4716
Тошкент вилояти таълим ва фан тизимидаги касаба уюшма аъзолари учун ҳуқуқий, услубий тавсия ва маслаҳатлар.
Диагностика тестидан кам балл олган ўқитувчининг дарси қисқарадими?
@Yurist_Xizmati 5017-савол:
Assalomu alaykum men Toshkent shahridagi maktablardan birida 29 yildan beri faoliyat yuritaman. 2 chi toifam bor , 25 % ustamam bor , 24 soat darsim bor va sinf rahbariman.
2024 yil avgust oyida maktabdan sababini tushuntirishmagan holda DIAGNOSTIKA testiga yuborishdi shunchaki boravering hech narsaga ta‘sir qilmaydi olgan ballingiz deb aytishdi. 2025 yil 13 .02 da maktab rahbariyati tomonidan shunday xabar o‘qib eshittirildi : men diagnostika testida 50 balldan past olganim uchun o‘z xisobimdan 1 oylik malaka kursida o‘qishim shart ekan , darslarim qirqilib 20 soatdan oshishi mumkinmas ekan , ustamam olib tashlanar ekan. Bu xaqida buyruq chiqqanmi ta‘lim vazirligi tomonidan? Bu qanchalik to‘g‘ri ilitimos menga yo‘rdam bering .
ЮРИСТ ЖАВОБИ:
✅ Vazirlar Mahkamasining “Oʻzbekiston Respublikasi Hukumatining ayrim qarorlariga pedagoglarni attestatsiyadan oʻtkazish, kasbiy sertifikatlash va ragʻbatlantirish tizimini takomillashtirishga qaratilgan oʻzgartirish va qoʻshimchalar kiritish toʻgʻrisida”gi qarori qabul qilindi. Unga koʻra:
2025-yil 1-sentabrga qadar:
navbatdagi majburiy attestatsiyaga jalb etilmagan, shuningdek, attestatsiyadan oʻtganlik muddati tugagan va amaldagi malaka toifasi saqlanib qolgan quyidagi pedagoglar majburiy attestatsiyaga jalb etilmaydi hamda ularga amaldagi malaka toifasi boʻyicha haq toʻlanadi:
➖ oliy malaka toifasiga ega boʻlganidan soʻng ushbu toifani 15 yil davomida saqlab kelgan va uzluksiz ish stajiga ega boʻlgan;
➖ pedagogik faoliyat boʻyicha 25 yil va undan koʻp ish stajiga ega boʻlgan;
➖ yoshga doir pensiyaga chiqishi uchun 5 yildan koʻp boʻlmagan vaqt qolgan;
➖ pedagogik faoliyat bilan shugʻullanayotgan pensiya yoshiga toʻlgan pedagoglar;
Shuningdek, quyidagi talablardan biriga javob beradigan pedagoglarga toʻgʻridan-toʻgʻri malaka toifasi beriladi:
➖ pedagogik faoliyat boʻyicha 25 yil va undan koʻp ish stajiga ega boʻlgan pedagoglarga - ularning amaldagi malaka toifasi;
➖ yoshga doir pensiyaga chiqishi uchun 5 yildan koʻp boʻlmagan vaqt qolgan pedagoglarga - ularning amaldagi malaka toifasi;
➖ oliy malaka toifasiga ega boʻlganidan soʻng ushbu toifani 15 yil davomida saqlab kelgan va uzluksiz ish stajiga ega boʻlgan pedagoglarga - oliy malaka toifasi.
2025-2026-oʻquv yilidan boshlab:
➖ taʼlim tashkilotlarida faoliyat yuritayotgan musiqa madaniyati va jismoniy tarbiya fani pedagoglari, pensiya yoshidagi pedagoglar hamda oliy maʼlumotga ega boʻlmagan pedagoglar belgilangan tartibda attestatsiyadan oʻtkaziladi.
👉 Vazirlar Mahkamasining 2021-yil 17-sentabrdagi 572-son qaroriga kiritilayotgan oʻzgarishlar koʻra:
➖ joriy yildan boshlab davlat maktabgacha va umumtaʼlim tashkilotlarining psixolog kadrlari ham attestatsiyadan oʻtkaziladi hamda tegishli malaka toifalari beriladi;
➖ kamida B+ darajadagi umumtaʼlim fanini bilish darajasi toʻgʻrisida sertifikatga ega fan oʻqituvchilariga (boshlangʻich taʼlim oʻqituvchilari bundan mustasno) navbatdagi majburiy attestatsiyada mutaxassislik fani va kasb standarti boʻyicha bilim darajasini aniqlash boʻyicha malaka sinovidan maksimal ball beriladi hamda ular ushbu oʻquv fani boʻyicha malaka sinovidan ozod etiladi;
➖ attestatsiyadan oʻtkazish va malaka toifalari berish tizimi vakolatli xorijiy tashkilotlar akkreditatsiyasidan oʻtkazilgandan soʻng, attestatsiyada 86 va undan yuqori ball olgan pedagoglarga bazaviy tarif stavkasining 70 foiz miqdorida ustama belgilanadi;
➖ oliy maʼlumotga ega boʻlmagan pedagog kadrlarga malaka toifalari berilmaydi. Ular 55 ball va undan yuqori koʻrsatkichga ega boʻlsa, attestatsiyadan oʻtgan hamda lavozimi saqlangan, 55 balldan kam koʻrsatkichga ega boʻlsa, attestatsiyadan oʻtmagan, oʻqituvchi lavozimiga muvofiq emas, deb hisoblanadi;
➖ umumiy oʻrta taʼlim maktablarining musiqa madaniyati va jismoniy tarbiya fani oʻqituvchilari uchun birinchi bosqich (test) sinovlari Maktabgacha va maktab taʼlimi vazirligi tomonidan, ikkinchi bosqich (amaliy) sinovlari tegishli ravishda Madaniyat va Sport vazirliklari tomonidan tashkil etiladi;
👉 Vazirlar Mahkamasining 2022-yil 2-avgustdagi 425-son qaroriga kiritilayotgan oʻzgarishlarga koʻra:
➖ kelgusi yildan boshlab maktabgacha taʼlim tashkilotlari tarbiyachilari ham Maktabgacha va maktab taʼlimi vaziri jamgʻarmasidan ustama olishlari mumkin;
➖ Vazir jamgʻarmasiga nomzodlar avvalgi yilning yanvar-iyun va sentabr-dekabr oylarida oʻtkazilgan malaka sinovlarining birinchi bosqich natijalariga koʻra, umumiy ballning kamida 80 foizini qoʻlga kiritgan fan oʻqituvchilari hamda maktabgacha taʼlim tashkilotlari tarbiyachilari orasidan tanlab olinadi. Bunda hududlar kesimida fan yoʻnalishlari boʻyicha taqsimlangan har bitta kvota uchun uchta nomzod tanlanadi.
@generalissimo_marshal
Муборак Рамазон ойи кириб келиши муносабати билан Ўзбекистон халқига табрик
—
Поздравление народу Узбекистана с наступлением священного месяца Рамадан
Prezident.uz|Facebook|Instagram|YouTube|X
Сертификатга эга ходим икки иш жойидан ҳам устама олишга ҳақлими?
@Yurist_Xizmati 4999-савол:
Assalomu alaykum men pedagogman 2 ta joyda ishlayman maktab va bogchada. Yaqinda 50% ustama tolanadigan sertifikat oldim. 50% ustamani maktabdan ham bogchadan ham olsam boladimi. Asosiy ish joyim maktab. Bazilardan sorasam 2 ta joyda ishlarkan ikkalasidan ham ustama olarkan. Menga qonuniy, faktlar bilan javob bersangiz iltimos.
ЮРИСТ ЖАВОБИ:
Ўзбекистон Республикаси Президентининг 11.05.2022 йилдаги ПФ-134-сон Фармони 9-бандига кўра халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 ва 20 фоиз миқдорида ҳар ойлик қўшимча устама тўланиши белгиланган.
Ушбу фармон ижросини таъминлаш мақсадида Мактабгача ва мактаб таълими вазирлиги ҳамда Иқтисодиёт ва молия вазирлигининг 2023 йил 28 июлда 25-сонли қўшма қарор ишлаб чиқилган ва бу қарор 1-августдан кучга кирган.
Энди қаранг! Ўзбекистон Республикаси Олий таълим, фан ва инновациялар вазирлигининг 2024-йил 4-апрелдаги 4-қ/қ-сон ва Мактабгача ва мактаб таълими вазирлигининг 2024-йил 2-апрелдаги 3-мҳ-сон қарори (рўйхат рақами 3515)га иловада Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар Рўйхати тасдиқланган.
Унинг 4-бобида Умумий ўрта, ўрта махсус ва профессионал таълим тизимида фаолият юритаётган педагог ходимларга устама белгилашда қўлланиладиган умумтаълим фанлари бўйича миллий ва халқаро тан олинган сертификатлар Рўйхати мавжуд.
Шунингдек, юқоридаги қарорга асосан умумий ўрта, ўрта махсус ва профессионал таълим тизимида фаолият юритаётган ўқитувчиларга (шу жумладан, соатбай, ўриндош, стажор ўқитувчи, директор ва директор ўринбосарлари) ўзи дарс берадиган фани бўйича сертификатга эга педагог ходимларга ҳар ойлик қўшимча устама тўланади.
Демак, сиз ҳам ўриндошлик асосидаги иш жойингиздан устама олишингиз мумкин.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Жамғармада пул етмаяпти деб тайинланган устамани камайтириш тўғрими?
@Yurist_Xizmati 4997-савол:
Maktabda o'qituvchi bo'lib ishlayman 35 % ustama olaman endi direktor jamg'armasidagi pul yetmayabdi deb maktabdagi xamma o'qituvchilarni ustama foizini 10 -15 foizga qisqartiryabdi. Asos direktor jamg'armasidagi pul ozligi ekan.Ulug'nor tumanidagi xamma maktablarda shu ahvol. Yanvardan Smeta tasdiqlansa bu narsalar xisobga olinmaydimi. Qayega borsang bor deyishyabdi .shu ish qonunan to'g'rimi. Tuman XTB mudiri topshirig'i deyabdi zavuch
ЮРИСТ ЖАВОБИ:
Устама ўқитувчининг бир ўқув йилидаги натижаларига қараб белгиланади. Бунда ўқитувчининг маълум муддат меҳнатга қабилятсиз бўлиши, декрет таътили олиши, малака оширишга бориши устамага даъвогарлик қилишга таъсир кўрсатмайди.
Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомнинг 20-бандига кўра педагог ходимларининг базавий тариф ставкаларига ҳар ойлик устамалар:
тарбиявий жараённинг амалга оширилиш сифати ва самарадорлигига;Низомнинг 21 – бандига кўра умумтаълим муассасалари педагог ходимларининг базавий тариф ставкаларига Жамғарма ҳисобидан ҳар ойлик устамалар янги ўқув йили учун ўтган ўқув йили якунлари бўйича белгиланади.
синфдан ташқари ишларга ҳамда ўқувчиларни инсонпарварлик ва меҳр-оқибат руҳида тарбиялашга;
тегишли синфлар ва ўқув фанлари учун тасдиқланган умумий ўрта таълимнинг давлат таълим стандартларида назарда тутилган билимлар ва кўникмалар тўлиқ ҳажмининг ўқувчилар томонидан ўзлаштириб олиниши даражасига;
ўқув жараёнига қўшилган аниқ ҳисса, ўқитишнинг юқори самарадорлиги ва сифати учун 40 фоизгача миқдорда белгиланади.
Декретга кетган ўқитувчининг дарслари соатбай асосда бериладими?
@Yurist_Xizmati 4989-савол:
Assalomu alaykum! Men Texnalogik taʼlim yoʻnalishini 5-kurs (sirtqi) taʼlimda oʻqiyman va ishlayman. Tasviriy sanʼat va chizmachilik oʻqituvchisi oʻrindosh boʻlib ishlaydi ekan. Hozirgi kunda Dekret taʼtiliga chiqqanligi sababli menga buyruq chiqargan edi. Menga Chasavoy qilib ish haqqi ishlapti. Endi bu buyruqqa notoʻgʻri xulosa bergan deb MMIBDOʻ menga tel qilib oʻyligimni qaytarvolish haqida ogohlantirdi. Tasviriy sanʼat menga taʼrif qilsa boʻladimi menga qonuniy yoʻl koʻrsating. Javob uchun rahmat
Ногиронлиги бўлган шахсларнинг фарзандларига боғча пули учун имтиёз борми?
@Yurist_Xizmati 4987-савол:
Ассалому алайкум.Менинг саволим шундай, Келиним бахтсиз ходиса туфайли 1-гурух ногирони булиб колди. Фарзанди болалар богчасига боради. Шунга онаси ногиронлиги шахс булганлиги сабабли.фарзандига богча бадал пулидан озод киладиган имтиёз борми?. Олдиндан рахмат.
ЮРИСТ ЖАВОБИ:
Мактабгача таълим ташкилотлари ва мактаб-интернатлардаги болалар таъминотига ҳақ тўлаш тартиби тўғрисидаги Низом (рўйхат рақами 2821) 19-бандига кўра мактабгача таълим ташкилотларидаги (мактаб-интернатлардаги) болалар умумий сонининг 15 фоизи доирасида «Ижтимоий ҳимоя ягона реестри» ахборот тизими орқали кам таъминланган деб эътироф этилган оилалар фарзандлари тўловдан озод қилинади.
Бунда, биринчи навбатда ота-оналаридан бири ёки иккаласи I ёхуд II гуруҳ ногиронлиги бўлган кам таъминланган оила фарзандларига, шунингдек, ўртача ойлик жами даромади энг паст даражада бўлган кам таъминланган оила фарзандларига имтиёз берилади.
Шунга кўра келинингиз ҳам кам таъминланган оила рўйхатига киритилган бўлса, ушбу имтиёз тақдим этилади.
Бунда низом 20-бандига мувофиқ тўловдан озод қилинадиган болалар рўйхати кам таъминланган оилаларнинг фарзандлари учун «Ижтимоий ҳимоя ягона реестри» ахборот тизими орқали берилган оила кам таъминланган деб эътироф этилганлиги тўғрисидаги маълумотнома асосида шакллантирилади.
Мазкур маълумотнома эса ДМТТ томонидан «Электрон ҳукумат» тизими идоралараро интеграциялашув платформаси орқали сўраб олинади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Хотин-қизлар куни байрами арафасида дам олиш кунлари қандай бўлади?
Бу йил 8 март — Хотин-қизлар куни байрами ҳафтанинг шанба кунига тўғри келади.
Меҳнат кодексига кўра, дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.
Шунга кўра, байрам арафасида беш кунлик иш ҳафтасида ишловчи ходимларнинг дам олиш кунлари қуйидагича бўлади:
8 март, шанба – байрам куни, дам олиш куни;
9 март, якшанба – дам олиш куни;
10 март, душанба – қўшимча дам олиш куни. Ушбу хабарни ишлайдиган аёл ва қизларга улашиб қўямиз.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
⚡️ 8 март байрамида неча кун дам оласиз?
Бу йил 8 март — Хотин-қизлар куни байрами ҳафтанинг шанба кунига тўғри келади.
Меҳнат кодексига кўра, дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.
Шунга кўра, байрам арафасида беш кунлик иш ҳафтасида ишловчи ходимларнинг дам олиш кунлари қуйидагича бўлади:
8 март, шанба – байрам куни, дам олиш куни;
9 март, якшанба – дам олиш куни;
10 март, душанба – қўшимча дам олиш куни.
📌 Касаба уюшмаси фаолияти ҳақида кўпроқ билмоқчимисиз? Бизни кузатишда давом этинг!
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Ходим 23 кунлик меҳнат таътилига чиққан таътилнинг 10 кунидан уни ишга чақириб олиш тартиби қандай бўлади?
МКнинг 232-моддасига асосан ҳар йилги меҳнат таътилидан чақириб олишга таътилнинг исталган вақтида фақат ходимнинг розилиги билан йўл қўйилади. Шу муносабат билан таътилнинг фойдаланилмай қолган қисми ходимга мазкур иш йили давомида бошқа вақтда берилиши ёки ушбу Кодекснинг 230 ва 231-моддаларида назарда тутилган талабларга риоя этилган ҳолда кейинги иш йилида берилиши керак.
Жуда кўпчилик мазкур модданинг биринчи нуқтасигача ўқийди-да ходимнинг розилиги билан ходимни таътилдан исталган вақтда чақириб олиш мумкин деб ўйлайди. Бироқ ходимни таътилдан чақириб олишда МКнинг 230-231-моддаларига эътибор бериш керак.
Мазкур моддаларда таътилдан чақириб олишда қандай талаблар бор?
МКнинг 230-моддаси Ҳар йилги меҳнат таътили ҳар йили, ушбу таътил берилаётган иш йили тугагунига қадар берилиши керак. Яъни ходимга иш йили тугагунга қадар таътил берилиши керак. Яъни ходимни таътилдан чақириб олиб, таътилнинг қолган қисмини кейинги йилга кўчиришнинг имконияти йўқ. Бироқ, ишлаб чиқариш хусусиятига эга сабабларга кўра жорий йилда ҳар йилги меҳнат таътилини тўлиқ бериш имкони бўлмаган алоҳида ҳолларда ходимнинг розилиги билан таътилнинг ўн тўрт календарь кундан ортиқ бўлган қисми кейинги иш йилига кўчирилиши мумкин бўлиб, ушбу йил давомида ундан фойдаланилиши шарт. (МК 230-м 2қ)
МКнинг 231-моддасига асосан ходим ва иш берувчи ўртасидаги келишувга кўра ҳар йилги меҳнат таътили қисмларга бўлиниши мумкин. Бунда ушбу таътилнинг ҳеч бўлмаганда бир қисми ўн тўрт календарь кундан кам бўлмаслиги керак.
Яъни ходимни меҳнат таътилидан исталган вақтда чақириб олишнинг имкони йўқ, чунки, МКнинг 231-моддаси талаби бўйича ходим таътилнинг камида бир қисми 14 календар кунидан фойдаланиши шартлигини кўрсатмоқда.
Масалан, ходимга 23 кун йиллик таътил берилмоқда, бироқ унинг 10 кунида иш берувчи ишга чақириб олмоқда, МКнинг 231-м талаби бўйича эса таътил қисмларга бўлинганда унинг бир қисми 14 календар кундан кам бўлиши мумкин эмас.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Эндиликда камбағал оиланинг фарзандига таълим кредити фоизсиз берилади, қўшимча грант ажратилади, контракт тўловининг бир қисми қоплаб берилади.
Яна бир янгилик – иқтидорли, билимга чанқоқ, лекин оғир оилавий шароити сабабли ўқиш имкониятига эга бўлмаган ёшларни хорижда ўқитиш бўйича янги тизим – “Ёрқин истеъдод” лойиҳаси жорий этилади.
Бунда ҳар бир маҳалладан ижтимоий ҳимояга муҳтож, билимга чанқоқ ёшлар саралаб олиниб, иқтидори аниқланади. Уларнинг салоҳиятига мос хорижий олийгоҳ танланиб, тайёргарлик курсларида ўқитилади.
Хорижда таълим олиб қайтган ёшлар Миллий кадрлар захирасига тўғридан-тўғри киритилади, улар давлат органларига танловсиз ишга олинади.
Ҳар йили саралашдан ўтган 1 минг нафар ёшлар дунёнинг “топ-100” олийгоҳларига юборилиб, ўқиш ва яшаш харажатлари қоплаб берилади.
Энергетика, транспорт, урбанизация, замонавий архитектура, тиббиёт йўналишларида “Эл-юрт умиди” жамғармаси квоталари кўпайтирилади.
Бундан ташқари, дунёнинг нуфузли “топ-100” олийгоҳларида илмий даража олган 35 ёшгача бўлган ёш олимларга уй-жой учун 10 йил муддатга 800 миллион сўмгача фоизсиз ссуда ажратилади.
Нуфузли халқаро фан олимпиадаларида ғолиб ва совриндор бўлганлар учун бир марталик пул мукофоти миқдори 5 карра оширилади.
Ҳарбий олийгоҳларнинг намунали тингловчилари учун “Олий бош қўмондон” давлат стипендияси жорий этилади.
Ёшларни илмга қизиқтирувчи медиа контентлар, энг яхши интеллектуал шоулар яратишга Ёшлар агентлиги томонидан 100 миллион сўмгача грантлар ажратилади.
Ёшларда табиатга меҳрни ошириш, атроф-муҳитни муҳофаза қилишга қаратилган лойиҳаларини қўллаб-қувватлаш учун “Яшил ташаббусларни қўллаб-қувватлаш жамғармаси” ташкил қилинади.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Ҳар йилги қўшимча таътиллар ҳам асосий таътилга қўшиладими? Таътилларни жамлаб ҳисоблаш нима дегани?
Ммеҳнат кодексининг 222-моддаси 1-қисмига кўра, ҳар йилги меҳнат таътилининг умумий давомийлигини ҳисоблаб чиқаришда қўшимча таътиллар ҳар йилги асосий энг кам таътил ёки ҳар йилги асосий узайтирилган таътилга қўшиб жамланади.
Бу нима дегани? масалан ходимнинг ҳар йилги асосий энг кам таътили 21 каленьдар кунни ташкил қилади, унга меҳнат кодексининг 481-моддаси, 483-моддаси, 220-моддаарига асосан қўшимча таътил берилганда асосий таътил ҳисобланган 21 кунга қўшиб ҳисобланади ва қўшимча таътиллар учун ҳам ўртача ойлик иш ҳақининг сақланиши кафолатланади.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Дарс вақтида ўқувчига зарар етса, ўқитувчи айбдорми?
@Yurist_Xizmati 4985-савол:
Assalomu aleykum jismoniy tarbiya fani oqtuvchisi dars paytida sport maydonchasidagi temirga boshini urib yorgan oquvchini ota onasi oqtuvchini ustidan yozyapdi ketgazgan harajatlarini qoplab berishini sorab shu qanchalik togri? O‘quvchi yugurib boryotgan paytida urilib ketib yorilgan qonagan va tiktirgan
ЮРИСТ ЖАВОБИ:
Бу ҳолатда ўқитувчига бирор чора кўриш мутлақо ноўрин бўлади. Ундан ташқари ўша боланинг йиқилиб тушишига ўқитувчининг ҳаракатлари сабаб бўлмаган бўлса, унга етказилган зарарни ўқитувчи қопламайди.
Биринчидан, Мактабгача ва мактаб таълими вазирининг 2023-йил 31-августдаги 282-сон буйруғига 1-иловада тасдиқланган Умумий ўрта таълим муассасасининг такомиллаштирилган намунавий одоб-ахлоқ қоидаларида ўқитувчининг мажбуриятлари белгиланган. Бироқ улар қаторида ўқувчиларни дарс вақтида йиқилиб тушмаслигини олдини олиш деган мажбурият йўқ.
Шунинг учун бу ҳаракат ўқитувчига интизомий таъсир чораси қўллашни истесно этади. Чунки интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади.
Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.
Иккинчидан, Фуқаролик кодексининг 985-моддасига кўра ғайриқонуний ҳаракат (ҳаракатсизлик) туфайли фуқаронинг шахсига ёки мол-мулкига етказилган зарар, шунингдек юридик шахсга етказилган зарар, шу жумладан бой берилган фойда зарарни етказган шахс томонидан тўлиқ ҳажмда қопланиши лозим.
Шундай экан, агар ўқитувчи зарар етказмаган бўлса, унга зарарни қоплатиб бўлмайди.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Ҳар йилги қўшимча таътиллар ҳам асосий таътилга қўшиладими? Таътилларни жамлаб ҳисоблаш нима дегани?
Ммеҳнат кодексининг 222-моддаси 1-қисмига кўра, ҳар йилги меҳнат таътилининг умумий давомийлигини ҳисоблаб чиқаришда қўшимча таътиллар ҳар йилги асосий энг кам таътил ёки ҳар йилги асосий узайтирилган таътилга қўшиб жамланади.
Бу нима дегани? масалан ходимнинг ҳар йилги асосий энг кам таътили 21 каленьдар кунни ташкил қилади, унга меҳнат кодексининг 481-моддаси, 483-моддаси, 220-моддаарига асосан қўшимча таътил берилганда асосий таътил ҳисобланган 21 кунга қўшиб ҳисобланади ва қўшимча таътиллар учун ҳам ўртача ойлик иш ҳақининг сақланиши кафолатланади.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ҳиндистонлик калкулятор-одам Аарян Шукла мияда ҳисоблаш тезлиги бўйича олтита жаҳон рекордини ўрнатди.
14 ёшли вундеркинд 30,9 сонияда 100 та тўрт хонали рақамни ва 18,71 сонияда 50 та беш хонали рақамни тўғри қўшиб рекорд ўрнатди, шунингдек, кўпайтириш ва бўлиш бўйича ҳам бир нечта рекордларни янгилади — у буларнинг барчасини бир уринишда уддалади.
Бу вақт ичида калкуляторга ҳаммасини киритишга ҳам улгурмаймиз
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Энди айрим тоифадаги ўқитувчилар аттестациядан ўтмайди
Вазирлар Маҳкамасининг 28.02.2025 йилдаги 130-сон қарори билан педагог кадрларни аттестациядан ўтказиш ва касбий сертификатлаш масалалари билан боғлиқ Ҳукуматнинг айрим қарорларига ўзгартириш ва қўшимчалар киритилади
Бунда халқаро стандартлар асосида малака тоифасини олган педагог ходимларга уларнинг амалдаги тариф ставкасининг 70 фоизи миқдорида устама ҳақ тўланади.
Ҳужжат билан 2025 йил 1 сентябргача навбатдаги мажбурий аттестациядан ўтмаган педагоглар, шунингдек аттестация муддати тугаган педагоглар мажбурий аттестацияда иштирок этмаслиги ва уларга амалдаги малака тоифаси (лавозими)га мувофиқ иш ҳақи тўланиши белгиланди.
Қуйидаги тоифадаги педагогларга тегишли малака тоифаси (лавозими) берилади:
олий малака тоифасини (бош ўқитувчи) олгандан сўнг мазкур лавозимни 15 йил давомида сақлаб келган ва узлуксиз иш стажига эга бўлган – олий малака тоифаси (бош педагог лавозими);
25 йил ва ундан ортиқ педагогик стажга эга бўлган – амалдаги касбий тоифаси (лавозими);
пенсия ёшига 5 йилдан кам қолган, шунингдек пенсия ёшига етган ва педагоглик фаолияти билан шуғулланаётганлар – амалдаги малака тоифаси (лавозими).
таълим ташкилотларида ишлайдиган мусиқа ва жисмоний тарбия ўқитувчиларини, пенсия ёшидаги педагогларни, олий маълумотга эга бўлмаган педагогларни аттестациядан ўтказиш;
Мактабгача ва мактаб таълими вазирлиги тизимида ишлаётган малакали педагог кадрлар ва илғор ходимларни рағбатлантириш;
Мактабгача ва мактаб таълими вазири жамғармаси фаолиятини такомиллаштириш.
Ишдан ҳайдаш учун нималар асос бўлади?
@Yurist_Xizmati 5014-савол:
Ассалому алейкум.Ишдан хайдаш учун нималар асос булолади?
ЮРИСТ ЖАВОБИ:
Ходим билан тузилган меҳнат шартномасини иш берувчининг ташаббуси билан бекор қилишнинг (сизнинг сўзингиз билан айтганда, ишдан ҳайдашнинг) асослари Меҳнат кодексининг 161-моддасида белгиланган.
Ушбу норманинг иккинчи қисмига кўра Қуйидаги сабаблардан (асослардан) бирининг мавжудлиги меҳнат шартномасини бекор қилишнинг асосланганлигини билдиради:
1) ташкилот (унинг алоҳида бўлинмаси) ўз муассисларининг (иштирокчиларининг) ёки таъсис ҳужжатлари билан бунга ваколат берилган юридик шахс органининг қарори билан тугатилганлиги ёхуд якка тартибдаги тадбиркор томонидан фаолиятнинг тугатилганлиги;
2) технологиянинг, ишлаб чиқариш ва меҳнатни ташкил этишнинг ўзгариши, ишлар (маҳсулот, хизматлар) ҳажмининг қисқариши билан боғлиқ бўлган ташкилот (унинг алоҳида бўлинмаси), якка тартибдаги тадбиркор ходимлари сонининг ёки штатининг ўзгарганлиги;
3) ходимнинг малакаси етарли бўлмаганлиги сабабли эгаллаб турган лавозимига ёки бажараётган ишига мувофиқ эмаслиги;
4) ходимнинг ўз меҳнат мажбуриятларини мунтазам равишда бузганлиги. Аввал меҳнат мажбуриятларини бузганлиги учун ходим интизомий ёки моддий жавобгарликка тортилган ёхуд унга нисбатан меҳнат тўғрисидаги қонунчиликда ва меҳнат ҳақидаги бошқа ҳуқуқий ҳужжатларда назарда тутилган таъсир чоралари қўлланилган кундан эътиборан бир йил ичида ходим томонидан такроран интизомий ножўя ҳаракат содир этилганлиги меҳнат мажбуриятларини мунтазам равишда бузишдир;
5) ходимнинг ўз меҳнат мажбуриятларини бир марта қўпол равишда бузганлиги. Ходим билан тузилган меҳнат шартномасини бекор қилишга олиб келиши мумкин бўлган меҳнат мажбуриятларининг бир марта қўпол равишда бузилишлари рўйхатини белгилаш ушбу Кодекснинг 162-моддасига мувофиқ амалга оширилади;
6) ушбу Кодексда ва бошқа қонунларда белгиланган ўзга сабаблар (асослар).
Айнан шу ҳолатлардан бирининг мавжудлиги ходимни ишдан бўшатиш учун асос бўлади. Агар ҳолатни батафсил баён қилсангиз, саволингизга аниқ жавоб беришимиз мумкин.
#Кадровик
Иш берувчи жамоа шартномасида белгиланган таътилларни бермасликка ҳақлими?
Саволдан ҳайратланишга ҳожат йўқ, меҳнат кодексида белгиланган таътиллардан ташқари корхонанинг жамоа шартномасида шу таътилларга қўшимча таътил кунлари белгиланиши мумкин. Масалан, аксарият ташкилотларнинг жамоа шартномасида МКда белгиланган энг минимал таътилларга қўшимча 3 кун қўшимча таътил берилиши назарда тутилади. Савол юборувчи мана шу 3 кунлик қўшимча таътилни назарда тутмоқда.
Иш берувининг мана шу 3 кунлик таътилни бермасликка ҳақлими? (Иқтисодий томондан бу пулни бермаса анчагина пул тежайди)
Меҳнат кодексининг 219-моддасига асосан МКнинг 481, 483, 420 моддаларидан ташқари, қонунчиликда, жамоа келишувларида, шунингдек жамоа шартномасида, ички ҳужжатларда, меҳнат шартномасида назарда тутилган бошқа ҳолларда берилади. Яъни йиллик қўшимча таътилни беришда МКда белгиланган қўшимча таътилларни бериш қандай мажбурият бўлса, жамоа келишувларида, жамоа шартномасида белгиланган қўшимча таътилларни бериш ҳам иш берувчилар учун шундай мажбурий ҳисобланади.
МКнинг 67-моддасига асосан ташкилотнинг иқтисодий имкониятлари ҳисобга олинган ҳолда, жамоа шартномасида бошқа шартлар, шу жумладан меҳнат тўғрисидаги қонунчиликда ва меҳнат ҳақидаги бошқа ҳуқуқий ҳужжатларда белгиланган нормалар ҳамда қоидаларга нисбатан имтиёзлироқ меҳнат шартлари ва ижтимоий-иқтисодий шартлар (қўшимча таътиллар, пенсияларга устамалар, муддатидан олдин пенсияга чиқиш, транспорт ва хизмат сафари харажатларини компенсация қилиш, ходимларни ишлаб чиқаришда ҳамда уларнинг фарзандларини умумий ўрта таълим ташкилотларида ва мактабгача таълим ташкилотларида бепул ёки қисман ҳақ тўланадиган тарзда овқатлантириш, уяли алоқа, Интернет жаҳон ахборот тармоғи учун ҳақ тўлаш, олий таълим ташкилотларида ўқитиш учун ссудалар тўлаш ва ҳақ тўлаш, бошқа қўшимча имтиёзлар ва компенсациялар) ҳам бўлиши мумкин.
Шунингдек, МКнинг 214-моддасига асосан иш берувчи ходимларга жамоа келишувларида, шунингдек жамоа шартномасида ва меҳнат ҳақидаги бошқа ҳуқуқий ҳужжатларда ёхуд меҳнат шартномасида назарда тутилган таътиллар соҳасидаги қўшимча ҳуқуқ ва кафолатларни бериши шарт.
Юқоридагилардан хулоса қилиш мумкинки, иш берувчи учун жамоа шартномасидаги таътилларни беринг мажбурий ҳисобланади. Қандайдир баҳоналар билан жамоа шартномасидаги таътилларни бермаслик бу ҳуқуқбузарликдир.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Мактабда дарс тақсимотини директор қиладими ёки метод бирлашма раҳбари?
@Yurist_Xizmati 4998-савол:
Assalom alaykum, maktabda dars taqsimotini direktor qiladimi yoki metod birlashma rahbari qiladimi?
ЮРИСТ ЖАВОБИ:
Мактабда дарслар “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами 3271) асосида тарификация қилинади.
Бунда низом 15-бандига кўра умумтаълим муассасалари томонидан шакллантирилган дарс соатлари сеткаси умумтаълим муассасасининг педагогик кенгаши томонидан икки иш куни ичида кўриб чиқилиб, ҳар йили 15 сентябрга қадар ўқитувчиларга дарс соатлари кўрсаткичлар устувор кетма-кетлиги асосида тақсимланади.
Эътибор берган бўлсангиз, қоидада дарслар “педагогик кенгаш” томонидан тақсимланиши белгиланган.
Қаранг! Умумий ўрта таълим муассасасининг педагогик кенгаши тўғрисидаги намунавий Низом 6-бандига кўра педагогик кенгаш таркиби умумтаълим муассасаси директори, директор ўринбосарлари ва педагог ходимлардан иборат бўлади.
Бунда умумтаълим муассасасининг ҳар бир педагог ходими ишга қабул қилинган пайтдан бошлаб педагогик кенгашнинг аъзоси ҳисобланади.
Шунингдек, низом 8-бандида умумтаълим муассасаси директори педагогик кенгаш раиси ҳисобланган.
Шунга кўра сизлардаги ҳолатда дарслар директор раислик қиладиган педагогик кенгаш томонидан тақсимланади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ishga qabul qilishda kimlarga dastlabki sinov belgilanmaydi?
▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);
▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;
▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;
▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;
▪️6 oygacha muddatga mehnat shartnomasi tuzilayotgan xodimlar;
▪️18 yoshga to‘lmagan shaxslar;
▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;
▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Баҳоларни ўз вақтида қўймайдиган ўқитувчиларга қандай чора кўриш мумкин?
@Yurist_Xizmati 4988-савол:
Assalomu aleykum. Men ingliz tili fani o'qituvchisiman. 6 A sinfidan Bsb 3 ni oldim. Lekin baholarni 17 kun kechigib qo'ydim. Va buning uchun zavuchim tushuntirish xatini yozdirdi. Boshqa takrorlanmaydi agarda takrorlansa chora ko'rilishiga roziman deb yozdim. Menga og'zaki holda oyligingnan ushlayman dedi. Men 200 mingdan ushlanadi deb o'ylab xo'p dedim. Lekin 500 ming ushlangan. Shu to'g'rimi? Oldinnan raxmat
ЮРИСТ ЖАВОБИ:
Интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади.
Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.
Шунга кўра сиздаги ҳолатда баҳоларнинг ўз вақтида қўйилмаслиги, бу меҳнат интизомини бузиш ҳисобланиши мумкин.
Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:
1) ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин.
3) меҳнат шартномасини бекор қилиш.
📣 2024-2025-o‘quv yilida eksternat tartibida yakuniy davlat attestatsiyasi o‘tkaziladigan maktablar belgilandi
✅ Fuqarolarning umumiy o'rta ta'lim olish bo'yicha konstitutsiyaviy huquqini ta'minlash maqsadida turli sabablarga ko‘ra umumiy o‘rta ta’limni tugatmagan fuqarolarga eksternat tartibida yakuniy davlat attestatsiyasini topshirish imkoniyati beriladi.
✅ Vazirlar Mahkamasining 2022-yil 1-iyundagi tegishli qarori bilan tasdiqlangan Reglamentga muvofiq:
➖ eksternat tartibida yakuniy davlat attestatsiyasida ishtirok etish uchun arizalar joriy yilning 1-martidan 1-mayiga qadar (shu kuni ham) Yagona interaktiv davlat xizmatlari portali orqali qabul qilinadi.
❌ Ariza berish uchun maktab yoki hududiy bo‘limlarga borish shart emas.
❗️Mazkur davlat xizmati bepul amalga oshiriladi.
➖ Bu muhim! Fuqarolar hozirda doimiy (yoki vaqtinchalik) yashayotgan hududdagi eksternat maktabga onlayn ariza yuborishlari mumkin.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Savol: Ishga qabul qilish chog‘ida shaxsdan qanday hujjatlar talab etiladi?
O‘zbekiston Respublikasi Mehnat kodeksining 124-moddasida
Ishga qabul qilish chog‘ida ishga kirayotgan shaxs quyidagi hujjatlarni taqdim etadi: pasportni yoki uning o‘rnini bosuvchi hujjatni yoxud identifikatsiyalovchi ID-kartani, o‘n olti yoshgacha bo‘lgan shaxslar esa tug‘ilganlik to‘g‘risidagi guvohnomani yoki identifikatsiyalovchi ID-kartani;
oxirgi ish joyi bo‘yicha tasdiqlangan qog‘oz shaklidagi mehnat daftarchasini yoki elektron mehnat daftarchasidan ko‘chirmani, bundan birinchi marta ishga kirayotgan shaxslar mustasno. O‘rindoshlik asosida ishga kirayotgan shaxslar mehnat daftarchasining o‘rniga asosiy ish joyidan olingan belgilangan namunadagi ma’lumotnomani taqdim etadi;
harbiy xizmatga majburlar yoki chaqiriluvchilar uchun tegishincha harbiy guvohnomani yoki harbiy hisobda turganlik haqidagi guvohnomani;
oliy yoki o‘rta maxsus, kasb-hunar ta’lim tashkilotini tamomlaganligi to‘g‘risidagi diplomni, qaysi ishni bajarish uchun faqat maxsus ma’lumotga yoki maxsus tayyorgarlikka ega bo‘lgan shaxslar qo‘yilishi mumkin bo‘lsa, o‘sha ishga kirish chog‘ida ushbu ishni bajarish huquqiga doir guvohnomani (sertifikatni) yoxud boshqa tegishli hujjatni;
soliq to‘lovchining identifikatsiya raqamini;
jismoniy shaxsning shaxsiy identifikatsiya raqamini;
jamg‘arib boriladigan pensiya daftarchasini, bundan birinchi marta ishga kirayotgan shaxslar mustasno.
Янги қабул қилинган қонунга кўра, Ўзбекистонда банк омонатларини қайтариш муддати босқичма-босқич 7 кунгача қисқартирилади.
👉 янги қонун тадбиркорлар ва юридик шахсларнинг ҳам омонатларини кафолатлайди.
👉 омонатларни тўлаш муддати босқичма-босқич 3 ойдан 7 кунга туширилади. Жумладан, қонун кучга киргандан бошлаб омонатлар 20 иш кунида, 2026 йил 1 январдан 15 иш кунида, 2027 йил 1 январдан 7 иш кунида тўланади (илгари омонатларни тўлаш 3 ойдан кейин бошланарди).
👉 тўлиқ кафолатлаш тизимидан воз кечилиб, кафолатланган омонат миқдорининг юқори чегараси 200 млн сўм этиб белгиланди. Бу чеклов фақат битта банк доирасидаги омонатларга тадбиқ этилади, яъни бир киши 10 та банкда омонат хизматидан фойдаланса, кафолатланган омонатлар миқдори 2 млрд сўм бўлади. Ушбу қоида қонун кучга киргандан кейин очилган омонатларга тааллуқли бўлади,
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Ўзбекистон Республикасининг Меҳнат кодексига ўзгартириш ва қўшимчалар киритилди.
Унга кўра, Меҳнат кодексига "Ягона миллий меҳнат тизими" идоралараро дастурий-аппарат мажмуида электрон шаклдаги меҳнат шартномасини расмийлаштириш тартибини жорий этишни, иш ҳақи сақланмайдиган таътил давомийлигини белгилаш тартибини ва ходимнинг ўртача иш ҳақини ҳисоблаш тартибини ўзгартиришни назарда тутувчи қўшимча ва ўзгартиришлар киритилмоқда.
❌ Давлат органлари ва ташкилотларида ишга қабул қилиш чоғида шахснинг паспорти ёки ID-картасини, меҳнат ва пенсия дафтарчасига оид маълумотларни талаб қилмасдан, мустақил равишда, шу жумладан ахборот тизимларидаги идоралараро интеграциялашув платформалари орқали сўраб олиш белгиланди.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️Эндиликда ҳомиладорлиги ёки фарзанди борлиги сабабли ходимни ишдан бўшатиш тақиқланади
✅ Бу бўйича Қонун (ЎРҚ-1030-сон, 13.02.2025 й.) билан Меҳнат кодексига ўзгартириш ва қўшимчалар киритилди
Қонун билан Меҳнат кодексига “Ягона миллий меҳнат тизими” идоралараро дастурий-аппарат мажмуида электрон шаклдаги меҳнат шартномасини расмийлаштириш тартибини жорий этишни, иш ҳақи сақланмайдиган таътил давомийлигини белгилаш тартибини ва ходимнинг ўртача иш ҳақини ҳисоблаш тартибини ўзгартиришни назарда тутувчи қўшимча ва ўзгартиришлар киритилмоқда.
Шунингдек “Таълим тўғрисида”ги Қонунига мувофиқ ходимлар кечки ёки сиртқи таълим шаклида ўқиши мумкин бўлган таълим ташкилотларининг турларини аниқлаштирувчи ўзгартиришлар киритилмоқда.
🚫 Бундан ташқари, ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилмоқда.
Киритилаётган ўзгартиришларга кўра, давлат органлари ва ташкилотлари ишга қабул қилиш чоғида ишга кираётган шахснинг паспортига ёки идентификацияловчи ID-картасига, меҳнат дафтарчасига оид маълумотларни мустақил равишда, шу жумладан ахборот тизимларидаги идоралараро интеграциялашув платформалари орқали сўраб олади.
Давлат фуқаролик хизматчиларининг меҳнатга оид муносабатларига нисбатан меҳнат тўғрисидаги қонунчиликнинг амал қилиши “Давлат фуқаролик хизмати тўғрисида”ги Қонун билан тартибга солинмаган қисми бўйича татбиқ этилиши белгиланди.
Қонун расмий эълон қилинган кундан эътиборан кучга киради.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Сиздан_савол (javobi bilan ☺️)
Maktablarda kasaba uyushmasi raislariga ushbu vazifani bajarganligi uchun oylik tulanadimi?
Javob yoʻq. (matn o‘zgartirilmadi)
Бир кузатувчимиз бот @KU_murojaatbot орқали савол бериб, ўзлари жавоб ҳам берибдилар. Жавоблари эса тўғри.
Саволга батафсилроқ жавоб беришга ҳаракат қиламиз.
Аввалги постимизда (ўша давр) касаба уюшмаси раисининг ишини, масъулиятини кўрсатгандик.
Ўшанда айтганимиздек, касаба уюшмаси раиси барча ҳурмат қиладиган, одил, ҳаётий тажрибага эга инсон.
Касаба уюшмаси раисларини касаба уюшмалари органларига сайланган ва ишлаб чиқаришдаги ишидан озод этилган ҳамда ишлаб чиқаришдаги ишидан озод этилмаган ходимларга бўлишимиз мумкин.
Ходимлари сони кўп бўлган (масалан 1000 нафардан ортиқ) ташкилотларда асосий ишидан озод этилган - асосий иши касаба уюшмаси фаолияти бўлган ходимлар бўлиши мумкин ва у шу ходимлар тўлаган касаба уюшмаси аъзолик бадали ҳисобидан ойлик олиб ишлаши мумкин.
Аммо, ходимлари сони кам бўлган ташкилотларда (масалан, мактабда 50-150 нафар ходим) шу ходимлар тўлайдиган аъзолик бадали ҳисобидан ойлик олиб ишлаши, ходимлар учун малол келиши мумкин.
Сабаби, йиғилган бадал касаба уюшмаси раисининг ойлиги ва ходимларнинг ижтимоий-иқтисодий ҳимоясига тўла етмаслиги мумкин.
Касаба уюшмаси раиси ҳам бошқа ходимлар сингари касаба уюшмаси имтиёзларидан тўла фойдаланиш ҳуқуқига эга.
Касаба уюшмаси раислиги - масъулиятли жамоатчилик иши.
Касаба уюшмаси раислиги - жамоанинг ишончи устига қурилган мавқе.
Касаба уюшмаси раислиги - лавозим эмас, МАРТАБА. Лавозимни бир киши беради, мартабани эса халқ.
Касаба уюшмаси раиси - туғма шижоатли, ўзгалар дардини ўз дардидек ҳис қилувчи фидойи.
Энг асосийси, жамоанинг ичидан шу инсонни касаба уюшмаси раиси этиб сайлаб олиш.
Дарвоқе, ҳали меҳнат жамоаларида ҳисобот-сайлов йиғилишлари давом этмоқда.
Ҳамкасбларга ва профкомларга юбориб қўйинг.
Савол ва фикрларингизни йўлланг.
@KU_murojaatbot
Каналга аъзо бўлинг 👇
@mehnat_talim_huquq
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️Mablag‘laringizni to‘ylarga emas, farzandingizga investitsiya qiling
Buxorolik Parviz Tuksanov SAT xalqaro imtihonida eng maksimal natija — 1600 ball to‘plagan birinchi o‘zbekistonlik bo‘libdi.
Shavkat Mirziyoyev kuni kecha bo‘lib o‘tgan yoshlar bilan uchrashuvda Parvizni ushbu muvaffaqiyat bilan tabrikladi.
Menga eng yoqqan gaplarni zalda ishtirok etgan Parvizning onasi aytdi. Jumladan, barcha ota-onalarga ta’sirli murojaat bilan chiqib, shunday dedilar:
“Aziz ota-onalar, iltimos. Agar biz ortiqcha xarajatlarni to‘y-dabdabalarga sarflamasdan, mablag‘larimizni o‘zimizning farzandlarimizga investitsiya qilsak, bu albatta yaqin kelajakda o‘z natijasini ko‘rsatadi. Buni o‘g‘lim misolida sizlarga tavsiya qilaman”.
Qaniydi, hamma shu gaplarga amal qilsa, hayotining oltin qoidasiga aylantirsa, gullab ketardikku.
P.S.: aytgancha, SAT imtihonidan olingan sertifikat uchun abituriyentlarga kirish imtihonida ball berilmaydi. Negadir eng nufuzli imtihonlardan biri bo‘lgan SAT ro‘yxatdan tushib qolgan. O‘tgan yili Shavkat Mirziyoyev SAT sertifikatini ham imtihonda tan olish kerakligi haqida topshiriq bergandi. Lekin hozirgacha buning rasmiy asosi chiqmadi. Mas’ullar joriy yilgi qabulgacha ulgurisharmikin?
#Кадровик
Дам олиш кунларида ва ишланмайдиган байрам кунларида ходимларни ишга жалб қилиш билан боғлиқ масалалар. (Иш берувчиларга эслатмалар)
Умумий қоидага кўра, Дам олиш кунларида ва ишланмайдиган байрам кунларида ишлаш тақиқланади. (МК-209-моддаси)
Аммо Умуман ташкилотнинг ёки унинг алоҳида таркибий бўлинмаларининг, якка тартибдаги тадбиркорнинг кейинчалик нормал ишлаши олдиндан кутилмаган қайси ишларнинг шошилинч бажарилишига боғлиқ бўлса, ўша ишларни бажариш зарур бўлган тақдирда ходимларни дам олиш кунлари ва ишланмайдиган байрам кунлари ишга жалб этиш уларнинг ёзма розилиги билан амалга оширилади. (МК-209-моддаси) Яъни иш берувчи хар қандай вазиятда байрам кунлари ходимни ишга жалб қилмоқчи бўлса, унинг ёзма розилигини олиши шарт.
Қуйидаги ҳолларда ходим байрам кунлари ишга жалб қилиниши мумкин
Ишланмайдиган байрам кунларида ишлаб чиқариш-техник шароитларга кўра (узлуксиз ишлайдиган ташкилотлар) тўхтатиб туриш имкони бўлмаган ишларни (хизматларни), аҳолига хизмат кўрсатиш зарурати юзага келтирадиган ишларни, шунингдек кечиктириб бўлмайдиган таъмирлаш ва юк ортиш-тушириш ишларини амалга оширишга йўл қўйилади. (МК-209-моддаси)
Ҳомиладор аёллар, ўн тўрт ёшга тўлмаган боланинг (ўн олти ёшга тўлмаган ногиронлиги бўлган боланинг) ота-онасидан бири (ота-онасининг ўрнини босувчи шахс) фақат ўз ёзма розилиги билан дам олиш кунларидаги ва ишланмайдиган байрам кунларидаги ишларга жалб қилиниши мумкин. Бунда иш берувчи мазкур ходимларни дам олиш кунларидаги ва ишланмайдиган байрам кунларидаги ишлардан воз кечиш борасидаги ҳуқуқи тўғрисида хабардор қилиши шарт. (МК-396-моддаси)
Кимлар учун таъқиқланган?
Ўн саккиз ёшгача бўлган ходимларни дам олиш кунларидаги ва ишланмайдиган байрам кунларидаги ишларга жалб қилиш тақиқланади. (МК-417-моддаси)
Ногирон ходимларгачи? Ногиронлиги бўлган ходимларни хизмат сафарига юборишга, дам олиш ва ишланмайдиган байрам кунларидаги ишларга жалб қилишга фақат уларнинг розилиги билан, агар ушбу ходимлар учун бундай ишлар тиббий-ижтимоий эксперт комиссияси тавсияларида тақиқланмаган бўлса, йўл қўйилади. (МК-428-модда)
Агар иш берувчи ходимни ишга жалб қилса унга қандай ҳақ тўлайди?
Дам олиш кунларидаги ёки ишланмайдиган байрам кунларидаги иш учун қуйидагиларга камида икки ҳисса миқдорида ҳақ тўланади:
👉 ишбай ишловчиларга — камида икки ҳиссали ишбай баҳолар бўйича;
👉 меҳнатига кунбай ва соатбай тариф ставкалари бўйича ҳақ тўланадиган ходимларга — кунбай ёки соатбай тариф ставкасининг камида икки ҳиссаси миқдорида;
👉 маош оладиган ходимларга — ҳар бир ишланган кун ёки соат учун маошдан ташқари кунбай ёки соатбай ставкасининг камида бир ҳиссаси миқдорида. (МК - 263-моддаси)
Иш берувчи ходимни расмийлаштирилганлигини қандай расмийлаштиради?
Ходимларни дам олиш куни ёки ишланмайдиган байрам куни ишга жалб этиш иш берувчининг буйруғи билан расмийлаштирилади. (МК-212-моддаси)
Ҳурматли иш берувчилар ходимларни байрам кунлари ишга жалб қилишда юқоридаги меҳнат кодекси қоидаларига риоя қилган ҳолатда жалб қилсангиз, ўз фаолиятингизни тўғри қонуний амалга оширган бўласиз. Ва албатта ходим ҳам бундан манфаатдор бўлади.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ko‘rik-tanlov!
O‘zbekiston ta’lim va fan xodimlari kasaba uyushmasi Respublika kengashi “Mehnat muhofazasi va xavfsizligi bo‘yicha jamoatchilik nazoratini tashkil etish yuzasidan respublika ko‘rik-tanlovi” boshlanganligini e’lon qiladi.
Ko‘rik-tanlov “Eng yaxshi korxona”, “Eng yaxshi kasaba uyushmasi”, “Eng yaxshi vakil”, “Eng yaxshi yosh mutaxassis” nominatsiyalari bo‘yicha o‘tkaziladi. Unda barcha boshlang‘ich kasaba uyushma tashkilotlari qatnashishlari mumkin.
Ko‘rik-tanlov nizomi
https://talim.kasaba.uz/?p=2055
📌 Kasaba uyushmasi faoliyati haqida ko‘proq bilmoqchimisiz? Bizni kuzatishda davom eting!
✉️ Telegram | 🌐 Veb-sayt
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g