17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Расея абстраляла дзіцячую кавярню ў Запароскай вобласьці. Загінуў 15-гадовы падлетак, ёсьць параненыя
Удзень 20 жніўня расейскія вайскоўцы ўдарылі па дзіцячай кавярні ў пасёлку Малакацярынаўка Запароскай вобласьці Ўкраіны. У выніку абстрэлу атрымалі раненьні чацьвёра дзяцей 11, 14, 15 і 17 гадоў, а таксама 18-гадовая дзяўчына. 15-гадовага падлетак у выніку памёр ад атрыманых раненьняў.
Па стане на раніцу 28 ліпеня 2024 году, з пачатку вайны ва Ўкраіне загінулі сама меней 564 дзіцяці і сама меней 1487 атрымалі раненьні рознай ступені цяжкасьці:
https://smarturl.click/B6JLQ
На волю таксама выйшлі палітзьняволеныя Ала Зуева і Вольга Стаброўская
Іх заўважыла ініцыятыва @dissidentBY на відэа прапагандыстаў. Алу Зуеву ў кастрычніку 2023 году асудзілі да двух з паловай гадоў калёніі за абразу Лукашэнкі і прадстаўніка ўлады. Вольгу Стаброўскую ў верасьні 2023 году асудзілі да года і трох месяцаў пазбаўленьня волі за абразу Лукашэнкі:
https://smarturl.click/Adk9v
Галоўнае за 20 жніўня
👫 Праваабаронцам вядома пра 8 вызваленых палітвязьняў. Сталі вядомыя імёны трох зь іх
👥 У Беларусі актывізавалі вучэньні вайсковаабавязаных. Ад сёньня зборы пачаліся ў Слуцку і Менску
👨🏻⚖️ Былога намесьніка міністра энэргетыкі Міхадзюка судзяць за хабар у эўра і сэрбскіх дынарах
👗«У нас ці анучы куплялі, ці брэнды». Што кажуць беларусы пра эўрапейскія санкцыі на адзеньне сэканд-хэнд
🙅🏻«Этычны і маральны арыенцір». Экспэрты пра тое, калі варта публікаваць асабістыя зьвесткі чалавека, а калі — не
🙍🏻♂️ Радыкальнае супрацьстаяньне радзей прыводзіць да посьпеху, — палітоляг Пётра Рудкоўскі пра дзьве стратэгіі дэмсілаў
🎥 «ПіК Свабоды». Як вызваліць Бяляцкага? Расейскі праваабаронца Алег Арлоў пра сытуацыю вакол беларускіх палітвязьняў
Акрамя Ксеніі Луцкінай, на волю выйшлі Ірына Санкоўская, асуджаная да 1,5 гадоў калёніі за «зьдзек зь дзяржаўных сымбаляў», абразу прадстаўніка ўлады і Аляксандра Лукашэнкі, і Вольга Новікава, якая адбывала пакараньне за ўдзел у пратэстах:
https://smarturl.click/Adk9v
Яго абмянялі на Красікава. Як вызваліць беларусаў?
Чаму беларускіх палітвязьняў не вызваляюць па абмене? Якія рэпрэсіўныя практыкі беларускага рэжыму запазычвае расейскі? Ці дапамагае за кратамі Нобэлеўская прэмія?
На гэтыя і іншыя пытаньні ў праграме «ПіК Свабоды» адказвае былы расейскі палітвязень Алег Арлоў, адзін з заснавальнікаў расейскай праваабарончай арганізацыі «Мемориал», вызвалены падчас нядаўняга вялікага абмену вязьнямі:
🎥 ВІДЭА цалкам: https://youtu.be/tGuFrENtu4I
У Чырвонай кнізе Беларусі плянуюць панізіць ахоўны статус зубра, мядзьведзя, рысі і барсука, павысіць — ахоўны статус хамяка
Агулам прапануць выключыць з Чырвонай кнігі Беларусі 13 відаў жывёл, уключыць 21 від і зьмяніць ахоўны статус для 33 відаў. Падрабязьней:
https://smarturl.click/8ER9a
«Этычны і маральны арыентыр». Экспэрты пра тое, калі варта публікаваць асабістыя зьвесткі чалавека, а калі — не
«Мы даём дадзеныя незалежным журналістам і іншым асобам, калі гаворка ідзе аб абгрунтаваным запыце, прадстаўніках рэжыму Лукашэнкі»... Калі ж можна публікаваць асабістую інфармацыю, а калі не?
https://smarturl.click/dpejk
У Менску пачынаецца суд над былым намесьнікам міністра энэргетыкі Міхадзюком
Былому высокаму чыноўніку пагражае да 15 гадоў турэмнага зьняволеньня. Ён быў куратарам БелАЭС.
https://smarturl.click/w9dnQ
«У нас ці анучы куплялі, ці брэнды». Што кажуць беларусы пра эўрапейскія санкцыі на адзеньне сэканд-хэнд
«Эўразьвяз забараніў увозіць у Беларусь сэканд-хэнд? Гэта вельмі дзіўна. Калі гэта праўда, то вельмі крыўдна. У мяне чацьвёра дзяцей. У такіх крамах я купляла практычна новы і фірмовы абутак для сыноў. Мяне такая навіна засмуціла».
Разарваць лягістыку і стварыць санітарную зону. У Кіеве вызначылі галоўную задачу апэрацыі ў Курскай вобласьці
Апэрацыя ўкраінскіх войскаў у Курскай вобласьці дазволіць стварыць «санітарную зону», зь якой Расея ня зможа атакаваць цывільнае насельніцтва і аб’екты інфраструктуры Сумскай і Чарнігаўскай вобласьцяў
https://smarturl.click/jkbEq
ЭСПЧ трэці раз адмовіў Андрэю Гнёту ў абароне ад экстрадыцыі
Апэляцыйны суд у Сэрбіі ў справе беларуса адбудзецца 27 жніўня.
https://smarturl.click/bab4v
«Гэта было як сумоўе». Экс-палітвязень пра тое, як у калёніі прапануюць пісаць прашэньне аб памілаваньні
Былы палітвязень, які вызваліўся з калёніі гэтым летам, распавёў @mediazona_by, як палітвязьням прапаноўвалі пісаць прашэньне аб памілаваньні:
«Прыяжджае „сур’ёзны дзядзька міліцыянэр“, глядзіць тваю справу, задае пытаньні па справе, па тваім злачынстве. Ты камэнтуеш свае ўчынкі, чаму зрабіў так ці інакш, чаму напісаў камэнтар ці выходзіў на пратэсты. Па выніках гэтай размовы ён вырашае, варта табе выйсьці раней, ці не», — кажа Сяргей:
Галоўнае за 19 жніўня
👨🏻⚖️ У Менску судзяць 12 фігурантаў у справе аб дывэрсіі супраць расейскага самалёта ў Мачулішчах
🛩 У Беларусі пачалі вучэньні для ваенкораў з акцэнтам на працы ў зоне ўзброенага канфлікту
🇱🇹 На мяжы зь Літвой пасьля ўвядзеньня абмежаваньняў чарга легкавікоў скарацілася амаль у 8 разоў
👫 Найбольш з пачатку году. Цягам ліпеня ў Беларусі па палітычных крымінальных справах асудзілі 170 чалавек
👮🏻♂️«Хатнім хімікам» замяняюць абмежаваньне волі на калёнію. Хроніка перасьледу 19 жніўня
👫 Рок-музыка, сапраўдныя ўнітазы і шпацыры пад купалам. Пагаварылі з тымі, хто прайшоў праз новае СІЗА ў Калядзічах
🙍🏻♂️«ПіК Свабоды». «Лукашэнка ўжо атрымаў “ярлык“ Крамля на 2025 год». Тлумачыць расейскі палітоляг
🎥 «2020 год — гэта адкладзеная перамога», — Алесь Міхалевіч у праекце «Сьведкі Лукашэнкі»
«Лукашэнка ўжо атрымаў „ярлык“ Крамля на 2025 год», расейскі палітоляг
Што хацеў Лукашэнка сказаць сваім інтэрвію «России-1»? Ці запатрабуе Масква дапамогі ў саюзьнікаў з прычыны апэрацыі Ўзброеных сіл Украіны ў Курскай вобласьці? Заявы Лукашэнкі пра новага прэзыдэнта — плян на 2025 год, какетнічаньне ці абстрактныя развагі? — На гэтыя і іншыя пытаньні ў праграме «ПіК Свабоды» адказвае палітычны аналітык, выкладчык Карлавага ўнівэрсытэту Аляксандар Марозаў:
🎥 ВІДЭА: https://www.youtube.com/watch?v=AiYvQIbTOe0
У Беларусі скароцяць колькасьць відаў рамеснай дзейнасьці
У новым пераліку плянуюць захаваць «выключна самабытныя віды дзейнасьці». Для такіх «унікальных рамесьнікаў» прадугледжаны спэцыяльны збор у 6,5 рублёў месяц. Віды рамеснай дзейнасьці, якія ня трапяць у новы пералік, можна будзе ажыцьцяўляць, напрыклад, у якасьці самазанятых з выплатай падатку на прафэсійны даход — 10% ад даходаў.
«Папулярныя і разьвітыя, напрыклад вырабы з эпаксіднай смалы, гіпсу, варэньне мыла... Тут няма нашай беларускай самабытнасьці. Такія віды дзейнасьці з гэтага пераліку сыдуць», — паведаміў міністар эканомікі Юры Чабатар:
https://smarturl.click/4kAqx
Больш за 30 новых кампаній за паўгода: у Польшчы расьце колькасьць беларускіх ІТ-бізнэсаў
На канец чэрвеня ў Польшчы было зарэгістравана 444 ІТ-кампаніі зь беларускім капіталам, ад пачатку 2024 году беларусы адкрылі больш за 30 новых арганізацый. Ад жніўня 2023 году колькасьць ІТ-кампаній зь беларускім капіталам у Польшчы вырасла на 15%, паведамляе dev.by са спасылкай на зьвесткі цэнтру эканамічнай інфармацыі Польшчы:
https://smarturl.click/3kmbp
Журналісту Ўладзімеру Хільмановічу завочна прысудзілі 5 гадоў зьняволеньня і 40 тысяч рублёў штрафу
Справу горадзенскага журналіста Ўладзімера Хільмановіча ў парадку «спэцвядзеньня» разьбіраў Горадзенскі абласны суд. Журналіста абвінавацілі ў «садзейнічаньні экстрэмісцкай дзейнасьці» і ва «ўдзеле ў экстрэмісцкім фармаваньні». Самому Хільмановічу дагэтуль невядома, за што канкрэтна яго асудзілі:
https://smarturl.click/0exLW
5 фактаў пра падзеі і баі ў Курскай вобласьці
Апэрацыя ўкраінскіх войскаў у Курскай вобласьці працягваецца. Украінскі галоўнакамандуючы Аляксандар Сырскі сёньня заявіў, што УСУ рушылі наперад углыб Курскай вобласьці Расеі на 28-35 км і на 20 жніўня кантралявалі 93 населеныя пункты. Расея гэтыя заявы не камэнтавала. Паводле ўкраінскага боку, наступ дазволіць стварыць «санітарную зону», зь якой Расея ня зможа атакаваць цывільнае насельніцтва і аб’екты інфраструктуры Сумскай і Чарнігаўскай абласьцей.
Расказваем сьцісла ў відэа асноўныя факты пра баі ў Курскай вобласьці.
Палітзьняволеную журналістку Ксенію Луцкіну вызвалілі паводле памілаваньня
Дзяржаўны тэлеканал Беларусь 1 паказаў вызваленую паводле памілаваньня палітзьняволеную Ксенію Луцкіну, асуджаную да 8 гадоў калёніі. У зьняволеньні ў яе пачаліся моцныя праблемы са здароўем — у яе расьце пухліна ў галаўным мозгу.
Радыкальнае супрацьстаяньне радзей прыводзіць да посьпеху, — палітоляг пра дзьве стратэгіі дэмсілаў
Беларускі палітоляг Пётра Рудкоўскі ў інтэрвію Свабодзе разважае, якая стратэгія — на эскаляцыю ці на саступкі рэжыму — можа быць больш эфэктыўнай, адзначае неабходнасьць згуртаванасьці дэмакратычных сілаў і аналізуе, якая стратэгія ў барацьбе супраць аўтарытарных рэжымаў гістарычна часьцей прыводзіла да посьпеху.
«Асноўная мэта — дэмакратызацыя Беларусі — не становіцца больш імавернай пры сцэнары далейшай эскаляцыі. Увядзеньне яшчэ больш жорсткіх санкцыяў у дадзенай геапалітычнай сытуацыі не павялічвае імавернасьці пераменаў», — лічыць ён:
Валянтэры расказалі пра эвакуацыю ўкраінцаў празь Беларусь: «Гэта амаль такі ж шлях, як з Кіева да Мадрыду»
Пасьля пачатку ўкраінскай апэрацыі ў Курскай вобласьці быў спынены рух праз гуманітарны калідор Калацілаўка (Белгарадзкая вобласьць Расеі) — Пакроўка (Сумская вобласьць). Грамадзян Украіны, якія вяртаюцца з акупацыі або эвакуююцца з памежнай з Расеяй тэрыторыі, заклікалі выкарыстоўваць пункт пропуску «Макраны — Даманава» на мяжы зь Беларусьсю.
Украінская служба Радыё Свабода высьветліла, як працуе эвакуацыйны калідор празь Беларусь і колькі украінцаў яго выкарыстоўвае:
https://smarturl.click/l5gx1
Праваабаронцам стала вядома пра 7 вызваленых палітвязьняў
16 жніўня Лукашэнка падпісаў Указ аб памілаваньні 30 палітзняволеных, сярод якіх 14 жанчын і 16 мужчын, а некаторыя зь іх маюць сур'ёзныя захворваньні. За апошнія дні з калёній па памілаваньні пачалі выходзіць палітзьняволеныя.
https://smarturl.click/8ERja
Вярхоўная Рада ўхваліла закон пра забарону ва Ўкраіне Расейскай праваслаўнай царквы
Грамадзкія актывісты дабіваліся забароны РПЦ на тэрыторыі Ўкраіны некалькіх апошніх гадоў.
https://smarturl.click/aJbbY
У закрытым рэжыме судзяць былога міліцыянта з Гомля, які падтрымліваў Украіну ў сацсетках
У Гомельскім абласным судзе пачаўся судовы працэс над Віленам Тургунавым, былым супрацоўнікам аддзелу ўпраўленьня ўнутраных спраў Чыгуначнага раёну Гомля.
https://smarturl.click/LYJJd
Байдэн на Зьезьдзе Дэмакратычнай партыі ЗША падсумаваў сваю палітычную кар'еру, выказаўся пра Пуціна і пашырэньне NATO
На Зьезьдзе, які адкрыўся ў Чыкага, Джо Байдэн падкрэсьліў важнасьць лідэрства ЗША ў сьвеце і адзначыў унёсак сваёй адміністрацыі ў супрацьстаяньне Расеі і Кітаю.
https://smarturl.click/VDJ50
Сёньня — 105-я гадавіна сьмерці Івана Луцкевіча
20 жніўня 1919 году памёр Іван Луцкевіч, беларускі археоляг, публіцыст, палітык, адзін з заснавальнікаў беларускага нацыянальнага руху. Разам з братам Антонам Іван Луцкевіч стаў ініцыятарам абвяшчэньня незалежнасьці Беларускай Народнай Рэспублікі.
Больш падзей гэтага дня ў гісторыі — у матэрыяле «Ўжо сёньня»: https://smarturl.click/W3b7k
Зяленскі: Украіна кантралюе 92 населеныя пункты ў Курскай вобласьці
«На сёньняшні дзень нашы сілы кантралююць больш за 1250 км² тэрыторыі ворага і 92 населеныя пункты. Ідзе ўмацаваньне нашых пазыцый, стабілізацыя пэўных раёнаў і папаўненьне абменнага фонду», — заявіў Зяленскі на нарадзе кіраўнікоў замежных дыпляматычных установаў Украіны:
https://smarturl.click/AdkYY
Найбольш з пачатку году. Цягам ліпеня ў Беларусі па палітычных крымінальных справах асудзілі 170 чалавек
Рост адбыўся за кошт правядзеньня групавых судоў у дачыненьні да ўдзельнікаў пратэстаў 2020 году ў рэгіёнах Берасьцейскай і Горадзенскай абласьцей, адзначаюць праваабаронцы.
Гэта найбольшая колькасьць асуджаных за месяц з пачатку году. Для параўнаньня: паводле зьвестак праваабаронцаў, у чэрвені паводле палітычна матываваных крымінальных спраў асудзілі сама меней 146 чалавек, у траўні — 145, у красавіку — 161, у сакавіку — 165, у лютым — 129, у студзені — 120:
https://smarturl.click/Ee78Z
Улады ліквідуюць яшчэ тры беларускія дабрачынныя арганізацыі
Менскі гарадзкі суд 30 жніўня разгледзіць пазовы аб ліквідацыі Міжнароднай грамадзкай дабрачыннай арганізацыі «Ад сэрца» (зарэгістраваная 3 чэрвеня 1996 году) і «Ад сэрца да сэрца» (2 ліпеня 1997 году), а таксама пазоў аб ліквідацыі мясцовага дабрачыннага фонду імя Эўфрасіньні Полацкай.
Паводле Lawtrend, за пэрыяд пасьля прэзыдэнцкіх выбараў 2020 году і да канца ліпеня-2024 ў Беларусі ліквідалі сама меней 1742 некамэрцыйныя арганізацыі (аб’яднаньні, прафсаюзы, фонды, недзяржаўныя ўстановы і асацыяцыі):
https://smarturl.click/e5bg1
Асуджаным на «хатнюю хімію» замяняюць абмежаваньне волі на калёнію, — праваабаронцы
Праваабаронцам «Вясны» за апошнія месяцы стала вядома пра як мінімум 15 спраў па ўзмацненьні пакараньня асуджаным з палітычных матываў — іх пачалі пераводзіць з «хатняй хіміі» ў калёнію. Пры гэтым на «хатніх хімікаў» увесь час ціснуць: да іх ноччу прыяжджаюць з праверкамі, абмяжоўваюць у вольным часе і адпраўляюць на «суткі» за «парушэньне рэжыму адбыцьця пакараньня».
Суды адбываюцца нават над тымі, хто зьехаў зь Беларусі пасьля прысуду:
https://smarturl.click/yqg03