11.منبريون للشور والزنجيل🧿

22 апреля 2024 22:41

#شهادة_الامام_الصادق

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

✿الســلام علــى امام الجعفــرية ✿
◐◐◐◐◐◐◐◐◐◐◐◐◐◐◐◐◐◐◐◐◐◐◐



:
لشهادة الامام الصادق عليه السلام
لحرق دار الامام عليه السلام وتخيله الطف وآلامه بتلك اللحظه..
ونسألكم الدعاء


لا تسأل شصار ..من شبت النار
عن الحرم ادفعهه واحتركت ايديه
وشصار بيَّ من ذكرت سكنه ورقيه
............
نار ولجن بيهه سقيفه منهه لهبه
نار ولجن طف ودمه وجمرات غربه
نار وشفت بيهه شمس شالتهه حربه
نار بجدم طفله طفوف اجواهه تربه
هم جتني خطار...وعيالي بالدار
تراكضنه مثل الهجو بذيج البريه
وشصار بيَّ من ذكرت سكنه ورقيه
...........
مرني خيال ويه ركضتي يخطي ناري
شو هذا طف مو آنه جنت ابين داري
وبعيني طفله جن رقيه بدمعي ثاري
نار الي بيهه وذاك اشوف النهر جاري
نار المدامع..وصلت مسامع
توصلهه حرمه تريد لن امي الزجيه
وشصار بيَّ من ذكرت سكنه ورقيه
...........
ادفع النار بجفي خافن توصل ازغار
وكفت وذكرت آنه رضيع بسهمه محتار
ناده يدنيه عمري ليش البيج خطار
مثل السهم ووريدي كل الدنيه ماصار
سهم الذبحني .. حسين الشبكني
كلوب البشر ماكالت ارضيع وخطيه
وشصار بيّ من ذكرت سكنه ورقيه
............
لحكتنه نار وحرنه وين انروح بينه
بس شفنه زينب تركض وجتي علينه
كالت خيمنه احتركت وكلنه انولينه
عرفو تره غاب الكمر لا ما يجينه
نار بعبينه..تجوّت ايدينه
يوليدي جبت الطف واجيت بهل المسيه
وشصار بيّ من ذكرت سكنه ورقيه
............
نار وطفت خلت بقايا من اثرهه
الباب آنه اصد ورسمت بعيني صورهه
مردوده عالحايط شفت امي وكسرهه
لعنة الله اعله السطرهه وعل العصرهه
ماتكدر اتكوم..من ثكل الهموم
ياوسفه يم الباب مطروحه رميه
وشصار بيّ من ذكرت سكنه ورقيه
..............
أبو مريم الاسدي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

11.منبريون للشور والزنجيل🧿

18 апреля 2024 23:13

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


((الحضره البقيعيه))


على اتراب البقيع عـــيوني تندار
يمته أبابهم واليــــمته چـــــا ويـن
ابو محمد ضـريحه والصحن ذاك
ومجالس للسبي ومصاب الحسين

ونگابل هيامه بحروفه السلامه
بشباچه أمانه من زينب علامه

الحسن معروف طاريه
ابو الحضـــره البقيعيه
كــــــريم وكــــله حنيه .. مولاي الحسن

نَسلُ آلَ ابي طـالب
هــــوه أوالده غالب
اليزوره مايرد خايب .. مولاي الحسن

ويلاه عالبقيع ...
"""""""""""""""""""""""""""""""""""

ياحـــــلم العمر يتحقق ابيش
يمته الحضرةّ السجاد ماشين
يمته التربه ناخــذها بالعيون
ونگله سلام إيــودي الحسين

ويضمنه بضمانه ونشاهد مكـانه
ونتحسس عبرته ويرفرف لـوانه

روحه هواي مجروحه
الليل إيخـلص بنوحه
روحه بهـزله مذبوحه .. ياضيم السبي

وردو هــدمو أدياره
ولهسه عيونه تجاره
عالمسلوب وانصاره .. ياضيم السبي

ويلاه عالبقيع ...

"""""""""""""""""""""""""""""""""""

چان أزغير بس أكـبار الجروح
بگد عمته رقيه بجدمه چويات
الباقر ذكرياته طــــف الحسين
من حرگو الخيمه بالعره إيبات

وأحزانه بتربته وسنينه بعبرته
والجمره بلهيبه بنفاسه حرگته

شابت عينه ودمـــوعه
زغير ومحنيّ ضـلوعه
وعاشت بي ألف روعه .. يالعشت الركض

وهسه أدياره مـهدومه
يعني جروحه ملچومه
وحتى الگبه مضـلومه .. يالعشت الركض

ويلاه عالبقيع ...
"""""""""""""""""""""""""""""""""""

حزن مضلم نشب وياك مولاي
يل بدموع عينك تترس الجود
ياجعفر الصادق تنعى الحسين
كل دمعه التطيح اتصير رادود

والمقتل رويته بمصابك حچيته
وياجدك يويلي وبـــروحك نعيته

مــــن طفيت نيرانك
صارت خيمه بلسانك
تلهــــج وانته بحزانك .. الصادق سيدي

شيبك بالجـرح شيب
صحت ياعمتي زينب
وانته معـــذب مترب .. الصادق سيدي

ويلاه عالبقيع

"""""""""""""""""""""""""""""""""""

بعــــدچ گـــاعده أتانين الحسين
بعــــدچ للدرب مشبوحه العيون
نامي وغمضي عينچ يَ ام البنين
جــــزه ضعن الهـــواشم مايردون

مـــولاتي الحنينه مايـــرجع ولينه
مذبوحه الهواشم مسبيه الضعينه

هيه الاصــل بدويه
بس بالشوگ علويه
بيضه صـافيه النيه .. يا أم الگمر

اصيله ام الگمر هايه
صارت للـــــوفه رايه
وهيه إديـــــر القرايه .. يا أم الگمر

ويلاه عالبقيع ...

عبد زينب
محمد الابراهيمي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

14 апреля 2024 20:25

#قصائد_البقيع_1445_هـ

11.منبريون للشور والزنجيل🧿

01 апреля 2024 15:41

#قصائد_شهادة_امير_المؤمنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



🏴تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
فزاعيه

ياحيدر يوالينه
ياحيدر يوالينه
₩₩₩₩₩₩₩₩
دمك ياعلي من سال
ماتن كلهن ألامال
لاظل لافكر لابال
يفجع وضعك بياحال
كل شيعي جرت عينه
₩₩₩₩₩₩₩₩
راسك ياوصي مطبور
جن دين الولي منحور
ومن عنده الضهر مكسور
شيب ناظره الدستور
بعدو بينك وبينه
₩₩₩₩₩₩₩₩
الشيعه عليك مهظومه
ومن الهظم مالومه
بيهه النار مبرومه
جرحك راعي الحومه
فجع كلب النبي ودينه
₩₩₩₩₩₩₩₩
يتامه ياعلي بدونك
لمن غمضت عيونك
غيور وتشهد متونك
بتابوتك يحملونك
منو مثلك فده سنينه
₩₩₩₩₩₩₩₩
محمد سرك ومعناك
دين الله اندثر لولاك
بنيته ياعلي بيمناك
خوش ابن الرجس جازاك
من عنده تاذينه
₩₩₩₩₩₩₩₩
بياوضعيه جاك الموت
ماصدك عليك ايفوت
جبل وتمدد بتابوت
صوت الدين مابي صوت
اليحبك ربك ايعينه
₩₩₩₩₩₩₩₩
الخادم عبدالمعين الشمري





ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

17 марта 2024 21:09

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ




#قصائد_شهادة_الامام_علي_ع

بويه علي يا ضيم الاوداع
بويه علي راح العمر ضـاع
بويه علي لعيونك اشـتاگ
بويه علي اتودعني وبساع
____
بويه الورد بعدك ذبل والنده مذبوح بخجل
يكلف مصابك جمرة غيابك
يا عافية زينب صدگ هل مره بويه نفترگ
ليلي ونحيبه ترحل عجيبه
يالعودتني بكل فجر اسمع اذانك
بويه علي ابداعة علي ابقه ابمجانك
وين الكه مثلك يا علي انته وحنانك
كلشي يفگدك لو رحت حيدر زمانك
بويه علي والحيره بالليل
بعدك ترى يتهدم الحــيل
بويه علي والخنكه الغروب
شنهو العمر لو عني اتشيل
____
طير انكسر منه الجنح بعدك اسكت يا جرح
تكثر جروحي يتعاله نوحي
يا ريــت كبلـك اندفن يالجنت لعيالك وطن
يابو اليتامى هجرك علامه
يا خبزة الفقره صدگ حانت منيتك
دورتك ابروحي ونفس بويه لگيتك
قرائي انته ابكل فــجر بويه قريتك
مو مالت اوداع وعلي بويه ابنيتك
طفله وطلع برموشي الشيب
المن اضـــل لو عـــني اتغيب
انته الوطن وابفــيك انعيش
اكضي العمر بالونه وانحيب
__

من زغري يتمني الزمن واعيوني ما تطبگ جفن
يا نبضة الروح تبقالي الجروح
ليل وهجــر شيخلــصه عمرك علي وسفه انگضه
اه وعـبرتي ليلي وحسرتي
يا عيد هذا الي يجي بويه واعيده
والعافيه انته يا علي وصارت بعيده
اخذت عافيتـــــي يــبويه والــتريده
بس ابقه يمي يا علي امـنيه وحيده
كون ابكــبـر ننزل ســــويه
اه واسُــف رحت امــنديه
ريت بحلم يا بويـــه الصار
كبلك اروحن للمـــــنيه










_
تخنكني كل نسمة هوه يالچنت لعيوني ضوه
فگدك عماني لاوين اتاني
يالسافرت عني ورحت. احسبني من هسه متت
ما يسر حالي يالعندي غالي
مات الضوه لمن رحت يافي أماني
طفله يبويــــه والـــوداع الشـيباني
من هسه دمعي يبو زينب عاشراني
ريت وياك الأجـــل بويـــــه خذاني
حلمي انذبح والدمعه بالعين
راح العمر يا حــــلم الاسنين
يابو الوفه شيصـــــبر الروح
گلبي انفجع من هسه مرتين


خادم الامام علي ع

ناجي ابو كيان الصالحــــــي
ونسالكم الدعاء

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

11.منبريون للشور والزنجيل🧿

04 марта 2024 12:49

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

قصيده علي (ع)



تون وتنوح بكلب مجروح
زينب يم علي بحسره

زينب تنظر بدمعات لبــوهــا وتنحــب بعــبـره
تعاين جرح البراسه وتشمه اشويه من صدره
تخاف اتلچمه والمجروح تلچمه حتى بالنظره
لحظات الموادع موت چنها اتودع الــزهــــره
گلبها ايلوب تنون وتذوب
بدمعها زينب تنظره


بين الحيره والحيره تعاين مخـتـلــف وضعه
تسكت تشب بيها النار تحچي لازم بــدمعــــه
ضلت تبچي وتسولف وسوت مجلس وتنعـه
وابوها منطرح ويلوب رادت يحچي وتسمعه
حچه الكرار بدمع مدرار
وحضنها الزينب بعبره

گام اتعـايـن الراسه ينزف والـوجـه اصفـــر
تسأل والدي معــقـول انته هـــــذا ياحــيــدر
الشال بچفه ذاك الباب ويشهدله حصن خيبر
معقوله وعجيبه شلون تريد تگوم ماتگــدر
تون سكته علي انته
الضحه الناسه كل عمره

نايم حــيــدر بـيـاحـال يــنزف والجـــرح دامي
بده يحچي برفيع الصوت يزينب خلصت ايامي
يبويه العــيــد ماشوفه وبعـــد ماكمل اصيامي
لتعوفيني يازينب اگــعــدي وصـيــري گــدامي
انخفض صوته گرب موته
وگام ايوصي بالفقره


يابويه اجانه العــيـد بــدمــوع وحــزن والآم
والايام بعــدك موت بــويــه اشتـنـفـع الايــام
جبنه العمر كله احزان وانخلص العمر صيام
شلون انعيد بياحال اول عـيـد واحـنـه ايتام
اجانه العيد وانته بعيد
مشيت وجرحك اشكبره

يابويه العمر بعــدك من تمشي نخلصه بنوح
عشت مظلوم ياحيدر متت وگلبك انته جروح
شيفيد العمر بعــدك واسيوف المنيه اتـلــوح
بعدك كلنه يابويه من تـروح كـــون انــروح
نودعه اليوم علي المظلوم
ونحمد ربنه وانشكره





لاتنسون والدي وابني عباس من الرحمه والغفران
خادمكم رياض الرسل الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

05 февраля 2024 17:14

#قصائد_شهادة_موسى_الكاضم_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

آه يـــا ليــل السجن بــالمطاميــر ويـــوّن

ــــــــــــــــــــــــــــــــــــــــــــــــــــــــ






نخيت الليله أبو طلبه نخيت الليله ابو طلبه
دعيت واريد امراده واحلفه بعمة الساده
نخيت الليله ابو طلبه
***

سمعت بمجلس الكاظم حضرت واني بالخدمه
كصدت الماتمه ودمعي صب الصاحب النعمه
اعرفه صاحب امروه كريم ويوفي بالجلمه
جبير ومانشف جـوده يوزع للخـــــلك رحمه

طلبته الليله ابو طلبه طلبته الليله ابو طلبه
اروح وامشي كالعاده واحلفه بعمة الساده
نخيت الليله ابو طلبه
***


اجيت بعـــبرة اهـــمومي ودمعتي بجمرتي اجريهه
حضرت وحاجتـي بكلبي نويت ابمجلســه احجيهه
ابو طلبه دعيــــــته اليوم وادري الحاجه يكضيهه
لون صعبت عليه اهواي زينــب عمتــــه امشيهه

دعيته الليله ابو طلبه دعيته الليله ابو طلبه
كلبي الملتهب ناده واحلفه بعمة الساده
نخيت الليله ابو طلبه
***


اريد امرادي من عنده ويقني الحاجه مكضيه
لون ذكرته بالراحـــت حزينه وتبجي مسبيه
خذوهه ام عون عالناكه نحيله وتمشي محنيه
تشوف اكبالهه ايدفعون عليويه اعلــه علويه

فزعتي الليله ابو طلبه فزعتي الليله ابو طلبه
دعيت الوارث القاده واحلفه بعمة الساده
نخيت الليله ابو طلبه
***

احسن حاضر الكاظم شعوري ايباوع الناسه
تباوع روحي لألطافه واشمن عطـره وانفاسه
يشوف اكلوب اليعزوه يدري ايراقب احساسه
فاتح كلبه للخطــــــار مثل بيبـــــــــان عباسه

نحرته الليله ابو طلبه نحرته الليله ابو طلبه
نخيته ابغربة اجداده واحلفه بعمة الساده
نخيت الليله ابو طلبه
***

احجـي اوياه بدموعـــي يوفقنــــي ويباريني
ومن حقد وشرور الناس والحســــــاد يكفيني
ويداوي علتـــــي بجاهه طبيبي وهوه يشفيني
واريده بدفتره الكاظــم بالخدمـــــه يسـجلني

بجاهه الليله ابو طلبه بجاهه الليله ابو طلبه
امشي اولاده واحفاده واحلفه بعمة الساده
نخيت الليله ابو طلبه
***

ابو علي الركابي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

28 января 2024 20:14

#قصائد_شهادة_الامام_الكاظم_ع

11.منبريون للشور والزنجيل🧿

26 января 2024 20:00

#قصائد_وفاة_زينب_الحوراء_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



ــــــــــــــــــــــــــــــــــــــــــــــــــــــــ


..
ابهيده يلتشيع زينب بهيده
أخافن تعثر وبيه السبي تعيده
عن اخوته زينب صارت ابعيده
يدفنه ابو فاضل جانت اتريده
وتريد ولياهه..... وتريد ولياهه... زينب هل مسيه
.......
عاشت من بعد خوانه ابغربه
وشافت كل مصايب هلسبي ودربه
الله يساعد السجاد وكلبه
من يشوف بيه أشيع الغربه
ومحد وياهه... ومحد وياهه... زينب من اهلهه
........
ام عون علكيفك من تشيعهه
هاي ام الخدر عباس طلعهه
ما ناطق اسمها ولا أمسمعهه
امس ابكربله صبن مدامعهه
ونموت وياهه.... ونموت وياهه.... كون ابهل المسيه
.........
ياهو يرضه منكم تنسبي اخته
ويمه تنذبح كل هله و عايلته
جاه ليش علزينب شو صفت سكته
ماتت بت علي وكل ضيم شايفته
ولا تخلوهه.... ولا تخلوهه..... شيعوهه الجنازه
......
تهضم حيل ياوادم هل الجنازه
راعي هل نعش يتفكد اعزازه
غير العنده اخوه اتبين ابعازه
وزينب للكفلهه حيل محتازه
كومو دفنوهه...... كومو دفنوهه.... ظلت هل الغريبه
.......


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

19 января 2024 18:16

#قصائد_وفاة_السيدة_زينب_عليها_السلام

11.منبريون للشور والزنجيل🧿

09 января 2024 16:30

#استشهاد_الامام_الهادي

11.منبريون للشور والزنجيل🧿

20 декабря 2023 12:42

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


على لحن حلو بيارغهم

شدّوا محاملهم
وبعيني اصد الهم
هذا الزمان اشسوّه والله بحالي
ام البنين وجيت اودع الغالي
ـــــــــــــ
وي الفجر وكَليبي ضل كَارصني
ادري بعزيزي رايد ايودّعني
حضّرت دمعي وحضّرت كل ونّي
تعنّيت اله ولن شفته الي متعنّي
دمعاته بعيونه
وشفته انخطف لونه
تتعثّر الجلمه اعله طرف اشفافه
وتغيّرت من كَلّي يمّه اوصافه
شكَد صعبه اودّعهم
وبعيني اصد الهم
ــــــــــــــــــ
حين الوصل يمي اعتنيته بهمّه
مولاي كتله اوكَالّي ها يمّه
والله شكبرهه اعليّه هاي الجلمه
كلّي شرف لو روحي لحضه اتخدمه
أي والوجد قِبله
مخلوقه من اجله
شرّفني ربي وآمنت بسلامه
ابّيت الرساله من صرت خدّامه
وادخل منازلهم
وبعيني اصد الهم
ــــــــــــــــــ
يم الضعن رحنه واصد لعياله
وبس طفله ماكو من حسبت اطفاله
لنهه العليله الحيل شغلت باله
وصّاني بيهه بدمعته الهمّاله
بالدار اخليهه
خل عينج اعليهه
ابنيتي عليله وردتّج اتباريهه
والهل سبب يم الوفه امخلّيهه
وصبّت مدامعهم
وبعيني اصد الهم
ــــــــــــــــــ
عباس اجاني وابني راضع غيره
ماريد كَتله اتضل سكينه ابحيره
بعينك اعداك اعرفهه تبقه ازغيره
ها يا كَمر نورك ضوه بكل ديره
ها يا بعد بيتي
وبزينب اوصيتي
عينك عليهه يبني يا كافلهه
هاي الحنينه وانت التدلّلهه
وبس انت تكفلهم
وبعيني اصد الهم
ــــــــــــــــــ
ودّعت ابو اليمه ودمعتي ابعيني
ليش الزمان ابحسرتي امخلّيني
من ودّعتهم ما شلت جفّيني
ماعندي حيل وفركَته اتبجّيني
كَوّه وي ألآمي
شالتني اجدامي
ردّيت امشي واوكَف آنه الداري
علحسين ضلّت بيّه تسعر ناري
كتلتني فركَتهم
وبعيني اصد الهم
ــــــــــــــــــ
الشاعر محمد حسن ضيغم

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

11.منبريون للشور والزنجيل🧿

20 декабря 2023 12:20

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
يزهراء يزهراء
يزهراء يزهراء
______

روح المُصطفى .. زهراء
زَمزم والصّفا. .. زهراء
كوثر العلا .. زهراء
فاطم وكفى ..

ام الحسن ام احسين
هيه الدنيا .هيه الدين
هم أنسيه هم حوراء
مثلها ما رأت كل عين

درّه صافيه امصفايه
آيه او حيّرت كل آيه
بيها العلي يتباها
لنها منتهى كل غايه

يزهراء يزهراء
يزهراء يزهراء
___

مِسكٌُ أَضوَعُ ... زهراء
نورٌُ يَسطِعُ ... زهراء
لـٰكن أسفي .. زهراء
صابوا الأضلِعُ ..

ياويلي اشعظم المصاب
من عصروها خلف الباب
كسرو من عندها اضلوع
طاحت والدمع سچاب

الباب اصبحت محروگه
ارجاس جوگه تدفع جوگه
بسمار بل صدر ضل نابت
منه فاطمه مخنوگه

يزهراء يزهراء
يزهراء يزهراء
___

كَالنَجمِ هَوَت .. زهراء
جَنّةٌُ خَوَت .. زهراء
فِردوسُ ٱلسَّما .. زهراء
بالنارِ انكَوت ..

جنّه او عذباها ابليس
شنعاها يحادي العيس ؟
وانه ابگلبي ازغر آه
اكبر من عرش بلقيس

لا آه لا دمع يكفيني
نيران فاطمه تچويني
عمري مايكفي ابچيها
عمرين يا ألهي انطيني

يزهراء يزهراء
يزهراء يزهراء
___

جرح ابدي .. زهراء
حزن سرمدي .. زهراء
مهما ينتهي ... زهراء
فينا يبتدي ..

چن مجرى الدماء ايدور
حِزنّه يم ضلع مكسور
صرنه انعيش بس لثنين
للزهراء . والعاشور

عشنه ابهل حياة الغايه
لجلچ أن نسوي اقرايه
نلطم والدموع اتلالي
ونشد للعزاء الرايه

يزهراء يزهراء
يزهراء يزهراء
___

هـٰذي الأدمعُ .. زهراء
صَوتٌُ يُسمعُ .. زهراء
رَغمَ الضالمِ .. زهراء
باقِِ يُرفعُ ..

اشما بينه الزمان ايدور
نبقه ابهل عزاء اندور
لو يمنعنه راد الموت
ننعاچ ابوسط لگبور

دنيه وآخره ويّاكم
انوالي للذي وآلاكم
والعن روح ابو الشيخينِ
وابغض كلمن العاداكم

يزهراء يزهراء
يزهراء يزهراء
___

ذا عهدي لكِ .. زهراء
أني سالكِ .. زهراء
درب العاشق .. زهراء
انتي مالكِ ...

منچ ليچ يا زهرآء
عبد امن الف للياء
خادم وارتجي مرضاچ
چن ضامي يدور ماء

بيدچ سلّمت ناصيتي
ترضين هاذي هيه امنيتي
گلبي لجلچ احسينيه
اسكن بيها موش ابيتي

يزهراء يزهراء
يزهراء يزهراء
___

ابو فاطمة الطائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

11.منبريون للشور والزنجيل🧿

12 декабря 2023 17:21

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
شور

هي من .. بنت من ... زوج من ... ام من
فاطمه فاطمه ... فاطمه فاطمه
......
إ: (إِنَّا أَعْطَيْنَاكَ الكَوثَرَ * فَصَلِّ لِرَبِّكَ وَانْحَرْ * إِنَّ شَانِئَكَ هُوَ الأَبْتَرُ).

يا ام الحُسين ... بيج امجنين
والكوثر نهر ... يروي العاشقين
والعاب النبي ... ابتر ناصبي
انتي فاطمه ... فخر الطالبي

العيِّر ابوج ابخلفته موش ازلمه
خير الله انتي البلارض يافاطمه
شمس الله انتي الطالعه ابهاي السمه 
وكلشي اعلمودج ربنا بيدة راسمه


.....
مَرَجَ الْبَحْرَيْنِ يَلْتَقِيَانِ*بَيْنَهُمَا بَرْزَخٌ لاَ يَبْغِيَانِ*فَبِأَيِّ آلاَءِ رَبِّكُمَا تُكَذِّبَانِ*يَخْرُجُ مِنْهُمَا اللُّؤْلُؤُ وَالْمَرْجَانُ) الرحمن: 19ـ22

بحرين العطاء ... يا خير النساء ...
انتي وحيدرة .... سيد الاوصياء
واللؤو حسن ... يام الحسن
ومرجانج حُسين ... سلطان الزمن

سورة متفسرة على اللسان الرسول
والمصادر كثرة لو ردنه نكول
هالخطاب انوجهه الاهل العقول
كلش بالدنيا انخلق لجل البتول
......
فَمَنْ حَاجَّكَ فِيهِ مِنْ بَعدِ مَا جَاءَكَ مِنَ العِلمِ فَقُلْ تَعَالُوا نَدْعُ أَبنَاءَنَا وَأَبنَاءَكُمْ وَنِسَاءَنَا وَنِسَاءَكُم وَأَنْفُسَنَا وَأَنْفُسَكُم ثُمَّ نَبْتَهِلُ فَنَجْعَلُ لَعْنَةَ اللهِ عَلَى الكَاذِبِينَ) [آل عمران: 61].

بالنص الصريح ... اتباع المسيح
اتفسير النبي ... كالو مو صحيح
والهذا السبب ... بيهم من طلب
ايباهلهم يجي ... العله كلبه احب

يوم الي شافو نورج ايشع للسماء
رفضو يباهلهم رسول الله برجاء
وعرفو حقيقة سرج التحت العباء
لو ايدج ارفعت ميردلج دعاء
........
وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً * إِنَّمَا نُطْعِمُكُمْ لِوَجْهِ اللهِ لا نُرِيدُ مِنْكُمْ جَزَاءً وَلا شُكُوراً) [الإنسان: 8 ـ9].

ما مرت عليج ... اتبخلين البيدج
كل سائل يجي ... تنطينه العليج
بابج كله خير .... فرحت كل الفقير
يالجبت العمر ... خبزات الشعير

ياهو اليصوم اتلث ليالي ابلا اكل
وينطي الفقير اكله ويكله انت اكل
ما مر عليج ابليله تحجين افضل
كل التسوينه البشر عن طيب اصل
....
إِنَّمَا يُرِيدُ اللهُ لِيُذهِبَ عَنْكُمُ الرِّجْسَ أَهْلَ البَيْتِ وَيُطَهِّرَكُمْ تَطهِيراً) [الأحزاب: 33].

يا ام  الرسول ... يا اُنس العقول
من تحت الكساء ... جبريلٌ يقول
فأتاه النداء ... من عرش السماء
ياملكِ الامين ... هم اهل الكساء

هم فاطمٌ والمصطفى وبعلها
هم فاطمٌ والحسنانِ روحها
هم فاطمٌ الطهرُ البتول واهلُها
باسمكِ الربُ بدا وقالها
.......
كلمات
موسى الخادم


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

11.منبريون للشور والزنجيل🧿

02 декабря 2023 18:32

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
شوط كربلائي للزهراء عليها السلام

باب الي بلا استئذان جبرائيل ميچهبه
يحرگونه على الزهراء ويدوسونها العتبه
_______

دوسة بيت ابو الحسنين خلت بل گلب جمره
لا تبرد ولا تشفه اولا تطفيها كل عبره
تضل تسعر ليوم الدين حسره وشنهي من حسره

چا. ام الحسن تنطگ ؟؟
ومن عدها الجفن ازرگ
ولا گصة بشر تعرگ

بس حيدر يدير العين حاير ياهو اليعتبه
_____

يعين الله علي الكرار مثله يا بشر يحمل
امگيد بل وصيه او ضال بسكوت الدمع يهمل
يسمع ونّة ام احسين او ونة فاطمه تكتل

جدامه يعصروها
ومنها اضلوع كسروها
وعله خدها يسطروها

واهي كوثر إِلٓه الكون بس شيطان اليضربه
_____

من هيسوها خلف الباب عن حگ الولي اتدافع
عصروها عله الحايط حدما گامت اتنازع
او من احشاها هل بسمار ياشيعه وذر شالع

طاحت والبدن مالوم
من كل كتر يجري ادموم
ما بيها نفس واتگوم

والگوم عليها اتدوس ناس ابناس تتشلبه

_____

علي ابعينه يصد الها يشوف ام الحسن راحت
هاي ارويحته اعله الگاع من گد الضرب طاحت
ما صاحت يضلعي احا . احا يل الولد صاحت

محسن راح من ايدي
دامي او ميت اوليدي
عيد او ما يهل عيدي

زحف زحفت لعد محسن تشم ابوجهه واتحبه
_____

كل هاذه وابو الحسنين الها شابحه اعيونه
مثل لون ام حسن يا ناس حيدر منخطف لونه
اصوابه ابفاطمه چتال ما يرهم يداوونه

كلساعه نظرها وگال
لو ميت ولا هل حال
يضي عيني الهظم چتال
سحن روحي وبعد ماشوف يشهدلي السمه او كتبه
_____

تون الزهره ليل انهار ولا ساعه الجرح يسكن
وعلي يا شيعه فد ونه ويه الزهره من اتون
يحن الها ويهل ادموع واهي يمه او عليه اتحن

چا هل الاجل لو جاها
يعني يموت وياها
لذلك يوم واراها

رجع بس بالجسد للبيت روحه اتوارت ابتربه
_____

ابو فاطمة الطائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

11.منبريون للشور والزنجيل🧿

21 апреля 2024 15:17

#قصائد_استشهاد_الامام_الصادق_ع_1445_هـ

11.منبريون للشور والزنجيل🧿

18 апреля 2024 23:11

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ
لوعة البقيع

غطاها التراب انوار البدور
شوكت دهري على المايرحم يدور
صحن الها ومناير كون الگبور
والگاه منجبر خاطري المكسور
★★★★★
ياشوال بهل البيت مريت
حزن فوگ الحزن ياحيف حطيت
من اشهور السنة مرفوع ياريت
ابگلب الحجه وابحالته اسويت
★★★★★
ينظر للبقيع بگلب ملچوم
ياگبر اليزوره يشوفه مهدوم
گبور الزاهيات البيهن انجوم
غربان العليهن گامت اتحوم
★★★★★
يصد على المناير صارن ارمال
الزالتهن يريت الگوم. تنزال
حدمن يابوصالح يظل هلحال
يفتر بالقهر كل عام شوال

الشاعر حسن لعيبي الحريشاوي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

04 апреля 2024 00:46

#قصائد_شهادة_امير_المؤمنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



🏴تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
ابتده مذبح نحرك .. ابتده كسر بضهرك
وبس الله يصبرك

علي مشه


*
١

يحسين انه اختك .. يا ضي عين اختك
رايح حيدر بعد

ايام الجايه .. صعبات هوايه
ماضن منهن أشد


طبرت ابونا وطيحته فسرتلي أحلامي
لو راح ابونا ونفكَده يصير اسمك الضامي
من التله وانضر ركَبتك يذبحوها كدامي
و يا هزله اصعد يادرب شضمتلي أيامي


علي لمن يرحل .. يجيبون الهزل
امشي وما اندل

علي مشه

****
٢

من هاي اللحظه .. للحافر عرضه
احصيره يصير النعش
حضر اوداجك .. رمحك محتاجك
بنحرك طعن اثنعش



من اليوم فاركنا علي وبس احنه ضلينه
وخلينه نذكر كربلا يحسين خلينا
انه اختك ام عون اسمعت باليحصل اعلينه
لجم ديره اعرف ننسبي وجم سوك طبينه


انت يذبحونك .. انوب يسلبونك
حجار يشمرونك

علي مشه


*
٣

انه العلويه .. اطلع مسبيه
وراسك فوك الرمح
وياي تماشيني .. بهيده تحاجيني
زينب صار الذبح


وياي تمشي ونضرتك ما عافت عيوني
و راسك يهز طرف الرمح لمن يشتموني
بحجار راسك ينشمر وانضرله خلوني
ضل راسك ابصفي يكَف لمن يوكفوني



هسه اتيتمنه .. وشام اتشتمنه
محد يرحمنه

علي مشه


***
٤
يرويحت زينب .. مو هاي الأصعب ؟؟؟
العاشر فت الكَلب
حيدر شيعنا .. حيدر غسلنا
وجفنك ذاري الترب


و كل ال هاشم تنجمع وحيدر يدفنونه
لوادي الغري يشيعه الحسن وبدمعت اعيونه
بس جسمك الفوك الرمل منهو اليشيعونه
و متطشر لكثر الطعن وين اليجمعونه



ميت ومسلب .. ميت و امترب
بدمك تتخضب

علي مشه

**
٥
من عظم الطبره .. لعمامه الخضره
حلها السيف وبقت
بس ما سلبوها .. بس ما شمروها
عمامه ابطف انخذت


بس انت ذاك البي نفس وبالحافر اممرد
وانت اول انسان انذبح والنوبه يتفرهد
وبلا عمامه بنينوى فوك الثره امدد
ومن الهواشم مايصح يحسين ماكو احد


هاي شيحملها .. طلابه وشيحلها
زينب ياهو الها

علي مشه



الحمد لله




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

30 марта 2024 23:14

#قصائد_شهادة_امير_المؤمنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



🏴تهدمت والله اركان الهدى 🏴
ــــــــــــــــــــــــــــــــــــــــــــــــــــــــ





فزاعية بحق مولاي علي عليه السلام

وآويلي على الكرار
############
لجله الدنيه مطرت دم
وحيل المصطفى تهدم
ودين الله غطاه الهم
ومشتعله مهجنه بنار
############
ولجله مسجد الكوفه
ناح بدمعه مذروفه
جرحه جبير شيروفه
فجع گلب النبي المختار
############
أبد ماينجلي همنه
طاح البيت الي ايلمنه
صعب فگده يألمنه
حزنه اكبارنه وزغار
############
عليك ضلوع محنيه
مصابه بي خصوصيه
برحيله ابو الحنيه
نلطم والدمع مدرار
############
راح البيه الكفايه
ننوح الصاحب الرايه
نون بدموع جرآيه
اذانه الفلك من دار
############
يتامه اصبحت من دونه
ومثل زينب المصيونه
كل منه انخطف لونه
گلبنه اخلافه ظل محتار
############
الخادم عبدالمعين الشمري



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

12 марта 2024 19:11

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ


شوط كربلائي بحق الامام علي (ع)
( زينب والعباس )



زينب بالدمع والنوح گعدت يمه تتحسر
تعاين مره للعباس ومره اتعاين الحيدر

١

حيدر يمها ويعاين گوه يلفظ انفاسه
عرفت راح ابوها اليوم يودع دنيته وناسه
تعاين طبرته شافت چبيره الطبره البراسه
لبوها حارت بأمره
چبيره شافت الطبره
اختنگت زينب بعبره
المنظر قاسي ياهالناس شلون اتحملت المنظر

٢

زينب گربت يمه تشمه گامت بصدره
يبويه اتگله احچي وياي اموتن خاف بالحسره
امشي اعليك اعز الناس الحبيبه فاطمه الزهره
صد يابويه حاچيني
وارحم كل دمع عيني
بعذابي لا تخليني
وحيدر گوه شال الراس ولون الوجه صار اصفر

٣

برفيع الصوت حاچاها يگلها يابعد روحي
الكلام وياچ يابويه يزينب بلسم جروحي
وگام يعاين العباس ويگلها كل سبب نوحي
راح الوحدچ اتضلين
وكلشي بعمرچ اتشوفين
اوصيچ واسمعي زين
المصايب من تشوفيها صيري للصبر مصدر

٤

صد حيدر لعد عباس وگام الروحه يسألها
اي عباس بس عباس لعد زينب كفو الها
واهنا كلم العباس وگله انته كافلها
رد عباس خادمها
وشحده اليكلمها
كون الزهره ترضه امها
اصيرن خادم الزينب وتجازي الزهره بالمحشر

٥

زينب بعد ماعرفت اشوصه بيها واليها
گامت تنظر العباس وخلت ايده بيديها
كفو منك بماي العين واختك ماتخليها
وزينب تنظر ابدمعه
لبوها وگامت اتودعه
ياعباس ارد انعه
زينب تنعه والعباس يمها يبچي واتصور

٦

وهنا ودعت زينب ابوها بدمعه سچابه
والعباس يمها ينوح ويبچي بنار لهابه
حيدر غمض عيونه بأخر لحظة امصابه
وزينب صاحت بأحساس
بحضني جيب خلي الراس
وخلي انشمه ياعباس
هذا اخر وداع النه بعد للضيم نتحضر





شاعر اهل البيت (ع)
رياض الرسل الجابري



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

11.منبريون للشور والزنجيل🧿

03 марта 2024 17:33

#قصائد_استشهاد_الامام_علي_عليه_السلام_

11.منبريون للشور والزنجيل🧿

29 января 2024 17:06

#قصائد_شهادة_الامام_الكاظم_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ


الامام موسى بن جعفر عليه السلام

زاير اجيتك يا امامي
يالكاظم بحبي وغرامي
دمعاتي ترسلّك سلامي

زاير اجيتك يا امامي
................

گلبي وربّي. يشهد علية بزغري حبيتك
ناذر. زاير. ياموسى بن جعفر تعنّيتك
عارف شايف. نور الله يضوي ويسطع ابيتك
مهدي. تهدي. لدرب الهدايه سيدي ألگيتك

ياموسى بن جعفر دخيلك
مولاي اجيتك اشتكيلك
بالاخره بيك اعتصامي

زاير اجيتك يا امامي
...............

ناعي. وساعي. لزيارتك مولاي يالكاظم
تدري عمري. خلّصته الكم سيدي خادم
لطفك. عطفك. انت الرحيم الترحم الوادم
ودّي وعهدي. خادمكم ابقه لطلعت القائم

عالموعد احضر بالزياره
وعيوني تنظر للمناره
اشكيلك وتسمع كلامي

زاير اجيتك يا امامي
...............

جيتك لبيتك. يدفعني حبي وشايل الرايه
غالي ابّالي مولاي اواسي گلبك الغايه
جروحي بروحي. ياموسى بن جعفر الك آيه
اسمك. حلمك. دروس افهمت من حلمك هوايه

انت اللذي ذلّيت هارون
لمّن صبرت بسجنه مسجون
متحمّل لدينك تحامي

زاير اجيتك يا امامي
...............

احلف وهتف. للكاظميه روحي ملهوفه
اعلم وفهم گبرك ملائك تنزل اطّوفه
يروي. يضوي. من ابعيد گبرك يسطع انشوفه
النه. جنة. اتمنّه يا مولاي ماعوفه

ابابك اشم ريحة مُحَمَّد
جنّة وتشع مو چنّه مرقد
ماي الزيارة وانه ضامي

زاير اجيتك يا امامي
...............

عندك. عبدك. ياموسى يامولاي سجّلني.
اخدم ورسم. صوره لوجودك خالده بذهني
مثلك. لجلك. تهمل دموعي وبالگلب حزني
حزنك سجنك. يبقه بخيالي ومايفارگني

بالسم تگطع چبدك وذاب
بطاموره ظلمه وفرگة احباب
يمك بداياتي وختامي

زاير اجيتك يا امامي

#سيد_زيد_الفحام
_______________________________

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

11.منبريون للشور والزنجيل🧿

27 января 2024 21:13

#قصائد_وفاة_السيدة_زينب_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴زينب وياهي المثل زينب تكون الصبر بس من عدها يتعلم صبر🏴
ــــــــــــــــــــــــــــــــــــــــــــــــــــــــ


وفاة مولاتي جبل الصبر زينب الحوراء عليها السلام
=====
اه من الايام. جابتني للشام
صعبه وثكيله المسأله
وبروحي شام وكربله
وجنازي الآلام
==========
اه يلوعه غربتي وذيج المصايب
الموت اجاني ومااجو يمي الحبايب
لكربله مشبوحه عيني وصرت اراقب
حيل تعبانه وبعد كثره المتاعب
ماجوني الاعزاز. ماعندي جناز
متروسه بس كرب وبله
وبروحي شام وكربله
وگليبي محتام
==========
اشكد تمنيتك يخويه حاظر تكون
بيدك اتسبل اديه تغمض العيون
ردتك بصوتك تصيح وي اليصيحون
انا لله وانا اليه راجعون
تمنيت الحسين. ايغمض العين
اطشر شملها العايله
وبروحي شام وكربله
شيكضي الاحلام
==========
الليله ليلتكم يخوتي ماتجوني
خلافكم ناس الغرب ها شيعوني
كوموا شوفوا من الدمع حمره عيوني
وين وين اهل المحنه الضيعوني
يوميه عالباب. اتنطر احباب
زينب غريبه معلعله
وبروحي شام وكربله
وجروحي الاسهام
==========
ليش هيجي ومااجه طارش اليه
وحشه وحشتكم جبيره المغربيه
تارسه الهضمه حياتي وبس اذيه
جانت اسباب الوفاة الغاضريه
مشتاگه لثنين. عباس وحسين
بسم الله اقره البسمله
وبروحي شام وكربله
يادهري وشضام
==========
بالكبر حين انزلت اهمس يدفان
صوتي مبحوح وضعف من كد الاحزان
شيل شوفك بالعدل فتحها الاجفان
ها اجو ها مااجوني اعز خوان
لتهيل التراب. منتظره غياب
لو مااجوني معظله
وبروحي شام وكربله
من تعبي مانام
==========
كلشي راح ومااضن واحد يجيني
لااخوتي ولا ابوي ولا بنيتي
فحط گلبي من القهر واشتد حنيني
ارد اشوف حسين مشتاگتله عيني
وبگلبي لوعات. واشكد معانات
مكفوله صرت وكافله
وبروحي شام وكربله
جن حسرة ايتام
==========
تمت ولله الحمد/ المقصر مع الحسين
✍ علي النائلي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

11.منبريون للشور والزنجيل🧿

20 января 2024 16:32

#قصائد_وفاة_السيدة_زينب_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴زينب وياهي المثل زينب تكون الصبر بس من عدها يتعلم صبر🏴
ــــــــــــــــــــــــــــــــــــــــــــــــــــــــ



آه يزينب يزينب يزينب ... آه يزينب يزينب يزينب

دمعــﭻ ابروح الزمـــن تـــــارك عــــلامـــــــه
آه يزينـــب لمـــن اتــلمـــــــي اليتـــامـــــــــــه
يلي ﮔضيتــــي العُمــــر ماكــــــو سلامــــــــــه
اشعنـــــــــده ويـــاﭾ الحـــــزن يشمـر سهامه

وينـــه عبــــاس التـــرك ظهــــــرﭾ يـــــــورم
عـﮔبـــه شمـــــر ابصــرختـــــه بهلـــﭻ يشتـــم
حالــﭻ ابــلايــــه الـﮔمـــــر حـــــال التيتـــــــــم
لوحــــة آلامـــــــﭻ قهــــــــر بالدنيـــه مرســــم

اشـﮔـد بـﭽيتـــي وما نفــــــــع بـﭽيــــﭻ يحـــــره
يا حــزينــــه وياهـــو مثلـــــﭻ دمعــــه عمــــره
الضحكـــه متلــــوﮔ اعلــه وجهـــــك والله حسره
آنـــي ما شــايـــف ﮔلــــب يتحــــده صبــــــــــره

يا عجـــب ﮔلبــــﭻ ولا وﮔفـــــت نبضتـــــــــــــــه
وأنتـــــي شفتـــــي احسينــــﭻ الحــزوا رﮔبتـــــه
هــذا يا مـــوقــف اخـــوهه اشـوفــه اختـــــــــــه
مــوقفــﭻ ريحـــة جــــرح بيــــه شهـﮔتــــــــــــه
.................... كرار الحسينات
▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

11.منبريون للشور والزنجيل🧿

10 января 2024 20:45

#استشهاد_الامام_الهادي

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#شوط_كربلائي

سامــــره إبحــزن وإهمــوم === علي الهادي گضــه مسموم
ــــــــــــــــــ
علي الهادي إمام الخيــر == گضه عمره الولي إبآهات
واجه زمرة التكفير == بالدين إو يشع آيات
على نهج الرساله إيسير == ما خالـــــــــف أبد هيهات
أسير إمن الوطن جابوه == إبن حيــدر علي إيعرفوه
بس ما گدروا إيذلوه
شجاع إو ما تهمـّه إغيـوم === علي الهادي گضــه مسموم
ــ
يشيعه بالحـــــزن والآه == عزّوا الشافعه الزهره
رحل إبن النبي ويلاه == وإبگلبه ألـــف جمـــــره
بگــه نور الأبي وإضواه == يضــوي الدنيه من فكره
فكر بيه الخلاص التام == من كل معضلـــه إو آلام
كتبت تمدحه الأقلام
من كل الزلل معصــــــــوم === علي الهادي گضــه مسموم
ــ
يبو الغيره يماي العين == شاركنــــــه العزه مولاي
يغايب إحضر إبهل حين == وإبچــي عالولـــي ويــّّاي
محبتكم عماد الدين == عليكم نازفه عيناي
يريتك حاضر إويانـه == تشوف الصار مولانه
صرنه إبولية إعدانه
نعزّيك إبگلب ملچـــــــــــوم === علي الهادي گضــه مسموم
ـ
وينك يا أملنه الغاب == تعــال إو شوف محنتنه
بدت يوم الضلع والباب == والنيــــــــــران آذتنـــــــــه
كل شيعي دليله إنصاب == وأسهــــام الغدر جتنــــــه
يكرهونه إبحقد أشرار == لأن حبنــه العلي الكرار
ثبت عدنه إو أبد يندار
نادينــــــــــاك يامظلــــــوم === علي الهادي گضــه مسموم
ـــ
مودّتكم أمـــــــُر واجـــــب == يـَهـَل بيت النبي المختار
نتنطــــّر يجي الغايب == يصول إبهيبة الكرار
يحل منصور وإيطالب == بالثــــــارات يا أبرار
نصير إوياه منصورين == يحييــــه العدل والدين
وإنظل للمجد ما شين
ما نتـــــــــرك ولينـــــه دوم === علي الهادي گضــه مسموم
ـــــــــــــــــ
مع تحيات شاعر اهل البيت / جابر النجفي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://t.me/joinchat/Dw92Dj9pmspR5uHfACGjlA
▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

11.منبريون للشور والزنجيل🧿

24 декабря 2023 20:21

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






((ام البنين))


حزمتي ولـــدچ بالعشگ ياطاهره
والأولـه انـــتي بـــالـــــوفه للاخره
تحشمين جعفر وأنتخيتي بيا عون
وعبدالله والعـــباس سبع الگنطره

صرتي بفخـر آيه وموكب ومشايه
وحتى النهر منچ منـــچ أخذ مايه
خيمةّ گمر هاشم بسمــچ مسمايه
يانورس الشـاطي وبالخدمه تچايه

يــاقبلةّ الخدمه
ياصادقه الكلمه
الّـــمطشر أتلمه .. أم البنين

أمــ الــــــوفه كله
بيچ العشگ يحله
ونقــدره ونجــــله .. ام البنين

ام البنين
ام البنين ...
"""""""""""""""""""""""""""""""""""'''''''''''

حزمتي روحچ بالصبر وأعـله الهجر
ويجري العمر وتخلص اشواط العمر
تــــانيتي ضعنچ والمســــافه وتبتعد
گــــد ما سهرتي .. الليل منــچ يعتذر

مولاتي بس انتي حضرةّ حزن صرتي
بالدمعه معروفه للضعن نـــــاطـرتي
وعـيونچ بحــيره وشــگــد تــــأملـتي
ماغمضت عينچ مــــــولاتي ساهرتي

حزنچ فلا گاضي
بالحاضر وماضي
يا أم گلب راضـي .. ام البنين

ياراضي بـالقسمه
واللچمه عاللچمه
هوه العشگ شمه .. ام البنين

ام البنين
ام البنين ...
"""""""""""""""""""""""""""""""""""'''''''''''

صيوان صرتي والدلائل واضحه
والخدمه بسمچ ياتجاره الرابحه
حـــتى بصلاتي أذكرچ يمّ الوفه
لمن أصــــلي أذكــــرچ بالفاتحه

أذكـــــر تســـآهــيلچ وبالمجلس أبچيلچ
مــــن كربله الگـبرچ دمعـــــات أوديلچ
ومــن ألطم الحـزنچ اسجــــد وأصليلچ
وبيت اعله گد حالي بـــــوراقي ابنـيلچ

لــو أسمچ اتعده
چن آيةّ السجده
أسجـد ومـــارده .. ام البنين

يـــــابيضةّ النيه
بدويـــــه علويه
وبالغربه مسبيه .. ام البنين

ام البنين
ام البنين ...
"""""""""""""""""""""""""""""""""""'''''''''''

من ودعچ عباس و وداعچ حله
گلتيله اعـــگد شيلتي يابو الهله
يمه اريدك بالحرب لمـن تطب
ويه الزلم والخيـــل تشرد كربله

حي الله عباسي يامعصب الراسي
يا نخـــوتي يبني يوليدي يحساسي
ياحــــامل الرايه ياريتي وأنفــاسي
لاتهجـــع بساعه حَـيّ الله نوماسي

آنه امك اسمعني
ياسيــدي ويبــني
بحچــــايه طمني .. ام البنين

بحچــــايه يمرتب
مـــو گلبي اتعذب
بهذا الضعن زينب .. ام البنين

ام البنين
ام البنين ...
"""""""""""""""""""""""""""""""""""'''''''''''

صاح وغلاتچ يــــاعزيزه وأبشري
زينب ييمه ساكـــــنه في ناضري
سعر الرجوله بكــربله يرجع ورى
چه آنه واگف والرجوله بخاطري

تدرين أنه الغالي بقــوالي وفعالي
آنـــه ابنچ الهيبه ياهــــو التدنالي
واليبرز الســيفي يرجع بشر خالي
والنيبه مــيداني والحرب تحلالي

لو جردت سيفي
ياحومتي بكـيفي
وزلزالي بحــيفي .. ام البنين

لو زينب تـــأشر
الهوى ومــايعبر
المشرعه أتفطر .. ام البنين

ام البنين
ام البنين ...


عبد زينب
محمد الابراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

11.منبريون للشور والزنجيل🧿

20 декабря 2023 12:28

#قصائد_وفاة_ام_البنين

11.منبريون للشور والزنجيل🧿

12 декабря 2023 17:22

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
لسان حال امير المؤمنين ع
يخاطب ملك الموت

ياملك الموت .. لا تاخذ فاطمه
....
....
كلشي بالدنية يحبهه ... طيبة الله بنص كلبهه
بالصلاة اتناجي ربهه ... وتدعي للناس الغرب

بالصلاه ليلتهه تكضي ارويحتي فاطم
كبل ما تدعي الولدهه تدعي للوادم
رحمة الله وكل حنانه بيها متلازم

يا ملك الموت ...عاود رد للسمه

........
كل صباح وكل مسية ... فاطمه اتسلم عليه
صعبه تاخذهه امن ادية .... روحي بيهه معلقه

روحي اخذها اوية الزجية لا تخليني
ابلاية ام بيتي وجهالي شلي بسنيني
الدنيا وحشه ابلا نفسه ومظلمه بعيني

يا ملك الموت ... داري اظل مظلمه
......
اخذ مني كلشي عندي ... وعوف الي الزهراء سعدي
ما تخيل ابقى وحدي ... عايش ابلا زهرتي

حتى لو عافيتي تاخذ قابل بكلشي
النفس يصعب علية الزهره من تمشي
فاطمه اقرب الي من حاجبي ورمشي

يا ملك الموت ... ابجي اعليهه دمه
......
خل اودعهه التحبني ... كبل ما تاخذهه مني
من بعدهه يعله وني ... ساعه خلني اوياهه اضل

ياملك مو سهله صعبه تاخذ العشره
خل اودعهه اعله كيفي ابدمعه وبنظره
كلشي بيه ايصيح ويلي ويلي عالزهره

ياملك الموت ... ريت بعيني العمه
.......
اشلون راح احفر كبرهه... العايشه بروحي عمرهه
كسرتي اخ اشكبرهه ... بيدي ادفن من احب

ما حسبت احساب ادفن بيدي غاليتي
الهه دفان انه اصيرن هايه تاليتي
أشلون اغطيهه بتراب وارجع البيتي

يا ملك الموت ... حسين اتيتمه

......
كلمات
موسى الخادم


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

11.منبريون للشور والزنجيل🧿

02 декабря 2023 18:32

‏مقطع صوتي من اللهم صل على محمد وآل

11.منبريون للشور والزنجيل🧿

16 ноября 2023 20:02

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
الفاطميه
الامام علي يتكم عند دفن الزهراء
.
.
.

رديت وانـه ابگلبي حسره
والبيـت بـي ريحـة الزهره
امنتذكر .. اتحـسـر .. اتــنطـر
المــوت

__

السمه احـس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمـه وينــچ والـصـده حاچاني
تــوَك الزهــره ادفنــتــها گــال لـي وبچاني

انهاريت ماضل حيل بيه
وَنيـت عــالزهـره الزچيه
واتـعـثر .. اتحـسر .. اتنــطر
المــوت

__

چــنت مــن بيــتي اطـبه اتــرد الــي عافــيتي
هسه احـسن روحــي تطــلع لو دخلـت البيتي
الله وحده هـــوه يـــدري ويعــلم ابوضــعيتي
امنيتي بس الموت هسه اوين احصل امنيتي

اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
المــوت

__

امـن انظـر الوجه الزچـيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي

مديت دمــعاتي عـــلى الباب
وخطيت حزني بوجه التراب
واتطشر .. اتحــسر .. اتنــطر
المــوت

__

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها عالوجـه مسطوره

خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
المــوت

__

لمــن زيــنـب ناشــدتنــي ويــن امـــي رايـــحه
الاعمه شاف دموع عينــي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه

احتاريت زينب شرد اگلها
حسيت هالمحنه اشـثگلها
واتوذر .. اتحسر .. اتنطر
المــوت
__
تمت والحمد لله
حيدر تركي الكربلائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi