashilsagina. Allaqachon to‘plab, deyarli to‘la nashr etilgan, hamma topib o‘qishi mumkin bo‘lgan dostonlarda hali qo‘l urilmagan boy qatlamlar bor.
👉davomi...
@yoshlikjurnali
#shoir_va_qalb
Yaproqlar sarg‘ayar…
Tushunaman, shartmas, albatta, afsus,
o‘z vaqti-soati bor-ku har damning…
Faqat… nega buncha shoshib kelar kuz,
nega buncha yo‘li uzoq ko‘klamning?
* * *
Nega havas qilmay sobitligingga,
Har bahor qaytadan gullay olmoq – baxt…
Har nechuk, zaminda qadamlarimdan
Sening ildizlaring mustahkam, daraxt.
Ikrom ISKANDAR
@yoshlikjurnali
#olis_yaqin_ovozlar
Ushalmas orzular
Senli xayollarni surish ham bir baxt,
Orzu – men hayotdan qochib borar joy.
Shunday ma’vo bo‘lsa: dengiz, tog‘, daraxt,
Bir kulba, bir stol, ikki finjon choy.
Ko‘zlarim ko‘zingdan quvonchlar ichsa,
Shudringday bug‘lansa xatolarimiz.
Diydor sharobidan sarmast ilgichda
Ustma-ust ilinsa paltolarimiz...
Soatlar bo‘lmasa o‘sha makonda,
Adashiblar ketsa hisoblarimiz.
Bir umrga baxtdan masrur javonda.
Yonma-yon terilsa kitoblarimiz...
Sitorabonu SHOMURODOVA
@yoshlikjurnali
#otam_zamon_hangomalari
Tilloli boy
Bir xil gap turib-turib eskiradi. Garchi u o‘z vaqtida juda muhim mavzu, hatto boylikka taalluqli bo‘lsa ham. Ehtimol, biz bilgan odamlar, xususan, boylar hali-hanuz, deylik, shu ko‘rimsiz, tog‘ biqinidagi g‘aribgina qishloqda emas, umuman, yer yuzida yashab yurganlarida, ha, falonchi boy falon shaharda, falon mamlakatda istiqomat qilayotgan ekan, piston bolasiga bunday imorat quribdi, unisining to‘yini bundoq o‘tkazibdi, o‘zi bo‘lsa, haramiga yangi olgan ovro‘palik jononi bilan Maldiv orolidagi shaxsiy villasiga ko‘chib o‘tibdi.
👉davomi...
@yoshlikjurnali
#olis_yaqin_ovozlar
Kuzga necha kun bor…
Kuzga necha kun bor…O‘nmi yo o‘n besh,
Ayt, barglar qachondan sarg‘aya boshlar.
Mening yuragimda adashgan ishqni,
Nega quritmaydi ko‘zdagi yoshlar.
Axir sekin-sekin qovjirar endi,
Viqor bilan turgan ko‘m - ko‘k daraxtlar,
Kuzdan oldin bizni kutib olarmi,
Kuz kelmasdan avval qurigan baxtlar.
Sarg‘ayib oyog‘im ostida yotgan,
Kuzgi xazonlarmi, ishqmidi yoki,
Sening yo‘laringni kutgan u porloq,
Nigohim sarg‘ayib ketdi hattoki.
Endi yonmayapti mening ko‘zlarim,
Endi avvalgiday porlamayapti,
Ajabo… Zaminda hech narsa meni,
Endi xazonlarday chorlamayapti…
Unutdim…
Kuzga necha kun bor?
O‘nmi… Yo o‘n besh?..
Mahliyo Karimova
@yoshlikjurnali
yoshlikjurnali.uz
#mitti_hikoya
E’TIQOD
Qizaloq ota-onasining yuzini yerga qaratmaslikka tirishardi. Ulg‘ayib, maktabga borgach ham shuni o‘yladi. Bir kuni unga “o‘g‘ri” deb tuhmat qilishganida, endi ota-onasi o‘zini yomon ko‘rib qolishidan qo‘rqib ketdi. Yig‘ladi. Ota-onasiga aybsiz ekanini aytgisi, ularni juda ko‘rgisi keldi…
Axir, qizaloq ularni biror marta ko‘rmagandi.
✍️Bayram Ali
@yoshlikjurnali
yoshlikjurnali.uz
#mujda
Yangi sonimiz muqovasi.
Kitob ko‘tarib turgan shoira qizni kim tanidi?
@yoshlikjurnali
yoshlikjurnali.uz