18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Вугоршчына перашкодзіла ўзгадніць новы, 13-ы пакет санкцый ЭЗ супраць Расеі, у якім ёсьць і беларускія кампаніі
Вугоршчына выступіла супраць абмежаваньняў для кампаній трох з Кітая і адной Індыі, якія, як сьцьвярджаецца, дапамагаюць расейскаму абароннаму сэктару.
У чарнавы варыянт 13-га санкцыйнага сьпісу супраць Расеі трапілі беларускія Аршанскі авіярамонтны завод, Барысаўскі завод па рамонце радыёэлектроннай зброі, кампанія «Пеленг» і іх кіраўнікі, а таксама кіраўнікі арганізацый, якія ўдзельнічалі ў незаконным вывазе ўкраінскіх дзяцей:
https://smarturl.click/Q11m1
«Аддаў жыцьцё, выконваючы заданьне». Гісторыя беларускага сабакі, які стаў афіцэрам паліцыі ў ЗША
Нядаўна ў ЗША забілі паліцэйскага сабаку. Нікс паходзіла зь Беларусі. Расказваем, што вядома пра гісторыю чатырохлапай паліцыянткі і ейнага напарніка, афіцэра Джона Варгаса:
https://smarturl.click/0eeDp
У Расеі заявілі аб ракетным удары Ўкраіны па Белгарадзе. Ёсьць загінулыя і параненыя
Паводле белгарадзкага губэрнатара, ракеты ці іхныя аскепкі трапілі ў пяць шматкватэрных дамоў, у краму і адно прамысловае прадпрыемства.
Падрабязнасьці: https://smarturl.click/Q11Zq
Фота Reuters
Увага, пошук 🔎
Шукаем беларусаў, якія пасьля «пашпартнага» ўказу жывуць за мяжой бязь дзейных беларускіх дакумэнтаў. Калі гэта вы, напішыце нам, калі ласка. Ананімнасьць гарантуем.
📫 Сувязь з рэдакцыяй. Telegram: @SvabodaBelarus; Signal: +37068643669
«Прыйшлі да бацькоў, пагражалі праблемамі». Як у беларусаў працягваюць патрабаваць «кампэнсацыю» за данаты
Паводле інфармацыі праваабаронцаў, у Беларусі за данаты асудзілі больш за 60 чалавек. Цяпер зьявіліся паведамленьні аб тым, што КДБ пайшоў па другім коле, а таксама пачаў ціснуць на сваякоў тых, хто выехаў з краіны.
https://smarturl.click/Daa2Z
❗️ У Лельчыцкім раёне ўвялі рэжым «Контратэрарыстычнай апэрацыі»
Упраўленьне КДБ па Гомельскай вобласьці распаўсюдзіла заклік да жыхароў.
«Насельніцтва раёну просім захоўваць спакой і падпарадкоўвацца патрабаваньням супрацоўнікаў сілавых структур».
Палітвязень Сьцяпан Латыпаў захварэў на цынгу
Цынга — захворваньне, зьвязанае зь нястачай вітаміну С. Пры адсутнасьці вітаміну яна можа разьвіцца за чатыры тыдні, пры недахопе – за чатыры месяцы.
https://smarturl.click/RAA2J
«Па сьмяротным артыкуле». За здраду дзяржаве судзяць падпалкоўніка, які «перажываў за Ўкраіну»
Падпалкоўнік Антон Чарамных — чарговы вайсковец, які пасьля падзей 2020 году стане перад судом паводле артыкула аб здрадзе дзяржаве. Пагаварылі з чалавекам, які знаў Чарамных падчас службы ў беларускім войску і мае сваю вэрсію таго, чаму ўзьнікла абвінавачаньне паводле «сьмяротнага 356 артыкула».
https://smarturl.click/JDDMm
Мінздароўя: у Беларусі назіраецца рост захворваньняў на вірусны гепатыт А
У ведамстве адзначаюць, што найбольшая колькасьць захворваньняў прыпадае на асеньне-зімовы пэрыяд, а большасьць хворых — дарослыя ва ўзросьце 18–39 гадоў.
Каб абмежаваць распаўсюд захворваньня ў Менску і рэгіёнах у лютым-сакавіку праводзяць вакцынацыю дарослых, якія блізка кантактавалі з хворымі на гепатыт А.
На пачатку лютага стала вядома, што за апошнія два тыдні ў Латвіі зарэгістравалі 9 выпадкаў гепатыту А, сярод іх 6 чалавек заразіліся ў Беларусі:
https://smarturl.click/B663j
Галоўнае за 14 лютага
🇪🇺 У праект 13-га пакету санкцый Эўразьвязу трапілі 6 беларускіх грамадзян і 3 абаронныя прадпрыемствы
👮🏻♂️ СК завёў справу на ўдзельнікаў ініцыятывы «Кадравы рэзэрв для новай Беларусі». Губарэвіч: Каля 30% яе ўдзельнікаў — у Беларусі
👫 «Больш дзяўчаты дзяўчатам дораць». Як беларускія школьнікі сьвяткуюць Дзень закаханых, нягледзячы на забарону
🙍🏻♀️ «Казала, што не хачу паміраць на чужыне». Гісторыя 73-гадовай беларускі, якая мусіла ўцякаць за мяжу, бо насіла перадачы ў СІЗА
✍🏻 «Гэты матэрыял распаўсюджаны...». Чаму расейскія «іншаземныя агенты» паведамляюць пра свой статус чытачам, а беларускія «экстрэмісты» — не
🗣 Паміж дыктатурай і бездапаможнасьцю ўлады. Урокі крызісу ў Каардынацыйнай радзе
👨👩👦 Што хаваецца за дзяржаўным плянам адкрыць лінію для ахвяраў хатняга гвалту, разважае Наста Захарэвіч
🙎🏼♂️«Гісторыя на Свабодзе». Уладзімер Лобач пра нацыянальны характар беларусаў: «У партызаны не ідуць, каб прайграваць»
«Гэты матэрыял распаўсюджаны...». Чаму расейскія «іншаземныя агенты» паведамляюць пра свой статус чытачам, а беларускія «экстрэмісты» — не
Многія эмігранты з Расеі (журналісты, блогеры, музыкі) працягваюць пісаць аб сваім статусе «іншаземнага агента», як таго патрабуюць расейскія ўлады. Беларусы ж пра свой «экстрэмісцкі» статус ня згадваюць. У чым розьніца і чаму так адбываецца? Разьбіраемся:
https://smarturl.click/qll4d
Мэнталітэт беларусаў. Асьцярожнасьць, недаверлівасьць, падзел сьвету на сваіх і чужых
Ці існуе нацыянальны характар? Адны кажуць, што яго няма, а іншыя прызнаюць яго існаваньне цалкам натуральнай рэччу. Дык ці ёсьць нацыянальны мэнталітэт у беларусаў і калі ёсьць, то які ён? — Пра гэта ды іншае гаворым зь беларускім этнолягам, былым прафэсарам Полацкага дзяржаўнага ўнівэрсытэту, доктарам гістарычных навук Уладзімерам Лобачам:
🎥 ВІДЭА: https://youtu.be/gr3Ubby-tsI
Raiffeisen Bank вырашыў сысьці зь Беларусі і вядзе перамовы аб продажы сваёй долі ў «Прыёрбанку»
Raiffeisen Bank знаходзіцца на прасунутай стадыі перамоваў аб продажы 87,74% сваіх акцый у ААТ „Прыёрбанк“ і яго даччыных кампаніях інвэстару з Аб’яднаных Арабскіх Эміратаў, што можа прывесьці да сыходу RBI зь беларускага рынку. Чакаецца, што пагадненьне можа прывесьці да стратаў каля 225 млн эўра ў сувязі з розьніцай у кошце пакупкі і балянсавага кошту капіталу беларускага «Прыёрбанку».
«Прыёрбанк» уваходзіць у лік сыстэмна значных банкаў Беларусі, устойлівасьць фінансавага стану якіх уплывае на банкаўскую сыстэму ў цэлым:
https://smarturl.click/gpp6a
У Лідзе прыпынілі працу цэнтру, дзе дзяцей вучылі праграмаваньню і ангельскай мове
Празь неадпаведнасьці патрабаваньням заканадаўства навучальныя праграмы так і не ўзгаднілі, аднак цэнтар усё роўна пачаў іх рэалізацыю, паведамілі ў пракуратуры.
https://smarturl.click/2qq1A
❗️ Як стала вядома Свабодзе з крыніцаў у Брусэлі, у чарнавы варыянт 13-га санкцыйнага сьпісу супраць Расеі трапілі некалькі беларускіх прадпрыемстваў і іхных кіраўнікоў, а таксама грамадзкіх арганізацый, якія ўдзельнічалі ў незаконным вывазе ўкраінскіх дзяцей.
https://smarturl.click/Q11m1
Губарэвіч: Людзі на кадрах АНТ, якіх нібыта затрымалі па справе «Кадравага рэзэрву», ня маюць дачыненьня да ініцыятывы
АПК цяпер зьбірае інфармацыю пра 14 чалавек, якіх паказалі на дзяржаўным тэлеканале АНТ як затрыманых па справе «Кадравага рэзэрву Новай Беларусі».
«Тыя, каго атрымалася ідэнтыфікаваць, ня маюць і ніколі ня мелі дачыненьня да „Кадравага Рэзэрву“. Некаторыя зь іх знаходзяцца на свабодзе ці ўвогуле раней пакінулі межы Беларусі. Па некаторых былі выкарыстаныя здымкі з ранейшых затрыманьняў, не зьвязаных з „Кадравым Рэзэрвам“», — паведаміў Юры Губарэвіч:
https://smarturl.click/8EEk8
На Смаргоншчыне пракуратура выносіць папярэджаньні людзям напярэдадні Адзінага дня галасаваньня
«Сёньня ранкам тэлефанаваньнем з Смаргонскага РАУС нагадалі, што краіна напярэдадні вядомага дзяржаўнага мерапрыемства. А таму трэба ў 16:00 зайсьці ў РАУС, каб атрымаць папярэджаньне ад пракурора аб магчымай адказнасьці», — паведамілі жыхары Смаргоняў.
Папярэджаньні ад пракурора, сярод іншых, атрымалі тыя, хто адбываў пакараньне паводле «народных» і «экстрэмісцкіх» артыкулаў, і тыя, хто стаіць на ўліку як «схільныя да ўжываньня алькаголю». Апроч пісьмовага папярэджаньня, з грамадзянамі ў асобным пакоі праводзілі працяглую гутарку:
https://smarturl.click/0eeDp
Вынесьлі завочны прысуд у справе ByPol
Аляксандру Азараву прызначылі 25 гадоў турмы. Мацьвею Купрэйчыку, Уладзімеру Жыгару і Ігару Лобану — па 12 гадоў, Андрэю Астаповічу — 11 гадоў, паведамілі праваабаронцы.
Усе фігуранты справы даўно выехалі зь Беларусі.
Завяршылася сьледзтва ў справе прыватнай школы «Смарт Скул», фігурантаў абвінавачваюць у махлярстве
Паводле словаў сілавікоў, вучням «аказваліся толькі кансультацыйныя і рэпэтытарскія паслугі» ў онлайн-фармаце з дапамогай праграмы «Zoom». Такім чынам, робіць выснову СК, «значная колькасьць непаўналетніх абавязковую праграму на ўзроўні агульнай сярэдняй адукацыі не засвойвала на працягу доўгага часу».
Акрамя гэтага, у «Смарт Скул» нібыта адсутнічалі «падручнікі і навучальныя дапаможнікі», выдаваліся ведамасьці чацьвяртных адзнак «без фактычнага засваеньня слухачамі адукацыйнай праграмы», а большасьць настаўнікаў «не былі прынятыя на пасаду ў адпаведнасьці са штатным раскладам», пры гэтым лічацца ў якасьці «пэдагогаў дадатковай адукацыі ў іншых падкантрольных суб’ектах гаспадараньня, або былі зарэгістраваныя як індывідуальныя прадпрымальнікі».
https://smarturl.click/VDDBZ
У Лельчыцкім раёне — вучэньні КДБ
@euroradio датэлеванавалася ў Лельчыцкі райвыканкам. Там сказалі, што баяцца нічога ня трэба, абвешчаная трывога — толькі чарговыя вучэньні спэцслужбаў.
«У нас ужо ня першы раз вучэньні праходзяць. Яны правяраюць гатовасьць сваіх структурных падразьдзяленьняў».Читать полностью…
«Клалі тварам у асфальт і ціснулі на патыліцу». Зьявілася расьсьледаваньне катаваньняў у Цэнтральным РУУС Менску 9-13 жніўня 2020
Міжнародны камітэт па расьсьледаваньні катаваньняў у Беларусі здолеў раскрыць асобы 88 сілавікоў, якія зь вельмі высокай імавернасьцю прысутнічалі ці ўдзельнічалі ў тых катаваньнях. Пацярпелым удалося апазнаць ужо 33 зь іх.
Зьмест дакумэнту мае разьбіўкі на дні і прамежкі часу па гадзінах. Усе апазнаныя сілавікі прыводзяцца са сьціслай даведкай пра іх і фатаграфіямі.
https://smarturl.click/nyyQ9
«Магу толькі маліцца, каб дачка засталася жывая», — бацька палітзьняволенай Калесьнікавай
Ужо год Марыя Калесьнікава знаходзіцца ў інфармацыйнай блякадзе. Сваякам Марыі Калесьнікавай апошні ліст ад яе прыйшоў 15 лютага 2023 году. Бацьку, які жыве ў Беларусі, бачыцца з Марыяй не даюць.
https://smarturl.click/pppR2
Масавае забойства ў Воршы. Знайшлі чатыры дзіцячыя целы
Дзецям ад 1 да 8 гадоў, на іх целах — прыкметы гвалтоўнай сьмерці. Паводле папярэдняй інфармацыі, да здарэньня можа мець дачыненьне іхная 36-гадовая маці, якую ўжо затрымалі.
https://smarturl.click/Zyy1q
Губарэвіч: Каля 30% удзельнікаў «Кадравага рэзэрву» знаходзяцца ў Беларусі
Паводле Губарэвіча, базавыя меры бясьпекі падчас анлайн-лекцыяў для ўдзельнікаў «Кадравага рэзэрву» дазваляюць захаваць ананімнасьць.
Што да нібыта затрыманьняў удзельнікаў праграмы, пра якія заявіў прапагандыст Ігар Тур, Губарэвіч бачыць некалькі варыянтаў, як падобнае магло адбыцца: чалавек мог напісаць у фэйкавы тэлеграм-канал праграмы, або яго маглі вылічыць па IP-адрасе, калі раней недаступны зь Беларусі сайт «Кадравага рэзэрву» пачаў адкрывацца для карыстальнікаў унутры краіны і людзі маглі заходзіць на яго без VPN:
https://smarturl.click/1ddxO
Сама меней 65 чалавек трапілі пад судовы перасьлед за дапамогу ад INeedHelpBY. Ім прысуджаюць вялікія штрафы
Некаторыя суды ўжо прайшлі, іх вынікамі сталі вялікія штрафы з кампэнсацыяй сумы дапамогі. Частка людзей яшчэ чакае судоў. Прычынай стала дапамога ў выглядзе прадуктовых перадач, якую сем’і палітвязьняў атрымлівалі празь Е-дастаўку ад ініцыятывы INeedHelpBY:
https://smarturl.click/jkkOj
Былы палітвязень расказаў, чаму рэзаў сабе вены за кратамі і чаму быў вымушаны зьехаць зь Беларусі
Вядомы берасьцейскі блогер і былы палітвязень Сяргей Пятрухін эвакуаваўся зь Беларусі больш чым праз год пасьля вызваленьня. Які ціск спазнаюць былыя палітвязьні ў Беларусі? Што змусіла Пятрухіна рэзаць вены ў магілёўскай турме і што было самым цяжкім у калёніі Віцьба-3?
Пра гэта Свабодзе Premium расказаў сам Сяргей Пятрухін, які цяпер знаходзіцца ў Польшчы і вяртаецца да працы вядоўцам Youtube-каналу «Народны рэпарцёр»:
🎥 ВІДЭА: https://www.youtube.com/watch?v=n7Dzi10hSm8
Кіраўнік камітэту Сэйму Літвы ў нацыянальнай бясьпецы прапанаваў пазбаўляць ДНЖ беларусаў, якія езьдзяць у Беларусь часьцей за раз на месяц
Лаўрынас Кашчунас прапануе ануляваць часовы дазвол на жыхарства тым, хто рэгулярна езьдзіць на радзіму — больш як раз на месяц за апошнія 12 месяцаў. Таксама палітык зьбіраецца зарэгістраваць прапанову аб адмене магчымасьці балятавацца і галасаваць на муніцыпальных выбарах для грамадзян Расеі і Беларусі, якія маюць права стала жыць у Літве:
https://smarturl.click/l55O5
Сьледчы камітэт завёў крымінальную справу на ўдзельнікаў ініцыятывы «Кадравы рэзэрв для новай Беларусі»
Ім інкрымінуюць ч. 3 арт. 361-1 КК (стварэньне або ўдзел у экстрэмісцкім фармаваньні). Фігурантаў справы, якія знаходзяцца па-за межамі Беларусі, будуць судзіць завочна.
Кампанію «Кадравы рэзэрв для Новай Беларусі» запусьцілі пад эгідай Аб'яднанага пераходнага кабінэту. Яе мэта — падрыхтоўка прафэсіяналаў, якія змогуць працаваць на дзяржаўных пасадах і праводзіць рэформы ў Беларусі на працягу пераходнага пэрыяду:
https://smarturl.click/W33v6
Паміж дыктатурай і бездапаможнасьцю ўлады. Урокі крызісу ў Каардынацыйнай радзе
Цяперашні крызіс у Каардынацыйнай радзе — важкі і важны аргумэнт у спрэчках пра пабудову ўлады ў будучай Беларусі, свабоднай ад дыктатуры. Улада павінна ня толькі прадстаўляць розныя сілы і погляды грамадзтва, але і быць здольнай прымаць рашэньні.
Між тым, адчуваньне бездапаможнасьці ўлады было адным з галоўных матываў абраньня Лукашэнкі прэзыдэнтам у 1994 годзе. Піша Юры Дракахруст.
https://smarturl.click/8EEda
Можа, і хоча, ды ня можа. Чаму Лукашэнка не вызваляе Пачобута
Сяргей Дубавец піша, чаму Лукашэнка не вызваляе Пачобута, хоць гэта дапамагло б наладзіць адносіны з Польшчай:
Лукашэнка страчвае ўладу. Ён яшчэ валадарыць у тэлевізары, над пацешнымі выбарамі ці разносячы падручнік філязофіі… Але вызваліць Пачобута ня можа. І наладзіць дачыненьні з Польшчай таксама. Гэта ўжо не ягоная сфэра.