Вясна / Правы чалавека ў Беларусі

23 мая 2025 14:31

«Калі сядалі есці, абвяшчалі, што кожная есць сваю ежу». Палітычным вязням у калоніі забаронена дзяліцца любымі рэчамі

Калі адміністрацыя гэта заўважыць, зняволеным выпісваюць парушэнне і нават могуць адправіць у ШІЗА. Ксенія Луцкіна распавядае, што гэтыя правілы дзейнічалі не для ўсіх. Непалітычныя зняволеныя дзяліліся паміж сабою рэчамі, а супрацоўнікі калоніі заплюшчвалі на гэта вочы.

«Яны сочаць толькі за намі. Звычайныя крымінальнікі могуць спакойна есці з адной талеркі і ім за гэта нічога не будзе. А вось калі мы пачнем дзяліцца чым-небудзь паміж сабою, то рапарт будзе ў абедзвюх. Нават калі мы сядалі есці, то ўслых абвяшчалі, што кожная есць сваю ежу. Бо яны ж увесь час сочаць за намі. І чым цяжэйшы артыкул, тым больш пільна за табой прыглядаюць. Аператыўнікі не могуць увесь час прысутнічаць у атрадзе, таму заўсёды знойдуцца тыя стукачы, якія данясуць, хто з палітычных што рабіў ці сказаў».

Вясна / Правы чалавека ў Беларусі

23 мая 2025 13:02

У Расіі летась затрымалі 964 чалавек, якіх шукаў МУС Беларусі

Пра гэта заявіў кіраўнік МУС Беларусі Іван Кубракоў на пасяджэнні Аб'яднанай калегіі міністэрстваў унутраных спраў Саюзнай дзяржавы ў Магілёве.

У Беларусі ж, па словах чыноўніка, былі затрыманыя 185 чалавек, якіх абвясцілі ў вышук у Расіі. Якая колькасць палітычных затрыманняў была з абодвух бакоў — не ўдакладняецца, піша «Еўрарадыё».

Таксама Кубракоў заявіў, быццам сумеснымі намаганнямі ў 2023-2024 гадах былі папярэджаныя чатыры тэракты. Яны былі скіраваныя супраць «службовых асоб і аб'ектаў крытычнай інфраструктуры Беларусі і Расіі», паведаміў міністр.

Вясна / Правы чалавека ў Беларусі

23 мая 2025 11:45

✊Беларусы і беларускі Беластока працягваюць віншаваць палітвязняў з Днём народзінаў

«Няхай добрыя справы вяртаюцца да вас у шматразовым памеры, а ўсе вашы пажаданні збудуцца як мага хутчэй. Хай вам грэе душу цёплае вясновае сонейка».

Вясна / Правы чалавека ў Беларусі

23 мая 2025 10:50

🐱Шукаем людзей, у якіх рэпрэсіі закранулі іх хатніх гадаванцаў

Ці давялося вам пакідаць свайго ўлюбёнца, калі вы вымушана з'язджалі з краіны? Ці траплялі жывёлы пад ціск разам з вамі падчас ператрусаў, затрыманняў, эміграцыі ці пераследу? Ці сутыкаліся яны з абыякавасцю, гвалтам або страцілі дом праз палітычную сітуацыю?

Калі ласка, напішыце праваабаронцам на @Viasnainfo! Гэта ананімна

Вясна / Правы чалавека ў Беларусі

23 мая 2025 09:32

Двух маладзёнаў з Чачэрска адправілі ў калонію за «здзек» з чырвона-зялёнага сцягу

У Чачэрску правялі паказальны выязны суд над двума юнакамі за «здзек з дзяржаўнай сімволікі». Месцам яго правядзення абралі мясцовы тэхнічны каледж, піша «Флагшток».

Паведамляецца, што ў адзін з вечароў абвінавачаныя ў стане алкагольнага ап’янення праходзілі каля адміністрацыйнага будынку дзіцяча-юнацкай спартыўнай школы. Яны звярнулі сваю ўвагу на дзяржаўны сцяг на фасадзе будынку.

«Хлопцы вырвалі яго разам з металічным мацаваннем і, размахваючы, рушылі ў бок шматпавярхоўкі па вуліцы Гагарына. Падчас руху сарвалі мацаванне і абламалі драўлянае дрэўка, пасля чаго выкінулі паламаныя дэталі на прысядзібны ўчастак домаўладання, якое знаходзіцца побач», — піша мясцовая раёнка.

Хлопцаў асудзілі да года калоніі агульнага рэжыму. Навучэнцам жа каледжа прачыталі лекцыю пра «неабходнасць паважлівага стаўлення да дзяржаўных сімвалаў».

Вясна / Правы чалавека ў Беларусі

22 мая 2025 16:35

🌿У бліжэйшыя дні адбудзецца шэраг мерапрыемстваў з нагоды Дня Палітвязняў

🇵🇱Познань, 23 траўня, 19:00
Дзень палітвязня: лісты, кінаноч, піца і напоі. Rozbrat, Pułaskiego 21A. Падрабязнасці

🇵🇱Варшава, 23 траўня, 19:00
Вечар памяці героя Беларусі Вітольда Ашурка. Беларускі Дом у Варшаве, ul. Kryniczna 6. Падрабязнасці

🇵🇱Уроцлаў, 24 траўня, 17:00 - 18:30
Дыскусія-сустрэча з палітвязнямі. Instytut Historyczny UWr, ul. Szewska, 49. Падрабязнасці

🇳🇱Утрэхт, 24 траўня, 20:00
Вечар «Пяць гадоў барацьбы і рэпрэсій у Беларусі». Savannah Bay, Telingstraat 13. Падрабязнасці

🇬🇧Лондан, 26 траўня, 12:00 - 13:30
Акцыя салідарнасці з беларускімі палітвязнямі ў Лондане, 10 Downing Street. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра мерапрыемстваў у вашых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

22 мая 2025 15:15

💸Больш за 130 прысудаў за салідарнасць: як беларусаў караюць за данаты

Падтрымка перадачамі, грашовы перавод у СІЗА, данат у ініцыятывы — усё гэта можа стаць падставай для ўзбуджэння крымінальнай справы ў Беларусі. Падчас барацьбы з COVID-19 у адказ на бяздзейнасць уладаў беларусы аб'ядналіся і пачалі дапамагаць данатамі лекарам, з 2020 — рэпрэсаваным і пацярпелым падчас пратэстаў ад гвалту сілавікоў, а з 2022 — украінцам і беларускім добраахвотнікам, якія ваююць супраць расійскай агрэсіі.

Цяпер дзясяткі чалавек знаходзяцца за кратамі за «фінансаванне экстрэмісцкай і/ці тэрарыстычнай дзейнасці», а таксама за «фінансаванне ўдзелу на тэрыторыі замежнай дзяржавы ва ўзброеным канфлікце».

Па даных «Вясны», за данаты асудзілі мінімум 135 чалавек, 85 з якіх утрымліваюцца цяпер у няволі. Распавядаем, хто гэтыя людзі і якія тэрміны ім прызначылі.

Чытаць па спасылцы 👉 https://spring96.org/be/news/118002

Вясна / Правы чалавека ў Беларусі

22 мая 2025 13:15

Айцішніцу не выпусцілі з Беларусі. Яна рэгулярна прыязджала з Еўропы, але ў 2025 годзе знайшлося фота з пратэстаў

Гэтую гісторыю devby распавёў чытач.

Паводле яго слоў, каляжанка рэгулярна ездзіла да родных у Беларусь і паспяхова вярталася. Аднак сёлета на зваротным шляху яе развярнулі на мяжы з Польшчай: проста сказалі, што ёсць абмежаванне на выезд і прапанавалі па тлумачэнні звяртацца ў АГіМ.

«Яна так і зрабіла, і высветлілася, што абмежаванне накладзена па лініі сілавых органаў праз некалькі дзён пасля яе ўезду — усё таму, што выявілася фота з пратэстаў 2020 года, дзе яна ў натоўпе на праезнай частцы. Пры гэтым нішто, здаецца, не прадвяшчала: ніхто ёю не цікавіўся, не тэлефанаваў і не пісаў. У выніку дзяўчыну абвінавацілі па "народным артыкуле"».

Вясна / Правы чалавека ў Беларусі

22 мая 2025 12:10

🌿22 траўня — Дзень Палітвязняў у Кракаве

Запрашаем на вечар салідарнасці з беларускімі палітвязнямі. У праграме — мастацтва, музыка і адкрытая размова.

🖼 17:30 – 17:40 | Адкрыццё выставы «Пачуцці»
Малюнкі, створаныя палітвязнямі ва ўмовах зняволення. Пошук святла ў цемры, сведчанне чалавечай годнасці і трываласці.

🎵 17:40 – 18:10 | Акустычны выступ Алеся Папковіча
Жывая музыка — як голас свабоды.

🎤 18:20 – 19:20 | Дыскусія «Нельга забыць?»
Як перажыты досвед гвалту і выгнання адлюстроўваецца ў літаратуры для дзяцей і падлеткаў.

📍Прастора (ul. Mikołajska 4/6), Кракаў
🎟 Уваход вольны
⁉️Падрабязнасці па спасылцы
✍️Арганізатары: «Вясна», Інстытут беларускай кнігі, Towarzystwo Białoruskie

👀Падрабязную інфармацыю пра ўсе мерапрыемствы да Дня Палітвязняў можна паглядзець на prisonersday.info

Вясна / Правы чалавека ў Беларусі

22 мая 2025 10:16

Святая Імша ў інтэнцыі беларускіх палітвязняў прайшла ў Рыме

Пра гэта піша @tsikhanouskaya.

Беларускае святарства прадстаўляў каталіцкі святар айцец Вячаслаў Барок. Падчас службы гучаў беларускі хор, які надаў малітве духоўную глыбіню і нацыянальнае гучанне. Пасля літургіі адбыўся прыём з удзелам дыпламатаў і чальцоў італьянскага парламента. Гэта стала важным жэстам міжнароднай салідарнасці з усімі, хто церпіць пераслед у Беларусі.

Вясна / Правы чалавека ў Беларусі

22 мая 2025 09:02

У Клайпедзе прайшла акцыя «Чарга» ў падтрымку палітвязняў

Каб візуалізаваць сённяшнюю колькасць афіцыйна прызнаных вязняў сумлення — 1189 — актывіст/кі Клайпеды «занялі чаргу» на паром для ўсіх палітзняволеных, расклаўшы іх імёны, паставіўшы боты або намяляваўшы крэйдай сляды на пешаходнай дарожцы

«Немагчыма зрабіць фота, на якое змясцілася б чарга, даўжэйшая за 400 метраў.

Мінакі звярталі ўвагу на гэты даўжэзны спіс на асфальце і цікавіліся зместам акцыі. Актывіст/кі расказвалі пра палітвязняў па-літоўску і па-ангельску. І часам па-руску — тут адбылася эмацыйная дыскусія

Мы помнім кожнага. Ганарымся іх мужнасцю. Жыве Беларусь!».

Вясна / Правы чалавека ў Беларусі

21 мая 2025 17:34

🌿Міжнародная супольнасць рэагуе на Дзень салідарнасці з палітвязнямі: «Маё сэрца — з палітвязнямі і іх сем'ямі»

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. Сёлета — ужо чацвёртая гадавіна са дня смерці ў шклоўскай калоніі № 17 палітзняволенага актывіста Вітольда Ашурка.

У гэты дзень збіраем рэакцыі міжнароднай супольнасці на гэтую дату.

«Неабходна паважаць права беларускага народа самастойна вызначаць сваю будучыню. Наша агульная адказнасць — падтрымаць яго законнае імкненне жыць ва ўмовах свабоды, годнасці і поўнай павагі правоў чалавека».

Вясна / Правы чалавека ў Беларусі

21 мая 2025 16:45

🌿Заўтра адбудзецца шэраг мерапрыемстваў з нагоды Дня Палітвязняў

🇵🇱Уроцлаў, 17:00
Падпісанне лістоў салідарнасці беларускім палітзняволеным, Tadeusza Kościuszki 35A. Падрабязнасці

🇵🇱Кракаў, 17:30 - 20:00
«Творчасць за кратамі», адкрыццё выставы і размова. «Прастора», ul. Mikołajska 4/6. Падрабязнасці

🇵🇱Варшава, 18:30
Малітва за палітвязняў. Евангельская царква «Puławska», Puławska, 114. Падрабязнасці

🇱🇹Вільня, 19:00
Прэм'ера спектакля «Ордэн Белай Мышы». Тэатральная заля «Mroj-hall teatras», Gedimino pr. 28. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра мерапрыемстваў у вашых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

21 мая 2025 15:46

🌿Дасылайце фотаздымкі з акцый салідарнасці да Дня Палітвязняў

Сёння мерапрыемствы з гэтай нагоды адбываюцца ў шэрагу краінах Еўропы. Дасылайце фотаздымкі і відэа з акцый праваабаронцам на @Viasnainfo.

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

Таксама раім вас не дасылаць фотаздымкі і відэа, публікацыя якіх патэнцыйна можа нашкодзіць ўдзельнікам і ўдзельніцам акцый.

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

21 мая 2025 14:34

🤬Палітзняволенага журналіста Дзяніса Івашына, верагодна, зноў змясцілі ў ШІЗА

Пра гэта паведаміла ягоная жонка Вольга:

"Паколькі і да сёння ніякай новай карэспандэнцыі ад Дзяніса мы не атрымалі, можна з пэўнасьцю канстатаваць, што яго зноўку зьмясцілі ў ШІЗА. Калі лічыць тэрмін дадатковага катавання з моманту папярэдняга ліста Дзяніса, то сёння патэнцыйна йдуць ужо 14 содні ШІЗА. Нагадваю, падчас перабывання там вязню забаронена ліставанне, прагулкі ў дворыку, з асабістых рэчаў у камеру можна ўзяць толькі зубную шчотку, пасту і рушнік".

Нагдаем, у верасні 2022 года Гродзенскі абласны суд прызнаў Івашына вінаватым паводле арт. 365 КК (умяшанне ў дзейнасць супрацоўніка ўнутраных спраў) і ч. 1 арт. 356 КК (здрада дзяржаве) і асудзіў яго да 13 гадоў і 1 месяца калоніі ва ўмовах узмоцненага рэжыму. Пазней Дзянісу ўзмацнілі пакаранне і перавялі на турэмны рэжым у Жодзіна.

💌Адрас утрымання палітвязня: Следчая турма № 8. 222163, г. Жодзіна, вул. Савецкая, 22А

Вясна / Правы чалавека ў Беларусі

23 мая 2025 14:00

🌿У кракаўскай «Прасторы» 22 траўня прайшла імпрэза «Творчасць з-за кратаў», прымеркаваная да Дня палітвязняў

Праваабаронца «Вясны» Марына Кастылянчанка і былы палітзняволены Арцём Задруцкі адкрылі выставу «Пачуцці: малюнкі палітвязняў з Беларусі». Былы палітвязень Алесь Папковіч выканаў некалькі сваіх новых песен, адна з якіх прысвечаная яго брату Яну, які дагэтуль знаходзіцца за кратамі. Таксама Алесь сыграў і ранейшыя свае песні, у тым ліку «Забароненая вясна».

Кіраўніца Інстытута беларускай кнігі Лілія Ільюшына і літаратуразнаўца Марына Казлоўская абмяркавалі, як у сучаснай беларускай літаратуры для дзяцей і падлеткаў адлюстроўваюцца падзеі апошніх гадоў, якія падыходы былі выпрацаваны раней для перажывання траўмы ранейшымі пакаленнямі пісьменнікаў і як дапамагчы дзецям пераасэнсоўваць пераслед бацькоў і міграцыю.

Выставу «Пачуцці: малюнкі палітвязняў з Беларусі» можна наведаць да 13 чэрвеня ў кракаўскай «Прасторы» (ul. Mikołajska 4/6).

Вясна / Правы чалавека ў Беларусі

23 мая 2025 12:15

У «Спіс экстрэмістаў» дадалі яшчэ 17 прозвішчаў — цяпер у ім 5314 чалавек

23 траўня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі студэнта Гомельскага дзяржаўнага ўніверсітэта імя Францыска Скарыны Данілу Чыбісава, а таксама сямейную пару з Гродна Леаніда і Антаніну Церабей.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

23 мая 2025 11:15

У Рызе падпісвалі паштоўкі для беларускіх палітвязняў

У зале Музея акупацыі 21 траўня прайшло мерапрыемства, на якім прысутныя падпісалі паштоўкі для палітычных зняволеных Беларусі.

У акцыі прынялі ўдзел прадстаўнікі парламенцкай Групы падтрымкі Дэмакратычнай Беларусі на чале са старшынёй Лейлай Расіма. Удзел у мерапрыемстве таксама ўзяў былы амбасадар Латвійскай Рэспублікі ў Рэспубліцы Беларусь Эйнарс Семаніс.

Крыніца: bel.lsm.lv

Вясна / Правы чалавека ў Беларусі

23 мая 2025 10:15

🌿Дапамагаць, не зважаючы на статус і абставіны. Як палітвязні праяўлялі салідарнасць за кратамі

21 траўня ў Беларусі адзначаецца Дзень палітвязня. Сёлета праваабаронцы «Вясны» вызначылі тэмай Дня салідарнасць. З гэтай нагоды мы пагутарылі з чатырма былымі палітвязнямі пра ўзаемападтрымку за кратамі. Як яны дзяліліся паміж сабой рэчамі з пасылак, перадавалі важную інфармацыю з волі і дапамагалі маральна.

Журналістка, дэсантнік, актывістка і музыка распавялі пра свой досвед узаемадапамогі. Для адных галоўнай падтрымкай была маральная. Іншыя ж, наадварот, навык самадапамогі ў калоніі лічылі самым важным для псіхалагічнага захавання. Палітвязні ў краме СІЗА куплялі рэчы з запасам для новых зняволеных. А «звычайныя крымінальнікі» ўпотайкі перадавалі палітычным запіскі з просьбай пазычыць шампунь.

Таксама героі распавялі, ці дапамагаюць палітычным у жаночай калоніі для «рэцыдывістаў» і чым сабе дапамагчы, калі ты знаходзішся ў адзіночнай камеры ШІЗА.

Чытаць па спасылцы 👉 https://spring96.org/be/news/118006

Вясна / Правы чалавека ў Беларусі

23 мая 2025 08:45

У Беларусі прызналі «экстрэмісцкай» песню «Беги, Лукашенко в Ростов!»

Яе поўная назва — «Беги, Лукашенко в Ростов! Судьба Чаушеску для Саши|Карамелька Cover/Remix (Алексин) под гитару», аўтарства С. Марозава. Адпаведнае рашэнне было прынятае судом Гомельскага раёну 20 траўня.

Таксама экстрэмісцкі спіс папоўнілі TikTok-старонкі «buslenok», «liabedzka», «KiserVsejaRusi», Instagram-старонкі «Анатоль Лебедзька», «kos.rar», Telegram-каналы і чаты «Беларусы в Литве 2.0», «Abwehr Chat», «Synthetic overdose».

Вясна / Правы чалавека ў Беларусі

22 мая 2025 15:45

💔Храналогія крыміналізацыі салідарнасці: як у Беларусі знікае права быць побач

Сёння ў Беларусі салідарнасць стала падставай для крымінальнага пераследу. Перадача ў турму, ліст з падтрымкай, грашовы перавод — за гэта можна атрымаць рэальны тэрмін. Штодзённыя чалавечыя жэсты разглядаюцца дзяржавай як пагроза. Яна ўсё часцей карае не толькі тых, хто адкрыта пратэставаў, але і тых, хто спрабаваў захаваць чалавечнасць.

Гэты матэрыял — храналогія крыміналізацыі ў Беларусі салідарнасці з палітзняволенымі пасля 2020 году, аповед пра тое, як у краіне знікае права быць побач.

«"Чым мы можам дапамагчы?" — гэта пытанне, якое не мае аднаго адказу. Галоўнае задаваць яго і шукаць максімальна бяспечныя формы падтрымкі. Не кінуць знаёмых сам-насам з бядой пасля арышту, дапамагчы іх сям'і, падвезці з перадачай, пасядзець з дзецьмі, нарэшце, проста паведаміць праваабаронцам пра факт рэпрэсій – гэта ўсё дапамога і салідарнасць, яе ў нас не адабраць».

Вясна / Правы чалавека ў Беларусі

22 мая 2025 14:35

✊Падорым дзецям палітвязняў летнія вакацыі!

Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага.

BYSOL адкрывае традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

На кожнае дзіця да 16 гадоў будзе выплачана па 100 еўра. Заяўкі на атрыманне дапамогі будуць прымацца да 18 траўня ўключна.

Падтрымаць збор па спасылцы

Вясна / Правы чалавека ў Беларусі

22 мая 2025 12:35

🌿«Салідарнасць перайшла на бязгучны рэжым, але не перастала існаваць». Праваабаронцы «Вясны» распавялі пра тое, што іх натхняе

Сёлета тэмай Дня палітвязняў праваабаронцы «Вясны» абралі салідарнасць, якую рэжым Лукашэнкі спрабуе знішчыць і адабраць у беларускага грамадства. Пры гэтым, амерыканскі рэжысёр, італьянскі мастак, сакратарка суддзі ў Мінску, сукамерніцы ў ІЧУ — розныя людзі з розных куткоў свету і жыцця аб’ядноўваюцца праз суперажыванне і салідарнасць з палітвязнямі Беларусі.

Праваабаронцы дзеляцца гісторыямі, якія сведчаць: нават калі салідарнасць перайшла на «бязгучны рэжым», яна працягвае існаваць — і натхняе.

«Беларуская салідарнасць настолькі моцная і пераканаўчая, што часам людзі падчас судоў, ведаючы, што там толькі я, усё роўна падчас сваіх паказанняў вельмі акуратна перадавалі інфармацыю пра тое, што дома засталіся жывёлы і прыглядаць за ім няма каму, таму прасілі каб я звязалася неяк з пэўнымі людзьмі, якія ведаюць, што рабіць».

Вясна / Правы чалавека ў Беларусі

22 мая 2025 11:33

У Музеі Вольнай Беларусі ў Варшаве адкрылася выстава з рэчамі палітвязняў

Выстава «Нічога асабліва новага» прадстаўляе асабістыя рэчы палітвязняў, перададзеныя ў калекцыю музею: штодзённыя побытавыя прадметы — маўклівыя сведкі жыцця за кратамі. Жыцця людзей, кінутых у турмы за перакананні, годнасць і імкненне да свабоды. Поруч з імі таксама радкі з лістоў, вершы і гукавыя запісы, зробленыя палітвязнямі.

Выстава захоўвае іх словы і рэчы ў якасці дакументаў эпохі, а таксама як эмацыйнае сведчаньне супраціву, піша «Радыё Свабода».

Вясна / Правы чалавека ў Беларусі

22 мая 2025 09:32

✊У Беластоку прайшла акцыя да Дня Палітвязняў

«Мы сабраліся, бо памятаем. Памятаем Вітольда Ашурка. Памятаем тых, хто сёння за кратамі. Памятаем, што за праўду і сумленне ў Беларусі па-ранейшаму садзяць, катуюць, забіваюць.

Салідарнасць жыве. Памяць трывае. І воля абавязкова пераможа».

Вясна / Правы чалавека ў Беларусі

22 мая 2025 08:45

У Любліне прайшла акцыя да Дня Палітвязня

«Мы, актывісты і актывісткі горада Люблін, будзем казаць пра палітвязняў, каб іх голас гучаў нават за сценамі турмы»

Вясна / Правы чалавека ў Беларусі

21 мая 2025 17:00

💔«Успрымаю яго як беларускага героя». Вольга Быкоўская — пра Вітольда Ашурка

21 траўня 2025 года — чацвёртая гадавіна смерці палітвязня Вітольда Ашурка. Ён загінуў у зняволенні. Менавіта з гэтай сумнай нагоды Праваабарончы цэнтр «Вясна» вызначыў дату смерці Вітольда — 21 траўня — Днем палітвязняў Беларусі. Сёлета тэмай Дня стала салідарнасць.

«Вясна» пагаварыла з сябрай Вітольда, журналісткай і грамадскай актывісткай Вольгай Быкоўскай.

«Мне хацелася, каб Вітольда памяталі як чалавека, які любіў Беларусь, які любіў сваіх сяброў, які быў гатовы аддаць сваё жыцце — і нажаль так атрымалася, што ён і аддаў сваё жыццё».

Вясна / Правы чалавека ў Беларусі

21 мая 2025 16:15

🎧«Пазначаныя жоўтым». Слухайце музычны альбом пра палітвязняў Беларусі на розных пляцоўках

У мінулым лістападзе праваабарончы цэнтр «Вясна» з творчымі дзеячамі прэзентавалі музычны альбом пра палітзняволеных Беларусі — «Пазначаныя жоўтым». Над яго стварэннем працавалі паэты, акторы, музыкі, праваабаронцы і былыя палітзняволеныя.

Альбом складаецца з шасці трэкаў, якія адлюстроўваюць шлях палітвязня ад затрымання да вызвалення. Ён з'яўляецца своеасаблівай дакументацыяй рэпрэсій Беларусі.

Запрашаем вас паслухаць яго сёння, у Дзень Палітвязняў Беларусі.

Слухаць альбом на розных пляцоўках 👉 linktr.ee/viasna96

Вясна / Правы чалавека ў Беларусі

21 мая 2025 15:01

❗️Як беларусы паміраюць за кратамі ці праз наступствы ціску і ўмоваў утрымання ў ізалятарах

Учора стала вядома, што напачатку 2025 года памёр палітвязень Валянцін Штэрмер, які адбываў тэрмін у шклоўскай калоніі № 17. Абставіны трагедыі незразумелыя. Дакладна невядомая і дата смерці — толькі тое, што гэта адбылося ў пачатку 2025 года.

«Вясна» ўзгадвае ахвяраў палітычных рэпрэсій, якія памерлі за кратамі ці праз наступствы ціску і ўмоваў утрымання ў ізалятарах, а таксама праз перавышэнне паўнамоцтваў і ціск з боку сілавікоў.

Сем беларусаў памерлі за кратамі, яшчэ мінімум пра тры смерці людзей на волі праз ціск ці наступствы нечалавечых умоваў у ізалятарах. Акрамя гэтага, у выніку ўжывання ўладамі сілы ў адказ на мірныя сходы ў перыяд пасля прэзідэнцкіх выбараў 2020 года загінулі як мінімум тры чалавекі.

Чытаць па спасылцы 👉 https://spring96.org/be/news/112185

Вясна / Правы чалавека ў Беларусі

21 мая 2025 14:04

У Светлагорску з установаў адукацыі звальняюць усіх, хто браў удзел у пратэсных актыўнасцях

Крыніца «Гомельскай Вясны» ў Светлагорску паведаміла, што ў школы, дзіцячыя садкі, цэнтры дзіцячай творчасці ды іншыя адукацыйныя ўстановы паступіла ўказанне звольніць з працы ўсіх тых супрацоўнікаў, якія з 2020 года прыцягваліся да адміністрацыйнай ці крымінальнай адказнасці паводле палітычных матываў.

Як паведамляюць крыніцы, у Светлагорску мясцовыя чыноўнікі ад адукацыі патрабуюць выканання такога распараджэння нават ад кіраўнікоў прыватных установаў, якія надаюць адукацыйныя ці выхаваўчыя паслугі. І тычыцца гэта не толькі педагагічных кадраў, але і абслуговага персаналу.