🔈Nihoyat, uzoq kutilgan “Duel” loyihasining yangi mavsumi boshlandi!
📱Umumiy mukofot jamg‘armasi 424 million so‘m!
Tanlov barcha viloyatlar bo‘ylab faqat nazm: kattalar va bolalar she’riyati yo‘nalishida ijod qiladigan 15–30 yosh oralig‘idagi shoirlar o‘rtasida bo‘lib o‘tadi.
🏆 Respublika bosqichi g‘oliblari: 1-o‘rin – 50 mln. so‘m; 2-o‘rin – 40 mln. so‘m pul mukofoti bilan taqdirlanadi.
🖥 Ishtirok etish uchun Tanlov nizomi bilan batafsil tanishib chiqing va belgilangan tartibda o‘z arizangizni yuboring.
✉️ Arizalar 29-apreldan 29-maygacha @duel_ariza_bot orqali qabul qilinadi.
⚠️Nizomda ko‘rsatilgan talabga javob bermaydigan hujjatlar qabul qilinmaydi.
Murojaat uchun tel: +998956622024
🫥Loyiha haqida chekka hududlardagi iste'dodlar ham xabar topishi uchun o‘z hissangizni ayamang. Tanlov e’lonini shaxsiy sahifalaringizda ulashing. "Duel" maydoniga eng munosiblarni chorlang!
📱Telegram 📱 Facebook 📱 Instagram 📱 Duelloyihasi?si=oM0eSa3F4ygabeuF">YouTube
📣 Kim?
Qachon?
Qayerda?!
🔥 Biz shunday – kutilmaganda paydo bo‘lamiz!
Jamoamiz: hayajon, tuyg‘u, muhabbat, olov!
Mudragan yurakni lovullatmay o‘tmaymiz. Shubha qilganlar xotira g‘aladonini titkilab ko‘rsin.
Balki unutgandirsiz?!
Ha, eslayapsiz – o‘sha, xuddi o‘zi!
Ehtimol bu gal shunchaki tomoshabin emas, ishtirokchilar safida bo‘lishni istarsiz? Unday bo‘lsa bizni kuzatib borishda davom eting. Do‘stlaringizga ham ulashing.
👉 @duelloyihasi
Bizning sahifalarimiz: Facebook / Instagram / Duelloyihasi?si=oM0eSa3F4ygabeuF">You Tube / Twitter / duelloyihasi?_t=8kiqbnceTQ7&_r=1">Tik Tok
Nodar Dumbadze. Yuragimning bir parchasi (hikoya)
Nodar Dumbadze. Qon (hikoya)
Nodar Dumbadze. Jinlar va Manavela bobom (hikoya)
Nodar Dumbadze. Hellados (hikoya)
Nodar Dumbadze. Taliko (hikoya)
Nodar Dumbadze. Ko‘rnamak (hikoya)
Nodar Dumbadze. Ko‘ppak (hikoya)
“Uyqu oldidan yaxshi narsalar haqida o‘ylashga harakat qiling, shunda tushingiz ham yaxshi bo‘ladi...”
Читать полностью…
* * *
Сувликдами ё қуруқликда,
Ботқоқдами ёки саҳрода,
Қамишлар ичрами ё сароб аро,
Қудуқ тубидами ва ёки ғорда,
Фарқи йўқ,
Яшамоқни истардим мен ҳам!
Этимни бурдалаб берардим балиқларга,
Юрагим тутардим эчкиэмарларга,
Тилла танга ясаб тўш, умуртқамдан,
Илонлар оғзини тўлдирар эдим!
Бошин айлантириб сиреналарнинг,
Хаёл ўрмонида адаштирганча –
Ташлаб кетардим-эй оҳуга менгзаб!
О, мен судраб юрган фасллар, йиллар...
Барини жамласам – яхлит бир азоб,
Барини тўзғитсам – пўртана, қуюн,
Барини унутсам – қолдиқ бор яна,
Хордиқ йўқ, аламли қоришма бордир,
Ундан эса ҳосил бўлган тахир атала!
Аралаш-қуралаш,
Басма-бас –
Қасдма-қасд,
Ҳамиша кўнглим ғаш
Ва ёки ақлим паст шунчалар...
Оёқлар остида қолсам-да,
Тупроққа белансам-да,
Япроқлар чангини ютсам-да,
Она ер бағрига бошимни қўйиб –
Ўзимга олсам-да бор дардларини,
Лаҳзага шодумон бир зарра каби
Қанчалар истардим яшамоқни мен?!
Жин урсин!
Ҳаммаси жонга тегди-ку...
Бу не воқе бўлди,
Бу не манзара,
Бу не тадбир бўлди,
Бу не намойиш?!
Чарчадим ҳеч бирин идрок этолмай,
Сенга эса ҳануз етолганим йўқ,
Эй бечора Ишқ!
Сувдамисан, қуруқликдами,
Ботқоқдами, саҳродамисан?
Ғорга беркиндингми,
Қудуқдамисан ё –
Қамишга дўндингми,
Саробга айланиб кетдингми ёки?!
© Муҳаммад Сиддиқ
Bunaqa musiqalarni eshitish uchun jon deb soatlab vaqt ajrataman. Ohang ichida baliqdek suzish naqadar maza!
Читать полностью…
Bekamiko‘st otalar (komediya)
Fransuz adabiyoti, san’atiga gap yo‘q! Kinolariga esa doim qoyil qolganman. Bu filmda ham qo‘llangan so‘zlarga, maqollarga, voqealarning keskin o‘zgarib ketishi-yu qahramonlarning yuqumli xarakteriga tan bermay iloj yo‘q. Har bir epizodda, har bir dialogda kulgi bor-ey. Ssenariysini obi-tobiga keltirib yozishgan ekan-da. Tarjimaniyam qoyillatishibdi. Ko‘rib yayradim.
Navoiydan bir shingil g‘azal. Yozda o‘qib yozvolgan ekanman. Ko‘chalarni sayr qilib, eshitib yurgan paytlarim esga tushdi.
Читать полностью…
Tilak Jo‘ra haqida ajoyib ko‘rsatuv qilingan ekan, juda bir boshqacha ta’sirlandim ko‘rib.
Shunaqa shoirlarimiz bor-ey, yozganlarini o‘qib yayraysan, tozarasan. Hayot yo‘liga, qilgan mehnatlariga qarab havas qilasan, ko‘ngling yorishadi.
Unutilmas siymolar | Tilak Jo‘ra
* * *
Қорсан, муваққатсан, эрийсан, йўқсан –
Афлотун эмассан – атиги хотир.
Мени эзғилашга ўчсан, кечаги
Сулув эдинг,
Мен ахир…
Кўзгу масхаралар, оқ тушган – хабар,
Ажинлар солади нохуш хавотир.
Мени ғижимлашга ўчсан, кабутар.
Осмон эдинг,
Мен ахир…
Қўрққандим, ўшанда, қўлларим боғли,
Қўрқдим, кириб кетдим, чиқмадим – чодир.
Мени нимталашга излайсиз, доғли –
Юрак эдинг,
Мен ахир…
Бўридай санқийман ўз зулматимда
Ўғирлаб олганим кечаги тақдир.
Нимага унутай дард, кулфатимсан,
Севгим эдинг,
Мен ахир…
© Абдували Қутбиддин
Qachondir bu ijodxonamni tark etishim aniq edi. Lekin ayni shu kunlarga to‘g‘ri keladi deb o‘ylamagandim. Nasib-da. Bu uyda eng betakror damlarim o‘tdi! Qancha xotiralar qolyapti, eh-hey. Yozsam ado bo‘lmagay! Mana, o‘qishimam tugadi. Diplom berishlari qoldi, xolos. Ungacha Farg‘onada miyaga dam berib kelaman. Toshkentni bor shirasini, achchiq-chuchugini totdim shu paytgacha. Endi hazm qilish uchun ozroq vaqt kerakka o‘xshaydi.
P/s. Rasmlarimni bittalab shilib chiqish bir qadar iztirobli bo‘ldi)
Avgust Rush – musiqani ovqatdan ham ko‘proq yaxshi ko‘radigan daho bastakor, eng sevimli filmlarim qatoridan joy oldi. Anchadan beri bunchalik ta’sirlanmagandim.
Читать полностью…
* * *
Ҳар кунимда,
Ҳар уйғонганимда,
Ҳар қадамимда,
Ҳар киприк қоққанимда,
Ҳар онимда,
Чор-атрофимда – ғуж-ғуж,
Чакиллаб,
Шираланиб,
Оқиб борар мен-ла ёнма-ён
Нечалаб бетакрор сатрлар, байтлар!
Ўзимни йўқотиб қўяман буткул,
Адаштириб қўяман кўнглимни –
Дунёнинг сершовқин кўчаларида
Ҳеч қаерга сиғмай қоламан,
Қанотларимни эркин қўйиб юбораману
Учаётган бўламан шаклсиз томонларда,
Худди ана шундай пайтларда!
Худди ана шундай –
Жўш урганда ҳиссиётларим,
Одамлик фирқасин улоқтирганча
Сеҳргар чолғуга айлангим келар!
Ёру биродарларимни –
Маҳзун нигоҳларни,
Меҳнатдан қабариб кетган қўлларни,
Жилмайишга зор дудоқларни,
Муҳаббат шиддатин, тўлқинларини
Қирғоқларда
Кута-кута
Хомуш тортган гўзал қиёфаларни
Чақиргим келади овозим борича!
Илингим келади барига тинмай
Ҳаёт неъматидан,
Тириклик тотидан –
Энг бахтли, чиройли лаҳзаларимни
Хотирам қаъридан терволиб,
Бирма-бир
Асалга қорганча,
Новвотга булаганча,
Теппа-текинга
Қандолат дўконин очмоқ истайман!
Асло ранжитмайман –
Бошимдан ўтган
Қайғули дамлардан сўзлаб узун нутқ,
Фақат мўъжизалар ҳақида куйлайман!
Ҳар битта изтироб чеккан юракда
Тангримнинг умидбахш нури, сурури –
Мислсиз зуҳуроти бор эканлигига
Ишонтираман-эй,
Тип-тиниқ осмонни сувдек чайқатиб...
Ҳар кунимда қалин-қалин девонлар,
Ҳар уйғонганимда ширали ғазаллар,
Ҳар қадамимда томчи-томчи байтлар,
Ҳар киприк қоққанимда ғуж-ғуж мисралар –
Мен билан ёнма-ён...
Бармоқларим чўзсам ногаҳон
Жаранглаб кетади, эҳ-ҳей, борлиқда
Неча миллиард зарра,
Неча минг жаҳон!
© Муҳаммад Сиддиқ
* * *
Шовуллаган боғлар –
Ёқимли шамоллар,
Шотутлар,
Чинорлар,
Тераклар,
Толлар...
Нураган деворлар,
Жўхори поялар,
Трактор, кoмбайнлар,
Ўтлаётган қўйлар,
Мўраётган моллар,
Отқулоқ,
Исмалоқ,
Ялпизу,
Жағ-жағлар...
Ёп-ёруғ кунлар ва минг хил ранглар!
Тушларимга кирар тағин Фарғона –
Меҳнаткаш кампирлар,
Ҳазилкаш чоллар,
Беғубор нигоҳлар,
Беғараз диллар,
Момақаймоқдан чамбарак тақволган
Уятчан қизлару,
Қорни тўқ, шумтака болалар...
Хуллас, эртагона, сўлим маконда
Ўйинлар ўйнардик шўх, тентагона!
Ишимиз йўқ эди замон билан ҳеч,
Ғам, ташвиш келмасди парвойимизга,
Вақт ҳам ҳалал бермасди сира –
Рақамлар, саналар, ойлигу, режаларни ўйлаб,
Ваҳима қилмасдик, пинак бузмасдик!
Чунки бизда юрак бор эди-да,
Ўн саккиз минг олам жам бўлган юрак!
Кубик-рубик,
Шашка,
Пуфаклар,
Зар қоғозлар,
Мойли фонарлар...
Изғирин нақш солиб кетган дераза ортида,
Сандал атрофида исиниб,
Баҳри-байт айтишиб,
Кўсак чувганча,
Мураббо еб битта косадан,
Зерикмасдик чироқ ёнгунча!
— Ён, ён, ён! Хонни қизини обераман...
Тушларимга кирар у дамлар ҳамон,
Ҳатто ўнгимга ҳам қоришиб кетган,
Шунгами, довдираб юраман?!
Кўз олдимдан бари шовуллаб ўтганда,
Қуёшли кунларда соям билан гаплашиб,
Ўзимга ўзим эслатиб тураман...
Беҳад соғинаман –
Уйқу олдидан
Бувумнинг маҳсисин ечиб қўйишларимни,
Бобомнинг ҳикояларини, насиҳатларини,
Айниқса, калишларини кийволиб,
Катта-катта қадам ташлашларимни...
Тушларимга кирар бот-бот Фарғона –
Қалин-қалин қорлар,
Сомонхоналар,
Силос босилган чуқурлар,
Турп кўмилган ўралар,
Қоп-қоп таппилар...
Оғзи кўпикланиб,
Баҳорга пешвоз чиққан
Киприклари узун бузоқлар,
Эгизак қўзилар!
У пайтлар бизда қувонч бор эди,
Чинакам қувонч!
Ва эртанги сутдек оппоқ кунга ишонч...
Ҳозир-чи?!
Безиллаб турамиз,
Ҳадиксираб қараймиз –
Яна кимдир қалбимизни оғритиб қўймасмикaн деб,
Ҳар нафасда юрак ҳовучлаб яшаймиз!
Менинг эса ўт ва сувга қоришиб кетган қорачиқларим –
Тушларимни тортиб олманглар дея
Ёлворади,
Ҳайқиради,
Гоҳо қичқирар:
Шовуллаган боғлар,
Ёқимли шамоллар...
© Муҳаммад Сиддиқ
Bugun qadrli ustozimiz, bolalikdan biz sevgan she’rlar, kitoblar muallifi, doim yoshlarni qo‘llab-quvvatlab kelgan shoirimiz Xurshid Davron tug‘ilgan kun! Deyarli har kuni ularning ijtimoiy tarmoqdagi kutubxonalaridan foydalanaman. Bunaqa xazina boshqa hech qayerda yo‘q hisob. Ustozga qancha rahmat aytilsa shuncha oz. Umrlari uzoq bo‘lsin!
Читать полностью…
Jan Reno o‘ynagan kinolarni qayta ko‘rib chiqyapman. Shu kunlarda komediyasiz yashab bo‘lmay qoldi o‘zi. Umuman, Luk Besson ishlagan hamma kinolar quyuq yumorga boy, tomoshabinga ancha payt ko‘tarinki kayfiyat ulashadi. Avvalroq “Leon”ni ham joylagandim. Bunisi esa “Vassabi". Ajoyib kino.
Читать полностью…
Bugun Qoravoy tugʻilgan kun! Ukajon, umring uzoq bo'lsin
ҚОРАВОЙНИНГ ОИЛАСИ
(Кечинма)
Муҳаммад СИДДИҚ
https://injasanat.uz/archives/1027
https://telegra.ph/%D2%9AORAVOJNING-OILASI-12-21
