Islom.uz

16 мая 2024 08:14

Ёмғир ёққанда ўқиладиган дуо:

               اللَّهُمَّ صَيِّباً نَافِعاً

   "Аллоҳумма соййибан наафиъан.

Маъноси: "Парвардигоро, фойдали (хайрли) ёмғир қил"

Расулуллоҳ соллаллоҳу алайҳи васаллам: «...ёмғир пайтидаги дуо рад қилинмайди», дедилар.

@islomuz

Islom.uz

15 мая 2024 18:03

Janoza namozi haqidagi bob 1-qism | Fiqh saboqlari

Hidoya 91-son

Janoza namozi farzi kifoya boʻlish bilan birga, musulmonning musulmondagi haqqi hisoblanadi. Bu namozning oʻziga yarasha shartlari va ruknlari bor.

Muallif: Burhoniddin Marg'inoniy

Ustoz: A'zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

15 мая 2024 15:02

Ulovni pok saqlash

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

15 мая 2024 13:02

Уйғониш давридаги дунёқараш (тўртинчи мақола)

Шундан кейин кимлардир, Дин Халверзон тахмин қилганидек, университет олимлари, бошқалар тахмин қилганидек, кўзга кўринмас яширин кучлар айни Коперникнинг гапини динга қарши кўтарилишини ирода қилганлар. Улар, муқаддас китобда қуёш чиқади, ботади дейилган, бу дегани қуёш ернинг атрофида айланади деганидир. Коперник эса бу гап нотўғри эканини исбот қилди. Ер қуёшнинг атрофида айланар экан. Демак, муқаддас китоб уйдирма экан, илм эса ҳақиқат, дея жар солдилар. Бузуқ дин асосидаги черков эса бу гапни нобокорлик эканини эълон қилди ва бу гапни айтганларни тафтиш маҳкамасига тортишни бошлади. Жумладан Галило Галилейни қариб қолган бўлишига қарамай занбилга солиб, олиб келиб тафтиш маҳкамасига тортдилар. Шундай қилиб, европаликлар назарида дин билан илм бир-бирига ашаддий душман бўлиб қолдилар.

🔗 Тўлиқ ўқиш: https://islom.uz/maqola/22152

🕋 @islomuz

Islom.uz

15 мая 2024 06:39

Кимсалар бор...

Бир қуёшдин чўлда янтоқ, боғда гул-раъно битар,
Бир қаламдин ким ғазал-у ким эса иғво битар.

Кимса борки, бир дарахтни ўт ёқиб косов қилур,
Кимса борки, бир чивиқдан ўстириб асо битар.

Тил мисоли аридур кимдир андин заҳр йиғур,
Ким эса бол тўплабон шаҳду шакар ҳалво битар.

Биров борки, эгри сўзинг тўғрилаб лутф айлагай,
Биров борки, тўғри сўздин эл аро ғавғо битар.

Зайниддин, доимо бўлгил сен тилингга эҳтиёт,
Тил захми кетмагай, тиғ солган яро битар.


🔗 Тўлиқ ўқиш: https://islom.uz/maqola/22150

🕋 @islomuz

Islom.uz

14 мая 2024 17:06

Шайх Муҳаммад Содиқ Муҳаммад Юсуф: Бозордан чўчишнинг ҳожати йўқ (иккинчи мақола)

Чорвачиликни жадал ривожлантириш керак. Бир вақтлар одамларнинг қўлидаги ҳайвонлар тортиб олинди. Товуқ боқмоқчи бўлганларга ҳам солиқ солинди. Жамоа чорвачилиги эса тузилганидан буён зиёнкор соҳа бўлиб келмоқда. Аввал айтганимиздек, бу жабҳада ҳам катта узилиш рўй берди, кишиларда малака, тажриба қолмади. Ҳатто шу даражага бориб етдики, болаларга қўй билан эчкининг фарқини англатиш учун мол бозорига олиб бориб тушунтиришга тўғри келди. Ҳозир республика раҳбарлари зотдор чорва молларини келтириб аҳолига сотишни йўлга қўймоқчилар, бу жуда яхши иш. Шу билан бирга яйлов ем-хашак ва бошқа муаммоларни ҳам биргаликда, яъни мутаносиб равишда ҳал қилиб бориш керак.

Халқ ҳунармандчилиги – майда корхоналарни ҳам ривожлантириш мақсадга мувофиқдир. Модомики халққа керак экан, бешикми, сандиқми, обдастами ёки бошқа нарсами – чиқаравериш лозим. Нима керагу нима керак эмаслигини бозорнинг ўзи ҳал қилиб олади.

 🔗 Тўлиқ ўқиш: https://islom.uz/maqola/22148

🕋 @islomuz

Islom.uz

14 мая 2024 08:04

Пайғамбарликни даъво қилганлар

عَنْ أَبِي هُرَيْرَةَ رَضِي اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «لَا تَقُومُ السَّاعَةُ حَتَّى يُبْعَثَ دَجَّالُونَ كَذَّابُونَ قَرِيبٌ مِنْ ثَلَاثِينَ كُلُّهُمْ يَزْعُمُ أَنَّهُ رَسُولُ اللهِ. رَوَاهُ الْأَرْبَعَةُ.

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Дажжоллар, каззоблар чиқмагунича Қиёмат қойим бўлмайди. Улар ўттизга яқин бўлади, ҳаммаси ўзини Аллоҳнинг Расули деб даъво қилади», дедилар».
Тўртовлари ривоят қилганлар.

Шарҳ: «Дажжол» сўзи бу ерда макр-ҳийла қилувчи, адаштирувчи, алдовчи деган маънода келмоқда.

🔗 Тўлиқ ўқиш: https://islom.uz/maqola/22131

🕋 @islomuz

Islom.uz

13 мая 2024 18:02

☺️☺️☺️☺️☺️  

Hazratni qo‘llab-quvvatlashganda bundan ham katta ishlar bo‘lishi mumkin edi…

Hazratni xotirlab ko'rsatuvining 71-soni

Abdujalil Anorboy

Ushbu ko‘rsatuvda fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi suhbatlar berib boriladi.

Suhbatlarda hazratga zamondosh bo‘lgan ulamolar, u zotning oila aʼzolari, shogirdlari va muxlislarining shayx hazratlari haqidagi xotiralari bilan tanishib borasiz.

📹 Premyera

🕋 @islomuz

Islom.uz

13 мая 2024 15:01

Ulovni uvol qilmang!

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

13 мая 2024 06:02

Исломнинг иззатини намоён қилган элчилар

Бувайб жанги

(ҳижрий 13 йил Рамазон ойи, милодий 634 йил)

Бу жой Куфага яқин эди. Мусаннонинг қўмондонлигида мусулмонлар форслар устидан жуда катта ғалаба қозондилар.

Шунда Саъд ибн Абу Ваққос розияллоҳу анҳу қўмондонлигида мадад қучлари, шунингдек, халифа Умар розияллоҳу анҳунинг буйруғи билан Саъд ибн Абу Ваққос розияллоҳу анҳу умумий лашкарбоши этиб тайинланганлари ҳақидаги хабар ҳам етиб келди.

🔗 Тўлиқ ўқиш: https://islom.uz/maqola/22142

🕋 @islomuz

Islom.uz

12 мая 2024 17:02

Demak, siz yashayapsiz!

(birinchi qism)

@islomuz

Islom.uz

12 мая 2024 12:36

Hazratni qo‘llab-quvvatlashganda bundan ham katta ishlar bo‘lishi mumkin edi…

Abdujalil Anorboy

"Hazratni xotirlab" ko‘rsatuvining 71-sonini ertaga soat 21:00 da YouTube sahifamiz orqali tomosha qiling!

🕋 @islomuz

Islom.uz

11 мая 2024 13:13

Тавба намози

عَنْ عَلِيِّ رَضِي اللهُ عَنْهُ قَالَ: كُنْتُ رَجُلًا إِذَا سَمِعْتُ مِنْ رَسُولِ اللهِ صلى الله عليه وسلم حَدِيثًا نَفَعَنِي اللهُ مِنْهُ بِمَا شَاءَ أَنْ يَنْفَعَنِي، وَإِذَا حَدَّثَنِي رَجُلٌ مِنْ أَصْحَابِهِ اسْتَحْلَفْتُهُ، فَإِذَا حَلَفَ لِي صَدَّقْتُهُ، وَإِنَّهُ حَدَّثَنِي أَبُو بَكْرٍ وَهُوَ صاَدِقٌ قَالَ: سَمِعْتُ رَسُولَ اللهِ صلى الله عليه وسلم يَقُولُ: مَا مِنْ رَجُلٍ يُذْنِبُ ذَنْبًا ثُمَّ يَقُومُ فَيَتَطَهَّرُ، ثُمَّ يُصَلِّي، ثُمَّ يَسْتَغْفِرُ اللهَ إِلَّا غَفَرَ اللهُ لَهُ، ثُمَّ قَرَأَ هَذِهِ الْآيَةَ -ﭭ ﭮ ﭯ ﭰ ﭱ ﭲ ﭳ ﭴ ﭵ ﭶ ﭷ- الْآيَةِ. رَوَاهُ التِّرْمِذِيُّ وَابْنُ مَاجَهْ.

Али розияллоҳу анҳудан ривоят қилинади:

«Қачон Расулуллоҳ соллаллоҳу алайҳи васалламдан бир ҳадис эшитсам, Аллоҳ менга ундан Ўзи хоҳлаганича наф берадиган одам эдим. Қачон у зотнинг саҳобаларидан бири менга ҳадис айтса, мен ундан (гапи тўғрилигига) қасам ичишни талаб қилар эдим. Агар у қасам ичса, (гапини) уни тасдиқлар эдим. Албатта, шаън шулки, менга Абу Бакр бир ҳадис айтди. Зотан, у содиқдир:

«Мен Расулуллоҳ соллаллоҳу алайҳи васалламнинг «Қайси бир одам гуноҳ қилиб қўйса, сўнгра туриб, таҳорат қилиб, намоз ўқиса, кейин Аллоҳга истиғфор айтса, албатта, Аллоҳ уни мағфират қилади», деганларини эшитдим. Сўнгра у зот:

«Ва улар фаҳш иш ёки ўзларига зулм қилсалар, Аллоҳни эслаб, гуноҳларини мағфират қилишини сўрайдилар» (Олим Имрон 135-оят) оятини қироат қилдилар», деди».

Термизий ва Ибн Можа ривоят қилганлар.

🔗 Тўлиқ ўқиш: https://islom.uz/maqola/213

🕋 @islomuz

Islom.uz

10 мая 2024 18:02

Xotima

«Qarz va unga bogʻliq masalalar» 15-son

📖 Shayx Muhammad Sodiq Muhammad Yusuf qalamiga mansub «Qarz va unga bogʻliq masalalar» kitobi suxandon lafzida

🎙 Qamariddin Bekmuhammad o'qidi

📹 YouTube

🕋 @islomuz

Islom.uz

10 мая 2024 14:04

Саъд ибн Абу Ваққос розияллоҳу анҳунинг фазилатлари (тўққизинчи мақола)

Абдуллоҳ ибн Аббос розияллоҳу анҳудан ривоят қилинади: Саъд ибн Абу Ваққос розияллоҳу анҳу Пайғамбаримиз алайҳиссаломга:

«Эй Аллоҳнинг Расули, дуо қилинг, Аллоҳ мени дуоси қабул бўладиганлардан қилсин», дедилар. Шунда Пайғамбар алайҳиссалом:

«Эй Саъд, таомингни ҳалол қил, дуоси қабул бўладиган бўласан. Муҳаммаднинг жони қўлида бўлган Зот билан қасамки, бир одам ҳаром луқмани қорнига ташласа, Аллоҳ унинг дуосини қирқ кунгача қабул қилмайди. Қайси банданинг гўшти ҳаромдан ва рибодан ўсса, унга дўзах муносибдир», дедилар.

Сўнгра эса қуйидаги ривоятда келадиган дуони қилдилар.

عَنْ سَعْدٍ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: اللَّهُمَّ اسْتَجِبْ لِسَعْدٍ إِذَا دَعَاكَ. رَوَاهُ التِّرْمِذِيُّ.

Саъд розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Аллоҳим! Қачон Саъд Сенга дуо қилса, қабул айлагин!» дедилар».

Термизий ривоят қилган.

🔗 Тўлиқ ўқиш: https://islom.uz/maqola/22137

🕋 @islomuz

Islom.uz

16 мая 2024 07:23

Ҳасаблар ила фахрланиш

Жоҳилиятнинг энг кўзга кўринган ишларидан бири мана шу – аждодларнинг обрў-эътибори, нуфузи билан мақтанишдир. Ислом дини келишидан олдинги араб жоҳилиятида ҳам отам у қилган, бобом бу қилган, деб фахрланиш, ўзини бошқалардан устун қўйиш бор эди. Бу мутлақо нотўғри ишдир. Ўтиб кетган кишилар яхши иш қилишган бўлса, ўзлари учун қилганлар. Аммо нима учун улардан кейин қолганлар ўзлари бир иш қилмай, ҳасаблари билан фахрланадилар, бошқалардан устунман, деб гердаядилар? Ҳозирда улардан кўра яхши амаллар қилиб турганларни камситадилар? Одамлар орасида турли келишмовчиликларни келтириб чиқарадилар? Исломдан олдин бу ишни қилганларнинг маълум даражада узрлари бўлиши мумкин. Аммо мусулмон бўла туриб, бу ишни қиладиганларга нима дейиш мумкин? Уларнинг гуноҳлари жоҳилларнинг гуноҳларидан ҳам каттароқ бўлмайдими?

«Ҳадис ва ҳаёт» китоби 7-жузи асосида тайёрланди

🔗 https://islom.uz/maqola/22155

🕋 @islomuz

Islom.uz

15 мая 2024 16:02

Мадинада Ҳаж мавсумида 18 та шифохона ва тиббиёт марказлари хизмат қилади

Мадина саломатлик кластери томонидан 2024 йилги Ҳаж мавсумида зиёратчиларга хизмат кўрсатиш учун 18 та шифохона ҳамда тиббиёт марказлари ажратилди.

Madina Health Claster хабарига кўра, тиббиёт марказлари ва шифохоналар жаҳон андозаларига мос ускуналар билан жиҳозланган, зиёратчиларга ёрдам бериш учун юқори малакали 20000 дан ортиқ ходимлар хизмат қилиши маълум қилинган.

Ҳаж мавсумида ходимлар зиёратчиларга хизмат қилиш учун икки сменада ишлайди.

Шунингдек, шошилинч масалаларга жавоб бериш учун фавқулодда вазиятлар бўлими хизмати жорий қилинди.

🔗 https://islom.uz/maqola/22153

🕋 @islomuz

Islom.uz

15 мая 2024 14:03

#маълумот

15-май халқаро оила куни

☝️ Маълумки, 15-май бутун дунёда халқаро оила куни деб эълон қилинган. Ушбу куннинг белгиланишидан мақсад оилаларнинг муаммоларига жамоатчиликнинг эътиборини жалб қилишдир.

Бугунги кунда юртимизда ҳам оилаларнинг фаровонлиги, уларда учраётган муаммоларга ечим бериш халқимиз орасида энг кўп муҳокама қилинадиган ишлардан биридир.

✅ Қуйида «Hilol Nashr» ва бошқа нашриётлар томонидан чоп қилинган, оилаларнинг тотувлиги, эр ва аёлнинг меҳр-муҳаббат ила ҳаёт кечиришлари, уларнинг ўзаро сокинлик топишлари, қўйингки, оилаларнинг бахтиёр оила бўлиб яшашларини таъминлаш мақсадида ёзилган китобларни эътиборингизга ҳавола қиламиз.

1. «Бахтиёр оила» — 72 000 сўм

2. «Baxtiyor oila» (lotin alifbosida) — 72 000 сўм

3. «Никоҳ китоби» — 96 000 сўм

4. «Жаннат бўстонидаги оилавий оқшомлар» — 71 000 сўм

5. «Бахтли ҳаёт ҳақида 77 ҳикоя» — 15 000 сўм

6. «Бу менинг оилам» (Ҳаётий воқеалар) — 11 000 сўм

7. «Саодат калити» — 12 000 сўм

Мазкур китобларни ўқиш ва уқиш орқали оилаларда кузатиладиган, кузатилаётган, кузатилиши мумкин бўлган муаммолардан биттаси бўлса ҳам барҳам топса, мақсадимизга етган бўламиз. 😊

☎️ +998712175999

📥 Буюртма учун: @hilolnashruzbot

📍 Манзилларимиз

@hilolnashr

Islom.uz

15 мая 2024 11:30

Исломни парчалашга ҳаракат қилганлар

Жалуло фатҳи

Жалуло Яздажир қочиб борган шаҳар эди. Ўша ерда у билан бирга форслар жамланиб, қўрғон кўтаришган, мудофаа истеҳкомини қуришган эди. Мусулмонлар шаҳарга етиб бориб, уни ҳам фатҳ қилдилар ва буюк зафар қучдилар. Ундан олинган ўлжалар Мадоиннинг ўлжаларидан кам бўлмади.

Сўнг мусулмонлар Ҳулвон, Тикрит, Мовсил, Мосабазон, Аҳвазон, Тустар, Сус, Жундайсобур каби шаҳарларни фатҳ қилдилар.

Мусулмонлар форсларнинг энг катта амирларидан бири Ҳурмузонни тутиб олиб, уни ўлжалар билан қўшиб Умар розияллоҳу анҳуга юбордилар.

🔗 Тўлиқ ўқиш: https://islom.uz/maqola/22151

🕋 @islomuz

Islom.uz

14 мая 2024 18:01

👁 Ko'z qalqonlari

Alloh taolo bizga ne'mat qilib bergan kipriklarimiz bo'lmaganda hayotimiz qay darajada qiyin kechardi?

Bu haqida ushbu videodan to'liq ma'lumot olishingiz mumkin

#Allohning_mojizalari

@islomuz

Islom.uz

14 мая 2024 13:32

Кўкалдош мадрасасида Қуръон базми

Жорий йилнинг 13 май куни Ўзбекистон мусулмонлари идораси тасарруфидаги «Кўкалдош» ўрта махсус ислом билим юртида битирувчи курс талабаларининг «Хатмона – 2024» байрам тадбири бўлиб ўтди.

Файзли маросимда Ўзбекистон мусулмонлари идораси раиси ўринбосари Зайниддин домла Эшонқулов, «Кўкалдош» ўрта махсус ислом билим юрти мудири Абдулҳаким қори Матқулов, Диний идора бўлим мудирлари, таниқли уламолар, устоз-мураббийлар ва талаба-ёшлар иштирок этишди.

Хатмонада сўзга чиққан нотиқлар охирги йилларда юртимизда амалга оширилаётган диний-маърифий соҳадаги ислоҳотлар, ёшларнинг илм ва касб-ҳунар эгаллашлари учун берилаётган имкониятлар, диний таълим сифатини ошириш борасидаги янгиланишларни сўзлаш баробарида битирувчиларнинг келгуси фаолиятига муваффақият тиладилар. 

Маросим якунида фаол талабалар, уларнинг жонкуяр устозларига мақтов ёрлиқлари ва битирувчилар ота-оналарига ташаккурномалар тақдим этилди.

 🔗 Тўлиқ ўқиш: https://islom.uz/maqola/22147

🕋 @islomuz

Islom.uz

14 мая 2024 04:48

Ота-онага яхшилик қилиш гуноҳларга мағфират

Ота-онага яхшилик қилиш фарзанд учун кўплаб яхшиликларнинг манбаидир. Ота-онага яхшилик қилиш ила эришиладиган яхшиликлар бу дунё ва охиратнинг яхшиликларидир. Жумладан, фарзанд ота-онага яхшилик қилиш орқали гуноҳларининг мағфират қилинишига эришиши мумкинлигини ушбу бобда келадиган ҳадиси шариф ва ривоятлардан билиб олинади.

🔗 Тўлиқ ўқиш: https://islom.uz/maqola/22134

🕋 @islomuz

Islom.uz

13 мая 2024 16:46

Имом Термизий ўрта махсус ислом таълим муассасасида «Қуръон мусобақаси 2024» ўтказилди

Мусобақада Тошкент ислом институти ўқитувчиси Зафар қори Маҳмудов ҳакамлар ҳайъати аъзоси сифатида иштирок этди. Мусобақа якунига кўра қуйидаги иштирокчилар ғолиб бўлишди:

1-ўрин Абдулҳакимов Исломиддин, 3-курс талабаси;
2-ўрин Абдуғаниев Абдулазиз, 3-курс талабаси;
3-ўрин Чоршанбиев Беҳрўз Бобошер ўғли, 1-курс талабаси.
Ғолиб қориларга диплом ва эсдалик совғалар топширилди.

🔗 Манба: https://islom.uz/maqola/22145

🕋 @islomuz

Islom.uz

13 мая 2024 11:53

Шайх Муҳаммад Содиқ Муҳаммад Юсуф: Бозордан чўчишнинг ҳожати йўқ (биринчи мақола)

Бисмиллаҳир роҳманир роҳим.

Охирги пайтда «Бозор, бозор иқтисодиёти» сингари сўз ва жумлалар оғиздан тушмай қолди.

Ҳамма ўз фикру тасаввурини айтмоқда, ўртоқлашмоқда, ўртага ташламоқда. Гапу сўзлар ичида: «Бизнинг ота-боболаримиз савдогар ўтганлар, бу ишлар қонимизда, тарихимизда бор», деган фикрлар ҳам айтиляпти. Лекин ҳеч ким ўша ота-боболаримиз билган бозор нимаю ва не асосда собит бўлганлиги ҳақида бирор оғиз сўз айтгани йўқ. Эҳтимол бу шарқшуносларнинг вазифасидир, чунки маданий меросимиз таҳлилу тақдири уларга топширилган, ахир. Аммо бу соҳада ҳали қайта қуриш бўлгани, турғунлик йиллари қолипи шарқшуносларни ўзидан озод қилгани йўқ. Улар ҳозирги муҳим муаммоларни ҳал қилишга улкан маданий меросимиз тажрибаси асосида ўз ҳиссаларини қўшмоқлари зарур.

«Чумчуқ сўйса ҳам қассоб сўйсин» нақлига хилоф бўлса ҳам, ушбу мавзуда баъзи мулоҳазаларни ўртоқлашишни ирода қилдим.

🔗 Тўлиқ ўқиш: https://islom.uz/maqola/22143

🕋 @islomuz

Islom.uz

13 мая 2024 01:32

Таъзия

«Hilol-nashr» матбаа-нашриёти ва Islom.uz портали жамоаси устоз Аброр Мухтор Алий домлага падари бузрукворлари Мухтор Алий ҳожи отанинг вафоти муносабати билан таъзия изҳор этади.

Аллоҳ таоло ҳожи отанинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин, жаннатнинг олий даражаларига етказсин!

Марҳумнинг барча оила аъзоларига, қариндош-уруғларига, яқинларига Аллоҳ таолодан сабру жамил ва ажру мукофотлар тилаймиз

Иннаа лиллааҳи ва иннаа илайҳи рожиъуун!

@islomuz & @hilolnashr

Islom.uz

12 мая 2024 14:02

Набий алайҳиссаломнинг тунги намозлари

عَنْ عِمْرَانَ بْنِ حُصَيْنٍ رَضِي اللهُ وَكَانَ رَجُلًا مَبْسُورًا قَالَ: سَأَلْتُ النَّبِيَّ صلى الله عليه وسلم عَنْ صَلَاةِ الرَّجُلِ وَهُوَ قَاعِدٌ، فَقَالَ: مَنْ صَلَّى قَائِمًا فَهُوَ أَفْضَلُ، وَمَنْ صَلَّى قَاعِدًا فَلَهُ نِصْفُ أَجْرِ الْقَائِمِ، وَمَنْ صَلَّى نَائِمًا فَلَهُ نِصْفُ أَجْرِ الْقَاعِدِ. رَوَاهُ الْخَمْسَةُ إِلَّا مُسْلِمًا.

Имрон ибн Ҳусайн розияллоҳу анҳудан ривоят қилинади. У киши бавосил касалига чалинган эдилар:
«Набий соллаллоҳу алайҳи васалламдан ўтириб намоз ўқийдиган одамнинг намози ҳақида сўрадим. У зот:
«Ким тик туриб намоз ўқиса, афзал. Ким ўтириб ўқиса, унга тик туриб ўқиганнинг ярим ажри. Ким ёнбошлаб ўқиса, унга ўтириб ўқиганнинг ярим ажри», дедилар».
Бешовларидан фақат Муслим ривоят қилмаган.

Шарҳ: Ушбу ҳадиси шарифдаги ажрнинг бундай тақсимланиши туришга қодир бўлган одамнинг чарчоқ оқибатида нафл намозини ўтириб ёки ёнбошлаб ўқиган ҳоллари учундир. Агар бундай ҳолатда ўқиш беморлик туфайли бўлса, ажри комил бўлади.

🔗 Тўлиқ ўқиш: https://islom.uz/maqola/22140

🕋 @islomuz

Islom.uz

12 мая 2024 09:23

«Вой, суянган тоғим, ишонган боғим» деб йиғлашнинг ёмонлиги

عَنْ عَبْدِ اللهِ رَضِي اللهُ عَنْهُ، عَنِ النَّبِيِّ صلى الله عليه وسلم قَالَ: لَيْسَ مِنَّا مَنْ ضَرَبَ الْخُدُودَ، وَشَقَّ الْجُيُوبَ، وَدَعَا بِدَعْوَى الْجَاهِلِيَّةِ. رَوَاهُ الْخَمْسَةُ إِلَّا أَبَا دَاوُدَ.

Абдуллоҳ розияллоҳу анҳудан ривоят қилинади:
«Набий соллаллоҳу алайҳи васаллам:
«Ким юзларига урса, ёқаларини йиртса ва жоҳилият даъвати ила чақирса, биздан эмас», дедилар».
Бешовларидан фақат Абу Довуд ривоят қилмаган.

Шарҳ: Ушбу ҳадиси шарифда биров вафот этганида унинг яқин қариндошлари ўзини қайғули қилиб кўрсатиш учун ўзини ўзи уриб, кийим-бошларини йиртиб, «Вой, суянган тоғим, ишонган боғим», «Фалоним, пистоним», деб, Исломга тўғри келмайдиган гапларни айтиб, дод солиб йиғлаши ҳақида сўз кетмоқда. Буларнинг ҳаммаси ниҳоятда ёмон ишлар бўлганлиги ва мусулмон одамга мутлақо тўғри келмаганлиги учун Расулуллоҳ соллаллоҳу алайҳи васаллам бундай қилганларни «биздан эмас», демоқдалар. Бу ниҳоятда оғир гап, яъни «биздан эмас» деганлари мусулмонлардан эмас, деганларидир.

🔗 Тўлиқ ўқиш: https://islom.uz/maqola/22141

🕋 @islomuz

Islom.uz

11 мая 2024 10:27

2024 йилги Ҳаж мавсумида учар таксилардан фойдаланилади

Саудия Арабистони ҳукумати ҳижрий 1445 йилнинг Ҳаж мавсумида зиёратчиларга қулайлик яратиш мақсадида учар такси хизматини йўлга қўймоқда. Бу ҳақда theislamicinformation.com нашри хабар берди.

Жорий мавсумда учар таксилар синов тариқасида тажриба қилиниши таъкидланган.

Ушбу учар таксилар eVTOL учоқ ишлаб чиқариш жамияти ҳамда Саудия Арабистони ҳукумати ҳамкорлигида ихтиро қилинди.

Бундан ташқари ҳукумат Германиянинг 100 та Lilium учоқларини сотиб олишни ҳам режалаштирган.

Саудия Арабистони транспорт вазири Солиҳ ибн Носир Жассер 2024 йилги Ҳаж мавсумида учар таксилар синовдан ўтказилишини тасдиқлади.

Транспорт вазирининг сўзларига кўра, зиёратчилар Ҳаж мавсумида ибодатларни эмин-эркин адо этишлари учун қулайлик яратишни хоҳлайди.

🔗 https://islom.uz/maqola/22139

🕋 @islomuz

Islom.uz

10 мая 2024 15:02

Naqliyot vositasi ham Allohning neʼmatidir

Shayx Muhammad Sodiq Muhammad Yusuf rohimahulloh

🕋 @islomuz

Islom.uz

10 мая 2024 12:33

Ота-онага яхшилик қилиш гуноҳларга мағфират

Ота-онага яхшилик қилиш фарзанд учун кўплаб яхшиликларнинг манбаидир. Ота-онага яхшилик қилиш ила эришиладиган яхшиликлар бу дунё ва охиратнинг яхшиликларидир. Жумладан, фарзанд ота-онага яхшилик қилиш орқали гуноҳларининг мағфират қилинишига эришиши мумкинлигини ушбу бобда келадиган ҳадиси шариф ва ривоятлардан билиб олинади.

Саъид ибн Мусайябдан ривоят қилинади:

«Расулуллоҳ соллаллоҳу алайҳи вассаллам бир куни минбарга чиқдилар. Поғонага оёқларини қўйганда «Омин», дедилар. Оёқларини иккинчи поғонага қўяётиб, яна «Омин», дедилар. Учинчи поғонага оёқларини қўяётиб, яна «Омин», дедилар.

Хутбаларини тугатиб, тушганларида у зотга буни зикр қилишди. Шунда у зот: «Биринчи поғонага оёғимни қўяётганимда Жаброил рўпарамга келди-да: «Ким ота-онасини ёки улардан бирини топса-ю, у мағфират қилинмаса, Аллоҳ уни узоқ қилсин, «Омин», дегин», деди. Шунда «Омин», дедим.

Иккинчи поғонага кўтарилганимда «Ким Рамазон ойини топса-ю, у мағфират қилинмаса, Аллоҳ уни узоқ қилсин, «Омин», дегин», деди. Шунда «Омин», дедим.

Учинчи поғонага кўтарилганимда «Кимнинг ҳузурида сен зикр қилинсанг-у, у сенга салавот айтмаса, Аллоҳ уни узоқ қилсин, «Омин», дегин», деди. Шунда «Омин», дедим».

🔗 Тўлиқ ўқиш: https://islom.uz/maqola/22134

🕋 @islomuz