Еўрарадыё | Еврорадио

13 марта 2025 08:03

Літва будзе пераконваць ЗША не здымаць санкцыі з беларускага калію. Так прэм'ер-міністр краіны Гінтаўтас Палуцкас пракаментаваў чуткі пра магчымае змякчэнне санкцый, якія рыхтуе Вашынгтон:

Сёння беларускі рэжым праз падаражанне лагістыкі і дзейныя санкцыі не атрымлівае непасрэдна ў бюджэт амаль паўмільярда долараў ЗША ад экспарту ўгнаенняў. Гэта значная сума, і, калі мы вернем яе ў бюджэт, не думаю, што Літве ці нашаму рэгіёну ад гэтага стане лепш.

Еўрарадыё | Еврорадио

13 марта 2025 07:00

На тэнісным турніры ў амерыканскім Індыян-Уэлсе беларуска Арына Сабаленка выйшла ў чвэрцьфінал. Мінулай ноччу першая ракетка свету ў 1/8 фіналу гуляла з брытанскай тэнісісткай Сонай Картал (83-і нумар у рэйтынгу WTA).

Наша суайчынніца перамагла яе ў двух сэтах — 6:1, 6:2. Паядынак працягваўся 1 гадзіну 11 хвілін.
За выхад у паўфінал Сабаленка будзе спаборнічаць з расіянкай Людмілай Самсонавай (25).

Еўрарадыё | Еврорадио

12 марта 2025 19:42

Мінск увайшоў у топ-20 пешаходных гарадоў Еўропы. У рэйтынгу ўлічваўся сярэдні час, які жыхарам трэба выдаткаваць, каб пешшу дабрацца да важных гарадскіх аб'ектаў: школаў, лякарняў, крамаў і рэстаранаў.

Сталіца Беларусі заняла 16-е месца. Лідарамі ж сталі Мілан, Капенгаген і Турын.

Здаецца, стваральнікі рэйтынгу не ўлічылі, што шлях мінчука ад дома да "важнага гарадскога аб'екта" лёгка можа расцягнуцца на некалькі сутак — калі на ім сустрэнецца міліцыянт, які захоча праверыць смартфон.

Еўрарадыё | Еврорадио

12 марта 2025 18:57

Лукашэнка заўтра паляціць у Маскву — але мы зашмат увагі надаем гэтаму візіту. Крэмль ужо ўспрымае Беларусь не як сатэліта, а як свой рэгіён. Адпаведна, ніякага суверэнітэту: ні знешняга, ні ўнутранага — у Лукашэнкі няма, і фактычна ён ужо "па Беларусі" нічога не вырашае, упэўнены палітолаг Павел Усаў.

Цалкам свежы стрым з ім глядзіце тут: https://www.youtube.com/watch?v=7Ha022DiFtk

Еўрарадыё | Еврорадио

12 марта 2025 18:08

"Пакемоны" цяпер належаць кампаніі з Саудаўскай Аравіі. Распрацоўшчык гульні "Pokemon GO" Niantic Inc. прадаў яе і іншыя свае гульнгявыя актывы амерыканскай кампаніі Scopely — "дачцэ" буйнога распрацоўшчыка мабільных праграм Savvy Games Group з Аравійскай паўвыспы.

Сума здзелкі — $3,5 млрд. Саудыты атрымаюць не толькі базу гульцоў і мапу з фотаздымкамі, сабранымі за амаль 9 гадоў існавання "Pokemon GO", але і каманду, якая працуе над удасканаленнем гульні.

Еўрарадыё | Еврорадио

12 марта 2025 17:14

Улан быў рэканструктарам і цікавіўся перыядам напалеонаўскіх войнаў. А пасля стаў мінамётнікам у Палку Каліноўскага.

Ён дагэтуль не ўпэўнены, што змог бы стрэліць у праціўніка, калі б пабачыў яго наўпрост перад сабой. А з мінамёта — калі ласка!

Цяпер Улан зноў стаў Міколам і вяртаецца да мірнага жыцця. І аднаўляе навыкі верхавой язды.

Слухайце падкаст @euroradio пра два жыцця Улана на любой зручнай платформе: https://linktr.ee/jak_ty_ulan

Еўрарадыё | Еврорадио

12 марта 2025 16:13

11 сакавіка "Шахед" праляцеў над Магілёвам? Ёсць відэа, але яно можа быць фэйкам: беспілотніка на ім не бачна, чуваць толькі характэрны гук. А маніторынгавыя групы ў той вечар не зафіксавалі парушэння беларускай паветранай прасторы.

Кароткі ролік даслалі ў рэдакцыю чытачы сайта mogilev.media. Па іх словах, ён быў зняты ў 22:32. Дрон-камікадзэ нябачны ў цемры, але чуваць яго было нашмат даўжэй за 5 секунд, і калі меркаваць па гуку, ляцеў ён ва ўсходнім кірунку.

Апошнім часам расійскія дроны рэгулярна апынаюцца ў Беларусі. Расіяне запускаюць іх па аб'ектах ва Украіне, але ўкраінскія сродкі радыяэлектроннай барацьбы збіваюць іх з курса, і яны паварочваюць на поўнач.

Але звычайна "Шахеды" залятаюць у Гомельскую вобласць, што мяжуе з Расіяй і Украінай. Не ў Магілёўскую.

Еўрарадыё | Еврорадио

12 марта 2025 15:24

Пагоршыўся стан здароўя арцыбіскупа-эмерыта Тадэвуша Кандрусевіча. Каталіцкі іерарх хварэе на анкалагічнае захворванне — меланому.

Кандрусевічу 79 гадоў. Ён нарадзіўся ў Гродзенскім раёне, служыў у Беларусі, Літве, Расіі. Летась арцыбіскуп перанёс інфаркт і аперацыю на сэрцы.

Еўрарадыё | Еврорадио

12 марта 2025 14:38

Цяпер па суботах — і на дзве капейкі. З 15 сакавіка ў Беларусі даражэюць бензін і дызель.

Паліва будзе даражэць восем тыдняў запар. Улады паэтапна падымаюць яго кошт на 16 капеек "з улікам усебаковай ацэнкі эканамічнай сітуацыі, кан'юнктуры рынку нафты і нафтапрадуктаў у сумежных дзяржавах".

Вось новыя цэны на паліва на беларускіх АЗС:

• АІ-92 — 2 рублі 36 капеек (0,66 еўра)
• АІ-95 — 2 рублі 46 капеек (0,69 еўра)
• АІ-98 — 2 рублі 68 капеек (0,75 еўра)
• ДП — 2 рублі 46 капеек (0,69 еўра)

Еўрарадыё | Еврорадио

12 марта 2025 14:05

Як мір ва Украіне на ўмовах Трампа паўплывае на лёс Беларусі. Стрым з украінскім экспертам Яўгенам Магдам

Трамп змусіў украінцаў сыйсці з Курскай вобласці Расіі — і адразу ж аднавіў вайсковую дапамогу Украіне. Так прэзідэнт ЗША "элегантна" прыбраў акалічнасць, якая перашкаджала яго намеру спыніць вайну па цяперашняй лініі супрацьстаяння.

А па які бок ад гэтай лініі знаходзіцца Беларусь? Ці будзе яна фігураваць ва ўмовах мірнага пагаднення, і калі так — дык у якой якасці? Як трафей для Расіі ці як фактар небяспекі для Украіны (і тады ад Расіі запатрабуюць зменшыць сваю вайсковую прысутнасць на беларускай тэрыторыі)?

На гэтыя ды іншыя пытанні адказвае дырэктар украінскага Інстытута сусветнай палітыкі, эксперт iSANS Яўген Магда: https://www.youtube.com/watch?v=zf2SYS2zEaM

Еўрарадыё | Еврорадио

12 марта 2025 11:57

У гандлёвую вайну ўваходзіць Еўрасаюз. У адказ на новыя амерыканскія пошліны на алюміній і сталь ЕС уводзіць свае.

Адказ ЕС ахопіць імпарт з ЗША на суму каля 28 млрд долараў. З 1 красавіка пад пошліны трапіць спіс тавараў, сярод якіх нават Harley-Davidson і бурбон. Потым могуць быць уведзеныя дадатковыя меры.

“Мы глыбока шкадуем аб гэтай меры”, — заявіла прэзідэнтка Еўрапейскай камісіі Урсула фон дэр Ляен. 

“Рабочыя месцы пад пагрозай, цэны растуць, гэта нікому не трэба”

Еўрарадыё | Еврорадио

12 марта 2025 11:02

"Кіроўны кулак" ці лібералізацыя: чаго беларусам чакаць ад новага ўраду? Стрым з палітолагам Паўлам Усавым

Лукашэнка прызначыў прэм’ер-міністрам Беларусі Аляксандра Турчына. Цяпер ужо былы прэм’ер Раман Галоўчанка стаў старшынёй Нацбанка. А цяпер ужо былы старшыня Нацбанка Павел Калаўр адпраўлены ў адстаўку.

Што зменіцца ад гэтай перастаноўкі ложкаў? Эканоміка Беларусі будзе заціснутая ў "кіроўным кулаку", грошы будуць друкавацца тонамі, а лібералізацыя ізноў адкладаецца?

Абмяркоўваем гэта з кіраўніком варшаўскага Цэнтра палітычнага аналізу і прагнозу, сябрам "Вольнай Беларусі" Паўлам Усавым. Таксама пагаворым пра чарговы візіт Лукашэнкі ў Маскву (ужо заўтра) і дамову пра 30-дзённае спыненне вагню, да якога гатовы Зяленскі (але ці гатовы Пуцін).

Глядзіце стрым тут, задавайце пытанні: https://www.youtube.com/watch?v=7Ha022DiFtk

Еўрарадыё | Еврорадио

12 марта 2025 10:18

287 беларускіх прадпрыемстваў сёння ўдзельнічаюць у вытворчасці зброі для расійскага войска. Гэтую лічбу агучыла на сустрэчы ў Радзе Еўропы лідарка дэмакратычных сілаў Святлана Ціханоўская.

"Беларусь стала не толькі стартавай пляцоўкай [для поўнамаштабнага ўварвання Расіі ва Украіну], але і вайсковым цэхам расійскай вайсковай машыны", — адзначыла яна.

У сустрэчы ўзялі ўдзел амбасадары і дыпламаты больш чым з 50 краінаў. Ціханоўская заклікала іх прыняць адмысловую дэклярацыю ў падтрымку незалежнасьці і сувэрэнітэту Беларусі, каб нашая краіна не стала "суцяшальным прызам для Пуціна".

"Трэба патрабаваць вываду расійскіх войскаў не толькі з Украіны, але і з Беларусі, у тым ліку і ядзернай зброі. Толькі гэта гарантавала б стабільны і працяглы мір у рэгіёне, — дадала яна. — Украіна заслугоўвае рэальных гарантый бяспекі, і адной з іх можа быць свабодная Беларусь, без расійскай прысутнасці".

Еўрарадыё | Еврорадио

12 марта 2025 09:28

Украіна выводзіць свае войскі з Курскай вобласці Расіі. Расіяне зайшлі ў райцэнтр Суджа, які ўкраінцы кантралявалі 218 дзён, са жніўня 2024 года.

Гэта крыху менш, чым расійскае войска здолела пратрымаць у сваіх руках Херсон у першы год поўнамаштабнай вайны.

Аналітыкі адзначаюць, што ўкраінцы маглі б і далей утрымліваць Суджу. Але ёсць два фактары, якія прымушаюць іх вярнуцца на сваю тэрыторыю.

Першы — вайсковы: расіяне апошнім часам актыўна пераразалі лагістычныя ланцужкі, што ўскладніла забеспячэнне ўкраінскай групоўкі ў Курскай вобласці РФ. А другі — палітычны: перамовы пра мір, якія вядзе ЗША.

Еўрарадыё | Еврорадио

12 марта 2025 08:48

Беларусу прад'яўленае абвінавачанне ў падпале супермаркета ў Варшаве па заданні расійскай разведкі. Яму пагражае ад 10 гадоў да пажыццёвага зняволення. На навіну звярнулі ўвагу reform.news.

Пажар адбыўся 14 красавіка 2024 года. Па версіі пракуратуры, напярэдадні грамадзянін Беларусі Сцяпан К. разліў у краме лёгкаўзгаральную вадкасць і пакінуў прылады для дыстанцыйнага падпалу. Уночы яны спрацавалі.

Сцяпан К. у гэты момант быў побач і здымаў агонь на тэлефон. Пасля відэа было апублікаванае на расійскіх прапагандысцкіх сайтах.

У выніку згарэла частка гандлёвага цэнтра OBI. Шкода ацэненая больш як у 3,5 млн злотых (каля $900 тысяч па цяперашнім курсе.

Еўрарадыё | Еврорадио

13 марта 2025 07:30

Выпускнікі аўташколаў будуць па-новаму здаваць экзамены на правы кіроўцы. На пляцоўцы — чатыры элементы замест двух, у горадзе — таксама змены.

Што зменіцца?

Еўрарадыё | Еврорадио

12 марта 2025 20:12

Важныя падзеі і сэнсы серады, 12 сакавіка, у праграме ЕЎРАЗУМ:

01:09 Ці прымусяць Пуціна пайсці на спыненне агню?

15:10 Навіны спорту

16:53 Чаму беларуская прапаганда так палюбіла ЗША?

25:28 Навіны шоў-бізу

27:53 Як гаварыць пра эміграцыю праз казку?

Еўрарадыё | Еврорадио

12 марта 2025 19:21

Падчас раскопак у фундаменце разбуранай вежы Крэўскага замку знайшлі аскепкі снарадаў часоў Першай Сусветнай вайны. У 1917 годзе ў гэтым раёне наступалі расійскія войскі, і замак жахліва пацярпеў падчас трохдзённай артылерыйскай падрыхтоўкі.

Таксама археолагі адкапалі цэлую нервюрную цагліну (на другім фота) з Трэццяй вежы замка. Такія выкарыстоўваліся ў каркасных гатычных скляпеннях, каб утварыць рэбры, што выступаюць вонкі.

Еўрарадыё | Еврорадио

12 марта 2025 18:32

"Прыстойныя цэны", "шалёныя цэны", "у рамках разумнага". Вывучаем шлях, якім улады 20 гадоў ішлі да "справядлівых" цэнаў, якія абяцаюць беларусам з красавіка.

Чытайце тут: https://euroradio.fm/shlyakh-lukashenki-da-spravyadlivykh-cen-shto-yon-nagavaryu-za-20-gadou

З Беларусі — без VPN

Еўрарадыё | Еврорадио

12 марта 2025 17:39

У Мінску збіраюцца пабудаваць аўтамабільны тунэль. У сталіцы іх яшчэ няма.

Даўжыня — больш за 500 метраў, над ім — кругавая развязка, а побач — станцыя метро. Падрабязней: https://euroradio.fm/u-minsku-planuyuc-pabudavac-pershy-autamabilny-tunel

З Беларусі — без VPN

Еўрарадыё | Еврорадио

12 марта 2025 16:43

У Германіі за парушэнне антырасійскіх санкцый ЕС затрымалі грамадзянку Беларусі. Аказвацца, у шэрых схемах могуць быць задзейнічаныя не толькі фірмы, але і прыватныя асобы.

У задачу беларускі ўваходзіла "ствараць уражанне". Яна настварала на 21 млн еўра: https://euroradio.fm/u-germanii-za-parushenne-antyrasiyskikh-sankcyy-es-aryshtavali-gramadzyanku-belarusi

З Беларусі — без VPN

Еўрарадыё | Еврорадио

12 марта 2025 15:49

На выбарах у Грэнландыі нечакана перамагла правацэнтрысцкая апазіцыйная партыя. Яна выступае за незалежнасць выспы ад Даніі і тым больш ад ЗША.

Demokraatit ніколі не былі такімі папулярнымі. Падрабязней: https://euroradio.fm/na-vybarakh-u-grenlandyi-nechakana-peramagla-pravacentrysckaya-apazicyynaya-partyya

З Беларусі — без VPN

Еўрарадыё | Еврорадио

12 марта 2025 15:04

Беларускі свет: ці гатовыя беларусы грашыма падтрымліваць сваіх? Стрым з заснавальнік арганізацыі BelarusianAmericans.org Паўлам Сакурцом і заснавальнікам "Дому творцаў" Сержуком Доўгушавым.

Беларускіх ініцыятыў па ўсім свеце шмат, і сродкі на сваю дзейнасць яны збіраюць вельмі па-рознаму. І далёка не заўжды гэтых сродкаў хапае.

Беларусы Мінеапаліса запусцілі петыцыю, каб знайсці грошы для беларускай прасторы. "Дом творцаў" у Варшаве таксама шукае падтрымку — каб, у сваю чаргу, падтрымліваць творчых беларусаў, якія апынуліся ў эміграцыі.

Асаблівасці нацыянальнай падтрымкі абмяркоўваем з Паўлам Сакурцом і Сержуком Доўгушавым. Глядзіце стрым тут, задавайце пытанні: https://www.youtube.com/watch?v=CsmwkqQnHqM

Еўрарадыё | Еврорадио

12 марта 2025 14:29

У твітары іранізуюць над дзіўнай палітыкай адміністрацыі Трампа ў дачыненні да Украіны. Наратывы расійскай прапаганды, якія агучвае прэзідэнт ЗША і яго паплечнікі, перакладаюцца на сітуацыю з сацсеткай X, за нядаўняй атакай на якую, па словах Ілана Маска, стаяць украінцы.

"Калі Украіна сапраўды атакавала твітар [папярэдняя назва сацсеткі X. — Еўрарадыё], гэта вельмі сур'ёзна. Я запрашаю Украіну правесці са мной перамовы, каб мы маглі прынесці мір у твітар, — піша мемны акаўнт выдуманага кангрэсмена-рэспубліканца Джэка Кімбла. — На жаль, у Ілана няма карт на руках, а таксама няма гарнітура. Таму мы чакаем, што Ілану давядзецца пайсці на сур'ёзныя саступкі".

Навязваць ахвяры ўмовы, якія дыктуе агрэсар? У гэтую гульню можа гуляць не толькі Дональд Трамп. Як табе такое, Ілан Маск?

Еўрарадыё | Еврорадио

12 марта 2025 13:03

Некаторых сілавікоў і іх сем'і перастануць бясплатна абслугоўваць у клініках МУС. Гэта датычыцца нават пенсіянераў з міліцэйскай сістэмы.

Вось у чым прычына: https://euroradio.fm/za-ekstremizm-semi-silavikou-ne-buduc-byasplatna-abslugouvac-u-klinikakh-mus

З Беларусі — без VPN

Еўрарадыё | Еврорадио

12 марта 2025 11:57

Завод "Брэсцкае піва" ўсё ж банкрутуе. Інвестара, які б пакрыў страты прадпрыемства і ўклаўся ў яго развіццё, знайсці так і не атрымалася. Сыходзіць у мінулае яшчэ адна легенда 2000-х, а разам з ёю і назвы гатункаў піва "Дуплет", "Брэсцкі портэр" і, вядома ж, "Брэсцкае цёмнае".

"Брэсцкае піва" стратнае ўжо 10 гадоў. А дабілі яго COVID-19 і "геапалітычная сітуацыя". З паўгады таму чарговы гендырэктар паспрабаваў знайсці грошы на вытворчасць у Расіі. Але нічога не атрымалася. Пасяджэнне, прысвечанае прыняццю заявы крэдытора пра банкруцтва ААТ "Брэсцкае піва", Эканамічны суд Брэсцкай вобласці правядзе 17 сакавіка.

Еўрарадыё | Еврорадио

12 марта 2025 10:41

Раніцай 12 сакавіка расіяне ўдарылі па Крывым Рогу балістычнымі ракетамі. Адна з іх трапіла ў будынак гатэлю "Дружба" (на відэа).

Гэта ўжо чацвёрты гатэль, які расійскія войскі знішчылі ў гэтым абласным цэнтры Украіны.

У выніку абстрэлу загінула 47-гадовая жанчына. У момант прылёту яна была ў тралейбусе, які літаральна прашыла аскепкамі. Параненыя 14 чалавек.

Еўрарадыё | Еврорадио

12 марта 2025 09:51

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі):

13:00 — палітолаг Павел Усаў

16:00 — дырэктар украінскага Інстытута сусветнай палітыкі Яўген Магда

17:00 — заснавальнік арганізацыі BelarusianAmericans.org Павал Сакурэц і заснавальнік “Дому творцаў” у Варшаве Сяржук Доўгушаў

Глядзіце стрымы EuroradioLive">на ютуб-канале Еўрарадыё, задавайце пытанні!

Еўрарадыё | Еврорадио

12 марта 2025 09:05

Фільм "Пад шэрым небам" беларускай рэжысёркі Мары Тамковіч выходзіць у польскі кінапракат. З 28 сакавіка яго можна будзе паглядзець на вялікіх экранах.

Стужка прысвечаная палітзняволенай журналістцы Кацярыне Андрэевай, кінутай у Беларусі за краты пасля стрыма з Плошчы Пераменаў. Андрэеву судзілі двойчы і агулам пакаралі страшнымі 8 гадамі 3 месяцамі зняволення.

Еўрарадыё | Еврорадио

12 марта 2025 08:17

Праўладны расійскі гісторык апублікаваў кнігу пра Кастуся Каліноўскага. Але ў Беларусі яго мусяць за гэта судзіць.

Справа ў тым, што Аляксандр Дзюкаў у спісе літаратуры апублікаваў спасылкі на сайт "Радыё Свабода", якое беларускія ўлады прызналі "экстрэмісцкім фарміраваннем". А гэта "распаўсюд экстрэмізму" ў чыстым выглядзе.

Садысты-лукашэнкаўцы 100 дзён пратрымалі ў ізалятары мужа і жонку, якія перасылалі спасылкі на забароненыя рэсурсы адно адному. А тут яны надрукаваныя накладам у 500 экземпляраў.

Ці ўсе роўныя перад беларускімі законамі і ці будуць наступствы для Дзюкава, чые высновы пра Каліноўскага зручныя і прыемныя для ўладаў? Пытанні рытарычныя.