11413
Тадбиркор Фируз Аллаевнинг телеграм канали. Фируз Аллаев билан боғланиш: firuzallayev@gmail.com Реклама масалалари: @asaxiymedia
Malakali adekvat menejment bilan johil menejment oʻrtasida bitta katta farq bor:
Adekvat menejment muammo chiqqanda sabablari bilan shugʻullanadi, murakkabliklarni oʻrganib, foydali yechim beradi. Burgaga achchiq qilib koʻrpani yoqmaydi. Malakasiz yoki johil menejment muammo yechimini doim taqiqlarda koʻradi. Nimadir muammo chiqsa, nimadir taqiqlanadi. Taqiq qanchalik zarar olib kelishi qiziq emas. Muhimi, taqiqlandi, endi muammo yoʻq.
@allaevuzb
"Bu oxiri emas. Bu hatto oxirning boshlanishi ham emas. Lekin, ehtimol, bu boshlanishning oxiridir."
©Uinston Cherchill
@allaevuzb
#tonggimutolaa
Қаловини топсанг, қишда қор ҳам ёғади.
Юридик йўналишга лицензия олиш муаммоси ҳали ҳам ҳал бўлмаяпти, айтишларича, “Profi University”нинг юридик лицензия бўйича топширган аризасини қандайдир кичик хатолар топиб лицензия беришни рад этиш бўйича ишлар олиб борилмоқда экан.
Лекин қандай кичик хатолар бўлиши мумкинлигини ўзим ҳам билмайман. Вазирлар Маҳкамасининг 80-сонли қарорига мувофиқ лицензия беришга ваколатли орган, яъни Олий таълим, фан ва инновациялар вазирлиги юридик йўналишга лицензия бериш учун бирор бир бошқа вазирлик, хусусан адлия вазирлигидан ҳам хулоса олиб ўтиришига ҳожат йўқ.
Аммо бизга адлия вазирлигидан экспертларни юборишди, улар ҳам келиб ҳаммаси зўр, яхши деб кетишди. Аммо эшитишимга қараганда салбий хулоса берган эмиш.
Биз университетга энг охирги лабораторияларни Хитойдан олиб келдик, мен Тошкент давлат юридик университетида таҳсил олганман, масалан, биз Германиядан олиб келган криминология лабораторияси юридик университетнинг ўзида ҳам йўқ, биз бу фақатгина шу лаборатория учун 400 000 долларга яқин маблағ сарфладик.
Энди мен Ўзбекистон Республикасида юридик лицензияга эга бўлган хусусий университетлар билан танишиб чиқишни бошладим.
Охирги юридик йўналишда лицензия олган университет Абу Райҳон Беруний университети билан танишдим.
Видео ва расмларда ўзингиз баҳо берарсиз. Мен бу университетга ҳеч қандай хусуматим йўқ, лекин университетда талабга жавоб берадиган лабораторияни мен топа олмадим. Расмлардан ҳам ўзингиз кўришингиз мумкин.
Қаловини топсанг, қишда қор ҳам ёнади деган гап бор, лекин мен ҳозирча юридик йўналишга лицензия олишнинг қаловини топа олмадим. Бизнесда қоидалар ҳамма учун тенг бўлиши керак, ўртоқлар, агар тенг бўлмаса, бизга “сизлар ҳаракат қилманглар, сизларга барибир бермаймиз, биз фақат шохи борларга берамиз” деб айтиб қўйинглар, биз ҳам умидвор бўлиб овора бўлиб юрмайлик.
P.S. Бу қор ўлгур ҳам фақат катта соққага ёнадими дейман.
@bektoshkhatamov
Сизга қайси касб ёқишини билишингиз керак, ва шу касб учун ҳаракат қилишингиз керак.
Бу энг муҳим этап!
Қўштирноқ подкастда Z авлод, ақлли авлод билан бўлган суҳбат.
🔗https://youtu.be/d_V8ZlhNLbY
Dunyoda iPhone foydalanuvchilari soni 1.5 milliardga yetibdi. Hozirda Apple bozorning 21.67 foiziga egalik qilmoqda. Qolgan qism asosan Android platformasi foydalanuvchilari orasida bo'lingan.
Ikki kundan keyin iPhone 16 seriyasi xalqaro sotuvi boshlanadi.
@allaevuzb
Ўзбекистонликлар сўнгги моделдаги iPhone сотиб олиш учун неча кун ишлаши керак?
Ўтган ҳафта Apple компанияси iPhone 16 смартфонларини тақдим қилди. Уларнинг расмий сотуви 20 сентябрдан бошланади.
“Малика” савдо марказидаги айрим дўконлар эса iPhone учун олдиндан буюртмаларни қабул қилишни бошлаб юборди. Нархлар қуйидагича:
⏺iPhone 16 – 1200 доллардан
⏺iPhone 16 Pro – 1700 доллардан
⏺iPhone 16 Pro Max – 2050 доллардан
Ўзбекистонда расмий ўртача иш ҳақи сўнгги маълумотлар бўйича 5,1 млн сўм ҳисобланади. Бу кунига 170 минг сўм дегани.
Бугунги курс бўйича 1 доллар сўмга ўртача 12 800 сўмдан айирбошланмоқда. Шундай қилиб, ўртача маош оладиган ўзбекистонлик iPhone 16 сотиб олиш учун 90 кун ишлашига тўғри келади.
iPhone 16 Pro модели учун бу 128 кун, iPhone 16 Pro Max учун эса 154 кунни ташкил қилади. Бироқ бу касбларга қараб фарқ қилади.
Масалан, банк ходимлари iPhone 16 Pro Max сотиб олиши учун 54 кун етарли бўлса, ўқитувчилар учун 225 кун керак бўлади.
Албатта, бир неча ҳафтадан сўнг нархлар анча пасаяди ва Pro Max модели 1300 доллар атрофида сотилади. Ҳисоблаш жараёни фақат олдиндан буюртма учун амал қилади.
Бошқа мамлакатларни солиштирадиган бўлсак, масалан ўртача маош олувчи америкалик iPhone 16 Pro Max сотиб олиши учун 6 кун ишлаши етарли.
Сизчи, ўз маошингизни ҳисоблаб кўрингчи? Олдиндан iPhone буюртма қилиш учун неча кун ишлашингиз керак?
Foto: Bloomberg
@bankir
Қонимда барча иллатлардан улуш сузмоқда.
Бузилган уруғ. Мен қўрқоқман! Мен жонимни ўйлаб хоинлик қиламан Ватанга! Нафсимни деб муҳаббатимга. Мен ишламай тишлайман, ўқимай институтга кираман, севгига муносиб бўлмай севаман, болани қандай тарбия қилишни билмай хотин оламан, ўлишга арзимай ўламан. Бир мен шундай бўлсам бахт эди миллатга, аммо афсус, бу иллатлар сингиб кетган аймоғимизга. У танамиздан олдин, миллатимизни кўмади қора қабрга.
©Жавлон Жовлиевнинг "Қўрқма" романидан
@allaevuzb
payme ва Alpha'дан тадбиркорлар учун тўлиқ курс!
Курс мавзулари:
- Ижтимоий тармоқлар орқали бизнесни ривожлантириш;
- Бизнесни қонунийлаштириш;
- Умумий овқатланиш соҳасида бизнес юритиш.
Барча дарслар бепул ва уларни тепадаги ҳаволалар орқали кўриш мумкин 👆
Дўстлар, ва ниҳоят Amazon Prime томонидан суратга олинган «Узуклар ҳукмдори: Қудрат узуклари» сериалининг иккинчи мавсум тақдимоти бўлиб ўтди. Сусамбил ижодкорлари биринчилар қаторида мавсумнинг биринчи учта қисмини томоша қилишди ҳамда сизлар учун ажойиб таҳлил ҳозирлашди. Хўш, Амазон ижодкорлари ваъдасида туришдими? Иккинчи мавсум биринчисига қараганда қизиқроқ чиқдими? Матбуот иккинчи мавсумни қандай қаршилади? Айнан мана шу саволларга бугун биз биргаликда жавоб излаб кўрамиз. Буюк бургутларингизни ҳозирланг! Чунки биз қадимий Ўртадунё тупроқларига йўл оляпмиз!
👉 https://youtu.be/n2bdz-5xs_Y
Biznesda boshqaruvda eng yaxshi instrument nima deb o'ylaysiz?
Raqamlar. Ha, raqamlar.
Siz har bir narsani raqamlarda qanchalik yaxshi o'lchasangiz, biznes shuncha yaxshi boshqariladi. Yaxshi o'lchangan joyda doim yanada yaxshilash uchun imkon topiladi. Shu uchun ham boshqaruv uchun eng muhim va yaxshi instrument bu raqamlar. Juda oddiy eshitilishi mumkin, lekin boshqaruv uchun eng muhim instrument raqamlar.
Biznesda hamma narsani raqamlarda to'g'ri o'lchashni o'rganish juda zarur.
Boshqaruvdan zavq olishni, xodimlaringiz kompaniyada ishlashdan rohatlanishini va mijozlaringizga mahsulotdan mamnun bo‘lishini xohlaysizmi? Avvalo, korxonadagi har bir jarayonni raqamlarda to'g'ri o'lchashni o'rganing.
@allaevuzb
Kiyim-kechak savdosi bilan shug‘ullanadigan do‘konlardan birining rahbari xato qilgan xodimni urganligi haqidagi video tarqalmoqda. Vaziyat juda achinarli. Unga huquq-tartibot organlari o‘zi baho berib olar.
Muhimi, tadbirkor do‘stlarimizga tavsiyam:
O‘zini hurmat qilgan tadbirkor hech qachon xodimni urish u yoqda tursin, hatto haqorat ham qilmaydi.
Aqlli tadbirkor xatolarning oldini oladigan tizim yaratadi. Tizimdan o‘tgan xatolarni ham yechadigan aniq qoidalar shakllantiradi.
Endi xodim bilan ishlash masalasiga kelsak, biznesda eng oson yechim, xatolarni o‘zini kategoriyalashtirish kerak:
a) Xodimni bo‘shatishga asos bo‘ladigan xatolar
b) Xodimga jarima solishga asos bo‘ladigan xatolar
c) Tushuntirish xati bilan ogohlantiriladigan xatolar
Va biznes o‘zi uchun nechta tushuntirish xati bo‘shatishga asos bo‘lishini aniqlab olishi kerak. Deylik, 3ta tushuntirish xati xodimni bo‘shatishga asos bo‘ladi yoki 3tasi ma’lum jarimaga, 5tasi bo‘shatishga asos bo‘ladi.
Va muhimi bu qoidalar ishlasa, uni to‘liq integratsiya qilsa, xatolar nazoratga olinadi.
Xodimni haqorat qilish yoki urish na insoniylikka, na etikaga, na qonunga to‘g‘ri keladi.
@allaevuzb
O‘zbekistonda internet dunyosi va real hayot o‘rtasida bir sezilarli farq bor. Bu farq Instagram inflyuyenserlari va Twitter elitasida yanada kuchli aks etadi.
Tushuntirib o‘taman, O‘zbekistonda aholining aksar qismi 3.5 - 4 million maoshga yashaydi. Hatto o‘qituvchi yoki zavodlarda ishlaydigan odamlarning katta qismi ham shu maoshga ishlashadi. Qo‘shimcha daromadlari bilan o‘rtacha maosh 5 million so‘mga bormasa kerak. Balki, faqat Toshkentda bu biroz farq qilishi mumkin. Shunda ham o‘rtacha raqamni yuqori maosh oluvchilar tepaga tortgani evaziga.
Endi kichik ozchilik o‘z hayotidan kelib chiqib fikrlaydi va go‘yoki butun O‘zbekistonda hayotni shunaqa deb olg‘a suradi. Elitaning bir qismi bo‘lgan, oylik daromadi 20 million+ bo‘lgan inflyuanser atrofida ham daromad jihatdan o‘ziga yaqinlar yig‘ilgan va bu o‘ziga xos ijtimoiy vakuum yaratadi, ularga reallik o‘zlari yashaydiganday farovon bo‘lib ko‘rinadi. Natijada, ular iPhonedan boshqa telefonni musor deb bilishadi, 3-4 million maoshlik ishni bo‘lsa quldorlik deb ko‘rishadi. 4-5 dollarni shunchaki Capuccinoga yoki 50 dollarni shunchaki kechki ovqatga o‘ylamasdan rasxod qilib yurgan odamga pastdagi 80 foizdan ko‘proq odam yashaydigan reallik haqiqatdan uzoqdek tuyuladi. Amalda, O‘zbekistonda yuz minglab, balki millionlab insonlar mana shu 3-4 million so‘m maoshlik stabil ishni topolmay yuribdi. 80 foizdan ortiq aholi 300 dollardan arzon smartfon xarid qiladi, noutbuki ham nari borsa 400 dollar, hatto 400 dollar ham aksariga qimmatlik qiladi. Kiyimni Toshkent City Malldan emas, bozordan yoki bir dona futbolka narxi 10-12 dollardan o‘tmaydigan arzon do‘konlardan oladi.
Internetda ta’sir doirasi kuchli bo‘lgan inflyuyenserlar tasvirlaydigan hayot va real hayot o‘rtasida sezilarli jarlik bor. Albatta, butun O‘zbekiston xalqi mana shu inflyuyenserlardek yashasa zo‘r bo‘lardi, lekin bu hatto rivojlangan davlatlarda ham oson jarayon emas. Reallik shuki, aholimizning katta bir qismi, butun boshli oilaga 600-700 dollardan oshmaydigan byudjet bilan yashashga mahkum.
@allaevuzb
Standartlashtirish sohasida yaxshi yangilik
2024-yildan boshlab har yili 14-oktyabr — Butunjahon standartlar kunida
➖Sanoat ishlab chiqarish va xizmatlar koʻrsatish sohalarida standartlashtirish faoliyatini samarali tashkil etgan hamda ilmiy-tadqiqot jarayonlarida eng yuqori natijalarga erishgan mutaxassislar “Yil standartchisi” mukofoti bilan;
➖Sifatli mahsulot ishlab chiqarib, milliy brendni yaratgan hamda sifatli mahsulot ishlab chiqarish jarayonlarida eng yuqori natijalarga erishgan tashkilotlar esa “Sifat sohasidagi mukofot” bilan taqdirlanadi.
Mukofotlar sohadagi mutaxassislarning oʻz kasbiga boʻlgan sadoqatini yanada oshirish maqsadida taʻsis qilindi. Ular uchun xursandman.
@allaevuzb
Birjada oltin narxi birinchi marta 2600$ dan oshibdi. Bu O'zbekiston uchun yaxshi yangilik chunki zahiraning asosiy qismini oltin tashkil etadi.
@allaevuzb
Kamera oʻrnatish tartibi toʻgʻrisida qonun qabul qilish vaqti keldi deb oʻylayman. Qayerda kamera oʻrnatish mumkin yoki mumkin emasligini aniq koʻrsatish kerak. Masalan, genekolog yoki urolog qabulida, razdevalkalarda, hojatxonalarda va hokazo. Qayerda oʻrnatish mumkinligi aniq boʻlmasa-da, mumkin boʻlmagan joylarni qonun bilan aniq belgilab berish kerak.
PS: Post maktab razdevalkasida kamera oʻrnatilganligi haqidagi bahsni oʻqib yozildi.
@allaevuzb
"Asaxiy Books" ва "Xalq banki"дан янги ўта муҳим китоб премьераси.
Ҳарвард профессори Клейтен Кристенсон бошчилигида жамодан ажойиб китоб энди ўзбек тилида.
Қашшоқликдан қутулиш мумкин. Савол эса — “қандай қилиб?”
Қандай қилиб мамлакатлар фаровонликка эришиши мумкин? Фаровонликнинг асл калити нимада? Кўплар бу саволларга турли жавобларни таклиф қилса-да, дунёдаги энг таниқли университет - Ҳарвард профессори Клейтон Кристенсон бошчилигидаги тадқиқотчилар "Фаровонлик парадокси" китобида бошқалардан фарқ қиладиган, лекин далилларга асосланган амалий ечимларни тақдим этишган.
Китобда муаллифлар нафақат АҚШ ёки Европа мамлакатлари, балки Мексика, Япония, Жанубий Корея ва ҳатто Нигерия каби турли давлатлар мисолида инновациялар қандай қилиб миллионлаб инсонларнинг турмуш тарзини ўзгартирганини очиб беради. Улар реал ҳаётий мисоллар орқали кўрсатади: нима учун баъзи мамлакатлар тез ривожланади ва бу ривожланишга нима сабаб бўлади?
Китоб сизни нафақат иқтисодиёт ва инновациялар билан таништиради, балки кенгроқ саволларни қўяди: нимага аҳоли фаровонлигини оширишга қаратилган кўплаб қарорлар муваффақиятсизликка учрайди? Бу саволлар, Кристенсоннинг илмий тадқиқотлари билан бирга, глобал ривожланишнинг замонавий муаммоларини янада тушунишга ёрдам беради.
Китоб сиёсатчилар, давлат хизматчилари, иқтисодчилар, тадбиркорлар, талабалар ва умуман мамлакат тақдирига беэътибор бўлмаган барчага тавсия қилинади.
Китоб ҳақида:
Нашрга тайёрловчи: Дилбар Ҳайдарова
Таржимон: Мадина Абдуллаева
Муҳаррир: Умида Абдусаломова
Муқова: Қаттиқ
Бетлари сони: 375 бет
Нархи: 99 000 80 000 Сўм
Буюртма бериш: asaxiy.uz/u/66ed5969a3ed3
@allaevuzb
“10 кунда панел ўрнатмасак, токдан узишаркан” — Тадбиркорларни мажбурлаш давом этмоқда
Ўзбекистон бўйлаб тадбиркорларга қуёш панелларини ўрнатиш мажбурияти қўйилмоқда. Панел ўрнатмаганлар электр токидан узилиши борасида ҲЭТК томонидан огоҳлантирилган. Энергетика вазирлиги бундай ҳаракатларни ноқонуний дейиши билан, бу ноқонуний ҳаракатлар тўхтаб қолгани йўқ.
👉 https://kun.uz/kr/15175538
Kun.uz расмий канали
Soliq qo'mitasi "Inbazar"da rasman faqat bir kishi ishlagan degan xabarni rad etib chiqibdi.
Soliq xabaridan:
Bugungi kunda Toshkent shahrida “Inbazar” brendi ostida 3 ta tadbirkorlik subyekti faoliyat yuritmoqda:
▫️"IN MAG" MChJ;
▫️"GO TREND" MChJ;
▫️"KDS SALES" MChJ.
Taqdim etilgan soliq hisobotlariga koʻra, ushbu tadbirkorlik subyektlarida 44 nafar xodim rasman ish bilan taʻminlangan.
Soliq organlari tomonidan 2024-yilning oʻtgan davrida Soliq mobil ilovasidagi “Soliq hamkor” tizimi orqali xaridorlardan kelib tushgan murojaatlar asosida , mazkur tadbirkorlik subyektlarida 17 marotaba sayyor soliq tekshiruvlari oʻtkazilib, aniqlangan huquqbuzarlik holatlari boʻyicha jarimalar qoʻllanilgan.
Shtatida 1 nafar xodim koʻrsatilgan “INBAZAR” MChJ tadbirkorlik subyekti sifatida faoliyat yuritmaydi va hozirgi paytda ixtiyoriy tugatilish bosqichida.
@allaevuzb
Inbazar masalasida birinchi kundan beri turli xil reaksiyalarni ko'rmoqdaman.
Tadbirkor qilgan ish xato, albatta.
Lekin, bazi reaksiyalar orasida MXX yetmayapti, Karimov davri yaxshi edi, bunaqalar Jasliqqa ketishi kerak va shunga o'xshagan biznesni yaxshiroq nazorat qilishga undovchi chaqiriqlar bo'lmoqda.
Do'stlar, bugungi biznes kechagi biznes emas. Hukumat 8 yil erinmasdan sohani reforma qilib keldi. Oldingidek, xayp bo'libdi deb tekshirib qamab tashlayversa, yakuni hammamizga muammoli bo'ladi.
Hozirgi holatda eng to'g'ri vaziyat qonun ishlashi bo'ladi. Zarar ko'rganlar ariza bersin, o'sha ariza asosida qonuniy jazosini olsin, kam ham emas, ko'p ham emas. Davlatning soliq sohasida ham, jinoyat borasida ham, umuman xohlagan sohada shakllangan qonunlari bor. Tadbirkorning vazifasi o'sha qonun doirasida ishlash. Qonun buzdimi, aynan buzgan qismi bo'yicha jazolanishi kerak. Undan ortiq emas.
Bitta tadbirkorni deb eski zamonni qo'msash aqlga to'g'ri kelmaydi. Bir nechta tadbirkorni deb butun O'zbekistondagi bizneslarni nimagadir ayblash va huquq-tartibot organlari hammasini nazorat qilishi kerak degan chaqiruvlar Yangi O'zbekistonga mos emas.
Vaziyatni hamma davlat organlari bilib bo'ldi, ularga o'z ishini qilishni qo'yib berish kerak. Agar, o'sha biznesdan kimdir jabr ko'rgan bo'lsa, qonun bo'yicha o'z himoyasiga chiqish kerak. Undan ortiq yoki kam emas.
@allaevuzb
Дунёда мўъжизалар кўп. Лекин қайсидир ташландиқ саҳронинг катта мегаполисга айланиш мўъжизаси ҳақида гапирмаса бўлмайди. Гап Дубай ҳақида кетиб турганини билдингиз менимча. Ташкил топганига ярим асрдан ошган Дубай аллақачон дунёнинг марказларидан бирига айланди. Бирлашган Араб Амирликларининг бунчалик ривожланишига фақат саҳрода оқиб турган нефть сабабчи бўлдими? Ёки яна нимадир Дубай, Абу-Даби каби шаҳарларни ривожланишига ҳисса қўшдими?
Саволлар кўп, жавобни эса мана бу видеодан топасиз⬇️
https://youtu.be/F1-Fv2X9geE?si=BL2kgPhFYq0DuB6Y
Ijro hokimiyatida ayol rahbarlarning sonini ko‘paytirish taklif qilinyapti
Oxirgi yillarda davlat boshqaruvida gender tengligini ta’minlash masalasi dolzarblashayotganini kuzatyapman. Hatto dunyo miqyosida ham siyosiy rahbarlikda ayollarning ishtirok etishi turli mamlakatlarda keskin farq qiladi.
Masalan, Yevropa davlatlaridan Avstriya (57,1%), Kolumbiya (57,9%) va Finlyandiyada (61,1%) ayol rahbarlar ulushi ancha yuqori. Kanadada ayollar davlat ijro hokimiyatining 50% ini tashkil qilarkan.
Ayrim mamlakatlarda esa bu raqamlar ancha past darajada: Armanistonda 7,1%, Ozarbayjonda 3% va Mo‘g‘ulistonda 6,7% atrofida ayollar rahbarlik qilarkan. O‘zbekiston yoki Markaziy Osiyo davlatlarini aytmasayam bo‘ladi — bu ko‘rsatkichlar pastligicha qolyapti.
Jamiyatda ayollarning siyosiy va ijtimoiy faolligini oshirish uchun ular qaror qabul qilish jarayonida faol ishtirok etishi kerak. Shu jihatdan, “Adolat” SDPning ijro hokimiyatida rahbarlarning kamida 30 foizi ayollar bo‘lishi kerakligi haqida taklifini ayni muddao boʻlishi mumkin.
Ijro hokimiyatida ayollarning roli kuchaytirilsa, jamiyatda ijtimoiy tenglikni ta’minlanadi, deb ta’kidlayapti partiya. Shuningdek, tadqiqotlarga ko‘ra, ayollar rahbarlik qilgan tashkilotlar yuqori samaradorlikka erishishi isbotlangan. Chunki ularning intuitsiyasi va mas’uliyatliligi muhim qarorlar qabul qilishda alohida rol o‘ynaydi.
“Adolat”ning bu tashabbusi dolzarb va oʻz vaqtida bildirilmoqda.
#sаylоv24
@allaevuzb
Aksar tadbirkorlarning muammolari o'xshash:
• Pul hisobini yuritishni bilishmaydi.
• Ko‘proq sotishga intiladilar, garchi bu har doim ham kompaniyaga foyda keltirmasada.
• Pul bilan foydani farqlay olmaydilar.
• Katta chegirmalar, bo‘lib to‘lash va kechiktirilgan to‘lovlar bilan sotadilar - faqat sotish uchun, keyin esa qiyin ahvolga tushib qoladilar.
• Biznesdan mumkin bo‘lganidan ko‘p pul oladilar, keyin esa o‘z cho‘ntaklaridan qayta biznesga soladilar.
• Rejalashtirmaydilar. "Ozgina zo‘r bersak, dunyoning barcha boyliklari bizga ochiladi!" degan tamoyil asosida ish yuritadilar.
• Xarajatlar va daromadlarni to‘g‘ri hisoblash va rejalashtirishni bilmaydilar.
• Buxgalter hamma narsani hal qiladi deb o‘ylaydilar
@allaevuzb
“Узр сўраш кринжга айланиб қолди”, — Мирзаёр Эркин
Сигма Подкастнинг Мирзо Зоминий билан сонида маркетинг, пиар, пропаганда ва шахсий қадриятлар борасида суҳбат бўлибди.
У айтган нарсаларга бир неча йиллардан бери дуч келамиз.
Ташкилотдан тортиб оддий фуқароларгача жавобгарлик олиб тўғрилаш ўрнига шунчаки узрга ўтиб олинган.
Подкастни ку́риш: https://youtu.be/Kg5InmUMzvg?si=Ipx5OksdDmGG86RT
Менинг бизнесимда бунинг иложи йўқ…
Жуда кўпчилик тадбиркорлар билан бизнесини тизимлаштириш ҳақида гаплашганимда менинг бизнесимда буни иложи йўқ, агар ўзим бўлмасам, бизнес қулайди, банкрот бўлади деб айтишади.
Шу жойида филча ҳақидаги латифа эсимга тушади. Филнинг боласи туғилганда уни кичик бир қозиққа боғлаь қўйишар экан, фил кичиклик пайтида қозиқдан чиқиб кетишга роса ҳаракат қилар экан, лекин уддасидан чиқа олмас экан.
Фил боласи каттариб боргани сари қозиқдан қутулиш ҳақида ўйламай қўяр экан, унинг бутун ҳаёти шу қозиқ атрофида кечишига ўзини ишонтирар экан ва таслим бўлар экан.
Кўпчилик бизнес эгалари ҳам ўз бизнесини тизимлаштириш ва бизнесни кўринмас тарзда бошқариш ҳақида ўйлашган, ҳаракат ҳам қилиб кўришган, лекин бир-икки марта еб қолишган ва бўлди менинг бизнесимда бу иш бермайди деб ўйлашади.
Ва бизнес каттаргани, бизнесда пул кўпайгани сайин бизнес эгасида ўзи учун, оиласи учун ажратадиган вақт ҳам камайиб боради, асабийлик ортиб боради, бизнесда пул етишмовчилиги тўхтамайди ва энг асосийси бизнес эгасида ўз бизнесига нисбатан нафрат пайдо бўла бошлайди.
Ҳақиқат шуки, ҳар қандай, ҳа, ҳар қандай бизнесни тизимлаштириш мумкин. Бунинг учун тўртта get формуласидан фойдаланиш керак, get in, get done, get done right, get out.
Бу қандай формула эканлиги қизиқми? Истасангиз, бу бўйича алоҳида қиммат пуллик мастер класс қиламан, агар қизиқ бўлса, @BektoshKhatamovBot ботига менга қизиқ деб ёзиб қолдиринг.
@bektoshkhatamov
Izzat Shukurov Yandex Uzbekistan rahbari etib tayinlandi
Payze'ning Markaziy Osiyo mintaqasiga rahbarlik qilgan, Newmax Technologies, MyTaxi, Workly kabi kompaniyalar direktori bo‘lgan Izzat Shukurov endi Yandex Uzbekistan rahbari bo'ldi.
Qayd etilishicha, u mamlakatdagi Yandex xizmatlarini rivojlantirish, shuningdek, uning texnologiyalari, mahsulotlari va xalqaro tajribasi asosida O‘zbekistondagi foydalanuvchilar va biznes uchun yangi imkoniyatlar yaratishga mas’ul bo‘ladi.
Izzat Shukurov bunga qadar texnologiyalar va elektron savdo sohasidagi kompaniyalar va loyihalarni boshqargan.
Xususan, Payze fintex kompaniyasining Markaziy Osiyo mintaqasidagi faoliyatini boshqargan, Newmax Technologies kompaniyasi direktori sifatida O‘zbekistonda Maxtrack transportni boshqarish yechimini, Workly ish vaqtini hisobga olish tizimini, birinchi MyTaxi taksi agregatorini va Express24 oziq-ovqat yetkazib berish xizmatini joriy etishda o‘z hissasini qo‘shgan.
“Mening kompaniyadagi vazifam — Yandex`ning O‘zbekistondagi o‘sish imkoniyatlarini topish va bir vaqtning o‘zida mamlakatga Yandex tashabbuslari va loyihalari orqali yordam berish”, — dedi u.
Izzat Shukurov avvalroq o'z Telegram kanalida Payze boshqaruvidan ketgani haqida post qoldirgandi.
Marketing oʻzbek tilida — @marketingbolimi
Hayotda biz munosib boʻlganimizga erishmaymiz, aksincha erishganimizga munosibmiz. Yaxshi inson boʻlish kasb boʻlmaganidek munosib boʻlishni oʻzi ham erishish uchun yetarli emas. Harakat qilib erishiladi, mana shu erishish jarayonida hayot munosib boʻlish uchun yetarli tajriba beradi.
Harakat muhim asoslardan biri boʻlib qolaveradi doim.
@allaevuzb
Sentyabr va oktyabr talabalar noutbuk xarid qiladigan oylar. Oldingi yillar Celeron protsessorda ishlaydigan eng arzon noutbuklarga chegirmalar berganmiz. Bu yil biroz boshqa yo'ldan bordik. Talaba katta ehtimol bilan noutbukni 4 yil ishlatadi. Unga Celeron protsessor va 4 GB operativ xotira 4 yilga yetarli bo'lmaydi. Oxirgi yillarda noutbuk deyarli ishlatib bo'lmaydigan holatga keladi. Shundan kelib chiqib bu yil Core i3 va Core i5 protsessorlarida ishlaydigan, juda ko'p sinovdan o'tgan ikkita eng ommabop modelga chegirma qildik. Ular super narx kategoriyada sotilmoqda.
1. Acer Aspire 3, Core i3-1215U, 8/256 Gb SSD: asaxiy.uz/u/66e3f46e4aef3
2. Acer Aspire 3, i5-1235U, DDR4 8GB, SSD 512GB: asaxiy.uz/u/66e3f49f9bc95
O‘zLiDeP partiyasining 2019 yilgi saylovoldi dasturining ijrosi haqida yozgan edim. Partiya aytmoqda, 233 ta vazifa ijrosi ko‘zda tutilgan, 220 ta vazifa bajarildi, 13 tasi bajarilmoqda
Ularni orasida tadbirkorlikka bog‘liqlari bor:
- Barcha qonunchilik hujjatlarini birlashtiruvchi yagona Tadbirkorlik kodeksi qabul qilindi
- Tadbirkorlar, korxonalar va aholi uchun soliqlar miqdori ozaydi
- Soliq turlari 13 tadan 9 taga kamaydi
- 250 ming gektardan ortiq unumdor yerlar odamlarga ajratildi, 2 milliondan ziyod fuqaro bu yerlarda ishlab daromad olmoqda
- Yerlar va binolarining olib qo‘yilishi, buzilishi tartibi qonun bilan belgilandi
- Snosga tushgan mulk uchun bozor narxida oldindan egasiga mablag‘ to‘lanadigan bo‘lgan
- Oilaviy tadbirkorlik dasturlari asosida 215 mingta loyihaga 6 trln so‘mdan ortiq kredit ajratilishiga ko‘maklashilgan
Hisobotda aytilishicha, tashabbuslarni amalga oshirish uchun 404 dan ortiq qonunlar o‘zgartirildi va takomillashtirilgan, 41 ta yangi qonun, 180 ta prezident farmon va qarorlari, 43 ta huqumat qarori qabul qilingan.