2194
"Piskent hayoti" ijtimoiy-siyosiy gazetaning telegram tarmog'idagi kanali. Murojaat, taklif va e'lonlar uchun @piskenthayoti4071260
"Бундан буён ҳар бир давлат органи ўз кундалик фаолиятида оммавий ахборот воситалари билан яқин мулоқот ва ҳамкорликни йўлга қўйиши зарур ва шарт."
Шавкат Мирзиёев
@piskenthayoti
#шеърият
Бобораҳим МАШРАБ
ЎРТАР
Агар ошиқлиғим айтсам, куйиб жон-у жаҳон ўртар,
Бу ишқ сиррин баён этсам тақи ул хонумон ўртар.
Кишига ишқ ўтидин заррае етса бўлур гирён,
Бўлуб бесабр-у, бетоқат юрагимни фиғон ўртар.
Қаю тил бирла эй жонон, сенинг васфинг баён айлай,
Тилим лолу кўзим гирён, сўнгакларни чунон ўртар.
Бу дард бирлан ҳароб бўлдим, келиб ҳолимни сўрмассан,
Ғамим бошқа, алам бошқа юракларни ниҳон ўртар.
Бу Машраб дардини жонон ки ҳеч ким бошиға солма,
Агар Маҳшарда оҳ урсам замину осмон ўртар.
@piskenthayoti
Жуда мазали,ажойиб кўринишли, лекин тайёрланиши осон бўлган сомса тайёрлаймиз.
Ушбу сомса ЭНГ инжиқ одамларга ҳам ёқиши шубхасиз.
@piskenthayoti
АССАЛОМ АЛАЙКУМ
ХАЙРЛИ ТОНГ
Бўлиши амримаҳол" деган сўзни луғатингиздан ўчириб, унинг ўрнига :
"Яратганга таваккал қилдим- "дея ззгу ва савоб ишларни амалга оширишга киришинг. Хаммага яхши назар билан боқинг, одамларни яхши кўринг, эртага бугундан ҳам яхши бўлишига ишонинг. Шунда ҳает қанчалар гўзаллигини кашф этасиз.
Отаётган мунаввар тонгдан, чекинаётган тун зулматидан ибрат олинг.
Тун қанчалар харакат қилмасин,ТОНГ нурларига дош берилмасдан ортига чекинди .
Чунки ёруғлик зулматдан,яхшилик ёмонликдан хамиша устун бўлиб қолаверади.
@piskenthayoti
ИБРАТЛИ ДУНЁ:
СУЯКСИЗ ТИЛ
Бир отахон далада бог яратаман деб кучат утказарди ерга. Бир ёшрок эркак келиб.
- Отахон ёшингиз анчага бориб колибди. Нима киласиз уриниб. Хали кучатларни меваларидан ейиш насиб киладими йукми?
- Ундай деманг углим Худо хохласа ермизам. Емасак мендан кейинги авлод еб дуо килар.
- Агар шу мевалардан есангиз хотиним талок булсин дебди.
- Хай хай болам ундай деманг. Ёмон булади.
Халиги одам индамай кетиб колибди.
Орадан бир неча йил утиб, халиги йуловчи уша бог олдидан утиб кетаётиб бокка кирибди. Мевалар пишиб ётарди. Отахон таниб дастурхонга таклиф килибди. Мевалардан узиб келибди.
Лекин узи мевалардан емабди.
- Отахон нега узингиз мева емадингиз? деб сурабди йуловчи йигит.
- Агар мен шу мевалардан есам сизни хотинингиз талок булади. Шунинг учун бу богни мевасидан умуман тотнайман дебди отахон.
Йуловчи йигит уша пайтдаги айтган гапидан пушаймон еб ер чизиб колибди.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋
Тилингизга, ундан чиқадиган сўзингизга эҳтиёт бўлинг.Яратган инсоннинг оғзидан чиқадиган сўзни хурмат кучини юксак қилди.
Бир оғиз "Қабул қилдим" дейиш билан ўзига харом бўлган номаҳрам аёлни ҳалол қилиб беради. Биргина сўз "Талоқ" дейиш билан ана шу ҳалол аёл харомга айланади...
Бир оғизгина сўзнинг хурмати бўлса, шунчалик бўлар...
Парвардигор хурмат-кучини юксак қўйган сўзимиз хулқимизда намоён бўлсин. Бунинг масъулияти катта, ҳисоби оғир.
Фозил Муслим
@piskenthayoti
Бадавлат одам айтмоқда:
- Пул жуда кўпайиб кетса олдинлари лаззат берган нарсаларнинг асло қизиғи қолмас экан, одам янгича нарсалар изларкан. Масалан, бир пайтлар оддий перашки ёки гумма еб хам маза қилардим. Хозир фақат тушлик қилиш учун Истанбулга бороламан ,аммо ўша оддий лаззатни топмайман. Инсон қурби етадиган ва бемалол эришоладиган нарсага қизиқиши қолмас экан. Уйланиш масаласида хам рози қилиш қийин бўлган, эришиш қийин бўлганларга қизиқасиз, осон бўлса иштиёқ бўлмайди. Аллохнинг адолатини қарангки, бойлар беш юлдузли Мишелин маркали ресторанда тополмаган лаззатни камбағаллар оддий сомса еб ундан кўпроқ лаззатланади. Бу ҳам адолат қонунида, шундай эмасми? Аслида хақиқий бойлик кўнгил хотиржамлигида экан.
@piskenthayoti
Мен икки турдаги инсонлардан узоқроқ юраман.
1) Ҳаётда мақсади йўқ одамлар. Шунчаки ишлайдиган. Келажак учун режалари йўқ.
2) Маҳзун одамлар. Муаммолари кўп. Оиласида ташвиш. Ҳаётдан сиқилган. Ёзадиган нарсаси ҳам, кўрадиган фильмлари ҳам, эшитадган мавзулари ҳам хатто профилидаги расмлари ҳам ғамгин одамлар.
Буни сабаби бор!
Биринчи тоифа одам сизни вақтингизни бехуда совуради.
Иккинчи тоифа одам эса энергиянгизни.
Биринчи одам билан вақтингизни йўқотасиз. Сизни бекорчи гап сўзларга тортаверади. Бекорчи ўтиришларга чорлайверади.
Иккинчи одам билан ҳаётий қувватингизни йўқотасиз. Қийинчиликлардан чиқиш, ҳаётнинг баланд-пастларини енгиш сиз учун ҳам машаққат бўлиб қолади.
Аҳмад Муҳаммад Солиҳ
@piskenthayoti
МАҲТУМҚУЛИ
БЎЛМАС
Ҳар нодонга айтма дарду сирингни,
Ҳасрат ўти жисминг ёққанча бўлмас.
Ғусса билан дона-дона кўзингдан
Аччиқ ёшларингни тўкканча бўлмас.
Қаноатда, иззатда тут ўзингни,
Тамаъ қилиб, сарғайтирма юзингни,
Ҳар номардга ҳайф айлама сўзингни,
Сўзингнинг биносин йиққанча бўлмас.
Мағрур бўлиб кезма умринг гулига,
Дуч бўларсан бир кун хазон елига,
Юз йил яшаб тушсанг ажал қўлига,
Чапингдан ўнгингга боққанча бўлмас.
Кўнгли қора билан бўлмангиз улфат,
Юқар ундан турли-туман касофат,
Кўмирга ҳар неча айласанг иззат,
Манглайга қораси юққанча бўлмас.
Махтумқули ҳаргиз топмади омон,
Ёмон тилнинг заҳри тиғлардан ёмон,
Ёмон тил ёнида заҳри кўп илон,—
Чақса-да, бир чивин чаққанча бўлмас.
@piskrnthayoti
Йиғилишда “Сайхунобод”, “Зарбдор”, “Уйчи”, “Ғиждувон” тажрибалари асосида камбағал аҳолини банд қилиш бўйича мутасаддилар олдида турган вазифалар белгилаб олинди.
Шунингдек, меҳнат миграцияси масалалари билан тизимли ишлаш, чет элда мавсумий ишларда ишлаб қайтган ва яна кетиш истагида бўлганларни ҳамда бу йил иш топа олмаган мактаб битирувчиларини юқори даромадли касбларга, хорижий тилларга ўқитиш зарурлиги кўрсатиб ўтилди.
Вилоятнинг туризм салоҳиятини тўлиқ ишга солиш, айниқса Бўстонлиқ, Паркент, Оҳангарон туманлари ва Ангрен шаҳрида туристик масканларни кўпайтириш вазифалари белгилаб олинди.
Тошкент вилоятидаги газ ва электр энергиясининг йирик истеъмолчилари бўлган корхоналарда энергия сарфи юқори ускуналарни янгилаш, сув насосларини замонавийларига алмаштириш муҳим экани қайд этилди.
Умуман, вилоятнинг ўсиш нуқталарини рўёбга чиқариш учун вилоят хокими, унинг ўринбосарлари, 22 та туман ва шаҳар ҳокими маррани 2 баравар катта олиб, тинимсиз ишлаши шартлиги таъкидланди.
Йиғилиш давомида тармоқ ва ҳудудлар раҳбарларининг ҳисоботлари тингланди, туман ва шаҳарлар жамоатчилиги, нуроний ва фаоллар билан мулоқот қилинди.
Facebook|Instagram|X
Яқинда боғдорчилик бўйича янги тизим жорий қилинди.
Оҳангарон ва Бўстонлиқда 1 минг гектардан адир ва тоғ олди ерларида малина ва голубика плантациясини, Паркентда 2 минг гектар ва Оҳангаронда 1 минг гектарда узум ва гилос боғларини ташкил қилиш имкониятлари кўрсатиб ўтилди.
Бунда, 5 минг аҳолини, айниқса камбағал оилалардан бўлганларни даромадли қилиш мумкин.
Мутасаддиларга бир йилда 2,2 минг гектар боғ ва токзорни янгилаш, Ангренда анор шарбатини ишлаб чиқаришни бошлаш, Оҳангарон туманида олхўрини қайта ишлаш қувватини яратиш топширилди.
Умуман, вилоятни боғдорчилик бўйича намунали ҳудудга айлантириб, экспортни 300 миллион долларга етказиш вазифаси қўйилди.
Facebook|Instagram|X
Кеча Зангиота туманида Сингапур билан ҳамкорликда ташкил қилинган эҳтиёт қисмлар ишлаб чиқарувчи "TRT" корхонаcи фаолияти билан танишилди.
Корхонада енгил ва юк ташувчи автомобилларни юриш, трансмиссия ва бошқарув тизимлари учун 1 мингдан ортиқ турдаги эҳтиёт қисмлар ишлаб чиқарилади.
Корхонани ўзида техник текширув ва синовларни ўтказиш учун лаборатория ҳам ташкил қилинган, халқаро сифат менежменти сертификати ҳам мавжуд.
Бундай корхоналарни “Ўзавтосаноат”, Навоий ва Олмалиқ комбинатлари билан кооперациясини кучайтириб, импортни қисқартириш бўйича тизимли ишлаш кераклиги қайд этилди.
Ёки, Янгийўл туманидаги “Месал” корхонаси ҳам ҳозирги кунда энг кўп импорт бўлаётган сув тозалаш ускуналарини ишлаб чиқараяпти.
Иқтисодий комплекс мутасаддиларига бир ойда машинасозлик соҳасидаги ва технологик ускуналар импортини тўлиқ таҳлил қилиб, маҳаллийлаштиришни кенгайтириш ҳамда йирик корхоналар билан кооперациясини кучайтириш бўйича уч йиллик дастур тайёрлаш топширилди.
Facebook|Instagram|X
Ўтган йил Ангренда 110 минг тонна қувватли каолин заводи ишга тушгани учун керамика, чинни, санфаянс чиқариш ҳам ривожланаяпти.
“Саноат учбурчаги”га кирувчи туманларда керамогранит, керамик плита ва чинни идиш чиқариш бўйича яна 120 миллион долларлик 7 та лойиҳани жойлаштириш мумкин.
Пискент туманида маҳаллалардаги 500 та хонадонда чиннига бадиий безак беришни йўлга қўйиш мумкин бўлса, Ангрен шаҳрида картон заводи қувватини 1,5 карра ошириб, керамика буюмлари учун қадоқ етказиб беришни ташкил қилса бўлади.
Пискентдан ўтадиган А-373 йўли бўйидаги 488 гектарда Янги Пискент саноат шаҳри қурилмоқда. Бу ерда икки йилда 44 та лойиҳани ишга тушириш мумкин.
40 миллион доллар ҳисобига рудадаги металларни бир-биридан ажратиш учун зарур бўлган ксантогенат ишлаб чиқаришни 2 карра ошириш орқали Олмалиқ комбинатининг бундай маҳсулотга эҳтиёжи тўлиқ қопланади, 20 миллион долларлик экспорт бўлади.
Facebook|Instagram|X
Уч йилда тижорат объектлари пойтахтда 5,7 миллион квадратга кўпайган бўлса, Тошкент вилоятида 1,6 миллионга ошди.
Вилоятда ҳар йили 1 миллион квадрат тижорат жойи ташкил қилиш лозимлиги кўрсатиб ўтилди.
Йил якунигача 115 та кўп қаватли уй, 39 километр сув ва 29 километр газ тармоғи қурилишини якунлаш вазифаси қўйилди.
Зангиота туманидаги Ибрат ва Улуғбек маҳаллаларига хизмат қилган 2 та оқова сув иншооти эскиргани, Боғзор ва Нуробод маҳаллаларидаги кўп қаватли уйларда иситиш ва оқова тизими муаммоли экани кўрсатиб ўтилди.
Мутасаддиларга бу 4 та маҳаллада сув, оқова ва иситиш тизимини яхшилаш лойиҳаларини тайёрлаш топширилди.
Facebook|Instagram|X
Охирги бир ойнинг ўзида вилоятда қўшимча 13 миллиард доллар инвестиция, 500 минг иш ўрни, бюджетга 3,5 триллион сўм тушум қилиш имкониятлари аниқланди.
Масалан, вилоятда тадбиркорлик қилишга иштиёқ кундан-кун ошаяпти. Пойтахтдаги корхоналар ҳам инфратузилма яқинлиги, ер, мулк солиғи, ишчи кучи арзонлиги учун Тошкент вилоятидан жой қидираяпти.
Шу боис, Тошкент, Қибрай, Зангиота, Юқоричирчиқ, Ўртачирчиқ туманлари, Чирчиқ ва Нурафшон шаҳарлари пойтахт туманлари билан ҳамоҳанг ривожланиши керак, деди Президент.
Мисол учун, Тошкент туманининг Қорасарой ва Хасанбой гузари маҳаллаларида 97 гектарда индустриал технопарк ташкил қилинади.
Бу жойда 350 миллион долларлик юқори қўшилган қийматли лойиҳаларни ташкил қилиш мумкин.
Бундан ташқари, тадбиркорлар жами 107 гектарда экопарк, аквапарк, савдо комплекси, меҳмонхона ва логистика марказларини барпо этмоқчи, яна 100 гектарда 35 минг хонадонли кўп қаватли уйлар қуришга тайёр турибди.
Facebook|Instagram|X
#тадбир
Туманимиздаги 32-сонли мактабда Президентимизнинг 2024-йил 30-сентабрдаги "Устоз ва мураббийлар куни" тадбиридаги мурожаатномаси бўйича ота-оналар йиғилиши ўтказилди.
"Келовчи" маҳалласи раиси Ж.Ғуломов, фахрий устоз М.Салоҳиддинова, мактаб Миллий гвардия инспектор-психологи О.Йўлдошев ва ота-оналар иштирок этишди.
Йиғилишда мактаб директори М.Раҳмонова Юртбошимизнинг мурожаатномасини мазмун-моҳиятини йиғилиш иштирокчиларига ўқиб эшиттирди ҳамда мактаб педагоглар жамоаси мурожаатномаси билан таништириб ўтди.
Йиғилиш давомида жиноятчиликнинг олдини олиш бўйича видеоролик кўрсатилди,
Фарзандлари хавфсизлиги, тарбияси ҳамда жиноятга қўл урмаслигида ота онанинг рўли муҳим эканлиги ҳақидаги маърузани маънавият ишлари бўйича директор ўринбосари З.Ўринбаева ўқиб эшиттирди.
@piskenthayoti
📣📣ДИҚҚАТ, ЭЪЛОН!📣📣
📌📌Қадрли муштарийлар ва каналимиз кузатувчилари!
📰📰Қадрдон газетангиз "Piskent hayoti" га 2025 йилги обуна мавсуми бошланди!!
🏃♂️🏃♂️Шошилинг, бу - бизнинг, ўзимизнинг газетамиз. Унда сизга таниш инсонлар👧👨, уларнинг, улар амалга ошираётган, улкан бунёдкорлик ишлари🌇🏙, эзгу ва савоб амаллари, туманимиз ҳаётида содир бўлаётган. воқеалар, давлатимиз томонидан олиб борилаётган, сиёсат, улкан бунёдкорлик ишлари ҳақидаги маълумотлардан бохабар бўласиз. 📰📰Улар ўчиб кетмайди. Эртага тарих зарварақларидан жой олиб, мангуликка муҳрланади.
💰💰Газетамизнинг баҳоси 250 минг сўм.
📌📌Ҳурмат билан "Piskent hayoti" газетаси таҳририяти ва расмий канали.
Ҳ/Р: 20210000900133192001
ИНН: 200449297 МФО: 00472
Пискент Агробанк АТБ.🏫🏫
@piskenthayoti
БИР-БИРИНГИЗДАН МЕХРИНГИЗНИ АЯМАНГ.
Дунё яхши булиши учун, ундаги одамлар яхши булиши керак.
Якинларингизга, ёру-биродарларингизга мехр-мухаббатли муносабатда - бунга уз хиссангизни кушган буласиз!
Агар сиз мехр топмокчи булсангиз - узингиз хам мехрингизни беминнат беришингиз керак.
Канча куп улашсангиз - сизга шунча куп кайтади
Мехр худди бир бумерангга ухшайди - у албатта сизга кайтади
Эхтимол сиз мехр берган инсонданмас, балки бошкалардан кайтиши мумкин.
Ортиги билан кайтади.
Шу билан бирга ёдда тутиш керакки, мехрнинг чегараси йук.
Биз уни берсак узимизда камайиб колмайди.
Мехр-мухаббатни йукотишнинг ягона йули - уни бошкаларга бермасликдир.
Хозирги замонда одамлар бировга мехр беришининг кам учраши - улар аввало уларни кимдир яхши куришини кутишади
Бу худди мусикачини "Агар барча раксга тушишни бошласа факат кейин мусика чалишни бошлайман", деганига ухшайди..
@piskenthayoti
ҲАЙРЛИ ТУН
Тунда ҳижрон ва соғинч дилни ўртайди.
Ҳақиқий дил оғриғини сатрлар
ифодалай олмайди. Уни товуш оҳанги, кўз қараши ва сўз титрашидан уқиб олинади.
Лекин ёзилмайди, асло ёзиб бўлмайди...
@piskenthayoti
* * *
Ёмғир ёғаяпти кўнглингга,
Қара!
Кутаман, руҳимда бир илинж сарсон.
Қушлар шом бошлади ва сўнгги чора –
Тўфонлар юборди қошингга осмон.
Ёлғизлик истайсан, фақат ёлғизлик,
Булутлар бошингда тўзғийди бир дам.
Тун чўкиб боради, кўзингда ҳадик,
Узоқлаб боради кулгуларинг ҳам.
Тўфонлар юборди қошингга осмон,
Ёмғир исин туяр қайсидир сезги.
Ана шу тўфондан ўтолсак омон,
Бахтиёр яшаймиз, бахтиёр севги.
Ёмғирдай тўкилиб кутяпти бир жон,
Томчилар кўнглингга етар тобора.
Энди қайтиш керак – келишинг гумон,
Ёмғир ёғаяпти.
Кўнглингга қара!
Дадахон Муҳаммадий
@piskenthayoti
Тошбақанинг хислати
Овқат кетидан югурмайди.
Эртанги кун учун озуқа сақлаб қўймайди.
Бошқа жонзотларга нисбатан ваҳшийлик қилмайди.
Моддий буюмга эга бўлиш илинжида ҳеч ким билан мусобақага киришмайди.
Шеригининг ҳис-туйғуларини менсимасдан, уни оёқлари билан тепкиламайди.
Қидирадиган нарсаси — яшириниш учун жойдир.
Уйини лозим тутиб, уни ўзи билан кўтариб юради.
Қаноати шу даражадаки, битта салат барги унинг хурсанд бўлишига сабаб бўлади.
Тошбақанинг баъзан 150 йил умр кўришининг сабабларидан бири шу хислати эмасмикин?!
Нозимжон Ҳошимжон тайёрлади
@piskenthayoti
Дуо
...Арзимас ёрдамимни қадрлаб, бир Онахон дуо қилдилар:
«Жонинг тошдан бўлсин, топганинг дур бўлсин! Аллоҳ мўмин-қобил, солиҳ умр йўлдош билан сийласин! Омийн»!
Мен ҳам беихтиёр юзимга фотиҳа тортдим. Онахон кетди.
Қанчадир вақт ўтди. Дуолар мустажоб бўлди. Тасодифми, яна шу Онахоннинг мушкулини осон қилдим. Дуо қилдилар:
«Жонинг тошдан бўлсин. Топганинг тўйларга буюрсин. Фарзандларингнинг роҳатини кўр, қўшганинг билан қўша қаригин! Омийн»!
Дуолар мустажоб бўлди.
Жоним йилларнинг зил-залворида тошга айланиб кетди.
@piskenthayoti
Сайлов - 2024
НОМЗОДЛАР БИЛАН УЧРАШУВ
Шу кунларда муҳим сиёсий жараён – Ўзбекистон Республикаси Олий Мажлис Қонунчилик палатаси ва маҳаллий кенгашлар депутатлари сайловига пухта ва қизғин ҳозирлик кўрилмоқда.
Шу муносабат билан бугун туманимиздаги 30-сонли болалар мусиқа ва санъат мактабида Халқ демократик партиясининг сайловолди учрашуви бўлиб ўтди. Унда Ўзбекистон Республикаси Олий мажлис Қонунчилик палатасига номзод Ўғилой Уразова, вилоят ва туман кенгашларига кўрсатилган номзодлар ва партия фаоллари иштирок этдилар.
Учрашувни ХДП туман Кенгаши раиси Дилбар Комилова очиб , сўзни Вилоят Кенгаши раиси А.Умаралиевга берди. У ўз сўзида мамлкатимизда олиб борилаётган ислоҳотлар самараси, ижтимоий- иқтисодий соҳалардаги муҳим ўзгаришлар, янги лойиҳалар, ХДП партиясининг асосий мақсади, инсон фаровонлиги учун олиб борилаётган ишлар, шунингдек сайловолди дастурига киритилган масалалар, мақсад ва режалар хусусида тўхталиб ўтди. Шундан сўнг кўрсатилган номзодларнинг ишончли вакиллари сўз олиб, Қонунчилик палатасига номзод Ўғилой Ўразованинг ҳамда маҳаллий кенгашларга номзодларнинг таржимаий холи ва сайловолди дастурлари ҳақида гапириб бердилар.
Учрашув давомида сўз олган Қонунчилик палатасига номзод Ўғилой Ўрозованинг “ижтимоий давлат учун режа, ҳаракат, натижа” ғояси билан йўғрилган сайловолди дастурига киритилган жуда муҳим масалалари кўпчиликка маъқул тушди. Жумладан, дастурга киритилган пенсия ёшини ўзгартирмасдан, пенсия ва ижтимоий нафақаларни инсоннинг ҳаётий эҳтиёжларини тўлақонли қондиришга етарли бўлишига эришиш, аҳолини арзон уй-жой билан таъминлаш, давлат органлари раҳбарлик лавозимларида аёллар улушини 50 фоизлик мажбурий квотасини жорий этиш, таълимнинг барча йўналишларида тенг имкониятлар яратиш каби лойиҳалар элимизнинг фаровон ҳаёти учун хизмат қилади.
Сиёсий тадбирда сўзга чиққан Р.Турғунбоева, Т.Азаматов, Э.Абдуллаев, Ў.Маматқулов, М.Ибрагимовалар , вилоят ва маҳаллий кенгашга кўрсатилган номзодлар ҳақида илиқ фикрлар айтиб, уларни қўллаб-қувватлашларини билдирдилар ва барчани сайловда фаол иштирок этишга чақирдилар.
Учрашув якунида бўлажак депутатларга ўз фаолиятларида сайловолди дастурларини амалда бажариш ҳамда ижобий натижаларга эришиш учун астойдил ҳаракат қилишларига ишонч билдирдилар.
Шоира Шоматова.
@piskenthayoti
Йиғилишда вилоятда камбағалликни қисқартириш режалари кўриб чиқилди.
Президент вилоятда “Камбағалликдан фаровонлик сари” дастури доирасида келаси йили 116 минг аҳолини камбағалликдан олиб чиқиш бўйича ҳисоб-китобларни маъқулламади.
“Бор имкониятлар ва яратиб берилаётган шароитлар ҳисобига вилоятда камбағал оила қолишини ўзи уят”,
Тошкент вилоятида қишлоқ ерлари Андижондан 1,5 карра кўп. Лекин, етиштириладиган маҳсулот ҳажми бир хил. Вилоятда 1 гектардан ўртача даромад Андижондан 2 карра, Наманган ва Фарғонадан 1,5 баравар, Бухородан 1,3 бараварга кам.
Сўнгги уч йилда вилоятдаги 21 минг гектар ер деҳқончилик учун 51 минг нафар аҳолига берилди. Лекин, йил бошидан бор-йўғи 72 миллион долларлик мева-сабзавот экспорт бўлди. Бу – ўтган йилгидан кам.
Вилоятдаги самарасиз 2 минг 200 гектар боғ ва токзор ҳисобига йилига 10 миллион доллар экспорт йўқотилаяпти.
Сув тежовчи технология бўйича Тошкент вилояти энг охирги ўринларда.
Бу борада вилоят ҳокимининг қишлоқ хўжалиги бўйича биринчи ўринбосари Б.Алимбеков Тошкент вилояти қишлоқ хўжалигидаги имкониятлардан фойдалана олмагани, тайёр қилиб берилган тизимни ишлата олмагани учун лавозимидан озод этилди.
Facebook|Instagram|X
Олмалиқ комбинати йилига 9 триллион сўмлик маҳсулот харид қилмоқда. Бу – комбинат атрофида жойлашган 5 та шаҳар ва туман учун катта имконият.
Шу муносабат билан “Саноат учбурчаги”га кирувчи туман ва шаҳарларда камида 5 тадан корхонани жалб қилиб, кейинги йил комбинат импортини 25 миллион долларга камайтириш имконияти кўрсатиб ўтилди.
Умуман, “Саноат учбурчаги” ҳудудида 1 минг 100 та корхона ишлаяпти. Янги лойиҳалар ҳисобига 2-3 йилда улар 1,5 мингга етади.
Мутасаддиларга кейинги йил бу корхоналар учун Ангрен, Олмалиқ шаҳарлари ва Оҳангарон туманида 50 миллион долларлик 3 та йирик логистика марказини ташкил қилиш топширилди.
Вилоят, туман ва шаҳарлар ҳокимларига “Саноат учбурчаги” дастури доирасида бир йилда 1,3 миллиард долларлик 230 та лойиҳани ишга тушириш, буни ҳисобига 13 мингта юқори даромадли иш ўрни яратиб, уларга камбағал оилалардан камида 5 минг кишини ишга жойлаштириш зарурлиги кўрсатиб ўтилди.
Facebook|Instagram|X
Ангрен, Олмалиқ, Оҳангарон шаҳарлари, Пискент ва Оҳангарон туманларининг вилоят саноатидаги улуши 50 фоизни ташкил қилади.
Бу 5 та шаҳар-туман бир-бири билан ёнма-ён жойлашган бўлиб, хом ашё захирасига жуда бой.
Бу ерларда ишлаб чиқаришни кооперация ва кластер асосида ташкил этиш учун мутлақо янги тизим – “Саноат учбурчаги” дастурини тайёрлашга қарор қилинди.
Масалан, Олмалиқ комбинатида йилига 600 минг тонна темир таркибига қўшимча компонент – “огарок” ишлаб чиқарилаяпти. Оҳангарон тумани ва шаҳри, Пискентдаги 3 та цемент заводи ишлаб чиқаришда ушбу компонентдан фойдаланаяпти.
Туманлар кооперация қилса, транспорт харажати 20-30 фоизга, таннарх эса 5-10 фоизга камайиши таъкидланди.
Facebook|Instagram|X
Йиғилишда Тошкент тумани вилоят аҳолисига уй-жой қуриш учун асосий база бўлиши кераклиги қайд этилди.
Шунингдек, Тошкент тумани орқали Қозоғистондан кунига 44 минг одам, жумладан 2-2,5 минг хорижий туристлар ўтиб қайтади.
Мутасаддиларга “Шифобахш сувлар” ҳудудидан яна 5 та санаторий қуриш учун жой топиб, аукционга чиқариш, Шифобахш сувлар кўчасини кенгайтириб, атрофида йирик савдо, спорт ва кўнгилочар марказлар, кўп қаватли уйлар қуриш бўйича мастер режа ишлаб чиқиш топширилди.
Пойтахтдаги корхоналарга вилоятдаги қурилиши тўхтаган объектларга кўчиб ўтишни таклиф қилиш муҳимлиги таъкидланди.
Анча вақтдан бери сотилмаган 70 та объект пойтахтдаги тадбиркорларга бўлиб-бўлиб тўлашга берилади. Шарти – ишчиларнинг 50 фоизи камбағал оиладан бўлиши керак.
Facebook|Instagram|X
Президент Шавкат Мирзиёев раислигида Тошкент вилоятини ривожлантириш вазифалари юзасидан йиғилиш бошланди.
Давлатимиз раҳбари сўнгги етти йилда барча ҳудудлар сингари Тошкент вилоятида ҳам катта ижобий ўзгаришлар бўлганини қайд этди.
Вилоят иқтисодиёти 1,5 баробарга ўсиб, ўтган йили 119 триллион сўмлик қўшилган қиймат яратилди, тадбиркорлар 16 мингтага кўпайиб, 170 минг доимий иш ўрни пайдо бўлди.
Вилоятда 6 миллиард долларлик 826 та янги саноат корхонаси ишга тушди, 5 миллиард долларлик экспорт бўлди.
Шуларнинг натижасида ўтган тўрт йилда 70 минг, бу йилнинг ўзида эса 19 мингта оила камбағалликдан чиқарилди.
Тошкент вилояти ҳудуди 15 минг квадрат километр бўлиб, Андижондан 3,5 баравар кўп. Вилоят туман ва шаҳарлар сони бўйича республикада биринчи ўринда.
Лекин вилоят ўз имкониятларининг ярмини ҳам ишлатмаётгани кўрсатиб ўтилди.
Facebook|Instagram|X
Илм икки дунё саодатининг калитидир. Инсон ҳаётини тўғри йўлга солмаган, унинг феъл-атворию амалида таъсири билинмаган илмда яхшилик, хайр-барака йўқдир. Шунинг учун ўрганилган эмас, амал қилинган илм ҳақиқий илм саналади. Ўқиган, билганига амал қилмаган одам бу илмнинг ҳаммоли бўлади, холос.
Мавлоно Жалолиддин Румий айтганларидек, “Жаҳолат – зулматдир. Қоронғида дарахт дев бўлиб, олма эса тош бўлиб кўринади”. Жоҳил одамга оддий нарса қўрқинчли бўлиб, яхши нарса фойдасиз бўлиб кўринади. Бу иллатнинг давоси эса илмдир. Илм ҳақ билан ботилни фарқлашнинг энг муҳим воситаларидан биридир, битмас-туганмас хазинадир.
Шайх Термизий.
@piskenthayoti
