Telegram-канал ahmed_alziwar1 - 1.مؤسسة منبريون الحسينية🧿: Unsorted

1.مؤسسة منبريون الحسينية🧿

21 October 2026 22:18

بصوت. مسلم المطيري

جرح ماكو نضيره
مضى بفترة قصيره

كلمات الشاعر
ثائر الربيعي

1.مؤسسة منبريون الحسينية🧿

19 October 2026 23:55

#قصائد_شهادة فاطمه الزهراء_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

‏❤"وعلى أضلاعِكِ المَكسورةِ سلام."💔
‌‏ــــــــــــــــــــــــــــــــ

قصيدة ( أمي )
التي تروي معاناة الامام الحسين عليه السلام عند وفاة امه الزهراء ودخوله عليها في اول لحظات وفاتها
كتبت بالدموع قربة لله تعالى
نسألكم الدعاء

،،،،،،،،،،،،،،

أمي ،، يا وسفه ما حظنتني من حظنيتهه
أمي ،، هالمره چلمة يمه ما سمعيتهه
ونتهه والصوت اختفى
لو ميته لو مرهه الشفى
أمي ،،،، أمي

،،،،،،،،،،،،،،،،،،،،،،،،،،،،،

هاي أول مره يمه ما أحس باحضانچ
چنتي تتلگيني يمكن هسه ضلعچ خانچ
لا نفس لا چلمه يمه گمت اجر بردانچ
انه يمه حسين انه شغيراهه الوانچ

گومي ،، هاي الضلوع اتعنتچ بردانه
گومي ،، حاچيني يمه الدنيا ما خلصانه

محتاج بس لحظة دفى
لو ميته لو مرهه الشفى

أمي ،، أمي

،،،،،،،،،،،،،،،،،،،،،،،،،،،،،،،،،،

   يمه خليني اعله صدرچ گلبي زايد خوفه
شفت ابوي ينوح يمچ مو نفس ما اشوفه
يمه قالع باب خيبر ! هم تطيح چفوفه ؟
يمه هاي الساعه روحه چنهه راح اتعوفه

حيدر ،، وردة حياته بلا ذنب مگطوعه
حيدر ،، ظهره انحنه لا والله حتى ضلوعه

يا فاطمه شنهل جفى
لو ميته لو مرهه الشفى
أمي ،، أمي

،،،،،،،،،،،،،،،،،،،،،،،،،،،،

والله يمه السكته تجرح أحچي بس حچايه
اتيتمينه ازغار يمه هم رضيتي بهايه
يمه هالجابت عباتچ فرشت امصلايه
گومي صلي تصيح زينب لا تموت الايه

يمه ،، حتى محراب الصلاة يريدچ
يمه ،، فتحي عينچ خلي ابوسن ايدچ

علدنيا من رحتي العفى
لو ميته لو مرهه الشفى
أمي ،، امي

،،،،،،،،،،،،،،،،،،،،،،،،،،

والله منچ ما شبعنه يلحنينه الدافيه
يمه بس نعمة وجودچ هاي كلش كافيه
أمي من ترفع اديهه تنزل النه العافيه
أمي الله يحب حچيهه شگد عظيمه وصافيه

وينچ ،،   يا بيت يبقى وانتي ما موجوده
وينج ،، من هسه بيبان الفرح مسدوده

ظلينه ريشه بعاصفه
لو ميته لو مرهه الشفى
أمي ،، أمي

،،،،،،،،،،،،،،،،،،،،،،،،

يمه بيت بلايا صوتچ والله مثل الهيمه
ندري ابونه الخيمه لكن انتي أم وخيمه
وجهه خالي الماتت امه وگلبه زايد ضيمه
يمه حتى الماي يعطش من تعوفه الغيمه

دمعه ،، اطيح مني وتنتهي اعله چفوفچ
دمعه ،، ما بيهه خير عيوني لو متشوفچ

بيه الحزن دايم صفى
لو ميته لو مرهه الشفى
أمي ،، امي
،،،،،،،،،،،،،،

وين اروح وليلي وحشه وبالدمع غطانه
لو افز بليل اباوع علغرف بردانه
يا حظن ما نلگه مثله يمه ظلي هنانه
أمي لو نطلع تسمي اتطش عمرهه ويانه

راحت ،، غطوهه بتراب الجنت وياهه
راحت ،، ضحكتهه ماتت وي طعم ملگاهه

منهه الرمل وسفه اكتفى
لو ميته لو مرهه الشفى
أمي ،، امي

كلمات الخادم /   رعد الفريجي
ثوابها الى روح والدتي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA