Alisher Sadullaev

06 сентября 2024 17:42

⚡️Biz sun’iy intellekt va kreativ sanoat uyg‘unligi hech qachon bugungidek muhim bo‘lmagan davrda yashayapmiz.

2-4-oktabr kunlari Toshkent Butunjahon kreativ iqtisodiyot konferensiyasiga mezbonlik qiladi. Bu yoshlarga sanoat liderlari, innovatorlar, ijodkorlar va fikr yetakchilari bilan muloqot qilish orqali ijodiy taraqqiyot shiddatini tasavvur qilish va uning bir bo‘lagiga aylanishdek noyob imkoniyatni taqdim etadi.

Shu o‘rinda, yoshlarning kreativ sanoatga qo‘shayotgan hissasi va ta’sirini e’tirof etishdan mamnunman.

Siz ham ushbu konferensiyada quyidagi havola orqali ro‘yxatdan o‘tib ishtirok etishingiz mumkin. Umid qilamanki, siz bilan konferensiyada albatta ko‘rishamiz!

Anjumanda ishtirok etish barcha uchun bepul va ochiq.

Roʻyxatdan oʻtish: https://www.wcce.uz/oz/registration

Alisher Sadullaev

06 сентября 2024 08:29

⚡️O’zbekistonlik sportchilarimiz nafaqat oltin medal oldi, balki ikki va uch karra Paralimpiada chempioni bo’lishdi.

🥇Parijda bo’lib o’tayotgan Paralimpiadada Sherzod Namozov para dzyudo bo‘yicha erkaklar o‘rtasida J2 klassida -60 kg vazn toifasida g’oliblikni qo’lga kiritib, 7-oltin medalni jamoamizga taqdim etdi, hamda ikki karra paralimpiada chempioni nomiga sazovor bo’ldi.

🥇Shuningdek, Husniddin Norbekov 16.82 metr natija qayd etib,uch karra Paralimpiya o‘yinlari chempioni bo‘lgan ilk o‘zbekistonlik sportchi nomiga sazovor bo’ldi.

🇺🇿Ma’lumot uchun, Husniddin Norbekov bundan avval Rio-2016 va Tokio-2020 yozgi Paralimpiya o‘yinlarida ham oltin medalni qo‘lga kiritgan.

@alisher_sadullaev

Alisher Sadullaev

05 сентября 2024 15:50

⚡️Bugun O’zbekiston milliy terma jamoamiz JCH-2026 saralash bosqichida KXDR terma jamoasiga qarshi maydonga tushadi.

O’yin 5-sentyabr Toshkent vaqti bilan 19:00 da “Bunyodkor” stadionida boshlanadi. Mazkur o’yinni “Sport tv” orqali to’g’ridan to’g’ri efirga uzatiladi.

✊Omad yigitlar, biz sizga ishonamiz!

@alisher_sadullaev

Alisher Sadullaev

04 сентября 2024 17:52

🇺🇿 Oʻzbekistonda endi zamonaviy kasblarni toʻliq bepulga oʻrgatadigan dastur bor

🤩 “Ustoz AI” mobil ilovasida zamonaviy kasblar bilan fanlarni bepul oʻrganishingiz mumkin.

Dasturda bilimingizni mustahkamlash uchun maxsus testlar yeching.

🪙 Testlarni yechib, ballar toʻplang va peshqadamlar safida boʻling. Kelajakda esa UstozCoin bilan sovgʻalarni sotib oling.

Kursni bitirib, Prezident farmoni asosida davlat dasturiga kiritilgan loyihaning oliy sertifikatini qoʻlga kiriting.

Zamonaviy kasb va fanlarni bepul oʻrganing: Android va iOS

Alisher Sadullaev

01 сентября 2024 09:31

Qadrli yurtdoshlar! Mustaqillik bayrami munosabati bilan sizlarni samimiy tabriklayman. Bu muhim kun biz uchun yurtimizning erkinligi, tinchligi va taraqqiyoti ramzi hisoblanadi.

Aziz yoshlar, hurmatli hamkasblar! Yurtimizning ravnaqini ta’minlashda ko‘rsatgan mehnatingiz va fidoyiligingizni yuqori baholayman.

Birgalikda erishgan yutuqlarimiz va oldimizdagi maqsadlarimiz bizni yanada kuchliroq va yagona qiladi. Oʻylaymanki, har birimizning sa’y-harakatimiz, tashabbusimiz yurtimizning rivojiga xizmat qilmoqda.

Barchangizga sog‘liq, baxt, tinchlik va yangi yutuqlar tilayman. Bayramingiz muborak bo‘lsin!

Alisher Sadullaev

31 августа 2024 21:21

🥇O’zbekistonda 4-oltin medal!

Asad Toshtemirov — oltin medal sohibi! Yurtdoshimiz para taekvondo bahslarida barcha raqiblari ustidan g’alaba qozonib, delagatsiyamiz hisobiga to’rtinchi oltin medalni olib keldi!

👏Barakalla, Asad!

@alisher_sadullaev

Alisher Sadullaev

31 августа 2024 16:31

Biz endi 37 millionlik katta xalqmiz.

O‘zbekiston hozirgi kunda aholi soni bo‘yicha jahondagi eng yirik 40 ta davlatdan biri hisoblanadi.

Bu raqamni islohotlarimiz, mehnatimiz, bilim va qobiliyatimiz bilan katta salohiyatga aylantirishimiz kerak.

Dengizga chiqish imkoniyatimiz cheklanganini inobatga olib, e’tiborimizni kreativ sohalarga qaratishimiz, ularni jadal rivojlantirishimiz zarur. Jahonda kreativ sanoat mahsulotlari eksportidan yiliga milliardlab dollar daromad topayotgan mamlakatlar ko‘p.

Binobarin, shunday mahsulot ishlab chiqarishga bel bog‘lagan ijodkor ishbilarmon-larimizni, ayniqsa, yoshlarimizni har tomonlama rag‘batlantiramiz”, - dedi Shavkat Mirziyoyev.

@alisher_sadullaev

Alisher Sadullaev

31 августа 2024 16:20

Davlatimiz rahbari O’zbekiston Respublikasi davlat mustaqilligining 33 yilligiga bag’ishlangan bayram tantanalaridagi nutqida O‘zbekistonning barcha yoshlariga murojaat qildi:

“Qadrli o‘g‘il-qizlarim, mamlakatimiz istiqboli, barcha ezgu niyatlarimiz ijobatini biz avvalo sizlarning timsolingizda ko‘ramiz.

Kelajakda turli sohalarda ulkan yutuq va zafarlarga erishib, yurtimizni dunyoga yanada keng tarannum etishingizni istaymiz.

Marrani baland oling, siz buyuk ishlarga qodirsiz!

Hamisha o‘z kuchingiz, qat’iyat va salohiyatingizga ishoning!

Davlatimiz, xalqimiz, Prezident sizlarni bu yo‘lda doimo qo‘llab-quvvatlaydi, har qanday yordamni ayamaydi”. - dedi Prezident

@alisher_sadullaev

Alisher Sadullaev

30 августа 2024 17:27

⚡️Prezidentimiz Shavkat Mirziyoyev mamlakatimiz mustaqilligining 33 yilligi munosabati bilan turli sohalar vakillariga davlat mukofotlarini topshirdilar.

Bugun halol mehnati, fidoyiligi va vatanparvarligi bilan e'tirof etilgan barcha davlat xizmatchilarini samimiy qutlaymiz!

Jumladan, yoshlar bilan ishlash bo'yicha respublika komissiyasi raisi, ko'plab yoshlarning ustozi Qahramon Qo'chqorovichni ham yoshlar jamoasi nomidan muborakbod etamiz!

@alisher_sadullaev

Alisher Sadullaev

30 августа 2024 12:04

🇺🇿Parijda o’zbek qizi rekord o’rnatdi.

⚡️Para yengil atletika bo'yicha ayollar o'rtasida T11 klassida uzunlikka sakrash bahsida ishtirok etayotgan hamyurtimiz Asila Mirzayorova dastlabki urinishidayoq 5,22 metr natija qayd etib, ushbu yo'nalishda Paralimpiya o'yinlari rekordini o'rnatdi.

🇺🇿Ma’lumot uchun. ushbu yo'nalishda avvalgi Paralimpiya o'yinlari rekordi 1996-yil Atlantada o'tkazilgan o'yinlarda ispaniyalik Ortiz Ochistkaga tegishli edi - 5,07 m.

@alisher_sadullaev

Alisher Sadullaev

28 августа 2024 10:48

⚡️Bugun, Koʻksaroy qarorgohida Prezidentimiz Shavkat Mirziyoyev Parij Olimpiadasida ishtirok etgan sportchilar, ularning ota-onalari va murabbiylari bilan uchrashdilar.

Yaqinda Prezident farmoni bilan 33-yozgi Olimpiada o‘yinlarining g‘olib va sovrindorlari, ularning murabbiylari hamda sport delegatsiyamiz aʼzolaridan bir guruhi mukofotlangan edi.

Bugungi marosimda davlatimiz rahbari ushbu yuksak mukofotlarni o‘z sohiblariga tantanali topshirdilar.

Olimpiadada mamlakatimiz ishtirokchi davlatlar orasida umumjamoa hisobida 13-o‘rinni, Osiyo qitʼasida 4-o‘rinni, turkiy va islom mamlakatlari hamda Mustaqil Davlatlar Hamdo‘stligi bo‘yicha 1-o‘rinni egallagan edi.

Alisher Sadullaev

26 августа 2024 11:59

Davlat xavfsizlik xizmati kubogi futbol musobaqalarida 3 ta yo'nalishda ham vohalik yoshlar g'alaba qozonishdi!

Mini futbol o’yinlarida: Erkaklar yo’nalishida: Qamashi tumani 3 karra 1-o’rin sohibi;

Xotin-qizlar o’rtasida: Qarshi shahar “Gungong” mahallasi jamoasi;

Katta futbol bo’yicha: Koson tumani “Yuqori arabxona” jamoasi.

Alisher Sadullaev

24 августа 2024 14:26

🇺🇿 O'zbek shaxmatchilaridan ajoyib g'alabalar!

Nodirbek Yakubboyev Abu-Dhabi Masters turnirida biror marotaba mag'lubiyatga uchramagan holda, 9 turdan 7 ochko to'pladi. Nodirbek g'oliblik bilan birgalikda 30000$ni ham o'ziniki qilib oldi.

Yana bir yurtdoshimiz Shamsiddin Vohidov ham 7 ochko to'plagan bo'lsada, qo'shimcha natijalar bo'yicha 3-o'rin hamda 8000$ pul mukofotini qo'lga kiritdi.

✊🏼 Barakalla, Yigitlar!

@alisher_sadullaev

Alisher Sadullaev

23 августа 2024 17:45

⚡️Oliy taʼlim muassasalarida yangi oʻquv yili 9-sentyabr, dushanba kunidan boshlanadi.

⚡️Akademik litseylarda esa yangi oʻquv yili 4-sentyabr, chorshanba kunidan boshlanadi.

⚡️Maktablarda esa yangi oʻquv yili 4-sentyabr, chorshanba kunidan boshlanadi.

@alisher_sadullaev

Alisher Sadullaev

23 августа 2024 06:53

Oʻzbekiston mahallalari uyushmasi tomonidan “Mahalla taraqqiyoti uchun eng yaxshi biznes loyiha” koʻrik-tanlovining respublika bosqichi gʻoliblari eʼlon qilindi va taqdirlandi.

Loyihalar tashabbuskorlari platforma orqali ariza yuborib, “Kichik biznesni uzluksiz qoʻllab-quvvatlash” kompleks dasturi ishtirokchisiga aylangan boʻlishi tanlovning asosiy sharti sifatida belgilandi.

Tanlovga kelib tushgan loyihalarni baholashda mahallalarda yangi ish oʻrinlari yaratish, aholi daromadlarini oshirishga qaratilgan biznes loyihalarga ustuvorlik berildi. 

Hududiy bosqichlarda gʻolib va sovrindor boʻlgan 42 ta loyihaga 7 mlrd. 560 mln. soʻmlik kreditlar ajratildi. 

@alisher_sadullaev

Alisher Sadullaev

06 сентября 2024 13:55

🥇9-oltin medal!

🇺🇿Tolibboy Yo‘ldashev – Paralimpiya o‘yinlari chempioni! Para yengil atletika bo‘yicha erkaklar o‘rtasida F37 klassida disk uloqtirish dasturida final bahsi yakunlandi.

⚡️Quvonarlisi, ushbu yo‘nalishda ishtirok etgan hamyurtimiz Tolibboy Yo‘ldashev 57.28 metr natija qayd etgan holda delegatsiyamizga navbatdagi oltin medalni qo‘shib qo‘ydi.

@alisher_sadullaev

Alisher Sadullaev

05 сентября 2024 16:32

⚽️Gooooooool!

🇺🇿Oʻzbekiston milliy terma jamoasi a’zosi Jaloliddin Masharipov KXDR milliy terma jamoasi darvozasiga ilk golni kiritdi.

✊Omad, yigitlar!

@alisher_sadullaev

Alisher Sadullaev

05 сентября 2024 07:36

🌐 O‘zbekiston “Inklyuziv ijodkorlik – o‘zgargan voqelik” shiori ostidagi Kreativ iqtisodiyot bo‘yicha IV Butunjahon anjumani (WCCE 2024)ga mezbonlik qiladi.

2–4-oktabr kunlari ijodkor olam vakillari Toshkentda Kreativ iqtisodiyot bo‘yicha IV Butunjahon anjumanida to‘planadilar.

Ushbu noyob anjuman dunyoning 80 dan ortiq mamlakatidan qariyb 2000 ga yaqin madaniyat va san’at dunyosi namoyandalari, rassomlar, novatorlar, siyosatchilar va tadbirkorlarni jamlaydi.

Konferensiya O‘zbekiston Madaniyat va san’atni rivojlantirish jamg‘armasi tashabbusi bilan Indoneziya Turizm va kreativ iqtisodiyot vazirligi, BMTning Savdo va rivojlanish (YUNKTAD) hamda Jahon intellektual mulk tashkiloti (BIMT) bilan hamkorlikda tashkil etilmoqda.

📍СAEx

✍️ Ro‘yxatdan o‘tish uchun havola:
https://wcce.uz/ru/registration

Instagram | Facebook | X

Alisher Sadullaev

02 сентября 2024 13:28

🥇6-oltin medal!

F41 klassida yadro uloqtirish bellashuvlarida ishtirok etgan yurtdoshimiz Boburjon Omonov 14.32 metr natija qayd etib, Tokio-2020 yozgi Paralimpiya oʻyinlarida oʻzi oʻrnatgan rekordni yangiladi va ikki karra Paralimpiyada chempioni bo’ldi.

🇺🇿Delegatsiyamiz hisobidagi medallar hozircha 6 ta oltin. 4 ta kumush va 4 ta bronza.

@alisher_sadullaev

Alisher Sadullaev

31 августа 2024 22:15

Beshinchi oltin medal!!!

Yorqinbek Odilov nayza uloqtirish bahslarida 50.32 metr natija bilan 1-o’rinni qo’lga kiritdi!

✊🏼Yashang, Yorqinbek!

@alisher_sadullaev

Alisher Sadullaev

31 августа 2024 19:10

Mustaqillik bayrami muborak bo’lsin!

Mustaqillik nafaqat imtiyoz, balki sizning qarorlaringiz va harakatlaringiz uchun mas’uliyatdir. Bu kun yangi yutuqlar va shaxsiy rivojlanishlar uchun ilhom manbai bo’lsin.

@alisher_sadullaev

Alisher Sadullaev

31 августа 2024 16:28

Prezidentimiz Shavkat Mirziyoyev nutqi davomida:

“Yurtimizda dunyodagi nufuzli oliygohlarning filiallarini ochib, O‘zbekistonni yirik ta’lim markaziga aylantirishni maqsad qilganmiz.

Yoshlarimiz yetakchi xorijiy universitetlarda tahsil olib, tajriba orttirib, Vatan ravnaqi yo‘lida xizmat qilishga bel bog‘laganlar. Buning uchun ularga “El-yurt umidi” jamg‘armasi orqali yanada qulay imkoniyatlar yaratamiz.

Ayniqsa, xotin-qizlarning bilim olishlari, kasb egallashlariga alohida e’tibor qaratishimiz lozim.

Men hurmatli ota-onalarga qarata aytmoqchiman: qizlaringizni o‘qiting, orzu-umidlarini ro‘yobga chiqarishlarida ularga ko‘makchi bo‘ling!

Ulug‘larimiz aytganlaridek, o‘g‘il bolani o‘qitsak, bir kishi savodli bo‘ladi. Qiz bolani o‘qitsak, butun oila, butun jamiyat bilimli bo‘ladi!” - dedi Prezidentimiz

@alisher_sadullaev

Alisher Sadullaev

31 августа 2024 09:00

🌳"Shahidlar xotirasi" maydonida qatag'on qurbonlari eslanib, ularning haqqiga duolar o'qildi.

Prezidentimiz tomonlaridan ularning nomini abadiylashtirish va yoshlarimizga tarixni ko'proq anglatish uchun ko'plab loyihalarni amalga oshirish tashabbuslari ilgari surildi.

@alisher_sadullaev

Alisher Sadullaev

30 августа 2024 13:13

⚡️Asila Mirzayorova paralimpiya terma jamoamizga birinchi oltinni olib keldi.

Barakalla, Asila! Ota-onangizga, ustozlaringizga rahmat.

Alisher Sadullaev

29 августа 2024 07:15

🔥Nodirbek Abdusattorov "Sinquefeld Cup"da qancha pul ishlab topdi?

Keyingi safar albatta faqat birinchi o'rinni qo'lga kiritishni tilaymiz.

Tez orada Budapeshtda bo'lib o'tadigan shaxmat olimpiadasidan oldin, jamoa a'zolarining yaxshi formada ekanligi albatta quvonarli holat.

Alisher Sadullaev

27 августа 2024 09:40

Shu kunlarda menga bir masalada murojaatlar ko'paydi.

Aniqroq aytsam, "xalqaro imtihon tizimlari bo'yicha kompensatsiya qaytarib olishda muammolar bo'lmoqda" deyishmoqda.

Misol uchun "IELTS" imtihonidan yuqori ball olganlar, kompensatsiya pulini olishda kechikish borligini bildirishgan.

Siz ham kompensatsiya olishingizda shunday muammolarga duch keldingizmi?

Alisher Sadullaev

25 августа 2024 13:50

“Besh tashabbus olimpiadasi” doirasida o‘tkazilgan DXX kubogining futbol bo‘yicha finalida Qashqadaryo viloyati, Koson tumanining Arabxona mahallasi jamoasi 1-o’rinni egalladi.

O‘yinning birinchi bo‘limida Qashqadaryo jamoasi 1:0 hisobida oldinga chiqdi va ushbu natijani oxirigacha saqlab qoldi.

Natijalar bilan tanishing:

1-o‘rin: Qashqadaryo viloyati;

2-o‘rin: Toshkent viloyati;

3-o‘rin: Andijon viloyati.

Alisher Sadullaev

24 августа 2024 08:27

🔥 Abu-Dabida katta g'alabalarga yaqinmiz

Faqat olimpiada chempionlariga aniqlik va omad kerak. Shaxsan o'zim ham jonli efirga qo'shilmoqchiman.

Savollaringizni jonli efirda kutib qolaman.

👉 https://www.youtube.com/live/8dBzN1ixoXI?si=Xe-lFX5HMpuRFb2n

Alisher Sadullaev

23 августа 2024 14:38

⚡️Parijda hammasi qanday bo'lgan edi?

G'oyaga nechi baho🔥

Supermariochi do'stlarimizga jo'natib qo'yamiz)

#supermario #superpeople #creative #uzbekistan #olympicgames #paris2024

Alisher Sadullaev

22 августа 2024 14:48

#Diqqat_tanlov📣

🇺🇿O‘zbekiston Respublikasi mustaqilligining 33 yilligi munosabati bilan Respublika Ma’naviyat va ma’rifat markazi hamda Vazirlik va idoralar hamkorligida ijodkorlar o‘rtasida Respublika ko‘rik-tanlovi e’lon qilinadi

Mazkur tanlov quyidagi yo‘nalishlar bo‘yicha bo‘lib o‘tadi:

🎥 “Eng yaxshi vatanparvarlik ruhidagi videorolik”

🎼 “Eng yaxshi  vatanparvarlik ruhidagi qo‘shiq”

🔖 “Vatanni madh etuvchi eng yaxshi she’r”