Islom.uz

06 июня 2024 07:30

Ҳикмат

Одоб юзасидан одамларнинг гапига диққат билан қулоқ сол. Эҳтиёт юзасидан эса ҳамма гапларига ишонаверма.

Жуброн Халил Жуброн

🕋 @islomuz

Islom.uz

05 июня 2024 18:30

«Пешқадам карвони» лойиҳаси доирасида «Ўтмиш, бугун ва келажак» сарҳисоб тадбири ўтказилди

2 июн куни Тошкентда «Пешқадам карвони» лойиҳаси доирасида «Ўтмиш, бугун ва келажак» сарҳисоб тадбири бўлиб ўтди. Тадбирда устозлар, ёзувчилар, матбуот ходимлари, лойиҳа аъзолари ва бошқа меҳмонлар иштирок этишди.

Анжуман Қуръони Карим тиловати билан бошланиб, сўнгра хайрли дуолар қилинди.

Кейин ушбу лойиҳа билан танишув видеолавҳа тақдим этилди.

🔗 Тўлиқ ўқиш: https://islom.uz/maqola/22258

🕋 @islomuz

Islom.uz

05 июня 2024 16:03

💧 Yomg'ir tomchilari

Yomg‘ir suvining pH darajasi neytral suvga yaqin bo‘ladi.

Yomg‘ir daraxt barglaridan changni yuvib tozalaydi. Bu esa daraxtning nafas olishini yaxshilaydi va fotosintez jarayonini tezlashtiradi.

Yomg‘ir haqidagi ma’lumotni ushbu videodan bilib olishingiz mumkin.

#Allohning_mojizalari

@islomuz

Islom.uz

05 июня 2024 14:15

Президент ўзбекистонлик ҳожилар ҳолидан хабар олди

Ўзбекистон Республикаси Президенти Шавкат Мирзиёев Мусулмонлар идораси раиси, муфтий шайх Нуриддин Холиқназар билан телефон орқали мулоқот қилди.

Давлатимиз раҳбари муборак Ҳаж зиёратига тайёргарлик жараёнлари, юртдошларимиз учун яратилган шароитлар, уларнинг саломатлиги ва кайфияти ҳақида сўради.

🔗 Тўлиқ ўқиш: https://islom.uz/maqola/22256

🕋 @islomuz

Islom.uz

05 июня 2024 10:57

Саудия Арабистони 2024 йилги ҳаж мавсумида дронлардан фойдаланади

Саудия Арабистони расмийлари 2024 йилги ҳаж мавсумида замонавий дрон кузатувини жорий этишни режалаштирган. Бу ҳақда theislamicinformation.com нашри хабар берди.

Дрон технологияси муқаддас қадамжоларга олиб борувчи йўлларда тозалик ва хавфсизликни таъминлаш мақсадида қўлланилади.

Дрон технологияси қандай ишлайди?

1. Тўсиқлар ва кўприкларни текшириш: Тўсиқлар ва кўприклар каби қийин жойларда дронларнинг хизматидан фойдаланиш қулай. Дрон хавфсизликни таъминлаган ҳолда ўша ҳудудларни текширади.

2. Йўл шароитларини баҳолаш: Ҳал қилиниши керак бўлган шошилинч масалалар дронлар ёрдамида амалга оширилади.

3. Термал сканерлаш: Дронлардаги термал сканерлаш функциясидан фойдаланганда йўлларнинг ҳолатини хавфсизлик нуқтаи назаридан ўрганиш мумкин.

4. Тозаликни текшириш: Дронлар зиёратчиларни гигиеник муҳит билан таъминлаш учун йўлларнинг тозалигини назорат қилади.

Саудия ҳукуматининг кузатув дронлардан фойдаланиш ташаббуси уларнинг ҳаж тажрибасини яхшилашга бўлган содиқлигини ифодалайди.

Шунингдек, расмийлар барча зиёратчиларга хавфсиз муҳитни таъминлашни мақсад қилишган.

🔗 https://islom.uz/maqola/22254

🕋 @islomuz

Islom.uz

05 июня 2024 06:23

Шайх Муҳаммад Содиқ Муҳаммад Юсуф: «Мангу ҳақиқатга қатъий амал қиламиз»

Биз ҳозир жуда афсусланарли бир даврда яшаяпмиз. Чунки ҳаётимизнинг асоси бўлган кўплаб маънавий тушунчаларни унутиб юборганмиз. Шунга қарамай, мен ҳозир бахтли замонда яшаяпмиз, деб айтишим мумкин. Чунки биз бугун кеча эслашимиз ҳам мумкин бўлмаган нарсалар ҳақида нафақат хотирлаш, балки уларни ўзимизга қайтариб олмоқдамиз. Севги ва меҳр-шафқат сўзи янги тушунча сари йўл очмоқда. Шуни унутмаслик лозимки қуруқ сўз амалда ишсиз, қадрсиз бўлиб қолаверади. Шу сабабли ҳали олижаноб қоидаларни нафақат эслашимиз, балки унга амал қилишимиз ҳам лозимдир.

Мамлакатимиз кўплаб оғир синовларни бошидан кечирмоқда. Бугун сиз ва биз, жамоатчилик олдида енгил кўчмайдиган муаммолар ғуж бўлиб турибди. Ўз ҳаётимизни ҳаққоний қилиш учун, бахтли ва ўзимизга тўғри яшашимиз учун ҳаммамиздан яхшироқ меҳнат қилиш талаб этилади. Ҳозир курраи заминимиздаги ҳаётни сақлаб қолиш, тинчлик ўрнатиш қанчалар зарур бўлса, қалбларимиздаги осойишталикни сақлаб қолиш, ўзаро муаммоларимизни пишиқлаштириш, оилавий муносабатларни изга солиш ҳам шунчалар долзарбдир. Чунки бутун бир олам кичик-кичик оилалардан иборат. Жамиятимиз ва халқлар турли кишилардан ташкил топган, қайсики уларнинг ҳар бирига ўзига яраша муомала зарур.

🔗 Тўлиқ ўқиш: https://islom.uz/maqola/22251

🕋 @islomuz

Islom.uz

04 июня 2024 14:02

Барака недир?!

У Аллоҳ таолонинг яширин қўшинларидан биридир. Уни бандаларидан хоҳлаганига юборади. Агар у мол-мулкка тушса, уни кўпайтиради. Фарзандга тушса, солиҳ бўлади. Жисмга тушса қувватга киради. Вақтга тушса узаяди. Қалбга тушса фараҳ-севинчга тўлади.

Шайх Али Тантовий

🔗 https://islom.uz/maqola/22250

🕋 @islomuz

Islom.uz

04 июня 2024 08:54

Ислом – ота-онанинг ҳаққини юқори қўяди

Онанинг фарзанддаги ҳаққи отаникидан устун экани кўпчилик биладиган маълумот. Аммо ўша ҳукмнинг далили, ҳужжати қайси оят ёки ҳадисда келганини билиш ушбу масалани илмий асосда тушунишга ёрдам беради. Бу билан ўша ҳукмга амал қилиш ҳам осонлашади.

Аллоҳ таоло Луқмон сурасида айтади:

«Инсонга ота-онаси ҳақида тавсия қилдик: онаси уни заифлик устига заифлик билан кўтарди; уни сутдан ажратиш икки йилдадир. Менга ва ота-онангга шукр қилгин. Ва қайтиш фақат Менгадир» (14-оят).

Қуръони Каримда фарзандларга ота-онани ҳурмат қилиш, уларни эъзозлаш ҳақида қайта-қайта насиҳат берилади. Чунки Ислом ота-онанинг ҳаққини юқори қўяди. Ушбу оятда ота-онани ҳурмат қилиш ҳар бир фарзанд учун Аллоҳнинг амри экани баён этилмоқда.

🔗 Тўлиқ ўқиш: https://islom.uz/maqola/22245

🕋 @islomuz

Islom.uz

03 июня 2024 14:59

Hazrat adashib ketgan yosh avlodni, yana qayta asl dinimizga yo'naltirib qo'ydilar...

Hamidulloh Beruniy

"Hazratni xotirlab" ko‘rsatuvining 72-sonini bugun soat 20:30 da YouTube sahifamiz orqali tomosha qiling!

🕋 @islomuz

Islom.uz

03 июня 2024 10:37

Ношаръий ҳазил

Ҳазил шариатда мубоҳ амаллардан. Меъёрида ҳазиллашишга рухсат бор. Лекин тарғиб қилинмаган. Масалан, ҳадисда «Ўзаро муҳаббатлашмагунингизча мўмин бўлмайсиз. Сизни ўзаро муҳаббатлаштирадиган нарсага далолат қилайми?» деб саломлашишга тарғиб қилинган, шу ерда ўзаро ҳазиллашинг, дейилмаган. Албатта, бу ҳазиллашиш ножоиз дегани эмас.

Пайғамбаримиз алайҳиссалом ҳам ҳазиллашганлар. Ўша ҳазиллардан келиб чиқсак, ҳазил қилиш учун қуйидаги шартлар талаб этилади:

1. Ҳазиллашганда ёлғон гапирмаслик керак. Пайғамбаримиз алайҳиссалом ҳамиша рост ҳазил қилганлар. Абу Ҳурайра розияллоҳу анҳу «Эй Аллоҳнинг Расули, биз билан ҳазиллашасиз-а?» деган маънода ажабланиб сўраганларида у зот алайҳиссалом ҳазиллари фақат ҳақ сўз бўлишини айтганлар.

🔗 Тўлиқ ўқиш: https://islom.uz/maqola/22243

🕋 @islomuz

Islom.uz

01 июня 2024 17:33

Diningizni bevosita ustozlardan tartib asosida o‘rganing!

Ushbu videoda fazilatli shayx Muhammad Avvoma hazratlarining Qur’oni Karim va hadislarning hayotimizdagi o‘rni, ilmiy asosda taqdim etgan bayonlari, ilm ahllariga muhim bo‘lgan tavsiyalari, musulmonlar ommasi uchun nasihatlari berilgan.

@islomuz

Islom.uz

01 июня 2024 12:48

ИҲТнинг туризм йўналиши бўйича раислиги Ўзбекистонга берилди

Кеча, 31 май куни Хива шаҳрида бўлиб ўтган Ислом Ҳамкорлик Ташкилотига аъзо давлатларнинг туризм вазирлари йиғилишида халқаро тадбирни ўтказиш бўйича Ўзбекистон томонидан амалга оширилган тайёргарлик ишлари ҳамда мамлакатда туризмни ривожлантиришда олиб борилаётган ислоҳотлар алоҳида эътироф этилди.

Юқори даражадаги экспертлар гуруҳи йиғилишида расмийлар томонидан ташкилотда туризм йўналиши бўйича раислик Озарбайжондан Ўзбекистонга ўтганлиги эълон қилинди.

Ўз навбатида Ўзбекистон раислигида ташкилотга аъзо давлатлар ўртасида туризм ҳамкорлиги, жумладан, яшил ва барқарор туризм, смарт туризм, туризм логистикаси ва бошқа қатор йўналишда самарали лойиҳа ва ташаббуслар амалга оширилишига ишонч билдирилди.

🔗 https://islom.uz/maqola/22240

🕋 @islomuz

Islom.uz

01 июня 2024 11:02

Badal haj qilganlar ham qurbonlik qiladimi?

©️ Shayx Muhammad Sodiq Muhammad Yusuf

@islomuz

Islom.uz

31 мая 2024 14:54

Диний таълим муассасаларида қайси фанлардан имтиҳон ўтказилиши маълум бўлди

Ўзбекистон мусулмонлари идораси Таълим ва илмий-тадқиқот бўлими жорий йилда олий ва ўрта махсус ислом таълим муассасаларига ўқишга кириш учун абитуриентлар қуйидаги фанлар бўйича ижодий имтиҳон ва тест синовлари топширишини маълум қилади.

Тошкент ислом институти ва Мир Араб олий мадрасасида:
Араб тили (тест синови) 30 х 3,1 – 93 балл;
Фиқҳ ва ақоид (тест синови) 30 х 2,1 – 63 балл;
Ўзбекистон тарихи (тест синови) 30 х 1,1 – 33 балл.

Ҳадис илми мактабида:
Араб тили (тест синови) 30 Х 3,1 – 93 балл;
Ҳадис ва Мусталаҳул ҳадис (оғзаки, ижодий имтиҳон) – 63 балл;
Ўзбекистон тарихи (тест синови) 30 Х 1,1 – 33 балл.

Ўрта махсус диний таълим муассасаларида:
Хорижий тил (тест синови) 30 х 3,1 – 93 балл;
Ўзбекистон тарихи (тест синови) 30 х 2,1 – 63 балл;
Маънавият ва маърифат (тест синови) 30 х 1,1 – 33 балл.

Маълумот ўрнида:
Олий диний таълим муассасаларининг кириш имтиҳонларида Араб тили бўйича В2 даражасидаги миллий ёки халқаро сертификатга эга бўлган абитуриентларга ушбу фандан имтиҳонларсиз белгиланган максимал балл берилади.

Ўрта махсус ислом таълим муассасаларининг кириш имтиҳонларида эса Араб тили бўйича В1 даражасидаги миллий ёки халқаро сертификатга эга бўлган абитуриентларга ушбу фандан имтиҳонларсиз белгиланган максимал балл тақдим этилади.

Абитуриентлардан ҳужжатларни қабул қилиш тартиби тўғрисида қўшимча хабар берилади.

2024-2025 ўқув йили қабул жараёнлари ҳақидаги сўнгги янгиликларни /channel/qabulmuslimuz телеграм саҳифасида кузатиб боришингиз мумкин.

🔗 https://islom.uz/maqola/22239

🕋 @islomuz

Islom.uz

31 мая 2024 12:34

Давлатимиз раҳбари Бухоро вилоятига ташрифини Баҳоуддин Нақшбанд мақбарасини зиёрат қилишдан бошлади

Манба: https://islom.uz/maqola/22237

@islomuz

Islom.uz

05 июня 2024 20:30

Ўзбекистондаги Ислом цивилизацияси марказига янги директор тайинланди

Вазирлар Маҳкамаси ҳузуридаги Ислом цивилизацияси марказига Фирдавс Абдухаликов директор этиб тайинланди.

Бунга қадар у Кинематография агентлиги директори лавозимида ишлаб келаётган эди.

🔗 https://islom.uz/maqola/22259

🕋 @islomuz

Islom.uz

05 июня 2024 17:32

Shahid haqidagi bob 1-qism | Fiqh saboqlari

Hidoya 94-son

Quduriy rahmatullohi alayh aytadi: «(Yaralanib) jang maydonidan chalajon holda olib chiqilib so‘ng vafot etgan kishi yuviladi».

Bu kishi hayot ne’matlaridan foydalangani uchun shahidlik hukmida nuqsonli bo‘lib qoldi. Chunki dunyo rohatlaridan foydalangani sababli zulm asorati yengillashib qoladi. Shu bois bunday kishi Uhud shahidlari ma’nosida bo‘lmaydi.

Muallif: Burhoniddin Marg'inoniy

Ustoz: A'zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

05 июня 2024 15:02

Telefon oilalarning buzilishiga sabab boʻlyapti

Shayx Muhammad Sodiq Muhammad Yusuf rahimahulloh

@islomuz

Islom.uz

05 июня 2024 12:33

Ҳақ золимлар учун тоғдан ҳам оғирдир

Бутун дунё зулматга бурканган эди. Яратувчи Аллоҳ эди, аммо бошқага ибодат қилинар эди. Аллоҳ ризқ берар эди, аммо бошқага шукр қилинар эди. Обрўлар оёқости қилинган, қизчалар тириклайин кўмилар эди. Бозорларда инсон сотилар эди.

Сўнг раҳим зот Аллоҳ башариятга раҳм қилишни ирода қилди.

Каъба атрофи бутларга тўла, кишилар бут ва санамларга ибодат қилишар, фақатгина бир киши улардан узоқда – ғорда самолару ер ҳақида тафаккур қилар, Қурайшнинг дини ботил экани ҳақида ўйлар, Аллоҳ уларнинг дини каби динга рози бўлишдан анча юқори шуурида туяр эди.

🔗 Тўлиқ ўқиш: https://islom.uz/maqola/22255

🕋 @islomuz

Islom.uz

05 июня 2024 08:53

Ҳажгa тaйёpгapлик

Aйтaйлик, Aллoҳ имкoн бepиб, ҳaжгa бopишгa қapop қилдингиз, тaйёpгapликни нимaдaн бoшлaш кepaк?

Kўплap йўлдa кepакли мoл-дyнё, кийим-кeчaк вa бoшқa aшёлap ҳaқидa ўйлaй бoшлaйди. Бy мyтлaқo нотўғpи. Энг кepаклиcи, ҳaж ибoдaтини яxшилaб тyшyниб oлиш. Чyнки ҳaж ибoдaти биp yмpли caфap вa ибoдaт ҳисобланади, яъни yмpдa биp мapтa бepилaдигaн имкониятдир. Қанчалаб мoл-дyнё, вaқт, кyч-қyввaт capфлaнca-ю, нoтўғpи ибoдaт қилинca, ҳaммa ҳapaкaт пyчгa чиқaди. Бyндaн нимa фoйдa?!

🔗 Тўлиқ ўқиш: https://islom.uz/maqola/22253

🕋 @islomuz

Islom.uz

04 июня 2024 16:55

Ruxsatsiz tasvirga olmang!

©️ Shayx Muhammad Sodiq Muhammad Yusuf

@islomuz

Islom.uz

04 июня 2024 12:33

Фарғонада «Йил имоми – 2024» кўрик танлови ўтказилди

1 июнь куни Фарғона шаҳридаги «Янги чек» масжидида «Йил имоми – 2024» кўрик танловининг шаҳар босқичи ўтказилди. Фарғона шаҳрида фаолият юритаётган имом-хатиблар ҳамда имом-ноиблари тафсир, тажвид, фиқҳ, ақоид ва сийрат фанлари бўйича тузилган саволлар асосида билим ва малакаларини синовдан ўтказдилар.

Иштирокчиларнинг чиқишлари ҳакамлар ҳайъати томонидан белгиланган мезонлар асосида баҳолаб борилди. Якуний натижаларга кўра;

1-ўрин «Тоййиба» масжиди имом-ноиби Лазизбек Суярқулов;

2-ўрин «Тоййиба» масжиди имом-хатиби Азизхон Бахромов;

3-ўрин «Хўжамбердибой» масжиди имом-ноиби Дониёр Муҳиддиновларга насиб этди.

Танловда биринчиликни эгаллаган «Тоййиба» масжиди имом-ноиби Лазизбек Суярқулов «Йил имоми — 2024» кўрик танловининг вилоят босқичида иштирок этади.

🔗 https://islom.uz/maqola/22249

🕋 @islomuz

Islom.uz

03 июня 2024 17:32

☺️☺️☺️☺️☺️   
Hazrat adashib ketgan yosh avlodni, yana qayta asl dinimizga yo'naltirib qo'ydilar...

Hazratni xotirlab ko'rsatuvining 72-soni

Hamidulloh Beruniy

Ushbu ko‘rsatuvda fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi suhbatlar berib boriladi.

Suhbatlarda hazratga zamondosh bo‘lgan ulamolar, u zotning oila aʼzolari, shogirdlari va muxlislarining shayx hazratlari haqidagi xotiralari bilan tanishib borasiz.

📹 Premyera

🕋 @islomuz

Islom.uz

03 июня 2024 12:02

Ўрнингиздан қимирламанг!

Қурайш мушриклари Бадр ғазотидан синган ҳолда чиқди. Ислом уларнинг кибриёсини тупроққа белади. Унда кофирларнинг энг кўзга кўринган бошлиқларидан бир қанчаси ҳалок бўлди.

Мана шу жиҳатдан Уҳуд ғазоти ҳақ ва ботил ўртасидаги кураш маъносида Бадрнинг иккинчи бўлими бўла олмайди.

Уҳуд мушриклар учун қасос олиш бўлса, мусулмонларга нисбатан ислом тарихидаги энг етук дарслардан бири бўлди.

🔗 Тўлиқ ўқиш: https://islom.uz/maqola/22244

🕋 @islomuz

Islom.uz

03 июня 2024 05:51

Шайтон инсоннинг қон томирида юради

Сафия онамиз розияллоҳу анҳодан ривоят қилинади:

«Расулуллоҳ соллаллоҳу алайҳи васаллам масжидда эътикофда эдилар. Кечаси у кишини зиёрат қилгани келдим. Гаплашиб ўтирдим. Кейин қайтмоқчи бўлдим. Мени уйимга кузатиш учун ўринларидан турдилар. Масжиддан чиққанимизда ансорийлардан икки киши ўтиб қолди. Улар Набий соллаллоҳу алайҳи васалламни таниб қадамларини тезлатишди. Набий соллаллоҳу алайҳи васаллам:

- Шошманглар! Бу онангиз Сафия, дедилар.

Улар:

- Субҳаналлоҳ, эй Аллоҳнинг Расули! – дейишди.

Бу билан «нималар деяпсиз келиб-келиб сиздан гумон қиламизми?!, демоқчи бўлишди.

Набий соллаллоҳу алайҳи васаллам дедилар:

«Шайтон инсоннинг қон томирида юради. Мен у сизнинг қалбингизга бир ёмонлик ташлашидан қўрқдим!»

Имом Бухорий ривояти.

🔗 Тўлиқ ўқиш: https://islom.uz/maqola/22098

🕋 @islomuz

Islom.uz

01 июня 2024 16:00

«Hilol Nashr»да «Болажонлар байрами» тадбири ўтказилди

Болалар ҳаётимиз давомчилари, келажагимиз эгаларидир. Уларни асраб-авайлаш, ҳар томонлама баркамол қилиб вояга етказиш ҳар бир давлат, ҳар бир оила, ҳар бир ота-онанинг муқаддас бурчидир.

Бола табассуми – олам безаги. Айниқса, 1 июнь – Халқаро болаларни ҳимоя қилиш кунида сайёрамиз болажонларнинг самимий ва беғубор кулгуси билан янада яшариб кетади. Бу сана қуёшли диёримизда ҳам ўзгача интиқлик билан кутилади. Азалдан болажон бўлган халқимиз шу куни кундалик ташвишларни бир четга қўйиб, фарзандларини истироҳат боғларию кўнгилочар масканларга олиб боришга ошиқади.

Хусусан, 1 июнь куни «Hilol Nashr» нашриётининг мажлислар залида анъанага кириб бораётган, болажонлар учун мўлжалланган «Болажонлар байрами» шиори остида тадбир ўтказилди!

Тадбирга адабиётшунос олим, ёзувчи, устоз Эркин Малик домла ҳамда Нозимжон домла Ҳошимжон меҳмон бўлиб, фарзанди билан келган ота-оналар учун суҳбат қилиб бердилар.

Бошловчи Қамариддин Бекмуҳаммад эса болалар билан ҳам маънавий, ҳам жисмоний ўйинлар ташкил қилиб, болажонларнинг вақтларини унумли ўтказишга ҳаракат қилди.

Тадбир давомида ўтказилган ўйинларда ғолиб бўлган кичкинтойларга эсдалик ҳадялар топширилди.

Манбаларга кўра, ушбу халқаро байрам 1925 йилда Женевада бўлиб ўтган ҳамда болалар фаровонлигини таъминлаш масалаларига бағишланган умумжаҳон конференциясида илк бор эълон қилинган.

🔗 https://islom.uz/maqola/22242

🕋 @islomuz

Islom.uz

01 июня 2024 12:02

Kim rahm qilmasa, unga rahm qilinmaydi

Abu Hurayra roziyallohu anhudan rivoyat qilinadi:

«Rasululloh sollallohu alayhi vasallam Hasan ibn Aliyni o‘pdilar. U zotning huzurlarida Aqra’ ibn Hobis Tamimiy o‘tirgan edi. Shunda Aqra’: «Mening o‘nta bolam bor. Ulardan birortasini ham o‘pmaganman»,  dedi. Rasululloh sollallohu alayhi vasallam unga nazar soldilar va: «Kim rahm qilmasa, unga rahm qilinmaydi», dedilar».

Buxoriy va Muslim rivoyat qilishgan.

@islomuz

Islom.uz

31 мая 2024 15:22

Uyali aloqa vositalari haqida

©️ Shayx Muhammad Sodiq Muhammad Yusuf

@islomuz

Islom.uz

31 мая 2024 14:28

Дажжолнинг сифатлари

Абу Саъид розияллоҳу анҳудан ривоят қилинади:

«Набий алайҳиссалом Абу Бакр ва Умар билан бирга уни Мадина кўчаларидан бирида учратдилар. Расулуллоҳ алайҳиссалом унга: «Мен Аллоҳнинг Расули эканлигимга шаҳодат келтирасанми?» дедилар. У эса «Сен ҳам менинг Аллоҳнинг Расули эканлигимга шаҳодат келтирасанми?» деди. Расулуллоҳ алайҳиссалом: «Мен Аллоҳга, Унинг фаришталарига ва китобларига иймон келтирганман», дедилар. Сўнг: «Сенга нималар кўринади?» дедилар. «Сув устида турган Аршни кўраман», деди у. Расулуллоҳ алайҳиссалом: «Иблиснинг денгизда турган аршини кўрар экансан. Яна нимани кўрасан?» дедилар. «Икки содиқни ва бир козибни ёки икки козибни ва бир содиқни кўраман», деди. Шунда у зот: «Бу алжираб қолибди, уни тек қўйинглар», дедилар».

Шарҳ: Бу ривоят аввалгисини таъкидлаш билан бирга, Ибн Сайёднинг иблис билан алоқадорлигини очиқ-ойдин баён қилмоқда.

🔗 Давоми: https://islom.uz/maqola/22238

🕋 @islomuz

Islom.uz

31 мая 2024 11:33

Ота-онанинг фарзандига қилган дуоси тўсиқсиз қабул бўлади

عَنْ أَبِي هُرَيْرَةَ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: ثَلَاثُ دَعَوَاتٍ مُسْتَجَابَاتٍ لَا شَكَّ فِيهِنَّ: دَعْوَةُ الْمَظْلُومِ، وَدَعْوَةُ الْمُسَافِرِ، وَدَعْوَةُ الْوَالِدِ عَلَى وَلَدِهِ.

Абу Ҳурайрадан ривоят қилинади:

«Расулуллоҳ соллаллоҳу алайҳи васаллам: «Уч дуо мустажобдир. Уларда шак йўқ: мазлумнинг дуоси, мусофирнинг дуоси ва ота-онанинг фарзандига дуоси», дедилар».

Шарҳ: Демак, зулм қилишдан ва мазлумнинг дуойибадига учрашдан эҳтиёт бўлиш лозим. Имкони бўлса, мазлумларга ёрдам бериб, уларнинг хайрли дуосини олишга ҳаракат қилиш керак.

🔗 Давоми: https://islom.uz/maqola/22236

🕋 @islomuz