Islom.uz

07 марта 2025 15:01

Ro‘zaning foydalari

Inson jismiga ko‘plab zararli moddalar kirib, to‘planib qoladi. Ana o‘sha moddalar faqat ro‘za tutish orqali chiqib ketadi. Bu ro‘zaning ba’zi foydalari xolos.

Ramazon oyingiz muborak bo‘lsin!

#Allohning_mojizalari

🕋 @islomuz

Islom.uz

07 марта 2025 13:02

#Мазҳабда_муваффақият_бор

Тақлид – барча илмларда жорий бўлган одат

Ҳозирги замонда одамлар Қуръондан, Суннатдан ҳукм чиқаришга жуда журъатли бўлиб кетишяпти. Ҳамма ўзича фикр билдираверади. Ушбу ҳолатнинг келиб чиқишига айнан ташаддуд йўналиши сабаб бўляпти. Ташаддуд айнан мана шундай фикрлашга чақиради.

Ҳаммага маълумки, Ислом динини одамлар бир-биридан, силсилавий тарзда ўрганиб келишган, дин масаласида доим уламоларга мурожаат қилишган. Булар эса олдиларига Қуръон ва ҳадисларни қўйиб олиб, хоҳлаганича ҳукм олишга уринишади.

🔗 Тўлиқ ўқиш: https://islom.uz/maqola/23373

🕋 @islomuz

Islom.uz

07 марта 2025 11:03

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

07 марта 2025 06:04

#Жума

Жума намозида зам сура ўқиш

عَنِ ابْنِ عَبَّاسٍ رَضِيَ اللهُ عَنْهُمَا: أَنَّ النَّبِيَّ صلى الله عليه وسلم كَانَ يَقْرَأُ فِي صَلَاةِ الْجُمُعَةِ سُورَةَ الْجُمُعَةِ وَالْمُنَافِقِينَ.

Ибн Аббос розияллоҳу анҳумодан ривоят қилинади:

«Набий соллаллоҳу алайҳи васаллам жума намозида Жума сурасини ва Мунофиқун сурасини ўқир эдилар».

عَنِ النُّعْمَانِ بْنِ بَشِيرٍ رَضِيَ اللهُ عَنْهُ قَالَ: كَانَ النَّبِيُّ صلى الله عليه وسلم يَقْرَأُ فِي الْعِيدَيْنِ وَفِي الْجُمُعَةِ بِــ ﮋ ﮟ ﮠ ﮡ ﮢﮊ وَﮋﭤ ﭥ ﭦ ﭧﮊ قَالَ: وَإِذَا اجْتَمَعَ الْعِيدُ وَالْجُمُعَةُ فِي يَوْمٍ وَاحِدٍ يَقْرَأُ بِهِمَا أَيْضًا فِي الصَّلَاتَيْن. رَوَاهُمَا الْخَمْسَةُ إِلَّا الْبُخَارِيَّ.

Нуъмон ибн Башир розияллоҳу анҳудан ривоят қилинади:

«Набий соллаллоҳу алайҳи васаллам икки ҳайит намозида ва жумада «Саббиҳисма Роббикал Аъло» ва «Ҳал атака ҳадисул ғошия»ни ўқир эдилар. Ҳайит ва жума бир кунда жамланиб қолса, иккала намозда ҳам ўша иккови(сура)ни ўқир эдилар».

Икковини бешовларидан фақат Бухорий ривоят қилмаган.

Жобир ибн Самура розияллоҳу анҳудан ривоят қилинади:

«Набий алайҳиссалом жума куни шом намозида «Қул йа айюҳал каафируун» ва «Қул ҳуваллоҳу аҳад»ни ўқирдилар, хуфтон намозида эса Жума сурасини ва Мунофиқун сурасини ўқир эдилар».

Байҳақий ривоят қилган.

🔗 https://islom.uz/maqola/12234

🕋 @islomuz

Islom.uz

06 марта 2025 15:02

G‘animat damlar

🔗 Havola ko'rsatuvi

🔗 https://islom.uz/maqola/21375

🕋 @islomuz

Islom.uz

06 марта 2025 11:44

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

06 марта 2025 10:02

#Рўза

Рўзадор беҳуда амаллардан тийилмоғи лозим

عَنْ أَبِي هُرَيْرَةَرَضِي اللهُ عَنْهُ و عَنِ النَّبِيِّ صلى الله عليه وسلم قَالَ: رُبَّ صَائِمٍ لَيْسَ لَهُ مِنْ صِيَامِهِ إِلَّا الْجُوعُ، وَرُبَّ قَائِمٍ لَيْسَ لَهُ مِنْ قِيَامِهِ إِلَّا السَّهَرُ. رَوَاهُ ابْنُ مَاجَهْ وَأَحْمَدُ وَالْحَاكِمُ.



Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Баъзи рўзадорлар борки, уларга рўзаси учун очликдан ўзга нарса бўлмас. Баъзи тунда бедор бўлган борки, уларга бедорлиги учун уйқусизликдан ўзга нарса бўлмас», дедилар».

Ибн Можа, Аҳмад ва Ҳоким ривоят қилганлар.

🔗 Тўлиқ ўқиш: https://islom.uz/maqola/16219

🕋 @islomuz

Islom.uz

05 марта 2025 23:34

#Рўза

Саҳарлик қилиш қандай амал?

Савол: Саҳарлик қилиш қандай амал?

Жавоб: Саҳарлик қилиш мустаҳаб амалдир. Саҳарлик қила олмаган киши субҳи содиқдан то қуёш ботгунча ҳеч нарса еб-ичмасдан рўза тутса, рўзаси дуруст бўлаверади. Рамазон рўзаси бўлса ҳам, нафл рўза бўлса ҳам.

Савол: Билмай субҳи содиқдан кейин таомланса, рўза дуруст бўлаверадими?

Жавоб: Йўқ, дуруст бўлмайди. Рўза субҳи содиқдан қуёш ботгунча Аллоҳ таолога қурбат ҳосил қилиш ниятида еб-ичиш ва жимоъ қилишни тарк қилишдир. Киши ҳали субҳи содиқ кирмади, деган ўйда саҳарлик қилсаю, субҳи содиқ кириб бўлган бўлса ёки қуёш ботиб бўлди, деган хаёлда ифторлик қилиб юборсаю, қуёш ҳали ботмаган бўлса, унинг зиммасига ўша кун рўзасининг қазоси лозим бўлади, каффорат эмас.

🔗 Тўлиқ ўқиш: https://islom.uz/maqola/10998

🕋 @islomuz

Islom.uz

05 марта 2025 15:01

Insoniylikning qadri

Agar inson yomonlikdan saqlanib, yaxshilikka intilib, Yaratganga muhabbat va itoat bilan yashasa, uning qadr-qimmati shunga yarasha bo‘ladi.

🕋 @islomuz

Islom.uz

05 марта 2025 12:02

#Рўза

Ким рўзадорга ифтор қилса, унинг ажрича савоб олур

عَنْ زَيْدِ بْنِ خَالِدٍ الْجُهَنِيِّ رَضِي اللهُ عَنْهُ، عَنِ النَّبِيِّ صلى الله عليه وسلم قَالَ: مَنْ فَطَّرَ صَائِمًا كَانَ لَهُ مِثْلُ أَجْرِهِ، غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا. رَوَاهُ التِّرْمِذِيُّ وَأَحْمَدُ.

Зайд ибн Холид ал-Жуҳаний розияллоҳу анҳудан ривоят қилинади:

«Набий соллаллоҳу алайҳи васаллам:

«Ким рўзадорни ифтор қилдирса, унга унинг ажрича ажр бўлур. Шу билан бирга, рўзадорнинг ажридан ҳеч бир нарса кам бўлмас», дедилар».

Термизий ва Аҳмад ривоят қилганлар.

🔗 Тўлиқ ўқиш: https://islom.uz/maqola/16223

🕋 @islomuz

Islom.uz

05 марта 2025 09:55

#Рўза

Ифторликнинг суннат бўлган дуолари

Савол: Ифторликнинг суннат бўлган дуолари қайси?

Жавоб:

Ибн Аббос розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам ифторлик қилиш вақтида «Аллоҳумма, лака сумнаа ва ъалаа ризқика афторнаа, фатақоббал миннаа, иннака антас Самийъул-Алийм» (Аллоҳим, Сен учун рўза тутдик, берган ризқингдан ифторлик қилдик, бизлардан қабул айла. Албатта, Сен Эшитувчи ва Билувчи Зотсан), дер эдилар».

Дорақутний ривоят қилган.

🔗 Тўлиқ ўқиш: https://islom.uz/maqola/11003

🕋 @islomuz

Islom.uz

04 марта 2025 14:01

Iymon, Islom, ixlos, ilm

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

04 марта 2025 11:36

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

04 марта 2025 10:04

#Саҳобалар_ҳаёти

Менинг насиҳатимни бутун дунё тинглаб турибди

Умар ибн Хаттоб розияллоҳу анҳу нафақат танқидни кўтариш ва уни тўғри тушуниш, балки насиҳат тинглаш жасоратига ҳам эга эдилар.

У киши розияллоҳу анҳуда «Менинг насиҳатимни бутун дунё тинглаб турибди-ку, менга ким ҳам насиҳат қила олар эди», деган тушунча мутлақо йўқ эди.

Хавла бинти Саълабанинг насиҳати

Ибн Абу Ҳотим, Байҳақий ва Доримийлардан ривоят қилинишича, ҳазрати Умар Ибн Хаттоб ўз халифалик даврларида бир гуруҳ кишилар билан кетаётган эканлар, бир аёл у кишини узоқ тўхтатиб қолиб, халифага ваъз-насиҳат қила бошлабди.

«Эй Умар, – дебди у. – Яқиндагина «Умарча» деб аталардинг, улғайганингдан сўнг «Эй Умар» деб аталадиган бўлдинг. Энди эса «Эй амирал мўминин», деб аталмоқдасан. Аллоҳдан қўрққин, эй Умар! Ким ўлимга ишонса, умрини бекор ўтказишдан қўрқади, ким ҳисоб-китобга ишонса, азобдан қўрқади», дея сўзлайверибди у. Ҳазрати Умар бўлсалар, жим қулоқ солиб турар эканлар. Атрофдагилар у кишига:

🔗 Тўлиқ ўқиш: https://islom.uz/maqola/23355

🕋 @islomuz

Islom.uz

04 марта 2025 06:02

#Кун_дуоси

Сенинг иноятларинг бор

اللَّهُمَّ إِنَّ لَكَ نَسَمَاتَ لُطْفٍ إِذَا هَبَّتْ شَفَتْ مَرِيْضَ غَفْلَةٍ، وَإِنَّ لَكَ نَفَحَاتٍ

إِذَا تَوَجَّهَتْ إِلَى أَسِيْرِ هَوًى أَطْلَقَتْهُ، وَإِنَّ لَكَ عِنَايَاتٍ إِذَا لَاحَظْتَ غَرِيْقًا فِي بَحْرِ الضَّلَالَةِ أَنْقَذْتَهُ، وَإِنَّ لَكَ لَطَائِفَ كَرَمٍ إِذَا ضَاقَتِ الحَيْلَةُ بِمُذْنِبٍ وَسِعَتْهُ، وَإِنَّ لَكَ

فَضَائِلَ وَنِعَمًا إِذَا تَحَوَّلَتْ إِلَى فَاسِدٍ أَصْلَحْتَهُ، وَإِنَّ لَكَ نَظَرَاتَ رَحْمَةٍ إِذَا نَظَرْتَ بِهَا إِلَى غَافِلٍ أَيْقَظْتَهُ.

Аллоҳим, Сенинг лутфингни енгил шамоли бор. Агар у эсадиган бўлса, ғафлат касалидаги одамга шифо беради. Албатта, Сенинг тортиқ қиладиган нарсаларинг бор, агар уни ҳавойи нафсига асир бўлганга таважжуҳ қилсанг, уни бу асирликдан озод қиласан. Албатта, Сенинг иноятларинг бор, агар у билан залолат денгизига ғарқ бўлганга қарасанг, уни қутқарасан. Албатта, Сенинг карамингни лутфлари бор, агар бир гуноҳкор банда торчиликка тушса, уни кенгчиликка олиб чиқади. Албатта, Сенинг фазилат ва неъматларинг бор, агар улар фосидга айланса, уни тўғрилайсан. Албатта, Сенинг раҳмат назарларинг бор, агар у билан бир ғофилга назар солсанг, уни ғафлатидан уйғотасан.

🔗 https://islom.uz/maqola/23351

🕋 @islomuz

Islom.uz

07 марта 2025 14:01

Vaqf qilingan ilm maskanlari

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

07 марта 2025 12:02

#Рамазон

Рамазон боғи

Сиз ҳозир Рамазон аталмиш боғда сайр қилмоқдасиз... Боғ шириндан шакар мевалару анвойи озуқаларга тўла. Улардан бир кун, олти ой, бир йил, ё умрингиз охиригича етадиганини териб олишингиз мумкин. Бу сизнинг истагингиз!

Фақат боққа кириш имконига эга бўла туриб, ҳеч нарсасиз чиқиб кетиб қолманг! Боғнинг мевалари беҳисоб. Шу кунларда ҳамма «саватини» ноз-неъматларга тўлдириш билан овора.

Бу боғнинг боғбони эса ўзининг энг саботли, энг ихлосли меҳмонларига чегирмалар эълон қилган. Ҳа, ҳа, ажойиб чегирмалар! Бирга етмиш баробар!

Ҳамма хоҳлаган мевасидан истаганича захира тўпласин! Шунча неъматдан қуруқ чиққан, охирати учун захира ололмаган киши нақадар бахтсиздир!

Имконни қўлдан бой бермайлик!

🔗 https://islom.uz/maqola/23371

🕋 @islomuz

Islom.uz

07 марта 2025 10:01

#Рўза

Рўзадорга мақбул бўлмаган амал

عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ لَمْ يَدَعْ قَوْلَ الزُّورِ وَالْعَمَلَ بِهِ فَلَيْسَ ِللهِ حَاجَةٌ فِي أَنْ يَدَعَ طَعَامَهُ وَشَرَابَهُ. رَوَاهُ الْخَمْسَةُ إِلَّا مُسْلِمًا.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Ким ёлғон гапиришни ва унга амал қилишни қўймаса, унинг таоми ва шаробини тарк қилишига Аллоҳнинг эҳтиёжи йўқ», дедилар».

Бешовларидан фақат Муслим ривоят қилмаган.

🔗 Тўлиқ ўқиш: https://islom.uz/maqola/16212

🕋 @islomuz

Islom.uz

06 марта 2025 15:45

Туркия телеканалларида Ўзбекистон зиёрат туризми тарғиб этилмоқда

Туркиянинг «ТРТ-Аваз» ва «Самарқанд-ТВ» телеканалларининг муборак Рамазон ойи учун мўлжалланган дастурларида Ўзбекистон тарихий шаҳарлари ҳақидаги кўрсатувлар намойиш этилаётир. Бу ҳақда «Дунё» АА мухбири хабар беради.

Мазкур телеканалларнинг муборак Рамазон дастурлари учун айнан Ўзбекистонни танлагани бежиз эмас. Чунки, турк халқи мамлакатимизни «Ота юрт» дея эъзозлайди, муштарак миллий ва диний қадриятларимизнинг асосларини Мовароуннаҳрда деб билади.

«ТРТ-Аваз» теканалида намойиш этилаётган «Туркистонда сўзнинг моҳияти», «Самарқанд-ТВ»да тақдим этаётган «Саҳарлик мажлиси» ва «Ифтордан аввал» дастурлари бутун Рамазон ойи давомида «прайм-тайм» вақтида эфирга узатилаётгани эътиборга моликдир.

Қайд этиш керакки, дастурлар давомида мамлакатимизнинг тарихий ва муқаддас диний қадамжолари, Мовароуннаҳрда етишиб чиққан ислом оламидаги машҳур олимлар, шунингдек, сўнгги йилларда юртимиздаги қадимий зиёратгоҳларни асраб-авайлаш ва ободонлаштириш бўйича амалга оширилаётган ишлар ҳақидаги маълумотлар томошабинлар эътиборига тақдим этиляпти.

Мазкур телелойиҳалар мамлакатимизнинг зиёрат туризми салоҳиятини тарғиб қилиш ва юртимизга сайёҳлар оқимини кўпайтириш йўлидаги муҳим қадам ҳисобланади.

🔗 https://islom.uz/maqola/23370

🕋 @islomuz

Islom.uz

06 марта 2025 14:01

Ilm maskanlari

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

06 марта 2025 10:24

«Кичик Самарқанд» масжиди ҳақида биласизми?

Собиқ Россия империяси пойтахтининг қоқ марказида қандай қилиб улкан мусулмон масжиди қурилган эди?

1900-йилларда Санкт-Петербург шаҳрида 4 мингга яқин мусулмон яшаган ва улар орасида марказий осиёлик талабалар ва савдогарлар ҳам бўлган. Лекин жамоат ибодати учун жой муаммо эди. Шунда маҳаллий мусулмонлар масжид қуриш ҳаракатига тушишади.

Жой учун рухсат, харажатларга пул топишдан ташқари, қурилишга қарши турадиган проваслав насронийларини ҳам тинчлантириш масаласи турарди. Масжид кўтаришга 500 минг рубл керак эди. Мусулмонлар эса 33 минг рубл тўплашади, холос.

🔗 Тўлиқ ўқиш: https://islom.uz/maqola/23369

🕋 @islomuz

Islom.uz

06 марта 2025 06:02

#Кун_ҳадиси

Жаннат аҳли

Абу Ҳурайра розияллоҳу анҳудан ривоят қилинади:

«Бир аъробий Пайғамбар алайҳиссалом ҳузурларига келиб: «Мени бир амалга йўллангки, уни қилсам, жаннатга кирайин», деди. Расулуллоҳ соллаллоҳу алайҳи васаллам: «Аллоҳга бирор нарсани шерик қилмасдан Унга ибодат қилишинг, фарз қилинган намозни тўлиқ ўқишинг, фарз қилинган закотни беришинг ва Рамазон ойида рўза тутишинг», дедилар.

Аъробий айтдики: «Жоним қўлида бўлган Зотга қасам, мен бунга бирор нарсани қўшимча қилмайман». У ортига бурилиб кетганида Пайғамбар алайҳиссалом: «Кимни жаннат аҳлидан бир кишига қараш хурсанд қиладиган бўлса, шу одамга қарасин», дедилар».

Имом Бухорий ва Муслим ривоятлари.

🔗 https://islom.uz/maqola/23368

🕋 @islomuz

Islom.uz

05 марта 2025 16:02

Ekin va mevalardan zakot (ushur) berish bobi 2-qism

Hidoya 118-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Ushur – lug‘atda o‘ndan bir deganidir. Shariatda yerdan unib chiqqan ekin, mevalar va hosillardan olinadigan soliq bo‘lib, uning miqdori shu hosillarning o‘ndan birini tashkil qiladi.

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

05 марта 2025 14:01

Islom – ilm dini

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

05 марта 2025 11:01

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

05 марта 2025 06:02

#Рамазон

Рўзадор киши бажариши муҳим бўлган амал

Рўзадор кишига қуйидагилар суннатдир:

1. Нафсни ёмон ниятлардан тўхтатиш;

2. Фойдасиз ҳамда уятсиз сўзларни гапиришдан ва эшитишдан ўзини сақлаш;

3. Биров билан уришишдан, ҳар қандай гуноҳ ишлардан ўзни тортиш;

4. Мумкин қадар истиғфор, зикр ва тасбеҳ билан банд бўлиш;

5. Қуръон ўқиш;

6. Қуёш ботган вақтда шом намозини ўқишдан олдин бир қултум сув билан бўлса ҳам оғиз очиш;

7. Рамазон ойида ҳар куни хуфтон намозидан сўнг йигирма ракат таровеҳ намози ўқиш;

8. Таровеҳ намозида Қуръони Каримни ўқиб ёки эшитиб хатм қилиш;

9. Рамазонда хуфтонни жамоат билан ўқиган киши учун витр намозини ҳам жамоат билан ўқиш.

🔗 https://islom.uz/maqola/23367

🕋 @islomuz

Islom.uz

04 марта 2025 13:02

#Нуқтаи_назар

Рамазон гуноҳлардан тийилиш ойи

Аллоҳ таоло бандаларига карам ва меҳрибонлик кўрсатиш учун бу ойни бошқаларидан фарқли қилган. Бу ойда исёнкор шайтонлар жиловланади, дўзах эшиклари ёпилади, жаннат эшиклари очилади, гуноҳлар мағфират қилинади. Рамазон гуноҳлардан тийилиш, Аллоҳ қайтарган нарсалардан чинакамига, бутунлай қайтишни, синов дунёсининг машаққатларига сабр қилишни ўрганиш ойидир.

Шайх Муҳаммад Содиқ Муҳаммад Юсуф

🔗 https://islom.uz/maqola/23366

🕋 @islomuz

Islom.uz

04 марта 2025 11:32

Хушхабар: «Исломга бағишланган умр» китоби турк тилида

Фазилатли шайх Муҳаммад Содиқ Муҳаммад Юсуф ҳазратларининг ҳаёт йўлларига бағишланган, ҳазратнинг инилари Муҳаммад Амин Муҳаммад Юсуф томонидан ёзилган «Исломга бағишланган умр» китоби «Duruş» нашриёти томонидан чоп қилинди.

Ушбу китоб шайх ҳазратларининг болалик даврларидан бошлаб то вафотларигача бўлган даврни ҳикоя қилади.

Шайх ҳазратлари бошқа одамлар каби мактабда, мадрасада, олийгоҳда ўқиганлар, аммо қандай қилиб бундай улуғ даражага етганлар, деган савол кўпчиликни қизиқтиради. Китоб орқали ушбу саволга ҳам жавоб олиш мумкин.

Шунингдек, китобдан шайх ҳазратларининг ота-оналари, оилалари, фарзандлари ҳақида, ҳаётларининг оғир синовларидан қандай ўтганлари ҳақида ҳам маълумотлар келтирилган.

Эслатиб ўтамиз, «Исломга бағишланган умр» китобидан олдин шайх ҳазратларининг қаламларига мансуб «Иймон» номли китоблари ҳам турк тилига таржима қилиниб, нашр бўлган эди. Шунингдек, ҳазратнинг бир қатор китоблари рус, қорақалпоқ, қирғиз, инглиз тилларига таржима қилинган ва ҳозирда ҳам бу жараён давом этмоқда.

«Исломга бағишланган умр» китобининг турк тилидаги нашрига «Duruş» нашриётининг расмий саҳифасидан буюртма беришингиз мумкин.

Аллоҳ таоло бу янгиликни барчамиз учун, хоссатан, қардош турк халқи учун муборак ва манфаатли қилсин!

🔗 https://islom.uz/maqola/23364

🕋 @islomuz

Islom.uz

04 марта 2025 09:08

Муфтий ҳазратларининг Рамазон ойи табриклари нуфузли халқаро ташкилот саҳифаларида

Ўзбекистон мусулмонлари идораси раиси, муфтий Нуриддин Холиқназар ҳазратларининг Ислом умматини Рамазон ойи билан муборакбод этган табриклари нуфузли халқаро ташкилот – Мусулмон донишмандлар кенгашининг ижтимоий тармоқларида машҳур уламолар қаторида эълон қилинди. Жумладан:

– Бутун дунёдаги ака-ука, опа-сингиллар, барчангизни раҳмат ва мағфират ойи бўлмиш муборак Рамазон ойи кириб келиши билан чин қалбимдан табриклайман. Аллоҳ таолодан бу ойни сиз ва оилангиз учун хайр, барака ва раҳматга тўла бўлишини, барчамизни унинг рўзаси ва (кечаларини) қоим қилишга муваффақ этишини ҳамда амалларимизни қабул қилиб, гуноҳларимизни мағфират қилишини сўрайман, – дейилади қутлов муқаддимасида.

🔗 Тўлиқ ўқиш: https://islom.uz/maqola/23359

🕋 @islomuz

Islom.uz

03 марта 2025 14:03

Ilm bilan iymon chambarchas bog‘liqdir

Shayx Muhammad Sodiq Muhammad Yusuf rahimahulloh

🕋 @islomuz