Islom.uz

21 мая 2024 12:02

Abu Hurayra roziyallohu anhudan rivoyat qilinadi:

«Nabiy sollallohu alayhi vasallam: «Kimni rizqining kengaytirilishi va ajalining ortga surilishi xursand qilsa, qarindoshlariga silai rahm qilsin», dedilar».

Buxoriy va Muslim rivoyat qilishgan.

@islomuz

Islom.uz

21 мая 2024 06:01

Қандай қилиб Декарт имом Ғаззолийнинг назариясини ўзиники қилиб олди

Дин Халверзондан олинган иқтибосга кўра: «Файласуф Рене Декарт (1596-1650) «пирронизм» деб аталган ҳаракатни танқид остига олиб, Черковни ҳақиқат манбаидан яна ҳам узоқлаштириб юборди. Пирронизм (милоддан аввалги 365-275 йилларда яшаган юнон скептик файласуфи Пирроннинг номи билан аталган) мутлақо ҳамма нарсани шубҳа остига олувчи назария бўлиб, ишончсизликнинг ўтакетган ашаддий кўриниши эди. Унга кўра ҳеч нарсага ишонч билан қараш мумкин эмас эди. Декартнинг сogito ergo sum («Фикрлаяпман, демак, мавжудман») деган машҳур иборасининг маъноси шунда эдики, у Пирроннинг ўз усулини – ҳамма нарсани шубҳа остига олиш усулини унинг ўзига қарши қўйган, яъни инкор қилиб бўлмас бир фактни: шубҳаланаётган одам ўзининг мавжудлигига ишончи комил бўлиши мумкинлигини исботлаган эди. Декарт динни ислоҳ қилувчи деган ном олиб, шуҳрат таратмоқчи бўлмаган, бироқ ҳақиқатни топишнинг у таклиф этган янги усули насронийликнинг туб-тубигача ларзага солди. Бирон нарсага комил ишонч билан ишонишнинг асоси Худо эмас, инсон бўлиб қолди».

🔗 Тўлиқ ўқиш: https://islom.uz/maqola/22186

🕋 @islomuz

Islom.uz

20 мая 2024 15:02

«Yo‘l harakati fiqhi» kitobi haqida

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

20 мая 2024 13:02

Шайх Муҳаммад Содиқ Муҳаммад Юсуф: Қурултой минбарида

Бисмиллаҳир роҳманир роҳим. Алҳамду лиллаҳи роббил аъламин, вассалоту вассалому аъло хайри халқиҳи Муҳаммад ва аъло олиҳи ва асҳабиҳи ажмаъийн.

Азиз биродарлар!

Кейинги бир ярим йил ичида, Ўрта Осиё ва Қоғистондаги туркий ҳалқлар ўз тарихидаги энг аянчли қора кунларни бошидан кечирди.

Ҳукуматимиз бошлиғи Ўшдаги воқеаларни гапириб берди. Мендан олдин сўзга чиққан депутат: «Нима учун фақат туркий халқлар бир-бирини ўлдиряпти?» «Нима учун мусулмонлар мусулмонларнинг қонини тўкяпти?» – деган ҳақли саволни берди.

Ўйлаб кўрайлик: Фарғона, Қирғизистон билан Тожикистон чегарасидаги сув талашиш можароси, Бўка, Паркент, Душанбе ва ниҳоят Ўш воқеалари. Буларнинг барчаси битта занжир. Бир тизимга боғлиқ ҳолда давом этаётган воқеалардир. Бу ерларда жафо кўрганлар фақат мусулмонлар. Ўлганлар ҳам фақат мусулмонлар: уйи куйганлар ҳам шулар. Шунинг орқасидан қамалаётганлар ҳам шулар.

Нима учун бундоқ бўляпти? Сабабчилари қани? Хўш, Фарғона воқеасининг ҳақиқий айбдорлари топилдими? Бўкадаги айбдорлар топилдими? Ёки Душанбеда ҳалок бўлган болаларнинг айбдорлари топилдими? Биттаси ҳам топилгани йўқ!

🔗 Тўлиқ ўқиш: https://islom.uz/maqola/22184

🕋 @islomuz

Islom.uz

20 мая 2024 06:00

«Касал юқди дейиш» тўғрими?

Бу иллат қадимги жоҳилиятда ўзига хос равишда авж олган. Хоҳ одамга бўлсин, хоҳ ҳайвонга бўлсин, «касал фалончидан юқди, шуни қилмаса бўлар эди», «у эди, бу эди» каби гапларни кўп эшитар эдилар. Бундай пайтда дунёда фақат касаллик ҳоким бўлиб қолганга ўхшайди. Ҳамма ёқда касаллик, нимани хоҳласа, шуни қила олади, деган фикр ҳукм суради. Бу ишларнинг ҳаммасининг тадбирчиси Аллоҳ таолонинг Ўзи эканлигини эса хаёлларига ҳам келтирмайдилар. Ҳар бир нарса Аллоҳдан, деган эътиқод уларда йўқ. Шунинг учун ҳам Пайғамбаримиз соллаллоҳу алайҳи васаллам ҳадиси шарифда:

«Бир туя қўтир бўлди. Юз туяни қўтир қилди (дейдилар). Биринчи туяни ким қўтир қилибди?» демоқдалар.

Ҳа, бу ҳақда жиддий ўйлаб кўриш, агар Аллоҳнинг иродаси бўлмаса, қўтир касали юқмаслигини эсдан чиқармаслик керак. Ҳамма нарса ягона Аллоҳ таолонинг иродаси билан бўлишига эътиқод қилиш лозим.

🔗 https://islom.uz/maqola/22180

🕋 @islomuz

Islom.uz

19 мая 2024 15:42

Миср пирамидалари қандай қурилган?

4 минг йил олдин қурилган Миср пирамидаларининг қандай тарзда қурилгани ҳали ҳам сирлигича қолган. Олимлар бу жумбоқнинг жавобини топган бўлиши мумкин.

Мисрда бундан 4 минг йил илгари қурилган 31 та пирамида, жумладан, дунёга машҳур Гиза мажмуаси ўзининг сир-синоатини сақлаб қолган.

Яқинда тадқиқот ўтказган Шимолий Каролина Уилмингтон университети тадқиқотчилари пирамидалар Нил дарёсининг қачонлардир мавжуд бўлган қадимий тармоғи бўйлаб қурилган бўлиши мумкинлигини аниқлади. Бу ҳақда bbc.com манбасига таяниб, kun.uz сайти хабар берди.

🔗 Тўлиқ ўқиш: https://islom.uz/maqola/22179

🕋 @islomuz

Islom.uz

19 мая 2024 13:27

Насабларга тил теккизиш

Жоҳилий кишилар ўз ҳасаби ила фахрланиш билан бирга, ўзгаларнинг насабига тил теккизадилар. Уларнинг насаблари ҳалол-пок насаб эканлигини шубҳа остига қўйишга, ўзларига ёқмаган кишиларни «таги паст»ликда айблашга уринадилар. Жоҳилият аҳлининг бундай қилишини тушунса бўлади. Лекин Ислом аҳлидан бу иш содир бўлса, нима дейиш мумкин?! Кишиларнинг насабига тил теккизиш катта гуноҳдир. Буни ҳар бир мусулмон асло унутмаслиги лозим.

🔗 https://islom.uz/maqola/22178

🕋 @islomuz

Islom.uz

18 мая 2024 18:09

Малайзия Бош вазири Анвар Иброҳим Самарқандда

Малайзия Бош вазири Анвар Иброҳим Самарқандга ташрифи давомида шаҳардаги муқаддас қадамжо ва тарихий-маданий ёдгорликларни зиёрат қилди.

Шоҳи Зинда мажмуаси зиёрати чоғида олий мартабали меҳмонга заминимизга муқаддас ислом динининг кириб келиши ва равнақ топиши йўлида хизмат қилган алломалар ва уларнинг издошлари ҳаёти, фаолияти ҳақида маълумот берилди. Бу ердаги ҳар бир обида ва унинг тарихи, уларни асраб-авайлаш борасида амалга оширилаётган ишлар юртимизда диний-маърифий соҳадаги ишларнинг бир кўриниши эканлиги таъкидланди.

Амир Темур мақбараси билан танишув чоғида улуғ жаҳонгир ва темурийларнинг давлатчилик тарихи, Мовароуннаҳрда амалга оширилган бунёдкорлик ишлари эътироф этилди.

Анвар Иброҳим дунёга машҳур Регистон мажмуасини томоша қилар экан, бу ердаги мадрасалар Самарқанд заминининг азалдан илм-маърифат, маданият маркази бўлганлигини қайд этди.

Малайзия Бош вазирининг юртимизга ташрифи давом этмоқда.

🔗 https://islom.uz/maqola/22176

🕋 @islomuz

Islom.uz

18 мая 2024 15:44

«Умра» тадбирларини ташкил этиш бўйича янги тартиб жорий этилди

Кейинги йилларда юртдошларимизнинг «Умра» зиёратига бориб келишида турли муаммоларга дуч келиш ҳолатлари аниқланмоқда.

Хусусан, туризм фаолияти билан шуғулланаётган айрим тадбиркорлар «Умра» сафарига кетиш ҳақидаги рекламаларда берилаётган ваъдаларини бажармаётгани, манзилга етиб борганда меҳмонхоналар билан боғлиқ муаммолар мавжудлиги, кўп ҳолларда эса зиёратчилар бориш-келишда самолёт рейсларининг белгиланган санадан кечикиши каби ҳолатларни мисол қилиб келтириш мумкин.

🔗 Тўлиқ ўқиш: https://islom.uz/maqola/22173

🕋 @islomuz

Islom.uz

18 мая 2024 10:56

Sevintiringlar, nafrat qildirmanglar

Abu Muso roziyallohu anhudan rivoyat qilinadi:

«Rasululloh sollallohu alayhi vasallam: «Sevintiringlar, nafrat qildirmanglar, osonlashtiringlar, qiyinlashtirmanglar», dedilar».

Muslim rivoyat qilgan.

@islomuz

Islom.uz

17 мая 2024 17:02

Xotima

(2-qism)

«Qarz va unga bogʻliq masalalar» 16-son

📖 Shayx Muhammad Sodiq Muhammad Yusuf qalamiga mansub «Qarz va unga bogʻliq masalalar» kitobi suxandon lafzida

🎙 Qamariddin Bekmuhammad o'qidi

📹 YouTube

🕋 @islomuz

Islom.uz

17 мая 2024 14:18

Набий алайҳиссаломнинг соч толалари

Муҳаммад ибн Сириндан ривоят қилинади:

«Абийдага: «Бизда Набий соллаллоҳу алайҳи васалламнинг Анасдан ёки Анас розияллоҳунинг аҳлидан олганимиз сочлари бор», дедим. У: «Ундан бир толаси менда бўлиши мен учун дунё ва ундаги барча нарсалардан севимлироқдир», деди».

Бухорий ривоят қилган.

Анас ибн Молик розияллоҳу анҳудан ривоят қилинади:

«Сартарошнинг Расулуллоҳ соллаллоҳу алайҳи васалламнинг сочларини олаётганини кўрдим. Саҳобалари у зотни ўраб олишган эди. Бирор соч донаси тушса ҳам бирор кишининг қўлига тушишини хоҳлашар эди».

Муслим ривоят қилган.

🔗 https://islom.uz/maqola/22162

🕋 @islomuz

Islom.uz

17 мая 2024 06:04

Жума фазилатли кун

Салмон ибн Омир розияллоҳу анҳудан қилинган ривоятда Расулуллоҳ соллаллоҳу алайҳи васаллам: «Мискинга қилинган садақа (битта) садақадир, қариндошга қилингани эса иккита – ҳам садақа, ҳам силаи раҳмдир», дедилар.

Имом Насоий ва имом Термизий ривояти.

Изоҳ: «Садақа» уламолар истилоҳида Аллоҳ таолога қурбат ҳосил қилиш нияти ила тириклик чоғида эвазсиз мулк қилиб беришдир.

Садақа жуда эътиборли нарса, унинг катта-кичиги бўлмайди. Зотан, садақа сўзи «сидқ», «содиқ» сўзларидан олинган бўлиб, банданинг иймон борлигини тасдиқловчи амал деган маънони билдиради. Кишининг иймони, Аллоҳга ишончи бўлса, қалбида қилаётган хайр-эҳсонининг савобидан умидворлик туйғуси бўлса, берган садақаси ана шу туйғуларнинг чин эканлигини тасдиқлайди.

Шунинг учун бу гўзал амал садақа деб аталади. Бўлмаса, мол-дунё беришни нафақа ҳам, хайр-эҳсон ҳам дейиш, турлича номлаш мумкин, лекин уларнинг ҳаммаси умумлаштирилиб, садақа дейилган. Садақа иймоннинг, эҳсоннинг, қалбдаги мурувватнинг ва бошқа кўп хайр-баракотларнинг тасдиғидир.

🔗 https://islom.uz/maqola/22158

🕋 @islomuz

Islom.uz

16 мая 2024 16:27

2024 йилги ҳаж мавсумида зиёратчиларга шиша идишларда замзам суви берилади

2024 йилги ҳаж мавсумига Покистон ва бошқа мамлакатлардан ҳаж ибодатини адо этувчи зиёратчиларнинг биринчи гуруҳи муқаддас заминга етиб келди.

Ҳаж мавсумида Саудия Арабистонининг Al Zamazemah компанияси томонидан зиёратчиларга шиша идишда замзам суви бериш қарори қабул қилинди. Ҳаж мавсуми вақтида зиёратчиларга жами 400 миллион идишда замзам суви тарқатилади. Al Zamazemah компанияси замзам сувини зиёратчиларга қулай етказиб бериш учун рақамли платформалардан фойдаланади.

Ушбу компаниянинг бошқарув аъзоси Ёсир Шушудан олинган маълумотга кўра, ҳар бир зиёратчига 22 та замзам суви идишлари берилади. Зиёратчилар билан тўғридан-тўғри мулоқот қилиш учун рақамли каналлар тайёрланган, бу эса жараённинг узлуксиз ишлашини таъминлайди.

Саудия Арабистони ахборот агентлигининг маълумотига кўра, идишлар осонгина сканерлаш мумкин бўлган штрих-кодлар билан чоп этилади. Ушбу ёндашув буюртмани олиш ва зиёратчига замзам идишларини етказиб бериш учун рақамли трансформациянинг энг юқори стандартидан фойдаланишни таъминлайди.

Al Zamazemah компанияси зиёратчиларга қулай ва самарали хизмат кўрсатиш мақсадида ҳаж мавсуми олдидан ўқув-семинар машғулотларини режалаштирган.

Саудия Қироллиги ўтган йили ҳаж мавсумида 1,8 миллион ҳожиларни қабул қилган. Бу йил эса ушбу кўрсаткич 2 миллион бўлиши кутилмоқда.

🔗 https://islom.uz/maqola/22157

🕋 @islomuz

Islom.uz

16 мая 2024 12:22

2024 йилги ҳаж мавсуми 23 майдан бошланади

Ўзбекистонда ҳаж мавсуми 2024 йил 23 майдан бошланади, Республикамиздан Саудия Арабистони Подшоҳлигига 7 июнга қадар ҳар куни авиақатновлар қўйилади.

🛫 Зиёратчилар мамлакатимизнинг 10 та ҳудудий аэропортидан «Uzbekistan Airways» авиакомпаниясининг Тошкент-Мадина, Бухоро-Мадина, Наманган-Мадина, Фарғона-Мадина, Самарқанд-Мадина, Қарши-Мадина, Термиз-Мадина, Урганч-Мадина, Нукус-Мадина ва Навоий-Мадина авиарейслари орқали ҳаж сафарига кузатилади.

Ҳаж ва умрани ташкил этиш ва ўтказиш бўйича Республика жамоатчилик кенгаши жорий мавсумга тайёргарлик ишларини турли йўналишларда жадал давом эттирмоқда. Жумладан, зиёратчиларни тиббий кўрикдан ўтказиш, эмлаш, гуруҳларга раҳбарлар бириктириш, сафар олдидан машғулотлар ўтказиш, шифокор ва ошпазлар гуруҳини жалб этиш, сафар ҳужжатларини расмийлаштириш ишлари якунига етказилмоқда.

Шу кунларда гуруҳ раҳбарлари зиёратчилар билан ҳаж арконлари ҳақида суҳбат қилмоқда. Ҳар бир зиёратчига «Ҳаж – буюк ибодатдир» номли қўлланма, нимча кабилар тақдим этилмоқда.

Мавсумга пухта тайёргарлик кўриш мақсадида дастлабки ишчи гуруҳ Саудия Арабистонига етиб бориб, айни кунларда барча ташкилий ишларни бажармоқда.

Ўзбекистон мусулмонлари идорасининг сайти ва ижтимоий тармоқ саҳифаларида ҳаж амаллари ҳақидаги туркум суҳбатлар, тавсиялар, мақолалар, шаръий савол-жавоблар эълон қилинмоқда.

🔗 https://islom.uz/maqola/22156

🕋 @islomuz

Islom.uz

21 мая 2024 11:32

«Ҳаж – 2024» ишчи гуруҳи жамоаларига улкан масъулият юкланди
 
Шу йил 20 май куни Ўзбекистон мусулмонлари идораси раиси, муфтий Нуриддин Холиқназар ҳазратлари раислигида «Ҳаж – 2024» мавсумини юқори даражада ўтказиш бўйича видеоселектор йиғилиши бўлиб ўтди. Унда ҳаж делегацияси вакиллари, ишчи гуруҳи аъзолари, элликбошилар ва шифокорлар жамоаси иштирок этди.
 
Мажлисда муфтий ҳазратлари ҳаж қилувчи инсон Ҳақ таолонинг меҳмони экани, шу боис ҳаж амалини бажараётган кишига кўмак берган, унинг оғирини енгил қилган инсон улуғ ажру савобларга ноил бўлишини сўзлаб, ҳар бир ишчи гуруҳи аъзоси ва элликбошилар ана шундай улуғ даражаларни мақсад қилиб, Раҳмоннинг меҳмонларига Ўзи рози бўладиган даражада сидқидилдан хизмат қилиши лозимлигини алоҳида қайд этдилар.
 
Йиғилиш давомида муборак сафарга қадар зиёратчилар билан мунтазам суҳбатлар ташкил этиш, ҳажнинг тартиб-қоидалари, фарз, вожиб ва суннатлари, ўзига хос машаққатларини тушунтириш, зикру дуолар қилиш, юртдошларимизнинг барча саволларига батафсил жавоб бериш зарурлиги таъкидланди.

@islomuz

Islom.uz

20 мая 2024 16:02

Ғазаб вақтида суҳбатлашмаслик керак

Расулуллоҳ соллаллоҳу алайҳи васаллам хотинлариникида навбати билан тунар эдилар. Ўшанда навбатлари Оиша онамиз розияллоҳу анҳонинг ҳужраларида эди. Расулуллоҳ соллаллоҳу алайҳи васаллам билан ҳужрада баъзи саҳобалари ҳам бор эди. Улар эр-хотинлик ҳаёти ҳақида буюк бир дарс арафасида эдилар.

Зайнаб бинт Жаҳш розияллоҳу анҳо онамиз таом пиширдилар. Набий алайҳиссалоту вассалом емасларидан у овқатдан ейиш онамизга татимади. Бир товоқда овқатдан олиб ходимлари орқали уни Расулуллоҳ соллаллоҳу алайҳи васалламга бериб юбордилар. Бу ишдан Оиша онамиз розияллоҳу анҳонинг рашклари келди. Бунақа ҳолатлар кундошлар орасида бўлиб туради. Буни Оиша онамиз ўз ҳақларига тажовуз деб билдилар. Ходимнинг қўлидаги товоқни уриб юбордилар. Идиш ерга тушиб синди. Овқат тўкилди.

🔗 Тўлиқ ўқиш: https://islom.uz/maqola/22185

🕋 @islomuz

Islom.uz

20 мая 2024 14:14

Ўзбекистонда исломий молия тизимига оид қонун лойиҳаси парламент муҳокамасига қўйилади

«Бу йил Ўзбекистонда исломий молия тизимини жорий этишга оид қонун лойиҳаси парламент муҳокамасига қўйилади» дейди Марказий банк раиси ўринбосари Беҳзод Ҳамраев.

– Ўзбекистонда исломий молиялаш тизимини йўлга қўйиш бўйича қонун лойиҳаси ишлаб чиқилди. Ҳужжат қабул қилинса, қонунчиликка жуда кўп ўзгартиришлар киритиш талаб этилади.

18 май куни бўлиб ўтган Сенат ялпи мажлисида «Ўзбекистон-2030» стратегиясида республикада ислом молияси қонуний асосларини шакллантириш ҳамда тартибларини жорий этиш белгилангани эслатилди. Беҳзод Ҳамраевнинг айтишича, ислом молиясини йўлга қўйиш бўйича қонун лойиҳаси ишлаб чиқилган бўлиб, ҳужжатни 2024 йил якунигача парламент муҳокамасига киритиш режалаштирилган.

🔗 Тўлиқ ўқиш: https://islom.uz/maqola/22187

🕋 @islomuz

Islom.uz

20 мая 2024 11:32

Тўртликлар

Дилни изҳор айламоққа сўзни яратди,

Сўзни бесўз айтмоқликка кўзни яратди.

Сўз билан сўз маъносининг фарқи бисёрдир,

Мисол қилиб атлас билан бўзни яратди.

* * *

Китоб бозорида китоблар ҳар хил,

Мевадек ранг-баранг, мевадек сархил.

Бири асл асар, ноёбу нодир,

Бири-чи, пишмаган мевадек тахир.

* * *

Тил тешадир, билмоқ керак ушламоқни,

Қўлга олма гар билмасанг ишламоқни.

Тўғри тутсанг, тил тешаси тош кесадир,

Эгри тутсанг, тил тешаси дил тешадир.

* * *

Фикринг бўлсин мисли тиниқ заррабин,

Кичикни хор қилма, тутар уволи.

Сулаймон измида бўлса-да дев, жин,

Ақл ўргатган унга митти чумоли.

* * *

Ари гул ахтариб, қанча йўл босиб,

Зарра бол ишқида заҳмат ҳўплайди.

Билади: ўзига қилмайди насиб,

Болни гул экканга атаб тўплайди.

* * *

«Барака, тўкинлик манбаидир қўй»,

Шул ҳадисни эсла, қўйга меҳр қўй.

«Ҳалво» деган билан оғиз чучимас,

Қўйга меҳр қўйсанг, танбалликни қўй.

Зайниддин Баҳриддинов

«Ҳилол» журнали 10(55) сони

🔗 https://islom.uz/maqola/22183

🕋 @islomuz

Islom.uz

19 мая 2024 17:02

Demak, siz yashayapsiz!

(ikkinchi qism)

Senariy muallifi va rejissyor:
Abdulhay Muhiddiniy

Tasvirchi:
Islom Abdurashidov

Ovoz rejissyori:
Subhan Muslim

Montajchi:
Yahyo Yunus

Rollarda:
Qamariddin Bekmuhammad
Biloliddin Saidjalolov

@islomuz

Islom.uz

19 мая 2024 15:03

Ulovni to‘xtatish odobi

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

19 мая 2024 08:28

Мусайлима ва Ансий каззоблар

Ибн Аббос розияллоҳу анҳумодан ривоят қилинади:

«Мусайлиматул-Каззоб Набий алайҳиссаломнинг даврларида Мадинага келиб, «Муҳаммад ўзидан кейин бу ишнинг ярмини менга қолдирса, унга эргашаман», деди. У ўз қавмидан анчагина одам билан келган эди. Расулуллоҳ алайҳиссалом у томон бордилар. У зотнинг ёнларида Собит ибн Қайс ибн Шаммос ҳам бор эди. Расулуллоҳ алайҳиссаломнинг қўлларида хурмо шохининг бўлаги бор эди. У зот шериклари орасида ўтирган Мусайлиманинг тепасига келиб тўхтаб, «Мендан мана шу чўпни сўрасанг ҳам бермайман. Аллоҳнинг иши сенга ўтмайди. Агар яна шундай қилсанг, Аллоҳ сени бўғизлайди. Менимча, тушимга кирган одам сенсан. Менинг ўрнимга сенга мана бу Собит жавоб беради», дедилар ва ўгирилиб кетдилар.

🔗 Тўлиқ ўқиш: https://islom.uz/maqola/22177

🕋 @islomuz

Islom.uz

18 мая 2024 17:02

Har bir musulmon kishi adolatli sanaladi

Ushbu videoda fazilatli shayx Muhammad Avvoma hazratlarining Qur’oni Karim va hadislarning hayotimizdagi o‘rni, ilmiy asosda taqdim etgan bayonlari, ilm ahllariga muhim bo‘lgan tavsiyalari, musulmonlar ommasi uchun nasihatlari berilgan.

🌐 https://youtu.be/2Y8lfkFfZ8k

@islomuz

Islom.uz

18 мая 2024 15:02

Ulovda Allohni zikr qilish

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

17 мая 2024 18:02

Малайзияликлар билан «Умра плюс» лойиҳаси амалга оширилади

Шавкат Мирзиёев ва Анвар Иброҳим икки мамлакат расмий делегациялари иштирокида музокара ўтказдилар.

Шавкат Мирзиёев Малайзия бош вазири Анвар Иброҳим билан зиёрат туризми бўйича қўшма дастурларни амалга ошириш, шу жумладан, “Умра плюс” лойиҳасини илгари суриш чораларини муҳокама қилди.

Бугун малайзиялик меҳмон Тошкентга етиб келди. У Кўксарой қароргоҳида расмий кутиб олинди. Шавкат Мирзиёев ва Анвар Иброҳим икки мамлакат расмий делегациялари иштирокида музокара ўтказдилар.

– Малайзия нафақат Жануби-Шарқий Осиё минтақасида, балки жаҳон миқёсида катта салоҳиятга эга бўлган, жадал ўсиб бораётган давлатдир. Мамлакатингиз билан алоқаларни сифат жиҳатидан янги босқичга кўтариш асосий мақсадимиз ҳисобланади, – деди Ўзбекистон президенти.

Музокарада:

• Сиёсий мулоқот ва парламентлараро алоқаларни янада мустаҳкамлаш;
• халқаро ташкилотлар доирасида ўзаро қўллаб-қувватлашни давом эттириш;
• гуманитар ва таълим дастурларини амалга ошириш;
• туризм ва маданий алмашинувни фаоллаштириш;
• савдо-иқтисодий ва инвестиция соҳаларида амалий ҳамкорлик қилиш;
• Ўзбекистон-Малайзия саноат зонасини ташкил этиш;
• сувни тежаш технологияларини жорий этиш;
• мева-сабзавот маҳсулотларини етиштириш ва қайта ишлаш;
• "Ҳалол" стандартлари бўйича сертификатлаштириш масалалари бўйича ҳамкорлик;
• ахборот технологиялари, камбағалликни қисқартириш ва транспорт боғлиқлигини кенгайтириш соҳасидаги шериклик масалалари муҳокама қилинди.

Шунингдек, "Марказий Осиё + АСЕАН" форматида ташқи ишлар вазирлари мулоқотини тузиш таклифини кўриб чиқиш ташаббуси билдирилди.

Музокаралар якунлари бўйича Ўзбекистон президенти ва Малайзия бош вазири кўп қиррали ҳамкорликни чуқурлаштириш тўғрисидаги қўшма баёнотни имзоладилар.

Маълумот ўрнида, "Умра плюс" лойиҳасида Саудия Арабистонига зиёратга отланган сайёҳлар аввал Ўзбекистонга келиб, Имом ал-Бухорийни зиёрат қиладилар.

🔗 https://islom.uz/maqola/22171

🕋 @islomuz

Islom.uz

17 мая 2024 15:02

Ulovga minish odobi

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

17 мая 2024 08:02

Abasa surasi bilan qisqacha tanishuv

Yaqinlaringizga ham ulashing!

🕋 @islomuz

Islom.uz

16 мая 2024 17:02

🎁 «Hazratni xotirlab» tanlovining 69-soni g‘olibi aniqlandi

🎉 Fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi «Hazratni xotirlab» ko‘rsatuvining navbatdagi g‘olibi aniqlandi.

Hay’at a’zolari tomonidan tanlovning 69-sonida Ahrorjon Bekjonov «Eng yaxshi fikr-mulohaza» tanlovining g‘olibi deb topildi.

Tanlov shartlari:

1. Ko‘rsatuv haqida umumiy fikringiz.
2. Ko‘rsatuvdagi eng yoqqan xotira qaysi bo‘ldi?
3. Eng ko‘p manfaatli bo‘lgan son qaysi bo‘ldi?
4. Barcha sonlardan olgan 10 ta xulosangiz.
5. Ko‘rsatuv bo‘yicha qanday taklif va mulohazalaringiz bor?
6. Hazrat bilan bog‘liq sizning qanday xotirangiz bor?

@islomuz

Islom.uz

16 мая 2024 15:02

Yo‘l-harakati qoidalariga rioya qilish

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

16 мая 2024 11:02

Mehnat natijasida yuzaga kelgan mahsulotga mehnat qilmaganlar narx qoʻyadilar. U ishlab chiqarish joyidan xaridorga yetib borguncha yuzta toʻsiqdan oʻtadi va har toʻsiq oʻziga keragini shilib qoladi. Ikki orada ishlab chiqaruvchi va xaridor jafo koʻradi, boyagi toʻsiqlar esa ishlamasdan tishlaydi, desak xato boʻlmaydi. Ishlab chiqaruvchi toʻgʻridan-toʻgʻri bozorga bormoqchi boʻlsin-chi, bu dunyoga kelganidan pushaymon yeydi.

Shayx Muhammad Sodiq Muhammad Yusuf
«Xalq so‘zi», 1991-yil 28-fevral

🕋 @islomuz