Вясна / Правы чалавека ў Беларусі

27 июня 2025 16:20

❗️Супрацоўніка новастворанага Дэпартамента крымінальнай выведкі асудзілі да 15 гадоў калоніі

У Мінскім гарадскім судзе напрыканцы снежня 2024 года да 15 гадоў зняволення асудзілі 35-гадовага Аляксандра Кудрэвіча, паведамляе @dissidentBY. Яго абвінавацілі паводле ч. 3 арт. 361-1 КК (удзел у экстрэмісцкім фармаванні) і ч. 2 арт. 356 КК (здрада дзяржаве, здзейсненая службовай асобай, якая займае адказнае становішча, або асобай, на якую распаўсюджваецца статус вайскоўца). Справу разглядала суддзя Любоў Сімахіна.

Верагодна, палітвязень працаваў у Дэпартаменце крымінальнай выведкі, які падаў супраць Аляксандра пазоў за прычыненне маёмаснай шкоды.

Аляксандра затрымалі, верагодна, у студзені 2024 года. Паводле інфармацыі ў ягоных сацсетках, мужчына жанаты, у 2014 годзе скончыў БДУІР.

Чытаць па спасылцы 👉 https://spring96.org/be/news/118222

Вясна / Правы чалавека ў Беларусі

27 июня 2025 15:15

Новы «ўкід» ад сілавікоў — згенераваная дзяўчына заклікае беларусаў дасылаць фотаздымкі з акцый салідарнасці

Відэа з нібыта «конкурсам» апублікавалі ў чаце беларусаў Вільні, дзе заўтра адбудзецца сустрэча з Сяргеем Ціханоўскім.

Вясна / Правы чалавека ў Беларусі

27 июня 2025 14:15

💔«У яе сур'ёзныя праблемы са здароўем». Як у калоніі пераследуюць Галіну Дзербыш

Начальніца атрада, у якім знаходзіцца Галіна Дзербыш — Ксенія Уладзіміраўна Даніленка. Са словаў былой палітзняволенай, тая наўмысна ўскладняе ёй жыццё ў калоніі:

«Яна затрымлівае дакументы. Галя вельмі доўга прасіла, каб яе пенсію перавялі дачцэ і тая магла купляць ёй перадачы. Але начальніца вельмі доўга гэта цягнула. Гэта было спецыяльна зроблена, каб зрабіць чалавеку горш».

«Казалі: "Якога чорта Дзербыш далі спатканне — ёй трэба было рапарт даць!" Калі яе вялі на спатканне, то ўсе супрацоўнікі пагражалі спыніць спатканне, калі яна нешта раскажа або пра ўмовы, або пра іншых зняволеных».

Вясна / Правы чалавека ў Беларусі

27 июня 2025 12:25

У Магілёве дырэктара рэкламнай фірмы асудзілі па «справе Гаюна»

У канцы траўня ў Магілёве па «справе Гаюна» асудзілі мясцовага прадпрымальніка, дырэктара адной з рэкламных фірмаў Віталя Чавусава, паведамляе @MAYDAYMog. Ён прызнаны вінаватым паводле арт. 361-4 КК (садзейнічанне экстрэмісцкай дзейнасці).

Віталю прызначылі 4 гады калоніі. Падрабязнасці справы і рэжым умоваў адбыцця невядомыя.

Паводле інфармацыі «Вясны», ужо распачаліся першыя судовыя працэсы па «справе Гаюна». Праваабаронцам вядома пра як мінімум 26 пацверджаных(!) фігурантаў гэтай справы, якіх змясцілі пад варту. Агульная ж лічба затрыманых значна больш.

Чытаць па спасылцы 👉 https://spring96.org/be/news/118213

🌿Калі вашых блізкіх затрымалі па гэтай справе, паведаміце, калі ласка, праваабаронцам праз тэлеграм @Viasnainfo

Вясна / Правы чалавека ў Беларусі

27 июня 2025 10:40

Вызваленая з беларускай турмы Галіна Краснянская сустрэлася з кіраўніцай МЗС Швецыі

Галіна — 68-гадовая грамадзянка Швецыі, асуджаная ў Беларусі да 5 гадоў зняволення за ахвяраванні беларускім вайсковым фармаванням, якія ваююць на баку Украіны супраць расейскай агрэсіі.

Галіна Андрэеўна доўгі час жыла ў Швецыі, была адной з заснавальніц афіцыйнай суполкі беларускай дыяспары, актыўна ўдзельнічала ў яе жыцці, мае шведскае грамадзянства. Пры гэтым перыядычна вярталася ў Беларусь да сваякоў. У адзін з такіх прыездаў яе затрымалі ў Мінску.

Фота: swedeninbelarus

Вясна / Правы чалавека ў Беларусі

27 июня 2025 09:34

Аднатыпныя боты атакавалі TikTok-старонку «Вясны» пад відэа з Сяргеем Ціханоўскім

Учора ў TikTok-старонцы «Вясны» з'явілася відэа, на якім Сяргей чытае свой верш, напісаны ў ШІЗА, і распавядае пра свае перажыванні ў той момант.

Праз некаторы час пад відэа з'явіліся абразлівыя каментары, напісаныя ў выразныя часавыя хвалі, што ўтрымліваюць падобныя наратывы. Частка каментароў напісаныя відавочна расіянамі, бо ў каментарах утрымліваюцца назвы псіхіатрычных клінік, якія ёсць толькі ў Маскве, Санкт-Пецярбургу і Ніжнім Ноўгарадзе.

З падобнай атакай ботаў учора сутыкнулася і «Еўрарадыё» — рэдакцыя з дапамогай штучнага інтэлекту прааналізавала каментары і прыйшла да высновы, што большасць паведамленняў пакінулі боты. Таксама абразлівыя каментары пакідаюць і супрацоўнікі дзяржаўных арганізацый.

Паслухаць верш Сяргей можна па спасылцы 👇

viasna96/video/7520226353367567638" rel="nofollow">https://www.tiktok.com/@viasna96/video/7520226353367567638

Вясна / Правы чалавека ў Беларусі

26 июня 2025 17:45

«Гэта пытанне жыцця і смерці». Сяргей Ціханоўскі выступіў падчас сесіі ААН па правах чалавека

Ён заклікаў выкарыстоўваць усе магчымыя рэсурсы для выратавання палітвязняў.

«Мяне катавалі. Мяне трымалі ў адзіночнай камеры. Мяне замарожвалі. Мне нават не давалі асадкі, каб напісаць некалькі слоў. Гадамі я не атрымліваў ніводнага ліста, нават ад дачкі. Яны набівалі мне вушы хлуснёй і прапагандай. Яны спрабавалі пераканаць мяне, што ўсе пра мяне забыліся. Тое, што адбываецца ў беларускіх турмах, — гэта не правапрымяненне.

Больш за тысячу чалавек усё яшчэ знаходзяцца за кратамі. Мы павінны змагацца за кожнага з іх. Арганізацыя Аб'яднаных Нацый павінна дзейнічаць. Гэта не палітыка. Гэта гуманітарнае пытанне. Гэта нават не проста пытанне правоў чалавека. Гэта пытанне жыцця і смерці.

Я заклікаю Генеральнага сакратара ААН умяшацца, выкарыстаць усе рэсурсы, каб выратаваць гэтыя жыцці. І я заклікаю ўсіх вас выказацца пра тое, што адбываецца ў самым сэрцы Еўропы».

Вясна / Правы чалавека ў Беларусі

26 июня 2025 15:01

«Maria Pulkovskay» не спыняецца — спецслужбы працягваюць пісаць беларусам у Facebook

11 чэрвеня праваабаронцы паведамлялі пра тое, што беларускім актывістам за мяжой пішуць у Facebook і прапаноўваюць супрацоўніцтва. Некаторым абяцалі бяспеку іх родных у Беларусі ў абмен на інфармацыю для беларускіх спецслужбаў.

Усе паведамленні былі зафіксаваны з аднаго акаўнта — Maria Pulkovskay.

Як стала вядома праваабаронцам, пасля апублічвання гэтай інфармацыі дзейнасць акаўнта не спынілася — ён працягвае даваць людзей у сябры і пісаць ім, узгадваючы іх родных у Беларусі і запрашае «паразмаўляць пра супрацоўніцтва».

Калі вам пісаў гэты акаўнт, калі ласка, паведамляйце праваабаронцам на @ViasnaSOS.

🔹Спецслужбы выходзяць на кантакт з актывістамі праз Facebook: што вядома і як сябе абараніць

Вясна / Правы чалавека ў Беларусі

26 июня 2025 13:45

💔«Настане дзень — я буду гаварыць». У Дзень супраць катаванняў Ціханоўскі чытае верш, напісаны ў ШІЗА

26 чэрвеня — Міжнародны дзень у падтрымку ахвяраў катаванняў. У гэты дзень Сяргей Ціханоўскі, былы палітвязень, чытае верш, які напісаў у ШІЗА пасля прысуду паводле арт. 411 КК (злоснае непадпарадкаванне патрабаванням адміністрацыі папраўчай установы). Палітвязень быў у поўнай інфармацыйнай блакадзе: без адвакатаў, без перадач, без сувязі з сям’ёй. Аднак яго словы — цяпер тут.

Сяргей распавёў «Вясне», як перадаваў верш праз апеляцыю, ведаючы, што нават калі суд адмовіць, тыя, хто адказны, будуць вымушаны прачытаць. Гэта паэтычны зварот да ўсіх беларусаў і сігнал рэжыму: праўда — не знікае, а справядлівасць — абавязкова пераможа.

«Мая задача была, сябры, каб яны прачыталі, і яны ведалі, што адказнасць няўхільная, таму што грахі можна дараваць, але злачынствы не застануцца беспакаранымі».

Вясна / Правы чалавека ў Беларусі

26 июня 2025 12:15

💔Вярнуць сабе голас: як аповед сваёй гісторыі дапамагае лекаваць траўму

У псіхалогіі наратыў — гэта паслядоўны аповед сваёй гісторыі, што дапамагае чалавеку асэнсаваць і ўпарадкаваць уласны досвед. Пісьменнае аднаўленне гэтай гісторыі дапамагае людзям, якія перажылі катаванні або жорсткае абыходжанне, перапрацаваць траўму і вярнуць сабе цэласнасць.

Пра тое, як ствараць умовы для гэтага, а таксама траўматычную памяць, валідацыю перажыванняў і легалізацыю права быць пачутым, у межах Тыдня супраць катаванняў мы пагаварылі з псіхалагіняй Юліяй Лагвіненкай, што працуе з людзьмі, якія перажылі траўматычны досвед.

«Траўма аднаго чалавека можа стаць часткай калектыўнай траўмы, калі грамадства прызнае, што гвалт сапраўды адбываўся».

Вясна / Правы чалавека ў Беларусі

26 июня 2025 10:45

🌿«Дакументуем, каб злачынствы не былі забытыя». Праваабаронца «Вясны» ў Міжнародны дзень у падтрымку ахвяр катаванняў

26 чэрвеня міжнародная супольнасць адзначае дзень, прысвечаны салідарнасці з ахвярамі катаванняў і барацьбе за свет без гвалту і бесчалавечнага абыходжання. У Беларусі катаванні і жорсткае абыходжанне працягваюць заставацца маштабнай з’явай.

Праваабаронца Павел Сапелка распавёў, наколькі крытычнай застаецца сітуацыя, чаму дакументаванне гвалту мае вырашальнае значэнне, і як праца «Вясны» ўжо дала вынікі на міжнародным узроўні.

«Мы назапашваем доказную базу, захоўваем сведчанні, знаходзім непасрэдных вінаватых, працуем з экспертамі. Так не рабілі ў 30-50-х гадах, калі забівалі ад імя савецкай улады, не рабілі ў 60-80-е, калі пазбаўлялі волі дысідэнтаў. Гэта дае падставы для надзеі, што і злачынцы з Беларусі 21-га стагоддзя будуць у рэшце рэшт асуджаныя».

Вясна / Правы чалавека ў Беларусі

26 июня 2025 09:51

З пачатку году ў «камісію па вяртанні» звярнулася каля 60 чалавек — генпракурор называе гэта «павелічэннем у два разы», але хлусіць

«Камісія па вяртанні» пад кіраўніцтвам генпракурора Шведа за амаль 2,5 гады працы атрымала каля 300 зваротаў ад беларусаў, якія цікавіліся магчымасцю вярнуцца ў краіну. Генпракурор адзначае, што «ў бягучым годзе колькасць зваротаў павялічылася ў два разы» — алё ён відавочна хлусіць.

Справа ў тым, што ў лютым Швед паведамляў, што камісія атрымала 241 заяву ад беларусаў — агулам за 2024 год у камісію было каля 100 зваротаў. Тады генпракурор таксама сказаў, што ў камісію «сталі звяртацца больш актыўна».

Атрымоўваецца, за 2024 год камісія атрымала каля 100 зваротаў, за шэсць месяцаў бягучага году каля 60.

Праваабаронцам вядомыя выпадкі, калі людзей, якія звярталіся ў камісію, пасля вяртання ў Беларусь затрымлівалі па крымінальных справах. А напачатку года пасля вяртання ў Беларусь затрымалі жанчыну, якая памерла праз некалькі тыдняў пасля сутак у ІЧУ.

Вясна / Правы чалавека ў Беларусі

25 июня 2025 18:32

Спецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі

Сёння ў чатах беларускай дыяспары з'явіліся дзясяткі паведамленняў, дзе невядомыя шукалі тых, хто будзе фатаграфаваць беларусаў на мітынгу Святланы і Сяргея Ціханоўскіх у Варшаве — асабліва просяць фота твараў. І гатовыя шчодра заплаціць.

Таксама скідалі фэйкавы анонс мітынгу — з няправільнай датай і месцам (на ім пісалася, што сустрэча ў 20 гадзін каля помніка Пілсудскаму — насамрэч жа мітынг будзе а 19-й каля помніка Каперніку).

Большасць акаўнтаў пустыя. Але некалькі паведамленняў пра пошук фатографаў напісаныя з акаўнта рэдактаркі беларускай Вікіпедыі Вольгі Сітнік, захопленага сілавікамі. Гэта вельмі падобна на почырк ГУБАЗіК — яны і раней пісалі з акаўнтаў затрыманых.

Вольгу затрымалі ў траўні. Сутнасць абвінавачанняў невядомая, але падобна, што Сітнік праходзіць па крымінальнай справе з іншымі адміністратарамі беларускай Вікіпедыі, якія цяпер за кратамі, піша «Наша Ніва».

Вясна / Правы чалавека ў Беларусі

25 июня 2025 16:45

🌿У Варшаве працягвае працу арт-інсталяцыя, прысвечаная палітзняволеным вясноўцам

У цэнтры Варшавы 17 чэрвеня пачала дзейнічаць арт-інсталяцыя «Нязломныя», прысвечаная палітзняволеным праваабаронцам «Вясны» Валянціну Стэфановічу, Алесю Бяляцкаму, Уладзю Лабковічу. Упершыню інсталяцыя адбываецца без партрэту Андрэя Чапюка — 18 красавіка ён выйшаў на волю.

Паказ у Польшчы адбываецца дзякуючы супрацоўніцтву кампаніі салідарнасці з палітзняволенымі вясноўцамі #FreeViasna і Amnesty International Poland.

Варшава стала восьмым горадам, дзе быў прадстаўлены праект. Арт-інсталяцыя ўжо было паказана ў Брусэлі, Капенгагене, Берліне, Познані, Вільні, Рызе і Празе.

Наведаць інсталяцыю можна да 7 ліпеня ў Кракаўскім прадмесці каля помніка Мікалаю Каперніку (Krakowskie Przedmieście, Pomnik Mikołaja Kopernika).

Вясна / Правы чалавека ў Беларусі

25 июня 2025 16:00

💔Палітвязня Ігара Лосіка ўтрымліваюць за кратамі роўна пяць гадоў

Журналіста арыштавалі 25 чэрвеня 2020 года ў Баранавічах. Яго прызналі вінаватым паводле двух артыкулаў Крымінальнага кодэкса і прызначылі 15 гадоў пазбаўлення волі.

Як піша @radiosvaboda, большую частку зьняволення Лосік правёў у наваполацкай калоніі № 1, адміністрацыя якой паўтара году не дазваляла палітвязню камунікаваць з роднымі і атрымліваць перадачы. У калоніі Ігара часта змяшчалі ў ШІЗА і ПКТ.

Дар'ю, жонку палітвязня, напачатку 2023 года асудзілі на два гады калоніі за інтэрв'ю пра мужа тэлеканалу «Белсат» вясной 2022 году. У красавіку 2025 году сілавікі затрымалі малодшага брата Ігара — 25-гадовага Мікіту Лосіка. Яго вінавацяць у "садзейнічанні экстрэмісцкай дзейнасці" за нібыта перасылку некалькіх фота ў "Беларускі Гаюн".

Дачцэ Ігара Лосіка Паўліне сёлета споўнілася 6 гадоў. На момант арышту Ігара ёй было крыху больш за год.

Паводле інфармацыі "Свабоды", ад восені 2024 году Ігара трымаюць ў СІЗА КДБ у Мінску.

Вясна / Правы чалавека ў Беларусі

27 июня 2025 16:04

Палітзняволенага Максіма Урбановіча асудзілі да паўтара года калоніі

У судзе Заводскага раёну Мінска 27 чэрвеня асудзілі палітзняволенага Максіма Урбановіча, малодшага брата беларускага добраахвотніка Дзяніса Урбановіча. Яго абвінавацілі паводле «народнага» артыкула 342 КК (арганізацыя або ўдзел у дзеяннях, якія парушаюць грамадскі парадак).

За ўдзел у пратэстах у 2020-м годзе Максіму прызначылі паўтара года ў калоніі агульнага рэжыму, піша @belsat.

Таксама Максіму прызначылі прымусовае лячэнне ад алкагалізму ў закрытай клініцы ў 107 аддзяленні. Падчас следства мужчыну абследавалі медыкі і выявілі ў яго крыві рэчывы, якія даюць падставы меркаваць, што хлопец хварэў на алкагалізм.

Максім адмовіўся ад адваката і самастойна абараняў сябе на працэсе. Тэрмін знаходжання ў СІЗА Урбановічу залічылі ў агульны тэрмін пакарання.

Чытаць па спасылцы 👉 https://spring96.org/be/news/118221

Вясна / Правы чалавека ў Беларусі

27 июня 2025 15:01

📝Апублікаванае кіраўніцтва па дакументаванні пацярпелых ад катаванняў і жорсткага абыходжання

Міжнародная платформа па прыцягненні да адказнасці для Беларусі (IAPB) апублікавала практычнае кіраўніцтва «Падыход, арыентаваны на пацярпелых, да дакументавання ў мэтах прыцягнення да крымінальнай адказнасці».

Разам з дакументатарамі «Вясны» і эксперткай REDRESS Кацяй Равінскай тлумачым, што гэта такое і чаму было важна стварыць такі дакумент цяпер.

• Што сабой уяўляе кіраўніцтва?
• Чаму яго напісалі?
• Хто браў удзел у напісанні правілаў?
• Якая праца «Вясны» была карысная ў час стварэння дакумента?
• Як кіраўніцтва будзе выкарыстоўвацца ў далейшым?

Чытаць па спасылцы 👉 https://spring96.org/be/news/118220

Вясна / Правы чалавека ў Беларусі

27 июня 2025 13:45

🌿«Жанчыны сутыкаюцца з сістэмай, якая не разумее і не ўлічвае іх патрэбы»: у Вільні абмеркавалі праблемы жанчын у зняволенні

24 траўня ў сталіцы Літвы прайшла канферэнцыя «Жанчыны ў зняволенні: нябачны боль пенітэнцыярнай сістэмы Беларусі». На ёй праваабарончая ўстанова «Лекары за праўду і справядлівасць» прадставіла вынікі экспертных даследванняў. Яны засведчылі сістэмную дыскрымінацыю жанчын у зняволенні, у тым ліку праблемы з доступам да медыцынскай дапамогі і парушэнні з боку дзяржавы.

З 2020 па 2025 год у Беларусі не менш 650 жанчын былі прызнаныя палітзняволенымі. Цяпер у краіне не менш 166 палітзняволеных жанчын — гэта 14% ад усёй колькасці палітвязняў, і гэтая лічба расце.

• Парушэнні правоў жанчын у месцах несвабоды
• Як аказваецца меддапамога жанчынам у зняволенні?
• Рэпрадуктыўнае здароўе жанчын
• Псіхалагічныя наступствы турэмнага зняволення

Чытаць па спасылцы 👉 https://spring96.org/be/news/118217

Вясна / Правы чалавека ў Беларусі

27 июня 2025 12:11

💔«Кожны дзень — як у пекле». Жаночая калонія вачыма былой палітзняволенай

У гомельскай жаночай калоніі № 4 застаюцца дзясяткі жанчын, асуджаных паводле палітычных матываў. Дзяржава кляйміць іх «экстрэмісткамі» і «тэрарысткамі», але за гэтымі ярлыкамі — рэальныя гісторыі болю, прыніжэння і барацьбы за выжыванне. Зняволеных аб'ядноўвае не толькі прысуд, але і тое, як з імі абыходзяцца: штодзённыя абразы, маральны ціск, холад, цяжкая праца, адмова ў медычнай дапамозе ды ізаляцыя ад знешняга свету.

Адна з іх — 63-гадовая Галіна Дзербыш. Нягледзячы на інваліднасць, ёй не аказваецца нават базавая медычная дапамога.

Былая палітзняволеная Таццяна, распавяла «Вясне» пра ўмовы ўтрымання і працы ў калоніі, невыносны холад у ШІЗА, ежу з прусакамі ды глістамі, а таксама ціск на палітвязняў.

«Памятаю, неяк ела рагу з мясам — зачарпнула лыжку, гляджу, нешта звісае: капуста — не капуста. Пачынаю мацаць рукамі — разумею, што гэта гліст звараны».

Вясна / Правы чалавека ў Беларусі

27 июня 2025 10:15

🇺🇳«Ніякіх прыкметаў прагрэсу няма». Спецдакладчык па Беларусі выступіў у ААН

У межах 59 сесіі Рады па правах чалавека ААН у Жэневе выступіў Спецыяльны дакладчык па сітуацыі з правамі чалавека ў Беларусі Нілс Муйжніекс. Беларусь разглядалася як краіна, што мае сітуацыю з правамі чалавека, якая патрабуе ўвагі РПЧ. Сама дэлегацыя Беларусі на сустрэчу не прыйшла.

«Вясна» распавядае пра тое, што казаў Спецдакладчык, іншыя краіны ды НДА.

«Як падтрымаць беларусаў у высылцы? Не адпраўляйце іх у Беларусь, калі яны знаходзяцца ў небяспецы. Не супрацоўнічайце з беларускімі ўладамі, не адпраўляйце людзей назад.

Другое — гэта фінансаванне. Сфакусуйцеся на моладзевых актывістах, на СМІ. Запрашайце прадстаўнікоў выступаць, запрашайце былых палітвязняў забяспечваць вас інфармацыяй.

Я думаю, трэба ўвесь час ціснуць, каб рэпрэсіі Беларусі абыходзіліся вельмі дорага».

Вясна / Правы чалавека ў Беларусі

27 июня 2025 09:02

Сёння пачынаюць судзіць палітзняволенага Максіма Урбановіча

Справу супраць Максіма Урбановіча, малодшага брата беларускага добраахвотніка Дзяніса Урбановіча, разглядаюць у судзе Заводскага раёну Мінска.

Як паведамляе «Белсат», Максіма абвінавачваюць паводле «народнага» артыкулу 342 Крымінальнага кодэксу (арганізацыя або ўдзел у дзеяннях, якія парушаюць грамадскі парадак).

У справе яшчэ некалькі артыкулаў, але якія менавіта, пакуль не вядома. Сваякі не маюць канкрэтнай інфармацыі, а Максімаў брат больш за два гады не мае з ім стасункаў.

2 красавіка ў кватэру, што арандаваў Максім, уварваліся сілавікі. Пасля ператрусу яго адвезлі на допыт у КДБ. Спачатку хлопца трымалі ў СІЗА КДБ, а потым перавезлі ў СІЗА № 1, што ў Калядзічах.

Вясна / Правы чалавека ў Беларусі

26 июня 2025 16:20

❗️«Вы з вашым дыягназам жывой не выйдзеце». Узгадваем гісторыі катаванняў, пра якія стала вядома за апошні год

Беларусы з 2020 году працягваюць за сваю грамадзянскую пазіцыю сістэматычна сутыкацца з жорсткім абыходжаннем, збіваннямі і катаваннямі як падчас затрыманняў, так і ў зняволенні. Людзей утрымліваюць у перапоўненых камерах ІЧУ, без сродкаў гігіены і зменнага адзення, не прымаюць для іх перадачы і не аказваюць своечасовую меддапамогу.

Такія ўмовы прыводзяць да сур'ёзных праблем са здароўем і доўгай рэабілітацыі пасля вызвалення, але, на жаль, у некаторых выпадках — да смерці чалавека. Так, з 2021 года 8 палітвязняў памерлі за кратамі.

У межах «Тыдню супраць катаванняў» узгадваем некаторыя гісторыі герояў «Вясны» за апошні год пра нечалавечыя ўмовы ў зняволенні, пра метады катаванняў, а таксама пра збіванні пры затрыманні.

«Мяне паклалі проста на зямлю, калі я вяртаўся са сталовай. Сілавікі наступілі мне на руку і зламалі тры пальцы».

Вясна / Правы чалавека ў Беларусі

26 июня 2025 14:45

❗️Праваабаронцы заклікаюць дакументаваць факты катаванняў і парушэнняў правоў чалавека ў Беларусі

«Вясне» вядома, што ў Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых»

🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

Вясна / Правы чалавека ў Беларусі

26 июня 2025 13:15

📊«Стабільна кепска». БХК прэзентаваў ацэнку стану права на свабоду ад катаванняў у 2024 годзе

Падчас Тыдня супраць катаванняў Беларускі Хельсінкскі Камітэт прэзентаваў ацэнку стану права на свабоду ад катаванняў у 2024 годзе ў межах Нацыянальнага індэкса правоў чалавека. У прэзентацыі ўзяў удзел эксперт і праваабаронца «Вясны» Павел Сапелка.

БХК каардынуе стварэнне нацыянальнага індэкса правоў чалавека з 2019 года. У стварэнні гэтага індэкса ўдзельнічае вялікая група экспертаў грамадзянскай супольнасці. У такім разглядзе праваабаронцы абапіраюцца на міжнародныя абавязальніцтвы Беларусі.

«Сістэма адбудоўваецца ў тым кірунку, каб жорсткія захады абыходжання сталі з пункту гледжання нацыянальнага заканадаўства законнымі. Чаму? Таму што вось гэтая гісторыя "часам не да законаў" відавочна не ўсім падабаецца».

Вясна / Правы чалавека ў Беларусі

26 июня 2025 11:45

Будзьце ўважлівыя: Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі

Невядомыя пачалі рабіць па чатах дыяспары новую рассылку. Цяпер яны прапануюць беларусам замежжа пакінуць свае кантактныя звесткі — імя і тэлеграм або інстаграм.

Узамен нібыта можна атрымаць у Варшаве сувенірную прадукцыю з нацыянальнымі беларускімі колерамі.

«Раздаваць будзем да 18:30 каля галоўнага ўваходу ў Базіліку Святога Крыжа», — пішуць яны.

Падобна, што за гэтым стаяць лукашэнкаўскія спецслужбы. Акаўнт (id7579123793), з якога гэтым разам вядзецца рассылка, створаны зусім нядаўна. Ён нідзе і ніколі не быў заўважаны раней. Акаўнт ад учора ўступае ў чаты і раскідвае аднатыпныя паведамленні па ўсіх чатах дыяспары, у якія можа увайсці, піша «Наша Ніва».

Вясна / Правы чалавека ў Беларусі

26 июня 2025 10:10

🇪🇺У беларускіх палітвязняў з'явіліся новыя «хросныя» з Нідэрландаў, Латвіі ды Германіі

У межах кампаніі #WeStandBYyou Іса Кахраман (партыя «Новая грамадская дамова», Нідэрланды), Юргіс Клоціньш (партыя «Нацыянальнае аб'яднанне», Латвія) і Канстанцін фон Нотц (партыя «Саюз 90 / Зялёныя», Нямеччына) узялі на сябе сімвалічнае «шэфства» над беларускімі палітвязнямі Дзмітрыем Слуком, Генрыхам (Генадзем) Акалатовічам і Людмілай Чэкінай.

«Беларускія ўлады павінны спыніць гвалт, рэпрэсіі і адвольныя арышты, забяспечыць правядзенне свабодных і справядлівых выбараў, а таксама нарэшце гарантаваць выкананне асноўных дэмакратычных стандартаў і вяршэнства закона».

Вясна / Правы чалавека ў Беларусі

26 июня 2025 09:00

✊Беларусы і беларускі Беластока працягваюць віншаваць палітвязняў з Днём народзінаў

«Вы сталі закладнікамі рэжыму і ахвяруеце сваім здароўем і жыццём дзеля вольнай Беларусі. Не губляйце надзеі на то, што ўсё дрэннае абавязкова скончыцца, што ўсё не дарма. Беражыце сябе».

Вясна / Правы чалавека ў Беларусі

25 июня 2025 17:21

«Экстрэмісцкай» прызналі старонку ва «Укантакце» брэсцкай піцэрыі, якая публікавала прарасійскія і праўладныя допісы, а незадаволеным пагражала ГУБАЗіКам

Суд Ленінскага раёну Брэста 20 чэрвеня прызнаў «экстрэмісцкімі матэрыяламі» старонку «Культ Пиццы | Брест», на якую падпісаныя амаль 12 тысяч чалавек.

Гэта акаўнт «Укантакце» поўніцца пастамі са зняважлівымі выказваннямі аб Украіне і краінах Захаду ды праслаўленнем Расіі. Багата допісаў з мацюкамі. Як пісала «Наша Ніва», адміністратар старонкі раней казаў, што асабліва не ведае беларускай мовы, прапановаў кантакт ГУБАЗіКа і заклікаў «збеглых» вяртацца, бо ў «Беларусі ах***а» .

Таксама ў «экстрэмісцкі спіс» дадалі старонку ў «Viber» «Плоска-Мощенка», TikTok-старонкі «sergeyxxx21», «realnaia_belarus», старонку ў Instagram «FRANЦ», а таксама Telegram-чаты «Правовая защита учителей» і «Чат. Перевоз РБ-РП. Переезд».

🔗Хроніка палітычнага пераследу

Вясна / Правы чалавека ў Беларусі

25 июня 2025 16:20

Па чатах беларускіх дыяспар пачалі раскідваць фэйкавыя анонсы акцыі Святланы і Сяргея Ціханоўскіх у Варшаве

Як паведамляюць чытачы, анонсы публікуюцца ботамі ў чатах беларусаў па ўсім свеце — на іх стаіць несапраўдны час сустрэчы і пазначана зусім іншае месца збору.

Таксама актывізаваўся ГУБАЗіК, які пачаў пужаць людзям адказнасцю за наведванне акцый.

Вясна / Правы чалавека ў Беларусі

25 июня 2025 15:30

📊Article 19: У рэйтынгу свабоды выказвання меркаванняў Беларусь апярэджвае толькі Нікарагуа і Паўночную Карэю

Свабода выказвання меркаванняў знаходзіцца пад пагрозай ва ўсім свеце, заявіла міжнародная праваабарончая арганізацыя Article 19 у сваёй штогадовай справаздачы Global Expression Report. Паводле звестак маніторынгавай арганізацыі, больш чым дзве траціны насельніцтва свету сёння маюць меншую свабоду выказвання, чым дзесяць гадоў таму.

Па ўзроўні свабоды выказвання меркаванняў сярод краін Еўропы і Цэнтральнай Азіі Беларусь займае апошняе 49 месца, а ў сусветным рэйтынгу яна апярэджвае толькі Нікарагуа і Паўночная Карэя (159-ае месца з 161).

За апошняе дзесяцігоддзе ў 26 краінах Еўропы і Цэнтральнай Азіі адбылося зніжэнне ўзроўню свабоды выказвання, але толькі ў трох з іх гэта зніжэнне было значным (падзенне на 20 і больш пунктаў): у Грузіі (−27 пунктаў), Кыргызстане (−23) і Беларусі (−21).

Чытаць па спасылцы 👉 https://spring96.org/be/news/118192