42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
❤️🩹Антаніна Канавалава змагла пакінуць Беларусь
Пасля доўгага расстання яна нарэшце сустрэлася з мамай і дзецьмі.
Кранальны пост і відэа сустрэчы ў сваім «Facebook» апублікавала мама Антаніны Канавалавай – Ганна Канавалава:
«Пасля 1555 дзён няволі... Мы нарэшце змаглі абняцца! Вельмі шаную, люблю кожнага з вас, хто дапамагаў мне і дзецям выстаяць, а часам і выжыць. Я перад вамі ў неаплачаным даўгу. Усіх абдымаю»
Дабрыдзень, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🔹Белы дом: Украіна можа не атрымаць членства ў NATO, а тэрыторыі зробяцца прадметам перамоваў
Адміністрацыя Трампа разглядае магчымасць тэрытарыяльных саступак у абмен на гарантыі бяспекі для Украіны.
🔹«Трамп – эта ўхадзяшчая вешч, а каханне – вечнае»
Павел Гарадніцкі распавёў пра новы альбом РСП.
🔹Джокер на пратэсце ў Аргентыне і выбух вулкану Фуэга ў Гватэмале
Паказваем галоўныя падзеі мінулага тыдня ў фотаздымках.
#штопачытаць
💪 Трохі матывацыі вам у стужку
Калі ты чагосьці хочаш – ніколі не здавайся!
Герой відэа гэта дакажа. Глядзіце!
☝️У адміністрацыі Трампа назвалі членства Украіны ў NATO «вельмі малаімаверным»
Таксама Белы дом не выключае, што магчымая мірная дамова ў справе Украіны можа ўключаць абмен тэрыторыяў на гарантыі бяспекі.
🔍 Больш падрабязнасцей шукайце па спасылцы
😊 Пасля гэтага відэа вам захочацца завесці бурундука
Глядзіце мілае відэа пра сяброўства чалавека і вясёлага пухнаціка 🤗
😢 Здымак, ад якога шчэміць сэрца
Мужчына стаіць у сваім двары, пакуль падымаецца дым ад пажару ў яго хаце пасля расейскага ракетнага абстрэлу на ўскраіне Адэсы.
Фота: Oleksandr Gimanov / AFP / East News
📍Больш фатаздымкаў тыдня шукайце па спасылцы
У ЗША зноў адбыўся апакаліпсіс...
Яшчэ нядаўна Лос-Анджэлес гарэў, а сёння Поўдзень знішчае вецер. Вось як цяпер выглядаюць там паселішчы.
📍Зноў навіна пра МАЗ, які згарэў
Гэтым разам полымя ахапіла пасажырскі аўтобус у Менску, на скрыжаванні вуліц Гамарніка, Карбышава ды Лагойскага тракту. Паведамляецца, што пажар узнік каля 16:40 па беларускім часе. Цяпер аўтобус ужо патушылі.
Інфармацыі пра пацярпелых няма.
📹 Відэа: крыніцы @onlinerby
🔹Беларускія дэмсілы накіруюць у Вярхоўную Раду зварот з просьбаю залучыць беларусаў у абменныя спісы палонных
Гаворка ідзе ў тым ліку пра палітвязняў, якія зазналі пераслед за антываенную пазіцыю і каментары з асуджэннем расейскай агрэсіі, за данаты ЗСУ, за перадаванне звестак аб перасоўванні расейскай тэхнікі.
🔍 Глядзіце падрабязнасці на нашым сайце
☝️«Справа Ліпскага» набірае новы абарот: бацькам забітага злачынцы сілавікі пагражаюць смяротным пакараннем
Следчы камітэт сцвярджае, што яны рыхтавалі помсту сілавікам за забойства іхнага сына пры затрыманні. Той, нагадаем, сам забіў жанчыну ўвосень 2021-га, пасля чаго яго доўгі час не маглі злавіць.
📍Чытайце болей на старонцы
📺 Навіны за 5 хвілін
⬆️ «Кіберпартызаны» злілі размову сілавікоў, дзе тыя расказваюць, як сочаць за беларусамі праз мабільныя тэлефоны
🔻У Кіеве развіталіся з ваяром Палка Калноўскага
🔻Трамп спыніў фінансаванне для «Радыё Свабода»
🔻Пратэсты ў Сербіі ды Вугоршчыне
🔻Украіна выпрабавала ракету ўласнай вытворчасці
🔻Беларусь – у топе краінаў, дзе найбольш расце сярэдняя тэмпература
Глядзіце ў кароткім выданні навін на Белсаце 💻
💬 «Тут, у Польшчы, мы захоўваем чыстату трасянкі»
1 красавіка гурт «Разбітае сэрца пацана» прэзентуе новы альбом пад назваю «Бо кругом свінарнік, а ты прэкрасней ўсех».
Чым не нагода пагутарыць з адным з франтмэнаў РСП − Паўлам Гарадніцкім? Тым больш што сказаць яму ёсць што не толькі з нагоды новага альбому!
👀 Чытайце вялікае інтэрв'ю па спасылцы
«Голас Амерыкі» замоўк упершыню за 83 гады
Больш за 1,3 тысячы супрацоўнікаў радыёстанцыі адпраўлены ў адпачынак – гэта стала вынікам указу Трампа аб скарачэнні штатаў у сямі федэральных ведамствах, у тым ліку Агенцтве глабальных медыя, куды ўваходзяць «Голас Амерыкі» і «Радыё Свабода».
Прэзідэнт RFE/RL Стывен Капус назваў гэта «вялікім падарункам ворагам Амерыкі».
«Голас Амерыкі» з’явіўся ў 1942 годзе як адказ на нацысцкую прапаганду, а «Радыё Свабода» пачало вяшчанне ў 1950 годзе з Заходняй Нямеччыны. З таго часу абедзве станцыі заставаліся аднымі з нямногіх надзейных крыніц інфармацыі для краін з аўтарытарнымі рэжымамі.
💥Ранішняе шоу на «Белсаце»
Новае шоу з Кацярынай Раецкай і Дзянісам Дудзінскім, якое натхняе і робіць ваш дзень лепшым. Будзем гаварыць пра «Аземпік» (цуд ці падвох), Галівуд, глабальнае пацяпленне і шмат іншага!
Далучайцеся да жывога эфіру: youtube.com/watch?v=WiAkZ6kt_28
💥 #галоўнае за 15 сакавіка
✔️ Трамп назваў сваё абяцанне спыніць вайну ва Украіне за 24 гадзіны — «сарказмам»
✔️ Больш за 100 дронаў атакавалі сёння Расею
✔️ Еўразвяз: Узбраенне для Украіны – нават падчас спынення агню
✔️ Святлана Ціханоўская: Рэжым ператварыў Канстытуцыю ў зручны інструмент рэпрэсіяў
✔️ Беларусам могуць абмежаваць уезд у ЗША
✔️ На вайне ва Украіне знік без вестак беларус, які ваяваў за Расею
✔️ 12 ідэй Орбана: прэм’ер-міністр Вугоршчыны выставіў патрабаванні да Еўразвязу
✔️ Украіна выпрабавала «Доўгі Няптун»: новая ракета далятае на 1000 кіламетраў
✔️ Трамп скарачае Агенцыю ЗША па глабальных медыях, якая кіруе «Радыё Свабода»
✔️ Адно з папулярных у Беларусі таксі выключылі з Рэестру аўтамабільных перавозак пасажыраў
✔️ У Сербіі ў натоўп пратэстоўцаў уехаў аўтамабіль
✔️ Уладзімір Зяленскі зацвердзіў склад перамоўнай групы ад Украіны
🧐«Зняцце санкцыяў з беларускага калію можа быць патрэбнае Трампу для гандлёвай вайны з Канадаю»
Нават калі з ЗША здымуць санкцыі з Беларуськалію, гэта не адкрые калію порт у Клайпедзе, ды і Лукашэнку не задавальняюць цэны на яго.
Чаму ж усё часцей чутно пра імавернасць зняцця санкцыяў з беларускага калію? Разбіраемся ў нашымі матэрыяле.
💥 #галоўнае за 16 сакавіка
✔️Латвія перакрыла рух транспарту праз КПП «Патэрніекі» (з беларускага боку – «Грыгараўшчына»
✔️Згарэў чарговы аўтобус МАЗ. Гэтым разам у Менску
✔️У Паўночнай Македоніі здарыўся страшны пажар у начным клубе – каля 60 чалавек загінулі
✔️«Голас Амерыкі» і радыё «Свабода» – на мяжы закрыцця
✔️Беларускія дэмсілы накіруюць у Вярхоўную Раду зварот з просьбаю залучыць беларусаў у абменныя спісы палонных
✔️Прэзідэнт Сербіі Вучыч на фоне масавых пратэстаў заявіў, што гатовы правесці датэрміновыя выбары
✔️Вялікае інтэрв'ю з Паўлам Гарадніцкім з «Разбітага сэрца пацана» напярэдадні выхаду новага альбому
🙂 Адпачніце ад навінаў і паглядзіце на гэту цудоўную выдру
Яно таго варта!
❗️Лукашэнка нацыяналізаваў «Амкадор»
❓Чаму даражэюць алкаголь і паліва?
❓Чаго чакаць ад Галоўчанкі на чале Нацбанку?
❗️Беларусы зноў скупляюць валюту
Прапануем вашай увазе свежы выпуск праграмы «Атма$фера» з Аляксандрам Кныровічам. Як заўсёды, будзе пра што задумацца, але і над чым пасмяяцца!
👀 Глядзіце проста цяпер на канале «Белсат NEWS»
💥 Падсумоўваем вынікі тыдня ў «Студыі Белсат»
У сённяшнім выданні:
🔸 Чаго чакаць ад новага ўраду Лукашэнкі?
🔸 Навошта Лукашэнка ездзіў у Маскву? Якія праекты раней намагаўся выбіць Лукашэнка ў Крамля, пасля ўвядзення санкцыяў і што з імі?
🔸 Ці ў выпадку замірэння паміж Расеяй і Украінай у Беларусі стане жыць бяспечней і камфортней?
🔸 Гісторыя Віктара Евіліна, які змог праз суд дабіцца адмены статусу «нацыянальнай небяспекі для Літвы»
Далучайцеся да эфіру ⤵️
▪️Колькасць ахвяраў пажару ў македонскім начным клубе працягвае расці
Дакладна вядома пра смерць 59 чалавек, а яшчэ больш за 150 наведнікаў канцэрту шпіталізаваныя. Некаторыя з іх у крытычным стане.
На відэа − першыя секунды пасля таго, як разгарэлася полымя.
📍Падрабязней чытайце на старонцы
📢 Адпачылі ад навінаў на выходных, а цяпер хочаце зноў вярнуцца ў павестку?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
☝️Латвія перакрыла рух транспарту праз КПП «Патэрніекі» (з беларускага боку – «Грыгараўшчына»)
Паведамляецца, што легкавыя аўтамабілі ды грузавікі не пускаюць як з Латвіі ў Беларусь, так і ў адваротным напрамку.
Латвійскія памежнікі перакрылі дарогу металічнымі агароджамі. Перакрыццё руху адбылося а 14-й гадзіне па беларускім часе.
Такім чынам, паміж Беларуссю і Латвіяй не засталося функцыянуючых пунктаў пропуску.
📷 Скрыншот: @euroradio
📍Раніцай на станцыі «Няміга» маладзён упаў на рэйкі
Гэта адбылося неўзабаве пасля пачатку працы метрапалітэна – а 5:37. У гэты час інтэрвал руху цягнікоў яшчэ вельмі вялікі, таму здарэнне не паўплывала на графік.
На відэа, якое публікуе @minsknews_by, відаць, як хлопца выцягваюць з рэек на платформу відавочцы інцыдэнту.
💔 «Простыя словы, простыя рэчы: хлеб на стале, полымя ў печы». Вы чулі гэтыя словы хоць раз у жыцці, праўда?
Аўтару легендарных радкоў Міхалу Анемпадыставу сёння мог бы споўніцца 61 год.
Вершы Міхала Анемпадыстава сталі песнямі гуртоў «N.R.M.» і «Новае Неба», «IQ-48» і Змітра Вайцюшкевіча. Ён жа і аўтар тэкстаў славутага «Народнага альбому».
Аднак сам сябе спадар Міхал лічыў мастаком, а не паэтам.
☝️ Сярод іншага, ён шмат гадоў рабіў для «Белсату» эскізы прамацыйнай прадукцыі, а таксама графічнае афармленне для шэрагу праграмаў.
У 2019 годзе была заснаваная прэмія імя Міхала Анемпадыстава за найлепшы дызайн кніжнай вокладкі.
🎥 Цёплыя ўспаміны пра сябра і калегу Міхала Анемпадыстава – у фільме «Белсату» рэжысёркі Вольгі Воранавай «Простыя словы пра Міхала Анемпадыстава» (2023 г.)
🎥 А таксама дакументальны фільм пра культавы музычын праект - «Народны альбом. Ненаўмысны шэдэўр», рэжысёр Яўген Шапчыц, сцэнарыст Сяргей Будкін, Беларусь, 2016.
#штопаглядзець
❤️ Грумерка спатыкнулася аб кліента, і ўсе пухнацікі кінулася яе ратаваць
Паглядзіце!
😨 Каля 50 чалавек загінулі ў Паўночнай Македоніі падчас пажару ў начным клубе
Трагедыя адбылася сёння ўначы ў горадзе Качані на ўсходзе краіны. Папярэдне, полымя ў клубе разгарэлася праз ужыванне піратэхнікі. На гэты момант вядома пра 53 загінулых.
📷 Фота: radiokocani.mk
Прэзідэнт Сербіі саступіў апазіцыі на фоне масавых пратэстаў
15 сакавіка ў Белградзе прайшлі буйныя акцыі пратэсту. Галоўным патрабаваннем была адстаўка Вучыча. Паводле афіцыйных дадзеных, на вуліцы выйшлі да 107 тысяч нязгодных з уладай.
Аляксандр Вучыч заявіў, што гатовы правесці выбары ў найбліжэйшыя тры-чатыры месяцы, калі гэтага патрабуе апазіцыя.
У сваім звароце прэзідэнт Сербіі таксама выказаўся, што выбары прынясуць яму яшчэ больш пераканаўчую перамогу, а таксама абвінаваціў апазіцыйныя медыя ў спробе арганізаваць «каляровую рэвалюцыю».
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Што не так з «акружэннем» ЗСУ ў Курскай вобласці?
Расейскія наратывы пра нібыта акружэнне ўкраінскіх войскаў у Курскай вобласці дайшлі нават да Белага Дому. Аднак ЗСУ катэгарычна адмаўляе гэтыя сцвярджэнні. Хто ж мае рацыю? Разбіраемся ў нашым матэрыяле (чытайце праз VPN).
🔺 Украіна выпрабавала новую ракету, якая далятае да 1000 км
Што гэта за ракета і чым яе папярэдняя мадыфікацыя адзначылася ў вайне супраць Расеі? Даведайцеся па спасылцы (праз VPN).
🔺 Прэм’ер Вугоршчыны выставіў патрабаванні Еўразвязу
Віктар Орбан сфармуляваў 12 патрабаванняў да ЕЗ, якія цалкам адпавядаюць яго палітычнай лініі. З якімі прапановамі «дзеля міру» ён звярнуўся да еўрапейскіх лідараў – чытайце на нашым сайце (праз VPN).
#штопачытаць
🥺 Відэа, якое праб’е вас на слёзы
Кранальная гісторыя сяброўства і развітання сланіхаў, якія былі неразлучныя ўсё жыццё. Паглядзіце ☝️