Islom.uz

12 марта 2025 15:21

Ekin va mevalardan zakot (ushur) berish bobi 3-qism

Hidoya 119-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Ushur – lug‘atda o‘ndan bir deganidir. Shariatda yerdan unib chiqqan ekin, mevalar va hosillardan olinadigan soliq bo‘lib, uning miqdori shu hosillarning o‘ndan birini tashkil qiladi.

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

12 марта 2025 12:02

#Уламолар_ҳаёти

Имом Муслимнинг «Саҳиҳ» китоби ҳақида

Зоҳид Абу Жаъфар Аҳмад ибн Ҳамдон Ҳирий, фақиҳ Абул Валид Ҳассон ибн Муҳаммад, Абу Ҳомид Аҳмад ибн Муҳаммад Шоракий Ҳаравий, Абу Бакр Муҳаммад ибн Абдуллоҳ ибн Закариё Жавзақий, имом Абу Али (Абул Ҳасан Ҳусайн ибн Муҳаммад) Мосаржисий, Абу Нуъайм Аҳмад ибн Абдуллоҳ ибн Аҳмад Асбаҳоний ва бошқалар. Ҳозир ҳаммаларининг исмлари эсимда йўқ. (Абу Бакр Аҳмад ибн Муҳаммад ибн Аҳмад Хоразмий Барқоний (ваф. 425 йил) шулар жумласидандир.)

Дорақутний: «Имом Муслим имом Бухорийдан баҳраманд бўлмаганларида, асло бу мартабага эриша олмасдилар», - деганлар.

🔗 Тўлиқ ўқиш: https://islom.uz/maqola/23387

🕋 @islomuz

Islom.uz

12 марта 2025 10:01

#Рўза

Жаннатга олиб борувчи амаллар

عَنْ أَبِي أَيُّوبَ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَا مِنْ عَبْدٍ يَعْبُدُ اللَّهَ لَا يُشْرِكُ بِهِ شَيْئًا، وَيُقِيمُ الصَّلَاةَ، وَيُؤْتِي الزَّكَاةَ، وَيَصُومُ رَمَضَانَ، ويجتنب الكبائر إلا دخل الجنة".

ابن حبان: 3247، الحاكم في المستدرك: 60، النسائي: 4009، أحمد: 23502، 23506.



Абу Айюб розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Бир банда Аллоҳга ҳеч нарсани шерик қўшмасдан ибодат қилса, намозни ўқиса, закотни берса, Рамазон рўзасини тутса ва гуноҳи кабиралардан сақланса, жаннатга киради», дедилар»

🔗 https://islom.uz/maqola/23386

🕋 @islomuz

Islom.uz

11 марта 2025 15:03

🌙Ramazon oyi ro'zasi uchun tavsiyalar

Ramazon – nafaqat ruhiy poklanish, balki tanamiz uchun ham yangilanish davri. To‘g‘ri ovqatlanish, yetarlicha suv ichish va me'yorni bilish muhim!

Iftorda ortiqcha ovqatlanmang, yengil, foydali taomlarni tanlang.

Qovurilgan va yog‘li taomlardan tiyiling. Meva, sabzavot, jo‘xori, grechka kabi mahsulotlarga ustuvorlik bering.

Ko‘proq suv iching . Shirin va gazlangan ichimliklardan voz keching.

Ibodatlaringizda tetik bo‘lish uchun kamida 5-6 soat dam oling.

Ramazon oyingiz muborak bo‘lsin!

#Allohning_mojizalari

🕋 @islomuz

Islom.uz

11 марта 2025 11:13

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

10 марта 2025 14:01

Yurtimizdagi ilmlarning saviyasi

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

10 марта 2025 10:44

#Ислом_адабиёти

Кўнгил рўзаси

Эй, кўнги сен ҳам муслимсан,
Мен ўхшарсан – муслимсан!

Кел рамазонни кутали,
Рўзани бирга тутали!

Сенинг рўзанг эмас осон,
Ҳақ йўлида мосивосан!

Ёдингда ундан ўзга йўқ,
Гар ўзга бўлса – рўза йўқ!

Бу шарт оғир, басе душвор,
Андиша қил, бўлиб хушёр.

Раббинг фаромуш этсанг бас,
Тутган рўзанг рўза эмас.

Чалғитар сени хаёллар,
Хаёлларга йўқ поёнлар.

Залолат йўлига бошлар,
Исёнлар чўлига тошлар.

Ичга кириб зиллат, кибр,
Хотирга келса шум фикр.

Қўрқ кўнгил, рўзанг очилгай,
Мен нечук бунга очилмай?

Тил бийро, дегай мен сойим,
Риёдан сақла, худойим!

Васвасалар кириб гоҳ-гоҳ,
Оҳ ким, кўнгил ҳолинг табоҳ!

Биру борга иқроринг бор,
Айт, нега сен ағёрга ёр!

Гар эргашиб аҳли радга,
Иккилик қилсанг Аҳадга,

Кўнглим сени демам кўнгил,
Кўнгил бўлмай, тошга дўнгил!

Қайт! Қайт! Келди қайтар чоғинг,
Холис тавба ювар доғинг.

Саркашлик бас, Ҳаққа эгил,
Қора бўлсанг, оққа эгил.

Десангки, поклансин бу ич,
Маърифат баҳридан сув ич.

Соим кўнгил, нурга тўлгил,
Муҳаббат ошёни бўлгил!

🔗 https://islom.uz/maqola/23382

🕋 @islomuz

Islom.uz

10 марта 2025 08:01

#Рўза

Рамазон ойида тутилган рўзанинг ҳар бир кунига бериладиган неъматлар

Аллоҳ таоло Қуръони Карим Бақара сурасида шундай марҳамат қилади:

«Иймон келтириб яхши амаллар қилган зотларга хушхабар берингки, улар учун остларидан дарёлар оқиб турувчи боғлар бор. Қачон ўша боғларнинг бирор мевасидан баҳраманд бўлсалар, "илгари тотиб кўрган нарсамиз-ку", дейиша-ди. Зеро, уларга сурати бир-бирига ўхшаш мевалар берила-ди. Ва улар учун жаннатда покиза жуфтлар бордир. У зотлар жаннатда абадий қолажаклар» (25-оят).

Ҳаким Термизий «Наводирул усул»да келтиради:

Абу Масъуд Ғифорий айтди: «Аллоҳ таоло: «Чодирларда асралган ҳурлар», дея сифатлагани яхлит дурдан ўйиб ишланган чодирлардаги ҳурлардир. Улардан ҳар бирининг етмиш хил зийнати бор, у зийнатларнинг биридаги ранг бошқасида такрорланмайди. Уларга етмиш хил ҳид берилади, бир ҳид бошқасида такрорланмайди. Уларда ҳар бир аёл учун дур ва ёқутдан ўйилган етмишта сўри бўлади. Ҳар бир сўрида етмишта тўшак, ҳар бир тўшакда болишлар бор. Ҳар бир аёлга етмиш минг қиз ва бола хизмат қилади, уларнинг қўлида турли хил таомлар солинган олтин ликопчалар бор. Таомларнинг лаззати ҳам бир-бириникидан ўзгача. Унинг жуфтига ҳам шунинг мисли берилади. Қизил ёқутдан бўлган сўри устида ёқутдан ишлов берилган иккита билакузук бор. Бу неъматлар Рамазон ойида тутилган рўзанинг ҳар бир куни учундир».

🔗 https://islom.uz/maqola/16543

🕋 @islomuz

Islom.uz

09 марта 2025 15:01

Asl shifo – ruhiy tarbiyada

«Ruhiy tarbiya» dinimizning tamal toshlaridan biri bo‘lmish nafs tarbiyasi masalalariga bag‘ishlangan asardir. Asarda nafsni poklash, axloqni sayqallash, ruhiy kamolot bosqichlariga oid masalalar kiritilgan, turli xastaliklarning bayoni va ulardan poklanish yo‘llari kabi qimmatli ma’lumotlar berilgan.

Ramazonni «Ruhiy tarbiya» bilan o‘tkazing!

🕋 @islomuz

Islom.uz

09 марта 2025 12:01

#Тарих

Муовия ибн Абу Суфён давридаги фатҳлар

У кишининг халифалиги даврида жуда катта фатҳлар амалга оширилган. Улар асосан икки асосий жабҳада бўлган. Биринчиси – ғарбий жабҳа. Ҳозирги Туркия давлатининг ўрни Рум деб аталиб, у ерларда доимий равишда чегаралар қурилган ва фатҳ ишлари тўхтовсиз давом этиб турган.

Асосий мақсад Қустантинияни фатҳ қилиш эди. Ҳижрий 50 (милодий 670) йилда Қустантиния қамал қилинди, сўнг ҳижрий 53–61 (милодий 673–680) йилларда ҳам қамал қилиш ишлари давом этди. Лекин бу юртни фатҳ қилишнинг имкони бўлмади. Муовия розияллоҳу анҳу Ўрта ер денгизида бир минг етти юзта кемадан иборат денгиз флотини ташкил қилди ва унинг ёрдамида жуда кўп ғалабаларга эришди.

🔗 Тўлиқ ўқиш: https://islom.uz/maqola/23380

🕋 @islomuz

Islom.uz

09 марта 2025 10:01

#Ислом_адабиёти

Тавба ўти

Лаин шайтон қурди дом. Дод!
Асирман ғаним домида.
Тонглар отди вақти бомдод,
Қолдим зил уйқу комида.

Қулоқ карми эшитилмас
Муаззиннинг овозлари?
Ким ҳуркитган чиқармас сас,
Охир замон хўрозлари?

Уйғотгудек қони бир кас?
Ўзимча уйғонолмасман.
Ўчибман. Ёқмаса дир даст,
Тутайдирман, ёнолмасман.

Ётиш бас ҳушсиз бехабар,
Ҳушёрлар мени уйғотинг.
Сано айтган шому саҳар,
Бедорлар мени уйғотинг.

🔗 Тўлиқ ўқиш: https://islom.uz/maqola/23379

🕋 @islomuz

Islom.uz

08 марта 2025 17:28

🌙 Ro‘zaning foydalari

Ro‘za insonni muruvvatli qiladi, bechorahollarga e’tibor qaratishga undaydi. Kim o‘zida rahm-shafqat sifatini shakllantirish va mustahkamlashni xohlasa, ro‘za tutsin!

Ramazon oyingiz muborak bo‘lsin!

🕋 @islomuz

Islom.uz

08 марта 2025 13:01

#Рамазон

Рамазон шукуҳи ва Қадр кечасининг фазилати

Аллоҳ субҳанаҳу ва таоло Ўз ҳикмати ила йилни ўн икки ойга тақсим қилди ҳамда уларнинг ичидан бир ойни танлаб, бошқаларидан афзал қилди. Бу Рамазон ойи бўлиб, унда бандаларига Ўзи учун рўза тутишни амр этди. Шундай экан, келинг, мазкур ойнинг фазилатлари, унда амалга ошириладиган амаллар ҳақида сўз юритамиз.

Аллоҳ бебош шайтонларни кишанлаб, бу ойни ердаги халифалари учун раҳмат, мағфират ва дўзахдан озод бўлиш фурсати қилиб қўйди. Бунинг устига, У Зот ҳикмати ила ушбу баракотли ой ичига қадри улкан кечани ҳам жойлади. Бу шундай кечаки, Ҳақ таоло унинг минг ойдан яхшироқ эканини Ўз Каломи билан собит қилди. Бутун бошли сурада шу кечани улуғлади ва номига кўра «Қадр» деб атади. Ушбу кечада Жаброил алайҳиссалом бошлиқ фаришталарни ер осмонига туширди ва тунни ихлос билан ибодатда бедор ўтказган бандаларига уларнинг саломлари ёғилиб туришини ҳам баён қилди. Ҳар ишида минг бир ҳикмати бўлган Зот Қадр кечасининг аниқ кунини зикр қилмади, бандаларидан буни сир тутди. Ўз навбатида, Яратганнинг ҳар тадбири ортида минг бир ҳикмат бор дейилиши, бир ишнинг мингдан бошқа ҳикмати йўқ дегани эмас. Яъни бу борада ишлатилган сўз маълум бир миқдорни билдирмай, унинг чексизлигига далолат қилади.

🔗 Тўлиқ ўқиш: https://islom.uz/maqola/23377

🕋 @islomuz

Islom.uz

08 марта 2025 11:01

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

08 марта 2025 06:01

#Рўза

Рўзанинг айрим ҳикматлари

1. Рўза тутган кишининг тақвоси зиёдалашади. Аллоҳ таоло Қуръони Каримда рўза аввалгиларга фарз қилинганидек, уммати Муҳаммадияга ҳам фарз қилганини айтиб, оятнинг сўнгида албатта тақводор бўласизлар, деб таъкидлади. Рўза туфайли инсонда Роббини кўриб турганлик, У Зотдан қўрқиш ҳислари янада кучаяди. Рўза тутиш билан банда Роббига бўйсуниб, буйруғига «лаббай» деб итоат қилган бўлади.

2. Рўза кўзни номаҳрамларга назар солишдан сақловчи, ёмонликларга ундайдиган шайтоний нафсни сусайтирувчи асосий омиллардандир. Чунки рўза тутган инсон очликни енгар экан, нафсининг ҳар қандай хоҳиш-истакларига ғолиб кела олишини тушунади. Яна рўза тутиш билан инсоннинг қийинчилик, машаққатларга бардош бериш, сабр қилиш тажрибаси ошади.

🔗 Тўлиқ ўқиш: https://islom.uz/maqola/23372

🕋 @islomuz

Islom.uz

12 марта 2025 15:02

Qirg'iziston ulamolarining xotiralari

Hazratni xotirlab ko'rsatuvining 80-sonini 17-mart dushanba kuni soat 20:00 da tomosha qiling!

#Hazratni_xotirlab

🕋 @islomuz

Islom.uz

12 марта 2025 11:02

«Hadis va Hayot» silsilasining 9-juzidan

#Hadis_va_Hayot #Ramazon

📚 @hadisislomuz

Islom.uz

12 марта 2025 08:10

#Рамазон

Рамазон муждаси (биринчи қисм)

Рамазон имкониятлар ойи. Уни муносиб шаклда ўтказган кишига жуда кўп эшиклар очилади. Бу борада эса сизга ушбу тавсиялар асқотади деган умиддамиз:

1. Ҳар бир амални фақат Аллоҳ таолонинг розилигини кўзлаб бажариш, яъни ихлосли бўлиш.

2. Аллоҳ таолога тавба қилиш.

3. Янги чиққан ойни кўрганда дуо қилиш.

4. Иймон ва савоб умиди ила рўза тутиш.

5. Иймон ва савоб умиди ила кечаларини бедор ўтказиш.

6. Иймон ва савоб умидида Қадр кечасида бедор бўлиш.

7. Рамазоннинг охирги ўн кунида янада жидду жаҳд қилиш.

8. Умра қилиш.

9. Эътикофда ўтириш.

10. Рўзадорга ифторлик қилиб бериш.

11. Қуръони Каримни тиловат қилиш.

12. Қуръони Каримни ўрганиш ва ўргатиш.

13. Аллоҳ таолони зикр қилиш.

14. Истиғфор айтиш.

15. Таҳоратни мукаммал адо этиш.

16. Таҳорат олгандан кейин шаҳодат калимасини айтиш.

17. Доимий таҳоратли бўлиб юриш.

18. Мисвок ишлатиш.

19. Таҳорат олгандан кейин икки ракат намоз ўқиш.

20. Азонни эшитгандан кейин унинг дуосини ўқиш.

21. Азон ва иқомат орасида дуо қилиш.

22. Беш вақт намозни тўкис адо этиш.

(Давоми бор)

🔗 https://islom.uz/maqola/18908

🕋 @islomuz

Islom.uz

11 марта 2025 14:19

Усмон мусҳафининг 120 йил аввалги факсимиле нусхалари ўрганилмоқда

Сўнгги пайтларда бир қатор хорижий давлатлар томонидан Ўзбекистон маданий меросига оид дурдоналар юртимизга олиб келиниши ва намойиш этилиши бўйича таклифлар билдирилмоқда. Жумладан, Ислом цивилизацияси марказида бўлиб турган Россиянинг Санкт-Петербург шаҳридаги Дин тарихи музейи вакили Ирина Османова ҳам Марказ очилишида Дин тарихи музейида сақланаётган Ўзбекистон маданий меросига оид дурдоналарни юртимизга олиб келиш ва кўргазма ташкил этиш таклифини билдирди. Бу таклиф Марказ раҳбарияти томонидан илиқ қабул қилинди.

🔗 Тўлиқ ўқиш: https://islom.uz/maqola/23385

🕋 @islomuz

Islom.uz

11 марта 2025 09:53

#Рамазон

Рамазонни қандай ўтказмоқдамиз?

Айтинг-чи, биз бу ойни тўғри ўтказяпмизми? Ундаги ғанимат фурсатлардан фойдалана оляпмизми?! Аслида уни қандай ўтказиш керак? Уламолар Рамазон ойини унумли ўтказишга доир қуйидаги тавсияларни беришган:

1. Ўтмишдаги барча гуноҳларга тавба қилиш. Зеро, гуноҳлар солиҳ амалларнинг кушандаси ҳисобланади. Ҳали вақтимиз бор, Рамазондан гуноҳлардан фориғ бўлган ҳолда чиқайлик!

2. Кўпроқ яхшиликларни ният қилиб, солиҳ амалларни кўпайтириш. Масалан, Қуръон хатм қилиш, таҳажжуд ўқиш, садақаю эҳсонлар қилиш, беҳуда ишлардан ва гаплардан парҳезда бўлиш ва ҳоказо... Зеро, Роббимиз қалбимиздаги эзгу ният сабаб ўз ҳузуридан кўплаб яхшиликларни эҳсон қилади, иншааллоҳ!

3. Кўп дуо қилиш. Ҳадиси шарифларда Рамазон ойида дуолар ижобат бўладиган фурсатлар борлиги таъкидланади. Демак, ҳар онимиз ғанимат. Вақтимизни кўпроқ дуо ва зикрлар билан ўтказайлик!

🔗 Тўлиқ ўқиш: https://islom.uz/maqola/23384

🕋 @islomuz

Islom.uz

10 марта 2025 11:02

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

10 марта 2025 09:48

Уламоларимиз АҚШ, Россия ва Жанубий Кореяда Рамазон тадбирларида иштирок этмоқда

Рамазон ойи давомида бир гуруҳ уламолар, имом-домлалар ва моҳир қорилар чет элдаги ватандошлар билан маърифий суҳбатлар қилиш, Рамазони шариф билан қутлаш, уларнинг диний саволларига жавоб бериш ҳамда таровеҳ намозида иштирок этиш мақсадида АҚШ, Россия Федерацияси, Жанубий Корея сингари мамлакатларда хизмат сафарида бўлиб турибдилар.

Ўзбекистон мусулмонлари идораси Масжидлар бўлими мудири Музаффар домла Камолов, Хоразм вилояти бош имом-хатиби Хайрулло домла Абдуллаев, Фарғона вилояти Қувасой шаҳар “Ислом” масжиди имом-хатиби Алишер домла Наимов, , Тошкент шаҳар Олмазор тумани “Имом ат Термизий” масжиди имом-хатиби Яҳё домла Абдурахмонов, Тошкент шаҳар Юнусобод тумани “Юнус ота” масжиди имом ноиби Жамолиддин домла Қодиров, Андижон шаҳар “Чинор” масжиди имом-хатиби Авазбек домла Мўминов, Андижон тумани “Усмони Зиннурайн” масжиди имом-хатиби Фазлиддин домла Абдуллаев Жанубий Кореянинг Сеул, Ченгжу, Мокпо, Даегу каби шаҳарларидаги тадбирларда қатнашиб, манфаатли суҳбатлар ўтказмоқдалар.

🔗 Тўлиқ ўқиш: https://islom.uz/maqola/23381

🕋 @islomuz

Islom.uz

10 марта 2025 06:03

#Рўза

Cаҳарликка ухлаб қолса рўза дуруст бўладими?

Савол: Бир куни мен кечаси ухлаб қолдим. Саҳарликка ҳам турмадим, ҳатто, Аллоҳ кечирсин, қуёш чиққандан сўнг уйғонибман. Рўзага шунда ният қилиб олдим, ўша кунги рўзам дуруст бўладими?

Жавоб: Ўша кунги рўзангиз шаръан жоиздир. Бизнинг мазҳабимиз ҳукми шундай.

Чунки, шак кунида Пайғамбаримиз соллаллоҳу алайҳи васаллам олдиларига бир аъробий келиб, гувоҳлик бериб, мусулмонлигини тасдиқлаб, Рамазоннинг ҳилолини кечқурун оқшомда кўрганлигини айтади. Шунда Пайғамбаримиз соллаллоҳу алайҳи васаллам Билолга одамларга хабар етказишини ва рўзага ният қилиб, рўза тутишни бошлашларини уқтирадилар. Буни тўртта сунан соҳиблари (Термизий, Абу Довуд, Насоий ва Ибн Можжа) Ибн Аббос розияллоҳу анҳудан ривоят қилганлар.

Салама ибн ал-Акваъ розияллоҳу анҳудан ривоят қилинади:

Ҳали Рамазон рўзаси фарз бўлмасдан аввал, Ашуро куни рўза тутилар эди. Шунда чошгоҳ пайтида Расули акрам соллаллоҳу алайҳи васаллам одамларга «Кимки еб-ичган бўлса, кечгача еб-ичмай турсин. Кимки шу пайтгача еб-ичмаган бўлса, рўза тутсин» деб буюрганлар.

Имом Бухорий ва Имом Муслимлар ривоят қилганлар.

Аммо доим шундай қилавериш (яъни, тонг отгандан ёки қуёш чиққандан сўнг рўзага ният қилиш) ярамайди. Чунки, бошқа мазҳабларда бу нарса асло жоиз эмас. Зотан, Пайғамбаримиз соллаллоҳу алайҳи васаллам ҳам бундай деганлар:

من لم يجمع الصيام قبل الفجر فلا صيام له

«Кимки рўзасини тонгдан аввал жам қилиб, қасд қилиб олмаса, унинг рўзаси йўқдир»

Абу Довуд ва Термизий лафзи. Ибн Можа ва Насоийлар ҳам шу маънодаги ҳадисни ривоят қилганлар.

Рамазондан бошқа рўзаларни (каффорат ва мутлақ назр рўзалари ҳамда Рамазоннинг қазосини) кечаси ният қилиш ва қайси рўза эканлигини тайин қилиш шартдир.

Бирор сабаб билан, масалан ухлаб қолиб, қолдирилган намознинг қазосини ўқиш лозим ва лобуддир.

🔗 https://islom.uz/maqola/16218

🕋 @islomuz

Islom.uz

09 марта 2025 14:02

Islom olamidagi ilk universitetlar

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

09 марта 2025 11:01

«Hadis va Hayot» silsilasining 9-juzidan

#Hadis_va_hayot #Ramazon

📚 @hadisislomuz

Islom.uz

09 марта 2025 06:03

#Саҳобалар_ҳаёти

Ҳозиржавоб халифа

Умар ибн Хаттоб розияллоҳу анҳу ўзларидаги кўплаб фазилатларни доимо ўз ўрнида ишлатар эдилар. У кишининг ҳаётлари ва фаолиятларини ўрганиш давомида бу ҳақиқат дарҳол кўзга ташланади. Айниқса, у кишининг ҳозиржавобликлари кишини қойил қолдирадиган даражада ажойиблигига эътибор бермай бўлмайди.

Қазои қадар масаласи инсон ўз касби учун жавобгар эканлигини исбот қиларкан, мусулмонларнинг фақат яхшиликка интилишларига, барча ёмонликларни тарк этишга ҳаракат қилишларига биринчи омил бўлиши керак.

Ҳеч ким қазои қадарни рўкач қилиб, ўзини масъулиятдан олиб қоча олмайди. Бир ўғри ҳазрати Умарга:

«Қазои қадар шу экан, ўғрилик қилибман. Нега энди қўлимни кесар экансан?» деганида у киши:

«Сен қазои қадар ила ўғрилик қилган бўлсанг, мен қазои қадар ила қўлингни кесаман», деган эканлар.

🔗 Тўлиқ ўқиш: https://islom.uz/maqola/23378

🕋 @islomuz

Islom.uz

08 марта 2025 14:02

Ibn Sinoning ta’lim davri

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

08 марта 2025 12:01

#Силаи_раҳм

Ота-онанинг вафотидан кейин уларга атаб садақаи жория қилиш

«Садақаи жория» атамасини сўзма-сўз таржима қиладиган бўлсак, маъноси «оқиб турувчи садақа»га тўғри келади. Бунда дунёдан ўтган шахсга атаб, савоби унга тегсин, дея қилинган хайрия ишлар – вақфлар кўзда тутилади.

Мисол учун, жамоатчилик фойдаси учун қурилган кўприк, чиқарилган сув, тузатилган йўл, қурилган масжид кабилар. Бунга ўхшаш жорий садақалардан одамлар фойда олиб турар эканлар, уларнинг савоби кимга аталган бўлса, ўшанга етиб туради.

عَنِ الْحَسَنِ: أَنَّ سَعْدَ بْنَ عُبَادَةَ قَالَ: يَا رَسُولَ اللهِ، إِنِّي كُنْتُ أَبَرُّ أُمِّي، وَأَنَّهَا مَاتَتْ، فَإِنْ تَصَدَّقْتُ عَنْهَا أَوْ أَعْتَقْتُ عَنْهَا أَيَنْفَعُهَا ذَلِكَ؟ قَالَ: «نَعَمْ»، قَالَ: فَمُرْنِي بِصَدَقَةٍ. قَالَ: «اسْقِ الْمَاءَ». قَالَ الْحُسَيْنُ: فَنَصَبَ سَعْدٌ سِقَايَتَيْنِ بِالْمَدِينَةِ. قَالَ الْحَسَنُ: فَرُبَّمَا سَقَيْتُ مِنْهُمَا وَأَنَا غُلَامٌ.

Ҳасандан ривоят қилинади:

«Саъд ибн Убода: «Эй Аллоҳнинг Расули! Мен онамга яхшилик қилар эдим. У вафот этди. Унинг номидан садақа қилсам ёки қул озод қилсам, ўша унга манфаат берадими?» деди.

У зот: «Ҳа», дедилар.

«Мени садақага амр қилинг», деди.

У зот: «Сув улаш», дедилар».

Ҳусайн айтади: «Шунда Саъд Мадинада иккита сувхона ўрнатди».

Ҳасан айтади: «Мен ёш бола пайтимда иккисидан сув ичганман».

🔗 Тўлиқ ўқиш: https://islom.uz/maqola/23375

🕋 @islomuz

Islom.uz

08 марта 2025 10:01

#рўза

Ислом ҳақида суҳбат

عن طَلْحَةَ بْنِ عُبَيْدِ اللَّهِ رَضِيَ اللَّهُ عَنْهُ، أنه يَقُولُ: جَاءَ رَجُلٌ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ مِنْ أَهْلِ نَجْدٍ ثَائِرَ الرَّأْسِ، يُسْمَعُ دَوِيُّ صَوْتِهِ وَلاَ يُفْقَهُ مَا يَقُولُ، حَتَّى دَنَا، فَإِذَا هُوَ يَسْأَلُ عَنِ الإِسْلاَمِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: "خَمْسُ صَلَوَاتٍ فِي اليَوْمِ وَاللَّيْلَةِ". فَقَالَ: هَلْ عَلَيَّ غَيْرُهَا؟ قَالَ: "لاَ، إِلَّا أَنْ تَطَوَّعَ". قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: "وَصِيَامُ رَمَضَانَ". قَالَ: هَلْ عَلَيَّ غَيْرُهُ؟ قَالَ: "لاَ، إِلَّا أَنْ تَطَوَّعَ". قَالَ: وَذَكَرَ لَهُ رَسُولُ اللَّهِ صَلَّى اللهُ عَلَيْهِ وَسَلَّمَ الزَّكَاةَ، قَالَ: هَلْ عَلَيَّ غَيْرُهَا؟ قَالَ: "لاَ، إِلَّا أَنْ تَطَوَّعَ". قَالَ: فَأَدْبَرَ الرَّجُلُ وَهُوَ يَقُولُ: وَاللَّهِ لاَ أَزِيدُ عَلَى هَذَا وَلاَ أَنْقُصُ، قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: "أَفْلَحَ إِنْ صَدَقَ".

البخاري: 46، 2678، 1891، 6956، مسلم: 11.

Талҳа ибн Убайдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг олдиларига Нажд аҳлидан сочлари тўзғиган бир киши келди. Овозининг ғулдираши эшитилар, нима ҳақида гапираётганини эса фаҳмлаб бўлмас эди. Ниҳоят яқин келди. Билсак, Ислом ҳақида сўраётган экан. Шунда Расулуллоҳ соллаллоҳу алайҳи васаллам: «Бир кеча ва кундузда беш вақт намоз», дедилар.

У киши: «Зиммамда бундан бошқа нарса борми?» деб сўради. Расулуллоҳ: «Йўқ, лекин ўз ихтиёринг билан қилишинг (мумкин)», дедилар. Расулуллоҳ соллаллоҳу алайҳи васаллам айтдилар: «Рамазон рўзасини тутиш».

У киши сўради: «Зиммамда бундан бошқа нарса ҳам борми?» Расулуллоҳ дедилар: «Йўқ, лекин ўз ихтиёринг билан қилишинг (мумкин)». Пайғамбар алайҳиссалом закотни айтдилар.

У киши яна сўради: «Зиммамда бундан бошқа нарса ҳам борми?»

Расулуллоҳ соллаллоҳу алайҳи васаллам: «Йўқ, лекин ўз ихтиёринг билан қилишинг (мумкин)», дедилар.

Шунда бояги одам: «Аллоҳга қасамки, бунга зиёда ҳам қилмайман, камайтирмайман ҳам», деб ортига бурилиб кетди. Расулуллоҳ соллаллоҳу алайҳи васаллам: «Агар айтганига амал қилса, у нажот топибди», дедилар».

Имом Бухорий ва Муслим ривояти.

🔗 https://islom.uz/maqola/23374

🕋 @islomuz

Islom.uz

07 марта 2025 16:01

Jin tegishi haqida 6-son (4-qism)

«Folbinlik, sehrgarlik, jin chiqarish va noan’anaviy davolash kabi ishlarning haqiqati» kitobi 6-son (1-qism)

🎙Matnni islom.uz portali suxandoni Qamariddin Bekmuhammad o‘qigan.

🌐 https://youtu.be/nxADVXy_ZIU

🕋 @islomuz