وشەکانم درووست ئەکەم لە یادی
ئەوانە وا کۆڵیان نەدا لە تێکۆشان
قوڵپی خوێنی چڕی خۆیان بۆ ئازادی
ڕژانە ناو گەرووی تینووی چرای ژیان
#لەتیف_هەڵمەت
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــ
سپێدەیەک بە جریوە
خەیاڵم پڕکە لە خۆشی
لە جێی خەمدا
با بە خەندەیەک ئاوس بم
ئەو کات بەڵێنت پێ دەدەم
دانەکانم نەشارمەوە
ساڵ ڕۆیشت و
باڵندەیەک شوێن کۆچ و
کۆچباری نەکەوت
شەو نییە کابوسە خەونێک
وەئاگام نەهێنێ
بە چرپەیەک دێیتەوە دنیای دڵم و
خورپەی ناخم دەهەژێنی
دەستەکانم پڕ دەکەیتەوە لە گوڵ و
چاوەکانم پڕ ئەستێرەی گەشی هیوا و
ناخم پڕ کۆتری سپیی خۆشەویستی...
ــــــــــــــــــــــــــــــ
📔 پێکەکان بیریان دەچێت بمخۆنەوە
#چنار_نامیق
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#clip
#شیعر
لێگەڕێن ئەم نیشتمانە ببێتەوە بە نیشتمان...
#لنگستۆن_هیوز
وەرگێڕانی: #ئازاد_بەرزنجی
خوێندنەوەی: #زانا_موحەمەد
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#وەرگێڕان
ـــــــــــــــــــــــــــــــــــــــــــ
کێ دەزانێت
کە تۆ لە پیلەی تەنیایی خۆت تەنیای!!!
کێ دەزانێت کە تۆ لە داخی کڵاوڕۆچنەیەک بۆ بەیانی چاوەڕێی؟
پیلەکەت بکەرەوە
تۆ بە قەد پەپوولە بوونت جوانی....
ـــــــــــــــــــــــــــــــــــــــــ
نووسەر: #سوهراب_سپێهری
وەرگێڕان: #ڕامیار
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_ھاوڕێیان
🗓 ئەمڕۆ یەکشەممە
☀️۱۳ی جۆزەردانی ۲۷۲٤ی کوردی
چل خەم، چل خەیاڵ،
چلیش وەسواسە
سێ چل، چۆن دەرکەم بە یەک هەناسە؟!
#مەولەوی📚
✅ @tapuynusrawe
🔶🔶🔸🔸
🎵 #مەقام
📝دەمەوێ لەگەڵت بدوێم و...
✍🏻شیعری: #سەلاح_موهتەدی
🎼بە سۆزی دەنگی:
هونەرمەند #ناسر_ڕەزازی
ـــــــــــ
#تاپوی_نووسراوە 📚
✅ @tapuynusrawe
🔶🔸🔸
کەسێک
بە بەردەکانی گوت:
ببنە مرۆڤ
بەردەکان گوتیان:
هێشتا
وەکوو پێویست
ڕەق نین.
ـــــــــــ
#ئێریش_فرید
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــ
"بەشێک لە دەقی گەڕانەوە بۆ ماڵی باران...بۆ باران"
دەستەکانمان یەکتر نادۆزنەوە
من و تۆ دەبین بە دوو کەرتەوە
گەورە بووین و دڵمان بە بەر چاوی مانگی چواردەوە بۆ عەشق دەرهێنا
وەک دوو هاوڕێ کە هەرگیز جەفا دڵی نەشکاندبین
زامەکانمان نیشانی کەس نەدەدا
دەستمان بۆ یەکتری دەگرتەوە و وەک دوو ماسی لەخۆبایی داهاتوومان بۆ یەکتری دەخوێندەوە
جوانی خۆمان وەک خەزێنەی پادشا بەخشندەکان تەخشان و پەخشان دەکرد!
ـــــــــــــــــــــــــــ
#لازۆ_ئازاد
#تاپوی_نووسراوە📚
✅ @tapuynusrawe
🔶🔶🔸🔸🔸🔶🔶
📽 #کورتە_ئەنیمەیشن
💢 (باڵندە شینەکە)
🎬دەرهێنەر: مۆنیکا ئومبا
📖 وەرگیراو لە شیعرێکی چارلێز بۆکۆفێسکی
✅ @tapuynusrawe
🔶🔶🔸
سوێندمان بە خوێنی شەهیدان
تۆڵە لە دوژمن دەستێنین
داگیرکەرانی کوردستان
لەڕەگو ڕیشەوە دێنین
سوێندمان بە خاکی کوردستان
دەبێ کوردستان ڕزگار کەین
داگیرکەر لە خاکمان دەرکەین
گیانی شهیدانمان ڕزگار کەین
#هەژار_موکریانی
#تاپوی_نووسراوە
✅ @tapuynusrawe
🔶🔶🔸🔸🔸
🔶🔶🔸🔸
✅ @tapuynusrawe
#وەرگێڕان
ــــــــــــــــــــــ
گەر کەسێک بیەوێت بە تەنهایی بچێت بۆ بەهەشت، ئینسانێکی چاک و بێ ئازارە.
بەڵام عەزیەت و ئازاری مرۆڤ لەو کاتەوەی دەست پێدەکات کە هەندێ کەس دەیانهەوێت جگە لە خۆیان، کەسانێکی دیکەش ببەن بۆ بەهەشت.
ـــــــــــــــــــ
#گاندی
و. #هەژار
#تاپوی_نووسراوە
✅ @tapuynusrawe
🔶🔶🔸🔸
🗓ئەمڕۆ چوارشەممە
☀️۹ی جۆزەردان 2724ی کوردی
نیعمەتە ئەم خاک و خۆڵەم
تا ئەبەد جێی ناهێڵم
خاکی سووتاوی وەتەن
بۆ سـورمەیی چـاوانمـە!
✅ @tapuynusrawe 💯
#قانع
🔶🔶🔸🔸🔸🔶🔶
✅ @tapuynusrawe
🎵 #گۆرانی : "مەقامی خانێ"
هۆنراوەی: #شێرکۆ_بێکەس*
🎻بە دەنگی:
هونەرمەند #ناسر_ڕەزازی
ــــــــــــــــــــــــــــــــــــــــــــــــــــــــــــــــــــــــــــ
خانێ! وەی خانێ!
من ئێستا وەک مەراق ئامادە و
چون هاوار لە سەر پێم!
وەی خانێ، وەی خانێ، وەی خانێ!
ئەپرسم، لە پێشدا پێ بخەمە
کام خاکی واوەیلا و کام عەردی زریکە و
کام وەرزی کوژراوی لەشمەوە؟!
وەی خانێ!
خانێ، وەی خانێ، وەی خانێ!
وەی خانێ، وەی خانێ!
وەوەیلا، وەیڕۆۆۆۆۆۆ، وەی خانێ!
وەی خانێ!
سەرەتا بچمە ناو
کام گەرووی زایەڵە و
کام ماڵی گەڕۆکی مەرگمەوە؟!
وەی خانێ!
یەکەمجار سەر بکەم
بە چیدا؟
بە تەمدا؟!
بە خوێندا؟!
بە گڵدا؟!
بە کوێدا؟!
وەی خانێ، وەی خانێ!
لە بەردەم کام دەشتی شیوەن و
کام هەوای خنکا و کام گۆڕی ئەستێرە و
دەربەندی قیژەدا بوەستم؟!
وەی خانێ!
وەی خانێ!
پێم بڵێن، چۆن بڕۆم؟!
وەی خانێ، وەی خانێ!
ڕاستەو ڕاست؟!
بەرەو خوار
بەرەو ژوور، بۆ لای خوا؟!
چۆن بڕۆم؟
وەی خانێ، وەی خانێ!
بەرامبەر سەرابی خۆرئاوا مل بنێم؟!
یان هەڵمی سوربای ڕۆژهەڵات؟!
پێچاوپێچ؟!
وەی خانێ، وەی خانێ، وەی خانێ!
واوەیلا، وەیڕۆ، وەی خانێ!
وەی خانێ!
پێم بڵێن: چۆن بڕۆم؟! لەگەڵ کێ؟!
بە قسەی کام خۆڵ و کام لم و
کام سەحرای عەدەم و
بە قسەی کام ڕەنگی پەلکەگیا و
کام پووش و پەڵاشی ڕومادی و کەربەلا و
بە قسەی کام لاڕێی ڕەشەبا و
کام داڵی نوگرەکەی سەلمان و
کام جرجی خوار بەغدا بکەم و
کام گومان بکەمە
ڕێبەری سۆراخی سەفەرم؟!
پێم بڵێن:
پێم بڵێن:
پێم بڵێن:
وەی خانێ، وەی خانێ، وەی خانێ!
وەیڕۆ، واوەیلا، وەی خانێ، وەی خانێ!
ــــــــــــــــــــــــــــــــــــــــــــــــــــــــــــــــــــــــــــ
* ئەم شێعره هی کتێبی "گۆڕستانی چراکان"ی مامۆستا شێرکۆ بێکەسی نەمره.
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وتەی_ناوداران
هەر گەمژەیەک دەتوانێت
یاسایەک لە شوێنێک
دامەزرێنێت و گێژێکی دیکەش
گرنگی پێ بدات.
ـــــــــــــــــــــ
#هێنری_تورئو
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــــــــــــ
پێ بزانی یا نهزانی
بهئاسانی
خۆم بۆت كردووه به قوربانی
با بزانی
بۆ نهزانی
چونكه تۆ بۆم
گوڵی باخ و
باخی گوڵی
ههر دووكیانی
ههر سێكیانی
باخ و
گوڵ و
ئاوی كانی!
ههر چواریانی
چاوی
برژانگی
زوڵفی خاوی
شنه و شهبهنگی بهیانی
بێمنهتم لێت
من تۆی ڕێگام
تۆ كوێیه ڕێت؟!
ـــــــــــــــــــــــــــــــــــــــــــــــ
#هاشم_چەمخارا
#تاپوی_نووسراوه 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#وەرگێڕان
ـــــــــــــــــــــــــــــــــــــــــــــ
ڕاستە ئازار ھەیە، مەرگ ھەیە، ژانی جودایی ھەیە، بێئارامیش ھەیە، شادی ھەیە، سەما ھەیە، خــــــــــودا ھەیە...
ژیان؛ وەک ڕووبارێکی گەورە؛ ھەمیشەییانە ڕەوانە...
ژیان؛ وەک ڕووبارێکی گەورە کە ڕووەو دەریا دەڕوا، لە خوار پێی خوداوە دەجمێ...
ئەوەتا خۆر، ھێشتا ھەڵدێ..
ھێشتا چرای ئەستێرەکان بە ساپیتەی شەوەوەن...
پاییز، ھەروا لەنجە دەکا و دەخشێ لە عەرد دامێنی زەردی...
شەپۆلانی دەریا، گۆرانی دەڵێن و بەسەریەکدا دەخزێن، شەپۆلانی دەریا، لە باوەشی کەناردا ون دەبن...
ئەوەتا گوڵەکان دەڕوێن، خونچەکان جیلوە دەکەن و دەپشکوێن...نەبوون نییە...
ھەبوون ھەیە... مەنزڵ نییە...
ڕێگا ھەیە...
لەدایکبوونی ھەر منداڵێ، نیشانەی ئەوەیە ھێشتا خودا لە مرۆڤ نائومێد نییە..!
ــــــــــــــــــــــــــــــــــــــــ
#ڕابیندرانات_تاگور
وەرگێڕ: #توانا_ئەمین
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_ھاوڕێیان
🗓 ئەمڕۆ دووشەممە
☀️ ۱٤ی جۆزەردانی ۲۷۲٤ی کوردی
قوربت سەبەبی بوعدە
لە یار و لە دییارم
ڕازیم بە جەفا گەر بە وەفا
بێیە دییارم!
#حەریق📚
✅ @tapuynusrawe
🔶🔶🔸🔸
بۆ ئەوەی بتوانی ئافرەتێک وا لێ بکەیت خۆشی بوێیت، پێویستە دوو سیفەتت تێدابێت؛
یەکەم بتوانی تووڕەی کەیت، دووەم بتوانی بیخەیتە پێکەنین.
#بەختیار_عەلی
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
🔶🔶🔸🔸
✅ @tapuynusrawe
#شیعر
ــــــــــــــــــــــــــــــ
گوڵەکەم....
نازانم چۆن ئاوێتەت بم،
ئهگهر بهههشتیت، پێم بڵێ،
تا كڕنۆش بهم بۆ گشت خواكان
ئهگهر دۆزهخیت، پێم بڵێ،
تا زهمین پڕكهم له تاوان
نازانم، چۆن ئاوێتهت بم؟
گهر خاكێكی داگیركراوی،پێم بڵێ،
تا پێستم بكهم به ئاڵات،
گهر وهك منیش قهرهجێكیت،
سنوورێكم بۆ بكێشه،
بۆ خۆت، من بكه به وڵات....
ــــــــــــــــــــــــــــــ
#پەشێو
#تاپوی_نووسراوە
✅ @tapuynusrawe
🔶🔶🔸🔸
🔶🔶🔸🔸🔸🔶🔶
✅ @tapuynusrawe
#کورتە_چیرۆک
📚 کورتەیەک لە چیرۆک
ــــــــــــــــــــــــــــــ
ده عەیبە داوەشێی... چۆن وا دەڵێی؟
من ئەو هەموو جاڵجاڵۆکە غەریبەم کوشت تا هی خۆم بیت...
دە تۆ هەستەوە سەیرکە.. بزانە خۆشەویستیی من چ قەسابخانەیەکی جوانی دروست کردووە.. تۆ بزانە گەرمیی خوێنی من بۆ تۆ چ گۆمێکی پڕ لە خوێنی ساردی لەم ناوە دروست کردووە...
هەستەوە... ئەم لاشانە گەواهی ئەڤینی منن و تۆ.. ئەم کوشتارگایە تۆ دروستت کرد... هەر کەسێک زات بکات و لەم پەرژینە نزیک بێتەوە و بێ بەم دیودا چارەنووسی لەم کوژراوانە ڕووناکتر نابێ... هەستەوە و دەم لە زەوی گیر مەکە..
هەستەوە و دەم بنێ بە هەناسەمەوە...
تۆ ببینە چ کەژاوە و کولـلە و پەردەیەکم بۆ دروست کردووی .. ماڵێکە لە ئاوریشم بۆم چنیویت...
ــــــــــــــــــــــــــــــ
📚 لە چیرۆکی: #خەونی_جاڵجاڵۆکەکان_و_ژنێکی_منگن /ل. ۳۸
نووسەر: #شێرزاد_حەسەن
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
دە دەرگاکە ئاوەڵا کە
جۆگەیەکی سرک و ماندووم،
خۆشم ئەوێی ناڕۆمەوە
لەگەڵ بەفر و شەوا هاتووم..
هاتووم لەناو لەپتا بنووم!
____
✍ #بەکر_عەلی
#تاپوی_نووسراوە 📚
✅ @tapuynusrawe
🔶🔶🔸🔸🔸
🔶🔶🔸🔸
✅ @tapuynusrawe
#وەرگێڕان
ــــــــــــــــــــــــــ
سـەرت تۆزێکـی تر بێنـە پێشـەوە تا هـەمیسـان هێورتر پێت بـڵێم:
باشتـرین هـەڤاڵی مـرۆڤ، مـرۆڤە نـەک کتـێب!!!
پەڕتووکەکـان،
تا ئەو کـاتـەی کە یاسـای دۆستـایەتی و مـرۆڤایەتیـت فـێر دەکـەن بەڕێـزن!
نـەک تا ئـەو کاتـەی کـە وەکـوو زەریایـەکـی مـردوو
لە وشـەگـەلێکی مـردوو،
تـۆ لـەنـێو خۆیـانـدا نوقـم بکـەن و بـەرەو قـووڵایی ڕاتبـکێشـن...
تـۆ لە کۆڵانـەکان دەبیتـە مـرۆڤ
نـەک
لە تـۆتـۆی کتێبـەکانـدا...
ــــــــــــــــــــــــــ
✍🏻 #نادر_ئیبراهیمی
و. #سروە
#تاپوی_نووسراوە 📚
✅ @tapuynusrawe
🔶🔶🔸🔸
💫 #ڕۆژباش_ھاوڕێیان
🗓 ئەمڕۆ شەممە
☀️ ۱۲ی جۆزەردانی ۲۷۲٤ی کوردی
سەدای زیل و بەم مەینەت
سەد تەرزەن
خەفەت شادیشەن،
خهم دهماخ بهرزهن!
#مهولهوی📚
✅ @tapuynusrawe
🔶🔶🔸🔸
🎵 #دیکلەمە.مات
✍شێعر.فەرید ڕاژین
خوێندنەوە. کەماڵ میرەکی،
ـــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔶🔸🔸
#وتەی_ناوداران
ئەگەر ویستتان ئەخلاقی پیاوێک تاقی بکەنەوە،
"دەسەڵاتی پێبدەن!"
ــــــــــــــــــــ
#ئابراهام_لینکۆلن
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــــــــــ
ئهوهی خهمی ههژارانی نهبێ
ئهوهی خهمی ڕووت و
بێكارانی نهبێ
ئهوهی خهمی هاوین و زستانی نهبێ
ئهوهی خەمی ههرزانی و گرانی نهبێ
له ئێمه نییه، گورگه
له ئێمه نییه، گورگه..!
ـــــــــــــــــــــــــــــــــــــــــــــــــــــــــــــ
#لەتیف_هەڵمەت
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚 کورتەیەک لە ڕۆمان
ــــــــــــــــــــــــــــــ
لە هەندێ قۆناغی مێژووی کۆمەڵایەتیدا شۆڕش ئەبێ بە شتێکی پێویست و فەرمانێکی ناچاری، چونکە بە شۆڕش نەبێ زوڵم و زۆر و چەوسانەوە بنبڕ ناکرێن.
لە کوورەی شۆڕشا نەبێ کۆت و زنجیری دەست و مل و مێشکی کۆمەڵانی خەڵک ناکرێنەوە. شۆڕش ژانی گەلە.
ژانیش ناوی خۆی بە خۆیەوەیە چ هی ژن بێت چ هی گەل؛ بۆیە شتێکی سەیر نییە کە ژانی گەلێک پڕ دەرد و ئازار و ئارەقە و فرمێسک و خوێن بێت! ئەمە وایە، بەڵام ئایا هیچ گومان لەوەدا هەیە کە هاتنە دونیای نەتەوەیەکی ئازا و سەربەرز، بەختیار، ژانێکی لەوەش پڕ ئازار و ناخۆشتر ئەهێنێت.
ــــــــــــــــــــــــــــــ
📚 لە ڕۆمانی: #ژانی_گەل
نووسەر: #برایم_ئەحمەد
ژمارەی لاپەڕە:۱٥٨
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
بۆ دواجار
چاویلکەکەت دابنێ...
مــــــــــــــــردن وا بەڕێوەیە.
💯 @tapuynusrawe
🔶🔶🔸🔸
✅ @tapuynusrawe
🔶🔶🔸🔸🔸
#وەرگێڕان
____
بهێڵە "دونیا"...
ئاو بیبات!
لە دونیایەکدا کە...
"زەریای ئارام"
بە شوێن ئارامیدا دەگەڕێ
"بەنداویش" ساز کەی؛
تەنیا...
مەخشی" منداڵان" زیاد دەکەیتەوە...
سێوێک کەوتە زەوین و
هەمووان مانای ڕاکێشانیان بۆ دەرکەوت...
هەزاران مرۆڤ بە عەرزدا کەوتن
هیچ کەس
لە مرۆڤایەتی تێنەگەیشت...
__
و. #حەفسە
#تاپوی_نووسراوە📚
✅ @tapuynusrawe
🔶🔸🔸
💫 #ڕۆژباش_ھاوڕێیان
🗓 ئەمڕۆ سێشەممە
☀️ ٨ ی جۆزەردانی ۲۷۲٤ی کوردی
لەلایەک تارە داوی دڵ،
لەلایەک مارە قەستی سەر
چ سیحرێکە عەجەب ماوم،
لە زوڵفی تاروماری تۆ!
#وەفایی📚
✅ @tapuynusrawe
🔶🔶🔸🔸