2194
"Piskent hayoti" ijtimoiy-siyosiy gazetaning telegram tarmog'idagi kanali. Murojaat, taklif va e'lonlar uchun @piskenthayoti4071260
Бир қария чўпон қўй-сигирларини боқиб, эрта сахардан то кечгача яйловда юрар эди. Аксар холларда тепаликка яқин ўсган олма дарахти тагида дам олар, олмалари пишган махал ўша дарахт билан сухбатлашар эди:
- Қани болам, мендай бир қариянинг олмасини бериб юбор-чи, - дер эди.
Худди ўша пайт мазаси сўз билан таърифланмайдиган даражада ширин бўлган, хиди хам ўзгача уфуриб турган бир олма – тўп этиб ерга тушар эди. Қария эса ўша ғарқ пишган олмани олиб, қўлидаги кичкинагина қаламтароши билан тилим-тилим қилиб кесар эди-да, халтасидан айронинини чиқариб, енгилгина тамадди қилиб олар эди. Сўнг, отасидан қолган Қуръони Каримини авайлабгина қўлига олиб, аста-секин ўқий бошларди.
Чўпон ота ушбу олма кўчатини бундан қарийб йигирма йиллар илгари эккан. Ўша вақтда кўчатни тез-тез суғориб турар эди. Бундан ташқари, намоз учун тахорат олганида обдастадаги ортиб қолган сувларини хам яхши ниятда кўчатга қуйиб юрди.
Қарияниг юзи ювилган тахорат сувида хам хикмат бордир, ким билсин. Хулласи калом, Аллох инояти билан халиги олма кўчати тезда кўкариб, гуркираб ўса бошлади. Орадан кўп вақт ўтмай мева хам беришга тушди.
Чўпон ота у пайтларда ёш бўлгани учун қайсидир чиройли олмага кўзи тушса, дархол қўлини чўзиб олаверарди. Ха... Аммо, орадан йиллар ўтди, халиги қирчиллаган ёшгина йигитча - қариб, бели букилиб, мункиллаган чол бўлди. Олма дарахти эса, аксинча, кун ўтган сайин бўй чўзиб, гўёки чинор дарахтидай баланд бўлиб бораверди.
Олма дарахти қанчалар ўсиб-улғаймасин, барибир чол учун у ёшгина боладай эди. Хали хануз уни “Болам” дея эркалатарди. Йиллар ўтиб анчагина қариб қолган чол ўз боласидай бўлиб қолган олма ёнига келиб, силаб-сийпар эди-да, сўнг:
- Қани болам, шохингдан бугунги насийбамни хам тушир-чи, дер эди.
Худди айтганидай: хеч қанча вақт ўтмай бир олма тўп этиб тушарди. Айни холат бир неча йиллар бўйи узлуксиз, бирдай такрорланиб турди. Хақиқатан, чол сўраган вақтда олманинг тушмай қолиши - бирор маротаба хам юз бермаган эди. Қишлоқ ахли қариянинг бундай ғайритабиий кароматларини бир неча бор кўргач, “чўпон ота авлиё экан” деган гап хам тарқатиб юборишди.
Кунларнинг бирида чўпон ота яна халиги олма дарахти соясида ўтириб, бироз мизғиб олди. Озгина дам олган бўлиб, сўнг намозини ўқиди. Кейин олмага қараб, хар доимгидай: ўша кунги олмасини сўради. Лекин, нимагадир олма мевалари ғарқ пишиб турса-да, қариянинг қўлига бирорта хам олма тушмади.
Қария хайрон... Бироз кутиб, ўз хохишини такрор ва такрор билдирса хам қўлига ақалли битта хам олма тушмади. Кутди, кутди. Охири натижа бўлмагач, қария бу холатдан жуда қаттиқ таъсирланди: кўзлари ёшга тўлди, киприклари-ю соқоллари йиғидан хўл бўлиб кетди. Сўнг, қўйлари томон охистагина юриб кетди...
Мевага кирганидан буён бу дарахт чолнинг қўлини бирор марта хам бўш қайтармаганди-я! Нима бўлди экан?! Ўй-хаёли, фикри-зикри фақат шунда бўлди. Ўйлайвериб, ўйига етолмади. Қайғуга ботди, дили ғаш бўлди. Худди дарахтдан кўнгли қолгандай бўлди. Чол ўзини бўйи яна-да кичрайиб, бели букилиб, мункиллаб қолгандай чорасиз хис қилди.
Шу алфозда аллақанча вақт юриб, молларини қайтарди-да, қишлоғи сари йўлга отланди.
Бир пайт масжид томондан азон айтилаётганини эшитиб қолди. Бу азон жуда ўзгача, таъсирли айтилаётган эди. Гўё азоннинг ортида қандайдир бир хурсандчилик, қувонч хислари хам яширингандай. Бироз хаяллаб, ўйга чўмган қария - бирданига хаёлини жамлади, ўзини қўлга олди. Тўсатдан хурсанд бўлиб, йўқотган нарсасини топгандай, табассум қилиб жилмая бошлади. Шубхасиз, хаёлига қандайдир ўй келган эди.
Халигина ғам-қайғу ёшлари оққан кўзидан энди қувонч ёшлари оқаётган қария шоша-пиша олма дарахти томон йўлга тушди. Дарахт ёнига етиб келган захоти уни эркалаб, кенг қулочи билан қучоқлай бошлади. Ва:
- Болам... Болагинам. Узр. Менинг вафодор дарахтим. Ахир, хамма нарса ёдидан кўтарилаверадиган мендек чолни хафа қилмасдан билдирсанг бўлмасмиди?! Мен бўлсам тушунмабман-а...
@piskenthayoti
#Бир_севги_афсонаси
САМОГА СОЧИЛГАН МУҲАББАТ
Валентина Горячева авиация курсанти Юрий Гагаринга турмушга чиққанида ҳали номи тарихда қолишини билмаган эди. Оддий рақс кечасида паст бўйли, озғин, қисқартирилган кирпи соч, шалпангқулоқ йигитга шерик бўлди‑ю ҳаёти буткул ўзгариб кетди. Бугун боши осмонга етса ҳам одамийлигини сақлаб қолган космонавт ва унинг қаҳрамон аёли ҳақида ёзмоқчиман.
Махфий топшириқ
Бир оқшом Юрий шошилинч Москвага жўнаб кетди. Сабабини айтолмасди, топшириқ шундай бўлганди. У энг қийин синовлардан, тиббий комиссиядан ўтиб, 3000 дан ортиқ талабгорни енгди. Бир муддат ўтгач Валентина ҳам Москвага келди. Гарчи иккаласи бир уйда яшаса ҳам деярли гаплашиш имкони йўқ эди. Гагарин эрта кетиб кеч қайтарди, топшириқлардан чарчаган эр аёлига эътибор беролмасди. Аммо Валентина уни тушунар, халақит бермасди, аксинча қўллаб-қувватларди.
Космосга парвоз
Гагарин доим қиз фарзандлари бўлишини орзу қиларди. Аёли унга икки қиз ҳадя қилди. 1961 йил март ойида уларнинг иккинчи фарзанди Галина туғилди. Шу кунларда Гагарин хотинини бағрига босар экан, ҳам буйруқ, ҳам илтимос оҳангида “Қизларни эҳтиёт қил, Валюша!” деди. Чунки у тарихий жараёнга тайёргарлик кўрарди.
...1961 йилнинг 12 апрелида Валентинанинг олдига қўшниси югуриб чиқди: “Валюша, радиони ёқ! Юра космосда!”. Ёш онанинг ҳис-туйғуларини сўз билан ифодалаш қийин эди. Энди Валентина биринчи космонавтнинг аёли бўлиши мумкин эди ёки беваси...
Янги ҳаёт
Юрий Гагарин инсоният тарихида биринчи космонавт сифатида мисли кўрилмаган шон-шуҳрат билан Ерга қайтди. Энди уни бутун дунё танир, давлат раҳбарларидан тортиб оддий деҳқонгача дийдорига муштоқ эди. Гагариннинг ҳаёти доимий учрашувлар, зиёфатлар ва узоқ муддатли хизмат сафарларидан иборат эди гўё. Шунга қарамай, у камтарлигини сақлаб қолди. Уй ишлари ва фарзандлар парваришида хотинига қарашарди.
Гагарин ва Жина
Гагарин коинотга учганидан уч ой ўтгач, Москвада халқаро кинофестиваль бўлиб ўтди. Унда энг гўзал итальян кино юлдузи Жина Лоллобригида Гагаринни ёқтириб қолди. Кино актрисасининг ўзи шундай дейди:
“Сайёрамизнинг барча аёллари унинг табассуми ва ўткир нигоҳига ошиқ эди. Мен ҳам бундан мустасно эмасдим. Кечаси Москва бўйлаб сайр қилганимизда, Юра менга ўзининг фотосуратини берди. Унинг орқа томонида шундай ёзилганди: "Мен осмонда кўплаб юлдузларни кўрдим. Лекин сенга ўхшаши йўқ улар орасида!"
Валентина ҳамманинг кўз ўнгида Жинани ўпган Гагариндан хафа эди. Аммо Гагарин аёлининг кўзига тик қараб шундай деди: "Жоним, ҳеч ким осмонга чиқишимдан олдин ҳам, кейин ҳам мени боримча қабул қилган Валюша бўлолмайди. Мен сўнгги нафасимгача сен биланман...”
Ва у ҳаётининг сўнгги дамларига қадар ваъдасида турди.
Сўнгги парвоз ва сўнгги хат
1968 йил 27 мартда Гагариннинг самолёти ҳавога кўтарилди, лекин аэродромга қайтмади... Валентина эрининг ўлимидан кейин узоқ вақт ўзига келолмади. Маълум бўлишича, Юрий сўнгги парвозидан олдин аёлига шундай хат қолдирган экан:
“Агар менга бирор кор‑ҳол бўлса ўзингни қайғу билан ўлдирма. Ахир ҳаёт – ҳаёт, эртага мени машина босиб кетмаслигига ким кафолат беради? Илтимос, қизларимизга ғамхўрлик қил. Уларни оқбилак ойимчалар эмас, ҳақиқий инсон қилиб тарбияла. Шахсий ҳаётингни эса ўзинг истагандай давом эттир. Мен сенга ҳеч қандай мажбурият юкламайман ва бунга ҳаққим ҳам йўқ".
Муҳаббат фазогири
Валентина Гагарина эридан кейин бир умр ёлғиз яшади. Юрийга бўлган муҳаббатига содиқ қолди. Менимча, биринчи космонавт аёл Терешкова эмас, балки Валентина Гагаринадир. Чунки Юрий ўн йиллик турмуши давомида уни муҳаббат фазосининг энг баланд нуқтасига олиб чиқа олганди. Айтишларича, Валентина доим осмонга интизор боқар экан. Назаримда у ҳар бир юлдуз, ҳар бир сайёрадан Гагариннинг бир заррасини излаган. Гўё Гагарин ҳалок бўлмагану, миллион заррага бўлиниб, самога сочилиб кетган.
Отабек Бакиров
@piskenthayoti
Ҳаё ёлғиз қолганингда ҳам керак...
Жалолиддин Румий
@piskenthayoti
"Мутолаа хотирани ва фикрлаш қобилиятини яхшилайди.
Ҳар сафар китоб ўқилганида мия фаол ишлайди. У олинаётган маълумотни сақлаш учун янги толаларни яратади. Тадқиқотларда аниқланишича, доимий равишда китоб ўқийдиган инсонларда фикрлаш қобилияти бошқаларга нисбатан секинроқ пасаяр экан.
Мутолаа ҳаётдаги мақсадини англашга ва қийинчиликларни енгишга ёрдам беради.
Огайо штати университети олимлари инсон қанча кўп китоб ўқиса, ҳаёт йўлини шунчалик аниқ танлашини таъкидлашмоқда. Китоб ўқиш ҳаётдаги тўсиқларни енгишга ҳам ёрдам беради, дейишмоқда улар."
@piskenthayoti
#_огохлик
Байрамларни кўнгилли ўтказинг
ҲАР БИР ИНСОН ЎЗ СОҒЛИҒИГА МАЪСУЛДИР.
Юртимизга баҳор фасли келиши билан бир қатор байрамлар, сайллар бошланади. Шу жумладан Рўзаи Рамазон ойи, яқинлашиб келаётган “Наврўз” байрами арафаси ва турли оилавий байрамларда аҳоли ўртасида овқатдан заҳарланиш холатларини олдини олиш, туманда эпидемиологик барқарорлигини таъминлаш мақасадида Санэпидбўлими огохлантиради.
- Рўза ойи сахарлик ва ифторлик дастурхонларида енгил хазм бўлувчи таомлар, сифатли, янги тайёрланган махсулотлар истеъмол қилишингиз хамда овқатланиш мутаносиблигига эътиборли бўлинг;
- Рўза ойи маҳсус ширинлиги бўлмиш нишолда ва турли ширинликлар, таомлар пиширишда туҳумларни оқар сувда яхшилаб(чой сода билан) ювиб ишлатинг.
- Бахор таомлари бўлмиш сумалак, ҳалим, тайёрлашда буғдой сифатли бўлишига, сумалак тайёрлаш технологиясига риоя этиш, кўк сомсалар кўкатларни ишлатишдан олдин саралаш ва тоза оқар сувда ювинг;
- Савдо дўконлардан, байрам ярмаркаларидан озиқ-овқатларни ҳарид қилишда савдо-ҳарид маданиятига риоя қилиш яъни озиқ-овқатларни озода, санитария қоидаларига риоя этган жойлардан ҳарид қилинг.
- Озиқ-овқат маҳсулотларини сақланишига, қадоғида ишлаб чиқарувчи ташкилот номи сақлаш яроқлилик муддати кўрсатилишига эътиборли бўлинг;
- Озиқ-овқат маҳсулотлар савдо қилишда керакли миқдорда ҳарид қилиш (керагидан ортиқ махсулотлар харид қилинганда тез бузилади), оилавий эхтиёжга қараб таомлар тайёрлаш;
- Кўчалардан, белгиланмаган жойлардан, соҳта тадбиркорлардан сифати кафолатланмаган уй шароитида тайёрланган маҳсулотлар (лағмон, норин, ҳасип, турли салатлар, сут гўшт махсулотлари, ширинликлар ва ва консерва) ҳарид қилманг.
- Соғлом турмуш тарзига, яъни, рухий хотиржамлик, жисмоний фаоллик,тўғри овқатланиш, зарарли одатлардан воз кечиш, атроф мухитни асраш, ва албатта шахсий гигиена қоидаларига риоя қилинг;
- Хонадонларингиз, кўчаларингизда ободонлаштириш , кўкаламзорлаштириш ишларини олиб боринг, маиший чиқиндиларни ўрнатилган тартибда чиқариб, хонадонингизни озода сақланг.
Шу фурсатдан фойдаланиб, озиқ-овқат савдоси билан шуғулланувчи тадбиркорлар ва умумий овқатланиш шохобчалари ҳодимларидан савдо-сотиқ жараёнларида овқат-тайёрлаш технологиясига ва махсулотларни сақлаш, сотишда санитария гигиена қоидаларига риоя этиб, махсус уст бошларда, тиббий кўрикдан ўтган холда фаолият олиб боришингизни таъкидлайди.
М.Убайхонова,
туман санитария бўлим мудири.
@piskenthayoti
#якшанба мутолааси
АЛ ҚАСОС УЛ МИНАЛ ХАҚ
Бошқа кунлари нафас олишга ҳам вақтимиз бўлмайди-ку, лекин мана икки кундирки ,байрам шарофати билан дам олаяпмиз.
Рўза бўлгани учун бирор ёққа бормай тинчгина уйда ўтиргинг келади.Лекин ишлаб ўрганган одам учун бекор қолишдан ёмони йўқ.
Шунинг учун яна ниманидир қоралаб, СИЗ,азиз кузатувчиларга тақдим этгим келди ва хотираларга берилдим.
Ўшанда оиладаги шароит туфайли оиламизнинг тўнғич фарзанди бўлган опам ишлаб, оиламизга харна ёрдам беришларига тўғри келгани учун хозирги "Ишонч" савдо мажмуи жойлашган дўкон ўрнидаги"Баҳор" универмагига ёрдамчи сотувчи бўлиб ишга кирадилар.
Орадан бир йил ўтар- ўтмас универмагга ревизия тушиб, катта камомад борлиги аниқланади. Шунда нима қилишини билмай қолган
универмаг директори айбни хаммасини сотувчиларга ағдариб,ўзи сувдан қуруқ чиқади.
Ўша кун болаликдаги хотираларим олдида энг ёмонларидан бири бўлиб қолган.
Уйимизга тўсатдан бостириб кирган директор опа ёнидаги шотирларига уйимиздаги қўлга илинадиган бор нарсани халталарга солишни буюриб, ўзи тўғри бориб тахмондаги кўрпаларни ағдара бошлаганини кўрган онам бечора унинг қўлларига ёпишиб," Ўргилайин ,опажон, бу ерда қизим нинг туғилганидан буён йиғаётган сепларим бор,уларнинг бирортаси ҳам қизим ишлаган жойга тегишли эмас, деб ялиниб- ёлборишларига қарамай, сандиқни очиб, ичидаги опам учун яхши ният билан йиллаб йиғилган сарполик газламаларни ҳам халтага солиб олиб чиқиб кетаётганини кўрган онам рахматли юм- юм йиғлаганча " Сени ҳам хор- зор бўлганингни кўрмасам рози эмасман, худога солдим сенларни, менинг болам дўконингдан бир парча мато олиб келгани йўқ эди, берган уч- тўрт сўм маошингдан бошқасини кўрганимиз йўқ ",-деб изиллаб йиғлаб қолган эдилар.
Орадан йиллар ўтди. Университетни битириб ,ўша пайтдаги туман ижроия қўмтаси- хозирги хокимятда бўлим бошлиғи бўлиб ишлаётган пайтимда ёш бўлганим учун жуда кўп ишларга жалб этишар, қўмита қошидаги бир неча комиссиялар га аъзо қилиб қўйишган эди.
Шундай кунларнинг бирида қўмита раиси мени хонасига чақириб, "Баҳор" универмагига камёб товарлар келгани, лекин улар орқаворотдан устига қўйиб сотишаётганини, мен ўша пайтда жуда катта имтиёзларга эга бўлган ижроия комитетдаги" Халқ
контроли" бўлимига жиноятни аниқлашда ёрдам беришим кераклигини айтганидан сўнг туман Ички Ишлар бўлими қошидаги, номининг ўзиёқ одамни хавотирга соладиган ОБХСС бўлимининг фуқаро кийимидаги ходимлари билан универмагга кириб бордик. Универмагда бизни ҳали унчалик ҳам танимайдиган сотувчилар бемалол чақчақлашиб ўтиришарди.
Дарвешдан "Заҳар нима?" дея сўрадилар.
Дарвеш жавоб қилди:
- Эҳтиёжимиздан ортиқ хамма нарса заҳар бўлади.
Ортиқча куч, ортиқча дам олиш, ортиқча ейиш, ортиқча қўрқув, ортиқча хотиржамлик, ортиқча қувноқлик, ортиқча нафрат ва ҳатто яхшилик қилиш ҳам...
Ҳаётнинг моҳияти - меъёрда.
@piskenthayoti
#Окшом табассуми😅😂😄
❗️Тезкор хабар: Шу кунларда кучли шамол бўлиши мумкин.
7 март куни қаттиқ шамол эсиб, йигитларни учириб, 9 март куни ерга тушириш хавфи мавжуд 😂
@piskenthayoti
Фақат яроқ билан асралмас Ватан,
Қароғу - кўз билан асрамоқ керак!
Шаънига муносиб топиб айтилган,
Инжа бир сўз билан асрамоқ керак!
Фақат жанггоҳларда асралмас Ватан,
Тингла юрт юрагин, оҳу - титроғин.
Ёвлар ололмагай, Кубро мисоли,
Маҳкам тутиб турсанг қўлда байроғин!
Ўлмасбек Самарқандий.
@piskenthayoti
Кўп нарсани кўрган одам тушунмайди- кўп нарсани йўқотган одам тушунади !
Кўп озор берадиган одамлар кечиримли бўлмайдилар, кўп озор чекканлар кечиримли бўладилар !
Бахт нима эканлигини- бахтсизликдан юриб ўтганлар биладилар !
Ким тақдирни шапалоғини еган бўлса- ўша инсон кўп нарсага эришади !
Номакопни ( шўр, тузли, тахир) кўп еган инсон, асални қадрига етади !
Йўқчиликда кун кечирган инсон борига сабр- қаноатли бўлади !
Ким тирикликда ўлиб кўрган бўлса у ҳақиқий маънода яшай билади !
Инсонни моддий бойлиги дунё- давлатдан ташкил топса қалбнинг, рухнинг бойлиги сабоғи тобора у қалбнинг синиб ҳокисор бўлиб бармоғи билан юксалиб боради !
@piskenthayoti
ХАЙРЛИ ТУН
Сeнга ЎЗИНИ эслатувчи бир дўст топсанг, унинг этагини қучоқлаб ол ва ундан ажралма. Уни ўзинг учун бир ғанимат дeб бил.
Уни ҳeч қачон ҳокир кўрма. Зeро бундай бир дўст, ақлли кимсанинг ғанимати, мўмин кимсанинг эса йўқолган сарватидир.
Имом Ғаззолий
@piskenthayoti
#бу_менинг_онам
АЗИЗ МУХТАРАМА ОНАЖОНИМИЗ МАРЯМХОНХОЖИОНАЖОН.
БАЙРАМИНГИЗ МУБОРАК БУЛСИН.
ДУНЁ ТУРГУНЧА ТУРИНГ.
ДУОЛАРИНГИЗ ОСТИДА УНИБ УСГАН ФАРЗАНДЛАРИНГИЗ РОХАТ ФАРОГАТИДА ЯШАНГ.
ФАРИШТАДЕК НУРОНИЙСИЗ ЭЬЗОЗУ ИКРОМИМИЗ СОХИБАСИ КАЛБИМИЗ ШУУРИ ЭХТИРОМИМИЗ СОХИБАСИСИЗ.
СИЗНИ ХАР ДАМ ХАР ОН АРДОКЛОВЧИ ФАРЗАНДЛАРИНГИЗДАН.
@piskenthayoti
АЗИЗ "ПИСКЕНТ ХАЁТИ" КАЛАМИ УТКИР, МАЬНАВИЯТИ ЮКСАК ,
ХАР БИР НОМАЛАРИ КЕНГ КАМРОВЛИ БУЛГАН, ИБРАТЛИ РИВОЯТУ ХИКОЯЛАРИ ,
ТАРБИЯЛИ
АХАМИЯТГА МОЛИК ПИСКЕНТ ТУМАНИМИЗ КУНДАЛИК ЯНГИЛИКЛАРИДАН ВАКТИДА ХАБАРДОР КИЛАЁТГАН
ШИЖОТЛИ МУХБИРЛАРИ БАЙРАМИНГИЗ МУБОРАК БУЛСИН.
ЗАЛВОРЛИ ИШИНГИЗГА ОМАД, ЗАФАР, ОИЛАНГИЗГА ТИНЧЛИК ХОТИРЖАМЛИК ТИЛАЙМИЗ.
ВАТАНИМИЗ РАВНАКИ, ТАРАККИЕТИ ЙУЛИДАГИ КИЛАЁТГАН МЕХНАТЛАРИНГИЗ МАХСУЛИНИ КУРИНГ ИЛОХИМ .
"АЯМАЖУЗ кунлари"...
( Ривоят )
Айтишларича, қишнинг охирги ҳафтаси ва баҳорнинг илк кунларида табиатда "Аямажуз кунлари" ҳукм сурар экан...
" Аямажуз "ҳақида биласиз-ми?..
Бизга бу ҳақда онам гапириб берганлар...
Ривоят қилишларича, қиш салтанатининг ҳукмдори Аёз бобо номли кекса бир донишманд бўлиб, у бағрикенг, қалби қордек беғубор, саҳий экан..
Лекин унинг аёли қаҳри қаттиқ, ўжар ва қайсар Аямажуз исмли малика экан. Уларнинг тўқсонта паҳлавон ўғли бўлиб, ҳукмдор қишнинг ҳар бир кунини навбатма-навбат бошқариш учун ўғилларига бўлиб берган экан..
Ўғилларнинг айримларининг феъли отасиникига, айримлари эса онасиникига ўхшаркан. Шунинг учун ҳам қишда об-ҳаво бир илиқ, бир совуқ бўларкан.
Қиш тугашига саноқли кунлар қолганида, ўғилларининг ишини кузатиб турган она малика уларга норозилик билдириб,
- "Нега ҳамманг бўшашасан, қиш дегани қаҳратон бўлмайдими?! Нега қуёш чиқяпти?! Қор ёғдиринг, бўрон бўлсин, довул бўлсин. Баҳор келяпти. Йўлини тўсиш зарур, ҳавони совутинг", - деб буйруқ бераркан...
Ўғилларнинг бунга кучи етмаса, Аямажуз момо ғазаб отига миниб, - " Эээ, тўқсон, бир кунимга ҳам йўқсан! "- дея ўзи ишга киришаркан. Бирдан ҳаво изиллаб, совуқ ёмғирлар, орқасидан изғиринли қор бўронлари бошланиб, ер юзини оппоқ қор қопларкан. Совуқ забтига олиб, ерга сув сочсангиз, музга айланиб тушар даражага етаркан. Қиш билан баҳор ўртасида қаттиқ кураш бўларкан.
Лекин, кексалик эмас-ми, Аямажуз момо аста кучсмзлана бошлабди...
Кампирини енгила бошлаганини кўрган Аёз бобо кулиб, унга:
- "Қўй, энди кампир, чиранма, биз қаридик! Ёш ва ўктам Баҳорга ўрнимизни бўшатиб бериш вақти келди." - дея қайсар момони жаҳлдан тушириб, ўтмишлар ўлкасига олиб кетаркан...
* * *
Бу бир эртакнамо ривоят...
Лекин ҳар қандай ривоятнинг замирида албатта бир ҳақиқат ётади... Табиатга қаранг, худди шундай воқеа содир бўлмаяпти-ми? Ҳозир Аямажуз момо жаҳл отига минган кунлар... Аммо ҳадемай унинг кучи ва сабри тугаб, ўрнини барибир навқирон баҳорга бўшатиб беришга мажбур бўлади...
Ҳаётимизга кириб келган Фасли Навбаҳор барчамизга хайрли ва муборак бўлсин!
Муножот Каримжон қизи
@piskenthayoti
"АЯМАЖУЗ кунлари"...
( Ривоят )
Айтишларича, қишнинг охирги ҳафтаси ва баҳорнинг илк кунларида табиатда "Аямажуз кунлари" ҳукм сурар экан...
" Аямажуз "ҳақида биласиз-ми?..
Бизга бу ҳақда онам гапириб берганлар...
Ривоят қилишларича, қиш салтанатининг ҳукмдори Аёз бобо номли кекса бир донишманд бўлиб, у бағрикенг, қалби қордек беғубор, саҳий экан..
Лекин унинг аёли қаҳри қаттиқ, ўжар ва қайсар Аямажуз исмли малика экан. Уларнинг тўқсонта паҳлавон ўғли бўлиб, ҳукмдор қишнинг ҳар бир кунини навбатма-навбат бошқариш учун ўғилларига бўлиб берган экан..
Ўғилларнинг айримларининг феъли отасиникига, айримлари эса онасиникига ўхшаркан. Шунинг учун ҳам қишда об-ҳаво бир илиқ, бир совуқ бўларкан.
Қиш тугашига саноқли кунлар қолганида, ўғилларининг ишини кузатиб турган она малика уларга норозилик билдириб,
- "Нега ҳамманг бўшашасан, қиш дегани қаҳратон бўлмайдими?! Нега қуёш чиқяпти?! Қор ёғдиринг, бўрон бўлсин, довул бўлсин. Баҳор келяпти. Йўлини тўсиш зарур, ҳавони совутинг", - деб буйруқ бераркан...
Ўғилларнинг бунга кучи етмаса, Аямажуз момо ғазаб отига миниб, - " Эээ, тўқсон, бир кунимга ҳам йўқсан! "- дея ўзи ишга киришаркан. Бирдан ҳаво изиллаб, совуқ ёмғирлар, орқасидан изғиринли қор бўронлари бошланиб, ер юзини оппоқ қор қопларкан. Совуқ забтига олиб, ерга сув сочсангиз, музга айланиб тушар даражага етаркан. Қиш билан баҳор ўртасида қаттиқ кураш бўларкан.
Лекин, кексалик эмас-ми, Аямажуз момо аста кучсмзлана бошлабди...
Кампирини енгила бошлаганини кўрган Аёз бобо кулиб, унга:
- "Қўй, энди кампир, чиранма, биз қаридик! Ёш ва ўктам Баҳорга ўрнимизни бўшатиб бериш вақти келди." - дея қайсар момони жаҳлдан тушириб, ўтмишлар ўлкасига олиб кетаркан...
* * *
Бу бир эртакнамо ривоят...
Лекин ҳар қандай ривоятнинг замирида албатта бир ҳақиқат ётади... Табиатга қаранг, худди шундай воқеа содир бўлмаяпти-ми? Ҳозир Аямажуз момо жаҳл отига минган кунлар... Аммо ҳадемай унинг кучи ва сабри тугаб, ўрнини барибир навқирон баҳорга бўшатиб беришга мажбур бўлади...
Ҳаётимизга кириб келган Фасли Навбаҳор барчамизга хайрли ва муборак бўлсин!
Муножот Каримжон қизи
@piskenthayoti
Рўза тутишдаги ҳикмат – тақводир. Ким Аллоҳга тақво қилмаса, рўзанинг мақсадини ҳам, ундаги ҳикматни ҳам қўлга киритмабди.
Рўза сабрни ўрганиш, нафсни тарбия қилиш, руҳий озуқани кўпайтириш ва бошқаларни ҳис қилиш йўлидаги мактабдир.
Рамазон – ҳаётингизни буткул ўзгартиришга қодир эканини исботидир. Ахир бир кеча ва кундузда ҳаётингиздаги кўплаб одатлардан халос бўлганингизни кўрмаяпсизми?
@piskenthayoti
#Хотин_қизлар_ҳуқуқи
⚡️Қонунчиликка кўра, тазйиқ ва зўравонликдан жабрланган хотин-қизлар ўзларига етказилган маънавий ва моддий зарарнинг ўрнини қоплаш тўғрисидаги даъво ариза билан судга мурожаат қилганда, давлат божини тўлашдан озод қилинади.
Каналга уланиш👇👇👇
/channel/huquqiyaxborot
#_обуна
ҲАММАСИ РАҲБАРГА БОҒЛИҚ
Ҳурматли кузатувчилар!
Эътибор қилаётган бўлсангиз биз каналимиз орқали ҳар куни Давлатимиз раҳбарининг оммавий ахборот воситаларининг бугунги кундаги ўрни нечоғли катта аҳамиятга эга эканлиги, у нафақат “тўртинчи ҳокимият”, балки мудофаа, хавфсизлик каби ҳал қилувчи соҳага айланиб бораётганлиги, бундан буён ҳар бир давлат органи матбуот билан ҳамкорлик қилиши зарур ва шарт эканлиги, айниқса, босма ахборот воситаларисиз ёшларга таълим тарбия беришни бугунги кун талаблари даражасига олиб чиқиб бўлмаслигини, оммавий ахборот воситалари билан ҳамкорлик қилмайдиган, ўзи раҳбарлик қилаётган ташкилотда оммавий ахборот муҳитини ярата олмайдиган раҳбар билан хайрлашамиз, деган сўзларини такрор ва такрор эслатиб бораяпмиз.
Чунки Президентнинг Матбуот фаолиятимизни акс эттирувчи кўзгу бўлиб, унга қарамаслик ҳақиқий қиёфамизни йўқотиб қўйишимизга, ўзимизни ҳаммадан зўрман деб ўйлаб ўзимизга бино қўйишга олиб келганини, бу ҳолат эса қанчадан-қанча иллатларнинг томир отишига сабаб бўлганини, баъзи раҳбарларнинг матбуотчилар билан оддий муомала маданиятини унутиб қўяётганлиги ҳақли эътирозларга сабаб бўлаётганини, улар кибру ҳавога берилиш, ўзига бино қўйиш орқали масалани янада чигаллаштириб юбораётганлиги ҳақидаги фикрларини унутишга ҳеч биримиз ҳақли эмасмиз.
Хўш, оммавий ахборот воситалари билан ҳамкорлик қилиш, газета ва журнал ўқиш, улардан олаётган ҳаққоний маълумотларни одамларга етказиш, айниқса, ўқувчиларга таълим беришда унинг аҳамияти қанчалик катта эканлигини англашимиз учун биринчи навбатда обуна бўлишимиз,
Демократиянинг асосий талабаларидан бири бўлган ихтиёрийликни суиистеъмол қилиш ўрнига, ўзимизни ҳақиқий демократик давлат фуқароси эканлигимизни, ҳақиқий маърифат тарафдорлари эканлигимизни амалда исботлашимиз керак эмасмиди?
Бу йил бутун республикамиз бўйлаб ҳақиқий обуна йили бўлди десак муболаға бўлмайди.
Оғир аҳволга тушиб, инқироз ёқасига келиб қолган нашрлар тўлиқ оёққа туриб олиши учун жуда катта амалий ёрдам берилди.
Шу жумладан, вилоят ва туманимизда ҳам обуна мавсумига жуда катта эътибор қаратилиши натижасида туманимиз газетаси обунасида ҳам сезиларли ўзгаришлар бўлиши кутилаётган эди. Афсуски, энг ишонган ташкилотларимиздан бири бўлган, ҳақиқий маърифат ўчоқлари бўлмиш мактабларимиздаги баъзи раҳбарларнинг лоқайд ва бепарволиги туфайли юзимиз шувут бўлиб қолмоқда.
Улар ўзларининг айби билан юзага келган ҳолатлар учун мутасадди ташкилотлар томонидан қўйилаётган жарималарни қоплаш ва бошқа” ва ҳоказо” сабабларни рўкач қилиб, ҳозиргача обуна бўйича берилган тавсиявий режани бажаролмаяптилар.
Тўғри, уларнинг орасида ўзларининг ҳақиқий раҳбар эканликларини амалда исботлаётган раҳбарлар ҳам бор албатта. Лекин деярли етти ойдан буён давом этаётган обуна мавсумида бор йўғи беш –ўн дона обуна билан кифояланиб, ўзларини ҳақиқий қаҳрамон ҳисоблаб юрганларнинг борлиги ғоят ачинарлидир.
Сизларга ҳавола этилаётган ушбу маълумотлар мактабларимизда обуна бўйича юзага келган ҳолатнинг яққол исботидир.
Таҳририят
@piskenthayoti
Мен дугонам, яъни менга шерик қилиб бириктирилган хисобчи қиз билан ўша пайтда нихоятда машхур, лекин жуда камёб бўлган француз атири зарурлигини, топиб беришса нархига қарамай сотиб олишимизни айтганимиздан сўнг, сотувчи аёл директор рухсат берса топиб беришини айтгач, универмагнинг иккинчи қаватида жойлашган директорининг хонасига кирдик.
Кирганимизда ўша, бир пайтлар онамни қақшатган, Энди қариб, анча юмшаб қолган директор столининг устида турган нихоятда чиройли,ўша пайтда жуда урф бўлган қимматбахо пўстинни кўрсатиб,"Агар пулингиз етса мана шу пўстиндан ҳам олинг, ўзи атиги икки донани зўрға олиб келганмиз "- , деди.
Бизнинг пўстинга хақиқатан ҳам хавасимиз келган бўлсада,лекин қандай вазифа билан келганимизни яхши билганимиз учун, "пўстин ҳақиқатан ҳам зўр , лекин нархи жуда қиммат экан, хозирча атир олишимизга рухсат
берсангиз яхши бўларди" ,- дедик.
Опа котиба қиздан дарҳол сотувчини чақиртириб, бизга атир беришини тайинлаганидан сўнг биз биринчи қаватга тушиб, атирни олаётганимизда ОБХСС
ходимлари келиб хужжатларини кўрсатиши билан универмаг тўс- тўполон бўлиб кетди.
Дархол эшиклар беркитилиб, харидорларга вазият тушунтирилди.
Универмагдаги ҳар бир сотув бўлими мухрланиб, дарҳол текшириш бошланган, директор опа айтган қимматбахо пўстиндан "атиги иккита" эмас, ундан ортиқ келтирилган, биз орзу қиладиган француз атири ҳам қутилаб тахлаб ташланганини кўриб хайратда қолганмиз.
Ўшанда универмагда қиёмат қойим бўлиб кетган, бу ўзларига қўйилган "Тузоқ" эканлигини билган корчалон директор ва сотувчилари дод солиб йиғлар, ОБХСС бошлиғи ўзлари билан кетишини талаб қилаётгани учун
ўша машхур , димоғдор директор опа шундай дод- вой кўтардики, ОБХСС ходимлари судраб олиб чиқиб кетишларига тўғри келган эди .
Ўша куни уйга боргач ,бўлган воқеани онамга хурсанд бўлиб айтиб" Кўрдингизми,она, қасос барибир қайтди, ўша директор опа бизнинг уйимизга келиб сизни қанчалар хор қилган, йиғлаб- ялинишингизга ҳам қарамай боримизни олиб кетган эди.Сизку ўз уйингизда эдингиз, директор бўлса ўнлаб одамларнинг, яна эркакларнинг олдида судраб олиб чиқиб кетилди", - деб қувонаётганимни кўрган онам " Ундай дема, болам, ҳар иш Яратгандан ,мен ўшанда куйиб кетганимдан қарғагандирман, лекин қасос оламан деб ўйламаганман, кўрдингми, Яратган ҳаммасини ўзи ўрнига қўяди, хақни нохақ қилмайди, бўлган воқеалар ҳам Ўзининг иши"-;деган эдилар .
Мен эса барибир"Зўр бўлди, сенинг ҳам хор- бўлганингни кўриш менга насиб этганидан ,қасос қайтганидан хурсандман",- деганман.
Шунинг учун хаммасини Ўзига хаволга қилиш керак экан.Парвардигор хақни нохақ қилмас, илоҳий адолат барибир қарор топар экан.
Аҳир бекорга "Ал қасос ул минал ҳақ", яъни қасос ўзидан дейилмас экан.
Башорат Сатторова
журналист
@piskenthayoti
- АЁЛ ЗОТИ ҚАНДАЙ ЗОТ ЎЗИ...?
Ўйлаб, деди Донишманд секин: -
АЁЛ асли қалбнинг гавҳари,
Усиз ишнинг йўқдир самари.
АЁЛ шундай зотдир, ожиза,
АЁЛ бизга ЕТТИ МЎЪЖИЗА.
Оёғининг остида ЖАННАТ,
Қўли гулдир, ажойиб САНЪАТ.
Тишлари дур, товланиб турар,
Кўзларида меҳр мавж урар.
Пичирлайди лаблари фақат,
АЁЛ учун берилган тоқат.
Сочларида қор, қиров номи,
Тилларида Бахтнинг каломи.
Қулоқлари тинглар яхши сўз,
Киприклари мисли бир товус.
Қошларида камоннинг акси,
Ҳеч ЗОТ йўқдир АЁЛДЕК яхши.
Ўзи емас, болам есин, дер,
Ширин болам ОНАМ десин, дер.
Кўникади шарт қўйса ТАҚДИР,
Бундай ЗОТ ким–АЁЛДИР ахир.
Эркаксизми, АЁЛНИ дерсиз,
АЁЛ менинг бир ёрим, дерсиз.
Онам – АЁЛ, Аёлим– АЁЛ,
Опа-сингил, жигарим–АЁЛ.
Ўзбек Аёлининг иболари бор,
Бошида рўмоли, Зеболари бор.
Сўзим бисёр АЁЛ васлига,
Сўзим ожиз АЁЛ наслига.
Деди шундай сўзлар ДОНИШМАНД.
Одамларни қамради ҲАЙРАТ!!!
Наҳот, Аёл шундай УЛУҒ ЗОТ,
АЁЛЛАРНИНГ бори ўзи БАХТ...!!!
@piskenthayoti
#ибрат
Узоқ йиллардан бери мактабда ишлаб келаётган 66 ёшли ўқитувчи оламдан ўтибди...
Мактаб ўқувчилари ўз устозини сўнгги манзилга мана шундай ҳолатда кузатиб қўйишибди...
Бу ҳам УСТОЗГА эхтиромнинг бир кўринишида, шундай эмасми?
Андижон вилояти, Хўжаобод тумани
@piskenthayoti
#кун_ҳақиқати
Кўрдимки, умр ва дунёдан кўра тез ўтиб кетадиган, ўлим ва охиратдан кўра яқинроқ, орзудан кўра узунроқ, хотиржамликдан кўра гўзалроқ нарса йўқ экан.
© Нажмиддин Кубро
@piskenthayoti
#шеърият
OСОН ЭМАС АБАД АСРАМОҚ СУЙМОҚ
Ҳалима Худойбердиева
Узун қабоҳат қўли юлди сарву суманни,
Заҳарга қўшиб қорди оташ ширин суханни,
Келган жойи шу бўлди ишқ деб йўлга чиққанни,
Кумуш, кўзларинг қайта юмилмаса бўлмасми?!
Шундай сарв тупроққа кўмилмаса бўлмасми?!
Оҳ, аёл, биз аёллар ишққа гирдикапалак,
Шу ишқ ортидан куйиб бўлдик доимо ҳалок.
Ойдай Кумуш «Бегим...»лаб ўлиб бораётган чоғ,
«Ойи...», «Дада...», ул икки меҳрибондан йирокда,
Гўдаклиги гувранган Марғилондан йироқда.
Гарчанд Отабек билан яйраса ҳам барқ уриб,
Ул кундошли тунларни ўтказди михда юриб,
Ахир сочидан хушбўй райҳон ҳидин уфуриб,
Ёстиғига ёлғиз бош қўймоққа маҳкум эди,
Отабекдай бегидан кун ора маҳрум эди.
Аммо ишқнинг ғолиблик куни яқинлашарди,
Сезган сайин икки дил туйғулари тошарди.
Сезган сайин Зайнаб ҳам ортиб бораркан дарди,
Узди, яшноқ вужудни жоҳил қўл билан узди,
Икки шаън шеър байтини чизди, устидан чизди!
«Гулим», ёнди Отабек, ичдан қулаб кетган тоғ:
— Зайнаб! Сенга минг лаънат, сен талоқсан, кет, талоқ.
Кумуш ярқ кўзин очди бу сўзни эшитган чоқ,
Қайта юмди... во дариғ, шу сўзмиди бор илинж?!
Сўнг Отабек кўксига бош қўйиб жон берди тинч.
Кулимсираб худдики уялгандай жон берди,
Шу сўз балки докадек юзга қайта қон берди,
Шу сўз балки шу хилда ўлмакка имкон берди!
Эшитсайди шу сўзни тирикликда бирор кун
Билмам, яшолармиди кўтариб бу бахт юкин?!
Энди ишқмас, тобутни Отабек қон кўтаргай,
Бу ишқ шарҳин Қодирий, ўртанган жон кўтаргай,
Ҳали-ҳануз ишқ дардин дардкаш инсон кўтаргай,
Қай аёлки оҳ уриб ишқин айтиб келадир,
Хаёлимда у билан Кумуш қайтиб келадир.
Сиз бугунги Кумушлар, аёл зотин сараси,
Сочингизни то абад ишқ қўллари тарасин,
Отабеклар топса ҳам қовушмоқлик чорасин,
Осон эмас экан-ку абад асрамоқ, суймоқ,
Осон экан-ку ахир Сизни бой бериб қўймоқ.
Узун қабоҳат қўли юлди сарву суманни...
@piskenthayoti
Энг мазали, кўриниши ҳам бетакрор , ҳамма аёлларимизнинг севимли ширинлиги бўлган асалли торт( медовик) тайёрлаймиз.
Ифтор дастурхони учун бундан мазали десерт бўлмаса керак.
@piskentnayoti
АССАЛОМ АЛАЙКУМ!
ХАЙРЛИ ТОНГ
Эрта тонгда шамолнинг нафасидан, қалбимизга берилган ҳузурдан бахра олган ҳолда тонг оттирамиз.Кўзимизни қамаштирган нурдан,ёруғликдан завқланаииз. ЯНГИ куннинг нафасини,бизга ваъда қилаетган бахт ва шодоик тўла онларини туямиз.Янги кун биз учун яхшиликларга,омад ва муваффақиятларга тўлиқ бўлишига ишонамиз.
Қалбингизда хамиша баҳор, хаёлингизда гўзаллик, руҳингизда ёруғлик, ниятингизда эзгулик, қўлингизда китоб бор бўлса, хаётнинг қанчалар гўзал, яхшилар
ва яхшиликларга тўла эканини хис қиласиз.
Ўзингиз хам мана шу гўзал ва жўшқин хаётнинг бир бўлаги эканингиздан фахрланасиз,қалбингиз беадад қувонч ва шодликка тўлади.
@piskenthayoti
УЛУҒЛАРНИНГ СЎЗЛАРИ СЎЗЛАРНИНГ УЛУҒЛАРИ:
Бахтдан баҳра олишнинг ягона йўли уни бошқалар билан бўлишишдир.
Байрон
Ҳаётда ҳамиша бахтли бўлсам унда орзу қиладиган нимам қолади?!
Достоевский
Одамларнинг сeни энг яхши кўрадиган вақтлари, уларга энг кўп фойданг тeккан вақтдир.
Буковский
@piskenthayoti
🌷Аёл бор ҳаётнинг ҳар куни байрам
@piskenthayoti
#бу_менинг_онам
МЕНИНГ ДУНЁЛАРГА АЛМАШМАСИМ ЯГОНАМ КАЛБИ МЕХР ИЛА УРГУВЧИ ЮРАГИ ТУЛЛА ЯХШИЛИК КАМТАРИНИМ АЁЛЛИК САЛТАНАТИНИНГ БУЮКЛАРИ ПЕШВОСИ БУЛГАН МАРХАБОХОНОНАЖОНИМ.
БАЙРАМИНГИЗ ИЛА КУТЛАЙМИЗ.
СИЗДЕК ИБРАТЛИ БАГРИ КЕНГ СУЗЛАРИ БОЛ КАБИ ЁКИМЛИ ОНАИЗОРИМИЗ КУП ЙИЛ ЭЬЗОЗИМИЗ АРДОГИМИЗ СОХИБАСИ БУЛИБ ЮРИНГ.
ИЛОХИМ ДУНЁ ТУРГУНЧА ТУРИНГ.СОГ БУЛИНГ.
@piskenthayoti
