Еўрарадыё | Еврорадио

19 июля 2025 09:46

А лета ўвогуле будзе? Залевы не спяшаюцца сыходзіць з Беларусі.

У гэтыя выходныя і напачатку наступнага тыдня па розных рэгіёнах краіны пройдуць моцныя дажджы і навальніцы.

Колькасць ураганаў у Беларусі будзе толькі расці. Расказвае кліматычны эксперт

Еўрарадыё | Еврорадио

18 июля 2025 21:06

Важныя падзеі і сэнсы пятніцы, 18 ліпеня, у праграме ЕЎРАЗУМ:

00:57 Чаму рост заробкаў не заўсёды паказчык здароўя эканомікі?

13:08 Навіны спорту

15:33 Няма бульбы — ешце авакада. Што адбываецца з цэнамі ў Беларусі?

22:35 Навіны шоу-бізу 

25:56 Кім хочуць быць беларусы, калі вырастуць?

Еўрарадыё | Еврорадио

18 июля 2025 18:42

Конкурс у Акадэмію МУС дасягае 3,7 чалавек на месца. Найбольш папулярная спецыяльнасць — правазнаўства факультэта крымінальнай міліцыі. Тут на 81 месца падаліся 305 абітурыентаў.

На "правазнаўства" на следчым факультэце конкурс ужо складае 2,4 чалавекі на месца, а на "крымінальныя экспертызы" — 2,5.

Пры гэтым некаторыя спецыяльнасці попытам увогуле не карыстаюцца. Напрыклад, на "эканамічнае права" пакуль запоўнілі толькі дзве траціны.

Еўрарадыё | Еврорадио

18 июля 2025 17:14

Лукашэнка пашырыў спіс тых, хто ў выпадку вайны павінен аддаваць свой транспарт арміі. У пералік дадалі дзяржаўныя органы і іншыя арганізацыі.

Таксама аўто павінны будуць аддаваць беларусы, якія ўзялі іх па лізінгу.

Еўрарадыё | Еврорадио

18 июля 2025 16:24

Беларусы выпусцілі ўнікальны прадукт — AI-лекара. Аплікацыю Doctorina ужо можна спампаваць на андроіды і айфоны.

Doctorina — гэта не проста "прыкручаная" на чат-бот медыцынская база. Праект доўга распрацоўвалі, медыцынскім аспектам кіруе вядомы лекар Станіслаў Салавей.

Заснавальніца Doctorina — Дар'я Царык, якая кіравала ў Беларусі дабрачыннай арганізацыяй "Геном", інвестар — вядомы па MapsMe і Bulba Ventures Юры Мельнічак.

ТГ-рэдактар @euroradio ужо паспрабаваў аплікацыю і шчыра ўсім раіць.

Еўрарадыё | Еврорадио

18 июля 2025 14:38

ЕС цалкам забараніў фінансавыя аперацыі з беларускімі банкамі. Але не з усімі. Абмежаванні, уведзеныя 18-м пакетам санкцый, датычацца толькі 4 банкаў, якія ўжо былі адключаныя ад SWIFT.

Пра ўсю банкаўскую сістэму гаворка не ідзе.

У паведамленіі прэс-службы ЕС напісана, што забарона "абноўленая" ("upgraded") — а абнавіць тое, чаго раней не было, нельга. Адбываецца развіццё ўжо ўведзеных супраць часткі банкаў санкцый, а не ўвядзенне новых.

Ад SWIFT цяпер адключаныя Белаграпрамбанк, "Дабрабыт", Белінвестбанк и Банк развіцця.

Акрамя таго, пад санкцыі трапілі некалькі беларускіх заводаў ВПК і пастаўкі зброі з Беларусі, а таксама часткі тавараў. Канкрэтныя спісы з назвамі прадпрыемстваў і тавараў пакуль не апублікаваныя.

Еўрарадыё | Еврорадио

18 июля 2025 13:29

Беларуская прамысловасць імкліва ідзе ў стагнацыю. За першыя паўгода прамвытворчась вырасла на 0,3% у параўнанні з такім жа перыядам 2024-га.

З улікам таго, што за студзень-красавік прамысловасць расла на 1,4%, у траўні і чэрвені яна ішла ў мінус.

Для параўнання: за першыя паўгода 2024-га прамысловасць была драйверам і расла на 7,1%.

Падзенне тлумачыцца тым, што паступае ўсё менш замоў з Расіі — асноўнага рынку, які і дазваляў эканоміцы Беларусі расці пасля пачатку вайны ва Украіне і ўвядзення новых санкцый.

Еўрарадыё | Еврорадио

18 июля 2025 11:51

Тэрмінал у Клайпедзе хоча аднавіць транзіт беларускіх угнаенняў. Але ўрад Літвы супраць.

Birių Krovinių Terminalas часткова належыць "Беларуськалію". Кіраўніцтва кампаніі накіравала ў літоўскі ўрад прапанову, каб BKT адмовілася ад іску супраць Літвы, які яна падала ў суд ЕС, узамен яны хочуць ізноў адпраўляць калій праз парты.

Як кажуць ва ўрадзе Літвы, "такое пытанне не стаіць на парадку дня".

Еўрарадыё | Еврорадио

18 июля 2025 10:46

Выглядае, што пад новыя еўрапейскія санкцыі трапяць не ўсе беларускія банкі. @radiosvaboda са спасылкай на крыніцы піша, што гаворка пра тыя, што ўжо былі адключаныя ад SWIFT.

Але ўскосна абмежаванні могуць тычыцца і іншых банкаў. Па звестак "Еўраньюс", у санкцыйным спісе будуць 22 расійскіх банкі — то-бок тэарэтычна забарона на аперацыі могуць быць і з іх беларускімі "дачкамі".

Таксама пад санкцыі трапяць яшчэ чатыры прадпрыемствы ВПК. Імпарт зброі з Беларусі будзе забаронены, плануюць і расшырыць спіс "тавараў, якія могуць выкарыстоўвацца ў вайсковых мэтах".

Еўрарадыё | Еврорадио

18 июля 2025 09:23

Для беларускіх падлеткаў будуць праводзіць "Месячнік традыцыйных сямейных каштоўнасцяў і сямейнага выхавання". Такую рэкамендацыю настаўнікам на 2025/2026 навучальны год даюць у Мінадукацыі.

Таксама школьнікам будуць спрабаваць сфармаваць "уяўленні пра ролю і жыццёвае прызначэнне мужчын і жанчын у адпаведнасці з традыцыйнымі каштоўнасцямі беларускага грамадства".

Гэта ў дадатак да факультатыва пра "духоўна-маральную культуру".

Еўрарадыё | Еврорадио

18 июля 2025 08:22

18-ты пакет санкцый супраць Беларусі і Расіі ўзгоднены ўсімі краінамі ЕС. Чакаецца, што сёння яго фармальна прымуць.

18-ты пакет санкцый мае моцна ўдарыць па беларускай банкаўскай сістэме. Калі абмежаванні ўступяць у сілу, то беларускія карты перастануць працаваць за мяжой, стануць немагчымымі банкаўскія пераводы як для фізічных асоб, так і для бізнеса.

Еўрарадыё | Еврорадио

18 июля 2025 07:56

Каго глядзець/слухаць на @euroradio у пятніцу? Трымайце анонс эфіраў (час пазначаны беларускі):

12:00 — блогер, сябра КР Аляксандр Кныровіч.

14:00 — музыкі Вераніка Круглова і Уладзімір Пугач.

15:00 — эканамістка Аліса Рыжычэнка.

Рыхтуйце пытанні!

Еўрарадыё | Еврорадио

17 июля 2025 21:06

Важныя падзеі і сэнсы чацвярга, 17 ліпеня, у праграме ЕЎРАЗУМ:

01:04 Ці расчараваны Еўрасаюз вынікам санкцый?

15:10 Навіны спорту

17:25 Калі ў Беларусь вернецца бульба?

23:10 Навіны шоу-бізу

26:15 Дыктатар вяртае беларусаў з эміграцыі дадому праз тэлепорт! Гутарым пра новы фільм Дар’і Жук

Еўрарадыё | Еврорадио

17 июля 2025 18:29

Некалькі сотняў чалавек у Мінску за апошнія тыдні сталі фігурантамі крымінальных справаў аб удзеле ў пратэстах. Пра гэта паведамляе праваабарончы цэнтр “Вясна”.

Гэта звязана з тым, што хутка споўніцца 5 гадоў з моманту акцый пратэсту, а значыць скончыцца тэрмін даўніны прыцягнення да адказнасці па гэтым крымінальным артыкуле.

Еўрарадыё | Еврорадио

17 июля 2025 17:12

Адзіны шкілет цэратазаўра прадалі на аўкцыёне ў Нью-Ёрку. Новы ўладальнік аддаў за яго больш за 30 мільёнаў долараў.

Косткі знайшлі на прыватнай зямлі ў штаце Ваёмінг. Гэта адбылося яшчэ ў 1996 годзе.

Еўрарадыё | Еврорадио

19 июля 2025 09:14

Вакол былога будынку СІЗА на Валадарскага зрабілі ахоўную зону. На тэрыторыі Пішчалаўскага замку нельга будзе будаваць, праводзіць рэканструкцыі са зменай аблічча турэмнага комплексу і г.д.

Пішчалаўскі замак быў пабудаваны ў 1825 годзе і ўсю сваю гісторыю быў турмой. Сярод іншых, у ім адбывалі пакаранне  Вінцэнт Дунін-Марцінкевіч, Алесь Гарун і Якуб Колас. З сярэдзіны 20-га стагоддзя гэта было адзінае месца спачатку ў БССР, а потым і ў Беларусі, дзе выконвалі смяротнае пакаранне.

Еўрарадыё | Еврорадио

18 июля 2025 19:17

Дэфіцыт кадраў у Беларусі не атрымаецца вырашыць ні прыцягненнем пакістанцаў, ні паляваннем на "дармаедаў". Чаму — у эфіры @euroradio патлумачыла эканамістка Аліса Рыжычэнка.

Глядзець цалкам: https://www.youtube.com/live/-qWqotytAKk?feature=shared

Еўрарадыё | Еврорадио

18 июля 2025 18:09

Палова супрацоўнікаў сферы адукацыі ў Беларусі зарабляе менш за 1520 рублёў. Гэта выцякае з даных Белстата аб медыянных заробках за травень.

У ахове здароўя паказчык крыху большы — 1638,8 рублі. А вось палова супрацоўнікаў творчай і спартыўнай сфер атрымлівае менш за 1383,4 рублі.

Па Беларусі медыянны заробак складае 2014 рублёў, то-бок роўна палова атрымлівае менш, палова — больш. Але важна, што гэта да выплаты падаткаў і ФСАН.

Еўрарадыё | Еврорадио

18 июля 2025 17:07

Сяргею Ціханоўскаму за некалькі гадзін сабралі больш за $5 тысяч з васьмі патрэбных. Экс-палітвязень папрасіў дапамогі беларусаў на аднаўленне здароўя.

Збор тут: https://bysol.org/ru/private/sergei_tihanovsky/

Еўрарадыё | Еврорадио

18 июля 2025 15:40

Нацбанк плануе забараніць плацяжы крыптавалютамі. Як кажа кіраўнік рэгулятара Раман Галоўчанка, "гэты сегмент фінансавага рынку дынамічна расце і можа ўплываць на стабільнасць фінансавага рынку [Беларусі]".

Раней улады вельмі ганарыліся, што Беларусь была адной з першай постсавецкіх краін, якая легалізавала крыптавалюты — яшчэ ў 2017-м годзе.

Але потым, магчыма, зразумелі, што плацяжы крыптой немагчыма адсачыць. І таму хочуць забараніць гэта. Хаця як яны будуць сачыць за тым, каб ніхто не парушаў забарону, таксама пытанне.

Еўрарадыё | Еврорадио

18 июля 2025 14:03

Што адбываецца на рынку працы і чаму чыноўнікам не даюць спакою нешматлікія “прынцыповыя” беспрацоўныя?

Гэтыя ды іншыя эканамічныя тэмы абмяркоўваем у жывым эфіры @euroradio з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка.

https://www.youtube.com/watch?v=-qWqotytAKk

Еўрарадыё | Еврорадио

18 июля 2025 13:05

Сведкі гісторыі: як праз музыку і мастацтва захаваць памяць пра 2020 год? Эфір @euroradio.

Якое значэнне падзеі 2020 года мелі для беларускага грамадства і як яны паўплывалі на беларускую культуру і музыку ў прыватнасці? Чаму важна збіраць і захоўваць усё, што з’яўляецца сведчаннем падзей як 2020 года, так і наступных гадоў? Як змянілася творчасць Kriwi і J:МОРС пад уплывам падзей апошніх гадоў?

На гэтыя ды іншыя пытанні ў жывым эфіры Еўрарадыё адказваюць заснавальніца і лідарка гурта Kriwi Вераніка Круглова і фронтмэн гурта J:МОРС Уладзімір Пугач: https://www.youtube.com/watch?v=zOvIzztayU0

Еўрарадыё | Еврорадио

18 июля 2025 11:01

Новыя санкцыі і татальны недавер. Стрым з Аляксандрам Кныровічам

Еўрасаюз прыняў 18-ы пакет санкцый супраць Расіі (і Беларусі). Тут ужо мае сэнс падумаць пра саму гэту лічбу: 18. А што, нельга было прыняць адзін пакет, але які б працаваў?

Пагаворым пра гэта з блогерам і палітыкам Аляксандрам Кныровічам. Таксама абмяркуем татальны крызіс даверу паміж беларусамі, сітуацыю з цэнавым рэгуляваннем, лукашэнкаўскія дзяржаўныя сімвалы і вуліцы імя забойцаў, на якіх жывуць сотні тысяч беларусаў.

Глядзіце стрым тут, задавайце пытанні: https://www.youtube.com/watch?v=a9sFO5LICbs

Еўрарадыё | Еврорадио

18 июля 2025 09:57

За 4 гады беларускія ўніверсітэты скарацілі колькасць месцаў для платнікаў больш чым на 10 тысяч. Калі ў 2021-м на платныя аддзяленні вну Беларусі маглі прыняць 27,1 тысячу чалавек, у 2025-м — 16,5 тысяч.

Колькасць месцаў для бюджэтнікаў вырасла з 27,8 да 31,8 тысяч.

Апошнія гады ўлады праводзяць такую палітыку, каб атрымаць больш мэтавікоў і выпускнікоў для размеркавання ў раёны.

Найбольш заўважна гэта па медуніверсітэтах: напрыклад, з 400 месцаў лячэбнага факультэта БДМУ 321 прызначана для абітурыентаў, якія будуць вучыцца па мэтаваму накіраванню, то-бок пасля вучобы яны будуць абавязаныя працаваць па размеркаванні не два гады, а пяць.

Еўрарадыё | Еврорадио

18 июля 2025 08:50

У Беларусі могуць знікнуць бульба і даўгунец. Усё праз змены клімату, піша навуковец і папулярызатар навукі Сяргей Бесараб.

Бульба без паліву страчвае ўраджайнасць і крухмал. На поўдні краіны вырошчванне ўжо становіцца эканамічна бессэнсоўным. Лён таксама не вытрымлівае спёкі і сухасці — вытворчасць можа зрушыцца на поўнач, але і там доўга не пратрымаецца.

Шмат вады патрабуюць і цукровыя буракі, таму вырошчваць яе ў будучыні будзе нявыгадна.

Нарэшце, праблемы могуць быць і ў пшаніцы ды жыта — ім цяжка праз зімы з адлігамі і летнія спёкі.

Еўрарадыё | Еврорадио

18 июля 2025 08:14

Недабор на настаўнікаў. У БДПУ не знайшлося дастаткова ахвочых на ўсе месцы для будучых выкладчыкаў фізікі і інфарматыкі.

Планавалі набраць 25 чалавек, а дакументы падалі толькі 13.

Еўрарадыё | Еврорадио

18 июля 2025 07:37

Могілкі ў Магілёве ў такім жудасным стане ўжо тыдзень. Непагадзь паваліла дрэвы на літаральна на ўсіх. Цяпер да некаторых магіл не дабрацца, на іншых зламаныя помнікі.

Праз тыдзень мясцовыя ўлады аб'явілі да прыцягненні ратавальнікаў і курсантаў МНС да разбору завалаў.

Еўрарадыё | Еврорадио

17 июля 2025 19:27

Хочуць у дызайнеры, а не аграрыі: першыя вынікі ўступнай кампаніі ў Беларусі

@euroradio паглядзела маніторынг у апошні дзень уступнай кампаніі на бюджэт 2025 года і распавядае, дзе хочуць вучыцца Беларускія абітурыенты.

Чытаць тут: https://euroradio.fm/khochuc-u-dyzaynery-ne-agraryi-pershyya-vyniki-ustupnay-kampanii-u-belarusi

А гэтая спасылка адкрыецца і без VPN

Еўрарадыё | Еврорадио

17 июля 2025 17:43

У Магілёве выхавацелькі дзіцячага сада здзекаваліся з дзяцей — штурхалі і сыпалі пясок ім на галовы. Відавочцы знялі гэта на відэа.

Міліцыя праводзіць праверку.

Еўрарадыё | Еврорадио

17 июля 2025 16:37

19 жніўня ў Вярхоўны суд разгледзіць апеляцыю на прысуд Антону Матольку. Пра гэта паведаміў праваабаронца Леанід Судаленка.

Напачатку чэрвеня стала вядома, што блогера завочна асудзілі да 20 гадоў калоніі.