2194
"Piskent hayoti" ijtimoiy-siyosiy gazetaning telegram tarmog'idagi kanali. Murojaat, taklif va e'lonlar uchun @piskenthayoti4071260
#_шукуҳ
Тил – миллат руҳи ва ўзлигини акс эттирувчи энг муҳим бойликдир. 21-октабр – Ўзбек тилига давлат тили мақоми берилган кун. Ушбу сана 35 йилдирки, мамлакатимизда ўзига хос тантана билан кенг нишонлаб келинмоқда.
Куни кеча 24 - сонли мактабда "Она тилим-миллат кўзгуси" шиори остида тадбир ўтказилди. Тадбирда юқори синф ўқувчилари ва ўқитувчилари иштирок этишди.
Тадбир давомида тилимизни мадҳ этувчи шеърлар, мақоллар, ҳикматли сўзлардан парчалар тингланди.
Тилни эьзозлаш ва қадрига етиш ҳақидаги саҳна кўриниши маромига етказиб ижро этилди. Қўшиқлар, рақслар тадбирга ўзгача кўрк бағишлади.
Тадбир кўтаринки руҳда ўтди.
Тадбир ташкилотчилари:
Она тили ва адабиёт ўқитувчилари Умирова Карима, Абдуғофурова Матлуба.
@piskenthayoti
- Ҳой, Мажнун, кўрмадингми намоз ўқияпман.
Нега олдимдан ўтяпсан?
- Узр. Мен Лайлининг ишқида сени кўрмай қолдим.
Лекин сен Аллоҳнинг ишқида мени қандай кўрдинг?
Алишер Навоий
@piskenthayoti
Муҳаббат - лойиқ бўлганлар учун,
Вафо - унутмаганлар учун.
Дўстлик - содиқ бўлганлар учун,
Ҳаёт эса табассумни билганлар учундир...
Жалолиддин Румий
@piskenthayoti
#пахта - 2024
КЎЗЛАНГАН РЕЖА БАЖАРИЛДИ
Пахтазорларда биринчи терим якунланмоқда. Бу паллада отни қамчилаган фермер борки белгиланган режага яқин ҳосил топшириб, кўзлаган маррани эгаллай бошлайди. А.Навоий ҳудудининг “ Тожибоева Завра” фермер хўжалиги пахтакорлари ғанимат кунлардан унумли фойдаланиб, дастлаб пахта ҳосилини машиналар ёрдамида териб олишга эътибор қаратдилар. Жорий йилда 45 гектар ерда деҳқончилик қилган фермер Озод Тожибоев ва унинг ишчилари ғўза парваришини агротехника талаблари асосида олиб бориб, пахтадан мўл ҳосил етиштирдилар.
Бу йилги пахта терими мавсумига пухта тайёргарлик кўрдик, -дейди фермер О. Тожибоев. - Барча имкониятларимизни ҳосилни нес-нобуд қилмай йиғиштириб олишга қаратдик. Мавжуд техникаларимиз шай холга келтирилди. Дала шийпонида кунига 2 маҳалдан иссиқ овқат ташкил этилди. Терим пули , илғор теримчиларни рағбатлантириш ўз вақтида амалга оширилди. Сендан ҳаракат, мендан баракат деганларидек, тинимсиз ҳаракатимиз бесамар кетмади. Маррани ҳудуда биринчилар қатори забт этдик.
Фермер хўжалигида ҳосилнинг 80 тоннаси замонавий терим машинаси ёрдамида йиғиштириб олинди.Бу борада механизатор Олмжон Исматовнинг меҳнати тахсинга лойиқдир. Унинг кундалик терган пахтаси 6-8 тоннага етди. Шунингдек фермер қўл теримига ҳам эътибор берди. Маҳаллада яшовчи 65 нафар кўнгилли фуқаролар ўз хохишлари билан пахтакорларга мададкор бўлишди. Кунига 100-150 кг.дан пахта териб, хўжалик хирмонига салмоқли ҳисса қўшдилар.
Бир ёқадан бош чиқариб ишлаган пахтакорлар бугунги кунда кўзланган режани биринчилар қатори бажариб, ҳосилдорликни 40 центнерга етказдилар.
Ш.Шоматова.
@piskenthayoti
Мен кўп эшитаяпман, мулоқотларда “,керак эмас, ахборот технологиялари бор, журнал ҳам керак эмас, газета ҳам керак эмас”. Бу нотўғри йўналиш. Ҳамма нарсанинг ўз ўрни бор. Компьютернинг ҳам ўз ўрни бор, журналнинг ҳам ўрни бор, газетанинг ҳам ўрни бор. Бошқача йўлни тутиш ҳозирча мумкин эмас. Биз бунга тайёр эмасмиз”, дейди Шавкат Мирзиёев.
@piskenthayoti
📚Туманимиздаги мактабгача таълим ташкилотлари тарбияланувчилари иштирокида "Она тилим-жон-у дилим" номли челленжи ташкил этилди. Челленжда болажонлар ёд олган шеърлар иштирокида видеороликлар қабул қилинди.
📚Кўрик танлов натижаларига кўра ўғил болалар орасида
1-ўрин 14- сонли давлат мактабгача таълим ташкилоти тарбияланувчиси Камолиддинов Шердор.
2-ўрин 15-сонли давлат мактабгача таълим ташкилоти тарбияланувчиси Хайруллаев Дониёр
3-ўрин эса 18-сонли давлат мактабгача таълим ташкилоти тарбияланувчиси Жумабоев Нурбек қўлга киритди.
📚Қиз болалар орасида эса
1-ўрин 13-сонли ДМТТ тарбияланувчиси Ўринбоева Зумрад
2-ўрин 17-сонли ДМТТ тарбияланувчиси Абдураҳимова Солиҳа
3-ўрин 5-сонли ДМТТ тарбияланувчиси Абдусатторова Осуда ларга насиб этди. Челленжда фаол иштирок этган барча ташкилотларга миннатдорчилик билдирамиз. Болажонларга Мактаб ва мактабгача таълим бўлими бошлиғи Б.Ишмурадованинг мақтов ёрлиғи ва эсдалик совғалари билан тақдирланишди.
@piskenthayoti
Президент Шавкат Мирзиёев раислигида "Яшил макон” умуммиллий лойиҳасини амалга ошириш юзасидан ўтган видеоселектор йиғилишида белгиланган асосий вазифалар.
Батафсил — юқоридаги #инфографикада.
Facebook|Instagram|X
#_шукуҳ
Туманимиздаги 4-сонли мактабда куни кеча "Она тилим-ифтихорим, ғуруримсан!" мавзусида тадбир бўлиб ўтди. Тадбирда она тилининг юксаклиги, ўзбек миллатининг ғурури эканлигини ёритувчи куй-қўшиқлар ижро этилди. Шеърий тўртликлар айтилди. Тадбир ташкилотчилари она тили ва адабиёт фани катта ўқитувчиси Тўлаганова Шахло Абдуғапуровна ва 5-"Б", 6-"А", 8-"А" синф ўқувчиларининг чиқишлари барчада катта таассурот қолдирди.
@piskenthayoti
Ўзбек тилининг икки томли изоҳли луғатидан сиқиб чиқариб ташланган маънавият, маърифат, қадрият, ибо, ҳаё ва бошқа бир қанча ўзлигимизни англатиб турадиган сўзларимиз, истиқлолимиз шарофати ила нашр этилган беш томли “Ўзбек тилининг изоҳли луғати”га киритилган.
🇺🇿🇺🇿Бу барчамиз учун қувончли ҳолат. Тилимизнинг бошқа тилларга қараганда қанчалик бой тил эканлигини ХV асрдаёқ Ҳазрат Навоий ўзининг “Муҳокамат ул-луғатайн” асари орқали исботлаб кетган. У кишининг “Тилга ихтиёрсиз, элга эътиборсиз” деган фикрлари бугунги кунда ҳам ўз аҳамиятини йўқотгани йўқ, балки биз учун дастуруламал вазифасини ўтаб келмоқда. 🇺🇿🇺🇿Аммо бу фикрга барчанинг бирдек амал қилмаслиги танамиздаги оғир ва юқумли касалликка ўхшаб бормоқда. Президентимиз Шавкат Мирзиёев таъбири билан айтганда: 🇺🇿🇺🇿“Ўзбек тили халқимиз учун миллий ўзлигимиз ва мустақил давлатчилик тимсоли, бебаҳо маънавий бойлик, буюк қадрият”🇺🇿🇺🇿 эканлигини ҳар бир инсон қалбдан ҳис қилмоғи даркор.
@piskenthayoti
ҲАЙРЛИ ТУН
Ўтмишнинг эшикларини ёпинг ва ўтмиш учун вақт йўқотманг!
Бошқаларнинг сиз ҳақингиздаги фикри билан қизиқманг!
Қўлингиздагиларга қаноат қилишни ўрганинг!
Бахтни бировдан кутманг, ўзингиз яратинг!
Ўзингизни бошқалар билан қиёсламанг, чунки сизнинг ўхшашингиз йўқ!
Ўйлашни бир четга суринг, хотиржам яшанг!
Табассум қилинг ва йўлингизда давом этинг!..
@piskenthayohi
Аёл жамиятнинг ярми дейишади.
Йўқ, у жамиятнинг ҳаммасидир.
У жамиятнинг ярми бўлиб қолган ярмини тарбиялайди. Аёлнинг диний, ватаний ва ижтимоий аҳамияти жудаям буюк. У она ва бувидир. У хотин, сингил ва қиздир. У мураббия, зиёкор ва эзгулик куйчисидир. Агар уларни ҳаётга тайёрлашни эплай олсак, умумий уйимиз биносига ҳисса қўшолган бўламиз.
Қуйидаги сатрларни айтган Аҳмад Шавқийга Аллоҳнинг раҳмати бўлсин: "Она мадрасадир. Агар уни муносиб тайёрлай олсанг, қони тоза халқни тарбиялайсан!"
Доктор Кофтару
@piskenthayoti
Дарвеш билан тулки
(Тасаввуфий ҳикоялар туркумидан)
Бир дарвеш йўлда кетиб бораркан оёқсиз тулкига кўзи тушди. “Бу ҳайвон қандай қилиб кун кечиряпти экан?”, - деб ҳайрат ичида уни бир четдан туриб кузата бошлади.
Бир вақт ўрмондан бир арслон оғзида ўлжа билан чиқиб келди. Ҳайбатли арслон ўлжасининг бир қисмини еди ва тўйгач қолганини ўша ерга ташлаб ортига қайтди. Ҳалиги тулки ундан ортган ўлаксага судралганча амаллаб етиб олди ва қорнини тўйғазди.
Тулкининг ризқи оёғи тагига келганини кўрган дарвеш:
- Бир тулкининг ризқини унинг ёнига келтирган Аллоҳ менинг
ризқимни келтирмайдими?! Ризқим Аллоҳнинг кўринмайдиган ҳазинасидан келади, ҳаракат қилишимга ҳожат йўқ, - деб ишламаса ҳам ризқи келавериши ҳақида ўйлади ва бир чеккага ўтиб ризқини кута бошлади. Кутди...кутди... На келган бор эди, на кетган... Кунлар ўтаверди. Ориқлаб эти суягига ёпишиб қолди. Вужуди заифлашган, мадорсиз ҳолда экан ўтирган масжиди меҳробидан бир овоз келди:
- Эй танбал одам! Ўзингни ногирон тулкига ўхшатиб нима сабабдан
мискинга ўхшаб ўтирибсан? Тур ўрнингдан! Меҳнаткаш арслон бўл! Бошқанинг ўлаксасига кўз тикишни қўй. Сенга ярашадигани бировдан ортгани эмас. Кучи билан арслон бўлган бошқасидан ортган қолдиқни кутадими?! Қани тур! Меҳнат қил, ишла ва ризқингни топ. Ҳам ўзинг е, ҳам муҳтожларга едир.
Турк тилидан Гўзал Мирзаева таржимаси
@piskenthayoti
Бева, камбағал бир аёл уйида сарёғ тайёрлаб бир дўкончига олиб бориб сотар эди. Баққол аёл олиб келган сарёғни ҳеч тортиб кўрмас эди. Бир куни негадир унинг кўнглига бир шубҳа тушди. Навбатдаги олиб келинган сарёғни тортиб текшириб кўрди. Бир килоли сарёғ 900 грамм чиқди. Сотувчи жуда хафа бўлди.
Эртаси куни келган аёлга шундай деди:
- Энди мен сендан сарёғ олмайман.
Аёл деди:
- Нега энди? Бир хатолик ўтдими мендан?
- Сен бир кило деб берадиган сарёғинг роппа роса 900 грам экан. Айб эмасми?
Шунда аёл деди:
- Тақсир, менинг уйимда тарозу йўқ. Мен сиздан олган бир кило шакарни тош ўрнида ишлатаман...
Сотувчи нима дейишни билмай дудуқлана бошлади...
@piskenthayoti
Ҳаётдаги энг қадрли нарса бу вақтдир. Уни кимга ва нимага ҳадя этаётганингга диққат қил! Кейин ортга қайтара олмайсан...
Мавлоно Румий
@piskenthayoti
✅Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловига 6 кун қолди
@piskenthayoti
# Она _тилим _фахрим 📚
Tил - ҳар бир инсон учун муқаддас тушунча.
У онадек азиз ва ардоқли.
Миллий ва маънавий қадриятлар сарчашмаси, миллат кўзгусидир.
1989-йил 21-октябрь "Давлат тили ҳақида"ги қонун қабул қилиниб, ўзбек тилига давлат тили мақоми берилганлигининг 35 йиллиги муносабати билан туманимиздаги 38-сонли умумтаълим мактабида "Тил-миллат ва тараққиет кўзгуси" мавзусида тадбир ташкил этилди.
Бу тадбирни мактабнинг она тили ва адабиёти фани ўқитувчилари Мирсултонова Гулбахор ва Тожихонова Қизлархонларлар ташкиллаштирди.
Тадбирда ўқувчилар томонидан она тилимизни мадҳ этувчи шеърлар, қўшиқлар ва мақоллар айтилди. 5 ва 6 -синф қизлари иштирокида жозибали рақслар ижро этилди.
Бу тадбир орқали ўқувчиларда она тилимизга бўлган эътибор, қизиқиш, хурмат хисси янада кучайди.
Тадбир кўтаринки кайфиятда ўтказилди ва барчада катта таассурот қолдирди.
Ж.Жаматова
Маънавий- маърифий ишлар бўйича директор ўринбосари.
@piskenthayoti
Қизлар– бу Аллоҳнинг Жамол деган сифатининг сирларидан биридир
Англияда механик бўлиб ишлайдиган Томас исмли киши бор эди. У таомини зўрға топиб ерди. Аллоҳ таоло унга бир қиз фарзанд ато қилганди. Қизи беш ёшга кирганида оёқ пайларига тузалмас дард тегиб, бўйи ўсмай қолди. Кейин билишса, у энди юролмас ҳам экан. Томас қачон уйга қайтиб, қизининг хонасига кирса, уни йиғлаб ўтирган ҳолда кўрарди. Буни кўриб қизининг олдидан чиқиб жаҳл қилиб деворларни тепар, бақирар ва турли ичимликлар ичар эди. У ҳар доим “Нима учун, Худо, мени камбағал қилдинг, унинг устига қизимни ҳам шу аҳволга солдинг?” – деб нолиб юрарди. Бир кун у ишга борди, у ерда бир дўстига шикоят қилди. Дўсти: “Эй биродар, қизлар бу Аллоҳнинг Жамол деган сифатининг сирларидан биридир, Парвардигор қизларга Ўзининг Жамол сифатидан баъзи сирларни яшириб қўйган. Уни қидириб топиш керак, ҳаракат қилиш керак, қизингга яқин бўлиб, сирлардан фойдаланиб қол. Аллоҳ таоло бу дунёда сенга берган қиз фарзандингдаги сирини бир кун сенга ошкор қилади” дейди. Бу гапдан кейин Томас ишдан чиқиб уйга қайтди. Ҳар доимгидек қизи йиғлаб ўтирар эди, одатда ота бу ҳолатдан кейин чиқиб жаҳл қилиб ҳамма нарсани уриб асабийлашар эди. Лекин бугун ундай қилмади ва қизини орқасига миндирганча хона бўйлаб юришни бошлади. Қиз йиғлашдан тўхтади, бу ҳолатдан Томас яна ҳам тезроқ юра кетди, қиз аста кула бошлади. Бироздан кейин қизча қўлларини қушнинг қаноти каби кўтариб қиқир-қиқир кула бошлади. Буни кўриб Томаснинг шавқи ошиб, анча йилдан бери маҳзун қалбида бахт деган нарсани ҳис қилди. Бундан маст бўлиб қизини кийинтириб кўчага олиб чиқди. Кунлар ўтиб бу одат тусига кирди. Бир куни унинг қўшниси кўриб “Томас, анчадан буён ҳар куни югуриб юрганингни кузатаман. Йилда бир марта бўладиган Британия Қироличасининг ҳайрия марафонида қатнашиб кўрмайсанми?” – деб таклиф билдириб қолди. Томас ўйлаб кўришини айтди ва марафон бошланадиган куни иштирокчилар билан сафга турди. Томас ўшанда маррага учинчи бўлиб келган, лекин ҳамманинг назари унда эди. Чунки у елкасида опичиб олган ногирон қизи билан бошқалардан ажралиб турарди. Шундан кейин ота ва қиз ҳар куни машқ қилишга тушишди, ҳаракат қилишди ва кейинги йилги марафонда маррага биринчи бўлиб келишди. Унга “Марафон ғолиби ва фарзандига энг яхши эътибор берувчи меҳрибон ота” сифатида қиролича томонидан тўққиз миллион доллар мукофот берилди. Шу кундан бошлаб Томас Буюк Британиянинг милионерларидан бирига айланди. У пулининг бир қисмига ширкат очиб, пештоқига: “Қизлар – бу Яратганнинг Жамол деган сифатининг сирларидан биридир”, – деб ёзиб қўйди.
@piskenthayoti
ҲИКМАТЛАР ЧАШМАСИ
Виждон – жим туриб, “У Зот сени кўриб турибди” деб хабар берувчи овоздир.
Ҳаёт тошлардан иборатдир. Сен у тошларга қоқилма. Балки уларни тўплаб, бир нарвон қур ва ўша нарвон орқали нажот сари кўтарил.
Агар сени миллион киши яхши кўрса, мен ҳам улар билан биргаман. Агар сени бир киши яхши кўрса, ўша бир киши менман. Агар сени ҳеч ким яхши кўрмаса, билки, мен ўлганман.
Садоқат соябонга ўхшайди. Ёмғир ва иссиқ кучайгани сари унга бўлган эҳтиёжинг ортади.
Ҳамма нарса кичик ҳолда бошланиб, кейин катталашади. Аммо мусибат ундай эмас. У катта ҳолда бошланиб, кейин кичраяди.
Ҳамма нарса кўпайса, арзонлашади. Аммо одоб ундай эмас. У кўпайгани сари қимматлашади.
@piskrnthsyoti
#сайлов 2024
#обуеа 2025
ЭНГ ДОЛЗАРБ ВАЗИФА
Яна бир неча кундан сўнг мамлакатимиз сиёсий ҳаётидаги муҳим воқеа- Ўзбекистон Республикаси Олий Мажлис Қонунчилик Палатаси ва махаллий Кенгашларга сайлов ўтказилади.
Ушбу ғоят мухим бўлган сиёсий жараёнда фуқароларимиз ўзларига берилган қонуний ваколатларидан самарали фойдаланган холда ,ўзлари энг муносиб деб билган номзодлари учун овоз берадилар.
Овоз беришда иштирок этган хар бир фуқаро ўзини юртимиз ҳаётига бефарқ эмаслигини , мамлакатимиз тақдири ўзининг тақдири эканлигини, сайловда биринчи навбатда ўзи, оиласи,фарзандлари ва яқинларининг келажаги учун овоз бераётганини унутмаслиги зарур.
Чунки хар бир фуқаро ўзининг қалбида шу юрт ҳаётига дахлдорлик хиссини туймас экан, биз асло ўз олдимизга қўяётган улкан мақсадлармизга ета олмаймиз.
Бунинг учун ҳар бир фуқаро маънавий жихатдан юксак, ҳақиқий маърифат тарафдори бўлмоғи керак.
Ҳақиқий маърифатли инсон бўлиш учун эса газета ва китоб ўқимоғимиз, мутолаа маданиятимизни оширишимиз зарур.
Биз жуда катта ва масъулиятли жараёнлар олдида турибмиз.Уларнинг бири –бирига асло ҳалал бермаслиги, аксинча, бири иккинчисини тўлдирмоғи лозим. Чунки ҳақиқий маърифатли , юксак маънавиятли инсон тарбияси ҳамиша энг долзарб вазифамиз бўлиб қолаверади.
Обуна давом этади.
Тахририят
@piskenthayoti
🇺🇿Ўзбекистон Рэспубликаси Президентининг "Гимнастика спорт турларини янада ривожлантириш чора - тадбирлари тўғрисида" 2022 йил 22-декабрдаги ПҚ-449-сон қарорида белгиланган топшириқлар ижросини таъминлаш мақсадида ташкил этилган
📚Пискент тумани мактабгача ва мактаб таълим бўлими тасарруфидаги мактабгача талим ташкилотлари тарбияланувчилари ўртасида 17-Давлат мактабгача таълим ташкилотида туман Спорт мактаби билан ҳамкорликда
✅"ГИМНАСТИКАГА ИЛК ҚАДАМ" мусобақанинг биринчи туман босқичи бўлиб ўтди. Мусобақада туман Давлат мактабгача таьлим ташкилотлари тарбияланувчилари фахрли ўринларни қўлга киритишди. Ғолиблар туман Мактаб ва мактабгача таълим бўлимининг диплом ва эсдалик совғалари билан тақдирланишди.
🥉 3-ўрин 16-19-сонли Давлат мактабгача таьлим ташкилоти
🥈2-ўрин 8-Давлат мактабгача таьлим ташкилоти,
🥇1-ўрини 17-Давлат мактабгача талим ташкилоти
Иккинчи босқичга йўлланмани қўлга киритди.
@piskenthayoti
#_сайлов 2024
Туманимиздаги 36-сонли мактабда педагог ходимлар ўртасида ʼʼСайлов-24 ўтказиш жараёнлариʼʼ ҳақида давра суҳбати бўлиб ўтди. Мактаб директори Ш.Азизова ходимларга бу сайлов можаритар- пропорционал тизим асосида ўтказилиши ва унинг тартиби тўғрисида маълумот берди.
@piskenthayoti
#_сайлов_2024
Адолат бор жойда тараққиёт бардавом!
Мен, Марғуба Жонбоева, Адолат социал-демократик партиясининг номзоди сифатида халқ депутатлари Пискент туман кенгашига сайловда қатнашар эканман, мамлакатимиздаги ижтимоий адолатни таъминлаш ва ҳар бир фуқаронинг ҳуқуқ ҳамда эркинликларини ҳимоя қилиш асосий мақсадимдир. Партиямизнинг асосий вазифаси – фуқароларга тенг имкониятлар яратиш, шу орқали Ўзбекистонда ҳақиқий демократик жамиятни ривожлантиришдир.
Адолат бор жойда тараққиёт бардавом! Шунинг учун биз, Адолат партияси вакиллари, Ўзбекистонни янада адолатли, фаровон ва демократик жамиятга айлантириш учун астойдил ҳаракат қилмоқдамиз. Мен депутатликка сайланган тақдирда, туманимизнинг ҳар бир фуқароси билан яқин мулоқотда бўлиб, уларнинг эҳтиёжларини чуқур ўрганиб, уларни ҳал этишга қаратилган сиёсат юритишга интиламан.
Батафсил👈
@piskenthayoti
#шукуҳ
ОНА ТИЛИМ
Гарчи зуғум қилганларни ёқтирмадим,
Шеър ёздиму бўлак ишни қотирмадим.
Тилим туриб ўз тилимда гапирмадим,
Бир эсласам эзилади бағри-дилим,
Она тилим, кечир мени, она тилим.
Онам «эркам» деб қучганда тунлар ярим,
Эрким йўқ деб зирқирарди бир жойларим,
Паровозни ҳансиратган буғдойларим,
Олтинларим, маъданларим, ипакларим,
Она тилим, кечир мени, она тилим.
Кимлар учун биз эдик бир бадавийлар,
Ўзбекни қон қақшатганни узбек сийлар,
Ҳолимизни қон кузатди Яссавийлар,
Топганимиз ҳандалакдек тилим-тилим,
Она тилим, кечир мени, она тилим.
Кимдир майда миллат бўлди, кимдир катта,
Катта миллат — Афандиси йўкдир ҳатто,
Биз пиёда, биз боққанлар юрди отда,
Зулм ўтса фақат сендан ўтди зулм,
Она тилим, кечир мени, она тилим.
Сен бўлмасанг нима бизга силлиқ шеърлар,
Бу дунёда тили йўкда дил йўқ дерлар,
Баҳоинг-ку бериб кетган Алишерлар,
Юрагимнинг тўридаги сўлмас гулим,
Она тилим, кечир мени, она тилим.
Бир қарасам ҳар шевангда минг жилолар
Ҳар новдангда, ҳар мевангда минг жилолар.
Қодирийлар, Чўлпонлар-у, Абдуллолар,
Сенинг қайтган кунинг мен туғилган йилим,
Она тилим, эй муқаддас Она тилим.
Муҳаммад Юсуф
Ўзбекистон халқ шоири.
@piskenthayoti
АССАЛОМ АЛАЙКУМ
ХАЙРЛИ ТОНГ
🇺🇿🇺🇿21-ОКТЯБР ЎЗБЕК ТИЛИГА ДАВЛАТ ТИЛИ МАҚОМИ БЕРИЛГАН КУН🇺🇿🇺🇿
🇺🇿🇺🇿Тил – инсон қалбининг кўзгусидир. Унда нафақат инсон қалби, балки ўша халқнинг ўтмиши, бугуни, келажаги, маданияти ва бошқа бир қанча жиҳатлари ҳам акс этиб туради.🇺🇿🇺🇿 Бежизга биз тил сўзига она сўзини эгизак қилиб айтмаймиз. Шунинг учун ҳам биз уни онамиздек қадрлашимиз, эъзозлашимиз, сақлашимиз ва келажак авлодга соф ҳолда етказишимиз лозим. Тил инсоннинг либосидир. Бу либосни қандай кийиш ҳар бир инсоннинг ўзига боғлиқ. Баъзи инсонлар оддий либосни ҳам гўзал қилиб, яраштириб кияди. Баъзи инсонларда эса ҳар қандай гўзал либос ўз кўркини йўқотади. 🇺🇿🇺🇿Тил – қалб таржимони. Чунки ҳар бир сўз, энг аввало, қалб торларида чертилади. Сўнгра сўзларда жилоланиб тингловчига етказилади.
🇺🇿🇺🇿Мана ўзбек тилига Давлат тили мақоми берилганига ўттиз УЧ йил тўлди. Бу қисқа вақт ичида тилимизда жуда катта ўзгаришлар, юксалишлар рўй берди.🇺🇿🇺🇿
Муҳаббат - лойиқ бўлганлар учун,
Вафо - унутмаганлар учун.
Дўстлик - содиқ бўлганлар учун,
Ҳаёт эса табассумни билганлар учундир...
Жалолиддин Румий
@piskenthayoti
Жарроҳ доктор касалхонага кириб келди. Беморни операция қилишдан аввал дуо қилди. Сўнгра амалиёт хонасига кириб кетаётганда, касал боланинг отаси жарроҳ докторга юзланиб бор овози билан:
- Нимага кеч қоласиз? Ўғлимнинг ҳаёти хавф остида бўлса, инсофингиз борми ўзи?, - деб бақириб кетди.
Доктор совуқ табассум қилиб, жавоб берди:
- Илтимос, тинчланинг. Амалиётимни эсон омон тугатиб олгунимча мени дуо қилиб туринг. Ишончингиз комил бўлсин. Ўғлингиз Аллоҳнинг панохида.
Ота деди:
- Ака, сизни уялтириш ниятим йўқ. Агар сизнинг ўғлингиз ҳаётидан жудо бўлаётган бир пайтда, тинчланган бўлардингизми? Бошқаларга насиҳат қилиш бунчалар осон иш бўлмаса.
Доктор индамасдан амалиёт хонасига кириб кетди. Сўнгра икки соатдан кейин шошиб чиқиб беморнинг отасига:
- Амалиётим муваффақиятли ўтди. Аллоҳга беадад шукр. Ўғлингизни ахволи жуда ҳам яхши. Мени маъзур тутасиз. Бошқа борадиган жойим бор, деб беморнинг отасидан ҳеч қандай саволини ҳам тингламасдан чиқиб кетди.
Чиқиб кетаётган хамширадан ота сўради.
- Бунчалар мағрур бўлмаса бу доктор?
Хамшира:
- Ўғиллари автоҳалокатда нобуд бўлганди. Шунга қарамасдан, ўғлингизни аҳволини билганларидан кейин йýқ демасдан, тезда етиб келдилар. Ўғлингизни ҳаётини сақлаб қолганларидан кейин, ўғилларини дафн этиш учун яна шошилиб кетдилар.
Бошқалар ҳақида хулоса чиқаришга шошилманг, зеро биз бошқаларни ички кечинмаларини доимо билишга ожизмиз..
@Jaloliddinrumiyy🍃
Табассумли инсонга машаққатларни енгиш завқ бағишлайди. У машаққатларни табассум билан қарши олиб, табассум билан бартараф қилади.
Тунд ва совуқ инсон эса, оддий муаммони ҳам ҳал эта олмай қийналади. Уни бартараф этиш у ёқда турсин ундан ўзини олиб қочади. Натижада муаммолар гирдобига тушиб, замонни ёмонлайди, тақдирдан нолийди.
"Қанийди", "қачонки" каби сўзлар билан минг бир баҳона қидиради.
Аслида уни бу ҳолга туширган ўзининг табиати ва тарбияси эканини унутиб қўяди. У ҳаётда меҳнатсиз роҳат топишни хоҳлайди. У осмондан тилла ёғишини ёки ер тагидан хазина топишни кутиб яшайди.
Инсон кўнглининг чўкиб, юзининг тундлашишига асосий сабаб умидсизликдир.
Табассум қилишни истасангиз, умидсизликни енгинг. Бунга ҳамманинг имкони бор.
Ақл-шуурингизни умидворликка, келажакдан яхшилик кутишга одатлантиринг.
Ҳаёт жуда қисқа. Уни адоват, нафрат, ҳасад, нифоқ ва қариндошликни узиш билан ўтказиш ярамайди.
Эртага хотира бўлиб қоламиз. Табассум қилинг, севинг ва ёмонлик қилганга мурувват кўрсатинг.
Куфтаро
@piskenthayoti
ЭНГ КАТТА БАХТ
Аёл эгнидаги тоза ва чиройли кийими билан ошхонага кирди.Ўша куни йиғилишда иштирок этиши керак эди.
Аёл кетишга тайёргарлик кўраётганида тўрт яшар қизи радиодан таралаётган мусиқага берилиб ўйнаётганди. Шошилиб турган бўлса ҳам, ички бир овоз аёлни қизининг рақсга тушаётганини кўришга ундаётганди.Қизини томоша қилиб ўтириб, беихтиёр ўзи ҳам унга қўшилди.Қизининг қўлидан тутиб, у билан бирга ўйинга тушди.Етти ёшли қизининг ҳам уларга келиб қўшилиши ўйинга жўшқинлик бахш этди.Учаласи ошхонадан меҳмонхонагача айланиб, рақсга тушишди. Аёл хонадони эшигини ёпиб, йўлга отланаркан кичик қизининг опасига; "Энг яхши она -бизнинг онамиз! Шундай эмасми? "-деганини эшитди. Бу гапни эшитган аёлнинг қалбини ҳаяжон эгаллаб олди.Ҳаёт ташвишларига ўралашиб, бу гўзал дамларни ўтказиб юбориши ҳам мумкинлигини ўйлаб, ўзини койиди.Хона деворларида осиғлиқ диплом ва совринларини эслади.Қўлга киритган ҳеч бир мукофоти ва ютуғи бугунги ишодиёна ўрнини боса олмаслигини англади.
@piskenthayoti
“Матонат” фильми
#маърифат
#обуна
МАЪРИФАТСИЗ ЖАМИЯТ ТАРАҚҚИЙ ЭТМАЙДИ
Рахбарлар ўз ҳудудида истиқомат қилаётган аҳолининг газета ўқишидан мафаатдор эканини тўлиқ англаб етиши керак. Одамлар қанчалик ўқимишли бўлса, у яшаётган ҳудуд шунчалик тараққий этишини ҳали кўпчилик (аксарият амалдор) тушунмаяпти. Шаҳар ва туман газеталарининг муассислари ҳокимликлар. Лекин улар газеталарни обунасини ташкил этиш билан чекланмасликлари керак. Обунада ҳам уларнинг аралашишлари зарур бўлади. Чунки обунадан энг аввало улар манфаатдор бўлишлари керак. Чунки уларнинг қўл остидагилари қанчалик ўқимишли бўлсалар ,уларда ютуқ ва муваффақият шунчалик кўп бўлади. Айни вақтда эса кам таъминланганларга ҳам бу борада имтиёз яратиш керак. Маърифат бўлмаса, тараққиёт бўлмайди. Тараққиётга эса ўқиш-ўрганиш орқали эришилади. Агар бир хонадонга бўлса ҳам газета кириб бормас экан, бу ҳудуд ҳали маърифатдан, демак тараққиётдан орқага қолган ҳисобланади.
Нурилло Нуримов.
@piskenthayoti
