Islom.uz

12 июля 2025 07:02

#Ислом

Барча эшикларни беркитиб қўйишдан эҳтиёт бўлиш

Имом Аҳмад ибн Ҳанбал роҳимаҳуллоҳ айтадилар: «Йўлда кетаётган эдим, одамларнинг молини ўғирлайдиган йўлтўсар рўпарамдан чиқиб қолди. Ўша ўғрининг масжидда намоз ўқиётганини кўрдим ва ёнига бордим. Унга: «Бундай муомалани Мавло таборака ва таолога қилиш мумкинмас. Амалинг ҳалиги (ўғрилик) бўлар экан, Аллоҳ сендан бу намозингни асло қабул қилмайди» дедим.

Шунда ўғри: «Эй имом, мен билан Аллоҳнинг орасидаги кўплаб эшиклар беркилган. Шунинг учун биргина очиқ эшик қолдиришни истадим» деди.

Шундан сўнг бир неча ой ўтиб ҳаж ибодатини адо этгани бордим. Тавофим асносида Каъбапўшга ёпишиб олиб, «Сенга тавба қилдим, менга раҳм қилгин, Сенга нисбатан маъсият қилишга асло қайтмайман» деяётган кишини кўриб қолдим. Роббисига муножот қилиб оҳ уриб, тавба қилаётган бу киши ҳақида фикрлаб қолдим. Қарасам, мен билан суҳбатлашган ҳалиги ўғри экан. Ичимда «Битта очиқ эшик қолдирган эди, Аллоҳ унга барча эшикларни очиб берди» дедим.

Гуноҳкор бўлсангиз, кўп гуноҳ содир этган бўлсангиз ҳам ўзингиз билан Аллоҳ азза ва жалла ўртасида барча эшикларни беркитиб қўйишдан эҳтиёт бўлинг. Эҳтимол, биргина очиқ эшик сизга анчагина эшикларнинг очилишига сабаб бўлар.

🕋 @islomuz

Islom.uz

11 июля 2025 15:02

Zokirning tonggi vazifasi. Istig‘for

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

11 июля 2025 13:30

Ҳазрати Усмон Мусҳафининг тарихи ва бугунги кундаги аҳамияти

2025 йил 10 июль куни Қуръони Карим ходими, устоз, шайх Алижон қори Файзуллоҳ Махдум бошчилигида «Қуръон ва тажвидни ўргатиш» бўлими ходимлари Ўзбекистон мусулмонлари идораси кутубхонасига ташриф буюришди.

Маълумки, кутубхонада турли мавзудаги нодир қўлёзма асарлар, Қуръони Карим қўлёзма нусхаларининг намуналари сақланади. Мана шундай нодир манбалардан бири Ҳазрати Усмон мусҳафи ҳисобланади. Қуръони Каримнинг ушбу ноёб ва қадимий қўлёзма нусхаси тадқиқотчилар ва кенг жамоатчиликнинг доимий эътиборида бўлиб келган.

Ўзбекистон Республикаси Президенти Шавкат Мирзиёев раҳбарлигида 2023 йил 22 декабрь куни ўтказилган Республика маънавият ва маърифат кенгашининг кенгайтирилган йиғилишида музейлар фаолиятини такомиллаштириш бўйича етти йиллик дастур қабул қилиниши эълон қилинди. Ушбу йиғилиш давомида берилган топшириқлар бўйича 50-сон Баённоманинг 47-бандида Муқаддас китоб – Усмон Қуръони саҳифаларининг консервация ва реставрация қилинишини таъминлаш белгиланган. Мазкур дастурни амалга ошириш мақсадида Ўзбекистон Маданият ва санъатни ривожлантириш жамғармаси қўллаб қувватлови остида хорижлик мутахассислар, жумладан, Кембриж университетидан Кристине Росе, франциялик реставраторлар Акселл Делеау ва Коралие Барбе, Истанбул қўлёзмалар устахонаси ва архив бўлими мудири Нил Байдар Усмон мусҳафини босқичма-босқич таъмирлаш режасини ишлаб чиқиб, келгусида муҳофаза қилиш бўйича тавсияларни бердилар. Жумладан, «енгил реставрация ишлари»ни амалга оширишдан аввал Ҳазрати Усмон Қуръони саҳифаларини сканер қилиш ва матнини кодикологик тадқиқ қилиш бўйича йўналишлар белгилаб олинди.

Ушбу хайрли ишларнинг давоми сифатида бугун Ўзбекистон мусулмонлари идораси кутубхонасида Ҳазрати Усмон Мусҳафи матнини кодикологик тадқиқ қилиш бўйича муҳим йиғилиш бўлиб ўтди. Унда «Қуръон ва тажвидни ўргатиш» бўлими мудири шайх Алижон қори Файзуллоҳ ва Кутубхона мудири Камолиддин Маҳкамов бошчилигида бўлим ходимлари иштирок этишди. Йиғилишда «Мўйи муборак» мадраса-музейида сақланаётган Ҳазрати Усмон Мусҳафининг тарихи ва бугунги кундаги аҳамияти ҳақида сўз юритилиб, уни келажак авлодлар асраб-авайлашга хизмат қиладиган муҳим масалалар муҳокама қилинди. Жумладан, Ҳазрати Усмон Қуръони саҳифалари ва фондда сақланаётган 1905 йилда Санкт-Петербургда олинган нусхасини кодикологик тадқиқ қилиш бўйича таклиф ва мулоҳазалар билдирилиб, келгусида қилинадиган ишлар режалаштирилди.

🕋 @islomuz

Islom.uz

11 июля 2025 11:57

#Силаи_раҳм

Талоқ бўлиб қайтиб келганга нафақа қилиш

Аёл зоти турмуш қургунича отаси, ака-укаси ёки бошқа бирор эркак қариндошининг нафақасида бўлиши маълум. У оила қуриши билан эрнинг нафақасига ўтади. Энди оиласи бузилиб, эридан ажраган аёлга ким қарайди? Уни нафақа билан таъминлаган киши савоб оладими? Агар савоб оладиган бўлса, қандай ишнинг савобини олади? Ушбу мақолада шу каби саволларга жавоб келади.

عَنْ سُرَاقَةَ بْنِ جُعْشُمٍ: أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «يَا سُرَاقَةُ، أَلَا أَدُلُّكَ عَلَى أَعْظَمِ الصَّدَقَةِ - أَوْ قَالَ: أَعْظَمِ مِنَ الصَّدَقَةِ؟ -»، قَالَ: يَا رَسُولَ اللهِ بَلَى. قَالَ: «أَنْ تُكْرِمَ مَرْدُودَةً إِلَيْكَ لَيْسَ لَهَا كَاسِبٌ غَيْرَكَ».

Суроқа ибн Жуъшумдан ривоят қилинади:

«Расулуллоҳ соллаллоҳу алайҳи васаллам: «Эй Суроқа, сенга энг улуғ садақанинг ёки садақадан ҳам улуғроқ нарсанинг далолатини берайми?» дедилар.

«Ҳа, эй Аллоҳнинг Расули», деди.

«Ҳузурингга қайтиб келган ва сендан бошқа таъминотчиси бўлмаган аёлга икром кўрсатмоғинг», дедилар».

🔗 Тўлиқ ўқиш

🕋 @islomuz

Islom.uz

11 июля 2025 01:02

«Hadis va Hayot» silsilasining 4-juzidan

Ushbu hadisning sharhi.

#Hadis_va_Hayot

📚 @hadisislomuz

Islom.uz

10 июля 2025 15:02

Vird haqida

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

10 июля 2025 08:57

#Жамият

Орзуларни ўғирловчилар

Муаллим фикрини баён этиш мавзусини имтиҳон қилиш учун ўқувчилардан келажакдаги орзуларини ёзишни сўради. Талабалар ёзишга киришиб кетдилар. Ҳамманинг орзуси кичик жумлага жой бўларди. Фақат бир ўқувчи бундан мустасно. У қоғозни улкан орзулар билан тўлдириб ташлаган эди. У улкан қасрга, гўзал экинзорга, ҳашаматли машинага ва чиройли хотинга эга бўлишни орзу қилганди. Қоғозларга баҳо қўйиш асносида муаллим бу ўқувчига орзулар воқеликка тўғри келмайди ва рўёбга чиқиши амри маҳол, кунлик таомини топишга қурби етмайдиган кичкина боланинг шунча орзуси қандай амалга ошарди деган баҳона билан паст баҳо қўйди. Сўнг болага раҳм-шафқат қилишга қарор қилиб, ўзига муносиб орзу ёзиш шарти билан қоғозни қайтариб беришини, ана шунда катта баҳо қўйишини билдирди. Шунда бола тўла ишонч ва дадиллик билан муаллимга «Бояги баҳони сақлаб қўйинг устоз, мен орзуларимни сақлаб қўяман» деди. Орадан кўп ўтмай ўша бола орзу қилганидан кўпроғига эришди.

Орзуларни ўғирловчилар, истакларни синдирувчилар ҳаётимизда мавжуддир. Улар баъзан бизни масхара қиладилар. Улардан бири бор жидду жаҳдини олдимизга тўсиқ қўйишга сарф этади. Уларнинг бизга қарши яширин занжирлар, арқонлар тайёрлаб қўйишганини кўрасиз. Улар дўст либосидаги душманлар бўлиб, улардан эҳтиёт бўлиш, улардан огоҳ бўлиш керак.

🕋 @islomuz

Islom.uz

09 июля 2025 13:04

«Hadis va Hayot» silsilasining 4-juzidan

#Hadis_va_Hayot

📚 @hadisislomuz

Islom.uz

09 июля 2025 10:11

Диний-маърифий соҳадаги ҳамкорликни ривожлантириш муҳокама қилинди

Шу йилнинг 8 июль куни Ўзбекистон мусулмонлари идораси раиси, муфтий Нуриддин Холиқназар ҳазратлари Саудия Арабистони Подшоҳлигининг Ўзбекистондаги элчиси Юсуф ал-Утайбий бошчилигидаги делегацияни қабул қилдилар.

Мулоқотда сўнгги йилларда икки давлат ўртасидаги алоқалар мустаҳкамланиб бораётгани, ҳаж ва умра ибодатларини уюштириш ишлари янги босқичга кўтарилгани алоҳида қайд этилди. Хусусан, «Ҳаж – 2025» мавсуми ҳар жиҳатдан муваффақиятли ўтгани, мутасаддилар саъй-ҳаракати билан ҳожиларга юқори даражада шароит ва имкониятлар ҳозирлангани, ўзбекистонлик зиёратчилар тартиб-интизоми, одоб-ахлоқи билан барчага намуна бўлиб, рисолагидек тоату ибодат қилганлари эътироф этилди.

Учрашувда томонлар келгусида ҳам диний-маърифий соҳадаги ҳамкорликни янада ривожлантириш, ҳаж ва умра зиёратчиларига хизмат кўрсатиш сифатини ошириб бориш каби масалаларни муҳокама қилишди. Шунингдек, ҳамкорликда ўтказиладиган маърифий тадбирлар юзасидан ўзаро фикр-мулоҳаза алмашилди.

🕋 @islomuz

Islom.uz

09 июля 2025 07:01

#Кун_дуоси

Ҳар баландликда Аллоҳни улуғлаш

Анасдан розияллоҳу анҳудан ривоят қилинади:

«Расулуллоҳ соллаллоҳу алайҳи васаллам агар ернинг баланд қисмига кўтарилсалар

اللهُمَّ لَكَ الشَّرَفُ عَلَى كُلِّ شَرَفٍ، وَلَكَ الحَمْدُ عَلَى كُلِّ حَالٍ

«Аллоҳумма лакаш шарафу ъала кулли шарафин ва лакал ҳамду ъала кулли ҳал», деб айтардилар».

Маъноси: «Ҳар баландликда Сени улуғлаш ва ҳар ҳолатда Сенга ҳамд айтиш бор».

Ибн Сунний ривояти.

🕋 @islomuz

Islom.uz

08 июля 2025 13:04

#Саҳобалар_ҳаёти

Ислом умматига таҳдид қилинган нарса

عَنْ أَبِي مُوسَى t قَالَ: صَلَّيْنَا الْمَغْرِبَ مَعَ رَسُولِ اللهِ صَلَّى اللهُ عَلَيْهِ وَسَلَّمَ ، ثُمَّ قُلْنَا نَجْلِسُ حَتَّى نُصَلِّيَ الْعِشَاءَ، فَخَرَجَ عَلَيْنَا رَسُولُ اللهِ صَلَّى اللهُ عَلَيْهِ وَسَلَّمَ فَقَالَ: مَا زِلْتُمْ هَاهُنَا، قُلْنَا: نَعَمْ يَا رَسُولَ اللهِ، قُلْنَا نَجْلِسُ حَتَّى نُصَلِّيَ الْعِشَاءَ، قَالَ: أَحْسَنْتُمْ أَوْ أَصَبْتُمْ، ثُمَّ رَفَعَ رَأْسَهُ إِلَى السَّمَاءِ وَكَانَ كَثِيرًا مَا يَفْعَلُهُ فَقَالَ: النُّجُومُ أَمَنَةٌ لِلسَّمَاءِ فَإِذَا ذَهَبَتِ النُّجُومُ أُتِيَ السَّمَاءَ مَا تُوعَدُ، وَأَنَا أَمَنَةٌ لِأَصْحَابِي فَإِذَا ذَهَبْتُ أُتِيَ أَصْحَابِي مَا يُوعَدُونَ، وَأَصْحَابِي أَمَنَةٌ لِأُمَّتِي فَإِذَا ذَهَبَتْ أَصْحَابِي أُتِيَ أُمَّتِي مَا يُوعَدُونَ. رَوَاهُ مُسْلِمٌ.

Абу Мусо розияллоҳу анҳудан ривоят қилинади:

«Расулуллоҳ соллаллоҳу алайҳи васаллам билан Шом намозини ўқидик. Сўнгра «Хуфтонни ўқигунимизча ўтириб турайлик», дедик. Бас, Расулуллоҳ соллаллоҳу алайҳи васаллам олдимизга чиқдилар ва:

«Ҳали ҳам шу ердамисизлар?» дедилар.

«Ҳа, эй Аллоҳнинг Расули. Хуфтонни ўқигунимизча ўтириб турайлик, дедик», деб жавоб бердик.

«Яхши қилибсизлар» ёки «Тўғри қилибсизлар», дедилар у зот. Сўнгра бошларини осмонга кўтардилар. Кўпинча шундай қилар эдилар. Ке­йин у зот:

«Юлдузлар осмон учун омонликдир. Қачон юлдузлар кетса, осмонга унга таҳдид қилинган нарса келади. Мен саҳобаларим учун омонликдирман. Қачон мен кетсам, саҳобаларимга уларга таҳдид қилинган нарса келади. Саҳобаларим умматим учун омонликдирлар. Қачон саҳобаларим кетсалар, умматимга уларга таҳдид қилинган нарса келадир», дедилар».

Муслим ривоят қилган.

🔗 Тўлиқ ўқиш

🕋 @islomuz

Islom.uz

08 июля 2025 07:01

#Кун_дуоси

Тепаликка кўтарилганда такбир, пастликка тушганда тасбеҳ айтиш

Жобирдан розияллоҳу анҳудан ривоят қилинади: Бу зот: «Агар тепаликка кўтарилсак, такбир айтардик. Агар пастликка тушсак, тасбеҳ айтардик», деб айтдилар.

Имом Бухорий ривояти.

Ибн Умар розияллоҳу анҳудан ривоят қилинади:

«Расулулоҳ соллаллоҳу алайҳи васаллам ва аскарлари агар тепаликка кўтарилишса, такбир айтишар эди. Агар пастликка тушишса, тасбеҳ айтишар эди.

🔗 Тўлиқ ўқиш

🕋 @islomuz

Islom.uz

07 июля 2025 11:02

#Силаи_раҳм

Динимизнинг гўзаллигига боқинг!

Абдуллоҳ ибн Умар розияллоҳу анҳумо Мадинадан Маккага қараб йўлга чиқди. Туяга миниб олган, ёнида эшаги ҳам бор эди. Туяси чарчаганида эшагини минарди. Бошида салласи, эгнида бежирим чопони бор эди.

Йўлда саҳройи бир йигит учради. Абдуллоҳ ибн Умар розияллоҳу анҳумо унга:

– Сен фалончининг ўғли эмасмисан?! -деди.

У:

– Ҳа, мен ўшаман! -деб жавоб берди.

Абдуллоҳ ибн Умар розияллоҳу анҳумо унга деди:

– Мана бу эшакни ушла, у сенга. Мана бу саллани ҳам бошингга ўраб ол. Мана бу чиройли чопон ҳам сеники!

🔗 Тўлиқ ўқиш

🕋 @islomuz

Islom.uz

07 июля 2025 08:49

#Кун_дуоси

Сафарда маҳбуб бўлган дуолар

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Шак-шубҳасиз, уч дуо ижобат қилингандир: мазлумнинг дуоси, мусофирнинг дуоси, отанинг фарзандига қилган дуоси», деб айтдилар».

Абу Довуд, Термизий, Ибн Можа ривоятлари. Термизий бу ҳадисни ҳасан, деб айтдилар. Абу Довуддан қилинган ривоятда «фарзандига» деган лафз йўқ.

🕋 @islomuz

Islom.uz

06 июля 2025 13:02

#Мўминларга_эслатма

Имом Мотуридий даврида фикрий ва илмий ҳаёт

Имом Абу Мансур Мотуридий раҳматуллоҳи алайҳи яшаган давр – аббосийлар давлати даврида мусулмон оламида турли илмлар беқиёс ривожланди. Бу вақтдаги илмий ҳаракат жаҳон тарихидаги энг катта ва аҳамиятли ҳаракат бўлганини кўпчилик яхши билади. Мусулмонлар диний илмлар билан бир қаторда ақлий, фалсафий, тажрибий ва табиий илмларни ҳам ривожлантирдилар. Ўша даврда девон юритиш ва китоб ёзиш ишлари кенг миқёсда йўлга қўйилди. Илмий масалалар тартибга солинди, ҳар бир илм бошқасидан ажралиб чиқиб, ўзининг мавзуси ва услуби ила мустақил илмга айланди. Кўпгина янги илмлар, жумладан, тафсир, ҳадис, усулул фиқҳ илмлари пайдо бўлди. Мусулмонлар фалсафа, мантиқ, ҳисоб, табиат, кимёга ўхшаш илмларни юнон, ҳинд ва бошқа тиллардан араб тилига таржима қилишди.

Аббосийлар даврида – имом Абу Мансур Мотуридий даврида юз берган мазкур илмий ҳаракат Ислом тамаддунининг олтин даври бўлгани ҳаммага маълум. Ўша даврда, яъни ҳижрий учинчи ва тўртинчи асрларда кўпгина илмларнинг ёзма равишда шаклланиши юз берди.

🕋 @islomuz

Islom.uz

11 июля 2025 17:31

«Din nasihatdir» kitobi 2-son

📖 Shayx Muhammad Sodiq Muhammad Yusuf rahimahullohning qalamiga mansub «Din nasihatdir» kitobi suxandon lafzida

🎙Matnni islom.uz portali suxandoni Qamariddin Bekmuhammad o‘qigan.

🌐 https://youtu.be/K4JP7fTnD40

🕋 @islomuz

Islom.uz

11 июля 2025 14:04

#Ҳаж

Каъба эшигининг қулфи ва устига ёпилган матонинг тарихи

Султон Абдулҳамид Усмоний томонидан ҳижрий 1309, милодий 1891 йили ясалган эски қулф асосида ҳижрий 1399, милодий 1979 йили янги қулф қайта ишланди. Бу ўзгартириш янги эшикка муносиб бўлди. Уни қайта таъмирлашга эҳтиёж қолмади. Бу қулфнинг узунлиги 34 см. Ҳар томонининг эни 6 сантиметрдан. Ҳар бир томонида сариқ мисдан бир бўлак бор. У томонларнинг узунлиги 8 см, эни 2 см. Қулфга қуйидаги ибора ўйиб ёзилган: «Холид ибн Абдулазиз оли Сауд томонидан ҳижрий 1399 йили ясалган».

Энди каъба устига ёпилган матонинг тарихи ҳақида сўз юритамиз.

Ҳофиз ибн Ҳажар Асқалонийнинг хабар беришича, Каъбага биринчи бўлиб Исмоил алайҳиссалом кисва, яъни ёпқич ёпганлар. Бошқа бир ривоятда эса бу амални Аднон қабиласи қилгани айтилади.

🔗 Тўлиқ ўқиш

🕋 @islomuz

Islom.uz

11 июля 2025 12:35

«Hadis va Hayot» silsilasining 4-juzidan

#Hadis_va_Hayot

📚 @hadisislomuz

Islom.uz

11 июля 2025 09:06

#Жума

Масжидга кириш одоби ва туфламаслик

«Ибн Умар розияллоҳу анҳу масжидга ўнг оёғи билан кириб, чап оёғи билан чиқар эди».

وَكَانَ ابْنُ عُمَرَ يَدْخُلُ الْمَسْجِدَ بِرِجْلِهِ الْيُمْنَى وَيَخْرَجَ بِرِجْلِهِ الْيُسْرَى. رَوَاهُ الْبُخَارِيُّ.

Бухорий ривоят қилган.

Масжидда туфламаслик

Анас розияллоҳу анҳудан ривоят қилинади:

عَنْ أَنَسٍ رَضِيَ اللهُ عَنْهُ، عَنِ النَّبِيِّ صلى الله عليه وسلم قَالَ: «الْبُزَاقُ فِي الْمَسْجِدِ خَطِيئَةٌ وَكَفَّارَتُهَا دَفْنُهَا». رَوَاهُ الْأَرْبَعَةُ.

«Набий соллаллоҳу алайҳи васаллам: «Масжидда тупурмоқ гуноҳдир, унинг каффороти ювиш, кўмиш биландир», – дедилар».

Тўртовлари ривоят қилишган.

🕋 @islomuz

Islom.uz

10 июля 2025 21:12

Таъзия

«Hilol Nashr» нашриёт-матбааси ва Islom.uz портали жамоаси Тошкент вилоятининг Тошкент туманидаги «Ҳасанбой ота» жомеъ масжиди имом ноиби, Қуръони Карим ходими, устоз Яҳё қори Турдиевнинг вафоти муносабати билан у кишининг барча оила аъзоларига, қариндош-уруғларига, яқинлари ва шогирдларига самимий таъзия изҳор этамиз.

Аллоҳ таоло умрини дин хизматига бағишлаган устознинг машаққатли ва шарафли меҳнатларини, барча солиҳ амалларини ўзларига садақаи жория қилиб, раҳматига буркасин, мағфиратига олсин, қориларга ваъда қилинган ажру мукофотларидан баҳраманд қилиб, жаннатларига дохил айласин!

Ушбу оғир жудолик дамларида марҳумнинг аҳли байтларига, барча яқинларига Аллоҳ таолодан сабру жамил тилаймиз.

Иннаа лиллааҳи ва иннаа илайҳи рожиъуун!

Жаноза намози эртага бомдод намозидан сўнг «Ҳасанбой ота» жомеъ масжидида адо этилади.

Қуръони Карим ходими, устоз Яҳё қорининг фаолиятлари ҳақида маълумот:

⛓️ https://islom.uz/maqola/23922

🕋 @islomuz

Islom.uz

10 июля 2025 11:23

#Мўминларга_эслатма

Ҳазрат Таҳонавий билан бўлган воқеа

Ҳазрат Таҳонавий раҳматуллоҳи алайҳмурид ва яқинларига «сафар қилсангиз ва юкингиз сизга бепул олиб кетишингизга рухсат берган миқдордан ортиқ бўлса, албатта, ортиқча юкнинг ҳаққини адо этинг ва кейин сафар қилинг», дея кўрсатма берар эдилар.

Бир куни у киши сафар қилиш учун вокзалга етиб келдилар. Поезд келишига яқин қолган эди. Ҳазрат юкларини олиб, юклар тортиладиган жойга етиб келдилар ва навбатга турдилар. Тасодифан поездда бирга кетадиган кондуктор у ерга келди ва ҳазратни таниб қолди. Дарҳол: «Ҳазрат, сиз бу ерда нега турибсиз?» деб сўради.

Ҳазрат: «Юкимни торттириш учун келганман», дедилар.

Кондуктор: «Сизга юкингизни торттиришга зарурат йўқ. Ҳеч қандай муаммо бўлмайди. Мен сиз билан бирга поездда кетаман. Ортиқча юк учун ҳақ тўлашингиз шарт эмас», деди.

Ҳазрат: «Сиз мен билан бирга қаергача борасиз?» деб сўрадилар.

Кондуктор: «Фалон бекатгача бораман», деди.

Ҳазрат: «Кейин у ёғига нима бўлади?» деб сўрадилар. Кондуктор: «У бекатда бошқа кондуктор келади. Мен унга бу ҳазратнинг юклари, деб айтиб қўяман», деди.

Ҳазрат: «У кондуктор мен билан бирга қаергача боради?» деб сўрадилар.

Кондуктор: «У узоққа кетади. Ундан анча олдин сизнинг бекатингиз келади», деди.

Ҳазрат: «Йўқ, мен анча узоққа кетаман, охират тарафга кетаман, қабримга кетаман. Қайси кондуктор мен билан бирга кетади?» дедилар. Кейин: «Охиратда мендан бир давлатга оид поездда юкнинг ҳаққини адо қилмай қилган сафаринг ва ўғирлигинг ҳисобини бер деган талаб бўлса, у ерда қайси кондуктор менга ёрдам бера олади?!» дедилар.

🕋 @islomuz

Islom.uz

09 июля 2025 15:02

Tasavvuf haqidagi noto‘g‘ri tushunchalar

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

09 июля 2025 11:40

Оиша ар-Рожиҳий жомеъ масжиди

Саудия Арабистонидаги муҳим масканлардан бири «Ар-Рожиҳий» жомеъ масжидидир. Бу масжид нафақат Ислом меъморчилигининг ёрқин намунаси, балки исломий мероснинг муҳим рамзларидан биридир.

Масжиднинг манзили

Масжид Макка шаҳрининг ан-Насим туманида, яъни ҳарам ҳудуди ичида жойлашган. Шу боисдан, кўплаб зиёратчилар ушбу масжидга ташриф буюрадилар ва уни муқаддас масканлардан бири сифатида кўрадилар.

Оиша ар-Рожиҳий жомеъ масжиди

Бу масжидни машҳур саудиялик тадбиркор шайх Сулаймон ар-Рожиҳий ўз онасига вақф сифатида қурдирган. Шунинг учун масжид унинг онаси номи билан «Жомеъ Оиша ар-Рожиҳий» деб аталади. Масжид 1434 ҳижрий йил, 22 Шаъбон куни расман очилган. Очилиш маросимида Макка вилояти амири Холид ал-Файсал ҳам иштирок этган.

🔗 Тўлиқ ўқиш

🕋 @islomuz

Islom.uz

09 июля 2025 08:44

Qani endi hamma ilmni haqqini ado qilsa...

"Hazratni xotirlab" ko‘rsatuvining 86-soni

Rahmatulloh qori O'shiy

🌐 https://youtu.be/39-_b5A1Fq0

🕋 @islomuz

Islom.uz

08 июля 2025 15:01

Bemazhablarning da’volari

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

08 июля 2025 11:02

#Мазҳабда_муваффақият_бор

Усулул-фиқҳ тушунчаси

Ҳозир айтмоқчи бўлган гапларимиз илмий жиҳатдан таслим бўлинган, эътироф этилган, яъни тўлалигича мавжуд, машҳур ва бор экани тан олинган мавзудир. Ҳар қандай одам озгина фикр юритса, буни англаб олиши мумкин. Аммо кўплаб чалғитишлар натижасида бу мавзу воқеликдан анча узоқлашиб қолган. Олдинги мавзуимизнинг охирларида айтиб ўтганимиздек, шаръий ҳукмларни билишда усулул-фиқҳга ниҳоятда муҳтожмиз. Ушбу усулул-фиқҳ қоидалари мутлақ мужтаҳид томонидан ишлаб чиқилган бўлиши, мутлақ мужтаҳид бунда Қуръонда, Суннатда ва асарларда келган далилларга асосланган бўлиши керак эди. Яна қўшимча қиладиган бўлсак, мутлақ мужтаҳидлар қоидаларни ишлаб чиқиш ва истинбот қилиш билан шуғулланишган. Олдинги мавзуда айтиб ўтганмизки, истинбот – масалаларни эмас, балки қоидаларни келтириб чиқаришдир. Мутлақ мужтаҳидлар усулул-фиқҳ ёрдамида Қуръон ва Суннатга мувофиқ иш қилишган. Мутлақ мужтаҳидлар Қуръонда, Суннатда ва асарларда келган жуда кўп қоидаларни ишлаб чиқишган.

🔗 Тўлиқ ўқиш

🕋 @islomuz

Islom.uz

07 июля 2025 13:03

#Суннат

Неъмат учун Аллоҳга шукр қилиш

وَقَالَ أَبُو هُرَيْرَةَ رَضِي اللهُ عَنْهُ: مَا عَابَ النَّبِيُّ صَلَّى اللهُ عَلَيْهِ وَسَلَّمَ طَعَامًا قَطُّ، إِنِ اشْتَهَاهُ أَكَلَهُ، وَإِنْ كَرِهَهُ تَرَكَهُ. رَوَاهُ الثَّلَاثَةُ.

Абу Ҳурайра розияллоҳу анҳу:

«Набий соллаллоҳу алайҳи васаллам ҳеч қачон ҳеч бир таомни айбламадилар. Иштаҳалари тортса, ер эдилар. Кўнгиллари тусамаса, тек қўяр эдилар», деди».

Учовлари ривоят қилганлар.

Ҳар қандай ҳалол таом банда учун Аллоҳ таолонинг неъмати ҳисобланади. Ҳар қандай неъмат учун банда Аллоҳ таолога шукр қилиши лозим. Фақат нонкўр инсонгина шукр ўрнига таомни айблашга ўтади. Пайғамбар соллаллоҳу алайҳи васаллам доимо шукр қилувчи банда бўлганлар.

🔗 Тўлиқ ўқиш

🕋 @islomuz

Islom.uz

07 июля 2025 09:41

Индонезияда Мовароуннаҳр мероси эътироф этилди

Айни вақтда Ўзбекистон халқаро исломшунослик академияси, Ўзбекистон мусулмонлари идораси, Имом Бухорий, Имом Мотуридий ва Имом Термизий халқаро илмий-тадқиқот марказлари ҳамда Дин ишлари қўмитаси вакилларидан иборат Ўзбекистон делегацияси Индонезияда хизмат сафарида бўлиб турибди. Бу ҳақда Имом Бухорий халқаро илмий-тадқиқот маркази матбуот хизмати хабар берди.

3 июл куни делегация иштирокида Жакартада «Мовароуннаҳрдан Жануби-Шарқий Осиёга: ҳадис илмлари ва интеллектуал алоқалар« мавзусида халқаро илмий-амалий конференция иш бошлади. Маросимда Имом Бухорий халқаро илмий-тадқиқот маркази директори, тарих фанлари доктори, профессор Шовосил Зиёдов ташкилий қўмита номидан табрик нутқи сўзлаб, Мовароуннаҳрнинг ҳадис илмида тутган ўрни ва Имом Бухорий каби алломаларнинг дунё илм-фанига қўшган ҳиссасини алоҳида таъкидлади.

Конференция доирасида ислом илмлари, хусусан ҳадисшунослик, тафсир ва фалсафа соҳаларидаги тарихий мерос, унинг Жануби-Шарқий Осиёдаги таъсири, замонавий таҳдидлар ва маърифий ёндашувлар каби мавзулар атрофлича муҳокама этилди.

Тадбирнинг асосий қисмида «Мовароуннаҳрда ҳадис илми ривожи» мавзусида маъруза қилиниб, Марказий Осиё, хусусан, Бухоро, Самарқанд ва Термиз каби шаҳарларда IX–X асрларда шаклланган ҳадис илми мактаблари, уларнинг усул ва анъаналари, Имом Бухорий ва Имом Термизий каби алломаларнинг ўрни ҳақида атрофлича сўз юритилди. Ҳамкорликни кенгайтириш, қўшма тадқиқотлар, талабалар ва илмий ходимлар алмашинуви бўйича қатор таклифлар илгари сурилди.

🕋 @islomuz

Islom.uz

06 июля 2025 15:02

Hammamiz havas qilar edik...

"Hazratni xotirlab" ko‘rsatuvining 86-soni

Rahmatulloh qori O'shiy

🌐 https://youtu.be/39-_b5A1Fq0

🕋 @islomuz

Islom.uz

06 июля 2025 12:03

🎉 «Руҳий тарбия» тўплами 17-марта қайта нашр қилинди

👉 Нархи: 230 000 сўм