3136
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari
12006. Абдуллоҳ ибн Масъуд розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Енгил, мулойим табиатли, одамларга яқин туриб, осонлик келтирувчи кишига дўзах ҳаром қилинган”, дедилар.
Имом Аҳмад ривояти.
Баъзи инсонларнинг шундай хислатлари борки, у енгил инсон, у билан бирон мавзуда муноқаша қилиш осон, ундан бирон нарсани сўраш осон, у билан сўзлашиш осон, уни рози қилиш осон, уни кечириши осон, у билан тараддудланмай, ортиқча ўйламай муомала қилиш, келишиб олиш осондир.
Изоҳ: Ибн Масъуд розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам дедилар:
«Сизларга дўзахга ҳаром кишининг ёки дўзах унга ҳаром бўлган кишининг хабарини берайми? У биродарларига ҳожат вақтида яқин турадиган, тавозеъли ва мулойим кишидир».
Имом Термизий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
12004. Аллоҳ таоло айтади: “Албатта, Мен тавба қилган, иймон келтириб, солиҳ амал қилган, сўнгра ҳидоятда юрганларни кўплаб мағфират қилувчиман”, Тоҳо сураси, 82 – оят.
Изоҳ: Авн ибн Абдуллоҳ раҳимаҳуллоҳ: “Тавба қилувчи инсоннинг қалби шишага ўхшаб, унга теккан ҳамма нарса таъсир қилади. Уларнинг қалбларига мавъиза, панду насиҳат тезроқ етиб боради. Улар юмшоқликка жуда яқин бўладилар. Шундай экан, қалбларингизни тавба билан даволанглар! Жуда кўп ҳолларда тавба қилиш тавба қилувчини жаннатга чорлаб, охири унга киритади. Тавба қилувчилар билан бирга ўтиринглар! Чунки, Аллоҳнинг раҳмати тавба қилувчиларга яқинроқдир”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12002. Эй биродарим, Аллоҳнинг Китобини тадаббурида “Саҳиҳайн”, “Сунани Насоий”, Нававий “Риёз”и ва “Азкор”ига назар солишда давомий бўлгин, мувафаққиятга эришасан, нажот топасан.
Имом Заҳабийнинг “Сияру аъламин нубало” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12000. Изз Абдуссалом: “Тоатлардан бирон нарсага мукаллаф бўлган киши улардан айримига қодир бўлиб, айримидан ожиз бўлса, албатта у ўша қодир бўлган амали билан келади, ожиз қолгани эса ундан соқит бўлади”, деди.
“Қоваидул аҳком” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11998. Араб тилининг гўзалликларидан
“Саховат”, “жууд” ва “ийсор”нинг ўртасидаги фарқ нимада?
Саховат деб, кўпини ўзида олиб қолиб камроғини бошқага беришга айтилади. Яъни, ҳеч малолланмасдан бошқага инфоқ қилиш ва ўзида ҳам мол-мулкидан қолдиришдир. Али ибн Абу Толиб розияллоҳу анҳу: “Сахий ўзининг саховати билан жаннатга кирса керак”, деганлар.
Жууд деб, камини ўзида олиб қолиб, кўпроғини бошқага беришни айтилади.
Бунга ҳадисдан мисол: Расулуллоҳ соллаллоҳу алайҳи васаллам: “Албатта Аллоҳ покдир, покликни яхши кўради, тозадир тозаликни яхши кўради, олийжанобдир олийжанобликни яхши кўради, сахийдир саховатни яхши кўради...” , дедилар.
Ийсор деб, унга эҳтиёжи борлигига қарамай, ўзига ҳеч нарса қолдирмасдан ҳаммасини бошқага бериб юборишга айтилади. Ийсорга оятдан мисол: “Ва гар ўзларининг ҳожатлари бўлса ҳам, (уларни) ўзларидан устун қўярлар”, Ҳашр сураси, 9-оят.
Буларнинг ҳар уч кўриниши ҳам муҳтожларга инфоқ-эҳсон қилишнинг турларидир. Аллоҳ таоло бундайларни таърифлаб шундай дейди: “Ўзлари таомни яхши кўриб турсалар ҳам, уни мискин, етим ва асирларга берарлар. “Албатта, биз сизларни фақат Аллоҳнинг розилиги учун таомлантирамиз. Ва сизлардан мукофот ёки ташаккур хоҳламаймиз”, Инсон сураси, 8,9 – оятлар.
@arabicuz
iOS | Android
Instagram | Facebook | Twitter | arabicuz">Tiktok | Youtube
11996. Абдуллоҳ ибн Амр розияллоҳу анҳу ривоят қилади, Расулуллоҳ соллаллоҳу алайҳи васалламга: «Ғариблар кимлар, эй Аллоҳнинг расули?» дейилди. У зот: «Кўп ёмон инсонлар орасидаги озчилик солиҳлар. Уларнинг ичларида итоаткорларидан кўра осийлари кўп бўлиши», дедилар.
Имом Аҳмад “Муснад”ида, Табароний “Ал-Авсат”да ривоят қилган.
Изоҳ: Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: “Албатта, Ислом ғариб ҳолда бошланган ва бошлангани каби ғариб ҳолга қайтади. Бас, ғарибларга Тубо бўлсин”, дедилар.
Имом Муслим ривояти.
«Набий соллаллоҳу алайҳи васаллам дедилар: «Албатта, Аллоҳ учун энг суюкли нарса ғариблардир». «Эй Аллоҳнинг расули, ғариблар кимлардир?» дейилди. У зот: «Ўз динларини олиб қочгувчилар. Улар Қиёмат кунида Ийсо ибн Марям алайҳиссалом билан бирга бўладилар», дедилар».
Ибн Муборак “Зуҳд”да, Ожуррий “Ғурабо”да ривоят қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11994. Уларга эга бўл!
1. Сабр, чидам.
2. Ҳилм, ҳалимлик.
3. Илм.
4. Карам, саховат.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11992. Уларга яқин бўл!
1. Мухлис, ихлосли киши.
2. Вафодор киши.
3. Саховатли, сахий киши.
4. Садоқатли, ишончли киши.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11991. У ишларни асло қилма, одатланма!
1. Кибр.
2. Ғурур, манманлик.
3. Ҳасад.
4. Адоват, душманлик.
@arabicuz
iOS | Android
Instagram | Facebook | Twitter | arabicuz">Tiktok | Youtube'
✨ «Hikmatlar» ilovasi yangilandi!
Android qurilmalar uchun «Hikmatlar» ilovasiga hikmatlarning 24-qismi joylandi va jami hikmatlar soni 12 000 taga yetdi.
Maʼlumot uchun, ushbu ilova ustoz Anvar Ahmad jamlagan hikmatlar asosida tuzilgan.
Marhamat, ilovani yangilab oling va saralangan hikmatlarni mutolaa qiling. 😊
📖 Ilovani yangilab olish
* Yangi hikmatlar iOS qurilmalardagi ilovamizga tez orada qoʻshiladi, inshaalloh.
🟢 @hiloldasturlari
11988. Ким Аллоҳ азза ва жалланинг йўли, тариқатига ихлос билан хизмат қилса, тариқат азизлигига эришади. Кимки тариқат воситасида ўзининг нафсига хизмат қилса, бирон нарсага эришолмайди. “Биз Аллоҳ Ислом билан азиз қилган қавммиз”. Бу эса динлари восита қилиб дунё неъматларини емаган, балки динларида холис бўлганлар эришадиган насибадир.
Фазилатли шайх Аҳмад Фатҳуллоҳ Жомий раҳимаҳуллоҳ.
Изоҳ: Умар ибн Хаттоб розияллоҳу анҳу: “Аллоҳ бизни Ислом билан азиз қилган қавммиз. Агар азизликни Исломдан бошқа жойдан изласак, Аллоҳ бизни хор қилади”, деганлар.
@arabicuz
iOS | Android
Instagram | Facebook | Twitter | arabicuz">Tiktok | Youtube
11986. «Усмон ибн Абу Ос Набий соллаллоҳу алайҳи васалламнинг ҳузурларига келиб, «Эй Аллоҳнинг Расули, шайтон менинг намозим ва қироатимга халақит бериб, қироатда адаштиряпти», деди. Расулуллоҳ соллаллоҳу алайҳи васаллам: «Бу Хинзаб деган шайтондир. Уни сезсанг, «Аъузу биллаҳи» дегин-да, чап томонга уч марта туфлагин», дедилар. Шундай қилган эдим, Аллоҳ уни мендан кетказди».
Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11984. Тавсия
Бирон иш сенга қийин келса, садақа бер ва Аллоҳга тақво қил!
🔹«Аммо кимки ато берса ва тақво қилса...»
Натижа эса қуйидагича бўлади:
🔹«Бас, Биз уни осонга муяссар қиламиз», (Лайл сураси, 6,7 – оятлар).
@arabicuz
iOS | Android
Instagram | Facebook | Twitter | arabicuz">Tiktok | Youtube
11982. Нифоқ - ёмон нафс, пасткашлик, хорлик ва аҳлоқларнинг тубанлашувидир. Унинг соҳиби жамиятда четга сурилган, қувғин қилинган ва хорланган бўлади.
Муҳаммад Хайр Рамазон Юсуф.
Изоҳ: Мунофиқликни англатувчи сўзларнинг ўзаги бўлмиш “нифоқ” сўзи ичи бўш, ташқи кўриниши ўзгача деган маънони англатади. Истилоҳда эса сиртдан мусулмонликни эълон қилиб, ичидан унга лойиқ бўлмасликка “мунофиқлик” дейилади. Бу динимизда қаттиқ қораланган иллатдир.
@arabicuz
iOS | Android
Instagram | Facebook | Twitter | arabicuz">Tiktok | Youtube
11980. Ибн Қоййим раҳимаҳуллоҳ: “Уйланиш, оила қуришнинг неъматларидан бири пуштикамарингдан Аллоҳга ибодат қиладиган зурриётни чиқишидир”, дедилар.
“Бадоиъул фавоид” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12005. Бугунги муаммоимиз солиҳларнинг камлиги ва фосид, бузувчиларнинг кўплигида эмас, балки ислоҳотчиларнинг камлигидадир.
@arabicuz
iOS | Android
Instagram | Facebook | Twitter | arabicuz">Tiktok | Youtube
12003. Зулмга қарши курашиш Қуръоний қатъий кўрсатма бўлиб, жамиятлариимизда маданиятга айланиши лозимдир.
@arabicuz
iOS | Android
Instagram | Facebook | Twitter | arabicuz">Tiktok | Youtube
12001. Расулуллоҳ соллаллоҳу алайҳи васаллам: “Майизни ўзларингизга лозим тутинглар. Албатта у аччиқликни ўчиради, балғамни тўхтатади, асабни тинчлантиради, чарчоқни кетказади ва юракни ҳимоялайди”, дедилар.
Абу Нуъаймнинг «Тиббун набавий»даги ривояти.
Изоҳ: Ибн Қоййим майиз яхши озуқа бўлишини ва ошқозонни кучайтириб, ёдлашга манфаатли бўлишини айтганлар. Зуҳрий: «Ким ҳадис ёдлашни хуш кўрса, майиз есин», деганлар.
Ибн Аббос розияллоҳу анҳумодан ривоят қилинади: «Расулуллоҳ соллаллоҳу алайҳи васалламга майизни ивитиб беришар, уни ўша куни, унинг эртасига ва индинига кечгача ичар, кейин бошқаларга бериб юборишга ёки тўкиб ташлашга буюрар эдилар».
Муслим ривоят қилган.
Майизда калий, фосфор, кальций, магний, мис, темир, углевод, витамин В, С ва глюкоза моддалари мавжуд. Майиз антиоксидловчи моддаларга бой. Нафас олиш ва ҳазм қилиш органлари касалланишининг олдини олишда катта ёрдам беради.
Мутахассислар майизнинг бир қатор тиббий фойдаларини санаб ўтишган. Булар қуйидагилар:
1. Юқори қон босимини туширади.
2. Қондаги холестеринни камайтиради.
3. Юрак саратонидан асрайди.
4. Майиз сувда қайнатиб ичилса, йўтални босади.
5. Балғамни ҳайдайди.
6. Микроб ва вирусларга қарши курашади.
7. Антиоксидловчи хусусиятга эга.
8. Тишларга тош йиғилишига йўл қўймайди.
9. Танани заҳарли моддалардан тозалайди.
10. Ҳайз қонини камайтиради.
11. Қораталоқ, жигар ва ошқозонни фаоллаштиради.
12. Хотирани кучайтиради.
13. Йўғон ичак саратонидан асрайди.
14. Кўзни хасталиклардан асрайди.
15. Яллиғланишларнинг олдини олади.
16. Ични юмшатади.
17. Қонни тозалайди.
18. Овозни тиниқлаштиради.
@arabicuz
iOS | Android
Instagram | Facebook | Twitter | arabicuz">Tiktok | Youtube
11999. Ислом барча замон ва маконга мос келади, деманг. Аслида замон ва макон фақат Ислом билан ислоҳ бўлади.
Зуҳо Шоҳин.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11997. Аввалари олим сўзларди, оми эса қулоқ тутарди. Бизнинг замонимизда эса оми сўзлайди, олим эса сўкиш ва озорларга йўлиқишидан қўрқиб сукут қилишга мажбур бўлади.
Доктор Назол Иброҳим Оли Роший.
@arabicuz
iOS | Android
Instagram | Facebook | Twitter | arabicuz">Tiktok | Youtube
11995. Улардан эҳтиёт бўл!
1. Шайтон.
2. Нафси ҳаво.
3. Шаҳват.
4. Ёмон дўст.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11993. Уларни дўст тутма!
1. Ёлғончи.
2. Ўғри
3. Ҳасадчи.
4. Ўзига бино қўйган, худбин.
@arabicuz
iOS | Android
Instagram | Facebook | Twitter | arabicuz">Tiktok | Youtube'
Фазилатли шайх, мураббий, муҳаддис Мустафо Абу Сулаймон Надвийнинг таржимаи ҳоли ва илмий фаолияти ҳақида
У зот Миср Араб Республикасининг Дақаҳлия муҳофазаси, Мансура шаҳри, Ажа марказига тобе Санбахт қишлоғида 1374 ҳижрий сана, Рамазон ойининг 27 чиси, милодий санага кўра 1955 йилнинг 19 май кунида таваллуд топган. У отаси шайх қори Саййид Бадавий Аҳмад Сулаймоннинг энг кичик ўғли бўлган. Насаблари Али розияллоҳу анҳунинг ўғлилари имом Ҳусайн розияллоҳу анҳумога бориб тақалади. Оталари раҳимаҳуллоҳ қишлоқнинг Қуръон ва илмда шайхи эдилар. Шу билан бирга, аллома имом Шамсиддин Қовуқжи раҳимаҳуллоҳнинг ноиби, қовуқжия, шозилия тариқати шайхи эдилар.
Мустафо Надвий Қуръон, илм, зикр ва ибодатга машғул бўлган хонадонда тарбия топди ва келувчиларнинг хизматида бўлди. Унинг онаси ҳам салоҳияти, тақвои ва меҳмонларга иззат-икром билан машҳур аёл бўлган. Унинг ўзидан катта учта акаси бор эди.
🔗 Тўлиқ ўқиш: https://islom.uz/maqola/22581
🕋 @islomuz
11990. Ундан ўзга илоҳ йўқ бўлган Аллоҳга қасамки, нафси гуноҳ ва айблар билан тўлган кимса сифатида айтаманки, Қуръон тиловати ва уни эшитишдан бошқа тавбага йўлловчи, қўрқувни ҳозир қилувчи ва кўзга ёш келтирувчи ва қалбни юмшатувчи нарсани билмайман.
Аллома Абдулҳамид ибн Бадийс, “Ал-асар” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube'
11989. Ундан қўрққанидан, Унинг ҳузуридаги нарса(афв, мағфират ва жаннат)дан умид қилганидан ва Аллоҳга муҳаббати сабаб бомдод намозини ўқиш учун кўрпасидан турган бандани Аллоҳ раҳм қилсин!
У бандани уйқу лаззати ҳам, кўрпанинг юмшоқлиги ҳам (намозни адо этишдан)тўса олмайди. Эй жаннатга рағбат қилувчилар, бомдодга эътиборли бўлинглар!
@arabicuz
iOS | Android
Instagram | Facebook | Twitter | arabicuz">Tiktok | Youtube'
قال الإمام الشوكاني رحمه الله : إن الباطل وإن ظهر على الحق في بعض الأحوال وعلاه ، فإن الله سبحانه سيمحقه ويبطله ويجعل العاقبة للحق وأهله كالزبد الذي يعلو الماء فيلقيه الماء ويضمحلّ .
📒فتح_القدير
11987. Имом Шавконий раҳимаҳуллоҳ: «Албатта, баъзан ботил ҳақнинг устидан устун келса ва баъзи ҳолатларда олий бўлсада, Аллоҳ таоло уни йўқ қилади, ўчиради ва кетказади. Оқибатни эса ҳақ ва унинг аҳлиники этади. Бунинг мисоли шундайки, кўпик сувнинг устида кўтарилгани билан, барибир сув уни пастга туширади ва у йўқ бўлиб кетади», деди.
«Фатҳул қодир» асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11985. “Аллоҳ яхши сўзга қандай мисол келтирганини кўрмайсанми? У худди бир яхши дарахтга ўхшайди. Унинг асли собитдир, шохлари эса осмондадир”, Иброҳим сураси, 24 – оят.
Изоҳ: Яхши сўз, ҳақ сўз иймон сўзидир. У сўзни Аллоҳ таоло бир яхши, соғлом дарахтга ўхшатмоқда. Бу дарахтнинг асли собитдир. Унинг томирлари ерга чуқур илдиз отгани учун мустаҳкамдир. Турли шамоллар, бўронлар ва бошқа омиллар уни жойидан қимирлата олмайди. Айни чоқда, бу дарахтнинг шохлари осмонда, юксакликдадир. У доимо мева бериб туради. Иймон ҳам худди шу яхши дарахтга ўхшайди. Асли мустаҳкам. Ҳеч нарсадан таъсирланмайди. Мартабаси олий. Доимо самарасини ҳам бериб туради. (“Тафсири Ҳилол”дан).
@arabicuz
iOS | Android
Instagram | Facebook | Twitter | arabicuz">Tiktok | Youtube
11983. Ибн Қоййим раҳимаҳуллоҳ айтади:
Қалб кенгайишини улкан сабаблари қуйидагилардир:
Тавҳид: ҳидоят ва тавҳид қалб кенгайишининг улкан сабабларидандир.
Илм: албатта илм билан қалб очилади ва ҳатто дунёлардан-да кенг бўлади.
Аллоҳга инобат, қайтиш: Унга бутун қалб билан муҳаббат қилиш, Унинг ибодатлари билан неъматланиш ва Унга иқбол, пешвоз чиқиш билан қалб кенгаяди.
Барча ҳолат ва ўринда зикрда бардавом бўлиш: кўкснинг кенгайиши ва қалб роҳатланиши учун зикрнинг ажиб таъсири бордир.
Халқларга эҳсон қилиш ва имкон қадар уларга фойда етказиш: бунда мол-мулк, бойлик билан эҳсон қилиш, бадан билан наф етказиш ва турли эҳсонлар кўрсатиш ила қалб кенгаяди.
Шижоат: Чунки шижоатли инсоннинг кўкси кенг ва қалби очиқ бўлади. Бахил, зиқна эса одамлар ичида кўнгли торроқ ва қалби хасисроқ инсон бўлади.
Мазаммат қилинган сифатлардан қалб дағаллигини чиқариш: Ортиқча аралашиш, эшитиш, сўзлаш ва қарашни тарк этиш. Чунки бу ҳаддан ошишлар қалбда ғам, қайғу ва аламларни зиёда этади.
“Зодул маъод” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
11981. Анас ибн Молик розияллоҳу анҳудан ривоят қилинади, Расулуллоҳ соллаллоҳу алайҳи васаллам қачон овқат есалар, уч бармоқларини ялардилар. Сўнгра: “Сизлар таомингизнинг баракаси қаерида эканини билмайсизлар-ку”, дедилар.
Имом Муслим ривояти.
Изоҳ: Жобир розияллоҳу анҳу ривоят қилинади. Расулуллоҳ соллаллоҳу алайҳи васаллам овқатдан кейин бармоқларни ва лаганни ялашга буюрдилар. Ва: «Сизлар таомингизнинг баракаси қаерида эканини билмайсизлар», деб айтдилар.
Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
11979. Чин дўст машаққат вақтида пайдо бўлади, ёнингда туради ва сенга ёрдамчи бўлади. Дўзахга равона бўладиган инсондек торликка йўлиққан одам бўлмайди. Шундай вақтда солиҳ дўст келиб, Аллоҳнинг ҳузурида уни шафоат қилади ва у дўзахдан чиқиб жаннатга киришига сабабчи бўлади.
Дўстларингизни яхши танланг ва ихтиёрни яхшиланг. Чунки улар нажотингиз сабаби ҳам бўлиши мумкин.
Аллоҳим бизни солиҳлар суҳбати, дўстлиги билан ризқлантир!
Самир Маҳмуд.
@arabicuz
iOS | Android
Instagram | Facebook | Twitter | arabicuz">Tiktok | Youtube