Islom.uz

03 марта 2025 12:02

#Мўминларга_эслатма

Дунё ва охират саодати учун режа

Мўмин-мусулмон инсон кундалик ҳаётида дунё ва охират саодатига мушарраф қилувчи энг муҳим режаларни тузиб, шу асосда иш юритиши лозим. Қуйида кундалик ҳаётимиз учун муҳим бўлган қонун-қоидаларни санаб ўтамиз:

– Намозларни суннат ва нафллари билан бирга вақтида адо этиш.

– Зикрларни вақти ва муайян сабабига кўра вазифа қилиб адо этиш.

– Расулуллоҳ соллаллоҳу алайҳи васалламга салавот, тасбеҳ, таҳмид, таҳлил ва такбир каби мутлақ зикрларни ва бошқаларни адо этиб бориш.

– Қуръондан кундалик вирдларни ўқиб бориш ва камроқ бўлса-да, ёд олиш.

– Расулуллоҳ соллаллоҳу алайҳи васалламнинг ҳадисларидан ўқиш ёки эшитишни вирд, вазифа қилиб олиш.

– Душанба ва пайшанба кунлари ҳамда қамарий ҳисобнинг маълум кунларида қодир бўлганча нафл рўза тутиш.

🔗 Тўлиқ ўқиш: https://islom.uz/maqola/23354

🕋 @islomuz

Islom.uz

03 марта 2025 10:02

#Муслималар_саҳифаси

Аллоҳ нима учун ғам-ташвишларни яратди?

Бирор марта хаёлингизга «Аллоҳ ғам-ташвишларни нега яратган ўзи?» деган савол келганми?

Мен эса бу саволни жуда кўп қизларга бериб кўрганман. Лекин кўпчилигидан жўяли жавоб ололмаганман. Баъзилари: «Бу савол мени анчадан бери қийнаб келади. Жуда кўп марталаб: «Ахир биз мусулмон бўлсак, доим Аллоҳга итоат этишга ҳаракат қилсак, нима учун бизга турли мусибатлар етаверади? Нега У Зот бизнинг йиғлашимизга қўйиб беради?» деб сўраганман», дейишган.

Умид қиламанки, мени қийнаб келаётган мусибатлар ортидаги ҳикматни бирор кун англаб, қалбим таскин топиши учун бу саволга албатта жавоб топаман!

🔗 Тўлиқ ўқиш: https://islom.uz/maqola/23353

🕋 @islomuz

Islom.uz

02 марта 2025 15:01

Shukr

Berilgan ne’matlarga shukr qilish ne’matni ziyoda bo‘lishiga sabab bo‘ladi.

Ko‘rsatgan kuniga shukr.

🕋 @islomuz

Islom.uz

02 марта 2025 12:03

#Рамазон

Расулуллоҳнинг Рамазонда Аллоҳ билан бирга бўлган ҳолатлари

Ҳидоят элчиси Муҳаммад соллаллоҳу алайҳи васалламга мавжудотлар ичида Аллоҳни энг кўп билувчи ва Унинг буйруқларини бажо келтиришда энг пешқадами бўлганлар. У зот Аллоҳга бандалик қилиш поғонасидан шу даражада юқори кўтарилганки, бу мақомнинг энг чўққисигача етиб, ҳеч қайси мавжудот етиб бора олмаган мартаба ва манзилларни забт этганлар. Яъни, Аллоҳ таоло у зотнинг олдингию кейинги гуноҳларини мағфират қилган.

Лекин Расулуллоҳ соллаллоҳу алайҳи васаллам шу даражада бўлишларига қарамасдан тунларини ибодат билан ўтказар, ҳатто намозда кўп тик турганларидан оёқлари шишиб кетар эди. Оиша розияллоҳу анҳо бу ҳолатдан ажабланар эдилар. Расулуллоҳ соллаллоҳу алайҳи васаллам эса мулойимлик билан: «Шукр қилувчи банда бўлишни ёқтираман-да!» дер эдилар.

🔗 Тўлиқ ўқиш: https://islom.uz/maqola/23352

🕋 @islomuz

Islom.uz

02 марта 2025 10:01

#Рамазон

Абадий ахлоқ мактаби

Аллоҳ таоло инсонни икки олам орасида яратди. Уларнинг биринчиси руҳоният олами, иккинчиси моддият олами. Инсон ушбу икки оламнинг ўртасидадир. Чунки Аллоҳ таоло уни икки табақа оламда яратган.

Инсонда ақл ва руҳ бор. Ана шу икки нарса орқали у аброр фаришталар мавқеига кўтарилади.

Инсонда тана ва шаҳват бор. Инсон бу иккиси сабабли ҳайвон даражасига тушиб қолади.

🔗 Тўлиқ ўқиш: https://islom.uz/maqola/23349

🕋 @islomuz

Islom.uz

01 марта 2025 15:35

Bugun

Ramazon – xayr ehson ulashadigan oy. Bu oyda mo‘minning rizqi ziyodalashadi. Kimki bu oyda xayr saxovat qilsa ko‘plab ajr-mukofotga ega bo‘ladi.

Ramazon oyi muborak bo‘lsin!

🕋 @islomuz

Islom.uz

01 марта 2025 12:02

Рамазон фонуси

Фонус бугунги кунда Рамазон ойининг рамзига айланиб қолган. Кўплаб мусулмон мамлакатларида Рамазон кириши билан одамлар фонуслар сотиб олиб, уйларини безатадилар. Интернет оламида ҳам фонус сурати туширилган табрик ёрлиқлари кўпайиб кетади.

Айниқса, Мисрда фонусларнинг алоҳида ўрни бор. Бу мамлакатда Рамазон ойи фонуслар билан чамбарчас боғлиқ.

Исломнинг илк даврида фонуслар тунда намозга кетаётган кишилар томонидан йўлни ёритиш учун қўлланган бўлса, кейинчалик, улар ўзининг аслий вазифасидан кўнгил очиш вазифасига ўтган. Яъни, Рамазон кирганлиги билан шодлик изҳор қилишнинг ўзига хос рамзига айланиб қолган.

🔗 Тўлиқ ўқиш: https://islom.uz/maqola/23346

🕋 @islomuz

Islom.uz

01 марта 2025 10:01

#Рамазон

Рўза тутган мусулмон мусобақа қатнашчисидир

Меҳмонни чиройли кутиб олиб, ҳурматини жойига қўйган банда муҳаққақ зафар қучгувчидир...

Рамазон бизларнинг тайёргарлигимизни, уни қандай қарши олиб, нималар тақдим этганимизни Яратганга етказувчи элчидир. Шундай экан, уни иззат-икром қилайлик! Биздан мамнун бўлган меҳмонгина тақво аталмиш ҳадясини туҳфа этади...

Аксинча бўлса-чи?! Меҳмонига бепарво бўлиб, уни хурсанд қила олмаган, бошқа ишлар билан оввора бўлганлар аниқ ютқазади. Натижада Роббининг унга сийлаб юборган меҳмони норози бўлади ва совғасини ўзи билан қайтариб олиб кетади. Энг ачинарлиси эса у бундай инсонлардан ўз Роббига шикоят қилади...

Кимки Аллоҳ ва охират кунига иймон келтирган бўлса, меҳмонини эъзозласин, ҳурматини бажо келтирсин!

Мусулмонлар катта мусобақани бошлаганлар, бунинг – натижаси охиратда эълон қилинадиган мусобақа!

Рўза тутган мусулмон борки мусобақа қатнашчисидир. Мукофот эса – Аллоҳ таолонинг раҳмати... Розилиги... Жаннати...

Мусобақанинг битта шарти тақво, қўшимча шартлари жуда кўп: рўза, Қуръон тиловати, таровеҳ намози, ота-онага яхшилик, истиғфор, дуо, таҳажжуд, эҳсон, ифторлик қилиб бериш ва ҳоказо...

Мусобақа бир ой давом этади. Ғанимат фурсатларни қўлдан бой берманг, энг олий мукофот сизники бўлиши мумкин!!!

🔗 https://islom.uz/maqola/23344

🕋 @islomuz

Islom.uz

01 марта 2025 09:04

Муборак Рамазон ойи кириб келиши муносабати билан Ўзбекистон халқига табрик

🕋 @islomuz

Islom.uz

28 февраля 2025 15:32

🎉 «Hilol mehmoni» ko‘rsatuvi

✅ Mehmon: Xayrulloh Hamidov

🌐 https://youtu.be/OKygXqh3vBY

🕋 @islomuz

Islom.uz

28 февраля 2025 14:06

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

28 февраля 2025 13:01

🌙 Ramazon oyi muborak bo‘lsin!

Aziz yurtdoshlar, muhtaram mo‘min-musulmonlar! Barchangizni ro‘za va Qur’on oyi, taqvo va tavba oyi, rahmat va shafqat oyi, mag‘firat va do‘zaxdan ozod bo‘lish oyi, baraka va savob oyi Ramazoni sharif bilan chin dildan samimiy muborakbod etamiz!

Alloh taolo Islomning besh arkonidan biri bo‘lmish ro‘za ibodati uchun xoslagan bu oyni iymon-e’tiqod bilan, ajru savoblardan umidvor bo‘lgan holda o‘tkazishni, bu oyda qilingan solih amallar uchun va’da qilingan behisob ulug‘ mukofotlarga noil bo‘lishni barchamizga nasib aylasin!

Bu qisqa onlarni boy bermay, g‘animat bilib, unumli foydalanib qolishda Alloh taolo barchamizga tavfiq, ofiyat bersin!

Alloh taolo bu muborak oyni yurtimiz uchun, butun dunyo musulmonlari uchun tinchlik-xotirjamlik, toat-ibodat, taqvo oyi, Qur’on oyi qilsin, iymon-halovatini, ibodat lazzatini nasib etsin!

Barchalarimizga Ramazon oyi qutlug‘ bo‘lsin, Alloh taolo tutgan ro‘zalarimizni va boshqa ibodatlarimizni O‘z dargohida husni maqbul aylasin!

Islom.uz portali jamoasi

🕋 @islomuz

Islom.uz

28 февраля 2025 08:02

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

28 февраля 2025 02:01

#Кун_дуоси

Рамазон ойини қандай кутиб олмоқчисиз?

Абдуллоҳ ибн Масъуддан: «Сизлар Рамазон ойини қандай кутиб олардинглар?» деб сўрашди. У киши: «Бизнинг кишилар янги ойни мусулмон биродарига нисбатан қалбида заррача адоват ва кек сақламаган ҳолда кутиб олар эди», дедилар.

Аллоҳим! Ўзингни гувоҳ қилиб айтамизки, биз ҳам қалбимизда халқингдан бирортасига зарра мисқолича ҳам адоват сақламадик.

Аллоҳим! Бандаларингдан бирортаси қалбида бизга нисбатан ҳам зарра мисқолича адоват сақламаслигини Сендан сўраймиз.

Аллоҳим, рўза тутишда, рўза кечаларида ибодатда қоим бўлишда, кўзни сақлашда ва тилни сақлашда бизга Ўзинг ёрдам бергин.

🔗 https://islom.uz/maqola/23329

🕋 @islomuz

Islom.uz

27 февраля 2025 15:41

🇺🇿 Рамазон ойи 1 мартдан бошланади

Ўзбекистон Республикаси Президенти "Муборак Рамазон ойини муносиб тарзда ўтказиш тўғрисида"ги қарорини имзолади.

Мазкур қарорга кўра, 2025 йилги муборак Рамазон ойининг бошланиши 1 март кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

Аллоҳ таоло Рамазон ойида қиладиган ибодат, дуо ва барча солиҳ амалларимизни қабул этсин, ажр-мукофотларини кўпайтирсин.

Яратган халқимизга тинчлик, барқарорлик ва офиятни насиб қилсин. Рамазон муборак!

🔗 https://islom.uz/maqola/23336

🕋 @islomuz

Islom.uz

03 марта 2025 11:35

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

03 марта 2025 06:02

#Кун_дуоси

Аллоҳим, кенг ризқ ва яхшиликлар ато эт!

وَصَلَّى اللهُ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَسَلَّمَ، (اللَّهُمَّ) يَا ذَا الْمَنِ وَلَا

يُمَنَّ عَلَيْكَ يَا ذَا الْجَلالِ وَالإِكْرَامِ، يَا ذَا الطَّولِ وَالإِنْعَامِ، لَا إِلَهَ إِلَّا أَنْتَ ظَهْرَ اللَّاجِئِينَ، وَجَارَ الْمُسْتَجِيرِينَ، وَمَأْمَنَ الخَائِفِينَ. (اللَّهُمَّ) إِنْ كُنْتَ كَتَبْتَنِي عِنْدَكَ فِي أُمِّ الْكِتَابِ شَقِيّاً أَوْ مَحْرُوماً أَوْ مُقَتَّراً عَلَيَّ فِي الرِّزْقِ فَامْحُ مِنْ أُمِّ الْكِتَابِ شَقَاوَتِي وَحِرْمَانِي وَتَقْتِيرِ رِزْقِي، وَأَثْبِتْنِي عِنْدَكَ سَعِيداً مَرْزُوقًا مُوَفِّقاً لِلْخَيْرَاتِ، فَإِنَّكَ قُلْتَ وَقَوْلُكَ الحَقُّ فِي كِتَابِكَ الْمُنَزَّلِ عَلَى نَبِيِّكَ الْمُرْسَلِ: {يَمْحُو اللَّهُ مَا يَشَاءُ وَيُثْبِتُ وَعِنْدَهُ أُمُّ الْكِتَابِ}

Улуғлик ва Икром соҳиби Аллоҳ! Эй қўли очиқ ва инъом эгаси! Сендан Ўзга илоҳ йўқ! Сен қочқинларга бошпана ва паноҳ изловчиларнинг ҳимоячиси, қўрқувчиларнинг нажоткорисан. Эй Аллоҳ! Агар уммул китобда менга ризқ ва бахт ёзган бўлсанг, ўша уммул китобдан бахтсизлигим, маҳрумлигим, тор ризқимни ўчириб, менинг қисматимни бахт, кенг ризқ ва яхшиликларга тавфиқ бўлишига ўзгартир! Чунки Сен айтгансан, расул ва набийингга нозил қилган китобингдаги қуйидаги сўз ҳақдир.

يَمْحُو اللَّهُ مَا يَشَاءُ وَيُثْبِتُ وَعِندَهُ أُمُّ الْكِتَابِ

«Аллоҳ Ўзи хоҳлаган нарсани маҳв қилур ва собит қолдирур. Она китоб Унинг ҳузуридадир.» (Раъд сураси, 39-оят).

🔗 https://islom.uz/maqola/23350

🕋 @islomuz

Islom.uz

02 марта 2025 14:01

Diniy bo‘lmagan ilmlar ham farzdir

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

02 марта 2025 11:39

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

02 марта 2025 06:04

#Мазҳабда_муваффақият_бор

Қуръондан ҳукм чиқариб олиш ҳаммага ҳам эмас

Ташаддуд йўналишида ижтиҳод қилиш ман қилинган, яъни ижтиҳод қила олмайсиз. Ҳукмни фақат Қуръон ва Суннатдан олишингиз мумкин. Лекин улар, яъни ташаддудчилар Қуръон ва Суннатдан ҳар қандай одам ҳам далил олиши мумкин, дейишади. Бу гапни асослаш учун: «Биз насронийларга ўхшаб, динни тушунтириб берадиган роҳибларни тайинлаб олмаймиз. Аксинча, «Қуръон ва Суннат ҳар ким учун ҳам манба бўлаверади», дейишади. Умуман олганда, тўғри гап, лекин бунинг замирида залолат, бузғунчилик яшириниб ётибди. Тўғри, Қуръон ва Суннатдан фойдаланишга ҳамма ҳақли, лекин ҳукм олишга эмас. Мавъиза, эслатма олиш учун фойдаланиши мумкин, лекин ақийдавий ёки фиқҳий ҳукм чиқариб олишга ҳамманинг ҳам ҳаққи йўқ, бунга ҳамманинг ҳам лаёқати йўқ.

🔗 Тўлиқ ўқиш: https://islom.uz/maqola/23348

🕋 @islomuz

Islom.uz

01 марта 2025 14:01

Beshikdan qabrgacha ilm izlash

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

01 марта 2025 11:10

🎉 Рамазон чегирмасини кутиб олинг!

📍 Манзил

☎️ +998-71-217-59-99

📥 @hilol_reception

#чегирма

@islomuz & @hilolnashr

Islom.uz

01 марта 2025 09:44

Учта вилоятга бош имом-хатиблар тайинланди

28 февраль куни Ўзбекистон мусулмонлари идораси раиси, муфтий Нуриддин Холиқназар ҳазратлари раислигида Сурхондарё, Самарқанд ҳамда Тошкент вилоятларида фаолият юритаётган туман ва шаҳар бош имом-хатиблари иштирокида видеомулоқот йиғилиши бўлиб ўтди.

Муфтий ҳазратлари кириб келаётган қутлуғ Рамазон ойи билан барчани муборакбод этиб, бу ойни муносиб кутиб олиш, юқори савияда ўтказиш бўйича бир қатор муҳим вазифа ва топшириқларга тўхталиб ўтдилар.

🔗 Тўлиқ ўқиш: https://islom.uz/maqola/23347

🕋 @islomuz

Islom.uz

28 февраля 2025 19:03

#Рўза

Саҳарликни лозим тутинг

Анас розияллоҳу анҳудан ривоят қилинади: «Набий соллаллоҳу алайҳи васаллам: «Саҳарлик қилинглар. Албатта, саҳарликда барака бордир», дедилар (Бухорий, Муслим, Термизий ва Насоий ривояти).

Шарҳ: Демак, саҳарлик қилиш фазилатли иш. Шунинг учун баъзи бир ривоятларда айтилганидек, бир қултум сув билан бўлса ҳам саҳарлик қилиш керак.

Амр ибн Осс розияллоҳу анҳумодан ривоят қилинади: «Расулуллоҳ соллаллоҳу алайҳи васаллам: «Бизнинг рўзамиз ила аҳли китобларнинг рўзаси орасидаги фарқ саҳарлик ейишидадир», дедилар (Муслим, Абу Довуд, Термизий ва Насоий ривояти).

Шарҳ: Бу ҳадис рўзада саҳарлик қилишнинг алоҳида аҳамияти борлигини кўрсатади. Аҳли китобларга ўхшаб қолмаслик учун ҳам саҳарлик қилишга уриниш керак бўлади.

Ушбу ҳадисларга амал қилган ҳолда эринмасдан, доимо саҳарлик қилиб, рўза тутишга одатланишимиз лозим.

🔗 Тўлиқ ўқиш: https://islom.uz/maqola/23331

🕋 @islomuz

Islom.uz

28 февраля 2025 15:02

Ramazon tabrigi

Shayx Muhammad Sodiq Muhammad Yusuf
rohmatullohi alayhi

🕋 @islomuz

Islom.uz

28 февраля 2025 13:41

2025 йил учун закот, фитр ва фидя миқдори

Ўзбекистон мусулмонлари идораси Фатво марказининг милодий 2025 / ҳижрий 1446 йилги Рамазон ойи учун закот нисоби, фитр садақаси ва фидя миқдори бўйича қарори қабул қилинди, унга кўра:

Закот нисоби
Ўзбекистон мусулмонлари идораси Фатво маркази бу йилги Рамазон ойи учун закот нисобини ≈ 85 грамм 585 пробали тилланинг қийматидан келиб чиқиб 61 200 000 (олтмиш бир миллион икки юз минг) сўм деб белгилади.

Шунга кўра, кимда зарурий эҳтиёжидан ташқари камида 61 200 000 (олтмиш бир миллион икки юз минг) сўм қийматидаги пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5%)ни закот ниятида ҳақдорларга беради.

Фитр садақаси миқдори
Фитр садақасининг миқдори қуйидагича белгиланди:
≈ 2 кг буғдой унидан – 10 000 (ўн минг) сўм;
≈ 4 кг арпадан – 16 000 (ўн олти минг) сўм;
≈ 2 кг майиздан – 110 000 (бир юз ўн минг) сўм;
≈ 4 кг хурмодан – 180 000 (бир юз саксон минг) сўм деб белгиланди.

Ҳар ким ўз имкониятига қараб ушбу тўрт маҳсулотдан хоҳлаган бири ёки унинг қийматини фитр садақаси ниятида берса кифоя қилади.

Фидя миқдори
Бир кунлик фидя миқдори фитр садақанинг миқдори билан бир хил бўлади.

Шундай экан, ҳар ким ўз имкониятига қараб ушбу тўрт маҳсулотдан хоҳлаган бири ёки унинг қийматини фидя ниятида берса кифоя қилади.

Ўзбекистон мусулмонлари идораси
Фатво маркази

🕋 @islomuz

Islom.uz

28 февраля 2025 12:25

Юртимизнинг 1 700 дан зиёд масжидларида хатми Қуръон ўқилади

2025 йилги Рамазон ойида юртимиздаги 2100 дан ортиқ масжидда таровеҳ намози, шундан 1 700 дан зиёдида 27 кун давомида Қуръони Карим хатм қилинади. Бунинг учун мазкур масжидларга 3,5 мингга яқин хушовоз қорилар жалб этилади.

Таровеҳ намозининг фазилати ҳақида Расулуллоҳ соллаллоҳу алайҳи васаллам бундай деганлар: «Ким Рамазон ойида иймон билан савоб умидида (таровеҳда) қоим бўлса, аввалги гуноҳлари кечирилади» (Имом Бухорий).

Демак, ушбу муборак ойни ғанимат билиб, Ҳақ таоло розилиги учун кундузлари рўзадор бўлиб, оқшомлари таровеҳ намозларидаги хатми Қуръонларда бардавом бўлсак, гуноҳларимиз кечирилиб, улкан ажру савобларга эга бўламиз, инша Аллоҳ.

Эслатиб ўтамиз, юртимиз масжидларида таровеҳ намози шу йил 28 февраль, жума куни хуфтон намозидан кейин бошланади.

🔗 https://islom.uz/maqola/23340

🕋 @islomuz

Islom.uz

28 февраля 2025 07:25

Таровеҳ намозини ўқиш вақтлари

Рамазон ойи яқинлашгани сайин мўмин-мусулмонларнинг хурсандчилиги янада зиёда бўлмоқда. Шубҳасиз, қутлуғ ойга кўтаринки руҳ бағишлайдиган, бу ойга хос бўлган ибодат таровеҳ намозидир. Бу борада Пайғамбаримиз соллаллоҳу алайҳи васаллам: “Ким Рамазон ойида иймон билан савоб умидида (таровеҳда) қоим бўлса, аввалги гуноҳлари кечирилади” (Имом Бухорий ривояти), деганлар.

Бугун хуфтон намозидан сўнг юртимиздаги масжидларда таровеҳ намози бошланади, инша Аллоҳ.

Мамлакатимизнинг 14 та ҳудудидаги масжидларда таровеҳ намозининг бошланиш вақтлари билан танишинг!

Фарғона –– 20:20
Наманган –– 20:20
Андижон –– 20:20
Тошкент в. –– 20:30
Тошкент ш. –– 20:30
Сирдарё –– 20:30
Жиззах –– 20:30
Самарқанд –– 20:30
Қашқадарё –– 20:40
Сурхондарё –– 20:40
Навоий –– 20:40
Бухоро –– 20:40
Хоразм –– 21:00
Қорақалпоғистон Р. –– 21:10

🔗 https://islom.uz/maqola/23338

🕋 @islomuz

Islom.uz

27 февраля 2025 18:23

📖 Taroveh namozlarida o‘qiladigan xatmi Qur’on sahifalarining kunlik taqsimoti

#taroveh #xatm

🕋@islomuz

Islom.uz

27 февраля 2025 14:02

#Рамазон

Рамазоним келмоқда!

Мағфират ва жаннат эшиклари очилган, шайтони лаъин кишанланган муборак ой – Рамазон эшик қоқмоқда. Сизу биз бу эшикни очишга ҳозирмизми?!

Рамазон — алоҳида хусусиятларга эга ойдир:

1. Рамазон Пайғамбаримиз алайҳиссаломга Аллоҳ таолодан биринчи ваҳий келган ойдир. Бу воқеа 610 йили Рамазон ойида содир бўлган. Рамазон – бу Қуръони Карим ойи.

2. Аллоҳнинг Расули соллаллоҳу алайҳи васаллам марҳамат қиладилар: «Яхши амаллар натижасида одам шу ойда Аллоҳ таолога яқинлашса, бу бошқа ойда фарзини адо этганга тенгдир. Рамазон ойида фарзни адо этганга эса бошқа ойда қилинган фарзга нисбатан етмиш фарз мукофотини олади. Бу ой сабр ойи, унинг мукофоти эса – жаннатдир».

🔗 Тўлиқ ўқиш: https://islom.uz/maqola/23332

🕋 @islomuz