51084
Вазирлар Маҳкамаси ҳузуридаги Миграция агентлиги расмий телеграм канали ☎️ 71 200 00 61, 71 202 33 55, 1282 📍Тошкент шаҳри Олмазор тумани Қамарнисо кўчаси 1 уй Website: www.migration.uz
🇺🇿Миграция агентлиги мурожаати!
Сўнгги кунларда ижтимоий тармоқларда хорижда ишлаб юрган ва афсуски вафот этган ватандошларимизнинг жасадларини юртимизга олиб келиш учун блогерлар, турли шахслар пластик карта рақамларини чиқариб, пул йиғиш акцияларини ўтказаётгани кузатилмоқда.
❗️ Эътибор беринг:
Айрим ҳолатларда эски ёки нотўғри маълумотлар асосида одамларнинг ҳис-туйғуларидан фойдаланиб, фирибгарлик қилувчи шахслар кўпаймоқда. Уларнинг тарқатаётган маълумотлари орқали юртдошларимиз алданиб, пластик карталарга пул ўтказиб беришмоқда.
🔔 Бу каби хабарларни кўрсангиз, ҳеч қандай пул ўтказманг. Бу вазиятда қонуний ва ишончли йўл — Ўзбекистон Республикаси Вазирлар Маҳкамаси ҳузуридаги Миграция агентлигига мурожаат қилишдир.
🇺🇿🇬🇧 Самарқандда Буюк Британия стандартлари асосида таълим муассасаси очилиши режалаштирилмоқда
Миграция агентлиги, "Meros Pharm" ҳамда Буюк Британиянинг "University Hospitals Bristol", "Oxford Brookes University", "People 1st International", "Greater Manchester University" каби тиббиёт соҳасидаги нуфузли ташкилотлари ўртасида учрашув бўлиб ўтди.
▪️Музокараларда Ўзбекистонда замонавий “Ҳамширалик иши” бўйича таълим муассасаси ташкил этиш, Буюк Британия таълим дастурлари асосида ҳамкорликда ўқитиш тизимини йўлга қўйиш ва бунга халқаро малакали мутахассисларни жалб этиш имкониятлари муҳокама қилинди.
▪️Шунингдек, талабгорларни Буюк Британия ва бошқа ривожланган давлатларда тиббиёт йўналишидаги бўш иш ўринларига жойлаштириш масаласига алоҳида эътибор қаратилди .
🚢🇰🇷
“Hyundai” билан ҳамкорликнинг янги босқичи: иш берувчилар ва юртдошларимиз билан учрашувлар
🤝 “Hyundai” президенти билан учрашув:
✅ Фарғонадаги “Улсан касб-ҳунар маркази" да таълим олаётганлар муваффақиятли иш бошласа, малакатимизда янада кўпроқ марказлар очиш, SPAS базасидаги кемасозликдан ташқари соҳаларда ҳам тест топширган номзодларни суҳбат орқали марказларга ўқишга қабул қилиш ва ишга жойлаштириш имконияти кўриб чиқилаётгани маълум қилинди.
✈️ Корея ва Япония - икки манзилга бир мақсад билан!
🌍 Хорижий компанияларда иш тажрибасини оширган мутахассисларимиз нафақат салоҳиятини намоён қилмоқда, балки миллий кадрларимиз сифатини ҳам юксалтирмоқда. Бу эса, ўз навбатида, чет элда ўзбекистонлик мутахассисларга бўлган талабни ортишига хизмат қиляпти.
📹 Корея ва Японияга вақтинча меҳнат фаолияти учун кетиш жараёни — битта лавҳада!
Агар сиз ҳам чет элда ишлашни хоҳласангиз - хорижий тилларни ўрганинг, xorijdaish.uz платформасидан рўйҳатдан ўтинг ва хавфсиз, ташкиллаштирилган миграцияни танланг!
@uzmigration
Хорижда вақтинча ишлашга кеттингиз ёки боришни режалаштиряпсизми? Энди харажатларни қоплаш учун биринчи маошни кутишга хожат йўқ!
❗️ Қўлингизда иш берувчингиз билан тузган шартномангиз бўлса, кетиш олдидан сарфланган харажатларингизни Миграция агентлиги қандай қоплаб беришини қадамба-қадам кўрсатамиз!
🇺🇿🇸🇮 Словения
2025-йил ҳолатига кўра, Словения рекорд даражадаги паст ишсизлик (тахминан 3.2–3.5%) ва юқори бандлик даражасига эга. Бу ҳолат маҳаллий меҳнат бозорида бўшлиқларни келтириб чиқаряпти.
Қурилиш, соғлиқни сақлаш, меҳмонхона ва ресторанлар, ишлаб чиқариш, таълим ва ахборот технологиялари йўналишида ишчи кучи етишмовчилиги бор.
Бу хорижлик ишчилар, Ўзбекистон фуқаролари учун ҳам яхши имкониятлар бор, дегани. Касб ва тил талабларига жавоб берадиган 1500 дан ортиқ ўзбекистонликлар Словенияда иш топишлари мумкин.
Имконият барчада бор - кейингиси сизда ҳам бўлиши мумкин
Танловларда Корея иш берувчилари томонидан танланган яна бир гуруҳ юртдошларимиз ушбу давлатга вақтинча меҳнат фаолиятларини олиб бориш мақсадида жўнаб кетдилар.
Кузатиш жараёнида Корея Республикаси Инсон ресурсларини ривожлантириш хизматининг Ўзбекистондаги “EPS” маркази раҳбари Kim Hyun Sung ҳам иштирок этди.
Суҳбат жараёнида, Кореяга ишга кетишдан олдинги кўниктириш ва мослаштириш дастурини янги тартиби ҳақида гапириб ўтди.
Россияда ишлашни режалаштирганлар эътиборига!
📘 Имтиҳонга тайёргарлик — энди осон, бепул ва замонавий!
🇷🇺 Россия Федерациясида қонуний тарзда вақтинча меҳнат фаолиятини амалга ошириш учун рус тили, тарих ва қонунчилик бўйича имтиҳондан ўтиш — асосий талаблардан бири.
Эндиликда, Миграция агентлиги томонидан яратилган test.xorijdaish.uz онлайн платформаси орқали бепул, сифатли ва тез тайёргарлик кўришингиз мумкин!
🆕 Янгиликлар!
✍️ Тестлар тўлиқ қайта ишланди
📊 Баҳолаш ва билим даражасини кузатиш имконияти яратилди
📈 Ҳар бир фойдаланувчи ўз натижасини босқичма-босқич назорат қилиб, ривожланишини кўриши мумкин
Аудитормисиз? Миграция агентлигида иш бор
Агентлик томонидан Ички аудит бўлими бош мутахассиси лавозимига очиқ танлов эълон қилинди.
Номзодлар учун талаблар:
▪️Юриспруденция, иқтисодиёт ва молия йўналишларидан бирида олий маълумотга эга бўлиш;
▪️Камида 5 йил меҳнат стажи (давлат молиявий назорат соҳасидаги раҳбарлик лавозимида 3 йил, аудиторлик сертификати асосида камида 2 йил);
▪️Давлат тилини билиш (чет тиллари бўйича сертификатга эга бўлганда афзаллик берилади);
▪️Аудиторлар палатаси томонидан берилган ички аудит бўйича миллий сертификатга эга бўлиш;
▪️Бюджет тўғрисидаги қонунчилик ҳужжатларига риоя этилишини таҳлил қилиш, баҳолаш, бюджет маблағларидан самарасиз фойдаланиш хавфларини аниқлаш, молиявий ҳисоботларни шакллантиришни мукаммал билиш;
▪️Харажатлар сметаси, штатлар жадвали ва уларга қўшимча ҳужжатларни тузишда амалдаги қонунчилик талабларига, намунавий штат нормативларига мослигини ўрганиш ва баҳолаш қобилияти;
▪️Молия, бухгалтерия ҳамда хизматлар соҳасини ўрганишда амалдаги қонунчиликка риоя этилишини таъминлаш, мавжуд дебитор ва кредитор қарздорликларни ҳолати келиб чиқиш сабаблари ўрганиш орқали уларни қисқартириш тажрибасига эга бўлиши;
▪️Ташкилотнинг активларидан фойдаланиши ва уларнинг сақланишини баҳолаш орқали бутлиги ва ишга яроқлилик ҳолатлари натижалари юзасидан таҳлилий маълумотлар тайёрлаш бўйича тажрибага эга бўлиш;
▪️Давлат харидларини қонунчилик талабларига мослиги, самарадорлиги ва харид комиссия фаолиятини назорат қилиш, харид қилинган товарларнинг шартномага мослиги ва тўғри кирим қилиниши тартиб тамойилларини билиш;
▪️Агентликни ривожлантириш дастури самарадорлик индикаторлари ижросини таҳлил қилиш, баҳолаш ва соҳага оид янги индикаторларни жорий этиш салоҳиятига эга бўлиш.
🇺🇿🇧🇬 Софияда юқори даражадаги учрашув:
меҳнат миграциясида адолат ва қонунийликни кафолатлаш энг муҳим жиҳат
Бу ҳақда, Ўзбекистон делегацияси ва Болгария Республикаси Президенти Администрацияси раҳбари Галаб Донев ўртасида бўлиб ўтган расмий учрашувда сўз борди.
Буюк Британиянинг GLAA ташкилоти Миграция агентлиги билан ҳамкорликни кучайтиришга тайёр!
🇬🇧🇺🇿Миграция агентлиги, Ташқи ишлар вазирлиги, Буюк Британиянинг Ўзбекистондаги элчихонаси ва GLAA ташкилоти* раҳбарияти ўртасида учрашув бўлиб ўтди.
Томонлар Англиядаги мавсумий ишларга янада кўпроқ иш берувчиларни жалб этиш, кетиш олди харажатларни максимал даражада камайтириш ва ишчилар ҳуқуқларини ҳимоя қилиш бўйича янги меморандум устида иш бошлади.
GLAA ташкилоти вакиллари Миграция агентлигининг фуқароларни хорижга ишга кетишдан олдинги тайёрлов дастурларига жалб қилиш, харажатларни қоплаб бериш ва барқарор ишлашни таъминлаш борасида олиб бораётган тадбирларини юқори баҳолади.
Шунингдек, миграция соҳасидаги мавжуд ҳамкорликни янги босқичга кўтаришга тайёрлигини билдирди.
Болгария меҳнат бозоридаги кадрлар танқислигини ҳал этишда Ўзбекистон иштироки кенгаяди
Аксарият Европа Иттифоқи давлатлари каби Болгария меҳнат бозорида ҳам мутахассислар етишмовчилиги кузатилмоқда. Қурилиш, қишлоқ хўжалиги, меҳмонхона-ресторан хизмати каби соҳаларида 80 мингдан ортиқ бўш иш иш ўринлари мавжуд.
Бу ҳақда, Миграция агентлиги раҳбари Беҳзод Мусаев ва Болгария Саноат Капитали Ассоциацияси директорлар кенгаши раиси Румен Радев ўртасида бўлиб ўтган учрашувда айтиб ўтилди.
"Болгария иш берувчиларининг фикрига кўра, Ўзбекистондан келган фуқаролар ўзининг меҳнатсеварлиги, қонуний талабларга қатъий риоя қилиши, юқори тарбияси билан болгар халқи орасида юқори ҳурматга эга" , - дея таъкидлади Болгария Саноат Капитали Ассоциацияси директорлар кенгаши раиси Румен Радев.
Болгарияда ўзбекча салоҳиятга эшик очилмоқда!
Миграция агентлиги раҳбари Беҳзод Мусаев ва Болгария Ички ишлар вазири ўринбосари Любомир Йосифов ўртасида бўлиб ўтган учрашувда икки давлат ўртасида меҳнат миграцияси, ижтимоий ҳимоя ва ҳуқуқий шароитларни яхшилаш масалалари муҳокама қилинди.
Асосий жиҳатлар:
• Икки томонлама ҳукуматлараро битимни ишлаб чиқиш ва имзолаш устида олиб борилаётган ишларни жадаллаштириш;
• Вақтинча ишлаш учун расмий келишувнинг йўқлиги фуқароларимиз ҳуқуқини ҳимоя қилишни қийинлаштираётгани;
• Ҳужжатлаштириш жараёнини соддалаштириш ва уларни кўриб чиқиш муддатларини қисқартириш.
Болгария томони Ўзбекистоннинг қўшма ишчи гуруҳ тузиш, ишчи виза расмийлаштиришни оптималлаштириш, ташкилий миграцияни ҳуқуқий асосда йўлга қўйиш каби ташабуссларини қўллаб қувватлаган ҳолда, тизимли ҳамкорликка тайёр эканлигини билдирди.
@uzmigration
Чет элда ишлашни режа қиляпсизми? Унда бу кўрсатув айнан сиз учун!
Халқона ва содда тилда суҳбат – ҳуқуқий муаммоларга аниқ жавоблар!
🌍 Хорижда вақтинча ишлаш истагидаги юртдошларимиз қандай ҳуқуқий қоидаларни билиши шарт?
❌ Одамлар энг кўп йўл қўяётган хатолар қайсилар ва нима учун улар такрорланмоқда?
📌 Агар чет элда ишлаётган вақтингизда фирибгарликка учрасангиз – қайси йўлни тутиш тўғри?
Бу ва бошқа муҳим саволларга мутахассис жавоб беради.
📺 Кўрсатувни тўлиқ томоша қилинг https://youtu.be/tf_TOZnFwFI?si=Ln1mPaGOlVThf1L8
👉 @uzmigration
🇩🇪 ЎЗБЕК ҲАЙДОВЧИЛАРИ ГЕРМАНИЯ ЙЎЛЛАРИДА!
Миграция агентлиги, SBH West GmbH ва "Ватанпарвар" ҳамкорлигида оғир юк машина ҳайдовчиларини Германияда ишлашга тайёрлаш бошланди.
▪️“BC” тоифали ҳайдовчилар
▪️Немис тили A2/B1 сертификати
▪️Германия ўқитувчилари билан масофавий таълим
▪️Амалий машғулотлар.
💶 Ойлик — 2500 евро
🗓 Илк гуруҳ 2025 йил августда Германияга жўнаб кетади!
Сизга ҳам қизиқми? Лойиҳа ҳақида видеода батафсил. Бизни кузатишда давом этинг яна танлов элон қиламиз кейинги иштирокчи сиз бўлишингиз мумкин!
@uzmigration
🇯🇵 Японияда ишлаш истагида бўлганлар учун япон тилини ўрганиш имкониятлари кенгайтирилади!
Бу ҳақда Ўзбекистон делегацияси ва Япония халқаро ҳамкорлик агентлиги раҳбарияти (JICA) ўртасида бўлиб ўтган учрашувда сўз борди.
Суҳбатда Миграция Агентлиги ва JICA ҳамкорлигидаги "Japan Career Portal" платформаси муваффақиятли ишлаётгани эътироф этилди.
Ушбу порталда япон тилини ўрганиш ва имтиҳон топшириш саҳифалари яратиладиган бўлди. Эндиликда, фойдаланувчилар масофадан туриб япон тили кўникмаларини ошириш имкониятига эга бўладилар.
🇺🇿🇯🇵 Япония билан ҳуқуқий, хавфсиз ва барқарор иш имкониятларига келишилди!
💼 Миграция агентлиги ва Ташқи ишлар вазирлиги вакилларидан иборат делегация Япония Адлия вазири Кэйсуке Судзуки билан учрашди.
🤝Унда, миграция соҳасидаги муносабатларни ривожлантириш, виза расмийлаштиришни соддалаштириш ва жараёнларни рақамлаштириш, Японияга кириш рухсатини олиш муддатини қисқартириш масалалари муҳокама қилинди.
Шунингдек, бу мамлакатда ишлаётган фуқароларимизнинг ҳуқуқий ҳимояси ҳамда ноқонуний миграцияни олдини олиш борасида биргаликда ишлашга келишилди.
Японияда меҳнат фаолиятини олиб бораётган фуқароларимизнинг ноқонуний мақомда бўлмасликлари, талаб даражасида тил кўникмалари бўлиши ҳамда қонунчиликка риоя қилишлари лозимлиги алоҳида айтиб ўтилди.
“Японияда амалга оширилаётган техник стажёрлик дастури ва махсус малакага эга мутахассислар учун енгиллаштирилган виза тизими - ўзбекистонликларнинг мамлакатимизда қонуний ва хавфсиз меҳнат фаолиятини юритиш, юқори маданиятли иш муҳитида тажриба орттириш, салоҳиятини намоён этишлари учун янги имконият яратади”,- таъкидлади Япония Адлия вазири Кэйсуке Судзуки
YAPON TILI O’QITUVCHILARI, SIZNI KATTA LOYIHALAR KUTMOQDA!
Migratsiya agentligi va Yaponiyaning ish beruvchi kompaniyalari hamkorligida katta o'qitish loyihalari boshlandi.
🤝Yapon tili sertifikatingiz bormi? Unda Migratsiya agentligi bilan rasmiy hamkorlik taklifi!
Bizga zamonaviy pedagogik usullarni o'zlashtirgan, xalqaro ta'lim loyihalarida ishtirok etish istagidagi o'qituvchilar kerak!
🔑 Sizni kutayotgan imkoniyatlar:
✅ Mamlakatimizning 14 ta hududidagi 33 ta ta'lim muassasalarining birida Yaponiya standartlarida yapon tili o'quv kurslarini olib borish;
✅Ish joyingizdan ajralmagan holda oyiga 10 mln so'mgacha daromad topish.
✅O'zingizga qulay ish vaqtlari.
🧐 Biz sizdan nimani kutamiz?
▪️Yapon tili bo’yicha N3-N2 darajadagi sertifikat;
▪️Zamonaviy pedagogik metodikalarni qo'llash qobiliyati;
▪️O‘quvchilarga natijaga yo‘naltirilgan sifatli ta'lim berish ko‘nikmalari.
💼 Nima taklif qilamiz?
▪️Qulay va raqobatbardosh sharoitda ishlash imkoniyati;
▪️Barqaror va yuqori daromad;
▪️Xalqaro loyihalarda ishtirok etish imkoniyati!
✅ Agar siz yuqoridagi talablarga javob bersangiz va Yaponiyada ishlash orzusidagi yurtdoshlarimizga yordam berishni xohlasangiz – bizga qo‘shiling!
🔗 Qiziqyapsizmi? Ro‘yxatdan o‘tish uchun hoziroq quyidagi linkga o'ting⬇️
LINK
Sizni jamoamizda kutib qolamiz! 💪
@uzmigration
#xorijiy_oav_biz_haqimizda
Шу кеча кундузда Корея оммавий ахборот воситаларида Ўзбекистон Миграция агентлиги делегациясининг ташрифи фаол ёритилмоқда
Бугунга қадар, фуқароларимиз Миграция агентлиги орқали Кореяда Е-9 (малака талаб қилинмайдиган ишчи) визаси билан ишлаган бўлса, эндиликда Улсан шаҳар ҳокимияти ўзбекистонликлар учун Е-7 (малакали ишчи) визасини ҳам бериш ваколатига эга бўлди.
Шу муносабат билан келгусида бу борадаги ишларни йўлга қўйиш тартиб ва талаблари бўйича учрашувларда муҳокамалар қилинмоқда.
Улсан шаҳар ҳокими - Ўзбекистондан борган ишчилар Корея қонунчилигига риоя қилган ҳолда ишга виждонан ёндашган тақдирда иш ўринларини янада кўпайтиришга ваъда бермоқда.
Корея Республикаси Адлия вазирлиги раҳбарлигидаги “Ҳудудий Виза” синов лойиҳасига Улсан шаҳри танланди ва бу лойиҳа эндиликда амалий босқичга ўтди.
“Улсанча ҳудудий виза” — бу Улсан шаҳри томонидан маҳаллий аҳоли камайиши ва кемасозлик саноатидаги ишчи кучи етишмовчилигини бартараф этиш учун ишлаб чиқилган стратегиядир.
Бу тизимда маҳаллий ҳокимият ўз ҳудуд ва саноат эҳтиёжларига мос равишда чет элликлар учун махсус виза турини таклиф қилади. Чет элликлар аввал ўз мамлакатларида корейс тили, маданияти ва иш билан боғлиқ махсус курсларда ўқитилгандан сўнг, ишлаш учун Кореяга кириши мумкин.
Сизда ҳам муаммолар борми? Мурожаат қилинг ҳуқуқларингиз давлат кафолатида.
2025 йил 22 май куни Ижтимоий тармоқларда Тошкент шаҳар "Yuksalish consulting" компанияси томонидан Москвадаги қурилиш компаниясига ишга жўнатилган фуқароларига иш ҳақи тўланмаётгани ҳақида видеолавҳа эълон қилинди. Мазкур мурожаат кенг жамоатчилик муҳокамасига сабаб бўлди.
2025 йил 23 май куни Миграция агентлиги масъуллари мурожаатчилар билан онлайн мулоқот ўтказиб, муаммони ўргандилар.
Шунингдек, Миграция агентлигининг Россия Федерациясидаги ваколатхонаси ходимлари томонидан олиб борилган музокаралар натижасида 13 нафар фуқаронинг иш ҳақлари умумий 286 минг рубл миқдорида иш берувчидан ундириб берилди.
Фуқаролар ҳужжатлари қайтариб олинди ва Миграция агентлиги томонидан бошқа бўш иш ўринлари тавсия этилди.
❗️Консалтинг фирма фаолияти қонуний тартибда ўрганилади.
Ҳурматли фуқаролар, агар сиз хорижда ишлаётган бўлсангиз ҳар қандай оғир вазиятларда Миграция агентлигига мурожаат қилинг: (71) 202 33 55, 1282 қисқа рақам.
📲Хориждаги юртдошларимиз учун 24/7 режимда бепул ишлайдиган телефон рақамлар 👉бу ерда
🌐 @huquqiy_yordam_uzbot телеграм ботига ёзиш мумкин
📌 Миграция агентлиги ваколатхонасига ҳам мурожаат қилиш мумкин:
📞+79250454744
Телеграм: @pomoshrussiamigrant
🇷🇺🇺🇿Россиядаги бош консулхоналар манзили ва телефон рақамлари 👉бу ерда.
🇺🇿🇯🇵 Миграция агентлиги ва Япониянинг “Your Bright” ташкилоти вакиллари ўртасида самарали учрашув бўлиб ўтди. Унда юртимиз фуқароларини ушбу давлатдаги хизмат кўрсатиш соҳаларига ишга жалб этиш бўйича муҳим келишувга эришилди.
Учрашув якунида томонлар ўзаро ҳамкорликни мустаҳкамлаш ва амалий қадамларни бошлаш мақсадида меморандум имзолашди. Бу ҳужжат, ўзбекистонлик мутахассислар учун кун чиқар мамлакатда юқори талаб ва стандартларига мос иш ўринлари яратилишига хизмат қилади.
Миграция Агентлиги ва JICA ҳамкорлигидаги Japan Career Portal платформаси орқали иш визалари, Япониядаги ўқиш ва кундалик ҳаётга тайёргарлик, юртдошларимизнинг шахсий тажриба ва маслаҳатлари, қандай қилиб биринчи қадамни қўйиш бўйича тўлиқ маълумот оласиз.
🇺🇿🇸🇮 Ўзбекистон – Словения: Янги дастурлар янги имкониятлар!
Миграция агентлиги раҳбари Беҳзод Мусаев ҳамда Словения Бандлик хизмати Бош директори Грета Метка Барбо Шкербинч хоним ўртасида бўлиб ўтган учрашув натижасида меҳнат миграцияси соҳасида янги бозор очилмоқда.
Давра суҳбатида икки мамлакат ўртасида меҳнат миграциясини қонуний, шаффоф ва ўзаро манфаатли механизмлар орқали йўлга қўйиш, рақамли мониторингни жорий этиш ва ўзбекистонликлар учун янги бўлган Словения бозори талаби асосида малакали мутахассислар захирасини шакллантириш масалалари муҳокама қилинди.
🇺🇿🇸🇪Ўзбекистон ва Швеция — халқаро миграция соҳасида ҳамкорлик
Вазирлар Маҳкамаси ҳузуридаги Миграция агентлиги раҳбарияти ҳамда Швеция Қироллиги Адлия вазирлиги ҳузуридаги Миграция масалалари департаменти директори София Остмарк ўртасида учрашув бўлиб ўтди.
Чет тилини ўрганиб сертификат олдингизми? Миграция агентлигидан супер таклиф!
Тил ўрганиш — Шахсий ўсиш, касбий тараққиёт, дунёга йўл очиш, халқаро тажриба, маданиятлар алмашинуви ва молиявий мустақиллик сари қадам!
🎁 Экстра имконият: Чет элда ишлаш мақсадида бирор хорижий тил ёки иш берувчи талабига кўра касб ўрганиб, даража сертификатини қўлга киритдингизми? Ундай бўлса, Миграция агентлиги ҳаракатингизни қўллаб-қувватлайди!
🇺🇿🇧🇬 Болгарияда Ўзбекистоннинг меҳнат салоҳияти намойиш этилди!
София шаҳрида бўлиб ўтган "Болгария – Ўзбекистон" меҳнат форуми икки мамлакат ўртасидаги ҳамкорлик алоқаларида муҳим қадам бўлди.
Форумда Болгариянинг 26 та йирик иш берувчилари Ўзбекистоннинг малакали кадрлар салоҳияти билан яқиндан танишди ва 8 та ҳамкорлик шартномаси имзоланди.
💥 Чет тили ўқитувчиси бўлиб, 50 миллион сўм ютишни хоҳлайсизми?
📚 Инглиз, немис, корейс ёки япон тилини ўргатасизми?
Ўқувчиларингиз халқаро B1 ёки ундан юқори даражадаги сертификат олганми?
Демак, Миграция агентлиги меҳнатингизни қўллаб-қувватлайди.
💸 50 МИЛЛИОН СЎМ миқдорида мукофот олиш имкониятига эгасиз!
🎯 Танловда иштирок этинг ва энг фаол 50 нафар устозлардан бирига айланинг!
📝 Нима қилиш керак?
▪️gov.uz орқали 2025 йил 30 майга қадар рўйхатдан ўтинг
▪️Ўқувчиларингиз ҳақида маълумот киритинг
▪️Рейтингда иштирок этиб, субсидия эгаси бўлинг!
Хорижда ишлаётган фуқаролар учун янада кенг имкониятлар!
📌Миграция агентлиги хорижда вақтинча меҳнат фаолиятини олиб бораётган ҳамюртларимизни моддий ва ҳуқуқий жиҳатдан қўллаб-қувватлайди!
Чет элда оғир вазиятга тушдингизми?
Соғлигингизда муаммо борми?
Яшаш жойингиз йўқми?
Аёллар ва уларнинг фарзандларига ёрдам керакми?
Болгария парламентидаги учрашув: Ўзбекистоннинг миграция салоҳияти тан олинмоқда
Ўзбекистон фуқаролари учун яна бир эшик очилди – Болгария каби Европанинг тараққий этган давлатида расман ва қонуний ишлаш имконияти кун тартибида!
Миграция агентлиги раҳбари Беҳзод Мусаев ва Болгария Республикаси Парламентининг, меҳнат ва ижтимоий сиёсат қўмитаси раиси Деница Сачева хоним ўртасида расмий учрашув бўлиб ўтди.
Унда меҳнат миграцияси, ишчи кучини тайёрлаш ва фуқароларни ҳуқуқий ҳимоя қилиш каби муҳим масалалар муҳокама қилинди.
Болгар иш берувчилари ўзбекистонликларни интизомли, мослашувчан ва масъулиятли деб баҳолади.
Биз нима таклиф қиляпмиз?
▪️Болгария билан расмий давлатлараро келишув тайёрланмоқда;
▪️ расмий агентлик орқали юбориладиган ишчилар учун тўлиқ ҳуқуқий ва ижтимоий ҳимоя кафолатланади;
▪️молиявий қўллаб-қувватланади.
Фуқароларимизга Европада ишлаш учун янгича, хавфсиз ва қонуний йўл яратилаяпти!
@uzmigration
🇰🇷 Корейс тилини ўргандик, танловларда қатнашдик, энди малакамизни синаб кўрамиз.
Бир гуруҳ юртдошларимиз Кореяда ишлаб чиқариш соҳасида вақтинча меҳнат фаолиятини олиб бориш учун жўнаб кетдилар.
◾️SPAS электрон базасида рўйхатда турганлар учун бепул онлайн корейс тили платформаси хақида ➡️ бу ерда
◾️Офлайн корейс тили курсларида бепул ўқимоқчи бўлганларга ушбу манзилларда таълим олиш ➡️ имконияти бор
Хорижда ишлаш ниятингиз бўлса, бу ва бошқа лойиҳаларда Миграция агентлиги сизни қўллаб қувватлайди.
@uzmigration
#янги_қарор
❗️Эндиликда, Ўзбекистон Республикасининг халқаро шартномаларига мувофиқ реадмиссия* қилинган фуқароларга икки йил давомида хорижга чиқиш биометрик паспортини бериш бўйича давлат хизмати кўрсатилмайди.
Ягона маълумотлар базасига электрон реестр сифатида қуйидагилар киритилади:
🔹Ўзбекистон Республикаси Ташқи ишлар вазирлиги томонидан хориждаги дипломатик ваколатхоналар ва консуллик муассасаларидан олинган маълумотлар;
🔹Ўзбекистон Республикаси Ички ишлар вазирлиги томонидан халқаро шартномаларга мувофиқ реадмиссия қилинган шахслар ҳақидаги маълумотлар;
🔹Вазирлар Маҳкамаси ҳузуридаги Миграция агентлиги ва унинг хориждаги ваколатхоналаридан (вакилларидан) олинган маълумотлар.