18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Мільён для мяне не кішэнныя грошы». Гутарка з Паўлам Падкарытавым пра адабраны маёнтак Падароск і мэцэнацтва
Пагутарылі з расейцам Паўлам Падкарытавым, які спансуе беларускую культуру. Нядаўна ў яго забралі «Маёнтак Падароск», які ён аднаўляў 10 гадоў і ў які інвэставаў мільён даляраў.
Мэцэнат расказаў Свабодзе пра крымінальную справу на ягоных супрацоўнікаў, страчаную маёмасьць, наколькі цяжка адмаўляць людзям у дапамозе і чаму ён працягвае ўкладаць грошы ў беларускае:
https://smarturl.click/Q980
Праваабаронцы паведамляюць пра рэйды сілавікоў па родных тых, хто зьехаў за мяжу
Людзей просяць угаворваць сваіх сваякоў вярнуцца ў Беларусь праз «камісію па вяртаньні». Вядома пра сама меней 3 выпадкі, калі да людзей прыходзілі з такімі прапановамі, піша @viasna96.
Праваабаронцам вядомыя сама меней тры выпадкі, калі нягледзячы на «дамоўленасьці» супраць людзей заводзілі крымінальныя справы пасьля вяртаньня з-за мяжы праз «камісію па вяртаньні» і праграму сілавікоў «Дарога дадому»:
https://smarturl.click/VWv4
Украіна перадала Расеі аднаго з трох палонных беларусаў, якія змагаліся ў складзе расейскіх сіл
Грамадзяніна Беларусі Максіма Запеку разам зь іншымі расейскімі палоннымі перадалі расейскаму боку ў рамках абмену, паведамілі Свабодзе ў праекце «Хачу жыць». Украінскія вайскоўцы ўзялі яго ў палон летась у кастрычніку пад Бахмутам. Запека пачаў служыць ва Ўзброеных сілах Расеі з 5 жніўня 2023 году — ён казаў, што падпісаў кантракт з расейскай арміяй, бо патрэбны былі грошы.
Сярод тых украінскіх вайскоўцаў, якія ў межах абмену вярнуліся ва Ўкраіну, беларускіх добраахвотнікаў, захопленых Расеяй у палон, няма:
https://smarturl.click/xJQm
Конкурс у Палату прадстаўнікоў значна меншы, чым у папярэднія гады — 2,4 чалавека: ЦВК абнародавала вынікі рэгістрацыі кандыдатаў на выбары
На 110 месцаў у Палаце прадстаўнікоў будуць прэтэндаваць 265 кандыдатаў. Агулам было вылучана 298 кандыдатаў, 34 зь іх не зарэгістравалі. У сярэднім на 1 месца прэтэндуе 2,4 кандыдаты, і гэта значна менш, чым у папярэднія гады: у 2,7 раза менш, чым на папярэдніх выбарах у ніжнюю палату ў 2019 годзе (6,4 чалавека на месца), і ў 2,4 раза — чым на выбарах у 2016-м (5,7 на месца). На выбарах у мясцовыя саветы конкурс — прыкладна 1,5 чалавекі на месца.
З 1996 году незалежныя назіральнікі не прызналі ніводнай выбарчай кампаніі ў Беларусі транспарэнтнай і адпаведнай стандартам АБСЭ:
https://smarturl.click/J1aw
Адбыўся вялікі абмен палоннымі паміж Украінай і Расеяй
Ва Ўкраіну, паводле Ўладзіміра Зяленскага, вярнуліся 207 чалавек, вайскоўцы і цывільныя. У сваю чаргу Мінабароны Расеі паведаміла пра абмен па формуле «195 на 195» — верагодна, гаворка ідзе толькі пра вайскоўцаў.
У Расеі пасьля зьбітага пад Белгарадам самалёта Іл-76 гучалі заявы аб немагчымасьці новых абменаў. РФ настойвала на тым, што на борце зьбітага самлёта былі ўкраінскія палонныя, аднак ніякіх доказаў гэтаму пакуль не зьявілася.
Фота @V_Zelenskiy_official
У Вільні вынесьлі вырак беларусу за напад на беларускую амбасаду
Віленскі гарадзкі акруговы суд прызнаў вінаватым грамадзяніна Беларусі Мацьвея Бяляя ў нападзе на амбасаду Беларусі 20 красавіка 2023 году.
Пакараньне ён ужо адбыў.
https://smarturl.click/pQdj
У Менску 18 шматпавярховікаў, дзіцячы садок і дом інвалідаў засталіся без ацяпленьня і гарачай вады
У «Менскэнэрга» абяцалі завяршыць рамонт да 5:00 31 студзеня, аднак спазьніліся, праблемы дагэтуль ня вырашаныя. Аварыя на цеплатрасе здарылася і ў Віцебску.
https://smarturl.click/RbOD
Супраць палітвязьня Разановіча завялі новую крымінальную справу
Паводле АЧК-Беларусь, з ініцыятывы адміністрацыі івацэвіцкай калёніі № 22 супраць Дзьмітрыя пачалі крымінальную справу паводле арт. 411 КК (злоснае непадпарадкаваньне патрабаваньням адміністрацыі калёніі). Дата суду пакуль невядомая.
Летась палітвязьня перавялі ў ПКТ да сакавіка. Дзьмітрыя неаднаразова зьмяшчалі ў ШЫЗА, а таксама пазбавілі спатканьняў і перадач і пагражалі перавесьці на турэмны рэжым.
Дзьмітрыя затрымалі ў канцы кастрычніка 2020 году. 22 сьнежня 2021 году Менскі абласны суд прызначыў анархістам Аліневічу і Раманаву — па 20 гадоў; Разановічу — 19 гадоў; Дубоўскаму — 18 гадоў калёніі. Суд зь першага пасяджэньня адбываўся ў закрытым рэжыме.
КДБ затрымаў афіцэра запасу, яго падазраюць у працы на СБУ
Афіцэр запасу і адзін з аўтараў першай Канцэпцыі нацыянальнай бясьпекі Беларусі нібыта перадаваў Украіне зьвесткі пра расейска-беларускія вайсковыя вучэньні. Прапагадысты гавораць, што пры ператрусе спэцслужбы знайшлі ў яго дакумэнт з пазнакай «цалкам сакрэтна», флэш-карткі, грошы і «каля 800 дакумэнтаў, якія ён займеў падчас працы на сілавыя структуры».
Рэакцыі на гэтую інфармацыю ў Кіеве пакуль няма. Свабода зьвярнулася па камэнтар у СБУ Ўкраіны.
https://smarturl.click/EQ9L
Урад зьмяніў умовы ў пастанову аб «дармаедах»
ІП будуць лічыцца занятымі ў эканоміцы толькі пры аплаце падаткаў.
https://smarturl.click/LB9M
Хто насамрэч апраўдвае нацызм і чаму небясьпечна казаць пра «генацыд беларускага народу»
Пасьля пратэстаў 2020 году пракуратура Беларусі пачала займацца расьсьледаваньнем «генацыду беларускага народу падчас ІІ сусьветнай вайны» ды заводзіць крымінальныя справы на тых, хто гэты генацыд «адмаўляе». Аўтар Свабоды Сяргей Дубавец — адзін з завочных фігурантаў такой справы.
У блогу ён тлумачыць, чаму ня лічыць, што падчас вайны быў мэтанакіраваны генацыд беларусаў, але можна гэтым словам акрэсьліць тое, што адбываецца цяпер у беларускіх турмах:
https://smarturl.click/8GjV
Галоўнае за 30 студзеня
🙍🏻♀️«Беларусі патрэбная „дарожная мапа“ хуткага ўступленьня ў Раду Эўропы», — Ціханоўская выступіла перад Камітэтам міністраў Рады Эўропы
👮🏻♂️ Барысаўскага журналіста Зянкова пакаралі 3 гадамі зьняволеньня. Хроніка перасьледу
📈Беларусь пагоршыла свае пазыцыі ў міжнародным рэйтынгу ўспрыняцьця карупцыі
🗣 У Беларусі аргкамітэт марксісцкай партыі аб'явіў аб стварэньні першых ячэек
👨🏼⚕️Чаму вярнулася забытая хвароба, пры чым тут вайна, COVID-19 і Міністэрства здароўя. Запыталіся трох экспэртаў пра адзёр
👥 «Для вызваленьня Беларусі аднаго вайсковага кірунку мала», — кіраўнікі палка Каліноўскага пра мэты эўрапейскага турнэ
🧑🏻🎓«Парушэньне акадэмічнай этыкі». ЭГУ патлумачыў, чаму адлічылі студэнтку, якая паскардзілася на свайго выкладчыка
👨👩👧«У нас не было права пакінуць дзіця ў Беларусі». Гісторыя дзяўчынкі з СМА, якая навучылася хадзіць у ЗША
«У нас не было права пакінуць дзіця ў Беларусі». Гісторыя дзяўчынкі з СМА, якая навучылася хадзіць у ЗША
Нядаўна беларусы дазьбіралі амаль 2 мільёны даляраў для лячэньня маленькай Рыты зь Ліды са сьпінальнай мускульнай атрафіяй (СМА). Разьбіраемся, чаму ў Беларусі людзі вымушаныя скідвацца на такое лячэньне, калі ў многіх краінах яго аплачвае дзяржава, і расказваем гісторыю дзяўчынкі з СМА, якой адмовілі ў дапамозе ў Беларусі і якая навучылася хадзіць у ЗША.
Яе маці патлумачыла нам, што дапамога за мяжой больш даступная ў тым ліку і таму, што іншыя краіны вядуць перамовы з фармацэўтычнымі кампаніямі, каб закупляць прэпараты па больш нізкай цане. Прыкладам, Spinraza, якая ў Беларусі каштуе каля $125 000 за ін'екцыю, у Польшчы цяпер абыходзіцца ў $3 000, а ў краінах «трэцяга сьвету» — каля $1500:
https://smarturl.click/DAGZ
«Для вызваленьня Беларусі аднаго вайсковага кірунку мала», — кіраўнікі палка Каліноўскага пра мэты эўрапейскага турнэ
Дзяніс Прохараў і Вадзім Кабанчук завіталі ў праскую студыю Свабоды напярэдадні сустрэчы зь беларускай дыяспарай у Чэхіі ў рамках свайго эўрапейскага турнэ.
Пагаварылі з кіраўнікамі палка Каліноўскага пра публічныя і непублічныя мэты гэтых сустрэчаў, пра тое, пры якіх умовах магчымае вызваленьне Беларусі, пра прычыны сыходу часткі байцоў з палка, стасункі зь Ціханоўскай і палітычныя амбіцыі ваяроў:
🎥 ВІДЭА: https://youtu.be/gLcvPcp5_-8
Двум беларусам прысудзілі па 5 гадоў калёніі за данаты палку Каліноўскага ў 21 даляр і 49 эўра
Праваабаронцам стала вядома, што 55-гадовага палітвязьня Георгія Чараваку асудзілі на 5 гадоў калёніі ўзмоцненага рэжыму за данат у 21,29 даляра палку Каліноўскага, які ён адправіў са свайго акаўнту PayPal. Да акаўнта была прывязаная беларуская картка, зь якой сьпісаліся сродкі.
Такі ж прысуд вынесьлі яшчэ аднаму беларусу — Аляксею Швяцову, за 2 данаты палку Каліноўскага праз акаўнт у PayPal: у 38,3 рублі (13,63 еўра) і 95 рублёў (35 еўра). Абодва выракі агучылі ў Менскім абласным судзе (судзьдзі — Сьвятлана Чарапанава і Яўген Пісарэвіч):
https://smarturl.click/Z04q
Усе ўдзельнікі «Бі-2» паляцелі з Тайлянду
Шасьцёра ўдзельнікаў групы «Бі-2», якія былі затрыманыя ў Тайляндзе, сёньня змаглі вылецець у Ізраіль. Пра гэта «Медиазоне» паведаміў юрыст гурта. Саліст гурта Ягор «Лёва» Бортнік паляцеў у Ізраіль учора.
Дэпартацыі музыкаў у Расею дамагаўся асабіста расейскі консул па ўзгадненьні з Крамлём. У Расеі ім пагражае перасьлед празь іх антываенную пазыцыі.
Пазьняк: Толькі ўнутры Беларусі можа зьявіцца нацыянальны лідэр
1-га лютага 1863 года на землях былога Вялікага княства Літоўскага пачалося паўстаньне Кастуся Каліноўскага. Паўстанцы выступілі супраць расейскай улады, але паўстаньне пацярпела паразу. Чаму тады гэты дзень адзін з найважнейшых у беларускай гісторыі? Што беларусы адзначаюць, узгадаваючы паўстанцаў Каліноўскага? І ці ёсьць сэнс выступаць супраць мацнейшага суперніка?
Госьць эфіру «Свабоды Premium» — Зянон Пазьняк, лідэр руху «Вольная Беларусь»:
🎥 ВІДЭА: https://youtu.be/V3T_RDrsfjs
«Зь песьнямі, танцамі, буфэтамі». Як Натальля Качанава разумее выбары
«Развагі Натальлі Качанавай пра выбары — гэта адлюстраваньне калектыўнага несьвядомага цяперашняй кіроўнай эліты Беларусі, — піша аналітык Валер Карбалевіч:
Паводле яе разваг, ня ўлада абавязана народу, а грамадзянін абавязаны дзяржаве („сьвяты абавязак“, „гонар“) за тое, што дазваляе, дае яму „права аддаць свой голас“. Тут усё перакулена з ног на галаву. Атрымліваецца, не народ павінен выбіраць уладу, а наадварот, улада выкарыстоўвае народ для імітацыі сваёй легітымнасьці»:
https://smarturl.click/mxnB
Урад Літвы падтрымаў прапанову ўзмацніць жорсткасьць праверкі беларусаў на мяжы
Беларусаў, якія ўяжджаюць у Літву па шэнгенскай візе, пры неабходнасці будуць правяраць дадаткова, больш дэталёва, як цяпер правяраюць грамадзян Расеі:
https://smarturl.click/3y0m
IT-кампаніі зь беларускімі каранямі EPAM і Wargaming за мінулы год сумарна заплацілі ў Літве €35,5 млн падаткаў, што амаль удвая больш, чым у 2022-м
EPAM і Wargaming — лідэры ў падатках у IT-галіне Літвы Сярод топ-50 кампаній-падаткаплатнікаў сэктару «інфармацыя і сувязь» у Літве доля гэтых дзьвюх кампаній дасягнула 8%.
EPAM Systems заснаваная ў 1993 годзе беларускімі прадпрымальнікамі Аркадзем Добкіным і Леанідам Лозьнерам, першыя офісы адкрылі ў ЗША і Беларусі. Кампанію Wargaming заснавала ў 1998 годзе каманда беларускіх распрацоўнікаў на чале зь менчуком Віктарам Кіслым:
https://smarturl.click/0Vap
Расейская Дзярждума прыняла праект закону аб канфіскацыі маёмасьці за «лжывую інфармацыю» пра войска
Пад дзеяньне новага закону падпадуць восем артыкулаў Крымінальнага кодэксу. У тым ліку: аб распаўсюджваньні загадзя лжывай інфармацыі аб расейскім войску, аб дыскрэдытацыі расейскай арміі, аб публічных закліках да экстрэмізму, публічных закліках да парушэньня тэрытарыяльнай цэласнасьці Расеі, публічных закліках супраць бясьпекі дзяржавы, закліках да ўвядзеньня санкцый у дачыненьні да Расеі і яе грамадзян, аказаньні садзейнічаньня ў выкананьні рашэньняў міжнародных арганізацый, у якіх Расея ня ўдзельнічае, аб рэабілітацыі нацызму.
Большасьць крымінальных артыкулаў расейскія ўлады ўвялі ў Крымінальны кодэкс або пастрожылі пасьля расейскага ўварваньня ва Ўкраіну.
https://smarturl.click/gLdR
«Намаляваць такое ў турме — подзьвіг». Рэпартаж з выставы Паўла Севярынца. ФОТА
Выстава твораў палітвязьня Паўла Севярынца «У сэрцы — Беларусь» адкрылася ў варшаўскай прасторы Witryna Domu Wshodniego 30 студзеня. Калі яе наведнікі бачаць алоўкавыя рысункі, зробленыя ў розных вязьніцах, ва ўсіх адразу паўстае пытаньне: як яны апынуліся на волі? Якім чынам змаглі «вырвацца» з-за кратаў і трапіць на выставу?
🎨 Расказваем пра турэмную творчасьць Паўла Севярынца — і паказваем яе.
https://smarturl.click/MJo2
Пад морам, пад камянямі. Як ЗША абвясьцілі кантроль над вялікай тэрыторыяй у Арктыцы — незвычайным спосабам
З ростам канкурэнцыі за рэсурсы Паўночнага Ледавітага акіяну розныя дзяржавы абвяшчаюць сваё права на кавалкі тэрыторыі пад вадой, дзе некалі можна будзе знайсьці і здабываць нафту, газ ды іншыя карысныя выкапні. Злучаныя Штаты нядаўна зрабілі такі крок — спосабам, які выклікае шмат пытаньняў.
https://smarturl.click/WE0W
«Моцна схуднеў, але позірк — цьвярозы, упэўнены». Былы зьняволены Наваполацкай калёніі расказаў пра Віктара Бабарыку
Папраўчую калёнію № 1 у Наваполацку называюць адной з самых жорсткіх у Беларусі. Тут адбываюць тэрмін каля 150 палітвязьняў, у тым ліку Віктар Бабарыка. Свабода пагутарыла зь беларусам, які нядаўна вызваліўся з гэтай калёніі.
https://smarturl.click/xJeZ
Чаму жанчыны маўчаць? Што паказала гісторыя ў ЭГУ
ЭГУ адлічыў студэнтку Тацяну Барысаву, якая не зьмірылася з хамствам выкладчыка Сяргея Сялецкага, афіцыйна — за «парушэньне акадэмічнай этыкі».
«Калі толькі разгарэўся скандал і студэнткі пачалі расказваць, як пацярпелі ад дамаганьняў і непрафэсіяналізму Сялецкага, я бачыла шмат прэтэнзій і пытаньняў, чаму яны робяць гэта ананімна. (...) Жанчыны найчасьцей не расказваюць пра такое зусім або расказваюць ананімна, бо сыстэма калі раптам не абараняе мужчын да канца, дык добра за іх помсьціць. І гісторыя Тацяны Барысавай якраз ілюструе гэтую праблему», — пра скандал у ЭГУ піша блогерка Наста Захарэвіч:
https://smarturl.click/mxgo
Асноўны трэнд апошняга году — юрыдычная «легалізацыя» рэпрэсіяў у Беларусі, — юрыстка
«Новыя рэпрэсіўныя захады патэнцыйна могуць зачапіць любога чалавека — нават таго, хто ляяльна ставіцца да ўлады», — кажа юрыстка Кацярына Дзяйкала, экспэртка БХК.
У інтэрвію Свабодзе яна аналізуе, што адбылося ў Беларусі з правамі чалавека за мінулы год, адзначае, што цяпер шпаркімі тэмпамі адбываецца легалізацыя рэпрэсіяў у многіх сфэрах, і заяўляе, што ўлады адыходзяць ад прынцыпу індывідуальнай адказнасьці і ўводзяць адказнасьць калектыўную:
https://smarturl.click/2nRz
Саліст «Бі-2» Лёва (Ягор Бортнік) вылецеў у Ізраіль
Астатнія ўдзельнікі гурту застаюцца ў міграцыйнай турме
«у цеснай камэры на 80 чалавек», паведамляе канал гурта.
Як пісалі СМІ, дэпартацыі музыкаў у Расею дамагаецца асабіста консул Сасноў па ўзгадненьні з Крамлём. У Расеі ім пагражае перасьлед празь іх антываенную пазыцыі.
Ціханоўская: Беларусі патрэбная «дарожная мапа» хуткага ўступленьня ў Раду Эўропы
Сьвятлана Ціханоўская сёньня выступіла перад Камітэтам міністраў Рады Эўропы — кіроўным органам гэтай міжнароднай арганізацыі. Свой зварот яна прысьвяціла няспынным рэпрэсіям у Беларусі, прававому хаосу і ўсебаковай ізаляцыі, да якой рэжым прывёў Беларусь. Падчас выступу Ціханоўская заклікала абмеркаваць і распрацаваць «дарожную мапу» хуткага ўступленьня будучай дэмакратычнай Беларусі ў Раду Эўропы.
Падрабязна, пра што Ціханоўская казала ў сваім выступе:
https://smarturl.click/mxgz
У ААН разгледзяць заяву аб зьнікненьні Марыі Калесьнікавай, сувязі зь якой няма 350 дзён
З 29 студзеня па 2 лютага ў Жэнэве праходзіць 132-я сэсія Працоўнай групы ААН па гвалтоўных ці недобраахвотных зьнікненьнях, на якой разгледзяць паведамленьне аб зьнікненьні Марыі Калесьнікавай. Яго ў лістападзе 2023-га з дапамогай праваабаронцаў накіравала сястра Марыі. Вынікі разгляду справы накіруюць беларускім уладам.
Марыя Калесьнікава ўжо амаль год — у поўнай ізаляцыі і рэжыме інкамунікада. 2 лютага 2023 году да яе апошні раз змог трапіць адвакат. Апошні ліст ад яе датаваны 12 лютаг 2023. Ні сваякі, ні адвакаты ня могуць зьвязацца з Марыяй ужо 350 дзён. Яна адбывае 11 гадовы тэрмін у жаночай калёніі № 4 у Гомлі:
https://smarturl.click/epbX
Чаму вярнулася забытая хвароба, пры чым тут вайна, COVID-19 і Мінздароўя. Запыталіся трох экспэртаў пра адзёр
У канцы студзеня ў Лідзкім раёне 15 чалавек шпіталізавалі ў інфэкцыйнае аддзяленьне з падазрэньнем на адзёр. На сёньня ў Беларусі зарэгістравалі 204 выпадкі, больш за ўсё на Берасьцейшчыне — 62% ад колькасьці зарэгістраваных.
Чаму вярнулася нібы забытая хвароба адзёр, чым яна небясьпечная, ці трэба рабіць аналізы на антыцелы і ці ў бясьпецы цяпер тыя, хто зрабілі прышчэпкі ў дзяцінстве? — Спыталі ў трох экспэртаў — алерголяга-імуноляга, мікрабіёляга і дзіцячы рэаніматоляга:
https://smarturl.click/786X