لەو ڕێگەیە
زۆر دەترسم
دەستی بارانی
تیا بگرم و
تۆی لێ نەبێ ... .
ــ
#جەمال_خەمبار
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#وەرگێڕان
ــــــــــــــــــــــــــــ
دیسانەوە دەسپێدەکاتەوە...
بارانە بەخوڕەکان
چەترە واڵاکان،
دڵەڕاوکێ خووساوەکانی
پاش گڵۆپە سوورەکان
فاڵە خووساوەکان
هەنارە ئاڵەکان
نارنگییە کەسکەکان...
دیسانەوە دەسپێدەکاتەوە؛
ڕۆژانی کورت و نیوە و نیوەچڵ،
شەوانی بێکۆتایی.
بۆنی قاوە تاڵەکانی ناو قاوەخانەکان.
کەناپە ڕووشاوەکانی وێستگە قەرەباڵغەکانی ترافیکە هێدییەکان.
دەسپێکی دووبارەی ژیان
پڕ لە بۆنی گەڵا،
بۆنی خۆڵ و بۆنی ئەڤین و خۆشەویستی.
سڵاو لەم پایزەی بەڕێوەیە،
پاییزتان پیرۆز..
ـــــــــــــــــــــــــــــ
وەرگێڕ: #زاهێد_بابامیری
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_هاوڕێیان
🗓ئەمڕۆ هەینی
☀️۲۱ی بانەمەڕی ۲۷۲٤ی کوردی
کە لێوم سنگی نەرمت ڕا دەمووسێ
بە بارانی بزەت ڕۆحم دەخووسێ
لە سەر پەلکی گوڵی بێگەردی عەشقت
خەیاڵم ڕازی دڵداری دەنووسێ
#ئەمین_گەردیگلانی
✅ @tapuynusrawe
🔶🔶🔶🔸🔸🔸
🔶🔶🔸🔸🔸🔶🔶
✅ @tapuynusrawe
🎵 #گۆرانی:
"لێیگەڕێ با دڵم بگری"
هۆنراوەی: #کەمال_میراودەلی
🎻بە دەنگی:
هونەرمەند #لەیلا_فەریقی
ــــــــــــــــــــــــــــــــــــــــــــــــــــــــــــــــــــــــــــ
لێیگەڕێ با دڵم بگری
ژیری مەکەوە بە لایلایە
وەرزی ئەوین زەرد و کزرە
باران نەبێ دادی نایە
ئێمە بێستانێکمان داچاند
بوو بە پارووی ڕەشەبایە
ئێمە داستانێکمان نەخشاند
بوو بە ئازاری دنیایە
لێیگەڕێ با دڵم بگری
گیانە هێشتا سەرەتایە
لێیگەڕێ با شەو درێژ بێ
ڕۆژی ئێمە هەر هەڵنایە
لە سەرەوە بۆم بچڕەوە
کۆتایی زۆر بێمانایە
بمکەوە بە کۆرپە منداڵ
بمنێوە بەر مەمکی دایە
لێیگەڕێ با دڵم بگری
ژیری مەکەوە بە لایلایە.
ـــــــــــــــــــــــــــــــــــــــــــــــــــــــــــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وتەی_ناوداران
ــــــــــ
زانایی ڕاستەقینەی هەر کەس ئەوەیە:
کە ئاگاداری ڕادەی نەزانیی خۆی بێت!
#کۆنفۆشیۆس
#تاپوی_نووسراوە
✅ @tapuynusrawe
🔶🔸🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــ
"سەراب..."
باوەڕت بێت لەو ڕۆژەوەی تۆ ڕۆیشتوویت
تەنها جارێکیش تەماشای نەینۆکم نەکردووە...
چونکە کە سەیری خۆم دەکەم تۆم بیر دەکەوێتەوە
لەو ڕۆژەوەی تۆ ڕۆیشتوویت
گوزەر هەموو سەرابن...
بەرەو هەر مرۆڤێک
پێ هەڵدێنم سەیر دەکەم سەرابە...
بۆ هەر ڕابردوویەک دەگەڕێمەوە سەرابە...
بڕیاری هەر داهاتوویەک دەدەم سەرابە...
کاتێک ڕابردووەکانم گەیشتوون
زۆر دەمێکە داهاتووەکان ڕۆیشتوون
ئاسۆی سوور ڕەنگی تۆی هەیە
سازی مۆسیقاش دەنگی تۆی هەیە
مانگیش ڕووی تۆی هەیە
منت بە بێدەنگی ون کرد و
خۆشت بوویتە سەراب
ئەو مرۆڤە سەرابییە دێت و دەڕوات
ترسناکترین گەورەترین بڕیارم پێ دەدات
پاکترین پاکانەم پێدەکات
ئێستاش کە گوێ بۆ دەنگی بولبولەکان دەگرم
دەنگی تۆم بیر دێتەوە!
ــــــــــــــــــــــــــــــ
📚 بەتاو پێکدا دەبارین
#نیگار_نادر
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚 کورتەیەک لە ڕۆمان
ــــــــــــــــــــــــــــــ
وا دابنێ تۆ حەزت لە ژنێکە، زۆر شەیدای ئەویت، گەر ببێتە هاوسەرت دەتوانیت بەهەشتێکی بۆ درووست بکەیت، ژیانی بۆ بڕازێنیتەوە، بەڵام ئەو کەسەی خۆشتدەوێت گوێی لە دەنگی تۆ نییە، هەست بە هیچ هەستێکت ناکات، دەڕوات و فەرامۆشت دەکات...
ئا.. بە ساقە دوای ئەوە چی دەکەیت؟ غروور بخە ئەو لاوە.. تۆ لە تەنیایی و تاریکی خۆتدا نوقم دەبیت، ئەوە دەتخنکێنێت کە دەبینی ئەو کەسەى خۆشتدەوێت نرخی دەنگی تۆی نەزانی، فەرامۆشی کردوویت.
بەڵام ئەو خۆشەویستە دەڕوات و پاش ماوەیەکی درێژ دەگەڕێتەوە، هەست دەکات ژیانی شتێکی گرنگی کەمە، هەست دەکات بەهەڵەدا ڕۆشتووە، هەست دەکات بە جۆرێک لە جۆرەکان لە جێگایەکدا هەڵەیەکی کوشندەی کردبێت کە بۆ دواوە دەگەڕێتەوە، دەگاتەوە بەردەمی تۆ، تۆ کەسێکی نەخۆش و تێکشکاوی، ئەو کەسەی تۆی تێکشکاندووە ئێستا لە بەردەمتدایە، بەڵام زەمەن ناگەڕێتەوە.
ئەوەی ڕۆشت دووبارە درووست ناکرێتەوە...
ئەوەی ڕۆشت کۆتایی هات، تۆ تێکشکاوی و ئەوی دیش بە جۆرێک لە جۆرەکان تێکشکاوە،
نە تۆ دەتوانیت ڕابردوو بگۆڕیت نە ئەو...
ــــــــــــــــــــــــــــــ
لە ڕۆمانی #کەشتی_فریشتەکان
#بەختیار_عەلی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وتەی_ناوداران
ـــ
مرۆڤەکان بە ئەندازەی خەمەکانیان پیر دەبن
نەک بە ئەندازەی تەمەنیان!
ـــ
#سامۆئێل_بێکێت
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
منداڵەکان سڵاو
بێتاقەتی هەمووتان بووم، لێرە شەو و ڕۆژ بە خەیاڵ و بیرەوەرییە شیرینەکانی ئێوەوە شێعری ژیان، دەهۆنمەوە و هەموو ڕۆژێک بە جێی ئێوە بە خۆرەتاو ڕۆژباش دەڵێم.
لە ئاست ئەم دیوارە بەرزانە، لەگەڵ ئێوە هەڵدەستم، لەگەڵ ئێوە پێدەکەنم و لەگەڵ ئێوە دەخەوم.
جارجارە "شتێک وەکو دڵتەنگی " تەواوی گیانم دەگرێتەوە.
خۆزگە دەکرا وەکوو ڕابردوو، ماندوو لە گەشتێک کە ناومان دەنا "گەشتی زانستی " و بێزار لە هەموو قەرەباڵغییەکان، تۆز و خۆڵی ماندووییەکانمان لەگەڵ ڕوونیی کانیاوی دێهات
لە بیر دەبردەوە،
خۆزگە دەکرا وەکوو ڕابردوو، گوێمان بە "دەنگی پێی ئاو" و لەشمان بە لاواندنەوەی گوڵ و گیــا بسپێرین و هاوکات لەگەڵ سەمفۆنیای جوانی سرووشت پۆلی وانەکانمان ڕێک دەخست و کتێبی بیرکاریمان لەگەڵ هەموو نادیارییەکانی
دەخستە ژێر بەردێک، چونکە کاتێ بابە نانێکی نییە پێشکەشی سفرەی کا، چ جیاوازییەکی هەیە بە دوای "سێ مومەییز چواردەوە بی یان سەت مومەییز چواردە"
وانەی زانست لەگەڵ هەموو گۆڕانی کیمیایی و فیزیکی دنیا، وەلا نێین و بە هیوای گۆڕانێک لە ڕەگەزی "عیشق و پەڕجۆ "پەڵە هەورەکانی ئاسمان لەگەڵ شنە بەڕێمان کردایە و چاوەڕوانی گۆڕانێک بووینایە کە کۆرش هاوپۆلە پڕ لە جووڵەکەتان لەسەر کەلاسەوە، ڕەوانەی کاریگەری نەکرێ و لە تازەلاویدا، لە بەرزاییی ماڵێکەوە بۆ پەیاکردنی لەتە نانێک بۆ هەمیشە نەکەوێتە خوارەوە و بە جێمان نەهێڵێ، چاوەڕوانی گۆڕانێک کە بۆ نەورۆز، جووتێ پێڵاو و دەستێ پۆشەنی نوێ و سفرەیەک پڕ لە نوقڵ و شیرینی بۆ هەمووانی پێ بێ.
خۆزگە دەکرا دیسان بە دزییەوە و دوور لە چاوی بەڕێوەبەری تووڕەی مەدرەسە، ئەلفبیتکەی کوردیمان دووپاتە دەکردەوە و بۆ یەکتر بە زمانی زگماگی شێعرمان دەهۆنیەوە و گۆرانیمان دەوت و دەست لە دەستی یەکدا
هەڵدەپەڕاین هەڵدەپەڕاین هەڵدەپەڕاین
خۆزگە دەکرا لە بەینی کوڕانی پۆلی یەک دەبووینە گۆڵ گرەوە و ئێوە لە خەونی بوون بە "ڕۆناڵدۆ "، گۆڵتان لە مامۆستاکەتان دەکرد و باوەشتان بە یەکترا دەکرد، بەڵام بەداخەوە نازانن کە لە وڵاتی ئێمە خەون و ئاواتەکانمان بەر لە چوارچێوەی وێنەکانمان
گەردیلەی لەبیر چوون دایاندەپۆشێ
خۆزگە دەکرا هاوپێی کچانی پۆلی یەک لە کایەی مامە زنجیر بافا دەبووم، هەر ئەو کچانەی کە دەزانم چەند ساڵی تر لە سووچی تێنووسی بیرەوەرییەکانیانەوە بە دزییەوە دەنووسن "خۆزگە کچ بە دنیا نەدەهاتین"
دەزانم گەورە بوون، شووتان کردووە، بەڵام بۆ من هەر ئەو فریشتە پاک و بێگەردانەن کە هێشتا "جێ ماچی ئەهوورامەزدا " لە نێوان چاوە جوانەکانتانا ئەبینرێ، ڕاستی کێ دەزانێ کە ئەگەر ئێوە فریشتەکانی لە دایک بووی ئازار و فەقیری نەبوونایە، قاقەز بە دەست بۆ دەستەی ژنان، ئیمزاتان کۆ نە کردایەتەوە و یا ئەگەر لەم سووچەدا "خاکی لە بیر کراوی خودا "لە دایک نەبوونایە، مەجبوور نەدەبوون لە تەمەنی سێنزە ساڵیدا بە چاوی پڕ لە فرمێسک و حەسرەتەوە "لەژێر تۆڕی سپیی بووکێنی" بۆ دواهەمین جار لەگەڵ قوتابخانە ماڵاوایی بکەن و "چیرۆکی تاڵی ڕەگەزی دووەم " بە هەموو بوونتانەوە هەڵسەنگێنن.
کچانی وڵاتی ئەهوورامەزدا، بەیانی کە لە دامێنی سرووشتا، ویستتان بۆ منداڵەکانتان پنگە بچنن یان لە هەموو پاکی و شادمانییەکانی سەردەمی مناڵی، بۆیان لە وەنەوشە تاجەگوڵینەیەک درووست کەن، حەتمەن بیر کەنەوە.
کوڕانی سرووشتی هەتاو، دەزانم ئیتر ناتوانن لەگەڵ هاوپۆلییەکانتان دانیشن، بخوێنن و پێبکەنن، چونکە دوای "بەڵای بوون بە پیاو"
ئەوجار "خەمی نان "بەرۆکتان دەگرێ، بەڵام لە بیرتان بێ،
بە شێعر، بە گۆرانی، بە لەیلاکانتان، بە خەونەکانتان، پشت نەکەن، منداڵەکانتان فێر کەن بۆ نیشتمانیان، بۆ ئەمڕۆ و بەیانیان، ڕۆڵەیەک بن لە ڕەگەزێ "شێعر و باران "
بە دەستی با و هەتاوتان دەسپێرم تا سبەینێیەکی نە ئێجگار دوور، وانەی عیشق و ڕاستی بۆ نیشتمانتان بڵێن .
هــاوڕێ و هاویاریتان، مامۆستای دەورانی مناڵیتان
#فەرزاد_کەمانگەر
ــــــــــــــــــــــــــــــــــــــــــــــــــــــــــــ
وەرگێڕ: #حمێرا
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
#ڕۆژباش_هاوڕێیان
🗓ئەمڕۆ چوارشەممە
☀️۱۹ی بانەمەڕی ۲۷۲٤ی کوردی
نەتەوەیەک،
خاکی داگیرکەن، نامرێت!
ماڵی ئاگر بەن، نامرێت!
نامرێت، تەنانەت
جلی بگۆڕن و باڵی بشکێنن
بەڵام دەمرێت،
ئەگەر زمانەکەی لێ بستێنن!
ــــــــــــــــــــــــــــــــــ
#ئێجلال
#تاپوی_نووسراوە 📚
✅ @tapuynusrawe
🔶🔸🔸
📽 #کورتە_ئەنیمەیشن
💢 (باڵندە شینەکە)
🎬دەرهێنەر: مۆنیکا ئومبا
📖 وەرگیراو لە شیعرێکی چارلێز بۆکۆفێسکی
✅ @tapuynusrawe
🔶🔶🔸
🔶🔸
♨️ من_که_کوردم
شیعر : #مامۆستا_قانع_مەریوانی
دهنگ : #عادڵ_عەزیز
✅ @tapuynusrawe
♨️💯♨️💯♨️✌️
لە هێلانەی سینگی تۆدا، مەمکەکانت،
دوو چۆلەکەی ساوای برسین.
هەر کە فڕەی پەنجەکانی من دەبیستن،
جوک جوک، دەنووک دەکەنەوە.
ــ
#قوباد_جەلیزادە
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــــــــــــ
ئامانجی وایە پێنووســـی دەستـــم
وەهایە هیوای شێعر و هەڵبەستـم
تاقەی مـــرواری هەر چەندە جوانــە
بووکی بە نرخـــی نێو گەوهــەرانە
بەڵام ئەو کاتــــەی کۆ بکرێتـــەوە
لەســـــەر شریتـــێ بهۆنرێتـــەوە
ئەو ساتە جوانە و جوانتـــر دەنوێنێ
تاکوو بە تەنیـــــا لە لای بمێنــــێ
زمانی کــــوردیش ئەو گەوهەرەیــە
کە دیاری بــەرزی مێژووی ئێمەیە
وشەی جوان جوانی نێو کوردەواری
جوانتــر لە زێڕ و لەعل و مــرواری
کاتێ بە شێوەی جوانــێ هۆنــراوە
چاکتر دەنوێنێ و هەر لەبەر چـــاوە
هەرگیز ون نابــێ و ناخرێتـــە لاوە
ئامانجی وایــە پێنووسی دەستــــم
وەهایە هیــوای شێعر و هەڵبەستم
ــــــــــــــــــــــــــــــــــــــ
مامۆستا: #شەریف
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚 کورتەیەک لە ڕۆمان
ــــــــــــــــــــــــــــــــــــــــ
ژیان کۆمەڵێک بگرەوبەردەی زۆری تێدایە و لە یەک کاتدا بۆ پێشەوە و بۆ دواوە پاڵت دەنێ!
تۆ دەتەوێ شتێک بکەی، ئەو ناچارت دەکا شتێکی تر بکەی، شتێک ئازارت دەدا، کە خۆشت دەزانی شایانی ئەوە نییە بهێڵی ئازارت بدا.
لە هەمان کاتدا،
گرنگی بە هەندێ شتی گەورە نادەی، کە دەزانی دەبێ گرنگییان پێ بدەی!
ـــــــــــــــــــــــــــــــــــــــ
لە ڕۆمانی:
#سێشەممان_لەگەڵ_مۆری
✍ #میچ_ئەڵبۆم
وەرگێڕان: #جوتیار_ژاژڵەیی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وتەی_ناوداران
هەندێ جار
لەبەر خاتری ئەو کەسەی
کە هەموو شتێکت بۆی لە دەست داوە،
دواجار دەگەیت بەوەی کە
خۆشت لە دەست بدەیت!
ــــــــــ
#ئۆریانا_فالاچی
#تاپوی_نووسراوە
✅ @tapuynusrawe
🔶🔸
🔶🔶🔸🔸🔸🔶🔶
✅ @tapuynusrawe
#شیعر
ـــــــــــــــــــــــــــــــــــــــــــ
ئەی پەری خان
باران نەنووست و
نەنووستم ...
بەڵام چبکەم
پێت نەگەیشتم؟!
هەموو شەوێ کە فورات دێتە دیدەنیم؛
حیکایەتی ماسیی چاوی
بە زۆر لە ئاو دەرهێنراوی
تۆی بۆ ئەکەم...
گوێم بۆ ئەگرێ...
کە من ئەگریم؛
ئەویش ئەگری
ئەگری و ئەگری و ...
هەتا وەنەوز لە شەپۆلی
چاوەکانیا
ئەیباتەوە،
هەتا لەناو گیانما ئەنوێ ...
ئەی پەری خان
وا فورات نووست
وا باران نووست
تەنانەت وا ژوورەکەم نووست
پێخەفم نووست
بەڵام پەری
ئەی ''پەری خان''ی وڵاتی خۆڵەمێش و گوڵەباخم
من نەنووستم
من نەنووستم
من نەنووستم ...
ــــــــــــــــــــــــــــــــــــــــــــــــــــــ
مامۆستا #شێرکۆ_بێکەس
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚کورتەیەک لە ڕۆمان
ـــــــــــــــــــــــــــ
زۆربەی ئافرەتان
غەزەلیان تا ئەو شوێنە
پێ قەبووڵە که لەگەڵ
هاتنەدی ئارەزووەکانی دیکەدا بێت.
ئەو کچانەی عەشقیان
تەنیا وەکوو عەشق دەوێت،
جنسێکی کەمن لە ئادەمیزاد.
ـــــــــــــــــــــــــــ
📚لە ڕۆمانی
#غەزەلنوس_و_باغەکانی_خەیاڵ
لاپەڕەی 236
#بەختیار_عەلی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
وتم: تەنها منم پابەندی عیشقی تۆ، وتی: گوم بە!
هەزارێکی وەکو تۆ کوشتەیی شەمشێری ئەبروومە
وتم گەردەنکەچی عیشقت منم تەنها، وتی: شێتی!
سەدی وەک تۆ لە هەر سوو بەستەیی زنجیری گێسوومە
#سالم
✅ @tapuynusrawe🔸
🔶🔶🔸🔸🔸🔶🔶
✅ @tapuynusrawe
#وەرگێڕان
ــــــــــــــــــــــــــــــــــــــــــ
مرۆڤێک کە نەگەشتبێت بەوەی کە
خۆی بناسێت،
نەخوێندەوارێکی ڕاستەقینەیە؛
هەرچەن تەواوی کتێبەکانی دونیای خوێندبێتەوە...!
گەر ناخت لێوڕێژ لە تووڕەیی، بێزاری، خۆپەرستی، خۆبەزل زانین، ئێرەیی و زبڵگەلێکی ترە، ئیدی تێبگە؛
هیچکات شتێک فێر نەبوویت و
هێشتا گەشەت نەکردووە!
ـــــــــــــــــــــــــــــــــــــ
✍ #کریشنا_مورتی
و: #کازیوە
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_هاوڕێیان
🗓ئەمڕۆ پێنجشەمە
☀️۲۰ی بانەمەڕی ۲۷۲٤ی کوردی
ئەی شاکچی بەیان و
بەهار و شێعر و شەونم
ئاوێتە بوو ئەوینت
لەگەڵ خەیاڵ و خەونم
#ئەمین_گەردیگلانی
✅ @tapuynusrawe
🔶🔶🔶🔸🔸🔸
🔶🔶🔸🔸🔸🔶🔶
✅ @tapuynusrawe
🎵 #گۆرانی: "هۆهۆ نازەنین"
هۆنراوەی: #سیمین_چایچی
🎻بە دەنگی:
هونەرمەند #کەمال_قادری
ـــــــــــــــــــــــــــــــــــــــــــــــــ
دەم ئێوارەیه خۆزگە له ئاسۆ
ڕەنگ ئەداتەوه له چاوانی تۆ
دەم ئێوارەیه خۆزگە لە پاییز
بووەته میوانی هۆنراوەی ئازیز
((هۆهۆ نازەنین بەجێم مەهێڵه
ئاسكی چاوانم له شوێنت وێڵه...))
دەم ئێوارەیه مەست و نابەدڵ
یار بەڕێ ئەكەم بەرەو شاری گوڵ
خوداخودامه كۆچت درۆ بێ
هەتاهەتایە چاوم له تۆ بێ
((هۆهۆ نازەنین بەجێم مەهێڵه
ئاسكی چاوانم له شوێنت وێڵه...))
من و ئێواره كپ و بێقەرار
ڕەوانەی ئەكەین كۆچی تازەیار
ئەو ڕووناكاییی ڕۆژی بەرزەناو
منیش سەرچاوگەی زێڕینی هەتاو
((هۆهۆ نازەنین بەجێم مەهێڵه
ئاسكی چاوانم له شوێنت وێڵە...))
ــــــــــــــــــــــــــــــــــــــــــــــــــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــ
"وشە"
کە دێم بۆ لات
یەک وشە لەگەڵم نایە
دڵم دێتە ترپەترپ و
وەکوو مەستێ
پێیەکانم بە یەکایە
سەدان شیعرم هۆندوەتەوە
چەند کتێبم خوێنوەتەوە
کەچی لە بەردەمی تۆدا
بە شێوەیەک دائەمێنم
بە هیچ زمانێکی دونیا
وشەیەک بە بیرما نایە
بیدرکێنم
بڕوا بکە بەرلەوەی بێم
پڕپڕم لەوەی بێم
پڕپڕم لە جووڵە و سەوما
خوێنم خەریکە باڵ ئەگرێ لە جەستەما
ئاوێنەکەم ئەوندە جوان سەیرم ئەکا
تۆزێکی تر لەبەردەمیا ڕابوەستم
باوەش بە باڵاما ئەکا
کەچی کاتێ ئەگەمە لات
ئەوەندە بێدەنگ و ماتم
خۆیشم تەواو دڵنیا نیم
کە مرۆڤم یاخود بتم
هەموو شەوێ لای پێنووس و دەفتەر و شیعر و مۆمەکەم
دائەنیشم تێر سەرزەنشتی خۆمەکەم
بەقەد ئەوەی تۆم خۆشەوێ
وەختە ڕقم لە خۆمەبێ
ڕقم لە بێزمانیم و
لە بێهێزی ئەژنۆمەبێ!
ــــــــــــــــــــــــــــــ
📚شارێکی تر
#ڕەنج_سەنگاوی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🌹🌹🌹🌹🌹🌹
@tapuynusrawe
🍂🍂🍂🍂🍂🍂
پێنووس و تێنووسم لێ مەگرەوە، دەمهەوێت بۆ منداڵانی وڵاتەکەم لای لایە بهۆنمەوە، پڕاوپڕ لە هۆمێد، دەمهەوێت بنووسم، لە گەڵ هاوڵاتیانم بدوێم، هەر لێرەوە، لەم سلوولەوە...
#فەرزاد_کەمانگەر
#تاپوی_نووسراوە
ئەمڕۆ ساڵڕۆژی لە سێدارە دانی مامۆستا فەرزادی کەمانگەر و هاوڕێیانییە، ڕۆژێک کە بۆ ڕێزگرتن لە نێوی و ڕێگای بەرزیان لە ئێران و کوردستان لە لایەن ئازادی خوازانەوە بە ڕۆژی مامۆستای ئازادە(معلم آزاده) پێناسە کرا، یادیان بەرز و ڕێگایان پڕ ڕێبوار ...
@tapuynusrawe
🥀🥀🥀🥀🥀🥀
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚 کورتەیەک لە ڕۆمان
ــــــــــــــــــــــــــــــ
وا دابنێ تۆ حەزت لە ژنێکە، زۆر شەیدای ئەویت، گەر ببێتە هاوسەرت دەتوانیت بەهەشتێکی بۆ درووست بکەیت، ژیانی بۆ بڕازێنیتەوە، بەڵام ئەو کەسەی خۆشتدەوێت گوێی لە دەنگی تۆ نییە، هەست بە هیچ هەستێکت ناکات، دەڕوات و فەرامۆشت دەکات...
ئا.. بە ساقە دوای ئەوە چی دەکەیت؟ غروور بخە ئەو لاوە.. تۆ لە تەنیایی و تاریکی خۆتدا نوقم دەبیت، ئەوە دەتخنکێنێت کە دەبینی ئەو کەسەى خۆشتدەوێت نرخی دەنگی تۆی نەزانی، فەرامۆشی کردوویت.
بەڵام ئەو خۆشەویستە دەڕوات و پاش ماوەیەکی درێژ دەگەڕێتەوە، هەست دەکات ژیانی شتێکی گرنگی کەمە، هەست دەکات بەهەڵەدا ڕۆشتووە، هەست دەکات بە جۆرێک لە جۆرەکان لە جێگایەکدا هەڵەیەکی کوشندەی کردبێت کە بۆ دواوە دەگەڕێتەوە، دەگاتەوە بەردەمی تۆ، تۆ کەسێکی نەخۆش و تێکشکاوی، ئەو کەسەی تۆی تێکشکاندووە ئێستا لە بەردەمتدایە، بەڵام زەمەن ناگەڕێتەوە.
ئەوەی ڕۆشت دووبارە درووست ناکرێتەوە...
ئەوەی ڕۆشت کۆتایی هات، تۆ تێکشکاوی و ئەوی دیش بە جۆرێک لە جۆرەکان تێکشکاوە،
نە تۆ دەتوانیت ڕابردوو بگۆڕیت نە ئەو...
ــــــــــــــــــــــــــــــ
لە ڕۆمانی #کەشتی_فریشتەکان
#بەختیار_عەلی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
🎵 #گۆرانی : "سێوە خانێ "
هۆنراوەی: #ڕەفیق_سابیر
مێلۆدی: ئارەزوو ئیسمایل
🎤بەدەنگی:
#ماهیر_ئەمین
ـــــــــــــــــــــــــــــــــــــــــــــــــــــــــــــ
سێوە خان!
ئەمشەو لە گەردونی چاوتا
لەنگەر دەگرم
هاتووم لە ماچانێ گرم
سێوە خانێ
سێوە خان!
ئەمشەو بروسکە زیندەکەم
دەڕۆین دەڕۆین سێوە خانێ
بۆ کوێت بەرم سێوە خان!
بەو شەوی باو و بۆرانێ
نــــــــــا.....نـــــــــا.....نـــــــــا
ناگەمەوە کوردستانێ
سێوە خانێ
بۆ کوێت بەرم سێوە خان!
بەو شەوی باو و بۆرانێ
نــــــــــا.....نـــــــــا.....نـــــــــا
ناگەمەوە کوردستانێ
سێوە خانێ
بۆ کوێت بەرم
سەرداری رۆحە شێتەکەم؟!
بۆ کوێت بەرم
سێوە خانێ؟!
ئەم کەرنەڤاڵی کووشتنە بۆ ئێمەیە
ئەم هەموو قەتە زبرانە بۆ گەردەنی
سەت جار ڕووشاوی ئیمەیە
سێوە خانێ!
دە پێم بلێ بۆ کوێت بەرم
ئەمە کوولەکەی رۆحەکەم
بیشکێنە
ئەمە دڵە ناسۆرەکەم
بیسووتێنە
چۆن ئەم دڵەت بۆ بنێرم
بە کام قاسیدی بسپێرم
سێوە خانێ
بۆ کوێت بەرم سێوە خان!
بەو شەوی باو و بۆرانێ
نــــــــــا.....نـــــــــا.....نـــــــــا
ناگەمەوە کوردستانێ
سێوە خانێ!
ـــــــــــــــــــــــــــــــــــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
💢 ئەمڕۆ 18ی گوڵانی 2724ی کوردی/ 7ی ئایاری 2024ی زایینی،
بەرانبەرە لەگەڵ ساڵوەگەڕی کۆچی دواییی مامۆستا #قانع (1898-1965ز)، شاعیری پایەبەرزی کوردەواری.
📝 #ژیاننامە
ناوی شێخ محهممهد کوڕی شێخ عهبدولقادری کوڕی شێخ سهعیدی دۆڵاشیه و له نهوهی "کابل"ی مهریوانن.
له 15ی ئهیلوولی 1898ز له گوندی (ڕیشێن)ی بناری شارهزوور له دایکبووه.
له تەمەنی 40 ڕۆژیدا بوو که باوکی کۆچی دوایی کردووه و له تهمهنی دوو ساڵیشدا دایکی کۆچی دوایی کردووه.
ژیانی قانع له زهمینهیهکی دهربهدهری و پڕ له کوێرهوهرییهوه دهستی پێکرد.
به ههتیوی له لای خزمێکیان که ناوی ئاغا سهید حوسێنی چۆڕی بووه له ناوچهی مهریوان گهوره بووه و ههر ئهویش داویهته بهر خوێندن.
پاشان به فهقێیهتی چووه بۆ سلێمانی و چهند ساڵێک لهوێ ماوهتهوه.
ههر به مهبهستی گهڕان به شارهکانی کوردستاندا بۆ خوێندن چۆته سنه و مهریوان و سابڵاخ و بۆکان و شنۆ و ههولێر و کۆیه و کهرکوک و سلێمانی و بیاره و دوا قۆناغی خوێندنیشی له مهریوان تهواو کردووه.
قانع بهر لهوهی بە تەواوی فێری خوێندن و نووسین ببێت توانای شاعیرێتی تیا دهرکهوتووه و له سهردهمی جهنگی یهکهمی جیهانیدا خوی داوهتهوه "شیعری ئایینی".
دواتر بە هۆی بارودۆخی کوردستانهوه خولیای شیعری نیشتمانپهروهری بووه، خوێندنهوهی کتێبێکی دهستنووسی فارسی بە ناوی (وقایع الاردلان)
که باسی ڕاپهڕینهکانی تیرهی ئهردهڵانییهکان ئهکات بهرامبهر داگیرکهران، هێندهی تر کار ئهکاته سهر دهروونی شاعیر و بهرههمه شیعرییهکانی و ئیتر ئهبێته شاعیرێکی نهتهوایهتی و نیشتمانپهرهوهر.
لایهنه لهیهک نهچووهکانی شیعرهکانی شاعیر ئهوه ئهگهیهنێ که زادهی فیکری یهک سهردهم و پێویستی یهک قۆناغ و بهرههمی یهک ئێش و ئازار نین، بهردهوام باوهڕی بە یهکگرتنی جهماوهر و یهکسانی کۆمهڵایهتی ههبووه و له سهرهتای چلهکانهوه به تایبەتی له ڕۆژگاری دووهمین جهنگی جیهانیدا ڕێبازی سۆشیالیستی وهکو دیاردهیهکی سیاسی زیندوو لهناو شیعرهکانیدا ڕهنگی دایهوه و له سهنگهری شیعری شۆڕشگێرانهدا دژی دهرهبهگی چهوسێنهر و ئیمپریالیزم بووه و ههمیشه دڵی لهگهڵ ئازار و ئاواتی مرۆڤی جوتیاری چهوساوهی کورددا بووه و وهک شاعیرێکی دڵسۆز و خهمخۆری کورد شیعری بۆ نهتهوهی کورد هۆنیتهوه و لهگهڵ بهسهرهات و کارهسات و ڕاپهڕین و شۆرش و دهستکهوتهکانی کورددا ژیاوه.
له شیعرهکانیدا داوای مافهکانی ژنانی کردووه له بوارهکانی ڕۆشنبیری و کۆمهڵایهتی و ئابووریدا.
قانع له سهرهتای پهنجاکاندا بە هاوکاری مامۆستایان: عهلادین سهجادی و شوکر مستهفا، توانی پێنج بهش له شیعرهکانی به شێوهی دیوانی جیاجیا و قهوارهی تایبهتی چاپ بکات، که ئهم بهرههمانهن: 📚
1_گوڵاڵهی مهریوان
2_باخچهی کوردستان
3_چوارباخی پێنجوێن
4_ شاخی ههورامان
5_دهشتی گهرمیان
کە هەموویان بە زاراوەی "سۆرانی"ن.
له ژیانیدا گهلێ کار و پیشهی کردووه لهوانه: مامۆستای قوتابخانە و کرێکاری و مامۆستای مزگهوت و جوتیاری و ئاشهوانی و فهرمانبهرێتی.
له کۆتایی پهنجاکاندا چهند جارێک خراوهته بهندیخانه. له ساڵی 1960دا له بهندیخانهی سلێمانی چۆنیهتی نووسینی زمانی کوردی فێری زیندانییهکان کردووه.
یادیان بەرز و ڕێگایان پڕ ڕێبوار🌹
ـــــــــــــــــــــــــــــــــــــــــــــــــــــــــــــــــــــــــــــــــــــــــ
#تاپوی_نووسراوه 📚
✅ @tapuynusrawe
🔶🔶🔸🔸🔸🔶🔶
📝"بمكوژه، ئهگهر من نهكوژیت، قاتڵی!"
ئهمه دواههمین یادداشتی كافكایه، له كۆتا ڕۆژهكانی ژیانیدا، له نهخۆشخانهی "كی یرلینگ"، كه بۆ پزیشكەکەی نووسیوە...
ـــ
#کافکا 📚
✅ @tapuynusrawe
🔶🔶🔸
#ڕۆژباش_ھاوڕێیان
🗓 ئەمڕۆ سێ شەممە
☀️ ۱٨ی بانەمەڕی۲۷۲٤ی کوردی
بـۆ سـەیــری گـوڵ و مـێـرگی نــــزاران لـە بـەهاران
چـاوم وەکـو نـێرگز گـەشە مـەفـــتــوونـــی هـەواشـم!
🔶🔶🔸🔸🔸🔶🔶
✅ @tapuynusrawe
🎵 #گۆرانی_ئەردەڵانی : "کەنیشکە گیان"
🎤بەدەنگی:
#شاخەوان_ئەحمەدی
ـــــــــــــــــــــــــــــــــــــــــــــــــــــــــــــ
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
کە تۆ هاتی نەما، ڕۆیی خەم ژانم
کە تۆ هاتی توایەو بەفری زستانم
خوەش هاتی ئەی پەریزادەی خەیاڵی من
خوەش هاتی ئەی کەنیشکە گیان پەری خانم!
خوەش هاتی ئەی کەنیشکە گیان پەری خانم!
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
چەنێ خۆشە کە بی، ڕێگە لە من بگری
بە نازەوە دەست بێری، دەسم بگری
بەڵێنمان بێ لەسەر ئەو عەهد و پەیمانە
هەتا مەحشەر بۆ تۆ بمرم بۆ من بمری
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
کەنیشکە گیان بۆ عاجزی چەت لێم گەرەک؟
خوەت ئەزانی خاس ئەزانی خوەشتم گەرەک
ـــــــــــــــــــــــــــــــــــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶