311
پایلاشاجاق: سسلی حیکایه‌لری کیتاب تانیتیمی ادبیاتیمیزین خبرلرین ادمین‌له ایلگی (ارتباط) @samodi91
تاریخده بیر جادوگر آسیلدی دار آغاجینا
اما، تاریخ و من
احتیاجیمیز اولان بوتون سئحیرلری
هر گون اؤز اطرافیمیزدا تاپیریق!
ایتالیالی یازیچی ائلنا فرانته «حاشیه‌ده» کیتابیندا «امیلی برونته»نین یوخاریداکی شعرینه استناد ائدرک دئییر: بیر قادین میز آرخاسیندا ایله‌شیب«تاریخ و من»-ی یازیرکن هر شئیه و هر کسه مئیدان اوخویور.
اما من لپ‌تاب آرخاسیندا اوتوروب، تبریز مشروطه‌سینی بیر قادینین باخیش بوجاغی ایله قلمه آلدیغیم اوچ ایل عرضینده تکجه اؤزومه مئیدان اوخودوم و اونون نتیجه‌سی «مشروطه خانیم» رمانی اولدو.
مشروطه خانیم رمانی‌نین ادیتورو دوکتور لاله جوانشیر، رمانین جیلد دیزاینری ووقار خانیم آقایی و رمانیمی ۴۱-جی نومره‌سی‌نین ضمیمه‌سینده نشر ائدن «انجمن» درگی‌سینین باش رداکتورو و رئداکته هئیتینه تشککور و مینتدارلیغیمی بیلدیریرم.
گؤزل سسی ایله تانیتیم اوچون رماندان قیسا بیر بؤلومو اوخویان صنعتچی، حؤرمتلی کبری خانیم میرحسینی‌یه و رمانی یازارکن احتیاجیم اولان قایناقلاری منیم اختیاریمدا قویان بوتون دوستلارا تشککور ائدیرم.
دوستلار، منجه آنا دیلیمیزده یازیلمیش تاریخی بیر رمانی اوخوماق دا اونوتقانلیغیمیزا مئیدان اوخوماق دئمکدیر.
Tarixde bir cadugər asıldı dar ağacına,
Amma, tarix və mən
Ehtiyacımız olan bütün sehrləri
Hər gün öz ətrafımızda tapırıq!
İtaliyalı yazıçı Elena Ferrante «Haşiyədə» kitabında «Emili Brönte»nin yuxarıdakı şeirinə istinad edərək deyir: Bir qadın miz arxasında ələşib «tarix və mən»-i yazarkən hər şeyə və hər kəsə meydan oxuyur.
Amma mən laptap arxasında oturub, Təbriz məşrutəsini bir qadının baxış bucağı ilə qələmə aldığım üç il ərzində təkcə özümə meydan oxudum və onun nəticəsi «Məşrutə xanım» romanı oldu.
«Məşrutə xanım» romanının editoru doktor Lalə Cavanşir, romanın cild dizayneri Vüqar xanım Aghaie və romanımı 41-ci nömrəsinin zəmiməsində nəşr edən «Əncümən» dərgisinin baş redaktoru və redaktə heyətinə minnətdarlığımı bildirirəm.
Gözəl səsi ilə tanıtım üçün romandan qısa bir bölümü oxuyan sənətçi hörmətli Kübra xanım Mirhüseyniyə və romanı yazarkən ehtiyacım olan qaynaqları mənim ixtiyarımda qoyan bütün dostlara təşəkkür edirəm.
Dostlar, məncə ana dilimizdə yazılmış tarixi bir romanı oxumaq da unutqanlığımıza meydan oxumaq deməkdir.
#تورکجه_رمان
#آذربایجان_ ادبیاتی
@lale_javanshir
@v.f.aghaie
@anjoman.magazine
@kobra_mirhosseini
# türkcə_roman
#Azərbaycan_ədəbiyyatı
/channel/ruqayyekabiri
«مر آغاجینین کهربا گؤزلری» رمانی‌نین نقد جلسه‌سی
✍️: #رقیه_کبیری
#کافه_شمع‌سوزان
بیرینجی بؤلوم
داستانین ایچینده بیرده پیگال بولومو وار، سرهنگین پیگالا گئتمه‌سی الیه بیلردی رمانین ایچینده شاهکار قسمت‌لریندن بیری اولا و قاباخجادان گئدن «اینسانین ارزش گذاری» بحثین آردین توتا. آمما مالاسف بوروکراسی و مکانین ایقتصادی سازوکاری بو فرصتی یاندیریر و سرهنگ هئچ بیر درین ارتباط قورمادان، تجربه‌سیز اوردان چیخیر.
ائو و زناشویی بولومو، داستانین سون بولوم‌لرین هیجان‌دان سالیر، اصلی ایده‌دن فاصله آچیب و بیزی باشقا بیر داستانین ایچینه آتیر. سرهنگین خانیمی، ایستیر بیزه غریزه و جنسیت مسئله‌سین آچیقلاسین، بوکی بیر اینسان صرفا بدن و جیسمی‌له الیه بیلنمز بیر انسانی اوزونه یاخینلاش‌دیرسین امما بو قادین رمانین گئدیشینده، بیر قولچاقا دونوشور. بیر قولچاق کی سرهنگین کاسا کوزه‌سی گرک بونون باشین‌دا سینیب و بیزی سرهنگین ایچینده گئچن چکیشمه‌دن اوزاقلاشدیریب و سونوجوج‌سوز بوراخا.
نهایت‌ده «مر آغاجینین کهربا گوزلری» فقر فلسفه و دوشونجه‌دن یوخ، بلکه اونون چوخلوغون‌دان اینجییر. بو رمانا هر نه‌قدر تنقید اولونسادا، همیشه بیر شاه اثر کیمی یاشاییب، اوخوجونو وجده گتیریب و اونو دوشونمه‌یه ماراخلاندیراجاق. بو رمانین ایده‌سی چوخ جسور، قلمی سو کیمین آخار، اینسانی مسئله‌لردن غنی، فلسفی سورغولاردان چوخ جدی، فضاسازی و روایی جنبه‌دن چوخ گوجلو بیر شاهکاردی.
۱۴۰۵/۶/۲۲
🟢 مهدی عظیمی
مُرّ آغاجینین کهربا گؤزلری آدلی رومانا بیر باخیش.
مُرّ آغاجینین کهربا گؤزلرینی اوخویوب قورتاردیقدان سونرا ایلک مسئله‌م، بو سورغو ایله قارشی قارشییا گؤردوم اؤزومو. کیتابین یازارینین کیم اولدوغونو؟
ارکک یوخسا قادین دیر یازاری بیلمک ایسته‌سم جوابیم نه اولار. من خانیم کبیرینی تانیدیغیم اوچون بیلیرم یازار قادین دیر آنجاق تانیمایان بیریسی اولورسا باش تاپایاجاق می؟!
یوخ تاپمایاجاق. اؤنملی‌دیر؟ هن اؤنملی‌دیر همده چوخ. ( داستاندا یازارین سسی اولمالیدیر) منجه یازارین گره‌کلی‌دیر اثرینده امضاسی اولا آنجاق بو کیتاب دا خانم کبیری‌نین ( یازارین سسی) امضاسی یوخودور بو اثرده.
دیله جینسیت قائل اولمادان، یازاری ارکک‌می، قادین‌می دئمه‌دن اوخودوغومدا چوخ یوموشاق بیر دیل ایله اوز به اوز گؤردوم اؤزومو چوخ دا بیندیم.
ایکینجی مسئله‌م رومانین ایده‌سی دیر. رومانین ایده‌سی گوجلو هابئله هیجان وئریجی‌دیر آما تاسفله یازار ائلییه بیلمه‌یب اوسته‌سیندن گلسین. داها دوغروسو ایده‌نی خام بوراخیب. دزدور بو خام ایده‌نین ایچریسینده قاپالی، باسقین، ها بئله اجتماعی-سیاسی محیط، حاکیمیتله فرد آراسینداکی رابطه، زورلوق‌لار، ویجدان، مُرّ آغاجی ایله گؤیَرچینلر کیمی نمادلار چوخ گؤزل، گوجلو اولاراق رومانین بتنینده یئرله‌شیلیب آما تاسفله یئترلی اولماییب. یازیچینین یاراتدیغی دونیا، اؤزونه اؤزل ها بئله دوشونجه‌سینده گوجلودور آما اوخوجونو او دونیانین ایچینه، سطیرلره چکمه‌یه گوجو چاتماییب. (شخصیتلر روایته داخیل اولا بیلمه‌ییب بو گوجو گؤسترمه‌ک اوچون) بو رمانین ایچرسینده اولان نمادلار او قدر گوجلودور کی ۱۶۰ صفحه هم زمان باخیمیندان همده مکان باخیمیندان فرقیلی بیر ایشلر گؤرمک داها دوغروسو یازیب یارتماق اولا بیلردی. (انسانلار اوزرینده تره‌زی ایله زینقیرو داشییر) چوخ یوخاری بیر دوشونجه وار بونون آراخاسیندا آنجاق کئشکه او دوشونجه‌نی سطیرلرین ایچینده گؤروب اوخویا بیلسه ایدیم. بورادا مسئله‌م، گؤرودویوم یانلیش اثرین ایده‌سینده یوخ، اونون قورولوشوندادیر.
اوچونجو مسئله‌م خیالی مملکتده باش وئریر بو روایت، آدینی وئرمک اولدو. بو مملکت نه قدر خیالی اولسادا من اؤزومو متینین ایچسنده تبریز، ایرانی، خاورمیانه‌نی گؤروب یاشایا بیلیرم. بو سؤزون اثباتی دا نیواکین ایچریسینده اولان یاشاییش دیر. عایله‌لرین نئجه یاشاماسی، او عایلده بویا باشا جچاتان اوشاق‌لارین نه وضعیتده اولدوغو کی اولا طیب ایله سرهنگ. کوچه‌لر، ائولر، قفه. سرهنگین ائوی. ائوینین حیطی، پنجرلری، دووارلاری.
اتفاق‌لار خطی بیر شکیده قاباغا گئدیر. رومان دا کی ائنیش-یوخوشلار، چاتیشمالار، اوخوجونون ماراغینی سونا قدر یول بیر ائده بیلمیر. اتفاق‌لار بیربیرینین آردینجا باش وئریر، اونون اوچون چوخ آز سطیرده نه شخصیتلرین دَییشمه‌سینه نه ده قارارلارین دا تأثیر گؤره بیلیریک.
هله مسئله تکجه رومانین خطی اولماسینا دا باغلی دئییل. ان اساسی مسئله حادثه‌لر آراسین دا هئچ بیر حادثه‌نین یارانماماسی دیر. اولا بیلر ائله یازاریمیز ایسته‌ییر بونو وورقولایا یانی مدی دیر کی شخصیتلرین ایزنی یوخودو. آما شخصیتلر اتفاق‌لاری یاشاییرلار، سادجه یاشاییرلار، روایتین ایچینده اوگئی اوشاق کیمی قیراق دا اوتوروب، ایزله‌ییب لازیم اولدوق‌لاری زامان چاغریلیرلار. یانی یازارین ایشینه گلدیی زامان‌لار واردیلار.
بو دا دوغرودان هم اوخوجویا همده داستانین قورولوشونا تأثیر ائدیر.
شخصیتلر داستانین باشلانیشین دا نئجه‌دیرلر، سونوندا دا بؤیوک اؤلچوده اوجور قالیرلار. اونلارین باشینا چوخ شئی گلیر، آما بو حادیثه‌لر اونلارین ایچ دونیاسین دا، ایشلرین ده بیر بؤیوک دییشیکلیک یاراتمیر کی بیز او دییشیکلییی سونرا کی حرکت و قررارلارین دا آیدین گؤره بیله‌ک.
بونون اَن آچیق نمونه‌سی سرهنگ‌دیر.
سرهنگین یئنی حاکیمیتین ایچریسینده، قورولوشوندا کی یئری، زور دورومدا، ویجدان آراسیندا قالماسی، چیینینده داشیدیغی رول چوخ گوجلو بیر شخصیت یاراتماق اوچون باشاریلی ایدی. آمما اونون اؤز ایچینده یانی سادجه اؤزلویونده یاشادیغی اتفاق‌لار روایتین قاباغا گئتمه‌سی اوچون تأثیر بوراخمیر بیر یانا اوخوجونو یورور. بو روماندا تاثیری بوراخان سرهنگ، بیر آزدا طیب ( قابق‌دا دانیشدیغیم اؤنملی بیر شخصیت) اولمالی ایدیلر منجه.
بیر شخصیتین، داستانین مرکزینه چکلمه‌سی اوچون بیزه گوجلو تکنیک گره‌کیر، وئردی‌یی قرارلار آردیجا حادیثه‌لرین یؤنونو دییشه بیلسین دئیه ائله بیر حس یارانمالیدیر کی اؤز_ ازوموزه دئیک شخصیت بو قرار گلمه‌سه ایدی، اتفاق‌لار بئله قاباغا گئده بیلمزدی.
صاباحدان باشلاناجاق من کارسون کیمی یازیرام سیز باش تاپمیرسیز! 😁
Читать полностью…
تاپیلماز سارای کتابینین کامیل پی دی افی
کتابین آدی: آپاردی سئللر سارانی
تورکودیلینده، ناغیل توپلوسو
یازان: سیدمرندی
یایان: یاران یایین ائوی
تبریز1392
مین نوسخه‌ده
🦊 رادیو تۆلکوده ناغیل زامانی
🎙️ دۆنیا ناغیللاری سجاد دشتی ایله
📖 بوْش گۆلدان| د می
🔸 ۳ یاشدان یوخاری اوشاقلارا
🎧 تدوین: سجاد دشتی
🪴 دوز دانیشماغین گؤزل ناغیلی!
@tulkuacademy
وقتیز خئیر اولسون دوستلار
نئچه کیتابیمیزا نقد جلسه‌سی توتاجاغیق:
1) اومسوق_ احمد رستم اوغلو_ 214 ص
2) آلچا گؤزوندن گلسین_ حافظ خیاوی_ 178 ص
3) کلمه‌لرین آردیجا_ صالح عطایی_ 456 ص
4) مُرّ آغاجینین کهربا گؤزلری_ رقیه کبیری_ 159 ص
.
.
.
.
7) ایندی او نئچه ثانیه... _ شریف مردی_ 223 ص
تاریخ: هر آی‌ین آخیر دوشنبه‌سی
1) 405/04/29
2) 405/05/26
3) 405/06/30
4) 405/07/27
.
.
7) 405/...
ساعات: 17_20
.
مکان: کافه شمع سوزان
.
اومود کی دوامی اولا 🌺
🦊 رادیو تۆلکوده ناغیل زامانی
🎙️ آذربایجان ناغیللاری نیره اردلانی ایله
📖 اۆچ کئچی| آذربایجان اوشاق ناغیللاری(۱) | معصومه اژدری، حسن عبدالهی جهانی
🔸 ۴ یاشدان یوخاری اوشاقلارا
🎧 تدوین: سجاد دشتی
🐏 اۆچ قارداشین گۆجو بیرلشسه نه‌لر اولار!
@tulkuacademy
📚 قیسا حیکایه: حیکایه‌سیز
🖌 یازار: او هئنری
🎙️ سس و تنظیم: نیره اردلانی
🕰 زامان: 00:15:39
💾 اؤلچو: 15MB
#حیکایه‌سیز
#او_هئنری
#رضا_حسینی_بقانام
#نیره_اردلانی
#قیسا_حیکایه
@RizaHosseiniBaghanam
@nayyereh_ardalani
@turkcehikaye
تاریخده بیر جادوگر آسیلدی دار آغاجینا
اما، تاریخ و من
احتیاجیمیز اولان بوتون سئحیرلری
هر گون اؤز اطرافیمیزدا تاپیریق!
(امیلی برونته)
«مر آغاجینین کهربا گؤزلری» رمانی‌نین نقد جلسه‌سی
✍️: #رقیه_کبیری
#کافه_شمع‌سوزان
ایکینجی بؤلوم
🟢 هادی حیدری راد
خانیم رقیه کبیری‌نین « مر آغاجینین کهربا گوزلری»ینه، تنقیدلی بیر باخیش.
بو رمان «نیواک» اولکه‌سین‌ده بیر کودتای‌نان باشلایاراق سیاسی بیر اثر کیمی گورونسه‌ده اصلینده اخلاقی و انسانی قاورام‌لارا توخونوب و ذهن‌ده بو قاورام‌لاری سورغویا چکمه‌ک‌‌ده‌دیر. اوزه‌لیک‌له «شر» مسئله‌سی.
«شر» و انسانین بو مسئله‌ینن نه تهر یاناشماسی ، بو رمانین دیرک قونوسودور.
بو رمان دا «شر» بیر شخصیت دئییل، بیر سیستم‌دیر، شاید رمانین ان گوجلو وجهه‌سی بودورکی هئشواخ «شر» مسئله‌سین اینسان حدینده کیچیتمیر، «شر» بیر سیستم اولاراق اینسان‌لاری ییب، هضم ائتمک‌ده دیر و انسان‌لارین بونان نجور یاناشمالاری بو رمان‌دا
اوچ بسترده آچیقلانیر:
بیرینجی‌سی: عادی یاشایان‌لار. کی سمبولی قفه‌خانادا جریان تاپیر. بورا قوش‌بازلارین یری‌دیر، سیاست‌نن ایشلری اولمایان بیریسی‌لرین. حکومتین تره‌زی و زینقروو اولان سمبول لارین قولانیب اما اونلارا سایقی ساخلامیان‌لار. بونلارین ایچیندن طیب کیمین قهرمان‌لاردا وار. بیر قادین‌کی حایات یولداشی اولن‌دن سونرا، قولارین چیرمالاییب، ایشله‌ییب، و اوشاخلارین بویودوب.
ایکینجی‌سی: بو شره قارشی گلن‌لر. کی بورا اعدام میدانین‌دا روایت‌اولور. اویرنجی‌لر، قاباخ‌کی حکومتین نفرلری و هر کس کی شر اولان سیستمین گوزون‌ده، اونا قارشی گله بیلر.
اوچونجو: بو زنجیرین وسطین‌ده اولان کی نمادی سرهنگ و اونون اوزل یاشامی‌دیر.
رمانین مرکزینده «سرهنگ» آدلی بیر شخصیت دورور. بیر نفرکی اوخویور، دوشونور، گونده‌لیک یازیلار یازیر، قوش‌بازلیق‌دان لذت آپاریر ، اولوم و جنایت مسئله‌سین نظری بیر موضوع کیمی آراشدیرماق‌دادیر. رمانین اساس یئری بوردان باشلاییر کی: شری آنلاماغا چالیشان بو انسان، بیر نوقطه‌ده شر ماشینین بیر پارچاسینا دونوشور. امما هئچواقت اوزون سیستم دن گورمور. او اوزونو باش‌دلالین ( باش دلال رمان‌دا نماد سیستم دیر) مقابلین‌ده گورمه‌یه چالیشیر. « من اونون آدامی دئییلم» دئیه دوشونور. رمان گوستریر کی استبدادین ان گوجلو طرفی، اوز دشمن‌لرینی اعدام ائتمک یوخ، اوز عملینه وجدانلی اینسان‌لاری قاتماق قابلیتی‌دیر.
سرهنگ سیستمین جلادی اولاراق، «شر» ائتدیگینی دوشونمور. اونا « لازیمی‌ایمیش» گوردویو بیر ایش کیمی باخیر. بونا گوره ذهنین‌ده «شر» مسئله سین ایکی‌جور تعریف‌له‌ییر:
۱.اجتماعی شر. ۲.سیاسی شر.
رمانین لاب اوج نوقطه‌سی بو مسئله‌نی آچیقلاماق‌دا: دریادارین اعدام صحنه‌سی‌دیر.
دریادار بیر محکوم دئییل. اونون گئچمیشی وطن، دنیز، جنگ، علم و اوز اولکسینه خدمتله باغلی بیر تاریخ یارادیر. او کودتایا قارشی دایاناراق، «سیاسی شر» کتگوریسی‌نه سالینیر.
سرهنگ اما قارنی ییرتیق کاظیم کیمی اجتماعی شرایله دریادارین سیاسی شرینی بیر ترزیه قویانمیر. اما اونون اعدام مجبوریتینده‌دیر. بوردا همیشه‌کی کیمین تیرباران حکمونو وئرمیر، جوخه‌نی آزاد ائدیب، دریادارین مقابلین‌ده دایانیب، اونا نظامی سلام و احترام وئررکن، بئینینه گوله سیخیر.
سرهنگ دریاداری اولدورور اما اعدام ائتمیر. اونو اوز الی‌نن قتله یتیریر. قتل «اجتماعی شر» اولورسا، اعدام «سیاسی شر»ین نمودودور. بله‌لیک‌له منجه یازارین، سونراداکی بولوم‌لرده «اعدام» واژه‌سینه دریادارین اولومونه ایشلتمه‌ک یالنیش کیمی گورونور.
سرهنگ جلادلیقا بیر پئشه و شغل کیمی باخیردی، حتی جلادلارین صینیف تشکیلات‌لاری اولماغین دوشونوردو. اعدام حوکمو وئرنده، گوزلرینی یوموردو. اما دریاداری اوز الی‌نن اولدورنن سورا سرهنگین ایچینده بیر حیوان اویانیر.
سرهنگ بیر «پاندورا قاپیسی» آچیلمیش کیمی، اؤز ایچینده‌کی تانیمادیغی بیر «من» ایله قارشیلاشیر و اونون اوزل یاشامینا ائتگی بوراخیر.
«سرهنگ شخصیتی» یازی سیراسیندا ، چوخ دوغرو و دوزگون بسله‌نیب، آمما رمانین گوجلو ایده سی اولاراق بعضاً اوزونو چوخ توضیح وئرماغا چالیشیر، مدام اوزونو تحلیل ائله‌ییب و سورغویا چکیر، بو مخاطب‌دن دوشونمک مجالی‌نی آلیر. اما اونون مقابیل نوقطه‌سینده ددیغیمیز باش دلال، سیستمین و مطلق گوجون سمبولو قالارکن هئچواقت بیر شخصیت اولا بیلمیر. یازار بو مورده اصلا ریسک ائلمیر و باش‌دلال بیر ضد انسان، فرصت طلب، فاسد و شر مطلق اولان بیر کاریکاتور کیمی قالیر و بیزه بو اجازه‌نی وئرمیر بیر شرور انسانین گوزون‌دن «شر» مسئله سینه باخاق.
رمان سایدیغیمیز بو اوچ بسترده دولانیر، آمما بو اوچ بسترین ایچینده بعضاً درین بیر باغلی‌لیق گورسنمیر، اوزلیک‌له قفه‌خانانین. قفه‌خانا رمانین ایچینده مستقیل یاشاییر و اصلی ایده‌نین خدمتینه گیره بیلمیر.
رومان دا چوخ واخت بیر منظره ایله اوز به اوز اولورق کی اوز وئرن او اتفاق دا شخصیت اورتادادیر، آما تاسفله داستان دا سرهنگین قاباغا آپارما رول گوجوندن چوخ، یازیچینین دییشمه‌ک ایستدییی فیکیرلرین وسیله‌سی اولور. (سرهنگ اؤزگور دئییل روایتده.)
طییب شخصیتینده ده بونا اوخشار بیر مسئله وار. اثرین یاراتدیغی اجتماعی توپلوم، اؤزلیک ایله ده قادینین بو توپلوم دا هر زامان کیشی‌لرله بیر یئرده اولماسی داها آچیق و ایناندیریجی قورولمالی ایدی. منه هانسی نه‌دن ائلییه بیلدی طیبی قفه خانادا ( قوش بازلار قفه‌خاناسی) روایت ائلییه باشا دوشه‌مه‌دیم.
مسئله بو اتفاغین اولا بیلر اولا بیلمز مسئله‌سی دئییل. رومان دا اولان روایت اوخوجونو بونا ایناندیرماق اوچون لازیم اولان اجتماعی ها بئله او توپلومون یاشاییشین دا اینامی یارادا بیلمه‌سیدیر. ( بوتون اتفاق‌لار منطقی اولاراق داستانین خدمتینده اولمالیدیر) اوخوجو اؤز-اؤزونه (بو نئجه ممکن اولدو؟) سوالینی وئرمه‌ملی‌دیر. بو سوالین جوابی اثرین اؤزونده اولمالیدیر، اوخوجونون خیالین دا یوخ. هانسی قادین لاپ ائله بو آن ۱۴۰۵ اینجی ایلده ائلییه بیلر قوشبازلار قفه‌سینده یئری اولا. اثر خیالی بیر اولکه‌ده اتفاق دوشور کلمه‌سی بو یانلیشی گؤز آردینا وورا بیلمز. ( طیب شخصیتینی آچیق فیکیرلی بیریسی اولاراق گؤسترمک یئرلری دئییل) نه قدر خیالیمزدا بیر دونیا یاراتماق ایسته‌سه‌ک ده یئنه او دونیانی یاشادان قایدالار اولمالی دیر. او خیالی مملکتده باشقا قادین‌لارین هانسی اجتماعی دورومدا یاشادیق‌لاری آیدینجاسینا اورتادا اولمالی دیر. بو مسئله‌نی نه ائلییه بیلیب ندنین یازا نه ده گؤستره اوخوجویا.
رومانین سونو دا بؤیوک اؤلچوده شخصیلره باخاراق یئترسیزلیک مسئله‌سینه باغلی اولدوق‌لارینی گؤرورم.
بو قدر اتفاق دان، نمادلاردان، ایچ ساواش لاردان سونرا داها گوجلو بیر قورتولوش گؤزله‌ییردیم. ائله بیر قورتولوش کی روایتین ایچینده باش وئرن اتفاق لار منی او اوج نقطه‌یه گتیردییینین حیسینی وئره.
رومانین سونو منده داها چوخ سؤزون بیتمه حیسینی یاراتدی، داستانین بیتمه حیسینی یوخ.
دئدییم کیمی بونون دا، منجه اساسی سبب‌لرین‌دن بیری شخصیتلرین هئچ بیر ایش گؤره بیلمه‌دیکلریندن آسیلی اولور. گوجلو بیر قورتولوش اوچون، داستانین سونون دا، سطیرلرده اولان انسان‌لارین باشلانیش وارلیق‌لاری ایله قوتولوش وارلیق‌لارینین فرقلی اولماسیدی ایدی. اونلارین سئچیم‌لری، منفعل قالمالاری و دَییشمه‌یه جان آتمامالاری بو سونو بیزه پای وئره بیلدی سادجه.
( رومان دا روایت ایله شخصیتلرین آراسیندا بؤیوک بیر بوشلوق وار.)
بو قدر سؤزدن سونرا، اثرین گوجلو یئرلرینی ده گؤز آردینا وورا بیلمرم. ایده‌سی، اتمسفری، نمادلاری هابئله دیلی منیم اوچون بام باشقا بیر گوج داشییردی. کتابی قورتاردیق دان سونرا بونلارین حاقین دا دوشوندوم داها دوغروسو دوشنمک مجبوریتینده بوراخیلدیم. ( تره‌زی، زینگرو)
ائله بونون اوچون رومانا باغلی اساسی ایرادیم دا بودور.
(مُرّ آغاجینین کهربا گؤزلری) اؤزونده داها گوجلو بیر رومان اوچون پوتانسیال داشییان یاخشی بیر ایده‌یه صاحیب دیر.
منیم اوچون بو کتاب دا (بونو نئجه گوجلو بیر داستانا چئویریلر) سورغوسو ( نه دئمک ایسته‌ییر) سورغوسوندان داها اهمییلی دیر.
مسئله ایده‌نین گوجسوز اولماسین‌دا دئییل. عکسینه ایده چوخ گوجلودور. مسئله بودور کی، بو ایده‌نی دییشن شخصیتلر بوتون اولاراق یارانماییبلار. اونلار داستانین گئدیشینه اؤز قرارلارینا گؤره دییشدیرن حادیثه‌لری اؤز سئچیم‌لری ایله یارانان انسانلاردان چوخ، یازچی‌نین فیکیرلرینی و موضولارینی دییشین فیگورلار کیمی قالیرلار.
بلکه ده بونا گؤره کتابی قورتاردیق دان سونرا منده یارانان مسئله خام بوراخیلمیش بیر روایتین تأسوفی اولدو.
جناب دلدار بناب‌ین نقد_ نظرلرین پایلاشیرام... 👇👇👇
Читать полностью…
@bookcafeshamsoozan
@turkcehikaye
🦊 رادیو تۆلکوده ناغیل زامانی
🎙️ دۆنیا ناغیللاری سجاد دشتی ایله
📖 زئبولون| آلیس بری‌یر هاکه
🔸 ۹ یاشدان یوخاری اوشاقلارا
🎧 تدوین: سجاد دشتی
🎈 زئبولون ان یاخین یوْلداشی قؽرمیزی قوْیوغو الدن وئریر آما...
@tulkuacademy
"عینا سونسوز ساییدا ساحیله ووروب، دنیزه دؤنن دالغالار کیمی" اؤیکو توپلوسونو بیرینجی کتاب" سئویملی فلاکت" کیمی اینترنت دن پایلاشماغا تصمیم توتدوم. اصلینده کتابین یازماسی اوقدر چتین دئییلدی کی اونو چاپ ائلمک یوردو.
بیر تمثیل ایله باشلاییب 12 قیسا و کبریتی حیکایه دن اولوشان بو کتابدان استقبال اولونسا ایکینجی بؤلومده یئنه سانسورسوز و داها فرقلی بیر چرچئوه‌ده 10 حیکایه دن اولوشان کتابی یایاجاغام.
البته بیزیم دیلیمیزین تراختورون اویونلاریندا و 15.جی دقیقه ده بیر شعار حدینده سئویلدیینی بیلیرم آما یئنه الدن گلن بودور.
صفحه آرایی‌ده 76 صفحه یه سیغان بو کتاب چاپی نسخه ده 120 دن آرتیق اولوردو.
هزینه سی 200/000 تومان دیر. چونکو مفته ایش پایلاشاندا اؤنمسیز بیلینیر.
ویراستاری ده عزیز حامد مرسلی‌نین یاردیمیندان و صفحه آرایی و چوخلو ایشلرده هرزامان کیمی منه یاردیم ائله‌ین عزیز دوستوم امیر حقی‌دن تشکر ائلییرم.
نقد و نظرلریزی گؤزله‌ییرم
شماره کارت:
5892
1017
7282
9954
"رامین بهزاد نهند"
/channel/A_artash
حؤرمتلی دوستلار، مهر آیی‌نین سون هفته‌سی"مر آغاجینین کهربا گؤزلری" آدلی رمانیما نقد جلسه‌سی کئچیریله‌جک. رمانی اوخوماغا ماراقلی اولانلار آیدین-یانار نشریاتی‌نین شمالی شهنازدا یئرلشن "مولی" آدلی کتاب ائویندن رمانی الده ائده بیلرلر.
/channel/ruqayyekabiri
📚 قیسا حیکایه: بیر سالخیم اؤلوم
🖌 یازار: حسن دولتیاری
📖 ناشر: طغرل
🎙️ سس و تنظیم: نیره اردلانی
🕰 زامان: 00:09:11
💾 اؤلچو: 8.42 MB
#بیر_سالخیم_اؤلوم
#حسن_دولتیاری
#نیره_اردلانی
#قیسا_حیکایه
@nayyereh_ardalani
@turkcehikaye
استاد صالح عطایی یازان «کلمه‌لرین آردیجا» رومانینا تنقیدی باخیش- احد فرهمندی
.
.
@turkcehikaye
📚 قیسا حیکایه: ساری کؤینک
🖌 یازار: رقیه کبیری
🎙️ سس و تنظیم: نیره اردلانی
🕰 زامان: 00:08:55
💾 اؤلچو: 8MB
#ایچیمده_کی_قیز
#ساری_کؤینک
#رقیه_کبیری
#نیره_اردلانی
#قیسا_حیکایه
@ruqayyekabiri
@nayyereh_ardalani
@turkcehikaye
🦊 رادیو تۆلکوده ناغیل زامانی
🎙️ دۆنیا ناغیللاری سجاد دشتی ایله
📖 باتلاق اوشاغی- جین ویلیس
🔸 ۴ یاشدان یوخاری اوشاقلارا
🎧 تدوین: سجاد دشتی
🩵 سئومک نه آنلاما گلیر؟
کریستی و باجیسی، باتلاق اوشاغیندان اؤیره‌نیر!
@tulkuacademy