Islom.uz

11 июня 2024 07:50

Қурбон ҳайити 16 июн куни нишонланади

Президент Шавкат Мирзиёев «Муборак Қурбон ҳайитини нишонлаш тўғрисида»ги қарорни имзолади.

Қарорга кўра, 2024 йилда Қурбон ҳайитининг биринчи куни 16 июн – якшанбага тўғри келиши муносабати билан юртимизда 16 июн Қурбон ҳайити байрами сифатида нишонланади.

Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июн – душанба кунига кўчирилади, 18 июн – сешанба куни барча ходимлар учун қўшимча дам олиш куни бўлади.

Маҳаллий давлат ҳокимияти органлари, масъул вазирлик ва идораларга муборак Қурбон ҳайитини халқ миллий анъана ва урф-одатларига уйғун ҳолда ўтказиш учун тегишли чора-тадбирларни амалга ошириш, юртдошлар учун муборак Қурбон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратиш топширилди.

🔗 https://islom.uz/maqola/22286

🕋 @islomuz

Islom.uz

10 июня 2024 15:02

Telefondagi fahshni man qiluvchi omil

Shayx Muhammad Sodiq Muhammad Yusuf rahimahulloh

@islomuz

Islom.uz

10 июня 2024 14:05

Зулҳижжа ойида яхшиликлар кўпайтириб берилади

– Бу кунларда яхшиликлар кўпайтириб берилади.

– Бу кунларда дуолар ижобат бўлади.

– Бу кунларда илоҳий файз-футуҳ бўлади.

– Бу кунларда ҳалокатга олиб борувчи гуноҳлардан озод қилинади.

– Бу кунлар олий ҳиммат эгалари учун фойдани қўлга киритиш мавсумидир.

– Мазкур кунда «Субҳаналлоҳ», «Алҳамдулиллаҳ», «Аллоҳу акбар», «Лаа илаҳа иллаллоҳ», «Астағфируллоҳал ъазийм ва атубу илайҳ»ни кўп айтиб, гуноҳ ва ёмонликлардан батамом тўхтаб, тавба қилишни йўлга қўйиш лозим. Азмизлар, умр – ғафлат ва шаҳватга берилиш билан ўтиб кетмасин. Афсус ва надомат фойда бермайдиган кунда пушаймон бўлиб қолмайлик!

🔗 https://islom.uz/maqola/22282

🕋 @islomuz

Islom.uz

10 июня 2024 07:31

Ютуқларимизда ҳазратнинг ҳиссалари бор

Кейинги йилларда юртимизда очилаётган нодавлат олий таълим муассасалари, яъни хусусий университет ва олийгоҳлар сони ортиб бормоқда. Ҳолат ўз навбатида бу соҳада рақобат ва танловнинг юзага келишини таъминлайди. Хусусий ОТМлар бу турдаги давлат таълим муассасаларидан қайси жиҳатлари билан фарқ қилади? Нодавлат олий таълим муассасаларини келажакда қандай ўзгаришлар кутмоқда? Бундан икки йил аввал илм толиблари учун ўз эшикларини очган «Янги аср университети» ректори Қобилжон Зоҳидов шу саволларга жавоб берди.

– Қобилжон ака, аввало, «Янги аср университети» ҳақида умумий маълумот бериб ўтсангиз. Ҳозир олийгоҳда нечта йўналиш бўйича қанча талаба таҳсил олмоқда? Битирувчилар мазкур университет дипломи билан қаерда ишлашлари мумкин?

🔗 Тўлиқ ўқиш: https://islom.uz/maqola/22280

🕋 @islomuz

Islom.uz

09 июня 2024 17:32

🐏 Cho'pon

Zakot bergan kishining moli poklanadi.

Zakoti berilgan molga baraka kiradi, ko‘payib, o‘sadi. Zakot Islomdagi besh ruknning uchinchisidir. U islomiy ibodat bo‘lib, aqiydaning ajralmas qismidir.

🕋@islomuz

Islom.uz

09 июня 2024 13:57

Зулҳижжанинг ўн кунлиги

Зулҳижжанинг ўн кунлиги бошланди. Агар сиз Аллоҳ таоло ҳузуридаги мақомингизни билишни хоҳласангиз ушбу фазилатли кунларда нима қилаётганингизга эътибор беринг. Ушбу кунда Аллоҳ таоло солиҳ амалларга муваффақ қилган кишилар ҳақиқий ютуққа эришган кимсалардир.

🕋 @islomuz

Islom.uz

09 июня 2024 07:23

Қурбонлик дуоси

اللهم إِنَّ صَلٰوتِي وَنُسُكِي وَمَحْيَايَ ومَمَاتِي للهِ رَبِّ العَالَمِينَ، لاَ شَرِيكَ لَهُ، اللهمَّ تقَبَّلْ هَذِهِ الأُضْحِيَةَ. بِسْمِ اللهِ وَاللهُ أكبرُ، اللهُمَّ هَذَا مِنْكَ وَلَكَ، اللهُمَّ تَقَبَّلْ هَذِهِ الأُضْحِيَةَ مِنِّي أَوْ مِنْ فُلاَنٍ.

Аллоҳумма инна солатии ва нусукии ва маҳяя ва маматии лиллаҳи роббил аламиин. Ла шарийка лаҳ, Аллоҳумма тақоббал ҳазиҳил узҳията. Бисмиллаҳи Аллоҳу акбар. Аллоҳумма ҳаза минка ва лака Аллоҳумма тақоббал ҳазиҳил узҳията минний.

Маъноси: Аллоҳим менинг намозим ва ибодатим, тириклигим ва ўлимлигим, барча оламнинг ҳожаси бўлган Аллоҳ учундир. Аллоҳнинг тенги ва шериги йўқдир. Аллоҳим бу қурбонликни қабул айла. Аллоҳнинг номи билан. Аллоҳ улуғдир. Аллоҳим, бу сендан ва сенинг учундир. Аллоҳим, бу қурбонликни мендан қабул этгин!

🔗 https://islom.uz/maqola/22275

🕋 @islomuz

Islom.uz

08 июня 2024 15:02

Telefondagi muloqot

Shayx Muhammad Sodiq Muhammad Yusuf rahimahulloh

@islomuz

Islom.uz

08 июня 2024 08:32

Зулҳижжанинг ўн кунида қилинадиган амаллар

Зулҳижжанинг ўн кунида қилинадиган амаллар Аллоҳ учун энг маҳбуб саналади. Шу билан бирга мазкур вақтда Аллоҳ учун севимли бўлган зикр амалга оширилса, нур устига нур бўлади. Фазилатли амал фазилатли вақтда бажарилиши қилинаётган иш учун кўпроқ ажр олиниши ва ундан кўзланган мақсад рўёбга чиқишига сабаб бўлади.

Маълумки, солиҳ амаллар тури кўп. Уларни санаш учун анча саҳифани қоралашга тўғри келади. Ўша амаллар ичида энг афзалларидан бири бу – рўзадир. Зулҳижжанинг аввалги ўн кунлигида рўза тутиш ҳақида ривоятлар бор. Қуйида улардан баъзиларини ўрганамиз.

عَنْ عَائِشَةَ رَضِيَ اللهُ عَنْهَا قَالَتْ: مَا رَأَيْتُ رَسُولَ اللهِ صَلَّى اللهُ عَلَيْهِ وَسَلَّمَ صَائِمًا فِي الْعَشْرِ قَطُّ. رَوَاهُ مُسْلِمٌ وَأَبُو دَاوُدَ وَأَحْمَدُ وَابْنُ خُزَيْمَةَ.

Оиша розияллоҳу анҳодан ривоят қилинади: «Мен Расулуллоҳ соллаллоҳу алайҳи васаллам ўн кунликда бирон марта рўза тутганларини кўрмаганман».

Муслим, Абу Довуд, Аҳмад ва Ибн Хузайма ривояти.

🔗 Тўлиқ ўқиш: https://islom.uz/maqola/22272

🕋 @islomuz

Islom.uz

07 июня 2024 16:02

Ҳажга отланган кишининг уйдан чиқиб кетаётганда ўқийдиган дуоси

عَنِ الْمُطْعِمِ بْنِ مِقْدَامٍ رَضِي اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: مَا خَلَّفَ عَبْدٌ عَلَى أَهْلِهِ أَفْضَلَ مِنْ رَكْعَتَيْنِ يَرْكَعُهُمَا عِنْدَهُمْ حِيْنَ يُرِيدُ السَّفَرَ.

Мутъим ибн Миқдом розияллоҳу анҳудан ривоят қилинади:

«Расулуллоҳ соллаллоҳу алайҳи васаллам шундай дедилар: «Сафарга чиқувчи одам хонадони аҳлига сафар олдидан ўқиладиган икки ракат намоздан афзалроқ нарса қолдирмабди» («Канзул-Уммол»).

«Баъзи асҳобларимиз: «Сафар намозининг биринчи ракатига Фотиҳадан кейин Кафирун сурасини, иккинчи ракатига Ихлос сурасини зам қилиш мустаҳабдир», дейишган. Баъзилар эса: «Биринчи ракатга Фотиҳа сурасидан кейин Фалақ сурасини, иккинчи ракатга Нас сурасини зам қилади», дейишган. Салом бергандан кейин «Оятал Курсий» ўқилади. Ривоятларда «Ким уйидан чиқишидан олдин «Оятал курсий»ни ўқиса, то уйига қайтгунича бирор мусибатга дучор бўлмайди», дейилган. Қурайш сурасини ўқиш ҳам мустаҳабдир.

🔗 Тўлиқ ўқиш: https://islom.uz/maqola/22270

🕋 @islomuz

Islom.uz

07 июня 2024 14:06

Ғам ема

Қайтадир Канъонга ул Юсуфи сарсон, ғам ема,
Бир куни ғам кулбаси бўлгай гулистон, ғам ема!

Бўлма бадбин, ғамзада кўнглинг иши ўнглангуси,
Тоабад савдоли бош қолмас паришон, ғам ема!

Бошга тортарсан яна гул пардасин бўстон аро,
Келса умринг кўклами булбули хушхон, ғам ема!

Бу фалак биз истагандек бир нафас айланмади,
Лек мудом бир хилда қолмас чархи гардон, ғам ема!

Ноумид бўлма, илоҳий сирга ақлинг етмаса,
Кўп ўйинлар, билсанг, ул пардада пинҳон, ғам ема!

Гар фано сели ҳаётингнинг асосини йиқар,
Нуҳ паноҳинг бўлса, келсин, майли, тўфон, ғам ема!

Каъба шавқида биёбонларни қатъ этсанг агар,
Шох-тикон тилса оёқни, айласа қон, ғам ема!

Бизга ёр ҳажри, рақиб озори бас, қисмат эмиш,
Ҳолимиздан бохабар аслинда Яздон, ғам ема!

Кимки саргардон бўлиб, оламда ғамхўр топмади,
Оқибат бир меҳрибон топгай ул инсон, ғам ема!

Гарчи манзил кўп хатарли, гарчи мақсад ноаён,
Йўқ бирор йўлки, анга йўқ эрса поён, ғам ема!

Бу фақирлик гўшаси, тун хилватида, Ҳофизо,
То ишинг зикру дуо, таҳсили Қуръон, ғам ема!

🔗 https://islom.uz/maqola/22269

🕋 @islomuz

Islom.uz

07 июня 2024 12:30

Infitor surasi bilan qisqacha tanishuv

Yaqinlaringizga ham ulashing!

🕋 @islomuz

Islom.uz

07 июня 2024 07:29

Жуманинг фазилати

Абдуллоҳ ибн Амр розияллоҳу анҳумодан ривоят қилинади: «Набий соллаллоҳу алайҳи васаллам шундай дедилар: «Жумага уч хил одам ҳозир бўлади.

- Бир одам унга лағв қилиш учун ҳозир бўлади. Унинг жумадан насибаси ўшадир.
- Бир одам унга дуо қилиш учун ҳозир бўлади. У Аллоҳ азза ва жаллага дуо қилади. У Зот эса хоҳласа беради, хоҳласа ман қилади.
- Яна бир одам унга жимлик ва сукут ила ҳозир бўлади. Ҳеч бир мусулмоннинг елкасини туртиб ўтмайди. Ҳеч кимга озор бермайди.

Ана ўша жума унинг учун келаси жумагача ва яна уч кун зиёдаси ила каффоротдир. Чунки Аллоҳ таоло: «Ким бир яхшилик келтирса, унга ўн мисли берилур», – деган».

Абу Довуд ривояти.

🔗 https://islom.uz/maqola/22264

🕋 @islomuz

Islom.uz

06 июня 2024 17:07

“Islom”ning ma’nosi nima?

Fazilatli shayx Muhammad Sodiq Muhammad Yusuf hazratlarining «Iymon» deb nomlangan kitoblari Islomning tamal toshi – iymon javhariga bag‘ishlangan asardir.

Islom – Allohni bir deb e’tiqod qilib, U Zotga bo‘ysunish, butun qalb bilan U Zotga ixlos qilish va Alloh buyurgan diniy e’tiqodga iymon keltirishdir.

🕋 @islomuz

Islom.uz

06 июня 2024 13:51

«Зулҳижжанинг ўн кунлиги» марҳабо

Икки ой олдин «Саноқли кунлар бўлмиш Рамазон» хайр деяётган эдик. Бир-икки кунда «Маълум кунлар бўлган Зулҳижжанинг ўн кунлиги» марҳабо деб кутиб оламиз. Ким Рамазонда яхшиликларни ўтказиб юборган бўлса, келаётган маълум кунларда чиройли амалларни қилиб олсин!

Зулҳижжа ойининг ўн кунлиги:

– Яхшиликлар қилиб олиш учун у кунни ўрнини босадиган эваз йўқ.

– Тавба ва ёмонликларни каффорати қилиб олиш учун у кунни ўрнини босадиган эваз йўқ.

– Аллоҳ билан алоқа ўрнатиб, ҳаётда янги саҳифа очиш
учун у кунни ўрнини босадиган эваз йўқ.

🔗 https://islom.uz/maqola/22263

🕋 @islomuz

Islom.uz

11 июня 2024 07:36

Миёвлаш кечаси

Иккинчи кун – ағвос куни Саъд розияллоҳу анҳу шаҳидларни дафн қилиш ва ярадорларни даволаш учун одам қолдирди. Қолганларни худди кечагидек, жангга тайёрлади. Шу пайт Шомдан мадад кучлари ҳам етиб келди. Бу кучлар ичида мусулмонларнинг шавкатли баҳодирлари, жумладан, Қаъқоъ ибн Амр розияллоҳу анҳу бор эди. У ҳаммадан олдин етиб келди ва тўғри ўртага чиқиб, форслардан ўзи билан жанг қилишга паҳлавон чиқаришни талаб қилди. Улар Зул Ҳожибни чиқардилар. Қаъқоъ ибн Амр розияллоҳу анҳу бирпасда унинг ишини тўғрилади. Кун бўйи жанг бўлди. Ўша куни мусулмонлар ғалабага ишондилар.

Учинчи кун – аммос куни мусулмонлардан шаҳид ва ярадор бўлганларнинг адади икки мингга етган эди. Уларга дафн ва даволаш учун одам ажратилди. Ярадорларга аёллар қарар эдилар.

Ўша куни ҳам кун бўйи жанг бўлиб, қоронғи тушганда икки тараф ажрашди.

🔗 Тўлиқ ўқиш: https://islom.uz/maqola/22285

🕋 @islomuz

Islom.uz

10 июня 2024 14:45

2024 йилнинг энг кекса ҳожиси

2024 йилги ҳаж мавсумида ироқлик 104 ёшли онахон Казимия Ҳатим ҳаж ибодатини адо этиш учун 25 май куни шаҳзода Муҳаммад бин Абдулазиз халқаро аэропортига етиб келди. У Пайғамбаримиз соллаллоҳу алайҳи васалламнинг масжидларини зиёрат қилди.

Ироқдан келган энг кекса ҳожи Казимия Ҳатим шаҳзода Муҳаммад бин Абдулазиз халқаро аэропортида ҳурмат билан кутиб олинди.

Қиролликка ташриф буюрган 104 ёшли онахон бу йилнинг энг кекса ҳаж зиёратчиси эканлиги аниқланди.

2024 йилги ҳаж мавсумида Саудия Арабистонига 33 000 дан ортиқ ироқлик зиёратчилар келиши кутилмоқда.

Ироқ Ҳаж миссияси бу кекса онахонни бутун Ироқ жамоатчилигининг ғурури эканлигини қайд этган.

Ҳозирда онахоннинг соғлиғи яхшилиги, мунтазам равишда шифокорлар назоратида эканлиги маълум қилинган.

Казимия Ҳатим ҳаж зиёратига келганидан хурсандлигини билдирган ҳамда ҳамроҳлари томонидан кўрсатилаётган самимий хизматлари учун миннатдорчилигини изҳор этган.

🔗 https://islom.uz/maqola/2228

🕋 @islomuz

Islom.uz

10 июня 2024 12:11

Gʻiybatga munosabat

Hamidulloh Beruniy

📹 Premyera

🕋 @islomuz

Islom.uz

10 июня 2024 06:33

Мероснинг шартлари

Мероснинг шартлари ҳам учтадир:

1. Мерос қолдирувчининг ҳақиқий ёки ҳукмий равишда вафот этиши;

2. Мерос қолдирувчининг вафоти пайтида меросхўрнинг тирик бўлиши;

3. Мерос олиш жиҳатини билиш.

Биринчи шарт.

Мерос қолдирувчининг ҳақиқий ёки ҳукмий равишда вафот этиши.

🔗 Тўлиқ ўқиш: https://islom.uz/maqola/22279

🕋 @islomuz

Islom.uz

09 июня 2024 15:02

Telefon odoblari

Shayx Muhammad Sodiq Muhammad Yusuf rahimahulloh

@islomuz

Islom.uz

09 июня 2024 08:01

Эҳромдаги кишининг кийимлари


عَنِ ابْنِ عُمَرَ رَضِي اللهُ عَنْهُ أَنَّ رَجُلًا قَالَ: يَا رَسُولَ اللهِ، مَا يَلْبَسُ الْمُحْرِمُ مِنَ الثِّيَابِ؟ قَالَ: لَا يَلْبَسُ الْقُمُصَ، وَلَا الْعَمَائِمَ، وَلَا السَّرَاوِيلَاتِ، وَلَا الْبَرَانِسَ، وَلَا الْخِفَافَ إِلَّا أَحَدٌ لَا يَجِدُ نَعْلَيْنِ فَلْيَلْبَسْ خُفَّيْنِ، وَلْيَقْطَعْهُمَا أَسْفَلَ مِنَ الْكَعْبَيْنِ، وَلَا تَلْبَسُوا مِنَ الثِّيَابِ شَيْئًا مَسَّهُ زَعْفَرَانٌ أَوْ وَرْسٌ.

Ибн Умар розияллоҳу анҳудан ривоят қилинади:

«Бир киши:

«Эй Аллоҳнинг Расули! Эҳромдаги киши қайси кийимларни кияди?» деди.

«Кўйлаклар, саллалар, шалворлар, кулоҳлар, махсиларни киймайди. Аммо кийгани кавуш топмаса, махси кийиб, ошиғидан пастидан кесиб олсин. Заъфарон ва варас теккан кийимларни кийманглар», дедилар».

Шарҳ: Умуман олганда, эркак киши эҳромга кирганда тикилган нарса кийиши мутлақо мумкин эмас.

🔗 Тўлиқ ўқиш: https://islom.uz/maqola/22276

🕋 @islomuz

Islom.uz

08 июня 2024 17:33

Olim oʻrnak bo’lishi kerak

Fazilatli shayx Muhammad Avvoma hazratlarining Qurʼoni Karim va hadislarning hayotimizdagi oʻrni, ilmiy asosda taqdim etgan bayonlari, ahli ilmlar uchun muhim tavsiyalari, musulmonlar ommasi uchun nasihatlari.

@islomuz

Islom.uz

08 июня 2024 12:06

Ҳазрати Умарнинг даҳоликлари

Ибн Саъд Солим ибн Абдуллоҳдан ривоят қилади:

«Зайд ибн Собит розияллоҳу анҳу вафот қилган куни Абдуллоҳ ибн Умар розияллоҳу анҳу билан бирга эдик.

Мен: «Бугун одамларнинг олими вафот қилди», дедим.

У: «Аллоҳ уни бугун раҳмат қилсин! У Умарнинг халифалигида одамларнинг олими ва илм денгизи эди. Умар уни турли юртларга юборди ва ўз фикрларидан фатво айтишдан қайтарди. Зайд ибн Собит Мадинада ўтириб, Мадина аҳлига ва келганларга фатво берар эди», деди.

🔗 Тўлиқ ўқиш: https://islom.uz/maqola/22273

🕋 @islomuz

Islom.uz

08 июня 2024 07:58

2024-2025 ўқув йили учун олий ва ўрта махсус диний таълим муассасаларига қабул эълон қилинади

Ўзбекистон мусулмонлари идораси Таълим ва илмий-тадқиқот бўлими 2024-2025 ўқув йили учун олий ва ўрта махсус диний таълим муассасаларига абитуриентлардан ҳужжатларни қабул қилиш саналарини маълум қилади:

Тошкент ислом институти, Мир Араб олий мадрасаси ва барча ўрта махсус ислом таълим муассасаларига шу йил 20 июндан 20 июлга қадар;
Ҳадис илми мактабига 20 июндан 10 июлгача;
Тошкент ислом институтининг Модуль таълим тизимига 10 июлдан 30 июлгача.

🔗 Тўлиқ ўқиш: https://islom.uz/maqola/22271

🕋 @islomuz

Islom.uz

07 июня 2024 15:02

Telefonni maqtanish uchun sotib olmang

Shayx Muhammad Sodiq Muhammad Yusuf rahimahulloh

@islomuz

Islom.uz

07 июня 2024 13:32

Ҳаж ва умранинг мийқотлари

Аллоҳ таоло:

«Ҳаж маълум ойлардир», деган («Бақара» сураси, 197-оят).

Демак, ҳажни адо этиш учун маълум вақт, маълум ойлар эътиборга олинади.

Шаввол ва Зулқаъда ойлари тўлиқ, Зулҳижжа ойининг биринчи ўн куни ҳаж ойлари ҳисобланади. Мана шу пайтда ҳажни ният қилиб, эҳромга кирса бўлади. Албатта, Зулҳижжа ойининг ўнинчи куни, яъни Қурбон ҳайити куни бундан мустасно.

🔗 Тўлиқ ўқиш: https://islom.uz/maqola/22268

🕋 @islomuz

Islom.uz

07 июня 2024 11:48

Ойларнинг саййиди – Рамазон, уларнинг ҳурмати, энг баланди зулҳижжадир


وَعَنْ جَابِرٍ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: أَفْضَلُ أَيَّامِ الدُّنْيَا الْعَشْرُ يَعْنِي عَشْرَ ذِي الْحِجَّةِ. رَوَاهُ الْبَزَّارُ وَسَنَدُهُ صَحِيحٌ.

Жобир розияллоҳу анҳудан ривоят қилинади:

Расулуллоҳ соллаллоҳу алайҳи васаллам шундай деганлар: «Дунё кунларининг энг афзали ўн кунлик (яъни, зулҳижжанинг ўн куни)дир»

Баззор ривояти. Ривоят санади саҳиҳ.

🔗 Тўлиқ ўқиш: https://islom.uz/maqola/22265

🕋 @islomuz

Islom.uz

06 июня 2024 20:14

🌙 Zulhijja oyining fazlidan bebahra qolmang!

Zulhijja oyining qanday fazilatlari bor, Qurbon hayitiga qanday tayyorlanish kerak?

🕋 @islomuz

Islom.uz

06 июня 2024 15:02

«Uyali aloqa vositalari odobi» risolasi haqida

Shayx Muhammad Sodiq Muhammad Yusuf rahimahulloh

@islomuz

Islom.uz

06 июня 2024 10:41

Зулҳижжа ойининг дастлабки ўн кунининг фазилати

Аллоҳ таоло Қуръони Каримда шундай марҳамат қилади:


وَالْفَجْرِ وَلَيَالٍ عَشْرٍ وَالشَّفْعِ وَالْوَتْرِ

«Тонгга қасам. (Зулҳижжа ойидаги аввалги) ўн кечага қасам. Жуфт ва тоққа қасам» (Фажр 1-3 оятлар). «Жуфтга қасам» даги «жуфт»дан мурод, зулҳижжа ойининг ўнинчи куни, «тоқ»дан мурод эса тўққизинчи кунидир (Баёнул Қуръон, 12 - бет).

«Дуррул мансур»да бир неча санадлар билан ривоятлар келтирилган бўлиб, унда Набий соллаллоҳу алайҳи васаллам оятдаги «ўн кечага қасам»дан зулҳижжанинг ўн куни, «тоқ»дан эса, зулҳижжанинг тўққизинчи куни, «жуфт»дан эса, зулҳижжанинг ўнинчи куни ирода қилинган, деганлар (Хитоботул аҳком, 146 бет).

🔗 Тўлиқ ўқиш: https://islom.uz/maqola/543

🕋 @islomuz