730
Глава МР "Мегино-Кангаласский улус"
🔹Улууспут бары ийэлэрин, эбэлэрин Саха сиригэр Ийэ күнүнэн, аҕаларын, эһэлэрин Арассыыйаҕа Аҕа күнүнэн ис сүрэхпиттэн истиҥник эҕэрдэлиибин!
🔹Бүгүн Ийэ уонна Аҕа күнэ бииргэ дьүөрэлээн бэлиэтэнэрэ - ураты суолталаах түгэн. Бу күн саамай чугас, күндү дьоммутугар, төрөппүттэрбитигэр, барҕа махтал, таптал тылларын аныыбыт.
🔹Бары ийэлэргэ, аҕаларга чэгиэн туругу, или-эйэни, дьолу-соргуну, ситиһиилэри баҕарабын. Хас биирдии үүнэр күҥҥүт оҕолоргут, сиэннэргит махталларынан, ытыктабылларынан, тапталларынан туоллун!
📱@dmitriytikhon0v
📲https://max.ru/id1415008873_gos2
Ытыктабыллаах улууһум олохтоохторо, биир дойдулаахтарым!
🔹Бу күннэргэ өрөспүүбүлүкэбит Төрүт сокуонун 69-с ыстатыйатыгар уларыйыы киириитин туһунан үгүс санаалар бааллар.
🔹Бу ыстатыйа тугу этэрий? Быһаччы эттэххэ, билиҥҥи сокуон биир киһи икки болдьохтон уһуннук өрөспүүбүлүкэбитин салайарын хааччахтыыр.
🔹Оттон бу уларыйыы киирэрэ төһө оруннааҕый? Бу туһунан дьоммор-сэргэбэр туһаайан тус санаабын тиэрдэбин.
📱@dmitriytikhon0v
📲https://max.ru/id1415008873_gos2
Ытыктабыллаах учууталлар, үөрэх эйгэтин бары үлэһиттэрэ, педагогическай үлэ бэтэрээннэрэ!
🔹Эһигини барыгытын идэлээх бырааһынньыккытынан - Учуутал күнүнэн улуус дьаһалтатын, тус бэйэм ааппыттан ис сүрэхпиттэн эҕэрдэлиибин!
🔹Хас биирдиибит оскуола боруогун атыллаан, аан бастаан учуутал диэн үрдүк ааты истэн, кини илиититтэн билиини сомсон, олох киэҥ аартыгар үктэммиппит. Учуутал биэрбит үтүө холобура, эрэлэ, сылаас сыһыана олохпут устун суолдьут сулус буолан үрдүккэ кэрэҕэ сирдиир.
🔹Кэнчээри ыччаты иитэр-үөрэтэр сыралаах, бэриниилээх үлэҕит иһин дириҥ махталбын, сүгүрүйүүбүн тиэрдэбин.
🔹Өр сылларга үлэлээбит ытыктабыллаах бэтэрээннэрбит, эһиги мунньуммут баай уопуккутугар, сүбэҕитигэр-амаҕытыгар олоҕуран, улууспут үөрэхтээһинин сайдыытыгар саҥаттан саҥа саҕахтары арыйан иһиэхпит. Эһиэхэ чэгиэн туругу, оҕолоргут, сиэннэргит тапталларыгар уйдаран уһун, дьоллоох олоҕу баҕарабын.
🔹Бу бэлиэ күҥҥэ ытыктабыллаах учууталлар, эһиэхэ этэҥҥэ буолууну, уҕараабат эрчими, үлэҕитигэр үрдүк ситиһиилэри, махталлаах үөрэнээччилэри, төрөппүттэри баҕарабын.
Учуутал, эн үтүө ааккар сүгүрүйэбит!
📱@dmitriytikhon0v
📲https://max.ru/id1415008873_gos2
🔹Бүгүҥҥүттэн улуустааҕы култуура салалтатын салайааччытынан Данил Осипов ананна.
🔹1991 сыллаахха Ходоро нэһилиэгэр төрөөбүтэ.
🔹2012 сыллаахха А.Д. Макарова аатынан култуура уонна ускуустуба кэллиэһин режиссура салаатын үөрэнэн бүтэрбитэ.
🔹2012 сыллаахха Д.Ф. Ходулов аатынан култуура киинигэр оҕо тыйаатырын режиссерунан,
🔹2013-2016 сылларга киинэ эйгэтигэр,
🔹2016 сыллаахтан Д.Ф. Ходулов аатынан култуура киинин режиссерунан үлэлээн кэллэ.
🔹Данил Осипов - Саха Өрөспүүбүлүкэтин култууратын туйгуна, киинэ артыыһа, ааптара.
🔹Данил Николаевичка ситиһиилээх, таһаарыылаах үлэни баҕарыаҕыҥ.
📱@dmitriytikhon0v
📲https://max.ru/id1415008873_gos2
🔹Балаҕан ыйын 25-27 күннэригэр Дьокуускай куоракка "Продовольствие-2026" өрөспүүбүлүкэтээҕи тыа хаһаайыстыбатын аһын-үөлүн оҥорон таһаарааччылара кыттыылаах үгэскэ кубулуйбут дьаарбаҥка ыытылынна.
🔹Биһиги улууспутуттан "Хоту", "Павловскайдааҕы үүт собуота", "Алаас Ас", "Хорообут"- тэрилтэлэрэ, нэһилиэктэрбититтэн биирдиилээн бааһынай хаһаайыстыбаларбыт кыттыыны ыллылар.
🔹Ол курдук, Өрөспүүбүлүкэ бастыҥ аһы-үөлү оҥорон таһаарар тэрилтэтин Кылаан Чыпчаал кыайыылааҕынан Шестаков Светоний Геннадиевич салайааччылаах "Алаас Ас" кэпэрэтиип буолла.
🔹Үрдүк хаачыстыбалаах иһэр үүтү, сүөгэйи оҥорууга
1 миэстэни Максимов Иван Ильич салайааччылаах "Хоту" кэпэрэтиип ылла.
🔹Оҕуруот аһын олордууга бастыҥ көрдөрүүлээҕинэн Ан Александр Сергеевич бааһынай хаһаайыстыбата ааттанна.
🔹Ону таһынан, тыа хаһаайыстыбатын эйгэтигэр үлэлиир оскуолаларбыт бэйэлэрин үлэлэринэн, оҥорон таһаарыыларынан үчүгэй көрдөрүүлээх таҕыстылар:
В.П. Ларионов аатынан Майа орто оскуолата 1 миэстэ, Дмитрий Таас аатынан Хорообут орто оскуолата 3 миэстэни ылары ситистилэр.
🔹2025 сыл түмүгүнэн тыа хаһаайыстыбатын уонна аһы-үөлү оҥорон таһаарыыга оройуоннар икки ардыларыгар сылгыны иитиигэ, үүнээйини үүннэриигэ 1 миэстэлэри,
үүт аһы оҥорон таһаарыыга 2 миэстэни
улууспут хаһаайыстыбаларын үлэлэрин түмүгүнэн ылары ситистибит.
🔹Өрөспүүбүлүкэбит Судаарыстыбаннаһын күнүгэр тыабыт хаһаайыстыбатын эйгэтигэр улууспут туруу үлэһит дьонунан үрдүкү үктэлгэ тахсыбыппыт бэлиэ түгэнинэн буолар.
🔹Кыайыылаахтары ис сүрэхпиттэн эҕэрдэлиибин, өссө үрдүк көрдөрүүлэри ситиһэрбитигэр бииргэ үлэлиэхпит диэн эрэнэбин.
🔹Дьонум-сэргэм, Өрөспүүбүлүкэбит Судаарыстыбаннаһа бөҕөргүүрүгэр, салгыы сайдарыгар түмсүүлээх үлэбитинэн инникитин даҕаны бастыҥнарга ааттана туруоххайыҥ!
📱@dmitriytikhon0v
📲 https://max.ru/id1415008873_gos2
🔹Бүгүн биир дойдулаахпыт, Саха Өрөспүүбүлүкэтин Ил Түмэнин Сир сыһыаннаһыыларыгар, айылҕа баайын уонна экологияҕа сис кэмитиэтин бэрэссэдээтэлэ Андрей Михайлович Находкин 55 сааһын бэлиэтиир.
🔹Ытыктабыллаах Андрей Михайлович!
Мэҥэ Хаҥалас улууһун салалтатын, дьонун-сэргэтин уонна тус бэйэм ааппыттан эйигин 55 сааскын туолбут үбүлүөйдээх күҥҥүнэн итиитик-истиҥник эҕэрдэлиибин!
🔹Төрөөбүт улууспут, өрөспүүбүлүкэбит туһугар таһаарыылаахтык үлэлии-хамсыы сылдьаргыттан биһиги, дойдуҥ дьоно, үөрэбит, киэн туттабыт.
🔹Тус бэйэҕэр уонна дьиэ кэргэҥҥэр этэҥҥэ буолууну, уһун дьоллоох олоҕу, бар дьоммут туһугар ситиһиилээх үлэни баҕарабын.
📱@dmitriytikhon0v
📲https://max.ru/id1415008873_gos2
Дорогие земляки!
🔹Завершились выборы депутатов Государственной Думы Российской Федерации.
По предварительным данным, за партию «Единая Россия» в нашем районе проголосовали 59,80% избирателей.
В одномандатном округе за Петра Шамаева отдали свои голоса 52% участников голосования.
🔹Благодарю всех жителей улуса, кто в эти дни пришёл на избирательные участки и сделал свой выбор.
Мы ещё раз показали свою активную гражданскую позицию и неравнодушие к будущему нашей страны.
🔹От всей души желаю всем жителям улуса крепкого здоровья, благополучия, мира и стабильности!
Уверен, что совместными усилиями мы продолжим работать во благо каждого жителя нашего района, решая важные задачи и создавая ещё более комфортную и процветающую среду для жизни.
🔹Дойду үрдүнэн ыытыллыбыт РФ Судаарыстыбаннай Дууматын дьокутааттарын талар үс күннээх быыбар түмүк көрдөрүүлэрэ билиннилэр.
🔹Биһиги улуус дьоно-сэргэтэ "Биир ньыгыл Арассыыйа" партияны өйөөн, 59,80% ылары ситистибит.
🔹Салайан олорор партиябыт дьон туһугар ыытар үлэтэ көдьүүстээҕин, ону бар дьон өйдүүрүн уонна өйүүрүн бигэргэттэ.
🔹РФ Судаарыстыбаннай Дууматын биир мандааттаах уокуругар уолбутугар Петр Шамаевка быыбарга кыттыбыт дьонтон 52% өйөбүлүн биллэрдэ.
🔹Улууспут олохтоохторугар хас биирдиигитигэр туора турбакка, кэлэн быыбарга кыттыбыккытыгар, инники кэскилгэ эрэлгитин биллэрбиккитигэр барҕа махталбын биллэрэбин. Этэҥҥэ буолууну, бигэ туругу, эйэлээх халлааны, дьолу-соргуну баҕарабын.
🔹Тапталлаах дойдубут салгыы чэчирии сайдарын туһугар инникитин даҕаны бары бииргэ, түмсүүлээхтик, биир сомоҕо буолан үлэлии-хамсыы туруоҕуҥ!
📱@dmitriytikhon0v
📲https://max.ru/id1415008873_gos2
🔹Бүгүн Тараҕай нэһилиэгэр балыыһа тэриллибитэ 80 сылын көрсө, саҥа быраас амбулаторията үөрүүлээхтик арылынна.
🔹Бу дьиэбит «Уһун уонна көхтөөх олох» - национальнай бырайыак иһинэн тутулунна. Саҥа, сырдык, сылаас дьиэбит маҥан халааттаах аанньалларбытыгар - быраастарбытыгар, сиэстэрэлэрбитигэр — үлэлииллэригэр, эмтэнээччилэрбитигэр этэҥҥэ, чөл буолалларыгар тирэх буолуо.
Саҥа - сырдык дьиэбит өр сылларга бар дьон туһугар туһалыы турдун.
📱@dmitriytikhon0v
📲 https://max.ru/id1415008873_gos2
Дойдубут, ыччаттарбыт туһугар бары - бииргэ ✊
📱@dmitriytikhon0v
📲 https://max.ru/id1415008873_gos2
🔹 Бүгүн Майабытыгар биир бастыҥ тэрээһиммит "Идэһэ-2025" дьаарбаҥка ыытылынна.
🔹 Улууспут нэһилиэктэриттэн барыта 76 атыыһыт үрүҥ ас эгэлгэтин, ийэ сирбит иҥэмтиэлээх аһын, уон түөрт туонна эт, эттэн оҥоһуллубут бородууксуйа арааһын хоточчу атыылаатылар.
🔹 Үтүө үгэс буолбут атыы-тутуу дьаарбаҥкаҕа унньуктаах уһун кыһыны көрсө, дьоммут-сэргэбит кыстыыр аһылыктарын булунан, дьону-сэргэни кытта алтыһаллара, сүргэлэрэ көтөҕүллэрэ тэрийээччилэри сыллата үөрдэр.
🔹 Маннык тэрээһиннэр үксүү турдуннар, саха төрүт дьарыгын өрө тутар үтүө үлэһит дьоммут бигэ туруктаах, улууспут дьоно-сэргэтэ чэгиэн-чэбдик буолун диэн алгыс тылбын аныыбын.
📱@dmitriytikhon0v
🔹 Бүгүн тыыл, үлэ бэтэрээнэ, сэрии сылын оҕото, Дьоруой Ийэ, «Мэҥэ Аат» Бочуот кинигэтигэр киирбит ытык киһибит, Ходоро нэһилиэгин, Мэҥэ Хаҥалас улууһун Бочуоттаах олохтооҕо Евдокия Николаевна Скрябина үбүлүөйдээх 90 сааһын туолбутунан Мэҥэ Хаҥалас улууһун үтүө үлэһит дьонун-сэргэтин уонна тус бэйэм ааппыттан итиитик-истиҥник эҕэрдэлиибин!
🔹 Евдокия Николаевна 1935 сыллаахха Ходоро нэһилиэгэр күн сирин көрбүтэ. Кыра сааһыттан колхуос, сопхуос араас үлэтигэр барытыгар улахан дьону кытта тэҥҥэ, толлубакка үлэлээбит, Кыайыыны уһансыбыт үтүө киһибитинэн буолар.
🔹 Евдокия Николаевна уон биир оҕо күн-күбэй ийэтэ, билигин 28 сиэн, 39 хос сиэн тапталлаах эбэтэ.
🔹 Ытыктабыллаах Евдокия Николаевна! Сыралаах, таһаарыылаах үлэҕэр истиҥник махтанан туран, дьолу-соргуну, инникитин даҕаны кэнчээри ыччаккар үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү!
📱@dmitriytikhon0v
🐴 Идэһэ тэрээһиниттэн оҕолор, ыалдьыттар санааларын истэргитигэр
Читать полностью…
🔹 Бүгүн тыыл, үлэ бэтэрээнэ, сэрии сылларын оҕото, «Мэҥэ Аат» Бочуот кинигэтигэр киирбит ытык киһибит, Холгума нэһилиэгин Бочуоттаах олохтооҕо Иван Константинович Иванов үбүлүөйдээх 90 сааһын томточчу туолбутунан Мэҥэ Хаҥалас улууһун үтүө үлэһит дьонун-сэргэтин, тус бэйэм ааппыттан итиитик-истиҥник эҕэрдэлиибин!
🔹 Иван Константинович 1935 сыллаахха 1-кы Наахара нэһилиэгэр күн сирин көрбүтэ. Сэттэ кылаас үөрэхтэнэн, оҕо сааһыттан колхуос ыарахан үлэтигэр улахан дьону кытта тэҥҥэ үлэлээн, Улуу Кыайыыны уһансыбыт, үлэни өрө тутан кэлбит үтүө киһибит буолар.
🔹 Иван Константинович икки оҕоҕо күн сирин көрдөрөн, атахтарыгар туруоран, билигин 2 сиэн, 2 хос сиэн тапталлаах эһэтэ.
🔹 Сааһын тухары үлэни өрө тутан, уопсастыбаннай олоххо көхтөөхтүк кыттан, улууспут, тыа сирэ сайдыытыгар үтүө суобастаахтык үлэлээн-хамсаан биир дойдулаахтарын махталларын, ытыктабылларын ылаҕын. Дьоһун олоххунан, үлүскэн үлэҕинэн биһиэхэ барыбытыгар холобур буолаҕын.
🔹 Ытыктабыллаах Иван Константинович! Сыралаах, таһаарыылаах үлэҕэр истиҥник махтанан туран, дьолу-соргуну, өрүү чэбдик сылдьаргар, инникитин даҕаны кэнчээри ыччаккар үүннээх-тэһииннээх үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү!
📱@dmitriytikhon0v
🔹Ис дьыала Министиэристибэтин Мэҥэ Хаҥаластааҕы салаатын бары үлэһиттэрин, араас сылларга үлэлээбит бэтэрээннэрин бүгүҥҥү идэлээх күҥҥүтүнэн улууспут олохтоохторун, салалтатын аатыттан эҕэрдэлиибин!
🔹Эһиги идэҕитигэр дьиҥ-чахчы бэриниилээх, эр санаалаах, күннэтэ дьоммут-сэргэбит олоҕор куттал суоһаабатын хааччыйар, араҥаччылыыр, ханнык да түгэҥҥэ көмөҕө кэлэр дьоммутугар үлэҕитигэр бэриниигит иһин махтал тылларбын тиэрдэбин.
🔹Бу түгэҥҥэ баҕарыам этэ хас биирдиигитигэр этэҥҥэ буолууну, уустук үлэҕитигэр
ситиһиилэри, эйэлээх халлааны!
📱@dmitriytikhon0v
🔹 Бүгүн тыыл, үлэ уонна култуура бэтэрээнэ, кыраайы үөрэтээччи, норуот маастара, «Ытык ыал» бэлиэ хаһаайына, А.А.Пахомов аатынан Тиэлиги орто оскуолатын мецената, 1-кы уонна 2-с Наахара нэһилиэктэрин, Мэҥэ Хаҥалас улууһун бочуоттаах олохтооҕо Дмитрий Христофорович Устинов үбүлүөйдээх 90 сааһын туолбутунан Мэҥэ Хаҥалас улууһун үтүө үлэһит дьонун-сэргэтин уонна тус бэйэм ааппыттан итиитик-истиҥник эҕэрдэлиибин!
🔹 Дмитрий Христофорович 1935 сыллаахха 2-с Наахара нэһилиэгэр күн сирин көрбүтэ. Кини колхуос, сопхуос каадырдарын бэлэмниир техникуму бүтэрэн, биригэдьииринэн, ДНД начаалынньыгынан, табаарыстыы суут бэрэсэдээтэлинэн, 20 сыл административнай хамыыһыйа, хомсомуол Райкомун пленумун, «Байкалов» аатынан сопхуос Парткомун, Наахара нэһилиэгин исполкомун чилиэннэринэн, Тиэлигитээҕи профсоюз месткомун бэрэссэдээтэлинэн 12 сыл, Наахара нэһилиэгин сельсоветыгар 7 төгүл дьокутаатынан талыллан үлэлээбитэ.
🔹 Дмитрий Христофорович 6 оҕо амарах аҕата, билигин 20 сиэн, 30 хос сиэн тапталлаах эһэтэ.
🔹 Сааһын тухары үлэни, уопсастыбаннай олоҕу өрө тутан, тыа сирэ сайдыытыгар үтүө суобастаахтык үлэлээн-хамсаан биир дойдулаахтарын махталларын, ытыктабылларын ылыан ылар.
🔹 Ытыктабыллаах Дмитрий Христофорович! Сыралаах, таһаарыылаах үлэҕэр истиҥник махтанан туран, дьолу-соргуну, өрүү чэбдик сылдьаргар, инникитин даҕаны кэнчээри ыччаккар үүннээх-тэһииннээх үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү!
📱@dmitriytikhon0v
Ытыктабыллаах тыа сирин туруу үлэһит дьоно, улууспут олохтоохторо!
🔹Эһигини барыгытын Тыа хаһаайыстыбатын уонна астыыр-үөллүүр салаа үлэһиттэрин күнүнэн ис сүрэхпиттэн эҕэрдэлиибин!
🔹Чулуу үлэһит дьоммутугар үлэҕит иһин махтанабын, бигэ туругу, этэҥҥэ буолууну баҕарабын!
🔹Инникитин даҕаны тыабыт сирин үлэһит дьоно үксүү турдуннар, сыһыы муҥунан сыспай сиэллээх, хонуу муҥунан хороҕор муостаах тэнийдин, төрүт аспыт дэлэйэ турдун, бар дьоммут чэгиэн-чэбдик буоллуннар!
📱@dmitriytikhon0v
📲https://max.ru/id1415008873_gos2
🔹Хас биирдии киһи олоҕор учуутал улахан суолталаах.
Бу күннэргэ командировкаттан айаннаан иһэн оскуолатааҕы сылларбын, учууталларбын санаан кэллим.
🔹Бу орто дойдуга учуутал буолар аналлаах төрөөбүт дьоннорго үөрэммиппин дьолбунан ааҕабын.
🔹Бастакы кылааска Табаҕа орто оскуолатыгар Валентина Ивановна Левина кырачаан бэйэбитин билии киэҥ аартыгар үктэннэрбитэ, умсугуппута. Кэлин үлэһит буолан баран учууталым ытык сааһыгар үктэнэн олордоҕуна анаан-минээн тиийэн махтаммытым.
🔹Дьонум совхоз ыһыллан Суолаҕа көһөн киирбиттэригэр Саха тылыгар Дария Константиновна Апросимова, төрүт культураҕа Ытык киһибит Аполлон Михайлович Апросимов үөрэппиттэрэ.
Саха омук буоларбынан киэн туттуу, төрүттэрбин билии, дойдубутугар, төрөөбүт тылбытыгар, үгэспитигэр муҥура суох тапталы иҥэрбиттэрэ.
Кылаас салайааччытынан биһиги дойдубутугар күтүөт буолан кэлбит эдэркээн Николай Иванович Бояров анаммыта.
Биир күн, биир уруок иһигэр биһиги оройунан көрбүт бөтөстөр итэҕэлбитин ылбыта, "бэйэ киһитэ"- буола охсон, кус оҕотун курдук кинини батыһа сылдьар буолбуппут. Ол курдук оҕону арыйар, дьоҕурун таба көрөн сайыннарар ураты учуутал этэ.
Тустуунан дьарыктанар буолан Хараҕа спортивнай оскуолаҕа 8-с кылааска үөрэнэ кэлбитим.
Тренербинэн Яков Яковлевич Филиппов буолбута.
Үгүс уолаттары биир хамаанда тула түмпүтэ, улахан уолаттар кыралары көрө-истэ сылдьыылара, улууспут, омукпут аатын ааттатар суолтатын өйдөппүтэ.
Бу санаатахха политика эйгэтигэр Яков Яковлевич бэлэмнээбит эбит. Иитиллээччилэрэ билигин спорт эрэ эйгэтигэр буолбакка, норуот хаһаайыстыбатын бары хайысхатыгар салалта өттүгэр таһаарыылаахтык үлэлии сылдьалларын бэлиэтиир тоҕоостоох.
🔹Кылааспыт салайааччытынан ийэбит кэриэтэ киһинэн буолбут Мария Петровна Сидорова үлэлээбитэ. Хас биирдиибитин кытта бодьуустаһан, бэйэтин оҕолоруттан итэҕэһэ суох көрбүтэ-истибитэ. Интернакка олорооччулар, биһиги учууталбытыттан ураты болҕомто ылар этибит.
Элбэхтэ дьиэтигэр баран хонон-өрөөн, эбии үөрэх чиҥэтинэн, минньигэс аһын аһаабыт атаахтаабыт дьон биһиги буолабыт.
Күн бүгүн даҕаны барыбытын түмэр сүбэ-ама буолар, оскуолабытыгар солбуллубат учуутал, кылаас салайааччыта үөрэнээччилэрин, төрөппүттэрбит муҥура суох махталбытын ылыан ылар.
🔹Оскуола кэмнэрбэр бу ахтыбыт учууталларбар үөрэммиппинэн киэн туттабын, махтанабын.
Учуутал күнүнэн, тапталлаах учууталларым!
🔹Ытыктыыбын, сүгүрүйэбин, умнубаппын!
📱@dmitriytikhon0v
📲https://max.ru/id1415008873_gos2
🔹Бүгүн Ил Дархаммыт Айсен Сергеевич Николаев салайааччылаах бөлөх сахалартан бастакы Сэбиэскэй Сойуус Дьоруойа Федор Кузьмич Попов бырааттыы көмүллүүгэ хараллан сытар дойдутугар - Белоруссия Өрөспүүбүлүкэтин Гомельскай уобалаһыгар үлэлээтэ.
🔹Саха сирин уонна Гомельскай уобалаһы ситимниир үгүс түгэнтэн биирэ, бу - Дьоруойбут Федор Кузьмич Попов хорсун быһыыта буолар.
Сүөдэр 1943 сыл алтынньы ый 1 күнүгэр Днепр өрүһү кыһыл аармыйа кэккэтиттэн бастакынан харбаан туораан, өстөөхтөрү самнаран, сүрүн күүс өрүһү туораан тахсарыгар кыаҕы биэрбитэ.
Дьоруойбут бу хорсун быһыыта биир дойдулаахтарыгар, биһиэхэ
хайа да кэмҥэ үтүө холобур, кыайыыга-хотууга сирдиир суолдьут буолар. Кини үтүө аата үйэлэргэ умнуллубат!
🔹Бу ытык сиргэ, 83 сыл буолан баран Саха сирин буойуттарыгар Мэҥэ бэлиэ турда. Буойуттарбыт сырдык ааттарыгар биир дойдулаахтарбыт ааттарыттан ытыктабылбыт бэлиэтин сүгүрүйдүбүт. Кинилэр Ийэ дойдуларын иһин толук уурбут олохторо, албан ааттара үйэлэргэ өлбөөдүйбэт.
🔹Ону тэҥэ Беларусь Өрөспүүбүлүкэтин Лоевскай оройуонун кытта доҕордуу сыһыаны салҕыыр туһунан оройуон ситэриилээх кэмитиэтин бэрэссэдээтэлэ Николай Владимирович Клименколыын сөбүлэҥ түһэристибит.
🔹Бү сөбүлэҥ сүрүн соругунан хардарыта сыһыаны олохтоон, ыччат дьоммутун дойдуга, төрөөбүт норуокка бэриниилээх буолууга, олох олорон дойдубутун салгыы сайыннарар дьону иитэн таһаарыы буолар.
🔹Сүөдэрбит Геройбут, мохсоҕол буойуммут.
Килбиэннээх ааккынан киэн туттан ыллыыбыт!
📱@dmitriytikhon0v
📲https://max.ru/id1415008873_gos2
🔹Бүгүн Саха Өрөспүүбүлүкэтин Бырабыыталыстыбатын бэрэссэдээтэлин Кирилл Евгеньевич Бычкову кытта кэлэр сыллаах үлэбитин торумнуур соруктаах көрүстүбүт.
🔹Көрсүһүүгэ Ил Түмэн Судаарыстыбаннай мунньах дьокутаата Андрей Находкин, экономика миниистирэ Петр Попов, бырамыысыланнас уонна геология миниистирин эбээһинэһин толорооччу Михаил Кириллин кыттыыны ыллылар.
🔹2027 сыллаах бүддьүөт ылыллыан иннинэ, гаастааһын, тутуу, ДьУоКХ хайысхаларыгар туруорбут кэккэ боппуруостарбыт быһаарыллан олоххо киириилэригэр салгыы үлэлииргэ болдьостубут.
📱@dmitriytikhon0v
📲https://max.ru/id1415008873_gos2
Ытыктабыллаах улууспут олохтоохторо, биир дойдулаахтарым!
🔹Барыгытын Саха Өрөспүүбүлүкэтин Судаарыстыбаннаһын күнүнэн ис сүрэхпиттэн эҕэрдэлиибин!
🔹Биһиги улууспут — өрөспүүбүлүкэ биир бөдөҥ, баай устуоруйалаах улууһа. Хас биирдиигит сыралаах үлэтинэн, айар талаанынан дойдубут чэчирии сайдыытыгар улуу убайдарбытын утумнаан, өрөспүүбүлүкэбит инникитин уһансабыт.
🔹Бу бэлиэ күн, эһиэхэ, күндү биир дойдулаахтарым этэҥҥэ буолууну, дьиэ кэргэҥҥитигэр иллээх-эйэлээх олоҕу, таһаарыылаах үлэни баҕарабын.
🔹Судаарыстыбаннаспыт күнүнэн!
Үүнэ-сайда, чэчирии тур, тапталлаах Сахабыт сирэ!
📱@dmitriytikhon0v
📲https://max.ru/id1415008873_gos2
🔹Бүгүн, олохтоох салайыныы саҥа сокуонугар олоҕуран, депутаттар куоластааһыннарынан, Хорообут нэһилиэгин баһылыгынан иккис болдьоххо Бродников Гаврил Юрьевич талылынна.
🔹Гаврил Юрьевичка итии-истиҥ эҕэрдэбин тиэрдэбин. Дойдубут, дьоммут-сэргэбит туһугар бииргэ, таһаарыылаахтык үлэлиэхпит диэн эрэнэбин!
📱@dmitriytikhon0v
📲https://max.ru/id1415008873_gos2
🔹Бүгүн Дьаҥхаады нэһилиэгэр норуот тапталлаах артыыһа, Саха Өрөспүүбүлүкэтин култууратын үтүөлээх үлэһитэ Аркадий Михайлович Новиковка анаммыт өйдөбүл пааматынньыга үөрүүлээх быһыыга арылынна.
🔹Аркадий Новиков — саха норуотун култууратыгар, юмор ускуустубатыгар уонна норуодунай киинэҕэ ураты улахан кылааты киллэрбит киһибитинэн буолар.
Кини «Көөчөөн-көрө» норуодунай тыйаатырын төрүттээбитэ, элбэх комедия киинэлэри уһулбута.
Олоҕун тухары дьону үөрдэр, күллэрэр, олох кыһалҕаларын бэйэтин дьоҕурунан кыһарыйар, дьоҥҥо үтүөнү эрэ баҕарар, олоҕун онно анаабыт киһи этэ.
🔹Бу пааматынньык — норуот тапталын, махталын уонна өйдөбүлүн бэлиэтэ.
🔹Аркадий Новиков үтүө аата үйэлэргэ умнуллуо суоҕа. Кини холобура кэлэр кэнчээри ыччакка сирдьит буолуоҕа!
📱@dmitriytikhon0v
📲https://max.ru/id1415008873_gos2
Төрөөбүт күҥҥүнэн, Баһылай!
🔹Бүгүн биир бастыҥ ыччаппыт Василий Михайлович Егоров төрөөбүт күнэ.
🔹Биир дойдулаахтарын ааттарыттан итии-истиҥ эҕэрдэбин тиэрдэбин. Инникитин дьоммут-сэргэбит, дойдубут туһугар бигэ тирэх, күүс буолан үлэлиэн диэн эрэнэбит!
📱@dmitriytikhon0v
📲 https://max.ru/id1415008873_gos2
Бүгүн кыһалҕалаах дьоммут өр сылларга туруорсубут туруорсууларын быһааран олоххо киллэрбиппитин билсэ бара сырыттым.
Ол курдук, ахсынньы ыйтан Прокопий Викторович Давыдов салайааччылаах «Ренодиал-Заречье» гемодиализнай тэрилтэ Майаҕа кииннэнэн бүөрүнэн ыалдьар дьоҥҥо анаан үлэтин саҕалаата.
Маннык эмтэниигэ сылдьар улууспут, ыаллыы сытар улуустарбыт олохтоохторо манна кэлэн эмтэниинии ааһар кыахтаннылар.
Бүгүҥҥү күн туругунан 10 киһи диализ киинигэр эмтэнэн саҕалаата, биир дойдулаахтарбыт дьиэлэриттэн ырааппакка, чугас дьоннорун аттыгар эмтэниини ылаллара, толору олоҕунан олороллоругар, инникитин чөллөрүгэр түһэллэригэр кыах биэриэ диэн эрэнэбин.
Бу саҥа киин биһиги улууска доруобуйа харыстабылын эйгэтигэр өссө биир инники хардыынан буолар.
Быраастар бэлиэтииллэринэн, бүөр ыарыһах ахсаана сыллата элбээн иһэрэ киһини дьиксиннэрэр. Онон улуустааҕы киин балыыһа, арыллыбыт киин быраастара кыттыылаах улууспут олохтоохторун ортотугар бу ыарыыттан сэрэтии үлэтин өссө күүһүрдүөхпүт.
Күндү дьонум-сэргэм, бэйэ доруобуйатын харыстаныаҕыҥ, чэгиэн-чэбдик сылдьыаҕыҥ.
📱@dmitriytikhon0v
🔹 Бүгүн Нөөрүктээйи, 3-с Мэлдьэхси нэһилиэктэригэр Саха Өрөспүүбүлүкэтин тыа хаһаайыстыбатын миниистирин бастакы солбуйааччыта Анна Александровна Стручкова кыттыылаах саҥа аныгылыы тииптээх хотоннору үөрүүлээх быһыыга арыйдыбыт.
🔹 Петр Петрович Шамаев салайааччылаах «Михаил Егоров» хаhаайыстыба өрөспүүбүлүкэ, улуус, олохтоох дьаһалта өйөбүллэрин ылан, ону тэҥэ бэйэтэ утары үп эбэн, барыта 51 мөлүйүөн сыаналаах 120 төбөҕө анаммыт аныгылыы оҥоһуулаах хотону тутан киллэрдэ. Тэрилтэ икки хотонунан барыта 418 сүөһүнү иитэн турар.
🔹 Итиэннэ Денис Константинович Жирков салайааччылаах «Томтор» ХЭТ өрөспүүбүлүкэбит Тыа хаһаайыстыбатын министиэристибэтэ «Кыра кыамталаах тыа хаһаайыстыбатын эбийиэктэрин тутуу» бырагырааматынан өйөбүл ылан, эбии бэйэтэ үп уган, 11 мөлүйүөҥҥэ 100 төбөҕө анаммыт хотону тутта. Тэрилтэ быйыл 200 төбө ынах сүөһүнү кыстыкка киллэрдэ.
🔹 Саҥа хотоннор ирдэбилгэ эппиэттиир, сырдык, үлэһиттэр үлэлэрин чэпчэтэр гына оҥоһулуннулар.
🔹 Улууспутугар биллэриллибит үс сыллаах тыа хаһаайыстыбатын сылларыгар, оҥорон таһаарыы хас нэhилиэк ахсын баар буоларыгар туһуламмыт үлэбитигэр бу күн биир бэлиэ түгэнинэн буолар.
🔹 Петр Петровиһы, Денис Константиновиһы, салайар хаһаайыстыбаларын бары үлэһиттэрин саҥа хотоннор киирбиттэринэн эҕэрдэлээн туран таһаарыылаах үлэни, этэҥҥэ буолууну, бигэ туругу баҕарабын.
🔹 Инникитин нэһилиэктэрбит, тэрилтэлэрбит бэлэмнэриттэн тирэҕирэн, тыа хаһаайыстыбатыгар аналлаах саҥа тутуулары ыытар үлэбитин салҕыыбыт.
📱@dmitriytikhon0v
🔹 Бүгүн Моорук нэһилиэгэр «Суола» тыа хаһаайыстыбатын кэпэрэтиибэ 50 төбөҕө анаммыт хотоно үлэҕэ киирдэ.
🔹 Марианна Николаевна Зыкова бэрэссэдээтэллээх "Суола" кэпэрэтиип улууспутугар үс сыллаах Тыа хаһаайыстыбатын сылларынан олохтоммут граны кыайан, утары бэйэтэ үп эбэн, саҥа, аныгылыы тутуулаах хотон киллэрдэ.
🔹 Тэрилтэ сылгы, сүөһү көрүүтүнэн дьарыктанар, быйыл 62 төбө ынах сүөһүнү кыстыкка киллэрдэ.
🔹 Кэпэрэтиип бары үлэһиттэригэр таһаарыылаах үлэни, инникитин өссө кэҥээн-тэнийэн, бигэ туруктаах биир бастыҥ хаһаайыстыба буола үүнэллэригэр баҕарабын.
📱@dmitriytikhon0v
🔹 Өбүгэлэрбит уол оҕону иитиигэ ураты болҕомтону уураллара, элбэх саҥата суох бэйэлэрин кытта үлэҕэ-хамнаска илдьэ сылдьан үлэнэн олоххо бэлэмнииллэрэ.
🔹 Ол үтүө үгэһи утумнаан быйыл Хара уонна 1-кы Баатара нэһилиэктэригэр бэһис төгүлүн Бэдьимэ, Аллараа Бэстээх, Майа оскуолаларыттан баҕалаах уолаттары убаһа араарыытыгар илдьэ сырыттыбыт.
🔹 Быйыл барыта 60-ча оҕо кыттыыны ылла. Уолаттар баҕалара улахана, үлэҕэ барытыгар түсүһэн, тутуһан-хабыһан иһэллэрэ үөрдэр, сыллата сылдьар уолаттар үөрүйэх хамсаныыларын көрөн астынныбыт.
🔹 Ыччаттарбыт олоххо бэлэмнээх эр бэрдэ буолан хатарыллан тахсалларыгар маннык хайысхалаах тэрээһиннэр улахан суолталаахтар.
🔹 Үлэ кэннэ хас биирдиилэрин саха омук сиэринэн сэмсэ кэһиилээн, илии тутуурдаан ыыттыбыт.
🔹 Уолаттарбыт этэҥҥэ сылдьан, кэмэ кэллэҕинэ сылгы, сүөһү ииттэн дьоһун ыал Аҕа баһылыктара буоллуннар диэн алҕыыбын.
🔹 Бу бырайыагы өйүүр, сыллата күүс-көмө буолар Аркадий Лукиҥҥа, баһылыктарга Петр Андросовка, Алексей Неустроевка барҕа махталбын тиэрдэбин. Төрүт үгэспитигэр олоҕуран ыччаттарбытын иитиини салгыы да ыыта туруохпут.
📱@dmitriytikhon0v
🔹 Бүгүн тыыл, үлэ бэтэрээнэ, сэрии сылларын оҕото, Саха Өрөспүүбүлүкэтин Үтүөлээх тутааччыта, «Ытык сүбэ» бэлиэ хаһаайына, «Таммахтар» улуустааҕы литэрэтииринэй түмсүү чилиэнэ, Дьаҥхаады нэһилиэгин бочуоттаах олохтооҕо Михаил Васильевич Гурьев үбүлүөйдээх 90 сааһын туолбутунан Мэҥэ Хаҥалас улууһун үтүө үлэһит дьонун-сэргэтин, тус бэйэм ааппыттан итиитик-истиҥник эҕэрдэлиибин!
🔹 Михаил Васильевич 1935 сыллаахха Таатта улууһун Тыараһа нэһилиэгэр күн сирин көрбүтэ. Оҕо сааһыттан колхуос үлэтигэр үлэлээн, чөл олоҕу көҕүлээн, улууспутугар элбэх социальнай суолталаах эбийиэктэр тутууларыгар үлэлэһэн, Өрөспүүбүлүкэбит култууратын сайдыытыгар сүҥкэн кылаатын киллэрсибит ытык-мааны киһибитинэн буолар.
🔹 Кэргэнэ Нина Сысолятьевналыын үс оҕону төрөтөн, билигин 6 сиэн, 4 хос сиэн тапталлаах эһэтэ, эбэтэ буолан, «Ытык ыал» Бочуот кинигэтигэр киирэн, ньир-бааччы бииргэ олорбуттара быйыл 61 сыла.
🔹 Сааһын тухары тутуу үлэтин өрө тутан, тыа сирэ сайдыытыгар үтүө суобастаахтык үлэлээн-хамсаан, элбэх хоһоонноро ырыаларга ылламмыт айааччы быһыытынан биир дойдулаахтарын махталларын ылар, ытыктабыллаах киһибит буолаҕын.
🔹 Ытыктыыр киһибит Михаил Васильевич! Сыралаах, таһаарыылаах үлэҕэр истиҥник махтанан туран, өссө да уһун олоҕу, өрүү чэбдик сылдьаргар, инникитин даҕаны кэнчээри ыччакка үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны!
📱@dmitriytikhon0v
🏃 Ытыктабыллаах улууспут олохтоохторо, күндү биир дойдулаахтарым!
🔹 Улууспутугар 2-с Тыыллыма нэһилиэгэ түргэн, күүстээх сибээһи холботторорго кыах биэрэр федеральнай бырагыраамаҕа киирэргэ куоластааһыҥҥа кыттар.
🔹 Кылгастык Хаатылыма туһунан: нэһилиэккэ пропискалаах киһи ахсаана - 104, уһуйаан, оскуола, култуура тэрилтэтэ күннэтэ үлэлииллэр, олохтоохтор дьиэлэрэ бары киин ситимтэн ититиллэллэр, толору хааччыллыылаах үс мэндиэмэннээх таас дьиэ, саха сүөһүтүн иитэр хаһаайыстыба манна баар, уонна сарсыҥҥыга эрэллээх, үлэһит, нэһилиэк дьоно-сэргэтэ ньир бааччы олороллор, ол эрэн сибээс суоҕа улахан кыһалҕаны үөскэтэр, сайдыыны атахтыыр.
🏃 Күндү доҕоттор!
🔹 Тапталлаах улууспут салгыы чэчирии сайдарын, сибээс бары көрүҥүн хас биирдии нэһилиэккэ толору туһанарбыт туһугар бука бары түмсэммит өйүөҕүҥ, куоластыаҕыҥ диэн ыҥырабын!
🔹 Куоластааһын сэтинньи ый 9 күнүгэр, түүн 12 чааска диэри ыытыллар.
🔹 Бу сигэнэн: https://www.gosuslugi.ru/inet.
Госуслугаҕыт тус кабинетыгар киирэн АВТОРИЗОВАТЬСЯ диэни баттыыгыт, ол кэннэ нэһилиэк аатын талаҕыт, хос ыйыттаҕына ДА ✔️диэн баттыыгыт.
НОРУОТ КҮҮҺЭ - КӨМҮӨЛ КҮҮҺЭ!
📱@dmitriytikhon0v
🐄🌿Улууспутугар охсуллубут от уонна ыаныллыбыт үүт бүгүҥҥү күҥҥэ көрдөрүүтэ.
📱@dmitriytikhon0v