51084
Вазирлар Маҳкамаси ҳузуридаги Миграция агентлиги расмий телеграм канали ☎️ 71 200 00 61, 71 202 33 55, 1282 📍Тошкент шаҳри Олмазор тумани Қамарнисо кўчаси 1 уй Website: www.migration.uz
🇸🇰 Словакия – сизнинг касбий ривожланишингиз учун янги манзил!
💼 Миграция агентлиги ишчи гуруҳи Словакияда меҳнат бозори имкониятларини ўрганиб, иш берувчи ташкилотлар билан кенг кўламли учрашувлар ўтказди.
Учрашувларда асосан автомобилсозлик, логистика, қурилиш, қишлоқ хўжалиги ва соғлиқни сақлаш соҳаларида Ўзбекистон фуқароларини меҳнат фаолиятига жалб қилиш имкониятлари муҳокама қилинди.
Словакиялик иш берувчилар томонидан муносиб маош ва яхши иш шароитлари таклиф этилмоқда.
Жумладан:
✔️ Крушовце шаҳридаги етакчи автомобилсозлик корхоналари ишлаб чиқариш линияси операторлари ва карачиларни ишга жалб қилишни режалаштирган.
✔️ Тирана шаҳридаги йирик автомобилсозлик заводи ҳам жорий йилнинг тўртинчи чорагида карачилар учун танловлар ташкил этмоқчи. Бугунги кунда 120 нафар ўзбекистонлик мутахассислар бу компанияда фаолият олиб бормоқда.
✔️ Братислава шаҳридаги рекрутинг агентликлари жорий йилида автомобилсозлик, қурилиш, кран операторлиги соҳаларидаги ишларга ҳамюртларимизни жалб қилишга тайёр.
✔️ Санец ва Бардеёв шаҳарларидаги йирик логистика компаниялари ҳайдовчиларни қабул қиляпти.
🌍 Хорижда ишлаш учун кўниктириш курслари: аҳамияти ва дунё тажрибаси
Чет элда ишлаш истаги — инсон ҳаётидаги катта ўзгариш бўлиб, янгича муҳит, тил, маданият ва қонунларга мослашувни талаб қилади. Шу боис, хорижда муваффақиятли ишлаш учун олдиндан тайёргарлик муҳим.
Бошқа мамлакатда нафақат мутахассис, балки жамиятнинг фаол ва интеграциялашган аъзоси сифатида ҳам муваффақият қозониш лозим.
🌐 Дунёдаги амалиётлар
Жанубий Корея, Германия, Канада, Япония ва Сингапур каби давлатларда хорижий кадрлар учун ташкил қилинган тайёрлов курслари қуйидагиларни ўз ичига олади:
▪️Меҳнат қонунчилиги ва хавфсизлик
▪️Тил ва маданий мослашув
▪️Руҳий, жисмоний ва молиявий тайёргарлик
🇺🇿🇹🇷 Туркиянинг депортация марказларида бўлиб турган 50 нафар ўзбекистонлик аёллар ватанга қайтарилди.
Миграция агентлиги ҳамда Туркия Республикаси Меҳнат ва ижтимоий ҳимоя вазирлиги масъуллари ўртасида Туркияда ноқонуний мақомда бўлиб турган фуқароларимизни легаллаштириш бўйида музокаралар ўтказилди.
Эришилган муҳим натижалар:
▪️Туркияда ноқонуний мақомда бўлиб турган ҳамюртларимизни маъмурий жазосиз рўйхатдан ўтказиш, яшаш ва ишлаш рухсатномаларини бериш (легаллаштириш) таклифи Туркия расмийлари томонидан маъқулланди;
▪️Қариялар ва болаларни парваришлаш, қишлоқ хўжалиги соҳаларида ноқонуний фаолият юритаётган юртдошларимизга ҳуқуқий мақом беришга келишилди;
✈️ Туркия депортация марказларидаги 50 нафар аёлларимизга ватанга қайтиш учун Миграция жамғармаси ҳисобидан авиачипталар харид қилинди;
▪️28 нафарига “ватанга қайтиш гувоҳномаси” расмийлаштирилиб, репатриация жараёни бошланди;
▪️Ўзбекистон ва Туркия ҳукуматлари ўртасида “Ижтимоий ҳимоя тўғрисида”ги янги битим ишлаб чиқишга келишилди.
ЯНГИ ТАРТИБ
2025 йил 30 июндан бошлаб, Россияга вақтинча ёки меҳнат фаолияти мақсадида киришни режалаштираётган хорижий фуқаролар учун “ruID” иловаси орқали электрон рўйхатдан ўтиш ва ариза топшириш имконияти яратилди.
‼️ ЭЪТИБОР БЕРИНГ: Россия томони маълум қилишича, ушбу аризани тўлдириш ихтиёрий ҳисобланади. Агар сиз илова орқали рўйхатдан ўтмасангиз, бу ҳолат чегара назоратига таъсир қилмайди ва Россияга киришни рад этиш учун асос бўлмайди.
📌Россияга киришнинг янги қоидалари ҳақида видео қўлланмани ўзбек тилида кўриш учун ҳавола сўзини устига босинг
🛫 Меҳнат миграцияси — масъулиятли танлов. Биз билан тайёргарлик кўринг!
🇧🇬Болгария — шенген ҳудудидаги иш тажрибасига йўл очувчи муҳим нуқта!
📈 Европанинг юрагида жойлашган бу мамлакатда меҳнат бозори тез ўсмоқда — демографик танқислик ва жадал ривожланаётган иқтисод туфайли қурилиш, саноат, логистика, хизмат кўрсатиш соҳаларида доимий ишчи кучи етишмайди.
🎥 Миграция агентлиги орқали Болгариянинг “United Busness Clubs” компаниясига хизмат кўрсатиш ва қурилиш соҳаларида вақтинча ишлашга кетаётган юртдошларимизни кузатдик, фикрлари билан видеода танишинг.
👷♂️ Сиз ҳам фаол, билимли ва меҳнатсеварлар қаторида Европа бозорида ўз ўрнингизни эгалланг! Миграция агентлиги орқали расмий шартномалар билан ишончли иш жойларига юбориласиз. Бизда тил, ҳуқуқ ва маданият бўйича махсус ўқув дастурлар ҳамда харажатлар учун имтиёзлар ҳам бор.
Ўзбекистон ва Швеция ўртасида миграция соҳасидаги муҳим келишув!
🇺🇿🇸🇪 Миграция агентлиги раҳбари Беҳзод Мусаев ва Швеция Миграция вазири Johan Forssell ўртасида Ўзбекистон ва Швеция миграция соҳасидаги ҳамкорликни мустаҳкамлашга бағишланган учрашув бўлиб ўтди.
Конструктив мулоқотда, ноқонуний миграцияни олдини олиш, инсон ҳуқуқларни ҳимояловчи, қулай, шаффоф ташкиллаштирилган миграция механизмларини яратиш масаласи муҳокама қилинди.
Бугунги кунда Швециядаги демографик жараёнлар туфайли транспорт, қурилиш, саноат, тиббиёт, таълим ва хизмат кўрсатиш соҳаларида кадрлар етишмовчилиги кузатиляпти. Ўзбекистон ушбу мамлакат меҳнат бозорига малакали мутахассисларни тайёрлаш ва олиб кириш учун етарли салоҳиятга эга.
Томонлар қуйидаги асосий ташаббусларни илгари суришди:
▪️икки мамлакат ўртасида марказлаштирилган рақамли платформа яратиш;
▪️қурилиш, логистика ва тиббий хизматлар йўналишларига иш берувчилар талаби асосида ўзбекистонлик юқори малакали кадрларни тайёрлаш ва Швецияда бандлигини таъминлашга қаратилган пилот лойиҳаларини бошлаш.
✍️ Шунингдек, учрашув доирасида миграция ва меҳнат миграцияси соҳасида ҳамкорлик ҳақида қўшма декларация имзоланди, бу ҳамкорлик нолегал миграцияга чек қўйиш, ахборот алмашиш ва консуллик қўллаб-қувватлаш механизмларини мустаҳкамлашга хизмат қилади.
“Ишончим комилки бугун имзоланган тарихий ҳужжат, Ўзбекистон – Швеция муносабатларини янги босқичга кўтариш, ва келажакдаги фаол ҳамкорлигимиз учун муҳим қадам бўлди. Мамлакатингизга илк бор келган бўлсамда, жадал ривожланаётган иқтисодиёт, қолаверса барча соҳалардаги ижобий имкониятлар менда жуда ижобий хиссиётлар қолдирди”,
Сиз хорижда ишлаб даромад топяпсизми? Унда бу маълумот сиз учун жуда муҳим!
Солиқ масаласида керакли видео, яқинларингизга ҳам юборинг — улар учун фойдали бўлиши мумкин!
@uzmigration
🇰🇷 Миграция агентлиги орқали яна бир гуруҳ юртдошларимиз Кореяга йўл олди!
Улар энди Кореяда расмий ва қонуний тартибда, муносиб маош, қулай меҳнат шартлари ҳамда кафолатланган ҳуқуқлар асосида иш бошлашади!
🎥 Видеода юртдошларимиз Агентликдан берилган молиявий имкониятлар, шаффофлик ва меҳнат шартномасини бузмаслик ҳақида алоҳида таъкидлаб ўтишди.
🛫Хорижда ташкиллаштирилган тартибда ишлаш — бу:
▪️ Қонуний шартномалар
▪️ Давлат томонидан назорат
▪️Йўл ва виза харажатлари учун имтиёзлар
▪️Хавфсиз, ишончли иш ўринлари
Yaponiyada bo'lib turgan yurtdoshlarimiz uchun MUHIM OGОHLANTIRISH!
Yaponiya — qonunlarga qat'iy amal qilinadigan, tartibli mamlakat. Ammo ba’zida ayrim odamlar sizni noqonuniy ish yoki xavfli takliflarga undashi mumkin. Shuning uchun quyidagi holatlarga duch kelsangiz aldanmang va rad eting:
▪️"Maoshingni soliqdan ozod qilamiz" — bu noqonuniy;
▪️"Yashirincha qo‘shimcha ishlaylik" — ish vizangiz buzilishi mumkin;
▪️"Kel, qimor o‘ynaymiz" — bunday o‘yinlar ko‘p hollarda noqonuniy va jazolanadi;
▪️"Boshqa tashkilotda ishlayver, men rezident kartani yasatib beraman" — yasama ID kartalardan foydalanmang;
▪️ “Boshqa odamning bank kartalarini ishlatmang va o’z bank kartangizni sotmang”— Bank kartalari savdosi, katta jinoyatlarga qo'shilib qolishingizga sabab bo'lishi mumkin!
🇺🇿🇯🇵 Ўзбекистон – Япония: таълим ва бандликда янги ҳамкорлик!
Жорий йил 27-29 май кунлари Миграция агентлиги раҳбариятининг Японияга хизмат сафари давомида Миграция агентлиги ва Япониянинг 30 минг ишчи кучига эга "Onodera User Run" компанияси ўртасида ҳамкорлик битимини имзолашга келишилган эди.
Кунчиқар мамлакатдаги келишувга кўра, 11 июнь куни "Onodera User Run" компанияси раҳбарияти Ўзбекистонга ташриф буюрди ва Миграция агентлиги билан ҳамкорлик бўйича меморандум имзоланди.
"Биз Ўзбекистон бозорига кириб келаётганимиздан мамнунмиз, Япония стандартларидаги дастлабки ўқув марказимизни Тошкент шаҳрида шу йил сентябрь ойида фаолиятини йўлга қўйишни режалаштираяпмиз.
Лойиҳамизга ўзбекистонлик япон тили ўқитувчиларини таклиф қиламиз, малакасини оширамиз ва улар бизнинг ходимларимиз бўлишади", - деди "Onodera User Run" компанияси президенти Jun Kato
Болгарияда Миграция агентлигининг ваколатхонаси очилиши мумкин
Кўксарой қароргоҳида Ўзбекистон Республикаси Президенти Шавкат Мирзиёев ва Болгария Республикаси Президенти Румен Радевнинг расмий делегациялар иштирокидаги музокаралари бўлиб ўтди.
Унда, Ўзбекистон билан Болгария ўртасидаги амалий ҳамкорликни янада ривожлантиришнинг долзарб масалалари муҳокама қилинди.
Меҳнат ресурслари соҳасида тизимли ҳамкорликни йўлга қўйиш учун София шаҳрида Ўзбекистон Республикаси Миграция агентлигининг ваколатхонасини очиш масаласи кўриб чиқиладиган бўлди.
Официальное обращение в связи с применением силы в ходе рейдовых мероприятий в России
8 июня 2025 года в районе Сокольники города Москвы в ходе проведения мероприятий по проверке правового статуса иностранных граждан, временно осуществляющих трудовую деятельность на территории Российской Федерации, в средствах массовой информации широко обсуждаются сообщения о применении физической силы сотрудниками Росгвардии в отношении граждан.
В настоящее время ожидается официальная информация от правоохранительных органов Российской Федерации по данному инциденту. Генеральное консульство Республики Узбекистан и Представительство Агентства Миграции в Российской Федерации взяли данную ситуацию на контроль.
Согласно имеющейся информации, по итогам рейда были задержаны 5–6 человек, у которых были выявлены нарушения миграционного режима. Для выяснения обстоятельств они были доставлены в отдел внутренних дел. Среди них — двое граждан Таджикистана, которые впоследствии были депортированы.
⚠️ На фоне растущего с каждым годом интереса со стороны Правительства Российской Федерации и крупных работодателей к организованному привлечению граждан Узбекистана на работу в Россию, факты грубого обращения с иностранными гражданами со стороны отдельных представителей правоохранительных органов вызывают сожаление и обеспокоенность.
📢 Кореяга ишлашга кетаётганлар учун муҳим маълумот! Меҳнат шартномаси келганми? Унда бу видеони ўтказиб юборманг!
👷♂️ Кореялик иш берувчиларнинг асосий талаб ва эътирозлари нималардан иборат?
🎓 Е-9 визаси асосида ишлашга кетишдан олдинги кўниктириш дастурларида қандай ўзгаришлар бор?
🔍 Нима учун бу ўзгариш керак бўлди?
🇺🇿🇯🇵Японияда муваффақият калити — япон тилида мулоқот қила олиш!
🤝 Ўзбекистон Республикаси Вазирлар Маҳкамасига ҳузуридаги Миграция агентлиги ҳамда “Japan-China-Asia Medical Educational Cultural Exchange General Incorporated Association” (JCAEMCE) ташкилоти билан ҳамкорлик келишуви имзоланиб, “Японияга 10 минг нафар ўзбек мутахассисларни жалб қилиш лойиҳаси”га старт берилди.
📍Тайёргарлик Ўзбекистонда бошланади:
🇯🇵 “Yapon Mahorat Nuri” курслари Тошкент шаҳри, Самарқанд ва Наманган вилоятларида очилади.
У ерда япон тили, малака имтиҳонларига тайёргарлик ва ишга жойлашиш учун керакли кўникмалар ўргатилади.
🌐 Шунингдек, WiseBridge махсус онлайн платформаси орқали Япониядаги бўш иш ўринларини танлаш ва иш берувчилар билан тўғридан-тўғри боғланиш имконияти яратилмоқда. Ушбу платформа 2025 йил июнь ойида фаолиятни бошлайди.
"Ўзбекистон - ёшлар сони жадал ўсиб бораётган, меҳнат бозорида катта салоҳиятга эга мамлакат сифатида Япониянинг меҳнат миграцияси соҳасидаги ишончли ҳамкорларидан бирига айланмоқда", - деди Япония собиқ бош вазири, JCAEMCE ташкилоти раҳбари Yukio Hatoyama.
Чет элга ишга жўнатаман деган ҳар қандай гапга ишониш мумкинми?
❓"Юқори маош, тезда виза, ҳеч қандай имтиҳонсиз иш!", — деган ваъдалар ортида ким турибди?
Ҳар йили минглаб юртдошларимиз хорижда ишлаш орзусида турли "консалтинг" фирмаларга мурожаат қилишмоқда. Аммо афсуски, уларнинг ҳаммаси ҳам ҳалол фаолият олиб бормайди.
🛑 Ноқонуний фаолият юритаётган фирмаларга қарши давлат органлари қандай чоралар кўряпти?
🎙 Чет элда ишламоқчи бўлган ва алданишни истамайдиганлар учун махсус лавҳамизда — Миграция агентлиги масъулидан, ҳамда фуқароларнинг ўзидан жавоб оламиз.
@uzmigration
#жараён
Германияда вақтинча меҳнат фаолиятини олиб боришни мақсад қилган юртдошларимизнинг ҳужжатларини расмийлаштириш жараёни.
Улар жорий йил август ойида автобус ҳайдовчиси сифатида ушбу мамлакатда иш бошлашади.
Сизда ҳам Германияда ишлаш истаги бўлса бўш иш ўринлари билан танишиш учун ҳавола сўзини устига босинг.
@uzmigration
Muhim xabar!
⚠️Turkiya Respublikasida ishlashni rejalashtirayotgan yoki noqonuniy maqomda ishlayotgan O‘zbekiston fuqarolarini huquqiy maqomlarini qonuniylashtirishga chaqiramiz!
Turkiya hukumati noqonuniy migratsiyaga qarshi qat’iy choralar ko‘rmoqda va ayrim sohalarda (uy xizmatlari, bola va qariya parvarishi, chorvachilik) legallashtirish uchun maxsus imtiyozlar taqdim etilmoqda.
❗️Lekin, bunday imtiyozlar hukumatning rasmiy hujjatlari bilan tasdiqlanmagan va faqat yuqoridagi infografikadagi shartlarga mos kelgan shaxslarga beriladi:
Agar siz ushbu talablarga javob bersangiz, legallashtirish uchun migratsiya boshqarmasiga murojaat qiling, va vaqtinchalik yashash guvohnomasi olish imkoniyatiga ega bo‘ling.
⚠️ Noqonuniy migratsiya bilan bog‘liq barcha muammolardan saqlaning, o‘z huquqingizni himoya qiling! Rasmiy yo‘ldan boring – qonun doirasida legallashing!
📌 Qo‘shimcha ma’lumot va yordam uchun Migratsiya agentligining Turkiyadagi vakolatxonasi: 06550, Anqara shahri, Yıldız-Chankaya tumani, Sanjak mahallasi, 549-ko‘cha, 3-uy.
+90 312 441-17-46
avtm.ankara@mail.ru
📍39.872273,32.863892,1">Lokatsiya
@uzmigration
🇰🇷 Кореяда — меҳнат фаолиятини амалга ошириш учун расмий кузатув
🛫 Миграция агентлиги орқали Кореяда ишлаб чиқариш соҳасида вақтинча меҳнат фаолиятини амалга ошириш учун йўл олган юртдошларимиз белгиланган тартибда тайёргарлик курсларини якунлади, касбий малака ва энг муҳими — корейс тилини етарли даражада ўзлаштирди.
📚 Чет элда самарали меҳнат фаолиятини юритиш учун хорижий тилини билиш ҳал қилувчи аҳамиятга эга. Бу фақат иш топиш эмас, балки ҳуқуқий ҳимоя, хавфсизлик ва янги жамиятга мослашишда асосий омил ҳисобланади.
🎥 Видеодаги юртдошларимиз намунаси - меҳнат, билим ва интилиш орқали ҳар қандай режани амалга ошириш мумкин эканлигини кўрсатмоқда. Улар мақсадларига қонуний, хавфсиз ва расмий йўл билан қадам ташлади.
@uzmigration
Японияда ишни "Tokutei Ginou" визаси билан бошланг!
Аввалроқ Япониядаги 10 000 иш ўрни бўйича шартнома тузиш жараёни бошланганини эълон қилган эдик. Лойиҳа доирасидаги янги дастурни кутиб олинг!
🇯🇵 "Tokutei Ginou" — махсус малакали ишчи визасига тайёргарлик кўриш учун мўлжалланган дастурнинг афзалликлари хақида видеода батафсил билиб олинг!
Иштирок этиш учун талаблар:
▪️18–50 ёш оралиғида бўлиш;
▪️ Жисмонан соғлом ва жавобгарликка тортилмаган;
▪️Япониядан илгари депорт бўлмаганлик.
🇺🇿🇴🇲 Ўзбекистон — Уммон миграция соҳасида ҳамкорлик муҳокамаси
Республика Касбий кўникмалар марказида Миграция агентлиги раҳбарияти ҳамда Уммон султонлиги Меҳнат вазири Махад Саид Баавайн бошчилигидаги делегация ўртасида музокарлар бўлиб ўтди.
Мулоқотда икки давлатнинг миграция йўналишидаги мавжуд имкониятлари таҳлил қилинди.
Уммон ўз аҳолиси сонига нисбатан катта ҳажмда чет эллик ишчиларни қабул қилади, ва бу борада ҳукумат аниқ қоидалар билан иш олиб боради. Мамлакат меҳнат бозорида қурилиш, логистика, маиший соҳа, ҳайдовчилар, шифокорлар ва техник мутахассисларга талаб юқори.
"Давлатимиз меҳнат бозорида йилига 240 минг иш ўрни очилади, шундан 200 минги хорижликлар учун, асосий масала — мутахассисларни малака ва кўникмаси. Меҳнат ҳуқуқларига риоя қилишда жиддий ёндашамиз, лекин буни назорат қилиш учун икки томонлама келишувлар муҳим аҳамиятга эга",
⚠️ МИГРАЦИЯ АГЕНТЛИГИ ОГОҲЛАНТИРАДИ!
🇰🇷 Корея Республикасида E-9 визаси асосида вақтинча ишлаётган юртдошларимизга мурожаат!
▪️Нима сабабдан аксарият фуқаролар Кореяда ишсиз қолмоқда?
▪️Нолегал мақомга ўтишнинг оқибатлари қандай?
▪️Кореядан "депортация" бўлишга нималар асос бўлади?
▪️Уч томонлама шартнома (Фуқаро – Кафил – Агентлик) талабларига амал қилиш шартми?
Россия Федерацияси президенти Владимир Путин Санкт-Петербург халқаро иқтисодий форуми доирасида халқаро ахборот агентликлари раҳбарлари билан учрашув ўтказди.
Ушбу учрашувда Ўзбекистон Миллий ахборт агентлиги раҳбари Абдусаид Кучимов ҳам иштирок этди.
Кучимовнинг Россия ва Ўзбекистон ўртасидаги миграция масалаларига оид саволига жавобан Владимир Путин шундай деди:
"Биз Президент Шавкат Миромонович билан миграция соҳасидаги масалаларни биргаликда ҳал қилиш, Россияда ишлашни истайдиганларни олдиндан тайёрлаш бўйича келишиб олганмиз. Умид қиламанки, бу жараённи муваффақиятли ташкил этишга эришамиз."
Миграция агентлиги Корейс тили ўқитувчиларини ҳамкорликка чақиради!
🤝 Корейс тили бўйича TOPIK 4 сертификатингиз борми?
🤝 EPS-TOPIK имтиҳонларига тайёрлаш бўйича тажрибага эгамисиз? Унда Миграция агентлигидан расмий ҳамкорлик таклифи!
Бизга замонавий педагогик усулларни ўзлаштирган, халқаро таълим лойиҳаларида иштирок этиш истагидаги ўқитувчилар керак!
💼 Нима таклиф қиламиз?
▪️ Мамлакатимизнинг 14 та ҳудудидаги 33 та таълим муассасаларининг бирида қулай ва рақобатбардош шароитда ишлаш;
▪️Иш жойингиздан ажралмаган ҳолда ойига 10 млн сўмгача даромад топиш;
▪️Ўзингизга қулай иш вақтлари;
▪️Халқаро лойиҳаларда иштирок этиш имконияти!
🧐 Биз сиздан нимани кутамиз?
▪️Корейс тили бўйича TOPIK 4 ва ундан юқори даражадаги сертификат;
▪️Замонавий педагогик методикаларни қўллаш қобилияти;
▪️Ўқувчиларга натижага йўналтирилган сифатли таълим бериш кўникмалари.
🇰🇷 🇺🇿 Фарғонадан Самсунггача — меҳнат ва ирода ғалабаси!
🏆Миграция агентлиги орқали Кореянинг машҳур Samsung компаниясига ишга жойлашган 3 нафар фарғоналик йигитлар 20 га яқин давлатдан келган ишчилар орасида ўтказилган "29-Халқаро кемасозлик касблар мусобақаси"да ғолибликни қўлга киритишди!
🥇Ифтиҳоржон Ҳакимов - электр монтажчиси соҳасида олтин медаль. Фарғона тумани, Шоҳимардон МФЙ;
🥇Шерзод Абдуҳамидов - бўёқчилик соҳасида олтин медаль. Бешариқ тумани, Капаянги МФЙ;
🥈Иброҳимжон Носиржонов - электр монтажчиси соҳасида кумуш медаль. Фарғона тумани, Миндон қишлоғи;
Йигитларимиз — фақат чет элда эмас, эртанги кунда мамлакатимиз саноати, ишлаб чиқариш ва инжиниринг соҳалари учун тайёр кадрлардир. Улар қайтиб келиб, ўз билим ва тажрибалари билан Ўзбекистон тараққиётига ҳисса қўшадилар!
#Илм_Ортидан_Ривож
✈️ Сиз япон тилини нолдан бошлаб ўргандингиз. Оқшомлари дарс, кундузи иш, сабр ва тиришқоқлик. Бугун эса — аэропортда, қўлингизда чипта, юзингизда табассум.
🇯🇵💼 "Мен қўлдан келади деб ўйламагандим…" деган фикрлар ортда қолди. Ҳаммаси ўша биринчи қадамдан бошланди.
📹 Кузатув жараёнларини кўринг ва орзуйингиз сари қадам ташлашга илҳомланинг
💬 "Мени ҳам шундай кун кутадими?" деб ўйлаяпсизми?
Ҳа, кутяпти. Фақат бошлаш керак!
🇺🇿🇸🇰 Ўзбекистон - Словакия: Миграция, стратегик ва иқтисодий ҳамкорлик
"Иқтисодий шериклик нафақат товар ва капитал, балки одамларга ҳам боғлиқ. Ўзбекистон 2025 йилда хорижга 200 минггача меҳнат муҳожирини жўнатишни режалаштирмоқда — бу Словакиянинг малакали ва ишончли ишчи кучига бўлган манфаатларига мос келади.
2024 йилда Словакиянинг Тошкентдаги элчихонаси деярли 3000 та меҳнат визаси берган, бу аввалги йилга нисбатан уч баробар кўп.
Биз Ўзбекистон ҳукумати билан виза тартиб-таомилларини соддалаштириш, ҳуқуқий, ахлоқий ва ўзаро манфаатли меҳнат фаолиятини таъминлаш бўйича ишлаяпмиз",- Словакия бош вазири Роберт Фицо
Россиядаги рейд жараёнида куч қўлланилиши ҳолати юзасидан расмий муносабат
2025 йил 8 июнь куни Москва шаҳри Сокольники туманида ушбу давлатда вақтинча меҳнат фаолиятини олиб бораётганларни ҳуқуқий мақомини текшириш учун ўтказилган тадбирлар чоғида Россия Федерацияси Миллий гвардияси (Росгвардия) томонидан фуқароларга нисбатан жисмоний куч қўллангани акс этган хабарлар оммавий ахборот воситаларида кенг муҳокама қилинмоқда.
Айни пайтда мазкур ҳолат юзасидан Россия Федерациясининг ҳуқуқни муҳофаза қилувчи органларидан расмий маълумот кутилмоқда. Ўзбекистон Республикаси Бош консулхонаси ва Миграция агентлигининг Россия Федерациясидаги ваколатхонаси ушбу масалани назоратга олган.
Маълумотларга кўра, рейд якунида ҳужжатларида муаммо аниқланган 5–6 нафар шахс ушлаб қолиниб, ҳолатни аниқлаш мақсадида ички ишлар бўлимига олиб кетилган ва улар орасида икки нафар Тожикистон фуқароси депортация қилинган.
⚠️ Россия Федерацияси Ҳукумати вакиллари ва йирик иш берувчилар томонидан Ўзбекистон фуқароларини ушбу мамлакатга тартибли ва ташкиллаштирилган тарзда ишга жалб қилишга йилдан - йилга кескин қизиқиш ортиб бораётган бир шароитда, айрим ҳуқуқни муҳофаза қилувчи органлар томонидан чет эл фуқароларига нисбатан бундай қўпол муносабатни кузатилиши афсус ва таассуф уйғотади.
Италия билан меҳнат соҳасидаги ҳамкорлик: меморандум ижроси ва қўшма режалар муҳокама қилинди.
Миграция агентлиги раҳбари Беҳзод Мусаев ҳамда Италиянинг Ўзбекистондаги Фавқулодда ва Мухтор Элчиси Piergabriele Papadia de Bottini ўртасида учрашув бўлиб ўтди.
Дўстона мулоқотда, Италия бош вазири Giorgia Meloni хонимнинг жорий йил 29 майдаги мамлакатимизга расмий ташрифи доирасида имзоланган - Миграция ва мобиллик тўғрисидаги Англашув меморандумининг ижроси ва амалиётга жорий қилиш масаласи кўриб чиқилди.
Имзоланган Англашув меморандуми — тарихий ҳужжат, уни устида жуда кўп ишланди, келишувни тезроқ ҳаётга татбиқ қилиш тарафдориман. Миграция муҳим йўналиш саналади, Ўзбекистон эса бу соҳадаги бой тажрибаси билан Марказий Осиёдаги ҳамкорлар учун намуна бўла олади , - деди Италиянинг Ўзбекистондаги Фавқулодда ва Мухтор Элчиси Piergabriele Papadia de Bottini
🇯🇵 Таълим + иш: Ўзбекистонда Японияга ишга тайёрловчи марказлар очилади!
🎓💼 Япониянинг 30 минг ишчи кучига эга "Onodera User Run" компанияси энди юртимизда фаолият бошлайди!
🛫 Миграция агентлиги делегацияси билан учрашув чоғида компания қуйидагиларни маълум қилди:
▪️ Ўзбекистонда 5 та касбий йўналиш: тиббиёт, овқатланиш, қишлоқ хўжалиги, қурилиш ва ижтимоий ҳимоя соҳаларига япон тили ҳамда касбни тўлиқ бепул ўргатувчи марказ очилади;
▪️6 ойлик таълим якунланганидан сўнг, Японияга ишга жойлаштириш кафолатланади (маош 1500 $ атрофида);
🇯🇵 Япония иш берувчилари форуми: Ўзбекистон ёшларига юқори баҳо берилди!
👨💻 Миграция агентлиги ва Ўзбекистон Республикасининг Япониядаги элчихонаси ҳамкорлигида Япониянинг Канагава префектурасида 80 нафар йирик япон компаниялари вакиллари иштирокида иш берувчилар форуми ташкил қилинди.
🎓 Форумда Ўзбекистоннинг инсон ресурслари салоҳияти, ёшларни халқаро меҳнат бозорига тайёрлаш ва миграция жараёнларида олиб борилаётган ислоҳотлар тўғрисида тақдимот ўтказилди.
🏆 Ватандошларимиз фаолият юритаётган япон компаниялари раҳбарлари сўзга чиқиб, юртдошларимизнинг тарбияси, меҳнаткашлиги ва юқори малакасини алоҳида эътироф этди.
"Компаниямизда ишлаётган Ўзбекистонликлар кўникмалари ва жисмоний бақувватлиги билан алоҳида ажралиб туради. Ўзбекистонлик ёшлар Япония меҳнат бозорида энг талаб юқори мутахассисларга айланишига ишонаман ва Сизларни ҳам шундай салоҳият эгалари билан компаниянгизни ривожлантиришга чорлайман!", - деди "Azbiz" компанияси директори Taku Hiyane.