42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💥 #галоўнае за 14 чэрвеня
✔️Сёння стартуе чэмпіянат Еўропы па футболе. У апошні момант стала вядома, што ў Беларусі яго ўсё ж пакажуць, прычым цалкам легальна
✔️Пуцін агучыў свае ўмовы для пачатку мірных перамоваў з Украінаю. Ва Украіне іх разглядаць не збіраюцца
✔️МЗС Арменіі папрасіла афіцыйны Менск не ўлазіць ва ўнутраныя справы краіны. І «патроліла» Лукашэнку
✔️Ці папросіць Лукашэнка прабачэння ў Пашыньяна і як будуць развівацца далей адносіны Менска з Ерэванам?
✔️У Шабекіне Белгарадскай вобласці абрынуўся пад'езд жылога дому. Пад заваламі шукаюць людзей
✔️Вывучылі вакансіі з беларускай глыбінкі. Зарплата ў большасці выпадкаў уражвае (са знакам мінус)
#рэпрэсіі:
▫️Актывістку Галіну Лагацкую пакаралі 2,5 гадамі «хатняй хіміі»
▫️Чарговае затрыманне за каментары. Мужчыну абвінавачваюць у тым, што «пісаў пагрозы забойствам беларусам і прадстаўнікам улады»
▫️1407 палітвязняў. Праваабаронцы прызналі яшчэ 10 асобаў палітычнымі зняволенымі
🫤 Асуджаюць і выказваюць нязменную занепакоенасць
У фінальнае камюніке саміту краінаў G7, які праходзіць у Італіі, уключылі патрабаванне аб вызваленні беларускіх палітвязняў.
Мы зноў асуджаем саўдзел беларускага рэжыму ў вайне Расеі супраць Украіны. Мы выказваем нашу нязменную занепакоенасць у сувязі з працягам рэпрэсіяў рэжыму ў дачыненні да незалежных СМІ, грамадзянскай супольнасці, апазіцыі і грамадзян, якія мірна выказваюць свае погляды
🙈 За апошнія 20 гадоў беларускі рубель патаннеў адносна долара ў 15 разоў
Чакаем чарговую дэвальвацыю?
🧐 Вывучылі вакансіі з беларускай глыбінкі. Зарплата ў большасці выпадкаў уражвае (са знакам мінус)
Далёка не паўсюль вам будуць гатовыя плаціць нават 1000 BYN (каля 300 долараў).
Пачытайце, а раптам нешта вас зацікавіць:
✅ Праз VPN ❎ Без VPN
❓Што аб’ядноўвае спаленую нацыстамі беларускую вёску Хатынь ды расейскую Катынь, дзе ў 1940-м годзе бальшавікі расстралялі тысячы польскіх афіцэраў?
Глядзіце на нашым канале «Белсат DOC» дакументальны фільм «Праўда Хатыні» рэжысёра Янкі Тура.
🎥 У фільме выкарыстаная кінахроніка, на якой прысутнічае ўлюбёны спартовец Гітлера Ганс Вёльке падчас свайго алімпійскага трыумфу. Афіцэрскі чын ён атрымаў ад фюрэра асабіста. І вось гэты «нацыянальны герой» загінуў ад партызанскай кулі непадалёк ад Плешчаніцаў. Заплаціла за гэта ўся вёска Хатынь.
Кожную хвіліну трагедыі, што адбылася 82 гады таму, прааналізавалі падчас судовага працэсу ў Менску ў 1986-м.
🤔 Ці магчымы разрыў дыпламатычных адносінаў паміж Беларуссю і Арменіяй?
Спыталі экспертаў 🔍
🔹Вайна на Блізкім Усходе паціху адыйшла на другі план у сусветнай павестцы навінаў. Між тым, там дагэтуль адбываецца шмат заўважных падзеяў
Belsat.eu разбіраецца, чаму канца вайны ў гэтым рэгіёне па-ранейшаму не бачна ды аналізуе дзеянні розных бакоў канфлікту.
Чытайце на старонцы:
✅ Праз VPN ❎ Без VPN
☝️У Шабекіне Белгарадскай вобласці абрынуўся пад'езд жылога дому
Папярэдне, гэта адбылося ў выніку абстрэлу.
Пад заваламі знаходзяцца людзі, аднак пра ахвяраў пакуль нічога не вядома. Ёсць інфармацыя пра 7 параненых.
📷 Фота: @club_shebekino
📺 Навіны за 5 хвілін
✔️АМАП у школах. Чыноўнікі і міліцыя па загадзе Лукашэнкі будуць сёння кантраляваць выпускныя
✔️Беларусь гандлявала зброяй з Азербайджанам. Што стаіць за рэзкімі выказваннямі Пашыньяна
✔️Скончыўся візіт Святланы Ціханоўскай у ЗША
✔️За хабар затрымалі чыноўніка Беларускай чыгункі: ён хаваў дома $3 млн
✔️Два чалавекі патрапілі ў рэанімацыю пасля ДТЗ з удзелам лася
✔️Загінулі двое ваяроў Палка Каліноўскага
✔️Ранішнія расейскія абстрэлы Украіны і падзенне авіябомбы на Шабекіна
✔️Стартуе EURO-2024. У Беларусі турнір будзе трансляваць канал, на якім працуе Азаронак
Глядзіце ў кароткім выданні навін на Белсаце 💻
💱Курсы валютаў на 14 чэрвеня
Еўра патаннеў на 1,5 капейкі, а вось долар ды расейскі рубель выраслі, але зусім нязначна.
#курсывалютаў
☝️Пуцін агучыў свае ўмовы для пачатку мірных перамоваў з Украінаю
Ён заявіў, што для гэтага ўкраінскія войскі павінны быць выведзеныя з усёй тэрыторыі Данецкай, Луганскай, Запарожскай ды Херсонскай абласцей:
«Как только в Киеве заявят о том, что готовы к такому решению и начнут реальный вывод войск из этих регионов, а также заявят об отказе от планов вступления в NATO, с нашей стороны незамедлительно, буквально в ту же минуту, последует приказ прекратить огонь и начать переговоры. Одновременно гарантируем беспрепятственный и безопасный отвод украинских частей и соединений».
Пуцін дадаў, што ён разлічвае на прыняцце такога рашэння ўкраінскімі ўладамі «самастойна, кіруючыся сапраўднымі нацыянальнымі інтарэсамі ўкраінскага народу».
🚕 Выклікаць Uber у Беларусі болей не атрымаецца. Вось што будзе замест яго
На лагатып Uber накладваецца штосьці падобнае на лога Facebook. Гэта не райдарскі захоп, гэта проста «Яндэкс» мяняе маску.
Чытайце, у чым справа:
✅ Праз VPN ❎ Без VPN
Былых палітвязняў ужо 1900 чалавек і амаль кожнаму патрэбна дапамога
Вяртанне да звыклага жыцця – частая праблема беларусаў, якія былі за кратамі. Чым больш часу ў турме – тым мацней змяняецца свядомасць. Праз пяць гадоў у псіхіцы ўвогуле адбываюцца змяненні. А людзей, якія адсядзелі такія тэрміны, будзе яшчэ больш.
Як ім можна дапамагчы? Неабыякавыя беларусы стварылі ініцыятыву, якая ставіць гэтую мэту – вяртанне ў звычайнае жыццё. Як яны працуюць з беларусамі ўнутры краіны і з якімі сумнымі выпадкамі ўжо сутыкаліся, чытайце па спасылцы:
✅ Праз VPN ❎ Без VPN
Кіраўнік шакаладнай фабрыкі адсядзеў некалькі дзён у СІЗА і выйшаў на свабоду
Выратавала ад зняволення запрашэнне на «УНС».
Як стала вядома «Нашай Ніве», да гендырэктара «Камунаркі» Сяргея Анюхоўскага ўзніклі пытанні наконт імпартных тавараў. Прадпрыемства ў выніку санкцыяў апынулася ў складаным становішчы і мела цяжкасці з пастаўкамі інгрэдыентаў.
Паведамляецца, што у 2023-м чыноўніка змяшчалі ў следчы ізалятар, але напярэдадні «Усебеларускага народнага сходу» вызвалілі. Менавіта статус дэлегата сходу пусцілі ў ход просьбіты-паручальнікі, і СК пайшоў ім насустрач.
Сяргей Анюхоўскі ўсё ж такі захаваў пасаду дырэктара «Камунаркі». Пасля сходу ён прымаў на заводзе дэлегацыю з Нікарагуа.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Старшыня Палаты прадстаўнікоў кліча «збеглых» дадому
«Баяцца не трэба. Вяртайцеся!», – так кажа чыноўнік рэжыму. Пачытайце, чым ён аргументуе такі заклік.
🔺Што азначае прызначэнне прапагандыста Маркава кіраўніком Мінінфармацыі?
Лукашэнка 13 чэрвеня зрабіў шэраг кадравых прызначэнняў. Разабраліся, хто гэтыя новыя міністры і навошта рэжыму чарговыя змены.
🔺Першае пасяджэнне Каардынацыйнай рады скончылася скандалам
Падчас пасяджэнне КР 2-га і 3-га скліканняў здарыўся дэмарш: удзельнікі пачалі сыходзіць з онлайн-сустрэчы. Адна з прычынаў – выступ спікера. Хто ён і што казаў?
🥰 Гэта, верагодна, самая добрая праграма для смартфона
Проста скануйце мыску ката – і вы ўбачыце ягоны стан здароўя. Такім чынам можна аднойчы ўратаваць свайго гадаванца.
Паглядзіце, як гэта працуе ⬆️
💔 Сцяпан Задойка
Працаваў рабочым на адным з прыватных прадпрыемстваў Горадні. На відэа, знятым сілавікамі, на Задойку накідваюцца пяцёра байцоў САХР, пасля чаго мужчына выглядае збітым. У відэа таксама паказалі каментары, якія Сцяпан нібыта пакідаў на YouTube, – пераважна яны напісаныя на беларускай мове і накіраваныя на падтрымку Украіны.
У судзе Кастрычніцкага раёну Горадні яго асудзілі да 5,5 года пазбаўлення волі з адбываннем пакарання ў папраўчай калоніі ва ўмовах узмоцненага рэжыму.
📩 Падтрымайце палітвязня: Турма № 1. 230023, г. Горадня, вул. Кірава, 1
😉 Калі вельмі хочаш на EURO-2024
Крэйг Фергюсан назбіраў грошай, звольніўся з працы – і адправіўся на галоўны футбольны чэмпіянат кантыненту. Хлопец прайшоў пешшу 1000 міль за 42 дні і пабываў у 4 краінах.
Свой паход ён зрабіў дабрачынным у падтрымку псіхічнага здароўя мужчынаў. Фергюсан хацеў сабраць £ 10 000, а атрымалася ў 6,5 разоў больш.
🔴 «Аб’ектыў» – галоўныя падзеі дня!
У сённяшнім выданні:
🔸 Белы дом працягнуў санкцыі супраць рэжыму Лукашэнкі.
🔸 У Беларусі па двух дзяржаўных каналах усё ж пакажуць Еўра-2024. Якім чынам?
🔸 Краіны Балтыі адзначаюць Дзень памяці ахвяраў камуністычных рэпрэсій
🔸 Без лімузінаў, шыкоўных сукенак і рэстарацыяў. Сёння па ўсёй краіне праходзяць выпускныя.
Далучайцеся да эфіру ⤵️
https://www.youtube.com/live/4tpqWXsclJ8
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
🇺🇦 Афіцыйныя асобы Украіны не збіраюцца разглядаць агучаныя сёння Пуціным умовы
Той, нагадаем, прапанаваў распачаць мірныя перамовы пасля выхаду ўкраінскіх войскаў з тэрыторыі чатырох абласцей, якія ў верасні 2022-га былі абвешчаныя Расеяй сваёй тэрыторыяй: Данецкай, Луганскай, Запарожскай ды Херсонскай.
У Офісе прэзідэнта Украіны заявілі, што Пуцін агучыў «стандартны набор агрэсара», які «вельмі абразлівы для міжнароднага права».
Чытайце на старонцы:
✅ Праз VPN ❎ Без VPN
🇦🇲 Армянскае МЗС абвінаваціла афіцыйны Менск ва ўмяшанні ва ўнутраныя справы краіны ды «патроліла» Лукашэнку
Знешнепалітычнае ведамства Арменіі намякнула «самаабвешчанаму», што ён не гаспадар сваёй будучыні.
Чытайце на старонцы:
✅ Праз VPN ❎ Без VPN
🪄 Дзелімся з вамі крыніцамі самых дакладных прагнозаў на матчы EURO-2024
Заўзятары са стажам добра памятаюць васьмінога Паўля, які неверагодна ўдала спраўляўся з прадказаннямі вынікаў матчаў чэмпіянату свету-2010.
З таго часу выкарыстоўваць жывёлак для прагнозаў падчас буйных футбольных турніраў стала традыцыяй.
Вось каго задзейнічаюць у якасці «аракулаў» падчас EURO-2024 ⬆️
📍Ці папросіць Лукашэнка прабачэння ў Пашыньяна і як будуць развівацца далей адносіны Менска з Ерэванам?
Наш эксперт мяркуе, што рэжым Лукашэнкі з’яўляецца далёка не адзіным адрасатам крытыкі з боку армянскіх уладаў. Ерэван проста скарыстаўся заявамі самаабвешчнага кіраўніка Беларусі, каб адгарадзіць сябе ад ранейшых хаўруснікаў, з якімі Арменія не бачыць для сябе перспектываў развіцця.
Чытайце падрабязней у нас на сайце:
✅ Праз VPN ❎ Без VPN
💁🏻♂️ Лукашэнка закаціў «антыкарупцыйную» істэрыку на нарадзе з Саветам міністраў
Вось толькі парачка цытатаў з гэтага мерапрыемства:
💬 «Больш я вас угаворваць і прасіць не буду. Крок налева, крок направа – да сценкі паставім. Публічна вам заяўляю».
💬 «Як пытанні нейкія развязаць – ну проста бяда: сам вызначаеш пытанні, сам ставіш заданні і сам едзеш правяраеш і потым робіш замест вас. Апошняя размова з вамі».
Чытайце падрабязнасці:
✅ Праз VPN ❎ Без VPN
💬 «Можам пацвердзіць, што EURO 2024 будзе транслявацца ў Беларусі»
Еўрапейскі саюз футбольных асацыяцыяў (УЕФА) пацвердзіў журналістам @euroradio і @zerkalo_io, што чэмпіянат Еўропы па футболе будзе транслявацца ў Беларусі легальна.
У арганізацыі не раскрылі дэталі таго, як прапагандысцкі канал СТВ набываў правы для вяшчання, аднак заявілі, што трансляцыі будуць адбывацца без парушэнняў аўтарскіх правоў.
📍Акрамя таго, УЕФА абнавіла спіс афіцыйных транслятараў турніру. Яшчэ ўчора СТВ там не было, аднак сёння ён ужо з'явіўся.
🇺🇸 Байдэн працягнуў санкцыі супраць Лукашэнкі, уведзеныя яшчэ Джорджам Бушам-малодшым
Злучаныя Штаты ўвялі персанальныя санкцыі супраць Аляксандра Лукашэнкі, ягонага сына Віктара і яшчэ васьмі беларускіх чыноўнікаў у чэрвені 2006 года. Гэта сталася вынікам фальсіфікацыяў і гвалтоўнага разгону мірных пратэстаў пасля прэзідэнцкіх выбараў 18-гадовай даўніны.
Чытайце на старонцы:
✅ Праз VPN ❎ Без VPN
⚽️ Сёння ў Нямеччыне распачынаецца чэмпіянат Еўропы па футболе. Турнір усё ж пакажа ў Беларусі тэлеканал СТВ
Пра гэта ў сацсетках прапагандысцкага каналу паведамілі ўчора ўвечары. Да канца няясна, ці былі правы на трансляцыю набытыя легальна, ці гаворка ідзе пра «пірацкія» паказы.
Наш анонс і расклад сілаў перад турнірам чытайце вось тут:
✅ Праз VPN ❎ Без VPN
Святлана Ціханоўская распавяла пра візіт у ЗША
«Яны добра арыентуюцца ў беларускай сітуацыі, падтрымліваюць нас і нашую з вамі барацьбу»
Беларуская лідарка абмяркоўвала на сустрэчах пытанні палітвязняў і падтрымку сем’яў рэпрэсаваных. Яна таксама прасіла павялічыць падтрымку незалежных медыяў, праваабаронцаў і беларускай культуры. Амерыканскіх палітыкаў заклікалі «ізаляваць рэжым, а не беларусаў».
У бліжэйшы час Беларусь, сярод іншага, будуць абмяркоўваць на саміце «Вялікай сямёркі», саміце NATO, канферэнцыі па міры ва Украіне.
Лукашэнка з 2018-га да 2022-га пастаўляў Аліеву ўзбраенне для вайны з Арменіяй
Перадача зброі была падчас вайны ў Карабаху, у якой Азербайджан перамог у 2023-м. Тым не менш, Беларусь і Арменія зʼяўляліся саюзнікамі па АДКБ.
Паводле журналістаў Politico, cярод паставак былі: абсталяванне для артылеріі, сістэмы беспілотнікаў, супрацьдронавыя комплексы ды іншае. Аб’ём гандлю зброяй перавысіў 1 млрд долараў.
Лукашэнка таксама месяц таму назваў вайну Азербайджану за Карабах «вызваленчаю», калі прыязджаў, як ён казаў, да «брата» Аліева. Учора прэмʼер-міністр Арменіі Пашынян заявіў, што чакае выбачэнняў з боку Лукашэнкі і ніколі не прыедзе ў Беларусь пакуль ён пры ўладзе.
💥 #галоўнае за 13 чэрвеня
✔️Найвышэйшы суд у Бялградзе пастанавіў дэпартаваць Андрэя Гнёта ў Беларусь. Ён яшчэ мае тры дні, каб падаць апеляцыю
✔️На Харкаўскім кірунку загінулі яшчэ два ваяры Палка Каліноўскага
✔️Прэм'ер-міністр Арменіі Пашыньян заявіў, што хоча пачуць ад Лукашэнкі выбачэнні за падтрымку Азербайджану ў вайне за Карабах. А яшчэ сказаў, што болей ніколі не прыедзе ў Беларусь, пакуль Лукашэнка там кіруе
✔️Афіцыйныя Менск і Ерэван у працяг гісторыі ўзаемна адклікалі сваіх амбасадараў
✔️На беларуска-полькай мяжы пачала дзейнічаць буферная зона
✔️Лукашэнка прызначыў новым міністрам інфармацыі Марата Маркава. Раней ён шмат гадоў кіраваў прапагандысцкім каналам АНТ
✔️Расея працягвае ядравыя вучэнні, а лукашэнкаўская Беларусь ёй у гэтым дапамагае. «Пужалкі» для Захаду ці рэальная пагроза?
✔️На адным узроўні з Бангладэш. Беларусь яшчэ ніжэй апусцілася ў рэйтынгу правоў працоўных