452
Ушбу каналда шоир Мансур ЖУМАЕВ ижодини кузатиб бориш имконига эга бўласиз. Канал шоирнинг дўстлари, мухлислари томонидан очилди.
Manov osmon,
manov yulduz,
manov yaproq,
manov qushlar
sano aytar habibimga
mingta rangu ming tovushda.
Manov temir,
manov toshlar
aro nafsim ko‘zin xushlab,
manam borman,
man borarman —
jon hovuchlab,
ruh hovuchlab.
Kelar,
ketar,
tinar,
shoshar —
o‘ng tarafim,
so‘l tarafim...
ichimda bir daryo toshar:
zikri xafiy,
zikri xafiy.
Sassiz kishnar qayg‘ulanib
asovlarim,
ayg‘irlarim...
ulug‘ sevgi — pinhon sevgi:
hayqirmadim,
hayqirmadim.
Biz shundayin sug‘ro, g‘arib,
biz shundayin kubro, sharif,
biz shundayin yaldoli tun,
biz shundayin subhi zarif.
Bizga bir yor yordir — tamiz,
sukut bizni esh etadir:
sevgimizni sevgilimiz
aytmasak ham eshitadir.
Mansur Jumayev
@wwwesdalikuz
Шу кунлардаги кайфиятим ушбу қўшиқда бошдан-оёқ ифодасини топган. Яқинларимга айтмоқчи бўлганларим шу қўшиқда мужассам.
Читать полностью…
ОНА ТИЛИМ
Одам сўрамаса, ҳаёт тутмас бол,
От чопмаса, шамол ўпмас ёлини.
Бир бор кўрганмисиз тилдан қолган чол
Ва тили чиқмаган гўдак ҳолини?
Тил билан тирикдир ер узра ҳар ким,
Унингсиз вужудга бахт ҳам сиғмайди.
Тилдан қолган бобо инграйди сим-сим
Ва тили чиқмаган гўдак йиғлайди.
Ойнага тўш урган нотавон қушдай,
Безабон эл чиқмас озод ҳовлига.
Ё тилдан қолган чол ҳолига тушгай,
Ё тили чиқмаган гўдак ҳолига.
Менинг она тилим, сен сабаб изҳор
Қилолдим севгимни – уйғоқ нафасман:
Демак, тилдан қолган чолмасман зинҳор,
Ё тили чиқмаган гўдак эмасман!
Мансур Жумаев
Мансур Жумаев.
Туркий миллатлар учун ўзбек шоиридан инжа шеърлар. Туркий оҳанглар, туркий хаёл, туркий қалб, туркий руҳ ҳамиша йўлбошчингиз бўлсин. Мансур оға, омад тилайман!
Таржимондан.
Mənsur Cumaev
Daş haqqında nağıl
Osman Əzimə
Ey boğazım yaxan acı boz,
ey sən ruhu rəvanım körkü —
tonqallarda yanan türk söz,
tonqallarda yanmamış türki!
Ey daşlari oxudan kəlam,
Ey başımı qoruyan sən börk,
ey sən... məni bağışla, tamam,
bağışlayın, Həzrət Abuttürk!
Günahkaram altında bütkül,
mən gümrahman, mən bir asıyam...
üzr, əyle üzürüm qəbul,
deyirəm ki alma intiqam!
Min illərdir gəzdim bu çöldə,
bu günəşdə böyüb, isindim,
bu sahillər batdı sinəmə,
bu təpədə ucaldim, indim,
bu axına töküldü ahim,
bu bağlarda ündü bəht, əlac.
qəhqəhəmdan gələn ağacım,
fəryadimdan düşmüş bir ağac...
Hamısını oxudum coşqun,
mahnımdən o çöllərim qandı,
oxuduğum o dilbər mahnı
işğallarin otunda yandı,
yandı hepsi cizqənək olub,
yandı hepsi göyə vurub baş,
kül şəklində tapdılar ölüm...
vəfa etdi mənə yalnız daş!
Bu daş sənin xatirən, tamam —
daş şəklində qalan türki dil.
Kim mən kimi vəfasız adam?!
kim mən kimi yaramaz oğul?!
Mən bilmərəm, mahnımın naqşi,
runiymidi, aramiymidi,
cilvələri həmdə işığı,
zəminiymi yoxsa səmavi?!
Bu mənəmmi — unudan tövbə,
düşüncə və ehsaslarini,
bir əsrdə axı dörd dəfə
dəyişdirən libaslarini?!
Yox, mən deyil —
Bu enliklərdə
ağlamasam ve oxumasam,
qaldırmasam səni bir pərdə,
mən deyiləm — sənə qayıtmasam!
Qayıdacağam qaşina, ana
göz yaşlarıç tökəcəyəm təxır,
sən anamsan axı yəganə,
özün yalnız atamsan axı:
Ey boğazım yaxan acı boz,
ey sən ruhu rəvanım körkü —
tonqallarda yanan türk söz,
tonqallarda yanmamış türki!
ТОШ ҲАҚИДА ЭРТАК
Усмон Азимга
Эй бўғзимни ёққан аччиқ бўз,
эй сен руҳи равоним кўрки —
гулханларда ёнган туркий сўз,
гулханларда ёнмаган туркий!
Эй тошларни сайратган калом,
эй бошимни омон тутган бўрк,
эй сен... мени кечир, вассалом,
кечир дейман, Ҳазрат Абуттурк!
Гуноҳкорман қошингда буткул,
гумроҳману осийман тамом...
кечир дейман, айбимдан ўтгил,
олма дейман фақат интиқом!
Шу даштларда кездим минг йиллар,
шу офтобда ўсдим, исиндим,
шу кўксимга ботди соҳиллар,
шу қирларда юксалдим, индим,
шу сойларга тўкилди оҳим,
шу боғларда пиндиқ отди бахт,
қаҳқаҳамдан унган оғочим,
фарёдимдан тўкилган дарахт...
Мен барини куйладим жўшиб,
куйларимдан даштларим қонди,
мен куйлаган у дилбар қўшиқ
истилолар ўтида ёнди,
ёнди бари жизғанак бўлиб,
ёнди бари кўкка уриб бош,
кул шаклида топдилар ўлим...
вафо қилди менга фақат тош!
Шу тош қолди сендан эсдалик —
тош шаклида қотган туркий дил!
Ким бевафо келган менчалик?!
Ким менчалик норасо ўғил?!
Мен билмасман куйларим нақши
руниймиди, оромиймиди,
жилвалари, нури, дурахши
ерликмиди, осмониймиди?!
Менми ўша — унутган тавба,
ўйларингни, эҳсосларингни;
бир асрда тўрт маротаба
ўзгартирган либосларингни?!
Йўқ, мен эмас –
Шу кенгликларда
йиғлаб-кулиб қўшиқ айтмасам,
кўтармасам сени бир парда,
мен мен эмас — сенга қайтмасам!
Қайтажакман қошингга, она,
ёшларимни тўккайман тахир,
онамдирсан ахир ягона,
якка-ёлғиз отамсан ахир:
эй бўғзимни ёққан аччиқ бўз,
эй сен руҳи равоним кўрки —
гулханларда ёнган туркий сўз,
гулханларда ёнмаган туркий!
Мансур ЖУМАЕВ
Çol baharı
Bizlər xoşbəxt idik,
biz məmnun idik,
hürlər götürdülər xəyalımızı.
Göy ulduzlar ilə dolu gecədə
Aprel oğurladı baharımızı.
Bütün xəyalları cırdı gərmsel,
istəkləri bölkə-bölkə eylədim.
O isə
bağçamda qaldı əbədi —
çiçəyə çevrilib...
Avqust bulağından əmdim xoş səfa,
saçım sığallatdım külək — şöx qıza.
Yenə mən şəfqətsiz,
yenə bivəfa,
yayi tək qaldırıb
getdim payıza...
Söylə, yenə xoşbəxt olacağıqmı?
şehlər doldururmu naharımızı?!
Mart yenidən bizə qaytaracaqmi,
Aprel oğurlayan baharımızı?!
Uyğunlaşdıran: Rəhmət Babacan
Rahmatjonga tashakkur.
t.me/Mansur_Jumayev
АЁЛ
Жавоб кутмай соғиндим, севдим,
Зори бўлдим, зўрим бўлди у.
Маликамсан, қулингман девдим,
Хожа бўлдим, чўрим бўлди у.
Мансур Жумаев
* * *
Ярашмоқ учун ҳам низо туғилган,
Ошиқлар кўнглида ризо туғилган.
Имроний дилларда туғилса Марям,
Марямий руҳларда Исо туғилган.
Камтарин тилаклар ўсолар – ўсгай,
Жавонмард элда гул нисолар ўсгай.
Ниҳоллар шаклида ўсса умидим,
Дарахтлар шаклида асолар ўсгай.
Кўп ғалат савдолар басо улғайган:
Гоҳ қийшиқ кулбада расо улғайган;
Улуғбек кўшкида – Абдуллатифхон,
Фиръавн қасрида Мусо улғайган...
Мен на шоҳ, на гадо, на валий зотман,
Нафсим эгарлаган яйлоқи отман.
Шунча гуноҳ билан ҳануз қаддим тик,
Шунча нуқсим билан ҳануз ҳаётман.
Кел, ваҳм шерини жайрон қил, Худо,
Чавандоз нафсимни вайрон қил, Худо.
Мендек бир ёмондан яхши оғочлар
Ундириб, мени бир ҳайрон қил, Худо.
Мансур Жумаев
* * *
Yarashmoq uchun ham nizo tug‘ilgan,
Oshiqlar ko‘nglida rizo tug‘ilgan.
Imroniy dillarda tug‘ilsa Maryam,
Maryamiy ruhlarda Iso tug‘ilgan.
Kamtarin tilaklar o‘solar – o‘sgay,
Javonmard elda gul nisolar o‘sgay.
Nihollar shaklida o‘ssa umidim,
Daraxtlar shaklida asolar o‘sgay.
Ko‘p g‘alat savdolar baso ulg‘aygan:
Goh qiyshiq kulbada raso ulg‘aygan;
Ulug‘bek ko‘shkida – Abdullatifxon,
Fir’avn qasrida Muso ulg‘aygan...
Men na shoh, na gado, na valiy zotman,
Nafsim egarlagan yayloqi otman.
Shuncha gunoh bilan hanuz qaddim tik,
Shuncha nuqsim bilan hanuz hayotman.
Kel, vahm sherini jayron qil, Xudo,
Chavandoz nafsimni vayron qil, Xudo.
Mendek bir yomondan yaxshi og‘ochlar
Undirib, meni bir hayron qil, Xudo.
Mansur Jumayev
СЕВГИ БУЮК УММОН ЭКАН...
Севги буюк уммон экан – кемаси йўқ,
Ишқ аҳлининг забони бир – шеваси йўқ,
Чинор минг йил яшар, аммо меваси йўқ,
Чинор умрин сўрамаган нодон эмас.
Мен саҳарги сабо эдим, насим бўлай,
Севгини ҳақ билганимга амин бўлай,
Замин эдим, заминман-у, замин бўлай,
Ўзин кўкда санаганлар осмон эмас.
Агар қўлга қўл қовушса – иззат бўлар,
Агар лабга лаб қовушса – лаззат бўлар,
Агар дилга дил қовушса – жаннат бўлар...
Демак, ерда жаннат қуриш осон эмас.
2011
© Мансур Жумаев
#DIQQAT #TARQATING
Bayram munosabati bilan eng ahil pedagoglar jamoasini taqdirlamoqchimiz
Har yili "1-oktyabr — O‘qituvchi va murabbiylar kuni" bilan o‘qituvchilarni shunchaki "quruq" tabriklashga odatlanib qolganmiz. Bu yil esa bayram munosabati bilan eng ahil pedagoglar jamoasi uchun arzimas bo‘lsada @xalqtaliminfo loyihasining sovg‘asi bor.
Buning uchun maktab jamoalari "Eng ahil pedagogik jamoa" tanlovida ishtirok etishlari kerak bo‘ladi. Tanlov shartlari murakkab emas. (test yechtirib sizlarni qiynamoqchi emasmiz)
Tanlovda ishtirok etish uchun shunchaki, maktab jamoa a’zolari @pedagog_jamoa_bot'dan ro‘yxatdan o‘tib, maktab jamoasi bilan birgalikda suratga tushib, surat ostida nima uchun aynan mana shu pedagogik jamoada ishlab ketayotganligining ijobiy tomonlari haqida viloyat, tuman va maktab raqami bilan izoh yozib qoldirishlari kerak bo‘ladi.
🎁Gʻoliblar qanday rag‘batlantiriladi?
"Eng ahil pedagogik jamoa" tanlovida 1-o‘rinni qo‘lga kiritgan maktab jamoasi videoproyektor yoki pul mukofoti bilan taqdirlanadi.
Shuningdek, tanlovda 1-, 2-, 3-o‘rinlarni qo‘lga kiritgan maktab jamoasi "Eng ahil pedagogik jamoa" deya e’tirof etilib, Maktabgacha va maktab ta’limi vazirligi muassisligidagi “Ma'rifat” gazetasida ushbu jamoa haqida batafsil maqola chop etiladi.
❕Eslatib o‘tamiz, tanlov joriy yilning 10 oktyabriga qadar davom etadi.
🎗Tanlov haqida batafsil
👨🏻💻 Ro'yxatdan o'tish:
👉@pedagog_jamoa_bot
👉@pedagog_jamoa_bot
✍Mansur Jumayev
🎤Egamberdiyev Mansurbek
@She_rIshqi
#audio_mushoira
✍Mansur Jumayev -- "Ko‘cha haqida ertak"
🎤BONU
@Guchchiyeva_Rohilabonu
#audio_mushoira
✍Mansur Jumayev -- "Serenada"
🎤BONU
@Guchchiyeva_Rohilabonu
* * *
Машаққат йўлида осоним йўқдир,
Сенингсиз порлаган осмоним йўқдир.
Гарчи сўрамадинг, кўнглимни бердим,
Муҳаббатдан зиёд эҳсоним йўқдир.
Шоди Отамурод
Bu eshikdan azizam
Kirish bordir, chiqish yo’q…
✍🏻 Mansur Jumayev
🎤 Mahliyo Karimova
✅@mahliyo_karimova_official
IQTIBOS
Chexov ertalab soat beshda uyg‘onar, to‘qqizgacha bemorlarni qabul qilar, tibbiyot haqida maqolalar yozar, mutolaa qilar, tushdan so‘ng xizmatkorlarga o‘qish-yozishni o‘rgatar, keyin yana o‘qir va yozar edi. U, shuningdek, aholini ro‘yxatga olish ishlarini olib borgan, dehqonchilik bilan shug‘ullangan, vabo tarqalganda uyezd bo‘ylab safar qilgan va kasalxonalar qurgandi.
Ba’zida bizning avlodimiz yalqovlik va dangasalik sabab depressiyadan aziyat chekayotganga o‘xshaydi. Biz Goa va Balidan “o‘zimizni izlaymiz”, klublar atrofida o‘ralashamiz, giyohlar chekamiz, fahsh bilan shug‘ullanamiz va norozilik bildiramiz, ayni damda qanday qilib shunchaki mehnat qilish mumkinligini bilmaymiz. Vijdonan, har kuni, kayfiyat va xohishdan qat’i nazar, mehnat qilishni. Zero, inson hayotining yagona mazmuni mehnatdir. Qattiq mehnat, irodaga qarshi emas, balki qolganlar uchun qilayotgan ishingning ahamiyatini his qilish bilan ijodiylik kasb etuvchi mehnat.
Siz yaratishingiz, foydali bo‘lishingiz, o‘zingizdan kattaroq narsaning bir qismi bo‘lishingiz kerak. Siz koinotning markazi emas, balki tuzilishini hatto tasavvur ham qilib bo‘lmaydigan ulkan binodagi bitta g‘ishtsiz. Siz narsalarning yangi tabiatini kashf etmaysiz. Siz buni qabul qilib, xotirjam yashaysiz yoki isyon ko‘tarib, tubsizlikka tushib qolyapsiz, xolos.
Yuriy Anatolyevich Bikov,
kinorejissyor va senariynavis.
ИҚТИБОС
Чехов эрталаб соат бешда уйғонар, тўққизгача беморларни қабул қилар, тиббиёт ҳақида мақолалар ёзар, мутолаа қилар, тушдан сўнг хизматкорларга ўқиш-ёзишни ўргатар, кейин яна ўқир ва ёзар эди. У, шунингдек, аҳолини рўйхатга олиш ишларини олиб борган, деҳқончилик билан шуғулланган, вабо тарқалганда уезд бўйлаб сафар қилган ва касалхоналар қурганди.
Баъзида бизнинг авлодимиз ялқовлик ва дангасалик сабаб депрессиядан азият чекаётганга ўхшайди. Биз Гоа ва Балидан “ўзимизни излаймиз”, клублар атрофида ўралашамиз, гиёҳлар чекамиз, фаҳш билан шуғулланамиз ва норозилик билдирамиз, айни дамда қандай қилиб шунчаки меҳнат қилиш мумкинлигини билмаймиз. Виждонан, ҳар куни, кайфият ва хоҳишдан қатъи назар, меҳнат қилишни. Зеро, инсон ҳаётининг ягона мазмуни меҳнатдир. Қаттиқ меҳнат, иродага қарши эмас, балки қолганлар учун қилаётган ишингнинг аҳамиятини ҳис қилиш билан ижодийлик касб этувчи меҳнат.
Сиз яратишингиз, фойдали бўлишингиз, ўзингиздан каттароқ нарсанинг бир қисми бўлишингиз керак. Сиз коинотнинг маркази эмас, балки тузилишини ҳатто тасаввур ҳам қилиб бўлмайдиган улкан бинодаги битта ғиштсиз. Сиз нарсаларнинг янги табиатини кашф этмайсиз. Сиз буни қабул қилиб, хотиржам яшайсиз ёки исён кўтариб, тубсизликка тушиб қоляпсиз, холос.
Юрий Анатольевич Биков,
кинорежиссёр ва сценарийнавис.
* * *
Қушлар Ҳақ даласин донига борди,
Тоза руҳ ошиқнинг жонига борди,
Севган севилганнинг ёнига борди,
Мен сенинг ёнингга келдим, севгилим.
Жилға югургани каби дарёга,
Қўллар талпингани каби дуога,
Банда топингани каби Худога,
Мен сенинг ёнингга келдим, севгилим.
Изҳорга лойиқ вақт видога кетди,
Гадодан олганим гадога кетди,
Тан ерга кетди, жон самога кетди,
Мен сенинг ёнингга келдим, севгилим.
Кўнглимиз Вомиқдир, Узрога қочгай,
Шайхимиз Санъондек тарсога қочгай,
Худойим қувган қул Худога қочгай,
Мен сенинг ёнингга келдим, севгилим.
Мансур Жумаев
Xonanda Imronning 2022-yilgi konsertidan audio parcha.
Читать полностью…
1958 йилнинг 30 октябрида туғилган шоир 1991 йилда Бобур Мирзо ғазалига мухаммас битди. 2023 йилнинг 30 октябрида эса Заҳириддин Муҳаммад Бобур таваллудининг 540 йиллиги тантанали нишонланди. Демак, ҳар икки шоирни бир мухаммас билан қутлаш айёмидур. Устоз Сирожиддин Саййид улуғ салафимиз етган ёшнинг учтасини, тўрттасини кўрсин, илоҳи!
ЗАҲИРИДДИН МУҲАММАД БОБУР
ҒАЗАЛИГА МУХАММАС
Булут эрмас, кўк узра тарқаган кўнгил гумонидур,
Гумон қилмак бу дамда бегумон дилнинг зиёнидур,
Кўкарган хор ила хаслар тирикликнинг нишонидур,
Баҳор айёмидур дағи йигитликнинг авонидур,
Кетур соқий, шароби нобким, ишрат замонидур.
Нигорнинг чеҳраси гоҳ ишқ нақлидин эрур гулгун,
Гаҳи ҳусну латофат, гоҳи ақлидин эрур гулгун,
Букун боғим менинг ёр қадди нахлидин эрур гулгун,
Гаҳе саҳро узори лола шаклидин эрур гулгун,
Гаҳе саҳни чаман гул чеҳрасидин арғувонийдур.
Яна кўнгил қатидин кетди бир-бир занг гуллардин,
На хушдур етса кўксунгга муаттар чанг гуллардин,
Яна ўксук жаҳонингда талошу жанг гуллардин,
Яна саҳни чаман бўлди мунаққаш ранг гуллардин,
Магарким сунънинг наққошиға ранг имтиҳондур.
Кўйингда ончалар даҳр ичра қилмишдир бу дил зори,
Ки яхлит лоларанг ўлмиш харобот бирла кулзори,
Аламлар тарқалиб буткул, туганмиш ранжу озори,
Юзинг, эй сарв, жоним гулшанининг тоза гулзори,
Қадинг, эй гул, ҳаётим боғининг сарви равонидур.
Руҳимга иштиёқ солған зумуррад майсаси қирнинг,
Гўзал тушдир бу айёмлар, баёнин қилма таъбирнинг,
Букун етмоқдаман зимнига аста-аста бир сирнинг,
Не ерда бўлсанг эй гул, андадур чун жони Бобурнинг,
Ғарибингға тараҳҳум айлагилким, анда жонидур.
Сирожиддин Саййид, 1991
📝 Mansur Jumayev sheʼri
🎤 Qurbonali Termiziy ijrosida
21.10.2023, Surxondaryo MTRK
ТАНГРИГА МАКТУБЛАР
Биринчи мактуб
Ёшларимни ёмғир айлаган,
сочларимни қор айлаган Зот,
бор ғамимни йўқ қила қолгин,
йўқдан мени бор айлаган Зот!
Эй, кўзимни айлаган соқий,
эй, сўзимни сор айлаган Зот,
шеърларимни шифо қил боқий,
шеърни менга кор айлаган Зот!
Ёр қил мени ёрга, ёронга,
ёр ишқини ёр айлаган Зот,
ёр сочини ёрнинг бўйнига
яшатгувчи дор айлаган Зот!
Яйратиб ёз дастурхонини,
қиш ўчоғин тор айлаган Зот;
синов учун мукофот бериб,
ўлпонини нор айлаган Зот!
Эй, бир қушга тикан тўн ёпиб,
насибасин мор айлаган Зот,
бор дардимни йўқ қила қолгин,
йўқдан мени бор айлаган Зот!
Иккинчи мактуб
Фақат қонли ёшим бор — тўксам,
Сўзим бордир қарғасам, сўксам.
Бир жанггоҳга айланди дунё,
Бу жанггоҳда наҳот Сен йўқсан?!
Бошим шамси самога дўнди,
Ёшим қизил дарёга дўнди,
Балиқлари ютмасми энди,
Ўзим тузган дарёга чўксам?!
Қул, хожаю ҳукм асорат,
Иғво, фитна, уруш, разолат...
Ёки сўзим билан жазолат,
Ёки эшит, дардимни тўксам!
Огоҳмисан сонминг синовдан:
Ўтдан, сувдан, қишдан, қировдан?
Ё мақсадинг билдир бировдан,
Ё ўзимга аён қил йўқса!
Ҳануз менда кўзёш, дийдиё,
Сўз ила сўз қолди бериё...
Бир қиёмат кўтарди дунё,
Бу урҳода наҳот Сен йўқсан?!
Учинчи мактуб
Дарвешлар топинди қалби — шоҳига;
кемалар юкинди бандаргоҳига.
Оллоҳим, Оллоҳим, эшитяпсанми,
қандай чидаяпсан банданг оҳига?!
Ризқими,
тинчими,
эрки бўғилган —
тили тугилганнинг мушти тугилган.
Руҳи бут,
кўзи тўқ,
кўнгли соғ одам
туғилганми ўзи,
қачон туғилган?!
Ночор кулгиларда наво кўрмадим,
узлатимдан бўлак даво кўрмадим,
Кўргиликлар кўрдим,
кўрган кунимни
кўрмаган кимсага раво кўрмадим.
Сезмадим жаҳолат чоҳига, Эгам,
тушмаганимни ҳам,
тушганимни ҳам.
Дўстларим қонини тўктирма, Худо,
Худо, йиғлатмагин душманимни ҳам.
Комил бир кўнгилни юрдим соғиниб,
гарчи кўрсатмадинг умид доғини,
тузган жаҳонингдан кўнглим тўлмади,
Тангрим, қайтадан чиз яхшироғини!
Тўртинчи мактуб
Ёшимизни ёмғир айлаган,
Сочимизни қор айлаган Зот,
Дардимизни йўқ қила қолгин,
Йўқдан бизни бор айлаган Зот!
Мансур Жумаев
2021
* * *
Най бир қамиш, навосиз қолса,
Яшаш ҳам дард, давосиз қолса.
Кетмагил, мен – Одам, сен – Ҳаво,
Одам ўлар ҳавосиз қолса.
Мансур Жумаев
@wwwesdalikuz
#Shoir_qalbi
She’r muallifi: ✍️ Mansur Jumayev
She’rni o‘qidi: 🎤Muattar Mamatkarimova
@yoshlikjurnali
yoshlikjurnali.uz
СИНТАКТИК ПАРАЛЛЕЛЛАР
Паймон топилади бир кунмас-бир кун,
Дармон топилади бир кунмас-бир кун.
Бир кунмас-бир куни дарё бўларсан,
Уммон топилади бир кунмас-бир кун.
Ҳаёт икки юзи икки хил танга,
Икки юзини ҳам кўрсатса санга,
Бир кунмас-бир куни кирарсан жангга,
Майдон топилади бир кунмас-бир кун.
Балки, япроқ бўлиб йўлга қўнарсан,
Балки, ёғин бўлиб чўлга қўнарсан,
Бир кунмас-бир куни ерга дўнарсан,
Деҳқон топилади бир кунмас-бир кун.
Битта боғ бағрида донасан, маъқул,
Доналик ҳолингдан тонасан, маъқул,
Бир кунмас-бир куни гул бўласан, гул,
Гулдон топилади бир кунмас-бир кун.
Бир кун ҳар елка ҳам етармиш кунга,
Сепмасанг бас экан донингни кулга,
Бир кунмас-бир куни омадинг кулгай,
Имкон топилади бир кунмас-бир кун.
Кўнглинг кулбасидан кетмаса иймон,
Кипригинг учида қалқиса виждон,
Бир кунмас-бир куни бўлолсанг инсон,
Инсон топилади бир кунмас-бир кун.
Унут ўйларингга ҳаёт ҳам битгай,
Ҳаёт муҳаббатга сабот ҳам битгай,
Бир кунмас-бир куни қанот ҳам битгай,
Осмон топилади бир кунмас-бир кун.
Мансур Жумаев
БИР ДАРД БИЛАН ОҒРИДИ КЎНГЛИМ
Ғамнинг яйдоқ отига миндим,
Югани йўқ, узангиси йўқ.
Бир дард билан оғриди кўнглим,
Лекин сира тузалгиси йўқ.
Бир дард билан кўзларим бедор.
Сен ҳам бедор изтироб тилан,
Кел, иккимиз бўлайлик бемор,
Кел, яшайлик битта дард билан.
Кел, кўзимда ошиён яса,
Кел, кўнглимга кўз тиккил, ўғри.
Мен яшаган қайғуни яша,
Мен чалинган дард билан оғри.
Сен қуш бўлсанг, бағрим – ос(и)мон,
Сен – нилуфар, кўзёшларим – кўл.
Ютқизмайин десанг, ёрижон,
Мен чалинган дардга таслим бўл!
Озодликдир унга тутилмоқ,
Унга қуллуқ қилиш тамкиндир.
Бу дарёдан чўкиб қутулмоқ,
Таслим бўлиб енгиш мумкиндир.
Қоқ юракка қадалган дард бу,
Бир умрни айлар чирпирак.
Икки дилга аталган дард бу,
Енголмайди уни бир юрак.
Кел, иккимиз бўлайлик бемор,
Кел, яшайлик битта дард билан.
Мансур Жумаев
27 сентябрь – Ўзбекистон халқ шоири Рауф Парфи туғилган кун
Биласизми, бу шоирга нима учун боғланиб қолган эдик. У бу ўткинчи дунёга авлиёлардай қарарди, одамларни тамасиз яхши кўрарди. У ҳар доим Худо билан бирга эди. Қалбидан доимо дилкаш бир оҳанг ситилиб чиқар эдики, ҳаммамиз ўша оҳангнинг атрофида тўпланардик. Бу оҳанг меҳр эди, яхшилик, эзгулик эди. Рауф ака руҳан улуғ художўй эди.
Эшик қўнғироғи жарангласа, ўзига ярашган табассум билан:
– Яхши одам келди, – дер эди.
У ҳаммага ишонар эди ва баъзан шивирлаб қўяр эди: "Умид шамларида исинмоқ токай?!"
Ҳалима Аҳмедова
📣 DIQQAT: O‘QITUVCHILAR UCHUN TANLOV
➡️Aziz ustozlar! Ish tajribangiz va metodikangizni ommalashtirishni istaysizmi?
➡️Ta'lim jarayonida samaraga erishayotgan dars o‘tish usullaringizni boshqa hamkasblar bilan bo‘lishishni, tajriba almashishni-chi?
➡️"Ma'rifat" gazetasida eng yaxshi dars ishlanma va metodik maqolalaringiz chop etilishini xohlaysizmi?
Unda marhamat!
📌O‘zingiz amaliyotda qo‘llagan va samaraga erishgan metodikalarni qanday qo‘llash haqida maqolalar
📌 faningizga doir dars ishlanmalar
📌 dars jarayonidan qisqa videoroliklarni bizga yuboring!
"MA'RIFAT" gazetasi har bir yuborgan ishingizni e'tiborsiz qoldirmaydi. Eng yaxshi maqola, dars ishlanma va videorolik muallifi "Faslning eng yaxshi ijodkori" nominatsiyasida g‘olib bo‘ladi. G‘olib pul mukofoti yoki shu pul miqdoriga teng kitoblar jamlanmasi bilan taqdirlanadi.
O‘z ishlaringizni quyidagi telegram manzillariga yuboring: @zilola_muhammadali @sanamakh @fayozafar
@marifatziyo
Fikrlaringizni yozib qoldiring👇
✅ Telegram ✅ Instagram
✅ Facebook ✅ Mobil ilova
Кўзим –
кипригимга чандиб осилган
эълон ойнасидир севгим ёзилган...
Мансур ЖУМАЕВ
Нилуфар РУХИЛЛАЕВА
#yangi_loyiha
Do’stlar, o’tgan yili jadid bobolarimiz hayoti va ijodiy faoliyati haqida ma’lumot beruvchi “Jadidlar” to’plamini taqdim qilgandik.
Mazkur loyihaning mantiqiy davomi sifatida o’zini o’zbekistonlik deb hisoblagan har bir inson o’qishi va uqishi muhim bo’lgan – “Uyg’onish” to’plamini “Anorbooks” nashriyoti bilan hamkorlikda 20 ming nusxada
nashrdan chiqardik.
To’plamda Muso al-Xorazmiy, Ahmad al-Farg‘oniy, Imom Ismoil al-Buxoriy, Abu Mansur Moturidiy, Abu Nasr Forobiy, Abu Rayhon Buruniy, Abu Ali ibn Sino kabi jahon ilm-fan tamadduniga ulkan hissa qo’shgan ajdodlarimiz haqida qimmatli ma’lumotlar o’rin olgan.
Umid qilamizki, tez orada ushbu to’plam har bir vatandoshimizning xonadoniga yetib boradi.
P/s: Bu go’zal to’plamni hammaga tekin tarqatish niyatimiz yo’q. Faqatgina ta’lim muassalari, tashkilot va idoralar kutubxonalariga tarqatiladi. O’qishni istaganlar Anorbooks nashriyotiga murojaat qilib, sotib olishlari mumkin.
@abbosova_mehrinoz
КЎЗЁШ ВА ЖАННАТ
Қиз йиғлаб бораркан титраниб, қақшаб,
отанинг пойига бошин уришга,
ота ҳам йиғлади болага ўхшаб:
боласин кузатди жаннат қуришга.
Бир ўғлон онага кўзёш ичирди,
кўзёшин симириб, чой берди она.
Йиғлади,
йиғлашди,
қучди,
кечирди,
бағридан — жаннатдан жой берди она.
Сен узр сўрадинг қўлимдан тутиб,
қолмасин, дедим мен, кўнгил сингани,
кечирдим, банданинг айбидан ўтиб,
жаннатга киритган Худо сингари.
Унутмоқ, кечирмоқ давлатин олдим.
Барчамиз қаламмиз.
Муҳаббат — паргор.
Ерда ўз жаннатин топишдан олдин
ҳамма ҳам бир сидқи йиғлаши даркор.
Мен ҳам оқ қоғозга ҳар тун йиғлайман,
ҳар тонг ўз жаннатим сўрайдирман жим.
Мен ҳам ўз дилимга гоҳи сиғмайман,
Сен ҳам ўз дилингдан жой бер, Севгилим!
Мансур Жумаев
KO‘ZYOSH VA JANNAT
Qiz yigʻlab borarkan titranib, qaqshab,
otaning poyiga boshin urishga,
ota ham yig‘ladi bolaga o‘xshab,
bolasin kuzatdi jannat qurishga.
Bir o‘g‘lon onaga ko‘zyosh ichirdi,
ko‘zyoshin simirib, choy berdi ona.
Yig‘ladi,
yig‘lashdi,
quchdi,
kechirdi,
bag‘ridan — jannatdan joy berdi ona.
Sen uzr so‘rading qo‘limdan tutib,
qolmasin, dedim men, ko‘ngil singani,
kechirdim, bandaning aybidan o‘tib,
jannatga kiritgan Xudo singari.
Unutmoq, kechirmoq davlatin oldim.
Barchamiz qalammiz.
Muhabbat — pargor.
Yerda o‘z jannatin topishdan oldin
hamma ham bir sidqi yig‘lashi darkor.
Men ham oq qog‘ozga har tun yig‘layman,
har tong o‘z jannatim so‘raydirman jim.
Men ham o‘z dilimga gohi sig‘mayman,
Sen ham o‘z dilingdan joy ber, Sevgilim!
Mansur Jumayev
* * *
Меним уйим, ўчоғим,
Йўлим ҳам йўлчироғим,
Юрагимда чайқалган
Кўк денгиз, яшил боғим!
Яшасин уйғоқ кулгу!
Яшасин тирик туйғу!
Яшасин бу дунёда
Туркий сўз, туркий турку!
Тинмас туркийлар сойи!
Синмас туркийлар ёйи!
Яшнагай мангу бу боғ,
Дўстлик қуёши, ойи!
* * *
Menim uyim, o‘chog‘im,
Yo‘lim ham yo‘lchirog‘im,
Yuragimda chayqalgan
Ko‘k dengiz, yashil bog‘im!
Yashasin uyg‘oq kulgu!
Yashasin tirik tuyg‘u!
Yashasin bu dunyoda
Turkiy so‘z, turkiy turku!
Tinmas turkiylar soyi!
Sinmas turkiylar yoyi!
Yashnagay mangu bu bog‘,
Do‘stlik quyoshi, oyi!
Mansur Jumayev
#qutlaymiz
Vatanimizning mustaqillik to‘yi oldi qadrdon shoir do‘stlarimiz Bek Ali "Shuhrat" va Islomjon Qo‘chqorov "Kelajak bunyodkor" medallarni olgani bilan qutlayman!
Xalqning dardiga so‘zlardan malham izlayotgan, unga tuyg‘ular bag‘ishlayotgan bu shoir do‘stlarim hali millatning eng aziz hayot qo‘shiqlarini bitadi, qorong‘u kunlariga chiroq tutadi, xalqning kuch-qudratini ko‘rsatadi va go‘zal adabiyot yaratadi, deb ishonaman!
Barcha yaqinlari kabi quvonchli kunlari ko‘p bo‘lishini istayman!
Go‘zal she’rlar yashashi uchun har yurakda joy bor, xalqim, nega ko'ksingni siqasan?! Adabiyot bilan hayotingni chaqnat!
@javlonjovliyev