Вясна / Правы чалавека ў Беларусі

11 июня 2025 17:35

❗️Вікторыю Кульшу ў чацвёрты раз асудзілі за «злоснае непадпарадкаванне адміністрацыі калоніі»

Як паведамляе @nashaniva, жанчыне прысудзілі яшчэ адзін год зняволення.

Палітзняволеная Вікторыя Кульша мусіла выйсці на волю ў красавіку 2025 года па заканчэнні тэрміну. Але яе перавялі ў гомельскі СІЗА-3 у межах чацвёртай крымінальнай справы паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі).

Раней ёй ужо тройчы прызначалі пазбаўленне волі па гэтым артыкуле.

Увесь час у зняволенні на жанчыну аказваецца ціск. Яе неаднаразова змяшчалі ў штрыфны ізалятар і ПКТ. Па інфармацыі праваабаронцаў, у зарэчанскай калоніі № 24 адзін з наглядчыкаў душыў Вікторыю локцем, стоячы ззаду, а таксама цягаў яе па камеры. Праз галадоўкі ў яе двойчы здараўся сардэчны прыступ.

Вясна / Правы чалавека ў Беларусі

11 июня 2025 15:19

🌐Праваабаронцы заклікаюць паклапаціцца пра сваю лічбавую бяспеку:

1) Пераглядзіце спіс сяброў у сацсетках — выдаліце невядомых або падазроных асоб;
2) Абмяжуйце бачнасць асабістай інфармацыі, асабліва той, якая можа прыцягнуць увагу да вас ці неяк нашкодзіць;
3) Выдаліце або схавайце старыя пасты і каментары, якія могуць змяшчаць уразлівую інфармацыю;
4) Будзьце пільнымі да новых кантактаў — не адказвайце на паведамленні ад невядомых асоб, асабліва калі яны задаюць палітычныя пытанні;
5) Уключыце двухфактарную аўтэнтыфікацыю на ўсіх акаўнтах, дзе гэта магчыма;
6) Захоўвайце ўзаемадзеянне з падобнымі паведамленнямі (як ад Maria Pulkovskay) — зрабіце скрыншоты, не адказвайце, паведаміце праваабаронцам на @ViasnaSOS
7) Выключыце функцыю «хто можа знайсці вас па нумары тэлефона» ў наладах Facebook і іншых платформаў.
8) Карыстайцеся VPN і шыфраванымі мэсэнджарамі (напрыклад, Signal).

🔹Спецслужбы выходзяць на кантакт з актывістамі праз Facebook: што вядома і як сябе абараніць

Вясна / Правы чалавека ў Беларусі

11 июня 2025 14:05

📝«Ён не павінен быў вымушана пакідаць свой дом». Абсерваторыя па абароне праваабаронцаў пра Андрэя Чапюка

Абсерваторыя па абароне праваабаронцаў, сумесная праграма Міжнароднай федэрацыі за правы чалавека (FIDH) і Сусветнай арганізацыі супраць катаванняў (OMCT), выступіла з заявай з нагоды вызвалення валанцёра «Вясны» Андрэя Чапюка, у якой выказала сваю глыбокую палёгку ў сувязі з тым, што ён шчасна пакінуў Беларусь праз месяц пасля свайго вызвалення з турмы і яму больш не пагражаюць далейшыя рэпрэсіі.

Пры гэтым, яны нагадалі, што некалькі іншых сябраў «Вясны», уключна з яе кіраўнікамі, застаюцца адвольна затрыманымі за сваю законную праваабарончую дзейнасць у Беларусі.

«Андрэй прыняў цяжкае рашэнне пакінуць краіну, знаходжанне ў якой азначала працяг пераследаў і пазбаўленне асноўных грамадзянскіх і палітычных правоў».

Вясна / Правы чалавека ў Беларусі

11 июня 2025 12:45

🌿12 чэрвеня ў Лейпцыгу адбудзецца сустрэча з Ксеніяй Луцкіной

Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расла пухліна ў галаўным мозгу. Мінулым летам Ксенія выйшла на волю па памілаванні.

Падчас мерапрыемства таксама адбудзецца напісанне лістоў беларускім палітвязням.

📍12 чэрвеня, 18:00
🔹Helmut Space (Kohlgartenstraße 51, Leipzig)
💶Уваход вольны
⁉️Падрабязнасці

Вясна / Правы чалавека ў Беларусі

11 июня 2025 11:15

✍️Шукаем людзей, якія за апошнія паўгода адбывалі арышты ў беларускіх ізалятарах часовага ўтрымання

Распавядзіце праваабаронцам пра ўмовы ўтрымання.

Ананімнасць гарантуецца. Калі ласка, напішыце праваабаронцам на @Viasnainfo

Вясна / Правы чалавека ў Беларусі

11 июня 2025 09:02

Намеснік генпракурора патлумачыў праваабаронцу Судаленку, за што той атрымаў завочны прысуд

Праваабаронцу «Вясны» Леаніду Судаленку ўдалося дакладна высветліць, за што ж яго засудзілі завочна праз год, як ён выйшаў з калоніі. Паводле ліста, падпісанага намеснікам генеральнага пракурора Аляксеем Стукам, рэчавымі доказамі віны Судаленкі сталі ягоныя інтэрв'ю, размешчаныя «на інтэрнэт-сайтах „Вясны“, Радыё Свабода, БЕЛСАТу, „Нашай Нівы“, каналах „Свабода Premium“ і „Charter97video“ відэахостынгу YouTube у перыяд з 6 жніўня па 31 кастрычніка 2023 году».

Намеснік генпракурора ўдакладніў, чаго канкрэтна тычыліся гэтыя інтэрвію — «умоваў адбыцця пакарання асуджанымі на пазбаўленне волі ў папраўчых калоніях ды іншых пытанняў».

Мэдыя, з якімі кантактаваў праваабаронца, як і праваабарончы цэнтр «Вясна», паводле Аляксея Стука, прызнаныя ў Беларусі «экстрэмісцкімі фармаваннямі», іх дзейнасць забароненая, бо яны «дыскрэдытуюць Рэспубліку Беларусь».

Крыніца: Свабода

Вясна / Правы чалавека ў Беларусі

10 июня 2025 16:30

❗️Беларускім актывістам за мяжой пачалі прыходзіць паведамленні з прапановамі аб супрацоўніцтве ад КДБ

Вядома, што людзям абяцаюць бяспеку іх родных у Беларусі ў абмен на супрацу з беларускімі спецслужбамі.

Калі вам ці вашым знаёмым пісалі з прапановамі аб супрацы — калі ласка, паведамляйце праваабаронцам на @Viasnainfo

Вясна / Правы чалавека ў Беларусі

10 июня 2025 15:49

📍Паведамляйце «Вясне» пра затрыманні, ператрусы і «выклікі на размову»

Мы збіраем і захоўваем факты пераследу, што асабліва важна ў цяперашніх умовах.

Па жаданні, ваша інфармацыя можа застацца непублічнай. Вы таксама можаце перадаць такія звесткі праз вашых сяброў, што жывуць за мяжой.

@viasnainfo| @viasna_bot | @ViasnaSOS

Вясна / Правы чалавека ў Беларусі

10 июня 2025 13:12

✊Беларусы сабралі больш за 26 тысяч еўра для дзяцей палітвязняў

BYSOL вясной адкрыў традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

«Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага».

Вясна / Правы чалавека ў Беларусі

10 июня 2025 10:20

✍️Шукаем людзей, якія за апошнія паўгода адбывалі арышты ў беларускіх ізалятарах часовага ўтрымання

Распавядзіце праваабаронцам пра ўмовы ўтрымання.

Ананімнасць гарантуецца. Калі ласка, напішыце праваабаронцам на @Viasnainfo

Вясна / Правы чалавека ў Беларусі

10 июня 2025 09:04

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

09 июня 2025 17:05

За здымкі на вакзале ў віцебскім СІЗА трымаюць аршанца Яўгена Бодрыкава

Супраць яго распачатая крымінальная справа — найверагодней, за фатаграфаванне перасоўванняў вайсковай тэхнікі, піша @vicspring.

Яўген — 27-гадовы ўраджэнец Оршы. Ён скончыў аршанскую СШ №17, быў пераможцам прадметных алімпіядаў па гісторыі: у 2014 годзе здолеў перамагчы нават на рэспубліканскай алімпіядзе. Быў узнагароджаны грашовым сартыфікатам ад імя раённага ўпраўлення адукацыі.

Пасля школы Бодрыкаў паступіў на бюджэтную форму навучання на гістфак БДУ, быў у студэнцкім актыве, добра зарэкамендаваў сябе падчас практыкі ў мінскай гімназіі №20.

У 2020 годзе хлопец быў затрыманы і збіты падчас пратэстаў у Мінску: з чэрапна-мазгавой траўмай трапіў у шпіталь. Пасля быў аштрафаваны судом Фрунзенскага раёна на 675 рублёў за удзел у «несанкцыянаваным масавым мерапрыемстве». У 2022 годзе яму прызначылі 15 сутак арышту за фотаздымак у сацсетках, дзе на хлопцы была майка з Пагоняй.

🔗Хроніка палітычнага пераследу

Вясна / Правы чалавека ў Беларусі

09 июня 2025 15:40

♦️Леанід Судаленка праводзіць сустрэчы у Італіі, каб распавесці пра адзінага ў свеце лаўрэата Нобелеўскай прэміі, якога ўлады трымаюць за кратамі.
Італійскае аддзяленне Amnesty International арганізавала візіт у Італію прадстаўнікоў двух арганізацыяў, якія разам з Алесем Бяляцкім ў 2022 годзе былі ўганараваныя Нобелеўскай прэміяй міру – украінскага “Цэнтру грамадзянскіх свабод” і расійскага “Мемарыялу”. ЦГС прадстаўляе ягоная кіраўніца Алэксандра Матвійчук, а “Мемарыял” – праваабаронца і экс-палітвязень Алег Арлоў.
✅Чытаць болей

Вясна / Правы чалавека ў Беларусі

09 июня 2025 15:00

🌿12 чэрвеня ў Лейпцыгу адбудзецца сустрэча з Ксеніяй Луцкіной

Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расла пухліна ў галаўным мозгу. Мінулым летам Ксенія выйшла на волю па памілаванні.

Падчас мерапрыемства таксама адбудзецца напісанне лістоў беларускім палітвязням.

📍12 чэрвеня, 18:00
🔹Helmut Space (Kohlgartenstraße 51, Leipzig)
💶Уваход вольны
⁉️Падрабязнасці

Вясна / Правы чалавека ў Беларусі

09 июня 2025 12:44

Следчы камітэт наклаў арышт на кватэру актывіста Дзмітрыя Карняенкі

Паведамленне пра гэта ад Віцебскай агенцыі па дзяржаўнай рэгістрацыі і зямельным кадастры даслалі ў Оршу на адрас бацькі актывіста, піша «Віцебская Вясна».

Мужчына ўжо некалькі гадоў жыву ў вымушанай эміграцыі. Падчас знаходжання ў замежжы, Дзмітрыя двойчы прызнавалі ўдзельнікам «экстрэмісцкіх фармаванняў» — праекта «Хрысціянская візія» і ініцыятывы «Народный депутат».

Вясна / Правы чалавека ў Беларусі

11 июня 2025 16:33

🌿«У турмы не жаночае аблічча». Праваабаронцы запрашаюць на канферэнцыю ў Вільні

Праваабарончая ўстанова «Лекары за праўду і справядлівасць» запрашае на канферэнцыю «Жанчыны ў зняволенні: нябачны боль пенітэнцыярнай сістэмы Беларусі» для ўдзелу ў дыскусіі аб крызісным становішчы зняволеных жанчын у Беларусі. Канферэнцыя пройдзе 25 чэрвеня ў Вільні.

На канферэнцыі каманда «Лекараў за праўду і справядлівасць» прэзентуе вынікі комплекснага даследавання пра стан здароўя і правы жанчын у зняволенні; сведчанні тых, хто прайшоў праз турмы; экспертаў і экспертак з галіны медыцыны, права і псіхалогіі. Праграма канферэнцыі таксама прадугледжвае дыскусію на згаданыя тэмы.

Уваход на канферэнцыю вольны, але дзеля забяспячэння спрыяльных умоў ўдзельнікаў просяць прайсці папярэднюю рэгістрацыю па спасылцы.

📍25 чэрвеня, 10.00 – 16.30
🔹Канферэнц-зала Conti Hotel — Raugyklos g. 7

Падрабязнасці 👉 https://spring96.org/be/news/118110

Вясна / Правы чалавека ў Беларусі

11 июня 2025 14:30

❗️Спецслужбы выходзяць на кантакт з актывістамі праз Facebook: што вядома і як сябе абараніць

Праваабаронцам вядома не меней за пяць такіх выпадкаў. Усе паведамленні зафіксаваны з аднаго акаўнта — Maria Pulkovskay. У фэйсбуку Maria ў сябрах лічыцца 371 акаўнт, сярод якіх — былыя палітзняволеныя, журналісты і актывісты. Некаторым абяцаюць бяспеку іх родных у Беларусі ў абмен на супрацу з беларускімі спецслужбамі.

«Вясна» паразмаўляла з адной з актывістак, з якой звязваўся супрацоўнік КДБ. Заклікаем прыняць меры па лічбавай бяспецы.

«Калі ён піша, то адразу называе людзей па поўным імя і імя па бацьку, то бок гэта ўжо інфармацыя, якая не ва ўсіх змяшчаецца ў сацсетках. Ён сказаў, што яго мэта, даведацца меракаванне пра структуры і нейкім падзеям. Ён піша пра нейкі кампраміс, супрацоўніцтва, спрабуе наладзіць узаемнавыгодныя камунікацыі. Ён хоча даведацца больш інфармацыі пра нейкіх людзей з дэмакратычнай супольнасці».

Вясна / Правы чалавека ў Беларусі

11 июня 2025 13:30

На тэрыторыі Беларусі заблакавалі тыкток-каналы Святланы Ціханоўскай і Паўла Латушкі

Цяпер для карыстальнікаў у Беларусі піша, што акаўнты «не дасяжныя ў вашай краіне», піша @nashaniva.

Вясна / Правы чалавека ў Беларусі

11 июня 2025 12:04

⚖️У Беларусі кожны дзень працягваюцца суды па экстрэмісцкіх артыкулах. Паведамляйце праваабаронцам вынікі

Нагадаем, ужо больш за тры месяцы на сайце Вярхоўнага суда вядуцца «рэгламентныя работы». Праз адсутнасць афіцыйнай статыстыкі па крымінальных і адміністрацыйных асуджэннях складана ацэньваць рэальную сітуацыю з правамі чалавека ў Беларусі.

Але праваабаронцы нагадваюць, што сіла беларусаў — у салідарнасці. Таму заклікаем працягваць паведамляць праваабаронцам пра ўсе вядомыя факты палітычнага пераследу. Напрыклад, можна перадаваць інфармацыю праз сваіх блізкіх і сяброў, якія знаходзяцца за мяжой і якія могуць бяспечна камунікаваць з праваабаронцамі. Або проста папярэдзіць, што інфармацыя для статыстыкі, а не для распаўсюду.

Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

@ViasnaSOS | @SOSViasna | @Viasnainfo

🔹Праваабаронцы «Вясны» пра тое, як рэжым знішчае доказы сваіх злачынстваў

Вясна / Правы чалавека ў Беларусі

11 июня 2025 10:00

Былога ўчастковага з Ганцавічаў асудзілі па палітычнай крымінальнай справе

Уладзіміру Стрыжычу 38 гадоў. У 2010 годзе ён скончыў Мазырскі дзяржаўны педагагічны ўніверсітэт імя Шамякіна, а пасля пайшоў працаваць у міліцыю. Стрыжыч служыў участковым і ў інспекцыі па справах непаўналетніх.

Стрыжыч даслужыўся да старшага лейтэнанта і быў звольнены ў самым канцы 2014 года. Прычына — «у сувязі са здзяйсненнем кепскага ўчынку». Пасля гэтага Стрыжыч адкрыў ІП, сферай дзейнасці якога пазначаныя лесанарыхтоўкі. У тэлефонных кнігах іншых ён запісаны як «Уладзімір дрэва Нясвіж» і «апілкі Галынка». ІП нядаўна пачало працэс ліквідацыі.

Калі былога міліцыянера затрымалі, дакладна невядома, але не раней за верасень 2024, калі ён апошні раз быў анлайн у сацсетках. Стрыжыча асудзілі ў Брэсцкім абласным судзе па ч. 3 арт. 361-1 КК — «уваходжанне ў склад экстрэмісцкага фармавання». Уладзіміру пагражала да 6 гадоў калоніі.

Сутнасць абвінавачанняў невядомая, піша «Наша Ніва».

Вясна / Правы чалавека ў Беларусі

10 июня 2025 18:50

🥀Збор на рэпатрыяцыю цела і пахаванне былога палітвязня Аляксандра Класкоўскага

Аляксандра затрымалі ў ноч на 21 снежня 2010 года, збілі і абвінавацілі ў арганізацыі масавых закалотаў і ўдзеле ў іх. 26 траўня 2011 года яго асудзілі да 5 гадоў пазбаўлення волі ў калоніі ўзмоцненага рэжыму. Пазней ён быў вызвалены па памілаванні.

Пасля ўзмацнення рэпрэсій у 2020 годзе Аляксандр разам з сям'ёй быў вымушаны хавацца ад пераследу ў замежжы. У 2024 годзе эміграваў у ЗША разам з жонкай і трыма дзецьмі.

4 чэрвеня 2025 года мужчына раптоўна памёр, як мяркуецца, з-за сардэчнага прыступа – суседзі знайшлі яго без прытомнасці; канчатковая прычына будзе ўстаноўлена экспертызай. Аляксандру было 46 гадоў.

Родныя мужчыны збіраюць грошы на рэпатрыяцыю цела ў Беларусь і іншыя выдаткі, звязаныя з пахаваннем.

Падтрымаць збор на BYSOL

Вясна / Правы чалавека ў Беларусі

10 июня 2025 16:05

YouTube-канал музыкі з Мядзела, якога затрымалі на мінулым тыдні, прызналі «экстрэмісцкім»

Гаворка пра YouTube-старонку Аляксандра Хіхеля — нагадаем, мужчыну затрымалі пасля даносу прарасійскай актывісткі Бондаравай. Сцвярджалася, што музыка «спяваў дурныя песенькі супраць СВА». Пасля затрымання YouTube-канал мужчыны быў выдалены.

Таксама Спіс экстрэмісцкіх матэрыялаў папоўнілі Instagram-старонкі «ucsd4marfa і «ubc_sar, а таксама старонкі ў TikTok «Неделя цитат (Phoenix INFO)», «Glafira», «liabedzka», «nnvideotv», «belarus.freedom.fі», «Джеки-Чан», «Bel_freed», «Freedom», «Харисова| молодая политологию!», «☦️ Fɾҽҽ Bҽʅαɾυʂ ☦️», «buslenok», «Freedom Belarus», «Беларусь Будет Свободной», «Belarus», «Belarusian Battalion», «Витёк Battalion», «Не_Беглый», «littouwin», «Pulse of Freedom», «yar_vel».

Вясна / Правы чалавека ў Беларусі

10 июня 2025 14:04

📍Беларускія добраахвотнікі, студэнт, дальнабойнік, блогер: хто трапіў у абноўлены «спіс тэрарыстаў»

Камітэт дзяржаўнай бяспекі 9 чэрвеня дадаў яшчэ 15 чалавек у спіс «асоб, якія маюць дачыненне да тэрарыстычнай дзейнасці». Гэта: Вячаслаў Граноўскі, Ігнаці Кірэеў, Арцём Бігель, Ян Мельнікаў, Анастасія Махамет, Ігар Драбышэўскі, Аляксандр Гаршуноў, Сяргей Бяспалаў, Даніла Чыбісаў, Дзмітрый Сончык, Крысціна Лапкоўская, Лідзія Гарохава, Алег Ярашэнкаў, Арцём Кухаронак, Ігар Майсеенка.

Цяпер у спісе 1299 чалавек, з іх больш за 600 — беларусы.

Распавядаем, каго КДБ уключыў у «спіс тэрарыстаў» і за што яны былі асуджаныя.

Чытаць па спасылцы 👉 https://spring96.org/be/news/118101

Вясна / Правы чалавека ў Беларусі

10 июня 2025 12:00

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца чацвёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

10 июня 2025 09:32

ГУБАЗіК затрымаў 20-гадовага мінчука, які нібы спрабаваў уступіць у полк Каліноўскага і «прапагандаваў нацысцкую нянавісць»

Пра гэта паведамляе «Люстэрка» са спасылкай на СК.

Як сцвярджаюць у ведамстве, гэтай вясной малады чалавек вырашыў уступіць у полк Каліноўскага.

«Фігурант прадаставіў фатаграфію пашпартных дадзеных у чат-бот тэрарыстаў і выказаў гатоўнасць да ўдзелу ў баявых дзеяннях. Заяўка была прынята, аднак яго планы спынілі супрацоўнікі ГУБАЗіК».

Таксама сцвярджаецца, што хлопец «размяшчаў у каментарах пад публікацыямі фатаграфіі беларусаў з партрэтамі Гітлера і нацысцкай сімволікай, якія нібыта выказваюць падтрымку і ўхвальваюць ідэі фашызму, ствараючы такім чынам пераканаўчы, але хлуслівы кантэнт». Таксама ён запэўніваў, што Гітлер быў выратавальнікам Еўропы, і актыўна распаўсюджваў гэтыя погляды, такім чынам займаючыся «прапагандай нацысцкай нянавісці і скажэннем гістарычнай праўды».

Мінчуку прад'яўлена абвінавачанне ў «рэабілітацыі нацызму» (ч. 1 арт. 130-1 КК). Ён знаходзіцца пад вартай.

Вясна / Правы чалавека ў Беларусі

09 июня 2025 17:30

💔«Спадзяюся, што яшчэ будзем шчаслівымі», — палітвязень Уладзімір Гундар у нядаўнім лісце

Палітвязня ўтрымліваюць за кратамі ўжо больш за чатыры з паловай гады. У кастрычніку 2022 года Уладзіміра асудзілі па "справе Аўтуховіча" да 18 гадоў калоніі. Праз некалькі месяцаў яго зноў асудзілі — за абразу пракуроркі Людмілы Герасіменкі, якая прадстаўляла абвінавачванне па "справе Аўтуховіча". Цяпер агульны тэрмін палітвязня складае 20 гадоў.

Па прыбыцці ў калонію яго некалькі разоў змяшчалі ў штрафны ізалятар. Напачатку кастрычніка 2023 года Гундара перавялі ў магілёўскую турму № 4 на турэмны рэжым.

28 траўня Уладзіміру споўнілася 65 гадоў. Днямі ад палітвязня прыйшоў ліст сваякам, у якім некалькі радкоў — пра гэтую падзею ў ягоным жыцці, цытуе "Свабода":

«Нясьпешна крочу шляхам жыцьця. Разумею жыцьця хуткаплыннасьць, яго каштоўнасьць і шчасьце, адчуваю ў кожным імгненьні асалоду і радасьць. Спадзяюся, што мы яшчэ доўга будзем насычацца водарам, смакам і гаючай сілай жыцьця, і будзем шчасьлівымі».

Вясна / Правы чалавека ў Беларусі

09 июня 2025 15:44

У «спіс тэрарыстаў» дадалі 15 чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы пятнаццаці чалавек.

Сярод іх Вячаслаў Граноўскі, Ігнаці Кірэеў, Арцём Бігель, Ян Мельнікаў, Анастасія Махамет, Ігар Драбышэўскі, Аляксандр Гаршуноў, Сяргей Бяспалаў, Даніла Чыбісаў, Дзмітрый Сончык, Крысціна Лапкоўская, Лідзія Гарохава, Алег Ярашэнкаў, Арцём Кухаронак, Ігар Майсеенка.

Цяпер у «тэрарыстычным спісе» 1299 чалавек, з іх больш за 600 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

09 июня 2025 15:29

📝На Міжнароднай канферэнцыі працы звярнулі ўвагу на пераслед працаўнікоў і незалежных прафсаюзаў у Беларусі

На 113-й сесіі Міжнароднай канферэнцыі працы (МКТ), якая штогод арганізуецца Міжнароднай арганізацыяй працы (МАП), разгледзелі пытанне пераследу працаўнікоў і незалежных прафсаюзаў у Беларусі.

Міжнародная федэрацыя за правы чалавека (FIDH) і Праваабарончы цэнтр «Вясна» заклікалі ўсіх сябраў МАП узмацніць ціск на ўлады Беларусі, каб забяспечыць захаванне правоў працоўных на свабоду аб'яднанняў і выказвання меркаванняў.

«Пастаянны пераслед працоўных і прафсаюзных актывістаў у Беларусі па-ранейшаму выклікае глыбокую занепакоенасць. Ужыванне артыкула 33 Статута, амаль беспрэцэдэнтнае ў гісторыі МАП, стала паваротным момантам, які мусіць і надалей падахвочваць міжнародную супольнасць да рашучых дзеянняў па прыцягненні да адказнасці за грубыя парушэнні правоў працоўных».

Вясна / Правы чалавека ў Беларусі

09 июня 2025 13:59

Маладога выпускніка Акадэміі МУС асудзілі па рэдкім артыкуле — за «парушэнне аховы дзяржаўных сакрэтаў»

Антону Табашнікаву 28 гадоў. У 2014 ён паступіў у Акадэмію МУС. Табашнікаў вучыўся па спецыяльнасці «правазнаўства» на кафедры адміністратыўнай дзейнасці органаў унутраных спраў факультэта міліцыі.

Невядома, што было далей — хлопец зусім не вядзе сацсеткі. Але Табашнікаў паралельна, у 2022, скончыў Інстытут бізнэсу БДУ па спецыяльнасці «бізнэс-адміністраванне».

Апошні раз ён быў анлайн на сваёй пустой старонцы «Укантакце» 31 ліпеня 2024 года. У тэлеграме Антон не анлайн «вельмі даўно», піша «Наша Ніва».

Дата суда і сутнасць справы невядомыя, але абвінавачанне гучыць так — «парушэнне патрабаванняў па ахове дзяржаўных сакрэтаў» (артыкул 375-2 КК).

Паколькі па артыкуле не так шмат судовай практыкі і мала канкрэтыкі, цяжка сказаць, што менавіта зрабіў Табашнікаў. Мяркуючы па статусе «адбывае пакаранне» і поўнай неактыўнасці ў сацсетках, ён атрымаў пакаранне, звязанае з пазбаўленнем волі.

Вясна / Правы чалавека ў Беларусі

09 июня 2025 12:10

🌿У Даўгаўпілсе адкрыюць выставу малюнкаў беларускіх палітвязняў і пакажуць спектакль, прысвечаны загінуламу палітвязню Валянціну Штэрмеру

15 чэрвеня ў Даўгаўпілсе, у Інстытуце культуры New East (вуліца 18 Навэмбра, 41A), Латвійскі тэатр пратэснай культуры прадставіць свой новы спектакль «Хрышчоны». Пачатак а 17-ай гадзіне.

Спектакль прысвечаны памяці Валянціна Штэрмера — беларускага палітвязня, пра смерць якога стала вядома напярэдадні Міжнароднага дня салідарнасці з беларускімі палітычнымі вязнямі, які адзначаецца 21 траўня.

Спектакль на рускай мове, працягласць — каля гадзіны. Квіткі (па 7 еўра) можна купіць па гэтай спасылцы.

У гэты ж дзень, за паўгадзіны да спектакля, адкрыецца выстава малюнкаў беларускіх палітвязняў «Беларусь. Мастацтва за кратамі». Выставу ў New East можна будзе да 14 ліпеня.

Крыніца: Chayka