106517
Канал пресслужбы штабов Тихановской, Бабарико, Цепкало.
Вынікі ўдзелу дэмакратычных сілаў у сесіі Парламенцкай асамблеі АБСЕ
У Вене скончылася двухдзённая сесія Парламенцкай асамблеі АБСЕ. Дарадца Святланы Ціханоўскай па парламенцкім супрацоўніцтве Анатоль Лябедзька падзяліўся асноўнымі вынікамі працы:
– Прадстаўнікі дэмакратычных сілаў Беларусі цяпер афіцыйна ўдзельнічаюць у сесіях Парламенцкай асамблеі АБСЕ.
– Створаная група «За дэмакратычную Беларусь», якая дапаможа захоўваць беларускае пытанне ў Асамблеі.
– Абмеркаваныя пытанні палітвязняў, санкцыяў і ўмацавання інфраструктуры дэмакратычных сілаў.
– Дзясяткі сустрэчаў у кулуарах далі магчымасць працягнуць міжнародную працу і наладзіць кантакты з парламентарыямі.
Падрабязнасці — у відэа.
«Беларусь — не Расія. Мы на баку Украіны. Мы — ганарлівая еўрапейская нацыя з уласнай культурай і ідэнтычнасцю»
Сёння, 20 лютага, падчас візіту ў Вену, беларуская лідарка выступіла з прамовай на супольным пленарным пасяджэнні трох асноўных камітэтаў АБСЕ.
У сваёй прамове Ціханоўская акцэнтавала ўвагу на падтрымцы Украіны і неабходнасці спыніць расійскую агрэсію. Таксама яна заклікала Парламенцкую асамблею АБСЕ і краіны-ўдзельніцы не зніжаць увагу да Беларусі: трымаць ціск на рэжым і рыхтавацца да моманту, калі ў Беларусі адкрыецца акно магчымасцяў для пераменаў:
«Сёння Украіна змагаецца за ўсіх нас — за Беларусь, Украіну, Малдову, усю Еўропу. Украіна змагаецца за мір, дэмакратыю і правы чалавека — тыя каштоўнасці, якімі так даражыць АБСЕ.Читать полностью…
Важна даць Украіне ўсё неабходнае для перамогі і спыніць расійскую агрэсію. Калі мы хочам сапраўднага міру ў Еўропе — то мы павінны аслабіць Пуціна і яго паплечніка Лукашэнку.
Вынік гэтай вайны паўплывае і на будучыню Беларусі. Гэта можа адкрыць для нас акно магчымасцяў. І ёсць два сцэнарыі: Беларусь альбо застанецца ў расійскай арбіце, з ядзернай зброяй, войскамі, «Арэшнікамі» — а гэта значыць, пастаянная пагроза для нашых суседзяў. Альбо яна нарэшце вызваліцца. Аднавіць сваю незалежнасць, свабоду і вяршэнства права — і выканае свае абавязацельствы перад АБСЕ.
Мы не павінны дазваляць, каб Беларусь стала суцяшальным прызам для Пуціна. Беларусь — не Расія. Мы на баку Украіны. Мы — ганарлівая еўрапейская нацыя з уласнай культурай і ідэнтычнасцю».
Святлана Ціханоўская: «Я адчуваю вялікую палёгку ад таго, што Мікалай Статкевіч нарэшце на волі і дома. Асабліва радая за Марыну, якая так доўга чакала і так упарта змагалася за Мікалая ўсе гэтыя гады.
Я шчыра зычу яму сіл, здароўя і як мага хутчэй аднавіцца пасля перанесенага інсульту. Цяпер важна, каб Мікалай атрымаў патрэбнае лячэнне, цеплыню сям’і і падтрымку блізкіх.
За кратамі застаюцца яшчэ не менш за 1100 палітычных зняволеных. Усе павінны быць вызваленыя».
У Беларусі стварылі «Беларускі Гарвард». Навошта?
У Мінску абвясцілі пра стварэнне «перадавога адукацыйнага цэнтра», які раней анансавалі як «Беларускі Гарвард». Улады абяцаюць тэхналагічны рывок і падрыхтоўку элітных інжынерных кадраў. Але ці сапраўды гаворка ідзе пра навуку і акадэмічную свабоду — ці пра нешта зусім іншае?
Дарадца Святланы Ціханоўскай па адукацыі Павел Церашковіч паразважаў пра сапраўдныя прычыны стварэння цэнтра, пра кадравы крызіс, пра імітацыю рэформаў і пра тое, як адукацыя ўсё мацней уцягваецца ў логіку вайны.
– Чаму рэжым раптам загаварыў пра «перадавыя даследаванні»?
– Што стаіць за лічбамі пра скарачэнне выкладчыкаў з навуковымі ступенямі?
– Ці магчымая акадэмічная свабода ва ўмовах рэпрэсіяў?
– Якую ролю ў гэтай гісторыі адыгрываюць ваенныя распрацоўкі і «інтэлектуальны спецназ»?
Падрабязнасці і адказы на гэтыя пытанні — па спасылцы.
«Мы павінны рыхтавацца да пераменаў, а таксама да Беларусі пасля Лукашэнка. Гэта непазбежна»
У Жэневе адбыўся брыфінг для амбасадараў пры Радзе ААН па правах чалавека, які Святлана Ціханоўская правяла для дэлегацыяў краінаў Еўрапейскага Саюза. Мерапрыемства прайшло пры падтрымцы Дэлегацыі ЕС пры ААН у Жэневе. У сустрэчы таксама ўзяў удзел дарадца па прававых пытаннях Леанід Марозаў.
Падчас сустрэчы Святлана Ціханоўская прадставіла актуальную ацэнку сітуацыі ў Беларусі і заклікала да ўзмацнення міжнароднага ціску на рэжым Лукашэнкі, захавання і ўзмацнення еўрапейскіх санкцыяў, падтрымкі палітвязняў і іх сем’яў, а таксама да развіцця механізмаў прыцягнення вінаватых да адказнасці праз міжнародныя судовыя інстанцыі.
Асобна абмяркоўваліся пытанні абароны беларусаў у выгнанні, гуманітарная дапамога вызваленым палітвязням і падрыхтоўка да дэмакратычных пераменаў у Беларусі.
«Без свабоднай і дэмакратычнай Беларусі не будзе доўгатэрміновай бяспекі ў Еўропе. Таму цяпер важна не аслабляць ціск на рэжым, а падтрымліваць беларускае грамадства і рыхтавацца да Беларусі пасля дыктатуры»,
Святлана Ціханоўская — пра ўведзеныя Украінай санкцыі супраць Лукашэнкі: «Гэта правільнае і своечасовае рашэнне Украіны. І я дзякую прэзідэнту Зяленскаму за прынцыповую пазіцыю. Лукашэнка не з’яўляецца легітымным кіраўніком: ён незаконна захапіў уладу і служыць інтарэсам Расіі, а не беларускаму народу. Беларускі народ стаў закладнікам двух дыктатараў.
Уведзеныя Украінай санкцыі — гэта санкцыі супраць дыктатара асабіста. Ён дапамагае Расіі ў злачыннай вайне, вырабляе зброю і, безумоўна, павінен панесці за гэта адказнасць згодна з міжнародным правам. Гэта таксама выразнае пасланне тым, хто атачае Лукашэнку: дапамагаючы яму, вы становіцеся саўдзельнікамі злачынстваў. Беспакаранасць — тое, што ўзмацняе дыктатараў. І сёння Украіна паказала, што беспакаранасці быць не павінна.
Вайна павінна быць спыненая, а мір і справядлівасць — адноўленыя».
Святлана Ціханоўская — на Саміце па правах чалавека і дэмакратыі
Сёння, 17 студзеня, падчас працоўнага візіту ў Жэневу, Святлана Ціханоўская ўзяла ўдзел у першай сесіі Саміту па правах чалавека і дэмакратыі і выступіла з прамовай. Разам з беларускай лідаркай удзел узялі выканаўчая дырэктарка United Nations Watch Хілель Нойер, амбасадар Канады пры ААН у Жэневе Пітэр Макдугал, баранэса Сал Брынтан, а таксама праваабаронцы і дэмакратычныя актывісты з розных краінаў. На сустрэчы прысутнічаў дарадца Святланы Ціханоўскай па прававых пытаннях Леанід Марозаў.
У сваёй прамове Святлана Ціханоўская зрабіла акцэнт на тым, што адбываецца з беларусамі сёння — у турмах, у эміграцыі, у штодзённым жыцці, дзе рэпрэсіі даўно выйшлі за межы судоў і калоніяў.
Святлана Ціханоўская:
«Сёння ў Беларусі налічваецца больш за 1200 палітычных зняволеных. Настаўнікі. Журналісты. Студэнты. Пенсіянеры.Читать полностью…
Сёння я тут, каб папрасіць вас дзейнічаць. Калі вы пакінеце гэтую залу, вы вернецеся ў офісы, парламенты, рэдакцыі. У вас ёсць улада. Выкарыстоўвайце яе. Не нармалізуйце рэжым. Ён падманваў вас апошнія 30 гадоў — яму нельга давяраць.
Патрабуйце безумоўнага вызвалення ўсіх палітычных зняволеных. Падтрымайце грамадзянскую супольнасць Беларусі — незалежных журналістаў, праваабаронцаў, актывістаў у выгнанні і падполлі. Дапамажыце сем'ям зняволеных. Дапамажыце дзецям, якія сёння растуць без бацькоў і маці.
Беларусы праявілі неверагодную мужнасць — яны прайшлі мірным маршам, вытрымалі катаванні і працягваюць супраціўляцца. Але адной мужнасці недастаткова. Нам патрэбна салідарнасць. Вы патрэбныя нам».
❤️🔥 Усё, што вы хацелі б ведаць пра Валанцёрскую праграму Офіса Святланы Ціханоўскай!
Мы часта пішам, наколькі мы ўдзячныя нашым валанцёрам і валанцёркам. А сёння напішам пра тое, чым яны займаюцца — і чым можаце займацца вы!
👉 Гартайце карткі!
📌 Як далучыцца? Валанцёрам(-кай) можа стаць кожны беларус і кожная беларуска, хто падзяляе каштоўнасці Офіса.
1️⃣ Запоўніце форму рэгістрацыі на сайце (з Беларусі — толькі з VPN).
2️⃣ Напішыце разгорнуты матывацыйны адказ — менавіта на яго падставе прымаецца рашэнне пра далучэнне.
3️⃣ Чакайце — з вамі звяжуцца па кантактах, якія вы пакінеце ў форме.
Мы гарантуем канфідэнцыяльнасць вашых даных.
Чакаем вашых заявак! ❤️
#валанцёрская_праграма
Святлана Ціханоўская сустрэлася з Віктарам Бабарыкам і Марыяй Калеснікавай у Берліне
16 лютага ў Берліне, у Інстытуце Пілецкага, адбылася сустрэча Святланы Ціханоўскай з Віктарам Бабарыкам і Марыяй Калеснікавай з удзелам дарадцаў Ціханоўскай, Франака Вячоркі і Дзяніса Кучынскага. Дадаткова Франак Вячорка правёў кансультацыі па стратэгіі з Віктарам Бабарыкам.
Цягам некалькіх гадзінаў сустрэчы абмеркавалі стратэгічныя прыярытэты, крокі па ўмацаванні дэмакратычных сілаў і ўзмацненні адзінства, паляпшэнні каардынацыі на міжнароднай арэне. Асобна абмеркавалі крокі дзеля вызвалення палітвязняў і спынення рэпрэсіяў, падтрымку беларусаў унутры краіны і ў выгнанні, а таксама іншыя ініцыятывы, каб наблізіць перамены ў Беларусі.
«Я вырасла ў патрыярхальным грамадстве, але я кінула яму выклік з любові да майго мужа і нашага народа»
Сёння Святлана Ціханоўская знаходзіцца з працоўным візітам у Берліне, каб далучыцца да Сусветнага форуму па дэмакратыі, тэхналогіях і будучыні чалавецтва. Беларуская лідарка прыняла ўдзел у міжнародным воркшопе «Women’s Progress Dialogue», які праходзіць у межах форуму і прысвечаны прасоўванню гендарнай роўнасці і падтрымцы жаночага палітычнага ўдзелу. Падчас сесіі Ціханоўская выступіла разам з вядомымі сусветнымі лідаркамі і праваабаронцамі.
Сесію адкрыла былая дзяржаўная сакратарка ЗША Хілары Клінтан. Падчас воркшопу выступілі экс-прэзідэнтка Літвы Даля Грыбаўскайце, першая жанчына — прэм’ер-міністарка Грэнландыі Алека Хаманд, былая міністарка замежных справаў і юстыцыі Ізраіля Цыпі Ліўні, а таксама лаўрэатка Нобелеўскай прэміі міру, журналістка і праваабаронца з Емена Таваккуль Карман. Мадэравала дыскусію галоўная вядоўца BBC Касія Мадэра.
У сваім выступе Святлана Ціханоўская нагадала, што сёння больш за 170 беларускіх жанчын застаюцца палітычнымі зняволенымі. Яна таксама ўзгадала гісторыю Марыі Зайцавай — беларускай добраахвотніцы, якая загінула на фронце ва Украіне ва ўзросце 24 гадоў.
Святлана Ціханоўская:
«Больш за 170 беларускіх жанчын застаюцца палітычнымі вязнямі. Многія з іх у белых сукенках стаялі з кветкамі на вуліцах у 2020 годзе. Іншыя былі арыштаваныя за пратэст супраць вайны ў 2022 годзе. У турме яны сутыкаюцца з прыгнётам, жорсткім абыходжаннем, збіццём і катаваннямі. У іх менш правоў, чым у звычайных зняволеных. Гэта неабходна спыніць.Читать полностью…
Я вельмі спадзяюся, што наша жаночая салідарнасць ва ўсім свеце дапаможа іх вызваліць.
Салідарнасць паміж жанчынамі — гэта больш, чым дабрыня, гэта сіла. Гэта наша стратэгія. Гэта як мы выстаім».
Сустрэча Святланы Ціханоўскай з Вярхоўным камісарам ААН па правах чалавека Фолькерам Цюркам
Святлана Ціханоўская сустрэлася з Вярхоўным камісарам ААН па правах чалавека Фолькерам Цюркам, каб абмеркаваць сітуацыю з палітычнымі зняволенымі ў Беларусі і міжнародныя намаганні па іх вызваленні.
Бакі абмеркавалі:
— працэс вызвалення палітвязняў,
— гуманітарны трэк ЗША,
— стан вызваленых пасля турмаў і патрэбы рэпрэсаваных.
Ціханоўская падкрэсліла:
«Гуманітарныя намаганні Злучаных Штатаў неабходна падтрымліваць і працягваць, але пры гэтым важна дабівацца сістэмнай змены палітыкі рэжыму».
«Пытанне Беларусі павінна быць часткай усіх перамоваў пра бяспеку ў рэгіёне»
Падчас другога дня Мюнхенскай канферэнцыі па бяспецы Святлана Ціханоўская ўзяла ўдзел у панэльнай дыскусіі «Беларусь у цэнтры ўвагі», каб абмеркаваць будучыню Беларусі ва ўмовах новай геапалітычнай рэальнасці. Разам з беларускай лідаркай у дыскусіі ўдзельнічалі міністр замежных справаў Літвы Кястуціс Будрыс, сенатар ЗША Пітэр Уэлч і дырэктарка Цэнтра ўсходнееўрапейскіх і міжнародных даследаванняў Гвендолін Засэ.
Святлана Ціханоўская адзначыла ключавыя прыярытэты міжнароднай палітыкі ў адносінах да Беларусі:
– вызваленне палітвязняў без легітымізацыі рэжыму
«Кожнае вызваленне ратуе жыццё, але гуманітарныя вынікі нельга блытаць з палітычнай «нармалізацыяй». Ужо вызвалена каля 300 чалавек, але прынамсі тысяча ўсё яшчэ застаецца за кратамі, і рэпрэсіўная машына працягвае працаваць: замест вызваленых людзей затрымліваюць новых. Гуманітарныя крокі не павінны азначаць прызнанне рэжыму».
«Еўропа разумее, што пакуль Лукашэнка застаецца ва ўладзе, гэта будзе пастаянная пагроза бяспецы межаў Еўрапейскага Саюза.
Пытанне Беларусі павінна быць часткай усіх перамоваў пра бяспеку ў рэгіёне
».
«Беларусы за мяжой — гэта людзі пад палітычным пераследам. Ім патрэбныя стабільны прававы статус, дакументы для падарожжаў, доступ да адукацыі, працы і банкаўскіх паслугаў. Нам трэба балансаваць ціск на рэжым з падтрымкай людзей, каб заставацца моцнай альтэрнатывай «рускаму свету» і падрыхтаваць для беларусаў лепшую будучыню».Читать полностью…
Сустрэчы з Бенедэтай Берці, Барысам Руге, Кайсай Олонгрэн — вынікі першага асноўнага дня Мюнхенскай канферэнцыі па бяспецы
Сёння, 13 лютага, на палях Мюнхенскай канферэнцыі па бяспецы Святлана Ціханоўская правяла шэраг сустрэчаў і далучылася да дыскусіяў.
Беларуская лідарка сустрэлася з:
– Генеральнай сакратаркай Парламенцкай асамблеі НАТА Бенедэтай Берці;
– намеснікам Генеральнага сакратара НАТА па палітычных пытаннях і палітыцы бяспекі Борысам Руге;
– спецыяльнай прадстаўніцай ЕС па правах чалавека Кайсай Олонгрэн;
– членам парламента Вялікабрытаніі Томам Тугендхатам;
– міністрам замежных справаў Чэшскай Рэспублікі Пятром Мацынкам.
Таксама Святлана Ціханоўская ўзяла ўдзел у сустрэчы-дыскусіі з маладымі лідарамі і лідаркамі MSC Young Leaders, а ў гэтыя хвіліны ўдзельнічае ў панэльнай дыскусіі «Улада, бяспека і парадак: дэмакратычнае кіраванне ў эпоху стратэгічнага рэалізму».
Напярэдадні першага асноўнага дня канферэнцыі беларуская лідарка выступіла падчас сустрэчы міжнароднай сеткі Women Political Leaders (WPL).
Пост будзе дапаўняцца. Падрабязней пра сустрэчы і ключавыя тэмы дня — у матэрыялах на сайце.
Святлана Ціханоўская выступіла на міжнароднай сустрэчы жанчын-лідарак Women Political Leaders
Святлана Ціханоўская ўзяла ўдзел у сустрэчы міжнароднай сеткі Women Political Leaders (WPL), якая адбылася ў межах Мюнхенскай канферэнцыі па бяспецы. Сустрэча сабрала дзейных жанчын-палітыкаў з розных краінаў свету, каб абмеркаваць ролю лідарства ў забеспячэнні глабальнай бяспекі.
Мерапрыемства адкрыла прэзідэнтка сеткі Сільвана Кох‑Мерын. У дыскусіі разам са Святланай Ціханоўскай удзельнічалі, у прыватнасці, былая прэм’ер-міністарка Вялікабрытаніі Тэрэза Мэй і міністарка абароны Новай Зеландыі Джудыт Колінз, а таксама спецыяльная пасланніца Рады Еўропы па пытанні становішча дзяцей Украіны Тордзіс Гільфадоўцір.
У сваім выступе Святлана Ціханоўская казала пра дэмакратыю пад ціскам і пра тое, як міжнародная супольнасць можа падтрымліваць дэмакратычныя рухі. Яна падкрэсліла, што самая эфектыўная падтрымка — гэта тая, што ўмацоўвае людзей: прынцыповая пазіцыя адносна фальшывых выбараў, непрызнанне дыктатур, ізаляцыя рэжыму, а не людзей, а таксама дапамога незалежным медыям, праваабаронцам, культурніцкім ініцыятывам і сем’ям палітвязняў.
Святлана Ціханоўская:
«Важна ціснуць на дыктатараў, адначасова прасоўваючы дэмакратычныя каштоўнасці. Я прашу вас проста збалансаваць гэты ціск падтрымкай людзей. Гэта так важна для тых змагароў за свабоду — адчуваць, што яны не адны, што іх не кінулі, што пра іх не забыліся. Бо кожны крок салідарнасці, кожны крок падтрымкі — гэта як падзарадка нашай батарэйкі, якая не дае нам шанцаў здацца».Читать полностью…
Святлана Ціханоўская наведала Беларускую школу мастацтваў імя Міколы Равенскага
Учора ўвечары Святлана Ціханоўская наведала Беларускую школу мастацтваў імя Міколы Равенскага ў Варшаве. Цяпер тут займаюцца каля 200 вучняў і вучаніц штотыдзень, а таксама працуюць 12 выкладчыкаў, сярод якіх вядучы Аляксандр Ждановіч, вядомы як Маляваныч.
Дырэктарка школы Галіна Казіміроўская правяла для Святланы экскурсію, пасля чаго адбылася сустрэча з калектывам, бацькамі і вучнямі. Дзеці падрыхтавалі музычны сюрпрыз — хоравае віншаванне, якое стала вельмі цёплым і кранальным момантам візіту.
Падчас размовы абмеркавалі, як за чатыры гады школа значна вырасла, стала папулярнай і запатрабаванай у беларускай супольнасці, а таксама пытанне пашырэння прасторы, бо попыт на заняткі пастаянна расце.
Асобныя словы падзякі Святлана Ціханоўская выказала Марціну Ясінскаму, кіраўніку Старамейскага дома культуры ў Варшаве, які ўжо некалькі гадоў падтрымлівае дзейнасць школы. Яго дапамога стала ключавой для развіцця школы, і менавіта дзякуючы гэтай падтрымцы праект змог вырасці і існаваць у сённяшнім маштабе.
Дэталі пра школу можна знайсці на сайце.
21 лютага свет адзначае Дзень роднай мовы — свята моўнай разнастайнасці і падтрымкі моваў, якім пагражае знікненне. На жаль, сёння беларуская мова — адзін з рэдкіх выпадкаў, калі пад пагрозай апынаецца мова тытульнай нацыі незалежнай дзяржавы.
У картках — некалькі тэзаў пра Дзень роднай мовы і стан беларускай мовы ад дарадцы Святланы Ціханоўскай па адукацыі і навуцы Паўла Церашковіча.
Дарадца Святланы Ціханоўскай па парламенцкім супрацоўніцтве Анатоль Лябедзька наўпрост з сесіі ПА АБСЕ:
«Некалькі хвілінаў таму скончылася мерапрыемства, звязанае з перспектывай стварэння групы «За дэмакратычную Беларусь» у Парламенцкай асамблеі АБСЕ і стварэння дэлегацыі дэмакратычных сілаў Беларусі, якая можа быць далучаная да больш сістэмнай працы ў Асамблеі».
«Мы павінны пераканацца, што рэпрэсіі спыняцца і Беларусь стане вольнай»
19 лютага ў межах зімовай сесіі Парламенцкай асамблеі АБСЕ адбыўся сайд-івэнт «Беларусь і Парламенцкая асамблея АБСЕ: круглы стол пра шлях да дэмакратыі і гуманітарныя прыярытэты».
У беларускую дэлегацыю таксама ўвайшлі Арцём Брухан (Каардынацыйная Рада), Аляксандра Мамаева (Каардынацыйная Рада), Юрый Губарэвіч (супольнасць партый), Анатоль Лябедзька (дарадца Святланы Ціханоўскай па парламенцкім супрацоўніцтве), Леанід Марозаў (дарадца Святланы Ціханоўскай па прававых пытаннях), Ігар Барысаў (Сацыял-дэмакратычная партыя Грамада).
Святлана Ціханоўская ў сваім выступе адзначыла, што сёння ў Асамблеі няма легітымнай беларускай дэлегацыі, але беларускі народ заслугоўвае, каб ягоны голас быў пачуты. Яна падзякавала Швецыі, Нарвегіі і Літве за прынцыповую падтрымку беларусаў, у тым ліку за стварэнне ў Нарвегіі парламенцкай групы «За дэмакратычную Беларусь» і запуск Міжнароднага гуманітарнага фонду дапамогі палітвязням.
Асобная ўвага была нададзеная гуманітарнай сітуацыі. Дарадца Ціханоўскай Леанід Марозаў прадставіў падрабязны аналіз маштабу рэпрэсіяў, практыкі ізаляцыі палітвязняў і «нябачных» парушэнняў правоў чалавека.
Святлана Ціханоўская:
«Я шчыра веру, што АБСЕ можа адыграць ключавую ролю ў вырашэнні беларускага крызісу. Бо гэтая арганізацыя была створаная менавіта для таго, каб спраўляцца з такімі выклікамі. Тое, што адбываецца цяпер у Беларусі, — гэта палітычны і прававы дэфолт. Правы чалавека ігнаруюцца. Выбары ператварыліся ў поўны фальш. Рэпрэсіі працягваюцца кожны дзень.Читать полностью…
І ўсё ж, у мінулым годзе мы назіралі вызваленне палітычных зняволеных. Гэта стала вынікам сумесных намаганняў — гэта адбылося, перш за ўсё, дзякуючы гуманітарнай працы ЗША. Але таксама і дзякуючы еўрапейскаму ціску. Бо без ціску рэжым ніколі б не вызваляў людзей.
Мы павінны забяспечыць, каб у Беларусі адбыліся сістэмныя змены. І пераканацца, што рэпрэсіі спыняцца і Беларусь стане вольнай».
Алена Прыходзька ўзначаліла Выбарчую камісію: вынікі першага пасяджэння
17 лютага адбылося першае адкрытае пасяджэнне Выбарчай камісіі КР.
Старшынёй Выбарчай камісіі аднагалосна абраная Алена Прыходзька. Алена — журналістка-расследвальніца, якая спецыялізуецца на выкрыцці карупцыйных схем і аналізе складаных дакументаў.
— Мне ўсё падабаецца. Усе патрабаванні будзем праходзіць разам выбарчай камісіяй. Каманда вельмі добрая, кожны са сваімі софт- і хард-скіламі. Мне падаецца, будзе добры "дрым-тым", — адрэагавала па выніках галасавання новаабраная старшыня Алена Прыходзька.
Падчас мерапрыемства акрэслены асноўныя палажэнні па выбарах:
Фармат галасавання: працэс будзе доўжыцца 7 дзён і праходзіць праз лічбавую платформу. Усе парады па бяспецы будуць размешчаны на рэсурсах КР.
Прынцып фармавання Рады: у Раду прапануюцца выбарчыя спісы, а не канкрэтныя асобы. У кожным спісе павінна быць не менш за 10 чалавек.
Гендарныя квоты: не менш за 40% жанчын і не менш за 40% мужчын у кожным спісе. Выключэнне прадугледжана толькі для спецыфічных арганізацый (напрыклад, добраахвотніцкіх) пры наяўнасці аб’ектыўных доказаў немагчымасці выканаць квоты.
Адкрытасць і камунікацыя: пасяджэнні камісіі будуць праходзіць не радзей чым раз на два тыдні. Назіральнікі, журналісты і кандыдаты могуць браць у іх удзел па папярэднім запыце на пошту: office@radavoting.com.
Рэгламент і Мемарандум
Камісія зацвердзіла Рэгламент працы Выбарчай камісіі, Палажэнне аб выбарах старшыні Выбарчай камісіі і Устаноўчую дамову паміж сябрамі камісіі.
Таксама была прадстаўлена прапанова Мемарандума аб узаемадзеянні паміж Выбарчай камісіяй, Каардынацыйнай Радай і правайдэрам лічбавай платформы для галасавання. Дакумент закліканы дакладна размеркаваць адказнасць па арганізацыйных пытаннях і пытаннях бяспекі.
У склад Выбарчай камісіі ўваходзяць: Алена Прыходзька, Дзмітрый Фурманаў, Алена Жылачкіна (Жываглод), Яраслаў Бекіш, Пётр Маркелаў.
Пытанні да Выбарчай камісіі, а таксама скаргі на працэс выбараў можна дасылаць на пошту: office@radavoting.com.
Галасаванне ў КР запланавана на 11–17 мая 2026 года. Абвяшчэнне вынікаў пройдзе 21–23 мая 2026 года.
Запіс трансляцыі пасяджэння даступны на YouTube-канале КР: https://youtube.com/live/sgXCF59X2BI
«Патрабуйце безумоўнага вызвалення ўсіх палітычных зняволеных. Узмацняйце ціск супраць тых, хто катуе і саджае ў турмы. Падтрымлівайце беларускую супольнасць». Ціханоўская — з ключавой прамовай у Жэневе
На Міжнародным саміце па правах чалавека і дэмакратыі ў Жэневе кіраўніца Аб’яднанага Пераходнага Кабінета выступіла з ключавой прамовай на панэлі «Барацьба за дэмакратыю ў Беларусі». У сваім выступе Святлана Ціханоўская распавяла пра становішча палітвязняў у краіне, падкрэсліла негатыўнае стаўленне беларусаў да вайны ва Украіне і нагадала пра неабходнасць адрозніваць рэжым ад беларусаў.
Святлана Ціханоўская:
«Сёння ў Беларусі больш за 1200 палітычных зняволеных. Настаўнікі. Журналісты. Студэнты. Пенсіянеры.
Людзі, такія як Мікалай Статкевіч, які адмовіўся падпарадкавацца прымусовай дэпартацыі і цяпер утрымліваецца ў адзіночнай камеры. Такія, як журналістка Кацярына Андрэева, якую арыштавалі падчас асвятлення пратэстаў 2020 года. Як і беларуска-польскі актывіст і журналіст Андрэй Пачобут, які летась быў узнагароджаны Еўрапейскім парламентам прэміяй імя Сахарава за свабоду думкі.
Уявіце, што адзін з вашых сваякоў сядзіць у турме. Кожную раніцу вы прачынаецеся і правяраеце навіны, спадзеючыся не ўбачыць імя свайго блізкага ў спісе загінулых.
Такое штодзённае жыццё беларускіх сем'яў».
Красная карточка Беларусскому национальному бюро Интерпола
Почти у каждого беларуса за рубежом первый шаг при планировании поездки — выбор «безопасной» страны. Но даже это не всегда спасает: задержания по запросам Беларуси происходят по всему миру.
– Почему даже за границей беларусы не чувствуют себя в безопасности?
– Как режим Лукашенко использует международный розыск в политических целях?
– Что делать, если вы столкнулись с риском задержания?
В видео на эти вопросы ответил советник Светланы Тихановской по правовым вопросам Леонид Морозов.
❗️Если вы считаете, что вам угрожает задержание по политическим причинам — обращайтесь к нашей юридической команде legal@tsikhanouskaya.org. Мы поможем с запросами в Интерпол и защитой ваших прав.
Пасяджэнне групы «За дэмакратычную Беларусь» і ўдзел у сустрэчы кіраўнікоў дыпламатычных місіяў з міністрам замежных справаў Літвы — праца Офіса Святланы Ціханоўскай у Літве 17 лютага
— Група «За дэмакратычную Беларусь»:
17 лютага адбылося пасяджэнне дэпутацкай групы «За дэмакратычную Беларусь». З беларускага боку ў сустрэчы прынялі ўдзел дырэктар Офіса Святланы Ціханоўскай у Літве Дзяніс Кучынскі, дарадцы Святланы Ціханоўскай па парламенцкім супрацоўніцтве і па пытаннях экалогіі Анатоль Лябедзька і Дзмітрый Кучук, а таксама лідары і прадстаўнікі 6 палітычных і 7 грамадскіх беларускіх арганізацыяў, зарэгістраваных у Літве. Галоўная задача — гэта агучыць ідэі і прапановы для планавання працы групы на бягучы 2026 год.
Анатоль Лябедзька адзначыў:
«Задача Офіса Святланы Ціханоўскай — садзейнічаць, каб у арганізаваных структураў была магчымасць прадставіць свае кампетэнцыі, ідэі, прапановы.
Сёння прагучала шмат цікавых прапановаў датычна інтэграцыі беларусаў у Літве, пытанняў навучання, статусу добраахвотнікаў, заканадаўчых ініцыятываў, якія закранаюць прававы статус беларусаў. Працуем і рухаемся наперад».
«Мы ўдзячныя ўраду Літвы, у прыватнасці прэм’ер-міністарцы Ругінене і міністру замежных справаў Будрысу за адкрытасць, падтрымку і паслядоўную пазіцыю ў дачыненні да Беларусі. Для нас вельмі важна адчуваць салідарнасць і разуменне ў складаны для нашай краіны час. Літва не раз даказвала, што застаецца побач з беларускім народам, і мы гэта сапраўды цэнім».Читать полностью…
«У Беларусі ўсё яшчэ тысячы палітвязняў, і каб спыніць гэта, нам патрэбныя незваротныя сістэмныя змены ў Беларусі»
Падчас Мюнхенскай канферэнцыі па бяспецы Святлана Ціханоўская паразмаўляла з Politico, дзе распавяла пра вызваленне палітвязняў як гуманітарны трэк, а таксама пра тое, як сёння выглядаюць еўрапейскі і амерыканскі падыходы да ціску на рэжым.
Пра гуманітарны трэк і ролю ЗША:
«У нашым выпадку палітыка Трампа спрацавала эфектыўна ў дачыненні да Беларусі, бо з дапамогай Прэзідэнта Трампа і спецпасланніка Джона Коўла ў Беларусі адбылося вызваленне палітвязняў. Для нас важна, што Прэзідэнт Трамп публічна патрабаваў вызвалення палітычных закладнікаў. Значыць, ён зацікаўлены ў гісторыі поспеху Беларусі. Таму давайце не будзем псаваць гэты працэс. Няхай Прэзідэнт Трамп робіць тое, што можа, бо ў яго ў руках і пуга, і пернік. Калі пернікі не спрацуюць — можна выкарыстоўваць пугу. І, вядома, Лукашэнка «прадае» людзей: ён выпускае палітвязняў не таму што раптам стаў гуманным».
«Хоць людзей і выпускаюць, у нас усё яшчэ тысячы палітвязняў за кратамі. Некаторых выпускаюць, а потым затрымліваюць у два разы больш. Гэта працяг палітыкі Лукашэнкі. І каб спыніць гэта, нам патрэбныя незваротныя сістэмныя змены ў Беларусі».
«Мы просім Еўропу не капіраваць палітыку Прэзідэнта Трампа. Амерыканскія санкцыі — для вызвалення людзей, еўрапейскія — для вызвалення краіны. У нас усё яшчэ тысячы палітвязняў, і каб спыніць гэта, патрэбныя незваротныя сістэмныя змены ў Беларусі. Таму мы просім Еўропу зберагчы свае моцныя карты для вялікай гульні. Звычайна ў нашай гісторыі Еўропа заўсёды была «добрым паліцэйскім», а Амерыка — «дрэнным паліцэйскім» праз Акт аб дэмакратыі ў Беларусі і вялікую колькасць санкцыяў. Цяпер ролі памяняліся. ЗША — «добры паліцэйскі», які размаўляе з рэжымам пра вызваленне палітвязняў, а Еўропа — «дрэнны паліцэйскі» для рэжыму, які ўзмацняе ціск і ізаляцыю, каб вызваліць краіну».Читать полностью…
Анатоль Лябедзька далучыўся да ўрачыстых мерапрыемстваў з нагоды Дня аднаўлення Літоўскай дзяржавы
16 лютага ў Літве адзначаецца Дзень аднаўлення Літоўскай дзяржавы. У гэты дзень у 1918 годзе быў падпісаны Акт аб незалежнасці Літвы. З нагоды свята дарадца Святланы Ціханоўскай па парламенцкім супрацоўніцтве Анатоль Лябедзька прыняў удзел у афіцыйных мерапрыемствах у Вільні.
Анатоль Лябедзька адзначыў, што для беларусаў важна быць побач з Літвой у такія сімвалічныя даты і падзяляць каштоўнасці свабоды, дзяржаўнасці і еўрапейскай будучыні:
«Беларусь сёння мела гонар ад імя Офіса Святланы Ціханоўскай прыняць удзел ва ўрачыстасцях, звязаных з аднаўленнем дзяржаўнасці Літвы.Читать полностью…
Літва за гэты час прадэманстравала, што можа зрабіць краіна і народ, якія вераць у сябе і імкнуцца да будучыні. Я магу толькі далучыцца да віншаванняў, якія гучалі з вуснаў прэзідэнта Наўседы і прэзідэнткі Еўрапейскага парламента.
Я веру, што ў нас будзе супольная еўрапейская будучыня. Мы будзем жыць побач у «Еўрапейскім квартале».
Жыве Беларусь! Дзякуй, Літва!»
Анатоль Лябедзька сустрэўся са спікерам Сейма Літвы
Дарадца Святланы Ціханоўскай па парламенцкім супрацоўніцтве Анатоль Лябедзька правёў працоўную сустрэчу са спікерам Сейма Літвы Юозасам Олекасам і яго дарадцамі.
Галоўны фокус сустрэчы — супрацоўніцтва Офіса Святланы Ціханоўскай і дэмакратычных сілаў Беларусі з Сеймам Літвы.
Тэмы сустрэчы:
– магчымасць падпісання заявы аб супрацоўніцтве Сейма Літвы і дэмакратычных сілаў Беларусі;
– правядзенне літоўска-беларускага круглага стала «Літва–Беларусь: ад выклікаў да салідарнасці, ад магчымасцяў да перамогі»;
– дзейнасць дэпутацкай групы «За дэмакратычную Беларусь» Сейма Літвы, чальцом якой застаецца спікер парламента;
– заканадаўчыя ініцыятывы як абмежавальнага характару — у прыватнасці, спробы прыраўнаць грамадзянаў Беларусі да грамадзянаў Расійскай Федэрацыі ў прававым полі Літвы, а таксама магчымыя абмежаванні ўдзелу грамадзянаў Беларусі ў мясцовых выбарах; так і пазітыўнага характару — палітычная рэзалюцыя Сейма адносна Беларусі, парламенцкія слуханні і рэзалюцыя Сейма з нагоды 40-й гадавіны Чарнобыльскай катастрофы.
Падрабязней пра сустрэчу — па спасылцы.
«У сферы бяспекі Беларусь — актыўны гулец з вялікім патэнцыялам. Пытанне ў тым, хто скарыстаецца гэтым патэнцыялам у будучыні»
14 лютага на Мюнхенскай канферэнцыі па бяспецы Святлана Ціханоўская выступіла з ключавой прамовай на сайд-івэнце «Беларусь на восі CRINK і за яе межамі: ацэнка аўтарытарных альянсаў і стратэгіяў рэагавання Захаду».
У дыскусіі ўдзельнічалі беларускія і міжнародныя эксперты, сярод якіх: старшыня Фонду Конрада Адэнаўэра (KAS) Аннегрэт Крамп-Карэнбаўэр з ключавой прамовай, прафесарка Нарвежскага інстытута абаронных даследаванняў Катажына Зыск, даследчыца Цэнтра балтыйскіх і ўсходнееўрапейскіх даследаванняў Вікторыя Леўкавец, кіраўнік Інстытута бяспекавых даследаванняў імя Касцюшкі Вадзім Мажэйка, Габрыэле Баўманн — кіраўніца офіса KAS Belarus, якая выступіла мадэратаркай, і іншыя.
У сваёй прамове Святлана Ціханоўская зрабіла акцэнт на тое, што Беларусь сёння выкарыстоўваецца як інструмент вайны і што ў інтарэсах Захаду змяніць гэтую тэндэнцыю праз падтрымку беларускага грамадства.
«У 2022 годзе Лукашэнка зрабіў Беларусь плацдармам для вайны Расіі супраць Украіны. Ён загадзя ведаў пра планы Пуціна. Без яго поўнамаштабнае ўварванне магло б не адбыцца. Лукашэнка абмінае звычайныя ланцугі камандавання і яшчэ больш цэнтралізуе кіраванне.
Беларусь цалкам інтэграваная ў расійскае ваеннае планаванне. Паводле гэтых планаў, у выпадку канфлікту з НАТА Беларусь стане лагістычным вузлом, плацдармам і калідорам для ўварвання расійскіх сілаў.
Рэжым перапісвае законы і ваенную дактрыну, каб яшчэ мацней прывязаць армію да Масквы. Падрыхтоўка да размяшчэння ракетаў «Арэшнік» і ядзернай зброі — яшчэ адзін выразны сігнал эскалацыі.
У сферы бяспекі Беларусь — актыўны гулец з вялікім патэнцыялам. Пытанне ў тым, хто скарыстаецца гэтым патэнцыялам у будучыні. Сёння ім пераважна карыстаецца Расія — з дапамогай Лукашэнкі.
Але ў жыццёвых інтарэсах Захаду змяніць гэтую тэндэнцыю. Заходнія краіны павінны сістэмна працаваць з беларускім грамадствам, каб праеўрапейскія і празаходнія настроі мацнелі. Беларусы павінны адчуваць, што іх чакаюць у Еўропе».
«Прыклад Беларусі паказвае, наколькі цесна пераплятаюцца дэмакратыя і бяспека — адно не можа існаваць без другога»
14 лютага ў межах Мюнхенскай канферэнцыі па бяспецы Святлана Ціханоўская далучылася да моладзевага сайд-івэнту пад назвай «Новая грамадская плошча — гэта экран: пераасэнсаванне дэмакратыі ў лічбавай сферы». Да сайд-івэнту далучылася каля 200 чалавек, сярод якіх студэнты, маладыя эксперты, прадстаўнікі грамадзянскай супольнасці, даследчыкі і журналісты. Мадэратаркамі панэлі выступілі Наталія Валерыя Мюлер і Аліна Харысава.
Святлана Ціханоўская прысвяціла свой выступ ролі лічбавай прасторы як новай грамадскай плошчы, дзе сёння фарміруецца палітычная суб’ектнасць, салідарнасць і супраціў. Беларуская лідарка распавяла ўдзельнікам пра:
– пра пачатак дыктатуры і кантроль над медыя
«У Беларусі ўсё пачалося 30 гадоў таму, калі аднойчы газеты выйшлі з пустымі першымі палосамі — матэрыял пра карупцыю Лукашэнкі быў зацэнзураваны. Дыктатура пачалася з усталявання кантролю над медыя. Калі людзі вераць, што ўсё стабільна і пад кантролем, яны перастаюць задаваць пытанні. А калі людзі перастаюць удзельнічаць, дэмакратыя знікае».
«Інтэрнэт стаў бяспечнай прасторай для мільёнаў беларусаў. Дзякуючы тэхналогіям у 2020 годзе мы ўпершыню здолелі даказаць сваю перамогу. А калі мільёны людзей выйшлі на вуліцы, стала відавочна: страх больш не кіруе грамадствам».
«Тэхналогіі могуць умацоўваць свабоду — аб’ядноўваць людзей і выкрываць праўду. Але ў руках дыктатараў яны становяцца інструментамі сачэння, маніпуляцыі і рэпрэсіяў. Тое, што павінна надаваць грамадству сілу, можа быць ператворана ў зброю супраць яго».
«Тэхналогіі не нейтральныя — яны выбіраюць бок праз выкарыстанне і дызайн. Мы павінны зрабіць так, каб яны ўмацоўвалі дэмакратыю, а не падтрымлівалі дыктатуру. Тэхналагічныя гіганты павінны спыніць злоўжыванне глабальнымі платформамі з боку рэжымаў».
Святлана Ціханоўская выступіла перад MSC Young Leaders
Падчас Мюнхенскай канферэнцыі па бяспецы Святлана Ціханоўская выступіла перад удзельнікамі MSC Young Leaders — праграмай для маладых палітычных лідараў з усяго свету. У зале былі прадстаўнікі ўрадаў і парламентаў, палітыкі з розных краінаў, у тым ліку з ЗША, Вялікабрытаніі, Індыі, Турцыі, Пакістана, Германіі і іншых дзяржаваў.
Сустрэча працягвалася больш за гадзіну і прайшла ў фармаце выступу і адкрытых пытанняў.
Асноўныя тэмы размовы:
– Палітвязні і ціск на рэжым. Гаварылі пра перамовы з ЗША па вызваленні палітвязняў, умовы ў беларускіх турмах і санкцыі. Святлана Ціханоўская падкрэсліла, што ціск на рэжым застаецца важным інструментам для вызвалення людзей.
– Бяспека і пагрозы. Абмеркавалі размяшчэнне ядзернай зброі і падкрэслілі, што Расія працягвае эскалацыю, і гэта пагроза не толькі для суседніх краінаў, але і для ўсёй Еўропы.
– Вайна ва Украіне. Святлана Ціханоўская адзначыла, што важна ўлічваць беларускі фактар у агульнай карціне вайны. Яна падкрэсліла, што ні Лукашэнка, ні Пуцін не зацікаўленыя ў хуткім заканчэнні вайны і выкарыстоўваюць яе як інструмент утрымання ўлады.
Да таго ж, закранулі пытанне «ваеннай эканомікі» у Беларусі, працу дэмакратычных сілаў і выбары ў Каардынацыйную Раду, праблему пашпартоў для беларусаў за мяжой і праект нацыянальнага пашпарта «Новай Беларусі».
Асобна лідарка прадставіла даклад BELPOL пра ўдзел рэжыму Лукашэнкі ў вайне і «Red Paper» па еўрапейска-беларускай бяспецы.
Святлана Ціханоўская далучылася да Мюнхенскай канферэнцыі па бяспецы
Сёння распачаўся працоўны візіт Святланы Ціханоўскай у Мюнхен. Тут беларуская лідарка ўжо ў пяты раз прыме ўдзел у Мюнхенскай канферэнцыі па бяспецы — адной з галоўных міжнародных пляцовак, дзе ў адным месцы збіраюцца палітычныя лідары, дыпламаты, эксперты і прадстаўнікі грамадзянскай супольнасці, каб гаварыць пра бяспеку ў Еўропе і свеце.
Для Беларусі важна прымаць удзел у гэтай размове, якая будзе ў тым ліку і пра наш рэгіён, пра вайну ва Украіне, пра ўплыў Расіі, пра выкарыстанне тэрыторыі Беларусі і пра тое, што рэжым працягвае ўтрымліваць краіну ў небяспечнай залежнасці.
Падчас візіту ў Мюнхен Святлана Ціханоўская правядзе шэраг сустрэчаў з міжнароднымі партнёрамі, далучыцца да дыскусіяў і сайд-івэнтаў. Фокус візіту будзе на вызваленне палітвязняў і спыненне рэпрэсіяў, падтрымку дэмакратычнай Беларусі як часткі рэгіянальнай бяспекі, узмацненне міжнароднага ціску на рэжым і адказнасць за злачынствы.
Падрабязней — у картках.
"Тэрмін дзеяньня майго беларускага пашпарта толькі што скончыўся. Атрымала яго ў 15 гадоў. Гэты пашпарт быў са мной усюды - ад ланотных адпачынкаў да пратэстаў, і праз усе дні эміграцыі. Ён бачыў мае шчаслівыя моманты і самыя цяжкія. Нейкі кавалак паперы, але ён адчуваецца часткай маёй гісторыі.
Цяпер у мяне новы беларускі пашпарт. Гэта напамін пра тое, адкуль я родам, сімвал таго, за што мы змагаемся... і, спадзяюся, хутка ён зноў стане сапраўдным. Мне падабаецца, як ён звязвае мяне з маімі каранямі.
Шануйце свае ўласныя гісторыі, сябры. Карані сыходзяць глыбока", - Маргарыта Ворыхава.
Замовіць пашпарт можна на сайце belarus-passport.com па спасылцы ў апісаньні профілю 👆🏻
#belaruspassport